3598
نتشرف بوجودكم معنا في قناه الشاعره الحاجه ام حسين العسكري ناصريه اهلا وسهلا 🤝
للرسول ص .حزينه وتنفع رداديه
الوداع الوداع يارسول الله الوداع
الوداع الوداع يارسول الله الوداع+٢
................
شايل الليله يطاها وعايف ابنيتك تون
ضلت اتنوح الحنينه وسفه غاطيها الحزن
بعد ماغمضت عينك والمصايب هل لفن
هدوا اعله اعتبها
شوف حرگوا بابها
ياعظيم امصابها
حيل عصروها الزچيه والظلوع اتكسرن
الوداع الوداع يارسول الله الوداع
. ...........
هلت اعليها المصايب من بعد عينك تره
غمضت عينك تگله وانه بويه امرمره
وابتدت رحلت عذابي ويه گوم الكافره
بويه من سطروني
عالثرى شمروني
حيل وايطگوني
وابچعب سيفه نغزني ولجنيني عبره
الوداع الوداع يارسول الله الوداع
.......... ........
اليوم ظلعي ايكسرونه وباچر اظلوع الحسين
باچر ايسحگون صدره وينگطع منه الوتين
تلعب الخيل اعله متنه ابن أمير المؤمنين
منحره يرفعونه
صدره ايسحكونه
بحافر ايطحنونه
وانه انزل وانضرلهم عالثرى وامطبرين
الوداع الوداع يا رسول ألله الوداع
..............
باچر ايمنعوني ابچي لوغفت عينك وانوح
باچر ايچتفون حيدر للسقيفه من يروح
تكثر بروحي النوايب بويه بعدك والجروح
ابني بيت احزاني
والحزن عنواني
ظلعي ضل برهاني
تبقه اثار الدمايه فوك بابي ماتروح
.............
تمت بقلمي الشاعره أم حسين العسكري يحرم الحذف والتلاعب ونسالكم الدعاء
/channel/ssaakknn/11495
ترقبو قريبا الجزء الخامس من روح المجالس المحبب لديكم والمميز لديكم راح يكون تحفه فنيه خاص بزهراء والحبايب وبام البنين وبالحوراء زينب ع السلام
Читать полностью…
بعد أن رحل رسول اللّه هجموا على دار الزهراء ع السلام حرقوا بابابها اسقطوا جنينها كسروا وافاطمتاه..
*قصيده حزينه للزهراء* (محنيه الضهر)
*يمه شنهي شبيج محنيه الضهر*
*لازمه ضلعج تكولين انكسر*
*حسين حاجاها بدمع*
*من كسر منج ضلع*
*اليوم ضلعج باجر اضلوع ونحر*
..........................
يمه فهميني القضيه والجرى
ضلعچ بهاليوم منهو الكسره
والضلع ماينجبر حته اجبره
شلون محسن من وگع فوك الثره
اليوم عيني تنضرچ
والكسرلج خاطرح
هو نفسه الراح يگطعلي النحر
............................
بالصدر بسمار نابت ماطلع
شلون يوم الباب لضلوعج صدع
شفت محسن يمه عالعتبه ودمع
شال ايده للسمه يوم الوگع
صاح يمه فدوتج
خذت روحي وكعتج
بده ايلوح اعلينه يايمه الخطر
.......................
بدت من هسه علامات الحزن
اليوم انتي وباجر لحيدر نون
بعد ابوي ايروح من عدنه الحسن
تلفي اعلينه المصايب والمحن
تروح كلها العايله
لو مشينه لكربله
دموعي متبطل تضل تمطر مطر
.........................
تكول زينب دمعي مايبطل ابد
راحت امي وراح وياها السعد
نهجم سور البيت من طاح العمد
باجر ابقه ابليه والي ولا سند
حسين باجر ينذبح
ينرفع راسه برمح
وانه اروحن من بعدهم لليسر
..........................
باجر بحال اليتامه ابتلي
ياحسافه شلون امشي ابلا ولي
وانه بت زهره الزجيه وبت علي
اصرخ والطم ييمه بالخلي
يمه ريتج حاضره
حسین ابنچ عاشره
حيف فوك امتوني يضربني الشمر
..........................
تمت بحمد الله وتوفيقه بقلمي الشاعره ام حسين العسكري ناصريه يحرم الحذف والتلاعب ونسالكم الدعاء والفاتحه لابني الشاب محمد علاء
/channel/ssaakknn/11464
نعي للاربعين
من الهظم كلبي تفطر
كلساع اصيح الله واكبر
وين الزچيه اليوم تحضر
...........
نتعاون انه وياچ يمه
متعوب گلبي وزاد هظمه
والعتب مابياش اظمه
.............
واتعاي ليه وگابليني
وخلي ونينج وي ونيني
واعاونج وتعاونيني
............
رديت جبت الروس وياي
اريد التعاوني اعله بلواي
واريد الينشف دمع عيناي
...............
صار اربعين وجيت ليهم
محتامه لليعجب حچيهم
اربعين ليله امفاركيهم
..............
الفراك چوواني بدليلي
من يومهم مانمت ليلي
مابطلت نوحي وعويلي
.............
يمه أم حسن نگضان حيلي
اگابلج وانتي انعيلي
وامن الدمع ناگع شليلي
............
هواي الهظم يمه هوايه
رديت بس حمره العبايه
رديت حرمه ابلا حمايه
...........
تنعه الزچيه وتجر ونه
يبنيتي من الله وعدنه
عطشان من ذبحو ولدنه
..........
شفت الشمر لمن اجاله
وفوك الصدر يمه ثناله
واثنعش ضربه عدداله
.............
وشفت الشمر من رفع راسه
فوك الرمح والخيل داسه
يويلي بجمر هالگلب جاسه
.................
تمت بحمد الله بقلمي الشاعرة أم حسين العسكري ناصريه يحرم الحذف والتلاعب ونسالكم الفاتحه لامواتنا والدعاء
/channel/ssaakknn/11487
قصيده للرسول تحاكي مابين الاربعين والرسول (ص)
بينك وبين الحسين
نبقه نجهر بالونين
مانبطل هالعزاء
سيدي يبقه النداء
يامحمد يامحمد
...................
يامسيرة عشك ابداً ماتزول
بربعينك نمشي ونواسي البتول
هالعزاء ماينتهي حد الرسول
لحدما يطلع ابو صالح نكول
نبقه الكم اوفياء
سيدي يبقه النداء
يامحمد يامحمد
....................
من محرم وي صفر والاربعين
احنه نتنفس لطم للطاهرين
لسيد الكونين كلنه محزمين
نواسي فاطم عالمصاب ونادبين
باجر يحركون بابج ضالمين
تنهضم بنت الاباء
سيدي يبقه النداء
يامحمد يامحمد
.....................
امس واسيناج بحسين الذبيح
وبعده جرحج اخضر وما مستريح
جرح يلجم جرح احزانج تصيح
يامصيبه تهون من عدهن تطيح
الج نعلن هالولاء
سيدي يبقه النداء
يامحمد يامحمد
......................
بيت لاحزانج بنص اكلوبنه
اسود ايضل مانبدل ثوبنه
نجدد الاحزان وي محبوبنه
انسبل ادموع وعليها اعيونه
نشتكي لرب السماء
سيدي يبقه النداء
يامحمد يامحمد
..................
تمت بحمد الله وتوفيقه بقلمي الشاعره الحاجه ام حسين العسكري ناصريه يحرم الحذف والتلاعب نسألكم الدعاء والفاتحه لامواتنا وامواتكم مع الصلوات
/channel/ssaakknn/4983
جديد أم حسين العسكري للاربعين
Читать полностью…
.قصيده للاربعين( حي الله زينب)
حياالله زينب... حياالله زينب
هلا بزينب ياهلا
اجت وصلت كربله
حي الله. زينب ... حي الله زينب
.................
هلا بزينب جابت الرووس واجت
بربعينك ياحسين ومن لفت
براية العباس ردت عودت
رحبت بيها الفلا... اجت وصلت كربله
حي الله زينب ... حي الله زينب
.................
اربعين اليوم نصبت بت علي
اجت من الشام والمدمع هلي
تصيح وين حسين وينه كافلي
للرساله شايله... اجت وصلت كربله
حياالله زينب ٢
..................
خويه من. طبيت عد. مجلس يزيد
تدري بييه حسين راسي شگد عنيد
ما اخاف الطاغي ما اخاف الوعيد
خطبه اخطب زلزله... اجت وصلت كربله
حياالله زينب ٢
.......................
كتله اسعى بسعيك وگيد التگيد
احنه نور الله وابد لاماتهيد
ما يموت الوحي لوطاح الشهيد
حي تره عقد الوله.... اجت وصلت كربله
حياالله زينب ٢
................
خويه اديت الرساله بكل ولاء
وجيت اجدد عهدي انه بكربلاء
كحيله اخيتك ماتذل يبن الاباء
مرتفع اسمك عله... اجت وصلت كربله
حياالله زينب ٢
.......................
تمت بحمد الله وتوفيقه بقلمي الشاعره ام حسين العسكري ناصريه يحرم الحذف والتلاعب ونسالكم الدعاء
/channel/ssaakknn/11477
قصيده للاربعين والخدام
اللهم ارزقنا...شفاعة الحسين٢
..................
سجلينه من خدامه ..يفاطمه نصيح
نلطم نجيه عالهامه ..يم حضرته نطيح
نشتم عطر مولانه.. وانون على الضريح
نجدد عهد مولانه ...ناتيك زاحفين
اللهم ارزقنا شفاعة الحسين٢
....................
كل سنه احنه اوياكم... نجدد عزه الحسين
ننصب مواكب ننعه... كل احنه جاهزين
تحضرنه يابو اسكينه.... تسجلنه خادمين
متحزمين ابرايه... للقبه سائرين
اللهم ارزقنا.. شفاعة الحسين٢
.................
بالشده اندب وانخه... مولاتي فاطمه
ووياكم اشمحلاها... اتسمه خادمه
نختم نريد العوده... محسنها خاتمه
دوم وعهد وفايه... منهجنه ثابتين
اللهم ارزقنا... شفاعة الحسين٢
ربتني امي وگالت... هاي الوصيه ليك
خافن تغمض عيني... وابفاطمه عليك
رضعته حب الخدمه... هالساعه ارتجيك
لحسين اضل عنايه... لو قطعو الوتين
اللهم ارزقنا... شفاعة الحسين٢
تمت بحمد الله وتوفيقه بقلمي الشاعره ام حسين العسكري ناصريه يحرم الحذف والتلاعب ونسالكم الدعاء
/channel/ssaakknn/11474
ابوذيات للاربعين والسبي
وشباگ
مشينه امچتفات ابحبل واشباگ
اجيت ولكن شضلالي وشباگ
يكون الخووه شم وهلا اشباگ
وحگ الخووه گوم وهلي بييه
ام حسين العسكري ناصريه
ياريت الصار ابو الغيره علم بييه
العده بمتوني ضل سوطه علم بييه
مشيت وعفت عالشاطي علم بييه
وعفتله جفوف والجربه سويه
ام حسين العسكري ناصريه
.
عفت چفين والجربه ورايه
على الشاطي ورحت عنكم ورايه
اريداً شور ابو فاضل ورايه
واكله ابعازتك وشلون بييه
ام حسين العسكري ناصريه
اريد اليباصرني ابهاي من هاي
ابمتني اثار اصيح حيل منها اي
اطبن للرجس وايصيح من هاي
ولا چنه يعرفني الهاشميه
ام حسين العسكري ناصريه
عليه الوكت خويه حسين موجار
بدليلي اليوم مكد جمر موجر
اختكم كون تمشي بعزم مو .جر
بحبال وتطب عد ال امييه
ام حسين العسكري ناصرية
يحرم الحذف والتلاعب او حذف الاسم ونسالكم الدعاء
/channel/ssaakknn/11474
فزاعيه للامام الحسن ع السلام
(لطمن وي شريفه)
لطمن وي شريفه وجرن الونه
مسموم الحسن وحسين عيننه
..............
مسموم الحسن وادلاله مجفيه
هذا الشال سيد وامه علويه
عونه ايريد يالطم الشمكليه
مجفيه //ادلال الهيبه
..........
مجفيه الدلال وخالي امضيفه
وين الجان يكرم لويمر ضيفه
وينك يابو فاضل تاخذ بحيفه
معروفة //جفوف التسطر
..............
معروفه الجفوف التسطر العايل
اليوم امن الهواشم ضيغمي الشايل
هاليوم الدمع لام عون ضل سايل
عازوها //الشايل مكلف
................
مكلف خال بزري وشايل الليله
عنوان الكرم يمعدل الميله
هنا يالحاضره الميدان الطميله
خلونه// انعاون زينب
..............
خل انعاون الحره على اخوتها
هاليوم العقيله تجري دمعتها
اعصابه اعله الولي هاليوم شدتها
عينيها //امضيعه اخوتها
..................
ام حسين العسكري ناصريه يحرم الحذف والتلاعب ونسالكم الدعاء
تمت بتاريخ ٢٠٢٥/٨/٢الموافق ٧ صفر
/channel/Vvb313/9887
.قصيده للسيده رقيه ع السلام
(شالو روحي)
شالو روحي بشيلة راسك
طلعت وي طلعت انفاسك
حسين حسين حسين حسين
.......................
بويه انهضلي انه ارقيه
حاچيني وبس صد اعليه
يا محبوبي شوف شبييه
مچويه وتنزف رجليه
سموني اخلافك مسبيه
من بعد العز والعلويه
شوف ابيا حال انه اخلافك
شالو روحي بشيلة راسك
حسين حسين حسين حسين
..........
گالو تبچي وخيسكتوها
شيلو الراس وليها انطوها
وابراس الغالي لوعوها
ما سكتت گام يضربوها
ياويلي ارقيه ايأذوها
يهمس باذنه وماسمعوها
ما اتحمل بويه فراكك
شالو روحي بشيلة راسك
حسين حسين حسين حسين
.............
ما احمل يابويه الفرکه
چا ليمت يالغالي الملگه
مشتاگه لحظنك والشبگه
ما استوعب لا ممصدگه
راسك بيدي وابچي ابحرگه
مخنوگه وخنگتني الشهگه
كلبي المكسور اشگد رادك
شالو روحي بشيلة راسك
حسين حسين حسين حسين
...............
گلبي المكسور ايصد عينك
امسح دمك فوك اجبينك
من نحرك ناداني اونينك
بعدك عطشان امخلينك
ثغرك يابس ماراوينك
كدامي شلون امسلبينك
واتشوفك واتون احبابك
حسين حسين حسين حسين
...................
تمت بحمد الله وتوفيقه بقلمي الشاعره ام حسين العسكري ناصريه يحرم الحذف والتلاعب ونسالكم الدعاء
/channel/ssaakknn/11462
*قصيده للسيده رقيه ع السلام على طور شال الشهيد حسين لمسلم الوائلي وممكن تغير الطور حسب الذوق*
*فزت لابوها اتريد واتصيح ابويه حسين*
*كلبي عليه مشتاك وانطر.ءاله نصين*
..............
ضج البچي والنوح وسط الخرابه اليوم
عمتها صاحت صوت عمه بگلب مهظوم
ياعمه لاتبچين گلبي تره مالوم
ومنين اجيب حسين وضل راسه عدالگوم
لمن سمعها ايزيد گلهم شنو الونين
....................
گالوله بت حسين تبچي على العطشان
واتريد ابوها اليوم ماتدري ضل عريان
فوك الثرى مگلوب صدره غِده ميدان
وراسه ابرمح مرفوع واتهوس العدوان
وده الرقيه الراس گللها متسكتين
...................
..............
حيف ابطشت جابوه راسك يبو اليمه
اهل الغدر حطوه وامخضب ابدمه
صاحت شني الجابوه وامغطه ياعمه
زاد وشرب ماريد گلبي كثر همه
من شالت المنديل وايهلن العينين
.................
من شالت المنديل شافت نحر مذبوح
حيره يبويه شلون من كل كتر مجروح
وشلون اضمده شلون شفت الِدمِه مسفوح
فوك النحر حسيت طلعت يبويه الروح
ناداني صوت ايصيح يمدلله تمشين
................
شنهي الاثر هذا باذنج يالبنيه
يمسح عليه وصاح يابويه يرقيه
كتله يبويه اعداك سيلبو الترچيه
وجرو اذاني حيل والوجنه مدميه
گلي امشي بويه اوياي بهالدنيه لاتبقين
..................
صاح العليل ابصوت ياعمه شيليها
ماتت رقيه ابنوح عن راسه ميليها
زينب تون واتصيح ناري شيطيفيها
ويلاه يبت حسين والونه عدتيها
اتجدد مصاب حسين رحتي اله اتنوحين
....................
تمت بحمد الله وتوفيقه بقلمي الشاعره ام حسين العسكري ناصريه يحرم الحذف والتلاعب ونسألكم الدعاء الفاتحه لامواتنا وامواتكم مع الصلوات
/channel/ssaakknn/10763
نعيييييييي لرقيه ع
فزت توالي الليل واتصيح
وين العزيز اتگوم واتطيح
نحلانه ويهزها هوى الريح
.................
صاحت يوالي گوم ليه
انه العزيزه أنه رقيه
مهضومة اون والضيم بيه
...............
سمعو بچيها وشاهدوها
جابو الراس ولوعوها
صاحو الطفله سكتوها
.................
حط الطشت گدام العيون
وراسك تشوفه موش بالهون
صاحت يبويه ما تردون
................
شبگت الرأس وگامت اتون
وتصيح بويه حسين وتحن
...............
عالنحر بويه دموعي هملن
............
صاحت على نحرك لنوحن
وياك اريد اليوم اروحن
غسّلن نحره دموعي طاحن
............
زينب تگلها عمه هيدي
عمت عيني يا عمه أنه شبيدي
مذبوح ابوچ ويون حيدي
............
اگعد يخويه وباوعلنه
مذبوح يالكلك محنه
خلافك صبح مايل حملنه
................
واعاتب كفيلي والطم الرأس
وينك صحت خويه يعباس
اختك بلا والي وحرراس
...................
تمت بحمد الله وتوفيقه بقلمي الشاعره الحاجه ام حسين العسكري ناصريه يحرم الحذف والتلاعب نسألكم الدعاء والفاتحه لامواتنا وامواتكم مع الصلوات
/channel/ssaakknn
قصيده لام البنين والناعي للرجوع للديار
ناعياً قد صاحَ ينعى
ابن حذلم هل دمعا
عا.لقنا رأسُ الحُسين
اخبِروا أُمَ البنين... اخبِروا أُمَ البنين
.........................
من اجت ام البنين وتنطر ام عون
لازمه باب المدينه اعله اليمرون
تنشد وتنعه ابدربهم مايردون
تصيح وين احباب گلبي ونور العيون
اين ضعنُ الطاهرين... عالقنا راس الحسين
اخبروا ام البنين... اخبروا ام البنين
..................
من دخل بشر ابن حذلم من اجاها
سألته اعله حسين وين وجاوباها
عظم الله اجرج ييمه خبّراها
راح عبدالله اوي جعفر كل ضناها
قطّع قلبي الحنين.... عالقنا راس الحسين
اخبروا ام البنين.... اخبروا ام البنين
..................
گلها ياحره ارد اخبرج عن بنينج
طاح عثمان ويگلها الله اليعينچ
والمصيبه انوب خل يثگل ونينج
عالنهر عباس خل يكثر حنينچ
وقعت كف اليمين... عالقنا راس الحسين
اخبروا ام البنين.... اخبروا ام البنين
....................
تگله يمه اسمع واسألك عن حبيبي
فدوه ولدي وكل هلي وارضه بنصيبي
شنهي علم حسين خل يخمد لهيبي
ما ابطل نوحي ما ابطل نحيبي
صاح محزوز الوتين... عالقنا راس الحسين
اخبروا ام البنين.... اخبروا ام البنين
....................
كلها ضل حسين ذاك امطبرينه
صدره بكعوب الحوافر كاسرينه
امن الگفه محزوز راسه ورافعينه
والظلوع امطشره وما.لامينه
اه واوويلاه حسين.... عالقنا راس الحسين
اخبروا ام البنين... اخبروا ام البنين
ياحبيبي يا حسين.. نور عيني يا حسين
......................
تمت بحمد الله وتوفيقه بقلمي الشاعره ام حسين العسكري يحرم الحذف والتلاعب ونسالكم الدعاء والفاتحه لامواتنا وامواتكم
/channel/ssaakknn/11497
/channel/llpp988l/1204
ادخلو بقناة الهوسات خاصه فقط للهوسات راح تستفادون ولاتنسوني من الدعاء
هوسه جنوبيه لكسر الظلع قريبا من روح المجالس الخامس
من حرك بابج يفاطم من كسر ذاك الظلع
لازم انبين الحقيقه ونشرح احداث الوضع
منين اجت هاي الاوامر منهو نفذ مندفع
بعد ماغمض ابوها هدت اعليها الربع
بالاسامي راح اسولف ما اجامل واختنع
الاول ءالأنطه الاوامر بالحرك وي الدفع
الثاني نفذ وابصلافه وچفه بالخد منطبع
وسگط المحسن يوسفه ونززل لفاطم دمع
اليوم مكسوره الزچيه والكـِسر ما منردع
تعده ولبيت الرساله خلله بيهم كم صدع
ونات الظلع... نبقه نون بيها
زينب كل وكت احنه نواسيها
ونات الظلع
واليوم الطلابه اتريد راعيها
ونات الظلع
ليمت يضهر المهدي ويصفيها
ونات الظلع
والطلعه يساده احنه امتانيها
ونات الظلع
بجفوفه/ الثار انريده
نريد ضهور الحجه//بيده ايصفيها
ام حسين العسكري ناصريه يحرم الحذف والتلاعب ونسالكم الدعاء والفاتحه لابني الشاب محمد علاء
/channel/ssaakknn/11493
نعي للرسول ص مع ابوذيه
الدمع بعدك على الوجنات مر سال
اوديلك ردت يابوي مرسال
يعرفونك نبي وعالكون مرسل
وانه بضعتك واوجرو بييه
..............
غمضت عينك وانه اجوني
بالباب بابويه اعصروني
گومك يبويه مارعوني
................
عالهامه والعين اسطروني
ومن دم تره هملن اعيوني
وبالعتبه اونن سگطوني
...........
بالعتبه ضل طايح جنيني
وزيدو يابويه ونيني
ياريت هالليله تجيني
..........
جيتك اتوچه اعله الحياطين
ويبچي عليك الحسن وحسين
بيتك اصده شلون بالعين
............
طبيت بيتك حيل ونيت
محنيه من الظلع ناديت
والشوفتك يابوي حنيت
..........
اريد اليكلي هاي من هاي
واريد الينشف دمع عيناي
واليوم زاد اعليه بلواي
...........
جنت عاليه بعلو الثريه
هظمني الوكت وشلون بيه
راح السند راح التجيه
............
تمت بحمد الله وتوفيقه بقلمي الشاعره ام حسين العسكري ناصريه يحرم الحذف والتلاعب ونسألكم الدعاء الفاتحه لامواتنا وامواتكم مع الصلوات وبلاخص ابني الشاب محمد علاء واختي المرحومه امل عباس
٢٠٢٤/٨/٣١
٢٦ صفر
/channel/Vvb313/295
*قصيده حزينه للرسول*
اليوم حزنانه الزچيه وين اليواسيها
بالدمع والونه كلنه واجب نعازيها
رفعو رايات الحزن
گلب فاطم ممتحن
نار شبت بالزچيه منهو اليطفيها
🏴🏴🏴🏴🏴🏴
تگله باچر بويه بعدك داري ايحرگوها
والوصيه خلاف عينك كلهم ايبيعوها
والصحابه تدري بيهم بعدك اينكروها
ابعصره كل اضلوعي بويه هالعده يكسروها
گلبي ما بطل ونين
بعدك انه شكد حزين
نار شبت بالزچيه منهو اليطفيها
🏴🏴🏴🏴🏴🏴
وين شايل بويه عني يا حبيبي الليله
انته بس تجبر كسرتي يا طبيبي انحيله
شوفتك بلسم جروحي بعدك ابقه اعليله
روحي ماتحمل غيابك والهضم شيشيله
عگبك ابقه بالكدر
والدمع مني يدر
نار شبت بالزچيه منهو اليطفيها
🏴🏴🏴🏴🏴🏴
اليوم حزنانه سمانه والأرض لمصابه
والعرش يبچي عليه والضلع من صابه
مادريت بهالرزيه نارنه لهابه
گتله ما تلحك عليه خل يشوف أصحابه
بويه يوجعني الضلع
منهو يمسحلي الدمع
نار شبت بالزچيه منهو اليطفيها
🏴🏴🏴🏴🏴🏴
بويه حرگو داري إليه والضلع كسروها
ريت حاضرني يغالي لخدي من سطروها
بضعتك انه العزيزه عگبك يضربوها
گوم ليه وشوف حالي وداري من حرگوها
سگطو مني جنين
وأثر صطره فوگ عين
نار شبت بالزچيه منهو اليطفيها
🏴🏴🏴🏴🏴🏴
بويه ياريتك تشوفه هالعده من جاني
وعصرة الباب اعله صدري بيها من آذاني
بصدري هالبسمار نابت والضلع ضل حاني
شوف ذوله اهل السقيفه بعدك اشراواني
بعدك اتعدو عليه
وانه يابويه الزچيه
نار شبت بالزچيه منهو اليطفيها
🏴🏴🏴🏴🏴🏴
✍ *تمت بحمد الله وتوفيقه بقلمي الشاعره الحاجه ام حسين العسكري ناصريه يحرم الحذف والتلاعب ونسألكم الدعاء بالتوفيق لخدمة الحسين عليه السلام*
/channel/Vvb313/294
.قصيده ثگيلة للاربعين (محد اتلگه الضعون) ممكن أن تقرء على طور(بروسكم رديت) للملا مدين العياشي و تقرء بعدة اطوار وممكن الاستغناء عن كلمة اويلاه حسب طورج التختارينه
محد اتلگه الضعون الردت وتعبانه..اويلاه اويلاه
ردت امن الشام زينب بالهظم نحلانه...اويلاه اويلاه
...............
گوم واتلگه العقيله ياكفيل اضعونها
اويلاه اويلاه
گوم شوف اشصار بيها وشوف طبع امتونها
اويلاه اويلاه
جايه تشكي لاخوها والدمع بعيونها
اويلاه اويلاه
نفضو اتراب المگابر زينب تحظنونها
اويلاه اويلاه
ليش مو أنه الحنينه محد اتلگانه
.................
حظنوا اخيتكم يساده اليوم اجت متعوبه
اويلاه اويلاه
مفرهده بت الهواشم ياوسف منهوبه
بقت بس ذكرى ابخيالي ذبحك ومسلوبه
مسجله چانت عليه قصتي ومكتوبه
وانه من ساعة ذبحتك انحب ووجعانه
....................
أنه من ساعة ذبحتك والدمع بعيوني
ابسحگتك يحسين خويه چنهم ايسحگوني
اعوجيه فوك متنك سوطهم بمتوني
سللبوك انوب ردوا للضعن سيلبوني
عالخلك ماصار هذا بس جرى ويانه
...............
جيتكم كلش نحيله يا هلي اتلگوني
عن هظم گلبي يخوتي گوموا ونشدوني
خمسه وثمانين طفله چانن وتدروني
خمسه وتلاثين ضلن هلبت اتفگدوني
وين راحت هالهواشم محد النشدانه
...........
محد الينشد يهلنه والفگدها اضعونه
جينه ننصب اربعين وبس تهل اعيونه
جبنه هاي الرووس كلها روحي ما تدورنها
امرمره بساعة جفوني گومو واتلگونه
اه يفراك النودهم ياخلك هدانه
......................
تمت بقلمي الشاعرة أم حسين العسكري يحرم الحذف والتلاعب ويحرم حذف الاسم ونسالكم الفاتحه لامواتنا والدعاء ٢٠٢٥/٨/١٦
المصادف ٢١صفر
/channel/ssaakknn/11481
ايضا جديد الاربعين والخدمه ربي يعودكم بحق محمد وال محمد
Читать полностью…
قصيده للاربعين ثكيله( تعبانه)
تعبانه خويه حسين تعبانه
من البچي والعين عميانه
تعبني فگد حسين واخوانه.... چامادره بالصار ويانه
.....................
تعبانه خويه وحيل مابييه
بعده الاثر مچويه رجليه
رد الضعن بس ناقص ابنيه
انشدني عنها وينها ارقيه
عدك نقص يحسين علويه
رديت اريد الروحي عووانه
تعبانه خويه حسين تعبانه
..................
نوخ ضعننه وجيت مشتاگه
ذبيت روحي من على الناگه
كون الاخت وي الاخو اشباگه
للعلكمي اتعنيت يم راگه
والدمعه كبل الجدم سباگه
محد نهض منهم تلگانه.... تعبانه خويه حسين تعبانه
................
محد نشدني وگاللي اشلونچ
ذبلانه ليش ومنخطف لونچ
محد بعدنه نشف عيونچ
عگب الخدر ياوسفه يسبونچ
خافن على اچتافج يضربونچ
محد يخوتي اليوم نشدانه... تعبانه خويه حسين تعبانه
...................
يمكم يهلنه جيت شكايه
امن الشام اجيت وروحي عنايه
عذبني درب الشام وهوايه
فوك الهزيله صرت نعايه
واليوم اجيت اعقدلك اقرايه
صار اربعين وونت هنانه.... تعبانه خويه حسين تعبانه
....................
تمت بحمد الله وتوفيقه بقلمي الشاعره ام حسين العسكري ناصريه يحرم الحذف والتلاعب ونسالكم الدعاء
/channel/ssaakknn/11474
مقطع نعي خاص بمغادرة زينب عليها السلام من الشام الى كربلاء
رجعنه بهظم لمن رجعنه
وكضينه الدرب ونه اعله ونه
والراس ويانه وفجعنه
...........
جوه العبايه جبت راسه
والهظم كلبي هواي جاسه
اويلاه على الي عاف ناسه
..............
كلساع اشوفنه واحبه
راس الولي والدمع اصبه
صعبه اشوفن راسه صعبه
............
طول الدرب واتسامر اوياه
راسك يخويه وامشي وانعاه
وثغرك ابماي ورشرشيناه
......
رشرشت ثغرك بالميه
وعيني على عينك اربيه
نايم يمن ردتك تچيه
...........
وصلنه ولگينه جابر هناك
متوزر ويلطم وينعاك
واتراب يبن امي لگيناك
..............
گلي هله ابت حيدر الحيد
ونشدني ويگلي راس العميد
وينه ويدك عالراس وايعيد
..............
گعدنه على گبره ونعينه
امعاتب احباب اتعاتبينه
كتله يوالي انهض علينه
...........
اگعد انشدني عن رقيه
واعزيزتك وين البنيه
ماتت يمن سوده عليه
...........
ماتت ابنيتك بالخرابه
واتصيح فوك الراس يابه
وگلبي الهظم والظيم صابه
..................
ام حسين العسكري ناصريه يحرم الحذف والتلاعب ونسألكم الدعاء الفاتحه لامواتنا وامواتكم مع الصلوات
/channel/ssaakknn/11469
قصيده ثگيله حزينه تقرء بعدة أطوار (حسين خويه ابيش المك)
خل المنه ابعباتي...اوياي گومن ياخواتي
انه راح افرشها الچن...حسين لمنه ابدمعچن
حسين خويه شلون المك... حسين خويه شلون المك
.......................
خل المنه بعباتي حسين طشاره تره
وخل اضمد جروح گلبه وخل افيي المنحره
والشمس حرگت اظلوعه ويلي كلها امكسره
هواي هاي اعليه كلش وانه يخواني مره
خيمه سوون يالله كلچن.. حسين لمنه ابدمعحن
والدمع بلل عباتي.... وياي كومن ياخواتي
حسين خويه شلون المك... حسين خويه شلون المك
......................
بالچن لمن تلِمن زين انضرن عالارض
حسين كُبر الكاع جسمه امطشر ابطول وعرض
طحين صاير عالوطيه والمهر رض صدره رض
مختلط لحمه اوي عظمه وخنصره بذيالي كظ
هنا تعالن خل اگلچن.... حسين لمنه ابدمعحن
شللي بالدنيه بحياتي.... وياي كومن ياخواتي
حسين خويه شلون المك... حسين خويه شلون المك
...............
حيره والله حيرتني امطشر وصاير وذر
من اشيلنك يخويه جدمي من خوفه انهطر
ياكتر گلي انه اشيلك وين حيدر ماحضر
حايره ومحتاره بامري گلبي بهمومه انعصر
شايله همي وهمچن... حسين لمنه ابدمعچن
هواي صارن نايباتي... اوياي گومن ياخواتي
...............
تگطر ابدمه عباتي عفيه اصيرن يا گلب
الشالني كل عمره اشيله بالعباه موقف صعب
وانگضت خوتنه وسفه والدمع من دم يصب
فلت العشره حسافه وباجر امشي بيا درب
تمشن ابرفج السلبچن... حسين لمنه ابدمعحن
لايشوفنه بناتي... اوياي گومن ياخواتي
حسين خويه شلون المك... حسين خويه شلون المك
.................
باچر امشي وراح اعوفك لاغسل لامن چفن
وراسك اعله ارماح يمشي عيوني من هسه عمن
راسك ايباري اليتامه حارس ويحمي الضعن
بيش اسكتهن يوالي امدللاتك لوبچن
رووس بس تبره الضعنچن... حسين لمنه ابدمعچن
شراح اگل لمدللاتي... اوياي گومن ياخواتي
حسين خويه شلون المك... حسين خويه شلون المك
..........................
تمت بحمد الله وتوفيقه بقلمي الشاعرة ام حسين العسكري ناصريه يحرم الحذف والتلاعب ونسالكم الدعاء
/channel/ssaakknn/11468
قصيدة للعباس
طور حسيناااه يشريان الگلب
#الشاعرة_العلوية_فضيلة_الموسوي
✧ــــــــــــــ ✦◈ ✦◈✦ ــــــــــــ✧
كفيلاااه. كفيلاااه. كفيلااااه
يمكطوع الزند. يمكطوع الزند
وكع. كالو يزينب يالعقيلة
وكع والعلم طاح ومن يشيله
وكع وانتي تصيرين الكفيلة
وكع والسهم ماردهن اعيونه
وكع ريتج تشوفينه شلونه
وكع والضعن باجر ياخذونه
روحي للعباس عنوة بس يشوفج ينتهض
لولا طبرات البراسه جان يوصلج ركض
اويلاااه. اويلاااه. اويلاااه
شمسوي العمد. شمسوي العمد
✧ــــــــــــــ ✦◈ ✦◈✦ ــــــــــــ✧
بچه من راد ابو اليمة يشيلة
بچه من گله فكدك مالي حيله
بچه خايف لون زينب تجيله
بچه. مو من كطع يسرا ويمينه
بچه مو عالسهم من صاب عينه
بچه اعلى احسين من صاح انولينه
مو حسافة تروح خلها العين ويه الميمنة
بس وسافة الجربة راحت واختي كاتلها الضمة
عرفناااه. عرفناااه. عرفناااه
ومكتوب الوعد. مكتوب الوعد
✧ــــــــــــــ ✦◈ ✦◈✦ ــــــــــــ✧
غبت. عنها ووراها شجم مصيبة
غبت. وتصير من بعدك غريبة
غبت يالدللتها شكد عجيبة
غبت. يالماكو مثلك بالعشيرة
غبت وخلافك اتصير الاسيرة
غبت عنها التسميها اميرة
شلون من بعد المهابة تروح ديوان النذل
عكب ماجنت بضهرها هسة تركب عالهزل
حسينناااااه. حسينااااه. حسيناااه
صاحت مايرد. صاحت مايرد
✧ــــــــــــــ ✦◈ ✦◈✦ ــــــــــــ✧
تمت
خادمه أهل البيت العلويه فضيله هاشم الموسوي
ماذكرناه في عشره أيام. رأته العقيله في يوم واحد 🚫 لا أجيز حذف الاسم وغير مبري الذمه من يتلاعب بالقصائد 🚫
أشتركو فيها فضلآ وليس أمرآ تجدون فيها كل ما هو جديد لشاعرتنا المبدعه
قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ
فزاعيه لرقيه
ماتت رقيه امحسره
عالراس سدت عينها
.............
جابو الراس الطفلته
والگلب زادت علته
والنحر تجهر ونته
والحره الله يعينها
..............
ونت رقيه عالنحر
وينك يعباس الگمر
صوب الخرابه ما حضر
وزينب تجر بونينها
............
تصرخ رقيه وتنتحب
ودموعها من دم تصب
يا بويه ياريع الگلب
وبراسك ملوعينها
............
جابو الراس الليله
وتشوفه كل العيله
بتك دمعها اتسيله
وعيالك امروعيها
..........
وعيالك تشوف الجره
والراس يفجع منضره
ونت رقيه المنحره
ما تگعد تحاچيها
..........
ماتت رقيه عالنحر
غدار يا هذا الدهر
محتار من عندي الفكر
روحي الحزن غاطيها
..................
تمت بحمد الله وتوفيقه بقلمي الشاعره الحاجه ام حسين العسكري ناصريه يحرم الحذف والتلاعب نسألكم الدعاء والفاتحه لامواتنا وامواتكم مع الصلوات
/channel/ssaakknn
*قصيده حماسيه للسيده رقيه ع السلام*
*عونه تريد فاتِحة الزغيرونه*
*وينه البلطم خل يوجع امتونه*
.............
عونه تريد واللطمه حداديه
زغيرونه تره ياناس البنيه
بت حسين هاي وموش ياهيه
عزيزه عد ابوها وغاليه ارقيه
تعازينه /حسين الليله
...................
عزيزه وغاليه اعله حسين تدروها
واللطمه اوي زينب حيل شدوها
رقيه ابراس ابوها هواي اذوها
وترچيتها گولي شلون جروها
فجعوها //ابراس الوالي
...............
انصبوها الچوادر هاي علويه
زغيرونه ومشت للشام مسبيه
والبت الهواشم موش منخيه
اليوم الشايله امن الساده برحيه
چا..وينه //الكافل عمها
.............
چاوين الكفيل اليوم يحضرها
يشوف شلون ترچيتها من جرها
چا..هد الكفيل ارگاب مطرها
اموازن لو ضرب والروس لو طرها
چا.راوه //اليهظم بتهم
..............
الهظم بت الهواشم هذا ياهوه
وين اليوم عنها راعي المروه
تره سوط العده عالچتف يتلوه
رقيه اتصيح وين اليوم ابو النخوه
يطگوني //اصرخ عباس
...................
*تمت بحمد الله وتوفيقه بقلمي الشاعره ام حسين العسكري ناصريه يحرم الحذف والتلاعب ونسألكم الدعاء الفاتحه لامواتنا وامواتكم مع الصلوات وبلاخص ابني الشاب محمد علاء*۲۰۲٤/٨/٨
الموافق ٣ صفر
/channel/Vvb313/8949?single