9
المختبريون🔬🧑🏻⚕ أنتم الجنود المجهولين الذين تعملون دائما من خلف الكواليس، مابين عدسة عينكم وعدسة المجهر جدار مكتوبا عليه، صحة الناس وحياتهم أمانة بأعناقكم..❤️🙏🏻
تركيبة حليب الأم بعد الولادة👇🏻
🔹الأسبوع الأول: الحليب مناعي يعني يكون غني جدا بالاجسام المضادة الي تنطي لجسم الطفل مناعة قوية ويكون فقير من بقية المواد.
🔹الأسبوع الثاني: تبدي كمية الأجسام المضادة تنقص من الحليب بالمقابل تتزايد كمية الدسوم والسكريات.
🔹الأسبوع الثالث: هنا يصير الحليب ناضج ويحتوي على السكريات والدسوم والأحماض الآمينية ويساعد على نمو جسم الطفل.
اختبار IgM
🔹ماهي فائدة التحليل🧪:
🔸هذا التحليل يساعدنه حته نعرف اذا الشخص مصاب بالتيفوئيد لو لا واصابته حديثه لو قديمة.
🔹شوكت اسوي التحليل❓:
🔸اذا حسيت بحرارة عاليه وبقع وردية على الجلد والم في البطن وضعف عام بالجسم وامساك لو اسهال وصداع بالرأس.
🔹شلون نسوي التحليل❗️:
🔸ناخذ دم وريدي من المريض ونخلي بالتيوب الاصفر ونفصلة بجهاز السنترفيوج.
🔸ناخذ قطرة وحده من السيرم ونخليها بالفتحه الدائرية الي بالشريط المخصص للتحليل.
🔸اخذ قطرة من محلول التخفيف واضيفها على السيرم الي بالفتحه نفسها وانتضر ١٥ دقيقه.
🔹قراءة النتيجة للتحليل🔍:
🔸اذا ظهر خط واحد على حرف ال C معناها النتيجة سالبة ماكو اصابه.
🔸اذا ظهر خطين على حرف ال C وحرف ال G معناها اصابه قديمه.
🔸اذا ظهر خطين على حرف ال C وحرف ال M معناها اصابة جديده.
🔸اذا ظهر خطوط عليهن كلهن معناها اصابة جديدة.
🔸اذا لم يظهر اي خط او بس على حرف ال G وال M معناها الشريط تالف.
اسمي مو منغولي !!💔
اني عندي اسم طبيعي مثل كل الناس ياريت تصيحوني بيه.
حالتي طبياَ اسمها متلازمة داون، واللي صار انو اثناء التلقيح يصير انشطار معين يؤدي للطفرة يعني مو ذنبي اني ابدد.
لساني حجمه جبير، لهذا انجبر اطلعه للخارج حتى اكدر اتنفس وما اختنگ.
ادراكي اقل من عمري يعني اذا عمري 15 مستوى فهمي هو فهم الولد الي عمره 7 سنين، لذلك طولوا بالكم علية دائما.
اني احب واتعلق وافهم واتعلم وازعل واحس ومن تكعدون يمي احجوا ويايه وأسالوني وناقشوني ببساطة قدر الامكان لا تحسسوني بالشفقة.
اني حلو مثلكم اذا تحبوني شوي رح احبكم اكثررر.
اني إنسان🙏🏻💙
خلف كل عينة روح تأن من الوجع، فكن أمينا وأتق الله وكن السبب الذي يزيل عن الناس أوجاعهم، ف المعالجة تبدأ بك انت وحدك.💉🔬
Читать полностью…
ليش يفضل أخذ عينة من الدم من اصبع البنصر من اليد اليسرى؟👇🏻
والسبب هو انو يكون بي الألم اقل على عكس الإبهام والسبابة والأصابع الوسطى، وجلده أرق (عدم وجود اجزاء سميك ومتصلب من الجلد أو الأنسجة الرخوة خاصة في المنطقة التي تعرضت للاحتكاك) ف هالشي يخلي عملية الثقب سهلة وسريعه، ويتحرك البنصر بشكل أقل، لذلك يشفى جرحه بشكل أسرع.
الحواجب تساعد في حماية العين من العرق، والأمطار، كما يمكن التعرف على الأشخاص من خلال رؤية حواجبهم، فتميز كل شخص عن غيره في حالة تركها على طبيعتها دون تغيير في شكلها، وعن طريق الحواجب يمكننا التعبير عن مشاعرنا المختلفة من سعادة، حزن، دهشة، وغيرها.
Читать полностью…
اختبار RBP
🔹ماهي فائدة التحليل🧪:
🔸هذا التحليل يساعدنه حته نعرف اذا الشخص بي اصابة للحمى مالطة بالجسم.
🔹شلون نسوي التحليل❗️:
🔸ناخذ دم وريدي من المريض ونخلي بالتيوب الاصفر ونفصلة بجهاز السنترفيوج.
🔸ناخذ قطرة وحده من السيرم ونخليها على الشريط الابيض.
🔸ارج علبة محلول الريئيجنت الوردي واضيف منه قطرة وحده على قطرة السيرم وابدي امزجة زين بعود خشب الستك واحركة بصورة دائرية.
🔹قراءة النتيجة للتحليل🔍:
🔸اذا اكو تحبب وتلازن معناها النتيجة موجبة اكو اصابة.
🔸اذا ماكو تحبب ابد معناها النتيجة سالبة ماكو اصابة.
مصطلحات طبية مهمه👇🏻
🔹colon القولون
🔹rectum المستقيم
🔹anus الشرج
🔹liver الكبد
🔹liver cirrhosis تليف الكبد
🔹digestion الهضم
🔹absorption امتصاص
🔹assimilation تمثيل غذائي
🔹metabolism تحول غذائي
🔹constipation امساك
🔹diarrhea اسهال
🔹nausea غثيان
🔹kidney كلية
🔹ureter الحالب
🔹urinary bladder المثانة
🔹stone ureter حصوة الحالب
🔹urine بول
🔹hyper nephroma تضخم الكلى
🔹urethra قناة مجرى البول
🔹stone kidney حصوة كلوية
🔹renal failure فشل كلوي
اختبار HCG او PT
🔹ماهي فائدة التحليل🧪:
🔸هذا التحليل يساعدنه انو نعرف اذا اكو حمل للاناث او اصابة سرطانات للذكور.
🔹شلون اعرف ال PT للحمل❓:
🔸اذا جان المريض رجل اسوي مباشرة تحليل البروثرومبين تايم واذا جانت انثى اسألها تردين تحليل حمل لو غيره.
🔹متى يتم التحليل للاناث❗️:
🔸بحالة اذا نقطعت الدورة الشهريه عند الانثى ف تنتضر لمدة اسبوع او ١٤ يوم اذا اقل من هذن متسوي تحليل الحمل.
🔹نفحص التحليل بأي عينة❓:
🔸التحليل يكون بعينتين يا أما بالادرار او بالدم ودائما تحليل الدم يكون نسبته اضبط من الادرار ونتيجته صح.
🔹التحليل عن طريق الادرار👇🏻:
🔸افضل وقت للتحليل هو الصبح تكون بي نسبة هرمون الحمل مركزة.
🔸تحضير عينة البول من الانثى بعلبة بلاستيكية خاصه للبول.
🔸اغمس شريط تحليل الحمل بالعلبة بشرط انتبه يكون الادرار جوه الخط الاسود للشريط وانتضره دقيقتين او اقل.
🔹التحليل عن طريق الدم👇🏻:
🔸اسحب دم وريدي من الانثى واخلي بالتيوب الاصفر.
🔸اخلي التيوب بجهاز السنترفيوج حتى يتم فصل السيرم كلش زين.
🔸اسحب كمية من السيرم بالماصه واخلي بتيوب فارغ شفاف واغمس بي شريط الحمل ويكون السيرم جوة الخط الاسود للشريط وانتضره خمس دقايق.
🔹قراءة النتيجة للتحليل🔍:
🔸اذا ظهر خط واحد على حرف ال C معناها نتيجة سالبة ماكو حمل.
🔸اذا ظهر خطين على حرف ال C وحرف ال T معناها نتيجة موجبة اكو حمل.
🔸اذا ظهر خطين بس ال الخط الي على حرف ال T ضعيف معناها الفترة قليلة بعدها للحمل ف ترجع بعد اسبوع او بسبب تكيس على المبايض او خلل بالهرمونات.
🔸اذا ظهر خط واحد فقط على حرف ال T او اذا ميضهر أي خط معناها الشريط تالف.
🔹شنو هي تشققات الكعب؟؟
تشققات الكعب هي حالة مرضيه تصيب القدمين تنتج عن جفاف القدمين وتسبب زيادة سمك الجلد وتسبب تشققات ويكون لونها اصفر او بني وتسبب ألم وعدم راحه عند الوقوف على القدمين وايضا ظهور الدم احيانا.
🔹زين شنو سبب هاي التشققات؟
الأسباب هوايه منها المشي على الارض بقدمين حافيتين او لبس الاحذية الغير المناسبه، او مرض السكري لأن مرض السكري احيانا يصير وياه جفاف الجلد نتيجه قلة نقل الدم وارتفاع السكر، او حالة الجفاف بسبب عدم شرب الماء او قد يكون التشقق نتيجه نقص فيتامينات او الحمل والتقدم بالعمر.
🔹 زين شنو العلاج الها؟👇🏻
يكون باستعمال كريمات اكيد، لكن قبل كلشي لازم يتم تنقيع الرجل المتشققه لمدة ربع ساعه ومن بعدها انشفهة بشكل جيد ونستخدم واحد من العلاجات هاي:
1- كريم زهرة لبنان: يستعمل مرة وحدة ليلا تدهن الكعب بعدها ارتداء جوارب تجي وياه بالعلبه وتبقى لليوم الثاني وبعدها تنقع بالماء لازاله الجلد الميت.
2- دهن zinc castor oil ointment
3- كريم Foot smart cream
مكان الألم في البطن مع التشخيص حسب الرقم في الصوره👇🏻
🔹١_حصى المراره، قرحة المعدة، التهاب البنكرياس.
🔸٢_قرحة، ارتجاع مريئي، عسر الهضم، التهاب البنكرياس، فتق.
🔹٣_قرحة اثنى عشريه، انسداد القناة الصفراء، التهاب البنكرياس.
🔸٤_حصى المراره، إلتهاب المسالك البوليه، امساك، فتق قطني، انزلاق غضروفي، الزائده الدوديه.
🔹٥_التهاب البنكرياس، قرحه، فتق السره.
🔸٦_حصى المراره، امساك، التهاب القولون.
🔹٧_امساك، آلام حوض الورك، المشاكل الصحيه النسائيه فتق إربي.
🔸٨_التهاب المسالك البوليه، التهاب القولون، آلام الحوض والمشاكل الصحيه النسائيه، ارتشاح القولون.
🔹٩_ارتشاح القولون، المشاكل الصحيه النسائيه.
الضلعين على شكل حرف L رح نلكه عليهن كريات بس مو كلهن نحسبهن انتبهوا، مثلا شوفوا هسه هذا الرسم بالورقة، كرية رقم 1 نحسبها لان صايرة بوسط الخط، كرية رقم 2 نحسبها لان صاير اكثرها داخل المربع وقليل منها برا المربع، كرية رقم 3 ما نحسبها لان قليل منها بالمربع وهواي منها خارج المربع، كرية رقم 4 ما نحسبها لان طالعة خارج المربع كله.
مهم ركزوا عليهن.
عضة الكلب👇🏻
من يتعرض الشخص لعضة أي حيوان من الثديات كـ "الكلب أو الفأر أو القطة"، ويكون هذا الحيوان مصاب بمرض السعار، رح ينتقل المرض للشخص بحالة عدم حصوله على المصل بالموعد المحدد بعد العضة مباشرة، ومرض السعار يسبب الوفاة لأن هو مرض ما اله علاج، وخطورته تكمن بإصابة الأعصاب بأي مكان تكون العضة، لأن الفيروس يستهدف المخ مباشرة.
شنو تسوي بهاي الحالة؟👇🏻
1_ تغسل مكان الإصابة بالماء والصابون ويكون مصدر المياه جارية لفترة كافية.
2_ بعدين تطهير المكان المصاب بإستخدام مطهر قوي قبل التوجه للمستشفى حتى يقل خطر الفيروس الي يكون خامل لمدة الـ 3 ساعات الأولى من العض.
3_ التوجه للمستشفى ضروووري فوراً بعد العضة للحصول على المصل الخاص بالعضة من نوع الحيوان.
4_ المصل عبارة عن 5 جرعات من الحقن يتم تناوله خلال 28 يوما بتسلسل الأيام بداية من يوم العض، ثم اليوم الثالث، واليوم السابع، اليوم الرابع عشر، اليوم الثامن والعشرون، وعليك أخذ جميع الجرعات ضروري.
أضرار تناول الدواء بدون ماء👇🏻
1- التهاب جدار المعدة.
2- التركيز الدوائي بها قد يسبب الشعور بالحموضة والحرقان والقرحة.
3- تراجع مفعول الدواء وظهور آثاره الجانبية.
4- بتكرار هذه العادة الخاطئة تصبح المعدة عرضة للقرحة والالتهاب الدائم.
5- الغثيان والإقياء.
6- التسمم "نادرا".
اختلاف لون الدم بالحقن👇🏻
🔹أول 2 حقن، دم مسحوب من الوريد وهو دم مابي اوكسجين وهذا لونه الداكن الطبيعي بدون اي مشاكل ثانية.
🔹ثاني 2 حقن، دم مسحوب من شريان وهذا دم مؤكسج (بي اوكسجين) وهذا لونه الفاتح الطبيعي.
#منقول
ليش ما ينصاب القلب بالسرطان؟👇🏻
لأن خلايا القلب من النادر أنو تنشطر، عكس خلايا الاعضاء الداخلية الأخرى والي تكثر بيها الخلايا الشحمية تكون أكثر أنواع الخلايا حملاً للمواد المسرطنة مثل الثدي، وايضا القلب تكون طبيعته عضلية، واضافه انو القلب مغلف بغشاء يسمى "التامور" وهو يحمي القلب من أخطار هوايه منها الأورام السرطانية.
انتبهوا ع هالشي كلشش جماعة المختبر، من تردون تخلون العينة مال دم بالتيوب، لازم تخلونه بصورة مائلة بحيث ينزل الدم على جدار التيوب شوي شوي، لان اذا دفعته بصورة عمودية للقاع فجأة رح تتكسر الكريات.
Читать полностью…
البكاء يسمح بدخول الأوكسجين للرئتين ويخلص الجسم من الهرمونات التي تسبب التوتر وهذا ما يفسر الأرتياح بعد البكاء.
Читать полностью…
اختبار CRP
🔹ماهي فائدة التحليل🧪:
🔸هذا التحليل يخلينه نعرف انو اكو التهاب معين بالجسم بدون ذكر مكان ونوع الالتهاب.
🔹شلون نسوي التحليل❗️:
🔸ناخذ دم وريدي من المريض ونخلي بالتيوب الاصفر ونفصلة بجهاز السنترفيوج.
🔸ناخذ قطرة وحده من السيرم ونخليها على الشريط الاسود المخصص للتحليل بوسط الدائرة.
🔸ارج علبة محلول الريئيجنت الابيض واضيف منه قطرة وحده على قطرة السيرم وابدي امزجة زين بعود خشب الستك واحركة بصورة دائرية.
🔹قرءاة النتيجة للتحليل🔍:
🔸اذا اكو تحبب وتلازن معناها النتيجة موجبة اكو التهاب.
🔸اذا ماكو تحبب ابد معناها النتيجة سالبة ماكو التهاب.
لماذا يتم تناول حمض الفوليك Folic acid أول ثلاثة شهور من الحمل؟👇🏻
لتجنب حدوث تشوهات فى الجهاز العصبي للجنين وايضا لتجنب عدم اكتمال الأنبوب العصبي، كما يعمل على تقليل فرص الإجهاض والولادة المبكرة، وتحتاج المرأة الحامل جرعة محددة من حمض الفوليك.
متى يتم استخدام حمض الفوليك بالتركيز العالي 5mg؟👇🏻
إذا وجد تاريخ مرضي للعائلة بحدوث بعض العيوب الخلقية وخاصة للجهاز العصبي، أو إذا أنجبت الأم طفل من قبل لديه مشاكل بالجهاز العصبي.
ما التحاليل الأساسية قبل الزواج؟👇🏻
🔹تحليل تعدد الدم وصورة الدم الكاملة.
🔹تحليل فصيلة الدم وتوافق العامل الريسي للزوجين.
🔹تحليل الثلاسيميا الوراثي.
🔹تحليل الكشف على فيروس إلتهاب الكبد B المعدي للزوجين والاطفال.
🔹تحليل المناعة لمرض الحصبة الألمانية (للزوجة فقط) لانه مرض طفحي يصيب الاطفال في المستقبل.
ما التحاليل الاختيارية قبل الزواج؟👇🏻
🔸تحليل مرض الإيدز.
🔸تحليل الزهري.
🔸تحليل السائل المنوي (للزوج فقط).
🔸تحليل هرمونات الخصوبة.
#منقول
الجاثوم👇🏻
بعض الاشخاص يستيقظون من النوم ويحسون أنو همه ميكدرون يتحركون ابد وهاي الظاهرة يسموها شلل النوم أو الجاثوم، بحيث يصير عدهم هلوسات مخيفة، او يحسون انو همه مستيقضين بس ميكدرون يتحركون.
السبب يرجع أنو الانسان خلال مرحلة النوم يمر بمرحلتين وهم "النوم الغير حالم" بالبداية و "النوم الحالم" ويكون بيها ارتخاء لكل عضلات الجسم ماعدا الحجاب الحاجز حتى يستطيع الانسان انو يتنفس، ف المخ يرخي العضلات تماماً يعني يشبه الشلل حتى يمنع الجسم من التفاعل مع الاحلام حركياً وشلل النوم يصير أحياناً مرعب من يستيقظ الشخص وما يستطيع انو يتحرك !! ف الي يحدث بالجاثوم هو أنو يستيقظ الانسان قبل نهايه هاي المرحلة الاخيرة ف يكون بكامل وعيه لكن ما يستطيع الحركة أو الكلام وانما تحدث اله كوابيس بصرية وسمعية ما يستطيع مقاومتها.
سبب هاي التسمية👇🏻
هو "فلكلور شعبي قديم" يصور جنية عجوز تجلس فوق صدر النائم وتسبب له ضيق في التنفس.
#منقول
الجدار مال المربع الكبير اكو نقاط يعني كريات رح تلكون موجودة عليه بس ما نحسب كل الجهات، نحسب فقط الضلعين من الداخل يعني اليسرة والجوه، نترك اليمنة والفوك.
يعني الضلعين على شكل حرف L من الداخل نحسب الكريات الي عليهن فقط.
كل مربع كبير واحد يتم حسابه بصورة عكسية نزولا
Читать полностью…