إشعار مهم لمقدمي الطلبات من القنصلية العامة لإسبانيا في وهران
بدءًا من 13 أكتوبر 2024 :
يجب تقديم الطعون ضد رفض تأشيرة شنغن إلى مركز طلبات التأشيرة BLS International، يوميًا من الساعة 1:00 ظهرًا حتى 3:00 مساءً.
آخر موعد للاستئناف هو 30 يومًا من تاريخ الإخطار بقرار الرفض.
توزيع المواعيد لحجز تأشيرات شنغن بدءًا من 10 نوفمبر 2024:
ORAN 1:
للأشخاص الذين لم يحصلوا على تأشيرة شنغن من قبل أو حصلوا عليها قبل عام 2020.
ORAN 2:
للأشخاص الذين حصلوا على تأشيرة شنغن بعد 1 يناير 2020 وصالحة لمدة ستة أشهر أو أقل.
ORAN 3:
للأشخاص الذين حصلوا على تأشيرة شنغن بعد 1 يناير 2020 وصالحة لأكثر من ستة أشهر وأقل من عامين.
ORAN 4:
للأشخاص الذين حصلوا على تأشيرة شنغن بعد 1 يناير 2020 وصالحة لعامين أو أكثر.
ملاحظات هامة:
يجب على المتقدمين في فئات ORAN 2 و3 و4 تقديم نسخة من أحدث تأشيرة في يوم تقديم الطلب.
لن يُقبل المتقدمون الذين يختارون فئة غير مطابقة لتاريخ تأشيرتهم، ولن يتم استرداد رسوم الخدمة.
يُمكن لأزواج المتقدمين وأصولهم وأحفادهم التقديم في نفس الملف، بحد أقصى ثمانية أشخاص لكل أسرة.
توافر المواعيد:
مواعيد تأشيرات شنغن متاحة على موقع BLS يوميًا الساعة 8:00 مساءً، ما عدا أيام الجمعة والسبت.
المختصر المفيد
السلفي موحال يفوت بصورة او فيديو
يا يفوت وقد تشد الرونديفو عن بعد
يا يفوت ألافونس قبل متشد
و كامل عبر الأوز و ليس بطريقة أخرى
لي بعثولي الأحد ان شاء الله نفوتهم راهم ميخدموش الجمعة و السبت
Читать полностью…
ليكيب كاينة حاجة نقولهالكم حكاية الهاشتاڨ مش معناها الخدمة رح تحبس و لا رح تنضرو جميع واحد يخدم ليبوت و لا سكريبت و لا رونديفو لازم يبرطاجي .. الخدمة مش رح تحبس .. بالهاشتاڨ رح تتحسن الأمور فقط .. و الخدمة تعكم ثان تتحسن ..
و إذا كان على الخدمة تع البيالاس .. نلونصيولكم حاجة عمركم مشفتوها قبل و مكنش واحد قدر يخدمها و ممكن مهمش رح يقدرو يخدمو كيفها أصلا إلا بعد جهد كبير و وقت طويل
ادخلو تويتر و حطوها
stop corruption .. stop selling slots illegally in Algeria .. keep it fair
@BLSeServices
#BLS_STOP_THE_LIST
راهم بداو يسينيالو فالهاشتاڨ .. بويسك جماعة لاليست راهم هنا معانا .. ذرك خيرو يا طلعوه لماكسيموم .. يا نروحو لماهو أسوء بكثير من هك
#BLS_STOP_THE_LIST
لوكان ميطلعش الهاشتاق هنا مدرنا والو بويسك جميع الصحفيين و القنوات اذا شافوه طلع هنا هوما رح يديرو ترويج و يحكو عليه بزاف بش يبانو بلي عندهم سوجي جديد و رح يفضحو جماعة كبيرة
#BLS_STOP_THE_LIST
من ذرك ليكيب
ارقدو بكري تربحو راحتكم خير و خير
بويسك صح صح مفيهاش
خاوتنا كاينة حاجة هنا فلقروب لاحظتها بزاف .. واحد كي يحط سؤال و يجاوبوه يسيبريمي المسج من وراها .. خليو لي مسج خاوتي حتا الناس من وراكم بلاك يكونو نفس الحالات توعكم يلقاو اجابة بلا ما يسقسو
Читать полностью…
ليكيب كاين جماعة يقلك اعطيني 5 ملاين نشوفلك صحبي بش يجوك تع لادوميسيل في أقرب وقت .. راهم يسجلوكم نورمال اذا جاوك في وقت قريب راه يذبحك و اذا مجاوش حد مقال لحد .. النصب راه داير حالة هاذ ليام ديرو حسابكم
عام الجيفة تسمن الكلاب
فلمساجور تع العشية هاذي نحاو bioid
تسما العفسة تع دو فوتو نحاوها نهائيا
من السيت تع البيالاس
ذرك السلفي يا يفوت بالأوز يا مكنش خلاص
ليكيب نهاركم طيب
لي مقدروش يسجلو فالموعد المنزلي
(دزاير ولا وهران)
كل ليلة نفوت 10 من ناس
كل واحد يبعثلي المعلومات تعو فلخاص
كل واحد عندو تسجيلة وحدة فقط
هكا بش ناس كامل تستفاد
@zaemch
stop corruption .. stop selling slots illegally in Algeria .. keep it fair
@BLSeServices
@BLSintServices
#BLS_STOP_THE_LIST
ادخل فلابار د روشارس اي واحد دايرها ديرلو جام و ريتويت بش تطلع
#BLS_STOP_THE_LIST
ادخلو لتويتر حلو كونت و بوسطيوها
#BLS_STOP_THE_LIST
لوكان يلونصيوها 1000 في ساعة نطلعو ترند
ليكيب ادخلو لتويتر طلعو الترند .. إذا محبسوش لاليست على الأقل تنقص و تولي الناس تقدر تشد
#BLS_STOP_THE_LIST
باختصار ليكيب
1. هاذي اوفرتير تع صحاب لاليست راه كلش ريزارفي ليهم .. صرات من قبل وين واحد مفوت حبة في اوفرتير .. غير صحاب لاليست
2. كي تكون اوفرتير كما هكا البوت ميديش بويسك البوت يدي غير كي يكون لاكسي محلول .. و كي يكون لاكسي محلول حتى الناس تقد تعافر تدي .. البووت يفوتك فلاكونتيتي فقط اما طريقة العمل كيف كيف .. اذا مقدرتش تشد حتان الربعة تع الصباح حتى البوت راه ميقدرش يشد حتان الربعة تع الصباح
3. كي تصرا هكا عموما لوفرتير لي موراها تكون مرخوفة بش ينقصو الحس على رواحهم و الناس تفوت نورمال سواءا بوت او شوي سكريبتات خفاف و شوي خدمة
لي راه حاب يشد يستنا 15 او 20 يوم حتان لوفرتير الجاية .. سلام عليكم
ملخر ليكيب بش نكون صريحين و الإنسان ميكذبش على روحو .. يا يكون عندك بوت مجهد و تعافر بش تدي يا مكنش .. سلام عليكم
Читать полностью…
