15464
هنا كل جديد من أخبار التكنولوجيا في كل المجالات 📱💻🖨️📞🖱️💾📷🤖
انهاردة وزير الاتصالات د. عمرو طلعت قال " شهرين وهنشغل ال eSIM خلاص في مصر" 🔥
🔴وكالعادة لما مصر بتطبق تقنية جديدة بنحس انها أول مرة تنزل ف العالم 😅
تقنية الـeSIM
دي تكنولوجيا في الموبايلات بتسهل عليك انك تشغل لحد 10 خطوط موبايل من غير ما تركب ولا شريحة في التليفون!!
التكنولوجيا دي نزلتها أبل مع ايفون XS ومن ساعتها موجودة ف كل الايفونات اللي نزلت بعدها وكمان نزلت ف موبايلات اندرويد كتيرة..
الفكرة كلها قايمة على ان الـeSIM "أو يعني الـEmbedded SIM" بتبقى مدمجة جوا قلب التليفون مش بتتشال وتتركب زي SIM العادية..
بتشتغل عن طريق انك بتعمل داونلود لملفات الخط وتعريفات الشبكة وتتخزن كل ده على الشريحة الافتراضية اللي في الموبايل وشكرا على كدا، وانت من قلب الاعدادات تقدر تشغل وتوقف اي خط منزله على الeSIM دي..
طبعا كل ده، جنب الشرايح التقليدية اللي في موبايلك اساسا اللي هي الشريحة الكارت دي..
🔴اعرف ازاي ان موبايلي بيدعم التقنية دي ولا لأ؟
1. كلم خدمة العملا واعرف
2. افتح الاعدادات بتاعت موبايلك وادخل على مدير الشرائح SIM Manager وهناك لو لقيت كلمة eSIM يبقى انت تمام عندك الخدمة..
🔴 ازاي اشغل خط eSIM على موبايلي؟
1. اتأكد ان الشبكة اللي انت تبعها بتقدم خدمة eSIM وظه بالتليفون مع خدمة العملا عادي
2. لو بتقدم، هتروح أقرب فرع من فروع الشركة
3. اشتري وادفع الرسوم، هيدولك ورقة فيها QR Code
4. وصل موبايلك بالواي فاي
5. افتح اعدادات موبايلك واختار Set up Cellular أو Connections عشان توصل الجزء بتاع SIM MANAGER
6. من هناك اعمل Scan QR Code وساعتها هتتفتحلك الكاميرا تعمل مسح للكود اللي ع الورقة وشكرا كدا 😎
7. تقدر تعمل نقل للخط eSIM و كمان ممكن تحول خط شريحتك التقليدية الكارت الى eSIM بس ده لازم الشبكة بتاعتك من الاساس تكون بتوفره!
مساءو
السعر 499 دولار!
🗣️ سامسونج عملت شغل حلو بالAI والسوفت وير، كمان عملت لمسات لطيفة ف التصميم والزراير "بس دي قليلة"، الاكتر بصراحة كان نقل كتير من أبل ف الساعة الالترا بشكل خاص، السينسورز سامسونج عملت بيها شغل هايل بصراحة وبرضو بروسيسور الساعة Exynos W1000 عامل شغل حلو بس كان محتاج وحدة معالجة عصبية عشان يجاري الAI اللي ف قلب ساعات ابل ووتش 9 والالترا 2 "دول فيهم سيري ياجماعة شغالة on-device🚀".. بس بشكل عام الأجهزة عاملة خطوة كويسة وأتمنى تكون سامسونج بيهم بتفرش لمستقبل أفضل بكتير لاحهزة معتمدة اكتر ع الai، وبالتالي تقلل تكلفة الهاردوير المعقد المطلوب، والتكلفة كلها تبقى ف البروسيسور قريب، وبالتالي السعر يبقى اقل .. اه طبعا تسعير سامسونج هتقدر تلعب بيه كتير اوي قصاد تسعير أبل العالي اوي، وكمان خاتم الجلاكسي رينج لعب على فكرة ان المنصة الذكية Samsung Health مجانا من غير اشتراك، بعكس المنافسين ف السوق ده زي Oura اللي خاتمها بتحتاج تشتريه، وتدفع كمان اشتراك شهري 6 دولار للمنصة اللي هي قلب الخدمات الصحية اللي بتقدمها!
صباحو
حاول وانت بتقرا البوست ده
تركن تحيزاتك الشخصية وحبك لأي شركات
وخلينا نبص للموضوع بشكل حيادي حبتين..
سامسونج طلعت من جرابها 6 منتجات جديدة
موبايل جلاكسي زد فولد 6= يبدأ من 1899 دولار
موبايل جلاكسي زد فليب 6 = يبدأ من 1099 دولار
ساعة جلاكسي ووتش 7 = يبدأ من 230 دولار
ساعة جلاكسي ووتش ألترا = يبدأ من 650 دولار
سماعة جلاكسي بادز 3 = 179 دولار/ البرو= 250 دولار
خاتم جلاكسي رينج = 499 دولار
أول خمسة كوم، والأخير ده كوم تاني!
يلا بينا:
📱 الموبايلات الجديدة مكنش فيها تغيير كبير ملموس يادوب، تغيير في ابعاد الفولد 6 بحيث يبقى مربع اكتر وكمان تحسين شوية في تصميم المفصلات عشان تظبط طي الشاشة احسن وميبقاش في التنية مع الاستخدام، كمان لعب ف مزايا الذكاء الاصطناعي مع Galaxy AI وطبعا جيميناي نازل بشكل لطيف على الفليب 6 والفولد 6، كمان فيه شوية تحديثات بالAI في تصميم الصور وأكيد كتابة النصوص فيها شغل حلو، بس ده بقى الطبيعي، ضيف لكدا شوية حاجات خفيفة كدا بتحسن التصوير خصوصا على مستوى الزووم، فمع ال AI ZOOM في فولد 6 انت بتزوووم اوي من غير ما تخسر كواليتي بشكل كبير، فمع سامسونج بقى فيه زووم بصري Optical Zoom وزووم رقمي Digital Zoom وكمان A ZOOM ودي وصلت افتطر من اول السنة مع جلاكسي S24 ألترا..
ف الفليب 6 بقى، لما بتعمل طي الموبايل 90 درجة وبتشغل ميزة FlexCam، بيخليك تتصور وتشوف نفسك بالشاشة الخارجية والكاميرا بتعمل اوتوماتيك Auto Zoom واللي بتظبط الكادر بحيث تبقى انت متـcenter في نص الكادر!
معجبنيش بصراحة ان سامسونج مطورتش اكتر في استخدام الشاشة الخارجية 3.4 بوصة، هي برضو شوية الحاجات المحدودة بتاعت النوتفكيشنز وانك ترد على مسج وعملت بس ميزة الردود المقترحة السريعة Suggested Replies، بعكس مثلا موتورولا رازر + اللي عامل شاشة خارجية 4 بوصة وبيقدملك تشغيل كل الابلكيشنز ع الشاشة الخارجية عادي جدا، ماعدا الapps اللي بتحتاج دقة وضوح شاشة عالية..
⌚نيجي للساعات بقى، جلاكسي ووتش 7 وجلاكسي ووتش ألترا، هنا كان فيه حاجات حلوة وحاجات مش اد كدا، سامسونج أبدعت مثلا في الجيل الجديد من سينسور BioActive واللي ده جاي بتصميم جديد تمامًا، بيخلي المستخدم يقدر يقيس المتغيرات الحيوية لجسمه بدقة، لان مهندسين سامسونج اشتغلوا على تحسين أداء الصمامات الضوئية المستقبلة للضوء، وإضافة ألوان جديدة من الصمامات الضوئية الباعثة للضوء (LEDs)، وترتيبها بشكل مثالي في المستشعر، الصمامات الضوئية دي اللي بتضرب ضوء في سطح الجلد عشان تلقط داتا مختلفة، زي حركة الدم عشان يتقاس الضغط وكمان نبض القلب، ده غير مسبة الاكسجين في الدم فيتقاس مستوى التنفس ويترصد لو حصل توقف للتنفس خلال النوم وهو ما يعرف باسم Sleep Apnea !
سامسونج لما عيرت التصميم بتاع السينسور
قدرت تضاعف أداء كل صمام ضوئي، وده خلاها تقدر تقلل العدد المطلوب من 8 لـ 4 للحفاظ على الكفاءة، والتصميم الجديد أتاح مساحة أكبر لدمج عدد أكبر من الصمامات الضوئية اللي بتضرب إضاءة وتستقبل ارتدادها من الجلد..
كما ضافت ألوان جديدة الصمامات، زي الأزرق، الأصفر، البنفسجي، وفوق البنفسجي، بالإضافة لزيادة عدد الصمامات الباعثة للضوء باللون الأخضر، الأحمر والأشعة تحت الحمراء..
كل لون من دول بيساعد على اكتشاف وقياس متغير معين في الجسم من سطح الجلد!
كمان من الحاجات الهايلة انه تنوع ألوان الصمامات الباعثة للضوء، والصمامات المستقبلة للضوء المصممة حديثاً، بيفتح إمكانيات جديدة في الرعاية الصحية الوقائية، وأولى الإمكانيات دي: مؤشر المنتجات النهائية المتقدمة للسكريات (AGEs)، وده مؤشر لسلامة التمثيل الغذائي وبيقدر يقيس العمر البيولوجي للجسم وأجهزته الداخلية، اللي بيتأثر بشكل كبير بنمط الحياة والعادات الغذائية!
بالمناسبة في المزايا سامسونج معدية أبل جامد..
🔴بس ف التصميم، سامسونج عملت فضيحة!🔴
مبدئيا سامسونج جلاكسي ووتش ألترا ناقشة التصميم بتاع أبل ووتش ألترا بالمللي!!
غير بس ان سامسونج سمت تصميمها Cushion design او يعني تصميم المخدة، واللي بيعتمد على لامؤاخذة قاعدة مربعة صخمة فوقيها هيكل دائري..
ضيف لكدا سامسونج برضو نقشت لون البرتقالي بتاع الزراير من أبل ووتش ألترا 2، حتى زرار Action Button اللي بيخلي المستخدم يقدر يغير استخداماته والمهام اللي بيعملها حسب احتياجاته، سامسونج قلدته بس سميته Quick Button 🤦
طب نيجي بقى لميزة تانية اسمها MultiSport Mode وده ياسيدي وضع الستعة بتقدر تتبع فيه المجهود والاداء بتاع المستخدم في تمارين معقدة زي الترياثلون ودي رياضة ثلاثية داخل فيها سباحة وركوب العجل والجري، فلما بيتمرن المحترفين النوع ده، مع الميزة الجديدة بتقدر تتابع اداءهم بدقة ف كل تمرين!
أبل قدمتها السنة اللي فاتت مع ابل ووتش الترا ٢، سامسونج نقشتها بالمللي ف جلاكسي ووتش الترا.. بالاسم حتى!
ماسك عمل comeback تاريخي في الصين🔥
فبعد ما كانت تسلا محظور استخدام عربياتها من جانب موظفين بكين خوفا من التجسس عبر مستشعرات العربيات ،
ماسك قدر بعلاقاته يخلي تسلا لأول مرة تدخل لستة الحكومة الصينية للشركات المسموح لموظفيها انهم يشتروا منها منتجات..
فالموظفين الصينيين ف الحكومة يقدروا دلوقتي يشتروا عربيات مودل Y يعملوا ليها مشاوير رسمية!
بالمناسبة،
تسلا هي براند العربيات الأجنبي الوحيد اللي داخل لستة حكومة بكين للمشتريات الحكومية!
🔴 الصورة من زيارة ماسك للصين السنة اللي فاتت
سوق السوشيال ميديا بقى ممل بشكل كبير سواء بسبب الفقر ف الابتكار، استسهال ف المزايا، قص ولزق بين الكل..
فوق كل ده الكل بيجري ورا خوارزميات أتقل عشان الكل يفهم الكل بيستخدم ايه وبيحب ايه وعايز ايه، والكل يبدأ يغرق الدنيا إعلانات يمين وشمال!
بس وسط كل ده، طلعت شبكة جديدة كليا اسمها noplace !
نو بليس فكرتها عبقرية وهلخصهالك ف كام نقطة:
1. شبكة جديدة بتخليك تنشر بوستات نصوص وبس.. لا صور ولا فيديوهات
2. الشبكة بتخليك تقدر تغير ألوان البروفايل على كيفك "حاجة كدا من ريحة MySpace وHi5" وكمان تحط ستيكرز وحركات
3. الشبكة بتخليك تقدر تحدد حاجة اسمها "نجوم Stars" ودي بتعبر عن كل الاهتمامات اللي بيهتم بيها المستخدم، فمثلا انا مثلا ممكن اضيف نجمة عن التكنولوجيا.. دول بيتم استخدامهم عشان المستخدم يقدر يشوف اكونتات ناس تانيين بينهم نجوم "اهتمامات يعني" مشتركة بينهم وبالتالي يقدر يتابع اللي بينشروه!
4. الشبكة مبتستخدمش الخوارزميات وكدا عشان تعرض وترتب المنشورات قدام المستخدمين، ولا كمان عشان تقترح منشورات "زي ما بيعمل فيسبوك وانستجرام وإكس وتيك توك"..
نو بليس بقى بتستخدم الذكاء الاصطناعي عشان يادوب تلخص فقط البوستات اللي فايتة المستخدم مش أكتر!
5. الشبكة عندها مساحتين Feeds
واحد فيهم بيظهر فيه البوستات اللي بينشرها الاصدقاء والعيلة وكدا
والتاني بقى عالمي يجيلك فيه كل حاجة من الاكونتات ع المنصة، وخصوصا اللي انت عاملهم زي فولو وبينكم "نجوم" مشتركة!
6. الابلكيشن يادوب متاح للـiOS
بنظام الدعوات وبس ومتصدر آب ستور!
حبايب قلبي واخواتي بتوع الآيفون والماك،،، أما بعد
حابب أقولك ان أسطورة ان جهازك ضد الهاك..
ده مش هنا.. ده هناك😅
مجموعة من الباحثين في شركة EVA Security
نشروا تفاصيل 3 ثغرات في بعض المكتبات البرمجية (معروفة باسم CocoaPods وهي خاصة بلغات برمجية Swift وObective-C) اللي بيعتمد عليها مطورين عدد كبير من التطبيقات.. منهم 3 مليون أبلكيشن على الآيفون والماك!
الثغرات التلاتة بتخلي الهاكرز يقدروا يسيطروا ع المكتبات البرمجية دي بشكل كامل، بحيث يقدر الهاكر يضيف أي أكواد برمجية ف قلب الابلكيشنز اللي بتستخدم المكتبات دي، وبكدا يقدر الهاكر يخلي الابلكيشن يعمل حاجات وينفذ أوامر مطورين الابلكيشن نفسهم، ميعرفوش عنها حاجة!
الكارثة الحقيقية ان ملايين - ان مكنش أكتر من مليار مستخدم - متضررين من القصة دي، وممكن بيانات كارثية ليهم تتسرب وتوصل لها ايدين الهاكرز، زي بطاقات بنكية بيانات صحية صور وفيديوهات شخصية..
فنتكلم عن الخصوصية بصوت واطي
ألا حد يضحك علينا (((أو يسمعنا))) 😅
كلنا على الله حكايتنا.. فاهدوا بقى 🤷
والسلام ختام.
ميزة شوفتها صدفة في براوزر Brave
على الويب، بتخليك لو انت فاتح أكتر من نافذة window في برايف، وكل واحدة منهم فيها تابات مختلفة.. بس انت عايز تلمهم كلهم في نافذة واحدة..
تقدر تعمل ده بدوسة زرار واحدة!
بصراحة برايف هو وأوبرا من أكتر البراوزرات الجريئة في اختبار مزايا جديدة برا الصندوق، وأحيانا إيدج برضو بيحاول.
صباحو
ع اليمين
ساعة أبل ووتش ألترا 2
ع الشمال
تسريب لأول إصدار من ساعة سامسونج جلاكسي ووتش الترا
بس الصراحة، مصمم سامسونج بينحت حلو😅
تسلا بتجرب خدمة تاكسي منافسة لأوبر..
بعربيات ذاتية القيادة!
الخدمة نازلة رسمي ف أمريكا 8 أغسطس
وإيلون ماسك بيخططلها من 2016!
أوڤر دووز سيكيوريتي أبل:
https://security.apple.com/blog/private-cloud-compute/
⚠️ البوست تكنيكال بزيادة،
بس ممتع لو بتحب التفاصيل،
وطبعا لو بتحب السيكيوريتي،
وهو 900 كلمة😅
ابل لما قدمت الاسبوع اللي فات مزايا الذكاء الاصطناعي Apple Intelligence قالت ان اجهزه المستخدمين الايفون والماك والايباد لما المستخدم يطلب منها تعمل حاجه معينه زي انشاء نصوص او مراجعتها او تصميم صور الاجهزه هتكرر هل هتقوم بالعمليه دي على محليا ع الجهاز بالكامل ولا هتحتاج قوه خارجيه!
بس برده ابل اتكلمت انها لو احتاجت قوه خارجيه هتحتاج تعالج الداتا والامر اللي بيطلبوا المستخدم على سيرفراتها وبالتالي هنا هيكون فيه خطوره انه يحصل كشف البيانات المستخدم وده بينتهك خصوصيته..
عشان كدا قررت ان هي تعمل حاجه مختلفه وهي انها تقدم قوه معالجه البيانات في الكلاود على سيرفرات خارجيه بره جهاز المستخدم وفي نفس الوقت تخلي البيانات بتاعه المستخدم برايفت عادي فما حدش يقدر يوصل لها ولا حتى ابل نفسها!
طب يا جماعه نعملها ازاي دي مستحيله لان دخول الداتا جوه سيرفرات شركه طبيعي ان الشركه تبقى شايفه الداتا دي او حتى لو مش هتشوفها هيبقى في اثار للداتا دي بعد المعالجه جوه السيرفرات وباي شكل من الاشكال ده ممكن يعمل انتهاك لخصوصيه المستخدم..
عشان كده ابل حطت مجموعه من المعايير اللي لازم تتحقق وهي بتشتغل على خدمتها Private Cloud Compute عشان تقدر تعمل المعالجه في الكلاود وفي نفس الوقت تحافظ على خصوصيه البيانات:
1. اول حاجه ركزت عليها ابل هي انها تطور تقنية تضمن بيها انه يتم نقل البيانات والأمر بتاع المستخدم الى سيرفراتها بشكل متأمن ومتشفر، بحيث الداتا دي بمجرد ما تتم معالجتها ويتم تنفيذ الامر، تتمسح الداتا بالكامل وميبقاش ليها أي أثر، ولا يمكن لمخلوق يوصلها!
وده بيحصل كالتالي:
جهاز المستخدم بيبعت داتا لمركز البيانات الخاص بخدمة Private Cloud Compute "اختصارا هنسميه PCC" بعدها هيتم معالجة وتحليل البيانات لتنفيذ أمر المستخدم..
البيانات بتبقى عبارة عن الأمر اللي المستخدم عايزه يتنفذ + نموذج الذكاء الاصطناعي اللي هيتم استخدامه للرد، الداتا دي كلها بتتشفر بمفتاح تشفير عام قبل ما تكلع من جهاز المستخدم لسيرفرات أبل..
أول ما بتوصل السيرفرات بيتم التأكد من تشفيرها، عشان أبل تتأكد ان محصلش أي تلاعب ف الداتا وهي ف طريقها من جهاز المستخدم لحد سيرفرات الشركة..
أبل استخدمت جزئين من سيستم iOS وهم Code Signing وSecure Boot وده عشان سيرفرات أبل متسمحش بتشغيل أي أكواد برمجية أو أوامر إلا لو متشفرة بمفتاح التشفير اللي على جهاز المستخدم، وبكدا خيكون صعب جدا يحصل تلاعب بأوامر خبيثة خارجية..
أبل كمان استخدمت مكون أمني اسمه Secure Enclave هو برضو جزء من التأمين في iOS، وده مسؤول عن مفاتيح التشفير والفك، بحيث يتأكد انه مفيش أي تلاعب ف المفاتيح دي، ولا يحصل استخلاص ليها من هاكر ولا نسخها ولا أي لعب فيها..
كمان المكون ده أساسي جدا لانه لو حصل أي عملية وقف وإعادة تشغيل للسيرفرات، فالSecure Enclave بيضمن ان مفاتيح التشفير للداتا المبعوتة من جهاز المستخدم كدا كدا هتتغير بشكل عشوائي تماما، وبالتالي لا يمكن فيه استخظام لنفس مفتاح التشفير والفك مرتين!
بعد كدا الداتا دي هتبقى موجودة على سيرفر الخدمة خلال عملية التنفيذ، واللي بمجرد ما تخلص، ويتم الرد او الاجابة على طلب/سؤال المستخدم، الداتا بتتمسح بشكل نهائي من سيرفرات أبل..
2. تاني جزئية أبل ركزت عليها هي ان PCC تضمن انه مستحيل أي حد من موظفين أبل أو الموظفين والمديرين فب قلب مراكز بيانات الخدمة يقدر يوصل لأي داتا من بيانات المستخدمين..
عشان كدا أبل برمجت السيستم بتاع السيرفرات بحيث لا يمكن يسمح بانه يبقى متاح الاتصال والتحكم عن بعد ف أنظمة السيرفرات، وكمان مش مسموح أبدا بعمل تصحيح لنظام نقل الداتا وتشغيل أنظمة المركز Debugging workflows، ده غير كمان ان أبل عامل إجراءات خصوصية وأنظمة إدارة بيانات مؤمنة بحيث يكون شبه مستحيل خروج أي داتا من السيرفرات، لان مثلا مفيش سجل بالداتا اللي بتدخل وتخرج من السيرفرات، لان كلها متشفرة، فيه كمان طبق حماية قوية قابلة للمراجعة من جانب خبراء أمن معلوماتي وجهات خارجية مستقلة بذاتها عن أبل للتأكد من تشفير السيستم..
3. المعيار التالت اللي أبل بنت عليه خدمتها للمعالجة السحابية الخاصة المؤمنة PCC هو التأكد من ان الخدمة دي متحصنة ضد الاختراقات، وبصراحة الجزء ده عقدني وانا بقراه على موقع أبل 🥶
مبدئيا أبل بتأمن كل مكونات الهاردوير بتاعت السيرفرات، من أول عملية تصنيعها، بيتم تصوير كل فتفوتة قبل ما تتغلف وتتقفل وتتشحن لأماكن قواعد البيانات، وهناك قبل ما تتركب، فرق أبل بتعمل عملية مراجعة موسعة لكل المكونات تاني، تحت اشراف جهة خارجية مستقلة عن أبل للتأكد من ان كل المكونات متأمنة ومظبوطة اعداداتها..
بعد انتقادات حادة
مايكروسوفت أعلنت إنها هتأجل وصول ميزة Recall الجهنمية على حواسيب Copilot+ PC
اللي هتنزل السوق كمان 4 أيام في 18 يونيو، وهتفضل الميزة تجريبية فقط للمشترکین في برنامج Windows Insider Program!
لو متعرفش،
ميزة Recall بتخزن حرفيا سكرين شوت من أي محتوى يظهر على اللاب بتاعك جوا اي موقع ابلكيشن فولدر فایل
والكارثة انه مبيفرقش ايه الي على الشاشة ، شاشة فيها باسوردات ولا شاشة فيها بيانات بطاقتك البنكية ولا أي بلاوي شخصية تانية..
بس برضو للحق، مايكروسوفت عملت خطوات كويسة لزيادة تأمين السكرينات دي كلها :
1- مبدئيا الميزة مقفولة ولازم تشغلها بنفسك
2- لازم تستخدم نظام Windows Hello لفتح اللاب لو مقفول ببصمة الوجه
3 - لما تيجي تفتح ميزة recall وتشوق الداتا المتخزنة لازم تأكيد الهوية تاني ببصمة الوجه
بلومبرج: OpenAI مدفعتش فلوس لأبل مقابل انها تحط ChatGPT في قلب أجهزة آيفون وآيباد وماك..
المقابل كان الانتشار على أجهزة أبل! 🔥
التقرير بيقول ان مصادر بتأكد إن سام ألتمان مؤسس ومدير OpenAI مكنش فارق معاه ف الصفقة دي الفلوس، انما كان همه الحقيقي الانتشار على أجهزة أبل، لان الانتشار ده هيخليه يضمن أكتر وصوله لجمهور أبل اللي عنده قدرة واستعداد يدفع عشان يشترك في خدمات مدفوعة بتاعت ChatGPT Plus اللي بـ20 دولار شهريا..
كمان أبل مهتمتش تاخد فلوس كاش مقابل دخول ChatGPT (زي ما هي عاملة مثلا مع جوجل بتاخد سنويا مليارات مقابل انها تخلي جوجل سيرش المحرك البحث الافتراضي على سفاري)..
السبب في كدا برضو ان أبل بصيت لقدام، مبدئيا أتقل حد ف السوق بيقدم AI هي OpenAI وشات جي بي تي الأشهر، وأبل مكنتش عايزة تدخل سوق روبوتات الشات ف الاول كدا، فحبيت ترمي الحمل على حد تقيل ف القصة دي.. أما من ناحية الارباح فأي اشتراك في شات جي بي تي بلس يحصل على أجهزة أبل من خلال ابلكيشن ChatGPT ، أبل بتاخد كدا كدا 30% من قيمة كل اشتراك..
فكدا الصفقة Win-Win بدون أي كاش مباشر من الطرفين!
التقرير أكد ان أبل بتستهدف الفترة الجاية تعمل عقود اكتر مع شركات ذكاء اصطناعي زي جوجل مع جيميناي بتاعها، وكذلك في مفاوضات مع Anthropic بتاعت منصة Claude..
الازمة الكبيرة قدام أبل، هتبقى في الصين، لحد دلوقتي مرسيوش على اتفاق مع بايدو ولا علي بابا عشان يبقى شريكهم هناك اللي يقدم منصة روبوت دردشة بالصيني على موبايلات وأجهزة ايفون وماك جوا بلد التنين!
أبل عملت ميزة تخلي اللي لابس آيربودز برو يحرك دماغه فيرد أو يكنسل ع اللي بيتصل عليه..
سامسونج 👇🤦
إكس عملت تحديث ثعباني جدا☠️ محدش هيقدر يشوف انت عملت لايك لأي بوستات 😅🫣😒
🔴 انت بس اللي هتقدر تشوف البوستات اللي أنت عملتها لايك
🔴 أنت مش هتقدر تشوف مين عامل لايك لبوستات الناس التانية
🔴 صاحب البوست هيقدر عادي هيقدر يشوف بشكل طبيعي مين عامل لايك لبوستاته
🗣️ بصراحة خطوة سخيفة جدا، لانها جاية بعد ما إكس فتحت أكتر المجال قدام المحتوى الاباحي على المنصة .. المنصة قلبت بلاعة ماشاء الله 🤦
أونور الصينية نزلت موبايلها الجديد ماجيك V3 بينافس الجلاكسي زد فولد 6.. وبيضربه في منطقة.. حساسة! 😵💫
مبدئيا الماجيك V3 هو أنحف موبايل فولد في العالم.. 9.2 مم
في حين موبايل فولد 6 .. 12.1 مم
الماجيك V3:
شاشته الداخلية 7.92 بوصة OLED بتحديث 120 هيرتز
الخارجية 6.4 بوصة OLED بتحديث 120 هيرتز
الكاميرا الخلفية:
رئيسية 50 ميجابكسل (زي سامسونج)
التانية 40 ميجابكسل عدسة واسعة جدا (في سامسونج 12 ميجابكسل)
الأخيرة 50 ميجابكسل عدسة للتكبير 3.5 مستوى تكبير بصري (في سامسونج 5 مستويات بس دقة 10 ميجابكسل بس)
نفس البروسيسور كوالكوم سناب دراجون 8 جين 3
رامات بتوصل لحد 16 جيجا (أكتر من 12 جيجا بتوع سامسونج)
ذاكرة داخلية بتوصل لحد 1 تيرا (زي سام)
بطارية 5150 مللي أمبير (اكتر من سام 4400 مللي أمبير)
سعر يبدأ من 8999 يوان (حوالي 1240 دولار.. طبعا عظمة قصاد الـ 1899 دولار بتوع الفولد 6)
👀 غاوي تعرف أكتر عن الفولد 6؟ (تعالى هنا https://bit.ly/4bH3CPs )
مساءو
طب نيجي لميزة Double Pinch واللي بتخلي المستخدم مع جلاكسي ووتش 7 وجلاكسي ووتش ألترا يقدر يتحكم سواء في شاشة الساعة او كمان يصور مصلا صورة عن بعد بموبايله!
🔴طبعا كلو هيقولك دي متاخدة من أبل ووتش 9 وميزة Double Tap.. بس احب اقولك لأ😅
سامسونج منزلة أبديت ضخم من سنة في يونيو 2023 (قبل أبل )بمجموعة مزايا اسمها Universal Gestuers لساعاتها الذكية بتخليك تتحكم بالكامل في الساعة بحركات من ايدك وصوابعك من غير ما تلمس الشاشة خالص!
طب ليه سمعنا عن بتاعت ابل وسامسونج لأ؟
عشان أبل بتسوق صح وحلو🤷🔴
بطارية الجلاكسي ووتش ألترا بتديك 100 ساعة ف وضع توفير الطاقة، اما الابل ووتش ألترا 2 بتقدم يادوب 72 ساعة بس!
🎧 نيجي بقى للسماعة جلاكسي بادز 3
هنا سامسونج قلدت التصميم بتاع أبل آيربودز بس ضافت لمسة عجبتني بصراحة وهي انها خلت الهيكل الخارجي الطويل حاد الزاوية مش أسطواني ملفوف زي تصميم ابل..
كمان جسم السماعة عليه لمبة LED عشان تعرفك مستوى الشحن للبطارية، ده غير ان السماعة نازل منها اصدارين، واحد عادي وده القطعة بلاستيك مبتعملش عزل كامل فتحربة الصوت هنا Open Type ودي مناسبة لمعظم الناس اللي بتستخدمها ف المكالمات والمزيكا واستخدام طول اليوم بشكل مريح، فيه بقى الجلاكسي بادز 3 برو ودي Canal Type لان تصميم الجزء البلاستيك بيبقى ساقط اكتر جوا الودن بحيث يقدم تجربة صوتية أفضل بكتير!
الاتنين هيبقوا جايين بمزايا:
🔥المترجم الفوري Interperter
بحيث تترجم الصوت المسموع مباشرة للغتك ف ودانك وده طبعا استخدام عبقري للAI
🔥 كمان تقدر بأمر بسيط Voice Command تتحكم ف اللي ف ودانك، زي انك تعلي الصوت توطي الصوت تغير المزيكا توقفها تشغلها
🔥 برضو هايل ان السماعة بتظبوط دقة ووضح الصوت اللي بتسمعه حسب اللي بتسمعه والاصوات المحيطة بيك والدوشة حواليك ، وده من خلال مجموعة ميكروفونات داخلية وخارجية وده من خلال مزايا Adaptive ANC وAdaptive EQ..
كمان مستوى الصوت بيعلى ويوطى اوتوماتيك حسب اللي بيحصل حواليك، فلو فيه مثلا صوت سرينة بوليس هيوطى عشان تنتبه، كمان لو حد بيكلمك الصوت هيوطى عشان تاخد بالك، وده من خلال مزايا Adaptive Noise Control وSiren Detect وVoice Detect!
لطيف برضو ان اصدار البرو من السماعة جاي بمكونات أعلى من العادي:
- مكبرات صوت ثنائية الاتجاه: يعني السماعات بتستخدم نوعين من مكبرات الصوت لتحسين جودة الصوت، وده بيخلي الصوت أوضح
-جهاز Tweeter Planar: ده نوع معين من مكبرات الصوت بيختص بتقديم الصوت عالي التردد بدقة وجودة عالية.
- تقنية الصوت عالي الجودة جدًا: تقنية حديثة بتمكنك من سماع الصوت بأعلى دقة ممكنة، بحيث تقدر تستمع لكل تفاصيل الموسيقى أو الصوت كما تم تسجيلها.
- معدل أخذ العينات المضاعف مع ترميز SSC: دي تقنية بتضاعف معدل العينات الصوتية اللي بتتسجل في الثانية الواحدة، وده بيخلي الصوت يكون أدق وأوضح، وترميز SSC هو تقنية لضغط الصوت بدون فقدان جودته، عشان تقدر تستمتع بجودة صوت عالية جدًا.
💍 أخيرا بقى نيجي لخاتم الجلاكسي رينج!
خطوة جريئة بصراحة من سامسونج انها تدخل سوق جديد تماما زي الخواتم الذكية ف وقت برضو لسا الذكاء الاصطناعي فيه ف الطالع، ده غير انها كمان بتدخل "قصدي بترجع بعد 5 سنين غيبة 😉" سوق النضارات الذكية اخر السنة دي، فالشغل ف سوقين جداد مرة واحدة قرار صعب، الا اذا لعبتها صح!
الختم٥فيهزمنه 3 ألوان: دهبي اسود فضي
وزنه 2.3 جرام لحد 3 جرام
وده حسب مقاسه المتوفر منه 9 اصدارات ( من مقاس 5 لحد 13)
الخاتم مصنوع من تيتانيوم من الدرجة الخامسة عشان يبقى قوي ويتحمل
بيقاوم المية لحد عمق 100 متر والاتربة بتقييم IP68
بيقدر يقيس حاجات كتيرة اوي زي:
معدا وانضباط التنفس
ضغط الدم
نبض القلب
الحركة خلال النوم
الدورة الشهرية للسيدات ودرجة حرارة الجسم وقتها
الشخير خلال النوم
احلى حاجة فيه ميزة اسمها Energy Score
وده بيقيس درجة نشاط الجسم على حسب 3 حاجات: جودة النوم ودرجة النشاط حلال اليوم ومعدل نبض القلب يوميا..
كمان الخاتم بيلقط نوع النشاط اللي بتعمله تلقائيا وبيتابع تطورك فيه من غير ما تحتاج تختار وتحدد النشاط جوا ابلكيشن الخاتم ع الموبايل..
كمان برضو لو فيه فترة المستخدم بيفضل وقت طويل خامل وقاعد Inactive Alert، الخاتم بيبعت نوتفكيشن تشجيعية للحركة..
كمان فيه ميزة انك تتحكم ف موبايلك أو أجهزتك، اللي كلها لازم اكيد تكون سامسونج جلاكسي، من خلال حركات ايدك Gestuers زي مثلا حركات الابهام والسبابة اللي هي Double Pinch..
سامسونج سهلت برضو انك تلاقي الخاتم لو ضاع، بميزة Find My Ring من قلب خدمة Samsung Find..
الخاتم بطاريته سعته مختلفة حسب المقاس، مقاس 5 بطاريته 18 مللي أمبير ومقاس 13 بطاريته 23.5 مللي أمبير، بتعيش لحد 7 أيام استخدام.. بيجي الخاتم مع علبة شحن فيها بطارية 361 مللي أمبير بتشحن الخاتم 40% ف نص ساعة!
للسنة التانية على التوالي،
ولتاني مرة ف نفس السنة على التوالي برضو 😅
سامسونج مش محتاجة تعمل ايفنت عشان تطلق أجهزتها، لإن التشريبات مخلتش.. ومنها طالع من سامسونج نفسها🤣
سامسونج جلاكسي فولد 6
🔴 هييجي بشاشة خارجية 6.3 بوصة وداخلية 7.6 بوصة.
🔴 المعالج كوالكوم "سناب دراجون 8 جين 3".
🔴 البطارية نفس سعة الجيل السابق 4400 مللي أمبير، بس بأداء أحسن.
🔴 الكاميرا الرئيسية 50 ميجابكسل، وكاميرا بزاوية واسعة 12 ميجابكسل، وكاميرا للتكبير 10 ميجابكسل.
🔴 الكاميرا السيلفي بدقة 10 ميجابكسل، وكاميرا أسفل زجاج الشاشة 4 ميجابكسل.
سامسونج جلاكسي فليب 6
🔴 هييجي بشاشة خارجية 3.4 بوصة وداخلية 6.7 بوصة.
🔴 نفس معالج فولد 6 "سناب دراجون 8 جين 3".
🔴 البطارية سعتها 4000 مللي أمبير.
🔴 الكاميرا الرئيسية بدقة 50 ميجابكسل، وكاميرا واسعة 12 ميجابكسل، وكاميرا للتكبير 10 ميجابكسل.
الموبايلين هينزلوا طبعا بمزايا Galaxy AI الذكية زي:
🔴 ميزة الترجمة الفورية Interpreter.
🔴 ميزة البحث برسم دائرة Circle to Search.
🔴 ميزة Auto Zoom على فليب 6 وAI Zoom على فولد 6.
ساعات سامسونج جلاكسي ووتش 7
🔴 هتنزل بقياسين، 40 بوصة و44 بوصة.
🔴 المعالج Exynos W1000.
🔴 الذاكرة 2 جيجابايت و32 جيجابايت.
سامسونج جلاكسي ووتش ألترا
🔴 هيبقى فيه منافسة مع أبل ووتش ألترا.
🔴 التصميم مربع جواه دايرة وزراير شبه بتاعت أبل
🔴 البطارية 590 مللي أمبير.
سماعة جلاكسي بادز 3
🔴 هتتغير عن تصميم الفاصولياء Beans Design وهتبقى شبه الآيربودز
🔴 يُقال ان ميزة ANC وجودة الصوت هتبقى أحسن من أبل.
🔴 التحكم بالسحب Swipe والضغط Squeeze على جسم السماعة
🔴 على هيكل السماعة فيها مؤشر LED لعمر البطارية
خاتم سامسونج جلاكسي رينج
🔴 هيقيس نبض القلب، وضغط الدم، ومستوى الشخير.
🔴 هيقيس حرارة الجلد وتوقيتات الدورة الشهرية.
🔴 البطارية هتختلف حسب الحجم، والسعر المتوقع 449 يورو.
⌚يوم الأربع الجاي 10 يوليو
كلنا لازم نعمل اننا متفاجئين لما سامسونج تعلن المنتجات الجديدة *كوميك كريم عبد العزيز بيغمز* ألا تزعل🤷🤦😅
9,900,000,000 باسورد
معروضة للبيع أونلاين بقالها يومين
عشان تبقى أضخم مكتبة باسوردات مسروقة تتباع أونلاين ف التاريخ!
يا أهلا بشلالات الاختراقات على كل المنصات
اللي هنشوفها الأيام الجاية! 🫣
عايز تأمن نفسك؟ 🤔
🔥 غير باسورداتك حالا
🔥 أمن اكونتات بأبلكيشن مصادقة ثنائية أوفلاين زي Google Authenticator او Microsoft Authenticator .. "بلاش Authy عشان اتهاك وهتكلم عنه كمان شوية💩"
🚫 انسى خالص طريقة التأمين بتاعت يوصلك كود على رقم تليفونك ده ياريت 🙏
مساكم فُل 😄
كريزي تاكسي جاية بإصدار جديد قريب:
1. عالم مفتوح Open World زي بابحي كدا
2. هيبقى فيها امكاني لاعبين كتير Multiplayer
3. أوضاع لعب "زي ان حد يبقى بوليس وبيجري ورا زميله اللي سايق تاكسي"
4. المفاجأة المبهرة ان الخرايط وبيئة اللعبة هتبقى واقعية جدا لانها مطورة بالاسطورة Unreal Engine 🤯🔥🚀
مساءو
بعد قلق عمله المصممين والمصورين على فكرة علامة Made with AI.. خصوصا انها اتحطت على الصور اللي صوروها ولكن عدلوا فيها بالAI
ميتا غيرت العلامة إلى AI Info!
هتظهر على فيسبوك وانستجرام.
صباحو
من 2022
جوجل كانت بدأت تطبق فكرة ال Infinite Scroll "السكرولينج إلى مالانهاية" في نتايج السيرش على الكمبيوتر والموبايل..
والاسلوب ده كان معناه انك هتفضل تنزل ف صفحة واحدة لتحت للأبد وكل ما تنزل يظهر لك نتايج بحث أكتر، ومش هتحتاج تتنقل بين صفحة لصفحة زي ما كان زمان مرقمة ف نهاية صفحات البحث "بالطريقة اللي في الصورة كدا"..
ميزة أسلوب السكرولينج الأبدي ده كانت ان كل ضفحات الويب عنظها فرصة تظهر طول ما المستخدم بيسكرول، فكانت راحت شوية هيبة اللي يظهر ف الصفحة الأولى ف السيرش!
بس ده هيتغير تاني..!!
جوجل أعلنت انها هتلغي ميزة الInfinite Scroll على الكمبيوتر "بالفعل ده حصل" وع الموبايل "هيحصل الأسابيع الجاية" وترجع تاني لترتيب نتايج البحث ف صفحات مرقمة تاني.. والسبب اللي قاله متحدث جوجل لموقع Search Engine Land ان جوجل شافت ان السكرول المستمر ملهوش لزمة فعلية ولا بيأثر على تجربة المستخدم واستفادته من النتايج، وكمان التغيير ده هيقلل وقت التحميل Loading time لصفحة النتايج، فمش طول الوقت بتلوود كل ما المستخدم ينزل ف الصفحة بالسكرولينج!
🗣️ رأيي الشخصي المتواضع ان الخطوة دي من جوجل جاية ف التوقيت ده تحديدا عشان هتبدأ تركز اكتروعلى فكرة ميزة AI Overview اللي شغالة بالAI، واللي هي اظهار معلومات واجابات على أشئلة المستخدم والحاجات اللي بيسيرش عليها من مواقع الويب وتظهر ف أول صفحة تحت مربع البحث، فالمستخدم غالبا مش هيحتاج لا يعمل سكرول عشان تظهرله نتايج اكتر، ولا حتى هيحتاج ينزل لاخر الصفحة عشان يقلب لصفحة نتايج تانية.. وف نفس الوقت جوجل عايزة توفر اللودينج تايم بتاع إظهار النتايج ف الinfinite scroll لاظهار رد الذكاء الاصطناعي بتاعها على بحث المستخدم
مساكم فُل 😄
فكرة تصنيع جلد أقرب للبشري من حيث الملمس والخصائص بقاله سنوات طويلة في معامل الباحثين.. ولكن السر اللي كان صعب شوية في كشفه هو ازاي الجلد ثابت على الوجه البشري بكل تعقيداته من عضلات وأنسجة؟!
ده اللي حاول باحثون في جامعات هارفارد وطوكيو يفك شفرته
من خلال نظام جديد بيحاكي أربطة الوجه البشري والنتيجة طلعت مبهرة!
خلينا متفقين طبعا انه بعيد تماما عن كمال خلق الله "سبحانه جل جلاله"،
ولكنه محاولة أولية بدائية جدا لجعل الروبوتات أكثر تشابها مع البشر،
مع الحفاظ على سلامة طبقة الجلد البشري "الطبقة المستخدمة في الدراسة فعلا مطورة من أنسجة جلد بشري"، خلال جعله يتحرك ويقدم انفعالات وجه شعورية!
صباحو
لأول مرة،
سيستم هواوي HarmonyOS عدى الـiOS
وبقى المركز التاني في قائمة أشهر انظمة تشغيل الموبايلات ف الصين.. وده خلال أول 3 شهور من السنة دي! 🔥
هواوي حصتها من السوق رفعت من 8% إلى 17%
وحصة أبل نزلت من 20% إلى 16% 🫣
اللطيف بقى ان زيادة حصة هارموني مكنش ف الصين بس، انما كمان الموضوعةكان عالمي، فحصة سيستم هواوي من السوق العالمي تضاعفت وبقت 4%،
بينما أندرويد وiOS تراجعت حصتهم من 78% و20% في أول 2023 إلى 77% و19% في أول 2024!
المحللين بيرجحوا ان زيادة حصة هواوي ف السوق بيرجع الى انها اخيرا نزلت موبايلات 5G من أول السنة مع عيلة موبايلات Pura 70، وده خلاها منافس قوي وبديل عظيم للايفون جوا الصين!
غالبا دي بداية موجة مش هتهدى قريب خالص! 🌊🚀😎
صباحكم فُل 😄
وبعد كل ده، بيتم إصدار شهادة رقمية موثقة تأكد هوية وموثوقية كل سيرفر في الداتا سنتر، بحيث الداتا اللي جاية من جهاز المستخدم مستحيل تظخل أي سيرفر، الا لو تم تأكيد انه فعلا متأمن ومتشفر بشهادة التوثيق الرقمية الخاصة بيه من أبل!
أبل استخدمت أسلوب اسمه Target Diffusion ، عشان تقدر تخلي مراكز البيانات تبقى محمية ضد الهجنات اللي بتستخدف مستخدمين بعينهم!!
الاسلوب بيعتمد على تجاهل أي معلومات تعريف شخصية حول جهاز المستخدم، بحيث السيرفرات يادوب متحتاجش تجمع إلا بيانات سياقية محدودة عن كلب المستخدم والأمر اللي عايز ينفذه..
كمان أبل استخدمت ف الأسلوب ده طريقة لاعتماد الأوامر اللي جاية من جهاز المستخدم ودي بيانات تعريفية بتستخدم لمرة واحدة فقط، بحيث يستحيل تتربط الاوامر بجهاز معين وتتكشف هوية تلمستخدم من خلالها!
أبل قبل ما يبدأ تنفيذ أوامر المستخدم، وأبل ما تدخل سيرفرا PCC ، أبل بتشفر وتخفي رقم IP Address بتاع جهاز المستخدم، وبكدا هتبقى مهمة صعبو جدا على المخترق انه يعرف أمر معين جاي من انهي جهاز بظبط!!
المستوى الاجحد بفى من التشفير، ان الامر اللي بيطلع من جهاز المستخدم، بيتشفر بطريقة متخليهوش يتفك تشفيره الا في مجموعة سيرفرات معينة في قلب مراكز PCC، وبالتالي ده بيخلي الهاكر لز قدر يعدي كل معايير الامان اللي فاتت، ودخل واخترق مركز من مراكز بيانات الخدمة، مش هيقدر يفك تشفير الا مجموعة محدودة جدا من أوامر مستخدم معين مستهدف بالهجوم!
🤔مستكفتش؟
انزل 👇
كل سنة وانتو بألف خير
ربنا يتقبل منا ومنكم صالح الأعمال
❤️ ومتنسوناش بالدعاء ❤️
في مؤتمر Computex 2024
كوالكوم عرضت قدرات بروسيسوراتها Snapdragon X Series في لابتوبات ويندوز Copilot+ PC
كل ده عادي ..
الي مش عادي ان كل صور البرزنتيشن كان في الجنب مكتوب عليها.. Shot on Snapdragon 👀
تريقة على ان أبل دايما بتكتب Shot on iPhone 🤣
بالمناسبة الكوتشي ده Limited Edition ومش هيتباع..
نازل منه يادوب 6 نسخ نفس الشكل والتصميم وهيتقدموا كـهدايا في مسابقة عاملاها سامسونج ف أمريكا الشهر الجاي..
الكوتشي نفسه فكرته معتمدة على 5 سينسورز بتراقب وتحلل وتفهم حركة رجل الشخص، عشان يقدر ينفذ أوامر معينة على موبايله بحركات معينة، زي تشغيل موسيقى أو عمل مكالمة تليفون!
غالبا الكوتشي نازل كإصدار ترويجي كدا لموبايلات سامسونج الجاية جلاكسي فولد 6 وجلاكسي فليب 6، لان ف الفيديو هتلاقي النعل تقريبا مكتوب عليه Join the Flip Side 😅
قعد على قهوة طلب شاي
وقلع الجزمة..!
ثبت الجهاز بشكل كامل ف نعل الفردة
اليمين عشان ميدايقهوش وميبانش وميبوظش مع المشي..
وثبت الكاميرا ف زرار القميص
وركب السماعة ف ودنه.. حاجة كدا متبانش بالعين المجردة..
سرم الشاي، وقام حاسب، ودخل لجنة الامتحان!! 🫣
🔴 من اسبوع اتقبض على طالب ف تركيا
خلال أداء امتحان القبول في الجامعة بتهمة الغش..
النجم كان حاطط راوتر بورتابل في الجزمة،
مع كاميرا في زرار القميص، وسماعة وايرلس..
البرنس كان بيصول الأسئلة، سؤال سؤال،
الصورة تروح لنظام ذكاء اصطناعي، يجاوبه
ويقراله الإجابة في ودنه بالسماعة! 🥶
ليڤل الوحش من الAI
كدا ناقص بس النضارة الAR
اللي ف قلبها AI يدخلوا لسها الامتحان 🤷
صباحو
الله🔥 سيري بتفهم هزة الراس 😱
#AI #Apple #ابل #أبل #ذكاءاصطناعي #سيري