5257
خطواتا وهي بتعدي ... نظراتا فيهم تحدي... كلماتا انا حافظاها عندي شعار وهويه .. سودانيه♡~ https://t.me/joinchat/AAAAAD66el30HWSbzR1xCw ♥♥♡♥♡
صابونية خنساء تبيدي
الصابونية فيها
صابونة ( دودو - كوجي سان - باباي - دوف )
تبشريهم مع بعض وتكبي معاهم الحمام المغربي وتبليهم بي مويه عاديه ولا ماء ورد افضل ماء ورد طبعاا تاني يوم يكون تجي تلقيهم دابو وتكبي معاهم ( اسكنول -زيت لوز مر - وزيت عنب -فايتمين c - وفازلين موحد اللون - وبدرة اطفال - عسل نحل اصلي - واسكراب بن) تمسحي بيها تلاته ساعات وتغسليها 💚💙❤️ يوم بعد يوم وبالعافية على جسسسمك
اسمها صابونيه خنساء تبيدي 😎🔥🔥
📌📌لما نجى نستخدم الاعشاب مثلا زى عرق السوس أو اكليل الجبل ممكن نبلهم ليله كاملة من بليل وتانى يوم تستخدميهم أو تغليهم وفورى تصفيهم وتستخدمى مويتهم فى الصابونية
* طريقة استخدام الصابونية
يكون الجسم نظيف وياحبذا لو كان معرض لبخار زى بخار الحمام المغربي لكن عشان مامتوفر عندنا فى البيت بس تتمسحى وتتليفى بالليفة وتشطفى جسمك بالماء بعدها لازم الترطيييب مهم جدا
#كبسولات فيتامين E بتعمل كماده حافظه الكريمات عموما
طريقة صابونية الكوجي سان:
دوف+كوجي سان +باباى+كركم ابشرهم جميعا واختهم فى الخلاط +ماء عادى فاتر مقدار كوز صغير أو نص كوز لوكان كوز كبير أو ممكن نستبدلها بماء ورد ودا أفضل طبعا +3معالق جرسلين + 3 زيت لوز مر + 2 زيت جونسون +كبسولات فايتمين E أو سيرم 5 نقاط ونخلط وبعدها نعبيها فى عبواتنا
🟣 *صابونية فايتمين سي :-
*نذكر المكونات المطلوبة*
👇
1/ *صابونة فايتمين سي او في صابونة اسمها نو اكني دي بديل ليها*
2/ *حبوب فايتمين سي*
3/ *سيروم فايتمين سي*
4/ *ماء الورد*
5/ *زيت الزيتون*
6/ *مادة حافظة*
💠 *الطريقة* 💠
دي المكونات حبيبة جيبي المكونات و ابدي طوالي بكمية بسيطة اولا ابشري الصابون و اضيفي ماء و الورد يقعدو مدة يوم كامل
بعد اليوم يخلص
جيبي الهاند بلندر و اضربيهم و اضيفي الزيت و السيروم و حبوب فايتمين سي بالتدريج و اضربيهم لحدي م يتجانس تماما و اضفي المادة الحافظه
🌾🌷 الصابونية دي
بتعمل على تفتيح الجسم و بتغزي البشرة و بتدي نضارة و نعومة فائقة
صابونية عرق السوس ❤🔥❤🔥
المكونات👇👇👇
♦️عشبة عرق السوس
♦️صابونة دودي
♦️صابونة جذر
♦️صابونة دوف
♦️فايتمينE
♦️جلسرين
♦️زيت لوز مر
♦️زيت جنين القمح
الطريقة👇👇
♦️نبشر الصابون في إناء نظيف
♦️طحن عشبة عرق السوس وتلبيها في ماء ساخن لمدة يوم كامل حتى يتغير لونها لسائل بني اللون
♦️تصفية ماء عرق السوق وإضافته للصابون المبشور
♦️تركهم لمدة يوم كامل حتى يتمازجوا
♦️خلط الخليط بالخلاط الكهربائي أو المضرب الكهربائي حتى يصير القوام كريمي وناعم
♦️إضافة 5 فناجين من الجلسرين
♦️إضافة 2 فنجان من زيت اللوز المر
♦️إضافة 2 فنجان من زيت جنين القمح
♦️آخر إضافة 5 نقاط من فايتمين E ومزجه بمعلقة حتى يتجانس في الخليط
الفايتمين يحفظ الصابونية لمدة أطول
ويجدد وينقي البشرة
🟣 *صابونية الدودي :-
💠 *مكوناتها*💠
1/ *صابونة دودي*
2/ *خل تفاح*
3/ *ماء الورد*
4/ *زيت زيتون*
5/ *مادة حافظة*
🌷الطريقة 🌷
طيب تبشري الصابونة و تضيفي ماء الورد في إناء لمدة يوم كامل بعد اليوم التاني تضيفي الخل و الزيت و تضربيهم بالهاند بلندر
بعد يتجانس تضيفي المادة الحافظة
صابونية الجلسرين و الكركم:-
1/ *صابونة جلسرين*
2/ *صابونة كركم*
3/ *ماء ورد*
4/ *خل التفاح*
5/ *مادة حافظة*
*زيت الزيتون*
حبيبة لاز لازم المكونات دي موجودة علشان تعملي الصابونيه المطلوبة تمام بعد ما عرفنا المكونات
💠 *نشوف الطريقة* 💠
طيب ابشري صابونة الجلسرين و صابونة الكركم
و بعد ما يتم البشر جيبي جردل حلاااتو🥰 كدا و كبي فيهو الصابون المبشور و اضيفي عليهو ماء الورد و تكون كمية مناسبة علشان الصابون يتحلل
و اقفلي الجردل بغطاهو لمدة 24 ساعة كاملة بعد ال24 ساعة تتم تجيبي الخل و تضيفي قدر 2 ملعقة كبيرة و تضيفي عليه الزيت تبع الزيتون
و بعده تضيفي الصابون المبشور في الهاندبلندر الكهربائي و اضربيهو لحدي م يتجانس تماما و بعده تضيفي عليهو المادة الحافظة
و بي كدا الصابونية جاهزة 🌷
في حاجات ما ينفع تسترخصي فيها نهائي لأنو الاسترخاص فيها بخصم من جمالك 💔
❤️ وحدة من الحاجات دي هي المكياج
🌸 الروج
ماتشتري روج نوع رخيص لأنو حايطبع في سنونك وحايبهدلك و المشكلة الاكبر إنو الناس بتخجل تقول ليك انو طابع في سنونك
جربي اكتر من نوع واخدي من ماركة محترمة
🌸 الفاونديشن و الباودر
الأنواع الرخيصة بتنشف في علبها و كمان لما تستخدميها و زول يقرب منك فالمنظر بكون صعب صعب
أخدي أنواع محترمة و مناسبة لدرجة لونك
🌸 الماسكرا و الاي لاينر
الانواع الرخيصة بتلصق رموشك في بعض و بتضيع جمال عيونك حرفيا و برضو بتنشف جوا علبها
فلا ادتك الشكل الجميل الانتي عايزاو و لا صبرت معاك لغاية ما تخلصي استخدامها
فاخدي النوعيات الكويسة و ما تسترخصي
🌸 أنتبهي و ما تدقسي
🌸 فرش المكياج
برضو وحدة من الحاجات الضروري تكوني حريصة إنها تكون من ماركة كويسة
❤️ أتذكري
المكياج عشان تبرزي بيو جمال ملامحك
و لكن
لما بشرتك تكون مليانة عيوب فحا تكوني مضطرة انك تختي أطنان مكياج عشان تخفي العيوب دي .. ولما تشيلي المكياج حاتبقي زول تاني 💔
فعالجي مشاكل البشرة عشان ما تحتاجي تخفيها
#د.نايره روشان
زيت الزيت💃🔥
الزيوت بتنقسم لي ٣ اقسم بارده وحاره و لزجه الكلام ده مزكور مسبقآ في القناه لكن نعمل ريفريش للذاكره
#الفرق شنو بين الزيوت الحاره والبارده وليه انا محتاجه اصنفها
الزيوت البارده لو دمجتها مع بعض ما ح تديني نتيجه ح احتاج معاها زيت حار عشان يحفز النمو
أما لو دمجت زيوت حارة مع بعض ح تعمل لي تساقط في الشعر ومشاكل في فروة الرأس؛ فلما نجي نعمل زيت نحرص على إنو تكون نسبة الزيوت البارده ضعف كمية الزيوت الحاره
الزيوت الباره:
زيت النعناع
""""السمسم
""""اكليل الجبل
"""الوز الحلو
"""دوار الشمس
""الكمون
""الشمر
""البابونج
"""السفرجل
""جنين القمح
"""الذره
""الجرجير
""الجوجوبا
"""خردل
الزيوت الحاره:
زيت الزيتون
"""القرفه
""البصل
""الثوم
"""الزنجبيل
""الرشاد
""الاس
"""الحلبه
""الجلسرين
""سدر
"""فجل
...الخ
الزيوت اللزجه
زيت جوز الهند وزيت الصبار
#فوائد بعض الزيوت
زيت الزيتون: مرطِب رائع للشعر ويحافظ على مرونته وصحته.
زيت الخروع: يساعد على نمو الشعر وزيادة طوله و يمنع تساقطه.
زيت اللوز الحلو: يساعد على زيادة سرعة نمو الشعر.
زيت جوز الهند: يساعد على ترطيب الشعر وزيادة نسبة نموه.
زيت إكليل الجبل: يستخدم لتثبيت لون الشعر الأسود والبني، وذلك عندما يبدأ الشيب بالتكاثر في الشعر، فهو يساعد على الحفاظ على لون الشعر الأصلي. كما يساعد على زيادة سرعة نمو الشعر.
زيت الجوجوبا: يساعد على إعادة الشعر إلى حيويته خاصة الشعر المتقصف والجاف.
زيت الصنوبر: يعمل على تقوية بصيلات الشعر، وسرعة زيادة نموه.
زيت الحبة السوداء: يعمل على القضاء على القشرة من الشعر و يعمل ع سرعة زيادة نموه.
زيت الصبار: يقوم بالقضاء على القِشرة تماما من الشعر، بالإضافة إلى تقوية وتنشيط بصيلات الشعر.
زيت السمسم: يعالج تلف وجفاف الشعر المصبوغ المتكرر صبغه.
زيت الجرجير: يعمل على معالجة تلف الشعر من كثرة استخدام الصبغات الكيميائية.
زيت الذرة: يرطب الشعر ويساعد على تنعيمه ويعالج تلفه، ويعالج وجود القشرة في فروة الرأس.
زيت جنين القمح: يمنع تساقط الشعر ويساعد على كثفته نعومته وزيادة طوله.
بعد تخلصي البوست ماتنسي تتفاعلي ❤️
#Rzan
#سوليدير_بت_بلدي_نحلل_النقل_والمشاركه
باذن الله نرضي جميع الاذواق ونعمل كوكتيل مواضيع 🔥نبدا بالشعر 🌹
#لو قريتي البوست ماتنسي تتفاعلي
📌((تفاعلكم يحيي القناه ))
هااااايات😍😍😍بنات سوليدير بت بلدي😘مشتاقين😭فرحه لاتوصف بعودتي للقناه ❤️❤️حنعود بقووه باذن الله خليكم متفاعلين ارجعو زي زمان يااخ😭
حاانزل ليكم المعرف حقي رشحو عايزين نتكلم ليكم عن شنو
#ادمن رزان(بت بلد)
#@ALMtg
بوست حسب ما طلبتو حتكلم بالتفصيييييل مستخلص العرق سوس 🥰
شكلو : سااااائل القوااام لونو بني لانو مستخلص ما زيت ولا سيرم ( عشان ما تجي وحدة تقول لي مالو خفيف وسجمي وبتاع 😂)
فوائده :
اولا هو مضاد اكسدة زي فايتمين ومضادات الاكسدة التانية بتمييز بالاتي :
- تفتيح طبيعي امن وسريع نسبيا للبشرة
- ازالة ضربات الشمس
- ازالة الكلف والتصبغات
- مضاد للاتهابات البكتيرية والفطرية ( ناس الحبوب الملتهبة في الوش بساعد في تهدئة البشرة )
- عندو فوائد للجهاز الهضمي والتنفسي وبرفع ضغط الدم
المهم هو الالتزام والمنتجات الطبيعية دي استخدامها زي النفس والاكل والشراب
تطولي بالك وتتنفسي وتاكلي وتشربي وتتمسحي بتبقي النجفة الفي السما
لكن مفعولو في الوش عموما اسرع .. واذا عايزة تسرعي النتيجة ممكن تستخدميه براه بقطنة كدا
⛔⛔تحذيييير⛔⛔
عرق السوس رهيب في التراكيب بس في كتيير من الناس عندهم حسساااااااااااااسسسسسية من عرق السووووووس .. كتييير شنوو ؟؟ عندهم حساسية
لااااااززززم لااااااازم لااااززم تعملي اختبار حساسية قبل ما تستخدمية
عشان ما تجيني وحدة تقول لي ضارب وهيج لي وشي وبتاااع .. اهوو انا كللمتكم عشان ما تجو تقولو ما كلمتيناا !!
عرررق السوووس لازم اختبار حساسية اول ..
طريقة الاستخدام:
= ممكن تختي منو في قطنة وتمسحي في وشك طوالي بشيل ضربة الشمس
= ممكن تكبي منو في تركيبتك حقت التفتيح ايا كانت للوش وللجسم
= ممكن تكبي منو في تركيبتك حقت الترطيب ايا كانت للوش وللجسم
= تكبيه في الصابونية حقتك
= هو امن طالما انتي شنوووو .. طالما انتي ما عندك حساسية منو فكبي زي ما عايزة
طيب يا رحمة اعرف كيف انو عندي حساسية منو ؟!
لمن تعمليه حتلقي في حبوب صغيرة صغيرة في وشك او حكة .. حاولي قللي التركيز او لو ما قادرة تستحملي خلاص وقفي
الحساسية زاتا نسبية بتختلف من زول لي زول
وبسس والله اي وحدة عندها سؤال انا قاعدة عشانك 🌸
@PazZoon_96
⬆⬆⬆الخلطات للتفتيح وازالة الجلد الميت والشعر وملمس كالحرير
Читать полностью…
صابونيه العرديب :
📌تجيبي اول شي عرديب وتبليهو تقيل
📌تبشري صابونه دودي الاصليه
📌تجي تصفي العرديب وتشيلي الخلاصه بتكون تقيله مقدار كباية شاي ¾.
📌بعد تكبي العرديب خليها زي نص ساعة وتضربيها بالمضرب او الخلاط سرعة منخفضة.
📌 تضيفي معلقتين كبار نشأ و4 نقاط زيت ليمون تحاوولي تضبطي القوام يبقي كريمي تاني تضفي فنجان جلسرين ونقاط من اي نوع زيت عندك لوز مر او حلو زيتون جنين القمح ...الخ وتضربيها كويس☑️
طريقة استخدام الصابونيات:
_قبل م تمسحيها جسمك يكون مبللك
_تلبسيها مدة ساعتين أو 3 ساعات
_تلبسي معاه اكياس وشرابات
_بعد تطلعي الاكياس يكون عندك ليفة مغربية او ليفة اوشا او الليف النباتي داك لو م عندك م مشكلة الليلة العادية دي
_تدعكي كويس شديد وتشطفي بالموية
_يكون عندك مرطب عميق شديد وكويس ترطبي قدرتك
_ممنوعة مع فترة الدخان بتسودك
_كعب رجلك تحت بعد تطلعي الاكياس ادعكيهو بحجر الكراش برضو عشان تطلع القشور والطبقة الميتة
_استخدامها باستمرار يفتح لحدي درجتين وبتنعم وبتزيل القشور والجلد الميت وضربات الشمس والاسمرار والاثار
#نرجع نواصل في موضوع الشعر باذن الله ربنا يسهل
Читать полностью…
صابونية التبييض صابونية التحدي🔥🔥
الليلة ح نعمل مع بعض أفخم صابونية لتفتيح الجسم و إزالة التصبغات و توحيد و تقشير وتنعيم البشرة ،الصابونية دي ح تكون حل جزري لكل مشاكل البشرة و بعدها ما ح تشكي من أي مشكلة بعد استخدامها و كلها بمواد طبيعية إن شاء الله.
المكونات:
١/الصوابين ٢/المستخلص المائي ٣/ الزيوت ٤/ البدرات .
المرحلة الأولى (الصوابين)
صابونة كوجي سان (تختص بتفتيح البشرة الطبيعي و إزالة الشوائب) صابونة البابايا(الشفافة و عليها شكل مكعبات برتقاليه في داخلها برضو تختص بالتبييض ) صابونة دوف (مرطب للبشرة) صابونة لاريزا(صابونة الجزر ربع منها فقط لأنها صابونة مقشرة و معدل تقشيرها عالي).
ح تبشري الصوابين كلها مع بعض في إناء واحد نحن اخترنا الصوابين دي ليه عشان نجمع أهم العمليات التجميلية للجسم اللي هي تقشير و ترطيب و بعدهم بجي التفتيح تلقائيا .
المرحلة التانية(المنقوع المائي)
ح نستخدم منقوع التبلدي(القونقليس) ح يكون كباية شاي تبلدي منقوعة في في ٤ كباية شاي موية لحدي ما يدوب التبلدي و نجي نصفيهو و نستخدم الموية في تذويب الصوابين .
يمتاز التبلدي بمعدل تقشير ممتاز جدا و تبييض طبيعي للبشرة نسبة لإحتوائه على vit C .
المرحلة التالتة (الزيوت)
كباية زيت جوز هند(ترميم للبشرة المنهكة) ،فنجان زيت زيتون (مضاد أكسدة طبيعي)،نقاط زيت فيتامين إي (مانع تأكسد)، نقاط زيت جنين القمح(تفتيح البشرة) ،نقاط زيت نعناع (لتهدئة البشرة ).
المرحلة الرابعة(البدرات)
بدرة قشور البرتقال المسحونة(تبييض و تغذية للبشرة) ، بدرة اسبيرولينا(طحالب البحر حرفيا دي أفخم منتج طبيعي يتم اكتشافه للجسم فوائد هايلة و خرافية محتاجة منشور براهو)، بدرة عرق السوس(طبعا معروف بعمل شنو)، حليب بدرة(كذلك مبيض و مقشر للبشرة).
الطريقة:
مبدئيا كدا إذا اي واحد من المكونات دي نقص معاك أبدي بالموجود فقط ما شرط يكون كلها عندك.
ح نعملها بالطريقة الباردة اللي هي ح ندوب الصوابين في المنقوع المائي لمدة يوم كامل و بعدها نضيف الزيوت و البدر و نعمل مكس بملعقة عادية لحدي ما القوام يتجانس و بالعافية على جسمك.
الطريقة دي خرااافية و تهبل للجسم و حقيقة تفتيح طبيعي خرافي ح يغنيك عن أي كريم تفتيح في حياتك 😍👌و لونك م ح يغمق بعد تخليها بس رجاءا استخدمي واقي شمس (لو م عندك شرابات و جوينتات لونهم بيجي لحدي ما تجيبي واقي شمس) و المرطب
#صابونية_التفتيح_والتقشير:-
الصابونية دي بتشتغل 3×1
ممكن تقسمي من اي صابونة نص لانو كامله بتكون كتير شديد أو تشتركي مع صحبتك وبعداك تقسموها.
#المكونات:-
1/صابونة دودي الافريقية
2/صابونة كركم
3/صابونة فيتامين سي
#الطريقة:-
تجيبي الصوابين دي وتبشريها وتجيبي موية سخنة ماتغلي الصابون زاتي تجيبي موية سخنة وتبيليهم يوم كامل اليوم التاني تضربيهم كويس وتكبي نص فنجان جلسرين وممكن زيت لو ز حلو أو زيت جوز هند.
#الاستخدام:-
يومين في الاسبوع واهم شي ترطبي جسمك كتير واشربي موية كتيرة
وضح 🥰🥰
صابونيه المنتظره🔥🔥
ح تجيبي صابونة غار
وصابونة كركم
تبليهم بموية ورد ليلة كاملة (نبشر الصابون)
بعدها نضربهم بالمضرب اليدوي لحد م الصابون يدوب
نضيف فنجال زيت جلسرين
فنجال زيت لوز مر
معلقه كركم جسم
معلقه فيكس
نص علبه كريم جلسرويد
معلقه نيلة مغربيه اختياري ( انا قلت اختياري يعني اذا توفرت عندك عشان م تقولو لي نعمل بدلا شنو 🙂)
نضيف كل المكونات علي الصابون ونخلطهم زيييين لمن بتجانسو
ندهن بيها كامل الجسم يوم بعد يوم قبل الحمام بساعتين (نلبس كيس )
الوصفة جبارة زي م قلت ليكم بتشيل ضربة الشمس وبتوحد اللون وبتعالج الاثار وبتنعم الجسم وتفتحو عددددييييل فتحة طبيغية رايقه مع الاستمرار
يلااا ي محاسن من دربك دا علي العطار اشتري الحاجات وتعالي كوجني الصابونيةة
الكميه ح تكون كبيره ممكن تشتركو المكونات كم بت وتتقاسموها ❤️🔥❤️🔥
طريقه مختلفه بس جميله
من صابونيه دووف 🌸😍 اعمليها بعدين م تكسلي
✨عنايه جسم ( بما فيهو الأيادي و الأقدام و المناطق الحساسة ) ..
✨ الوجه و الرقبة و الأسنان ..
✨ الشعر ..
✔️ النظافة .. الترطيب .. التقشير .. ماسكات ..
*نبدا بالجسم :-*
✨ النضافة : ح نعمل صابونية فيها صابونة جزر + ماء ورد + صابونة دووف + زيت لوز حلو + زيت جنين القمح + جرسلين ..
*نبدا بالجسم :-*
✨ النضافة : ح نعمل صابونية فيها صابونة جزر + ماء ورد + صابونة دووف + زيت لوز حلو + زيت جنين القمح + جرسلين ..
*الطريقة :* ح تقطي الصابون قطع صغيرة و تختيها في جردل بشرة مثلا و تبليها بموية الورد ، تخليها تسيح تكون زي الصابون السائل و تضيفي عليها الزيوت و لو عندك فايتمين سي فوار تختي حبة منها .
كل يوم ح تمسحي الصابونية على جسمك و تلبسي اكياس مدة نص ساعة و تدخلي تستحمى و تدعكي بليفة مغربية ..
✨ الترطيب : جرسلويد + زيت لوز حلو + زيت زيتون ، وانتي في الحمام نشفي جسمك ببشكير بس طبطبة على الجسم عشان تزيلي الموية الزايدة و تمسحي ..
✨ التقشير : ح تجيبي ايي مقشربنفع معاك يكون فيهو حبيبات و ممكن تعملي ملعقة عسل مع بن و ممكن تعملي باقي البن البتعملي بيهو القهوة اذا ما فيهو بهارات كتيرة ، و حركات دائرية على كل جسمك بعد الحمام مرتين او تلاتة في الاسبوع بس ما تدعكي شديد عشان ما تأذي بشرتك ..
✨ العروكة : ممكن تعملي الحلومر او الآبري بدل ترميهو و ممكن تعملي قشر البرتقال و الليمون و تعملي ملعقتين دقيق في موية دافية و تكوني مجففة قشر البرتقال و ساحناهو و تكبيهو مع الدقيق و تعركي ، و لو عندك عروكة جاهزة ممكن تستخدميها مرتين في الاسبوع يعني يوم تقشير و يوم عروكة ..
✨ بالنسبة للنسوان المتزوجات ، للدخان ح تعملي دهنك العادي معاهو كريم مياس او استيلا للدخان و باقي البرنامج زي ما هو بس اول ١٠ ايام ح تشتغلي دخان من غير الصابونية عشان ما تسودك و بعدها تبدي الصابونية و التقشير و العروكة ..
✨ بالنسبة للأيادي : لازم ترطيب بعد كل غسيل بالصابون و بعد تجهزي الأكل و ممكن تلبسي جونتات بعد الترطيب زي ١٠ دقايق و العروكة و التقشير اكيد مع باقي الجسم اساسي ..
✨ الأقدام : لو اقدامك مشققة لازم تبليها في موية دافية و ملح وانتي بتحضري في المسلسل مثلا مدة ساعة و بالحجر الحكاك و بعدها المقشر ، و بعد الشقوق تقل شوية اعملي حبة بتاعت اسبرين مع نص ملعقة عسل على بطن اارجل من تحت
♦️صابونية التقشير
صابونة دودو و كركم وبابايا ابشرهم واختهم فى الخلاط +ممكن ماء عادى أو ماء ورد أو اعشاب اكليل الجبل أو عرق السوس الأعشاب+ 3 ملاعق جرسلين + 3م زيت جوز هند + 3م جونسون +ممكن فايتمين c كبسولات أو سيرم أو مقشر جاهز (اسكراب)
ورشة صابونيات مجانيه 🔥تفاعلو تفاعلكم يحيي القناه😊
Читать полностью…
اقوى شامبو طبيعي في البيت وطريقة صنعه 💛
لعلاج ✅تساقط الشعر
✅فراغات الشعر
✅بينبت الشعر
✅تساقط وراثي
الشامبو دا حيكون قوي شديد وفعال جدا في علاج المشاكل دي
شامبو القهوة والسدر ❤️
عارفين فؤائد السدر الرهيبه بس
البميز القهوه شنو؟
✅بتنشط الدوره الدمويه لبصيلات الشعر
✅بزيد تدفق الدم الواصل للشعرة
وبالتالي بزيد الغذاء والفيتامينات الواصله لفروة الرأس يعني الشعر حيطول ويتغذى
✅القهوة ( الكافين ) بشتغل على انو يكون حاجز يخلي الشعره والبصيله تحتفظ بأكبر كمية من الترطيب
✅القهوه مثبته علميا انها مانع لهرمون الdht(هرمون الصلع الوراثي)
✅دا غير انو القهوه بتتميز انو الفروه بتمتصاها بسرعه خلال دقيقتين او تلاتة
طريقة التحضير 🛑🛑🛑
حنجيب صابونه جلسرين عاديه نقسمها على تلاته اقسام متساويه نشيل نص واحد منهم نبشرو ونضيف ليهو نص كبايه مويه
بعد يدوبو مع بعض
حنجي نضيف 3ملاعق كبيره قهوه و2ملعقه كبيره سدر
حندوب القهوه في نص كبايه مويه ونصفيها من (التفل) وناخد المويه ونضيف ليها السدر
وبعد كدا نضيفهم لخليط الجلسرين مع المويه ونضيف ملعقتين من اي زيت عندك وافضل شي (زيت روزماري اساسي) ضيفي منو 10نقط لو موجود لو لا اي زيت م مشكلة
نحفظهم في اي عبوه في باب التلاجه
نستعملو من مرتين لي تلاته عادي في الاسبوع
بس انتبهي❌❌❌
تغسلي شعرك بالمويه اول
وتضيفي كمية مناسبه ع حسب كثافه وحجم شعرك للفروه اول بس تدلكي كل الفروه بالشامبو وتخلي فيها لمدة7دقايق حتى تغسلي بالمويه واطراف الشعر برضو لازم يصلها شويه شامبو عشان تنضف والزيت م يتراكم في الشعره
#منقوول بحب❤️
📌البوست الجاي نتكلم عن الزيوت وطريقة خلط الزيوت بطريقه الصحيحه
Читать полностью…
دايماً لما نتكلم عن الإهتمام بالشعر بننشغل بالماسكات، الترطيب، التقشير وزيوت التطويل وننسى أهم حاجه وهي كيف نغسل شعرنا بي طريقه صحيحه وصحيه🧖🏻♀️
⭕خطوة مهمه شديد لازم تعمليها قبل تغسلي شعرك بحوالي نص ساعه وهي الزيت🔥( ما زيت الموضوع زيت الشعر العادي ده دي توريه😹)
اختاري زيت بناسب مسامية شعرك واتمسحي زييين💚
"مسامية الشعر كتبنا عنها بوستات في القناة فوق ح اعمل ليكم عليها علامه "
طريقة اختيار الشامبو ووصفات لي كذا شامبو طبيعي ح نتكلم عنهم في الأيام القادمه بإذن الله✨
أخيراً انتبهي وانتي بتغسلي شعرك إنو تغسلي من فوق لي تحت وبي اتجاه نمو الشعر
خطوة اختيارية لو متوفر عندك خل تفاح تشطفي بيه شعرك بعد تنتهي عشان يوازن درجة الحموضة الطبيعية في الشعر ويخليه لامع
بشره❤️
شعر🔥
منتجات للبشره والشعر 😍
يلا اتفاعلووو
- أنا لستُ في الحجاج ياربّ الورى
لكنّ قلبي بالمحبة كبّرا
لبّيك ما نبض الفؤاد وما دعا
داعٍ وما دمع بعينٍ قد جرى
لبّيك أُعلنها بكل تذلّلٍ
لبّيك ما امتلأت بها أمُّ القُرى
لبّيك يا ذا الجود . . ما قلبٌ هفا
للعفو منك وبالخضوعِ تدثّرا ..
- الله أكبر عدد من نوى الحج و أتى ، و عدد من كبر في بيتك و صلى ، و عدد من ضم يده و دعا ..
لبيك ربي و إن لم أكن بين الحجيج ملبيا ♥️..
- لبَّيكَ قَلبي ضائعًا فَدلَّه
لبيكَ وَلا يَضيَع قلبٌ توجَّه إليك ..
- "لبَّيْكَ
لا يَشْقَى قلبٌ لجَأَ إليْكَ" ♥️..
- اللهم صّلِ وسَلّمْ و بَارِك عَلۓِ نَبِيْنَا مُحَمد ﷺ..
- المرء ينال بدعاء أخيه ما لا يدركه بدعائه لنفسه ..
حفُّونا بدعواتكم..
خلطات طبيعية لتفتيح البشرة خلال الشتاء
كل امرأة ترغب في تفتيح لون بشرتها والتخلص من حروق الشمس والتصبغات التي خلفها فصل الصيف، قد تكون منتجات العناية بالبشرة وتبييضها متوافرة في الأسواق لكن بمبالغ مرتفعة قليلاً، لذلك بكل تأكيد ستجدين الحل في مطبخك، إليك من دردشتي كيف تعدين ماسكات تبييض فعالة لوجهك بأقل تكلفة.
خلطات طبيعية لتفتيح البشرة خلال الشتاء
1- الحليب والليمون💚
قومي بخلط كمية مناسبة من مسحوق الحليب مع عصير الليمون والعسل، ثم طبقي الخلطة على وجهك لمدة لا تقل عن عشر دقائق أو حتى أو حتى تجف تماماً.
2- الشوفان والزبادي🧡
انقعي الشوفان طوال الليل، وفي اليوم التالي اطحنيه جيداً ثم أضيفي له اللبن الزبادي واخلطي حتى تحصلي على عجينة يمكن فردها على الوجه، ثم طبقيها على بشرتك واتركيها ربع ساعة، ثم اغسلي وجهك بالماء الدافئ.
3- البطاطا🤍
إذا قمت بتطبيق لب البطاطا أو عصيرها على وجهك بشكل منتظم سوف تحلصين على بشرة أكثر توهجاً بدون أي شوائب.
4- الكركم والطماطم🤎
بإمكانك إضافة الطماطم إلى الكركم أو عصير الليمون لتحصلي على التفتيح الذي ترغبي به، لكن يفضل استخدام الطماطم إذا كانت بشرتك جافة والليمون إذا كانت بشرتك دهنية.
5- زيت اللوز الحلو💙
التدليك المنتظم بزيت اللوز الحلو يزيد من تدفق الدورة الدموية في البشرة وبالتالي تصبح أكثر شباباً، ويمكنك استخدامه عن طريق تدليك الوجه به قبل النوم وغسله في اليوم التالي.
6- أوراق النعناع🖤
تعمل أوراق النعناع على قبض المسام، والقضاء على الجراثيم والبكتيريا وحروق الشمس، لذلك قومي بسحقها جيداً ومن ثم افرديها على وجهك واتركيها ربع ساعة.
7- الموز💛😌
أضيفي ملعقة كبيرة من العسل وملعقة صغيرة من اللبن الرائب إلى الموز وقلبي جيداً، ثم افردي الخليط على وجهك واتركيه حتى تمتصه بشرتك تماماً، ثم اشطفيه بالماء الدافئ.
8- بودرة خشب الصندل❤️
تعتبر بودرة خشب الصندل من أفضل الحلول للتخلص من تصبغات الجلد واسمرار البشرة خصوصاً للبشرة الدهنية، ولاستخدامها قومي بخلط مسحوق خشب الصندل مع الماء حتى تحصلي على عجينة بإمكانك فردها على وجهك، وستلاحظين بعد الاستخدام أن بشرتك أصبحت أفتح وأكثر وهجاً.
2- جزرتان +بطاطسه صقيره +3م رذ
تسلق في النار بعد ماتبرد تخلط في الخلاط يوضاف اليها2م قشر برتقال مسحون وتوضع في الثلاجه