8613
《 القناة الرسمية للشاعر تحسين الخفاجي 》 خادم الأمام الحسين ( عليه السلام ) للإشتراك ⬇ https://telegram.me/Tahssen1996 للتواصل ⬇ مدير القناة ملا داود الكربلائي @dk1996
ميمر للجواد
لو عكست الدنيه وياك. الكبر الجواد اتعنه
****
هذا الكريم الما يرد خطاره
محد اجه وما بشراه ببشاره
صبح ومسيه ايرحب بزواره
للحضره لو بس طبيت جنك تطب للجنه
****
خل يكصد الكبره اليطيح بشده
والصفه كلبه ونيته حاشه يرده
باب المراد امراد اخذ من عنده
جم مره زرته وصليت. وما خيباها الضنه
***
وين الصعب مرضه وعجز دكتوره
خل يعتني الكبر الجواد ايزوره
والصيدليه كبته المشهوره
اكبر طبيب ابغداد. واسأل الوادم عنه
*****
عندي يقين بسيد الحنيه
ايشافي المريض ويرزق الذريه
وكبته يا ناس بذهب مطليه
والعنده متصير اطفال. خل يمشي يطلب منه
****
هذا الجواد وكلها تحجي بجوده
وبالكاظميه سفرته ممدوده
وكت الشدايد وكفته مشهوده
وكل عاشك اعله الشباج. يشبك عمر يتمنه
**
باب المراد ويفرح بخدامه
وحي الله صاح المهدي باللطامه
احيو يشيعه بالدموع ايامه
لمصيبته نبجي اليوم. ونجذب بكبره الونه
***
تمت
تحسين الخفاجي
يم كبر الجواد بلهفه ودوني
اطوفه والزم الشباج خلوني
******
اباوع للضريح وعيني سجابه
ورتاح اشكثر من اكعد ابابه
صدري ينشرح من ادخل اعتابه
من راعي الكرم ما تشبع عيوني
******
لو شفت المناير كلبي ليش ايرف
ومثل الخايف اعله الحضره اكوم ارجف
من هذا العشك ما راح اتوب احلف
والعذال خليهم يلوموني
*******
خادم للجواد وماضي بالخدمه
وما يرتاح كلبي والله بس يمه
صحت مولاي لا تحرمني هالنعمه
خادمكم وريدنكم توفقوني
*****
من ابجي بضريحه وادعي يوميه
احسن ماي بارد ينزل اعليه
ابو الهادي نخيته وصافيه النيه
واعرفنه ابد ميخيب ضنوني
********
ماعوفه صحت للموت ماعوفه
شفت حته الحمام بلهفته ايطوفه
ومن ابعد مكان ايحيي بضيوفه
من ابحبه انجن لا تلوموني
********
من كل البقاع الوادم تزوره
وبغداد يسطع عالخلك نوره
خلوني اقرب الهم الصوره
عن هذا الدرب ما ميل يدروني
*******
اكصد للجواد واخذ امرادي
فاتح بابه للمحتاج ابو الهادي
طوف بمرقده وبدمعتك نادي
وكله اوياك ابقه وما يبعدوني
*****
تمت
تحسين الخفاجي
https://m.youtube.com/watch?v=PlsazneUP7w&feature=youtu.be
Читать полностью…
بدولة الخدام كلها محزمه
والمجالس هاي اكبر عاصمه
***
احنه ما بعنه العقيده والمبادء والقيم
وهذا اكبر شرف النه الجعفر الصادق خدم
صرخة الخدام تبقه وبالسمه ايرف العلم
احنه من اجل الولايه اهواي والله انطينه دم
وللعزاء تدرون كلشي انقدمه
والمجالس هاي اكبر عاصمه
*******
اباب كل مجلس يشيعه ابو صالح ينتظر
الخادم المهدي يسجله وبحضوره يفتخر
بمجلسه اليجريله دمعه اشكد ايحصل اجر
وميثم التمار صوته يبقه يدوي بكل عصر
جعفر الصادق شرف من نخدمه
والمجالس هاي اكبر عاصمه
*****
هالمجالس اسستها بت علي وما تنكطع
وكل سنه بشوال شفنه صرخة الحق ترتفع
احنه من نلطم يعالم عالصدر نترك طبع
احله شي وكت المآتم بالعزاء من تنفجع
بجمعة الخدام تفرح فاطمه
والمجالس هاي اكبر عاصمه
******
باجر انعلي المناره ونرفع الرايه بقين
ومن ضريح الصادق انطب يم ضريح ام البنين
باجر تصير الزياره اشلون يوم الاربعين
وعالدرب كل المواكب والخدم متحزمين
وللبقيع انصار باجر قادمه
والمجالس هاي اكبر عاصمه
****
جعفر الصادق املنه وهوه سلطان العشك
مجلس الصادق يشيعه ايريد واحد محترك
هوه قران المحبه والكلب بسمه يدك
شفنه هاي الدنيه جذبه ودربه يا ناس الصدك
واليتبعه اينول راح الغانمه
والمجالس هاي اكبر عاصمه
****
تمت
تحسين الخفاجي
باجر الصادق نشيد مرقده
والعهد برض البقيع انجدده
****
اليوم كل شيعي بدمه المنحر كتب
لازم انشيد كببهم من ذهب
ما يفرقنه الذي هبه ودب
الموت لو عاندنه اله انعانده
***
عالمنابر صوتنه ايضل يعتلي
وغير حيدر احنه ما عدنه ولي
رافضيه وما نبايع بس علي
غصبن اعله اهل السقيفه الحاقده
****
باجر انشاهد مناره الفاطمه
يشع منها النور ويضوي السمه
وبكبرها حسين ننصب مأتمه
وبصحنها مستهلنه انردده
*****
صحنه صيحه وبيها رددنه بيقين
باجر انشيد ضريح ام البنين
ونعتنيها افواج ونطوف بحنين
انصيح هاي ام البنين الفاكده
******
يمته يم الباقر انداوي الجروح
لازم انحقق اهناك اكبر طموح
يجي يوم وكلنه مشايه نروح
والمواكب تزحف من ابعد مده
******
والله عالحاجب ابد ما تعله عين
احنه شيعه وبالعهد متمسكين
يجي يوم نزور زين العابدين
ونكض شباجه ودمعنه ايناشده
******
باجر ايثور الامام المنتظر
ويستلمها الرايه من عمه الكمر
ولآل اميه ما يخلي كل اثر
جنه راعي الثار كرب موعده
*******
يمته يتحقق حلمنه الكل يكول
وينفتح باب الفرج والهم يزول
كلها مشتاكه تشم قبر الرسول
هيج ويدور الزمان ونكصده
******
تمت
تحسين الخفاجي
كلشي يموت من تغمض عيونك
عالتربان مطروح ايخلونك
تلث تيام بلا تجفين يوم امصابك مثل حسين
يالجواد يالجواد
*****
ما دريت ايطول نوحي وجرحك ايخضر مصايب
هنه كلهن يوجعني وعالزمن ماريد اعاتب
هذا حال الدنيه بعدك ينسي الماله حبايب
عالسطح مطروح جسمك مثل جدك عالترايب
يومك صار يشبه يوم العاشر
اليفرق جان ما مسحوك بحافر
بدلالك تسعر نارين يوم امصابك مثل حسين
*******
يالجواد عيوني تدمع وكلبي ما يبرد لهيبه
حسين كطعو راسه بالطف وبين العباس شيبه
جدك المرضوض صدره جثته ضلت غريبه
تدري جسم حسين عاري وشيبته بالدم خضيبه
ليش الخيل ماخذته وجايبته
بصعب حال وكلبه ايحن اعله اخته
ضل الزينب يربي العين يوم امصابك مثل حسين
********
ها يكلبي اشلون تصبر والاودهم فاركوني
حيرت اليفكد جبيره وانه كلهم ودعوني
من يجيني الليل اكعد ابجي دم عالما يجوني
المهدي انه وراسي شيب والحبايب شو جفوني
انته وياي عايش تدري امصابك
كل ما زور اوكف وبجي ابابك
كلها الغايب تسال وين يوم امصابك مثل حسين
*****
انته يمك ناس حضرت عالاقل كلبك تجبره
حسين مامش ناس عنده وذبحو اوليده اعله صدره
والشمر لازم لحيته وحيل عالهامه يطبره
امن السحك والخيل تدري والله راح حسين ضهره
لمن طاح بحجار ايرامونه
ومن الماي جا ليش ايحرمونه
عن المصرع ابدي امنين يوم امصابك مثل حسين
*******
الليله مكسوره الخواطر ورادت امتون الجنازه
عالدرب مطروح نعشك وعازت الخوان عازه
يالجواد الهادي ناده وعالجفن دمعه توازه
والجرح لو راح غالي بالكلب يشغل حيازه
يالمسموم ناح الهادي الفكدك
ومن شالك ون وتذكر جدك
والهادي اتعذب مرتين يوم امصابك مثل حسين
*****
ناحت الاملاك كلها والسمه وحشه شفتها
والكواكب تنعه لجلك والمساجد يتمتها
واليتامه والارامل تنحب ابابك عفتها
من رحت يابو المحنه اوياك جم روح الخذتها
ملك الموت حار بقبضة روحك
والكل صاح ما تنعد اجروحك
حزنك بيه وعشته اسنين يوم امصابك مثل حسين
********
تمت
تحسين الخفاجي
https://youtube.com/watch?v=fla5DaMKjj8&feature=share
Читать полностью…
لحسين دارت عينك
وعالنار الله ايعينك
تتراكض ومحتار
بدارك شبت النار
وعالنار الله ايعينك
*****
الليله يالصادق. هاجت الامك
اتذكريت اشلون. حركو اخيامك
تصرخ الاطفال. كلها كدامك
وانته متحير. بحالة ايتامك
اعيالك ما سلبوها
وبالصوط ما ضربوها
تنحب ازغار اكبار
بدارك شبت النار
وعالنار الله ايعينك
*****
عمتك زينب. الهظم ماذيها
تدري يالصادق. بالجره اعليها
وياها ذيج النار. من يطفيها
ضلت امن الصوط. تشكف بديها
السجاد ينهد حيله
امن ايشوف وضع العيله
ضل ايهل العبار
بدارك شبت النار
وعالنار الله ايعينك
***
عالترب جدك. يجري دم نحره
الخيل بالعاشر. رضرضت صدره
سلبو اهدومه. وحاير بأمره
والسهم طالع. تدري من ضهره
عالكاع ينزف دمه
وزينب تنحب يمه
عاري والرمل حار
بدارك شبت النار
****
دمعتك مولاي. عالخد اتهلها
وزينب انهظمت. عكب كافلها
طايح العباس. ما يرد الها
وبعد بت حيدر. بالعمر شلها
الاطفال تنطر جوده
وعباس يشبه عوده
هجمت عكبه الأشرار
بدارك شبت النار
وعالنار الله ايعينك
**
انته عندك ماي. اطفي بي مولاي
لجن بالعاشر. ماكو كطرت ماي
حكه الليله. من تتهيه الراي
سبي عماتك. تعباك اهواي
جرحك يدي اصوابه
وحسين ياذي اصوابه
ياحيف الزمن جار
بدارك شبت النار
وعالنار الله ايعينك
*****
تمت
تحسين الخفاجي
لحن حمزه الزغير
سدو الماي الماي
شيعو نعش الوفاي لا تخلونه
بعده ما طاب الجرح وفجعو الشيعه بهاي
***
اليوم امام الرافضه. غمض عيونه وفارك احبابه
ويلي عالبلسم كضه. وعاليودعونه. يصعب اغيابه
هذا شبل المرتضى. وبينه تدرونه. يلهب اصوابه
امصيبته تهد الحيل. يالتغسلونه
الكاظم الليله انفجع. والأمل منه انكطع
بحسرته ايدير الماي
*****
بفركته كلها تون. والدمع مدرار. راح هيبتنه
جلجل اعلينه الحزن. وبالدليل النار. غربه غربتنه
انشال نعشه اعله المتن. وبفكر محتار تجري دمعتنه
جعفر الصادق راح. يالتودعونه
ونفطر كلب السمه. راح ابن حامي الحمه
وناحت الزهره اهواي. يالتشيعونه
*****
هذا مدرسة الصبر. وكل علوم الدين. شفنه شايلها
الشيعته باجر ذخر. بدربه متمسكين. نادته كلها
والمذاهب تفتخر. بعلمه ضي العين. الميله يعدلها
نوره يسطع عالكون. ما يحجبونه
اسس اعظم مدرسه. بعلمه محد نافسه
يصلح العالم جاي. يالتشيعونه
*****
الليله واليكم رحل. والكبر ظماه. وسالت الدمعه
اشلون وافاه الأجل. من بعد عيناه. ضاكت الوسعه
يم كبر خير العمل. بالحزن والآه. نعلك الشمعه
الشوفته تحن الروح. يالتزورونه
والله تكتل فركته واشعظمها امصيبته
عدنه ماظل كل راي
***
ناره ما تطفه ابد. بالكلب تسعر. صعب هجرانه
ياجرح يضمد بعد. كمنه نتحسر. وكلها حزنانه
ننحب وطير السعد. بالسمه اتاثر. وناح ويانه
تنكسر راح كلوب. من يدفنونه
ضاع عالشيعه الهوه. والخد بدمعه نجوه
ويه نعشه بهداي
**
تمت
تحسين الخفاجي
يروحون ليش احبابي من عندي يروحون
انه المهدي صرت وحدي
****
عفت الاحباب جوه التراب فاركوني والدمع بلل لحيتي
اصبر اشلون اهنا يالعيون ما الومج لو عله احبابي بجيتي
براحه الناس كلها اتنام وانه الليل ما نمته
ودعت الفرح تدرون وانه زغير ودعته
بالكبور كلهم نامو اعزازي بالكبور
بونيني احدي صرت وحدي
*****
ابجي كل يوم من الهموم واليفارك اهله يا ناس اشيصبره
بيه كل عام اتزيد الالام اشلون صحت الصادق ايهدمون كبره
جا يمته البقيع ابني وشيدها مراقدهم
ياخذني الهوه واشتاك ليهم والكلب عدهم
عليهم هذا الشيب البراسي عليهم
كرب وعدي صرت وحدي
******
اهواي متعوب امشي يا صوب عايش بديرة حزن كلها متاعب
وجهي ذبلان وجسمي نحلان وراسي ابيض صار من كثر المصايب
حدب ضهري مثل اهلال وامشي اعله الجرح كوه
كل يوم اسكن الصحره وحيد وبلوتي بلوه
جفوني اهواي احباب عافوني وجفوني
وحك جدي صرت وحدي
*******
اعتب اهواي وتجري عيناي ليش قله بهل الزمن يدعون اليه
امنيتي الكه اعليه حركه انه رايد ناس ملجومه عليه
اعجل بالفرج يردون ومحد تاب من ذنبه
افرح من اشوفن شاب يقره بدمعته الندبه
احبكم انه اهواي تدروني احبكم
الزمن ضدي صرت وحدي
******
كوه صابر بصدري حافر انه جدي المنسحك بحوافر الخيل
الفكد الحسين ابجي يا عين انه عماتي ابد ما نامن الليل
اصرخ كربله بحزني وتملي الدنيه صرخاتي
انه اشلون ما ابجي ومسبيات عماتي
اعله اخوها زينب ناحت اهواي اعله اخوها
حرت شبدي صرت وحدي
*******
تمت
تحسين الخفاجي