8111
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
ودّع آخر ليله ____ يا رضيع العيله
ـــــــــــــــــ ❁ ❁ ❁ ــــــــــــــــــ
اتودع يبعد الروح
وترس حسّك الخيمات
وبضحكاتك الحلوه
خلها تشبع العمّات
سلّم عالمهد سكّته
يبني وخفف الونّات
كلها ليله يا يمه
وخدك بالتراب يبات
والمهد ناغيله ___ يارضيع العيله
ـــــــــــــــــ ❁ ❁ ❁ ــــــــــــــــــ
چلمه يمه سُولفها
سُولف ويا صوت الليل
حلقك باچر اتسكته
نبلة حرملة بالويل
چا يوليدي شتحمله
سحقت عشره من الخيل
لو سهم بوسط حلقك
يقطع منحرك بالحيل
ياجرح بتشيله __ يارضيع العيله
ـــــــــــــــــ ❁ ❁ ❁ ــــــــــــــــــ
يالعمرك قليل شهور
يا وجه السنا الصبّاح
خل كاروكك الليله
بچتوفي تعال ارتاح
لك ويا الرمح رحلة
يا عبدلله فوق ارماح
راسك ويا راس حسين
يبني يفصِله الذبّاح
بالدموع اشكيله ____ يارضيع العيله
ـــــــــــــــــ ❁ ❁ ❁ ــــــــــــــــــ
شلتك بالجفن صوره
اتخيلها كل ما نام
تمشي وتفرح اسكينه
باول خطوه لك بالعام
ثاري هالحلم حاله
محكوم بحكم الاعدام
ما الحق على شوفه
وتموت بصغر ليام
والنحر ابچيله .. يارضيع العيله
ـــــــــــــــــ ❁ ❁ ❁ ــــــــــــــــــ
آخر حضنه وآخر ليل
باچر موعد الذبحه
بتسافر سفر الاموات
ماشوفك ولا لمحه
اطلب مني بس عفيه
لَترش عالجرح ملحه
اطلب كلشي الا الماي
ماعندي ولا رشفه
مابقت لي حيله .. يارضيع العيله
ـــــــــــــــــ ❁ ❁ ❁ ــــــــــــــــــ
خادمة الزهراء
فاطمة حبيب
ليلة مولاي الرضيع عليه السلام
ابو ذيه ونعي
لسان حال الام
😭😭
يمه الولد يمه
هدومك امشي واخذهن يظلن ؟
عليك امن الشمس بلچن يظلن
اون اعليك مااخلي يظل ان
ولا اخلي دمع يعتب عليّه
عليك ماينگع ونّي
عبد يمه
😭😭
عبد جوعان ؟ لو عطشان ؟ يوله ؟
رمحك ذااااك اشوف اعداك يوله
يمّك صايره بهلليل يوله
اخاف اتفز وماينطوك اليّه
شيجيبك لحضني واشمك
عبد يمه
😭😭
نعي مجاريد
يبعد هروش گلبي والمعاليج
يبلول الحلگ يفكوكت الريج
يمفرّج الهم عني تفريج
الهوی لوما اشمك ايضيچ
هيست روحي گامت اتهيج
لكون عد امك لواحيج
جابوك الي ومااظلن بضيج
😭😭
يمه الولد يمه
بانت الغبشه وجاي تنطَر
وگلب امك ابفرگاك خطّر
امترّب اشوفك يامعطّر
گلبي يعبدالله تفطّر
ظعن اليسر يبني تصطّر
😭😭
اجابلك مشتهيه وانعه
اتمنّه ون امك تسمعه
يمَّك اسوي النوح فزعه
بس الشمر واگف وربعه
يشوفون طولي مالي جرعه
تنصب عزه حگها لمضيعه
وتشعل لبهه كون شمعه
فشله امن ابوك الصوت اطَلعه
😭😭
لا حول ولاقوة الا بالله العلي العظيم
١٦ // شوال
٢٥ // ٤ // ٢٠٢٤
ام محمد الحجاج
#نعي
لمولاي الرضيع روحي فداه
ذهـيـلـه ابـكـربلـه ومشدوه بالي
ألـولـي لـلـمـهـد والـمـهـد خـالـي
فـجـئـه وخـبــر عبدالله اجـالـي
فــت الـدلـيــل وشــاب حــالــي
ضـاع الامـل والـگـلـب مجروح
وضـلـيـت اونـن ونّـت الـدوح
ورده الرضيع وريحته اتـفـوح
جـابـاه ألـيـه حـسيـن مـذبـوح
شـفـت الـسـهـم حـافـر رگبتـه
وراح الـتـعـب كـلـه الـتـعـبـتـه
مـثـل الـحـلـم غـابـت ضحكتـه
مـادارت بـعـدهـه ايـام سَـنـتــه
ابوذيات
اســولــف بـأسـم عـبـد الـلـه.. ورد بيه
واشـمـن مـهـده چــن ريـحـة.. ورد بيه
خــــذاه حـسـيـن لـلـحـومــه.. ورد بيه
ابـوسـط نـحـره السـهـم جـابـاه الـيـــه
شــوفــي بـحـزن لـولـيـدي.. دريته
وسـالـم بـعـد مـــــــايـرجـع.. دريته
مـــو درّي دمـــع عـــيــنــي.. دريته
خــذاه الـمـوت مـنـي وگـطـع بـيــه
✍خـادم الـحسيـن (عليه السلام)
الشاعر رعد الجريخي
#اللهم_عجل_لوليك_الفرج
نعي
في درب المسير إلى مدينة كربلاء....
تتكلم مولاتنا الرباب مع طفلها عبدالله الرضيع تقول:
انتظرك ييمه تكبر بساع
حته عليه تهون الاوجاع
اخافن تروح بلايه الوداع
•———•———•———•
اريدك يغالي تنصر المظلوم
اليبقى بالصحاري بدون الهدوم
گلب امك يعبدالله مهموم
•———•———•———•
اريدك تنذبح فدوه للحسين
تفديله النحر يبني و السنين
ومو بس عمر ضحيله عمرين
•———•———•———•
عزيز هواي لحسين اعرفك
بيدي للسهم يصغير اسلمك
على صدر الحبيب يصير دفنك
•———•———•———•
يوليدي تضل لا غسل لا تكفين
احن الك يعبدالله وتهمل العين
مكتوب عليج يا روحي تصبرين
•———•———•———•
لخادمات العليلة وأبيها
ضُحى سالم و زينب الفياض.
#المسير
#حصرياً
#ضحى_سالم
#زينب_الفياض
-ديوان المغسل بدم الجراح الجزء الاول
#في_خدمة_مجالس_العزاء
#الطفل_الرضيع
#طور_اسمع_عتابي
#نعي #شعبي
صورة شعرية بلسان حال الرباب والدة الطفل الرضيع علي الأصغر، تناجيه بآلام الفراق...
١/أصغر يا غالي .. أُنس الليالي
يا كلّ دلالي .. موتَكْ رماني
٢/يبني هظيمه .. بْقَلبي أليمه
مُوته عظيمه .. فقدَك عماني
٣/آهْ يا رضيعي .. إرحم دموعي
حنّت ضلوعي .. وشوقي كَواني
٤/حنّيت أشمّك .. لْصَدري أضمّك
نظرةْ لَأمّك .. ثَكلى تَرَاني
٥/اِبگي يا روحي .. واشفي جُرُوحي
اِسمع لَنُوحي .. يِنعى حناني
٦/يَوليدي صَعبه .. هالرّوحه غُربه
شوفَك بِتُربه .. ها ظهري حاني
#زينب_فياض
#عظم_الله_أجورنا_وأجوركم
*من اطوار النعي في استشهاد الرضيع ع*
*ابوذيات*
تفطر قلبه عبدالله وشفتاه
ويحير من العطش هو وشفتاه
برمح ضربوه عالرقبه وشفتاه
مذبوح ويفرفر بين اديه
اهز ابحضني عبدالله ومهداه
يون من العطش ويلي ومهداه
اشربه من دمع عيني ومهداه
ولا اوديه لدروب المنيه
*نعي*
نايم علي ومغمض اعيون
نوم العوافي يالصغيرون
بالنبلات عبدالله ايفطمون
ومن دم وريده وا يشربون
ازغير ومنه وشيريدون
نايم ييمه بنبله مفطوم
واعليك القلب عبدالله ملجوم
والحيل يوليدي مهدوم
فقدك ييمه زود اهموم
واعليك الدمع كل دهري مسجوم
نايم ييمه بنبله غافي
نومك يعل نوم العوافي
وجدك علي رايح توافي
*نعي فائزي*
نوم العوافي ياعلي مستعجل تنام
فطموك يايمه الولد بالنبله اسهام
فطموك يايمه الولد بحضيني فطموك
بعدك ازعير يالولد و الماي حرموك
وللبين عبدالله برمح يوليدي سلموك
صغيرون يوليدي ولا كملت هالعام
نوم العوافي ياعلي مذبوح مذبوح
بالنبله يمه يالولد بمهادك اتروح
خليت بقليبي الالم واحزان وجروح
وياك ضاعت مني يمه كل الاحلام
لَتظن اذوقه يالولد من بعدك الماي
عطشان ياييمه رحت يابعد دنياي
واشلون اشرب واهتني من عمت عيناي
خليت امك بالهضم والهم والالام
*طور الفراق*
هايروحي يمه ياعبدالله نايم
هايروحي ظلت امك للهضايم
هايروحي للظلم ذبحك علايم
هايروحي يمه يا حلو الجهامه
هايروحي نام يوليدي بسلامه
هايروحي نبلتك للهم علامه
هايروحي قلي هم ذقت الاميه
هايروحي الشرب يصعب عليه
هايروحي ريت ليه هالمنيه
هايروحي اشرب ادموعي بعيوني
هايروحي بعده ماطبقت جفوني
هايروحي الحزن والهم ولوني
_
بقلم : بنت الشمري
_الكويت _
*مصاب الطفل الرضيع~ لحن اسمع عتابي♪*
شاله عا صدره~ ونبله بنحره
ودم نحره سايل~ الله يِصَبْره
يقبّل اوليده~ ولن ملوي جيده
وسهم الي صابه ~ اويلي بوريده
ومن طلعت امه~ تعاين لـ سهمه
نابت بنحره ~ مغسّل بدمه
مذهوله تنحب~ تصبرها زينب
وتصرخ آيبني~ گلبي تصوّب
رادت تضمه~ رادت تشمه
تعاين قماطه~ مغسّل بدمه
سهمك ذبحني~ يالرحت عني
من الروا محروم ~ عبدالله يبني
خادمة آل محمد✍
••نخوة للطفل الرضيع••
يا عبدالله… ..يا عبدالله
عبدالله يا طفل حسين
نخيتك والدمع بالعين
بجاه وريدك المصيوب
يا مذبوح بسهم البين
يا عبدالله ••يا عبدالله
نخيتك والدمع منثور
بچبدك والگلب مفطور
بنحرك الي ارتوى من دم
يالماتم ست شهور
يا عبدالله ••يا عبدالله
اجيتك والدمع مسجوم
ظامي وترتوي من دموم
يِذِبْحَك حرمله بسهمه
اويلي بالسهم مفطوم
يا عبدالله ••يا عبدالله
قسم بكفوف ابو فاضل
اجيتك والدمع سايل
قسم بحسينك المذبوح
انت الحاجتي كافل
يا عبدالله ••يا عبدالله
الشاعرة الحسينية
خادمة آل محمد✍🏻
نعي الرضيع
والدة ام عبدالله الرضيع تخاطب ولدها قائلا
دللول الولد مذبوح يمه
على صدر الابو وسابح بدمه
1
دللول الولد مو در حليبي
مو عطشان انته ياحبيبي
اعوفك منذبح هذا نصيبي
المثلك ياحبيبي وين اظمه
2
دللول الولد وين ابني خلوك
طير الجنه انته وليش ذبحوك
الك صدري ييمه يصير كاروك
اشوفك حتى گلبي يزيل همه
3
يعبدالله ييمه اگعد اشبيك
اريد بحضني يمه اشويه اخليك
اريد احچي حبيبي وياك اناغيك
واريد النحرك المذبوح اشمه
4
يعبد الله ييمه اسألك وين
نايم يالولد ياشوفت العين
من صدري ييمه الصدر الحسين
ماعندي اعتراض وهاي قسمه
5
ناغييني ييمه ارد اسمعك
ولا تبچي تره ايأذيني دمعك
يعبدالله اجي وللموت اتعبك
بلچي واندفن يم ابني يمه
6
يبعدالله لان ماترجع وياي
ولان انته متت وبعازة الماي
ما اگعد بعد لحظه بالفياي
كل فياي يمه راح احرمه
لا تنسون والدي ووالدتي وأبني عباس من الرحمه والغفران
خادمكم رياض الرسل الجابري
*#جديد في الخدمه المقدسه*
*#محرم١٤٤٧هجري*
ليش ضجت هالنسا ولطفال من عاد الولي
وین بتودوا رضيعي ما تجيبونه إلي
من قبل ساعه للعركة راح به سور الحرم
انشاء الله اتروى عبد الله وعاد به الوالى الخيم
ومدري ليش ابوسط چبدي اهجس ابجمرة وألم
طمّنوني وبرِّدوا قلبي اشحال امدللى
دخلت الحورة تقلها جبنا طفلك ودّعيه
لا تمدينه ابمهده وعلى صدرك درفعيه
حضني طفلك شمي طيبه ولا تأملي ترضعيه
وهالمسيه من رضيعيك خيمته ومهده خلي
رحمي قلبك يا رباب ولا تكشفين النحر
مالت ارقبته وخده ابطشرة ادمومه انغمر
راح به الوالي المعاره وبالعطش چبده انشطر
وعاد به منحور نحره ومنكسر ظهر الولي
شافته ابذعرة قلبها والدمع منها هما
هذا طفلى امقمطينه وليش صابغ بالدما
هالذي جرح رضيعي عينه تنصاب ابعمى
يبتر الله باقي عمره وفي جهنم ينصلي
ايقولوا هاللي ذبح طفلى طاغي اسمه حرمله
وين عنه الرحمه راحت يوم عزم يقتله
ما نظر ذبلان وجهه ورقبته متميّله
ويش سوى الطفل حتى ابسهم نحره يبتلي
کربله ردي له روحه ويش تبغى بالجسد
بعده اصغير وظامي وشعب روحي هالولد
ردى طفل بالسلامه وانا باهز له المهد
ليش ساكت ما يناغي آه راح امدللي
عبد المحسن الكنگوني
نعي مفجع
حال الرباب بعد فقد عبدالله الرضيع
. أهزن بـالـمـهـد بـهـداي بـهـداي
عَـگـلـي ذهـيـل وتــايــه الـراي
راح الـرضـيـع اولـبّـت احشـاي
اشـظـل بــعــد اعـمـن عـيـنـاي
گـبـلــه مـتـت يـاريـت يـاريـت
غـاب الـوَلـد وبحـزني ضـليـت
اشگـد احملت وشگـد تـمـنيـت
يـوم الـمـهـد عبـد الله لـولـيـت
ضليت اداوي اجروح بـجـروح
خـالـي الـمـهـد ومعلعله الـروح
ادري بـعـزيـز الـگـلـب مـذبـوح
وأنـطـر يجيني ابعطره اليفوح
ادري الــصــبـر يــنــراد يــنــراد
لـٰـكــن عـلــيــه الــحــزن يـزداد
كـلـمــا يــمــرنــي طاري الأولاد
ايـحـرّم حـيـاتـي اولــذّت الـزاد
*---------------*---------------*
✍خادم الحسين ع
الشاعر رعد الجريخي
#قصائد_في_خدمة_الخطباء
#محرّم_١٤٤٣
#شهادة_الرضيع(ع)
قصيدة عمودية:
لم أنس إذ ناديتَ في الأعداءِ
"من ذا يقدِّمُ قطرةً من ماءِ!"
و الطفلُ بين يديك ذبّلهُ الظما
و الموتُ لاحَ بهيئةِ الإغماءِ
إنّي حضرتُ بكربلا و شهدتُ ما
أبكاك يا جدّي من الأرزاءِ
و لِما رأيتُ بقيتُ أذرفُهُ دمي
إذ حقَّ أن أجري عليكَ دمائي
إنّي رأيتُ رضيعَكَ الطِّفلَ الّذي
جفَّت ملامِحُهُ من الإظماءِ
و رأيتُ عطفَكَ بالرِّدا ظلّلتَهُ
يا ليتني ظلَّلتُهُ بردائي
والله لا أنساكَ حين رفعتَهُ
حيثُ الظما كالجمر في الأحشاءِ
و إذا بسهمٍ من لعينٍ جاءَهُ
فمضى ليلقى عُصبَةَ الشهداءِ
لهفي عليه و قد تفجرت الدما
من نحره و لذاك طال بكائي!
و إذا ظهرتُ غدًا سأطلب ثاره
و بكربلاء غدًا يكونُ ندائي
ما ذنبُ "عبدالله" يُدمى نَحرُهُ؟!
ما الذنبُ لِمْ لَمْ يُسقَ عذبَ الماءِ !
يا جدُّ يومَ الثأر أجمعُ شيعتي
و عليكُمُ معهم أقيمُ عزائي
#عظم_الله_أجوركم ◾️
فاطمة رزق
أبا صالح يا مدركَ الثارِ كم تُرى
وغيضُك وارٍ غيرَ أنَّك كاظمُهْ
وهل يملك الموتورُ صبرا وحوله
يروح ويغدو آمِن السربِ غارمه
أتنسى أبيَّ الضيمِ في الطفّ مفردا
تحوم عليه للوَداع (فواطمه)
أتنساه فوق التراب منفطرَ الحشا
تَناهبُه سمرُ الردى وصوارمه
وربَّ رضيعٍ أرضعته قِسيُّهم
من النبل ثديا درُّه الثَرُّ فاطمه
فلهفي له مذ طوَّق السهمُ جيدَه
كما زينتْه قبلَ ذاكَ تمائمه
ولهفي له لمـّا أحسّ بحرّه
وناغاه من طير المنيةِ حائمه
هفا لِعناقِ السبطِ مُبتسمَ اللُّما
وداعا وهل غيرُ العِناقِ يلائمه
ولهفي على أمِّ الرضيعِ وقد دجى
عليها الدجى والدوحُ ناحت حَمائمه
تَسلّلُ في الظلماء ترتادُ طفلَها
وقد نجمت بين الضحايا علائمه
فمذ لاح سهمُ النحرِ ودتْ لو انها
تُشاطره سهمَ الردى وتُساهمه
أقلته بالكفينِ ترشِفُ ثغرَه
وتَلثم نحراً قبلَها السهمُ لاثمه
بُنَيَّ أفِقْ من سكرة الموت وارتضِعْ
بثديكَ علَّ القلبَ يهدأ هائمه
بنّي فقد درّا و قد كضّك الظما
فعلك يُطفى من غليلِك ضارمه
بنيّ لقد كنتَ الأنيسَ لوحشتي
وسلوايَ إذ يسطو من الهمّ غائمه
الشاعر: #الشيخ_محمدتقي_آل_صاحب_الجواهر (الكمباني)
عجباً لعينٍ فيكمُ لا تدمعُ
عجباً لقلبٍ كيفَ لا يتصدَّعُ
ولمهجةٍ لِمَ لا تُبدَّدُ حسرةً
لمصابِكمْ ولأنفسٍ لا تنزعُ
يا شهرَ عاشوراءَ ليتَكَ لمْ تكنْ
فلقد علاني ما بقلبيَ مُودعُ
إن أنسَ لمْ أنسَ ابنَ فاطمَ إذ غدا
والطفلُ مِن حرِّ الظما يتلوَّعُ
فأتى به نحوَ اللئامِ مُنادياً
يا قومِ هلْ قلبٌ لهذا يَخشعُ
هل راحمٌ يسقيهِ مِن ماءٍ لكي
فيهِ يبلُّ فؤادَه المُتوجِّعُ
قالوا: له مهلاً سنسقيهِ الرَّدى
بيدِ الحتوفِ وعلقماً لا يجرعُ
فرماهُ حرملةٌ بسهمٍ في الحشا
فغدتْ دماءُ حشائهِ تتدفَّعُ
فرمى بكفَّيهِ دماءَ وريدِهِ
نحوَ السماءِ مُنادياً يا مفزعُ
أفنى الجيوشَ بصارمٍ لا ينثني
فكأنَّهم أعجازُ نخلٍ أقلعوا
حتى إذا وافاهُ سهمٌ مارقٌ
فهوى صريعاً بالدما يتلفَّعُ
وانصاعَ مهرٌ للمخيَّمِ صاهلاً
ينعاهُ والعينانِ منه تدمعُ
فبرزنَ نسوتُه ثواكلَ وُلَّهاً
يندبنَ يا جدَّاهُ أينَ المفزعُ
هذي تنادي وا أباهُ وتلك تد
عو وا أخاهُ وقلبُها يتقطّعُ
وغدتْ إلى الجسمِ المطهَّرِ زينبٌ
مدهوشةً حسرى تُذادُ وتُمنعُ
فبكتْ ونادتْ يا أخي أسلمتني
ليدِ العدا مَن لليتامى مرجعُ
يا ليتني وسِّدتُ قبلَكَ في الثرى
إذ لم أكنْ عنكَ المنيَّةَ أدفعُ
يا جدَّنا هذا حسينُكَ بالعرا
فوقَ الصعيدِ عليهِ تسفي الزوبعُ
لهفي على الرأسِ الشريفِ مُضمَّخاً
فوقَ القنا والنورُ منه يسطعُ
لهفي لأبدانٍ عراةٍ خُضِّبوا
بدمِ الوريدِ وبالطفوفِ تصرَّعوا
الشاعر: احمد بن درويش علي الحائري البغدادي
#محرم_١٤٤٦
#الطفل_الرضيع
#قصيدة_رباعية
١/ عندما قامَ حسينٌ للوداعِ
عازمًا ملقى المَنايا في الصّراعِ
إِحتوى طفلًا لهُ والعرشُ ناعي
جاءَ سهمٌ جارحٌ والطّفلُ رفرفْ
٢/ صدّعوا قلبَ أبيهِ فيه قهْرا
ما سَقَوهُ العذبَ والأحشاءُ حَرّى
يا صغيرَ النّحرِ كيفَ النّحرُ يُفرى
ظامئًا والنّزفُ في الأوداجِ ما جفّْ
٣/ وَغفَت عيناهُ إنَّ الطّفلَ مذبوحْ
لائذًا نحوَ أبيه أسلمَ الرّوحْ
يابسَ الثّغرِ، يضمّ السّهمَ مجروحْ
أصغرُ الأزهارِ لِلعلياءِ تُقطَفْ
٤/ بُرعُمٌ في الطّفِّ لم يتركْ أباهُ
في عظيمِ الحرّ واساهُ ظَماهُ
تشهدُ الرّمضا على سيلِ دماهُ
فوق رأسِ الرّمحِ صار الرّأس يَرعَفْ
٥/ وَلَهُ صارت ضلوعُ السّبطِ قبرا
حيثُ رسمُ الخيل فيها بانَ كسرا
فيه ذكرى محسنَ المدفونِ سرِّا
مُهجةُ الزّهرا على الطّفلينِ تَلْهَفْ
#كتابات_حسينية
منهاج محرم الحرام الحرام 1447 هـ
عبد الله الرضيع (عليه السلام)
طير چان بكربله
وشاف نبلة حرمله
يروي أخر شبگه ما بين
الطفل عبد الله والحسين
طير چان بكربله
طير وأسال عمري كله.... وين ابو اليمه أشوفه
واعرفت بالطف واجيته....ودي أقَبِلَّه چفوفه
وگلت هسه الناس زحمه....محاوطه حسين وتطوفه
وين أَحَصّل نظره منه....وگلبي بس من هاي خوفه
واقنعت كلبي بخبر
لو مشه إنشم الأثر
أو نشوف اليوم الأثنين
الطفل عبد الله والحسين
طير چان بكربله
ــــــــــــــــــــــ١ـــــــــــــــــــــــ
جيت من جهة العساكر....گلت اكيد اعليه زحمه
وبالوجوه شما اباوع.... هاي ماهي اوجوه رحمه
اعله النهر باوعت فارس....ابلا چفوف ويجري دمه
انعصر گلبي وصرت اصرخ.... هذا بس لا أبو اليمه
وردت اموت واستمع
صوت للحگ مرتفع
الصوت هذا الجايني منين
الطفل عبد الله والحسين
طير چان بكربله
ــــــــــــــــــــــ٢ـــــــــــــــــــــــ
گلبي أخذني لأبو اليمه.... وشفته شايل طفل بيده
يِشم نحره وهوَّ يمشي....أشعر ايواسي وريده
والطفل چي على ذراعه.... عيونه مبتسمه وسعيده
وچنه بعيونه يگله....مو الماي أنت الأريده
وبالحسين أشعر ألم
چنه خايف من سهم
ويا حنان سوالف بعين
الطفل عبد الله والحسين
طير چان بكربله
ــــــــــــــــــــــ٣ـــــــــــــــــــــــ
الطفل گدما بي براءة....وگد جماله ودي أحضنه
وطرت فوگه حتى أبعد....بجنحي حر الشمس عنه
ودرت وجهي ولنها نبله.... جايه وتقترب منه
بگلبي ردت اشگفها لكن....منذبح أنظرله لَنَّه
وانظرت لن الدِمَه
منه صاعد للسمه
والامحاضن بين حضنين
الطفل عبد الله والحسين
طير چان بكربله
ــــــــــــــــــــــ٤ـــــــــــــــــــــــ
دَوَّرِت لو بعد نبله.... حتى كون انذبح بيها
ارد اموت ولا اشاهد.... عيون الحسين وبچيها
وبي يشم الدرب كله.... والخيم تنطر يجيها
وصاح زينب مدري أمه.... وحرمه اجت ترجف إيديها
اتگله اهلا بالضوه
ساكت اتوقع روه
وباوِعَت دم اعله الايدين
الطفل عبد الله والحسين
طير چان بكربله
ــــــــــــــــــــــ٥ـــــــــــــــــــــــ
منذبح وامه تگله....شبي تِغيَّر لون خدك
نايم إهنه وابقى نايم.... بحضني ما اردك لمهدك
يُمه لا افتح عيونك....حتى أعرف شني اشعندك
بكلشي منك يُمه أرضى....لچن ما بيَّه اعله فگدك
يُمه گالو منذبح
وينتظر راسك رمح
وبالسبي ابقى انظر لوين
الطفل عبد الله والحسين
طير چان بكربله
ــــــــــــــــــــــ٦ـــــــــــــــــــــــ
أحمد البصراوي العبادي
نسألكم الدعاء والفاتحة لوالدّي
وخادمكم بأمس الحاجة للدعاء
★ أبوذيات ونواعي متعددة لـ عبدالله الرضيع ★
★نصاري -- عاشوري -- زريجي -- جنوبي وغيرها★
يمه الولد يا يمه
زغيرون الولد مو مال عامود
يبني اعليك ضل الگلب ممرود
ردت وكتي يعودك بس الي اردود
اوي يمه اوي يمه الولد يمه
بچى وليدي الذبحته ودمعت العين
وصارت دمعته بعيون لحسين
وچنه يگله بويه افدي وريدين
وريد الغربتك يمكمل الدين
وريد اعله السبي وحرگ الدواوين
اوي بويه اوي بويه
✍️#م_سيد_حسن
☆━━━━•●●☆●●•━━━━☆
★أبوذيات★
يمه الولد يمه
حسبتك ذخر بالدنيه ..ومالي (المال )
يلمنوور حياة امك ..ومالي
يل اطلبتك من الباري ..ومالي
غيرك سلوی يل رحت من اديّه....
گلبي انفطر يوليدي ..وريدك
يمه بيا ذنب گطعوا ..وريدك
الي جابوك ماتبچي ..وريدك ( واری ايدك )
مخضوبه بدمه سهم المنيه....
ردته يشرب امّيّه ..وراه حي
وليدي بهجت ايامي ..وراحي
تالي اتخضبت راحه ..وراحي
من عنبر وريده الجره عليّه....
✍🏻#ام_محمد_الحجاج
سلوة دنيتي وغيره ..ولالي ((ما ألي))
بدونه انهاري اظلم ..ولالي ((الليالي))
أهزن بالمهد يمه ..ولالي ((ألولي))
عفتني وغمضت والحسرة بيّه....
✍🏻#ولائـية_وافتـخر (دعاء العامري)
تمنيت اسمعه لوصاح ..يمه ((يُمه))
العمر كله ردت عالدوم ..يمه ((يَمه قريبة))
وانـه لجله سهرت الليل ..يمه ((يامه))
وتالي انذبح ابني بديه...
✍🏻#ام_عباس_الحسيني
گضه وليدي العطش ماضاگ ..شربه
ومن دم ذبحتنه چن صار ..شربه
حاربني الدهر وشكثر ..شر به
خذاك من أيدي لأحضان المنيه...
✍🏻#آلــــّعــلّويِـــه آلّمٌوسويِــــۿ
☆━━━━•●●☆●●•━━━━☆
★مجاريد -- عاشوري وغيرها★
افراگ الولد ودرلي العيون
وبچلاي چن مشتعل چانون
حرموني منك يازغيرن
راح التعب يبني التعبته
والليل ذاك الي سهرته
وبروحتك گلبي شعلته
✍#ام_مهدي_الفرطوسيه
يمه الولد يا ناگود كلبي
وشسوه زمانی ها یربی
راح الولد وراح تعبی
بعد ما ینگطع یالولد ونی
وعلیک شنهی الیصبرنی
خالی صبح یالولدحظنی
صاب الرضیع وحزو وریده
فرفرت روحه وشمربیده
وشلون حال ابن الصمیده
✍️#_علویه_ام_فاضل
اليوم الحسين شلون حاله
وابنه انگطع نحره وشاله
وضيع معانيه ودلالــــه
شنهي الذنب يالعمرك ازغير
وسهم النحر يوليدي اجبير
واعله الميه اعيونك ادير
✍🏻#خادمة_اهل_البيت_ام_ابراهيم_الحلفي
دللول الولد يبني دللول
حسبالي غافي اطلعت مچتول
شلّك ييمه بنومة الچول
ياهيل فوگ الرمح مشتول
قرآن لو راسك المشيول
الگطع راسك ريته مشلول
چفه .. وعافيه بالدنيه مينول
اعاين لراسك مايل ميول
وبعده بدماه ياعبد مبلول
مذبوح يلماتممت حول
✍🏻#ام_محمد_الحجاج
ردت الولد لايام كبري
لجن بسهمك نفذ صبري
محمل ذبحتك آ يعمري
ويلي المهد خالي وناغيك
عبدلله وينك يمه اناديك
رد لي بدللول آنه احاجيك
✍#خادمه_آل_القائم_(عج)_فاطمه_اللامي
☆━━━━•●●☆●●•━━━━☆
★طور مالي غيرك★
يمه يبني .. رحت ياعزي ودلالي
يمه يبني .. ليش عفت المهد خالي
يمه يبني .. بغيبتك هديت حالي
ودعتني .. وضلت عيوني جرية
ودعتني .. والجمر تستعر بية
ودعتني .. ورحت مني للمنية
يارضيعي .. مشبعت منك يالزغير
يارضيعي .. ماحسبت احساب ليصير
يارضيعي .. عينك افتحلي و الي دير
✍🏻#ولائـية_وافتـخر (دعاء العامري)
☆━━━━•●●☆●●•━━━━☆
★ طور الحدي الركباني.. طور الحدي البدوي.. طور الفائزي القطيفي.. طورالفائزي البحراني العراقي.. طور تراث البحراني القديم.. ★
مصيوب يبني يالولد مذبوح جابوك
من وريد لوريد العدا يايمه صابوك
وسهم المنية من الصغر يوليدي راووك
هذا نصيبي وانظر اعله المهد خالي
هزيت مهدك وانتحب وتهل دما العين
راح الولد مني بعد انطي الوجه وين
والروح ماتهدا بعد ياضنوة احسين
عميه عساني ولا شفت ذبحك يغالي
✍🏻#ام_سيد_يعقوب_الموسوي
☆━━━━•●●☆●●•━━━━☆
★التغريد الحزين ((الشيخ زمان الحسناوي)) -- طور عبد الحي قمبر ((ياجبريل نترجاك)) -- لفى عاشور ((الشيخ سعيد المعاتيق))★
أهزن بالمهد وأنعاك وأعاين للمهد خالي
أسمع صوت لمناغاك ووجهك چن تراوالي
عگبك لاحله ولاطاب يريته وياك ترحالي
دعيت الله يجيني الموت بعدك ياضوة هلالي
ولايبطل عليك النوح صبح مفطــور دَلالـــي..
✍🏻#آلــــّعــلّويِـــه آلّمٌوسويِــــۿ
☆━━━━•●●☆●●•━━━━☆
#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩
لسان حال زينب لاخيها الحسين ع وبيدها الطفل عبد الله
#جفيري
خويه رضيعك شيـــله
امه بألم تدعــي لـــــه
واتسكته واتلوليــــــله
حال الطفل يفجع تره
يرفس تراه وماغفـــى
كبدة رضيعك ناشفــة
واتشگگت منه الشفـه
حال الطفل يفجع تره
حالة لظى بي هــــــوه
مو بس ضمي ويتروّه
شوف الطفـــــل يتلوّه
حال الطفل يفجع تره
#اخذه_الحسين_ع حمله بيده
ذهب به الى القوم يطلب له الماء...
گلهم ....
#عاشوري
طفل هذا وشنــــو ذنبه يا ظُــــــلّام
عطشــــــان الزغيــــر وعينه مَتنــام
لچن هالگــــوم ردّوله بالاسهـــــــام
وذبحَوا علي الاصغر بيــــد ابيّــــــه
رفس من حس ألم وانشبحت العين
ودُموعه تستغيث ابوجــــه الحسين
اويلاه رگبتــه گسمـــوهـــا نصّيــــن
ابسهم مسموم راضعتــه المنيـــــــة
✍🏻 الشاعرة زينب الخفاجي
#قصائد_في_خدمة_الخطباء
#ليلة_عبدالله_الرضيع(ع)
كأني بالحسين(ع) يخاطب ولده الرضيع بعد أن نظر إليه و الدماء تجري من نحره الشريف..
(طور ملا عبد الحي آل قمبر)
ضَمَّه لْصدرَه اْبو السَّجاد وْ مِن نَحره الدِّمَه تِجري
و گله بلا ذنب ذبحوك يابني و يا بعد عمري
خبّرني عن الآلام يا هو أصعب و أكبر
نار العطش لِبْگلبَك لو نار بْسَهم تِسعَر
ريت الموت من گبْلَك مِن عندي أخَذ مَنحر
ريت عْيوني ما شافَت عينك غافِيَه بْحِجري
سَلِّملي عَلى الأكبَر وْ سَلّملي عَلى الجاسم
وِعْلى المرتضى حيدر وِ على المُحسن و فاطم
و لو شِفْت النّبي جدك گِلّه حسين اِْلَك قادم
ساعة و أنْذِبِح عالگاع لله سَلَّمت أمري
يا عبدالله وَاخباري لُْامّي الزّهره وَصِّلها
و خَبّرها عنِ الأطفال وْ عن زينب دَخَبِّرها
گلها من بَعَد عبّاس الشِّمر للشّام ياخِذها
تالي تِدخل عْلى يْزيد وِ تْنادي "نْهِتك سِتري"
#عظم_الله_أجوركم
فاطمة رزق
#في_الخدمة_المقدسة
#وزن_الطويل
(تصوير خطاب الرباب لطفلها الرضيع بعد شهادته)
حبيبي يا علي الأصغر.. يا غالي فتّح عيونك
عجيبة عالثرى نايم.. وبعد ما أسمع ونينك
إجيتك يبني متلهفه.. أريدن يالولد ضمّك
أخافن عني لو تبعد.. حبيبي يا بعد أمك
أتاري منذبح شوفك.. يا إبني بمنحرك شمك
وضمك يا ضنا قلبي.. بعد ما خلصت سنينك
&&
أهدهدلك يا عبدالله.. عسى تنظر لعينيه
وعسى يبني تناغيني.. وتِحِنْ يمه بعد ليه
بإدينك تحضن ضلوعي، وبعد تغفى عإيديه
يحسرة قلبي يوليدي، يفطموك بسهم بينك
&&
بدمعي يالولد أسقيك، وطفّي قلبك الظامي
وبِجْروحي بعد داويك، وضَمِّد جرحَك الدّامي
يوليدي يا نور العين، ظْلَمَّت بعدك ايامي
وعلى ذبحك يا عبدالله، إلهي سيدي يعينك
&&&
يا عالم عادة الأطفال.. بْحضن أمها يفطموها
وأنا وليدي بسهم مفطوم، ودمعتي ما ينشفوها
أحَنّي ضلوعي من دمه، عليه ضلوعي حرقوها
بروحي أسمعه يناغي، وأنادي يالولد وينك
#زينب_فياض
الدهــر يبــني و يـــهدّم ماي لبنه
وتـــصيح أم ولـــد دري ماي لبنه
خذه ابنه احسين ايدوّر ماي لبنه
وعلى صدره انرمه ابسهم المنیه
هادي الامغيطي البوغبيش
*الرباب عند ولدها الرضيع* طور الجزع~
لحظة وإجت أمّه إله تضمّه
تعاين ذبح نحره تجي تشمّه
تشوف الرضيع مخضّب بدمّه
بالسهم مفطوم
〰️〰️〰️〰️〰️〰️
شافت ابنها منذبح نحره
شافت طفل يابس بعد ثغره
السهم برگبته والدمه حمره
وبالسهم مفطوم
〰️〰️〰️〰️〰️〰️
(يلا اتخيل الموقف ام تحمل ولدها المذبوح والسهم في نحره مغسّل بدماءه واويلاه واولداه~~)
تگله منو گطع نحر الولد ظامي
گلبي انفطر شفت النحر دامي
راس انگطع غسله الدمع هامي
وبالسهم مفطوم
خادمة آل محمد ✍🏻
لحن الجفيري حال الرباب تبكي ولدها الرضيع~
ودعتك الله يالولد
يا گطعة من وسط الچبد
بس مو إلك نوم اللحد
عفت امك وبعد تضيع
〰️〰️〰️〰️
بدموعي فصّلته الكفن
بعدك صغير على الدفن
ما تسمع امك من تون
من شافت المنحر گطيع
〰️〰️〰️〰️
يبني يا مفطوم بسهم
رحت وخذت كل الحلم
هزّيته مهدك بالألم
نايم يا عبدالله الرضيع
〰️〰️〰️〰️
نومه هنيه يالطفل
بالجنة عندي بس أمل
وي محسن وامه تظل
وتشفعلي يم طه الشفيع
خادمة آل محمد ✍🏻
.❨﷽❩┈•
نعي لعبد الله الرضيع ع ❣️
انه الوالده الميت ابنها
ميت وماظايگ لبنها
انه الولده الشالگ متنها
عبد الله يمه هاي هيه
أتموت بسهام المنيه
عطشان ماشارب اميه
كطع كماطه من حركته
السهم جارح حز رگبته
رايح الحلوه ظحكته
بسهم صابوه الصغيرون
ترف خده وحلوا العيون
من الله ونبيه مايخافون
فكد الولد يمه كتلني
وعليگ ابد مابطل وني
شلون ترضه تروح عني
✍️مريم العبوديه اسيرة الاحزان 💔
نعي ليلة عبد الله الرضيع علية السلام
،،،،،،،،،،،،،،،،،،،،،،،،،،،،،،،،،،،،،،،،،،،،،،،
عبد الله يمه بحالك شلون
من العطش متفتح العيون
عطشانه أنه وانته عطشان
وعباس يم الماي مطعون
بنص الحرب والموت خطوات
بس والدك باقي وهالاصوات
صاحت عليه متعيش هيهات
عندك گمر فوگ الرمل مات
خجلانه من حسين أگله
هذا العطش لا مو محله
وحاله صعب والعله عله
وصلت الحاله ايغمض العين
وانه صحت يحسين يحسين
عبد الله ابنك لا تخليه
بلكت يشربونه وترد بيه
گلبي لچمني وخايفه أعليه
يحسين ما يحمل تره أبني
غمض عيونه وما عرفني
گتله ييمه وياك اخذني
غطي الولد تدري الشمس نار
الرمل يحرگ والعطش حار
يحسين شنهي ذنب الزغار
مودع ييمه وبلكن تعود
عيني عليك وحيلي مهدود
بس كون ترجع لامك ردود
غالي الحسين وابنه غالي
وانه غريبه بدون والي
حسين الذخر وابنه دلالي
يا دمعه البعيني تلالي
شفته رجع بس حيل تعبان
هذا ابو اليمه وگلبه نيران
من بعيد اشوف الجدم ثگلان
گلبي لچمني شلون بيه
زينب مشت واتلگت الجاي
ها خويه ابنك شارب الماي
وياي گلهه وني وياي
هاچ الطفل مذبوح خويه
وجه الگمر عطشان ينعاف
والسهم نار وينلچم خاف
شايلته زينب ردت تنوح
تحت العباه ضمته وينشاف
يم الخدر بشريني نايم ؟
أيام من الماي صايم
يا گلبي يلتحمل ظلايم
بس كون يفتح عينه اليه
لمن بچت زينب صحت آه
أبني انذبح يحسين ويلاه
يا موت اخذني اليوم وياه
ما اريدهه الدنيا بلياه
زينب اطيني وليدي اشمه
وامسح شفافه وفيض دمه
بعد الولد ما تنفع امه
مشتاگه الوليله واحاچيه
علمهد من ينام اخليه
ويفتح اعيونه وابتشر بيه
بس انتهت والمات ميعود
عبد الله يمه الولد مريود
يا ريت وجهي ماكله الدود
ولا شوف وجهك غاسله الدم
لخادم الحسين ✍️✍️
رعد الفريجي
🌷الشيخ سمير الصالحي🌷:
⬛️◼️القصيدة-3-◼️⬛️
وجاءَ بهِ نحوَ اللئامِ مُنادِيا
خُذوهُ ورَوُوا كبِدَهُ الماءَ صافيا
أليسَ بكُم مِن غَيرةٍ أو مروءَةٍ
رضيعٌ بلا ذنب ٍ يظلُ مُعانيا
فأهلي ووُلدي قد قَتلتُم جَميعَهُم
ولم تُبقُوا أصحابي قتلتُم رجاليا
خذوُهُ بأيديِكُم فلستُ بطامعٍ
لأَسقيَ أطفالي وأسقي نسائِيا
فجآءَ ندآءُ الوعظِ وهوَ يأُزُهُم
وفَرَّقَهُم والرأيُ لم يكُ باديا
وراحَ ابنُ سعدٍ قاطِعاً كُلَ قَولهِِم
وحرمَلةٌ بالسهمِ قد كانَ قاضِيا
ليَذبحَ عبدَاللهِ والسبطُ في جوىً
ويَملئَ فيضٌ مِن دِماهُ الأياديا
وصاحَ إلهي وهوَ يرميهِ للسَما
بعينِكَ يا رباهُ تعلمُ ما بيا
وما زادَهُ حُزناً سوى نوحِ أمِهِ
ربابُ و قلبُ الأمِ قد صارَ داميا
تخاطبهُ في حُرقةٍ وآ فَجيعتي
بُنيَّ بِماذا قد أغظتَ الأعاديا!
أليسَ بهِم عطفٌ عليكَ وها أنا
أنوحُ وأرمي للزمانِ عِتابيا
أ مهجةَ روحي إن عقليَ ذاهلٌ
وموتُكَ سهمٌ قد أصابَ فؤاديا
وتمضي لمهدِ الطفلِ ليلاً تهزُهُ
تناغيهِ شجواً حينَ تنعى نواعيا
#سمير_الصالحي
#البصرة_الفيحاء
—————————————
⬛️◼️القصيدة-3-◼️⬛️
🏴{بأي ذنبٍ قُتلت}
وآ مُصاباً زادَ آلآمَ الشَفيع
فَهو رُزءُ السبطِ والخطبٌ الفظيع
أيُ جُرمٍ قد جنىٰ الطفلُ الرضيع
كي يذوقَ الموتَ من قومٍ لِئامْ
لم يُطق رؤيةَ حالِ الثاكلات
صبيةٌ عَطشى وأخرى باكيات
أمهاتٌ ونساءٌ ذاهلات
وبُنياتٌ أتاهُنَّ الحِمام
حينَها قرّرَ للحقِ ارتحالا
وإذا سهمُ الردى يأتيهِ حالا
وحسينْ دمعُهُ سالَ إنهمالا
ثمَّ لمّا اعتَنقا كانَ الخِتام
رَفرَفَ الطفلُ كطيرٍ قد ذُبِح
نحرُ عبدِ اللهِ بالسهمِ جُرِح
وعلى الصدرِ دمٌ منهُ سُفِح
وبقلبِ الأبِ قد شبَّ الضِرامْ
يادماءً لم تَزل للظلمِ آيه
للسما يرمي بها السبطُ شِكايه
ولها الربُ حباها بالرعايه
خَلُدَت بل وأستَقرَت بسلام
آهِ لما علِمَت فيهِ الرباب
أمهُ الولهى بدا منها العتاب
ياضياءَ العينِ أفجعني المصاب
وفؤادي ولدي فيكَ هيام
أسفاً ما برحِت تنعاهُ حَيرى
وتناغي مهدَهُ سِراً وجهرا
كيفَ أنسى وجهَك الباسمَ ثغرا
فحياتي الموتُ والدنيا ظلام
———
🏴 وأمه الرباب ...
🌑آنه امك واناغي للمهدكل حين
عگبك ياوليدي ما أبطل ونين
ولهانه وذهيله وگطع بيه البين
ما اصدگ تروح بساع من عندي
🌑أظل مساهره وذكراك بعيوني
واشوفن صورتك مطبوعه بجفوني
آه عليك يبني وخابت اظنوني
تفارگني يعبد الله انمرد چبدي
#سمير_الصالحي
#البصرة_الفيحاء
#غربة_زينب
صدگ يحسين باچر فوگ التراب !
مرمي وياك اخوتي وكل الاحباب !
وصدگ خيل العده توصل للخيام !
وتوج النار بيهه وتحرگ اطناب !
وصدگ وحدي تخلوني ويه الايتام !
واظل بحيرتي وامشي ويه الاجناب !
ولا يمي أهل لا يمي وليان
وبدر ليلي ابو فاضل يا وسف غاب
عگبكم منهو احشمه ولايظل حيل
وگلبي بليل عشره من القهر ذاب
ولو چل ليل باچر لوعتي تزيد
وانخه امي الزچيه وداحي الباب
يبو الشدات اصيحن فزعتك وين !
واظن محد يجيني ومامش جواب
بس النوح يبقى بهدوة الليل
ودمع عيني يسيل من ابدي لعتاب
وحداي
صفيت اخلاف حزمة زلم وحداي
وراح الچان الي كفال وحداي
بنواعي الفاجده وونين وحداي
أنوحن هلي الناموا عل الوطيه
#سمير_الصالحي
#النجف_الأشرف
الله يا حامي الشريعة
اتقر وهي كذا مروعة
بك تستغيث وقلبها
لك عن جوى يشكو صدوعه
ماتَ التصبرُ في انتظا
رِك أيها المُحيي الشَريعه
فانهضْ فما أبقى التحملُ
غيرَ أحشاءٍ جزوعَه
قدْ مزَّقَتْ ثوبَ الأُسى
وشكتْ لواصلِها القطيعه
فالسيفُ إنَّ بهِ شفاءَ
قلوبِ شيعتِك الوَجيعه
كم ذا القعودُ ودينُكُمْ
هُدِمَتْ قواعدُه الرفيعه
تنعى الفروعُ أصولَهُ
وأصولُهُ تنعى فروعَه
فاشحذ شَبا غضبٍ
له الأرواحُ مذعنةٌ مطيعه
واطلب به بدمِ القتيلِ
بكربلا في خيرِ شيعه
ماذا يُهيجُكَ إن صَبرتَ
لوقعةِ الطفِ الفضيعه
أَتُرى تجىءُ فجيعةٌ
بأمضَّ من تلك الفجيعه
حيثُ الحسينُ على الثّرى
خيلُ العدى طحنت ضلوعه
قتَلَتْه آلُ أميةٍ
ضامٍ إلى جنبِ الشّريعه
ورضيعُهُ بدمِ الوريدِ
مخضبٌ فاطلبْ رضيعه
الشاعر: #السيد_حيدر_الحلي
سؤالٌ إلى حرملة (لع)
في استشهاد المولى عبد الله الرضيع (ع)
أوَما رقَقْتَ بكربلا يا حرْملهْ؟
ولما جنيْتَ بكتْ عيونُ البسْمَلهْ
هذي سِهامُكَ صوَّبتْ كَبِدَ الْهُدَى
بَلْ سطَّرَتْ في العَرْشِ آي "الزلزلهْ"
عينُ الكفالةِ أنتَ مَنْ أطفأْتَها
فلها البتولةُ في الجَنَائنِ مُعْوِلهْ
ورميتَ بالسَّهْمِ المُثلَّثِ مُهْجةً
دمُها رقى في الخُلْدِ أعلى منزِلَهْ
حدِّثْ ففي قَلْـــبِ الربابِ تساؤلٌ
(أوَمَا رققْتَ بِكَرْبلا يا حرْملَهْ)؟!
فيجيبُ" لا أنسى حسيناً قادِماً
يَمْشِي وبيْنَ يديْهِ طِفلٌ ظلَّلَهْ
قالَ ارْحَمُوه وبَلِّلوا عطشَ الحشا
ما كانَ ينقصُ ماؤكمْ إِنْ بلَّلهْ
صوتٌ بهِ انفصَمتَ عُرى سُفْيانِهمْ
ما بينَ مدْبِرةٍ وأخرى مُقْبِلَهْ
سدَّدتُ سَهْمِيَ لا أرى منْ نَحْرِهِ
إلا بياضاً ناصعاً ما أجْملَهْ!
وثكَلتُ والدَهُ بقَطعِ وريدِهِ
إِذْ كانَ قَطْعَ نِزاعِهم أنْ أقْتُلَهْ
كالطَّيْرِ رَفَرفَ للحُسَينِ ببسمةٍ
ودنَا إليْهِ يضمُّهُ فرققتُ لَــهْ..."
الشاعر علي عسيلي العاملي
#الرضيع_عليه_السلام
#اللهم_عجل_لوليك_الفرج
مجلس الرضيع وليلة العاشر /محرم ١٤٤٧
💧💧💧💧💧💧💧💧💧
(نداء وتعزية لصاحب الزمان عج ليلة العاشر....)
سلامٌ لشمسِكَ والمَطلَعِ
فداءٌ لسيفِكَ إن يَلمَع ِ
ينادي بثأرِ الإمامِ الشهيد
وثأرِ الطفولةِ والرُضَّع ِ !
سلامٌ عليك إمامَ الزمان
على الدمِ يجري من المدمعِ
ترى سهمَ حرملةٍ مُسرِعاً
إلى أين يا سهمُ؟..لا تُسرِعِ !
ويَذبحُ نحرَ الرضيع ِ الطَريّ
وجدُّكَ في موقفٍ مُفجِعِ
يَصُبُّ دمَ النحرِ في كفِّهِ
وعيناهُ تنصَبُّ بالأدمُعِ
وربّ ِ السماواتِ حين رَماه
سما للسماءِ ولم يَرجِعِ !
وماتَ الرضيعُ بحِضنِ أبيهِ
شهيداً فيا لوعةَ المصرعِ !
وليلةُ عاشرِ أحزانِكم
بها الجَدُّ يتلو خطابَ النعي!
يقولُ سأُذبحُ يومَ غدٍ
وتَطحَنُ خيلُ العدا أضلُعي
ويُرفَع ُ رأسيَ فوق القنا
ويَقطَع ُ شرّ ُ الورى إصبعي
وأبقى صريعاً بهذا العراء
وكلًّ الأحبةِ صرعى معي
وزينبُ تركض ُ من مَوضِعٍ
وراءَ الصغارِ إلى مَوضِع ِ
وبحرٌ من النارِ يمتدُّ في
جهاتِ مُخيَّمِها الأربعِ
حذارِ من النارِ تنسلُّ في
خيوطِ العباءةِ والبُرقُعِ !
سلامٌ عليكَ إمامَ الزمان
حزيناً جَزوعاً فقَدتَ الوعي
إذا قيلَ زينبُ مسبيّة ٌ
لقصرِ ابنِ هندٍ وقصرِ الدعي !!!!!
محمد طالب العاملي
قريض بحق عبدالله الرضيع عليه السلام
طِفْلٌ صَغِيرٌ يَا تُرَى مَاذَا جَنَىٰ
وَالْقَوْمُ مِنْهُ تَضْطَرِبْ وَتَصِيحُ ..
ظَمْآنُ يَلُوكُ لِسَانُهُ لِمَ اسْتَطِعْ
ارْوَيْهُ وَالْمَاءُ الزُّلَالُ شْحِيحُ ..
لَهَفِي لِطِفْلِي اذْ يَنُوءُ بِرَأْسِهِ
خَارَتْ قُوَاهُ وَالْفُؤَادُ جَرِيحُ ..
وَاتَاهُ سَهْمٌ مِنْ لِعَيْنٍ وَانْتَهَى
فِي نَحْرِهِ وَغَدَا الصَّغِيرُ ذَبِيحُ ..
وَجَرَتْ دِمَاءُ النَّحْرِ مِنْهُ رَأَيْتُهُ
مَا بَيْنَ احْضَانَيْ الْحَبِيبُ طَرِيحُ ..
===============
نعي بحق عبدالله الرضيع لسان حال الرباب
-----------------------------------------
يسباح الكَلب يا شوف العيون
يعبدالله الدليل اعليك محزون
يفت الروح يفراكَ الزغــــــيرون
انــــــدهك ما تــــرد جواب لية
------------------------------------------------
نحرك يوجعك يا يمة لو لاه
احا يالــــــــولد يا حسرة رباه
مثل عمر الورد ماعرف دنياه
تفرهد يا خلكَ من بين ادية
------------------------------------------------
ركَبتك موش مالت ذبح يبني
بساع بساع يــــــمة رحت عني
مــــــن راح الولد ياروح ونــي
يعــــبدالله شعـمل فركَاك بية
------------------------------------------------
خالي يظل مچانك من اصد ليه
اهــزن بالمــهد يــــبني واناغــــيه
وحشة البيت شالت زهرتة البيه
تمنـيت اندفــــن يمــــك ســوية
------------------------------------------------
السهم چتال وانتة طوير جنة
يبنــــي وداع منــــك ما شبعنة
خذاك البــــين يمة بـساع منة
يبني منين اجتني الغاظرية
------------------------------------------------
زغير وما سمعتة يكَول چلمة
بساعة ذبحــــــتة ياريـت يمة
من ذبحوا ركَبتك صحت يمة
لــــو مالحكَت تنــــده عـلية
أسالكم الدعاء رائد الاسدي