3598
نتشرف بوجودكم معنا في قناه الشاعره الحاجه ام حسين العسكري ناصريه اهلا وسهلا 🤝
فزاعيه لرقيه ع
الطمي للتون عالراس
حيل اللطمه شديها
...............
ونت عالنحر هاليوم
صاحت بويه يا مضلوم
محتاره وولتني الگوم
والزينب تعازيها
...........
عازي زينب الحره
مهضومة وتجر عبره
صاحت گلبي شيصبره
روحي الونه تاذيها
...............
زغيرونه وتون يا ناس
وين الكافل العباس
لا والي ولا حرراس
اختك گوم حاچيها
.............
لختك كوم يا ضرغام
اختك تلطم اعلة الهام
صاحت والگلب منضام
والشمات تاذيها
...........
اختك گوم باصرها
معمي اليوم ناضرها
ضل مكسور خاطرها
ما تنهض يواليها
.................
شدي اللطمه وياها
زينب زاد بلواها
هذا البين اذاها
حيل اللطمه شديها
................
تمت بحمد الله وتوفيقه بقلمي الشاعره الحاجه ام حسين العسكري ناصريه يحرم الحذف والتلاعب نسألكم الدعاء والفاتحه لامواتنا وامواتكم مع الصلوات
/channel/ssaakknn
قصیده تقر۶ شور ولها اطوار اخری
بس الك يحله اللطم مولانه
يا اساس لكل عشك عنوانه
ياحسين ياحسين ياحسين ياحسين
...................
بس الك يحله العشك وي الغرام
بيك يا محبوبي انه فكري هام
انته عنوان المحب بين الانام
انته دوم بكل كلب ويانه
بس الك يحله العشك مولانه
يا اساس لكل عشك عنوانه
ياحسين ياحسين ياحسين ياحسين
....... .........
انه من زغري عشتك سيدي
بحبك ومدرستك انه مهتدي
يروحلك فدوه اليفكر يعتدي
والشعائر تبقه اله نيشانه
بس الك يحله العشك مولانه
يا اساس لكل عشك عنوانه
ياحسين ياحسين ياحسين ياحسين
...................
هالشعائر تبقه ما ننساها
ودوم زينبكم يضل ذكراها
دوم نبجي وننعه احنه اوياها
والنحر ياسيدي بجانه
بس الك يحله العشك مولانه
يا اساس لكل عشك عنوانه
ياحسين ياحسين ياحسين ياحسين ياحسين
.....................
يا رساله اجددت بين العصور
بالسبي ونوح اليتامه والنحور
نبقه نلطم يا امامي للضهور
ونندب نصيح العجل رجوانه
بس الك يحله العشك مولانه
يا اساس لكل عشك عنوانه
ياحسين ياحسين ياحسين ياحسين
.....................
عجل اضهورك ي أءبن العسكري
وثور عالضلام واكحل ناضري
بنضره منك كل موالي ينبري
يشبه الكافل وبيي برهانه
بس الك يحله العشك مولانه
يا اساس لكل عشك عنوانه
ياحسين ياحسين ياحسين ياحسين
....................
نبصم اعله العهد ننصر بالحسين
مانبطل هالعزاء وهالونين
ونمشي الك مشايه يوم الاربعين
يبقه بالحر والمطر ممشانه
بس الك يحله العشك مولانه
يا اساس لكل عشك عنوانه ياحسين ياحسين ياحسين ياحسين ياحسين
......................
نمشي وانعازي العقيله والبتول
والشفاعه انريد من عدكم ننول
من يجي حسابي واضلن في ذهول
ياسفينه وبيك بس منجانه
بس الك يحله العشك مولانه
يا اساس لكل عشك عنوانه ياحسين ياحسين ياحسين ياحسين ياحسين
.......................
تمت بحمد الله وتوفيقه بقلمي الشاعره الحاجه ام حسين العسكري ناصريه يحرم الحذف والتلاعب نسألكم الدعاء والفاتحه لامواتنا وامواتكم مع الصلوات
/channel/ssaakknn
قصيده فزاعيه للسيده رقيه
جابو راس ابوها بالطشت ليها
نص الليل وتعلي ابواچيها
................
جابو راس ابوها بالطشت حطوه
مگطوع النحر گدامها خلوه
گلب الطفله گول شلون ما رحموه
الطمي اعله الصدر وبصوت گولي احوه
مهضومة العزيزه اليوم عينيها
...............
مهضومة العزيزه وتيچي هاليله
ونت عالنحر لحسين تشكيله
شلون تشيل بويه شلون هالشيله
ضل بس الدمع لفراگك انهيله
بتك ليش ما تگعد تحاچيها
...............
حطت راسها اعله النحر من جابوه
صاحت عيلته يحسين من شافوه
يا عطشان يا مظلوم من نضروه
گدام العزيزه بته وخلوه
يفجع حالها وعلت بواچيها
............
يفجع حالها من شمت المنحر
والفرگاك يا بويه ولا اگدر
اريد اوياك يا بويه ولا اصبر
ضل بس الحزن بگلوبنه يحفر
ضلمه خلاف عينك كل لياليها
................
والسجاد ناده ميلي البنيه
ماتت عالنحر يا عمه ارقيه
وي الوالي ابوها حملت هيه
هذا اخر وداع وبي افراگيه
ميلي الطفله عن الوالي ميليها
........................
تمت بحمد الله وتوفيقه بقلمي الشاعره الحاجه ام حسين العسكري ناصريه يحرم الحذف والتلاعب نسألكم الدعاء والفاتحه لامواتنا وامواتكم مع الصلوات/channel/ssaakknn
قصيدة ختاميه للسيده رقيه ع
هلله هلله الله واكبر
يا علي السجاد كبر
هلله هلله الله واكبر زينب تنادي يعمه
هلله هلله الله و اكبر والضعن منهو اليلمه
هلله هلله الله واكبر عالرمح راس ابو اليمه
هلله هلله الله واكبر بتك اتون بالخرابه
هلله هلله الله واكبر ونت وصاحت ييابه
هلله هلله الله واكبر راس ابوها بطشت جابه
هلله هلله الله واكبر صرخت وصاحت رقيه
هلله هلله الله واكبر بويه يحسين الشفيه
هلله هلله الله واكبر اه ينار الغاضريه
هلله هلله الله واكبر حاچت الراس وتگله
هلله هلله الله واكبر بويه حزني ما افله
هلله هلله الله واكبر بالگلب يابويه عله
هلله هلله الله واكبر خل احط راسي اعله راسه
هلله هلله الله واكبر يلولي گاطع انفاسه
هلله هلله الله واكبرتگول خاف اجرح احساسه
هلله هلله الله واكبر لو گلت بويه سبونه
هلله هلله الله واكبر بالخرابه گعدونه
هلله هلله الله واكبر بويه بسوط اضربونه
هلله هلله الله واكبر جامد الدم بعيونه
هلله هلله الله واكبر بويه من بعدك ولونه
هلله هلله الله واكبر ال هاشم خل يجونه
لطمي عالطفله رقيه ساعدي زينب عليها
الشاعرة الحاجه ام حسين العسكري:
الشاعرة الحاجه ام حسين العسكري:
/channel/ssaakknn
المشهد الثالث مقطع نعي خاص بمغادرة زينب عليها السلام الى كربلاء
رجعنه بهظم لمن رجعنه
وكضينه الدرب ونه اعله ونه
والراس ويانه وفجعنه
...........
جوه العبايه جبت راسه
والهظم كلبي هواي جاسه
اويلاه على الي عاف ناسه
..............
كلساع اشوفنه واحبه
راس الولي والدمع اصبه
صعبه اشوفن راسه صعبه
............
طول الدرب واتسامر اوياه
راسك يخويه وامشي وانعاه
وثغرك ابماي ورشرشيناه
......
رشرشت ثغرك بالميه
وعيني على عينك اربيه
نايم يمن ردتك تچيه
...........
وصلنه ولگينه جابر هناك
متوزر ويلطم وينعاك
واتراب يبن امي لگيناك
..............
گلي هله ابت حيدر الحيد
ونشدني ويگلي راس العميد
وينه ويدك عالراس وايعيد
..............
گعدنه على گبره ونعينه
امعاتب احباب اتعاتبينه
كتله يوالي انهض علينه
...........
اگعد انشدني عن رقيه
واعزيزتك وين البنيه
ماتت يمن سوده عليه
...........
ماتت ابنيتك بالخرابه
واتصيح فوك الراس يابه
وگلبي الهظم والظيم صابه
...................
تمت بحمد الله وتوفيقه بقلمي الشاعره ام حسين العسكري ناصريه يحرم الحذف والتلاعب ونسألكم الدعاء الفاتحه لامواتنا وامواتكم مع الصلوات
/channel/ssaakknn/10749
المشهد الاول نعي لدخول السبايا إلى مجلس يزيد لعنه الله ينفع للتشابيه
من هوان الدنيا دخول زينب والفاطميات إلى مجلس يزيد مجلس الفسوق والكفر
نرى ماذا حال مولاتنا زينب كاني بها وهي تقول
طبيت طبت شوم طبيت
ياريتني ميته تمنيت
رجليه بالونات خطيت
............
صاحو عليه الخارجيه
وانه العقيله الهاشميه
ادك اعله راسي ثنين اديه
..........
ادك اعله راسي وصحت يحسين
ياخويه طبينه الدواوين
وتتمسخر اعلينه الملاعين
...........
يا طبت الديوان كلفه
و ايزيد شمتان ايتشفه
چا وين ابو فاضل وجفه
.............
عالشاطي چفينه كطيعه
و اميسره وصرتي ابفجيعه
سبيه يزينب مووديعه
.............
نعي عاشوري
تعال انهض يبو فاضل علينه اه اه اه
بعد عينك يبو الغيره انولينه اه اه اه
وعلي السجاد مجتوفات ادينه اه اه اه
وابصوت الحزن صحنه ونعينه اه اه اه
..............
نعي فراق
ماتجينه...يابو فاضل لوعونه
ماتجينه...للمجالس دخلونه
ماتجينه...بالسلاسل جتفونه
ماتجينه....بسوط ياخويه اضربونه
..............
تمت بحمد الله وتوفيقه بقلمي الشاعره ام حسين العسكري ناصريه يحرم الحذف والتلاعب ونسألكم الدعاء الفاتحه لامواتنا وامواتكم مع الصلوات
/channel/ssaakknn/10749
انظمام الشاعره ام عراق الشمري للحمله الايمانيه بارك الله فيكم خادماتنه المخلصات
Читать полностью…
*قصيده تقرء شور على طور قصيدة سيد فاقد باجر يعمه نشرد منين*والحوار بين الحسين وزينب عليهم السلام
القصيده بعنوان (باچر يذبحوني الملاعين)
اه يم عون اه يم عون اه يم عون
واويلاه واويلاه واويلاه
زينب ..باچر يذبحوني الملاعين
زينب...عطشان اونن بالميادين
زينب...تسحك عليه الخيل صوبين
تشوفيني ...يصعد عليه الشمر ياحيف
حسبيلي....واثنعش ضربه يضرب السيف
بيد الشمر...منحري يضربونه
وهذا الخدر...زينب يسلبونه
يازينب يا زينب يا زينب خويه الله ايعينج
اه يم عون اه يم عون اه يم عون
واويلاه واويلاه واويلاه
...................
باچر....هاي الخيم محتركه بالنار
باچر....تندبين ابونه حامي الجار
باچر...تهج بالبراري ازغار واكبار
محتاره....ياهو اليلمهم من يطشون
نغاره....ماكو وكفيلج باقي مرهون
تنعه وتون...سكنه وامتانيته
ضل مرتهن....عالنهر تاليته
يازينب يا زينب يا زينب خويه الله ايعينج
اه يم عون اه يم عون اه يم عون
واويلاه واويلاه واويلاه
............
صاحت...لالاتوادع خويه يحسين
صاحت...ياليل طول عالعزيزين
صاحت...خافن تطيح اهناك چفين
والكافل...ينضر عليه وصبت العين
ضل هامل...دمعه ويديرالوجه لاوين
دار الوجه....لا اشوف ادموعه
وحسين اجه...وزيداها اللوعه
يازينب يا زينب يا زينب خويه الله ايعينج
اه يم عون اه يم عون اه يم عون
واويلاه واويلاه واويلاه
............
صاحو....خويه يزينب شدي الحيل
صاحو....باچر تدور الزلم والخيل
صاحو...وانتن ولاتبقه رياجيل
بالحومه....تشوفيننه بخيول ننداس
وابهومه....صوتج ينادي هنا يعباس
وانتن سوه....شارده بصف شارده
وماكو ضوه....وناس ليكم هاده
يازينب يا زينب يا زينب خويه الله ايعينج
اه يم عون اه يم عون اه يم عون
واويلاه واويلاه واويلاه
............
روحي... باچر تون اعليج واتنوح
روحي....تلهج ابأسمج وانه مذبوح
روحي....فوك الرمح والضعنچ اتلوح
وعيوني....يبقن عليج امناطره الليل
تدروني....كلبي يضل يم المداليل
واموذره...ضلوعي من الحافر
والدم جره...عالرماح وعابر
يا زينب يا زينب يازينب خويه الله ايعينج
اه يم عون اه يم عون اه يم عون
واويلاه واويلاه واويلاه
................
ام حسين العسكري ناصريه يحرم الحذف والتلاعب ونسألكم الدعاء الفاتحه لامواتنا وامواتكم مع الصلوات
/channel/ssaakknn/11439
.هوسه جنوبیه للدفنه
نزَّزل بيده ابوه للحفره واينادي
ويلاه بويه يبن المصطفى الهادي
وسمع من النحر صوته يسجادي
حط عبدالله يبني اهنا على افادي
نحره ايون عليه//وايصيح يوليدي
حطيته اعله صدره وارجفت ايدي
نحره ايون عليه
يروحي من ونينج بطلي وهيدي
نحره ايون عليه
شال الچان هوه فرحتي وعيدي
نحره ايون عليه
شلون تنام بويه شلون يعميدي
نحره ايون عليه
اذانه //امصاب اليرضع
ام حسين العسكري ناصريه يحرم الحذف والتلاعب ونسألكم الدعاء الفاتحه لامواتنا وامواتكم مع الصلوات
/channel/Vvb313/9847
.هوسه جنوبیه للحسین ع السلام
حسين عنك ياقصيده وياشعر اقراها
بمجلسك دوم ادري فاطم والعقيله الكاها
وشنهي مطلعها اگول وشنهي احط معناها
زينب ابدمعه وحزن مايفل ذكراها
هاشميه ام عون//تسوه الهوسه
هاي اخت العالي ضل ناموسه
هاشميه ام عون
واللطم خل صدره حيل ايجيسه
هاشميه ام عون
واللطم يحلالها بت حيدره احاه احاه
وحضرت الميدان زهره الطاهره احاه احاه
حسين فوك الرمح شالو منحره احاه احاه
دمه من راسه على زينب جره احاه احاه
والظلوع ابخيلهم متكسره احاه احاه
المهيوبه// اتون اويانه
ام حسين العسكري ناصريه يحرم الحذف والتلاعب ونسألكم الدعاء الفاتحه لامواتنا وامواتكم مع الصلوات
/channel/Vvb313/9847
هوسه جنوبيه للدفنه
عذراًبويه عذراً خاف الچمنّك
محتار او صفَّنت اشلون المنّك
مهمه هواي صعبه وهَدِِّمت ابنّك
مابييه يبويه حيل اشيلنّك
وبتراب الگبر اشلون اضمنّك
حيلي انهدم//من نزليت الوالي
كلش عزيز احسينه اشگد غالي
حيلي انهدم
ميت يبويه اوياك والله اشوالي
حيلي انهدم
بس الحزن رافگني اويبرالي
حيلي انهدم
لونيني //اتهزهز گبره
ام حسين العسكري ناصريه يحرم الحذف والتلاعب ونسألكم الدعاء الفاتحه لامواتنا وامواتكم مع الصلوات
/channel/Vvb313/9847
قصيده شور للوداع والعاشر وتقرء باطوار عديده
شلون خويه شلون باجر
شلون لو رفعوا مناحر
يعيلون بينه ونصرخ حسين
ونمشي يساره اوي الملاعين
يا زينب يا زينب يا زينب
................
باجر يصيحون طلعو الخارجيه
ياهي منهن زينب وبت الزجيه
يالله اجتفوها بحبل تمشي سبيه
فكري خويه حسين حاير
شلون لو رفعوا مناخر
باجر ادير الوجه لاوين
نمشي يساره اوي الملاعين
يا زينب يا زينب يا زينب
.................
خويه باجر راح يطشر شملنه
والرجس يهجم يشب نار ابخيمنه
وانه كلي شلون لوطاحت زلمنه
العسكر اعله الحرم داير
شلون لو رفعوا متاحر
وصدرك يِّصير ابحافر طحين
نمشي يساره اوي الملاعين
يا زينب يا زينب يا زينب
...................
باجر ايطحنون صدرك ياولينه
نصيح ياحيدر علي الحك علينه
ابنك امسلب تره ويجهر ونينه
بصدره طابع بويه حافر
شلون لو رفعوا متاحر
وتلعب عليه الخيل صوبين
نمشي يساره اوي الملاعين
يا زينب يا زينب يا زينب يا زينب
...................
صعبه للديوان ادخل ياهضيمه
بالحبل تنصف يتيمه ابصف يتيمه
والعزه اعله النوك مايرهم نجيمه
كطعت كلبي يعاشر
شلون لو رفعوا متاحر
ياريت كلنه اليوم ميتين
نمشي يساره اوي الملاعين
يا زينب يا زينب يا زينب
............
ريت ياعباس بس اتشوف حالي
امجتفه بحبالهم ضايع دلالي
دمعي من دم للمصيبه اليوم هالي
وعلي ضل مكسور خاطر
شلون لو رفعوا مناحر
وايصيح ويلاه بويه يحسين
نمشي يساره اوي الملاعين
يا زينب يا زينب يا زينب
...............
تمت بحمد الله وتوفيقه بقلمي الشاعره ام حسين العسكري ناصريه يحرم الحذف والتلاعب ونسألكم الدعاء الفاتحه لامواتنا وامواتكم مع الصلوات
مربعه شجاعيه لمسلم ع (سبع وامخيف )
سبع وامخيف ابن الما يثنون
ملتمه الجيوش ومايگدرون
....................
ملتمه الجيوش اومايگدروله
مسلم بالحرب سيفه لعب جوله
تشرد منه كلها اعداه مذهوله
اتلوگ اعليه الهوسه من يهوسون
(تهوسیله// مسلم صنديد)
.....................
خله الرووس تطاير ابيمناته
مسلم بالحرب يعجب بهداته
معدل بالمعاره وحلوه شداته
يشد اعله العده فنهم يفرون
(بشداته //يشبه حيدرنه)
....................
يشد اعله العده والگوم محتاره
حيدر هذا چنه اليوم بتاره
خله الرووس يمه تصير طشاره
رووس ابلا عدد گلي شيحسبون
(مخليها //والرووس اكوام)
.......................
يشبه للكفيل اوعملت اطفوفه
خل تتباهه بيهن زينب چفوفه
ابو طاهر سبع معروف بسيوفه
مسلم لو كفيل اخته يگولون
(بفنونه// يشبه كافلنه)
................
نفس الغيره عنده اونفس الافعال
شجاعه ومرجله مضرب للامثال
يطوعه اعمامته ضميها بالحال
گلي الزينب اخوانج يوفون
(وفوها //والخوه الزينب )
....................
وفه بخوته لحسين ولزينب
ام عون اليوم لجله شدت المعصب
ابن عمها واخوها هذا المنتب
الطمو عالوجه يامن تلطمون
وشديها //واللطمه لمسلم
ام حسين العسكري ناصريه يحرم الحذف والتلاعب ونسألكم الدعاء الفاتحه لامواتنا وامواتكم مع الصلوات
/channel/Vvb313/9835
مربعه شجاعيه بقفلة الهوسه لمسلم ع (الگاع تميل)
الگاع اتميل //من يدبچ عليها
امصلصل بالحرب معروف بيها
..................
الگاع اتمیل من رجلین ابو طاهر
معروفه الشجاعه امصلصل وماهر
یمنه اویسره خله الروس وایشامر
بشمراته// چنه الکرار
.....................
هذا ابن الیثنی ابزود بالکلفه
یشبه داحي خيبر لو لعب چفه
محتار الوصف هاليوم شيوصفه
يثنيها //وابزوده الحومه
................
يتمرجل بسيفه شلون جيدومه
مسلم بالحرب صنديد من يومه
فارس بالشجاعه تعجب اعلومه
بصولاته //طر الفرسان
................
طر فرسانهم منهم اخذ حيفه
يتملعب عليهم صال وابكيفه
اسد معروف لوهد وحمل سيفه
بهداته //يشبه عباس
................
يشبه حيدره وعباس بفنونه
يالمعروف اصله وهم تعرفونه
يانسل الشجاعه ومايگحمونه
بيمينه// ذل الفرسان
.....................
ذل فرسانهم مسلم يبعد ايدي
گلهم انه مسلم والحرب عيدي
گضه الحومه ويصيح بهالرجس زيدي
اويفنيها //واجيوش العار
ام حسين العسكري ناصريه يحرم الحذف والتلاعب ونسألكم الدعاء الفاتحه لامواتنا وامواتكم مع الصلوات
/channel/Vvb313/9835
*قصيده للاربعين*
يجابر گوم واتلگه العقيله
اجت يم گبر اخوها اعله الهزيله
انصب ماتم الها
نززل كل حملها
تراها امن الهضم كلش نحيله
يجابر گوم واتلگه العقيله
......................
يجابر گوم وانصب ماتم حسين
اجت ام الخدر تحدي بنساوين
نحلانه واثر بيها ونياشين
من سوط الشمر والسطره عالعين
راس حسين عدها
واليها وسندها
تصيح افراكهم مابييه حيله
.....................
راس حسين عدها بالعبايه
امغطيته اوتخاف اعليه هوايه
وكلساعه اوترشرش ثغره مايه
تگول اوي اخوتي عندي احچايه
عندي اعتاب ليهم
محتامه لحچيهم
فكولي الگبر واگعد احچيله
.................
تلگاها الانصاري وصاح حياچ
يزينب من وصلتي علي ابجاچ
جا ياهو الينشدج منهو وياچ
ياهو الهاضمج بت امي عيناچ
نامو فرد نومه
اجت تركض بهومه
طاحت من على الناكه الجليله
....................
تگله هنا يجابر لوعونه
وبعد بسياطهم حيل اضربونه
وحرگو كل خيمنه وسلبونه
وكلساع الشمر وايسب ابونه
گلبي يشتعل نار
وانه فكري محتار
واحسب اربعينه ليله ليله
...................
احسب اربعينه اوجيت اگله
يادرب السبي حطالي عله
گلبي امن المصايب هل تسله
وعفت نص الخرابه هناك طفله
انشدني عن رقيه
من جتها المنيه
وبانت عالحمل ياخويه ميله
....................
شفت اكبورکم واصرخ يكافل
ومن اعتابكم ياخويه مامل
اعتبنك واصيح بدمع هامل
بس اليوم باچر ضعني شايل
احمل بالضعينه
وارد لرض المدينه
بعد ماضن اشوفه اولا اجيله
.....................
*تمت بحمد الله وتوفيقه بقلمي الشاعره الحاجه ام حسين العسكري ناصريه يحرم الحذف والتلاعب ونسالكم الدعاء*
/channel/ssaakknn
قصيده للحسين ع
الله لا ينطي الخيول الاعوجيه
طحنت اضلوعك طحن يبن الزچيه
جيت المهن وشلگيت
اموذر ويمك بجيت
وخنصرك مابيي المحبس بين اديه
....................
خنصرك مكطوع وامسلب يوالي
وطابع ابصدرك اثر حافر يغالي
منشده فكري أو يبچي الصخر حالي
حايره ومحتاره من ضيم الجرالي
من ثكل همي انحنيت
اموذر ويمك بجيت
وخنصرك مابيي المحبس بين اديه
............
من ثكل همي انحنيت وناري تسري
بطيحتك ضاع الدلال وضاع خدري
خويه ياخيمتنه كلنه وانته ستري
ياسند لينه وتجيه اااايضخري
تفرهدينه ومادريت
اموذر ويمك بجيت
وخنصرك مابيي المحبس بين اديه
....................
تفرهدينه وحركو الخيمه علينه
وين ننطي الوجه وين ومادرينه
نمشي للشاطي والوذن يم ولينه
من اكصدك ياخو زينب كوم لينه
من بعيد وحشمييت
اموذر ويمك بجيت
وخنصرك مابيي المحبس بين اديه
......................
من بعيد وحشمييتك وانه انوحن
وينها جفوفك تكضني شلون الوحن
كلبي للخوه يكافل هالمسه حن
حيرتي مامن مثلها وين اروحن
منبع الخوه اعتنيت
اموذر ويمك بجيت
وخنصرك مابيي المحبس بين اديه
........................
منبع الخوه اعتنيتك ياكفيلي
اعتب وبالهضم هل ذايب دليلي
ضلمه صار وخيمه ماكو ووحشه ليلي
وين اروحن ريت بس يسمع عويلي
ريت شافاني نسبيت
اموذر ويمك بجيت
وخنصرك مابيي المحبس بين اديه
...........................تمت بحمد الله وتوفيقه بقلمي الشاعره الحاجه ام حسين العسكري ناصريه يحرم الحذف والتلاعب نسألكم الدعاء والفاتحه لامواتنا وامواتكم مع الصلوات
/channel/ssaakknn
قصيده فزاعيه للسيده رقيه
جابو راس ابوها بالطشت ليها
نص الليل وتعلي ابواچيها
................
جابو راس ابوها بالطشت حطوه
مگطوع النحر گدامها خلوه
گلب الطفله گول شلون ما رحموه
الطمي اعله الصدر وبصوت گولي احوه
مهضومة العزيزه اليوم عينيها
...............
مهضومة العزيزه وتيچي هاليله
ونت عالنحر لحسين تشكيله
شلون تشيل بويه شلون هالشيله
ضل بس الدمع لفراگك انهيله
بتك ليش ما تگعد تحاچيها
...............
حطت راسها اعله النحر من جابوه
صاحت عيلته يحسين من شافوه
يا عطشان يا مظلوم من نضروه
گدام العزيزه بته وخلوه
يفجع حالها وعلت بواچيها
............
يفجع حالها من شمت المنحر
والفرگاك يا بويه ولا اگدر
اريد اوياك يا بويه ولا اصبر
ضل بس الحزن بگلوبنه يحفر
ضلمه خلاف عينك كل لياليها
................
والسجاد ناده ميلي البنيه
ماتت عالنحر يا عمه ارقيه
وي الوالي ابوها حملت هيه
هذا اخر وداع وبي افراگيه
ميلي الطفله عن الوالي ميليها
........................
تمت بحمد الله وتوفيقه بقلمي الشاعره الحاجه ام حسين العسكري ناصريه يحرم الحذف والتلاعب نسألكم الدعاء والفاتحه لامواتنا وامواتكم مع الصلوات/channel/ssaakknn
قصيده للسبي ووداع الجثث الطاهره
وداعا ر اح اكلك من عله الناگه
يعباس الكفيل اشوكت نتلاكه
.................
اودعك يا لكفيل وعيني هماله
تعال وشوف خدري وانه يا حاله
وراسك علرمح يا خويه من شاله
احس جمره بدليلي تجوي حراكه
وداعا راح اكلك من على الناكه
....................
احس جمره بدليلي وراسك اكبالي
وعفتك عالشريعه خويه يالغالي
اضل وياك امشي بهيبه حسبالي
صفيت ابلا كفيل شيحمل افراكه
وداعا راح اكلك من على الناكه
...............
بيسر امشي سبيه خويه يالضامي
واحس يوم الفكدتك ضاعت احلامي
ورقيه بهضم تبجي خويه كدامي
بقه بس العليل ونشفت ارياكه
وادعا راح اكلك من على الناكه
..................
يخويه الشمر يضربني على امتوني
واصد بثنين اديه وتهمل اعيوني
عليكم اعتب انه لا تلوموني
وعليل مجتف ومحتار بطواكه
وداعا راح اكلك من على الناكه
................
..............
اودعنك واودع حسين هليله
يخويه امشي سبيه انه والعيله
وانه من هضمكم كلش انحيله
شكل للكلب من يفيض بشواكه
وادعا راح اكلك من على الناكه
...................
شكل للكلب من يحتاج شوفتكم
وانه معلمه خويه اعله لمتكم
جانت همتي من فيض همتكم
راح الحيل من ايست نتلاكه
وادعا راح اكلك من على الناكه
.................تمت بعون الله والشاعره أم حسين العسكريناصريه غير مبرئ للذمه حذف الاسم ونسالكم
الشاعرة الحاجه ام حسين العسكري:
/channel/ssaakknn
المشهد الثاني وضع الراس الشريف في الديوان وضرب يزيد راس الحسين بالعصا 😭
جابو الراس وينزف ادموم
وايعين گلبچ يم الهموم
من الهظم ماتگدر تگوم
.........
حطو الراس وزينب اتنوح
ويلاه يبو الاكبر يمذبوح
طگه يزيد وراحت الروح
.............
طگه يزيد اگبال عيني
وينچ يزهره تشاهديني
واعله المصاب اتعاونيني
...........
يمه الولي طگوه ابشفته
والدم نزف يمه نضرته
وشحالها هاليوم اخته
............
خايب ولك لاتضرب حسين
هذا العزيز وقرة العين
جدي يشمه چان كل حين
............
من ثغره جدي يشمه ياناس
هسه تضربه گوم الارجاس
سبط الرسول وعيب ينجاس
... .........
طگه وشبح عينه عليه
راس الولي وانه شبديه
مچتوفه بحبال الدعييه
........
نعي فراق
لوعونه....براسك ونصرخ يوالي
لوعونه....حسين ياخويه يغالي
لوعونه....وانه حال الظيم حالي
لوعونه....سوده من بعده الليالي
...............
يمه زهره...طلبت الديوان صعبه
يمه زهره....حسين دمع العين صبه
يمه زهره...راسه ضل يشكي الربه
..............
نعي عاشوري
اليوم ايزيد بينه يمه شمتاااان اه اه اه
يموت اوباه اخذني اليوم شمتاااان اه اه اه
وخليني اشم حسين شمتاااان اه اه اه
وبعدها كون تلفيني المنيه
.................
تمت بحمد الله وتوفيقه بقلمي الشاعره ام حسين العسكري ناصريه يحرم الحذف والتلاعب ونسألكم الدعاء الفاتحه لامواتنا وامواتكم مع الصلوات
/channel/ssaakknn/10749
*قصيده حزينه لمصرع الحسين عليه السلام*
*عندي بس هاي العبايه وبيش اشد اجروحه*
*اكبالي شفت احسين ون وشفت طلعت روحه*
...............
عندي بس هاي العبايه الساترتني امن العده
جيتك ومحتاره بامري وانه روحي امهدهده
ياجرح منهن اضمده وبيش نحره انوسده
وينها الزهره الزجيه ريت كون اتشاهده
*كل كتر طشاره صاير والدمه مسفوحه*
.................
هواي متغيره الملامح ما عرفت احسيني
وچن ونينه ابأذني اسمعه وريحته اتدليني
هذا ءانه اهنا يزينب ليش تيهتيني
ريحت ابن امي اعرفتها واصفگت چفيني
*دمه فوك الثرى يجري وعطر منه ايفوحه*
...............
عطره دلاني بمكانه وجيتله لهفانه
انه زينب يخو زينب كوم خويه اويانه
هجمو اعله الخيمه بعده وانسبت رضعانه
صحت يامن دللوني محد العانانه
*ريتني ابدالك يخويه يالولي مذبوحه*
.............
شلون حيره شلون المه ظلوعه كلها امطشره
ساعه المهن بيدي ساعه امشي ادور خنصره
ساعه فوك الراس اهيلن للمصيبه بالثره
صحت وينك ياكفيلي هنا يسبع الگنطره
*التفت يسره ويمين اجسادهم مطروحه*
.............
انظر القاسم والاكبر صف يويلي امطرحه
منين ما انظر عليها بالسيوف امجرحه
روحي تطحن للجفوني بالگلب طحن الرحى
والشمس تصهر باهلنه شلون بيهم بالضحى
*باچر اعلناكه امشي والكفل شيلوحه*
...................
*تمت بحمد الله وتوفيقه بقلمي الشاعره ام حسين العسكري ناصريه يحرم الحذف والتلاعب ونسألكم الدعاء الفاتحه لامواتنا وامواتكم مع الصلوات وبلاخص ابني الشاب محمد علاء* *تمت بتاریخ ٢٠٢٤/٥/٢٤*
/channel/ssaakknn
قصيده للعباس والسبي تقرء بطور حزين واطوار اخرى وتنفع نعي مجرد ايضا
ليش السهم ماخذ مچاني
بعينك چنت محطوطه اني
انهض يعباس....انهض يعباس
...................
ليش السهم خرب الخووه
وماخذ مكاني منه گووه
باليني دهري شلون بلوه
طاح السند طاحت التچوه
سهمه رمه عينه ورماني
بعينك چنت محطوطه اني
انهض يعباس انهض يعباس
..................
خربانه خوتنه حرامات
فوك النهر ضلت علامات
صاحو ازماطج عالنهر مات
وانتن بعد تمشن سبيات
مر الهظم بعدك نعاني
بعينك چنت محطوطه اني
انهض يعباس انهض يعباس
...............
قصة وفه ضلت حسافه
يحچي الفرات ابكل ضفافه
صح يمه بس يبست شفافه
ضعني مشه بس گلبي طافه
ويلاه يوكتي الضيعاني
بعينك چنت محطوطه اني
انهض يعباس انهض يعباس
...............
لمن جزيت ابناگه هزله
حاچيته حادينه واگله
بهونك على الشاطي تمرله
خلافك اكله هواي خلله
هل بيينت بعدك تراني
بعينك چنت محطوطه اني
انهض يعباس انهض يعباس
..............
حاچاني حادينه ويگلي
زماطچ مشه ومررني باهلي
بعد. الجفوني بروحي شللي
عالشاطي طايح ذاك ضلي
شوف شلعب بييه زماني
بعينك چنت محطوطه اني
انهض يعباس انهض يعباس
.................
وينك يبو چفوف السخيه
نــــام الگــمر عالـعلگميـه
وامشي اسيره اوي الدعييه
حرمه وغريبه واجنبيه
دهري عجيب ودولباني
بعينك چنت محطوطه اني
انهض يعباس انهض يعباس
................
تمت بحمد الله وتوفيقه بقلمي الشاعره ام حسين العسكري ناصريه يحرم الحذف والتلاعب ونسألكم الدعاء والفاتحه لابني محمد علاء.... تمت بتاريخ١٨ محرم
٢٠٢٥/٧/١٤
/channel/ssaakknn/11126
من الشاعره ام جعفر العلويه
السلام عليكم خادمات الحسين ع السلام
من الشاعره ام جعفر العلويه
السلام عليكم خادمات الحسين الكل والجميع كلامي لاخوات. الي جاي ينشرون فديوهات مجالسهم. ع تواصل الاجتماعي والعالم كله يشاهد. وطالعه نص وجهه والبس خفيف يعني من تسوين هيجي. هم اتظنين هذه تقبله الزهراء ونتي الشاعره المكيفه بقصيدتج. قاريتهه فلانه وعلانه ومنشوره ع تواصل. ع شنو. مو عيب من الزهراء. يعني ما تخجلون. من انفسكم باجر توقفكم الزهراء ع مود الفلوس تسوون هيج. مو حرام وتشويه. الطريق الحسين. يعني يا مرجع انتي مقلدته. ومنطيج فتوه بهذه العمل والله العظيم عيب وفشله من الزهراء. جاي تصعدين كم يوم بس اخر شي. شوفي عاقبتج. الله يهديكم. وتصحون ع انفسكم. وتحاسبونهه
قبل فوات الاوان. مو مجالس صارت تجاره ع تكتك
العلويه ام جعفر
اني العلويه ام جعفر
اشكل الذمه كل مله. تنشر ع تكتك بعد تقره قصائدي ما ابريها الذمه لان ما يشرفني. تقرولي. وتنشرون نبقى ويه الحسين فقط مو صيت وتجاره عيب استحو. نسوان شكباركم كل وحده مخليه تليفونهه ع جهرتها وتقره. تبرت الزهراء والحسين منكم اضعاف النفوس
اتعبو بمجالس الحسين مو تلعبون ع حساب مشاعر وحزن السيده زينب
ابو السياره مخلي صوتكم ابو تكتك مخلي صوتكم. قهر والله من وراكم. حته قل احترام المله
ع حجز المجالس. والشهره تعالو شوفو الحجي الوراكم. مو بنات عشائر احنه وين الاصول والعفه والحشمه وين. راحت وين. حاسبو انفسكم. وراجعو حياة السيده زينب اشلون جانت. عفيفه
.
رد الشاعره ام هجران على كلام العلويه ام جعفر ☝️☝️☝️☝️
الله يشهد حچيتي البگلبي علويه الله لايحرمنا من هيج كلام در
الله يرحم امهاتنا وملالينا قبل اذا رجال بالبيت ماتقره خاف صوتهه ينسمع هسه ماشاء الله صار الماصار للاسف صارت الخدمه وضيفه استغلوها البعض لغرض جمع المال والشهره ولايكات لاتودي ولاتجيب ونسوا وراهم حساب وعقاب وحشر وبرزخ واهوال قبر اصوات اوجوه ع التواصل الاجتماعي صرنه حديث الشارع كافي رقص ع جراح صاحب الزمان
وايضا ردي انا الشاعره ام حسين العسكري ناصريه
الحسين توفيق وممكن ان يسلب بين ليلة وضحاها فاحذرو يا خادمات لقد اصبحنا في زمان القابض على دينه كالقابض على جمره نسال الله الهدايه للجميع والرجوع الى الحق قل ياعبادي اللذين اسرفو على انفسهم لاتقنطوا من رحمة الله باب التوبه مفتوح لكم فلا تاخذكم العزه بالاثم وتبقون مستمرين في تشويه صورة المذهب فقد اصبحنا اضحوكه بسبب بعض ضعيفات النفوس من اجل الشهره والماده اجعلو خدمتكم خالصه لله وللحسين ع السلام وسوف ترون افق تفتح لكم انه امكم انه اختكم انه خادمتكم ارجو ان الكل يعمل من مكانه ويامر بالمعروف وينهي عن المنكر قفوهم انهم مسؤولون تره وراكم حساب لان ما نهيتوا عن المنكر
قال رسول الله ص من رئا منكم منكرا فليغيره بيده وان لم يستطع فبلسانه وان لم يستطع فبقلبه وذلك اضعف الايمان
ولا تتخذو بقلبه اضعف الايمان مادمتكم قادرين بيدكم ولسانكم فانكم مامورين من رسول الله ص بالاصلاح فكلا يعمل من مكانه نداء خاص الى الشاعرات المخلصات بالانظمام للنهي عن المنكر وحتى الشعراء ولكم جزيل الشكر واسال الله الهدايه والتوفيق لنا ولكم ولكل لسان ناطق بالحق
عمموا المنشور واعلنوا تظامنكم مع صاحب الزمان واهل بيته
وكذالك ردي
اني الشاعره ام عراق الشمري البصره
(بعد من الان👇) لا اسمح بملا تقره قصائدي وتنشرهه عالتواصل الاجتماعي غير مبريه الذمه من تفعل هذا
ورأيي من رأي الشاعرات الفاضلات
العلويه ام جعفر وام هجران وام حسين العسكري الناصريه
فعلا هذا هوه الصحيح
وانسأل الله الهدايا الى الجميع
بحق محمد وآل محمد
جديد مجموعة هوسات جنوبيه للدفنه لاتنسوني من الدعاء والفاتحه لولدي محمد علاء
Читать полностью…
هوسه جنوبیه للدفنه
مختنگه الانفاس ابصدري بويه حسين
اجيتك. بس. شجيتك. عاميه العينين
من گد البواچي وحرت ابدي امنين
وامنين انه اشيلك طايح الكترين
واسهامك جثيره منين ابدي منين
سهم البچبد// محتار اجرنه
بيي ثلثين جبده وخاف الجمنه
سهم البجبد
سهمك بالگلب خلف الف ونه
سهم البجبد
مر يومك يبويه شلون اجرعنه
سهم البجبد
يومك مر وماننساه//حسين الوالي
ام حسين العسكري ناصريه يحرم الحذف والتلاعب ونسألكم الدعاء الفاتحه لامواتنا وامواتكم مع الصلوات
/channel/Vvb313/9847
.هوسه جنوبیه للدفنه
گالوله منو انته الجاي یم الساده ابهمه
وشلت حسين واشتم بيه وتمسح بالدمع دمه
چنه موغريب اعليه وچنه الميت ايهمه
گلهم هذا ابوي حسين يلتنشدني شنهي اسمه
گالوله وعلى الشاطي ذاك الزلمه هم عمه
ضل امگطع الذرعان بيش اندبنه بالخدمه
بالحصيره//خل الم احسيني
امطشر ابكُبر الثرى متعيني
وبالحصيره
امن الدمع ماشوف گمت ابعيني وبالحصيره
ابخنصره المشمور زاد اونيني
بالحصيره
الونه الطلعت منه// زرفت دلالي
ام حسين العسكري ناصريه يحرم الحذف والتلاعب ونسألكم الدعاء الفاتحه لامواتنا وامواتكم مع الصلوات
/channel/Vvb313/9847
هوسه جنوبيه للدفنه
اجه السجاد متلثم نزل راكع
الثامه بالدمع متبلل وناگع
وچنه امن المرض والونه اينازع
وشاف النور يم حسين ضل ساطع
صاح احاه يبويه ومن حچه دامع
نايم يبونه موش //الك هالنومه
ويلي عليه وامسلبات اهدومه
نايم يبونه
وزينب بقت نص الكفر مهظومه
نايم يبونه
ضلت تون لاخوانها مهمومه
نايم يبونه
وامطشرات اظلوعه كُبر الحومه
نايم يبونه
الخيل الداست صدره//حافر ضل بيها
ام حسين العسكري ناصريه يحرم الحذف والتلاعب ونسألكم الدعاء
/channel/Vvb313/9847
جديد ونسألكم الدعاء الفاتحه لامواتنا وامواتكم مع الصلوات
Читать полностью…
*قصيده حماسيه لمسلم ع السلام*
خيل تردم خيل// من طباها
زلزله مسلم تره سواها
............
طوعه صاحت يالله حي المرجله
شبل حيدر سوه بيهم زلزله
يشبه .ال عمه الصميده اوياهله
افعال حيدر بالحرب رداها
.............
من نزل طاعونها وطب الشهم
والزلم من خوفها تردم ردم
هذا نسله امن الهواشم مايهم
بچفه نسوان الزلم سوواها
.............
طوعه شافت زوده گامت هلهلت
ياهله ابزود المراجل من حچت
هذا حيدر لوكفيل اخته شفت
چفه چف عباس من شالاها
.............
چفه چف عباس من طب ملعبه
نار بعيونه وشراره لاهبه
شاد چفيته اعله راسه وعصبه
امسرفن اردانه العده بچاها
............
صار جمله اعله العده ابسيفه الذبح
يشيل بيهم شيل يشمر عالسطح
بچه حته الليل واعيون الصبح
الغيره شايلها ابچتف محلاها
...............
تمت بحمد الله وتوفيقه بقلمي الشاعره ام حسين العسكري ناصريه يحرم الحذف والتلاعب ونسألكم الدعاء الفاتحه لامواتنا وامواتكم مع الصلوات وبلاخص ابني الشاب محمد علاء تمت بتاريخ ٢٠٢٤/٥/٢٦
/channel/Vvb313
فزاعيه لمسلم ع( تلوگله الهوسه)
هوسي اليوم بالميدان
حلوه تلوگله الهوسه
...................
هوسي لمسلم الليله
يستاهل تهوسيله
تكبير اوي تهليله
يفنيها //مسلم لوكبّر
...................
طوعه هلهلت واتگول
مسلم يانسل الفحول
يصول ابحومته وايجول
بهداته// حيدر لوهد
.................
مثل حيدر علي بيمناه
يعجب لوجبت طرواه
وين السبع يتلگاه
يلاگونه// وين الشجعان
..............
ذل فرسانهم مسلم
سيفه يحصد اوشيلم
محد منه ضن يسلم
ذلاها //فرسان الحومه
..............
ذل فرسانهم وايصيح
واليشرد ابخوفه ايطيح
يسبك سيفه صوت الريح
بخزراته// والجيش ايطيح
...................
اتطيح بخزرة اعيونه
سفير حسين يدرونه
وعدوانه يهابونه
وابسيفه// وايلم وايطشر
ام حسين العسكري ناصريه يحرم الحذف والتلاعب ونسألكم الدعاء الفاتحه لامواتنا وامواتكم مع الصلوات
/channel/Vvb313/9835