15588
هنا كل جديد من أخبار التكنولوجيا في كل المجالات 📱💻🖨️📞🖱️💾📷🤖
النهارده الفجر أوبن أيه آي نزلت ميزة جديدة، أعتقد هتقلب السوق لمدة طويلة.. كم يوم كده لحد ما تنزل ميزة أجمد منها!!
والمِيزة هي Deep Research، واللي بتخلي شات جي بي تي يقدر ياخد منك أمر مفصل ويبدأ يفكر فيه ويحلله وياخد خطوات كتير لحد ما ينفذه بالكامل..
وده بيتضمن إن المنصة الذكية بتبدأ تعمل سيرش فعليًا على الإنترنت وتدخل مواقع مختلفة وتجمع منها داتا وتحلل صور وإنفوجرافات وتطلع منها بمعلومات تخدم السؤال اللي إنت سائله، وفي الآخر بتجمع لك كل الداتا دي في تقرير محترم منظّم..
التقرير ده ممكن ياخد من أول خمس دقائق ولحد 30 دقيقة شُغل، فإنت اسأله وروح شوف اللي وَرَاك..
قريب قوي المِيزة دي كمان هتخلي شات جي بي تي يقدر إنه جُوّه التقرير بتاعه اللي بيجاوب على سؤالك يحط صور ومعلومات إحصائية مصممها وجامع بياناتها من المواقع اللي هو زارها..
المستخدمين يقدروا يُكلفوا شات جي بي تي عن طريق المِيزة الجديدة سواء بأوامر نصية بالشكل العادي، أو كمان ممكن يضيفوا ملفات PDF أو صور أو وورد عشان المنصة الذكية تستفيد من الداتا دي وهي بتعمل التقرير الكامل بتاعها!
خليني أقول لك إن المِيزة دي في الوقت الحالي مُتاحة بس للمشتركين في الباقة أُم 200 دولار بتاعة شات جي بي تي برو، ولكن الشركة كالعادة وعدت إن المِيزة دي هتوصل كمان للمشتركين في باقة البلس وباقة الانتربرايز!
المِيزة دي بتخلي شات جي بي تي أقوى بكتير من قبل كده، يعدي جيميناي ويعدي كلاودي، لأنه تقريبًا هو الوحيد في نماذج الذكاء الاصطناعي واسعة الاستخدام اللي بقى عنده فعليًا قدرات مميزة في حِتّة إنه بقى مش مجرد منصة حوارية ذكية، وإنما بقى وكيل رقمي AI AGENT، تطلب منه ينفذ مُهِمّة معينة ويبدأ يفكر ويحلل ويخطط وينفذ، وييجي يقول لك في الآخر!
من كم يوم الشركة قدمت جُوّه شات جي بي تي ميزة Operator، واللي بتخليك تطلب من شات حاجة معينة يعملها لك أونلاين، وهو يروح يفتح الموقع أو المواقع عشان يقوم باللي إنت عايزه، وبيِرجع لك بس لما يُخلّص أو يُوقَف قدام مُهِمّة محتاجة بني آدم زي إدخال بعض المعلومات الشخصية أو البنكية أو كمان إدخال أي باسوردات أو تأكيد هوية!
مساءو
أكتر كلمة قالها صح إن السنة دي أول ذكاء اصطناعي يوصل لمليار مستخدم هو اللي هيركب السوق!
صباحو
بعيد عن الـAI وهوسه..
إكس نزلت محفظة رقمية للدفع والتحويل المالي! :O
الخطوة إيلون ماسك بيجهزلها تقريبا من 2022
وأخد السنة اللي فاتت كمية موافقات وتراخيص في 41 ولاية
انها تبدأ تقدم خدمات مالية على إكس
الخدمة اسمها X Money
إكس اتعاونت فيها مع Visa
عشان تقدر تخلي المستخدمين يحولوا فلوس من حساباتهم البنكية إلى محافظهم X Money
الخدمة بشكل مبدئي هتسمح بالتحويل فلوس بين المحافظ الرقمية على إكس
هتسمح بتحويل بين المحافظ X Money والحسابات البنكية بتاعت المستخدمين
مستقبلا متوقع يكون فيه مزايا جديدة تنزل باقي السنة دي:
1- دعم مالي بين الجمهور المتابعين وصناع المحتوى
2- فلوس الإعلانات تنزل في المحافظ دي
3- فيه كمان مفاوضات بين إكس ومؤسسات مالية تانية عشان أكبر عدد من البنوك تبدأ تدعم المحفظة المالية دي
💡 خطوة جديدة من ماسك عشان يحقق حلم ال Everything App!
مساءو
https://play.google.com/store/apps/details?id=com.deepseek.chat
Читать полностью…
🐳 منصة "DeepSeek": ذكاء صناعي ببلاش؟
يلا نتعلم إزاي تستخدمه! 🐋
لو زهقت من المنصات اللي بتطلب منك تدفع بالدولار عشان تجرب ذكاء صناعي محترم، DeepSeek هي الحل الصيني اللي هيغير المعادلة. التطبيق ده مش بس مجاني، ده كمان فيه شوية مزايا رهيبة تخليك تجرب ذكاء اصطناعي من غير ما تحس إنك بترمي فلوسك في الأرض.
🌐 تبدأ منين؟
على الكمبيوتر أو اللابتوب: لو بتحب الحاجات البسيطة، افتح موقع DeepSeek وابدأ على طول، مش محتاج تعمل حساب.
على الموبايل: حمّل التطبيق من متجر جوجل أو أبل، وهنا لازم تعمل حساب شخصي عشان تدخل. لكن متقلقش، العملية سهلة جدًا.
🖥️ واجهة الاستخدام: سهلة جدًا ومفيهاش فزلكة
أول ما تفتح DeepSeek، هتلاقي التصميم مألوف جدًا. فيه مستطيل عريض تكتب فيه اللي إنت عايزه، وعلامة زائد تحت عشان ترفع مستندات أو صور. يعني لو عندك ملف أو صورة وعايز تفهم منها حاجة، هترفعها وهتبدأ تتكلم مع التطبيق.
🔍 إيه اللي ممكن تعمله؟
1. 🖼️ استخراج النصوص من الصور: لو عندك صورة عليها نص مكتوب، DeepSeek هيعرف يطلعلك النص ده بسهولة.
2. 🌐 البحث على الإنترنت: عندك سؤال؟ اكتبوه، والتطبيق هيعمل سيرش بنفسه ويجيبلك الإجابة مع المصادر اللي جاب منها المعلومات.
3. 🤔 ميزة التفكير العميق (DeepThink): الميزة دي تخلي التطبيق يشرحلك هو بيحلل السؤال إزاي. كأنك بتشوف عقل روبوت شغال قدامك، وده بيخلي التجربة أكتر تفاعلية.
⚠️ طيب وإيه العيوب؟
❌ مفيش فهم كامل للصور: لسه التطبيق مبيفهمش الصور بالكامل، يعني لو رفعت صورة وعايز تعرف كل اللي فيها، مش هيقدر يساعدك زي ChatGPT أو Gemini.
🔇 مفيش تفاعل صوتي: مفيش ميزة إنك تتكلم معاه صوتيًا زي ChatGPT، اللي بيخليك تحس إنه صاحبك.
💡 ليه ممكن تجرب DeepSeek؟
💸 مجاني تمامًا: مش هتدفع جنيه، ودي حاجة مش هتلاقيها في منافسين كبار زي ChatGPT Pro.
⚡ سريع وسهل: مش معقد وبيقدم أداء ممتاز في النصوص والأسئلة العادية.
📚 مصادر واضحة: لما يديلك إجابة، بيقولك جابها منين، عشان تبقى مطمن.
🛠️ ازاي تقدر تستفيد منه أكتر؟
🔎 البحث السريع: استخدمه لو بتدور على معلومات سريعة أو عايز تعمل بحث خفيف من غير ما تلف كتير على الإنترنت.
📄 التعامل مع الملفات والصور: لو عندك ملفات أو صور وعايز تستخرج منها بيانات، هتلاقيه بيعمل ده بسرعة وبساطة.
جرب DeepSeek دلوقتي،
كل اللينكات تحت 👇🏻
في النهاية، DeepSeek مش مجرد تطبيق ذكاء اصطناعي، لكنه مثال حي على إزاي الابتكار والكفاءة ممكن يعيدوا تشكيل السوق. النجاح ده بيأكد إن الصين مش بس بتنافس، لكنها بتحط قواعد جديدة للعبة، وده هيخلي كل الشركات التكنولوجية الكبيرة تعيد حساباتها في الفترة الجاية. ChatGPT وأمثاله لازم ياخدوا خطوة للوراء ويفكروا كويس: هل يقدروا يفضلوا في المقدمة لما المنافس بيقدم نفس الإمكانيات، وببلاش؟ DeepSeek بدأ تغيير اللعبة، والمستقبل واضح إنه صيني!
مساءو
في "ميتا"، في مدريد، فيه واحد اسمه "دورون فاينروب"، مهندس بيانات كبير بيركز على أنظمة الذكاء الصناعي. وبيقول إنه خلال خدمته في الوحدة 8200 لمدة 3 سنين تقريبًا، صمم وطور حل للبيانات الكبيرة (Big Data) بيقلل الوقت اللازم لاتخاذ القرارات البشرية من أيام لساعات قليلة. نفس الفكرة دي متوافقة مع نظام "Lavender" اللي استخدمته إسرائيل لتنفيذ الإبادة في غزة.
"نداف بندك"، باحث في الذكاء الصناعي وتعلم الآلة في ميتا بأمريكا، خدم 4 سنين في الوحدة من 1999 لحد 2003. وكمان "أوشري حليمي"، اللي بتشتغل في Meta Reality Labs بسان فرانسيسكو، قضت سنتين في الوحدة، واشتغلت قبلها في جوجل وآي بي إم.
وفي كاليفورنيا، "أوريل سينجر"، باحث في الذكاء الصناعي في ميتا، خدم أكتر من 7 سنين في الوحدة. وكمان "شيلي شينين"، اللي قضت سنتين في الوحدة، شغالة دلوقتي كباحثة في ميتا. "أوري باتيش"، اللي خدم 4 سنين في الوحدة، اشتغل كمان 7 سنين في البنتاجون، ودلوقتي شغال في ميتا.
كمان "مايا بيشلر-سبايشر"، باحثة في الذكاء الصناعي، خدت سنتين في الوحدة في بدايات الألفينات. وهي واحدة من اللي عملوا إعجابات بمنشورات بتدعم الجيش الإسرائيلي.
آبل
"جوناثان لاسيرسون"، باحث في التعلم العميق في آبل ومقره إسرائيل، كتب إنه مفيش حدود لعدد الفلسطينيين الأبرياء اللي ممكن إسرائيل تقتلهم عشان تهزم حماس.
"أفيتال كليمان"، مهندسة خوارزميات تعلم الآلة، اشتغلت أكتر من 6 سنين في الوحدة 8200 قبل ما تسيبها وتروح آبل في 2021.
"مايكل سيهايك"، اللي قضى 3 سنين في الوحدة، كان بيركز على أتمتة المهام عشان يوفر ساعات عمل، ودلوقتي شغال في آبل.
مايكروسوفت
"بن سابيرستين"، متخصص في تعلم الآلة في مايكروسوفت، قضى أكتر من 5 سنين في الوحدة، وكان بيركز على اللغويات. وفي شغل سابق ليه، اشتغل على تقنيات بتحاكي تشوهات العظام.
"إيراد دور"، شريك في صندوق استثمارات رأس المال لمايكروسوفت "M12"، معروف إنه مستثمر إسرائيلي في الذكاء الصناعي، وكان في الوحدة 8200 في التسعينات.
شركة Nvidia
انفيديا بقت أكبر شركة متخصصة في الذكاء الصناعي وأكبر شركة على مستوى العالم في 2024، بقيمة وصلت لـ 3.5 تريليون دولار. الشركة متخصصة في تصنيع رقائق الذكاء الصناعي، وبتوظف عدد كبير من خريجي الوحدة 8200، سواء في إسرائيل أو أمريكا. الإعلام الإسرائيلي قال إن "طريق نجاح Nvidia بيعدي من إسرائيل". لو بحثت عن "unit 8200 and Nvidia" على LinkedIn، هتلاقي أكتر من 150 نتيجة.
"درور أهاروني"، مدير تصميم الرقائق في Nvidia، اشتغل في الوحدة 8200 لمدة 5 سنين ونص من 1999 لـ 2004. "رونين دار"، قائد أنظمة البرمجيات في الشركة، خدم حوالي 4 سنين في الوحدة، وبعدين اشتغل في شركة ذكاء صناعي شارك في تأسيسها مع عضو آخر من الوحدة، "أومري جيلر". الشركة دي اشترتها Nvidia السنة اللي فاتت. "جيلر" كان في الوحدة لمدة أكتر من 7 سنين (2010-2017)، لكن هو مش بيذكرها بشكل مباشر في ملفه الشخصي، وبيقول إنه كان في "وحدة تكنولوجية متخصصة"، وهو ده الوصف اللي الوحدة 8200 بتستخدمه عن نفسها.
"Nvidia"، من خلال جيلر ودار، كمان قدمت وجبات للجيش الإسرائيلي كجزء من الأعمال التطوعية.
كمان "إيلاد جو"، اللي كان جاسوس في وحدتين مختلفتين في الجيش الإسرائيلي (الوحدة 8200 ووحدة 81)، بيشتغل كباحث في التعلم العميق في Nvidia. قضى أكتر من 7 سنين في الجيش بين الوحدتين.
وأخيرًا، "نجيب نبواني"، اللي بيتكلم عربي، هو باحث كبير في التعلم العميق في Nvidia. كان لسه في الوحدة 8200 لحد 2022، وركز في شغله على أنظمة الذكاء الصناعي للغات.
أمازون
في أمازون، فيه "أوفير زيجلمن"، مدير كبير في فريق الذكاء الصناعي في نيويورك. هو كمان نائب رئيس نادي هارفارد في إسرائيل، وعالم زائر في جامعة كامبريدج في إنجلترا. من 2006 لـ 2011 اشتغل مع بنيامين نتنياهو مباشرة، وقبلها كان خدم 4 سنين في الوحدة 8200، وخرج منها في 2006.
OpenAI
لما جيت أبحث عن أعضاء الوحدة 8200 اللي شغالين في OpenAI (الشركة اللي بتعمل ChatGPT)، كان صعب ألاقى معلومات كتير، لكن لقيت "راز جون"، باحث في الذكاء الصناعي في بوسطن، وخدم 3 سنين في الوحدة.
أشخاص بارزين في المجال
"زاك ديفي-أهرون"، اللي تم تصنيفه من ضمن أكتر 100 شخص تأثيرًا في مجال الذكاء الصناعي حسب مجلة Time. هو مدير تنفيذي لشركة ناشئة متخصصة في الرعاية الصحية في نيويورك، لكنه كمان صهيوني داعم للإبادة. في ملفه الشخصي، مكتوب إنه كان مهندس برمجيات في الجيش الإسرائيلي، وده غالبًا معناه إنه كان في الوحدة 8200 أو الوحدة 81. في LinkedIn، بيعمل إعجابات لمنشورات بتحتفل بالدمار في غزة، وبيقول تصريحات متطرفة جدًا عن الفلسطينيين.
شركة OpenAI نزلت مساعد ذكي ينفذلك كل اللي عايز تعمله على الويب وإنت بتشرب القهوة 😎.
الأوبيراتور بيقدر:
يستخدم ماوس وكيبورد افتراضيين.
يسيرش ويكتب ويدوس على الزراير اللي موجودة على الويب.
يقدر كمان يجمع لك داتا ويملا بوكسات التكست.
إنت بس عليك تدوس "كونفرم" قبل ما يشتري، وتدخل الباسورداتك قبل ما يعمل تسجيل دخول.
🤔 هو الأوبيريتور بيشتغل إزاي؟
ببساطة، هو بيستخدم نموذج ذكاء اصطناعي خاص بـ OpenAI، وهو GPT-4 with Vision، اللي بيقدر يحلل ويفهم كل العناصر اللي بتظهر على الشاشة أول بأول. وبعد كده بيحدد هو محتاج يعمل إيه بالظبط، وبيتعامل مع العناصر دي عشان ينفذ المهمة اللي المستخدم طلبها منه.
بعد كده، خطوة بخطوة، بيتأكد إنه ماشي صح، وده بيقلل جدًا معدل الخطأ. لكن ده ما يمنعش إنه مش معصوم من الخطأ. عشان كده، لما الأوبيريتور يلاقي نفسه مش عارف يتصرف أو محتاج تدخل من المستخدم، بيظهر رسالة يطلب منك تتدخل.
الخصوصية؟ OpenAI فكرت فيها!
1. لما يظهر على الشاشة حاجة محتاجة كتابة بيانات حساسة زي الباسوردات أو الحسابات البنكية، الأوبيريتور بيوقف شغله وما بيسجلش اللي بيحصل على الشاشة، وبتدخل إنت في وضع اسمه Takeover Mode عشان الأمور تبقى تحت سيطرتك.
2. في مواقع معينة زي مواقع المعاملات البنكية، الشوبنج، أو المواقع اللي فيها CAPTCHA، إنت محتاج تراقب كل حاجة بيعملها الأوبيريتور. الوضع ده اسمه Watch Mode.
3. عشان تأمن نفسك أكتر، OpenAI وفرت خيارات تمسح كل المحادثات السابقة بينك وبين الأوبيريتور بزرار واحد. وكمان تقدر تحذف سجل الاستخدام والتصفح في البراوزر الخاص بالأوبيريتور بزرار واحد برضه.
4. الأوبيريتور بيقدر يرفض أي محاولات من مواقع الويب لتنفيذ أوامر نصية مخفية في الصفحات عشان تضله أو تخليه يسرب بياناتك من غير ما ياخد باله.
5. داخل إعدادات الأوبيريتور، المستخدم يقدر يمنع إن أي "سكرين شوت" أو "سكرين ريكورد" من الشاشة بتاعته يتم استخدامها لتدريب النموذج في المستقبل.
الأمان؟ تمام جدًا!
الأوبيريتور بيرفض التفاعل مع مواقع زي المواقع الإباحية، القمار، أو المواقع الخطرة بشكل عام.
🔴 على فكرة، فكرة الأوبيريتور - اللي هو مساعد ذكي واسمه الرسمي Computer-Using Agent أو اختصارًا CUA - مش جديدة. السنة اللي فاتت، شركة "Anthropic" نزلت حاجة مشابهة جدًا اسمها Computer Use داخل منصتها "Claude"، وتصميم واجهة الاستخدام كان تقريبًا نفس الفكرة بالظبط!
الميزة الجديدة من OpenAI جاية بشكل محدود لمشتركين ChatGPT Pro اللي سعره ٢٠٠ دولار في الشهر، ومُتاحة حاليًا أكتر لأغراض بحثية. لكنها هتبقى متوفرة بعد فترة التجربة لكل مشتركين باقات البلس، الانتربرايز، والتيمز.
صباحو!
من كام ساعة شركة سامسونج نزلت موبايلاتها الجديدة جالكسي S25 واللي بصراحة كانت مبهرة على غير المعتاد وغير المتوقع.
على مستوى الهاردوير، لأول مرة من فترة طويلة سامسونج قدرت تلفت انتباهي بشغلها المرة دي، خصوصاً مع جالكسي S25 ألترا، واللي كان بشكل كبير أفضل في التصميم على الأقل من السنة اللي فاتت. عجبني جداً إنهم خلوا الزوايا أكثر انحناءً وكمان مفيش حواف منحنية، والموضوع كله مسطح بالكامل. من الآخر، أخذوا التصميم بتاع الآيفون.
أما الإمكانيات الداخلية، فبصراحة بروسيسور Snapdragon 8 Elite مميز جداً، وأخيراً الرامات في الإصدارات الثلاثة بقيت 12 جيجا بايت، وده المفروض يبقى الـ"ستاندرد" في كل الموبايلات بعد كده.
لكن طبعاً، وكالعادة، كينج الإيفنت كان السوفت وير.
أخيراً، في شركة في السوق قدرت تركب الموجة وتخلي الموبايلات مناسبة وتليق بالطفرة الكبيرة اللي بتحصل في الذكاء الاصطناعي.
خلينا نبدأ بالتعاون العظيم بين سامسونج وجوجل، إنهم قدروا يستغلوا Gemini والتطور الكبير اللي محققه في الذكاء الاصطناعي وحزمة التطبيقات الضخمة بتاعة جوجل، علشان يقدموا تجربة محترمة لمستخدمي موبايلات سامسونج.
مبدئياً كده، سامسونج قالت إن الموبايلات الجديدة دي هي أول خطوة ليها في عصر "الوكلاء الرقميين" (AI Agents).
ببساطة، فكرة الوكيل الرقمي هي إنك تطلب أكثر من مهمة من الذكاء الاصطناعي، وهو يبدأ يقسمهم وينفذهم واحده واحدة لحد ما ينجز كل اللي طلبته.
وده اللي سامسونج عملته لما ضافت Gemini في قلب Galaxy AI.
دلوقتي بقى ممكن تطلب من Gemini يعمل بحث عن حاجة معينة، ويبعتها لكونتاكت معين في رسالة مباشرة على طول.
أو تطلب منه يجمع لك أماكن مطاعم بستايل معين بتعمل مثلاً أكل إيطالي ولها قعدة Outdoor، وتقول له يجمعهم لك في نوت على Samsung Notes مثلاً.
أو حتى تفتح فيديو على يوتيوب وتسأله عن أي حاجة تخص الفيديو، وتقول له يبعتها لشخص معين عندك في الكونتاكتس.
الموضوع ده عبقري جداً لأنه بيخليك تنجز وتنفذ أكثر من مهمة بأمر واحد. وكمان، لو في أي مهمة ممكن تسبب مشكلة لو تنفذت بدون موافقتك، لازم يطلب منك تأكيد الأول، زي مثلاً فكرة إنه يجمع بيانات ويبعتها لشخص معين، لو الشخص ده مش اللي أنت قصدته.
من الحاجات اللطيفة كمان إن سامسونج استخدمت الذكاء الاصطناعي بذكاء جداً عشان تقدر تخليك تنجز أكثر، من خلال إنها تطلع لك البيانات اللي أنت محتاجها وقت ما تحتاجها من غير ما تدور عليها بنفسك.
ده من خلال حاجة جديدة سامسونج عملتها اسمها Personal Data Engine.
دي تقنية معقدة جداً معتمدة على الذكاء الاصطناعي، بتخلي الموبايل بتاعك يفهم طبيعة استخدامك ليه وكل حاجة بتعملها عليه: من تفاعلك مع البيانات والتطبيقات، وتوقيتات استخدامك للموبايل، والصور اللي بتصورها، وحاجات كتير جداً. بيحلل كل ده ويفهم حياتك واحتياجاتك، ويقدر يجهز اللي محتاجه ويظهره وقت ما تحتاجه.
التقنية دي اسمها Knowledge Graph Technology، واشتغلت سامسونج على تطويرها مع جامعة ستانفورد عشان يبنوا السيستم المعقد ده، اللي بتشتغل بيه ميزة اسمها Now Brief.
الميزة دي فكرتها إنها تظهر لك الحاجات اللي محتاجها في أسفل منتصف الشاشة وقت ما تحتاجها فعلاً.
مثلاً: الصبح، هتلاقي حاجة اسمها Morning Brief. لما تدوس عليها، هتجيب لك درجة الحرارة، وحالة الطقس، وطبيعة الزحمة في الأماكن اللي بتروحها عادةً، وأحسن الطرق، والاجتماعات أو المواعيد اللي عندك. وكل ما تخلص حاجة، يظهر لك بعدها اللي بعدها في نفس المكان، حتى لو الشاشة مقفولة!
كمان سامسونج استخدمت الذكاء الاصطناعي عشان تقدر تدور على أي حاجة على موبايلك بسهولة. مثلاً، تقول: "عايز الصورة بتاعتي من سفريه باريس السنة اللي فاتت وأنا لابس تيشيرت أصفر."
الذكاء الاصطناعي هيحلل الأمر الصوتي، يدور في الصور المخزنة عندك، ويطلع لك الصورة اللي بتطابق الوصف.
الميزة العظيمة هنا إنها بتحصل محلياً على الموبايل من غير إنترنت!
كمان سامسونج طورت ميزة اسمها AI Select. دي بتخليك تستخدم الذكاء الاصطناعي مع أي حاجة ظاهرة على شاشتك. بمجرد ما تعلم على نص أو صورة، يظهر لك أدوات للتعامل مع المحتوى ده.
مثلاً، لو نص: تقدر تختصره، تطوره، أو تحوله لنقاط.
ولو صورة: تقدر تغير تصميمها، ألوانها، أو حتى تعمل صورة جديدة حسب فكرتك، وكل ده من غير ما تفتح تطبيق تاني.
نسيت أقول لك كمان إن Gemini جاله تحديث جديد غير شكله خالص. لما تدوس على زرار الباور ضغطة طويلة، بيظهر كـ"بوكس" بيضاوي صغير في أسفل الشاشة، بدل ما كان بياخد التلت الأخير زي زمان. وكمان، تقدر تسأله عن محتوى الشاشة، حتى لو فيديو، أو يتعرف على أغنية شغالة ويقول لك اسمها، أو يشغلها مباشرةً على Spotify.
وأعتقد دي خطوة أولى عشان Gemini يبدأ يتحكم في تطبيقات مختلفة الفترة الجاية.
تيك توك اشتغل تاني في أمريكا.. ليييه؟!
عشان ترامب نزل بوست على منصته Truth Social وقال فيها انه أول ما هيدخل البيت الأبيض بكرة الاتنين بعد حفل تنصيبه رئيسا للولايات المتحدة الأميركية.. هيمضي قرار تنفيذي ان بايت دانس - مالكة تيك توك - تاخد 90 يوم مهلة زيادة عشان توصل لصفقة لبيع قطاع تيك توك في أمريكا، لحيث يبقى 50% من القطاع ملكية أمريكية..
وترامب بيقول احنا عايزين الناس تتفرج ع حفل التنصيب والمناقشات والمحتوى التحفة على تيك توك مش عايزينه يقفل..
وتيك توك مش هيبقى موجود إلا بموافقة أمريكا، وساعتها ممكن قيمته تبقى مليارات الدولارات.. وممكن تريليونات كمان!
وياترى مين يقدر يكتب شيكات بكل الأصفار ديييييييي؟ 🤔
أوليكساندر توم تشوك
صحي من النوم على موقع شركته واقع وفريق الشركة بيجري ورا بعضه مش فاهم ايه اللي بيحصل..
بس اكتشفوا.. ان ChatGPT بيحاول يبلع كل بايت داتا من موقعهم!!!! 👀
بعد ما فاق من الصدمة
بدأ فريق الشركة Triplegangers
يكتشف حاجات مرعبة:
1. السبب ورا المشكلة
ان العناكب الرقمية بتاعت OpenAI
اللي بتتمشى في الانترنت وبتجنع الداتا من المواقع عشان الشركة تستخدمها ف تدريب نماذج الذكاء الاصطناعي بتاعتها، بتحاول تعمل داونلود لنوقع الشركة بالكامل
2. ده معناه ان العناكب Crawlers دي
بتحاول تعمل داونلود لأكتر من 65 ألف صورة
بدقة عالية جدا، وكل الوصف النصي بتاع كل واحدة منهم
3. دي كارثة ف حد ذاتها لان الصور دي بتاعت
أجسام بشر حقيقيين معمولها Scan بكل تفاصيلها وأجواءها من ايدين ورجلين ووجوه وشعر وجلد وحتى الندبات الجروح التجاعيد الوحمات وكل مللي متر من أجسامهم حرفيا
(الموقع ده متخصص في بيع مجسمات رقمية لكل أشكال البشر بتنوعاتها للمصممين وبتوع الجيمز والسينما والجرافيكس اللي بيحتاجوا مودلز رقمية ف شغلهم )
فطبعا تحميل الداتا دي اختراق مرعب لخصوصية ناس حقيقيين 🥶
4. فريق الشركة اكتشف ان OpenAI
استخدمت حوالي 600 رقم تعريفي IP Address
عشان تعمل تحميل للداتا دي كلها في نفس الوقت
5. الشركة اتصدمت بعد بتاع 5 أيام من التحميل المستمر للداتا دي كلها ان فاتورة استخدامها لسيرفرات أمازون AWS ضربت في 10 بسبب كم التحميلات المهول اللي بيحصل، واللي معدي بكتييير معدل الاستهلاك اللي الموقع متعود عليه من سنين!!
صاحب الشركة معرفش حتى يكلم OpenAI
عسان يفرملوا عناكبهم ولكنه لجأ للطريقة
اللي وقفت العناكب نفسها مباشرة..
وهي ملف ال robot.txt🤖
وده ملف مفروض بترميه مواقع الويب في قلب الكود بتاعها عشان تكلم العناكب اللي جاية من شركات كتيرة عشان تسحب داتا من المواقع دي وتقولها ايه الداتا المسموح انها تاخدها وايه لأ..
وبالمناسبة،
الشركات اللي بتبعت عناكبها دي
مش ملزمة قانونا انها تحترم حتى تعليمات الrobot.txt دي.. بس من حسن حظ الشركة ان عناكب OpenAI فهمت.. وبطلت اللي بتعمله.. ع الاقل لحد دلوقتي!
من شوية المحكمة العليا الأميركية أعلنت انها بتأيد قرار الكونجرس بأن تيك توك قدامه لحد بعد بكرة الأحد 19 يناير.. اما يتباع لكيان او رجال اعمال امريكان أو هيتقفل في أمريكا!!
كدا كدا القرار مش هتنفذه ادارة بايدن،
انما ادارة ترامب هي اللي هتنفذ لانه حفل تنصيبه
هيبقى يوم الاتنين 20 يناير 😅
تقارير كانت بتقول ان
🔴 تيك توك بتجهز بجد عشان تقفل يوم الاتنين ف امريكا
🔴 الصين عايزة إيلون ماسك يشتري تيك توك
🔴 إدارة ترامب كدا كدا هتدي مهلة أطول لتيك توك لتنفيذ قرار الكونجرس، والتمديد ممكن يبقى 90 يوم كمان
🔴 كدا كدا إيلون ماسك ضلع من أضلاع نظام ترامب الجديد وبالتالي ممكن جدا يدخل يشيل عادي!
🔴 بالمناسبة مستر بيست كان عارض يشتري بالتعاون مع مجموعة مليارديرات أمريكان
🔴 كمان أمازون وأوراكل كانوا على الخط برضو في صفقة الشرا
🔴 في وسط بقى كل الهبد ده، فيه اتنين ابلكيشنز الامريكان طاروا عليهم وهاجروا ليهم من تيك توك الايام اللي فاتت دخلهم فوق النص مليون أمريكي وهم ابلكيشن Xiaohongshu واللي معناه الكتاب الاحمر الصغير فالامريكان سموه RedNote، وده بيقدم تجربة قريبو اوي من انستجرام..
اما الابلكيشن التاني فهو Lemon8 وده ياسيدي موجود من 2023 والمضحك جدا انه اصلا من تطوير بايت دانس يعني مش بس ابلكيشن صيني، لا ده كمان مطورته هي نفس مطورة تيك توك اللي بيتحظر 🤣
ست فرنساوية عندها حاجة وخمسين سنة ضيعت تحويشة عمرها على براد بيت..تقريبًا!
الخمسينية Anne نزلت انستجرام على موبايلها في فبراير 2023 وكانت في الكنافة منه..
بتدخل تفر وتتفرج ع الشبكة ومش ف دماغها اوي..
في يوم واحدة دخلت كلمتها قالت انها أم براد بيت، وبتدور على عروسة لإبنها المشهور.. زي آن كدا بظبط.. والله زي ما بقولك كدا 😅
المهم، وقتها آن أصلا
كانت متجوزة بيزنس مان مريش والدنيا كانت وردي بس الرومانسية مكنتش أد كدا..
بعد تواصل الأم، براد بيت نفسه بقى كلم آن..!
الدردشة جابت دردشة
والكلام احلو أوي،
وعم براد شعشعت معاه يبعت للمحبوبة هدية غالية أوي..
وبعتهالها فعلا، بس للأسف..
الجمارك كانوا محتاجينه يدفع 9000 يورو عليها عشان الهدية توصلها..
براد مكنش عارف يدفع عشان حساباته في البنك مجمدة بسبب إجراءات طلاقه هو أنجيلينا جولي..
ابن اللعيبة حابكها حتة حبكة 😅
المهم يا سيدي،
آن وهي بتحكي قالت:
"وعادي دفعت زي الهبلة.. وفي كل مرة كنت بشك، كان بيقدر يهندلني ويخليني أعديها"..
الهبرة الكبيرة جت لما براد بعتلها انه بيعمل عملية بسبب إصابته بسرطان في الكبد، وطلب سلفة منها.. هنا آن شكت!!
ابن اللذينا عشان يقنعها عمل شوية صور لبراد بيت بجد بالـAI كإنه متصور سيلفي في المستشفى!!!
آن راحت تدور على الصور أو على أي أخبار أونلاين، ملقيتش أي حاجة، فدماغها – العجيبة – بدل ما تشككها أكتر، وديتها على انه أكيد الصور دي صورها لنفسه وبعتهالها هي وبس!!
آن اتطلقت، وخدت من جوزها في الطلاق 775 ألف يورو.. وكلهم دفعتهم لبراد 😲
آن وهي بتحكي قال: "أنا قولت لنفسي، عادي طالما هنقذ حياة بني آدم".. المحزن إن آن كانت متعافية من السرطان!
آن اتدايقت بقى لما لقت صور لبراد بيت نازلة في مجلات الفضايح وإنه على علاقة مع حبيبة جديدة ومنزلين صورهم سوا..
قام "براد" باعت لها فيديو متفبرك لفقرة في برنامج بيتكلم على إن براد بيت على علاقة ببنت جديدة اسمها آن 🤣
آن اكتشفت النصباية لما شافت براد بيت الحقيقي وحبيبته على شاشة التلفزيون😅
وبعدها النصابين حاولو ياخدوا فلوس منها عن كريق انهم كلموها على انهم الFBI وبيكلمها العميل حون سميث ومزنوق ف قرشين لاجل عملية سرية.. قامت راحت مبلغة البوليس بقى وقتها 🤣
المعركة الجاية هتبقى في الفضاء.. وش!
فريق بحثي صيني طلع بفكرة خزعبلية
عمل محاكاة لأسلوب داهية يخليه يقدر
يتابع ويرصد ويتجسس، وممكن.. يدمر👀
1400 قمر صناعي من أقمار ستارلينك
وده باستخدام 99 قمر صناعي صيني بس!!
المحاكاة دي بتستخدم نفس فكرة أسلوب صيد الحيتان
الفريق بيعتمد على آلية مرنة جدا بتستوعب أماكن تواجد
كل قمر من الأقمار الـ1400 في المدار المنخفض حوالين الأرض
ده غير انه بيظبط سرعة وارتفاع كل قمر من الـ99 بحيث
يحقق المعادلة الصعبة.. يفضل قريب من أقمار ستارلينك
وفي نفس الوقت يسيب مساحة آمنة بينهم عشان ميدمرهمش
ولا يلفت أي انتباه ليهم!! 😱
المحاكاة قدامها تحديات كتيرة جدا برضو،
زي الطاقة اللي هتحتاجها الأقمار الصناعية الصينية عشان تفضل شغالة
لأطول فترة ممكنة.. ودي قالوا انهم هيحلوها عن طريق انهم يغطوا سطح
الأقمار الـ99 بخلايا شمسية تولد طاقة وقت ما يكون متاح ليها..
كمان الاستخدامات العسكرية للتشكيل الـ99 ده هيكون مصدر وجع دماغ لبكين لو اتكشف.. وبالتالي برضو الفريق البحثي بيسعى انه يخلي أقماره.. شبه شفافة خفية! 😳
طول عمري اعرف الناس تتفرج او تسمع
فيديو او فويس بسرعة لحد 2x
بس اتصدمت من كام يوم اما عرفت
ان حدمة يوتيوب بريميوم المدفوعة بتجرب
انك تقدر تشغل الفيديوهات بسرعة .. 4x 👀
دول فضائيين ولا ايه؟ 👽🛸
🚀 ميتا 2025.. مارك زوكربيرج ناوي يقلب الموازين! 🔥
مارك زوكربيرج كشف خطته الطموحة لسنة 2025، وميتـا داخلة بقوة في كذا جبهة: الذكاء الاصطناعي، النظارات الذكية، الميتافيرس، ومستقبل السوشيال ميديا اللي بيشهد منافسة شرسة، خصوصًا مع أزمة تيك توك والمنافسين الجدد اللي بيظهروا! 😱
🤖 الذكاء الاصطناعي.. الوكلاء الأذكياء جايين يسيطروا!
مارك شايف إن سنة 2025 هتشهد قفزة تاريخية في قدرات الذكاء الاصطناعي، وخصوصًا في النماذج مفتوحة المصدر.
ميتا شغالة على تطوير Llama 4، واللي هيكون متعدد الوسائط (Multimodal)، يعني هيفهم النصوص، الصور، الفيديوهات، والصوت، ويتفاعل معاهم بشكل طبيعي!
الهدف الأساسي من النموذج ده إنه يكون وكيل رقمي AI Agent، يقدر المستخدم يعتمد عليه في إنجاز مهامه اليومية بشكل شبه أوتوماتيكي. 🤯
🤔إيه هو الوكيل الرقمي؟🤔
هو عبارة عن روبوت برمجي بيفهم وينفذ المهام اللي بيحددها المستخدم.
يكتب، يبحث، يوصل للملفات، يتحكم في الجهاز بالكامل، ويدير حياتك الرقمية كأنك عندك سكرتير شخصي ذكي! 😵
ميتا بتنافس مباشرة في المجال ده مع ChatGPT، كوبايلوت، وكلاودي، بس مارك متأكد إن Llama 4 هيغير المعادلة!
💬 مارك قالها صريحة:
"الشركة اللي توصل لأول وكيل رقمي فعّال، هتحكم مستقبل الذكاء الاصطناعي!" 🔥
---
🧠 المساعد الذكي Meta AI.. الذكاء الاصطناعي بيقابل السوشيال ميديا!
زوكربيرج شايف إن ميتـا AI مش مجرد مساعد ذكي، لكن هيكون تجربة اجتماعية متكاملة!
الفكرة إن كل شخص هيكون عنده مساعد AI متفصل على شخصيته، اهتماماته، وطريقة تفكيره.
ده معناه إن Meta AI هيبقى مش مجرد روبوت بيرد عليك، لكن هيبقى جزء من تفاعلك اليومي، ويفهمك أكتر من أي وقت فات!
مارك متوقع إن Meta AI هيكون المساعد الذكي الأكثر انتشارًا في العالم، وهيوصل لأكتر من مليار مستخدم في 2025! 😱
💬 مارك قال:
"مش كل الناس عاوزين نفس تجربة الذكاء الاصطناعي، إحنا بنراهن على إن التخصيص هو المفتاح!"
حاليًا، Meta AI موجود على واتساب، فيسبوك، إنستجرام، وماسنجر، وبالفعل ملايين بيستخدموه يوميًا، لكن 2025 هيكون سنة الانطلاقة الحقيقية للمساعد الذكي الأكثر تطورًا في العالم!
🕶️ النظارات الذكية.. هل دي هتكون بديل الموبايلات؟!
نظارات Ray-Ban Meta AI بتكسر الدنيا، وميتـا شايفة إن التكنولوجيا دي ممكن تكون المستقبل البديل للهواتف الذكية!
النظارات دي مش بس شكلها حلو، لكنها بتمزج بين الذكاء الاصطناعي، التواصل الفوري، وإمكانية تسجيل ومشاركة اللحظات من غير ما تفتح موبايلك!
ميتا شغالة على تطوير المزايا دي أكتر، وبتراهن على إن الناس هتبدأ تعتمد عليها بشكل أكبر في حياتهم اليومية.
حاليا بتستهدف ميتا انها تنزل السنة دي الجيل التالت من نضارتها الذكية RayBan Meta AI.. أخيرا بعد طول انتظار من 2023!
🌍 الميتافيرس.. أخيرًا هنشوف المستقبل اللي مارك بيتكلم عنه بقاله سنين؟!
الميتافيرس كان واحد من أكبر رهانات ميتا، و2025 هتكون سنة حاسمة للمجال ده!
عدد مستخدمي Quest 3 وHorizon في تزايد مستمر، وزوكربيرج شايف إن الاستثمار اللي بدأ من سنين أخيرًا هيبدأ يجيب نتيجة.
الميتافيرس هيكون أكتر واقعية، أكتر إبداعًا، وأكتر انغماسًا من أي وقت فات!
💬 مارك قال:
"السنة دي هتحدد إذا كان الميتافيرس هيكون مستقبل الإنترنت، ولا مجرد تجربة عابرة."
📱 السوشيال ميديا.. عودة "فيسبوك الأصلي" ومنافسة مشتعلة!
واتساب بيحطم الأرقام في السوق الأمريكي، بـ 100 مليون مستخدم نشط شهريًا! 🇺🇸
فيسبوك مش بس لسه عايش، لكنه بيرجع لأصله! مارك عاوز يرجع "فيسبوك الأصلي"، يركز أكتر على حرية التعبير، والتأثير الثقافي.
ثريدز بتقرب من المليار مستخدم! 🚀 عدد مستخدميها 320 مليون مستخدم نشط شهريًا، وبتزيد بمعدل مليون مستخدم في اليوم!
"رييلز" على إنستجرام وفيسبوك بتواصل النجاح، ومارك متوقع إنها تتفوق على تيك توك.
أما عن تيك توك، فمارك لمح إن 2025 هيكون فيها وضوح أكبر لمصير المنصة في أمريكا، وسط الأزمة السياسية اللي بتواجهها! 😏
مارك بيقول ان السنة دي هتبقى سنة تحويل فيسبوك الى نسخته القديمة اوي اللي سماها ال OG Facebook او بعني الاوريجينال فيسبوك 👀
⚡ ميتـا والحكومات.. الدنيا بقت تمام؟!
مارك شايف إن العلاقة مع الحكومة الأمريكية في عهد ترمب بقت أفضل، وإن الإدارة الجديدة بتدعم التفوق التكنولوجي للشركات الأمريكية.
💬 مارك قال:
" إدارة ترامب دلوقتي بتدافع عن مصالحنا التكنولوجية، وأنا متفائل إن ده هيحقق طفرة في الابتكار."
🔴 والله في رايي الشخصي المتواضع مارك قدر يرسم بشكل كبير ملامح السنه دي بوضوح جدا التركيز طبعا على الذكاء الاصطناعي وبيحاول يلاحق على المنافسة الشرسة على رضا ترامب وبرده المنافسة قوية جدا في سوق السوشيال ميديا عشان كله بيجري عايز يلحق حتة من التورتى اللي احتمال تطلع من بق تيك توك!
https://apps.apple.com/us/app/deepseek-ai-assistant/id6737597349
Читать полностью…
من الانتقادات الموجهة لاي نموذج ذكاء اصطناعي صيني انه بيتجنب يجاوب على أي سؤال بيمس الصين من بعيد أو قريب..
وأشهر حاجة محظور الكلام فيها دايما هي واقعة ميدان تيانانمن والاحداث اللي حصلت فيه سنة 1989.. ده حتى مجرد اسم الميدان ممنوع يتنشر وحتى رقم السنة ده كمان ممنوع 🚫
فقررت ألاعب DeepSeek واسأله وانا مفعل ميزة التفكير العميق Deep Think عشان اشوف بيفكر ف ايه 😈
المهم سألته من بعيد كدا عن اللي حصل في ميدان مشهور في الصين.. العفريت فرمل نفسه وهو بيفكر وظهرلي رسالة انه مش متأكد ازاي يقدر يجاوب السؤال ده وخلينا نسأل اسئلة سهلة ف الرياضيات والبرمجة وكدا وبلاش نوش الله يعمر بيتك عايزين ناكل عيش وكدا..
فقولت أطلع أصيع منه😎
وقولتله تعرف المشهد اللي فيه واحد واقف قدام دبابة ف ميدان مشهور في اكبر دولة في اسيا.. 🤫
والمرة دي الكروديا فكر شوية اطول سيكا
وهوب قمت قافشه بالسكرين شوت🫠
قبل ما يقطع أفكاره وينزل بالرد اللي شبه ده 🙂🤣
لما تسمع عن تطبيق جديد دخل السوق واحتل قمة قائمة التطبيقات الأكثر تحميلًا على "آبل ستور" و"جوجل بلاي" في وقت قياسي، لازم تسأل: "مين ده؟ وجاي منين؟"، والإجابة بكل وضوح: "DeepSeek". التطبيق الصيني ده قلب الموازين تمامًا، ونجح إنه يصنع حالة من الجدل مش بس في الصين، لكن كمان في الأسواق العالمية زي الولايات المتحدة وأوروبا، وده بعد ما أطلقته شركة ناشئة بنفس الاسم "DeepSeek".
التطبيق ده مش مجرد تطبيق ذكاء اصطناعي، ده حالة جديدة بتعيد تعريف المنافسة. DeepSeek استطاع إنه يتصدر قائمة التطبيقات الأكثر تحميلًا في دول زي الولايات المتحدة، أستراليا، كندا، وسنغافورة، وده في وقت قياسي جدًا من إطلاقه. الشركة المطورة نفسها اضطرت تواجه انقطاعات في موقعها الإلكتروني بسبب الضغط الشديد من المستخدمين، وده أثبت إنه مش مجرد نجاح عابر، لكنه تحول لحالة هوس عند المستخدمين.
الميزة الأساسية اللي قدمتها DeepSeek إنها مجانًا تمامًا، وده في مقابل اشتراكات ChatGPT اللي بتوصل لـ200 دولار شهريًا في باقة "ChatGPT Pro". ده خلاها تنافس بشكل مباشر تطبيقات الذكاء الاصطناعي العملاقة زي ChatGPT من OpenAI و"Llama" من Meta. ومش بس كده، الشركة قررت تقدم نموذجها الذكي R1 بطرق تدريب مبتكرة بتكلفة أقل بكتير من المنافسين.
الشركة الصينية كشفت عن إن تكلفة تدريب نموذج R1 وصلت لـ5.6 مليون دولار فقط، وده رقم يعتبر ضئيل جدًا مقارنة بمئات الملايين اللي بتصرفها شركات زي OpenAI على نماذجها. الفكرة هنا مش بس في التكاليف، لكن كمان في الطريقة. DeepSeek استخدمت تقنيات جديدة مش بتحتاج قوة معالجة حاسوبية ضخمة، وده سمح ليهم بتوفير تكلفة تدريب النموذج بشكل كبير. الشركات المنافسة زي Meta نفسها بدأت تسأل: "إزاي النموذج ده بيحقق الأداء ده بالتكلفة دي؟" وبدأت تعمل "غرف حرب" مخصصة لتحليل التكاليف وطبيعة البيانات اللي استخدمتها DeepSeek.
الميزة الأكثر جذبًا في DeepSeek هي خاصية "DeepThink"، واللي بتسمح للمستخدمين يشوفوا طريقة تفكير النموذج قبل ما يقدم الإجابة. الفكرة دي أضافت لمسة إنسانية للتطبيق، كأنك بتشوف روبوت بيفكر معاك بصوت عالي. المستخدم مش بس بياخد الإجابة، لكنه كمان بيتابع خطوات التحليل، وده بيخلق تجربة تفاعلية مميزة ومختلفة عن المنافسين. كمان التطبيق بيتميز بواجهة سهلة وبسيطة، سواء على الهواتف أو الحواسيب، وده بيخليه متاح لأي مستخدم بدون أي تعقيدات.
على الرغم من كل ده، DeepSeek لسه بيواجه بعض التحديات. مثلًا، المنصة لسه ما وصلتش لمستوى ChatGPT في تحليل الصور أو تقديم إجابات عن المحتوى البصري. صحيح تقدر ترفع صورة وتنسخ النصوص اللي فيها، لكن لو سألت التطبيق عن محتوى الصورة أو دلالتها، مش هتلاقي الإجابة اللي بتدور عليها. في المقابل، ChatGPT بيتفوق في الحاجات دي، بالإضافة إلى قدرته على التفاعل الصوتي وتصميم الصور.
لكن السؤال هنا: هل كل المستخدمين محتاجين الإمكانيات المتقدمة دي؟ الأغلبية الكبيرة من الناس بتدور على منصة تساعدهم في النصوص، الأكواد البرمجية، والبحث السريع. وده بالظبط اللي DeepSeek بتقدمه، وبتقدمه مجانًا كمان، وده السبب الأساسي في نجاحها السريع.
نجاح DeepSeek السريع ماكانش مجرد إنجاز تقني، لكنه عمل هزة حقيقية في السوق العالمي، وخصوصًا في سوق البورصة الأمريكي. بمجرد ما المنصة الصينية دي بدأت تسيطر على المشهد، أسهم التكنولوجيا في الولايات المتحدة اتأثرت بشكل كبير، والشركات العملاقة اللي معتمدة على الذكاء الاصطناعي، زي OpenAI وMeta، بدأ يظهر عليها علامات الضغط. مؤشر ناسداك 100، اللي بيركز بشكل أساسي على التكنولوجيا، شهد تراجع ملحوظ، وحتى شركات تصنيع الرقائق زي Nvidia شافت انخفاض بأكتر من 13% في أسهمها. ده كان صدمة للسوق، لأن Nvidia كانت ملكة الرقائق اللي كل شركات الذكاء الاصطناعي بتعتمد عليها.
الصين، رغم القيود اللي فرضتها الولايات المتحدة، نجحت إنها تستخدم العقبات دي كفرصة للابتكار. لما أمريكا قررت تحرم الشركات الصينية من شراء الشرائح المتطورة زي Nvidia A100 وH100، ده كان يبدو في الأول إنه ضربة قاضية. لكن الصين، بدل ما تستسلم، قررت تفكر بطريقة مختلفة. الشركات الصينية، وعلى رأسها DeepSeek، بدأت تطور تقنيات جديدة تعتمد على شرائح أقل قوة، لكنها مصممة بطريقة تستهلك طاقة أقل وتقدم كفاءة أعلى. النتيجة كانت إن الصين قدرت تدرب نموذجها R1 بتكلفة بسيطة جدًا، حوالي 5.6 مليون دولار، مقارنة بمئات الملايين اللي بتصرفها شركات زي OpenAI.
الحركة دي كانت بمثابة صفعة للولايات المتحدة، اللي كانت معتمدة على فكرة إن القيود دي هتضعف المنافسة الصينية. بالعكس، الصين حولت الموقف ده لفرصة تركز فيها على تحسين الكفاءة وتقليل التكلفة. وبسبب النجاح ده، الشركات الصينية قدرت تثبت إنها مش محتاجة الرقائق الأقوى عشان تحقق نفس النتائج.
"جيلا كامي"، مسؤولة الذكاء الصناعي في Intel، اختيرت كأول اسم في قائمة "أفضل 10 مسؤولي ذكاء صناعي" من مجلة AI في 2023. على الرغم إنها مش كاتبة الوحدة 8200 في ملفها، لكنها معروفة بتوجهاتها الصهيونية المتطرفة، وبتعمل إعجابات لمنشورات بتشيد بالجيش الإسرائيلي.
"أورا ليفيت"، اللي بتقود النمو الأساسي لخدمات LinkedIn المدفوعة، كانت برضه في الوحدة 8200. هي مش في دور متعلق بالذكاء الصناعي، بس وجودها بيوضح إن معظم منصات التكنولوجيا الكبيرة ليها تأثير من الوحدة 8200.
"مايير كلاين"، اللي خدم في الوحدة 8200 لمدة 20 سنة وكان أحد أبرز الشخصيات فيها. هو خبير في الذكاء الصناعي والبيانات الضخمة، وشغال في شركة ناشئة اسمها JFrog في كاليفورنيا. في ملفه الشخصي، بيشرح إنه بنى بنية تحتية ضخمة لمعالجة البيانات في الوحدة، واشتغل في مشاريع مشتركة مع شركات تكنولوجيا مدنية.
نظرة عامة
التحقيق ده بيبين إن الجواسيس الإسرائيليين السابقين اللي ساعدوا في بناء أنظمة الإبادة والاحتلال، دلوقتي بقوا جزء أساسي في أكبر شركات التكنولوجيا في العالم. بعد ما بنوا أنظمة بتنظم القتل الجماعي، دلوقتي بيبنوا البنية التحتية للذكاء الصناعي اللي هتشكل مستقبلنا.
وجود العدد الكبير ده من الناس في الأدوار المهمة دي لازم يخلينا نسأل أسئلة أخلاقية جدية. لأن إحنا قدام أنظمة ذكاء صناعي ممكن تعيد هيكلة العالم كله، واللي بيبنوها هم نفس الأشخاص اللي بنوا أنظمة للقتل والتدمير.
عشرات من الأعضاء السابقين في الوحدة 8200، وهي وحدة سرية خاصة بالحرب الإلكترونية في إسرائيل، واللي اتُهمت ببناء أنظمة ذكاء صناعي ساهمت في تنفيذ إبادة جماعية في غزة، بيشتغلوا دلوقتي على أنظمة ذكاء صناعي في أكبر شركات التكنولوجيا والذكاء الصناعي في العالم.
الأعضاء السابقين للوحدة 8200، اللي متخصصين في الذكاء الصناعي، وتعلم الآلة، والبيانات الضخمة، دلوقتي شغالين في فرق الذكاء الصناعي في شركات زي: "ميتا"، "جوجل"، "آبل"، "أمازون"، "مايكروسوفت"، "أوبن إيه آي"، و"Nvidia" اللي بتعتبر أكبر شركة متخصصة في الذكاء الصناعي في العالم.
الموضوع مش محدود بمكان معين، فيه أفراد من الوحدة دي شغالين في أماكن مختلفة حول العالم: سان فرانسيسكو، نيويورك، أسبانيا، سويسرا، لندن، والقدس.
كمان، لقيت إن قادة بارزين في مجال الذكاء الصناعي، سواء شغالين في شركات ناشئة أو معترَف بيهم في الإعلام كجيل جديد في المجال، هم كمان كانوا في الوحدة 8200.
والأكتر من كده، كتير من الناس دول اللي عرفتهم أعلنوا دعمهم لإبادة غزة. في المقابل، دورت على مئات البروفايلات دي وملاقيتش حد واحد منهم أعرب عن رفضه للي حصل، أو حتى أظهر تعاطفه مع الفلسطينيين اللي في غزة.
التحقيق ده اعتمد على البحث في بروفايلات LinkedIn، باستخدام حساب خلاني أشوف كل تفاصيل البروفايلات دي عشان كان فيه درجة قرابة لكتير من الشخصيات الأساسية.
الأسماء اللي ذكرتها هنا مجرد قمة جبل التلج. فيه مئات من أعضاء الوحدة 8200 السابقين شغالين في شركات التكنولوجيا العالمية، بس ركزت على اللي متخصصين في الذكاء الصناعي وتعلم الآلة لأن إسرائيل استخدمت الذكاء الصناعي لتوليد قوائم القتل اللي استهدفت عشرات الآلاف من الفلسطينيين.
مجموعات حقوقية قالت كمان إن الذكاء الصناعي وتعلم الآلة جزء رئيسي من بنية الاحتلال والفصل العنصري اللي كانت موجودة قبل إبادة غزة، زي استخدام تكنولوجيا التعرف على الوجوه، أسلحة موجهة بالذكاء الصناعي عند الحواجز، وتطبيقات تجسس زي "الذئب الأزرق" و"الذئب الأحمر". الوحدة 8200 كمان جمعت معلومات مالية وجنسية وغيرها عن الفلسطينيين، وده اللي خلا شوية أعضاء سابقين يتكلموا عنها باعتبارها ممارسات غير أخلاقية من أكتر من عشر سنين.
جوجل
نبدأ بجوجل، في "ماونتن فيو" كاليفورنيا، "إيلاي سولودوكو"، جاسوس إسرائيلي سابق، شغال في قيادة تطوير الذكاء الصناعي التوليدي ضمن فريق Google Labs. مش بس كان في الوحدة 8200، ده كمان اشتغل في شركة "Palantir" بتاعت بيتر ثيل، وقبلها كان بيشتغل مع بنيامين نتنياهو مباشرة. في ملفه الشخصي، سولودوكو بيقول إن شغله في "Palantir" كان بيركز على "مساعدة الحكومات الغربية وشركات Fortune 500 في إنجاز أهم أعمالهم".
كمان رئيس أبحاث جوجل على مستوى العالم، اللي متخصص في تعلم الآلة والخوارزميات والذكاء الصناعي، هو "يوسي ماتيس"، طيار سابق في القوات الجوية الإسرائيلية. ابنه "مايكل ماتيس"، اللي قضى 5 سنين في الوحدة 8200، أسس فرق لتطوير تعلم الآلة والتعلم العميق، وهو دلوقتي المدير التنفيذي لشركة ناشئة في الأمن السيبراني والذكاء الصناعي اسمها "Clarity" ومقرها كاليفورنيا.
"عومر ليفي"، باحث في Google DeepMind في كاليفورنيا، قضى 4 سنين في الوحدة 8200 في بدايات الألفينات، واشتغل قبل كده في مايكروسوفت وميتا. "إيدان شينفيلد"، اللي اشتغل حوالي 4 سنين ونص في الوحدة، شغال دلوقتي في DeepMind ببوستن، وكان قبلها متخصص في تعلم الآلة في جنرال موتورز وسامسونج.
في سياتل، "ليئور بيلينكي"، مهندس أبحاث في DeepMind، كان في الوحدة 8200 لمدة 6 سنين لحد 2013. وفي القدس، "يؤيل زيلدس"، مهندس أبحاث في نفس المجال، قضى أكتر من 6 سنين في الوحدة.
أما "درور أيالون"، مدير منتجات مجموعة في نيويورك، فبيقول إنه شغلته في جوجل هي تحويل أبحاث الذكاء الصناعي لمنتجات عملية، وكان خدم في الوحدة 8200 لمدة 3 سنين. كمان، "أساف نمر"، اللي بيقود أمان الذكاء الصناعي في Google Cloud، اشتغل في الوحدة في التسعينات.
في سويسرا، "كارين فيلينكو"، مهندسة برمجيات في DeepMind، كانت في الوحدة 8200 من 2012 لحد 2014. وفي إسرائيل، "ديفيد كادوش"، قائد منتج الذكاء الصناعي في جوجل، اللي بيقول إنه "بيحل المشاكل لمصلحة الإنسانية"، خدم في الوحدة 8200 في التسعينات.
واحد من المهندسين البارزين في جوجل هو "بن ليمونشيك"، مهندس برامج كبير بيشتغل على تطوير منافس "ChatGPT" لجوجل، المسمى "Gemini". قبل جوجل، كان شغال على الذكاء الصناعي في "Palantir". صحيح إنه مش كاتب الوحدة 8200 في ملفه، لكنه بيعمل إعجابات لمنشورات بتروج لروايات إسرائيلية مثيرة للجدل.
ميتا
في رأيي، سامسونج المرة دي ركزت صح على الذكاء الاصطناعي من ناحية الإنجاز والعملية، وركزت على تقديم مزايا حقيقية مش مجرد استعراض.
كمان توقيت نزول المزايا دي عبقري، خصوصاً إن أبل متوقع تطلق تحديث iOS 18.4 في أبريل. التحديث ده هيضيف مزايا عبقرية لسيري، زي تنفيذ أوامر مختلفة بأمر صوتي واحد داخل كل تطبيقات أبل تقريباً، وكمان هيدعم تطبيقات الطرف الثالث بشكل كبير.
التطور ده من سامسونج وجوجل مع Gemini يخلينا متأكدين إن المنافسة هتشتعل جداً في مجال الذكاء الاصطناعي على الموبايلات.
كمان خطوة سامسونج في تحميس الناس بفكرة إن لسه في موبايل رابع ما نزلش، كانت ذكية. سامسونج نزلت S25، S25 Plus، وS25 Ultra، والنسخة الرابعة هي S25 Edge (كان متوقع يكون اسمه S25 Slim). الموبايل ده عرضه في مؤتمر بكاليفورنيا وسط حراسة مشددة، لكن تفاصيل تصميمه ظهرت. الشاشة مسطحة، الحواف رفيعة جداً، والسمك أقل من 6.3 مم. الكاميرا الخلفية عدستين فقط، لكن التوقعات إن إمكانياته هتكون رهيبة.
في رأيي الشخصي، خطوات سامسونج بتأكد إن الموبايلات الذكية مكملة معانا لفترة، وإن الاتجاه ناحية الموبايلات الرفيعة والنحيفة جداً بيقول إن الهاردوير هيبدأ يتراجع بشكل كبير قصاد السوفت وير. الأهمية الكبرى هتكون للذكاء الاصطناعي، وده هيغير شكل استخدامنا للموبايلات.
إمكانيات الموبايلات مش هتعتمد خالص على مكوناتها المادية زي زمان، قد ما هتعتمد على الذكاء الاصطناعي والتطور الكبير اللي بيحصل فيه. وده هيخلي الموبايلات تفضل تلعب دور كبير في حياتنا اليومية حتى مع ظهور أجهزة تانية كانت بتحاول تنافسها.
لو نفتكر السنة اللي فاتت، شفنا محاولات زي أجهزة R1 Rabbit وHumane AI Pin. الأجهزة دي كانت بتحاول تستغل الذكاء الاصطناعي في جهاز خفيف وصغير، فيه كاميرا، ومايكروفون، وسبيكر، والاعتماد على الشاشة كان محدود جداً، مع التركيز على التفاعل بالصوت. لكن الأجهزة دي ما قدرتش تستغل الذكاء الاصطناعي زي ما سامسونج بتعمل دلوقتي.
ولو جينا نبص على الحدث بتاع سامسونج النهاردة، هنلاقي التركيز الكبير على التفاعل بالصوت مع الموبايل. قليل جداً من الفيتشرز اللي اتقدمت كانت معتمدة على استخدام الأيدي أو الأصابع على الشاشة زي زمان.
أعتقد قريب جداً، الموبايلات حجمها هيبدأ يصغر تاني. تبقى بحجم كف الإيد أو أصغر، وشاشتها هتكون صغيرة جداً، مجرد عدسة كاميرا مثلاً 200 ميجا بيكسل على الأقل، تصور بجودة 8K، ومعاها شريحة بروسيسور واحد نانومتر، ووحدة معالجة عصبية تشغل نموذج ذكاء اصطناعي كاسر المليار باراميتر!
صباحو
دي شوية صور كده لاحظتها ولقطتها من الفيديو بتاع حفل تنصيب ترامب امبارح عشان يكون الرئيس السابع والأربعين للولايات المتحدة الأمريكية.
بصراحة، كان ملفت جدًا حضور عدد كبير من مدراء الشركات التقنية للحفل، وتمييز بعضهم، وتوزيع أماكن قعدتهم كان ملفت جدًا للنظر. ودي الحاجات اللي خدت بالي منها:
مبدئيًا كده، إيلون ماسك كان واخد معاملة مميزة جدًا، قاعد في الصف الثاني في النص ورا عيلة ترامب. ده غير إنهم في الترتيب كانوا حاطين قدامه حد قصير عشان يبقى ظاهر بشكل كويس للكاميرات في التصوير. وجنبه على اليمين كان موجود "ساندار بيتشاي" مدير جوجل، وكان واضح قوي الود والتقارب اللي بينهم هما الاتنين، وده على غير المعتاد.
جنبهم على طول كان موجود مؤسس أمازون "جيف بيزوس"، واللي كان برضه متفاعل معاهم بشكل ما. وجنبه كان موجود "مارك زوكربيرج"، مدير ومؤسس ميتا.
البُعد الواضح بين كرسي ماسك وكرسي مارك بيعكس الخصومة بينهم هما الاتنين. كمان ماسك كان قاعد على طول ورا أولاد ترامب وأزواجهم، وما شاء الله كلهم طوال، وبالتالي مارك ومراته ما كانوش ظاهرين قوي في التصوير.
في الصف الثالث، على الطرف، كان موجود مدير أبل "تيم كوك"، وجنبه "سيرجي برين"، أحد مؤسسي جوجل. والاتنين بشكل أو بآخر عندهم خصومة مع الناس اللي في الصف اللي قدام. مثلًا، مدير أبل جات له فترة كان شادد مع ماسك، وطبعًا طول الوقت وعلى طول شادد مع مارك، اللي قال مؤخرًا إن أبل ما افتكرتش أي حاجة خلال آخر 20 سنة من بعد ما ستيف جوبز طلع الآيفون في 2008!
برضه سيرجي برين عنده مشكلة كبيرة مع إيلون ماسك، لأن كان في إشاعات بتقول إن في 2021 ماسك خان برين مع مراته، وده كان سبب في طلاق برين ومراته في 2023.
وطبعًا مش محتاج أقولك إن سيرجي برين كان من العناصر النشطة جدًا جوه جوجل في فترة 2016-2017 لما كان ماسك بيحاول يتحالف مع سام ألتمان عشان يعملوا شركة "أوبن إيه آي" ويشكلوا قوة تواجه جوجل اللي كان نجمها لامع جدًا في سوق الذكاء الاصطناعي وقتها.
ضيف لي كده إن "سام ألتمان" نفسه كان حاضر الحفلة، لكنه ما كانش ضمن الناس اللي قاعدة ورا ترامب مباشرة. وبصراحة، ده أنا حللته بشكل ما بسبب الميول الجنسية لألتمان، لأن ترامب خلال كلمته قال إن سياسات أمريكا مش هتعترف بأي حاجة تانية غير بنوعين: ذكر وأنثى!
من الناس اللي المفروض كانوا موجودين ولكن غابوا عن الكاميرات: مدير مايكروسوفت "ساتيا ناديلا"، وكمان مدير أوبر "دارا".
في اتنين كمان كانوا موجودين، بس استغربت إن واحد فيهم ما أخدش أي اهتمام خالص. الأول: مدير تيك توك، واللي كسب أمر تنفيذي من ترامب بمهلة 75 يوم لتسوية أوضاع تيك توك في أمريكا عشان يثبت نفسه ويمنع الحظر. الثاني: "ماسايوشي صن"، وده مدير ومؤسس شركة الاستثمارات العملاقة "سوفت بنك"، واللي كان موجود بين الحضور زي أي حد عادي، رغم إنه الشهر اللي فات كان واقف جنب ترامب وقال إن شركته هتضخ 100 مليار دولار استثمارات في سوق العمل والتصنيع جوه الولايات المتحدة في عهد ترامب!
مساءو
وصلتني النوتفكينش دي انهاردة
لما قريتها حسيت ان فيه حاجة مش مظبوطة
أصل ده ابلكيشن My We يعني مش بتاع بنك ولا محفظة..
بس آخر كلمتين ف النوتفكيشن نوروا ف دماغي وكررتهم: "نصب واحتيال"..!
بعد جولة من المكالمات والسيرش،
عرفت -ومن مصادر- انه فيه واحدة من أتقل شركات الأوت سورسينج بتاعت خدمة العملاء اتسربت من خلالها بيانات عدد كبير من عملاء أحد البنوك..
الداتا دي بعض اسماء العملاء ارقام تليفوناتهم ارقام حساباتهم اخر كام عملية اتعملت على الحسابات بقيمتها..
والداتا دي للاسف طالتها ايدين بعض النصابين
وبدأوا يعملوا هجمات تصيد Phishing عن طريق مكالمات تليفونية بيدخلوا بيها على العملاء انهم من البنك وان فيه خطورة على بيانات العميل ومحتاجين نحدث بيانات لتأكيد الهوية..
لحد هنا دي نصباية عادية جدا دايرة من قديم الأزل
بس أول ما الضحية بيشكك ف حقيقة هوية النصاب
النصاب بيلبس عباية الثقة وبكل عنجهية بيقولو على قيمة اخر كام عملية اتعملوا على الحساب بقيمتهم ورقم الحساب.. هنا الضحية بيقع ف الرسمة بظبط "بصوت هاني رمزي..😅" وبيتجمد مكانه!
خلاص كدا الضحية اشترت، وهتسلم أي داتا تنطلب منها للنصاب!
الحل؟
أي حد يكلمك من خط ارضي او موبايل يدعي انه من البنك بتاعك، نفضله.. اقفل معاه، وارجع كلم البنك.. اتأكد
اي حد حتى لو من رقم البنك كلمك وقالك هات اي بيانات سرية زي الرقم التأميني CVV للكارت أو باسورد الATM بتاعك أو أي بيانات شخصية ليك.. قولو 🔴 روح على الفرع أضمن..
💸 ربنا يحفظنا جميعا 🙏🏻
٣ حاجات هيقلبوا انستجرام اليومين الجايين 🔥
🔴 الرييلز هتبقى 3 دقايق
🔴 الصور والفيديوهات في البوستات هتبقى مستطيل مش مربع
🔴أي فيديو أو رييلز تعملها لايك أو تكومنت عليها هتظهر لصحابك واللي عاملينلك فولو 🙈😅
مساءو
ويجي بقى واحد يقولي: لا كلو الا التفاااااحيييه🍎😏
أبل وقفت ميزة Notification Summary بعد كوارث عملها الـAI مع النوتفكيشنز اللي جاية من ابلكيشنز الاخبار بخصوص أخبار عاجلة.. اختصار عناوين الاخبار الحقيقية اتسبب اما في عناوين مختصرة غلط اساسا وبتروج معلومات مغلوطة، أو اتسببت في نشر معلومات قديمة مش جايبة تطورات الاحداث اللي بتعرضها العناوين الصحفية الحقيقية اللي كتبها الصحفيين..
الAI بيعك.. ولسا☝🏻
🤔 يعني ايه نوتفكيشن سومري دي؟!
دي ميزة نزلتها ابل مع تحديث iOS 18.2
بتخلي الذكاء الاصطناعي يلخص النوتفكيشنز ويعرضلك ملخصها ده على الشاشة وانت قفل الشاشة lock screen.
🔴 السكرين شوتات من تصميم Sky News البريطانية
امبارح نزلت ميزة Tasks في قلب ChatGPT ..
ودي حولته من روبوت دردشة الى مساعد شخصي!
الميزة دي بتخليك تقدر:
1. تعمل لحد 10 تاسكات، شات جي بي تي يفكرك بيهم بانه يبعتلك نوتفكيشن
2. تحدد الساعة اللي عايزه يبعتلك فيها النوتفكيشن
3. تختار دورية تكرار النوتفكيشن، يعني يفكرك كل يوم ولا كل اسبوع ولا كل شهر
4. تعمل التاسكات دي بطريقتين، اما عن طريق انك تكتب أمر عادي وتشرح فيه اللي انت عايزه أو تروح على موقع الويب بتاع شات جي بي تي وتفتح الTasks Editor ومن هناك تضيف تاسك جديدة
5. تشغل أو توقف أي تاسك زي ما تحب
🤔 تشغلها ازاي؟ 🤔
1. افتح شات جي بي تي (لازم تكون مشترك في باقة Plus أو Pro او Teams)
2. هتيجي على ليستة المودلز من فوق واختار GPT-4o with Tasks
3. انجوي😄
مساءو
باحث أمني بعت لميتا
يبلغ عن ثغرة في سيرفرات الاعلانات بتاعت فيسبوك..
بس واضح ان الثغرة كان خطيرة
لدرجة ان ميتا ردت عليه وطلبت يبعتلها
طريقة سد الثغرة..
وخلص في الطريقة وبعتها في ساعة واحدة بس
ودفعتله مكافأة 100 ألف دولار!!
مساءو