15464
هنا كل جديد من أخبار التكنولوجيا في كل المجالات 📱💻🖨️📞🖱️💾📷🤖
🔥 تقدر تخليه يعملك فيلم بميزة Memories بحيث تقوله عايز فيديو لأي مناسبة بظبط، فيروح يجيب صور وفيديوهات ليك من المناسبة أو الرحلة اللي اختارتها ويضيفلها اغنية مناسبة من Apple Music ويعمل الفيديو
🔥 فيه ميزة Clean Up بتخليك تشيل وتنضف الخلفية وتحذف أي حاجة فيها مش عاجباك (زي جوجل فوتوز وحاجات كتيرة تانية)
🔴 أهم 3 مزايا بنسبالي وأبهروني انهاردة هم:
👀 ميزة اسمها Smart Script على iPadOS 18 للآيباد
بتخليك تكتب في النوتس بخطك بالApple Pencil عادي جدا
بس شكل الخط وتصميم الحروف واضح جدا متماسك مش مشخبط
والأروع، انك لو خدت تكست من موقع ويب مثلا وعايز تضيف للي انت كاتبه، بتعمل Paste، هوووب بيتكتب بنفس خط كتابتك!!
الأروع، انك لما بتشطب على جزء عايز تمسحه، بيطير عادي، وباقي المكتوب يضم على بعضه يترتب ولا كإن حاجة اتشالت..
الأجحد.. لو كلمة مكتوبة غلط، بتدوس عليها، يظهرلك فوقيها التصحيح، تختاره.. فيتكتب بخط ايدك عادي :O
👀 الميزة التانية كانت انك تقدر تعمل بث مباشر لمحتوى شاشة موبايلك الآيفون على ماك شغال بسيستم macOS Sequoia الجديد..
الأجحد انك بتتحكم في شاشة الآيفون كإنها جهاز Native عادي مش معموله Stream، هتكتب بكيبورد الماك على شاشة الآيفون اللي معمولها قدامك ستريم، هتتفاعل مع الشاشة عن طريق التاتش باد بتاع اللاب، ولا كانك بتستخدم تاتش الموبايل عادي.. الأروع انك لما تخفي الشاشة دي، ويجيلك نوتفكيشن من الموبايل، بيظهرلك على الماك، تدوس عليها تتفتحلك شاشة الموبايل عادي :O
كل ده وشاشة الموبايل الآيفون مقفولة اساسا!!
👀 الميزة الأخيرة المبدعة هي ميزة Math Notes..
انت بتكتب مسألة في أبلكيشن الحاسبة Calculator على الآيباد (آه نزلوه أخيرا 😅)..
بتكتب المسألة بإيدك عادي.. وتكتب يساوي = .. يظهرلك الحل فورا
اللطيف اكتر انك لو كتبت مسألة كلامية زي مثلا
X = 5
و Y= 10
بناءا عليها X+Y =
وسكت.. هيتكتبلك أوتوماتيك 15!
المرعب انك لو كتبت عمليات حسابية كتيرة وربطها ببعض وغيرت أي متغير فيها .. هيتغير الناتج أوتوماتيك
الأروع ان لو عندك معادلات كمان تقدر تحولها لرسم بياني.. ويتغير الرسم حسب قيمة المتغيرات في المعادلة!
💀أبل تعاونت مع OpenAI فعلا
ونزلت ChatGPT جوا الـNotes وكل اللي ممكن تكتب فيه على آيفون وآيباد وماك
ده غير انه بقى كمان سيري بترجعله ساعات..
انت لما بتسأل سيري، هتقولك ChatGPT عنده اجابة أفضل، تحب نسأله؟
وانت في ايدك توافق أو لأ..
جوا النوتس لطيف بيسهل عليه طبعا تكتب نصوص من مفيش، أو تعدل أو تلخص، أو كمان تصمم صور..
شات جي بي تي على أجهزة أبل شغال بنموذج GPT-4o الأحدث
أبل قالت إن انت مش محتاج أكونت عند اوبن ايه آي عشان تستخدم شات جي بي تي على أجهزتها.. ساعتها OpenAI مش هتقدر ولا تخزن الـIP Address بتاعك ولا أي حاجة تطلبها من شات جي بي تي..
إنما لو أنت مشترك في النسخة المدفوعة ChatGPT Plus وعايز تربط الأكونت بتاعك بجهاز أبل، عادي تقدر تعمل كدا، بس في الحالة دي هتطبق عليك سياسات وشروط أوبن إيه آي
⚠️ هل هيوصل الAI بتاع أبل لأجهزتك؟
🔥 هيوصل لايفون 15 برو وآيفون برو ماكس وما بعدهم
🔥 هيوصل لكل آيباد وماك شغال بمعالج M1 أو أحدث
🗣️ في أي سباق،
بيكون قدامك حل من تلاتة،
إما تجري من أول السباق بأقصى سرعة عندك، فتسبق الكل، بس ساعتها أنت في خطر ان أداءك ينزل قبل خط النهاية فتتعب ويجي اللي يسبقك..
أو
تنظم طاقتك وتجري بمعدل متفاوت حسب الطاقة اللي عندك فأداءك يكون متناسب مع قدراتك واللي حواليك فيكون عندك فرصة تكسب، بس ممكن تخسر عادي..
أو
تبقى عارف انك أتقل من الكل، ومركز معاهم وبتحلل، وتعرف تجري امتى وبسرعة محسوبة جدا، فتوصل.. قبلهم وتركب السباق!
أنا شايف ده اللي أبل عملته انهاردة!
نسخة Galaxy Black من الإكس بوكس إكس من مايكروسوفت 🔥
فخم أوي الأسود بالنقط والقاعدة الفسفورية 🚀 من كوكب تاني 🧑🚀
ملناش دعوة بالسعر 🫠
صباحو
"أنت قريب مش هتحتاج تدخل ميتنج أونلاين.. ولا تقرا ايميلاتك كل يوم الصبح.. ولا ترد على كل التليفونات.. حتى مهماتك اليومية ممكن متعملهاش كلها..
نسختك الديجيتال تقدر تعمل كل ده
تقرا ايميلاتك كلها وترد نيابة عنك، ممكن ترجعلك في ايميل من 10 ايميلات عشان ترد بنفسك لأهميته..
ونسختك الـAI تراجع مواعيدك وتقولك ايه مهم لازم تعمله وايه ممكن يتأجل عادي..
حتى اجتماعاتك، النسخة الرقمية هتدخل مكانك ف الاجتماعات اللي مش مهمة او الروتينية وترجعلك بملخص فيه المفيد..
الكلام ده عشان يتحقق محتاجين حاجتين..
كل بني آدم يبقى ليه نموذج لغوي صخم خاص بيه LLM متدرب على شخصيته وطريقة كلامه وكتابته وتعامله مع الأمور الشخصية والعملية وحياته عامة..
ممكن كل واحد يبقى ليه كمان أكتر من نسخة، كل واحدة شاطرة ف حتة من حياته!!
الحاجة التانية المهمة عشان ده يتحقق،
ان النماذج اللغوية تبطل تلهوس"
🗣️ مؤسس خدمة Zoom لمكالمات الفيديو ف حوار مع The Verge 🔥
عندي شك كبير إن تأخير OpenAI طرح تحديث ميزة التفاعل الصوتي Voice Mode الرهيبة بتاعت نموذج GPT-4o سببه الشراكة بينها وبين أبل عشان تخلي سيري تشتغل بالنموذج الجديد ده برضو..!!
ومفروض كمان 4 أيام، تكشف أبل عن iOS 18 المتوقع يبقى فيه كم غير عادي من مزايا الـAI .. من ضمنهم تحديث ضخم لسيري والتفاعل الصوتي مع الآيفون!
فأعتقد كدا هنشوف التحديث بتاع ChatGPT ويبقى صوته بشري أكتر
بعد 10 يونيو (يوم مؤتمر أبل للمطورين WWDC 2024) .. ده إن مكنش في نفس اليوم، وسام ألتمان يطلع كتف ف كتف جمب تيم كوك مدير أبل ويعلنوها سوا على مسرح ستيف جوبز من أبل بارك!
لو ده حصل، هيبقى ده اليوم اللي هتبدأ فيه نهاية علاقة مايكروسوفت بـOpenAI أو تتحول لعلاقة مفتوحة 😅.. وأعتقد وقتها السوق هيبقى حرب شوارع!
أمازون Vs ميتا Vs جوجل Vs مايكروسوفت Vs أبل&OpenAI 🔥
🚩 توضيح: iOS 18 مبينزلش لليوزر العادي أبل سبتمبر، بس بيكون متاح طبعا نسخة بيتا للي بيحب يلعب بقى بعد مؤتمر المطورين بوقت قليل جدا
مساكم فُل 😄
أول موبايل ف العالم ضهره من حبوب القهوة المعاد تصنيعها ☕
Читать полностью…
دلوقتي جيميناي وجيميناي أدفانسد متاحين بالعربي 🔥
🔴 فيه شهرين تجربة مجانية لجيميناي أدفانسد
📍 صحيح،
جوجل جيميناي متاح الابلكيشن رسمي ف ستور جوجل بلاي وعلى آيفون متاح ف قلب أبلكيشن جوجل نفسه من جواه، فوق هتلاقي انك تكلم تسأل جوجل سيرش او جيميناي!
لو بتستخدم ChatGPT ببلاش، حابب أقولك كلمتين مهمين:
1- انت ليك حق تستخدم أحدث وأسرع نموذج من OpenAI واللي هو GPT-4o
2- أنت تقدر ترفع عليه صور وملفات وتسأله عنها
3- تقدر تخليه يعملك سيرش على الإنترنت على أي سؤال أو حاجة عايز تعرفها، ويجيبلك لينكات كمان
⚠️ بس لازم تبقى عارف ان استخدام GPT-4o محدود:
1- كل 6 ساعات، ليك 5 رسايل تبعتهم لشات جي بي تي وهو مظبوط على GPT-4o
2- المعدل ده مش تراكمي.. يعني متتناصحش وتقول انا هقعد مستخدموش 12 ساعة، وأخد 10 رسايل في الـ6 ساعات الجايين :D
3- لو رصيدك من رسايل GPT-4o متاح مخلصش في الـ6 ساعات.. معدل رفع الملفات عشان تسأل عنها هو ملف واحد في الساعة
صباحو 🙏
واحد حب يرخم على يان فقاله شكلك سهرت جامد ترد وتكتب، بس معذور عشان انترفيو الشغل برضو بيوتر ويستاهل
"بيرمي على ان يان بيحاول يستعرض قدراته قدام ماسك عشان يشغله معاه"
ف يان رد وقاله
لا خالص، انا كنت على طيارة من اوروبا، وكان فيه واي فاي ببلاش
"فن الرد بصراحة يُدرس هنا 🫡"
بعدها ماسك رد تاني وقاله ان انت مبتتشغلش كويس شد حيلك شوية
ف يان قاله لا فوكك كدا انت عامل فيها مدير عليا 😅
ماسك التزم الصمت،
لحد ما حد دخل قال ليان انه ليه لسا بيشتغل في ميتا ومفتحش شركة ذكاء اصطناعي لنفسه لانه مش منطقي ينتقد ماسك وهو شغال عند مارك ف ميتا يعني!
ف يان رد انه ياجماعة انا عالم مش بيزنس مان
فطلع ماسك لقط الخيط وسأله ممكن تقوللي كنت شغال على ايه ف آخر 5 سنين؟
من يومين كان فيه مجزرة على إكس عند إيلون ماسك🔥
ماسك نزل يعمل دعاية لشركته xAI المتخصصة في تطوير الذكاء الاصطناعي - بتنافس OpenAI وميتا وجوجل ومايكروسوفت ف السكة دي - وعادي كتب كلمتين تحفيزين:
قدم على شغل معانا لو عايز تعمل ادوات تفيد البشرية وتعمل ذكاء اصطناعي يفهم الكون والكلام الحمصي ده .. 😁
البوست عادي جدا،
بس فيه واحد مقدرش يستحمل الهري ده وقرر.. يرد 🫣
بقولك ✋
بتستخدم أبلكيشن ايه عشان تتفرج على فيديوهات يوتيوب بدون إعلانات؟ 🤔
حد حاسس انه فيه Shadow banning مفاجئ كدا حل فجأة على مصر من انهاردة الصبح على فيسبوك ببروفايلاتها وبيدجاتها؟ 🤔
الـ Shadow Banning
ده ببساطة جدا مش بلوك ولا تعطيل للأكونت وإنما
هو طريقة المنصات الاجتماعية بتستخدمها عشان تقلل ظهور المحتوى بتاعك
قدامك الفولورز أو الفريندز أو حتى أي كائن على المنصة
وفي الحالة دي نوعين من الناس بيقدروا يشوفوا الكونتنت بتاعك وهم:
أنت
و أي حد يعمل سيرش بشكل مباشر على بروفايلك
وعايز اقولك الموضوع كمان ساعات بيبقى صعوبة حتى انهم يلاقوا اكونتك في السيرش أساسا!!!
الطريقة دي شايعة جدا لمواجهة الاكونتات اللي بتنشر محتوى مزعج أو سبام يعني
زي اللي بينشروا كومنتات وبوستات اعلانات في اي مكان على أي منصة
ساعتها المنصات بتستخدم "حظر الظل" عشان الشخص المخالف المزعج ده
ميحسش أصلا انه محظور لانه كدا كدا بيقدر ينشر ويكومنت عادي
بس المنصات في الحقيقة بتخليه بظبط زي اللي بيكلم نفسه أو بيزعق في صحرا بظبط!
صباحكم فُل 😄
في مؤتمرها للمطورين WWDC 2024،
أخيرا أبل كشفت المستور عن عضلاتها في الذكاء الاصطناعي..
ذكاء أبل Apple Intelligence
هو ده الاسم التسويقي للذكاء الاصطناعي عند أبل
لأنها مش عايزاه زي الناس (كالعادة يعني) هي بتقول عليه
ذكاء شخصي Personal Intelligence لإن المزايا اللي اتكشفت انهاردة بتتقدم عن طريق أسلوب من اتنين في معالجة البيانات:
1- معالجة محلية On-device Processing (وهنا الداتا بتتعالج وتتحلل جوا موبايلك، بدون انترنت وبدون ما تخرج الداتا لأي سيرفرات خارجية)
2- معالجة سحابية مؤمنة Private Cloud Compute (وفي الحالة دي الداتا بتخرج تروح مراكز بيانات أبل على سيرفرات معمولة خصيصا لمزايا الذكاء الاصطناعي من معالجات أبل الخاصة.. تتعالج وتتحلل وتتنفذ الأوامر المطلوبة، ومبتتخزنش الداتا بتاعتك هناك.. وبالتالي بتتحقق برضو عنصر الخصوصية والأمان.... ودي مش موجودة عند أي حد تاني)
طيب نيجي للمهم، ايه المزايا الذكية:
🔴 سيري بقت مختلفة 100%
تصميم أيقونة سيري نفسها اتغيرت بشكل كامل انسى الشكل القديم خالص
حتى لما بتشغل سيري نفسها، بيظهر زي طاقة نور كدا من جنب الموبايل اليمين للشمال وكإنك بتصحي مارد جوا الموبايل عشان ينفذ اللي انت عايزه!
🔥سيري هنا بقت حرفيا في قلب كل سنتيمتر من سوفت وير الآيفون والماك والآيباد
🔥سيري بقى ممكن تكتب لها كمان مش تكلمها صوت (دي ميزة عتيقة من سنين في جوجل أسيستانت عادي)
🔥سيري لما هتسألها عن أي حاجة، انت مش لازم تحدد بظبط انت قصدك ايه، هي هتفهمك.. يعني لما تقول انا عايز ابعت لواحد رسالة SMS توصله بكرة الصبح، سيري هتقولك الخطوات بالظبط اللي تعملها عشان تنفذ ده!
🔥انت بتملى أبلكيشن على موقع إنترنت، وعايزين منك رقم البطاقة، تقدر بسهولة متخرجش من الموقع، هتشغل سيري وتقولها هتيلي رقم البطاقة، من نفسها هتروح تدور في الصور، تلاقي البطاقة، تعمل OCR أو Optical Character Recognition بحيث تطلع من الصورة رقم البطاقة وتاخده Copy، وتجيلك تقولك لو سمحت اعمل Paste بس وشكرا كدا!
وانت قدام صورة في الجاليري، تقدر تقولها روحي ابعتي الصورة دي للأبلكيشن الفلاني، أو غيري في تفاصيل الصورة وعدليها بنمط التصميم الفلاني!
🔥قريب هيجيلها ميزة تفهم محتوى اللي ظاهر على شاشة الموبايل On-screen Awareness، فتقدر تسألها عن اللي ظاهر أي أسئلة واستفسارات..
🔥 سيري هتقدر تنجز حاجات كتيرة جدا جوا أي أبلكيشنز وده معتمد على استخدام المطورين لواجهة أبل الجديدة App Intents API
🔥 كمان انت كمان ممكن تقول لسيري عايز صوري من آخر سفرية في الفيوم وأنا لابس التي شيرت الأسود... هتجيبهالك! :O
🔴 أبل نزلت شوية مزايا خرافية للكتابة اسمها Writing Tools
🔥 وأنت بتكتب جوا أي أبلكيشنز للكتابة زي Notes وMail، تقدر تحدد أي تكست وتقوله غير الصياغة Rewrite، راجع ودقق Proofread، لخص المكتوب Summarize
🔥وانت في الـMail، هيتعملك ليستة كدا بأهم الايميلات Priority Messages.. كل ميل في دول هتلاقي عليه ملخص تقراه من برا أصلا من غير ما تفتح الميل
🔥كمان فيه ميزة Smart Reply (شبه بتاعت جيميل) تخليك ترد على الايميل بسهولة، بكام دوسة زرار، وهو يكتبلك الميل وانت هتتعب وتدوس Send
🔴 كمان فيه عظمة في النوتفكيشنز
🔥 أول ميزة Priority Notifications، بترتبلك على شاشة قفل الشاشة أهم النوتفكيشنز، وملخص محتوى كل واحدة فيهم
🔥تاني ميزة Reduce Interruptions، بحيث ميوصلكش أي نوتفكيشن إلا المهمة أوي اللي مينفعش متشوفهاش!
🔴 عندك كمان ميزة هايلة للنوتس والمكالمات التليفونية
🔥 أخيرا أبل هتخليك تسجل المكالمة :O بس هتقول للطرف التاني انك بتسجلها
🔥 التسجيلات الصوتية تقدر تعملها تفريغ نصي Transcription (تحولها تكست يعني) وتقدر تلخص النصوص دي، أو تحولها لجداول أو ليستة منقطة Bullet Points أو أي شكل براحتك
🔴 تقدر تصمم الصور جوا Image Playground
🔥 دي خدمة بتخليك تصمم الصور بنمط من تلاتة، إما Sketch أو Illustration أو Animation
🔥 فكرة التصميم قايمة طبعا على الوصف النصي، وكمان فيه زي عناصر كدا بتدخل في تكوين الصورة، زي مثلا انك عايز تعمل صورة لقطة، فتروح تجيب عنصر قطة تضيفه، ومعاه تختار وظيفة أو شكل عام، مثلا ان القطة تبقى شيف، ومثلا تقول المنظر العام احتفالي فتجيب عنصر احتفال Party فيطلعلك الصورة!
كمان ممكن تضيف صورك وصور صحابك كعناصر فيعمل صور كرتونية لطيفة شبهكو!
🔥 الميزة دي متاحة في تطبيقات Messages وكمان ممكن تنزل في تطبيقات تانية لان فيه واجهة برمجية للمطورين ليها
🔥 وكمان فيه أبلكيشن مستقل مخصوص Image Playground على آيفون وآيباد وماك
🔥 أبل كمان نزلت انك تصمم ايموجي بكيفك وسميته Genmoji، في قلب iMessage (برضو بتصممه بالوصف النصي)
🔴 أبل طورت أبلكيشن Photos
🔥بقى بينظم الصور في مجموعات Collections حسب المناسبات وحسب محتوى الصور والفيديوهات نفسها
توقعاتي لمؤتمر WWDC 2024 اللي هيبدأ كمان 15 دقيقة🔥
سيري هتبقى نجمة المؤتمر
صوتها تفاعلي بشري اكتر سريعة ف الرد
ومعتقدش دي هتشتغل الا محليا Locally on-device
كل حاجة هتتحكم فيها بصوتك
اعتقد هيبقى فيه تحكم اكبر ف الكتابة والدردشة الصوتية مع خدمة للمناقشة هتعتمد ف الاساس على GPT-4o
سام التمان ممكن يطلع ع المسرح يتكلم "احتمال ضعيف"
ابل هتتكلم عن نماذجها الذكية الخاصة وتستعرض مزايا اولية بس مش هتنزلها قبل ٢٠٢٥ او ٢٠٢٦
احتمال يكون فيه وجود لجوجل وجيميناي
وقد يكون ده ف صورة تحديث بسيط كدا لشكل ابلكيشن Google App بس يبقى اذكى بكتير عن شكله على اندرويد
اعتقد كمان macOS 15 وwatchOS 11هيبقوا طفرة بمزايا الAI خصوصا بعد ما ابل نزلت M4 مع ايباد برو من شهر..
كما سيري هتبقى متطورة اكتر بكتير ع الساعات من أبل
ابل هتحاول بكل الطرق تثبت ان الAI
عندها غير على ناحيتين
الاول الخصوصية بياناتك واستخدامك اليومي كلو محلي مبيطلعش لسيرفرات اي شركة
وكمان اعتقد حتى لو تعاونت مع جوجل وopenai هيبقى في ضوابط شوية لاستخدام الداتا وتحكم اليوزر ف تظريب النماذج على بياناته
كمان على مستوى البيئة واستهلاك الطاقة اللازمة لتدريب وتشغيل الai
لان ابل بالفعل عندها داتا سنتر مدعومة ببروسيسورات M2 Ultra معدلة لتدريب النماذج وتوفير الطاقة
والله اعلم 🤷😅
بعد أقل من ساعة..
أبل إما تطلع فوق الكل وتقلب سوق الـAI..🚀
إما هتحفر قبرها بإيدها.. وتنزل جمب نوكيا! ☠️
🔴 8 مساءا بالدقيقة بتوقيت القاهرة
أبل هتعمل مؤتمرها للمطورين WWDC 2024
ومتوقع تنزل فيه لأول مرة مزايا صريحة بالـAI
ف الكل iOS 18 وiPadOS 18 وكذلك macOS 15
اتفرج لايف 👇
بقالي يومين بتابع في صمت كدا
أزمة أدوبي مع المصممين وازاي الشركة *بتحاول تسرق* شغلهم..!!
اتصدمت؟! 👀
ابلع ريقك وتعالى أقولك بس:
1- أدوبي غيرت شروط وسياسات استخدام خدماتها المختلفة للتصميم والمونتاج وضافت انها من حقها تاخد ترخيص من المستخدم انها تشوف وتستخدم المحتوى اللي بيعمله بتطبيقاتها
2- المستخدمين (وأغلبهم طبعا مصممين ومونتيرين "الناس اللي بتشتغل مونتاج يعني") اتدايقوا جدا وازاي يعني أدوبي تاخد ترخيص تلقائي للمحتوى بتاعي لو كملت استخدام منتجاتها وعادي كدا من غير اي احترام لحقوق الملكية
هنا حصلت الأزمة!
بصراحة سرشت شوية في سياسات الخصوصية عند أدوبي لقيت التالي:
1- أدوبي بتوصل وتشوف (بترخيص منك طالما استخدمت) أي محتوى انت بتخزنه على منصاتها السحابية Creative Cloud وDocument Cloud لإن انت في الحالة دي بتستخدم طبعا سيرفراتها حضرتك.. انما أي محتوى انت بتخزنه محليا على جهازك Locally الشركة مبتشوفهوش ولا بتقدر تستخدمه ولا توصله خالص..
ومع ذلك أنت من حقك تقفل إن الشركة توصل وتحليل المحتوى بتاعك عشان تطور نماذجها الذكية زي FireFly ولكن..
2- لو أنت استخدمت أي ميزة من مزايا الشركة للذكاء الاصطناعي جوا أي خدمة من خدماتها زي مثلا ميزة Content Aware Fill في الفوتوشوب، فأنت كدا كدا موافق ان الشركة تستخدم وتحلل المحتوى اللي انت شغال عليه.. وبالتالي حتى لو قفلت Content Analysis من الإعدادات بتاعت أكونت أدوبي، ففي الحالة دي هتفضل الشركة تقدر تشوف المحتوى بتاعك.. وبصراحة ده أمر منطقي لان عملية المعالجة وتطبيق الميزة بيحصل على سيرفرات الشركة وساعتها هتتخزن عندها فتقدر الشركة تستخدمه
3- أدوبي من حقها انها تبص وتراجع على أي محتوى انت شغال عليه على الكلاود بتاعتها جوا أي تطبيق من تطبيقاتها، من خلال مراجعة بشرية عشان تتأكد إن كنت ملتزم بسياساتها ولا لأ، فأنت طبيعي مينفعش تشتغل على حاجات مش تمام وفيها استغلال للأطفال وتقوللي عادي ولا حاجة شمال وتقوللي عادي، ليييييييه؟! لانك بتستخدم سيرفرات أدوبي، وبالتالي لو اترفع عليها قضية بتسهيل انشاء محتوى استغلالي ومش تمام وبيضر ناس تانيين، الشركة هيترفع عليها قضايا وتلبس غرامات مليونية وانت معاليك مش هتفيدها بحاجة..
ولكن ولكن ولكن،
ده مش معناه إن أدوبي ملاك الرحمة بجناحات، زيها زي غيرها من الشركات
بتأمن نفسها، فهي بتاخد ترخيص منك عشان تخلي شركات الطرف التالت تقدر تشوف الكونتنت بتاعك عشان تخليك تستفيد بمزايا الـShare المختلفة للمحتوى بتاعك على منصات برا تحكمها.. فأنت موافق، ومتجيش تقول الشركات خدت المحتوى بتاعي ليه..
وكذلك زيها زي ميتا مثلا، عادي بيقولك ان نشرك المحتوى على منصاتها فيسبوك انستجرام وغيرهم، بيخلي من حق الشركة تستخدم المحتوى بتاعك وتمسحه وتعدل فيه وتغيره وتروج بيه لنفسها على كيفها عادي..
هتقوللي بس أدوبي أنا دافع فيها اشتراك،
هقولك الداتا بتاعتك بنسبالها صدقني أهم مليار مرة،
وزي ماقولت في بوست من كام يوم، إن الداتا دلوقتي في عصر الـAI
أهم للشركات بكتير أوي من فلوس الاشتراك، بدليل إن OpenAI بجلالة قدرها مخلية نموذجها GPT-4o وكذلك مزايا كتيرة كانت مدفوعة بقت متاحة ببلاش للجميع.. عشان تلم داتا يا معلم!
فصحصح
وخلينا نحط الأمور في مكانها السليم، وتبقى فاهم كويس وانت بتستخدم الدنيا ماشية على فين!
مساءو
موقع سامسونج كازاخستان نشر صور رسمية لموبايلات جلاكسي فولد 6 وجلاكسي فليب 6 🚀
Читать полностью…
إنفيديا.. بتعمل بني آدم.. ديجيتال؟🥶🫣🤯
#نفيديا #nvidia #AI #digitalhuman
عارف اللي فوق دي ايه؟
خلية دماغية من مخ بني آدم
في قلبها فيه عشرتلاف عصب حي
ويادوب قطرها نص ملليمتر
الخلية دي، باحثين في شركة سويسرية اسمها FinalSpark
استخدموا الآلاف منها عشان يعملوا كمبيوتر..
أيوة زي ما قريت.. كمبيوتر حيوي Bio Computer!
الكمبيوتر الحيوي - اللي في الصورة الأخيرة -
هو بتعتمد فكرته على شرايح Chips حيوية
معتمدة على الخلايا الدماغية من أنسجة بشرية
بتقدر تعمل معالج لكم مرعب من الداتا وباستهلاك طاقة يكاد لا يُذكر
مقارنة بشرايح السيليكون!
الفريق قال إن كمبيوتر من 16 خلية دماغية
يقدر يحلل داتا أكتر 1000 مرة من كمبيوتر HP Frontier
باستهلاك طاقة 10-20 وات.. في حين كمبيوتر اتش بي بيستهلك 21 ميجاوات
عشان تتخلي.. 1 ميجا وات = مليون وات!
سبحان الله ❤️
مساءو 😄
من كام يوم اتسربت 2500 وثيقة بتتكلم عن ازاي جوجل بترتب نتايج البحث، بالتفصيل الممل، وجابت معلومات وحقايق جوجل نفسها على مدار سنين طويلة كانت بتنكرها وبتقول دايما ان ترتيب نتايج البحث بيرجع بس لقواعد وقوانين هي ناشرها، انما عدد الزيارات للمواقع والضغط على النتايج ف البحث مبيأثرش أبدا.. وكل ده طلع عك 🔥
الوثايق اللي اتسربت خرج منها شوية داتا عنب زي:
🔴 جوجل في 2005 كانت بنفكر ازاي تعمل سجل داتا بكل لينك يتم زيارته من أي براوزر انترنت ف العالم، عشان تقدر تعمل ترتيب حقيقي سليم لنتايج البحث ف جوجل سيرش على حساب جودة المواقع والداتا المقدمة فيها..
🔴 ساعتها جوجل عملت سيستم - لسا شغالة بيه حتى الان - اسمه NavBoost!
السيستم ده بيجمع كمية داتا مرعبة وبيستخدمها ف ترتيب نتايج البحث:
1. مبدئيا كدا هو بيجمع بيانات عن أي كليكات بيعملها المستخدم ف قلب جوجل سيرش، وأي لينكات بيزورها.. وبيتعرف باسم Clickstream Data
2. السيستم ده بيرصد عدد مرات الضغط على نتيجة معينة من نتايج البحث، عشان يقدر يعرف ايه الكلمات المفتاحية التريند طول الوقت
3. السيستم كمان بيفرق بين الكليك الكويس Good Click والكليك الوحش Bad Click وده اعتمادا على ان المستخدم داس على لينك دخل الموقع، وهو هناك لقى اللي هو محتاجه من الداتا اللي بيدور عليها، أو داس اللي نك من السيرش، ودخل ومعجبهوش الداتا فرجع، ولا داس اللينك ودخل الموقع ورجع بسرعة تاني للبحث!
التلاتة غير بعض، وبالترتيب كدا، اللينك الاول بيبقى مركزه اعلى ف البحث والتاني بعده والتالت ف الاخر!
4. السيستم ده كمان كان عامل حاجة اسمها Long Click وLongest Click وده عشان تصنيف لينكات نتايج البحث اللي بيدخل من خلالها المستخدم، وبيبقى اصحاب الموقع مهتمين صح بتوظيف الهايبرلينك ف قلب مواقعهم، بحيث المستخدم بيقضي وقت اطول عندهم اكتر من غيرهم، وساعتها ده بيدل على جودة جلسة البحث بتاعت اليوزر ع المواقع دي، فده ليعلي الترتيب بتاعهم ف السيرش!
5. جوجل استخدمت السيستم ده ف الاساس عشان تنزل متصفحها جوجل كروم في 2008
🔴 نيجي بقى لكروم، براوزر جوجل ده لعب دور عبقري في مساعدة جوجل على جمع داتا عن جودة مواقع وصفحات الويب عشان تقدر ترتب نتايج البحث بشكل مظبوط..
فمثلا جوجل قدرت تعمل ميزة ترتيب لينكات موقع معين تحت بعض بشكل مرتب ف نتايج السيرش بسبب كروم..
فمثلا موقع "س" الناس كلها بتدخل عليه بتروح على صفحة من 3، اما المنتجات أو الاشتراكات أو التحميلات..
جوجل بتاخد الداتا دي وتروح حاطة لينك موقع "س" ف نتايج السيرش، بحيث تظهر تحت منه روابط فرعية بتودي على الصفحات التلاتة، بكدا اللي هيسرش على موقع "س" هيلاقي اكتر 3 روابط من حيث الزيارات والكليكات مترتبة قدامه، فلو عايز حاجة منهم يدوس ع الصفحة الفرعية على طول!
🔴 المستندات كمان اتكشف فيها عن ان جوجل بتجمع عدد ونوع الكليكات اللي بيدوسها المستخدمين ف جوجل سيرش، بحيث تقدر تعرف متوسط سرعة الضغط ع اللينكات، وكمان متوسط حركة الماوس، ومتوسط سرالفارق الزمني بين كل حلسة بحث والتانية.. عشان تعرف ان كان اللي بيسرش بني آدم بجد، ولا روبوت برمجي، فتحسب الكليكات دي ولا لا!!!
🔴 جوجل دايما عاملة ليستة بيضا Whitelist بكل المواقع اللي من حقها تتصدر نتايج البحث ف أوقات الازمات والطوارئ والأحداث المهمة زي الانتخابات وكوفيد!
🔴 كمان جوجل بتعمل حاجة خرافية عن طريق جوجل سيرش..
جوجل قدرت تربط كلمات مفتاحية keywords مختلفو ببعضها البعض، عشان تحسن من نتايج البحث قدام المستخدم!!
بمعنى،
لو انت بتعمل سيرش على "محمد عادل" ومجالكش حاجة ف النتايج خالص عن "تكنولوبيا"..
فتقوم راجع على طول، وتسيرش على "تكنولوبيا" وتظهرلك حاجات كتيرة زي موقع تكنولوبيا وصفحات ويب بتتكلم عن تكنولوبيا، ويظهر ف النص محمد عادل..
ساعتها جوحل بتربط كل صفحات تكنولوبيا والمواقع اللي بتتكلم عنها وكمان الموقع الرسمي بتاعها بالكلمة المفتاحية بتاعت "محمد عادل"، والعكس كمان!
صباحكم فُل 😄
لسا صاحي؟ 👀
حبيت أقولك بس إن OpenAI أعلنت رسمي انها بدأت تدرب نموذج ذكاء اصطناعي جديد، وهو هيبقى الجيل الجديد بعد GPT-4 اللي نزل من سنة..
جيل جديد أقوى من GPT-4 اللي مشغل شات جي بي تي دلوقتي، وهيبقى تقريبا أقوى بأضعاف مضاعفة من الجيل الحالي..
قولت أقولك، لا يكون معندكش كوابيس كفاية ولا حاجة.. 🐸
تصبح على.. GPT-5 ☠️🤖👻😅
يان بقى حب ياخد لقطة ويستعرض وكان عنده حق وقال:
في 1989 وصلنا لتقنية
Convolutional Neural Networks
وده طفرة بحثية كل شىكات الذكاء الاصطناعي شغالة بيها بلا استثناء
ومنهم أسطورة أنظمة القيادة الذاتية MobileEye من 2014
وكذلك تسلا 😅
"ياكسووووفك يا ماااسك"
فرد عليه يان وفحمه
قاله انه عمل اكتر من 80 ورقة بحثية من 2022 حتى الآن
فماسك قاله انه واحد اخره بيعرف يسمع الكلام.. فيان رد باحترام قاله شكلك مش فاهم شغل الابحاث بيمشي ازاي🤷
وده مش أي واحد،
ده Yann LyCunn
مدير قطاع أبحاث الAI ف ميتا
وعلم من أعلام الذكاء الاصطناعي حرفيا وبيلعب ف السكة دي من التمانينات🤯
يان دخل وكتب التالي:
قدم عشان تشتغل xAI لو هتستحمل مدير:
- بيقول ان الحاجات اللي انت شغال عليها هتبقى ملهاش لزمة كمان سنة
"ماسك فعلا قال ان بالكتير السنة الجاية البشرية هتوصل مع الذكاء الاصطناعي لمرحلة الذكاء الاصطناعي المطلق AGI وبالتالي كل النماذج الحالي على كلامه هتبقى بلح😅"
- بيقول ان كل حاجة بتشتغل عليها ف الذكاء الاصطناعي هتقتل البشرية ولازم تتوقف فورا
"ماسك فعلا من اول الناس اللي وقعت اتفاقية زقع عليها الاف بعده من الباحثين لابطاء سرعة تطور الذكاء الاصطناعي "
- بيقول ان الذكاء الاصطناعي اللي بتطوره شركته دايما بيبحث عن الحقيقة، في حين ان المدير ده نفسه بيروح شائعات ومعلومات غلط من خلال حسابه على الشبكة اللي بيملكها
"مش محتاج اقولك حاجة الناس كلها عارفة ان ماسك بيهري كتير🤣"
تعرف ان يوتيوب دلوقتي بدأت تحرم أي حد مشغل مانع اعلانات Adblocker على البراوزر من انه يتفرج أساسا على الفيديوهات!!
بمجرد ما اليوزر يشغل الفيديو،
هوووب الفيديو يوصل لآخره ويقفل كإنه خلص!!
أول ما تقفل الأدبلوكر.. كلو يمشي طبيعي!
أكتر من مستخدم قال ان فايرفوكس + اكستنشن ublock بتحل القصة من جذورها!
🔥 لو كل حلول تخطي الاعلانات عطلت،
هتكمل مع يوتيوب بإعلانات أو تشترك ف بريميوم.. ولا هتروح منصة تانية خالص؟ 🤔
مؤخراً بدأت ألاحظ أن شركات التقنية بدأت تأخذ الذكاء الاصطناعي وراء مصنع الكراسي!!
ما تفهمنيش غلط، ولكن اللي جوجل ومايكروسوفت وأوبن إي آي بيعملوا ما يتسكتش عليه أبداً!
🌟مبدئياً كده جوجل من أسبوعين لما نزلت شوية مزايا جديدة تطور طريقة البحث فتحت عين سحرية نبص منها على المستقبل المظلم اللي جاي على أصحاب المواقع وصناع المحتوى.
فمثلاً عندك ميزة أنك تسأل الفيديوهات أو الصور دي بتخليك لو أنت بتتفرج على فيديو على يوتيوب تشغل جيميناي وتسأله مباشرةً أسئلة عن موضوع الفيديو في الخلفية ويحلله ويطلع لك الإجابة ويكتبها لك قدامك من غير ما أنت تحتاج تتفرج على الفيديو، وبالتالي صانع المحتوى البائس اللي صرف في الديكور والمعدات ومن وقته وعمل مونتاج مش هيتحسب له مشاهدة أصلاً، وبالتالي مش هيأخذ إعلانات فمش هيكسب فمع الوقت هيبطل أصلاً!
نفس الشيء مع جوجل سيرش اللي حرفياً مع ميزة AI Overview قتل السيرش لأن بدل ما كانت المواقع بتتسابق مين يعمل أوبتومايزيشن أحسن عشان يظهر فيرانك ومركز أعلى في السيرش على جوجل، دلوقتي مع الميزة دي جوجل بتظهر لك الإجابة بتاعه سؤالك مباشرة في صفحة السيرش بتاعتها من غير ما تحتاج أنت تدوس على لينكات تانية. طب واللي عايز يظهر يا عم جوجل؟ لا ده يا معلم يروح يدفع ويعمل إعلان أحسن!
يمكن هنا في حل بسيط شوية وهو أن جوجل تدفع لصناع المحتوى أصحاب المواقع بشكل ما مقابل أن نماذج الذكاء الاصطناعي بتاعتها بتحلل وتستخدم المحتوى بتاعهم عشان تجاوب على تساؤلات المستخدمين. في الحالة دي الموقف هيبقى الكل فيه كسبان، إنما لو ما حصلش كده هيبقى خراب ديار مستعجل!
🌟نيجي بقى للكارثة الثانية اللي نزلتها أوبن إي آي مع نموذج GPT-4o واللي بيقدم مستوى مختلف تماماً من تفاعل البشر مع الآلة لأن هنا الآلة صوتها بقى بشري أكتر، فهتخلي المستخدم يثق فيها أكثر، وبالتالي يعتمد عليها على أنها بشر زيه، وبالتالي هو بيتشجع أكتر أنه يوريها جزء أكبر من حياته، يتكلم عن تفاصيل حياته بشكل أكبر، فشركة تطوير شات جي بي تي هتعرف أكثر عن حياة البشر: بياكلوا إيه، بيشربوا إيه، بيتكلموا إزاي، تيرابايتس من الداتا كل يوم بتدخل لقاعدة بيانات نماذج الذكاء الاصطناعي بتاعتها، صور وفيديوهات وكلام بالصوت ومكتوب ، كل ده بيتحلل بيطور من دقة النماذج دي وبيخليها تفهم أكثر ببلاش. عشان كده هم خلوا شات جي بي تي ببلاش وزودوا فيه المزايا اللي بتعتمد على تحليل الصور وكمان استخدام روبوتات الدردشة GPTs ولسه ولسه!
🌟مايكروسوفت بقى دي عملت إيه؟ نزلت الأسبوع اللي فات ميزة اسمها ريكول، ودي ميزة بتخلي ذكاء اصطناعي جوه لاب توب ويندوز 11 من جيل Copilot+ PC يسجل كل ثانية من استخدامك للاب توب: كل الشاشات، كل التطبيقات، كل المواقع، كل حاجة بتعملها على اللاب توب. طبعاً تقدر توقف التسجيل أو كمان تستثني مواقع وتطبيقات معينة ما يحصلش فيها تسجيل.
بس كل الداتا دي مادة خام من دهب تقدر مايكروسوفت تستخدمها إنها تدرب نماذج الذكاء الاصطناعي عشان تنزل أدوات قدام تقول لها روحي دوسي، روحي افتحي الموقع الفلاني واعملي عليه خطوات معينة. هتقدر ليه؟ لأنها اتدربت على كل الخطوات دي بالفعل. روحي دوري على ملف معين، هتعرف تروح لوحدها تماماً من غير أي تدخل منك لأنها اتدربت على العملية دي بالفعل. وكل طبعاً الداتا دي ببلاش تماماً، وطبعاً ما ننساش أنه ممكن جداً قدام مايكروسوفت تغير سياسات وشروط الاستخدام وتبدأ تحلل الداتا دي كلها، فتعرف المستخدمين بيفتحوا مواقع إيه وبيستخدموا إيه على أجهزتهم، فيجيلها بقى أفكار خدمات وتطبيقات جديدة ينزلوها فيحتكروا أكثر، أو ينزلوا إعلانات على الحاجات اللي أنت بتهتم بيها عن المواقع والتطبيقات اللي أنت بتستخدمها باستمرار كل يوم. وما خفي كان أعظم!
🔴 تطور الAI عظيم طبعا ومخيف جدا
المرحلة دي مرحلة لم الداتا بايديك أنت المستخدم ، من زاوية الشخص الأول First Person View، وكأنك بايدك وببلاش بتعلم الAI.. حرفيا!
مساءو
لما تبعت أو يتبعتلك رقم موبايل ف الواتساب
مفروض يجيلك زي Hyperlink كدا ويبقى ممكن يتداس Clickable
بس بقالو يومين كدا الموضوع ده مش شغال، وعشان تتفاعل مع أي رقم
لازم تاخده كوبي.
المشكله واضح انها على مستوى موبايلات أندرويد بس مع الارقام المصرية لأن مع أي أرقام دول تانية على أندرويد شغالة عادي وكمان المشكلة دي مش موجودة على الأرقام المصرية ولا غيرها مع آيفون!
غالبا مارك بيعك ف حاجة 🐸