Telegram-канал sultan_54 - የኡስታዝ ሱልጣን ኸድር የትምህርት መድረክ (official): Unsorted

የኡስታዝ ሱልጣን ኸድር የትምህርት መድረክ (official)

18 Jul 2024 06:56

🔴 ጥያቄ፡ ወደ ሱጁድ በምንወርድ ጊዜ በጉልበታችን ነው መውረድ ያለብን ወይስ በእጃችን ?

መልስ፡ አንድ ሰው ወደ ሱጁድ እንዴት መውረድ እንዳለበት በተመለከተ በዑለማኦች መካከል ሰፊ ውዝግብ አለ፣ መጀመሪያ እጅ ወይስ ጉልበት መቅደም የሚገባው በሚለው ሀሳብ ላይ። ሀነፊዮች፣ ሻፊዒዮች እና ኢማሙ አህመድ በአንደኛው ዘገባቸው፤ ሰላት የሚሰግድ ሰው ከእጁ በፊት አስቀድሞ በጉልበቱን መውረድ አለበት የሚለውን ሀሳብ ይደግፋሉ። ቲርሚዚም ይህ የብዙሃኑ ዑለማዎች አስተያየት እንደሆነ በመናገር በሱነናቸው (2/57) እንዲህ ብለዋል፡- "በአብዛኞቹ ሊቃውንት ዘንድ አንድ ሰው ከእጆቹ በፊት በጉልበቱ ወደ ሱጁድ መወረድ እንዳለበት ያምናሉ፣ በሚነሳበት ጊዜ ደግሞ እጆቹን ከጉልበቱ በፊት ማንሳት አለበት፣ ይላሉ። ይህንን ሀሳብ የሚያንፀባርቁ የዋኢል ኢብኑ ሁጅርን ሐዲስ በማስረጃ ያጣቅሳሉ፡- "የአላህ መልእክተኛ (ሰለላሁ አለይሂ ወሰለም) ሱጁድ ሲያደርጉ፣ ከእጆቻቸው በፊት ጉልበቶቻቸውን አስቀድመው ሲወርዱ አይቻለሁ። ሲነሱ ደግሞ ከጉልበታቸው በፊት እጆቻቸውን አነሱ።" (አቡ ዳውድ፣ ቲርሚዚ፣ አል-ኒሳኢ፣ ኢብኑ ማጃህ እና አል-ዳረልቁጥኒ ዘግበውታል (1/345)። መጀመሪያ ወደ ሱጁድ ሲውረድ ጉልበት ማስቀደም አለበት ብለው ከሚያምኑ ዑለማዎች መካከል ሸይኽ አል-ኢስላም ኢብኑ ተይሚያህ እና ተማሪያቸው ኢብኑል ቀይም ይገኙበታል። ይህንን አመለካከት የሚደግፉ የዘመናችን ሊቃውንት መካከል ደግሞ ሸይኽ ዐብዱል ዐዚዝ ኢብኑ ባዝ እና ሸይኽ ሙሐመድ ኢብኑ ሷሊህ አል-ኡሠይሚን ይገኙበታል። በዚህ ጉዳይ ላይ ሸይኹል ኢስላም ኢብኑ ተይሚያህ በአል-ፈታዋ (22/449) ላይ ጠቃሚ አስተያየት ሰጥተዋል፦"በሁለቱም መንገድ መስገድ በዑለማዎች ስምምነት መሰረት ሰላቱ ትክክል ነው።( አይበላሽም)ስለዚህም አንድ ሰጋጅ አስቀድሞ መንበርከክ አሊያም በእጆቹ ወደ ሱጁድ መውረድ ይችላል። በማንኛውም ሁኔታ ሱጁድ ቢያደርግ ሰላቱ ትክክለኛ ነው። ነገር ግን የትኛው ነው የሚሻለው ብለው ተከራከርዋል።" ስለዚህ ጧሊቡ አል–ዒልም የሆነ ባመነበት እና እሱ ዘንድ ሚዛን ይደፋል የሚለውን አቋም መተግበር ይኖርበታል፣ ተራው ሙስሊም ደግሞ ያመነበትን ዓሊም ሃሳብ መከተል ይችላል። ወላሁ አዕለም።