የኡስታዝ ሱልጣን ኸድር የትምህርት መድረክ (official)
08 October 2026 06:49
በዒባዳህ ላይ ያጋጠመህ ግድየለሽነት ወይም ጉድለት ምንም ያህል ቢበዛ፣ ጥሩ ሥነ-ምግባርን(አኽላቅ) ከመጠበቅ በጭራሽ ቸል አትበል፤ ወደ ከፍተኛዋ ጀነት መግቢያ ቁልፍህ ሊሆን ይችላልና። ደጋግ ሰዎች ምንም ዓይነት ወንጀል የለባቸውም ብለህ ታስባለህን?! እነሱ እኮ፦ (በጥፋታቸው) ተሸፈኑ እንጂ በግልጽ(በአደባባይ አላመፁም፣ ምህረትን ጠየቁ እንጂ (በወንጀል ላይ) አልጸኑም፣ (ጥፋታቸውን) አመኑ እንጂ ነውራቸውን ለመሸፋፈን ኡዝር አላቀረቡም፣ እንዲሁም ካበላሹ በኋላ አበጁ (መልካም ሠሩ)።
ከቀደሙት ሰለፎች ለአንዱ፦ 'አንተና ዲንህ እንዴት ናችሁ?' ተብሎ ተጠየቀ። እርሱም፦ 'ወንጀሎች ይበጣጥሱታል፤ እኔ ደግሞ በኢስቲግፋር እጠግነዋለሁ' ሲል መለሰ።
ጥያቄው ምንኛ ጥልቅ ነው! መልሱንስ ምን ያህል የጠለቀ ነው!!
Читать полностью…
የኡስታዝ ሱልጣን ኸድር የትምህርት መድረክ (official)
07 October 2026 05:49
.قال رسول الله ﷺ :
🌱🌹🌱
•مَنْ أصبَحَ منكمْ آمنًا في سِربِهِ معافًى فِي جَسَدِهِ، عندَهُ قوتُ يومِهِ، فكأنَّما حِيزَتْ لَهُ الدنيـــا بحذافِيرِها•
🌱🌹🌱
صحيح الجامع (٦٠٤٢)
حسن
🌴የአላህ መልዕክተኛ ﷺ እንዲህ ብለዋል፡-
🟤«አንድ ሰው በቀዬው ላይ ሰላምን በአካሉ ላይ ጤናን እና የእለት ጉርሱን ካገኘ፤ ምድራዊ ፀጋ በሙሉ እጁ እንደገባለት ይቆጠራል።»
📚ቲርሚዚ ዘግበውታል።
አላህ ሆይ! አንተ ሰላም ነህ፤ ሰላምም ካንተ ነው፤
ሀገራችንን አማን ህዝቦቿን ሰላም አድርግልን!
ኣሚን!
/channel/sultan_54
Читать полностью…
የኡስታዝ ሱልጣን ኸድር የትምህርት መድረክ (official)
06 October 2026 07:26
> «አላህ ባሪያውን ከወደደው፤ ለራሱ (ቅርብ አድርጎ) ያዘጋጀዋል፣ ለውዴታውም ያጨዋል፣ እርሱን ብቻ ወደ ማምለክ ያጠራዋል ፤ ሀሳብና ጭንቀቱን በእርሱ ብቻ እንዲጠመድ ያደርጋል፣ ምላሱንም እርሱን በማውሳት (በዚክር) ይጠምደዋል፣ የአካል ክፍሎቹንም እርሱን በመታዘዝ (በማገልገል) ያሰማራቸዋል።»
📚 — *አል-ፈዋኢድ*፣ ኢብኑል ቀይም (ገጽ 98) [1]
Читать полностью…
የኡስታዝ ሱልጣን ኸድር የትምህርት መድረክ (official)
04 October 2026 05:36
﴿وَمَا أَمْرُنَا إِلَّا وَاحِدَةٌ كَلَمْحٍ بِالْبَصَرِ﴾
«ትእዛዛችን እንደ ዓይን ቅጽበት አንዲት እንጂ ሌላ አይደለችም።» (ሱረቱል ቀመር፡ 50)
በፍጥረት ዓለም ውስጥ የአላህ ትእዛዝ ሁሉ እንደ ዓይን ቅጽበት ፍጥነት ነው፤ ስለዚህ ተስፋ የምታደርገውን እፎይታ (ፈረጅ) እንደ ሩቅ አትቁጠረው፤ ጥበቃው ቢረዝምም መልካሙ ነገር አልዘገየም በል።
አላህ የፈቀደውን ነገር የሚከለክል ከልካይ፣ የሚመልሰውም መላሽ የለም፤ ከረጅም ጥበቃ በኋላ እፎይታ በአንዲት ቅጽበት ሊመጣ ይችላልና።
ስለዚህ በአላህ ላይ ያለህን ጥርጣሬ አሳምር፣ በችሎታውም ተመካ፤ አላህ አንድን ነገር በሻ ጊዜ ትእዛዙ «(ሁን)» ማለት ብቻ ነው፤ ወዲያውኑ ይሆናልና።
Читать полностью…
የኡስታዝ ሱልጣን ኸድር የትምህርት መድረክ (official)
03 October 2026 06:00
⛔️በትዳራቸው ጉዳይ ላይ በባሏ ላይ የምትጮኽ ሚስት በተመለከተ ሸሪዓው ምን ይላል?
ሸይኽ ኢብኑ ዑሠይሚን ረሂመሁላህ፤ ይህ ጥያቄ ቀርቦላቸው ቀጣዩን ምላሽ ሰጥተዋል።
መልስ፡ ለዚች ሚስት በባሏ ላይ ድመጿን ከፍ ማድረጓ መጥፎ ስነምግባር ነው እንላለን።
ይህ የሆነበት ምክንያት ባልየው የበላይ ጠባቂዋ(ቀውዋማ) እና ተንከባካቢዋ ነው። ስለዚህ እሱን አክብራ በትህትና መናገር አለባት። ይህን ማድረግ በመካከላቸው የትዳራቸው እድሜ የመራዘም ዕድሉ ከፍተኛ እንዲሆን ያደርጋል። እናም በሁለት የትዳር አጋሮች ቅርርብ በመካከላቸው እንዲኖር ያደርጋል። ባልየውም ከእርሷ ጋር በመልካም መስተጋብር ሊኗኗር ይገባል። መልካም መስተጋብር ሁለቱም በጋራ ሊያስገኙት የሚገባ ነገር ነው። አላህ አዘወጀለ እንዲህ ይላል፦
(ሚሰቶቻችሁን) በመልካምም ተኗኗሩዋቸው፡፡ ብትጠሉዋቸውም (ታገሱ)፡፡ አንዳችን ነገር ብትጠሉ አላህም በእርሱ ብዙ ኸይር ነገርን ሊያደርግ ይቻላልና፡፡ (አንኒሳእ:19)
እኔ ለዚች ሚስት የምመክረው ለራሷስትል በባልዋ ጉዳይ አላህን እንድትፈራ እና በእሱ ላይ ድምጿን ከፍ እንዳታደርግ (እንዳትጮህ) ነው። በተለይ ባሏ በእርጋታ እና ድምፁን እየቀነሰ እያናገራት ከሆነ። ሁሉን ቻይ የሆነውን አምላክ እንድትፈራ እመክራለሁ።”
📚 فتاوى نور على الدرب الشريط رقم [312]
/channel/sultan_54
Читать полностью…
የኡስታዝ ሱልጣን ኸድር የትምህርት መድረክ (official)
30 September 2026 21:41
ስለ ኢብኑ መስዑድ መረጃችን ቀጥሏል!
እነሆ ኢብኑ መስዑድ ከሰሞኑ ደግሞ ዘመቻ የመሰለ እንቅስቃሴ በቲክቶክ ጀምሯል! አቅሙን አደራጅቶም በስፋት በሚዲያው ላይ ቋሚ የዳዕዋ ስራ ሊጀምር እንደሆነ ወሬዎች እየተናፈሱ ነው!
ያላስተዋላችሁ ሰዎች በዚህ ሊንክ እየገባችሁ ማየት ትችላላችሁ!
https://vt.tiktok.com/ZSbk9MK95/
የኛ ጥያቄ ይህ የመርከዙ እንቅስቃሴ ማንን ለማሳጣት የሚደረግ ጥረት ነው?
የመርከዙ በዚህ አቅም ወደ ቲክቶክ መምጣት ማንን የሚጠቅምስ ይመስላችኋል? 🙂
ለማንኛውም እስቲ ምን ይዘው እንደሚመጡ አብረን ማየት እንድንችል ሊንኩን እየነካችሁ ፎሎው እያደረጋችሁ ተመለሱ
https://vt.tiktok.com/ZSbk9MK95/
https://vt.tiktok.com/ZSbk9MK95/
https://vt.tiktok.com/ZSbk9MK95/
Читать полностью…
የኡስታዝ ሱልጣን ኸድር የትምህርት መድረክ (official)
26 September 2026 14:40
> قال الإمام الأوزاعي: «بلغني أنَّ من ابتدع بدعة ضلالة ألقىٰ عليه الشيطان الخشوع والبكاء ليصطاد به» [الاعتصام للشاطبي ١٦٥/١] [1]
> ኢማም አል-አውዛዒ እንዲህ ብለዋል፦
> «የጥመት ፈጠራ (ቢድዓ) አራማጅ የሆነ ሰው፤ ሸይጣን ሰዎችን በእርሱ አማካኝነት ለማጥመድ (ለማሳሳት) ሲል በእርሱ ላይ ተመስጦን (ኹሹዕን) እና እንባ ማፍሰስን ይጥልበታል የሚል መልክት ደርሶኛል።»
> [አል-ኢዕቲሷም ሊሽ-ሻጢቢይ፣ ቅጽ 1፣ ገጽ 165]
---
### አጭር ማብራሪያ፦
የዚህ አባባል መልእክት የሚያስረዳው፡ አንድ ሰው በዲን ውስጥ አዲስ ፈጠራን ሲያነግስ፣ ሸይጣን ሌሎች ሰዎች በእርሱ ተታልለው ወደዚያ ጥመት እንዲገቡ ለማድረግ ሲል በዚያ ሰው ላይ የውሸት ተመስጦን፣ ኹሹዕን አምልኮታዊ ትጋትን እና እንባ ማፍሰስን ያሳድርበታል። በዚህም ምክንያት ሰዎች ውጫዊውን አምልኮ እና ለቅሶ ብቻ አይተው የተከተለው መንገድ ትክክል መስሏቸው እንዳይታለሉ ማስጠንቀቂያ ነው።
Читать полностью…
የኡስታዝ ሱልጣን ኸድር የትምህርት መድረክ (official)
22 September 2026 08:19
የተከበሩ ዶ/ር ሸይኽ ሷሊሕ ሲንዲ (አላህ ይጠብቃቸው) እንዲህ ብለዋል፦
«የሸይኹል ኢስላም (ኢብኑ ተይሚያ) እና የኢብኑል ቀይምን ኪታቦች እንዲሁም የነጅድ ሰለፊይ የደዕዋ መሪዎችን (ኢማሞችን) ኪታቦች ማንበብን አዘውትር፤ በ‹አድ-ዱረር አስ-ሰኒያህ› ውስጥ፣ በሸይኽ ዐብዱል-ለጢፍ ኢቢን ዐብዱር-ረሕማን ኢቢን ሐሰን ድርሰቶች ውስጥ፣ ወይም የአባታቸው ኪታቦች፣ ወይም የሸይኽ ሱለይማን ቢን ሰሕማን ኪታቦች፣ ወይም ከእነሱ ውጪ ባሉ የደዕዋው መሪዎች ኪታቦች ውስጥ ያሉትን (አንብብ)፤ እነዚህ እጅግ ታላላቅ ኪታቦች ናቸው፣ በተለይም የተውሒደል ዒባዳህን ጥርት አድርጎ ሳያወሳስቡ በሚገባ በማስረዳት ረገድ።
የሸይኹል ኢስላምና የኢብኑል ቀይም ኪታቦችን በተመለከተ ደግሞ፣ እነዚህ የዒልም ፍለጋህን ያሳጥሩልሃል፤ ይህ በጉዳዩ ላይ ልገልጽበት የምችለው እጅግ አጭሩ አገላለጽ ነው፣ የዒልም ፍለጋህን ያሳጥሩልሃል፣ ከዒልም ጉዳዮች ውስጥ ዋናውን ቁም ነገር እና ምርጡን ይሰጡሃል፤ እንግዲህ አንተ የእውቀት ፈላጊ ሆይ! ይህቺ ለአንተ የምሰጣት ምክሬ ናት።»
◄ [«ቀዋዒዱ አህሊስ-ሱንነቲ ወል-ጀማዐህ ፊል-ኢማኒ ቢ አስማኢላሂ ወ ሲፋቲህ» ከተሰኘው የትምህርት ኮርስ የተወሰደ]
Читать полностью…
የኡስታዝ ሱልጣን ኸድር የትምህርት መድረክ (official)
19 September 2026 06:37
"أعظم الناس خذلاناً من تعلق بغير الله"
"ከሰዎች ውስጥ በህይወቱ በጣም ስንኩል ማለት፤ ከአላህ ውጭ ባለ አካል ልቡን ያንጠለጠለ ሰው ነው።"
✍ ኢብኑል ቀዪም
Читать полностью…
የኡስታዝ ሱልጣን ኸድር የትምህርት መድረክ (official)
18 September 2026 05:13
ይህች ሀገር (መካ) ሁልጊዜም የተጠበቀችና ሰላማዊ ሆና እንድትቀጥል የተደረገ ዘላለማዊ ዱዓ።
Читать полностью…
የኡስታዝ ሱልጣን ኸድር የትምህርት መድረክ (official)
17 September 2026 05:53
ከመመሳሰል አልፎ ዘፈን የሆነው ዘመናዊው ነሺዳ!
በሰለፎች ዘንድ «ነሺዳ» ወይም «ሁዳእ» (የመንገድ ላይ እንጉርጉሮ) ማዳመጥ በምንም መልኩ አሁን እንደምናየው የዘፈን ልማድ አልነበረም። ይልቁንም በተወሰኑ አጋጣሚዎችና ለአጭር ጊዜ “መዝናናት” በሚያስፈልግበት ወቅት ብቻ የሚደረግ እንጂ የዘወትር ልማዳቸው ወይም የቀልባቸው ዋና ቀለብ አልነበረም።
በሰለፎች ዘንድ ነሺዳ የሚደመጥባቸው ሁኔታዎች፦
በሥራና በአሰልቺ ጉዞ ጊዜ ብቻ መወሰኑ፦ እንጉርጉሮ የሚባለው ድካምን ለማቃለልና መንፈስን ለማነቃቃት ሲባል ብቻ ነበር፤ ለምሳሌ በኸንደቅ ቁፋሮ፣ በነቢዩ ሰለሏሁ አለይሂ ወሰፀም መስጅድ ግንባታ ወቅት፣ ወይም በበረሃ ጉዞ ላይ የግመል ተጓዦችን ለማበራታት ይደረግ ነበር።
ቀላልና ድንገተኛ (ያልተዘጋጀበት) መሆኑ፦ ከሰለፎች (ቀደምት ደጋግ የዲን አበዎች)አንዳቸው ያለ ምንም "ተከሉፍ"(አለመጨናነቅ)፣ የድምፅ አጣጠል እና ፈሰት ስለጠና ሳይወስዱ፣ ዜማን ሳያወሳስቡ፣ ድምፅን ለማለዘብ ሳይሞክሩና ምንም ዓይነት የድምፅ መሣሪያ ሳይጠቀሙ አንድ ወይም ሁለት ስንኝ ያንጎራጉሩ ነበር።
የዘፈን ቅርፅ የሌለው መሆኑ፦ ሰዎችን ሰብስቦ ማስዳመጥ፣ «ሙንሺድ» የሚባል የተለየ የሙያ ዘርፍ አለመኖሩና እራሳቸውን ለእንጉርጉሮ ስራ አለመመደብ፣ ወይም ለዚሁ ተብሎ ልዩ ፕሮግራም ማዘጋጀት በነሱ ዘንድ አልነበረም።
ሰለፎች ነሺዳን የዘወትር ልማድ የማድረግ አመለካከታቸው፦
የቀልብ ዋና ቀለብ ቁርኣን መሆኑ፦ የእነሱ የዘወትር ልማድና ቀልባቸው ለማለዘብ አዘውትሮ ቁርኣንን ማንበብ፣ አላህን ማውሳት (ዚክር) እና ሸሪዓዊ እውቀትን መቅሰም ብቻ ነበር።
በአንፃሩ ዛሬ ላይ ያሉ የዘመናዊው ነሺዳና የዘፈን መመሳሰል፦
➡️ የድምፅ መሣሪያዎችና የዲጂታል «ሳውንድ» አጠቃቀም
➡️ የዘፈኖችን ዜማና የአቀራረብ ስልት ቀጥታ መኮረጅ
➡️ የግጥሞች ይዘት ወደ ፍቅርና ስሜታዊነት ማደል
➡️ የቪዲዮ ክሊፖችና የሙንሺዶች የኮከብነት አባዜ
🔴 ከዚህ በመቀጠል ጥቂት ከሰለፎች አንደበት የተገኙ ጥቅሶችን (ኑቁላቶች) ላጋራችሁ፦
ወሰን ከማለፍ ማስጠንቀቃቸው፦ በእስልምና ሊቃውንት ዘመን (በፉቀሃዎች)
(እንደ «ተግቢር» ያሉ በድቤ የታጀቡ እና በዜማ የተዘጋጁ እንጉርጉሮዎች) ብቅ ሲሉ አበክረው ኮንነዋል።
ኢማም ሻፊዒይም (رحمة الله عليه) ደግሞ፦ «በበግዳድ ከቁርኣን የሚያዘናጋና ዚንዲቆች (መናፍቃን) የፈጠሩትን '“ተግቢር”' የሚባል ነገር ትቼ ወጣሁ» ብለዋል።
የኢማሙ አሽ–ሻፊዒ ደረሳ የሆኑት አቡ አብዲላህ(ኢማም አሕመድ) ተጠየቁ? አሕመድ ቢን ሐንበል ስለ «ተግቢር» (በዜማ ስለሚደረግ እንጉርጉሮ) ተጠይቀው፦ «አዲስ የመጣ ቢድዓ (ፈጠራ) ነው» አሉ። « የደረቀ ቀልብን ያረሰርሳል እኮ» ተብለው ሲጠየቁ፦—–ይህ ብዥታ አላህ እኛንም እነሱንም ይቅር ይበለንና አብዛኞቹ የሚያነሱት መከራከሪያ ነጥብ ነው—እሳቸውም፦ «ከነሱ ጋር አትቀማመጡ» አሉ። !!!
የሸይኹል ኢስላም ኢብኑ ተይምያህ (ረሒመሁላህ) በኢማም አሽ-ሻፊዒይ ንግግር ላይ የሰጡት አስተያየት እጅጉን ያሰደንቃል!፤ እንዲህ ብለዋል፦
«ይህ የኢማም አሽ-ሻፊዒይ የላቀ እውቀትና የእስልምና ጥልቅ ግንዛቤ የመጣ ነው፤ ምክንያቱም ቀልብ ግጥሞችንና ስንኞችን አዘውትሮ ማዳመጥ ከተለማመደና በእነሱ መዝናናትን ካበዛ፣ ቁርኣንንና አንቀጾቹን ከመስማት መሸሽና መራቅ ይፈጠርበታል።»
እንዲሁም ብለዋል፦
«ኢማም አሽ-ሻፊዒይ (ረ ዲየላሁ ዐንሁ) "ይህ በመናፍቃን የተፈጠረ ነው" ማለታቸው፣ በእስልምና መሠረቶች ላይ ጥልቅ እውቀት ያለው ኢማም ንግግር ነው፤ ምክንያቱም ይህን መሰሉን ስማዕ (ዜማ/ነሺዳ) ከመጀመሪያውኑ የመረጡትና ወደ እሱ የተጣሩት በመናፍቅነት የተጠረጠሩ ሰዎች እንጂ ሌላ አይደለም።»
ኢማም አጥ-ጠርጡሺይ (ረሒመሁላህ) «ተሕሪሙስ-ሰማዕ» በተሰኘው መጽሐፋቸው ላይ እንዲህ ብለዋል
፦
«አላህ እኛንም እነሱንም ቅኑን መንገድ ይምራንና፣ ከሙስሊም ወንድሞቻችን የሆኑ አንዱ ጭፍራ ሸይጧን ያንሸራተታቸው፣ ዘፈንን፣ መዝናኛን፣ "ጠቅጠቃን" እና "ተግቢርን" በመውደድ አእምሯቸውን ያሳታቸው መሆኑ ደርሶናል። ወደ አላህ የሚያቃርብ የዲን አካል አድርገው ያመኑበት ሲሆን፣ በሙስሊሞች ስብስብ ፊት ይፋ አድርገውታል፤ የሙእሚኖችንም መንገድ ተቃርነዋል፣ የፊቅህና የዲን ሊቃውንትንም ተፃርረዋል
።
»
በአጠቃላይ፣ ሰለፎች ነሺዳን እንደ ተቋቋመ የመዝናኛ ኢንዱስትሪ ወይም የዘወትር ልማድ አያውቁትም ነበር፤ ይልቁንም ቀልብ በቁርኣን ከመጠመድ እንዳይወጣ መጠኑን የጠበቀ አልፎ አልፎ የሚደረግ መዝናኛ ብቻ ነበር።
ይህም (ነሺዳ ማዳመጥ) ሱሰኝነት፣ ፍቅርና መዝናኛ "ለህው" ሊሆን ይችላል—አላህ ይጠብቀንና—ቀልቡም ቢሆን የዚያን የሚያፍቅረው ሙንሺድ (አዝማሪ) ድምፅ ካልሰማ በቀር አይረካም። በተለይ ሴቶች በተቃራኒ ፆታ ፈተና፣ ድምፅ በመማረክ ፈተና ውስጥ ይወድቃሉ። ልክ ዘፈን ላይ እንዳለው። የሙንሺዱ ድምፅ ከጆሮዋ ሲርቅ ነፍሷ ወደ እሱ ትጓጓለች፣ ትጠበባለች፤ ሁኔታውም ልክ እንደ ሰካራም ይሆናል።
የስነ-ልቦናው ሀኪም የሆኑት አሕመድ ቢን አብደልሐሊም—ኢብኑ ተይምያ—እንዲህ ብለዋ
ል፦
«በሚያስደስቱና በሚያወዛውዙ ድምፆች መስከር ልክ በሚያሰክሩ መጠጦች እንደ መስከር ሊሆን ይችላል፤ አላህን ከማስታወስና ከሶላት ያዘናጋቸዋል፤ ቀልቦቻቸውን የቁርኣንን ጣፋጭነት፣ ትርጉሙን መረዳትና መከተልን ይከለክላቸዋል፤ በዚህም አላህ ዘንድ "ከአላህ መንገድ ሊያሳስቱ አላስፈላጊ ወሬዎችን (ላህወል ሐዲስ) የሚገዙ" የተባሉትን ሰዎች የሚመሳሰሉ ይሆና
ሉ።»
ኢብኑል ጀውዚይ (ረሒመሁላህ) ደግሞ «ተልቢሱ ኢብሊስ» በተሰኘው መጽሐፋቸው ላይ እንዲህ ብለ
ዋል፦
«የስማዕ (የዜማ/ነሺዳ) ፍቅር የብዙዎችን ልብ ተቆጣጥሮታል፤ በመሆኑም ቁርኣንን ከማንበብ ይልቅ እሱን አስበለጡት፤ ቁርኣንን ሲቀራ የማይለዝበው ቀልባቸው እሱን ሲሰሙ ይረሰርሳል። ይህም በውስጣቸው በጥልቀት ከተቀመጠ ሸህዋ(ስሜትና) ከአሸናፊ ባህሪያቸው የተነሳ እንጂ ሌላ አይደለም፤ እነሱ ግን ከዚህ የተለየ ይመስላ
ቸዋል።»
ስለዚህ አላህ ይጠብቅህና አላስፈላጊና ዋጋ የሌላቸውን ነገሮች ተወና ወደ መልካም ሥራዎች ተጣደፍ፤ ጊዜህንም በሚጠቅምህ ነገር ላይ አውለው፤ አላህ በደነገገልህ ዒባዳዎችም ወደ እሱ ተቃረብ።
ንግግሬን በሸይኹል ኢስላም ኢብኑ ተይምያህ (ረሒመሁላህ) ድንቅ ንግግር ልቃጭ ወደድኩ፤
እንዲህ
ብለዋል፦
፦
«ባህታዊ (ዐቢዶች)፦ በውጫዊና በውስጣዊ በደነገገው ንግግርና ሥራ አላህን ከተገዙ፣ አላህ መልእክተኛውን የላከበትን የመልካም ንግግርና የጽድቅ ሥራ ጣዕም ከቀመሱ፤ ከእነዚያ ቢድዓ ከሆኑና ቁርዓን ከማዳመጥ ከሚያስወጡ እንደ "ተግቢር" እና መሰል ስማዖች—ሰዎች ከፈጠሯቸው የተለያዩ ዚክሮችና ዊርዶች—የሚያብቃቃ የጠራ መንፈሳዊ ሁኔታን፣ የላቀ ደረጃንና ታላቅ ውጤትን ያገኛሉ። እነዚህ የፈጠራ እንጉርጎሮዎችን የፈጠሩ ሰዎች አላህ ከደነገገው ነገር ላይ ያላቸው ቁርጠኝነት በመቀነሱ የተነሳ ነው አዲስ ከፈጠሯቸው ተጨማሪ የአምልኮ ዓይነቶች(ቢድዓዎች)ላይ
የተዘፈቁት።
»
ስላረዘምኩትና ምናልባትም ጠንከር ያለ አቀራረብ ከሆነ ይቅርታ እጠይቃለሁ፤ ምክንያቱም ወንድሜ ላንተ መልካምን ስለሚመኝልህ ነው።
አቡ ሑዘይፋ/ሱልጧን ከድር
Читать полностью…
የኡስታዝ ሱልጣን ኸድር የትምህርት መድረክ (official)
16 September 2026 05:43
🪶
ኢማም አን-ነወዊይ እንዲህ ይላሉ፦
«የጠዋትና የማታ አዝካሮችን ሙሉ በሙሉ ለመተግበር እድሉን (ተውፊቅን) ያገኘ ሰው፤ ይህ ከአላህ የተሰጠው ትልቅ ፀጋና ችሮታ ነው፤ ለርሱም የምስራች እንለዋለን! ሁሉንም አዝካሮች ማለት ያልቻለ (የተሳነፈ) ሰው ደግሞ ከአጫጭር አዝካሮች መካከል የፈለገውን — አንድ አዝካር እንኳ ቢሆን — አጠር አድርጎ ያድርግ (ያብቃቃዋል)!»
📚المصدر : كتاب الأذكار (١٥٧).
Читать полностью…
የኡስታዝ ሱልጣን ኸድር የትምህርት መድረክ (official)
13 September 2026 06:37
ምስጋና ለአላህ ይሁንና! የአህሉሱና ወልጀማዐህ ኩቱቦች በዐቂዳ፣ በፊቅህ እና በስነ-ምግባር (ሱሉክ) ዘርፎች በተሟላ እና በተደራጀ መልኩ ይገኛሉ፤ እነሱም ከሌሎች አህሉል አህዋእ መጻሕፍት ሁሉ የሚያብቃቁ ናቸው።
የስሜትና "የፊክር" ባለቤቶች የሚመጡ ኩቱቦችን ለመመልከት ዝም ብሎ በስሜታዊ ጉጉት ወይም በራሱ ላይ ባለው ከመጠን ያለፈ እምነት (ትዕቢት) የሚተማመን ሰው፣ በገዛ ኩራቱና ድፍረቱ ምክንያት ለፈተና ተዳርጓል።
نسأل الله السلامة والعافية!
والسلامة لا يعدلها شيء.
Читать полностью…
የኡስታዝ ሱልጣን ኸድር የትምህርት መድረክ (official)
13 September 2026 05:26
ኢላሂ! ከ አንተ ሌላ ወደ ማንኛውም ፍጡር አታስጠጋን፤ በ አንተ የጠነከርን፣ በ አንተም ከዓለማት ሁሉ የተብቃቃን አድርገን።
ኣሚን!
Читать полностью…
የኡስታዝ ሱልጣን ኸድር የትምህርት መድረክ (official)
12 September 2026 07:19
🔸ሸይኽ ዑሰይሚን(ረሂመሁላህ) እንዲህ ብለዋል፦
"እኛ የምንለው ፦
ሰለፍ ማለት አህሉ ሱና ማለት ነው፣ የአህሉ ሱና መገለጫ ከነሱ ውጭ ለማንም አይሆንም።በጭራሽ!
"አህሉ ሱና ወልጀማኣ ሲባል (ሰለፍዬች፣አሽኣሪዬች እና ማቱሪዲዮች ናቸው።" የሚል ተሳስቷል።
ይህ ስሕተት ነው!!
ሁሉም አህሉ ሱናህ ሊባሉ ይችላልን?
ከሐቅ በኋላ ጥመት እንጂ ሌላ የለም።
አንዱ ሌላኛው ላይ ምላሽ እየሰጠ እንዴት ሆኖ ሁሉም አሕሉ ሱና ሊሆኑ ይችላሉ?
ይህ ሊሆን ፈፅሞ አይቻልም፣ምናልባት ሁለት ተቃራኒ ነገሮችን በአንድ ላይ ማሰባሰብ ከተቻለ እንጂ!!
ከነዚህ አንጃዎች አንዱ ብቻ ነው አህሉ ሱና ሊሆን የሚችለው።
እሱ ማነው?
አሽኣሪያ?
ወይስ ማቱሪዲያ?
ወይስ ሰለፊያ?
ሱናን የገጠመ እርሱ አሕሉ ሱና ነው፣ሱናን የተፃረረ እርሱ አሕሉል ቢድዓ ነው።
እኛ የምንለው ፦
ሰለፍ ማለት አህሉ ሱና ማለት ነው ከሰለፊዮች ውጭ የአህሉ ሱና መገለጫ ከነሱ ውጭ ለማንም አይሆንም።በጭራሽ!"
【"ሸርሑ ዐቂደቱ አልዋሲጢያ"(1/33_34)】
(የመክተበቱ ጠበሪያ ህትመት አንደኛ ዕትም)
/channel/sultan_54
Читать полностью…
14074