3598
نتشرف بوجودكم معنا في قناه الشاعره الحاجه ام حسين العسكري ناصريه اهلا وسهلا 🤝
قصيده للخدام كافه ولخادمتكم الصغيره ام حسين العسكري القصيده مقاربه بالطور لقصيدة ملا باسم عرش النحيب
نضره الي يامي الزچيه... سجلي اسمي بهالمسيه
هذا عهدي وما اخونه
واليبيع افگس اعيونه
سجلي قلم العسكرية
.....................
يفاطم و ابسجلچ سجلينه
كل خدامچ احنه واقبلينه
رتبة خادم انتي اتقلدينه
يمولاتي انه ادريبج حنينه
ذخري اهاتي وحنيني.... يبقه الچ دايم ونيني
خادمج حد المنيه.... سجلي قلم العسكرية
................
يأُم الساده اريداً من خدمكم
اذا يلفيني منكر انه يمكم
دخيل انه على الله وابختكم
تره جبت العمر بس اخدم الكم
باچر ابگبري أريدچ... بداعت الحره ووليدچ
لو لفه منكر عليه.... سجلي قلم العسكرية
....................
اليحبكم فايز ويربح يفاطم
دنيه واخره بهاي المأتم
الكتب واليقره بينه وحته لاطم
اليوزع ماي اسمه اتسمه خادم
ويه عابس امنياتي... عاشك اتسجل يغاتي
بالليالي الفاطميه... سجلي قلم العسكرية
....................
اضل دوم اذكر اضلوعج ابعبره
وانوح اعله البقه مسحوك صدره
وفوك ارماح رفعوا ويلي نحره
عهد وياج دمع العين يجره
گلبي بس يمچ لكيته... تايه وعندچ قضيته
جندت قلمي واديه... سجلي قلم العسكرية
........................
وسام ابكل وكت شايلته اسمه
حسيني ابدمي يجري ثار دمه
وادري فاطمه دمعي تلمه
بقوارير وذخر لييه تضمه
والله هنياله اليوالي.... اسمه يبقه دومه عالي
انتي يا اعظم هديه... سجلي قلم العسكرية
..........................
تمت بحمد الله وتوفيقه بقلمي الشاعره ام حسين العسكري ناصريه يحرم الحذف والتلاعب ونسألكم الدعاء والفاتحه لروح السيد الصدرولولدي الشاب محمد علاء وامواتنا وامواتكم تمت بتاريخ ٢٠٢٥/١١/١٦
/channel/ssaakknn/11568
جديد القناه ونسالكم الدعاء والفاتحه لامواتنا
Читать полностью…
من ديوان روح المجالس الجديد الاصدار الحصري لهذا العام الجزء الخامس👇🏻👇🏻👇🏻👇🏻
نعي للزهراء ع السلام
عليچ اعيون تبچي ابحزن من دم
اودرهن ويطفن ليچ مندم
اضل الهج ابذكرج دوم من دام
يضل يصعد وينزل نفس بييه
شعدها تون بليل امي
امن اسمعها والله يزيد همي
والظلع ينزف ليش يدمي
...............
كلساع اشوف الظلع ينزف
واعليها كلبي ايذوب وايرف
واچفوفها گدامي ترجف
......................
ماتگدر امي اشيل چفها
شنهي الوجع ومنين لفها
وشلون طكه النذل طكها
.............
شفت النذل لمن زجرها
وبالباب والحايط عصرها
وسبعطعش بعده عمرها
.............
شفت النذل طكها وسطرها
وعالعتبه يدفعها وهطرها
وظلع امي اسمع طك كسرها
.............
امن ابعيد واسمع طك ظلعها
وصاحت يبويه من وجعها
وللكاع طاحت من دفعها
.................
والخنجر ابچعبه ويفزها
براس الجنين وحيل بزها
بصفاحها طكها ونغزها
.............
طك الجنين براس حربه
ومن طاح ضل يشهك لربه
ودمعه على العتبه يصبه
.....................
تمت بحمد الله وتوفيقه بقلمي الشاعره أم حسين العسكري ناصريه يحرم الحذف والتلاعب ونسالكم الدعاء
/channel/llpp988l/125
.قصيده للزهراء ع السلام فزاعي
(ذب العمامه)
اليوم اعله الزچيه ذب العمامه
يهالسادات حيدر شاد الثامه
..................
اليوم اعله الزچيه حيدر امنگب
زينب وي ابوها شاده المعصب
أم البيت شالت والگلب عطب
اتصيح ابصوت يمه اعليج محتامه
محتامه// الحظنچ يمه
....................
حيدر شاد الثامه او يون يبچي
حيله امهدم اعله الونه ايوچي
صاح شلون عفتينه أم حسن هچي
ابو الحسنين ون وشابك ايتامه
بركانه //البيت امكدر
..................
أبو الحسنين شابك زينب الحره
يگلها الفرگه يازينب تره مره
اسمعي انوب من بعدي شنو يجره
وكت يلفي ابحزن لام عون بايامه
باحزانه// البين ايكور
...................
وسفه ابليل ليش ايشيل حاديها
بت المصطفى خافن امزعليها
حيدر للمگابر من سره بيها
خلاها ابلحدها ويلطم الهامه
علويه// اليوم الشالت
.................
خلاها ابلحدها وصاح يازهره
بدموع الحزن والنوح ضل يقره
جرحچ يالزچيه دوم مايبره
حيدر يام حسن يانوح گدامه
ماريده// البيت اخلافچ
.......................
تمت بحمد الله وتوفيق بقلمي الشاعره ام حسين العسكري ناصريه يحرم الحذف والتلاعب ونسالكم الدعاء
تمت بتاريج ٢٤/١٠/٢٠٢٥
/channel/ssaakknn/11555
ابوذيه مع نعي للشباب
عگبك وين اطي الوجه يبناي
البين ايهدم ومايرد يبناي
صحت بصوت وكت المسه يبني اي
ولزمت اصفاحي من جابوك الييه
.حظني شكثر لولالك وداره
اطلبك باللبن ذاكه ودره
الولد ليش الظهر لامه وداره
واصيح بصوت مايلتفت ليه
......نعييييييييييي....
صبحت اصيح الله واكبر
مهظومه والعباس مكدر
وين الولي وليش ايتعذر
..............
يايمه ليش اتعذرتني
ماگلت امي ولنشدتني
محني الظهر مهدول متني
....... . ..
شالت شباب شلون حلوه
عفيه يروحي شلون تگوه
باليني دهري شلون بلوه
............
ماخذ يبين هواي حلوين
وين العزيز اليفگس العين
برض النجف وسفه امنومين
...............
نامو وعافو روحي تنعه
وگلبي انطبك صدره اعله ظلعه
الشايل حلو والعين وسعه
.............
حلوه يعيونه وحلوه المتون
حطو الوعد ليمت تردون
عميانه من الفرگه العيون
...................
تمت بحمد الله وتوفيقه بقلمي الشاعره ام حسين العسكري ناصريه يحرم الحذف والتلاعب ونسالكم الدعاء
(ديوان روح المجالس)
/channel/Vvb313/9990
.ابوذيه مع نعي للشباب
فراكگ يمه وسط الگلب خل اه
شلون الـِحمله ضل بعداه خلاه
البين الـدار من الاهـل خـلاه
خليه وموحشه وتصعب عليه
..............
سنينك يمه بالعشرين عديت
شلون ابنعشه يادفان عديت
احدود الصبر بعدك تره عديت
ولا احمل الفرگه شلون بييه
نعييييييييييي
جينه وعلى گبره ك
گعدنه
خطار وانعاتب ولدنه
ليش شعجب ماتعايدنه
........ ......
عيدك امبارك يامدلل
گبرك بدمعاتي تبلل
حنين الولد كلش امعدل
..........
اگعد يبعد الروح والعين
گلي ييمه شبيج تبچين
بطلي البواچي ولاتونين
.............
من فارگت مابطل وني
واعليك حن النوك حني
وامصايب الدنيا ولني
..............
عالعيد يايمه شتلبسون
ودولنه گدرات المتون
علينه ييمه موش تبطون
..............
درب النجف لوفات لوفات
تمسي المسيه وعدمن انبات
لامن حنين ولاحنينات
...............
محد يگلي هله وحياچ
وكل الهله يمي بممشاچ
وماگال يمه علي وكواچ
..............
(من ديوان روح المجالس الاول الخاص بالفواتح)
تمت بحمد. الله وتوفيقه بقلمي الشاعره ام حسين العسكري ناصريه يحرم الحذف والتلاعب ونسالكم الدعاء
/channel/Vvb313/9990
اصدارات. 2025
صدر حديثا ديوان
روح المجالس ج 5
الشاعره ام حسين العسكري
خاص للسيدة الزهراء ع
للام والاحباب والاخت
⬇️ للتواصل والاستفسار ⬇️
@ABRAR5325
@ABRAR5325
كروب اجهزة يفيد ملايات👇👇
/channel/+n-BgqsOHygw5OWNh
متوفره جميع مطبوعاتي مع توصيل للتواصل ادخل عالمعرف
@Vvb98
ببركة الصلاة على محمد وال محمد الآن في الاسواق الجزء الخامس من روح المجالس الخاص بزهراء والام والاخت والحبايب كتاب اكثر من رائع ويفيدج بكل مكان وزمان يحتوي على هوسات جنوبيه وهوسه ورباط وختاميات عزائيه و نعي وابوذيات
Читать полностью…
سلام عليكم بشرى ساره سيتم افتتاح حوزه متكامله مع درس خطابه حضوري فقط يوم واحد بالاسبوع الجمعه فقط في قضاء الشطره الي حابه تسجل هلا بيها راسلوني على هذا المعرف للتسجيل
@Vvb98
هلله هلله حار يالطم الزچيه
Читать полностью…
قريبا الجزء الخامس خاص بزهراء والام والاخت والحبايب تحفه فنيه راح يشيلج شيل بكل عزاء وميفارك جنطتج وهذا وعد وراح تدعيلي
هوسه جنوبيه وهوسه ورباط طلب حاجه ونعي وابوذيات وختاميات عزائيه قريبا جدا
جديد الامام العسكري ونسالكم الدعاء
Читать полностью…
إلي حاب يتواصل يراسلني عالمعرف
@Vvb98
قصيده عموديه لاحبتي
(بعـنوان الحرامـي)
كـبل چان الحرامي محد يشوفه
يجيك ابليـل ياخذ دبـه لو چـولــه
شو هسه الحرامي بكل فرع موجود
رافع صـورتـه ومعروف من ذولـه
وايگلك تعال ابصـملي يامـگـرود
واعينك ما اخلي اعليك أي لـولـه
الك ذني هديه شكم فلس بالجيب
بس روح انتخب وابحـيله راحوله
وباچـر من يصـير ابسدة الحُكام
غيـر رقمـه عـن الگــبل يـسعوولـه
يركب تاهو وي جيش الحمايه اوياه
وللطاغوت يصبح جيشه واذيوله
دفع الفاسد ابفاسد حرام اعليك
هـيج الديـن گـال البـاع گـلولـه
المرجع ساد باب سنين عالفِسَّاد
صِدِك ماوصلت المعلومه معقوله
لا صاعـد ابمنبـر لا صِـدر فتـواه
لا بالجمعه صررح گـال ابصموله
بعد شيگلكم اكثر كلشي باين حيل
والماشـاف بالغـربـيل وصـلـولـه
المرجع مو مزاج اتقلده بالزينات
وبالصعبات ايدك تضل مشلولـه
المـجرب لايُـجرب گال من ازمان
حطـولك كڤر من ناس مجـهـوله
خافـن خـووفوك ابعثي لوبفـلان
تره اطوهـم عفوا وللحُـكم طـبّوله
احاچيك انه احبك والك اقصد خير
موقـصـة ربعنـه وربعـك احـچـولـه
تره اهـناك ابد ماينـفعنه كـلمـن كـان
أمن اسجل بأسم فاسد.وآنه .مشموله
وي أهل الفساد وأنه شنهي اجنــيت
ابراسي الناس سمنت صارت اعجوله
ابراسي الناس سمنت صارت اعجوله
أم حسين العسكري ناصريه يحرم الحذف والتلاعب❤️❤️❤️
/channel/ssaakknn/11556
قصيده حزينه لاحباب زينب كافه ع وللعليله
.على الموت شبدينه... بيي بلوه ابتلينه
ياخذ وين العزاز
يوميه امشي جناز
بيي بلوه ابتلينه... بيي بلوه ابتلينه
....................
خذت وين النودهم والنحبهم
كضينه ايام حلوه والله يمهم
بقت بس ذكريات او بس صورهم
خذو حيلي ومشوا والحيل عدهم
ليهم گلبي معتاز
ياخذ وين العزاز
بيي بلوه ابتلينه... بيي بلوه ابتلينه
....................
اناطر بالحلم بلكت يجوني
اغمضهن ودمعاتي بعيوني
هلي من سافروا ماحملوني
حده حدايهم وانه انكروني
كلبي ابونته فاز
ياخذ وين العزاز
بيي بلوه ابتلينه... بيي بلوه ابتلينه
..............
مشوا والليل كاتلني بظلامه
ونين الگوگ وني والحمامه
عليه امن الحزن بانت علامه
خوه حيلي ورگدمامش سلامه
بعيوني الوكت باز
ياخذ وين العزاز
بيي بلوه ابتلينه... بيي بلوه ابتلينه
........... .......
الوكت مثل الجمر يهلي يمرني
يچويني ابوحشته ومايسرني
الفجر لمن يطر چنه يطرني
يعت بييه ابحبل يهلي ويجرني
بحباله الوكت هاز
ياخذ وين العزاز
بيي بلوه ابتلينه... بيي بلوه ابتلينه
........... ......
اكولن هم ترد ذيج الليالي
وترد ايامنه ذيج الخوالي
رافكني الدمع للموت هالي
اعاتب دارهم والدار خالي
گلبي بس، هضم حاز
ياخذ وين العزاز
بيي بلوه ابتلينه... بيي بلوه ابتلينه
..................
تمت بحمد الله وتوفيقه بقلمي الشاعره ام حسين العسكري ناصريه يحرم الحذف والتلاعب ونسالكم الدعاء تمت بتاريخ ٢٠٢٥/١١/٤الموافق ١٣ هجري
/channel/ssaakknn/11557
.نعي بطور الفراق للامام المهدي عج الله فرجه
يمته تضهر.... والصبر فاض وتعده
يمته تضهر.... جرحي بس انته تشده
يمته تضهر.... گلبي ينطر لاتهده
يمته تضهر..... دمعي بغيابك تبده
..................
ماتجينه.... جارت الدنيه علينه
ماتجينه.... سيدي واحنه ابتلينه
ماتجينه..... وليه يالمهدي انولينه
ماتجينه..... كل وكت نصفك بدينه
.................
حاربونه.... چيه نحبكم حاربونه
حاربونه..... عالعهد لو كطعونه
حاربونه.... يا امامي وكفرونه
حاربونه..... وكل محب تنطر اعيونه
....................
تمت بحمد الله وتوفيقه بقلمي الشاعره ام حسين العسكري ناصريه يحرم الحذف والتلاعب ونسالكم الدعاء
/channel/ssaakknn/11557
.مقطوعه شعريه للأم
ليش هيچي ابحضرة امي ليش احس روحي زغيير
وانه بالخمسين عمري الناس تنضرلي چبير
امي ياخيمه التلمنه ابچلمه لوكشي يصير
ويمها احط اهموم گلبي وهيه بس لاسراري بير
احنه خيط وامي مغزل من تلفنه مانحيير
والامان الي ابحضنها انحسه جنه وبيي نطير
انه كون اتمنه اصيرن جوه رجليها حصير
حته ادخل جنة امي الجوه رجليهاالچثير
هواي جوه اجدامها امي وكل عمل يمها اسير
يضل مابين القبول وبين الحساب العسير
والدوه ابلمسة اديها امي لمستها حرير
ترفه حيل وچنها بلسم يمها احس چني امير
وهسه راحت مني امي وصرت بعد امي فقير
صافن ابصفنة يتامه واگعد ابصف الاخير
مو مثل سابق زماني بالزعامه اگعد وزير
هسه لا مكسور خاطر وابچي وادموعي هدير
ومن يجي الليل ويمرني اه ياليلي واحير
وين احط اهموم گلبي وابقه بس بالله استجير
وابقه بس بالله استجير
ام حسين العسكري ناصريه
/channel/ssaakknn/11554
ختامية مجالس مع بداية نعي*من (ديوان روح المجالس الاول)
انه بگلبي شكثر ونات وي زينب اوننها
ونه لجاسم العريس والاكبر اجرنها
وونه لنحر عبدالله كل يوم واعيدنها
وونه الگطعت الچفين بعالي الصوت اصيحنها
وونه السهم البعينه والهامه اجذبنها
واكبر ونه كتلتني والمسبيه وجعنها
الونه ونة العطشان اظلوعه الخيل سحكنها
ضل مسلب وعريان شلون الحرم شافنه
الونه للحُسين //اتلوك محلاها
زينب حظرت وخل نلطم اوياها
الونه للحُسين
اظلوعه بالحوافر خيل داساها
الونه للحُسين
زينب والشمر للشام گادها
الونه للحُسين
عالمظلوم وين اللطمت اوياها
الونه للحُسين
واللطمت على الوليان حياها
الونه للحُسين
مهظومه العقيله الوكت خلاها
الونه للحُسين
فوك امتونها والشمر ظرباها
الونه للحُسين
بزنجيل الحديد شلون جراها
الونه للحُسين
خل انشد اللطمه// وي ام عون ونلطم حيل
تمت بحمد. الله وتوفيقه بقلمي الشاعره ام حسين العسكري ناصريه يحرم الحذف والتلاعب ونسالكم الدعاء
/channel/Vvb313/9990
https://chat.whatsapp.com/CmfbBIxgiDA4RcEkFHz9jv?mode=wwc
كروب منتجات مختلفه عشبيه وغيرها دخلو عليه وتوصيل بس ناصريه
الان متوفر في المكاتب كتاب تحفه
Читать полностью…
فصيده حزينه تنفع للأب وللعليله( مشاتكه إلك)
مشتاگه الك والليل يكسر خاطري
واعله الدرب طشيت دمعي وناضري
محد يِسِدها وحشتك
مو انه بويه ابنيتك
مشتاگه الك...مشتاگه الك
.....................
مشتاگه الك وادموعي تنزل كالجمر
تچويني بخدودي ويضل بيهن حفر
كل هذا وانه امناطره ابدرب اليمر
وارجع احط لاعزازي الف عذر اوعذر
تبقه امنياتي ابردتك
مو انه بويه ابنيتك
مشتاكه الك مشتاكه الك
................
لدروبكم بويه اضل شمعه احترك
مو انته گتلي شماحصل مانفترگ
ودگات گلبي بس بسمكم ضل يدك
لاگالها الله وافترگنه من صدك
وكت المنيه عازتك
مو انه بويه ابنيتك
مشتاكه الك مشتاكه الك
..................
اركض ركض لوحررك الباب الهوه
واعثر على اعتابه واحس جدمي التوه
عطشان گلبي من بعدكم ما روه
واعيوني جف بيها الدمع وي الضوه
واليوم روحي رادتك
مو انه بويه ابنيتك
مشتاكه الك مشتاكه الك
.................
رديت گلت اكتب رساله للجفو
واشعطلاهم واشعجب مابيينو
شنهو السبب محد اجه اولا راسلو
مو من عوايدهم عليه تأخرو
متعوده اريد امحنتك
موانه بويه ابنييتك
مشتاكه الك مشتاكه الك
.................
متعوده عل حنيه والليله ابسنه
تستاحش اجروحي على ذاك الهنا
وهذا الگلب قافل على حزنه وبنه
وغير الونين اخلافكم لا ماجنه
احسب واتاني جييتك
مو انه بويه ابنيتك
مشتاكه الك مشتاكه الك
......................
تمت بحمد الله وتوفيقه بقلمي الشاعره الحاجه ام حسين العسكري ناصريه يحرم الحذف والتلاعب نسألكم الدعاء والفاتحه لامواتنا وامواتكم مع الصلوات
/channel/ssaakknn/6966
سلام عليكم بشرى ساره سيتم افتتاح حوزه متكامله مع درس خطابه حضوري فقط يوم واحد بالاسبوع الجمعه فقط في قضاء الشطره الي حابه تسجل هلا بيها راسلوني على هذا المعرف للتسجيل
@Vvb98
قريبا روح المجالس الخامس للزهراء ع السلام موكتاب 🔥🔥🔥🔥🔥🔥🔥🔥🔥🔥
Читать полностью…
user9149822815907?_t=ZS-8zc6OXxlBJs&_r=1" rel="nofollow">https://www.tiktok.com/@user9149822815907?_t=ZS-8zc6OXxlBJs&_r=1
شتركو بقناتي عالتوكتوك
*قصيده تقرء بعدة اطوار الشور والثكيل وأيضا ممكن قرائتها بالطور البندري على طور (وين العرس)وغيرها للامام الحسن العسكري ع السلام
نصبو العزه..ياشيعته..انه الزچيه
بالسم كضه..يارافضه..هاي المسيه
هاي الليالي العسكرية
هاي الليالي العسكرية
........................
نصبوا العزه للعسكري قيموا المجالس
لبسوا السواد اعله الحسن نزعوا المحابس
والمهدي متلثم حضر وادريبه جالس
وين اليون... وين اليحن... ياجعفريه
نصبو العزه. ياشيعته. انه الزچيه
بالسم كضه. يارافضه. هاي المسيه
هاي الليالي العسكرية
هاي الليالي العسكرية
........................
...............
بالحزن متروس الكلب ماضنه يبره
وجروحه كثره ياخلك وشلون اجبره
ينزف بعد للي انسحك بالخيل صدره
دمعي جري...للعسكري.. وابني سويه
نصبوا العزه. ياشيعته. انه الزچيه
بالسم كضه. يارافضه. هاي المسيه
هاي الليالي العسكرية
هاي الليالي العسكرية
......................
ونات ابو المهدي تره لچمن دليلي
من المدينه اتعنه اله وانحب يويلي
سامره ظلمه ومحزنه وايبچي ليلي
الطم وادك..شمعه احترك ..واصفج بديه
نصبوا العزه. ياشيعته. انه الزچيه
بالسم كضه. يارافضه .هاي المسيه
هاي الليالي العسكرية
هاي الليالي العسكرية
...................
المهدي لمن غسله وابصدره عبره
هالونه ماتطلع ابد وابگلبه جمره
هالليله شال العسكري واسمانه حمره
من ودعه...من شيعه...يا رافضيه
نصبوا العزه .ياشيعته.انه الزچيه
بالسم كضه. يارافضه. هاي المسيه
هاي الليالي العسكرية
هاي الليالي العسكرية
................
هالليله هذا اخر وداع وبعده غيبه
لوغاب ابن العسكري شنهي اليجيبه
والشيعي من بعدك تره يكثر نحيبه
عجل صحت...ابچي ونحت... يابو الحميه
نصبوا العزه .ياشيعته .انه الزچيه
بالسم كضه. يارافضه. هاي المسيه
هاي الليالي العسكرية
هاي الليالي العسكرية*
......................
تمت بحمد الله وتوفيقه بقلمي الشاعره الحاجه أم حسين العسكري ناصريه يحرم الحذف والتلاعب ونسالكم الدعاء
٢٠٢٥/٩/١الموافق ٨ ربيع
/channel/ssaakknn/11502
قصيده للحسين ع السلام تقرء شور ولها عدة اطوار
لاتهدني دخيل عندك لاتهدني
خادم لخدامك انه لاتهدني
ياحسين ياحسين ياحسين ياحسين
..............
.خادم لخدامك انه يا امامي
انته روحي وكل كياني ياهيامي
بس الك شوكي ولائي ياغرامي
بيك دوم امچلب انه لاتهدني
ياحسين ياحسين ياحسين ياحسين
.............
رايد اتسجل يغاتي من خدمكم
هناك مضمونه الهويه للكصدكم
تسجله مولاتي الزچيه وابسجلكم
هذا خادمنه ونكفله لاتهدني
ياحسين ياحسين ياحسين ياحسين
.............
منكم الترفيع ناخذ والهويه
هناك بالمحشر هويتي جعفريه
افتخر اتسمى باسمي رافضيه
افتخر اسمي حسيني لاتهدني
ياحسين ياحسين ياحسين ياحسين
..........
عهد ما انسه المصيبه والجراله
مات عطشان ويون منهو النعاله
شلون شمر اتربع ابصدره واجاله
من ذبح نحرك فجعني لاتهدني
ياحسين ياحسين ياحسين ياحسين
.................
لاتلوموني يعالم من انوحن
فدوه اله روحي وعيوني من يروحن
انه بالدارين فايز بيك الوحن
خادم شمحلاته اسمي لاتهدني
ياحسين ياحسين ياحسين ياحسين ياحسين
...............
ياسلام الله على خدوده التريبه
يا سلام الله على الجثه السليبه
ياسلام الله على الصاير نهيبه
اني بيك امچلب اني لاتهدني
ياحسين ياحسين ياحسين ياحسين
...........................
تمت بحمد الله وتوفيقه بقلمي الشاعرة أم حسين العسكري ناصريه يحرم الحذف والتلاعب ونسالكم الدعاء
الفاتحه لروح الشاب محمد علاء
٢٠٢٥/٨/٢٩ الموافق ٥ ربيع الأول
/channel/ssaakknn/11500