نزهة الأطفال تعليمية تربوية ترفيه و تعليم القراءة والكتابة لجميع البراعم الصغار

11 October 2026 22:50

مـاذا تـدرس👩🏻‍🏫 أو ماهـو حـلمـك🥹🥼🩺😍؟؟

نزهة الأطفال تعليمية تربوية ترفيه و تعليم القراءة والكتابة لجميع البراعم الصغار

10 October 2026 18:36

� الأم المضغوطة 🩶

ليست قليلة الإيمان، ولا ضعيفة الشخصية، ولا فاقدة الصبر…
هي فقط إنسانة تتحمّل فوق طاقتها.
أم تُفكّر في كل شيء، وتُهمل نفسها كل يوم،
تبتسم رغم التعب، وتخفي وجعها حتى لا ينهار البيت.

وراء كل “عصبية” لحظة وجع،
وراء كل “تعب” ساعات من السهر والقلق،
وراء كل “دمعة” رغبة في راحة بسيطة لا تجد وقتها.

🌸 إلى كل أم مضغوطة:
تذكّري أنك لستِ آلة،
خذي نفسًا، ارتاحي قليلًا،
فأنتِ العمود الذي يستند عليه الجميع.
وما دام فيكِ قلب ينبض حبًّا.. فبيتك بخير 🤍

نزهة الأطفال تعليمية تربوية ترفيه و تعليم القراءة والكتابة لجميع البراعم الصغار

03 October 2026 12:25

High frequency word list

نزهة الأطفال تعليمية تربوية ترفيه و تعليم القراءة والكتابة لجميع البراعم الصغار

01 October 2026 12:35

🛑 ماذا تفعلون إذا أغلق الطفل الباب على أصابعه؟

💢 رد الفعل الأول لدى الولد هو الصدمة ثم الخوف ثم الألم الناتج عن كدمات أو جروح، أو تمزّق أو كسر. ماذا تفعلون إذا أغلق ولدكم باب السيارة أو البيت أو الخزانة أو أي شيء آخر على أصابعه؟ الأهمّ هو ألا تصابوا أنتم بالخوف وأن تقوموا بالخطوات التالية لتخفيف الألم والتورّم بسرعة:

🔆 تنقع الأصابع المصابة في ماء بارد وضعت فيه بعض مكعبات الثلج لمدة 20 دقيقة.

🔆يمكن أيضاً استعمال كيس ثلج كضمادة لتخفيف التورم والألم.

🔆 طهّري الأصابع المصابة بزيت الخزامى أو أي مطهر آخر إذا لم يتوفّر.

🔆 اطلبي من طفلك أن يرفع إصبعه باتجاه الأعلى لأنه إذا تدلى سيزيد تورّمه والألم سيكون نابضاً بفعل تدفق الدم إليه.

🔆 اطلبي منه أن يحرك إصبعه بين الحين والآخر للتأكد من أنه لم يتعرض لكسر.

🔆 إذا كان الألم لا يحتمل أعطه مسكناً خفيفاً.

🔆لا تربطي الأصابع المصابة.

ستبقى الإصابة مؤلمة أو حساسة عندما يلمس أي شيء لمدة يومين أو ثلاثة وستتحسن تدريجياً.

⭕️ إذا لاحظتي أي أعراض غير عادية مثل استمرار التورم، عدم قدرة الطفل على تحريك أصابعه أو جرحاً عميقاً أو التهاباً واضحاً فالأفضل أن تراجعي الطبيب.🔚

أتمنى لكم الصحه والعافيه ورضا الله للجميع..♥️..

نزهة الأطفال تعليمية تربوية ترفيه و تعليم القراءة والكتابة لجميع البراعم الصغار

30 September 2026 19:01

بطاقات تعزيز- يمكن طباعتها على ورق لاصق

نزهة الأطفال تعليمية تربوية ترفيه و تعليم القراءة والكتابة لجميع البراعم الصغار

29 September 2026 11:48

تحدي
أفهم طفلي قبل ما أعدل سلوكه❤️ اليوم السابع والاخير

وصلنا لآخر يوم
بس الحقيقة إن اللي إحنا بدأناه هنا المفروض ما يوقفش

في الأيام اللي فاتت اتكلمنا عن سلوكيات بتستفز الأم زي

العند ورفض الكلام
الضرب
الغيرة
الكذب
والتعلق الزائد بالأم

وفي كل مرة حاولنا

ما نبصش للسلوك لوحده

لأن الطفل مش مجرد سلوك بيحتاج يتعدل

الطفل إنسان صغير
بيحاول يعبر ويفهم ويتعامل مع مشاعره واحتياجاته بالطريقة اللي يقدر عليها في سنه

وده مش معناه إننا نبرر أي سلوك

أنا ممكن أفهم ليه ابني ضرب… وأمنع الضرب.

أفهم ليه بيعاند… وأحط حدود.

أفهم غيرته… وأعلمه إزاي يعبر عنها من غير أذى.

أفهم كذبه… وأساعده يقول الحقيقة من غير خوف.

وأفهم تعلقه بيا… وأساعده يبني أمان واستقلال بالتدريج.

الفهم مش معناه السماح.
والحدود مش معناها القسوة.

وعشان كده من النهارده قبل ما تسألي:

أعمل إيه عشان أوقف السلوك ده؟

جربي الأول تسألي نفسك :

إيه اللي حصل قبل السلوك؟

ابني كان حاسس بإيه؟

هل ده مناسب لسنّه وقدرته؟

هو محتاج إيه ومش عارف يطلبه إزاي؟

وبعدين اسألي نفسك

«إيه الحد اللي لازم أحطه؟
وإزاي أساعده من غير ما أكسر شخصيته ؟

والنهارده عايزاكي تعملي آخر تطبيق في التحدي

اختاري سلوك واحد بس متكرر عند ابنك.

واكتبي

السلوك: …………

بيظهر غالبًا إمتى؟ …………

إيه اللي بيحصل قبله؟ …………

ممكن يكون ابني حاسس بإيه؟ …………

ممكن يكون محتاج إيه؟ …………

إيه الحد اللي محتاج أحطه؟ …………

وإيه الطريقة اللي هساعده بيها؟

وخلي آخر جملة عندك:

أنا مش هحاول أغيّر سلوك ابني قبل ما أحاول أفهمه

لأن الطفل اللي اتفهم
مش معناه إنه مش هيغلط.

بس مع الوقت هيبدأ يتعلم يفهم نفسه هو كمان.

وشكرًا لكل أم كملت معانا الأيام السبعة ❤️

والأهم من إنك تفتكري كل اللي اتقال…

إنك تفتكري السؤال اللي هنحتاجه مع كل سلوك جديد:

«هو ابني بيقولي إيه بالسلوك ده؟

نزهة الأطفال تعليمية تربوية ترفيه و تعليم القراءة والكتابة لجميع البراعم الصغار

28 September 2026 22:56

ماهو أول مسجد وضع على الأرض...؟

نزهة الأطفال تعليمية تربوية ترفيه و تعليم القراءة والكتابة لجميع البراعم الصغار

28 September 2026 17:49

مطلوب مشرفين للقنوات براتب شهري💰

نزهة الأطفال تعليمية تربوية ترفيه و تعليم القراءة والكتابة لجميع البراعم الصغار

26 September 2026 15:52

كتب أطفال، كتب التربية https://share.google/ImdEr5L8msfxivUsN

نزهة الأطفال تعليمية تربوية ترفيه و تعليم القراءة والكتابة لجميع البراعم الصغار

26 September 2026 15:41

ألعاب تعليمية للأطفال. 1. عالم مليء بالألعاب التعليمية الممتعة لتنمية مهارات الأطفال بطريقة ممتعة. https://share.google/mj6EhU5zdsyJIivnP

نزهة الأطفال تعليمية تربوية ترفيه و تعليم القراءة والكتابة لجميع البراعم الصغار

26 September 2026 15:33

اليوم الخامس في تحدي
أفهم طفلي قبل ما أعدل سلوكه

والنهارده هنتكلم عن سلوك بيستفز اي أم

الكذب

ابنك يعمل حاجة و تسأليه:

مين كسر الكوباية؟

يقولك

مش أنا.

مع إنك شوفتيه بعينيك.

او ياخد حاجة انتي منبهه عليه مياخدش منها ويقولك :

أنا ماخدتهاش.

او يعمل مشكلة مع أخوه ولما تسأليه يحكيلك القصة بطريقة مختلفة تمامًا.

وتلاقي يقولك مثلاً

الميس قالت لي أعمل كده.

وإنتِ تكتشفي إن مفيش حاجة حصلت من اللي حكاه

أو يحكيلك قصة خيالية وكأنه بيحكي حاجة حصلت فعلًا

وأحيانًا الأم تبدأ تقول:

هو ليه بيكدب عليا؟

د انا ذايما اقوله اوعي تكذب

أنا عمري ما بخبي عليه حاجة

هو بقى كذاب!

بس قبل ما نحاول نوقف الكذب…

محتاجين نفهم

هو ليه قال حاجة مش حقيقية أصلًا؟

لأن مش كل كلام محصلش يعتبر كذب

الأول تعالوا نفرق بين الخيال والكذب

الخيال إن الطفل يقول حاجة هو متخيلها
أو بيحكيها من عالم اللعب والقصص من غير ما يكون هدفه يخدعك

مثال

ماما أنا امبارح ركبت طيارة وطلعت بيها فوق البيت.

أو:

الدبدوب بتاعي كلمني بالليل.

هنا الطفل ممكن يكون داخل في لعب وخيال ومش هدفه إنه يخدعك

خصوصًا في السن الصغير الطفل ممكن يكون مندمج جدًا في خياله لدرجة إنه يحكي القصة بحماس وكأنها حصلت فعلًا. فأوعي تقوليله :

إنت كداب.

هو محتاج الاول تنزلي معاه لمستوي خياله وبعذ ما تخلصوا خيال انتوا الاتنين اسأليه

دي حصلت بجد ولا إنت بتتخيلها؟

أو:

دي قصة حلوة بس قولي بقي إيه اللي حصل بجد وإيه اللي إنت تخيلته؟

كده إحنا بنساعده يميز بين الواقع والخيال من غير ما نقتل خياله.

طيب إمتى يبقى كذب؟

لما الطفل يكون عارف بدرجة مناسبة لسنه إن الحقيقة مختلفة ومع ذلك يقول معلومه غلط

مثلاً:

هو كسر اللعبة وعارف إنه كسرها ولما تسأليه:

إنت كسرتها؟

يقولك

لأ.

و هنا إحنا أمام محاولة لإخفاء الحقيقة.🥸🥸🥸🥸

بس حتى الكذب نفسه مش نوع واحد.

النوع الأول: الكذب للهروب من العقاب

الطفل يعمل حاجة غلط ولما تسأليه ينكر.

وهنا ممكن يكون بيفكر:

لو قلت الحقيقة هتضربني أو هتزعقيلي

فيبدأ يشوف الكذب كوسيلة تحميه من النتيجة

وده مهم جدًا نفهمه لأن طفل بيكدب خوفًا من العقاب محتاج تدخل مختلف عن طفل بيكدب علشان ياخد حاجة

النوع الثاني: الكذب لتجنب الإحراج

طفل ما عملش الواجب.

تسأليه:

خلصت؟

يقول:

آه.

ممكن يكون مش بس خايف من العقاب.

ممكن يكون محرج إنه يقول:

أنا ما عملتش.

أو خايف يخيب توقعاتك.

أو مش عايز يظهر قدامك بصورة الطفل المهمل.

النوع الثالث: الكذب للحصول على شيء

طفل يقول:

ماما قالت لي آخد التابلت.

وهو عارف إن ماما ما قالتش.

أو:

أنا خلصت واجبي.

وهو ما خلصش، علشان يلعب.

هنا الكذب بقى وسيلة للحصول على حاجة هو عايزها.

النوع الرابع: الكذب علشان يظهر بصورة أفضل

وده بيظهر بشكل أوضح كل ما الطفل يكبر.

مثلاً يقول:

أنا جبت أعلى درجة.

أو:

كل أصحابي بيعملوا كده.

وهو عارف إن ده مش حقيقي.

أحيانًا بيكون ورا ده احتياج للتقدير.

الطفل عايز يحس إنه شاطر أو مهم أو مميز.

أو خايف يكون أقل من غيره.

النوع الخامس: الكذب لحماية نفسه أو شخص آخر

ممكن الطفل يكذب علشان يحمي نفسه من موقف محرج.

وممكن أحيانًا يكذب علشان يحمي أخوه أو صاحبه.

وده برضه محتاج نفهم السياق قبل ما نحكم على السلوك.

طيب الكذب بيختلف إزاي حسب العمر؟

من 3 لـ 5 سنين

هنا لازم ناخد بالنا جدًا إن الطفل لسه بيبني قدرته على التمييز بين الخيال والواقع.

فممكن يقول حاجة مش حقيقية لأنه:

بيتخيل.

أو بيحكي قصة.

أو بيخلط بين اللي حصل واللي نفسه يحصل.

أو بيحاول يهرب من موقف.

فلو قال:

أنا روحت القمر.

مش أول حاجة بقولها
يا كذاب او بطب كذب .

طيب لو عمل حاجة فعلًا وقال:

أنا ما عملتش.

فهنا ممكن يكون بدأ يستخدم الإنكار للهروب من النتيجة.

والتعامل هنا يكون بهدوء، من غير وصمه بالكذاب

أنا عارفة إنك عملت كذا ومحتاجاك تقول لي الحقيقة.

او الغلط ممكن نصلحه بس محتاجين نتكلم بصدق وصراحة .

من 5 لـ 7 سنين

هنا الطفل بدأ يفهم بشكل أوضح الفرق بين الحقيقة والكلام غير الحقيقي.

والكذب المتعمد بيظهر بصورة أوضح.

ممكن يكذب:

علشان يهرب من العقاب.

علشان يتجنب اللوم.

علشان ياخد حاجة.

علشان يظهر بصورة أفضل.

أو علشان يتجنب الإحراج.

وفي السن ده الطفل بدأ يفهم إن الشخص الآخر مش بيكون عارف كل حاجة هو عملها.

يعني ممكن يفكر:

لو ماما ما شافتنيش ممكن ما تعرفش.

وهنا مهم جدًا إننا ما نعلّمش الطفل إن الصدق معناه:

ماما هتعرف كل حاجة مهما عملت.

لكن نعلمه:

حتى لما تغلط تقدر تقول الحقيقة ونحاول نصلح الغلط.

من 7 لـ 9 سنين

هنا الكذب ممكن يبقى أكثر تعقيدًا.

الطفل بقى قادر يفكر:

إيه اللي الشخص التاني يعرفه؟

إيه اللي ممكن يكتشفه؟

إيه اللي هيحصل لو قلت الحقيقة؟

وبالتالي ممكن يستخدم الكذب بشكل أكثر قصدًا.

وممكن يكذب علشان:

نزهة الأطفال تعليمية تربوية ترفيه و تعليم القراءة والكتابة لجميع البراعم الصغار

25 September 2026 18:36

دروس قواعد سهلة تساعدك على تحسين الإنجليزية كل يوم. https://share.google/zUtNA56pMfVEh27Jo

نزهة الأطفال تعليمية تربوية ترفيه و تعليم القراءة والكتابة لجميع البراعم الصغار

24 September 2026 12:43

تحدي
«أفهم طفلي قبل ما أعدل سلوكه اليوم التالت » ❤️

والنهارده هنتكلم عن حاجة بتستفز أي أم جدًا

الطفل اللي بيضربها
يشدها قدام الناس
يزقها تعمله حاجته بالعافيه
ويضرب صحابه

تعالوا نفهم حاجة مهمة

الضرب عند طفل 3 سنين مش هو الضرب عند طفل 6 سنين، ومش هو الضرب عند طفل 9 أو 10 سنين

بالرغم انه يبان نفس السلوك من برّه،
بس اللي بيحصل جواه بيكون مختلف تمامًا

من 3 لـ5 سنين

الطفل لسه بيتعلم يتحكم في اندفاعه ويعبّر عن غضبه بالكلام

فممكن لما يتمنع من حاجة
أو يتضايق
أو يسمع لأ
إيده تسبق كلامه

وطبعاً مش قصده يهينك ولا يستفزك
هو ببساطة غضبان ومش عارف يعمل إيه في الغضب ده

بس ده مش معناه إن الضرب مقبول

من 5 لـ7 سنين
هنا الطفل بدأ يفهم إن الضرب غلط
بس ممكن يستخدمه لما يحس إنه مش مسموع أو لما يدخل في صراع على حاجة عايزها أو لما يكون متعود إن التصعيد هو الطريقة اللي بيحصل بيها على استجابة

وهنا مهم نركز

هو بيضرب إمتى؟

بعد الرفض؟
وقت المذاكرة؟
وقت قفل الشاشة؟
لما يخسر؟
لما يتمنع؟
ولا لما يحس إن حد مش فاهمه؟

لأن توقيت الضرب بيدينا جزء مهم جدًا من القصة

من 7 لـ10 سنين

الطفل في السن ده غالبًا عنده قدرة أكبر على فهم القواعد
بس ده مش معناه إن قدرته على تنظيم غضبه بقت كاملة

وممكن التعدي يظهر لما يكون عنده غضب متراكم أو صراع متكرر أو طريقة اتعلمها للتعامل الموقف اللي بيضايقه

واوقات كتير المشكلة مش في لحظة الضرب نفسها

المشكلة بتكون في نمط العلاقة والخلاف اللي سبقها

هل كل خلاف بينتهي بصوت عالي؟

هل الطفل بيتراجع بس لما ماما تعلي صوتها؟

هل بيتم استخدام التهديد أو الضرب أصلًا في البيت؟

هل الطفل بيشوف إن الأقوى هو اللي يفرض كلامه؟

لأن الطفل بيتعلم طريقة التعامل مع الغضب والخلاف من البيئة اللي حواليه

وعشان كده قبل ما نسأل

أعمل إيه لما ابني يضربني او يضرب حد

خلينا النهارده نسأل سؤال أهم:

ابني بيضربني في إيه بالضبط؟ وإيه اللي بيحصل قبله؟
وبيضرب صحابه او اخواته امتي

وانا هنا مش ببرر الضرب

إحنا بس بنحاول نفهمه

نزهة الأطفال تعليمية تربوية ترفيه و تعليم القراءة والكتابة لجميع البراعم الصغار

22 September 2026 12:23

تحدي افهم طفلي قبل ما اعدل سلوكه

بناءً ان الاجماع الاكبر النهارده كان اننا نتكلم عن العند و رفض الكلام فيلا بينا
بس قبل ما أقولك تعملي إيه

محتاجة أفهمك الأول:
ابنك لما بيرفض كلامك… إيه اللي بيحصل جواه؟

بصوا كلمة «لأ» عند طفل 3 سنين مش هي نفس «لأ» عند طفل 8 سنين او 10

وأكبر غلطة ممكن نعملها إننا نحط كل الأطفال تحت عنوان واحد ونقول
دا عنيد ومش بيسمع الكلام او دي عنيدة اوي

تعالوا نفكها واحدة واحدة

من 3 لـ5 سنين
الطفل في المرحلة دي بيبدأ يكتشف إنه شخص له إرادة

يعني وهو اصغر كان بيتقبل شويه ان حد بيقوله:
تعالى، روح، خد، سيب…

وفجأة بدأ يكتشف كلمة قوية جدًا
(لأ)

فممكن تقولي له
يلا نلبس.

يقولك
«لأ. وهو اصلا رايح يلبس

او يلا ننام.

قولك لأ. وهو بيطلع ع السرير

تعالى نغسل إيدينا.

مش عايز.

بس اللي محتاجين نركز مش معنى إن الطفل قال «لأ» إنه قرر يعاندك

أحيانًا هو بيكتشف نفسه من خلال الرفض

وأحيانًا بيكون ببساطة مش عايز يوقف الحاجة اللي بيعملها

نيجي بقي من 5 لـ7 سنين

هنا الطفل بدأ يفهم أكتر

بس لسه عنده مشكلة مهمة
وهي
انه ينتقل من حاجة لحاجة

يعني ممكن يكون مندمج جدًا في اللعب وفجأة تقوليلوا

«يلا اقفل او يلا تعالي ؟ يقولك لأ…
يلا البس. لأ

مع ان هو سامعك
وفاهمك.

بس مش جاهز يسيب اللي في إيده فورًا

وكمان في السن ده الطفل بدأ يفهم القواعد وبدأ يجرب

طب لو قلت لماما لأ… هيحصل إيه؟

يعني أحيانًا الرفض بيكون اختبارًا للحدود

ومن 7 لـ9 سنين

هنا بيظهر حاجة مختلفة

الطفل بدأ يكون عنده رأي ومنطق خاص بيه

فممكن تقوليله
حط حاجتك مكانها.

يقولك
ليه؟

أو
بس أنا لسه محتاجها.

هنا مش كل اعتراض معناه سوء سلوك

الطفل بدأ يسأل ويفكر ويجادل

والمشكلة إننا أحيانًا بنعتبر مجرد إن الطفل ناقشنا = إنه مش بيسمع الكلام

مع إن التعبير عن الرأي مش هو نفسه رفض السلطة فحطي فبالك ان دا حاجه ودا حاجه تانيه خالص

من 9 لـ10 سنين

هنا الموضوع بيبدأ ياخد شكل تاني خالص

الطفل بقى عنده قدرة أكبر على الاختيار والتفكير والتخطيط

فممكن تقوليله
ذاكر

فيقولك
هبدأ بعد شوية.

هنا ممكن يكون مشكلته مش في المذاكرة نفسها
بس في إدارة وقته أو مقاومة شيء مش حابب يعمله

وممكن كمان يكون اتعلم من البيت إن الكلام مش لازم يتنفذ من أول مرة ودي غلطة بيقع فيها كتير

يعني لو أنا بقوله

قوم اعمل كذا

وبعدها أكرر 5 مرات

هو مع الوقت هيتعلم إن التنفيذ بيبدأ عند المرة الخامسة
ولما ماما تجيب اخرها

وعشان كده قبل ما نسأل

أعمل إيه عشان ابني يسمع الكلام؟

محتاجين نسأل نفسنا الأول

هو بيرفض ليه؟

هل لأنه لسه بيتعلم الاستقلال؟

هل لأنه مش قادر ينتقل من نشاط لنشاط؟

هل لأنه بيختبر الحدود؟

هل لأنه بدأ يكون عنده رأي؟

هل لأنه مش متعود إن الطلب بيتقال مرة واحدة ويتنفذ؟

هل هو أصلًا فاهم المطلوب منه؟

لأن نفس كلمة «لأ» ممكن يكون وراها أسباب مختلفة جدًا باختلاف العُمر

وعشان كده

مش هنتعامل مع كل طفل بيرفض الكلام بنفس الطريقة

نزهة الأطفال تعليمية تربوية ترفيه و تعليم القراءة والكتابة لجميع البراعم الصغار

20 September 2026 21:01

من أعلى مرتبة بعد الأنبياء ؟! 🤔

> الشهداء
> الخلفاء الراشدين
> الصديقين

نزهة الأطفال تعليمية تربوية ترفيه و تعليم القراءة والكتابة لجميع البراعم الصغار

10 October 2026 18:36

تربية الأطفال ليست مهمة عادية، بل هي رسالة حياة تبني أجيالًا متوازنة نفسيًا وسلوكيًا. إليك الأسس الرئيسية لتربية الأطفال بطريقة صحيّة ومتوازنة 👇

⸻

🌱 1. القدوة الصالحة

الطفل لا يتعلم بالكلمات بقدر ما يتعلم بالأفعال.
احرص أن يرى فيك الصدق، الاحترام، الصبر، والتعامل الطيب.

الأبوان مرآة الأبناء.

⸻

❤️ 2. الحب والاحتواء

أظهر حبك لطفلك بالأفعال والكلمات، حتى لا يبحث عنه في أماكن خاطئة.
العناق، الكلمات الطيبة، والاهتمام اليومي تصنع الأمان النفسي.

⸻

🧠 3. الحوار والتواصل

استمع إليه أكثر مما تتحدث، اسأله عن رأيه، شجّعه على التعبير عن مشاعره.

الطفل الذي يُسمع، يصبح راشدًا يعرف كيف يتحدث ويحترم غيره.

⸻

📏 4. الانضباط والتوجيه

ضع حدودًا واضحة وثابتة دون قسوة.
العقاب لا يعني الإهانة، بل توجيه السلوك وتحمّل النتائج بهدوء وعدل.

⸻

🎯 5. المسؤولية والاستقلال

شجّع طفلك على اتخاذ قرارات بسيطة وتحمل نتائجها.
امنحه مهامًا صغيرة (ترتيب غرفته – العناية بألعابه – المساعدة في المطبخ).

⸻

🌸 6. التربية بالقيم

ازرع فيه القيم العليا: الأمانة، الصدق، الرحمة، احترام الكبير، مساعدة الضعيف.
القيم تُغرس بالفعل، لا بالمحاضرات.

⸻

📚 7. التحفيز والتشجيع

كل كلمة تشجيع تزرع بذرة ثقة.
احتفل بإنجازه الصغير، ولا تقلل من محاولاته.

⸻

🕊️ 8. الإيمان والدعاء

علّمه أن الله يراه ويُحبه، وأن الدعاء سلاحه وقت الضيق.

من ربط ابنه بالله، لن يخاف عليه مهما ابتعد

نزهة الأطفال تعليمية تربوية ترفيه و تعليم القراءة والكتابة لجميع البراعم الصغار

05 October 2026 15:30

#وقفات_تربوية
ابناؤنا وبناتنا واحداثهم المدرسية :

(١-الحضن: أن نحضن ابناءنا وبناتنا بعد رجوعهم من مدارسهم حتى يشعروا بالامان والعاطفة الصادقة لانهم نصف اليوم بعيدون عنا في اكلهم وشربهم ودرسهم ومضايقات ولعب وفرح وحزن وغضب.
٢- الاسئلة: ونقصد نوعية الاسئلة فتكون اسئلة محددة واضحة وليس اسئلة عامة مثل كيف يومك اليوم فيرد يوم حلو لكن الاسئلة المحددة مثل: اليوم لعبت مع من؟
  ولما اكلت من كان بجوارك  من اصحابك ؟
ولما ذهبت الى الحمام كنت لوحدك او ذهب احد معك؟
من هو المعلم او المعلمة الذي مدحك وكيف مدحك؟
وايضا اسئلة تحفيزية مثل :
ماهو اكثر شيء جعلك اليوم سعيدا ؟ونقص  عليه موقفا جميلا او حزينا او مؤلما صار معنا حتى يتحمس ويقص علينا ماذا حدث
٣- المبادرة:  حتى نحفز اولادنا ونشجعهم على الحديث معنا عما حدث في مدارسهم  نبتدر بمبادلته الكلام حتى لايكون كأنه في مجلس تحقيق فنقص عليهم الاخبار الجميلة في يومنا في البيت او العمل مثل وانا اطبخ نسيت الملح وتذكرته ونضحك معا او بضاعة جديدة وصلت او كلمت امي او ابي وهكذا
٤- الحوار : ممكن نحاور اولادنا  وهم يلعبون وهم يأكلون حتى لايشعروا انهم في مجلس تحقيق
٤- لغة العيون : اثناء حديثنا لانجعل عيوننا في عيونهم بتركيز حتى لايخافوا بل نجعل عيوننا مملوءة حب وممكن نسألهم ونحن نرتب وننظف وهم يساعدونا )
منقول
هذه الخطوات تصلح ايضا مع الكبار في الجامعة او العمل حتى يخرجوا ماعندهم ولكن قد تختلف بعض الاسئلة احيانا

نزهة الأطفال تعليمية تربوية ترفيه و تعليم القراءة والكتابة لجميع البراعم الصغار

03 October 2026 12:25

Reading cvc sentences

نزهة الأطفال تعليمية تربوية ترفيه و تعليم القراءة والكتابة لجميع البراعم الصغار

01 October 2026 00:22

أفضل قنوات🌹

غرائب وعجائب الدنيا

طب الأعشاب والطب البديل

ڤيولا للتقنية والتكنولوجيا

شام لكرتون الأطفال

صحتك النفسية وصحة اسرتك

مرووج للأناقةوالجمال

ملح وسكر

روضتي

نزهة الأطفال تعليمية تربوية ترفيه و تعليم القراءة والكتابة لجميع البراعم الصغار

29 September 2026 11:48

#نشاط - بطاقة شكر للمعلم - أنشطة يوم المعلم

نزهة الأطفال تعليمية تربوية ترفيه و تعليم القراءة والكتابة لجميع البراعم الصغار

29 September 2026 11:48

اليوم السادس في تحدي
أفهم طفلي قبل ما أعدل سلوكه

النهارده هنتكلم عن سلوك ممكن يتعب الأم جدًا

وهو ابني متعلق بيا زيادة عن اللزوم!

عايزني أنا اللي ألبسه
وأنا اللي آكله
وأنا اللي أنيمه
ومش بيرضى يقعد مع حد غيري

أدخل الحمام ييجي ورايا
أقعد في مكان ييجي جنبي
ولو حاولت أبعد عنه يبدأ عياط أو زن أو يقول:
ماما تعالي… ماما اقعدي معايا… ماما متسبينيش.

وأحيانًا الأمها تبدأ تقولي

هو أنا كده اللي بوظته؟
هو هيطلع معتمد عليا في كل حاجة؟
ليه إخواته بيعرفوا يستقلوا وهو لأ؟

بس قبل ما نقول للطفل: لازم تعتمد على نفسك، محتاجين نفهم:

هو فعلًا متعلق زيادة؟
ولا هو في مرحلة عمرية طبيعية محتاج فيها قرب أمه؟

لأن التعلق بالأم مش مشكلة في حد ذاته.

الطفل أصلًا بيبني إحساسه بالأمان من خلال العلاقة مع الشخص اللي بيرعاه

بس شكل الاحتياج ده بيتغير مع العمر.

من 3 لـ5 سنين:
ممكن الطفل يكون محتاج قريب من ماما جدًا خصوصًا وقت النوم التعب او التغيير أو الخوف.
وكمان لسه قدرته على انه يهدي نفسه وإدارة مشاعره محدودة.

من 5 لـ7 سنين:
المفروض تبدأ تظهر محاولات أكبر للاستقلال بس الطفل ممكن يرجع يتعلق بأمه في أوقات الضغط أو لو بيواجه تجربة جديدة زي المدرسة أو تغيير المكان أو وجود شخص جديد.

من 7 لـ9 سنين:
هنا نسأل أسئلة أكتر:
هل الطفل فعلًا محتاج أمه؟
ولا اتعود إنها تعمل له بدلًا منه؟
هل بيخاف يغلط؟
هل كل محاولة استقلال منه كانت بتقابل بالنقد أو التصحيح؟

من 9 لـ10 سنين:
لو الطفل لسه مش قادر يعمل حاجات مناسبة لسنه إلا بوجود الأم
محتاجين نبص على العلاقة نفسها ونشوف
هل إحنا بنساعده يستقل تدريجيًا؟
ولا من غير ما نقصد بنخليه يعتمد علينا؟

والأهم

مش كل طفل متعلق بماما عنده مشكلة تعلق.

أحيانًا الطفل بيكون مرهق.
أحيانًا خايف.
أحيانًا بيمر بتغيير.
أحيانًا محتاج يعوض إحساس فقده بالأمان.
وأحيانًا فعلًا يكون اتعود إن الأم تعمل كل حاجة مكانه.

وعشان كده قبل ما نحاول نفصله

لازم نفهم هو متعلق ليه اصلاً ؟!

نزهة الأطفال تعليمية تربوية ترفيه و تعليم القراءة والكتابة لجميع البراعم الصغار

28 September 2026 22:50

مـاذا تـدرس👩🏻‍🏫 أو ماهـو حـلمـك🥹🥼🩺😍؟؟

نزهة الأطفال تعليمية تربوية ترفيه و تعليم القراءة والكتابة لجميع البراعم الصغار

28 September 2026 14:53

- أرسل قناتك هنا أصعدها لك ألف عضو دون مقابل🔥:
@taoasoul_al_bot

نزهة الأطفال تعليمية تربوية ترفيه و تعليم القراءة والكتابة لجميع البراعم الصغار

26 September 2026 15:44

ألعاب تعليمية مجانية ممتعة تطوّر المهارات الأساسية بأنشطة قصيرة وجذابة https://share.google/vjNEtTrBmSPFCr7VU

نزهة الأطفال تعليمية تربوية ترفيه و تعليم القراءة والكتابة لجميع البراعم الصغار

26 September 2026 15:33

يتجنب مسؤولية.

يحمي نفسه.

يحمي صديقًا.

يظهر بصورة أفضل.

يحصل على امتياز.

أو يتجنب مشكلة مع الأهل.

وهنا مهم جدًا نسأل عن وظيفة الكذب.

طفل بيكدب علشان خايف من الضرب، مشكلته مختلفة عن طفل بيكدب علشان ياخد لعبة.

الاتنين قالوا كلام غير حقيقي بس السبب مختلف.

من 9 لـ 10 سنين

هنا الطفل بقي عنده قدرة اكتر على فهم نتيجة الكذب او التخطيط له.

وممكن يبدأ يستخدمه علشان:

يحافظ على صورته.

يتجنب الإحراج.

يحافظ على خصوصيته.

يهرب من المسؤولية.

أو يحصل على شيء.

وممكن تبدأ تظهر مشكلة أهم:

إن الكذب يبقى وسيلة ثابتة لحل المشاكل.

يعني بدل ما يقول:

أنا غلطت.

أو:

أنا نسيت.

أو:

أنا خايف.

أو:

أنا مش عايز أعمل ده.

يبدأ يستخدم الكذب كحل جاهز.

وهنا محتاجين نشتغل على المهارة نفسها:

إزاي أقول الحقيقة وأنا خايف؟

إزاي أعترف بالغلط؟

إزاي أطلب حاجة من غير تحايل؟

إزاي أتحمل نتيجة اختياري؟

وعشان كده…

قبل ما نقول:

إزاي أمنع ابني من الكذب؟

نسأل نفسنا

هو بيقول كلام مش حقيقي ليه؟

هل ده خيال؟

هل هو لسه مش قادر يفرق كويس بين الواقع والخيال؟

ولا هو عارف الحقيقة وبيغيرها؟

ولو عارف الحقيقة:

خايف؟

محرج؟

عايز حاجة؟

عايز يظهر بصورة أفضل؟

ولا بيحاول يحمي نفسه أو حد تاني؟

لأننا لو عالجنا الكذب من غير ما نفهم وظيفته، ممكن نخلي الطفل يخاف من انه يتكشف أكتر و ما نكونش عالجنا السبب الحقيقي اللي خلاه يكذب.

نزهة الأطفال تعليمية تربوية ترفيه و تعليم القراءة والكتابة لجميع البراعم الصغار

26 September 2026 15:33

تحدي
أفهم طفلي قبل ما أعدل سلوكه
اليوم الرابع

والنهارده هنتكلم عن سلوك
الغيرة بين الإخوات

طفل يغير لما ماما بتشيل أخوه
او طفل بيطلب نفس الحاجة اللي أخوه ماسكها
طفل يضايق أخوه أو يستفزه
طفل يرجع يتصرف كأنه أصغر من سنه بعد ما يتولد أخ جديد
أو يقول بمنتهى الوضوح

🎤🎤🎤👶إنتي بتحبيه أكتر مني.

وأحيانًا الأم بتبقى شايفة إن مفيش سبب للغيرة أصلًا

وتقولي أنا بجيب لهم نفس الحاجات
وبحبهم كلهم
ومش بفرق بينهم

طيب
ليه الطفل بيغير؟

قبل ما نحاول نوقف الغيرة محتاجين نفهم هي بتوصلنا إيه

الغيرة مش معناها إن الطفل أناني
ولا إنه مش بيحب أخوه
ولا إننا ربيناه غلط

اوقات الغيرة بتكون خوف من فقدان مكانته عند الشخص اللي وجوده بالنسبة له أمان

والطفل مش بيقيس الحب بالطريقة اللي إحنا بنقيسه بيها

فممكن يشوف أمه بتشيل أخوه كتير
فاللي هو بترجمه ف دماغه مش
ماما بتعتني بأخويا لأنه صغير
لا
دا أخويا بقى أهم مني

وممكن أخوه ياخد اهتمام أكتر بسبب المدرسة أو المرض أو احتياجه
فيبدأ هو كمان يعمل حاجات تجيب له نفس الاهتمام

وعشان كده مهم جدًا نفهم إن شكل وسبب الغيرة بيتغيروا مع العمر

من 3 لـ 5 سنين

الطفل هنا لسه محتاج القرب والاهتمام بشكل كبير ومشاعره أكبر من قدرته على تنظيمها

فممكن يغير علشان

هو مش فاهم إن ماما ممكن تحب أكتر من طفل في نفس الوقت
او شايف اهتمام ماما بأخوه كمنافسة على مكان
او ان أخوه الأصغر بياخد حضن ورعاية أكتر.
او مش قادر يفهم ليه أخوه مسموح له بحاجات هو ممنوع منها بسبب فرق السن

وممكن الغيرة تظهر في صورة
عياط او زن او تعلق زائد او ضرب الأخ أو حتى الرجوع لسلوكيات كان اتخطاها

من 5 لـ 7 سنين

هنا الطفل بدأ يفهم أكتر بس المقارنة بتبقى مؤثرة جدًا

ممكن يغير علشان :

أخوه بيتقال عليه أشطر أو أهدى.
او أخوه بياخد مدح واهتمام أكتر.
او القواعد مختلفة بينهم وهو شايفها تفضيل.
او أخوه بياخد امتيازات أكتر.
او حاسس إنه محتاج يثبت إنه مهم ومميز زي أخوه.

وهنا ممكن تسمعي:
إنتوا بتحبوه أكتر مني
او اشمعني هو

من 7 لـ 9 سنين

الطفل هنا بقى عنده وعي شويه بالفروق بينه وبين إخوته

مش بس بيقارن في الحب والاهتمام لكن ممكن يقارن في المكانة

مين أشطر؟
مين بياخد مدح أكتر؟
مين الأهل بيثقوا فيه أكتر؟
مين مسموح له يعمل حاجات أنا لأ؟
مين صحابه أكتر؟

وعشان كده ممكن الغيرة تظهر في صورة
منافسة مستمرة او انتقاد للأخ او تقليل منه او استفزازه أو محاولة مستمرة لإثبات إنه أفضل

من 9 لـ 10 سنين

هنا الغيرة ممكن تبقى أهدى في الشكل الظاهر بس أعمق في معناها

الطفل ممكن ما يقولش:
أنا غيران

بس تظهر في صورة:
برود او سخرية او استفزاز او تقليل من أخوه أو منافسة شديدة

وممكن يكون وراها:

مقارنة نفسه بإخوته باستمرار.
او إحساس إن فيه أخ مفضل.
او نجاح أخوه في حاجة هو نفسه كان بيتمنى ينجح فيها.
او اختلاف المعاملة من غير ما يفهم سببه.
او اهتمام الأسرة المستمر بأحد الإخوات بسبب مشكلة أو احتياج معين.

وعشان كده…

مش كل خناقة بين الإخوات معناها غيرة

ومش كل طفل عايز نفس اللعبة اللي مع أخوه يبقى غيران منه.

إحنا محتاجين نبص للسياق:

إمتى السلوك بيظهر؟

بيظهر مع مين؟

إيه اللي بيحصل قبله؟

وإيه الرسالة اللي ممكن يكون الطفل بيحاول يوصلها من خلال سلوكه؟

وهنا لازم ناخد بالنا من نقطة مهمة جدًا:

العدل بين الإخوات مش معناه إن كل طفل ياخد نفس الحاجة بالضبط.

العدل إن كل طفل ياخد احتياجه من غير ما يحس إن حب ماما او بابا بيتوزع حسب مين أهدى أو أشطر أو أسهل.

فبدل ما يكون سؤالنا:
إزاي أخليه يبطل يغير؟

نركز

هو غيران من إيه؟
وإيه اللي حاسس إنه هيفقده؟
وإيه الاحتياج اللي مستخبي ورا غيرته؟

النهارده كده فهمنا الغيرة بتظهر ليه وبتختلف إزاي حسب العمر.

وبالليل باذن الله ندخل على الجزء العملي

نتعامل إزاي مع غيرة الإخوات من غير ما نزودها؟

نزهة الأطفال تعليمية تربوية ترفيه و تعليم القراءة والكتابة لجميع البراعم الصغار

25 September 2026 18:35

كل ما يخص "نمبر بلوك 6"! | تعلّم العد للأطفال | كرتون الأرقام | Numberblocks #shorts https://share.google/q7nzdVEWoVbSzWdho

نزهة الأطفال تعليمية تربوية ترفيه و تعليم القراءة والكتابة لجميع البراعم الصغار

23 September 2026 11:17

تحدي ال ٧ ايام
افهم ابني قبل ما اعدل سلوكه
اليوم التاني
العصبية والصوت العالي🙀😾😾😾🗣️🗣️🗣️🗣️🗣️🗣️🗣️🗣️🗣️🗣️🗣️🗣️

تعالوا نفهم

ليه الطفل بيتعصب ؟ وليه شكل العصبية بيتغير مع العمر؟

علشان طفل ال ٣ سنين مش زي طفل ٧ وطفل ١٠ سنين مش زي طفل ١٢

وتعالوا نقسمها لمراحل

من ٣ لـ٥ سنين

المشاعر قويه بس قدرته على تنظيمها لسه بتتكون

الطفل في السن ده لسه بيتعلم يفهم مشاعره ويسميها ويعبّر عنها بالكلام
ولسه قدرته على تحمل الانتظار والرفض والإحباط محدودة جداً

عشان كده العصبية ممكن تظهر في صورة
صريخ وعياط هستيري ورفض للأوامر أو الكلام حتي أو نوبة غضب وضرب

وممكن تزيد مع
قلة النوم
الجوع
الإرهاق
الإنتقال المفاجئ من نشاط لنشاط
كثرة المنع
أو لما يكون عايز حاجة ومش عارف يعبّر عنها

ودا معناه انه لسه ما عندهوش الأدوات الكافية يتعامل مع اللي حاسه

طيب من ٦ لـ٨ سنين

الفهم واللغة اتحسنوا بس تنظيم الانفعال لسه بيتطور

الطفل هنا بيقدر يقول أنا زعلان
ويفهم أكتر اللي بيحصل حواليه بس وقت الغضب مش دايمًا بيقدر يستخدم المهارات دي

والعصبية ممكن تظهر خصوصًا مع
الخسارة
الفشل
النقد
المقارنة
صعوبة الواجب
الخلاف مع الإخوات أو الأصحاب
أو الإحساس إنه اتظلم

وكمان الضغوط اليومية بتزيد:
مدرسة
واجبات
التزامات وعلاقات

فممكن الطفل يكون مش عارف يقول
(أنا محبط ومضغوط.)

فتظهر في صورة ايه بقي 🗣️🗣️جدال صوت عالي أو رفض🤫🤫🤫

من ٩ لـ١٠ سنين

هنا الطفل بدأ يفكر في معنى الموقف مش الموقف نفسه بس

وبيزيد وعيه بنفسه وبنظرة الآخرين له وطريقة تفسيره لكلامنا بتبقى مهمه اوي عنده

إنتِ تقولي
ذاكر

هو بيفسرها
أنا شايفاك مهمل

او تقوليله:
إنت أخدت أكتر من أخوك.

هو يترجمها
ل انك أنتي بتحب اخوه أكتر

فالعصبية هنا ممكن ترتبط بالإحساس بالظلم
المقارنة
عدم التقدير
الفشل
أو صورة الطفل عن نفسه.

وكمان تأثير صحابه عليه بيزيد ومع مشاكل المدرسة أو العلاقات الاجتماعية كل دي مصادر ضغط مش بيحكي عنها

ف اللي فجّر العصبية النهارده
تراكمات جواه ومش عارف يعبر عنها .

من ١١ لـ١٢ سنة

هما بقي هو محتاج استقلال ومساحة أكبر
وللاسف عنده مشاعر وضغوط اكتر واكتر .

علشان في السن ده بيبدأ يتمسك برأيه أكتر
ويكون حساس لطريقة الكلام معاه
واحتياجه إن صوته يتسمع ويشارك في بعض القرارات بيزيد

فالعصبية ممكن تظهر مع
الإحساس بالتحكم فيه
عدم احترام رأيه
الإحراج
الخلاف مع صحابه
الضغط الدراسي
أو شعوره إن الأهل لسه بيتعاملوا معاه كأنه لسه طفل 👶مش كبير 👨‍🦱

ودا يخلينا نركز احتياج الطفل للاستقلال مش معناه إن كل سلوك أثناء الغضب مقبول

إحنا بس دلوقتي بنفهم سبب الانفعال مش بنبرر أي تجاوز

طيب إيه المشترك بين كل المراحل؟

فيه عوامل ممكن تزود العصبية في أي سن

١/طبيعة الطفل: في اطفال حساسيتهم الانفعالية أعلى من غيرهم

الإرهاق والجوع وقلة النوم بتخلي تنظيم الانفعال أصعب

٢/ضعف تحمل الإحباط خصوصًا لو الطفل لسه ما اتعلمش تدريجيًا يستحمل الرفض والانتظار والخسارة

٣/الضغط: سواء دراسي اجتماعي أو أسري.

٤/كتر الصراعات والمشاكل لما العلاقة تتحول باستمرار لأوامر ورفض وجدال

٥/عدم ثبات الحدود: لأن الطفل ممكن يتعلم إن التصعيد بيغيّر النتيجة فخدوا بالكم من دي اوي

٦/النموذج اللي قدام الطفل
لانه بيتعلم من طريقة الكبار في التعامل مع الغضب والاختلاف

٧/ التغيرات في حياته
مدرسة جديدة
مشاكل مع أصحابه
تغيرات أسرية أو أي حدث ضاغط

وأهم حاجة عايزاكي تفهميها النهارده

ان العصبية شعور (والصوت العالي سلوك)

ابنك من حقه يغضب

بس مش كل طريقة للتعبير عن الغضب مقبولة
ودوري اعلمه المشاعر وطرق التعبير الصح والتحكم

وفهمنا لسبب غضبه مش معناه إننا بنبرر السلوك

إحنا بس بنحاول نعرف ونركز ف

طفلي عنده كام سنة؟

إيه اللي يقدر عليه في المرحلة دي؟

إيه اللي بيشغّل غضبه؟

وإيه اللي بيحصل قبله؟

لأن نفس العصبية زي ما قولنا ممكن يكون وراها حاجات مختلفة جدًا

وان طفل ٣ سنين ممكن يكون مش عارف يعبّر.

طفل ٧ سنين ممكن يكون محبط ومش قادر ينظم انفعاله.

طفل ١٠ سنين ممكن يكون فسّر الموقف على إنه ظلم أو تقليل منه.

طفل ١٢ سنة ممكن يكون في صراع بين احتياجه للاستقلال وحدود البيت.

عشان كده ما ينفعش نتعامل مع «العصبية» كأنها سلوك واحد له حل واحد.…

نزهة الأطفال تعليمية تربوية ترفيه و تعليم القراءة والكتابة لجميع البراعم الصغار

20 September 2026 23:18

#كتاب العلوم في ثوان - تجارب علمية للأطفال

نزهة الأطفال تعليمية تربوية ترفيه و تعليم القراءة والكتابة لجميع البراعم الصغار

20 September 2026 19:50

مـاذا تـدرس👩🏻‍🏫 أو ماهـو حـلمـك🥹🥼🩺😍؟؟