8111
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
1443 / دمعة القائم وسبي الفواطم
ليلة العاشر مولاتنا زينب تودع أخاها وتتزود منه، فيوصيها الحسين ع بوصية عظيمة:
أختي زينب، إذا رأيتِ الشمر يجلس على صدري فابتعدي عنه ولا تكلميه، عليكِ بالصبر، أختاه لا تلطمي عليَّ خداً ولا تشقي عليَّ جيباً... ولسان حاله / لحن لفى عاشور او الحان الملا عبدالحي قنبر~ او التغريد الحزين~
لو شفتي الشمر جالس وعلى صدري يتربع
صبري يختي عالمحنه لو شفتي. النحر يگطع
لو شفتيني عالغبره دامي جسمي بالمصرع
صبري يا بنت حيدر وصية ٱخوچ لِزميها
❊❊❊❊❊❊❊❊❊
لو عينچ يا محزونه شافت نحريِ المنحور
ثوبچ لا تِشِقّينه ولا تهلّي الدمع منثور
ولو شفتي خيول عداي جالت عالصدر مكسور
اصبري يختي يا زينب
ودمعتچ لا تهليها
خادمة آل محمد✍🏻
هالله هالله في الصبر يا زينب هالله هالله في الوصية يا زينب انت العالمة الفاهمة انت الكافلة للعائلة بعد اخيك الحسين انت التي ستحفظ العيال والاطفال والنساء…
يگلها گومي… روحي لخيمتچ بالحال
يگلها گومي… وشوفي النسوة والاطفال
يگلها گومي… واحمي ربّات الدلال
تگله خويه… راح اودعك هالمسيه
تگله خويه… وامري لله بهالرزيه
تگله خويه… ودمعتي بخدي جريه
خادمة آل محمد ✍🏻
#لحن_يا_محرم ( للشيخ محمد العاملي)
#ليلة_العاشر
#وصية_الإمام_الحسين ع لأخته السيدة زينب ع
آيا ليلي باكر انحور و ذبايح
آ يا ليلي من الساع ابدي النوايح
يا مصاب الغاضريّه .. ليلة العاشر رزيّه .. آيا ليلي
١_ شلون بيّه شاهد إخواني رمايا
عالثرى كلهم يناموا بس عرايا
وانا وحدي بليا حامي بليا رايه
وابهظمتي لمنهو همي اشتكيله
وابهظمتي وحدي ابقى ويَ عيله
اشعِدها ويانه أمية .. ليلة العاشر رزيّه .. آيا ليلي
#الحسين ع يخاطبها :
٢_ يِعينك الله باكر اتشوفين نحري
وتعاينيني جالس الذابح في صدري
وكلها اوصالي قطيعه ودمي يجري
يختي يختي تروحي لايتامي أمانه
يختي يختي لانا لا حامل لوانه
صعبه ادريها الوصيّه .. ليله العاشر رزيّه .. آيا ليلي
#السؤال من السيدة زينب ع
٣_اشيجرى بينه لو رحت يخويه عنه
وبس حريم إحنه وذبايح كل اهلنه
يعني انظر شامت اليحدي بظعنه
عالهزيله أمشي محزونه واسيره
عالهزيله انظر اخواني في حيره
من بعد عزي سبيّه .. ليلة العاشر رزيّه .. آيا ليلي
🖊خادمة أبي الفضل
ـــــــــــــــ ༻ ﷽ ༺ ـــــــــــــــ
📝 #محرم_1446هـ
فخَرجْنَ النساءُ إليهم ببكاءٍ وعَويل، وقُلنَ: أيُّها الطيّبون، حامُوا عن بناتِ رسول الله وحَرائرِ أمير المؤمنين.*
*فضج القومُ بالبكاء، حتّى كأنّ الأرض تَميدُ بهم فناداها أوخية زينب انت كنت السبب في مجيئهم فكوني السبب في عودتهم ، فأتزرت بإزار أمها فاطمة ووقفت بباب الخيمة ونادت انسبوني معرفة من انا !!💔
📝#طور_الفراق
هالله هالله.. بْنصرة احسين الشفيـة
هالله هالله.. هـــــوّ والعبــاس اخيّــه
هالله هالله.. سانــدوه يَهْــل الحميّــه
هالله هالله.. آمَـر الله و أمــره جـاري
هالله هالله.. دمكم يْــرَوّي الصحـاري
هالله بالله.. جسم اخويه يبقى عاري
هالله هالله.. بهالأراضــي وهالبــراري
ـــــــــــــ ༻❁ ❃ ❁༺ ـــــــــــــ
📝 #نعي_شعبي
آه آه
و أنــــه زينب العلويــــه
عجب يـــانــاس اتيّســر
و أمي فـاطمــة الزهــرة
ابويــه المرتضى حيدر
هــالليــلة بحمــايتكــــم
و باجــر بالجثث اعثـر
ادوّر وين اخويه حسين
الكاه عالرمل مطــروح
ـــــــــــــ ༻❁ ❃ ❁༺ ـــــــــــــ
باجـر أمشــي مكتوفــة
بين اعدائـي و الشمّــات
و انا بنت النبي العدنـان
و تسمع إذنـي الشتمـات
يشتمــوا والدي الكـرار
ويكولون اخـوچ المــات
عطشــان وغريب اهنـــا
وذاك اللي اكفَلج مذبوح
ـــــــــــــ ༻❁ ❃ ❁༺ ـــــــــــــ
✍ #الشاعرة_زينب_الخفاجي
🤲 #اللهم_صل_على_محمد_وآله
#قصائد_في_خدمة_الخطباء
#محرم_١٤٤٦
#ليلة_العاشر
حال مولاتي زينب عليها السلام ووداعها مع الأحبة ...
(وزن الفايزي/طور البحراني)
هذا الوَداع اصعَب وَداع عْلى العقيله
مِجتَمعه بيهِ الدّمعه وِهموم الثّگيله
١/بين الخيم تتنقّل وتلطم عَلى الرّاس
من شدّةِ الهم والألم مجروح لاحساس
تنعى الأحبّه بْكل نفس وثگيله لانفاس
تستحضر الأخبار والمدمع تِسيله
٢/تمشي وظهرها منحني وچن عالمُتون جْبال
سكته تِوِن حد ما إجت يم خيمةِ الكفّال
من دِخلَت عْلى الكافل الوَنْ والبَچي طال
گالتله ضُمني بْباقي ساعات القليله
٣/ضَمْها الكفيل وعينه صبّت جَمْرِ لاعبار
وْگلها اعذِريني ما تِظَل يمنه وَلا يْسار
مو بيدي لو أسكت إذا يتسلّب خْمار!
وْمنّ الضَّرُب لو صارتِ مْتونچ عليله!
#عظم_الله_أجوركم ◾️
فاطمة علي رزق
اسألكم الدعاء
#طور_زينب_إجت_لحسينها
#طور_الجفيري
#ليلة_الوداع
باكر اريدك تصبُري
لو شفتي نحري ينفري
راح اشكي لأمي منحري
وكيف الشماته بمنظري
باكر يكسرون الظَهر
ليّه تنظري بكل قهر
محني بمَشيتي اعلى النّهر
بطيحة سنادي والقمر
باكر اودع هالشباب
نومه طريحه اعلتراب
الاكبر وجاسم بلا نِصاب
دمهم يصير إلهم خِضاب
باكر يقتلون الحلم
وطفلي يذبحونه بسهم
وابقى وحيد ابلا زلم
وخيامي بيها بس حرم
باكر سكينه تنضرب
واطفالي كلها تِنسلب
حتى رقيه يالعجب
يسلّبوا حِليها بالدّرب
🖊خادمة أبي الفضل
ابوذيات الليله العاشره
الليله للوداع التم .... شملهم
ابعباته احسين كل اهله .. شملهم
واحد واحد اعياله ..... شملهم
وشبگ ابنه الطفل . ويحب رقيه
زينب يا گلبها الصبر ... گل بي
تگله احسين مو گطّعت .. گلبي
يگلها جسمي خويه الظهر .. گلبيه
واذا سالم كتر عتبي عليه ..
تگلها حچيك الروحي ... يلمها
باچر زينبك منهو ....... يلمها
روحي لو گضت محد .. يلمها
اذا باچر شمر حارس عليه ...
واتگول
العمر گضيته بس ابهم .. بعد هم
اخوتي اشلون ياروحي .. بعدهم
الشمر والموت لو عني ...بعدهم
اروح الوين . من ينغر عليه ...
ابو فاطمة الطائي
ليلة ١٠ محرّم:
#ليلة_العاشر
لَيْلَةُ الْعَشْرِ أَتَت تُبْدِي النَّحِيبْ
وَغَدَتْ تَبْكِي عَلَى الْمَوْلَى الْغَرِيبْ
فِي أَمَانِ اللهِ يَا نِعْمَ الْحَبِيبْ
سَوْفَ تَمْضِي دَامِيَاً يَا بْنَ الْبَتُولْ
لَيْلَةُ التَّوْدِيعِ تَبْكِيهَا السَّمَاءْ
وَنِدَاءُ الْعَرْشِ آهٍ كَرْبَلَاءْ
كَرْبَلا لا زِلْتِ كَرْبَاً وَبَلاءْ
صَرْخَةٌ يَبْقى صَدَاهَا لا يَزُولْ
زَيْنَبٌ مَا حَالُهَا بَيْنَ الْخِيَامْ
هَلْ دَعَتْ يَا لَيْلُ فَلْيَبْقَ الظَّلَامْ؟
أَمْ مَشَتْ تَبْكِي أَسَىً نَحْوَ الْإِمَامْ؟
كَعْبَةُ الْأَحْزَانِ بَلْوَاهَا تَطُولْ
فَغَدَاً يَهْوِي عَلَى حَرِّ التُّرَابْ
مُهْجَةُ الزِّهْرَاءِ تَعْلُوهُ الْحِرَابْ
حِينَمَا تَدْعُوهُ لَا تَلْقَى جَوَابْ
وَعَلَيْهِ الْخَيْلُ مَيْدَانَاً تَجُولْ
سَاعَدَ اللهُ غَدَاً أُمَّ الرَّضِيعْ
حِينَ سَهْمُ الْبَغْيِ يُرْدِيهِ صَرِيعْ
دُونَ مَاءٍ سَوْفَ يُسْقَى بِالنَّجِيعْ
بِئْسَ قَوْمٌ مَا رَعَوْا حَقَّ الرَّسْولْ
أَيُّهَا الْمَوْعُودُ قُمْ أَنْتَ السَّبِيلْ
وَاسْحَقِ الْعُدْوَانَ ثَأْرَاً لِلْقَتٍيلْ
كَيْفَ تَنْسَاهُ عَلَى الرَّمْضَا جَدِيلْ؟
ظَامِئَ الْقَلْبِ رَوَى حَدَّ النُّصُولْ
جَدُّكَ الْعَطْشَانُ شِمْرٌ قَدْ عَلَاهْ
دَاسَه فِي صَدْرِهِ لَمَّا أَتَاهْ
وَاحُسَيْنَاً ذَبَحُوهُ مِنْ قَفَاهْ
فَمَتَى الثَّأْرُ وَإِدْرَاكُ الذُّحُولْ
حسن خنافر العاملي
★ أبوذيات ونواعي متعددة لـ ليلة العاشر ★
★التغريد الحزين ((الشيخ زمان الحسناوي)) -- طور عبد الحي قمبر ((ياجبريل نترجاك)) -- لفى عاشور ((الشيخ سعيد المعاتيق))★
كم ليلة باثر ليله..مَرّت عالقلب مُرّه
لكن ليلة العاشر..أشدّ واصعب على الحُره
طلعت بالخيم وتدور..آخر ليله يا زهره
تِجر اذيالها وتنحب..عسى باكر بلا فجره
يصبّرها أبو سكينه..وعن البلوى يحاكيها
باكر لو لفاكم جيش..يختي وصيّة نفذيها
عبايه فاطمة أمك..على رأسك دخلّيها
واذا شفتي الشمر جاني..سِكِينه يختي سكتيها
جِيبك لا تشقينه..أمر الله الذّبح مكتوب
وتشوفي عالنّهر عباس..مرمي وبالعمد مضروب
وبناتي امسلّبه الزينه..تتسلَّب قبل الغروب
وخِيامك تِشتعل نيران..ولا يبقى إلِك محبوب
🖊#خادمة_أبي_الفضل
لفت زينب لعند احسين وبيها تستعر جمره
تگله والگلب محزون بعد روحي شنو اليجره
صدق باچر يذبحونك واشوفك مرمي عل غبره
وعلى صدرك تجول خيول يبن امي واجر حسره
آه يخويه آه يخويه آه يخويه آه
آه يخويه آه يخويه آه يخويه آه
يبو اليمه صدق عباس يطيح وينكسر ظهرك
سهم بعينه لا چفين واتضمه الى صدرك
دمع العين عالخدين جود ورايته بكترك
وانه بالأسر أمشي بلا كافل حِرِت بامرك
آه يخويه آه يخويه آه يخويه آه
آه يخويه آه يخويه آه يخويه آه
✍🏻#ام_سيد_يعقوب_الموسوي
كاني بمولاتي العقيلة تكلم الليل😭
الليله زينب بياحال الله يعينهه الليله
شلون تصد لبو السجاد شلون المدمع تسيله
ساعدني عله الونّات تری گلبي خلص حيله
بس هلليله ويه حسين يوصّيني بمداليله
يليل منين اجيب الحيل باچر واكفل العيله
يليل وداعنه طوول اخوي ارد اگعد اشكيله
اگله من عگب عيناك غريبه واصبح اكفيله
يليل ارحم بگايه الروح خل ساعاتك اطويله
✍🏻#ام_محمد_الحجاج
✺✺————✺✺————✺✺
★طور الفراق★
ياهي ليله.. ليله العاشر نوايب
ياهي ليله.. بيها تتوادع حبايب
ياهي ليله.. باكر انطيح بترايب
خويه خويه.. مشبِعت منك يا غالي
خويه خويه.. ليش ترحل عني تالي
خويه خويه.. انظر الرووس بأعالي
🖊#خادمة_أبي_الفضل
✺✺————✺✺————✺✺
★أبوذيات★
باچر لو يطر فجرك ..يعاشر ((يوم العاشر))
للهم والحزن گلبي ..يعاشر ((المعاشرة))
لن هاي العده تنوي ..يعاشر ((الشر))
تتوسد دما اهلي عالوطيه....
✍🏻#ولائـية_وافتـخر (دعاء العامري)
عاشرني الحزن والنوح ..عِشره ( المعاشرة )
وحزني ماوصل يعگوب ..عِشره ( المعشار او العشر )
بس الليله باچر يوم ..عشره
اودع ابن امي لسيوف المنيّه....
اون والليل هم يون ..لونّي
لوي لحظات الموادع ..لونّي
يوم انكسر ضلع امي ..لونّي
ميته او لا موادع هلمسيّه....
✍🏻#ام_محمد_الحجاج
قدر ثابت صبح عاشور ..وجره
یخوتي عالجمر والنار ..وجره
عليكم دمعتي ادموم ..وجره
واخلکم عالترب وامشي سبيه....
✍🏻#ام_عباس_الحسیني
ولايصفى الدهر وياي ..ويصيح
ماطايب أبد دلالي ..ويصيح
چني بالشمر حز نحره ..ويصيح
ذبحت حسين خليتج سبيه
✍🏻#آلــــّعــلّويِـــه آلّمٌوسويِــــۿ
ليالي الحزن عالحرات ..شدن ((اشتدن))
أحاچي الدهر شنهو تريد ..شدن ((الدين))
توصيهن ربات الفحل ..شدن ((أي ربطن))
وصل حدها تحاربنة الدنيه...
✍🏻#ام_سيد_علي
✺✺————✺✺————✺✺
★مجاريد--عاشوري وغيرها★
ياليلي بس طول عليه
بوداع أبن امي الزچيه
باچر يضل عالسمهريه
ياليل طول ساع الوداع
مشبعت من گعدات السباع
لو يطر فجرك نومه عالگاع
باچر ضحايه كلهم اهلي
وبخدي بس دمعاتي تهلي
وگليبي ليهم يضل يغلي
✍#علويه_ام_فاضل
✺✺————✺✺————✺✺
★نعي گرناوي★
أنوحن هالمسا وأفرك بالأيدين
باچر لو طلع جايب رزيه••
لا أنته التضل يحسين وياي
ولاعباس يطفى الگمر ضيَّه••
أحيرن بالجمر وبنار الخيام
ولاواحد فزع منكم عليه••
أحشمكم صحت ياهلي الأطياب
من خيل العده ضاعت رقيه••
اعاين عالطفوف وبيها بس نار
ندبت أم الحسن تحضر إليه••
أبد مايحلى عيشي ولاحله وطاب
يريت ويه الأخو تلفي المنيه••
✍🏻#آلــــّعــلّويِـــه آلّمٌوسويِــــۿ
✺✺————✺✺————✺✺
★نصاري--زريجي--عاشوري--جنوبي وغيرها★
يليله أحلفچ بيه درُحمي
لو طر الفجر يزداد هظمي
أشوفن كافلي عالنهر مرمي
ومن بعده العده يزمخ عليه
أنا بيا گلب أودعهم بيا حال
أخوتي يافگدهم والله چتال
يوصيني أخيي بحرم وأطفال
ومو حسبه ألف حسبات بيه
يازهره ييمه بيه مُرِّي
ترى نار الحزن بالروح تسري
ودعني حسين ودمعي يجري
عزيز الروح مايشرب اميه
✍🏻#زهراء_اللامي
✺✺————✺✺————✺✺
★طور الحدي السريع★
لسان حال مولاني العقيلة عليها السلام
ليل الوداع اشگد صعب
وجّرها نيران الگلب
دمعي جمر عالخد يصب
باچر يعلنون الحرب
باچر حراير تنسلب
واهلي ضحايه اعلترب
واعدانه لخيمنه تطب
والعايله تعيش برعب
ولبن امي مااندل درب
✍🏻#ام_محمد_الحجاج
✺✺————✺✺————✺✺
#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩
🏴باجر تعوفوني🏴
نعي طور يمه انا زينب
هذا الوداع اليوم وباجر تعفوني
حرمه ومابين اجناب عجبه تخلوني
ياخويه ياخويه ياخويه ياخويه
--------------
هاي المسيه اوياي وباجربلا والي
هاي المسيه اوداع او مايظل غالي
اجمع حرم واطفال او منشده بالي
اعبر جثث ولياي ابحيره تشوفوني
ياخويه ياخويه ياخويه ياخويه
------------------
بيدي المهر اعطيك ياجرعته كلبي
اتدوسك اشوف الخيل واواصله دربي
ضامي تروح الروح واعيوني الك تربي
اشرب لذيذ الماي بعدك يشربوني
ياخويه ياخويه ياخويه ياخويه
_
ياليلة التوديع ريتن خلص عمري
احلفك اخذني اوياك تدري خلص صبري
اشلون العزيزه اتهون قلي فلا ادري
صبحك علي لا بان ولا طالن اسنيني
ياخويه ياخويه ياخويه ياخويه
----------------
تمت بحمد الله تعالی*
*بقلم : بنت الشمري*
*_الكويت _*
.
.
#ليلة_العاشر
مجلس ليلة العاشر
💧💧💧💧💧💧💧
طُلْ أيا ليلُ ولا تأتِ بفجرِ
إن في فجرِكَ آلامي وقَهري
ليلةٌ كالقدرِ والدمعةُ فيها
هي خيرٌ من دموعِ ألفِ شهرِ!
قَبِّلوا مع زينبٍ نحرَ حسينٍ
قبل أن تحتزهُ سكينُ شمرِ!
وغداً تَسحَقُ جُرْدِ الخيلِ صدراً
تحضنُ الحوراءُ جسماً دون صدرِ
بيديها تجمعُ الأشلاءَ منهُ
وبقايا أضلُعٍ من بعد كسرِ
يُرفَعُ الرأسُ على رمحٍ طويلٍ
ودماهُ فوق رملِ الطفِ تجري
وغداً تحفر ُ بالإصبعِ رملاً
تبحثُ الحوراءُ عن أشلاءِ بدرِ
وغداً فاطمةُ الزهراء تبكي
بدموعٍ من نزيف العينِ حُمْرِ
أحمدٌ يَندَهُ في الطفِ حسيناً
أين أنت يا حبيبي لستُ أدري!
حيدرُ الصابرُ هَدّتهُ الرزايا
حاسِراً للطفِ جاءَ دون صبرِ
حسنٌ نادى حسيناً يا أخي لا
يومَ مثلَ اليومِ في أيامِ دهرِ!
وغداً مهديُّنا للطفِ يمضي
حافياً يركضُ أفديهِ بعمري
وينادي واحسيناً واحسيناً
فوق أرضٍ رملُها يغلي كجمرِ
يُحشرُ الناسِ إلى الطفِ جميعاً
يومُ عاشوراءَ ذا أم يومُ حشرِ !!!!
محمد طالب العاملي
غداً (حديث ليلة العاشر)
غداً يطلعُ الصبحُ الحــــــزينُ فننحبُ
وحزنًـــــــــا ننادي يا حسينُ ونندبُ
غداًبسملاتُ الجرحِ تطلقُ في المدى
وفوق القنا شمسُ الطفوفِ ستصلبُ
غداً فوقَ شــــــــــطِّ العلقمي حزينةً
نُخيلاتُ أرضِ الطفِّ بدراً سترقبُ
غداً يذبحُ الأهلونَ والسيفُ يرتوي
ويبقى حســـــينٌ لا مجيبَ ويطلبُ
غداً يشــــــتمُ الشمرُ اللعينُ عزيزةً
بقيد الســــــــبا للقصرِ تؤخذُ زينبُ
فيا ليلُ مهلاً لا أطيقُ صـــــــبيحةً
غداً إنما أوداجُ أحمد تشـــــــــخبُ
ويسقي بسهمِ الموتِ حرملُ رضعاً
فإيهٍ لعبدِ الله حينَ سيشـــــــــــربُ
غداً موعـــــــدُ الآلامِ غصّةُ كربلا
غدا يذبحُ الســــبطُ الشهيدُ ويضربُ
وصــــــدرٌ بصولاتُ الخيولِ مهشمٌ
وخنصرُ طهرٍ يقطَّعون ليســـــــــلبوا
......................................محمد يحيى حجازي
مجلس الرضيع وليلة العاشر /محرم ١٤٤٧
💧💧💧💧💧💧💧💧💧
(نداء وتعزية لصاحب الزمان عج ليلة العاشر....)
سلامٌ لشمسِكَ والمَطلَعِ
فداءٌ لسيفِكَ إن يَلمَع ِ
ينادي بثأرِ الإمامِ الشهيد
وثأرِ الطفولةِ والرُضَّع ِ !
سلامٌ عليك إمامَ الزمان
على الدمِ يجري من المدمعِ
ترى سهمَ حرملةٍ مُسرِعاً
إلى أين يا سهمُ؟..لا تُسرِعِ !
ويَذبحُ نحرَ الرضيع ِ الطَريّ
وجدُّكَ في موقفٍ مُفجِعِ
يَصُبُّ دمَ النحرِ في كفِّهِ
وعيناهُ تنصَبُّ بالأدمُعِ
وربّ ِ السماواتِ حين رَماه
سما للسماءِ ولم يَرجِعِ !
وماتَ الرضيعُ بحِضنِ أبيهِ
شهيداً فيا لوعةَ المصرعِ !
وليلةُ عاشرِ أحزانِكم
بها الجَدُّ يتلو خطابَ النعي!
يقولُ سأُذبحُ يومَ غدٍ
وتَطحَنُ خيلُ العدا أضلُعي
ويُرفَع ُ رأسيَ فوق القنا
ويَقطَع ُ شرّ ُ الورى إصبعي
وأبقى صريعاً بهذا العراء
وكلًّ الأحبةِ صرعى معي
وزينبُ تركض ُ من مَوضِعٍ
وراءَ الصغارِ إلى مَوضِع ِ
وبحرٌ من النارِ يمتدُّ في
جهاتِ مُخيَّمِها الأربعِ
حذارِ من النارِ تنسلُّ في
خيوطِ العباءةِ والبُرقُعِ !
سلامٌ عليكَ إمامَ الزمان
حزيناً جَزوعاً فقَدتَ الوعي
إذا قيلَ زينبُ مسبيّة ٌ
لقصرِ ابنِ هندٍ وقصرِ الدعي !!!!!
محمد طالب العاملي
المجلس (( 35 ))
بمناسبة عبد الله الرضيع عليه السلام.
من وزن الموشح ( المربع)
ـــــــــــــــــــــــ
بالمخيم صرخه منّي تعتلي
لا تحركَون المهد خلّوه الي
ـــــــــــــــ
وصلت جيوش العده يم الخيم
ايمين وشمال افزعت كل الحرم
يا ألم بالروح ما مثله ألم
وضيم كَلبي ابهل جره ما ينجلي
ـــــــــــــــ
حاوطتنه الكَوم واحنه ابلا اهل
مطر جن الضيم علعيله نزل
تيهه صرنه اخلاف ابو الغيره الكفل
حرم حكّهه اتشيط جيف ابلا ولي
عناد ويّانه اعتنوهن هالخيام
بلا رحم والله شفناهه اللئام
شبّوا النار وكلت حتى الجدام
بلا اهلهه الحرمه حتما تنولي
ــــــــــــــ
كَبالي راحوا للمهد خلوه جمر
وكَلبي وي مهد الطفل ضل يستعر
ماشفت حركَ المهد ريت بكَبر
ولاشماته صرت اصد من عاذلي
ـــــــــــــــــــــ
المهد حركَوه وصحت عبدالله آه
المهد هذا شهور كَلبي ما نساه
ماكفاكم منحر اوليدي ودماه
بعمري عكَب اوليدي ياعالم شلي
ــــــــــــــ
الشاعر محمد حسن ضيغم
/channel/kasaedalatharDaygham
دللو يالگبر نام الولد بيك
ثلث تيام يبجي وهود اعليك
دللو بالترب نايم وليدي
گبل يبجي إذا مايغفه بيدي
اگل لروحي نوحي وساعه هيدي
تره المدفونه روحي بيك احاجيك
@@@@@@
دللو بالترب مدفون يمه
يريت إنه الحد وبحضني أضمه
أشيل گماطه بيدي وحيل اشمه
واصيحن يلولد مابيه اخليك
وبالك ياگبر لتلجمه موجوع
تره نحره خطيه ستوه مگطوع
العندك هذا گلبي الجوه الضلوع💔
وعله گلبي يخايب مااوصيك
@@@@@@
جبيره اعليك الله يرحمه تنكال
المثلك بلحضن يايمه ينشال
ست اشهر واجاك الموت تفصال
لان ماكو نعش يبني يكديك
😭😭😭😭
اشتهيت اسمع يبعد امك بجيتك
المهد حبيت اهزه ومالگيتك
حيل استوحشت بلبيت صيتك
الوليك يبعد امك واناغيك 😭😭
#الشاعره_رسل_الابراهيمي
من ديوان سليل الاحزان
عنوان القصيدة ﴿ يا عبدلله يمه ﴾
يا عبدلله يمه. مهدك وين أضمه
عن گلبي اليلچمه. روحي بيها هضمه
من فرگاك. بالطف ذاك روحي بيها هضمه
ــــــــــــــــ*
عفتني وما گلت شيسوي حضني
عنك باقي ينشد وينه أبني
لمن دَر يا حبيبي مني لبني
گلت عبدلله راح اليوم مني
ــــــــــــــــ*
من دمعي التجاره. زادت گلبي ناره
من طال اصتباره. مات بأنتظاره
شصار وياك. بالطف ذاك. روحي بيها هضمه
ــــــــــــــــ*
چنت لمن تناغي أني أفهمك
واذا تبچي تجي تتراكض أمك
اذا تمرض تصدني طير يمك
يحوم اعليك كلساعه يضمك
ــــــــــــــــ*
لو تبچي اعله لحظه. جدمي ما اكضه
ركضه بأثر ركضه. شلون ابفگدك ارضه
بمناغاك. بالطف ذاك. روحي بيها هضمه
ــــــــــــــــ*
انولدت ولمن نورك گام يطلَع
نظرت لعين ابوك ولنها تدمَع
كلتله سولف المضموم وأسمَع
يگلي بعد چم يوم ايتگطَع
ــــــــــــــــ*
من حرمله وأيده. ينزف دم وريده
ولازم أنه جيده. وتصرخين أريده
سهمه أذاك. بالطف ذاك. روحي بيها هضمه
ــــــــــــــــ*
لمن جابوك لية وأنه بحيره
گلت مو أبني هذا هذا غيره
الي وجهه امن اصيحه ما يديره
عجب ليش الدموم اعليه چثيره
ــــــــــــــــ*
هذا موش هوه. أبني طلته حلوة
قنعوني بالگوة. ربي اشلون بلوه
من ادماك بالطف ذاك. روحي بيها هضمه
ــــــــــــــــ*
أبد مو الك ثوب الذبح ولله
نبع كل الترافه اعليك صله
الگلب يصرخ ييمه يعبدلله
تخليني واتروح اشلون بله
ــــــــــــــــ*
كلبي الي تحبه. يمه زاد تعبه
يمك عنده طلبه. ترجع تحيي لبة
گلبي هاك. بالطف ذاك. روحي بيها هضمه
ــــــــــــــــ*
يالمخلي الحبيبه ابلا حبايب
صرت أم المصيبه امن المصايب
زغير وغيرتك صنعت عجايب
ولا تقبل أبد ادخل خرايب
ــــــــــــــــ*
أمر الله علينه وبأمره رضينه
يمه امن انولينه. ولله اتعذبينه
اشگد صحناك. بالطف ذاك. روحي بيها هضمه
ــــــــــــــــ*
رضيت ابكلشي مقسوم امن الأقدار
لچن موقف هضمني وگلبي محتار
شفت مهدك ييمه احترگ بالصار
وركضت اعليه عبالي انته بالنار
ــــــــــــــــ*
بكاروكك عبالي. شاغل انته بالي
حيرتني الليالي يا أغله عيالي
ولله اهواك. بالطف ذاك. روحي بيها هضمه
ــــــــــــــــ*
لمن مت وابوك أنضاگ صدره
يگول ابوّره الخيمه احفرله كبره
لچن احدى عشايرهم نحفره
گالوا حتى نگطع منه نحره
ــــــــــــــــ*
من رادوا ربحهم. حطوك ابرمحهم
ريت الله مسحهم. امن الدنيا وذبحهم
اتون خلاك. بالطف ذاك. روحي بيها هضمه
ــــــــــــــــ*
اذا ارد ونشَد كلب العليلة
اگلها جسمه بالطف اعتنيله
لچن راسه ابرحتلي الطويله
تبعني ابرمحه وأني اشتكيله
ــــــــــــــــ*
ذبحوه يالغريبه. يبنيتي مصيبه
وي كل الشبيبه. هم خلص نحيبه
من تنعاك. بالطف ذاك. روحي بيها هضمه
لخادم الحسين : مؤمل مازن الشمري ♥️
(تصوير ليلة العاشر من محرم ان السيدة الحوراء عليها السلام
افتقدت الطفلة رقية واخذت تبحث عنها!
فأين وجدتها؟)
قومي يسكنه وياي بندوّر رقية
ما ندري بأي خيمة التجت هذي المسية
خلني بلم لطفال ويه الحرم للنوح
نشبع بواكينا قبل ما اخواني اتروح
كلنا ابظهر باكر نشوف حسين مذبوح
هذي المسية امدللة وباكر سبية
من خيمة الخيمة الصغيرة ايدوّروها
وراحوا الى خيمة الأكبر ما لقوها
وقالوا الصغيرة بلكت اتودع ابوها
وقصدوا الى الخيمة وونتهم خفية
شافوا أبو السجاد واتشعشع أنواره
يصلي صلاة الليل وادموعه اتجاره
وما شافوا الطفلة وبقوا ساعة حيارى
ولن البطل عباس نادى يا زكية
يوديعتي زينب دقولي من تدوّرين
قالت رقية دورتها ومدري في وين
لا هي مع الأكبر ولا في خيمة حسين
ولا شفتها في الخيام الهاشمية
قلها انظرتها ادخلت هالخيمة ادركيها
ويه الرباب اتنوح وأتسمّع نعيِها
يختي يزينب عالنوايب صبريها
منه خيمنه الليلة الجايه خليه
دخلت وشافتها ابحضنها الطفل غافي
منحول جسمه واذبلت منه الأشافي
كلما يوّن قالت حبيبي بالله كافي
باكر يجيب الماي عباس الشفيه
نذر عليه لي وصل عباس بالماي
باقدمك قبلي ولو هو امفطر احشاي
وبسقيك بيدي يا حبيبي ونور عيناي
وامضي ابقدح لحسين وارفع ليه ايديه
والله فلا اشرب ماي حتى يرتوي حسين
بويه ونظر عيني اشوفه غاير العين
نادتها زينب ويش بفادي عملتين
قومي الى اوداع الأحبة هالمسيه
عبد المحسن الكنگوني
[[لسان حال الانصار ليلة العاشر
قرب مخيم الحسين ع:]]
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
فدوه نروح بس نريد .......ودك
نخليلك الارض زلزال .......ودك
بس آمر يبو الاحرار .........ودك
منو الاول يدك الغاضريه؟
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
سمع ألعباس ع وانتفض ويده على صدره أجاب غاضبآ:
بلا ما تسأل الاول................خويه
يبين بالشدد معنه ال.............خويه
لخلي الگاع جواهم...............خويه
والمن سيفي يشرد إبن إبيّه
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
الحسين ع يمسك يد العباس ع ويقول:
أروحن فدوه لعيونك............تهده
ونه أدري لو جبل يگبل .......تهده
إخيك لچن من تبعد.............تهده
بلايا حزام ظهري شلون بيه؟
☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆
جهاد البصيراوي
#قصائد_في_خدمة_الخطباء
#محرم_١٤٤٦
#ليلة_العاشر
لسان حال العقيلة زينب عليها السلام لأخيها الحسين صلوات الله وسلامه عليه...
(طور الجزع/طور ودعتك وظهري انكسر)
١/هالليله آخر ليله يالغالي
بيها انته يمّي آنه وِعْيالي
باچر أشوفك عالثرى گبالي
بَلايه روح!
٢/راح انظُرَك وانته على التّربان
يالتّنذبح يمّ النَّهَر عطشان
وْجسمَك يِسَوّيه العدو ميدان
وْيِظَل مطروح!
٣/إدعيلي منّ انظرلك اتصَبَّر
من انظرك فوگ الثرى موذّر
راسك گطيع وداميِ المنحر
جسد مذبوح!
#عظم_الله_أجوركم ◾️
فاطمة علي رزق
اسألكم الدعاء
#في_الخدمة_المقدسة
#محرم_١٤٤٦
#ليلة_العاشر
(وزن الطويل )
عزاكِ الليله يامهدي.. أبدْ والله مَمِثْله عْزاءْ
هذي ليلةِ التّوديع.. تواسي أُمّكِ الزهراءْ
١)بَعدْ ليله غريب حسين..ظامي من العطش چبده
الأعادي حُوله مجتمعين..ويحْملْ رايته وحده
شبابِ لعيله والأصحاب.. راحوا وما أحد عِنده
مسلّمْ أمره للرحمان..شگد ما كانت الأرزاءْ
٢)بَعدْ ليله نشوفْ كفوف.. تْصافحْ تُربةِ الصحرا
مگطوعه من الزندين.. وين اليُمنى واليُسرى
ولمّنْ ينْضربْ راسه.. أويلي يطيح عَ لْغبره
ونهرِ لعلگُمي يشهد.. بوفاضل صورةِ الإيفاءْ
٣)بَعدْ ليله سهم مسموم..يصيب حسين في گلبه
رُغم لجراح والأوجاع.. يناجي بالدّعا ربه
ذبيح علثرى مطروح.. والحاقد يجي يْسلبه
وراسه عالرمح عالي.. جسمه مگطّع الأعضاءْ
٤) بَعدْ ليله وترى زينب.. تْسافر عنّه مسبيّه
تحمي لعيله والأيتام.. وتنفّذلا لوصيه
يضربوها ويشتموها..بُغربه تِبگى محنيّه
رُغم كِل هذي الآلام.. تصبر زينب الحوراء
#منال_بجيجي
#أبوذيات
#ليلة_العاشر
.
آخــر ليلــه يا خويــه وأراكم
وبعد أشبع غصص باچر وراكم
وأظـل ابحلمـــي أتنطّــر أراكم
وتظل اعيــوني سهرانه وجريه
عسى لا حل صبح باچر ولا هل
وعسى دمعي على الخوان لا هل
أظــل ابـــلا أخــو باچــر ولا هـل
غريبـــه ودارت العسكــر عليــه
____
#فاطمة_كريم
٢٠٢٤ م
🌴تجمّع الزهراء ع العاشورائي🌴:
ابوذيه تقرأ في ليله الوحشه
نظرات العدو نيشنن ورمن
عليّه وحرت وين اتجه ورمن
يعمه چفوفي من السوط ورمن
أمن انام. شلون احط راسي اعله اديه
…… .
الشاعر محمد حسن ضيغم
ابوذيه لليلة. الوحشه
كلمن لاحته النيران فرّيت
صحت وعله الگلب لچمات فرّيت
كوه امن الخيم يحسين فريت
ورماد الخيمه مقنع صار اليه
… ..
الشاعر محمد حسن ضيغم
نعي ليلة الوداع
ليلة اوداع ويمي الاخوان
صوبلي الدليل اوداع الاحنان
تتفايض غدت دمعات الاحزان
اخير وداع هذا والوعد حان
*
ليلة وداع وباجر احراب
دلالي بوداع اخواني انصاب
يا ناس الاخو خيمة اذا غاب
يغدي عليه گلبي اليوم عطاب
*
ليلة وداع اويمي حسين
بس الليلة باچر كلها ماشين
َيا خوية وحگك صابني البين
وحگك ما اخلي دموع بالعين
،*
ليلة وداع اويمي عباس
راسي وادي كل ساعة تنباس
گال وياچ اضل لآخر انفاس
وداعك عذباني وشيب الراس
****
ليلة وداع اويمي جسام
بهدوم ابوه متحزم حزام
يا محلى طولة بين الاعمام
باچر يگول اعله الثرة انام
***،
ليلة وداع اويمي الاكبر
وعيني تصد لمة اتمرمر
فراگك ييمة عليه مگدر
باچر تضل بالگاع والحر
***
ليلة وداع و عون وياي
ومن حرگتي تترافف چلاي
وليدي وعزيزي ونور عيناي
فدوة لخوالك روح يرباي
================
ابو ذيات
بقت ليلة وحيدة يم الحسين
تعاي وعيني بتچ يم الحسين
يصبر بية اشوفة يم الحسين (يومي الحسين)
ويگلي اتحملي فراكَ الخوية
====================
بفراگك دموعي اشگد حلت لاي
منيتي بعد ابو فاضل حلت لاي
حزامي البالظهر خوية حلت لاي
عليك اصفج اسف بثنين ادية
================(===
زينب تنـــضر اعليكم يهلها
وياهو التنضرة دموعة يهلها
الچبير ينوحلي وحتى يهلها (ياهلها)
شتحمل بعد هاي المسية
====================
اسالكم الدعاء رائد الاسدي
[ نعي الليلة العاشرة من محرم ]
ــــــــــــــــــــ
إذا ذنــب الكبــار وكــون يگضـون
إعله أبو رُگبة الترفه شلون يرمون
رِضَع من دمّه مو مثل إلـ يرضعـون
مــا ودّاه لأمــه إنطـــاه لإم عــون
ــــــــــــــــــــ
المسافه من المَهَد للسَهَم لحظات
إليطلب ماي بالطّف ينحسِـب مات
عنده ويه السهام حسـين حسبات
هواي بيــوم عاشــر بيهـا لچمات
ــــــــــــــــــــ
وچــان بليــل عاشر آخـر أوداع
وصار بيوم عاشر كلشي عالگـاع
نامــوا عالتــرايب وين إلســباع
ولا واحد حصل لحسيــن فـزّاع
ــــــــــــــــــــ
مهدي التقي
نعي
زينب والعلويات روحي فداهن
ليلة الوداع
امشنـــه للـغالي نودعه
يمكن بعد مابيـه رجعـه
يگطعون راسه وحته اصبعه
وباچر تسمعن كسـر ضلعه
سكنه رقيه رمـله ليلـه
باچر حسين يـروح حيله
يوگع وما واحد يشيلـه
وفوگه العدو يلكد بخيله
باچر معاني حسيـن تنداس
وفوگ الصدر مگعاد الارجاس
لو دارته مـن كل كتــر ناس
عينه تصـد لصوب عباس
ونن وركضن شبگن حســين
گالن نجيب يشــبهك منيــن
وين اليحامي اخدوركم وين
لو حـــرگت النــار الصواوين
من هسه المصايب يخي -- لاون
اخيتك . بعد تنطي الوجه -- لاوين
لا تنفع بعد احــاه -- لا ون
لو عبرت عليك الاعوجيـه
عبد العليلـة
✍حيدر ابو كيان الفاطمي
#اللهم_عجل_لوليك_الفرج
ليلة العاشر من محرم
ويتوق للوصلِ المتيمُ تــــــــائهاً
بينَ اللحاظِ وبينَ شــــوقٍ للكرى
ويبت يســــــــــبقه اشتياقٌ للسنا
ويتيهُ في حلمِ القصيدةِ إذ سـرى
إلا أنا والشــــــوقُ يحرقُ مقلتي
والقلبُ من فرطِ الأنينِ تكسّــــرا
لي ألفُ عام من جـــراحٍ لم تزل
تحيا على وجعي ولا زالت تُرى
وأنا أنا ليلٌ ولا أرجو الصبــــــا
ح بمـــا يكونُ ولا أتوقُ لأبصِرا
وأنا أنا قلقٌ بليـــــلةِ عـــــــــاشرٍ
أو بعضُ شوقٍ في القلوبِ تفجّرا
وأنا انتظارُ عندَ بـــــابِ صغيرةٍ
ويلوحُ يتمٌ والفؤاد تســـــــــــعرا
لي ألفُ نجوى مع قلوبٍ قد تلتْ
حبّاً تجــــــــــلى في مصلٍّ أوترا
والليلُ يســــــمعُ وقعَ أقدامِ السما
ما خلتها تمشــي على ذاكَ الثرى
هي زيــــــنبٌ والليلُ يؤرقُ قلبها
فالصبحُ آتٍ والفؤادُ تحـــــــضرا
وتجول في الأحبابِ تجمعُ روحها
وتخــــاطبُ الليلَ احتراقاً مضمرا
يا ليلُ مهلاً لا أطيقُ غيـــــــــابهم
قلبي تحرّق والمصابُ غداً يُرى
فغدا هنــــــــا في الغاضرية يتمنا
وغدا ســــــنفقدُ في طفوفٍ حيدرا
وغدا يهشّـــــــــَمُ ضلع فاطمةٍ وما
في البــابِ إلا بعضُ ظلّيَ قد يُرى
وغداً رضيعُ السبطِ يمسي محسنا
ولهيبُ نارِ البـــابِ في خيمٍ سرى
وغدا يصابُ المجـــــتبى في كبْدهِ
قلبي على هولِ المُصــــابِ تفطَّرا
فغدا يناديهم حســــــــــينُ ولم يزلْ
يلقى الجوابَ من الصدى, قد أعبرا
وغدا على رمل الطفوفِ غطارفُ
والشــــــمسُ ظلُّ قد تجلبب أحمرا
وغداً أراهم كـــــالأضاحي جزّروا
أبكي لقاســـــــمَ أم سأنعى الأكبرا
وغدا على الرمضـــــاءِ نفس محمدٍ
وعلى القنا رأسُ الرســـــالةِ طبِّرا
وغدا أنا وحـــــــــدي وعندَ النهـــ
ــــر عباســـــــــي ونهرٌ قد جرى
وغداً أســـــــــاقُ أسيرةً يا ليلُ هلْ
أدركـــــتَ يوماً ظل زينب مُظهَرا
أرأيتني يومـــــــــــــاً وبعدكَ إنني
سأساقُ في البلدانِ ينظُرني الورى
أأنا يقول ليَ اللئمُ بزجــــــــــــرهِ
يا خـــــــــارجيةُ بات قلبي مجمراً
مهلاً أيا ليــــــــــلَ الوداعِ فزينبٌ
باتت على حـــــــــزن بأفئدةٍ فرى
............................محمد يحيى حجازي
آخر اللقاء بين المولى أبي عبد الله عليه السلام والحوراء زينب عليها السلام ليلة عاشوراء
وزينبٌ معْ أخيها السـبـطِ تسـألُــهُ
والعينُ سـاجِمةُ الدمـعـاتِ كالمُـزُنِ
"أُخيَّ قـبـلَ رحـيــلِ الأمِّ فـاطِـمــةٍ
نادَتْ بِفـادِحِ يـومِ الطـفِّ تُخـبِـرُني
قالتْ حُسـينُكِ يا بنتاهُ يـتـرُكُــكُـــمْ
بينَ العُتاةِ فمنْ لي حينَ تتـرُكُـنـي؟"
فقال:"آهٍ غداً نمضـي بِأجمعِــنـا
وأنتِ تَبقَـيْـنَ دونَ الغـوْثِ والــرُكُنِ
غـداً يوسَّــدُ خـدّي تـربَ هـاجـرةٍ
فيها الرِمالُ وحرُّ الشمسِ يَصهـرُنـي
غـداُ سيرمي فؤادي سـهـمُ حرمَلَةٍ
والشِمرُ يعلو على صدري لِيذبحـنـي
فيرفع الرأسَ فوقَ الرمحِ منتصِــباً
والأصبحيُّ إلى كـوفــانَ يحملُني"
بينا تُسـائـلُـهُ والسـبـطُ يُخـبـرُهــا
إذ جـاء كـافِـلُـهــا، بـل كافلُ الظَّعَنِ
قـالـتْ:"أُخـيَّ غـداً مـن ذا يُـكـفِّـنُـهُ؟"
فقالَ:"يـبـقـى طريحـاً دونـمـا كَـفــنِ"
قـالـتْ:"أُخـيَّ غـداً من ذا يُـشـيِّـعُـهُ؟"
فقالَ:"خيلُ العِدى تَجري على البدَنِ"
قالـتْ:"أُخيَّ غـداً مـن ذا سـيَـدفـنُـهُ؟"
فقالَ :"يـبـقـى عـفـيـراً غـيرَ مُنـدفِـنِ"
قالَتْ:"أخَيَّ أجِبني يا ضِيا بَصـري
إن جنَّ ليلُ غدٍ منْ ذا سـيحـرُسُـنـي؟"
فطأطأَ الرأسَ يبكيها وجاوَبـهــا:
"ليتَ اللَّـيـالـي بعـدَ الـيـومِ لـمْ تَـكُـنِ
فحارِسُ الظعـنِ بعد العِـزِّ طاغيةٌ
إنْ صِحتِ باسميَ يا أختاه يَشتمُني"
اللهم عجِّل لوليك الفرج
أرجو من خدمة المنبر المقدس أن لا ينسوني من الدعاء
الشاعر علي عسيلي العاملي
#ليلة_العاشر
#اللهم_عجل_لوليك_الفرج
بين ام علي وام الرضيع ورمله
عدهن سؤال وياهو يكدر حله
كلمن تكول النوح وياي
راح الاضنه الكبرتي افياي
......................................
مكسور خاطرهه الحرم واتجمعت بالخيمه
واگلوب كلهه املوعه وكلمن يسولف ضيمه
ليلة التاسع بالحزن مطرت الدنيا ابغيمه
مرسال من طف كربله باجر تطرن هيمه
كعدن وكلمن فرشت امصلاهه وللخيمه جابت ثوب ابنهه وياهه
شحال العطاشه الفكدت الماي
كلمن تكول النوح وياي
عدهن سؤال عدهن سؤال
......................................
گالت ام جاسم يالحرم خلي ابتدي بسالفتي
ماظنهه قصه اعله البشر يمكن اتشابه قصتي
ضنيت يشفيلي الجرح شوصار جاسم علتي
مطعون جاسم خاصره والألم كض خاصرتي
الضنيت ازفه وحضرت حناتي
ضلت الحنه امبلله ابدمعاتي
يهل العگل گلولي بالراي
كلمن تكول النوح وياي
عدهن سؤال عدهن سؤال
..........................................
الميت چببره ابخلفته چن نار دمعه ويسعر
وانه الاگبالي ابكربله ابني الجبير امطبر
گالولي رد ويه الابو ضنيت يمشي الاكبر
صاح الگلب مية هلا والگيت جسمه امطشر
ميت وليه شفته فك اعيونه
ومن الطبر ماجنه يشبه لونه
صاير مصد للرايح وجاي
كلمن تكول النوح وياي
عدهن سؤال عدهن سؤال
..........................................
صاحت ام عبدالله الحزن بالگلب عابر حده
ابني الي ما شابع هوه موته الدليل ايمرده
كلجن گعدتن وي ولد والربو عدجن مده
بس الرضيع الما يرد واگبالي موحش مهده
ماخذ دليلي وياه ابني ابموته
متعوده اسمع ما افارك صوته
بهداي مني انباگ بهداي
كلمن تكول النوح وياي
عدهن سؤال عدهن سؤال
..........................................
فگد الولد ما ينحمل بس الله يدري افراگه
والفگدت ابطف كربله حنت حنين الناگه
يالماشي عني وما ترد گلي اشوكت نتلاگه
العمره مثل عمر الورد هالروح اله مشتاگه
گعدن اگبال حسين ويحاچنه
يحسين محد غيرك الضلنه
للحرم سور وطولك افياي
كلمن تكول النوح وياي
عدهن سؤال عدهن سؤال
خادم اهل البيت علي الزرگاني
المجلس (( 36 ))
بمناسبة عبد الله الرضيع عليه السلام.
من وزن التجليبه ( المربع)
ـــــــــــــــــــــــ
بعد ماعندي دمعه الفكَدك اجريهه
ييمّه وتعبت امك من بواجيهه
ـــــــــــــ
ذبلت عيني ورموشي خذاهه الشيب
وانامن ساعه ليلي بدون عينك عيب
وحكَك كون يوليدي اعَرف الغيب
جبدتك ماي لا ما طالبت ليهه
ـــــــــــــــــ
دمع خلّص واحس اعيوني تتجرّح
وجرح بجفون عيني ورده تتفتّح
شلونا بعيني اشوفك تمشي للمذبح
وركَبتك يالولد دمّك يغطّيهه
يعبدالله رحت والروحه جتاله
شهر عمري حسافه ذبحوا اهلاله
اذا مو يمّي اشوفه امبارك اخياله
رفيف اجفوفه للمهجه يسلّيهه
ـــــــــــــــــــــ
خلص حيلي وبعد ما بيّه لحضه ابجي
متت جنّي وصرت كَوّه أمنريد احجي
المن حايره بضيمي بعد اشجي
الزمن بسهامه روحي ضل يراميهه
ـــــــــــــــ
يمن شفته ذبيح واحمر اكَماطه
من كتر الكتر كَلبي الحزن حاطه
على متني الشمر ضل تلعب اسياطه
بحضني جثّتك لمّن اخليهه
ـــــــــــــــ
الشاعر محمد حسن ضيغم
/channel/kasaedalatharDaygham
لطمیه محاوره بین ام الرضیع وام علي الاکبر علیهم وعلیهن السلام
((الوزن بحر طویل))
✍🏻بقلم العلویه ام ضیغم المحنا🌸
ــــــــــــــــــــــــــ
الرباب اصیح یالیله.. دلّال الصبر وینه
بلکن لصبر بیّـاع..والوادم تدلینه
✧►◄❖❁♦️◐❖►◄✧
یلیله یام علي الاکبر..شنهو البصر گلیلي
عبدالله اخذ گلبي..وروحي وعگلي وادلیلي
لا تم شوف بعیوني.. ولا مهجه ونزل حیلي
نـــاره بگلبــي لهــابه
اولیـدي یکتل اغیابه
اعله گلبي حاضنه اثیابه
اشمن ریحته واصرخ..یگلب امه وشرایینه
✧►◄❖❁♦️◐❖►◄✧
لیله ونت اشــونه؟..چن بآخر نفس هیه
تگلها یا دوه ینفع..یختي آنه اشبگه بیه
علي الاکبر هدم حیلي..وعینی اصبحت معمیه
لونّي اویاه امگطعیني
واموت وهو بحضیني
آنـــه الـمــن امخـلـیني
الموت اویه الولد جنه..ولا فرگاه اتضوگینه
✧►◄❖❁♦️◐❖►◄✧
تگلها صدگ یالیله..الموت اویه الولد راحه
ولا یصبح صبح فرگاه..وما تلگین مصباحه
روحچ والگلب تصرخ..خاف ابني خطر لاحه
افز من نومي مرعوبه
انشـد صـورته وثـوبه
نـار بگلـبي منــشــوبه
یتراوالي وارکض لیه..بجـماله وضحکته وعینه
✧►◄❖❁♦️◐❖►◄✧
تگلها ام عبد شتگولین..لو نمشي ونسچ ودیان
بلچي اولادنه عدلین..ما ذبحتهم العدوان
انتي دوري بالرضــع..وانه انشد علی الشبان
بلكي اویاهم الاکبر
وذاك الشفته اموذر
اگولن حـلم مو اکثر
طول اولیدي ما یخرب..ولا شفناه اموذرینه
✧►◄❖❁♦️◐❖►◄✧
تگلها انچانهم عدلین..یلیله خل انشدنچ
ذاك ال عالرمح راسه..مو ینطي شبه لابنچ
واشوفن راس چنه العید..یستاهل علیه ونچ
هذاك ابنچ یمحزونه
علـینه شابـح اعیونه
وهــذا ابني الیهزونه
راسه عالرمح شوفیه.. یعاتبنه وینخینه
✧►◄❖❁♦️◐❖►
تمـــ بعون الله ـــت
بقلـ✍️ـم شاعرة اهل البیت ع
العلويه ام ضيغم المحنا
✋لانجيز حذف إسم الشاعره او التلاعب بالکلمات
☘️نسالکم الدعاء☘️
للطفل الرضيع
وزن الجلمه ونص بحر المنسرح
مستفعلن مفعولات
ــــــــــــــــــــــــــــــــــــــــــــــ
رد للمهد يمه ويــــــــاي
يوليدي واسگيك الماي
شح العذب يعيوني.... 2
••┄┅══✼°••°✼══┅┄
دورتك بهذا الليــــــــل
واهلك ييمه مچاتيل
عبد الله هدمت الحيل
يا سلوتي ونجم سهيل
وين الصبر البلواي
يوليدي واسگيك الماي
خابت ييمه ضنوني...
✍🏻#نبضي_حسين
••┄┅══✼°••°✼══┅┄
سمعيت حس امناغاك
والروح يمه تهواك
يالماشفت من دنياك
والشمر مني حرماك
ماريد عمري ودنياي
يوليدي وسگيك الماي
اعله الولد لتلوموني،،،،،
ام علي المالكي
••┄┅══✼°••°✼══┅┄
جابوك ليه مذبوح
دمك يفور ومسفوح
يا مهجتي وروح الروح
ينعاك گلبي المجروح
شمعه وطفت يا سلواي
يوليدي واسكيك الماي
ما غمضن اجفوني
✍️الشاعر ه ام احمد الاسدي
••┄┅══✼°••°✼══┅┄
ماتدري گلبي مفجوع
بدّر الثدي وكت الجوع
ونارك تشب بل اضلوع
حيل الدهر قاسي وياي
يوليدي واسگيك الماي
ومهدلات امتوني
✍🏻خ_الحسيـــينه
••┄┅══✼°••°✼══┅┄
هيّجت بيه الآلام
ردوك اليه الظلام
مفطوم يبني بسهام
وتحطمت الأحلام
ذابت الفرگاك اجلاي
يوليدي واسگيك الماي
بشوفك تغير لوني
ام ✍️حسين الحسني
••┄┅══✼°••°✼══┅┄
يوليدي يابعد العين
ابعدك ازماني لوين
ضيعتني عملاته البين
مكطوع گلبي يحنين
نور ويضوي بدنياي
يوليدي واسگيك الماي
يم الولد خلوني
العلويه ام حسين
🌹كل ما ينشر بالرابطة
صدقة جارية للرسول صلى الله عليه وعلى آله الطاهرين وعن روح المرحومة
الشاعرة ام عمار الصائغ مؤسسة
رابطة الامام الحسن المظلوم عليه السلام
تـــمت بــــعون اللــه تعـالى ـــ بأقــلام الشاعـ✍🏻ـــرات المبدعــات فــي رابــطـــة الأمـــام الحســــن👉 عــليــه الســلام لايجــــوز شررررررررعاً حذفـــُ اسمــاء الشاعـــــ✍🏻رات او تغيـررها