Telegram-канал sultan_54 - የኡስታዝ ሱልጣን ኸድር የትምህርት መድረክ (official): Unsorted

የኡስታዝ ሱልጣን ኸድር የትምህርት መድረክ (official)

28 Aug 2024 13:46

ትኩስ ምግብ እስኪበርድ እንደምንጠብቀው ሁሉ፤ አንዳንዴም አለመግባባቶችም እስኪሰክኑ መጠበቅ መልካም ነው።
( ባዝሙል)

የኡስታዝ ሱልጣን ኸድር የትምህርት መድረክ (official)

28 Aug 2024 11:26

ኡስታዙ በአንድ የሰርግ መድረክ ላይ ፦ «ቆንጆ የሆኑትን ሴቶች አግቡ፣ ፉንጋ … አታግቡ) ብሎ ማስተማሩ ከሸሪዓ ጋር እውን የሚፃረር ነውን?

🔴 መልስ፦ እስልምና ጋብቻን ከደነገገባቸው ዋና ዋና ምክንያቶች አንዱ ክብረ ንፅህና ለማግኘት እና እራስን ከሀራም ለመጠበቅ እና ያልተፈቀዱ ነገሮችን ከመመልከት ለመከልከል ነው። ይህንንም ለማሳካት እስልምና ሊያጫት የሚፈልጋትን ሴት ከማግባቱ በፊት ማየትን ያበረታታል፣ ይህም በጥንዶች በመካከላቸው ፍቅርና መተሳሰብ እንዲፈጠር ስለሚያደርግ በፍቅር፣ በመዋደድ እና በመከባበር ላይ የተመሰረተ ደስተኛ እና ስኬታማ ቤተሰብ ይፈጥራል። አሊያ ግን ዲኗን ብቻ ብሎ መልኳን ሳያይ ቢያገባት፣ አላህ ከፈቀደው ውጪ ሌላ ነገር ለመስራት ይፈተናል። ስለሆነም ውበት አንድ ሰው የትዳር ምርጫው ውስጥ እንዲያካትተው ከሚበረታታ ባህሪያት አንዱ ነው።
ኢብኑ ቁዳማህ ረሂመሁላህ እንዲህ ብለዋል፡- “አንድ ሙስሊም ቆንጆ ሴትን መምረጥ አለበት፣ ምክንያቱም ነፍሱ የሰከነ፣ አይኑን ከሀራም እይታ የተቆጠበ፣ ፍቅሩ የተሞላ እንዲሆን ያደርጋልና። ለዚህም እኮ ነው፤ ከጋብቻ በፊት የሚያጫትን ሴት መልኳን እንዲመለከት ሸሪዓው የደነገገው።”
شرح منتهى الإرادات" (2/621) :

"የአላህ መልእክተኛ ሆይ! ከሴቶቹ የትኞቹ ምርጦች ናቸው?" ተብለው ተጠየቁ። እሳቸውም፦“ሲመለከታት የምታስስደስተው፣ ሲያዛት የምትታዘዘውን፣ እሱ በሚጠላው መንገድ ራሷም ላይ ሆነ ንብረቱ ላይ የሚጠላውን የማትፈፅም ሴት ናት” በማለት መለሱ።

አንድ ሰው ማግባት ቢፈልግ፤ መጀመሪያ ስለ ውበቷ ይጠይቅ፣ ከዛ በማስከተል ስለ ዲኗ ይጠይቅ። ምናልባት በመልኳ የተነሳ ቢተዋት ለዲኗ ብሎ እንዳልተዋት ይነገራል።

ኢማሙ አሕመድ ኢብኑ ሀንበል ረሂመሁላህ እንዲህ ብለዋል፡- “አንድ ወንድ አንዲት ሴት ሊያገባ ሲል በቅድሚያ ስለ ውበቷ ይጠይቅ፣ ስለ ውበቷ አድንቀው ከነገሩት በቀጣይ ስለ ዲኗ ይጠይቅ፣ ዲኗን ካወደሱሉት ያግባት። ይሁንና ዲኗ ላይ ክፍተት ካለባት ስለ ዲኗ ሲል እንጂ ስለ መልኳ እንዳልተዋት ይታዋቃል። ስለሆነም በቅድሚያ ስለ ዲኗ ጠይቆ ዲኗ ላይ ጥሩ መሆኗን ከነገሩት በኋላ ስለ መልኳ ጠይቆ፣ ቆንጆ እንዳልሆነች ቢነገረው፣ ለመልኳ ሲል እንጂ ለዲኗ ብሎ እንዳልተዋት ይነገራል።”

አንድ ሰው ውበትን ብቻ ሲፈልግ እና አኽላቅ እና ዲን ችላ ሲል ነው የሚወቀሰው። ዲን እና አኽላቅ የስኬታማ ትዳር ቁርጠኝነትን ምሶሶ እና ማገር ነው። አብዛኛው ሰው በውጫዊ ገጽታ ላይ ማተኮር እና ውስጣዊ ባህሪያትን ችላ በማለታቸው የተነሳ መልክተኛው፦ "…ዲን ያላትን ፈጥነህ አግባ" የሚል መመሪያ ያስተላለፉት። ወንዶች ሀይማኖታዊ ቁርጠኝነት እና መልካም ባህሪ ያላት ሴት እንዲፈልጉ ሀዲሱ ያሳስባል።

ለሴት ልጅ የትዳር ጥያቄ ከማቅረብ በፊት፣ የተጋነነ ውበት ባይሆንም ትዳር ፈላጊው ዘንድ ባለው የውበት ተቀባይነት ደረጃ ላይ እንዳለች ማረጋገጥ ከሸሪአው የሚፃረር አይደለም። ጉዳዩ መጀመሪያ ላይ ጉጉት እና የጋለ ወኔ ( ባዶ ሀማሳህ) ብቻ እንዳይሆን፣ ከዚያም ይህ ሁሉ ወኔ ከሽፎ ቀልቡ አዲስ ሁኔታን በጉጉት መፈለግ ይጀምራል፣ በትዳር ሕይወት ውስጥ አስቸጋሪ የሆነ የችግር ጉዞ እዚህ ጋ ይጀምራል።

👉ይህ በንዲህ እንዳለ የዲንና የአኸላቅ መመዘኛ የሁሉም ነገር ገዥ ይሁን።

በዚህ ሚዛናዊ አመለካከት እና ሚዛናዊ አስተሳሰብ ደስተኛ የሆነ የትዳር ህይወት ይፈጸማል። ኢንሻ አሏህ!