Follow @sostKilo on Tiktok.
#sostkilo - One Million views !
New podcast 📻 | https://anchor.fm/sostkilo/episodes/Good-Friday-e22c6m0
Читать полностью…
YouTube: sostkilo" rel="nofollow">https://youtube.com/@sostkilo
Читать полностью…
ኦቾሎኒ | አለንጋና ምስር : Ep. 01 - 09 : All Eps.
https://anchor.fm/sostkilo/episodes/------EP-01-e1lbk8n
ያልተላኩ አምስት ቴክስቶች ፤ Message 3 - ዛሬ ፥ ጨረቃዋን አይተሻታል ? ...|
( ፫ ፥ አዲስ አበባ ) ...
ዛሬ ፥ ጨረቃዋን አይተሻታል ? ...|
[ ልዑል ፡ ዘወልደ ]
፪. ቦኽዱ ፥ የጨረቃ ወደብ ፥ (ፈረንሳይ)*
ከአልጋ በመውረጃው ምንጣፍ ላይ የተበተኑ የኮንዶሞ ሳጥኖች አየሁ ። በደህና ያደረ ልቤ ፥ የድንገት እይታዬን ተከትሎ ርብሽብሹ ወጣ ። በእንፍቅቅ ተነስቼ በዙሪዬው ተጠልቆ የተተፋ ያለ እንደው ማሰስ ጀመርኩ ።
ሞት ከሆነ እንቅልፍ መንቃቴ ነበር ። ረጭ ባለ ክፍል ውስጥ ፥ ጣሪያው የተተራመሰ የራስጌ ሳጥን ከፊቴ አለ ። በሳጥኑ አናት ላይ ፤ ባዶ የአበባ ጡሌ ፥ የመኪና ቁልፍ ፣ አመዱ የተተደፋ አሽትሬ ፣ ሁለት ሲጋራ የተረፉት ፓኮ ፣ ተደፍቶ የደረቀ ቀይ ወይንና በላዩ ላይ የተጠባበቁ አምሳ ዩሮዎች ፥ ካኪ ሱሪዬ ከነቀበቶው ፣ የቤሎንዥ ጡት መያዣ ፣ ከከንፈር ላይ ሊፒስቲክ ያነሱ ሶፍቶች ። ይሄ ሁሉ ፥ የበሬ ግንባር በምታክል የራስጌ ሳጥን ጣሪያ ላይ !
ሌላው የቤቱ አገር ንፁህ ነው ። በክፍሉ ያለው የብርሃን ፍዘት ለአይን የሚረብሽ አይነት አይደለም ። የክፍሉ ቀለም በሶስት ሴማ ቆሟል ። አንድ ከሎሚና ጎመኔ መኀል ባለ ፥ የመስኮት ዕፆችና የራስጌው ድሮወር ። ሁለት ያልወየበ ቡኒ ፥ ደመቅ ሲል የቤቱ ወለልና ፈዘዝ ሲል የኮርኒሱ ፍሬም ። እና ደግሞ ነጭ ፥ ከመሃል ጉልት ያለ አልጋ ፣ ኮርኒስና መጋረጃው ።
ምን ተፈጥሮ ነው ? ነገር የማስታውሰው እንደቪድዮ ቴፕ በየተራ እያጠነጠንኩ ነው ። እስከመጨረሻው አጠንጠንና ከመጀመሪያው ትይንት ጀምሮ ወደፊት አንድ በአንድ እሄዳለው ። የቪድዮው መጀመሪያው ምን ነበር ?
Play | 00:00:01
ፈረንሳይ እንደደረስኩ ከፓሪ ኤርፖርት ወደ ቦኽዱ የባቡር ጉዞ አደረኩ ። ከሁለት ሰዓት ጉዞ በኋላ ቤሎንዥ ቦኽዱ - ቅዱስ ዦን ለገሀር ተቀበለቺኝ ። እንደወትሮዋ ዛሬም ዘንጣለች ። ቡኒ ክብ መነፅር ፣ ግንባሯ መጀመሪያ ላይ የተቋጠራች ቢራቢሮ ሻሽ ፥ ማሪኘኽ ቲሸርት - በኦሞ ጅንስ ።
Mon chéri ...!
ለብዙ ቀን እንደተነፋፈቀ ፥ ተቃቅፈን ቆየን ። የአንገት ሽታዎቻችንን ተማማግን ወደ ቀይ ፕዦ-205 መኪናዋ አመራን ። ቤሎንዥ ሲጋራዋን በአፍ ይዛ ፈገግ አለች ፤ ፈገግታዋ ሁሌም ድካሜን ያበንነዋል ። ለብ ያለችውን የባቡር ጣቢያ ፀሐይ በጀርባችን ትተን ወደ እናቷ ቤት ገሰገስን ።
ማማ ኤሊዝ ፥ ጎኑ ሾርባ ያለው የመግሪብ ኩስኩስ ጋበዙን ፥ ይሁን ! አመጣጣችን ድንገት ነበር ። ጭንቅላታቸውን በአለላ ቢጎዲን ጠቅጥቀው የሚንጎራደዱ ትልቅ አርበ ሰፊ ሴትዮ ናቸው ።
ቤል ፥ በስሜ ጠርታ ስታስተዋውቀኝ ምንሽ ነው ? እንዲሏት ተመኝቼ ነበር ። ሳይሆን ሲቀር በውስጤ ያለችውን ቤል በእናቷ ፈንታ ጠየቅኹ ፤ ቤል ! እኔና አንቺ ምንና ምንድነን ? እ...ቅርበታችን መሠየም ለምን ፈራሽ ?
ማማ ኤሊዝ ፥ የልጃቸውን ውሽማ በማዕረግ አስተናገዱ ። ከእማማ ጋር በሙሉ አይን የተያየነው ቤሎንዥ ሾርባ ለመጨመር ስተነሳ ነው ። ለስርዓትና ወግ በጣም ታትሬ ስለነበር መሰለኝ ። መች መጣህ ? ከተማችን እንዴት ነው ፥ ወደድካው ? ቀላል የሆኑ በአህጉር የሚያግባቡ ጥያቄዎችን እየተወራወርን አወራን ። ቤሎንዥ በመሀል ገብታ ስለአንደበቴ ጉብዝና ጠየቀች ፥ የአሮጊቷ ውረፋ አልቀረልኝም ። les vaches d'Espagne ...አለ አይደል ፥ እንደ እስፓኞል ላሞች ሃሃ
⏩ | 02:46:59
ወደ ተያዘው ሆቴል ፥ ኦቴል ዴላ ፕሬስ ጋለብን ። ቤል መኪና ውስጥ ሲዘፍን የነበረውን ካሴት ገለበጠች ። የካሴቱ አይኖች ስር Édith Piaf - Non, Je ne regrette rien የሚል ፅሁፍ ተጭሯል ። እንደከተተችው ፥ ተስረቅራቂ የሴት ድምፅ በላያችን ይፈስ ጀመር ። ቆይቼ አስታወስኳት ፥ የጥንት የጠዋቷ የላ-ቪ-ኦን-ሮዟ ዘፋኝ ነች ።
Non, rien de rien,
Non, je ne regrette rien ...!
ኖ..!
ፀፀት የለብኝም ፥
ኖ..ምንም !....ምንም ነገር ...አይፀፅተኝም ....!
ዘፈኑ ወስዶን ፥ በመንገዱ ምንም ቃል አላወራንም ። ኮብል በወረራቸው የውስጥ-ለውስጥ የቦኽዱ መንገዶች ተጉዘን ፤ ደረስን ። በበርአፉ የጣሳ አበቦች የተኮሎኩልበት የድሮ ሆቴል ነው ። ሎቢው ከባቢ ሰው ስላልነበር ፤ አልፈን ደረጆችን ወጣን ። እንደደረስን ፥ ቤሎንዥ ትልቅ ማንጠልጠያ ያለው ቁልፍ ከቦርሳዋ አወጥታ ወደ ሰረገላው ውስጥ ሰካች ። ከቀኑ አስር ሰዓት ፥ የሩም ቁጥር አንድ መቶ ሰባት ።
ከቤል ጋር ብዙ ተራርበናል ። ፊቷ ላይ ካሉ ቀዳዶች ጌጧን እያወላለቀች ተጠጋቺኝ ። ጫማዬን በእግሮቼ አክኬ አወጣኋቸው ። በየድርጊቱ መሀል ፥ አይናችን ከመተያየት አልሰነፉም ። በሁሉም ድርጊት መሀል ፥ አይኖቿን እፈልጋለሁ ። መተያየታችን በቃላት መሀል እንዳለ ክፍተት ነበር ። ካልተያየን ፥ ዝም ብሎ እን መቅጠልጠል ነበር ፤ ትርጉም አይኖረንም ።
አይኔ ወደከንፈሯ ወረደ ። ደህና ወርጄ ለምቦጯ ስር ያለች ነቁጥ ጋር ስደርስ ድንበር ትሆንብኛለች ። እመለሳለው። ቡኒ አይኗ ፥ የትም ዞሬ ማረፊያዬ ነው ።
እንደቆምን እጄን የጉንጭና ራሷ መግጠሚያ ማዕዘን ላይ አሳረፍኩ ። የተከፈለ ቡኒ ፀጉሯ መሃል ላይ የተኛ የቆዳዋ አስፋልት አለ ። ክፋዩን ተከትለው ቢሄዱ መጨረሻው አይታይም ፥ ሚራዥ እንደሆነ ይቀራል ። ከአፍንጫዋ ደረስኩ ። የአፍንጫዋ ስር ጉድጓድ ምንጭሯን የተቆለመመበት ጥበብ ተዓብ ነው ፥ ለመጉረስ እንዲመቸኝ እግዜር አስቦልኝ ይሆን ?
የቀሉ ጉንጮቿን ፥ ዳሰስኩ ። ሁሌም ስነካት ነብሷ በጣቶቼ በኩል ወደኔ ትሰርጋለች ፤ ምህዋሯን እንደያዘች ፥ ሰተተተት ። ነብሷ ከኔ መነተሆኗን ሳውቅ ፥ ደረቴ ላይ ሐር ፈታይ ትሎች ይርመሰመሱ ይመስል ፥ ውርር ያደርገኛል ።
ቶሎ ቶሎ ከሚወጣ ትንፋሽና ሂሏን ስታወልቅ ከነበረ ቋቋታ በቀር በቤቱ ድምፅ አልነበረም ። ዋሜራ አንገቴ ላይ እጇን አስተነባብራ የእንግሊት ወደአልጋው ወደቅን ። ሁለቴ ግዜ ፥ ዘፍ ዘፍ ። ስናርፍ ፤ የአንገቷ ጉድጓዶች ላይ ተዘግዝጎ የተሰመረ ሀብሏ በአንድ ጎኗ ተንሸራተተ። መልሳ ከላዬ ሆነች ። ወዲያው ደግሞ ወደጎን ።
ከኔ-አገር ውጪ ለመጀመሪያ ግዜ ከንፈር ልንቀማመስ ነው (እንደዚ ይታሰባል ? እኔንጃ ብቻ) ። ለድመት መውጫ እንደተገረበበ በር አፏን በስሱ ከፍታ ተጠጋቺኝ ። የሚቀሰም ወዝ በአፏ ላይ ነበር ፤ ቅሠም-ቅሠም አሰኘኝ ።
ሣምኳት ፤ ምህረት የሌለው አሳሳም ። ስሚያችንእዝ እንደሌለው ዳንስ ነበር ። በአፏ ማርውሃ እረጥብና ፥ በተራ ደግሞ እሷን አረጥባለሁ ።
እግሮቻችን እንደተቆላለፉ ሹራቤን ከላዬ ለማውለቅ ብዙ አታገለኝ ። ባንዲራ ሲወርድ እንኳ እንዲህ ያለ ግዜ መብላቱን እንጃ ። አውልቄ እስካሽቀነጥረው ብዙ ተዓምር ያመለጠኝ መሰለኝ ፤ ደግሞም አምልጦኛል ። ቲሸርት ከገላዋ ወደላይ ሲገፈፍ የነበረን ትይንት መታደም አያስፈልገኝም ነበር ?
ምላሶቻችን ወለው ተዟዟሩ ። የተራበ አይኗ አሁንም እየለመነ ያዘኛል። እየተለመኑ ደርቦ ትዛዝ መቀበል ከዚህ ቦታ በቀር ገጥሞኝ አያውቅም ። " ጌትዬ ፥ ዋ ! " ተብሎ ያውቃል ? አይባልም ነገር አይደል ? ይገባኛል ፤ በቦታው ላልነበር አልያዊ ሙሉቀን ቢወራ እንኳ ስሜት አይሰጥም ።
ወገቧን በእጄ ቀኝቼ ከተንጋለለችበት ተጠጋሁ ። ልቡን ከየት እንዳመጣሁት እንጃ ። የማድረገው ሁሉ ከዚህ በፊት ከቀሚስ ጋር ትውውቅ እንዳለው ነው ። ነገር ግን እንተባረረው አዳም ነበርኹ ፤ ሒዋንን በስጋ ሊያውቅ መጀመሪያ እንደሆነው ፤ እ...ን...ግ...ዳ ።
Listen to the most recent episode of sostkilo podcast: የራህባን ጭስ https://anchor.fm/sostkilo/episodes/ep-e28adld
Читать полностью…
የመልካም ልደት ምኞት ለአዳም ረታ...
ኦቾሎኒ (*አጭር ልብወለድ) | አለንጋና ምስር መፅሃፍ | ሆላንድ 1985 ዓ.ም.
@sostKilo Podcast 📻
New Ep: ሮዛ-ሮዚና ! https://anchor.fm/sostkilo/episodes/ep-e24286k
Sost Kilo Podcast 📻
New Ep: የመንታ እናት ፖለቲካ ! https://podcasters.spotify.com/pod/show/sostkilo/episodes/ep-e23iqoc
⚠️ Book Alert !
📍ሀገር ያጣ ሞት | 2nd edition.
HEnock Bekele | ወ ን ድ ሜ
እንኳን ደስ ያለህ፥ እንኳን ደስ ያለን 🖤
ያልተላኩ አምስት ቴክስቶች - Message 3 | Part II https://anchor.fm/sostkilo/episodes/--Message-3---Part-II-e1u3sh0
Читать полностью…
የተራነቴ ሄ'ህ'ሆ !
[ ልዑል ዘወልደ ]
ተራ ስለሆንኩ
( ሄ )
በቆርቆሮ ጣርያ ተከድኜ ዝንትአለሜን ስጨነቅ አልኖርም ፤ የማንጋጥበት ኮርኒስ ሳልከፍል የገዛሁት ሰማይ ነው ። ቀለሙ በየሰዐቱ 'ሚለዋወጥ ኮርኒስ . . . አይፀዳም በፈጣሪ ?
አስብ እስኪ ፥ በሰርክ ለሊት ተጋድመህ ተወርዋሪ ኮኮብ እየቆጠርክ አስራስድስተኛዋ ላይ ስትደርስ ምናምን ታዛጋና ሰላምህን ታቅፈህ ትደቅሳለህ ። ከዛ ደሞ ሲነጋ ፀሀይ በቀጫጭን በተረጩ ጨረሮቿ እየኮረኮረች . . . ነጋልሽ ነብሴ . . . ? ስትልህ. . . እግዚኦ ! ደስ ስትይ ብለሃት እየተንጠራራህ ጀርባህን ታካለህ . . . ፏ. ፏ . ፏ . ሿ . ሿ ።
.
ተራ በመሆኔ
( ህ )
ክቡርነቴ ባዮች ከእግር ስራቸው ተጋድሜ ሲሰግዱ እንኳ ዝቅ ብለው አይተውኝ አያውቁም ፤ ተመስገን ! እንኳንም ያላዩኝ ። ሲረሱኝ ሳያውቁት ነፃነቴን በነፃ ይለግሱኛል ፤ አጎፍሬ ዱር ሳልገባ ምናምን. . . ሃሃሃ ።
አዳሜ ነፃነትህን እኔጋ አራግፈህ ለተፈጥሮያዊ ፈስህ ( ሰው ሰራሽ አለ እንዴ? ) እንኳ እየዞርክ አስሬ ቼክ ታደርጋለህ ? ሰሙኝ አልሰሙኝ ። አልገባህም እንጂ ተራነት እኮ ቪ አይ ፒ ነው ፤ ምቾቱ ተ.ር.ር.ር.ር እርፍ ።
አንዳንዴ እላለው ፤ ምናለ ሲምቢሮ ወፏን ቢያረገኝ . . . ተኮፍሳቹ ስትሽቋልጡ እየተከታተልኩ ኩሴን መሃል አናታቹ ጠ...ብ ። ከዛ ፥ ሲሳይ ነው ምናምን እያላቹ ስትጃጃሉ ከት ብዬ እስቅ ነበር ፤ በወፍኛ ፂ...ው ፂ...ው ፂ...ው እያልኩ ።
ተራ ስሆን
( ሆ )
የማጣው ነገር ስለሌለ ምንም አያስፈራኝም ። ፍርሃት ከሌለህ መለኮት ባዶህን ሞልቶ በራስህ ከፈፍ ይሽከረከራል ። ፍርሃት ከሌለህ ነብስህ ህላዌ እንጂ ፆታ እንደሌላት ትረዳለህ ። ፍርሃት ከሌለህ የሰዎች ህግ ፣ ትምህርትና ትርጉሞች በጥልቅ እንዳታስብ እንዳፈኑህ ትባናለህ ። ፍርሃት ከሌለህ አገርህ ከዚህ አለመሆኑን ስለምታውቅ እንደቱሪስት እያደነቅክ ትኖራለህ ። አንተ ሆዬ የሌለህን ቤሳቢስት ላለማጣት ሳይሞላልህ እንደተንከራተትክ ነብስህን በስጋት ፉት ታረጋታለህ . . . ምፅ ።
ቆይ እንዴት እየሮጥክ ስለሌላ ሩጫ ትጨነቃለህ ፤ እንዴት እያረፍክ ስለሌላ ትልቅ እረፍት ታስባለህ ፤ አንዱን በቅጡ ሳትይዝ ሌላውንስ ለምን ታሳዳለህ ? እህ አለም 'ኮ ያለሾርት የማትሰራ ሰልፊሽ ሸሌ ነች ። ቶሎ ቶሎ ካልከካህ ሳትጨርስ ታባርሃለች . . .ምፅ . . . ከፍለሃት ሳለ ? . . . ስሜትህስ . . . ምፅ. . . ወይኔ ገንዘብህ . . .
በውኑ እኔ ድምቡሎ ጎዳና ተራ ሰው ነኝን ? (የተቀነጨበ)
ያልተላኩ አምስት ቴክስቶች - Message 3 | Part II https://anchor.fm/sostkilo/episodes/--Message-3---Part-II-e1u3sh0
Читать полностью…
https://anchor.fm/sostkilo/episodes/ep-e1tgnnl | ያልተላኩ አምስት ቴክስቶች ፤ Message 3 - ዛሬ ፥ ጨረቃዋን አይተሻታል ? ...| ፩. አዲስ አበባ ፥ ካምፕ አስመራ
Читать полностью…
የአንገቴን ዙሪያ-ሜዳ በከንፈራ እየጠረች ብዙ ቀላድ አክብባ መጠጠች ። ስድስት ሰባት ቦታ ከንፈሮቿ እዚህ ነበርን የሚል ምልክት እየተው ፥ ወደጆሮዬ በለብታ ወጡ ። እ...የ...ጋ...ል...ኩ ነበር ።
Pause | 08:46:59
ቤቱን ሙሉ ዞሬ ፥ የሰራ ኮንዶም ሳጣ ግዜ ፥ ሀሳብ እያውጠነጠኑ መቆየቱን አልፈለኩም ። ለደቂቃዎች ማሰብ አቁሜ ሲጋራ ለማጨስ ፥ ከአልጋው ጫፍ ዞር አልኩ ።
ቤል ፥ አሁንም እንደተኛች ነው ። ወደ በረንዳ ሳመራ ቅድም ሰጥታኝ በቅጡ ያላነበብኩትን ፖስት-ካርድ ተገልብጦ አየሁ ። መሀል ላይ ሁለት ቃል ብቻ ሰፍሮበታል ። " የኔ ነብስ...!" በተረፈው ቦታ ፥ እንደመጣልኝ ቃላት ጨመርኩ ።
የኔ ቤሎንዥ - ቀለም ነክረሽ ሰንደቅ የምትሰፊልኝ ከሆነ ምርጫዬን እነግርሻለው ። ሚስጥሬ ሁሉ በእርሱ አለ ። መጀመሪያ ፥ ደማቅ ጥቁር ጀምሮት እየገረጨ እንዲሄድ ፥ የሚነጣ ሶስተኛ ደብዝ ደሞ ትጨምሪያለሽ ፥ መጨረሻው ግን ወይን ጠጅ ይሁን ። አራት ሕብር ያለው ሰንደቅ ፤ ይኸው ነው ቤሎንዥ ፥ ይኸው !
ያልተላኩ አምስት ቴክስቶች ፤
Message 3 - ዛሬ ፥ ጨረቃዋን አይተሻታል ? ...|
[ ልዑል ዘወልደ ]
፩. አዲስ አበባ ፥ ካምፕ አስመራ
ከናፍራችንን ቀድመው የተሳሳሙት ጣቶቻችን ናቸው ። የዛሬ አመት ገደም ፥ የላዳ የኋላ ክፍል ውስጥ ። የዛን ለት ከየት-ወዴት እየሄድን እንደነበር አላስታውስም ። ብቻ የፑሽኪን'ን አናት ከኋላ ስንተውና ኦርቢስ ከባቢ ስንደርስ ፥ ጣቶቻችን ተፈላልገው ተገናኙ ።
በወንበራችን መሀል የተተወ አስፈሪ የይሆናል ክፍተት ነበር ። ማርያም ጣቴ ይሄን ጥሳ ወደ ግራ እጇ ጠርዝ ታከከች ። በጥፍሯ ያለን ቀይ ቀለም በማከክ የተጀመረ ወደሌሎቹ ዳበች ። ቀስ እያለ ፥ እጆቻችን ተደጋገፉ ።
ጣቶቼ በአራቱም የጣቷ ክፍተት ሲሰገሰጉ ፥ አይኖቻችን እንዳስመሳይ ቱሪስት ከመኪናዋ ማዶ የሚታይ-ማይታየውን እያደነቁ ነበር ። አላየንም አሉ ፤ ጣቶቻችንን ከኛ ወገን አይደሉም አሉ ።
ጀግና ጣቶቻችን ስንት ስጋት ጥሰው ሲሳሳሙ ፥ ከንፈራችን ገና ባላገር ነበር ። ተነካካን ። እሳት ላይ እንደተጣድን ሁሉ ደማችን ውስጥ-ውስጡን መፍላት ጀመረ ። ንኪ ፥ ስንት ፋራናይት ነው ?
ሙቀቱ የሆነ መግለፅ የሚከብድ ምቾት ነበረው ፥ የሆነ ምቾት የሚነሳ ነገርም ። የርሷ ደም ከኔ ቀድሞ ጋለ ። ጥቂት እንደተነካካን ተጠግታኝ ፥ ከንፈሬን ሳመች ። ለገላችን ሁለተኛ ስሚያው ነበር ፥ ከጣት የቀጠለ ። ስንሳሳም ከአፏ ውኃ ላይ ትኩስ ቫኒላ በማርልቦሮ ቀመስኩ ። ቤል ፥ አጭሳ ነበር ።
የሷንና የጎልዋዝ ሲጋሪቷን (*በነርሱ አገር ሲጃራ የእንስት ፆታ አላት ) ሽታ መለየት ይከብደኝ ነበር ። ሰማያዊው ካሳ ያለው ጎልዋዟ ሲያልቅ ፥ ትንሽ ቀን ብቸኛ ሽታዋን ለመድኩ ። ኋላ ላይ ለሱሷ ማርኪያ ማርልቦሮ ጀመረች ። በነበሩት የሽግግር ቀናት ግን የላቧን ሽቱ በአፍንጫዬ ሸምድጃለሁ ።
ሽታዋን ለመግለፅ ፥ ከቫኒላ ጋር አንድ ብሔር እንደሆኑ ይሰማኛል ። ረግጦ ፥ እንዲህ አይነት ነው ለማለት የሚያስችል ግን አይደለም ። ያዩትን ፥ በሥዕል ይገልፁታል ። የሰሙትን ይተርካሉ ። ያሸተቱትን ፥ በምን ይጠበቡታል ?
ትንሽ እንደተሳሳምን ፤ " ቤል ፥ የኛ አገር ሰው እንደናንተ አይደለም ፤ ደግሞ እንዳይረግሙን " አልኹ ። በለዛ ማይ ያልተነከረ ደረቅ ቀልድ እንደነበር ተሰምቶኛል ። እንደ መልስ ፥ ልዝ ፈገግታዋን ደበሰችኝ ።
ይህ ሁሉ ተዓምራዊ ኪነት ሲተወን ፥ የላዳ ሹፌሩ ከመድረክ ጀርባ እንደተቀመጠ አዘጋጅ ነበር ። አይቶ ምንም እንዳላየ ፤ ሰምቶ ምንም እንዳልሰማ ፥ አምኗል ። ቅድም ጣቶቻችን ሲሳሳሙ አይኖቻችን እንደሆኑት ፥ እንደተጠበቀልን ምቾት ...
፪. ቦኽዱ ፥ የጨረቃ ወደብ ፥ (ፈረንሳይ)*
