77
کانال اشعار تالشی حسن زینلی( لِدو)
🍇
گله 234
لِدو جان بِه، اومیدْم بِه
جــونَه بوئَم، لِدودْم بِه
دْزدِه اومَین سَد اَسبْه نَه
بَرَه شون بْریَه دَسبْه نَه
مْشون ویسوتَه غَمچی نَه
کَشون پِتاریَه هَر چی نَه
رَمَه شون بَردَه وَرَه نَه
پِنی شون بَردَه کَرَه نَه
نَچَه شون بَردَه چَتو نَه
شْلَه بْز منَدَه وَتو نَه
بْرزه شون بَردَه اُردَ نَه
سَلَه شون بریَه کُردَ نَه
نْیَه شون اِشتَه کِتْه نَه
پُرْه شون اِشتَه مْتْه نَه
سَنگْه شون اِشتَه تِشیمِه
نونْه شون هَردَه وِشیمِه
هیچی مَندَه نی اومیدْم
هیچـی مَندَه نـی لِدودْم
چْمْه نَلَه سَسون اُرَس
زِرَه لْسون پِگی دَرَس
دْزدون کَلَّه بار گْرزْه نَه
بَردَه شِه اُستون بْرزْه نَه
اُنَرَسی نَلَه سَسون
هَبس بَکَردین سینَه هَسون
هُستَه باتین خَبَه بَدِه
دْزد آبو گْلَهَ شون سَدِه
پِنَگَت ئی لْس هَر پَلوان
بَمَین مینَه رو نَه مَیدان
دْزدِه بَیندین اَه پَلوانون
چَه پِنج کیلو زِرَه لْسون
هیسَه بَیویتی بَندون پِشت
هیسَه بَگْنی لْس و مشت
آنَستونی گا رَمَه نَه
بَردَه شِه بیتا گْلَه نَه
بَبی گولو دْدا دْل شاد
بَمَندی أم نَغل هَمَه یاد
@talesh_zaban لِدو
🍇
تیلَه پَمبَه چَی مَنَه یَتیمِه تاس
رَمَه بان شَه بَند و گیَه آبَه غاس
کِمَه چالَه نَه باج أمسار نوئَه واش
کاکَه رَمَه نی چَه دیمَه آبو خاس
@talesh_zaban _لِدو
🍇
نمَزونی چه بُاجم بُاوَر بکَی
أم روجون أشتَن بَمُا یُاوَر بکَی
أشته دَس دَه بَتَرم کُارخ کَشیَه
اَگَر أشتَن سَه کلُا دُاوَر بکَی
آگاردن
نمی دانم چه بگویم باور کنی
این روز ها خود را برام یاور کنی
از دست تو زیاد اذیت کشیده ام
اگر کلاه خودت را داور کنی
@talesh_zaban _لِدو
🍇
تیلَه سَلُامم باتِه دَمُاوَندُا
دَس دش بنُا سینَه سَه تیلَه بَندُا
سَردَ هونی دَه آوش بدُا بَه من
شُادی اومَه دلم بگَردی قَندُا
آگاردن:
سلام تیله را رساندم به دماوند
دستش را گذاشت روی سینه برای تیله بند
از چشمه سرد به من آب داد
شادی آمد دلم گشت دنبال قند
@talesh_zaban _لِدو
🍇
چلَه شَو اومَه اَنا دون دون آبِه
هیندا پَلَه، پَسَندِه دَندون آبِه
دلخَشِه نشتین نَنَه سرفَه دارَه
دَی نومَه چَمَه چَش بیتا خون آبِه
آگاردن:
شبِ چله آمد، انار دون، دون شد
هندوانه شکست پَسندِ دندون شد
عزیزان نشسته اند دوره سفره مادر
دایی نیامد چشم ما ها همه خون شد
@talesh_zaban _لِدو
🍇
پاکَردَشِه هَفتَه هونی ایسبَه شَی
راکَردَشِه سوج و قَزی اِلا پَی
اِلون آتَش دَچیَه أشتَن پیچون دَه
نوئَشونِه أشتَن نَه دَه تَتَه چَی
@talesh_zaban _لِدو
🍇
گلَه 253
بَمَی روجی، خَشْم با کوچَه با نَه ؟
چَه بارون آکَم أشتَن میجَه تا نَه؟
چْمْن چَش روشون آبو آکَه میجَه
بْوینو، کوچَه لَپ زی، چیزَه با نَه
چَه پا سَس با چْمْن گوش و چْمْن سا
مْن أشتَن را دَه سَرپا بَرزْه پا نَه
گَف و نازْش چْمْن دْل ویکَه شادی
چْمْن دَردا دَمون آبو دَوا نَه
سْه آبو وْل، چَه دیمون سولَه کا، اَز
بْچینْم وْل، چَه دیمون کا صَفا نَه
زْمْستون نا، بَفاش آبو اَوَسار
وْل و چیزَش پِگی دْنیا بَفا نَه
سِشَولون کوئَه وا آبو، چْمْن وَر
گَمون سَردین بْکَه أشتَن کوئَه وا نَه
هَوا ویتارْه، بَندون سَر نْچی حْر
هَشین آبو نْسا، هَر صْب، هَوا نَه
صْبون مْشتی کَگونا چینَه ویکَه
کَگِه بْیویجْن أشتَن سَر صَدا نَه
اَواج و اَن لِدو
@talesh_zaban _لِدو
🍇
هْری نبِه
کْلاکی نوایِه
بْری کَئو نبِه
هْشک آبِه سارم
بوسوتِه اَوَسارم
پَشیل آبِه وْلْم
بوسوتِه دْلْم
بوسوتِه جیگَرم
پَشیم آبَه پَش
@talesh_zaban _لِدو
🍇
لیوَه ویبَه چَشْم دَشتَه تا تْه بای
زِر و اَنبا، بَتام هَشتَه، تا تْه بای
بِه أشتْه بَما شیل و شَکَر تِلین
چَیْم نا قَندْش نی تَشتَه تا تْه بای
آگاردْن::
برگ ریخته چشم دوخته ام تا تو بیایی
ازگیل و انبه، برات گذاشته ام، تا تو بیایی
بدون تو برای من دوشاب و شکر تلخ اند
چایی هست قندش نخورده تیشه تا تو بیایی
@talesh_zaban _لِدو
🍇
گْلَه 250
بَمَی تا شَو، بَبی دْل زی، غَمون نَه
چَشْم، هونی بَدای أشتَن، نَمون نَه
اَگَر روشون نْکَی، شَنگا چْمْن کَه
بَمَی مَگ، مْن بَکْشتی، لَپ سَمون نَه
بَدَشتیم اَز چَشون، ریسی ؤ روخون
ته بینْم را دَه، أشتَن هَر چَشون نَه
چْمْن اَنگْشتَه سَر، گولو دْدا شَه
هَوا چاکِه، کْلاکی نی گَمون نَه
شَو و روج أم، بَر و روخون، اَوا مَند
اَیازون دَشتَه را چَش، دَس جَمون نَه
جُز أشتْه کَم، کَم و کَسری، کَه کا نی
بِه یا، خَشخَش، دْلِه تَنگین کَمون نَه
اَواج و اَن لِدو
@talesh_zaban _لِدو
🍇
گْلَه 248
غَزَل بُاجْم بَپِه أشتْه چَشونا
گَفون دْل دَه بَکَم، أشتْه غَشونا
بْگَردْم ویشَه تا پَیدا بْکَم گَف
اَگَر گَف اومَه کَم، أشتْه خَشونا
اَه روجی کی، بَنوشَه وْل بَکَردی
بَبَردیم اَز تْه، أشتَن سا کَشونا
بَه چاکی نَش، ببَندم ایلَه پَیمان
فَنَر آبی، چْمْن گورَه، مَشونا
اَگر پِنج و شَشی با زندَگی دَه
بَما پِنج و بَتا شَش، شا شَشونا
بْدا ویبو غَم و غْصَّه بَه آتَش
گِمْج با سا، چَه سوتَه چو، پَشونا
هَشی با شَختَه آو آبو، نْسا دَه
بْشْن دَج رو ، اَز و تْن شا، اَشونا
@talesh_zaban _لِدو
🍇
گله 247
عیدَه روجِه، نَنَه کا، دونَه بَکَرد
دونَه کا دَستْه نَه دَندونَه بَکَرد
سِف و سی آبَه اِلون سْرفَه سَه سین
گَندْمون کا، سَمَنو، دونَه بَکَرد
آبَه آوَینَه، کَه کا، پاک و تَمیز
هَر کَس أشتَن سَه مو کا شونَه بَکَرد
ویبَه شادی، بْنَه سَر دومَنَه نَه
آدَمون دْل دَه اَه کا لونَه بَکَرد
دَدَه نْشتِه کَه سَکو سَر تَوَه نَه
چاکَه فیکون وْرَه کا چونَه بَکَرد
ایلَه فیکْش أمِه کی، شَختَه زَمان
وَنَه دا کا، پَسونا وونَه بَکَـرد
@talesh_zaban _لِدو
🍇
گلَه 246
چْلَه شَو اومَه هَنی یَلدا نَه
پِشَه رَزدا، چَه اَنا، هیندا نَه
گْسِه دَشتَه چْمْه جیفون دِرزی
بَپِه نونا، بْشْم أشتَن، پا نَه
شَو دَوا نی چْمْه داجون، بْکَه کَم
نمَزونی چْه بْکَم، شَنگا نه
أم بْهاتی چْمْه جیفْش کَندَه
دَج پِتاریشِه وَرْم، جیگا نَه
مَندَه نی ایلَه گْلَه سْکَّه بَما
بَردَشِه یالَـه کَلْـم، زَرگا نَه
أستِه کا اَز نْمَشا ایلَه اَنا
قیمَتون وَش گَتِه لَپ بازا نَه
کی بَپِه با، چْمْه دَردون بْکَه چاک
آبْه روشون، چْمْه یَلدا، چا نَه؟
@talesh_zaban _لِدو
🍇
گلَه .......
@talesh_zaban _لِدو
🍇
گلَه 243
اَوَسار اومَه، وْل و چیزَه، بَپا
بْلبْل و کیجَه، پَپونَه، پِشَه دا
هْر و سَردی شَه، هَشی نْشتِه رَه سَه
بَمَمی کا شَپَه، بَندون رَپَه کا
وختِه کوچِه، رَمَه زَنگون چه صَدا
اَچَه شون أستَه اِلون هَر کَه بَه را
دَشتَمِه چَش، گیَه روخون، دَوِه کوچ
خوَری راکَه دلم، تیلَه فشا
باجه یاوی دَه، بمَندیم اَز تَک
مه نشا اومِه هَنی تا أشته سا
نامَه راکَردَمِه، کوچ و رَمَه نَه
چَه جوابون بکَه بو، راکَه بَما
آگاردْن:
بهار آمده گل و شکوفه پوشیده
بلبل و گنجشک و پروانه، رفته رویِ درخت
ابر و سردی رفته، خورشید نشسته رویِ تپه
بهمن بر سرِ کوهساران دارد می گرید
وقتِ کوچ است صدای زنگ رمه می آید
قفل خریده اند ایل ها برای دربِ خانه
چشم دوخته ام به راه ییلاق گذر کند کوچ
تا خبری بفرستد دل من برای شنِ تیلَه
بگوید در پایین مانده ام من تنها
نتوانستم باز بیایم حیاط شما
نامه فرستاده ام با کوچ و رمه
جوابش را بو کند بفرستد برایم
@farsi_zaban _لِدو
🍇
تیلَه پَمبَه چَی مَنَه یَتیمِه تاس
جَلَل عَمو شَه ویشَسَه آبَه غاس
کِمَه چالَه نَه باج أمسار نوئَه واش
میجا رَمَه نی، چَه دیمَه آبو خاس
@talesh_zaban _لِدو
🍇
تالشَه اومون
باتِه بَشیم اَز آمَگَردی هَنی
رو کَنا دَه ول بَچیمون آغَنی
هَر اَوَسار اومَه چیزَه نَه نومَیش
ولون شیرَه بدا دیزَه نَه نومَیش
مَگَر أم اَوَسار چَن کَرَه بَمَه
چَمَه هَشی مَگَر چَن کَرَه دَمَه؟ 2
چَن گلَه چاشَمبَه بَپِه بوسوجم
چَن کَرَه ئی آبو أم شَو و روجم
بِه أشته مَگَر ول، اَوَسارِه بَب
بِه أشته مَگَر چَمَه دل شادِه بَب
مَگَر أم اَوَسار چَن کَرَه بَمَه
چَمَه هَشی مَگَر چَن کَرَه دَمَه؟ 2
چَن عید اومَه بِه أشته دَوَردِه هشت
ایلَه کَم فر نشا دوئِه ایلَه کشت
کیجَه بَندِه چاکِه هَوا ته نبیش
کوکو تی تی سَس پِشِه دا ته نبیش
مَگَر أم اَوَسار چَن کَرَه بَمَه
چَمَه هَشی مَگَر چَن کَرَه دَمَه؟ 2
آخ اِی جَوانی کَیدش کا بَرونی
بِه بشَمون گیَه چَه سَردَه هونی
هَوا چاکِه، روخون تازِه، رَمَه وَنگ
کوچِه کا بَشین گیَه خاس و قَشَنگ
بِه بشَمون گیَه، رَفِقون پَلو
بوَمون کولَه با نَه هیندا، اَلو
عَمر آرَستِه گیَه مون ویندِه نشا
هَر ریشَه کا دَپَرسَمون چَه فشا
مَگَر أم اَوَسار چَن کَرَه بَمَه
چَمَه هَشی مَگَر چَن کَرَه دَمَه؟ 2
@talesh_zaban _لِدو
🍇
پِنجَک اومَه دورون کُا دُلچَه بَوُای
کَه گُا رو نُارَه، هَر کِتون کُا بَسُای
کی بَشُا مَندِه أم یُالَه رو نَه دَه
وَختی چَه جُان و ریشَه کَندِه بَشُای؟
@talesh_zaban _لِدو
🍇
ته کَینی لاره پِشَگَت، تیلَه کا
بَرُخنیش أشَتن أم کاره ایلَه کا
مَرز آبو گین أشته نوم و نوشون لَپ
غَم و غصَّه ویبو أشته پیلَه کا
@talesh_zaban _لِدو
🍇
گْلَه 255
را حِلِه ووئِه نَه، نَنَه کَه یا دَه
چَشش دَشتَه را، أشتَن نشتِه سا دَه
تازَه نونش پَتَه، پِنجَک و زِرَن
شت و کِچَه، نوئَشِه چَه کَفا دَه
روئَن کا بَمالی نونَه کوکَه سَه
لْوْش دایْم بَتا ناز و دْوا دَه
بَگَردی کا کَگ و کیجَه کَه دارَش
چَشش دَشتَه تا نا واشَک هَوا دَه
أشتَن دْلْش بَتا کَردَه اَوالَه
ئی چلَه شَو گَفْش نوئَه چَه لا دَه
کَش دَرْتَه، آوْش پِشَندَه کوچَه
نَتْش ویکَردَه چَه فَنَر و چا دَه
خْدا بَه تْه اَگَر روزی دوئَه وِه
چَه حْکم و چارَه حَتمَن نَنَه ها دَه
أشتَن اومِه دی مَکَه، حْر با چَه سا
غَم ویکَه چَه دْل دَفَنْه اَه کا دَه
تا هِستِه أم هَشی، هَیمِه شْمَه دْل
هَشی ویشو، بَمَردی دْل نْسا دَه
ووئِه نَه، تا دْلْش آبو، اَوَسار
چیزَه بَرشْه، چَه هَر لْوْن کَنا دَه
اَواج و اَن لِدو
@talesh_zaban _لِدو
🍇
گلَه 254
تیلَه جان، بْشین أشتْه کَلِه، جونِه
اِلون چَش اَه کَلون دوملَه روخونِه
قَضا، قَدَر کا، اَمَه وَر نییَدا!
چَمَه زْندَگی حادْثَه نَه گونِه
گِمْج گْنیَه مَحو آبَه نون و نونَی
اَنْش هَر سْرفَه سَه حَسرَتِه نونِه
دَسب و تَوَه دَس دَه داری پا سَه نی
ویشَه نی، خالَه نی، کیجَه بِه لونِه
بْلبْلون لوک و پا بَستَه، پِسیَه سیم
تَر و نَلَه سَس دَمَردَه کَش بونِه
کَه دارون سَه وْل و چیزَه مَندَه نی
مِشَه دَه کوندول و رَمکَه بِه شونِه
دْنیا دَه اَرزْش و غْب مَگَر چَنَه؟
دایْم آدَم و دْل آتَش و خونِه؟
رَمَه مون پِشَه لَپ أشتْه هَرازَه
چَمَه چَش چَه پَس و کاوی اَرونِه
اَواج و اَن لِدو
@talesh_zaban _لِدو
🍇
گْلَه 252
اُجـی زَردِه، چَشْم دَشتَه، کِه تْه بای
هَوا سَردِه، گَمْم هَشتَه، کِه تْه بای
مُلِنج و زِر اَناسو بْن دَه رَسیَه
أشتَن جیفْم زِرا دَشتَه کِه تْه بای
بَتا مْن، هْندْل و کُمبورِه، چییَه
دَسْم هَفتَنگَزون گَشتَه کِه تْه بای
بَلوکَم دَس دَه شومْم ژَندَه کولَت
زَمی سَم تَیف و سی کَشتَه کِه تْه بای
وَزَن ساکیتِه، بَند و قَرمَقْم، ساز
بَه کا صَد مای و سُل وَشتَه کِه تْه بای
بِه أشتْه بَب بَما شیل و شَکَر تِل
چَیْا نا، قَندْه سَر تَشتَه، کِه تْه بای
اَواج و اَن لِدو
@talesh_zaban _لِدو
🍇
چْه باجْم دْلْم زی گَفون نَه
غَم و غْصَّه مَندِه صَفون نَه
کَسی نی چْمْن سینَه آکَه
یَرَم بینْه دْل دَم ضَفون نَه
@talesh_zaban _لِدو
🍇
گْلَه 251
چَن گْلَه گَف هِستِه چْمْن سینَه کا
هَر گْلَه گَف کْشتَه شِه مْن زینَه کا
هَر صْب و هَر شَو چْمْه سینَش گَتِه
اَز نْمَشا کَردِه بَکَم سینَه کا
دْل بَپِه کَم را نَه پِگی سَر بْشْه
پا بْنَه بَند آنْبْه هَر چینَه کا
هَر دْه چَشْم دَشتَه چَه را بَلکَه با
گیسَه تِلْش تِر بْژَنْم مینَه کا
اَز بَپِه بینْم خَشَه یارْم هَنی
گَف بْژَنْم بَرشْه دْلْم کینَه کا
دْل بَه نَه آکَم أم سْرون تَی بْکَم
خَش بْمَسو اَز بْرَخْم پینَه کا
اَواج و اَن لِدو
@talezh_zaban _لِدو
🍇
گلَه 249
کَمِه مَندَه، صَبا با، چَکمَه پاکَه
هَشی جان دلخَشی نَه با، بَه آکَه
بَنشتی کا، خَشون مو سَر، پَپونَه
خَبَش راکَردَه یاوی، شونَه راکَه
صَد و سی کیجَه أشتَن لونَه کا بَش
هَزا رَنگِه، پَر و بالش، مَلاکَه
پَوَندی کا، بَمَی سَوزَه کَوا نَه
ول و چیزَش، پِشَندَه، قَندَه خاکَه
مِش و بلبل، ولون کا وَر نییَدا
چَه شیرَه بندَه شون، غَب نوئَه لاکَه
ته نی أشتَن چَشون هونی دَه بوشو
دَیَس روخون، بوینو چَش، صَبا کَه
@talesh_zaban _لِدو
🍇
چَشْم دَشتَه را، چْمْن شکوفَه با
چْمْن اَوَسار و چْمْن توفَه با
حَیف آبو کی، کْلاک و سَیل اومَه راه
نومَه، بْمَردیم اَز بَپِه مَفَه با
آگاردن:
چشم دوخته ام که شکوفه ام بیاید
بهار من بیاید، تحفه یِ من بیاید
حیف شد که راه باران و سیل گرفت
نیامد او، مُردم برانکارد من باید بیاید
@talesh_zaban _لِدو
🍇
بَزونیم اَز أشته دل خونِه
قضا نَه أشته دوران گونِه
هَنی دَستون دَفَن چمن دَست
بوزون دَستون دِلَه دَه نونِه
@talesh_zaban _لِدو
🍇
گلَه 245
خَشم ووئِه چَمَه دله بٓکَه شاد
هَنی بَمَه کا، ئی کَرَه بکَه یاد
أشته غَم و غصَه اَمَش لَپ کشتَه
ته بینَمون، بکَمون شادی نَه داد
کَه مون هِستِه بِه بَر و بِه پِنجَرَه
اَمَه شون دَفَنده یا دَه بِه اِمداد
چَمَه جان و دلِه یا دَه اَسیرین
ووئِه أم اَسیرون دَج بکَه آزاد
پِشا اَز و ته دَس بَه دَس بدَه مون
أشتَن خَراوَه کَه بکَمون آواد
آگاردن:
خوبم بیا دلِ ما را بکن شاد
باز هم یک بار دیگر از ما بکن یاد
غم و غصّه تو ما را درست کشته
ترا ببینیم از شادی بکنیم داد
خانه مان هست بی در و بی پنجره
ما را انداخته اند در اینجا بی امداد
جان و دلِ ما ها در این جا اسیرند
بیا این اسیران را همه بکن آزاد
پس از آن دست تو دست هم بگذاریم
این خانه خراب خودمان را بکنیم آباد
@talesh_zaban _لِدو
🍇
دَیَس را کا، بَشی کا، أشته نَه دَه
أشتَن پا نَش دَکُریَه، یالَه دَدَه
اَه گین مَرز آبه، هَر واشون دِلَه دَه
نبو تا گین، أشته نوشون، کَه بَه دَه
آگاردن:
نگاه کن راه را، که دارد می رود زیرِ پایِ تو
با پای خود، کشیده، پدر بزرگِ تو
نگذار آن گم شود، زیرِ علفزارهایِ هرز
تا گم نشود نشان توِ، در جلویِ خانه
@talesh_zaban _لِدو
🍇
باجم چَشون بَم ته قَیچی پِشَگَت
باجم غشون بَم ته قَمچی پِشَگَت
چه بکَم أشته دَس دَه تورَه کِلَه؟
هَرچی باجم اَز ته هَرچی پِشَگَت!
@talesh_zaban _لِدو