239
- الراعي الرسمي لهذه القناة مُصاب بالفشل في حياته ،لِذا لاتأخذ كتاباته على محمل الجد .
الحب اقدس شي بالحياة
اذا تحب من صدك ومن كل وكلبك راح تغير نفسك نحو الافضل
الحب يعيد تربيتك من جديد تعتبر هسه جاي للحياة
يخليك شخص محترم محبوب تحب نفسك تحب حياتك تحب الناس المجتمع كلشي بالحياة تحبه الحب مثل الرزق الحلال ما يجي اله تعب
وثق كل انسان بالحياة الله كاتبله رزق وحب
من اكثر الوزرات الي بيه فساد وزارت الصحه
للأسف حياة الناس لعبة بيد دكاترة ما تعرف قيمة الانسان شنو
مع الفُقراء شَرط أَن يَثوروا ضِد الطُغاة
ومَعَ عَليٌ دونَ شروط ..
_ مُظَفَر النَواب
احنه بالعراق نحجي بالحدث حسب الترند
مثل طرد ايمن حسين صار ترند بالعراق
حكم المباراة صار ترند بالعراق
عميد البصره صار ترند بالعراق
هوه المشكله الي صير حسب الترند
وكل شهر ترند مشكله جديده
هاي يستفادون منه اصحاب البيجات او المحتوى والناس تحب تحجي
اني حجيت بالموضوع بس عميد البصره عنده فساد ؟!
تراا موجودين بأغلب دوائر الحكوميه و الاهليه ومختلف المناصب بس المشكله الي تصير حسب الترند
اريد احجي شي مهم جدا
غسيل الاموال والمخدرات
المخدرات
اكثر الاشياء بالعراق جاي تنتشر المخدرات وهاي اخطر شي على الانسان وعلى بلد بصورة عامه هسه هواي يسألون منين تجي ومنو مسؤل عليها
راح اكلك شي وانته فكر بيه بعقلك ولا تأخذك العاطفه
ليش السياسين ما يحجون على مخدرات ؟!
ليش رجال دين ما طرقت لهذا الموضوع ؟!
اذا لكيت جواب لهذني سؤالين راح تعرف وين المشكله
هسه يجي احد يكلي انته كل شي يصير اتكول سببه السياسين و رجال الدين لعد والشعب ؟!
شوف حبيبي كل دوله بالعالم عنده شي خط احمر
احنه عدنا بالعراق الدين والعشائر هذني اكبر حتى من الدوله والسياسين
الدليل
2014 فاز المالكي بالانتخابات منو طلعه وصار العبادي ؟!
رجال الدين بالعراق هم يتحكمون بالدوله والشعب وبعض رجال الدين يستغلون هذا شي لمصلحتهم واغلب الاحزاب الاسلاميه عده مفتين ومطبلين اربع وعشرين ساعه بقنواتهم
المخدرات اذا تريد رئيي من المسؤول عليه اكلك اكيد الاحزاب هوه يقتل والي يسرق بلد ما يدخلك مخدرات ؟!
ترا السياسين ما يهمه هذا شي على اساس يهمه الشعب يدخله مخدرات اهم شي مصلحته وشكد يحصل نسبه من هذا شي
المواقِف التيِّ يُشفِق بَها المرءُ علىٰنفسَهُ لآ تُنسىٰ .
Читать полностью…
أنت الأول من كل شيء
في الحُب
في الطمأنينة
في الدعاء🤍
"إن الذي يسير بين الناس بلا قناع،
عليه أن يدفع الثمن غالياً."
- جبرا إبراهيم ।📓
اذا تريد تواجهه الحياة اول شي تواجهه مخاوفك
لأن اذا تغلبت على نفسك راح تكدر تواجهه المجتمع
مستحيل انسان يخاف من نفسه يكدر يواجهه مجتمع
من تراجع المستشفى اهلي
يستقبلوك بالباب اتكول جايهم تخطب ابنيه
اهتمامهم بيك اكثر من حبيبتك قبل ماتزوجها
تصرف عليهم اكثر ما تصرف على خطيبتك
رمضان وماعندي شي نحجي على المستشفيات الاهلية بالعراق
للأسف احنه بالعراق
عدنه الصحه من اهم التجارة بالعراق يمكن تفوق هواي تجارات بالعراق
حياة الانسان مهمه بكل دول العالم بس بالعراق حسب فلوسك اذا عندك فلوس حياتك مهمه
المستشفيات الحكومية والاهليه بيهن فساد مالي ادري اخلاقي
وظيفة المستشفيات الحكومية وحده فقط تحولك لل اهلي فقط هاي وظيفتهم
بس واحد يحجي لل امانه المستشفيات الحكوميه بيه علاج كبسول الاتهابات و علاج لل افلاوزه وباقي اشتري من خارج المستشفى
بالمستشفى الحكومي
المريض يجي ب 7 والدكتور يجي ب 11 الصبح وهاا ويصيح عليك يعني مسوي فضل عليك
يكلك سويلي فحوصات ويحولك للمستشفى اهلي
اما بالمستشفيات الاهليه
نفس هذا الدكتور
واكف عليك 24 ساعه يهتمون بيك تحس نفسك انسان من صدك
يتبع
الشخص الي يخطأ مايكول اني خطأت مستحيل ينطيك الف مبرر وما يعتذر او يكول اني خطأت وهوه يعرف اخطأ والمقابيل يعرفوه خطأ بس ما يعترف لا للأخرين ولا لنفسه مو عيب شخص يخطأ بس عيب على الانسان يكرر خطأه هذا شي محرج لنفسه ويصبح الانسان ضايع
احنه طبيعة البشر انشوف الصح من الشخص الي نحبه حتى اذا هذا الشخص اخطأ موضوع معين ما نكول هذا اخطأ لأن نخاف نخسره من كثر ما نحبه ونحترمه
احنه نقيس الصح والخطأ حسب الشخص ومعزته عدنه الشخص الي انضوج منه مهما يحجي صح ما نتقبله والعكس صحيح
اما غسيل الاموال يجي يوم واحجيلكم عليها
تجار و احزاب سياسيه او البلوكرات
اكثر المشاكل راح يعاني منها العراق بالمستقبل
المخدرات
وغسيل اموال
انتَ الما تحبني شلون بله وياك
أمرن بيك ما أمر باليحبوني
عفت الي شروني و من ارد شلون
هم أسوة بعد و نوب يشروني !
حبيتك شجاني و ما حسبت حساب
خيعونك عليّ مو انا خيعوني
متحبني و أحبك و المصيبة نوب
أريدك و انهزم من اليريدوني
من دونك صرت ما أعيش وي الناس
و انتَ بكل سعادة تعيش من دوني
باحزانك أودي عيوني تبچي وياك
بافراحك ابد ما تنضم سنوني
من سمعو أهلنه العشگ دگ الباب
ما خلوك أهلك و أهلي خلوني
ما خلوك أهلك حگهم يخافون
بس أهلي بمحبتك شلع باعوني
جبار رشيد ..
انه جذاب من ازعل واكلك روح ما اريدك
انه مرات من اشتاگ ارسمنك و گض ايدک