-
Адабиёт. Кўнгил. Дунё. Худо. Адабиёт. Мурожаат учун: @suhrobziyodov
***
Ey, manim ko‘nglimda unayotgan gul,
Jonim ichidagi sirdan xabar ber.
Ishqni hovuchingda puflab tutgin-u,
Vido yetmaydigan yerdan xabar ber.
So‘z aytma, ey dardi dilorom, menga,
Na bo‘lsa, dil aytar beorom menga,
Senga tong tutmasam, tun harom menga,
Faqat ko‘zlarimga nurdan xabar ber.
Har dard Ilohiyga tortilgan chiziq,
Oh ketsa sabringni tasbehday uzib,
Jonimning ipiga g‘amingni tizib,
Ismingday safo takbirdan xabar ber.
Qildan ham ingichka dil ko‘priklari,
Sabr birliklari, dard ko‘pliklari,
Pichirlab aytilgan ishq to’rtliklari,
Baxt degan bir uzun she’rdan xabar ber.
S.Z.
@suhrob_ziyo1
СУҲРОБ ЗИЁ. КУЗ ШЕЪРЛАРИ
🍁🍂🍁🍂🍁🍂🍁🍂🍁
"...Ҳаддим беҳад бўлди, сабрим бесабр,
Жимгина эсимдан оғаётибман.
Кўзинг Каъбасида ишқимни яшир,
Кўзингга ёмғирдай ёғаётибман".
🍁🍂🍁🍂🍁🍂🍁🍂🍁
"Аммо… аммо бу куз ёмғири эмас,
Юрагим ҳўл қилди кўйлакларимни..."
🍁🍂🍁🍂🍁🍂🍁🍂🍁
"...Ишқ қудрати устун келди табиатдан
Юрагимга кириб келди кузги баҳор".
🍁🍂🍁🍂🍁🍂🍁🍂🍁
"..Мен сени бунчалар соғиндим, гулим,
Бир япроқ узилиб ерга тушгунча".
🍁🍂🍁🍂🍁🍂🍁🍂🍁
"Кўзларингни юмиб бир зум қулоқ сол,
Ёмғир ва хазоннинг сўзлашишига..."
🍁🍂🍁🍂🍁🍂🍁🍂🍁
"...ва тўрт фасли куз дарахтлардан,
Тўкилади лахта-лахта қон..."
🍁🍂🍁🍂🍁🍂🍁🍂🍁
"Куз тугади, оловлар сўнди,
Фалакнинг ҳам тугади ёши.
Кузакдошим, майсалар ўлди,
Қорлар келди, изғириндошим..."
@suhrob_ziyo1
Тўлиқ ўқиш учун 👉🏻https://telegra.ph/KUZ-SHERLARI-09-03
Faxriyorxonlik davom etadi...
👉 Faxriyor, “Izlam” to‘plami (yangi nashr)
📘 @akademnashr
🗂 "Rauf Parfi ijodining zamonaviy o'zbek she'riyatida tutgan o'rni" mavzusidagi Respublika ilmiy-nazariy konferensiyasidan maqola:
👉 Suhrob Ziyo:
"O'zbek yoshlar she'riyatida Turon mavzusining aks etishi"
@suhrob_ziyo1
Qizimga
Daryo qizim, turonko‘z qizim,
Nigohlaring oppoq xarita.
Men ularga bir surat chizdim
Sen bilmagan dunyo haqida.
Unda hamma manzillar ayri,
Unda hamma yo‘llar chuqurli,
Unda hamma hammaga g‘ayri,
Unda hamma hammasi sirli.
Unda bitta Vatan bor,
unda...
sen bor,
men bor,
ayang bor,
xalq bor.
Ertaklar bor — ishonma bunga.
Shiorlar bor — hammasi yolg‘on...
Yo‘q, bu surat senga arzimas,
Hayf u jajji dudoqlaringga.
Shunga uni sidirib otdim,
Sening oppoq nigohlaringdan.
Daryojonim, tushungin meni,
Og‘ir olma dilchalaringga.
Bu Vatanni shu ahvolida
Tutgim kelmas qo‘lchalaringga.
S.Z.
2023.Avgust.
@suhrob_ziyo1
Atay jilmayaman g‘am boshga tushsa,
Atay quvonch kelsa bo‘larman sipo.
Murosa qilsamda sen-la har lahza,
Atay shartlaringni buzarman, dunyo.
S.Z.
@suhrob_ziyo1
Faxriyor tavalludining 60 yillligi munosabati bilan o'tkazilayotgan ilmiy konferensiyadan kaminaning maqolasi ham o'rin oldi.
Читать полностью…
"Булар дунёни пул билан ўлчайди, сомса билан ўлчайди. Ман дунёни биласанми, нима билан ўлчайман? Ман дунёни сан билан ўлчайман, Полвон. Чунки сан каттасан, бошқаларга ўхшамайсан".
“Дев билан пакана” филмидан.
Bugun shoir Xurshid Abdurashid tug'ilgan kun!
Mumtoz, teran, zalvorli she'rlar ko'payishi uchun bu odamga uzoq umr tilaymiz!
ШОИРНИНГ ТУРКИЙ ҚЎШИҒИ
Туркий юрагим бор, туркий шуурим,
Ҳатто руҳим туркий, ўзга шоним йўқ.
Мушт бўлиб тугилган қўлларим туркий,
Водариғ, биргина Туркистоним йўқ.
Лаҳжамда туркийлар нафаси бордир,
Шу ғурур вужудим тахтига эга.
Ошиқ бўлса нетай, қул ўлса нетай,
Қалбим қадим туркнинг туркуларига.
Бас... Умрим йўлига тавалло не наф,
Қисмат битиги шул... Сачраган қонман!
Туркистоним маним, минг йиллик шоним,
Истагингда ўлмиш туркий исёнман!!!
Хуршид Абдурашид
Andalusiya musulmonlaridan 30 dona kitob qoldi. Biz ularni o‘qib-o‘rganib, atomni parchaladik. Yoqib yuborilgan bir million kitobdan hech bo‘lmaganda yarmi qolganida bormi, biz hozir koinotda — sayyoralararo uchib yurgan bo‘lardik.
"Kitobnoma"dan.
Nashriyot: Anorbooks
Muallif: A.Mansurov
@suhrob_ziyo1
Футболимиз, хусусан, аксарияти давлат (идора ва ташкилотлари) қарамоғида бўлган профессионал (баъзан “паразит” дегим келади) футбол клубларимиз 2026 йилгача деярли барча солиқлардан озод этилибди. Афтидан, “агар шу ҳужжат қабул қилинса, 2026 йили Шимолий Америкада бўладиган футбол бўйича жаҳон чемпионатига аниқ чиқамиз!”, деб роса аврашган шекилли, ҳужжатни қабул қилиш жараёнида амалдаги қонунчилик талабларини ҳам бузиб ташлашибди – масалан, ҳужжат лойиҳаси муҳокамага қўйилмаган (ўтолмасди-да муҳокамадан); адолатсизлик бўлса охиригача бўлсин, дейишган чиқар (қонунларнинг муаллифлари шу қонунларга ўзлари риоя этмасликларига одам ўрганиб ҳам қолди).
Мен футболимизга, айниқса, ўзини “профессионал футбол клуби (ПФК)” деб атайдиган ташкилотларга қандайдир солиқ имтиёзлари берилишига қатъий қаршиман. Бу қаршилигим бунчалик қатъий бўлмаслиги ҳам мумкин эди, агар давлат шу вақтгача жамият учун футболдан муҳимроқ соҳаларга солиқ борасида шундай бағрикенглик қила олганида.
Китоб чоп этишга алоқадор кишилар, ноширлар, ёзувчилар неча йиллардан бери адабиёт устидаги солиқ юкини сал бўлса-да енгиллатишни, болалар адабиёти учун ҚҚСни қайта кўриб чиқишни сўраб келади (айтишларича, бу борадаги вазият ҳатто “қора туш даври”да ҳам ҳозиргидан яхшироқ бўлган). Мутахассислар айнан шу солиқ юки болалар учун мўлжалланган китоблар нашрига энг кўп тўсиқ бўлаётган омиллардан бири эканини таъкидлаб келади. Ëш авлод ва умуман келажак учун нима муҳимроқ – янги билимлар ҳақида маълумот берувчи янги ва ранг-баранг китобларми ё футбол?!
Ишончим комил, солиқ юки енгиллаштирилиши (ёки вақтинча бекор қилиниши)га муҳтожроқ бошқа соҳа, йўналиш ва тармоқлар ҳам бор, рўйхат катталиги аниқ, мен ҳозир ўзим бироз бўлса-да яхшироқ билганим – китоблар, адабиёт ҳақида ёздим, холос. Лекин нима бўлган тақдирда ҳам у рўйхатда футбол биринчи ўринда эмасди, йўқ – футбол бу рўйхатда умуман бўлмаслиги ҳам керак эди. Футболга бундай имтиёзлар берилиши – нотўғри, бу шундай имтиёзларга муҳтожроқ ва шундай имтиёзи бўлса миллатга кўпроқ фойда келтириши мумкин бўлган бошқаларга нисбатан адолатсизлик, шу солиқлардан ҳақдор бўлган халққа нисбатан инсофсизликдир.
Охир-оқибат, 2026 йилги жаҳон чемпионати йўлланмасини қўлга киритишимиздан киритмаслигимиз эҳтимоли кўпроқ барибир, ҳар доимгидек.
"O'zbekiston talabasi" jurnali sahifalarida.
@suhrob_ziyo1
Karim Bahriyev
UYAT
Bu yurtda chinorlar ko‘kka cho‘zilgan,
Hattoki yulingan g‘o‘zalar tikka.
Uzilgan,
Ichimda nedir uzilgan –
Baribir, ko‘z tikdim men yuksaklikka.
Bu zahil tuproqqa bir cho‘p qadasang,
Osmonga talpinar, tik o‘sar yakkash.
Daraxtlar askarday tik turgan yurtda
Insonga uyatdir egilib yashash.
Dalalar bepoyon, sahrolar so‘ngsiz,
Adoqsiz, hadsizdir bu yer, bu borliq.
Bu cheksiz olamda, bu keng dunyoda
Uyat - dili tanglik, yuragi torlik.
Cho‘qqilar azaliy, turar joyida,
Turar salobatli tog‘lar ming yillik.
Vazmin, og‘ir cho‘kkan tog‘lar poyida
Uyat - hovliqmalik, uyat - yengillik.
Uyatdir ezilib ming yilki shundoq
Dalada tuproqday sarg‘aygan, hayron
Xalq ko‘ziga boqib yolg‘on so‘zlamoq...
Hech kim bilmasa ham, uyatdir yolg‘on.
Bir don eksang, unib yozadi yaproq,
Gullarning atridan bulbullar sayroq.
Tosh ham gullab o‘zin anglatgan yurtda
Uyatdir zulm ko‘rib,
sassiz yashamoq...
@suhrob_ziyo1
Янги китоб
МУАЛЛАҚ ЛАҲЗА
Наргиза Одинаеванинг ушбу китобига жам бўлган шеърларида чечан ўзбек қизининг тоза ва шиддатли руҳи, ёруғ дардлари, теран мушоҳадаси – миллий тимсоллар асосида бадиият касб этади. Уларга ҳамнафас бўлмоқ ўқирманни ҳайрат билан рўбарў келтириши шубҳасиз.
Ҳомий: Ўзбекистон Ёзувчилар уюшмаси
Лойиҳа раҳбари: Сирожиддин Саййид
Масъул муҳаррир: Маъмура Зоҳидова
Нашриёт: “Адабиёт”
Адади: 1000
Ўзбекистон Ёзувчилар уюшмаси Ахборот хизмати
***
Biz ham ko‘ngil degan savdoga keldik,
Shundanmi holimiz aftoda keldik.
Onamiz bag‘riday tinch makon izlab,
Dunyo degan mash’um g‘avg‘oga keldik.
Gohi mast ayladi yorning xayoli,
Ham boda ichmasdan g‘amboda keldik.
Goh gunohga yuzni burdik bilmasdan,
Oxirni unutib yalloda keldik.
Ko‘nglimizni oyga otgandik bir kun,
Bir umr xayoli samoda keldik.
Garchi junun yo‘qdir suratimizda,
Nechuk qismatimiz sahroda keldik.
Muallaq qoldik goh yer-osmon aro,
Dimog‘imiz kibr-u havoda, keldik.
Bu dilga yo‘l izlab bedil bo‘libmiz,
Bu yo‘lga dil izlab piyoda keldik.
Umrni tikkulik maslagimiz bor,
Tavakkal haqmi yo, xatoga keldik.
Poygakcha bo‘lmadi to‘rning izzati,
Ketmoq ham bor degan hayoda keldik.
S.Z.
@suhrob_ziyo1
RAVISHLAR
***
Atay qo‘ng‘iroqqa bermayman javob,
Atayin kechikib boraman ishga.
Urinaman atay tartib buzaroq
Dunyoni o‘zimga ko‘niktirishga.
Atay tig‘iz damda xayollar surib,
Atay sokinlikda zerikadi jon.
Atay isyon payti sukutga cho‘mib,
Atay sukut payti qilaman isyon.
Atay jilmayaman g‘am boshga tushsa,
Atay quvonch kelsa bo‘larman sipo.
Murosa qilsamda sen-la har lahza,
Atay shartlaringni buzaman, dunyo.
***
Bahorda qo‘qqisdan gullaydi daraxt,
Qo‘qqisdan qorlarga bo‘ladi taslim.
Har bir hodisaga sabab bor faqat,
Uning borligini bilsangiz basdir.
Qo‘qqisdan bor bo‘lib qolmadi borliq,
Qo‘qqisdan yo‘q bo‘lmas, bunga hujjat bor.
Qo‘qqisdan odamga yer qilmas torlik,
Ruhning ravishida axir hijrat bor.
Qo‘qqisdan qo‘limga qalam olmadim,
Qo‘qqisdan yo‘limdan ketmayman toyib.
Dunyoga qo‘qqisdan kelib qolmadim,
Shu sabab qo‘qqisdan bo‘lmasman g‘oyib.
***
Bemalol osmonga qarab yonboshla,
Bemalol nafas ol, chiqar bemalol.
Bemalol ish ishla, oshingni oshla,
Bemalol yoshingni yashagin halol.
Bemalol xato qil, bemalol tuzat,
Bemalol ko‘nglingga erk ber, ey odam.
Oxirda umringni bemalol kuzat.
Bemalol ko‘zingni yumgin dunyodan.
Suhrob Ziyo
Oktabr.
2022.
@suhrob_ziyo1
#MUROJAAT
♾"Ma'rifat" — bizning gazetamiz va bizniki bo‘lib qolsin!
Hurmatli davlat idoralari va ta’lim tashkilotlari rahbarlari, qadrli hamkasblar, umumta’lim maktablarining fidoyi va zahmatkash o‘qituvchilari, biz mamlakatimizning turli hududlaridagi umumta’lim maktablarida faoliyat yurituvchi bir guruh o‘qituvchilar sizlarga yurtimiz kelajagiga daxldor o‘ta muhim masala yuzasidan murojaat qilmoqdamiz.
⏰BATAFSIL
@marifatziyo
Fikrlaringizni yozib qoldiring👇
✅ Telegram ✅ Instagram
✅ Facebook ✅ Mobil ilova
➡️"Ochiq mikrofon" loyihasidagi chiqishimiz
🔛 https://www.youtube.com/watch?v=uoC8eat94HM
@suhrob_ziyo1
O‘zbekiston xaritasi
Dunyo shaxmat taxtadir,
Siyosat siyoqida.
Hiyla iljayib turar
Shohlarning nigohida.
Piyodalar nimjondir,
Har yurishda qurbondir,
Har millatda bir dona,
Har sipohda bir jondir.
Farzinning hukmi bajo,
Filga chang solar goho.
Ruhlar egri yurolmay
Bo‘lib ketyapti fido.
Mening millatim, hayhot,
Bo‘lib qolmaydimi mot?
Nega kataklar uzra
Sudralib yuribdi ot?!
2023.
Oktyabr.
S.Z.
@suhrob_ziyo1
Bugun shu kichkina mo‘jiza tug‘ilganiga bir yil bo‘ldi!
Читать полностью…
ЭКОЛОГИК ШЕЪР
Дарахтлар шеър айтарди,
Япроқлари шивирлаб.
Оҳлар уриб қўярди
Илдизлари қимирлаб.
Катта "снос" бошланди
Дарахтларнинг шаҳрида.
Улар сиғмай қолишди
Меъморларнинг тарҳига.
Боғбонлар идораси
Ўзига қаср солди.
Идора атрофида
Фақат тўнкалар қолди.
Суҳроб ЗИЁ
Каналга обуна бўлинг👇👇
/channel/mushtumjurnali
***
Aytsam, so‘z tugamaydi,
Kelsam, yo‘l oxiri yo‘q.
Qaytsam, dil unamaydi,
Ichsam, g‘am chog‘iri yo‘q.
Bitsam, yarim ko‘ngilning
Kemtiklari bitmaydi.
Ketsam, o‘zim ketarman,
Ko'nglim undan ketmaydi.
Qolsam, ohim simillar,
Borsam, birov yov deydi.
Kulsam, yoshim jimillar,
O‘lsam, o‘lim g‘ov deydi.
Yonsam, muzlar chirsillar,
Kuysam, kuydim jonimdan.
Gulga boshim eggandim,
Itlar o‘tdi yonimdan.
Unsam, kuzak chaqirgay,
So‘lsam, bahor jilmaydi.
Qorlar yog‘di yurakka,
Nigohlarim bilmaydi.
Ayting, qancha qonun bor
Bu savdoning yo‘lida?
O‘zi bitta jonim bor,
U ham Xudo qo‘lida.
S.Z.
@suhrob_ziyo1
Türk şarkısı
Benim türk kalbim var,
türkçe hayalım.
Ruhum bile türktür, başka şanım yok.
Yumruk hale gelen ellerim de türk,
Maalesef, yalnızca Türkistanım yok.
Şivemde türklerin soluğu vardır,
Şu gurur kalbimin içinde gezer.
Aşık olsa ne var, esir olsa ne var
Kalbim türkün eski şarkılarıya.
Tamam. Bu yaşamdan üzülmek niye,
Kader yazısı bu, kaynayan kanım.
Türkistanım benim, bin yıllık şanım,
Arzunla yaşayan büyük isyanım.
Hurşid Abduraşid
Çeviren Suhrob Ziyo
@sz_turkce
O‘n minglar yoshlarni kitob o‘qishga "majbur qilgan" yozuvchi, nashriyotimizda chop etilgan "Onam va Koinot" kitobi muallifi Javlon Jovliyev bugun 32 yoshni qarshi oldi.
Shu munosabat bilan jamoamiz va o‘zbek kitobxonlari nomidan adibimizni chin qalbdan tabriklaymiz!
Ijodiy muvaffaqiyat va zafarlar yor bo‘lsin!
Sahifalarimiz:👇
Telegram | Instagram | Facebook
Вазирлар кўп, Маҳмуд Саъдий битта! – Журналистиканинг заргари ҳақидаги ҳақиқатлар
📌Ҳозирги адабиётнинг, журналистиканинг асл концепцияси шу: БОР ГАПНИ АЙТИШ КЕРАК. Ўз бошингга бало бўлса ҳам, ҳамма ёмон кўрса ҳам бор гапни айтиш керак... Энди бор гапни ким айтади? Ким Саъдий бўлади?
Oʻz: http://oyina.uz/uz/article/1754
Ўз: https://oyina.uz/kiril/article/1755
Расмий саҳифаларимиз👇
Web-site | Telegram | Facebook | YouTube
***
Bemalol osmonga qarab yonboshla,
Bemalol nafas ol, chiqar bemalol.
Bemalol ish ishla, oshingni oshla,
Bemalol yoshingni yashagin halol.
Bemalol xato qil, bemalol tuzat,
Bemalol ko‘nglingga erk ber, ey odam.
Oxirda umringni bemalol kuzat.
Bemalol ko‘zingni yumgin dunyodan.
Suhrob Ziyo
Nilufar Ruxillayeva
@N1lufarxonim
"Siyosiy tuyg‘ular" turkumidan
***
Sovurdik Haq bergan xazinalarni,
To'qidik ko'p yillik qasidalarni,
Bizning hukmimizni o'qib qo'ymanglar,
Tinglab bo'lmadik biz nashidalarni.
Suhrob Ziyo
#Qutlov!
Bahodir Bahrom 1990-yil 11-iyulda Qashqadaryo viloyati Kitob tumani Palangdara qishlog‘ida tug‘ilgan. 2006-2010-yillarda O‘zbekiston Milliy universiteti jurnalistika fakultetida tahsil olgan. “Qashqadaryo”, “Ma’rifat”, “Mahalla” gazetalarida faoliyat yuritgan. “Eng suluv armon”, “O‘ttizinchi fevral” nomli she’riy kitoblari chop etilgan.
Jurnalimiz jamoasi shoirga ijodiy parvoz tilaydi.
* * *
Qancha suvlar oqdi o‘zani bo‘ylab,
Yuz yilki, chinorlar to‘kar salobat.
Giryon bo‘zlaydirman falakka bo‘ylab,
Qachon meni yo‘qlab kelasan, omad?
Qarg‘aday lafzimni tuproqqa ko‘mdim,
Egildi Alpomish kelbatli qomat.
Yurakni changallab, ko‘zimni yumdim,
Qachon meni yo‘qlab kelasan, omad?
Lochin tirnoqlilar o‘tdilar ezib,
Shukrlar bo‘lsinki, ruhim salomat.
Yurakdan bir tuyg‘u oqyapti sizib,
Qachon meni yo‘qlab kelasan, omad?
Umrimga muhabbat shabnamday qo‘ndi,
Shabnamday titradi dilda sadoqat.
Ko‘nglimda hayotga muhabbat undi,
Qachon meni yo‘qlab kelasan, omad?
@yoshlikjurnali
yoshlikjurnali.uz
NISBIYLIK
Quyosh yolg‘on,
tun yolg‘on,
asr yolg‘on,
zum yolg‘on,
qoya yolg‘on,
qum yolg‘on,
qatrayu
qulzum yolg‘on.
Yolg‘on alqov,
xushomad.
Yolg‘on taqvo,
diyonat.
Yolg‘on sevgi,
xiyonat,
ma’sum yolg‘on,
shum yolg‘on.
Qush ham bizdan hotamroq,
chumoli ham bardamroq,
itlar do‘stga hamdamroq,
bular bizdan odamroq —
qanot yolg‘on, dum yolg‘on.
Vujud — zindon,
jon — tutqun,
yurak — o‘pqon,
qon — tutqun,
bir ruhi nolon tutqun,
tan — suyakustun — yolg‘on.
Shohlar yolg‘on,
taxt yolg‘on,
muddat yolg‘on,
vaqt yolg‘on,
tilloyu zar,
naqd yolg‘on,
farmon-u hukm yolg‘on.
Olimlar-u
toliblar,
Mag‘lublar-u
g‘oliblar,
yallo qilib yurgan ham
nog‘orasin choliblar,
o‘lmay turib dunyodan
boshin ketgan oliblar,
ozodlarning ruhini
zanjirlarga soliblar,
tutqunlarning xayoli
samolarda qoliblar...
ozod-u tutqun yolg‘on...
ostin-ustin dunyo bu:
dunyo yolg‘on, dun yolg‘on.
Yolg‘on shakl-shamoyil,
yolg‘on dengiz, samo, yo‘l,
yolg‘on dard-u davo-yu
bemor-u hakim yolg‘on.
Ishrat bor-u
shavq yo‘qdir,
izzat bor-u
zavq yo‘qdir,
ummon bor-u
g‘arq yo‘qdir,
chaqin bor-u
barq yo‘qdir,
o‘ng-u so‘l,
g‘arb-sharq yo‘qdir,
o‘lmoq-qolmoq
farq yo‘qdir,
barcha "haq"lar yolg‘on-u
Haqdan o‘zga Haq yo‘qdir.
Suhrob Ziyo
2023. May.
@suhrob_ziyo1