8613
《 القناة الرسمية للشاعر تحسين الخفاجي 》 خادم الأمام الحسين ( عليه السلام ) للإشتراك ⬇ https://telegram.me/Tahssen1996 للتواصل ⬇ مدير القناة ملا داود الكربلائي @dk1996
جف صاحب الزمان الرادود عمار الكناني
https://youtube.com/watch?v=_D-gqPNJZvE&feature=share
كتبت اعله الصخر قصه عذابي
ورسمت اول جرح ضيع شبابي
علي راح امن اديه
وشفت عكبه المنيه
انه الحسين
***
هاي اول مره اشعر صدري مخنوك
اشتم اشلون الهوه وحسيته مبيوك
اهواي خدي من الدمع يا ناس محروك
ابشط امن السيف جانت ذبحة الشوك
اخذ روحي ورحل وشتد حنيني
علي راح وبعد ماظن يجيني
كبل نفطر سويه
شفت عكبه المنيه
انه الحسين
***
جان حيدر دوم ينشد عالمساكين
انه ما شايف امير وينكل اطحين
وين تلكه من علي بهذا الزمن وين
كل يتيم اكباله جان ايشوفه الحسين
مثل حيدر جذب ماكو خليفه
امير وجان يكعد بالصريفه
جبير وعالي فيه
شفت عكبه المنيه
انه الحسين
**
علي قنبر صاحبه مو خادمه جان
ويقنع بفردت تمر وينام جوعان
علي جان وياليتيم ايكظي رمضان
كله بالدنيه جذب بس حيدر انسان
لان صاحب بخت ما يعرف ايميل
لذالك جاب نار وجوه عقيل
يدافع عن قضيه
شفت عكبه المنيه
انه الحسين
*****
يختلف يا ناس حته بدكت الباب
علي كلهم جانو يسمونه ابو تراب
اليوم تبجي الدنيه لجله وزاد المصاب
اهلال عيد الفقره من وجه السمه غاب
تصيح بصوت هليله اليتامه
علي عكبه عله الدنيه السلامه
وبو جفوف السخيه
شفت عكبه المنيه
انه الحسين
***
علي بويه تصيح زينب من كلبها
تلتفت بالدار والدمعه تصبها
ضلت بلياك ما تندل دربها
والزمان اعله البجي عكبك غصبها
شتجاوب يا علي لو ناشدوها
بحزن تكظي عمرها المات ابوها
وصعب فكده عليه
شفت عكبه المنيه
انه الحسين
*****
اليوم انوح بغربتي وتدروني مفجوع
اليوم مني بكربله جن راسي مكطوع
راح واليرحل بعد مترجعه الدموع
انه ما شفت الفرح وعليه ممنوع
تجيني كربله لمن يسافر
ويناس يروح صدري بالحوافر
احس بالغاضريه
شفت عكبه المنيه
انه الحسين
****
تمت
تحسين الخفاجي
احنه خدام ونرفع الهام
ويا علي نصيح طول الايام
****
علي عنوان الكرامه ويسري ويه دمانه
احنه ما ننسه الصميده وهوه ما ينسانه
علي ميثاق العداله وعالوفه ربانه
علي لجل الدين ضحه وثبتاها اركانه
راية الدين بيد ابو حسين
وحطماها بجف الاصنام
******
احنه خدام ابو الحمله وللمنيه نعاهد
ويا علي قائدنه انته وماكو غيرك قائد
بالخدامه وفقتنه ودللتنه وزايد
واحنه ما نترك خدمتك جينه ليك نعاهد
واليخدمون ما يتعبون
والمجالس تبقه كل عام
****
علي انته الدنيه كلها واليعوفك يخسر
واحنه واحدنه بخدمتك مثل جون وقنبر
احنه نقسم ما نعوفك لحد كطع المنحر
وصرخة الاحرار تبقه بكل زمن تتكرر
لجل ابو اتراب نفدي الاركاب
والوفه اليوم صعبه ينسام
*****
يا علي انته فخرنه وبسمك تباهينه
نحيه ونموت اعله دربك تدري يا والينه
سيدي بيوم القيامه رايح تنجينه
وعالسراط انته يحيدر باجر تمشينه
كلنه بحماك يا علي اهناك
وتشفع النه يبن الاكرام
*****
احنه من نخدم يحيدر نخدم اعله النيه
ويا علي هاي المجالس قمة الروحيه
اسود اتعلمنه نلبس واللطم يوميه
ويا علي تعشك لطمنه حته الحسينيه
وهالعزائات يعني ثورات
والها يراد شدت احزام
******
انته سر الله ونبيه وانته خيمة جفوفك
ونقسم بنور الولايه يا علي منعوفك
من تضيك الدنيه بينه وننتخي بحروفك
اول الناس انته تحضر يا ولينه نشوفك
وانته مولاي امجرب اهواي
ومن نذكرك ننسه الالام
*******
تمت
تحسين الخفاجي
لحن حمزه سدو الماي الماي
لا تظن يوم انساك يالرحت عني
انه زينب يا علي. اعليه يصعب فركاك. يالرحت عني
***
بويه دلالي انفطر. والدمع همال. ما حاجيني
ذبل جفني امن السهر. والمعاتب طال. وناري تجويني
انته بالشده ضفر وحلمي والامال. وشمعة اسنيني
سالت العين العين. وطول ونيني
يا علي شصبر بعد. ونهدم بيت السعد
بويه كلبي ناداك. يالرحت عني
****
لا تودعني صحت. والفكر محتار يا عمد بيتي
كمت جم مره وطحت. اشبيها ضل الدار خابت امنيتي
وحدي بالباب اكعدت. ونشد اعله الصار. شوف حنيتي
بين براسي الشيب. وهمي كاتلني
ليش فركنه الدهر. ضهري يابويه نكسر
لا تفاركنه ارجاك يالرحت عني
**
كلي شيظمد الجرح. يا حلم دنياي مو وكت فركه
جفوفي يا وجه الصبح. هالمسيه اهواي. احتاجت الملكه
الدنيه ما بيها ربح. وانته تدري بهاي اعتب بحركه
عكبك انهد الحيل. ونعمن ذني
من تسافر يا علي
بعد جا ياهو الآلي
وصاب كلبي الصاباك. يالرحت عني
**
امشي واعثر بالجدم. واليتامه تنوح. الفركه تاذيها
الفقره حست باليتم وياهو من تروح. يمسح عليها
انته حلمي والحلم. حوليته جروح. وروحي ما بيها
جلجل الليل الليل. وهنه مرني
والمصايب من تمر. بويه تعصرني عصر
راحت الضحكه وياك. يالرحت عني
***
تدري كلبي يا علي. انكطع سباحه. شاهد الطبره
اقره صرت بمنزلي. طور النياحه. حيل منكسره
همي ما ظن ينجلي. راحت الراحه. والعمر فتره
بعدك انه الأيام. ما يرحمني
اشلون بيه بكربله
من احير بعايله
بحبل تجتفني اعداك. يالرحت عني
**
تمت
تحسين الخفاجي
شوكي شوكي شوكي ما ينوصف يالغالي
*****
عالفطره أنه هويتك
وبروحي عايش لكيتك
جم واحد أنه نسيته
بس انته ابد ما نسيتك
يلي اسمك أحله الاسامي
كل ساع يكثر غرامي
غير الحسن ما ابايع
راح اقتصرلك كلامي
يالحسن هاي الليله ميلادك
وعالناس هلت سيدي اعيادك
بارينه أمام اعله الخلك رادك
انته انته انته. حبك سكن دلالي
***
ها يبو دلال الجبيره
روحي بهواك انه اسيره
يالحسن كالو سفرتك
أمن اتمدها تشبع عشيره
بالخير عامر مضيفك
وتتلكه دوم اليضفك
انته الكرم من صفاتك
وكلها كلت من رغيفك
يابو الهله الما يطفن ادلالك
الجوعان يشبع لو تعنالك
الشاعر يزيده فخر يقرالك
يبقه يبقه يبقه والله مقامك عالي
******
للناس كلبك فتحته
وبابك يبو الغيره شلته
ياشيخ مثلك حبيبي
ياكل الطير بسفرته
ما تغفه عينك ثواني
بعيونك انته الأماني
وللضيف يبن الاكارم
بيدك تصب الصواني
واشلون وي حاتم يقيسونك
وانته العرب تحلف بماعونك
شيخ انته وابن شيوخ يدرونك
عشكي عشكي عشكي. صرت وهمت للتالي
*****
تدري انته كلبي يريدك
ويالغالي هليله عيدك
خادم الك يا رجائي
وأمري صبح تدري بيدك
يالحبك اشلون افسره
أنه احمد الله وشكره
خادم جعلني اعله بابك
واتمنى تنضرلي نضره
يالحسن حبك ساكن بروحي
ومن اذكر اسمك يشفن جروحي
هذا العشك اجمل غزل يوحي
وأنه أنه أنه. بعشكك صحت هنيالي
*****
تمت
تحسين الخفاجي
هليله رحل ياشيعه واليكم
راح الجان بجفوفه يغطيكم
الكاظم مات فزعو كل اهليكم
هوسه
عالجسر مطروحه. وهاي اجنازته
**--
شيلوها الجنازه بساع شيلوها
وجنازت الكاظم لا تخلوها
كون امن البواجي العين تعموها
هوستين
كلفه الفاتحة وتريد وكافه
وثكيله الفاتحه وتريد اهاليها
***
مختنكه السمه والكاع مختنكه
شال الشيخ عنه وزادت الحركه
يالكاظم ابد ما نحمل الفركه
هوسه
وكل حيل ما بينه. يالكاظم بعد
****
بهداي النعش لمن تشبعونه
تره جرحه غميج ولا تلجمونه
الكاظم يا خلك بيمن يطلبونه
هوسه
وصاحت الساده خلونه نشيعه
*-----*
ومن تنزلونه بهداي وينعشه
والشال الجنازه الدنيه شالاها
ويالرضا الليله الله يعين كلبك
***----
الشاعر
تحسين الخفاجي
الكاظم وحيد بغربته
ياشيعه شيلو اجنازته
وخلونه نحضر دفنته
واويلاه. يا سيدي
**
اجنازة موسى ابن جعفر. فوك الجسر جابوها
والناعي يصيح بصوت. يا شيعه تلكوها
كون امن البواجي العين. عالمسموم تعموها
سوو اعلي حداد اليوم. والرايات علكوها
نعش الغريب اعله الجسر
والناس كلها تنتظر
كسرت ضهرنه مصيبته
خلونه نحضر دفنته
**
بطامورة ابن سندي. بالكوه الهوه ايشمه
شاف اشكال بالتعذيب. واهوايه نحل جسمه
الموعد كال بالجمعه. وكل الناس ملتمه
الكاظم مات ياشيعه. ومحد من هله يمه
واويلي عالبلسم كظه
شيعو امام الرافضه
اتحير طبيبه بعلته
خلونه نحضر دفنته
***
لازم نلطم اعله الراس والدمعات نجريها
وحشه الكاظميه اليوم. وتون كل أهاليها
يا ناس الجنازه اشلون مطروحه نخليها
واجب نحضر التشيع. والزهره نواسيها
حته السجن كلبه انكسر
ولمصيبته ناح الصخر
والجسر نسمع ونته
****
شالوها اربع احماميل. يا شيعه جنازتكم
وينادي المنادي بصوت. منكم راح هيبتكم
لجل الكاظم المسموم. خل تهل مدامعكم
امشو نعاون الجناز. كل بغداد نادتكم
زوره ملهوفه اعتنت
وتشيع الكاظم اجت
وطوف كلها بحضرته
خلونه نحضر دفنته
*****
هذا اول سجين نشوف. يكسر كلب سجانه
والمسموم من شالو. اوياه شالت الزنزانه
من طبع اليريد ايموت. تحضر يمه خوانه
بس الكاظم المظلوم. ضل الوحده هنانه
ذبحت ركبته الجامعه
هاي اشعظمها الفاجعه
بالكلب تسعر جمرته
خلونه نحضر دفنته
*****
تمت
تحسين الخفاجي
نعي الى الأمام علي عليها السلام
****
ذهب زينب الى حجرة امير المؤمنين وهي تقول
كالولي بويه امصوب الهام
ويمك تون وتنوح الأيتام
تحرمني منك ليش الأيام
واشلون تغمض عيني وتنام
اريدن بيدي اشد جرحك وداويك
وشوف اليوم بويه اشبيك ما بيك
وترد تمشي اعله اطولك وانه اناديك
ويم الباب ارد اكعد وتانيك
عذبني زماني وحيراني
ومن اهل المحنه يتماني
وره الجناز ناديت بحناني
اريد ابجي اعله بويه الدللاني
انه زينب ودمعي اهواي عدله
ولا مره مشت وياي عدله
بعد ساعه ودليلي يموت عدله
وعلي امن تروح اشوف انه المنيه
جبل حسرات فوكي الدهر صاباه
وسمعت الخبر وتعنيت صاباه صوبه
ابن ملجم اشلون الراس صاباه
انكسر كلبي ودوت نيران بيه
صلب كلبي وابد للضيم مالان
وما يوم الدموع اعليك مالان ملن
يبويه امتوني من فركاك مالن
نحت والطير حن كلبه عليه
الشاعر
تحسين الخفاجي
نعي الى الأمام علي عليها السلام
****
نفطر سوه برمضان جنه
عافوني ليش اهل المحنه
للمكبره امحملين اهلنه
وكلبي انكطع سباح منه
باجر يبويه يجبل العيد
والناس كلها اتعيد اتريد
اصفك بكيت الايد بالايد
وشيفيد بويه العتب شفيد
باجر تروح ويظلم البيت
وتاخذني المنيه وياك ياربت
انه زينب يبويه بصوت ناديت
ومثل ونت الدوح اعليك ونيت
انه ويالحزن ما كطع وداي
وعلي بويه اموت اوياك وداي
انه اويالمصايب صرت وداي
تعال وشوف وكتي اشعمل بيه
دمع العين اصبه اعليك وجره
ويبويه اكلوبنه امن الضيم وجره
مصابك ما سده اعله انسان وجره
كلف جرحك يحماي الحميه
تحن روحي وعله الطيبين ولها
وبعد بيمن اصبر الكلب ولها
جرت من دم دموعي اعليك ولها
عتب وتكول ما مروش بيه
**
الشاعر
تحسين الخفاجي
ما عوفك ما عوفك يا قبلتي
***
نبض بيك دليلي وصرتلي خليلي واذا طيح تجيلي حيدر يحيدر
تراني هويتك وابد ما نسيتك عشكتك وجيتك حيدر يحيدر
ما عوفك وواليك واقسم بالزجيه
وصرخ عاليعاديك صرخه رافضيه
بس انته حبيبي كاتب بالهويه
والما يهوه حيدر ما حسبه عليه
واليتك واليتك يا غايتي
***
سحرني غرامك جذبني هيامك احبن كلامك حيدر يحيدر
لكيتك مناره وحروفك زياره وتدلي الحياره حيدر يحيدر
مجنونك يحيدر وتباها بجنوني
والبيه يلومون عنك ما لهوني
ماضي انه اعله دربك مهما حاربوني
وبسمك دوم انادي اهلي عالموني
كلبي انته كلبي انته وكل دنيتي
***
يروحي وحياتي وسفينة نجاتي يصومي وصلاتي حيدر يحيدر
شعوري خذاني الجمالك دعاني وعشكتك تراني حيدر يحيدر
بايعتك بالاصلاب يابحر السعاده
وانته كبل الاسلام اديت العباده
يا حيدر شفت بيك الحب والاراده
يالمحد يضاهيك بزمام القياده
حبيتك حبيتك يا سلوتي
***
يوالي اليتامه يعشكي وهيامه احبها الخدامه حيدر يحيدر
يمحله خدمتك بالشواك كتبتك ويبو حسين ندبتك حيدر يحيدر
اخدم والمجالس صارتلي قدوتي
ومن الطم يكرار تعرفها لطمتي
اصرخ يا علي بصوت اقبلها خدمتي
وانه اعرف حبيبي اتسجلها وكفتي
تعرفني تعرفني من صرختي
****
علي انته اميري يشيخي وجبيري يرزقي ويخيري حيدر يحيدر
المواقف تعرفك شلتها اعله جتفك احيرن شوصفك حيدر يحيدر
بيدك من تأشر شمس الله تردها
ياليث الحرايب انته الحومه اسدها
اشكد داخل فتوحات ومحقق مجدها
خيبر والزلم ذيج يمك ما نعدها
ناديتك ناديتك من لهفتي
**
تمت
تحسين الخفاجي
اكصير حيدر جذب الكالاها
اشلون جا بيده السمه لاحاها
علي علي يا امام الاوصياء
*******
قاهر الاحزاب بالخندق علي
وحجه الله بالارض هوه علي
علي حته بشدتك تنخه علي
الجنه لو مو هوه تيهناها
*****
اتزيح كل همي امن اذكرك يا علي
امي باول طلكه صاحت يا علي
الصوج صوج امه اليكرهك يا علي
وصرخة الاحرار رددناها
*******
من اطب صحنك اموت امن البرد
خالي بالضيج اليندبك ما يرد
لايذ بشباجك وللباب اصد
والمنايه بحبك اشمحلاها
*****
علي انته المنتقم وانته الرحيم
وبيك نعبر عالسراط المستقيم
انته شقيت البحر موش الكليم
والعصا ثعبان من سواها
*****
علي هوه الساقي والحبل المتين
وقاتل الفجار والفتح المبين
علي بالمحشر شفيع المذنبين
بصوت حيدر ربنه كلم طه
*****
علي خلص يونس بذاك الزمان
وقصة الطوفان حاضر بيها جان
علي وصل يوسف البر الامان
والنبي ابراهيم ناره اطفاها
******
علي القاهر علي الراهب والكتاب
وبالحرب معروف اذه اشتد الضراب
سوه خيبر كنطره وكص الركاب
بسيفه جندل مرحب وبجاها
******
اعلم الاموات والاحياء علي
ويرجف الجن لو جبت طاري علي
الدنيه من اتميل يعدلها علي
وعلي بجفوفه الشمس رداها
*******
تمت
تحسين الخفاجي
💥جديد
❤️ | #نور الاقمار| ❤️
أداء | عباس السعيدي
كلمات الشاعر |
تحسين الخفاجي
توزيع |
سيد ميلاد الموسوي
الهندسة صوتية
علي السعيدي
تصوير ومونتاج |
عباس اللامي
https://youtu.be/7Z8ZgZtzmLE
✅ لا تنسَ الاشتراك في القناة و تفعيل جرس 🔔 الإشعارات ليصلك كل جديد لنا
مولاي السلطان مكلماً اباه الكاظم ع
بقيت اعله الجسر وحدك يغالي
ولاكن مابقيت اتلث ليالي
واويلاه واويلاه
بالسلاسل مثل جدنا وبالشمس باقي رميه
ارتاح بوية الموت راحة للخذو منه سبيه
شاب بعدك ياحسافه اخذتك مني المنيه
مسموم اتناطر فزعة من الخوان
وزينب هم تانت من جوها العدوان
وجسم حسين اموذر بالطف عريان
وفوكة الخيل تسحك ماتبالي
ولاكن مابقيت اتلث ليالي
الرضا بوية انا واريدك وين رايح هالمسيه
مو قليل البينه صاير لجن ماعدنه رقيه
بالنعش مشيول بوية مااجتك اعوجيه
ماضل واگف فوگك بوية الجتال
رغم السم بس سالم نعشك ينشال
ابصدرك ماضل يسحك ذاك الخيال
صوت اضلوعه جدنه هواي عالي
ولاكن مابقيت اتلث ليالي
ماكو واحد مر عليه وشاله احجارة ورماني
موقف انا اتذكريته هدني يابوية وعماني
بيوم عالتل عمتي نادت فزعو ياهاشم سباني
زينب طلعت بوية اتحامي النسوان
واطفي الماخوذة ابذيج النيران
خل نلطم حركو فوكاها الصيوان
طلعت من خدرها عمتي تالي
ولاكن مابقيت اتلث ليالي
اعله الجسر ضليت بوية مو مثل قصة سبيها
ديرة تشمرها اعله ديرة وضلت تشاكف بديها
حجار وسياط ال اميه وعينهم صارت عليها
طبت ديوان وغربة اهواي الناس
المن يمها ماطالع صوت الانفاس
طلعت ونشافت من طاح العباس
دمعاتك على زينب تلالي
ولاكن مابقيت اتلث ليالي
ماعفتلي غير عِمه ودمعه ونياح ومصيبة
المهدي يورثهن اخلافي باجر ويعله نحيبة
يظهر ودمعاته حمرة وياخذ ابثار الغريبة
ينبش كبر الحركو دار ام حسين
ويصلبهم ويرجع حق اهل الدين
ويطلب ثار الكطعو منه الجفين
كمر مهدينه ويتمم هلالي
ولاكن مابقيت اتلث ليالي
عباس حسن الحلفي