ራስህን ለማሻሻል ጥረት አድርግ፣ በዚህች ዓለም ላይ ትልቁ ጭንቀትህና ዓላማህ ነፍስህን ወደ አላህ (ሱብሓነሁ ወተዓላ) ታዛዥነት መምራት ይሁን። ነፍስህ እምቢ ብትልህና ብታስቸግርህ እንኳ ግራት፣ አስታውሳት፣ ወደ ቀጥተኛው መንገድም ምራት።
ነፍስ በተፈጥሮዋ ወደ እረፍት፣ ወደ ኋላ ማፈግፈግና ወደ መዘናጋት ታደላለች፤ እውነተኛ ስኬት ግን ነፍስህን በፈለገችው ዝንባሌ ላይ አለመልቀቅህ ነው።
የአላህ መልእክተኛ ﷺ እንዲህ ብለዋል፦ "እውነተኛው ታጋይ (ሙጃሂድ) ማለት ነፍሱን ለአላህ ታዛዥነት የገራና የታገለ ነው"
ይህ ማለት እውነተኛው ትግል ሁልጊዜም በጦር ሜዳ ላይ ብቻ አይደለም፤ ከሁሉ የከበደው ውጊያ አላህን ለመታዘዝ ነፍስህ ላይ ድል መቀዳጀትህ ነው።
ወደ አላህ የሚወስደውን መንገድ ያወቀ ሰው መዘናጋት አይገባውም። ዛሬ ነፍስህን ካልታገልክና ካላረምክ.. ታዲያ መቼ ሊሆን ነው?

Читать полностью…

“የዕውቀት ባለቤቶች እውነትን ይከተላሉ። ማስረጃው ለእነሱ ቢሆንም ወይም በእነሱ ላይ ቢሆንም በታማኝነት ይዘግባሉ።
የስሜት ተከታዮች ግን ፍላጎታቸውን የሚደግፍላቸውን ብቻ መርጠው፤ እውነታውን አዛብተው ይፅፋሉ።”
📚 ምንጭ፦ "ዘም’ሙ አል-ከላም" (ذم الكلام) - ሊ አል–ሀራዊ(1080)

Читать полностью…

አሁን ባለንበት የሶሻል ሚዲያ ዘመን የብዙዎች በሙስሊም መሪዎች ስም ማጥፋት ላይ መውደቅና "በንግግር ወይም በፅሁፍ አመፅ መቀስቀስ " (الخروج بالقول) በኢስላም መሪን የመቃወም አንዱ አካል መሆኑን አለማወቃቸው "የዲን እንግዳ መሆንን" (ባይተዋርነት) በግልጽ ያሳያል።
### ሙስሊም መሪዎች መስማትና መታዘዝ በአህለል ሱና ዓቂዳ ፦

ለመሪዎች በአላህ ትዕዛዝ ስር እስከሆኑ ድረስ መስማትና መታዘዝ የፖለቲካ ጉዳይ ብቻ ሳይሆን የዓቂዳ (መሠረት ነው።
እንደ

ኢማም አህመድ፣ አል-በርበሃሪ እና አጥ-ጠሃዊ ያሉ ታላላቅ ኡለማዎች ይህንን በዓቂዳ ኪታቦቻቸው ላይ አስፍረውታል።
###በንግግር በፅሑፍ አመፅን መቀስቀስ  (الخروج بالقول)
ብዙ ሰዎች ማመፅ የሚባለው በመሳሪያ ወይም በሰይፍ ብቻ ይመስላቸዋል። ነገር ግን የሰለፎች መንገድ እንደሚያስተምረን በንግግር ማመፅ የፊትና (የሁከት) መጀመሪያና አደገኛ እርምጃ ነው። ይህም የሚከተሉትን ያካትታል፦
* ይፋዊ ቅስቀሳ፦ በማስሚድያ መድረክም ይሁን በሶሻል ሚዲያ የመሪዎችን ስህተትና ነውር መዘርዘር።
* ክብርን መንካት፦

የአንድን ተራ ሙስሊም ስም ማጥፋት የተከለከለ ከሆነ፣ የመሪን ስም ማጥፋት ደግሞ የሀገርን ሰላም ስለሚያናጋና ህዝብ በመሪው ላይ እንዲያምጽ ስለሚያደርግ ወንጀሉ የበረታ ይሆናል

።
###ሸሪዓዊ የምክር መንገድ
አህለል ሱናዎች መሪዎች አይሳሳቱም አይሉም፤ ነገር ግን ስህተታቸውን ለማረም ነብያዊ መንገዱን ይከተላሉ። ነቢዩ (ሰለሏሁ አለይሂ ወሰለም) እንዲህ ብለዋል፦
>

*"
መሪን መምከር የፈለገ ሰው በግልጽ አያድርገው፤ ይልቁንም እጁን ይዞ ለብቻው ያማክረው። ምክሩን ከተቀበለው መልካም ነው፤ ካልተቀበለው ግን ያ ሰው ያለበትን ግዴታ ተወጥቷል

።"*
>
### የሶሻል ሚዲያ ፈተና!
በአሁኑ ጊዜ ሶሻል ሚዲያ "የዲጂታል ተቃውሞ ሰልፍ"  ማድረጊያ (አመፅ መቀስቀሻ)  ሆኗል። ሰዎች ከስክሪን ጀርባ ሆነው የመሪዎችን ክብር ሲነኩ ሁለት ትልልቅ ነገሮችን ይዘነጋሉ፦
1. ሸሪዓዊ ወንጀል መሆኑን፦ የአላህን ትዕዛዝ መጣሳቸውንና በስም ማጥፋት መውደቃቸውን።
2. ውጤቱን፦ በመሪዎች ላይ ያለውን ክብር ማጣት መጨረሻው ትርምስ፣ ደም መፋሰስና የሰላም እጦት መሆኑን። የታሪክና የዘመናችን ሁኔታዎች ይህንኑ ያረጋግጣሉ።
ባጠቃላይ፦
በዚህ "የእንግድነት" (የባይተዋርነት) ዘመን በእነዚህ መርሆዎች ላይ መጽናት ዒልም እና ሰብር ማድረግን ይጠይቃል። አንድ ሙስሊም በሶሻል ሚዲያ ላይ ሲንቀሳቀስ የሰላም ጥሪ አቅራቢ፣ አንድነትን ሰባኪና ለክፉ ነገር መዝጊያ መሆን ይኖርበታል።
አላህ ትክክለኛውን መንገድ ይምራን።
✍(አቡ ሑዘይፋ)
ሸዋል 15/1447 አ/ሂ

Читать полностью…

ከዓኢሻ (ረዲየላሁ ዐንሃ) እንደተወራው የአላህ መልእክተኛ (ሰለላሁ ዐለይሂ ወሰለም) እንዲህ ብለዋል፦

​"ዝምድና በዐርሽ ላይ ተንጠልጥላ እንዲህ ትላለች፦ 'የቀጠለኝን  አላህ ይቀጥለው፤ የቆረጠኝን ደግሞ አላህ ይቁረጠው።'"
​— ቡኻሪና ሙስሊም

Читать полностью…

የኪታብ ጥቆማ!
### ስለ አህሉሱናህ ወልጀመዓ ዓቂዳ  በዝርዝር የሚያብራሩ ምርጥ መጽሐፍት
አሽ–ሸይኽ ዶ/ር ሷሊህ ኢቢኑ ዐብዱልዐዚዝ አስ–ሲንዲ በዘመናችን ካሉ ታላላቅ የዐቂዳ ሊቃውንት መካከል አንዱ ናቸው።
የአህሉሱናህ ወልጀመዓን ዓቂዳ በሚገባ ለመረዳት የሚረዱ ሁለት ታላላቅ መጽሐፍትን እንዲህ ሲሉ ይጠቁማሉ፡-
1. ሸርህ ኡሱል ኢዕቲቃድ አህሊሱናህ ወልጀመዓ (በአል-ላለካኢ የተዘጋጀ)፦ ይህ ኪታብ የአህሉሱናን ዓቂዳ ለማብራራት ከተፃፉ ኪታቦች ሁሉ እጅግ ላቅ ያለ፣ ምርጥና ሁሉንም አጠቃላይ የሆነ ኪታብ ነው ነው። ማንኛውም ስለ አህሉሱናህ ዓቂዳ ጥልቀት ያለው እውቀት መያዝ የሚፈልግ ሰው ከዚህ ኪታብ አይጠገብም። ኪታቡ የአህሉሱናን ትምህርት ከማብራራት ባለፈ፣ የተሳሳቱ አመለካከቶችን (ቢድዓዎችን) ውድቅ በማድረግ ረገድም የሚደነቅ ስራ ተሰርቶበታል።
2. አል-ኢባናህ (በኢብኑ በጣህ የተዘጋጀ)፦
   ከላይ የተጠቀሰውን ኪታብ ከዚህኛው ከኢብኑ በጣህ "አል-ኢባናህ" ኪታብ ጋር አጣምሮ ያነበበ ሰው፣ እጅግ በጣም ሰፊና ጠቃሚ የሆነ እውቀትን ያገኛል። ይህ ኪታብም ልክ እንደ መጀመሪያው ለአህሉሱናህ ሊቃውንትና ተማሪዎች እጅግ ውድና በምንም የማይተካ ኪታብ ነው።
ባጠቃላይ፡ እነዚህ መጽሐፍት የአህሉሱናን  (ዓቂዳ) በዝርዝርና በማስረጃ ለማወቅ ለሚፈልግ ለማንኛውም ሰው መሰረታዊ ምንጮች መሆናቸውን ገልጸዋል።

Читать полностью…

ሸኽ አልባኒ - አላህ ይዘንላቸውና - ስለ ራሳቸው እንዲህ ይላሉ፦
> "ገና በወጣትነቴ የሰዓት ጥገና ሙያን እንድማር መመራቴ ከአላህ ስኬትና ችሮታ ነው። ይህም የሆነው ሙያው ነጻ በመሆኑና በዒልመ አል–ሐዲስ ትምህርት ላይ ለማያደርገው ጥረት እንቅፋት ስለማይሆንብኝ ነው። ከማክሰኞና ከጁምዓ  በስተቀር በየቀኑ ለሥራው የምመድበው ሦስት ሰዓታትን ብቻ ነበር። ይህ የጊዜ መጠን ለእኔ፣ ለቤተሰቦቼና ለልጆቼ የሚያስፈልገንን መሠረታዊ ፍላጎት በበቂ ሁኔታ እንድናገኝ ያስችለኛል - ይህም ወሳኝ ነጥብ ነው። ቀሪውን ጊዜዬን ደግሞ ሸሪዓዊ እውቀትን በመፈለግ፣ ኪታቦችን በማዘጋጀትና የሐዲስ መጻሕፍትን በማጥናት፣ በተለይም በዛሂሪያ መጻሕፍት ቤት የሚገኙ በእጅ የተፃፉ(መኽጡጣት) የጥንት ጽሑፎችን በመመርመር አሳልፈዋለሁ።"
>

Читать полностью…

«ዲኑንና ሥነ-ምግባሩን የምትወዱት (የምትመርጡት) ሰው ለጋብቻ ከጠየቃችሁ ዳሩት፤ ይህን ካላደረጋችሁ በምድር ላይ ፈተናና ሰፊ ጥፋት ይሆናል» የሚለውን ሐዲሥ አስመልክቶ፦
መዝሀር አድ’ዲን አዝ’ዘይዳኒ (ረሒመሁላህ) እንዲህ ብለዋል፦
● “ከእናንተ መካከል አንዱ ከልጆቻችሁ ወይም ከቅርብ ዘመዶቻችሁ አንዷን እንዲያገባ ቢጠይቃችሁ፤ ተመልከቱ፡- ሳሊህ ሙስሊምና መልካም ሥነ-ምግባር ያለው ከሆነ ዳሩት።
⏎ ምክንያቱም እናንተ ለቅርብ ዘመዶቻችሁ ሴቶች፣ የዱንያ ሰዎች እንደሚፈልጉት ዓይነት የታወቀ የሀብትና የሥልጣን ባለቤት ካልሆነ በቀር አንድርም ካላችሁ፤ አብዛኞቹ ሴቶቻችሁ ያለ ባል፣ አብዛኞቹ ወንዶችም ያለ ሚስት ይቀራሉ።
⏎ በዚህ ጊዜ ወንዶች ወደ ሴቶች፣ ሴቶችም ወደ ወንዶች ያዘነብላሉ፤ ዝሙትም ይበዛል። በሴቶቻቸው ላይ በሚሰማው የዝሙት ወሬ ምክንያትም ለወላጆችና ለፍተው ላሳደጉ ውርደት ይከተላቸዋል።
⏎ ምናልባትም በሴቶቻቸው ላይ ስለተወራው የዝሙት ወሬ በሰሙት ነገር ቅናት አሸንፏቸው ሴቶቻቸውን ሊገድሉ ይችላሉ፤ እንዲሁም እነዚያን ለዝሙት የፈለጓቸውን ወንዶችም ይገድላሉ። ይህ ሁሉ ሰፊ ጥፋትና ትልቅ ፈተና ነው።
📚ምንጭ፦ አል-መፋቲሕ ፊ ሸርሒል መሳቢሕ (4/13)

Читать полностью…

* ተስፋ የተሰጠው ማን ነው?

> "ከእናንተም መካከል (ያልተጋቡትን)፣ ከወንዶች ባሮቻችሁና ከሴቶች ባሮቻችሁም ሳሊሆች  የሆኑትን አጋቡ፤ ድሆች ቢሆኑ አላህ ከችሮታው ያበለጽጋቸዋል፤ አላህም ችሮታው ሰፊ ዐዋቂ ነው።" (አን-ኑር: 32)
>
በጥልቅ ዕውቀታቸው የሚታወቁት ታላቁ ዓሊም ሸይኽ ሺንቂጢ (ረሒመሁላህ)
በታዋቂው የተፍሲር መጽሐፋቸው "አድዋኡል በያን" ላይ እንዲህ ይላሉ፦
   "አላህ ሀብታም እንደሚያደርገው ቃል የገባለት ፣ በትዳሩ የአላህን ታዛዥነት የሚፈልግ (ዓላማው አላህን መታዘዝ የሆነ) ነው። ይህም አይኑን በመስበር (ከሐራም በመጠበቅ) እና ብልቱን በመጠበቅ በኩል አላህን ለመገዛት እገዛን የፈለገ ሰው ነው።"
   "ይህም ነቢዩ (ﷺ) በትክክለኛው ሐዲሥ እንዲህ ብለው እንደገለጹት ነው፦ 'እናንተ ወጣቶች ሆይ! ከእናንተ መካከል የትዳርን ጣጣ የሚችል ያግባ፤ እርሱ(ማግባት) ለዓይን ይበልጥ ሰባሪ (ከሐራም ጠባቂ)፣ ለብልትም ይበልጥ ጠባቂ ነውና...'"
  የጋብቻው ዓላማ አይንን በመስበርና ብልትን በመጠበቅ አላህን መታዘዝ ከሆነ፣ የመበልጸግ (የሀብታምነት) ቃል ኪዳኑ የተመሰረተው በዚህ ተግባር አላህን በመታዘዝ ላይ ነው።"
📚 ምንጭ፦ አድዋኡል በያን (6/243)

Читать полностью…

አሰላሙ አለይኩም ወራሕመቱላሂ ወበረካቱህ፤
🌷ሰባሑል ኸይር!
የዕለቱ መልእክት
ከዓብደላህ ኢብኑ አል-ሐሪስ (ረዲየላሁ ዐንሁ) እንደተወራው እንዲህ ብለዋል፦ "

ከአላህ መልክተኛ (ﷺ) በላይ ፈገግታ የሚያበዛ አንድም ሰው አይቼ አላውቅም።"

ዛሬ በዕለት ተዕለት ውሎህ በተለይም ሰዎች ዘንድ መጀመሪያ ስትገናኝ ፈገግታን በተግባር ለመፈፀም ሞክር።
ፈገግታና የፊትህ ብሩህነት በሰዎች መካከል ባለው ግንኙነት ላይ የሚያመጣውን ለውጥና ተፅዕኖ ተመልከት።
በሥነ-ምግባር ከሰው ሁሉ በላጭ የሆኑትን ውድ ነቢይህን (ﷺ) ለመምሰል ጥረት አድርግ።

Читать полностью…

ኒካሕ(ጋብቻ )የሸይጣንን ተንኮል ለመመከት ይረዳል።
ኢብን ተይሚያ (ረሒመሁላህ) እንዲህ ብለዋል፦
○ "ላጤ መሆን የሸይጣንን ተንኮል ለመመከት፣ ዒልምን ለመቅሰም እና አላህን ለመገዛት የበለጠ ያግዛል ተብሎ የሚታሰበው፦

የሸሪዓን ድንጋጌና ተጨባጭ ሁኔታን የሚቃረን ስህተት ነው።

ይልቁንም ላጤ አለመሆን (ማግባት) የሸይጣንን ተንኮል ለመመከት የበለጠ ያግዛል።"

📚መጅሙዕ አል-ፈታዋ (31/ 63)

Читать полностью…

ፈውስ ለሚፈልግ ሰው
ኢብን አል-ቀዪም አል-ጀውዚያ (አላህ ይዘንላቸውና) "መዳሪጁ ሳሊኪን" በተሰኘው መጽሐፋቸው ላይ እንዲህ ብለዋል፦
> "እኔ በዚህ ረገድ (በሩቃ) በራሴም ሆነ በሌሎች ላይ አስደናቂ ነገሮችን ሞክሬያለሁ፤ በተለይም መካ (አላህ ያክብራትና) በነበርኩበት ጊዜ። እንቅስቃሴዬን ሊገቱ የሚቃረቡ በጣም አስቸጋሪ ህመሞች ያጋጥሙኝ ነበር፤ በተለይ በጦዋፍ ወቅትና በሌሎችም ጊዜያት። በዚያን ጊዜ ወደ ፋቲሃ ለመቅራት እፈጥንና ህመሙ ባለበት ቦታ ላይ እደባብሰዋለሁ፤ ያኔ ህመሙ ልክ እንደ ጠጠር ተንከባሎ እንደሚወድቅ (ወዲያው እንደሚጠፋ) ሆኖ ይሰማኝ ነበር። ይህንንም ደጋግሜ ሞክሬዋለሁ።
> እንዲሁም ከዘምዘም ውሃ በአንድ (ብርጭቆ) እወስድና ፋቲሃን ደጋግሜ እቀራበት ነበር፤ ከዚያም እጠጣዋለሁ። በዚህም ውስጥ በመድኃኒት የማላገኘውን ዓይነት ጥቅም እና ጥንካሬ አገኝ ነበር። ነገሩ ከዚያም በላይ ታላቅ ነው፤ ሆኖም (ውጤቱ) እንደ እምነት ጥንካሬና እንደ እርግጠኝነት (የቂን) ጥራት ይለያያል። አላህም ረዳታችን ነው።"
>

Читать полностью…

> "አንድ (ሰው እንደ ተራራ የሚገዝፉ ወንጀሎችን ተሸክሞ  የውመል ቂያማ ይመጣል፤ ነገር ግን ምላሱ አላህን በማውሳት (በመዘከሩ) የተነሳ ወንጀሎቹን ሲያፈራርሳቸው (ሲዘርዛቸው) ያገኘዋል።" (ኢብኑ ተይሚያህ)
>  ይህን ዚክር ደጋግመው ይበሉ፦
✨ አስተግፊሩላህ አል-ዐዚም ወአቱቡ ኢለይህ
✨ አስተግፊሩላህ አል-ዐዚም ወአቱቡ ኢለይህ
✨ አስተግፊሩላህ አል-ዐዚም ወአቱቡ ኢለይህ
⤴️ ለሚወዱት ሰው በማጋራት የዚክሩ ተቋዳሽ ያድርጓቸው።
ጥቆማ፦  የአላህን ዚክር ማብዛትና ኢስቲግፋር ማድረግ (ምሕረት መለመን) ምን ያህል ታላላቅ ወንጀሎችን እንኳ ሳይቀር እንደሚያብስ  የታላቁ ዓሊም ኢብኑ ተይሚያህ ምክር ነው። በተለይም በዚህ ዘመን ልብ በጭንቀትና በወንጀል በከበደበት ጊዜ ይህን ማዘውተር ትልቅ እረፍት ይሰጣል።

Читать полностью…

ዑመር ኢብኑ ሳሊህ አል-በግዳዲ እንዲህ ይላሉ፦
"ኢማም አሕመድ ኢብኑ ሐንበልን 'ቀልብን የሚያለሰልሰው (የሚያራራው) ምንድን ነው?' ብዬ ጠየቅኳቸው። ወደ እኔ ተመለከቱና አንገታቸውን ደፉ፤ ደግመው ተመለከቱኝና ዳግም አንገታቸውን ወደ መሬት አቀረቀሩ፤ ከዚያም እንዲህ አሉ፦ 'ቀልብን የሚለሰልሰው በምንድን ነው? ያልከኝ?

(ቀልብ የሚለሰልሰውማ) ሐላልን በመመገብ ነዋ!'"

> "አላህ ሆይ! ሐላል ሪዝቅን በመፈለግ ላይ እርዳን፣ አግራልንም።"

{اللهم اكفني بحلالك عن حرامك، وأغنني بفضلك عمن سواك} 🤲

Читать полностью…

عَن سُلَيْمَانَ التَّيمِيِّ قَالَ:

«إِنَّ الرَّجُلَ لَيُذنِبُ الذَّنب فيُصبحُ وَعَليهِ مَدْلَتهُ»

سير أعلام النبلاء» (٦ / ٢٠٠)]

Читать полностью…

የዋጋ መናር!!
​ኢብኑ ሙፍሊሕ አል-ሐንበሊ (ረሂመሁላህ) እንዲህ ብለዋል፦

​"የሚገርመው ነገር፤ ብዙ ሰዎች ስለ መኖሪያ ቤት መፈራረስ፣ ስለ ሲሳይ (ሪዝቅ) ማነስ፣ ስለ ዘመኑ መክፋትና ስለ ዋጋ መናር ያለቃቅሳሉ (ይረበሻሉ)። ነገር ግን ዲን ከሰዎች መራቁ፣ ሱናዎች መጥፋትና ቢድዓዎች መስፋፋት አልቅሰው አያውቁም። ስለ ድክመታቸውም አያለቅሱም፤ ይህም የሆነው የኢማናቸው መዳከም እና ዱንያ በዓይናቸው ውስጥ ትልቅ ቦታ ስላላት ነው።"

​📚 አል-አዳብ አሽ-ሸሪዒያ (3/240)

Читать полностью…

قال الربيع بن خثيم -رحمه الله- : " كل ما لا يراد به وجه الله يضمحل " .
📚 •سير أعلام النبلاء ٤/٢٥٩.

Читать полностью…

ኢማም الشوكاني (አሽ-ሻውካኒ) "አስ-ሰይል አል-ጀራር" (السيل الجرار) በተሰኘው ኪታባቸው ላይ እንዲህ ብለዋል፦
> "የእስልምና እምነት በስፋት ከተሰራጨና ግዛቱም በጣም ከሰፋ በኋላ፣ እንዲሁም ዳርቻዎቹ እርስ በርሳቸው ከተራራቁ በኋላ፤ በእያንዳንዱ ክልል (አገር) ወይም ተያያዥነት ባላቸው አገራት ላይ አንድ መሪ ወይም ኢማም መኖሩ የታወቀ ሆኗል።... ስለዚህ በእነዚህ አገራት ውስጥ በአንዱ ላይ አንድ መሪ ከተሾመ፣ ትዕዛዙና እገዳውም ተቀባይነት አግኝቶ (ተፈጻሚ ሆኖ) መሪነቱ ከጸና፤ በዚያ አገር ለሚኖሩ ህዝቦች እርሱን መታዘዝ ግዴታ (ዋጂብ) ይሆንባቸዋል። ከእነርሱ መካከል ማንኛውም ሰው ከእርሱ ታዛዥነት እጁን እንዲያነሳ (እንዲያምጽ) አይፈቀድለትም።"
>

Читать полностью…

ለፈገግታ!

አንዱ ሰው እንዲህ ይላል፦
"ሁልጊዜ ለፈጅር ሰላት ቀድሜው በመገኘቴ የሚቀናብኝ አንድ ጓደኛ ነበረኝ። አንድ ቀን ምስጢሩ ምንድን ነው? እንዴት ሁልጊዜ በፈጅር ሰላት ትቀድመኛለህ? ብሎ ጠየቀኝ።
እኔም፦ 'ለአላህ ምስጋና ይሁን! ሁለት ሚስቶች አሉኝ፤ እነሱ እኔን ለማገልገልና ለሰላት እንድነቃ በመርዳት እርስ በእርስ ይፎካከራሉ፣” አልኩት።
ጓደኛዬም በዚህ ተነቃቅቶ ሁለተኛ ሚስት አገባ። አሁን ግን ለአላህ ምስጋና ይሁንና መስጂድ ውስጥ አብሮኝ ማደር ጀምሯል!"
** (التخطيط في علم التوريط)
ገጽ፦ 567
😂 😂 😂 😂 😂

Читать полностью…

ሰዎችን መሰለል ማህበረሰቡ ውስጥ ጥላቻና በቀል ያነግሳል። 7122 SMS | ለወዳጆ ያስተዋውቁ

Читать полностью…

ከትዳር ጋር በተያያዘ ከሰለፎች የተገኙ ዘገባዎች
1. ከአቡ ኢስሐቅ የተገኘ ዘገባ፡
ወደ እሳቸው (ወደ አንድ ታላቅ ዓሊም) ገባሁ፤ እርሳቸውም እንዲህ አሉኝ፦
* «ቁርአንን በሙሉ (ሐፍዘሃል)?» እኔም፦ «አዎ፣ ለአላህ ምስጋና ይሁንና» አልኩ።
* «ሐጅ አድርገሃል?» አሉኝ። እኔም፦ «አዎ» አልኩ።
* «አግብተሃል?» አሉኝ። እኔም፦ «አይ» አልኩ።
* እሳቸውም እንዲህ አሉ፦ «ታዲያ ምን ይከለክልሃል? ዓብዱላህ ኢብኑ መስዑድ (ረዲየላሁ ዐንሁ) እንዲህ ብለዋል፦ **‹

ከዚህች ዓለም የቀረው አንድ ቀን ብቻ ቢሆን እንኳ፣ እዚያች ቀን ላይ ሚስት እንዲኖረኝ እወዳለሁ።›**»

2. ከኢብራሂም ቢን መይሰራ የተገኘ ዘገባ፡
ጣዉስ እንዲህ አሉኝ፦
«ወይ ታገባለህ፣ አሊያም ዑመር (ረዲየላሁ ዐንሁ) ለአቢ ዘዋኢድ ያሉትን እልሃለሁ፦ **‹

ከጋብቻ የሚከለክልህ ወይ ደካማነት (አቅም ማጣት) ነው፣ አሊያም አመጸኝነት (ፋጅር መሆን) ነው።›**»

3. ከሙንዚር የተገኘ ዘገባ፡
ወህብ ቢን ሙነቢህ እንዲህ ሲሉ ሰማሁ፦
«**
የላጤ (ያላገባ ሰው) ምሳሌ፤ በበረሃ ውስጥ እንዳለች ዛፍ ነው፤ ነፋስ ወደዚህና ወደዚያ ያወዛውዛታል።**»

4. ከአምር ኢቢኑ ዲናር የተገኘ ዘገባ፡
ኢብኑ ዑመር (ረዲየላሁ ዐንሁ) ከነቢዩ ﷺ ሞት በኋላ ላለማግባት አስበው ነበር። በዚህ ጊዜ (እህታቸው) ሐፍሳ (ረዲየላሁ ዐንሃ) እንዲህ አለቻቸው፦
«**

ወንድሜ ሆይ! አግባ፤ ልጅ ተወልዶልህ (በሕፃንነቱ) ቢሞት (ለአኺራ ስንቅ) ሸፋዓ ይሆንሃል፤ በሕይወት ቢቆይ ደግሞ ዱዓ ያደርግልሃል።**»

📚*ምንጭ፡ ሙሰነፍ ኢብን አቢ ሸይባ (10382 - 10388)*

Читать полностью…

ከኢብኑል ቀይም አልጀውዚያ "አዳእ ወአድ-ደዋእ" ከተሰኘው መጽሐፍ የተወሰደ
● አቡ ደርዳእ (ረዲየላሁ ዐንሁ) እንዲህ ይሉ ነበር፦
"በቂያማ ቀን 'አቡ ደርዳእ ሆይ! አውቀህ ነበር፤ ታዲያ ባወከው ነገር ላይ ምን ሠራህበት?' ተብሎ መጠየቅን ያህል በራሴ ላይ የምፈራው ከባድ ነገር የለም።"
● ኢብኑ አቢ ሙለይካ እንዲህ ብለዋል፦
"ከነቢዩ (ሰለላሁ ዐለይሂ ወሰለም) ባልደረቦች መካከል ሰላሳዎቹን አግኝቻለሁ፤ ሁሉም በራሳቸው ላይ ንፍቅናን ይፈሩ ነበር። ከእነርሱ መካከል 'ኢማኔ እንደ ጅብሪልና ሚካኤል ኢማን ነው' የሚል አንድም ሰው የለም።"
● ቡኻሪ በሶሒሃቸው ላይ እንዲህ ብለዋል፦
"ባብ”
« አማኝ (ሙእሚን) ሳያውቀው ሥራው እንዳይበላሽ (እንዳይጠፋ) ስለመፍራቱ።»

Читать полностью…

*أسأل الله أن يحفظكم من كل حاسد،*
*وأن يكفيكم شرّ كل حاقد،*
*وأن يُبعد عنكم كل منافق،*
*وأن يصرف عنكم من يتربّص بكم*
💕🤲🏼💕

Читать полностью…

📢 የደርስ መቀጠል ማስታወቂያ!

በተባረከው የረመዳን ወር ምክንያት ተቋርጠው የነበሩትና በየመሳጂዱ ሲሰጡ የነበሩት ዱሮሶች፤ አላህ ፈቃዱ ከሆነ ከነገ (ረቡዕ) ጀምሮ በነበራቸው ፕሮግራም መሠረት የሚቀጥሉ መሆኑን በደስታ እንገልጻለን።
የዒልም ጉዟችንን በንቃት እንድንቀጥል አላህ ይርዳን።
>
ትምህርቱን ለሌሎችም በማጋራት የአጅሩ ተካፋይ ይሁኑ!

🌐 t.me/sultan_54

Читать полностью…

ታላቅ የዚክር ስጦታ !
"ወደ መኝታህ በምትሄድበት ጊዜ (ከመተኛትሀ በፊት)፦
«

ላ ኢላሀ ኢለላሁ ወሕደሁ ላ ሸሪከ ለሁ፣ ለሁል ሙልኩ ወለሁል ሐምዱ፣ ወሁወ ዓላ ኩሊ ሸይኢን ቀዲር። ላ ሐውለ ወላ ቁወተ ኢላ ቢላሂል ዓሊዪል ዓዚም፤ ሱብሐነላህ፣ ወልሐምዱሊላህ፣ ወላ ኢላሀ ኢለላህ፣ ወላሁ አክበር።"

>
ያለ ሰው፤ ወንጀሎቹ የባሕር አረፋ ያህል ቢሆኑ እንኳ ይማሩለታል።"

>
የሐዲሡ ደረጃ
📚፦ ሐዲሡ ሶሒሕ (ትክክለኛ) ነው።
>

Читать полностью…

በፋቲሃ መታከም (ሩቅያ ማድረግ)
ሸይኽ ሙሐመድ ሳሊሕ አል-ዑሰይሚን (ረሂመሁላህ)እንዲህ ብለዋል፦
> "ሱረቱል ፋቲሃ 'ሩቅያ' (ፈውስ የሚገኝባት ) መሆኗ ከነቢዩ ﷺ ተረጋግጧል። ይህም ማለት በታመመ ሰው ላይ ፈውስን በመፈለግ ትቀራለች። ይህ ደግሞ በተግባር የተሞከረና የተረጋገጠ የሆነ ነገር ነው። በታመመ ሰው ላይ ፋቲሃን መቅራት ለፈውስ በጣም ቅርብ ከሆኑ ሕክምናዎች አንዱ ነው።"
>
ምንጭ፦ ፈታዋ ኑሩን ዓለ አድ-ደርብ

Читать полностью…

በኢማሙ አሕመድ እና በተማሪያቸው አል-መርሩዚ መካከል በትዳር ዙሪያ  የተደረገ ድንቅ ውይይት!
● [መርሩዚ] እንዲህ አለ፦ አቡ አብደላህ (ኢማም አሕመድን) እንዲህ ሲሉ ሰማኋቸው፦ "ነቢዩ ﷺ ሳይጋቡ መቆየትን (ምንኩስናን) ከልክለዋል። የነቢዩን ﷺ ፈለግ የጠላ ሰው እውነት ላይ አይደለም። የነቢዩን ባልደረቦች፣ የሙሃጅሮችንና የአንሷሮችን መንገድ የጠላ ሰው ደግሞ ከዲኑ ውስጥ ምንም ቦታ የለውም።"
* ነቢዩ ﷺ እንዲህ ብለዋል፦ «እኔ በሌሎች ሕዝቦች ፊት በእናንተ ብዛት  እፊካከራለሁና(እኩራለሁ።) በብዛት ውለዱ።»
* "ነቢዩ ያዕቆብ (ዐለይሂ ሰላም) በዚያ ሁሉ ሀዘናቸው ውስጥ እንኳ አግብተዋል፣ ልጅም ተወልዶላቸዋል።"
* ነቢዩ ﷺ እንዲህ ብለዋል፦ «ሴቶች(ሚስቶች) ለእኔ (እንዲወደዱ) ተደርገዋል።»
* የነቢዩ ﷺ ባልደረቦችም ያገቡ ነበር።
● እኔም አልኩ፦ ሰዎች ግን "ገቢያቸንን በሐላል መንገድ የማግኛ መንገዱ ጠቧል።" ይላሉ።
* እሳቸውም ፦ "ነቢዩ ﷺ ምንም ለሌለው ሰው እንኳ  በብረት በቀለበት (መህርነት) ድረዋል።"
* እኔም፦ በቁርኣን ሱራም ቢሆን (ይቻላል አይደል)? አልኩኝ።
እሳቸውም፦ "ይህንን ተወው" አሉ። "ትክክል (ሶሒሕ) አይደለም እንዴ?" አልኳቸው።
* እሳቸው፦ "ተወው አልኩህ! ከአንድ ነገር ስከለክልህ ተከለከል፤ አንድ ወንድ ሊያገባ ይገባል፤ ካለው (ይቀልባታል)፣ ከሌለው ደግሞ ይታገሳል።"አሉኝ።
● እኔም አልኩ፦ "እርስዎ፦ "የምቀልባት ካጣሁ እፈታታለሁ" ይሉኛል። እኔ ግን ስራ አግኝቼ መህሯ አንድ ሺህ ድርሀም ቢሆንብኝስ? እኔ ደግሞ አሁን ላይ ምንም የለኝም።
* ሳቁና እንዲህ አሉ፦ "በአምስት ድርሀም አግባ! ኢብኑ አል-ሙሰየብ (ታላቁ ታቢዒይ) ልጃቸውን በሁለት ድርሀም ድረዋል።"
● እኔም፦ ቤተሰቦቼ በአምስት ድርሀም እንዳገባ አይፈቅዱልኝም አልኳቸው።
* አሉ፦ "አሃ! አሁን የዱንያን ነገር አመጣህብኝ፤ ይህ ሌላ ጉዳይ ነው።"
● እኔም፦ ኢብራሂም ኢብኑ አድሀም (ታላቁ ዛሂድ) "የቤተሰብ ሐላፊ መሆን እንዴት ያስፈራል?!..." ማለታቸው ይወራል ስላቸው፤
* ንግግሬን ሳልጨርስ ጮኹብኝና እንዲህ አሉ፦ "በጎንዮሽ መንገዶች (ጠቃሚ ባልሆኑ ወሬዎች) ውስጥ ወደቅን። አላህ ዓፊያውን ይስጥህና—ሙሐመድ ﷺ እና ባልደረቦቻቸው ምን ላይ እንደነበሩ ተመልከት!"
● ቀጠልኩና ለአቡ አብደላህ እንዲህ አልኳቸው፦ -ፉደይል ኢብኑ ዒያድ "አንድ ሰው በልባችን ውስጥ (ትልቅ ቦታ) ይኖራል፤ ነገር ግን በማዕዱ ዙሪያ ሰዎች ሲሰበሰቡ (ቤተሰብ ሲያፈራ) ከልባችን ይወጣል።" ማለታቸው ይወራል?
* አሉ፦ "ከእነዚህ የጎንዮሽ ወሬዎች ተወኝ!አላልኩህም? እውቀት እንዲህ አይቀሰምም! አላህ አውፍ ይበልህና! —ሙሐመድ ﷺ እና ባልደረቦቻቸው ምን ላይ እንደነበሩ ተመልከት!"( እነሱን ተዋቸው!)
* ከዚያም ቀጠሉና፦ "እነሆ በዘመንህ ያሉ ደጋግ ሰዎች (ሷሊሖች) አግብተው እንጂ አታገኛቸውም።"
📚 ምንጭ፦ አል-ጃሚዕ ሊዑሉሚ አል-ኢማም አሕመድ (10/ 484 - 485)

Читать полностью…

🌷ሰባሑል ኸይር
> "በአላህ እምላለሁ! ሲሳይህ በባሕር ሥር ባለ ድንጋይ ውስጥ ቢሆን እንኳ፣ አንተ ጋር እስኪደርስ ድረስ አላህ ያወጣዋል።
> እወቅ! የሰው ልጅ ኃይል ሁሉ ቢሰባሰብ እንኳ፣ አንተ ጋር ሊደርስ ከተጻፈልህ ነገር (ሪዝቅ) የሚከልክልህ ምንም ነገር የለም፤ ስለዚህ ተረጋጋ።"
>

Читать полностью…

قال رسول الله ﷺ

من دعا إلى هدى كان

له من الأجر مثل أجور من تبعه

📚[ اخرجه مسلم ]

Читать полностью…

ኢማም አሕመድ ኢብኑ ሐንበል (ረሒመሁላህ) አንድ ሰው ደሃ ቢሆንም እንኳ ለጋብቻ ማበረታታታቸው እና ጋብቻን ከአንዳንድ ዒባዳዎች ማስቀደማቸው፦
● ሷሊህ (ልጃቸው) እንዲህ ይላሉ፦ [ኢማም አሕመድን] ስለ አንድ ከሰርዶ (ሳር) ምንጣፍ እየሰራ ስለሚሸጥ ሰው ጠየቅኳቸው፣ ከሚያገኘው ገቢ (ትርፍ) ለቀን ቀለቡ (ምግቡ) የሚሆን እንጂ ከዛ በላይ አያገኝም። ይህ ሰው ለጋብቻ ቅድሚያ ይስጥን? አልኳቸው፣
አባቴ እንዲህ በማለት መለሱልኝ፦ ለጋብቻ ቅድሚያ ይስጥ። አላህ ሲሳዩን (ሪዝቁን)  ይዞላት ይመጣል።”
● እንዲህም አሉ፦“ ያግባ፣ ከተፈለገም ይበደር። በእጁ ላይ ለሐጅ የሚያደርሰው ሁለት መቶ ድርሃም ቢኖረው፣ ነገር ግን በራሱ ላይ ፈተና (ዝሙት) ከፈራ፣ እንዲያገባና ሐጅን እንዲተው አዘዋለሁ።”
● አቡ ዳውድ(ተማሪያቸው) እንዲህ ይላሉ፦ አቡ ዐብዲላህ [ኢማም አሕመድ] እንዲህ አሉ፦ “እንዲያገባ የሚያዙት ወላጆች ካሉት፣ እንዲያገባ አዘዋለሁ። ወይም ለራሱ ችግር (በፈተና መውደቅን) የሚፈራ ወጣት ከሆነ፣ እንዲያገባ አዘዋለሁ።”
● አል-መርሩዚ እንዲህ አለ፦ አቡ ዐብዲላህ [ኢማም አሕመድ] እንዲህ ሲሉ ሰምቼዋለሁ፦ "ለሴት ከወንድ የተሻለ ነገር የለም፣ ለወንድም ከሴት የተሻለ ነገር የለም።”
ጣዎስም እንዲህ ብሏል፦ “ሴት የወንድ ግማሽ ዲኑ ናት።”
● እንዲህም አሉ፦ አቡ ዐብዲላህ [ኢማም አሕመድ] እንዲህ ሲል ሰምቼዋለሁ፦ “ያላገባ ሆኖ መኖር በኢስላም አስተምህሮ ውስጥ በምንም አይነት መንገድ የሚታወቅ ነገር አይደለም። ነቢዩ ﷺ አሥራ አራት ሚስቶችን አግብተዋል፣ ሲሞቱ ዘጠኙን ሚስታቸውን ተለይተው ወደ አኼራ ተሸጋግረዋል።”
• በመቀጠል እንዲህ አለ፦ “ቢሽር ኢቢኑ አል-ሓሪስ አግብቶ ቢሆን ኖሮ፣ ነገሩ ሁሉ በተሟላለት ነበር። ሰዎች ትዳርን ቢተው ኖሮ፤ ጂሃድ አይወጡም ነበር፣ ሐጅ አያደርጉም ነበር፣ ያም አይሆንም ነበር፣ ይህም አይሆንም ነበር።”
• እንዲህም አለ፦ ነቢዩ ﷺ ምንም ነገር ሳይኖራቸው ያነጉ ነበር፣ ምንም ነገር ሳይኖራቸውም ያመሹ ነበር። ከዘጠኝ ሚስቶች ተለይተው ሞተዋል። ትዳርን መርጠዋል፣ በእርሱም ላይ አበረታተዋል።”
📚 አል-ጃሚዕ ሊዑሉሚል ኢማም አሕመድ (10/483)

Читать полностью…

ደረትህ ላይ ጭንቀ ጥበብ ይልሃልን? ምክንያቱን በማታውቀው ጭንቀት ተወጥረሃል? ዛሬ ጁምዓ ነው፤ ፈጣን ውጤት ያለው ነብያዊ መፍትሔ እሰጥሃለሁ። በነቢዩ ሙሐመድ (ሰለሏሁ አለይሂ ወሰለም) ላይ ሶለዋት ስታወርድ ሦስት ተአምራት ይከሰቱልሃል፦
* ሶለዋትህ ለሳቸው ይቀርባል። ስምህ በሰው ልጆች ሁሉ በላጭ በሆኑት (በነቢዩ) ዘንድ ሲነሳ እስቲ አስበው!
* አላህ በአንተ ላይ 10 ጊዜ ሶለዋት ያወርድልሃል። የአላህ አሥር እዝነቶች በልብህ ውስጥ ያሉትን ቁስሎች ለመፈወስ በአንተ ላይ ይወርዳሉ።
* የዱዓ መክፈቻ ነው። በዱዓህ መጀመሪያና መጨረሻ ላይ ሶለዋትን አድርግ፤ አላህ በመካከላቸው ያለውን ዱዓ ከመቀበል አይመለስም።
ነቢዩ (ሰለሏሁ አለይሂ ወሰለም) ጊዜውን ሁሉ ሶለዋት በማድረግ ለሚያሳልፍ ሰው እንዲህ ብለዋል፦ 'ጭንቀትህ ይወገድልሃል፤ ወንጀልህም ይማርልሃል።' ከጭንቀት መወገድና ከወንጀል መማር በላይ ምን ትፈልጋለህ? ቀኑን በሰላም ለመጀመር ዛሬ ለራሳችሁ የማይቋረጥ የሶለዋት ፕሮግራም አድርጉ።

Читать полностью…