8111
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
#_مصيبة_ونعـ ٤ـي -5
___
قال علي بن الحسين عليهما السلام:
إني لجالس في تلك العشية التي قتل أبي في صبيحتها، وعندي عمتي زينب تمرضني، إذ اعتزل أبي في خباء له وعنده جوين مولى أبي ذر وهو
يعالج سيفه ويصلحه وأبي يقول:
يا دهر أف لك من خليل
كم لك بالإشراق والأصيل
من صاحب أو طالب قتيل
والدهر لا يقنع بالبديل
وإنما الأمر إلى الجليل
وكل حي سالك سبيلي
فأعادها مرتين أو ثلاثا حتى فهمتها العبرة فرددتها ولزمت السكوت، وعلمت أن البلاء قد نزل، وأما عمتي فإنها سمعت ما سمعت وهي امرأة ومن شأن النساء الرقة والجزع، فلم تملك نفسها أن وثبت تجر ثوبها وإنها لحاسرة، حتى انتهت إليه فقالت: وا ثكلاه! ليت الموت أعدمني الحياة، اليوم ماتت أمي فاطمة وأبي علي وأخي الحسن، يا خليفة الماضين وثمال الباقين فنظر إليها الحسين وترقرقت عيناه بالدموع وقال: لو ترك القطا لنام وغفى. فصاحت : يا ويلتاه! (ولسان حال العليل)
___
عَمتي اداويني جانت بالمخيم
وانا جوفي من الوجع جوف المسمم
••
ولني اسمع والدي يعدد جروحه
الباجر من اسهام عدوانه تلوحه
يادهر افٍ يكول وينعى روحه
يكول باجر كربله طوفان من دم
••
هنانه لطمت عمتي بثنين اديها
وجرت اذيال المصايب يم وليها
يمه طاحت وانغمى من الهم عليها
يعني كالتله لسبي الشام انتحزم
••
حسين كاللها يزينب شدي حيلج
باجر يعوفج يبت امي كفيلج
باجر تصيحين ما واحد يجيلج
باجر تفكدين امري وخادم وتم
___
القطا هو طائر جميل الشكل غالي الثمن كان العرب لا يكفون عن مطاردته ليلا ونهارا فكان هذا الطائر لا ينام لكثرة مطاردته ويطير باستمرار حتى لا يصطادوه
••
يختي لو نام الكطا تنامن يزينب
النار تنهب والزلم والخيل تنهب
بين صدري والخيم للخيل ملعب
لا. ابو يضل لبناتج لا. اخو وعم
••
فقالت-عليها السلام-اليوم ماتت أمي فاطمة وأبي علي وأخي الحسن،
اليوم يكسر للضلع جف الخيانه
اليوم مطبور الوصي وينحب اذانه
اليوم مسموم الحسن والهم لفانه
اليوم بيت اهلي وكع فوكي وتهدم
••
سيل برمل شيلمه ؟ - تاه الدم
دم حسين البوصفه - تاه ادم
عليه البيت بنيانـه - تـهـدم
الضلع والطبرة جن ردن عليه
__
🖊️ #_الشيخ_حيدر_الحميداوي
محرم الحرام 1447هـ / 2025مـ
المصدر : الإرشاد للشيخ المفيد ج٢ ص٩٣
[١٣]قصيدة لطم
ليلة العاشر
آخر قنوت للحوراء ليلة العاشر :
في القنوتِ الأخيرْ
بالدُّعا تستجيرْ
ربَّاهُ يا ربي
صبِّر غداً قلبي
في الصباحِ المريرْ
١/رَكْعةُ الوَترِ وفيها…زينبٌ تدعو العليْ
بعليٍّ بعليٍّ…بعليٍّ بِعَليْ
ربُّ خذني قبلَ صُبْحي…قبلَ فُقْدانِ الوَلِيْ
إنَّني لستُ لِنفسي…وفؤادي ليسَ ليْ !
فَحُسينٌ…وحْدَهُ ماءُ الحياةْ
فحُسينٌ…بعْدَهُ يحلو المماتْ
يا سميعَ الدعاءْ
يا مُجيبَ الرجاءْ
يا شاهداً نَدْبي
صبِّر غداً قلبي…في الصباحِ المريرْ
٢/إدَّخرتُ ابْنَيْنِ ربِّي…لزمانٍ برَّحَا
أنتَ ترضى حينَ أرضى…عنهما إنْ أفلَحا
ربُّ خذْهُمْ في الأضاحي…لحسينٍ في الضُّحى
ولِأرْضَى ، نَصْبَ عيني…قبْلَهُ فَلْيُذْبَحا
أفتديهِ…بحياتي والبنينْ
أفتديهِ…فَهْوَ ليْ شمسُ السِّنينْ
بالحُسينِ البقاءْ
وسواهُ الفناءْ
أحيا بهِ قُربي
صبِّر غداً قلبي…في الصباحِ المريرْ
٣/قُمْتُ أرجوكَ رجاءً…لِمُلِحٍّ مُجْتَهِدْ
ربُّ بالمسمومِ أدعو…بحشاهُ المتَّقِدْ
إنْ رمى السهْمُ أخَانَا…مُخْرِجاً منهُ الكَبِدْ
دُلَّني ربي عليهِ…تحتَ رملٍ إنْ فُقِدْ !
ما تُراني…آهِ ألقَى في الثرى ؟
ما تُراني…كَبِداً أمْ خنصُرا ؟
أم عظامَ الحبيبْ ؟
أمْ كفوفَ السليبْ ؟
في الموقفِ الصَّعبِ
صبِّر غداً قلبي…في الصباحِ المريرْ
٤/ربُّ حَرْفُ "الشينِ" منهُ…لبُّ قلبي ينفَطِرْ
قيلَ في الأعدا لئيمٌ…أبْقَعٌ يُدْعَى "الشَّمِرْ"
كيفَ صبري لو أراهُ…صاعداً فوقَ الصَّدِرْ ؟!
ونداءُ الكونِ يعلو…لا تَحُزَّنَّ النَّحِرْ !
وهْوَ يدعو…فتَّ أحشائي العَطَشْ
وهْوَ يدعو…إذ بشمرٍ قدْ بطَشْ !
كيفَ عيني تراهْ ؟
فاحِصاً في ثراهْ
ويلاهُ مِنْ خطبِ
صبِّر غداً قلبي…في الصباحِ المريرْ
٥/كلُّ ضِلْعٍ فيَّ يبكي…أنتَ تدري ما يقولْ
حالفاً باسمٍ عزيزٍ…بالبتولِ بالبتولْ
هي قالتْ لي سترقى…فوقَه عشْرُ الخيولْ
بذهابٍ وإيابٍ…دونَ إشفاقٍ تجولْ..
حافراتٍ…صدرَهُ وهْوَ صريعْ
حافراتٍ…فيهِ قبراً للرضيعْ !
صارَ "وادي السلامْ"
حُفْرةً منْ عظامْ
في حُفْرةِ التُّرْبِ
صبِّرْ غداً قلبي…في الصباحِ المريرْ
٦/في الدُّعا هٰذي كُفُوفي…ليَ لاحتْ شاكيهْ
ما بها جرحٌ صغيرٌ…وبسترٍ خافيهْ
في غدٍ لمَّا أُصلِّي…منْ جلوسٍ حانيهْ
سأرى فيها حُروقاً…وجراحاً داميَهْ..
خُطَّ فيها…قَوْلُهُ حتَّى أموتْ
خُطَّ فيها…"أُذكُريني في القنوتْ"
فدعاءُ اليَدَيْنْ :
بالحُسينِ الحُسينْ
يا كاشفَ الكربِ
صبِّرْ غداً قلبي…في الصباحِ المريرْ
الشاعر علي عسيلي العاملي
#محرم_١٤٤٧
#اللهم_عجل_لوليك_الفرج
مقدمه 10 ـ محرم1447 هـ
الليلة العاشره..
هليله عاشـــر ليـله
والمهدي بايد حيله
من محرم
ــ⊱☆☆❀☆☆⊰ــ
اليله المهدي فيــض ادموعه يتبده
عبر يعگوب حزنه اضــعاف وتعــده
باجر عاشر وبيه ينــــــــــــذبح جده
يضل بالشمس مرمي وينصهر خده
ويدوس فوگه الحافر
ويلا يصـــــبح العاشر
من محرم
ــ⊱☆☆❀☆☆⊰ــ
باچـر بالســـــــــمه ماتنوجـد نجمه
من ايموت ضامي حسـين ابواليمه
بالطف ينــــــــذبح ومخضب ابدمه
السيوف اتوذره ويصبح صعب لمه
والمهدي باچــر حاير
بي كلشي يوجع صاير
من محرم
ــ⊱☆☆❀☆☆⊰ــ
✍الخادم
كامل السعيدي
يحسين اوداع الموت هاي اليله
......................................
البس درعك وگوم ودعهن خواتك
دورة حاجب وعين دارلك بناتك
باجر گلي واشلون حال امدللاتك
شيصبرني اعيلك يالماكو ابغلاتك
وياهو البعدك يحسين همي اشكيله
......................................
البس درعك وگوم اوصل للمخيم
تلگه الفگدك حسين تارس زينب الهم
خرسه اتگول الاعيال بيك حسين تعلم
كلهه التدعي اتگول ريتك كون تسلم
حمل اعيالك لو طاح ياهو ايشيله
.........................................
بيت ابلا ابو ايصير اشبه بالمگابر
ولو خالي المهر جاي گلي شلون باجر
ادري ابصدرك ايصير ملعب للحوافر
طايح لالك اخوان ولاظل عدنه ناصر
وحيدر عني ابعيد حتى امشيله
.......................................
دهر النايبه ابهاي شوفني المنيه
بس انته الألي حسين والتنشد عليه
ماحسبت أمن اتروح آنه اشلون بيه
اهم ابخدري وافراگ وسكينه ورقيه
امبادل عنك الموت روحي افديله
..........................................
خلصت والضهر جاي ووياه المصيبه
ميت وآنه يحسين زينبكم غريبه
لا عندي اخو انخاه ولا اهلي جريبه
حيره ابلم الاعيال من حلت عجيبه
راسك عالرمح فوگ خصمي يشيله
خادم اهل البيت علي الزرگاني
#قصيدة ليلة الوداع
ــــــــــــــــــــــ
الليلة اخر ليلة
والحزن شد حيله
باجر يجي ليل اهدعش
نار ورعب ظلمه وعطش
والحزن شد حيله
ـــــــــــــــــــــ
بهدوة اليل وسكونه اتمر صور سوده اعلى بالي
قنعت روحي بصبرها وشبت النار بخيالي
كلبي يجفل واليصبره من اشوفن عندي والي
وانظر لراية كفليلي البيها خدري وراسي عالي
النار تدوي بروحي
وي نزيف جروحي
كل ساعه احس كلبي انخمش
نار ورعب ظلمه وعطش
والحزن شد حيله
ـــــــــــــــ
اعيوني مشغوله بوداعي وخلصت الساعة الكصيره
وي حبيبي احسين اضنها الليلة ياروحي الاخيره
سهم الافراك الرماني يلجم اجروحي الجبيره
مرت اكبالي المصايب وحيرتي الما منها حيره
كمت اشوف اكبالي
شلون الم باطفالي
قبل الفجر حزني غبش
نار ورعب ظلمه وعطش
والحزن شد حيله
ـــــــــــــــ
قنعت روحي بصبرها ونار الاخيام بخيالي
كلبي يجفل واليصبره من اشوفن عندي والي
وانظر لراية كفليلي البيها خدري وراسي عالي
ساعه اسولف ساعه اصفن والحزن صار اعلى بالي
للفجر سهرانه
مدوهنه وحيرانه
من حيرتي كلبي اندهش
نار ورعب ظلمه وعطش
والحزن شد حيله
ـــــــــــــــ
خلصت الليلة وغزتني همومي نبلات الخواطر
الدنيا كلها بعيني سوده كل مصيبة بكلبي عاشر
واسمع اظلوع الزجية اتكسرت تحت الحوافر
للشريعه روحي راحت جف كفليلي الظهري كاسر
وي لهيب اخيامي
كلب اخوي الضامي
جسمه التحت خيل انفرش
نار ورعب ظلمه وعطش
والحزن شد حيله
ـــــــــــــــ
انه واجروحي ودمعتي بالمصايب كلبي ذايب
ذاك جسم حسين عاري يجري دمه اعلى الترايب
مدري اطفي النار بيدي وفرهدت بينه الكتايب
كمت احشم يا ابو فاضل وين عني اليوم غايب
يا كلب حاجيني وينه عطر حسيني
جسمه ولا شاله النعش
نار ورعب ظلمه وعطش
والحزن شد حيله
ـــــــــــــــ
الشفته بالطف من مصيبه ما شفتها بكل حياتي
دنيا مغرب وانه وحدي بكربله تاهن بناتي
تالي عمري وظهري محني ولامه ايتام بعباتي
كمت اصيحن يمه وينج عاونيني بنايباتي
يمه اصيحن وينج
هذا نحر حسينج
صيت الحزن بجروحي طش
نار ورعب ظلمه وعطش
والحزن شد حيله
ـــــــــــــــــــــــ
نعيم ابو باقر الساعدي
#عزاء_ الليلة التاسعة لشهر محرم الحرام ١٤٤٧هجرية
زينب الكبرى عليها السلام
قصيدة بعنوان ( ليلة التاسع ) النص وزن الحدي
ياليلي ونوحي وحزاني
اخر لحظات اويه اخواني
صبحك لوا يطلع يفجعني وباجر عاشر ايصبحني
ياليل ياليل
●●●●●●●●●●●●●●●{{1}}
ياليل التاسع لتصبح ليلك ما نمته من قهري
هاي اخر لحظات اموادع انظر لخواني والامري
باجر شمسك تضوي العاشر وتكشف أهات الكل عمري
عالغبره كل واحد بيهم يوكع ما يرجع يم خدري
ونظر عالترب متكطعه
متخضبه ابدمه ومتنجعه
ومحد منهم ايجاوبني وباجر عاشر ايصبحني
ياليل ياليل
●●●●●●●●●●●●●●●{{2}}
باجر ياجرح والامه كافل لوا خيمه لوا منحر
عيني تنظر ليفاركني ونار اخيامي تلهب تسعر
لوا كلمن ميرد للخيمه جسمه امكطع يرجع واحمر
لأ عريس ايظل لا كافل لا علي الاكبر وتحسر
خيمه ما تظل تحويني
ويسبيني شمر يحديني
ويظل ابلا حمه ظعني وباجر عاشر ايصبحني
ياليل ياليل
●●●●●●●●●●●●●●●{{3}}
انعى وانحب يامصيبه وأبدي المن اجري المدمع
كلمن يبرز وسط الحومه ابو اليمه ايرده مكطع
بالخيمه ينصبله العزه وكلبه لحبابه يتوجع
وفراك الاخر ما يبطي ويرجع لمصابه يتصدع
موتي أولا شوفن فجرك
وجم غالي انعا ابظهرك
اهات الكلبي تنطرني وباجر عاشر ايصبحني
ياليل ياليل
●●●●●●●●●●●●●●●{{4}}
باجر منظر يفجع كلبي ويخلص صبره ويهدم حيله
أنظر ليله تنعه الاكبر ورمله للقاسم تنعيله
وأم عبد الله دم المدمع تجري يم مهده وتحجيله
وسكنه ورقيه امن الضمه جرعن المهن ياويله
وايتامي عطش ماذيهه
وتنطر للوعد يرويهه
وانه ادري الكافل فاركني وباجر عاشر ايصبحني
ياليل ياليل
●●●●●●●●●●●●●●●{{5}}
اتحضر باجر لمصابي من ميرد عباس ايتامه
وتتكطع ايده والرايه وجسمه عالغبره بالامه
وعينه ابسهم ايصوبوهه ويهشم عمود الهامه
ومحني يرجع ابو اليمه ظهره يمشي صوب اخيامه
من بعده امل ما يبكه
راح الكافل ما ظل ملكه
وفراكه لوعه وعذبني وباجر عاشر ايصبحني
ياليل ياليل
●●●●●●●●●●●●●●●{{6}}
باجر من ايطيح الكافل وعبد الله ابنبله يتصوب
يوكع ابو اليمه بعده بجروحه وشيبه يتخضب
وخيول اميه اعله الخيم تهجم تحركهه وتتعطب
وانه وايتامي والنسوه يسبونه بغربه ونتسلب
وسياطه العدوا تضربنه
وبحجي الغرب تجرحنه
ومنهوا لمصابي ايصبرني وباجر عاشر ايصبحني
ياليل ياليل
■■■■■■■■■■■■■■■■■■
الشاعر الحسيني حسن جاسم الطائي
ليلة 10 محرم كأني بالسيده زينب تخاطب الحسين (ع)
ماصدگ حسين تودعني وتروح
مو گلنه للموت روح بوسط روح
كد صبرك بكلبي سكن نيشان الجروح
لتعوفني بنوح .. لتعوفني بنوح
اا ══════⊱≼ 1 ≽⊰══════ اا
هاي آخر ليله يمك ارد ابوسك بالنحر
وكمت احس 70 وصله كلبي بهمومه انطبر
شلون بينه بغرب باجر وياخذك مني القدر
تهوس بجسمك حوافر وينشلع عضم الصدر
بس الاشد هاي ها كافلج وين
وتزيد الالام يشتموني يحسين
شلون اصبر كَبال الرمح والراس مذبوح
لتعوفني بنوح .. لتعوفني بنوح
اا ══════⊱≼ 2 ≽⊰══════ اا
اكعد وياي ارد اسولف عالخويه البالزغر
لا أبالي تروح عني ولا ابالي امشي زجر
وياك كل ضني يخويه اگضي لحضات العمر
مادريت البيهأ اختك ما كلت شنهي الأمر
محتاره عالكاع لو باجر اطيح
شلون ابقه وياك واطفالك تصيح
تعذرني اعيفك عالثره .. بس جثه مطروح
لتعوفني بنوح .. لتعوفني بنوح
اا ══════⊱≼ 3 ≽⊰══════ اا
مااصدگ تجفي اخيتك فرگتك ما احتمل
خاف اگربلك واشمك واختنگ خنگه حبل
بعينك ادموع وخيامي ونار تتبعها الهزل
لا تكض صدرك واشوفك تنوجع لا مو سهل
كض دمعك گبال عين اختك وگول
ما خلي الازلام ادگ يمج اطبول
يالبيك عطر امي صفه .. وبصدرك ايفوح
لتعوفني بنوح .. لتعوفني بنوح
اا ══════⊱≼ 4 ≽⊰══════ اا
باجر أبين اليتامه وحايره بوسط الغرب
من اشيلن طفل يوگع طفل ثاني وينضرب
سكنه خويه تلوذ بيه من الشمر لمن گرب
وفاطمه كل لحضه تسأل والدي منين الدرب
والدمعه تهمل من كل العيون
ومساهره الليل مانامت اجفون
طفالك تحشم ما تجي .. عالگاع مطروح
لتعوفني بنوح .. لتعوفني بنوح
اا ══════⊱≼ 5 ≽⊰══════ اا
مگيده باجر اديه ويا هو اليفل الحبل
جبراََ اعله الناگه اصعد وستر ماكو اعله الهزل
والاشد من هاي كلها ونار گلبي تشتعل
من التعب لو طفله وگعت ما رضوها تنحمل
يضربون السياط اعله متون الاطفال
وياعمه ويلاه تتشكى هالحال
وشگد اشاگف بالضرب .. وسوط العده يلوح
لتعوفني بنوح .. لتعوفني بنوح
اا ══════⊱≼ 6 ≽⊰══════ اا
من اطب ليزيد ينشد وين زينب كافلج
وين الحسين وحميته ليش عافوج اخوتج
لا أهل لاكو عشيره وهسه صرتي بغربتج
جنتي اميره بجال اخوتج هسه ذبلت وردتج
وبمجلس ايزيد تنضرلي الارجاس
باجر يصيحون جاوينه عباس
يشمتون جي دمعي يهل بخدودي مسفوح
لتعوفني بنوح . لتعوفني بنوح
سجاد الكربلائي
حسين خويه أرد أودعك
وكلبي ماينطــــي أودعك
بالله هاي شلون حيــــره
ياحُسين .. ياحُسين
* * * * *
خفك كلبي خويــه أوماتن أديــه
من وصل وكت الوداع بهالمسيه
ماهي سهله الليله أوصعبه عليــه
شلون بلوه امنين أجتني الغاضريه
هاي آخـــر ليلــــه أشوفك
صعبه صعبه شلون أعوفك
تروح باچر يبو الغيره
بالله هاي شلون حيره
ياحُسين .. ياحُسين
* * * * *
أشما تمر لحظه عليه يزيد نبضي
ياعيونــــي بالج الليلـــــــه تغمضي
بأول الليل الوكت شو كام يكضــــــي
وتركض الساعه أحسها بسرعه تمضي
خلّي أشبع شوف منك
الليلـــه ما أفترك عنك
النظـــر عنك ما أديره
بالله هاي شلون حيره
ياحُسين .. ياحُسين
* * * * *
آنه من هسه عليك أنفطر جبدي
وكامن ادموعي يصبن على خدي
ياوجـــه أمي وابوي وطاها جـدي
خويه لتكلي وداعاً صعبــه عنــدي
شلون ياريحة أهلنه
من تروح وتمشي عنه
نمتحن محنه جبيره
بالله هاي شلون حيره
ياحُسين .. ياحُسين
* * * * *
أنته مو هين علي يا أغلى ناسي
أنته هيبتنه وبختنه وتاج راســي
يافؤادي تدري هذا الدهـــر قاسي
وحين ترحل تلتم أعليـــه المآسي
ياعزيز أمي الزجيه
آنه ياهو يظل أليــــه
وتعوفوني بهيج ديره
بالله هاي شلون حيره
ياحُسين .. ياحُسين
* * * * *
باجــــر آنه النايبات أيمرمرني
وجيـــه وحده بكربله كلهن يجني
بعيني أشوفن كل أخوتي تمشي عني
وفرد روحــــه كلهم يروحون منـي
يكتل أوداع التحبــــه
ساعة التوديع صعبـــه
بسرعه تمشي شكد كصيره
بالله هاي شلون حيــــره
ياحُسين .. ياحُسين
* * * * *
سلام المشعل
نزال ليلة الوداع
.
.
.
وداعك موســهل خوية .. وداعك يهـدم الدلال
اخلافك ســــالفة زينب .. يبو السجاد ماتـنگال
***
اليسولف خوية بـوداعك .. كون انـــسان بي قوه
وقوية اختك لچن تدري .. يكسرها حچي الخـوه
انـــــه بحـاجة مروتــك .. اخلافك ما اكو مـــروه
من گتلي وداعك حل
بديت الواقعـه اتخيل
وچني واگـــفه عالتل
اصيحن لو عدل يحسين .. الحگ هجمت الانذال
***
گول بخاطــرك شـيـدور .. بــس الفرگه خليــها
العشـــره البــينك وبيني .. صدگ هالليله تاليها
من يوم اهدعش زينب .. الوادم خويه تسـبيها
من هالليله مسبـــيه
واحس الحبل بيديه
وكـــلها تأشــر اعليه
هاي اخت الكمر عباس .. المحد شايف الها خيال
***
مودع بالله ياخـويه .. يمـن ناوي الهجر باچر
الراح ايصير ادريـــبه .. لا صـــايـر ولا دايـــر
أشبگني على صـدرك .. گبل ميشبگك الحافر
يروح اختك يبعـد الـحيل
يخويه انه اوله من الخيل
انه ويـــــاك بــس هـالليل
باچر عالـــتراب انـــته .. وانه محـــيره بعيال
***
گلي ومااريد هواي .. هـــيه خويـــه بــس كلمه
باچر گلي يازينب .. باقـــي ويـــاچ أبو الــــيمه
تره امن تروح ظعن اختك .. خـــويه محد يلمه
مثل جسمك يبو الأكبر
يخويه ضعني يتطـشر
شوف شكـبره هذا البر
من تشرد من الغاره .. يخويه شيجمع الأطفال
***
حزن ســـالوفت وداعــــك .. يخـــويه بگد جبل حمرين
الهجــــرك يالاخو ينـــراد .. مـــو مــــالت گــلب وثنين
صدگ هاي اخر الساعات..صدگ خويه نگضت يحسين
كلشي يهــون اله انـته
وداعك كلفـه ســـالفته
هذا اصعب مسه شفته
مثله مايصـــير وصـــار .. ولا مايخـــــطر اعــــله البال
***
باچـــر من تـــروح انته .. ويرد النه المهر خالي
حالي شلون راح يصــير .. عگبك يالاخو حالي
من هســـــه يبو اليمـــه .. اخــــذ ويـــاك دلالي
يشهگه وتــكتل الشــهگه
يــمن بحساسك مغـــرگه
الگلــب مابي على الفرگه
بدونك گلبي ياخويه .. ترس متروس خويه اهوال
***
حيدر تركي الكربلائي
#لحن لفى عاشور..يا جبريل..التغريد الحزين والحان آخرى
#وداع من ليلة العاشر
كم ليلة بأثر ليله مرّت عالقلب مُرّه
لكن ليلة العاشر أشد واصعب على الحره
مكسورة گلب وصلَت
وخلّت راسها بصدره~
نوبه تشمّه وتضمّه
ونوبه تصيح يا زهره~
خويه موَدِع الليله
وعيني من البكا حَرّه~
يحرم ع العيون تنام
لو شافت دِمه نحره•
يصبّرها أبو سكينه
وعن البلوى يحاكيها~
باكر لو لفاكم جيش
يختي وصيّة نفذيها~
عبايه فاطمة أمك
على رأسك دخلّيها~
وإن شفتي الشمر يمّي
نادي فاطمه يالزهره•
بهالليله تهل دمعه
وعين تناظر المظلوم~
دمعها يمسحه بكفّه
يختي اتصبّري بهاليوم~
يَروح رويحتي زينب
ادري بالگلب مالوم~
بجاه الزهره عذريني
الأخت دوم الاخو تعذره•
🖊خادمة أبالفضل
•●🏴 *ليلة وداع* 🏴●•
● نعي في وداع السيدة زينب عليها السلام للإمام الحسين عليه السلام ليلة العاشر
● طور : { الفراق } *مالي غيرك* ، ويقرأ بعدة أطوار أخرى ، وأيضا يقرأ كلطمية بأطوار متعددة ..
.
.
.
ليلة اوداع ..
وآخر أيامي معاكم
ليلة اوداع ..
وبيه شل يحصل وراكم
ليلة اوداع ..
ارويحتي ترحل وياكم
.
.
ليلة اوداع ..
والمسه شمحلى العشيره
ليلة اوداع ..
وحلوه لمتنه الچبيره
ليلة اوداع ..
وهاي ليلتنه الاخيره
.
.
ليلة اوداع ..
وآخر أيام المحنه
ليلة اوداع ..
وباجر انفارق اهلنه
ليلة اوداع ..
ويفترق باجر شملنه
.
.
ليلة اوداع ..
ريض اشويه يا ليلي
ليلة اوداع ..
و الفجر لا لا يجيلي
ليلة اوداع ..
بهل المسه ارحم دليلي
.
.
لحظه خويه ..
خل أشم يحسين نحرك
لحظه خويه ..
وأنظرك وأقعد بكترك
لحظه خويه ..
وخذني يالغالي الصدرك
لحظه خويه ..
خلني أقبل لك جبينك
لحظه خويه ..
قبل ما أسمع ونينك
لحظه خويه ..
وقبل ما تغمضها عينك
.
.
لحظه خويه ..
أرد أوصيك و أضمك
لحظه خويه ..
لو نزف يحسين دمك
لحظه خويه ..
سلم اعله الزهره أمك
.
.
لحظه خويه ..
قلها يا يمه تعالي
لحظه خويه ..
بضعتج ماعدها والي
لحظه خويه ..
وعالثرى كل الغوالي
تمت بحمدالله تعالى
✒ بقلم الشاعرة/ فاطمہ كريم
•••• الكويت ••••
شرعاً لا أجيز حذف الإسم
*نسألكم الدعاء لتعجيل الفرج*
.
.
.
*{ يهدى ثواب هذا العمل إلى روح العلوية : آية جواد ، رحم الله من أهدى لروحها الطاهرة الفاتحة مع الصلوات }*
*وداع العائلة ليلة العاشر من محرم*
(لحن يا ليلة الحادي عشر♪)
يا ليلة العاشر دمع
وونّة ونياحة بكربله
زينب تروح ويالحرم يودعن شباب العايله
➿➿➿
زينب تنادي هالگمر يخويه ٱجيت مودّعه
تگله يخويه بو الفضل باگر تنام عالمشرعه
منهو اليكفلني ترى وهاي الچفوفه مگطعه
يگله دصبري عالمحن وخدرچ ماحد يتدنّه له➿➿➿➿
لبست عباية فاطمة وتنادي گومن يالحرم
لشيخ العشيره نودعه ونودعن راعي العلم
تودّع اخواها معوله ومن ذبحته بنحره تشم
باگر يخويه تنذبح ومرمي تظل بحر الفله
➿➿➿➿
الشاعرة الحسينية
خادمة آل محمد✍🏻
*ليلة العاش وداع زينب للعباس*
*يلا اتخيل زينب دارت وجهها تودع العباس بيا حاله~~~~*
اگعد يبو الطلعه البهيه~
خلني اودعك هالمسيه~
عيني على عيونك يخيهّ~
تتصوب بسهم المنيه~
-----------------------
خليني اقبّلها چفوفك~
تفارگها زينب ما تعوفك~
باچر على الشاطي اشوفك~
نايم ومگطوعه چفوفك~
--------------------------
*بعد زينب لديها حديث طويل مع العباس اسمع اسمع ايها الموالي عندك دمعة بعد تودع العباس*
تگله اختك يبو فاضل ترضى النذل يشتمها~
شيگولو اخت عباس
هذا الكان مدلّـلها~
وسبيه ترافق الاجناب
وشمر يحدي بمحملها~
صعبه مخدّرة عباس
سبيه تروح للشامات
*والله صعبه يبو فاضل زينب يسبوها تگله~*
يحلا والوداع وياكم يخوتي بهالمسيه~
وباچر زينبكم راح تمشي سبيه~
وكلمن يشوف خدري يأشر عليّه~
أميرة وتروح مسبيه عالجمال
〰️〰️〰️〰️〰️
بعد وداع آخر بين العباس وزينب~.يگلها / لحن الخضيب~
گمر العشيرة عالوعد يختي وتدريني
وياچِ آنه قصّرت اريدچ تعذريني
لعيونچ افدي هالعمر وافديها چفّيني
كفي العتب لو عالنهر باچر تشوفيني~
آيزينب آيزينب آيزينب آه
〰️〰️〰️〰️〰️〰️
ولو حرگوا خيام الطهر لا تبدي ليّه عتاب
باچر چفوفي عالنهر يطيحن على التراب
ولو سلبوا منچ هالخدر
اشكي لداحي الباب
ما اشوفچ بعيني السهم و
دم غطَ عا عيوني
يابو فاضل يابو فاضل يابو فاضل آه~
خادمة آل محمد✍🏻
*ليلة العاشر يعني…*
ليلة العاشر يعني… دمعة وي دمعة تسيل
ليلة العاشر يعني… زينب تودْعِ كفيل
ليلة العاشر يعني… ومدمع الحرّه يسيل
ليلة العاشر يعني… تبچي زينب عالغريب
ليلة العاشر يعني…تودع الليله الحبيب
ليلة العاشر يعني…تبدي آهات نحيب
ليلة العاشر يعني…تسعى زينب بالخيام
ليلة العاشر يعني… ظلها وَي ليل وظلام
ليلة العاشر يعني… تودع الحورا الإمام
ليلة العاشر يعني… عبدالله نحره منفطم
ليلة العاشر يعني… باچر يصيبه السهم
ليلة العاشر يعني… تْوَدْعه أمه بالخيم
ليلة العاشر يعني… جاسم خضابه التراب
ليلة العاشر يعني… وحنته من الدم خضاب
ليلة العاشر يعني…ليلى ناحت عالشباب
ليلة العاشر يعني… تقبّل چفوف الگمر
ليلة العاشر يعني…الكافل بجنب النهر
ليلة العاسر يعني… زينب تروح بأسر
ليلة العاشر يعني… والشمر فوق الصدر
ليلة العاشر يعني…والسهم وسط الصدر
ليلة العاشر يعني… حسينها مفري النحر
ليلة العاشر يعني… راس الحسين برماح
ليلة العاشر يعني…والجسد كفنه الرياح
ليلة العاشر يعني…غسله من دم الجراح
خادمة آل محمد✍🏻
لما نزل ركب الامام الحسين ع في كربلاء خفق قلب زينب ع ولما ودعها العباس في ليلة العاشر قبلت يداه وبكت ~ وكانت عيون زينب عالعباس و~
إجت الحزينه~ لحامي الظعينه
بعبره جريه~ تقبّل إدينه
تبدي الشكايه~ لصاحب الرايه
خويه بفقدكم~ نصبح سبايا
بارض النوايب~ اشوف العجايب
وعليّ ينادو ~ يا ٱم المصايب
اگبالي انرسم~ قربه وعلم
چف وشريعه ~ وحرق الخيم
بهاي الوطيه~ اطلع سبيه
اخوتي ذبايح~ فوق الوطيه
جواب العباس
انتي بحمانا~ نقدّم دمانا
للباري قربان ~ هذا رجانا
خادمة آل محمد ✍🏻
[١٢] رباعية ليلة العاشر
أعضاء الامام الحسين تودِّعُ بعضها ليلة العاشر :
ما أصعبها من ليلة، فيها رأسُ الإمام الحسين (عليه السلام) يودِّعُ جسدَهُ الشريف ، وضلوعُه تعانقُ بعضها قبل التشتُّت تحت سنابك الخيل، وخنصرُه الذي تدور به رحى الكائنات يتهيأُ للابتعاد عن كفِّ الندى…
فيا لله من ليلة دهياء! إنَّها ليلةُ عاشوراء !
١/إنَّهُ ليلُ وداعٍ ، والضحى يومُ فِراقْ
بينَ "أعضاءِ" حسينٍ قدْ جرى هذا العِناقْ !
وأحاديثُ بلاءٍ ، واصطبارٍ ، واشتياقْ
فغداً شِلْواً سيُمسي كلُّ عُضْوٍ مِنْ حُسينْ
٢/ذا وداعٌ قالَ فيهِ "الرَّأْسُ" آهٍ يا "جَسَدْ" !
كيفَ صبري إذ أرى الشِّمرَ على الصَّدْرِ صَعَدْ ؟!
يهبرُ الأوداجَ هبْراً بحسامٍ ما ارتعَدْ
هكذا يَفْصِلُنا ذبحاً ، وأعلو في الرُّدينْ..
٣/وحوارٌ دارَ ما بينَ "ضلوعٍ "باكياتْ
فالأعادي في غدٍ تسحقُها بالعادِياتْ
قالَ ضلعٌ أبشروا فُزْنا بحُسنى الخاتماتْ
كلُّنا سوفَ نواسي ضِلْعَ أُمِّ الحسنينْ
٤/وخطابٌ قدْ رمى منْ كلِّ حيٍّ مقْتَلَهْ
"كَبِدُ" المولى دعَتْ فيهِ "حشاهُ" مُعْوِلَهْ
إستعدِيْ كيْ تَرَيْ سهْماً أتى مِنْ حَرْمَلَهْ
ذا ثلاثٍ مُخْرِجاً بالقهرِ منِّي ثُلثينْ
٥/ووداعٌ قالَ فيهِ "خنصرُ" المولى حزينْ
إخوتي تبقوْنَ تسعاً ، وأنا أهوي دفينْ
يسلبُ الخاتمَ منِّي "بجدلُ" الرجسُ اللعينْ
يا لهُ منْ فادِحٍ يُدْمي عيونَ الثقلينْ
٦/وجرى ما بينَ "كفَّيهِ وزنديهِ" وداعْ
فغداً يفصِلُها الجمَّالُ مِنْ دونِ ارتداعْ
يأخذُ التِّكَةَ عنْ جسمِ حسينٍ بانتزاعْ
قاطعاً منهُ يديهِ بعدَ مقطوعِ اليدينْ…
تمت بعناية الحجة (عجل الله فرجه)
#رباعية_ليلة_العاشر
#محرم_١٤٤٧
#اللهم_عجل_لوليك_الفرج
خطاب الامام السجاد اللفواطم ع
يا زينب ياليلئ * * ياسكنه اويا رمله
باچر قهر* باچر عـلئ لهَـزل سفر
يازينب ================
يـزينب لـمّـن الـعيلـه
وداع أوياچـن الليـله
علينه البين شدحيله
يزينب
تعـالن يالفــواطــم نـگـعد ابـخيمه
كـل واحـد يسولف باچر أبضيمه
علينه الخـيل تغبش تشبه الـغـيمه
يشـح المـاي وتصير الجرب هيـمه
يبدي الألم
تبچي الحرم بين الخيم
يازينب
:::::::::::::::::::::::::::::::::::::::::
بـس الليله ويـانـه
عمي الگمر وخوانه
باچـر تفـزع أعـدانه
يزينب
نرئ ابمصباح عاشـر كـل درب ينسد
تجينه اخيولهم وتخيم اعـلـه الحـد
معلوم الـعـطش وكـت الضهـر يشتد
يضـل جـمر الطفـوف أسنين مـاتبـرد
نار وتشب
تسعر تضل ابكـل گـلب
يازينب
:::::::::::::::::::::::::::::::::::
من صوب الفرات اسمع
خـيـل أوزلـم تـتـجـمـع
تـتـقــدم ولاتــرجــــــع
يازينب
أذن مصباح باچـر تنتهي احـلامي
أشوفن كل هـلي أيطيحون جدامي
والاكبر ينذبح مـن الـعـطش ضامي
والعباس عـمي اعلـه النـهـر دامـي
بين الـعـده
يبقئ ابو اليمه ابوحَده
يازينب
::::::::::::::::::::::::::::::::::::::::::
مذبوح ألچن إيرده
دم النـحر يتـبـده
مثل الجزر والمده
يازينب
يضل بس الطفل وقت الضهر قبله
بـدال الـمـاي عـدهـم بالنحر نبـلـه
يـرجـع للخـيام وصـوتچن يـعـلـه
مصيبة يوم عاشر صعبه موسهله
يمشي ابألم
لـو رجـع باچـر للخيـم
يازينب
:::::::::::::::::::::::::::::::
تبقئ الحرم بالهميه
بالطف ماتضل خيمه
كلمن يبتلي ابضيمه
يازينب
هلي يحچون بالطف وانه چنت ازغير
اعـلـم يـوم عاشر كـلشي راح إيـصير
ابوي ايطيح باچـر والجيوش اتغير
گـالـو تـضـل وحـدك واليتامه اتحير
يبدي السبي
يمشي الضعن وي اجنبي
يازينب
:::::::::::::::::::::::::::::::::::::
فاخر علي الشبيبي
نزلة للوداع (ع)
الوداع الوادع. ياحبيبي ياحسين
___
ودع احبابك توكل والخطر حان اوتسلسل
كلهه باجر عدنه مقتل. خل اوصيج
باجر اشماصار اصبري. يختي من ابعيد انضري
فوك عمرج هاج عمري. كلفه ادريج
اعيالي يمج هاي امانه. يختي لويوكع لوانه
محد ايضل ابمكانه. نحري يفديج
من توج خيمه تطفيهن بناتي
___
خويه لا خليهه سكته. ريت موتي قبلك انته
حسين من يوم العرفته عني ماغاب
ندخل الحومه سويه. اشلون اعوفك يل شفيه
جيب اليسكت رقيه يم الاجناب
خويه ياهو الي يحمله والله صعبه ماهي سهله
السيوف اتكطع اهله. فوك التراب
من يدليهه اذا تاهت رقيه
___
خويه يازينب حقيقه. صعب درب الحق طريقه
هاي من الله وثيقه. ربج الراد
انه ونصاري اوبنيني. خويه باجر تنضريني
بل اسيوف امحاوطيني. زمرة اوغاد
والكفل خدره اوعرينه. باجر انتي اتشاهدينه
لايساره ولا يمينه. عالنهر غاد
بعد ابو الغيره ثقل حيلة اخيج
___
يعني باجر كلهه موته حسين ونصاره واخوته
يعني درب الشام افوته. ونته مذبوح
يعني باجر ماكو والي وانه اضل حرمه الحالي
حسين ماريد اليالي اواه الجروح
ماردت عمري اوعويلي. خويه هسه انهدم حيلي
لاحسين ولاكفيلي. شلي بل الروح
ماردت عيشه بعد عيني الغوالي
____
باجر اتشوفين منضر الصخر منه ايتفطر
ينكطع لحسين منحر. عالرمح راس
باجر ايكسرون اديه. من الكفه اينحرون بيه
كون ماتنضر رقيه. فعل الارجاس
بعد عندج منضر اصعب منه حته الطفل شيب
جسمي بل الخير ايتكلب. يبدي الرفاس
عالضهر يطبع قفص صدري يخويه
___
للشاعر حسين عبد الرسول الخفاجي
بعاشر ليله.........بعاشر ليله
يـنـوح المـهدي بعـاشر ليله
==============================================================================
1️⃣
أخــر لـيـلـه بأحــزانــه
أبو صالح كصد ينحب
كـعد يم الخـيم شـفته
وراسه من القهر شيب
وداع الموت من شافه
بدمـعة عـيـنه يتـغرب
المشاهد تنـعرض كلها
ويشاهد عمـتـه زينب
~~~
بعاشر ليله.........بعاشر ليله
يـنـوح المـهدي بعـاشر ليله
==================
2️⃣
كـلـها تـودع بـحـسـره
وليـلى تـفـارك الأكــبر
رمـله تـودع ابـجاسـم
حـلم بـفراكـه يـطـشر
وعبد الله جرح شفته
الرباب بهجره تتحـسر
وزينب ع الكمر تنحب
الكـمر بغيابه ما يـظهر
~~~
بعاشر ليله.........بعاشر ليله
يـنـوح المـهدي بعـاشر ليله
==================
3️⃣
كعدت كـلها يم خـيمـه
وكلـها بدمـعـه سـجابه
أه يا فــكـدك الـيـذبـح
أه يـحـسـيـن ومـصابه
بعد ما ضل ابد حامـي
ومـاتــت كـلمـة اليـابـه
المهدي يراقب شصاير
ونـار الـخـيـمـه لـهـابـه
~~~
بعاشر ليله.........بعاشر ليله
يـنـوح المـهدي بعـاشر ليله
=======================================
محمد خشان ✍️.
=======================================
كعديه على طور ياليل طول ساعاتك
يحسين .. بس هاي الليله ..
من تروح .. ياهو الأشكيله ..
باجر توصلني أخبار .. جسمك بالطف طشار
........................................
من يطر مصباح باجر للحزن تبدي المهمه ..
كبال عينك جسم الاكبر مكطّع ومحد يلّمه ..
وينذبح عبد الله ضامي من المكان البيه تشمه ..
لو يبّس شفافه العطش . رعشة منيه لو رعش .
ذرعانك تصير النعش . والطفل يسبح بدمه ..
يحسين ..وتظل ذبلانه ..
بلا ماي .. روحه العطشانه ..
يسكيه جدنه المختار .. جسمك بالطف طشار
.....................................
الشمر يتربع بصدرك وأحنه نتنطر تجينه ..
من الكفه من يذبحونك وتسحك الخيل السفينه ..
وأسمع بكسرة أضلوعك وبيه تدري شكد حنينه ..
ومرمي الكمر عالمشرعه . وجفوفه منه مكطعه .
لو شفت موقف مصرعه . كلبي بس الله اليعينه ..
عباس .. أكعد يالغالي ..
عباس ..بس أنظر حالي ..
بصيواني وكلبي النار .. جسمك بالطف طشار
...................................
رمله تصرخ آه يجاسم تحنّي بيه من دم وريده ..
وليله تحضن علي الأكبر بحالة موادع فريده ..
وأم اللبنين الابيه تعيش محنتهه الشديده ..
أم عباس تبقه حايره . تعاين وِلدهه المفخره .
شبان لو ماتو تره . أحلى موته شكد سعيده ..
أبطال .. تتنومس بيهم ..
وليان .. نصرو واليهم ..
أخوان ونعم الأنصار . جسمك بالطف طشار
....................................
كابعه بالهم سكينه وتركض الوالد تشوفه ..
جروحه ماتكدر تعدّهن ياجرح منهن تروفه ..
تشبك بصدره وتضمه وأبد ماتكدر تعوفه ..
وشافت رقيه بالحلم . راسك وكامت بيه تشم .
بالحلم هالكد تنصدم . شحال لوشافت حتوفه
تفسير .. رادت بعيونه ..
أحلام .. طفله زغيرونه ..
ماتتحمل هالأخطار .. جسمك بالطف طشار
..................................
باجر نعيش برزيه أبد ما مرّت على أحد ..
هالجبل هذا التشوفه من المصيبه خاف ينهد ..
هاي زينب غير زينب يختلف باجر المشهد ..
لو باجر الناعي نعه . أنعيش أكبر فاجعه ..
بالطف جثثهه موزعه . عترت الهادي محمد
يحسين .. تقبل يعيوني .
للشام .. باجر يسبوني ..
بنسوان وأيتام أحتار .. جسمك بالطف طشار
.................................
باجر أصعب يوم أعيشه تندفن أحلامي باجر ..
خيمه جانولي أخوتي شما ردت كالولي حاضر ..
وهسه حل وكت الموادع من محرم يوم عاشر ..
الله ياحلم الأمس . لو ودعتكم خويه أحس
راح الكمر راحت شمس . وتعله برماح المناحر ..
يحسين ..فكدك يهضمني ..
وأعداك .. باجر تشتمني ..
ويصب دمعي المدرار .. جسمك بالطف طشار
...............................
حيدر مطر العبادي
#عزاء_ الليلة التاسعة لشهر محرم الحرام ١٤٤٧هجرية
زينب الكبرى عليها السلام
قصيدة بعنوان ( ليلة التاسع ) وزن النص الموشح
ليلة التاسع عذاب زينب اتاني المصاب
صبح باجر لوا ظهر لا تظل شمس وكمر
وما تظل عيله وخيام
●●●●●●●●●●●●●●●{{1}}
ليله عاشت من عمرها فاجعه
تشوف عيله والصحابه جامعه
بس عليهم تنعه بالهم دامعه
كلمن امكابل حبيبه ايوادعه
بالكلب جمرت فراق تخرج اهات اشتياق
ليله طالت بالالم بيها لوعات الخيم
تجري دمعات الكلام
●●●●●●●●●●●●●●●{{2}}
جرت دمعه تبجي لكبر ونته
ويلي جاسم عرسه حظر زفته
وجهز العباس سيفه الحملته
واعد الجود ابشريعه الرايته
والصحابه ابكل انين رتلوا حب الحسين
واخوت الكافل سند حظروا دمهم وعد
للحسين ابكل هيام
●●●●●●●●●●●●●●●{{3}}
ورايه رفعوا ولد زينب للنصر
صاحوا احنه نفدي للدين العمر
وكلب لبسوا عالدرع ضد الكفر
برزوا العمهم جلوا كلبه ابصبر
ما يهابون الممات تركوا الاجله الحياة
تكلموا عن الصعب خطه سووا للحرب
للرماح او للسهام
●●●●●●●●●●●●●●●{{4}}
وحالت الاطفال ورده زاهيه
باجر امن الخوف تصبح خاويه
تفكد الجربه وجبدها حاميه
لا كمر لا جوده تبكه ضاميه
من الضمه جمره تصير وتنسى اصوات الخرير
حتى دمعتها تجف من ضماها ترتجف
وشابحه وكت المنام
●●●●●●●●●●●●●●●{{5}}
ينتهي بيها الصبر بالمذبحه
صرعه تنظر الاحبه امجرحه
ياجرح ينزف تروف المطرحه
وتبقى دمعتها عليهم سايحه
وينذبح نحر الحبيب ينزف اجروحه وخضيب
وتنسبي بعد الكفل وتفكد العز والامل
وتنشتم من الئام
●●●●●●●●●●●●●●●{{6}}
تدخل الكوفه وتنادي ياعلي
بغربه امشي اترك احبابي وهلي
ويه عدواني اسيره ومن الي
وركب الهزل وعوفن محملي
والحرم لمن تصيح عالطفل وكت اليطيح
والسياط اعله المتن والكلب مملي حزن
بالخرابه ابلا محام
■■■■■■■■■■■■■■■■■■
الشاعر الحسيني حسن جاسم الطائي
▪️من تگضي المسيه ▪️
في وداع العقيله للهواشم من
اشلون يابعد العقيله وحيلها
خويه من تگضي المسيه ابليلها
———
كون لا طريت لا يطلع فجر
بس سواد الليله وايطيح الخدر
يعني لاعباس واحسين انتظر
والحياده انشوف حان ارحيلها
———
كون لا طريت ياهذا الصبح
جايب اويه النور گلي جم جرح
بس سواد الليله وايحل الذبح
والدما باجر نشوف امسيلها
——
عميه عين اختك ياسبع القنطره
يا دلال الانسى خويه ومَذْكره
يعني باجر لا يمين وميسره
والمعزه اوياك خويه اتشيلها
——
يعني لاجسام لا يبقى علي
ولا شباب ايظل من قومي وهلي
ابقى باجر لامحامي ولا ولي
من يعدّل ليّه خويه ميلها
———
باجر اعله احسين تلتم الكفر
وعيني تنظر للمثلث بالصدر
اشلون بيه لو صعد شفت الشمر
هم احشم ويلي حامي ادخيلها
——-
اشلون بيّه لو شفت حز النحر
وجسم اخي اسهام سوّنه وذر
بالله اجيبه امنين گلولي الصبر
من تدوسه عشره والله ابخيلها
——-
يا نهار العشره لاتطلع واشوف
كون گبلك ضايگه والله الحتوف
اشبيها هاي احزاني صفت لي صفوف
وتالي امشي فوگ والله اهزيلها
——-
#بنت_الشمري
قصيدة الوداع
.
.
.
ضمينه البچي وحچينه .. وتــبده الدمــع بديـــنه
وماضل صبر
من گتلي باچـر تصيرين اسيره
وانه يلمـونه جســمي بحصيره
***
وداعك مر خويه وشيجرعه
مامعـــقوله گلـــبي تفجـــعه
ليش شصاير .. تكلي مسافر
وهالروحه چنـــهه بلا رجعه
يابعد اخـــتــك مااتــصــور
تترك زينـــب بيـن العــسكر
خيامي وخدري..بيهن تدري
يطشـــروهن لــمــن تتطشر
منهو الي يطفي ناري .. لمن تـغـفه بالصحاري
يابوعلي
تگلي الاميره غداً ماتبقى اميره
وانه يلــمونه جســمي بحصيره
***
گتلي وعيني تهل چن غيمه
الليله اخـــر ليله بهـالخــيمه
معنى الكلمــه .. يابـــو اليمه
باچر يعنـــي نفـــر بالهـــيمه
ياخويه الله اليســـتر باچر
ناس بسوط وناس بحــافر
امن يسحكونه..و يضربونه
ويصـــير اويـانـه الماصـاير
انته اعله الثره رميه .. وانه مگــيدات اديه
يابوعلي
هـاي الســـوالف عليه جبيره
وانه يلمونه جسمي بحصيره
***
اوداعـك لو انـزل عالصحره
من حـزنك تتحــول حـــمره
دم تبجـيلك .. مـن تنعيــلك
شحال اختك ياروح الزهـره
باچـــر خيل ادوسه اگبالي
صــدرك وتطــشــر امـــالي
من تتغير ..خويه امن الحر
يتــــغــــير مـــــثلـك دلالي
صدرك يالاخو اليهشمه .. خد اختك تره يلطمه
يابوعلي
هـذا كلامــــك يأذيلــــه ديره
وانه يلمونه جسمي بحصيره
***
الــــودع مثـــلك ودع روحــه
وتشــوفه فايــــض بجــروحه
وداعة نحرك..احسبني بهجرك
يابــو الاكير چــــن مـــذبوحه
خليني اشتمك مــــن صدرك
خليـــني اشــبع مـن عــطرك
الحافـر ادري .. ياخــذ عمري
ياخــويه مــن يأخــذ عـمرك
امن امك فاطمه الزجيه .. عندي يالاخــو وصيه
يابوعلي
لتگلي ياخويه نظراتي الاخيره
وانه يلمـــونه جسمي بحصيره
***
رايح واخـر كلمه العنـــدك
مـــن يتوسد بـــاچر خدك
من يسبونچ .. ويضربونچ
لجل الديـن اتحــــمل ودك
اتحـــمل وانه الممنونه
لو كل هالوادم يسبونه
لو نتبــهذل .. مانتـبدل
وداعــة كفالي وعيونه
تدري بزينبك ابيه .. حتى لو مشت سبيه
يابوعلي
اصبر گلتـــلك يمن كله غيره
وانه يلمونه جسمي بحصيره
***
حيدر تركي الكربلائي
•● ليلة اوداع ●•
● نعي في وداع السيدة زينب عليها السلام للإمام الحسين عليه السلام ليلة العاشر
● طور : { الفراق } *مالي غيرك* ، ويقرأ كلطمية ..
.
ليلة اوداع .. وآخر أيامي معاكم
ليلة اوداع .. وبيه شل يحصل وراكم
ليلة اوداع .. ارويحتي ترحل وياكم
ليلة اوداع .. والمسه شمحلى العشيره
ليلة اوداع .. وحلوه لمتنه الچبيره
ليلة اوداع .. هاي ليلتنه الاخيره
ليلة اوداع .. وآخر أيام المحنه
ليلة اوداع .. وباجر انفارق اهلنه
ليلة اوداع .. ويفترق باجر شملنه
ليلة اوداع .. ريض اشويه يا ليلي
ليلة اوداع .. و الفجر لا لا يجيلي
ليلة اوداع .. بهل المسه ارحم دليلي
لحظه خويه .. خل أشم يحسين نحرك
لحظه خويه .. وأنظرك وأقعد بكترك
لحظه خويه .. وخذني يالغالي الصدرك
لحظه خويه .. خلني أقبل لك جبينك
لحظه خويه .. قبل ما أسمع ونينك
لحظه خويه .. وقبل ما تغمضها عينك
لحظه خويه .. أرد أوصيك و أضمك
لحظه خويه .. لو نزف يحسين دمك
لحظه خويه .. سلم اعله الزهره أمك
لحظه خويه .. گِلها يا يمه تعالي
لحظه خويه .. بضعتج ماعدها والي
لحظه خويه .. وعالثرى كل الغوالي
_
تمت بحمدالله تعالى
✒ / فاطمہ كريم
نسألكم الدعاء لتعجيل الفرج
الفاتحة مع الصلوات إلى روح والدي
#الليلة_الوداع
#نعي_وابوذيات_لمولاتي_زينب{ع}
انه من النوح مابطل ٠٠٠٠وملاه
وضعني بلغرب يمشي ٠٠٠وملاه
الكلبي مابقت ضنه ٠٠٠٠٠وملاه
*من نام الكفلني اعلى الوطيه*
✍نور الولايه الفاطميه
#محاورة_بين_مولاتنا عقيلة بني هاشم عليها السلام وبين الميمون
#طور_التغريد_الحزين
يگلها
اجيت وللخيم اصهل وادگ بحافري وانحب
ااذا نشتدني اخت حسين شكلها اعالثره مسلب
وبحر الشمس مطروح وبدم منحره مخضب
عاري والسهم بالعين
مسلب خنصره ليمين
يمولاتي عفت الحسين
*رديت السرج خالي انحب والدمع هالي*
#تگله
هذا سرجك الخالي يميمون الهدم حيلي
انه بيدي ولعد حسين جدمته بدمع ليلي
ياوسفه وترد خالي
يريت وميته اشوالي
ومنه خابت امالي
*اخوتي عالثره نيام مسبيه وسف للشام*
#يگلها
#طور_الجفيري
خجلان منج بت علي
عالمشرعه عفتي الولي
عالثره وبحر الشمس
وصاني ودموعه تهلي
✍باقر جبار الشويلي
*ليلة التوديع (ليلة. عاشوراء)* 😭 الجفيري ~
يا ليلة وداع الأهل
فيكي المدامع بس تهل
يودعني عباس البطل
ونوبة يودعني الحسين
---------------------
هالليله ما عيني تنام
واخوتي وهلي وبدر التمام
حراسِ لـِبواب الخيام
يحمينا بكفوف اليدين
---------------------
هالليله بس دمع ونحيب
وموادع انه ويالغريب
باچر على الغبره خضيب
نحره ومگطوع الوتين
---------------------
هالليله يودعنا الگمر
ما عندي لفراگه صبر
باچر ينام على النهر
يطيحن يساره واليمين
----------------------
حارسنا شيّال العلم
وعين الكفيل على الحرم
وباچر يحرگون الخيم
ونطلع سترنا هالايدين
خادمة آل محمد✍🏻
ليلة العاشر /واويلاه بعد عين العباس يحرسنا الشمر اللعين واويلاه
باچر توگع الرايه وكافلنه عنا يروح
باچر انظر الشبان مذبوح وبصف مذبوح
باچر عالترب نومه كلكم والأخو مطروح
باچر حتى عبدالله يعوفن هالمهد خالي
--------------------------
باچر توگع الرايه وعلينه يهجمو العسكر
باچر عالشريعه ينام حامي خيمنا والخدر
باچر عينه مطفيّه واحنا بعد نتيسر
باچر خدري يتسلب وانا ابقى بلا والي
خادمة آل محمد✍🏻
*وازينباه~* *حال زينب ع حين وداع الامام الحسين ليلة عاشوراء* /لحن اسمع عتابي~
بليلة العاشر ~ والذبح باچر
تودع اخوها ~ بدمع النواظر.
باچر ضحايا~ بالطف عرايا
وخدر الفواطم~ يِمشن سبايا
ومهجة الزهره. ~ موسّد الغبره
مسلّب رداءه ~ وحزوا له نحره
بحسره ومناحه ~ تعاين جراحه
وسهم المثلث ~ماخذ مساحه
ظامي دليله ~ وما عنده حيله
ومهره اجاها ~ ينعى بصهيله
بسرجه علامه ~ دمه وسهامه
كنّه بگلها ~ مصوّب إمامه
باچر تشوفه~ بذبحة تعوفه
جثة رميّة ~ مرمي بطفوفه
حسين يا حسين
خادمة آل محمد✍🏻
ليلة العاشر
وصية الإمام الحسين لزينب ع ليلة عاشوراء
لحن يا ناقتي~
ليلة وداع~ ودمعتها زينب سايله
ليلة وداع ~ تودع حسين بكربله
ليلة وداع ~ ملتّمّه كلها العايله
تودع حسين ~ ومدمعها عالوجنه يصب
تودع حسين~ باچر تشوفه عالترب
تودع حسين~ تشوف المثلث بالگلب
آخر. وداع~ وباچر تعاين ذبحته
آخر وداع ~ وتقبّله في رگبته
آخر وداع ~ وعا تلّ تشوفن طيحته
نعم هذا الوداع واللقاء في الجنان
كأني بالإمام الحسين ع راح يخبر زينب ببعض المحن التي ستجري عليه يوم عاشوراء ~ اسمع امامك يعدد لزينب~
فوق الترب~ تشوفينه جسمي معتفر
فوق الترب ~ وراسي گطيع من النحر
فوق الترب ~ حافر يدوس على الصدر
واويلاه صاحت زينب واحسيناه~
أيدوسون صدرك بحوافر الخيول~
يگله يختي يالعقيلة صبري لو شفتي الخيول
تطحن ضلوعي وتسحق بالحوافر من تجول
هنانه امي الزهره تحضر تعاين المحنه البتول
تعاين اللحم التناثر وحافر احمر منصبغ
صح ونادي حسين~ كأني بزينب صاحت واحسيناه ~
جواب الحسين~
صبرچ يا زينب ~ والمحنه أصعب
يحزو وتيني ~ وجسمي اتسلّب
تشوفي مصابي ~ وشمر الضبابي
تربع بصدري ~ ويحز وريدي
وراسي يلوحه~ من فوق رمحه
يهشّم وريدي ~ من بعد ذبحه
حسين حسين حسين
خادمة آل محمد✍🏻