هي دنيه بلا عشگ تتسمه دنيه؟
لذة بنادم حبيبه ..!
محسن الدخيلي
من صدگ كونك تجينه
نحوي گمرة
وچم نجم صوغة لرجعتك
كون ترجع
نترس البيبان حنة
ونشتل الياس
لضحكتك
غيث الكطراني
صار الليل
كلش مو حلو الليل
بعد ما چان وياك شحلاته
كاظم اسماعيل الكاطع 🤍✨
الغربه من ينباك عگلك تمشي ومتيّه طريجك
الفشله لو دارت الدنيا وصار محبوبك صديجك
ندمه تتـعب لتحبهم تكتشـف ناسين فيّك
لو ثگل حمل المصايب و الجگـاره تصير اخيّك
شايف من ايدور وكتك والخساره اتجر خساره
من تعيش الدنيا صاحي وعقلك وگلبك سكاره
صعبه من محد يشيلك وانت بيك الضيم عايل
شايف من اتروح كلها ومحد يدزلك رسايل
#علي_نافع 🤍🕊
هلي يم المغيسل كلشي راح يفض .
هلي هوه انه من كلشي شبعت افراگ
هلي دلوه عليه ولفي من يشتاك
هلي أنه الهـذاكَ الما اجاكم مره عاتبكم !
تجرحونه ويكول اعزاز خاف بيوم يخسركم .
لــ وجدان النقيب .."
ً 🕊🤍
ضاگت الدنيا و اجيتك طير متوازي اعلى عِش
ايهاب عيال الظالمي 🕊🤍🙁
انا وكلبي مشينه الحد صدى النسيان
غنينه وحفرنه كبورنا. ومتنه
عمار خضير
يا نشوة يال صوتك طري
يا سيسبان مذهب
يالروحك بخور بعجد
من ورى الحايط تنحب
حيدر طه
دفنت العشك
بـالغربه
بعد لولايتك ما رد....
ناظم السماوي 🤍✨
ردتْ أنسـى
وشـاط سبّـاح الگلب
گـام ايتلـوّه
(يابـه احبكُم هيّ گـوه)
بهاء سوادي
ضـمـنـي ..
بـس اللـيله يمـك
أرجـف ابابـك أولايــه
شــارده من الضـلمه وجـدام السـكاره
نـاصر البدري 🤍🕊
شنهي گلبك؟!
حتى عالعافوك حن !
وشنهي صبرك؟!
گاعد تتاني المواعيد الجزن !
روح عيش.. المنتظرهم عايشين..
وذني العيون إنسن !
علي عجيل
شـوباش لـو سيّــرت زفـه وطـرب غـنـوه
بكل عرس لونك يفز معضد بـ چف حلوه
أحمد الطفيلي
قراءة ممتعة...
حزن والعلتة السكتة دواه موتة
مصطفى الخزاعي
..........................
الذل والخجل ما لم شملهن راس
اليخجل ما يذل واليذل ما يخجل
عباس العبادي
........................
شعندك جايني وشمخلي بوهماك
حبل طاسة الحب اطول من ايامك
علي ابو نؤاس
........................
يم ناسي وتضل بخير ماظنها
انا عافيتي وعرف زين
مثل زيادة الميزان لازم ينوخذ منها
باهر الجنديل
........................
يگلبي وياك ما مرتاح
اجر بكل نفس حسره
وانا عمري نضر شياب
ما مضمون ما خسره
جواد اليعقوبي
........................
مبين ما متانيني الشمس ما طابعة كلادة
فيصل الحچيمي
........................
الحچي البلمرسال هين
گلبي الك مو كله گاله
شايل بگلبي حچي
ماضن تكفيه الرساله
محمد شلش
........................
من اقرب أمان يلوحك الخوف
منتظر احمد
........................
كعدت من الحلم باجي
خسرتك بالصدك والطيف
حيدر الطفيلي
........................
المفروض الضمير امتاع صياد.!
حسين علاء البهادلي
........................
وكتلك ذني طكاتي وگلت چذاب
طكت عين حاسد جرحي ما بي دم
سجاد سعد
........................
چذبت شوگي حبيبي
واني ايدك چنت ما اجذب رسمها
الورده من ترسمها ... اشمها
محمد الوسمي
........................
بكلشي مخيرك بس ما اجه بعينك
وانا ما خشنتلك خاطر وتختاض ناعم مثل سجينك
مقام الصوت يرهم بي غنه وقران بقت يم مشتهات احساسك ودينك
سامي العبادي
..........................
غطه جثه غريب جروحي متعودات
اليجي يفتح يباوع ، يسكت ، وتنسد
مرتضى الاشتر
........................
أشــگد تانيتــهم !! والمشـكله الــدخان
الـــنار أتــمٌد اديــهه ومــا رضـهَ يچـلب
جاسم المعلم
........................
ماصحلي عرف بالناس
غريب وسافرت وحدي وأخذني الماي
اليسافر ع الجدم بالماي رزق الگاع.!
احمد عطيه
........................
كتاب ابراسي يلتم بل حچي
وعل ورق جلمة ايطيح
دنيا بروحي مشتعلة
وقيامة اتصيح
عمار جهاد
