1519094
ይህ የቲክቫህ (ተስፋ) ኢትዮጵያ ቤተሰብ አባላት መሰባሰቢያ እንዲሁም የመረጃ እና የመልዕክት መለዋወጫ መድረክ ነው። @tikvahuniversity @tikvahethAfaanOromoo @tikvahethmagazine @tikvahethsport @tikvahethiopiatigrigna #ኢትዮጵያ
#Infinix_HOT50_Pro+
አዲሱ የኢንፊኒክስ HOT 50 Pro+ ስልክ 7 ነጥብ 8 ሚሊሜትር ያህል ቀጭን ዲዛይን ይዞ የመጣ ሲሆን ይህም ስልኩን ለአያያዝ ምቹ ከማድረጉም በላይ እጅዎት ላይ እጅግ ያምራል፡፡
@Infinix_Et|infinixet">@Infinixet
#Infinix #InfinixHOT50Pro+ #WOOOWNewHOT #InfinixHOT50Series
#ሲሚንቶ
" ከዛሬ ጀምሮ በሚኒስትር መ/ቤቱ በኩል ይደረግ የነበረዉ የሲሚንቶ ግብይት ትስስር ሥራ ቀርቷል " - ዶ/ር ካሳሁን ጎፌ
የንግድና ቀጣናዊ ትስስር ሚኒስትር ዶ/ር ካሳሁን ጎፌ ከሲሚንቶ አምራቾች ጋር መወያየታቸው ተሰምቷል።
በዚህም ወቅት " ከዚህ ቀደም በሚኒስትር መስሪያ ቤቱ በኩል ይደረግ የነበረዉ የሲሚንቶ ግብይት ትስስር ሥራ ከዛሬ ጀምሮ ቀርቷል " ብለዋል።
አምራቾች በራሳቸዉ ኃላፊነት በሚመርጧቸዉ አከፋፋዮችና ቸርቻሪዎች በኩል ለተጠቃሚዎች በተመጣጣኝ ዋጋ እንዲያቀርቡ አሳስበዋል፡፡
የሲሚንቶ ገበያዉን ለማረጋጋት ጥብቅ ቁጥጥርና ክትትል ይደረጋል ያሉ ሲሆን የአፈጻጸም ሪፖርት ለሚኒስቴር መስሪያ ቤቱ በማያቀርቡ በማናቸዉም የሲሚንቶ አምራች ላይ " የማያዳግም እርምጃ ይወስዳል " ሲሉ አስጠንቅቀዋል።
ሚኒስትሩ " አዲሱን ዉሳኔና አቅጣጫ ተከትሎ በግብይት ሰንሰለቱ የደላላ ጣልቃ ገብነት የከሰመ፣ ለመንግስት ፕሮጀክቶችና ለተጠቃሚዉ ህብረተሰብ አስተማማኝ የሲሚንቶ አቅርቦት የተረጋገጠ፣ አምራቾችም ተገቢዉን ትርፍ እያገኙ የከምፓኒዎቻቸዉን ዘላቂ ዕድገት የሚያስቀጥሉበት እንዲሆን " ብለዋል።
የግብይት ሥርዓቱ ሙሉ በሙሉ ከካሽ ክፍያ ነጻ ሆኖ በዲጂታል ክፍያ ሥርዓት እንዲፈጸም አቅጣጫ አስቀምጠዋል።
በውይይት መድረኩ ወቅት አምራቾች የምርት አቅማቸውን እንዲያሳድጉ ተብሏል።
ሲሚንቶ አምራቾች አዲሱን ውሳኔ በማክበር እንደሚተገብሩ ተናግረው ነገር ግን የማምረቻ ግብዓት ፣ የኃይል አቅርቦትና ተያያዥ ችግሮች እንዲፈቱላቸዉ ጠይቀዋል፡፡
@tikvahethiopia
#ኢትዮጵያ
የገንዘብ ሚኒስቴር ለኢትዮጵያ ብሔራዊ ባንክ እና ለጉምሩክ ኮሚሽን በፃፈው ደብዳቤ ፍራንኮ ቫሉታ ከዛሬ ጀምሮ መከልከሉን አሳውቋል።
የብር የመግዛት አቅም በገበያው እንዲወሰን ከተደረገ በኋላ ለተወሰነ ጊዜ የነዳጅ ተሽከርካሪዎችን እና የፀጥታ ተቋማት መሳሪያዎችን ሳይጨምር ሌሎች ምርቶችን በፍራንኮ ቫሉታ ወደ ሀገር ማስገባት ተፈቅዶ እንደነበር ይታወሳል፡፡
ይሁንና ከሳምንት በፊት ጠቅላይ ሚኒስትር ዐቢይ አህመድ (ዶ/ር) በፓርላማ ተገኝተው ማብራሪያ ሲሰጡ የተፈቀደው ፍራንኮ ቫሉታ ሀብት ከሀገር እንዲሸሽ ምክንያት እየሆነ በመሆኑ ሊታገድ እንደሚችል ፍንጭ ሰጥተው እንደነበር ይታወሳል፡፡
የገንዘብ ሚኒስቴር ዛሬ በፃፈው ደብዳቤም ከዚህ ቀደም በፍራንኮ ቫሉታ ሸቀጦችን ከውጪ ያዘዙ ካሉ ከዛሬ ጀምሮ በ2 ሳምንት ጊዜ ውስጥ ግዢ የተፈፀመባቸው ህጋዊ ሰነዶችን ለጉምሩክ ኮሚሽን በማቅረብ ተቀባይነት አቅርበው የንግድ ሸቀጦቹ ወደ ሀገር እንዲገቡ ይደረጋል ብሏል።
የፍራንኮ ቫሉታ ፍቃድ ከጥቅምት 28/2017 ዓ/ም ጀምሮ ተግባራዊ የማይደረግ መሆኑ ተመላክቷል።
የመረጃው ባለቤት ሸገር ኤፍ ኤም 102.1 ሬድዮ ነው።
@tikvahethiopia
#ጋምቤላ
አዲስ አመራር ከመጣ በኃላ በጋምቤላ መሻሻል ታይቷል ?
በጋምቤላ ክልል ካለፈው ነሐሴ 2016 ዓ/ም ወዲህ የአመራር ለውጥ ከተደረገ ወዲህ በክልሉ የነበረው የሠላም ሁኔታ እየተሻሻለ መምጣቱን አዲሱ አስተዳደር፣ ተፎካካሪ የፖለቲካ ፓርቲ አመራሮች እንዲሁም ነዋሪዎች ተናግረዋል።
ባለፈው ዓመት በጋምቤላ ክልል በተለያዩ አካባቢዎችና ጊዜዎች ግጭቶች እየተከሰቱ በሰው ህይዎት ላይ ጉዳት ሲደርስ ቆይቷል።
ከሰብዓዊ ጉዳቱ ባሻገር በክልሉ ነዋሪዎች መካክል የነበሩ ማህበራዊ እንቅስቃሴዎች በአንዳንድ ቦታዎች እስከመገደብ ደርሰውም ነበር።
የክልሉ ልማትና ሰላምም በእጅጉ ተጎደቶ ነበር።
በተለይ ቀደም ባሉት ጊዜዎች የአኙዋክ ተውላጆች ወደ ኑዌር ሰፈር አይሄዱም፣ ኑዌሮችም በተመሳሳይ ወደ አኙዋክ ሰፈር ይሻገሩ አልነበረም።
አሁን ላይ ግን ሁኔታዎች እየተሻሻሉ መምጣታቸውን የጋምቤላ ነዋሪዎች ተናግረዋል።
የጋምቤላ ክልል ምክትል ርዕሰ መስተዳድር ዶ/ር ጋትሏክ ሮን ምን አሉ ?
- ችግሮችን ለማስተካክልና በክልሉ ሠላም ለማስፈንና ህዝቡን ወደልማት ለማምጣት በክልሉ ከነሐሴ 2016 ዓ/ም መጀመሪያ ሳምንት ላይ የአመራር ለውጥ በመደረጉ በሁሉም የክልሉ አካባቢዎች ሠላም ሰፍኗል።
- በክልሉ በነበረው የሠላም እጦት ምክንያት የጋምቤላ ከተማ የአኙዋክና የኑዌር በሚል ተከፍሎ አኙዋኮች ወደ ኑዌር ሰፈር፣ ኑዌሮችም ወደ አኙዋክ መንደር ለመሻገር ችግሮች ነበሩ። አሁን ያ ሁሉ ቀርቶ አዲሱ አመራር ወደ ሥራ ከገባና ህዝባዊ ውይይቶች ከተደረጉ በኋላ ሁሉም በሠላም በሁሉም ሥፍራ ይንቀሳቀሳል።
🔵 ማሉት ዴቪድ የተባሉ የጋምቤላ ከተማ ነዋሪ የምክትል ርዕሰ መስተዳድሩን ሀሳብ ይጋሩታል፣ አሁን አንዱ ወደ ሌላው ያለስጋት እንደሚንቀሳቀስ ነው ያረጋገጡት። ከተማውም ሠላም እንደሆን አመልክተዋል።
- አዳዲስ ሹመቶችና ምደባዎች ተሰጥተዋል። ይህም የትምህርት ዝግጅትንና የሥራ ልምድን መሠረት ያደረገ ነው።
- ለውጥ ያመጣሉ ተብሎ የታመነባቸው ቀደም ሲል ስልጣን ላይ የነበሩና ህዝባዊ አመለካከት ያላቸው በርከት ያሉ አመራሮችም በአዲሱ ሹመትና ምደባ እንደገና ተካተዋል።
- " ሠላም ወርዶ ህዝቡ በልማት መካስ አለበት " በሚል እሳቤ እውቀት፣ ልምድና የተሻል አመለካክትና እይታ ያላችው ሠዎች ወደ አመራሩ ተካተዋል።
- በኮታ መታሰር ቀርቷል። ቀደም ሲል በነበረው አሰራር ወንጀል ያልሰሩ ሰዎች በኮታ ጭምር ይታሰሩ ነበር። አሁን ግን በወንጀል የተጠረጠሩትን ብቻ ተጠያቂ የሚያደርግ አሰራር ተዘርግቷል።
- በፊት አንድ ኑዌር ቢያጠፋና ቢታሰር ሌላ አኙዋክ አብሮ እንዲታሰር ይደረግ ነበር፣ ሌላ አኙዋክ አጥፍቶ ቢታሰር የኑዌር ተወላጅ ተደርቦ እንዲታሰር ይደረግ ነበር ፤ አሁን ግን ጠፋተኛው ከየትኛውም ወገን ይሁን ጠፋተኛ ከሆን ተጠርጣሪው ብቻ ተለይቶ ተጠያቂ ይሆናል። የኮታ እስር ቀርቷል።
" ከአዲሱ አመራር ጋር ለመስራት ዝግጁ ነኝ " - ጋብዴን
የጋምቤላ ብሔራዊ ዴሞክራሲያዊ ንቅናቄ(ጋብዴን) ሊቀመንበር አቶ ኡባንግ ኡሞድ ቀደም ሲል የነበረው አመራር ህዝቡን መምራት እንዳልቻለና ለውጥ እንዲመጣ ሲታግሉ እንደንበር ገልጠዋል።
ችግሩ የአመራሩ ሆኖ ሳለ ህዝቡን በከፍተኛ የሠላም እጦት ውስጥ ከትቶት ነበር ነው ያሉት።
በክልሉ የነበረውን ችግር እስከ የተፎካካሪ ፓርቲ የጋራ ምክር ቤት በማድረስ የነበረው የሠላም እጦት እንዲታወቅ መደረጉንና ለውጥ እንዲደረግ በግልም በጋራም ትግል ሲደረግ እንደነበር አስረድተዋል።
አዲሶቹ አመራሮች በሕዝቡ ተቀባይነት ማግኘታቸውንና ፓርቲያቸውም በአዲሱ አመራር ደስተኛ መሆኑን አቶ ኡባንግ ተናግረዋል።
ከአዲሱ አመራር ጋርም በጋራ ለመስራት ዝግጁ እንደሆኑም ነው የገለጡት።
የጋምቤላ ክልል ምክር ቤት ነሐሴ 9/2016 ዓ ም ባደረገው አስቸኳይ ስብሰባ ወ/ሮ ዓለሚቱ ኡመድን የመጀመሪያዋ የክልል ሴት ርዕሰ መስተዳድር፣ ዶ/ር ጋትሏክ ሮንን ደግሞ ምክትል ርዕሰ መስተዳድር አድርጎ መሾሙ ይታወሳል።
ይህ መረጃ ባለቤትነቱ የዶቼ ቨለ ሬድዮ ጣቢያ ነው።
@tikvahethiopia
ሕብር ሼባ ማይል ካርድ
በሕብር ሼባ ማይል ካርድ ግብይትዎን በመፈፀም ለጉዞ የሚያስፈልግዎትን ተጨማሪ ማይል ጉርሻ ያግኙ፡፡
ሕብረት ባንክ
በሕብረት እንደግ!
📞 ለበለጠ መረጃ ወደ 995 ነፃ የጥሪ ማዕከል ይደውሉ፡፡
🤳 በቀላሉ አዳዲስ መረጃዎች እንዲደርስዎ የቴሌግራም ገፃችንን አሁኑኑ ይቀላቀሉ፡፡ /channel/HibretBanket
🌐 ሌሎች የማህበራዊ ገፆቻችንን እና ድህረ ገፃችንን linktr.ee/Hibret.Bank ይጎብኙ፡፡
#shebamiles #Rewardyourself #Hibretbank
" የአላቂ እቃዎች እጥረት በጣም ትልቅ ፈተና ሆኖብናል " - የልብ ሕሙማን ህፃናት መርጃ ማዕከል
የአላቂ እቃዎች እጥረት የህፃናት ታካሚዎችን ወረፋ እየጨመረው መሆኑን፣ አሁንም ድረስ በአቬሬጅ አራት ዓመት ለሚሆን ጊዜ ወረፋ እየጠበቁ ያሉ ወደ 8,000 የሚጠጉ ህፃናት እንዳሉ የኢትዮጵያ የልብ ሕሙማን ህፃናት መርጃ ማዕከል ለቲክህ ኢትዮጵያ ገልጿል።
የማዕከሉ የሕዝብ ግንኙነት ክፍል ባልደረባ ዶ/ር ዳዊት እሸቱ በሰጡን ቃል፣ " የአላቂ እቃዎች እጥረት በጣም ትልቅ ፈተና ሆኖብናል" ብለዋል።
በማዕከሉ አጣዳፊ ትኩረት የሚሻው ፈታኝ ጉዳይ ምንድን ነው ? ሲል ቲክቫህ ኢትዮጵያ ጥያቄ አቅርቧል።
ዶ/ር ዳዊት ፥ " እያጋጠመን ያለው አንዱና ትልቁ ፈተና የአላቂ እቃዎች ነው። የምንሰጣቸው አገልግሎቶች በቀጥታ ወይም በተዘዋዋሪ አገልግሎት ላይ ለሚውሉ እቃዎች በተለያዩ ምክንያቶች እጥረት አለ " ብለዋል።
" የአላቂ እቃዎች እንደልብ አለመገኘት የታካሚ የወረፋ ጊዜን እየጨመረው ይገኛል። አሁንም ወደ 8,000 የሚጠጉ ህፃናት ወረፋ በመጠባበቅ ላይ ይገኛሉ " ሲሉ ገልጸዋል።
" አቬሬጅ የወረፋ ጊዜ አራት ዓመት እየደረሰ ነው ። በዋናነኝነት ከምንጠቀማቸው እቃዎች በተጨማሪ በዬቀኑ አክቲቪቲው ላይ የሚውሉ ለኦፕሬሽንና ለሌሎች አገልግሎቶች የሚውሉ መድኃኒቶች/የአላቂ እቃዎች እጥረት በጣም ትልቅ ፈተና ሆኖብናል " ብለዋል።
በአቬሬጅ ለአራት ዓመት ወረፋ እየጠበቁ ያሉ ህፃናት ቢያንስ በምን ያክል ጊዜ ነበር ህክምና ማግኘት የነበረባቸው ? ስንል ላቀረብነው ጥያቄ " በዓመት እስከ 500 ታካሚዎችን እናስተናግዳለን። በሙሉ አቅማችን ግን ብንሰራ እስከ 1500 ህፃናትን መድረስ እንችላለን " ሲሉ መልሰዋል።
" ችግሩ ግን በዓመት 1,300 ያህል አዳዲስ ታካሚዎች ይኖራሉ። እንደ ኢትዮጵያ ባሉ አገራት ከ20 ሺሕ በላይ ህፃናት በተፈጥሮ ከሚመጣ የልብ ችግር ጋር ይወለዳሉ ይባላል በዓመት። ስለዚህ ይሄ ችግር ውጪ አገር ቶሎ ነው መፍትሄ የሚሰጠው አገልግሎቱ አቬሌብል ስለሆነ። ወዲያው ቢሆን ይመረጣል " ነው ያሉት።
እጥረት እየተስተዋለባቸው ያሉ የእቃ አይነቶች ምንድን ናቸው ? ስንል ላቀረብነው ጥያቄ ዶ/ር ዳዊት እሸቱ ፦
" ለልብ ህክምና የሚያስፈልጉ መድኃኒቶች አሉ። እንደ የደም ማቅጠኛ አይነት መድኃኒቶች ናቸው። ሁለት አይነት አገልግሎቶችን ነው የምንሰጠው በኛ ማዕከል።
አንደኛው ደረት ተከፍቶ የሚሰራው ቀዶ ህክምና ሲሆን፣ ሁለተኛው ደግሞ በደም ስር ውስጥ ተኪዶ የልብ ጥገናው የሚካሄድበት አገልግሎቶች ናቸው። እያንዳንዳቸውም የሚጠቀሟቸው ማተሪያሎች አሉ።
በቀዶ ህክምናው ኦክስጂኔተር የሚባል አለ። የልብና የሳንባውን ሥራ ተክቶ የሚሰራው ማሽን ላይ የሚገጠም ነው። እሱ ማተሪያል ለአንድ ጊዜ ነው አገልግሎት ላይ የሚውለው። ለአንድ ታካሚ ለአንዴ ነው የሚሆነው።
ካትላብ ላይ ደግሞ በደም ስር ውስጥ ዋየሮች የተለያዬ የዋጋ ሬንጅ አላቸው። እነርሱን እኛ ጋ አጥበን እስከ 4፣ 5 ጊዜ ደጋግመን እንጠቀማቸዋለን።
ስለዚህ በዋነኝነት እነዚህ ማተሪያሎች፣ ከዚያ ደግሞ የተለያዩ ኬሚካሎች ሁሉ አላቂ ከምንላቸው እቃዎች ውስጥ ይካተታሉ " ሲሉ መልሰዋል።
የልብ ሕሙማን ህፃናት መርጃ ማዕከል ላለፉት 35 ዓመታት አገልግሎቱን በመስጠት ላይ ይገኛል።
በመጀመሪያዎቹ 20 ዓመታት ህክምና ሲሰጥ የነበረው ወደ ውጪ በመላክ ነበር። በዚህም ወደ 2,600 ገደማ ህፃናት ውጪ ሂደው እንደታከሙ፣ ላለፉት 15 ዓመታት ደግሞ አሁን ባለው ማዕከል አገልግሎት እየሰጠ ነው።
በአጠቃይ እስካሁን 9,000 ህፃናት የልብ ቀዶ ጥገና እንደተደረገላቸው ለቲክቫህ ኢትዮጵያ አስረድቷል።
#TikvahEthiopiaFamilyAA
@tikvahethiopia
🔈#ለጥንቃቄ
ከአዲስ አበባ ከተማ ቦሌ ቡልቡላ አካባቢ ፦
" በቅርብ ጊዚያት ውስጥ በቦሌ ቡልብላ የጨለማ ዝርፊያ በብዛት እየሰማን ነው።
ከሳምንት በፊት ሊናጋጋ ሲል 11:30 አከባቢ የቅርብ ወዳጄ የአምልኮ ተግባሩን አከናውኖ ሲመለስ ነበር ቪትዝ መኪና በርቀት በማቆም ከጀርባ መጥተው በማነቅ እና እራሱን ስቶ እንዲወድቅ በማድረግ በኪሱ የነበረውን እስከ 60 ሺህ የሚገመት ሞባይል ወሰዱበት።
ተመሳሳይ ወንጀል በተለያየ ሰዓት በአከባቢው ሲከሰት በ15 ቀን ውስጥ ለ4ተኛ ጊዜ እንደሆነ ከተለያዩ ነዋሪዎች ጋር በነበረን ውይይት መገንዘብ ችየለሁ።
በተለይ በምሽት ወቅት ከፍተኛ ጥንቃቄ እንዲደረግ አስጠንቅቁልን። "
ከዚህ ቀደም መሰል ድርጊቶች በአዲስ አበባ ከተማ ሲፈጸሙ እንደነበር ይታወሳል።
አሁን አሁንማ መኪና በመጠቀም የሚፈጸም ዝርፊያ እየተለመደ ነው።
ከወራት በፊት መካኒሳ አካባቢ አንድ ግለሰብ ለስራ ሲወጣ እዛው ሰፈሩ ላይ በቪትዝ መኪና የመጡ ሰዎች አንገቱን ይዘው መሬት ላይ ከጣሉት በኃላ ዘርፊያ ፈጽመው እንደሄዱ መግለጻችን ይታወሳል።
እንዲሁም ቦሌ ሩዋንዳ አካባቢ በነጭ የቤት መኪና ታርጋ ባለው ዲኤክስ መኪና የመጡ በቁጥር 5 የሚሆኑ ስለት ያያዙ ጎረምሶች ምሽር ላይ አንድ ሰው አስቁመው ንብረት ዘርፈው መሰወራቸውንም ነግረናችሁ ነበር።
መኪና በመያዝ የሚፈጸም ዝርፊያ ስላለ የጸጥታ አካላት ልዩ ክትትል ቢያደርጉ መልካም ነው።
ውድ ቤተሰቦቻችን ሆይ እናተም በመንገዳችሁ ላይ ጥንቃቄ አድርጉ። ሁሌም ቢሆን ዙሪያ ገባችሁን ቃኙ። መኪና ይዞ የሚንቀሳቀስ ሁሉ ሃብታም ነው ማለት አይደለም። ስትንቀሳቀሱ በአትኩሮት ይሁን።
በተቻለ አቅምም የምትጠራጠሩትን ማንኛውም እንቅስቃሴ መኪና ታርጋ በቃል ለመያዝም መሞከሩ አይከፋም።
#TikvahEthiopiaFamilyAA
@tikvahethiopia
#Infinix_HOT50_Pro+
አጅግ ዘመናዊ ሆኖ በተሰራው አዲሱ የኢንፊኒክስ HOT 50 Pro+ ህይወቶን ያዘምኑ ይዞ በመጣቸው አዳዲስ ቴክኖሊጂዎች ትምህርቶን፣ ስራዎን እና የዕለት ተዕለት እንቅስቃሴዎትን ያቅሉ፡፡
@Infinix_Et|infinixet">@Infinixet
#Infinix #InfinixHOT50Pro+ #WOOOWNewHOT #InfinixHOT50Series
#ዴሞክራሲ #አሜሪካ
" ሕዝቡ የሚመርጠውን እንቀበላለን " - ተሰናባቹ ፕሬዜዳንት ጆ ባይደን
ተሰናባቹ የአሜሪካ ፕሬዝደንት ጆ ባይደን የ2024 የአሜሪካ ፕሬዜዳንታዊ ምርጫን ዶናልድ ትራምፕ ካሸነፉ በኃላ ለመጀመሪያ ጊዜ ንግግር አድርገዋል።
በዚህም ፥ ለተተኪያቸው ዶናልድ ትራምፕ ስልክ ደውለው " የእንኳ ደስ ያለዎት !" መልዕክት ማስተላለፋቸውን ተናግረዋል።
ባይደን ከዲሞክራቷ ዕጩ ካማላ ሀሪስ ጋር እንደተናጋገሩ አስታውቀው " መልካም አጋር እና የሕዝብ አገልጋይ ናት " ብለዋል።
የካማላ የምርጫ ዘመቻን " አነቃቂ " ሲሉ ያሞገሱት ባይደን ምክትል ፕሬዝደንቷ በሥራቸው እንዲኮሩ መክረዋል።
" አንዲት ሀገር ምርጫዋ አንድ ነው። ሕዝቡ የሚመርጠውን እንቀበላለን " ሲሉም ተናግረዋል።
ባይደን " ስናሸንፍ ብቻ አይደለም ሀገራችንን የምንወደው፤ ስንስማማ ብቻ አይደለም ጎረቤታችንን የምንወደው " የሚል መልዕክት አስተላልፈዋል።
ሰላማዊ የሥልጣን ሽግግር እንደሚኖርም አስታውቀዋል።
የምርጫ አስተባባሪዎችም " ምስጋና ይገባቸዋል " ብለዋል።
ተመራጩ ፕሬዝደንት ዶናልድ ትራምፕ ጥር 12/2017 በኦፊሴላዊ መንገድ መንበረ-ሥልጣኑን ይረከባሉ።
የ2024 ፕሬዝደንታዊ ምርጫ " ታሪካዊ ነው " ያሉት ባይደን በሚቀጥሉት 74 ቀናት ያልተቋጩ ሥራዎችን ጨርሰው ሥልጣናቸውን እንደሚያስረክቡ አሳውቀዋል።
" መሸነፍ ያለ ነው። ነገር ግን ተስፋ መቁረጥ ይቅር የማንለው ነው " ብለዋል።
በሌላ በኩል ፥ የዲሞክራቲክ ፓርቲ ዕጩ የሆነው ለፕሬዝዳንትነት ከዶናልድ ትራምፕ ጋር የተፎካከሩት ምክትል ፕሬዝዳንት ካማላ ሃሪስ ሽንፈታቸውን ተቀብለው ለተመራጩ ፕሬዝዳንት መልካም ምኞታቸውን ገልጸዋል።
ሃሪስ፥ ለትራምፕ ስልክ ደውለው " እንኳን ደስ አለዎ " ማለታቸው ተዘግቧል።
ሃሪስ ለትራምፕ ስልክ ደውለው የ2024 ፕሬዝዳንታዊ ምርጫን በማሸነፋቸው ውጤቱን መቀበላቸውን የሚያመለክት መልካም ምኞታቸውን ገልጸውላቸዋል።
ይህ መረጃ ባለቤትነቱ የቢቢሲ ነው።
@tikvahethiopia
#DStvEthiopia
🔥ዛሬ ምሽት ማን ዩናይትድ ወደ ሜዳ ይመለሳል !
ዩናይተድ የግሪስ ቡድን ፓኦክን በኦልትራፎርድ ስታዲዮም የጋጠማል! በቀጥታ ከምሽቱ 5፡00 ሰዓት በSS Football በ ቻናል 225 በጎጆ ፓኬጅ ይከታተሉ
ዩናይትድ ወደ ቀጣዩ ዙር ማለፍ ይችላል?
👉 ዛሬውኑ ፓኬጅዎን ያሳድጉ ጨዋታዎችን ከትንታኔ ፣ ከተጫዋች ብቃት እስከ ቡድን ወኔ በሜዳ ፕላስ ፓኬጅ ይከታተሉ!
ደንብና ሁኔታዎች ተፈፀሚነት አላቸው! ለበለጠ መረጃ
👇
www.dstv.com/en-et
ዲኤስቲቪ ያስገቡ ፣ ደንበኝነትዎን ያራዝሙ!
👇
https://bit.ly/3RFtEvh
#ሁሉምያለውእኛጋርነው #DStvSelfServiceET
#ጥናት
በትግራይ ክልል ጊዜያዊ አስተዳደር ሥር የሚንቀሳቀሰው የጄኖሳይድ አጣሪ ኮሚሽን ይፋ ያደረገው አዲስ ጥናት በክልሉ የሚገኙ የሥራ አጦች ቁጥር እጅግ አሻቅቧል።
የአጣሪ ኮሚሽኑ ሰነድ ምን ይላል ?
➡ የነፍስ ወከፍ ገቢ ከጥቅል ክልላዊ ምርት አኳያ (GDP Per Capita) ከጦርነቱ በፊት ነበረ ከተባለበት 845 ዶላር ወደ 10.2 ዶላር አሽቆልቁሏል።
➡ የድህነት ምጣኔ ከ29.6 በመቶ ወደ 91.09 በመቶ አሻቅቧል።
➡ የምግብ ደኅንነት ዋስትናን ማስጠበቅ ምጣኔ ከ74.20 በመቶ ወደ 18.73 በመቶ ወርዷል።
➡ አጠቃላይ በየዓመቱ በአማካይ የሚሰበሰብ ሰብል በፊት ከነበረው 20,633,070 ኩንታል ወደ 5.2 ሚሊዮን ኩንታል ዝቅ ብሏል።
➡ የአትክልት ዋጋ ግሽበት ከ8.5 በመቶ ወደ 179.8 በመቶ ከፍ ብሏል።
➡ ዋና የማክሮ ኢኮኖሚ አመላካቾች ሆነው ከቀረቡት መካከል አንዱ የሆነው የሥራ አጦች ምጣኔ ነው። ይህም ከጦርነቱ ጅማሮ በፊት ከነበረበት 17 በመቶ በአሁኑ ወቅት ከፍ ብሎ 74.1 በመቶ ላይ ደርሷል።
ኮሚሽኑ ያቀረበው የጥናት ውጤት የክልሉ ወጣቶች ማኅበር በተናጠል ባደረገው ጥናት ግኝት ላይም ተመላክቷል።
የማኅበሩ የጥናት ውጤት ምን ይላል ?
🔴 የሥራ አጥ ምጣኔው ባለፈው ዓመት ከነበረበት 81 በመቶ በዘንድሮው ዓመት ዝቅ ብሏል።
🔴ባለፈው ዓመት በክልሉ ከነበሩ 10 ወጣቶች ስምንቱ ሥራ አጥ ነበሩ።
🔴 በባለፈው ዓመት ጥናት በክልሉ ከነበሩ አጠቃላይ ወጣቶች 40 በመቶ ያህሉ ቀዬአቸውን ለቀው ሥራ ፍለጋ የመሰደድ ፍላጎት እንዳላቸው ተጠንቷል። ከእነዚህ ውስጥ ደግሞ 54 በመቶ ያህሉ ከ29 እስከ 35 የዕድሜ ክልል ውስጥ የሚገኙ ምርታማ የሚባሉ ወጣቶች ናቸው።
🔴 በያዝነው ዓመት የሥራ አጥ ወጣቶች መጠን በስምንት በመቶ ቢቀንስም ወደ 12 በመቶ የሚጠጉ የክልሉ ወጣቶች የአካል ጉዳትና ጤና እክልን ጨምሮ በሌሎችም ዘርፈ ብዙ ችግሮች ምክንያት ሥራ ለመፈለግም ሆነ ለመሥራት አልቻሉም።
🔴 ከሥራ አጥ ወጣቶች መካከል 23.4 በመቶው በየዕለቱ በሥራ ፍለጋ ላይ ቢሰማሩም በፋይናንስ እጥረት፣ በመሠረተ ልማት አለመሟላት፣ አስተዳደራዊና መዋቅራዊ መሰናክሎችን በመሳሰሉ ዋና ዋና ጉዳዩች ምክንያትነት ሥራ ማግኘት አልቻሉም።
🔴 ከአጠቃላይ የጥናቱ ተሳታፊዎች 52 በመቶው ሥራ የማግኘትም ሆነ የሥራ ዕድል የመፍጠር አቅማቸው በኢኮኖሚያዊ መደላድሎች አለመሟላት እንደተደናቀፈባቸው እንደሚያምኑ ገልጸዋል። ወደ 46 በመቶ የሚጠጉት ደግሞ ወቅታዊ የፖለቲካ ሁኔታ የሥራ ፍለጋ ሁኔታቸው ላይ ችግር እየፈጠረ ስለመሆኑ ያላቸውን እምነት ገልጸዋል።
🔴 ወጣቶች ሌሎች የሥራ ሁኔታቸው ላይ አሉታዊ ተፅዕኖ እያሳደሩ እንደሆነ ከገለጿቸው ጉዳዩች መካከል፣ የማኅበራዊ አገልግሎቶች አለመሟላት፣ የተለያዩ የጤና እክሎች፣ ማንነት፣ እንዲሁም ፆታና ዕድሜን መሠረት ያደረገ አድልኦና መገለል ተጠቃሽ ናቸው።
አንድ ስማቸው እንዳይጠቀስ የጠየቁ በትግራይ ክልል ጊዜያዊ አስተዳደር በኃላፊነት ላይ የሚገኙ አካል በ2016 ዓ.ም. ብቻ በክልሉ 49 ወረዳዎች በተደረገ ጥናት 27,000 ወጣቶች ሥራ ፍለጋ ወደ ውጭ አገሮች ለመሰደድ ቀዬአቸውን ለቀው መውጣታቸውን ቤተሰቦቻቸው መግለጻቸውን ተናግረዋል፡፡
ወጣቶች በብዛት እየተሰደዱ ካሉባቸው ሥፍራዎችም የኢሮብ ብሔረሰብ ወረዳዎችና የማዕከላዊ ትግራይ ዞን አካባቢዎች ይገኙበታል።
" በ2016 ዓ.ም. በኢሮብ ወረዳ ብቻ ከተሰበሰበ መረጃ 32 ወጣቶች ወደ ውጭ አገሮች በሕገወጥ መንገድ ሲሰደዱ በረሃ ላይ በተለያዩ መንገዶች ሕይወታቸው ማለፉን ቤተሰቦቻቸው ተረድተዋል " ብለዋል።
ከክልሉ በተገኘ መረጃ በጂቡቲና በሶማሊያ በኩል ወደ የመን በሕገወጥ መንገድ ለመሰደድ ዜጎች ከ300 እስከ 500 ሺሕ ብር እየከፈሉ ናቸው።
ማንነታቸው እንዳይገለጽ የፈለጉ የመረጃ ምንጭ፣ " ወጣቱ ለስደት ወጥቶ ሕይወቱ ያለፈ ወንድሙን ለቅሶ አርባ ቀን እንኳን ሳያወጣ ነው ተነስቶ ለስደት እየወጣ ያለው " ብለዋል።
ሴቶች በደላሎቹ እጅግ ተፈላጊ መሆናቸውንና ሴቶችን ለሚያመጡ ወንዶች እስከ ነፃ ጉዞ ድረስ የሚደርስ ድርድር እንደሚያደርጉ ከስደተኞች መስማታቸውንም ተናግረዋል።
ወጣቶች በገፍ እየተሰደዱ ያለበትን ምክንያት በተመለከተ ለቀረበላቸው ጥያቄ " የመጀመሪያው የደኅንነት ጉዳይ ነው፣ ደኅንነት እየተሰማቸው አይደለም፡፡ በተለይ በድንበር አካባቢ ያለው ወጣት በአንድ በኩል የኤርትራ ኃይል በየቀኑ ሰውን እያፈሰ ሲወስድ ይመለከታል፡፡ ሕዝቡ በጣም አስቸጋሪ በሆነ ሁኔታ ውስጥ ነው ያለው። ሌላው የሚሰደደው የሥራ ዕድል ለመፍጠርም ሆነ ሥራ ለማግኘትም ያልቻለ ነው፡፡ በሌላ በኩል ጦርነት እንዳያገረሽ ሥጋት ያለበትም እንዲሁ እየተሰደደ ነው " ብለዋል።
(ይህ መረጃ ባለቤትነቱ የሪፖርተር ጋዜጣ ነው)
@tikvahethiopia
#TOMI_PHOTO_&_VELLO
TOMI ፎቶ ቬሎ እና ሜካፕ በቅርቡ ለምትሞሸሩ ሙሽሮች ለአጭር ጊዜ የሚቆይ 4 ቬሎ እና ሜካፕ የያዘ ጥቅል በ23,000 ብር ያዘጋጀን መሆኑን ስንገልፅ በታላቅ ደስታ ነው::
✨Laminate album 30 X 90 -10 page ✨Board 50X80-1 ✨Sign board ✨ Thank you card -200 ✨ Save the date 5 photo✨ Make up👰🏻. ጥፍር✨ፀጉር ✨4 ቬሎ (2 ስቱድዮ ,2 መስክ)✨ካባ ✨ 2 ሱፍ ✨ የሀበሻ ቀሚስ ጨምሮ ይህን ሁሉ በ23.000 ብር ብቻ
👉 አ.አ 22 ከአክሱም ሆቴል ወረድ ብሎ ትጋት ህንፃ 2ኛ ፎቅ ቢሮ ቁጥር F1-03 👈
☎️ 0926455964/ 0936292672
➡️tomi_photo_velo?_t=8rA1Ed7KrPp&_r=1">tiktok ➡️Facebook
#USA
ተመራጩ የአሜሪካ ፕሬዜዳንት ዶናልድ ትራምፕ ቀዳሚ ስራቸው ዶክመንት የሌላቸውን / ሰነድ አልባ ስደተኞችን በብዛት ከሀገር ማስወጣት ነው ተብሏል።
የትራምፕ ዘመቻ ቃል አቀባይ ካሮሊን ሌቪት እንደገለፁት ትራምፕ በፕሬዚዳንትነት ስልጣናቸው ከሚወስዷቸው የመጀመሪያ እርምጃዎች መካከል አንዱ ዶክመንት የሌላቸው / ሰነድ አልባ ስደተኞችን በብዛት ለማስወጣት የገቡትን ቃል መፈጸም ነው።
ሌቪት ፥ ትራምፕ በአሜሪካ ህዝብ ዘንድ አስደናቂ የተባለ ድል ማስመዝገባቸውን ገልጸው " ይህ ድል ትራምፕ በምርጫ ቅስቀሳቸው የገቡትን ቃል እንዲፈጽሙ ' ትዕዛዝ ' እንዲሰጡ ያስችላቸዋል " ብለዋል።
ይህም ሰነድ አልባ ስደተኞችን በብዛት / በገፍ ወደ መጡበት ሀገር መመለስ (ማስ ዲፖርቴሽን) እንደሆነ ጠቁመዋል።
አንዳንድ ሚዲያዎች ይህ ሰነድ አልባዎችን በብዛት ከአሜሪካ የማስወጣቱ /ማስ ዲፖርቴሽን/ ተግባር የትራምፕ የመጀመሪያው ቀን ስራ ይሆናል ብለዋል።
ትራምፕ በምርጫ ዘመቻቸው ወቅት ሰነድ የሌላቸውን ሰዎችን በሚመለከት " ከአሜሪካ ምድር ጓዛቸውን አስይዘን ወደ መጡበት እንልካቸዋለን " ሲሉ ቃል ገብተው ነበር።
አንዳንድ ሪፖርቶች እንደሚጠቁሙት ትራምፕ በስልጣን ዘመናቸው ቢያንስ ቢያንስ ከ15 እስከ 20 ሚሊዮን ሰነድ የሌላቸው ስደተኞችን ከአሜሪካ ለማስወጣት እቅድ አላቸው።
#TikvahEthiopia
#USA #massdeportation
@tikvahethiopia
#ጥንቃቄ🚨
ቴግሬቶል የተሰኘ በአፍ የሚወሰድ ፈሳሽ (Oral Suspension) መድኃኒት የጨቅላ ህፃናት እንዳይጠቀሙት የኢትዮጵያ ምግብ እና መድኃኒት ቁጥጥር ባለሥልጣን አሳስቧል፡፡
ቴግሬቶል የተሰኘ በአፍ የሚወሰድ ፈሳሽ (Oral Suspension) መድኃኒት ኖቫርቲስ ፋርማ ሽዌይዝ AG/ Novartis Pharma Schweiz AG በተባለ የገበያ ፍቃድ ባለው የመድኃኒት አምራች ፋብሪካ የሚመረት ነው።
ቴግሬቶል (ካርባማዜፔይን) 100 mg/5ml Oral Suspension (OS) የተሰኘው መድኃኒት አብዛኛውን ጊዜ አጠቃላይ ለሚጥልና ከፊል መንቀጥቀጥ/ management of generalized tonic clonic and partial seizures ለማከም የሚያገለግል ነው።
ይሁን እንጂ የተጠቀሰው መድኃኒት በውስጡ በሚይዘው ፕሮፓይሊን ግላይኮል (propylene glycol) የሚባል ንጥረ-ነገር መጠን ምክንያት ለጨቅላ ሕፃናት ማለትም ከ4 ሳምንታት በታች ለሆኑ ሕፃናት ወይም በሶስት ወራት የመወለድ ጊዜያቸው ሳይደርስ ለተወለዱ ሕፃናት ሊወስዱት እንደማይመከር ባለስልጣን መ/ቤቱ ገልጿል።
ተቋሙ ፥ በዚህ ምርት ውስጥ ከሚገኙት ተጨማሪ ንጥረ ነገሮች አንዱ የሆነው ፕሮፓይሊን ግላይኮል ለምግብ እና ትንባሆ ምርቶች እንዲሁም ለፋርማሲዩቲካል እና መዋቢያዎች በአጠቃላይ በአሜሪካ የምግብ እና የመድኃኒት አስተዳደር (FDA) ደህንነቱ የተጠበቀ እንደሆነ ይታወቃል ብሏል።
ይሁንና በዚህ ምርት ውስጥ ያለው መጠን በዚህ የማሳወቂያ መልዕከት ላይ ከተጠቀሱት ለጨቅላ ሕፃናት እና ጊዜያቸው ሳይደርስ ለተወለዱ ሕፃናት እስከ ሦስት ወር ድረስ ከደህንነት ገደብ በላይ መሆኑን ለማወቅ ተችሏል ነው ያለው።
ስለሆነም ይህንን መድኃኒት በጨቅላ ሕፃናት ጊዜያቸው ሳይደርስ ለተወለዱ ሕፃናት እስከ ሦስት ወር ድረስ መጠቀም ጉዳቱ ከጥቅሙ የሚያመዝን በመሆኑ ሁሉም የጤና ባለሙያዎች መድኃኒቱን ለተጠቀሱት የእድሜ ክልል ከማዘዝ እና ከማከፋፈል እንዲቆጠቡ አሳስቧል።
ህብረተሰቡም መድኃኒቱን እንዳይጠቀም መልዕክት አስተለልፏል።
@tikvahethiopia
#SafaricomEthiopia
⚡️ በዕለታዊ የዳታ ጥቅሎች ቀኑን ሙሉ በየሄድንበት ፈታ እንበል! 🥳
M-PESA ላይ ስንገዛ ሁሉም ቅናሽ አላቸው!
በልዩ ልዩ አማራጮች የቀረበልንን የሳፋሪኮም የኢንተርኔት ጥቅል የM-PESA Appን በመጠቀም አሁኑኑ እንግዛ! በአስተማማኙ ኔትወርክ ዳታ እንንበሽበሽ!
🔗የM-PESA ሳፋሪኮም መተግበሪያ በዚህ ሊንክ እናዉርድ: https://play.google.com/store/apps/details?id=et.safaricom.mpesa.lifestyle
የቴሌግራም ቦታችንን /channel/official_safaricomet_bot በመጠቀም የአየር ሰዓት ወይንም ልዩ ልዩ ጥቅሎችን እንግዛ!
ስለ አገልግሎታችን ማንኛውንም ጥያቄ ወይም መረጃ በቴሌግራም ቻናላችን /channel/Safaricom_Ethiopia_PLC 24/7 ማግኘት ይቻላል!
#ጥቆማ #የኢትዮጵያአየርመንገድ
የኢትዮጵያ አየር መንገድ ግሩፕ በTRAINEE CABIN CREW ፣ በSENIOR ACCOUNTANT I እንዲሁም በሌሎች ዘርፎች ማስታወቂያ አውጥቷል።
ለTRAINEE CABIN CREW በኢትዮጵያ ሀገር አቀፍ የዩኒቨርሲቲ መግቢያ ፈተና ቢያንስ (ዝቅተኛው) 200 ነጥብ ያስመዘገበ ለማመልከት ብቁ ነው።
የዕድሜ ገደቡ ከ19 እስከ 30 ዓመት ነው።
ቁመት ቢያንስ 1.58 ሜትር እና 212 ሴ.ሜ የሆነ ክንድ ለሴት እንዲሁም ለወንድ ቢያንስ 1.70 ሜትር ቁመት መሆን አለበት።
የምዝገባ ጊዜው ከህዳር 08/2017 ዓ/ም እስከ ህዳር 12/2017 ዓ/ም ነው።
ምዝገባው ፦
- በአዳማ ሳይንስና ቴክኖሎጂ ዩኒቨርሲቲ (አዳማ)
- አዲስ አበባ (በኦንላይን ልክ ማመልከቻው ሲከፈት ይፋ ይደረጋል)
- አምቦ ዩኒቨርሲቲ (አምቦ)
- አርባ ምንጭ ዩኒቨርሲቲ (አርባ ምንጭ)
- አሶሳ ዩኒቨርሲቲ (አሶሳ)
- ባህር ዳር ዩኒቨርሲቲ (ባህር ዳር)
- ወሎ ዩኒቨርሲቲ (ደሴ)
- ድሬዳዋ ዩኒቨርሲቲ (ድሬዳዋ)
- ጋምቤላ ዩኒቨርሲቲ ( ጋምቤላ)
- ጎንደር ዩኒቨርሲቲ (ጎንደር)
- ሀዋሳ ዩኒቨርሲቲ (ሀዋሳ)
- ጅግጅጋ ዩኒቨርሲቲ (ጅግጅጋ)
- ጅማ ዩኒቨርሲቲ (ጅማ)
- መቐለ ዩኒቨርሲቲ (መቐለ)
- ወለጋ ዩኒቨርሲቲ (ነቀምቴ)
- መደወላቡ ዩኒቨርሲቲ (ሮቤ)
- ሰመራ ዩኒቨርሲቲ (ሰመራ)
- ወልቂጤ ዩኒቨርሲቲ (ወልቂጤ) ይከናወናል።
ተጨማሪ መረጃዎች፣ የሚያስፈልጉ መስፈርቶች፣ ዝርዝር ጉዳዮች እንዲሁም ሌሎችም የወጡ ማስታወቂያዎች በዚህ የኢትዮጵያ አየር መንገድ ድረገጽ ላይ ሰፍሮ ይገኛል ይመልከቱ 👇
https://corporate.ethiopianairlines.com/AboutEthiopian/careers/vacancies
@tikvahethiopia
#መቐለ
መቐለ ውስጥ ባለፉት 3 ወራት ብቻ 1,088 ወንጀሎች መፈፀማቸው የመቐለ ከተማ ፓሊስ አስታውቋል።
ከተፈፀሙት ወንጀሎች መካከል ፦
➡️ 16 የግድያ
➡️ 47 የግድያ ሙከራ
➡️ 16 የሴቶች አስገድዶ መድፈር ይገኙበታል።
በሩብ አመቱ የተመዘገበው የወንጀል ተግባር አሳሳቢና ህዝብ ያሳተፈ የመከላከል ስራ ተጠናክሮ መቀጠል እንዳለበት አመላካች ነው ብሏል።
ፖሊስ የወንጀል ተግባራቱ ካለፈው ዓመት ተመሳሳይ 3 ወራት ሲነፃፃር የቀነሰ ቢሆንም አሁንም ቢሆን ህዝቡ ከወንጀልና የወንጀል ስጋት ነፃ እንዳልሆነ አመላካች ነው ሲል አሳውቋል።
@tikvahethiopia
#Update
" ጥያቄያችን ፖለቲካዊ ይዘት እንዲኖረው ተደርጓል " - ቅሬታ አቅራቢ የጤና ባለሙያዎች
በማዕከላዊ ኢትዮጵያ ክልል፣ የአንጋጫ የመጀመሪያ ደረጃ ሆስፒታል ውስጥ የሚሰሩ ከ80 በላይ የጤና ባለሞያዎች ለ6 ወራት የሰሩበት የተጠራቀመ የዲዩቲ ክፍያ ስላልተከፈላቸው ከ12/02/17 ዓ/ም ጀምሮ ስራ ማቆማቸውን መግለጻችን ይታወሳል።
የሆስፒታሉ ሰራተኞች ከተጠቀሰው ቀን ጀምሮ ለስድስት ቀናት ማለትም 12/02/17 እስከ 18/02/17 ድረስ ስራ ሳይገቡ ቆይተው ማክሰኞ በ19/02/2017 ዓ.ም ከአካባቢው ሽማግሌዎች ጋር የወረዳው ባለሥልጣናት በተገኙበት በተደረገ ውይይት ሽማግሌዎች ከወረዳው ሃላፊዎች ጋር ለማደራደር በመስማማታቸው ወደ ስራ ገበታቸው ተመልሰዋል።
ይሁን እንጂ ከስብሰባው ማብቃት በኋላ " አድማውን አስተባብራቹሃል " በሚል 14 የሚሆኑ ባለሞያዎች ለእስር ተዳርገዋል።
በተለያየ ቀናት ለእስር የተዳረጉት እነዚህ ባለሞያዎች ከ 2 እስከ 6 ቀናት ለሚሆን ጊዜ ታስረው በዋስ ከእስር ተፈተው ወደ ስራ ገበታቸው ተመልሰዋል።
ቲክቫህ ኢትዮጵያ ለእስር ከተዳረጉት ባለሞያዎች መካከል የተወሰኑትን አነጋግሯል።
ባለሙያዎቹ " ጥያቄያችን ፓለቲካዊ ይዘት እንዲኖረው ተደርጓል " ብለውናል።
" የጠየቅነው የሰራንበትን ክፍያ ሆኖ ሳለ ፍርድ ቤት ስንቀርብ ' ህዝብ በመንግስት ላይ እንዲነሳ አድርጋቹሃል፣ ሰዎችን ወደ ሥራ እንዳይጋቡ አስፈራርታቹሃል ' የሚል ክስ ተነቦልናል " ነው ያሉት።
በተጨማሪም ባለሞያዎች ወደ ሆስፒታል ሲመለሱ ከአሁን በኋላ ተመሳሳይ የሆነ የስራ ማቆም አድማ ውስጥ ቢገቡ አስፈላጊውን አስተዳደራዊ እርምጃ እንደሚወሰድባቸው የሚገልጽ ደብዳቤ ላይ እንዲፈርሙ ተደርጓል ብከዋክ።
ሰራተኞቹ ከተመለሱ በኋላ BPR የተሰኘ በየስምንት ሰዓቱ በሺፍት የሚቀያየሩበት አሰራር እንዲዘረጋ መደረጉን ተናግረዋል።
በአዲሱ አሰራር መሰረት ጠዋት 12 ሰዓት ወደ ስራ የገባ ሰራተኛ 8 ሰዓት ከስራ የሚወጣ ሲሆን 8 ሰዓት የገባው ምሽት 4 ሰዓት ከስራ ይወጣል።
ይሁን እንጂ ይህ አሰራር " ሆስፒታሉ ለሰራተኞች ሰርቪስ የሌለው በመሆኑ እና በምሽት ሺፍት ከስራ ስንወጣ እና ስንገባ ለጅብ እየተጋለጥን ነው " በሚል ቅሬታ አቅርበዋል።
" ይህ አይነቱ አሰራር የተዘረጋው የወረዳው አስተዳደር ለመቀጣጫ እንዲሆን በሚል ነው " ያሉት ቅሬታ አቅራቢዎቹ " የትርፍ ሰዓት ሥራ ለማስቀረት የተደረገ ነው " ብለዋል።
ቲክቫህ ጉዳዩ በዋናነት የሚመለከታቸውን የአንጋጫ ወረዳ ዋና አስተዳዳሪ እና የሆስፒታሉ ምክትል ቦርድ ሰብሳቢ የሆኑትን አቶ ማርቆስ ማሞን ቅሬታውን ከተቀበለበት ቀን ጀምሮ ለማናገር ተደጋጋሚ የሆነ የስልክ ሙከራ ቢያደርግም ስልካቸውን ለማንሳት ፈቃደኛ አልሆኑም።
የሆስፒታሉ አስተዳዳሪ አቶ ተሰማ አበራ አዲሱ አሰራር ለአደጋ አጋልጦናል የሚለውን የሆስፒታሉን ባለሞያዎች ቅሬታ አይቀበሉም።
" የትርፍ ሰዓት ስራ ሲሰሩ ያልነበረ ጅብ ዛሬ ከየት መጣ " የሚል ምላሽ ሰጥተዋል።
ይህ አይነቱ አሰራር ያልነበረና አዲስ ተደርጎ መወሰድ የለበትም ብለዋል።
አክለውም " ይህን ጭቅጭቅ የሚያመጣው ወረዳው የመክፈል አቅም የሌለው በመሆኑ ነው በቀጣይም መጋጨት የለብንም " በማለት አሰራሩ በገንዘብ እጥረት ምክንያት የተዘረጋ መሆኑን ጠቁመዋል።
ባለሞያዎቹ የሰሩበት ገንዘባቸው ሳይከፈላቸው ወደ ስራ እንዲመለሱ ተደርጓል መቼ ክፍያቸው ይፈጸማል ስንል በድጋሚ ላነሳንላቸው ጥያቄም "አሁንም እየተነጋገርን ነው ከወረዳ መንግሥት ጋር የገንዘብ ክፍተት ስላጋጠመ እንጂ መከፈል እንዳለበት ተግባብተናል" የሚል ምላሽ ሰጥተዋል።
#TikvahEthiopia
@tikvahethiopia
የኢትዮ130 6ኛ ዙር ዕድለኞች እንኳን ደስ አላችሁ! 🎉🎉
💡 ሽልማቱ እንደቀጠለ ነው፤ ጥቅልና የአየርሰዓት በመግዛት፣ የአገልግሎት ክፍያዎችን በቴሌብር በመፈጸም እንዲሁም ገንዘብ በመላክና በመቀበል ተጨማሪ የጨዋታ ዕድሎችን ያግኙ!
🚘 6 ዘመናዊ የኤሌክትሪክ መኪኖች
🛺 7 ባለ 3 እግር ተሽከርካሪዎች
💰 በየቀኑ የ20 ሺህ ፤ በየሳምንቱ የ50 ሺህ እና 100 ሺህ ብር ገንዘብ ሽልማቶች በቴሌብር
📱 ዘመናዊ ስማርት ስልኮች እንዲሁም
🎁 በርካታ የሞባይል ጥቅሎች!
✅ በቴሌብር ሱፐርአፕ ኢትዮ130 መተግበሪያ ወይም ለኢትዮ ፕሮሞ *130# ለኢትዮ ላኪ ስሎት *131# በመደወል ይመዝገቡ!
ለተጨማሪ መረጃ፡ https://bit.ly/3Y0pGzs ይጎብኙ!
#130_ዓመታትን_በጽናት_ታላቅ_አገርና_ሕዝብ_በማገልገል_ላይ
#Ethiotelecom #telebirr #DigitalAfrica #DigitalEthiopia #RealizingDigitalEthiopia
#መልዕክት❤️
የኢትዮጵያ የልብ ሕሙማን ህፃናት መርጃ ማዕከል የሕዝብ ግንኙነት ክፍል ባልደረባ ዶ/ር ዳዊት እሸቱ ከልብ ህመም ጋር በተያያዘ ለወላጆች መልዕክት አስተላልፈዋል።
" በተለይም አራስ ህፃናት ሲጠቡ የሚያልባቸው ፣ የሚደክማቸው ፣ በአጣዳፊ የሚተነፍሱ ፣ ኪሎ አልጨምር የሚሉ ፣ ጉንፋን በቶሎ ቶሎ የሚይዛቸው ፣ እድገታቸው የሚዘገይ ከሆነ በአፋጣኝ ወደ ህክምና መሄድ ይገባል በዚህም ከበሽታው መታደግ ይቻላል " ብለዋል።
@tikvahethiopia
“ በልብ ክፍተት የምትሰቃይ ልጄን አድኑልኝ። ለህክምና 685 ሺሕ ብር ተጠይቄአለሁ ” - አባት
ሁለት ዓመት ያልሞላት ጨቅላ ልጃቸው በልብ ክፍተት ህመም በጠና የታመመችባቸው አቶ ሺበሺ ፀጋዬ የተባሉ ኢትዮጵያዊ በውስጥም በውጪም ያሉ ኢትዮጵያውያን እርዳታ እንዲያደርጉላቸው በቲክቫህ ኢትዮጵያ በኩል ተማጽነዋል።
አቶ ሺበሺ በገለጹት መሠረት፣ ልጃቸው በጥቁር አንበሳ ሆስፒታል፣ በልብ ህሙማን መርጃ ማዕከል ክትትል ስታደርግ ቆይታ በመጨረሻ ወደ ውጪ አገር ሂዳ መታከም እንዳለባት ተነግሯቸው ነበር።
በኋላ ላይ ደግሞ በአገር ውስጥ የሚገኘው ታዝማ የውስጥ ደዌና ቀዶ ሕክምና ልዩ ማዕከል ህክምናውን ሊያደርግላት እንደሚችል እንደገለጸላቸው አስረድተዋል።
ማዕከሉ ህክምናውን ለመስጠት 685 ሺሕ ብር እንደጠየቃቸው ገልጸው ይህን ብር ማግኘት ከአቅማቸው በላይ በመሆኑ እርዳታ እንዲደረግላቸው ተማጽነዋል።
አባት፣ " በልብ ክፍተት የምትሰቃይ ሌጄን አድኑልኝ። ለህክምና 685 ሺሕ ብር ተጠይቄአለሁ " ነው ያሉት።
ቲክቫህ ኢትዮጵያ የተመለከተው ደብዳቤም፤ ልጃቸው የአብስራ ሺበሺ ህክምናውን ለማድረግ 685 ሺሕ ብር እንደሚያስፈልጋት የሚገልጽ ነው።
መርዳት ለምትሹ 1000213009568 የአቶ ሺበሺ ፀጋዬ ፈዬ የንግድ ባንክ ሒሳብ ቁጥር ነው። ደውሎ ለመጠየቅ ደግሞ 0928232593 ስልክ ቁጥራቸው ነው።
#TikvahEthiopiaFamilyAA
@tikvahethiopia
በEBS ሔለን ሾው የተዘጋጀው ኢምፓወር አዲስ ዝግጅት ህዳር 7 እና 8 ቀን 2017 በሚሊኒየም አዳራሽ ይካሄዳል፡፡
በዝግጅቱ በፋይናንስ፣ በቢዝነስ፣ በስራ ፈጠራ፣ በንግድ ክህሎት፣ በጤና ጉዳዮች፣ በፋሽን፣ በውበት አጠባበቅና ሌሎች ርዕሰ ጉዳዮች ላይ ውይይቶችና ዝግጅቶች ይኖራሉ:: እንዲሁም እስከ 600,000 ብር የሚያስሽልም አዲስ የሥራ ሐሳብ ውድድርም ይኖራል፡፡
የጤና ምርመራ አገልግሎትና የምግብ ዝግጅት ከሼፎች ጋር የሚደረግ ሲሆን ደራሲያንን የማግኘትና የማስፈረም፣ ሠዓሊያንን ሌሎች ባለሙያዎችን የማግኘትና ጥያቄ የመጠየቅ እድል ይኖራል፡፡ በተጨማሪም የመገበያያ መድረክ፣ የሙዚቃና የመዝናኛ ዝግጅቶች ይኖራሉ።
የኢምፓወር አዲስ ዝግጅት ትኬት ክፍያ የሚፈፀመው በቴሌብር ነው፡፡ ዋጋ በቅድሚያ ከገዙ 300 ብር ብቻ! በዕለቱ ከገዙ 500 ብር::
እንዳያመልጣችሁ!!!
አዘጋጆቹ !
#ሞዛምቢክ
• 49 ዓመታት ስልጣን ላይ የቆየ ገዢ ፓርቲ ዕጩ ምርጫ ማሸነፉ ተቃውሞና አመጽ ቀስቅሷል።
በአፍሪካዊቷ ሀገር ሞዛምቢክ ባለፈው ወር ላይ ፕሬዜዳንታዊ ምርጫ ተደርጎ ነበር።
ለረጅም አመታት ስልጣን ላይ የቆየው ገዢ ፓርቲ ዕጩ ዳንኤል ቻፖ " ምርጫውን አሸነፉ " መባሉ ከፍተኛ ተቃውሞ እና አመጽ ቀስቅሶ ሰዎች ተገድለዋል።
የአደባባይ ተቃውሞዎችም እየተደረጉ ነው።
አወዛጋቢ ነው በተባለው ምርጫ አሸንፏል የተባለውን " ፍሬሊሞ " የተሰኘውን ገዢ ፓርቲ ለመቃወም ዛሬ ማፑቶ ላይ ሰልፍ የወጡ ብዙሃኑ ወጣቶችን የፀጥታ ኃይሎች የአስለቃሽ ጭስ እየተኮሱ ሲያሳድዱ ውለዋል።
ምርጫውን " አሸንፏል " የተባለው ፓርቲ 49 ዓመታት ስልጣን ላይ የቆየ ሲሆን የምርጫ ውጤቱ የ49 ዓመታት ስልጣኑን ለማራዘም ያስችለዋል ተብሏል።
ይሄ ገዢ ፓርቲ እ.ኤ.አ ከ1975 ጀምሮ በስልጣን ላይ ይገኛል።
የፍሬሊሞ ፓርቲ ዕጩ ምርጫ ማሸነፉ ይፋ ከተደረገ በኃላ በተቀሰቀሰ ተቃውሞ 18 ሰዎች በፖሊስ መገደላቸውን የሰብዓዊ መብት ተቋማት ገልጸዋል።
ምርጫው ከፍተኛ ፉክክር የተደረገበት ነበር የተባለ ሲሆን ብዙሃኑ ወጣቶች ዋነኛውን ተቀናቃኝ የ ' ፖዴሞስ ' መሪ ቬንሢዮ ሞንዳኔ ደግፈው ድምጽ መስጥታቸው ተነግሯል።
እሳቸውም ምርጫው የተጭበረበረ እንደሆነ ገልጸው ተቃውሞዎችን አበረታተዋል።
ምርጫው መጭበርበሩን ብቻ ሳይሆን እሳቸው እንዳሸነፉ የገለጹት ሞንዳኔ ፥ የግድያ ሙከራ ጭምር ተደርጎባቸው እንዳመለጡ ገልጸዋል።
ጠበቃቸው መገደላቸውንም ጠቁመዋል።
አሁን ላይም ሀገር ውስጥ እንደማይገኙ ተነግሯል።
ዛሬ በዋና ከተማይቱ ለተቃውሞ አደባባይ የወጡ የተቆጡ ሰልፈኞች " ስልጣን ለህዝብ " ፣ " ውድቀት ለፍሬሊሞ " እና " ፍሬሊሞ መውደቅ አለበት " ሲሉ ድምጻቸውን አሰምተዋል።
ፖሊሶች አስለቃሽ ጭስ ተጠቅመው ሰልፉን በትነዋል።
አንድ እድሜያቸው 55 የሆነ የ6 ልጆች እናት " አሁን ካልተነሳን ምንም ለውጥ አይመጣም " ሲሉ ተናግረዋል።
" የፍሬሊሞ ጀርባ የሚታይበት ጊዜው አሁን ነው " ብለዋል።
ህዝባዊ ተቃውሞው ከተባባሰ በኋላ የሀገሪቱ ተሰናባች ፕሬዝዳንት ፊሊፔ ኑዩሲ ትንፍሽ አላሉም።
የመከላከያ ሚኒስትራቸው ግን ወጥተው ወታደሩን እንደሚያሰማሩ እና ስልጣን በኃይል ለማያዝ ሙከራ እንዳይደረግ አስጠንቅቀዋል።
ቲክቫህ ኢትዮጵያ መረጃውን ተለያዩ ዓለም አቀፍ መገናኛ ብዙሃን ማሰባሰቡን ይገልጻል።
@tikvahethiopia
#Update
በኦሮሚያ ክልል፣ ምሥራቅ ወለጋ ዞን ኪረሙ ወረዳ ሀሮ ከተማ ነዋሪ የሆኑ ሁለት ሰዎች ለሕክምና ብለው በወጡበት በታጣቂዎች መታገታቸውን የታጋች ቤተሰቦች ከቀናት በፊት ለቲክቫህ ኢትዮጵያ መግለጻቸው ይታወሳል።
" አግተዋቸው 300,000 ብር እየጠየቁ ነው " ነበር ማለታቸው የሚታወስ ሲሆን፣ ታጋቾቹ እንደተለቀቁ ከቤተረቦቻቸውና ከታጋቾች አንደበት ማረጋገጥ ተችሏል።
ከታጋቾቹ መካከል አንዱ እንደሆኑ የገለጹና ስማቸው እንዲጠቀስ ያልፈለጉ ነዋሪ ፤ " ሰው ተደብድቦብን ለሞት ደረሰና ወደ ነቀምት ሆስፒታል ሪፈር አፅፈን ወደ ነቀምት ተጓዝን። እዛ እስከምንደርስ ምንም ችግር አልደረሰብንም ነበር " ብለዋል።
ሕክምናውን ጨርሰው እየተመለሱ በነበረበት ወቅት ኣጋቾች ከጫካ ወጥተው መታወቂያ ከጠየቁ በኃላ ማገታቸውን ጠቁመዋል።
" የአማራ ተወላጅ ወደዛ መሄድ ስለማይችል ከእኛ ጋር አንድ የኦሮሞ ተወላጅ አብረን ይዘን ሄደን ነበር። እርሱን 'ና ውረድ ለምን ለአማራ ተወላጅ ብለህ አብረህ የሄድህ? ' ብለው ወደጫካ ወስደው በጣም ደበደቡት፤ አሰቃዩት " ሲሉ ሁኔታውን ገልጸዋል።
" እኛ ላይ ዛቻ አደረሱብን እንጂ አልደበደቡንም። ከዚያ ገንዘቡ ሲላክ ለቀቁን " ሲሉ ሁነቱን አስረድተዋል።
ያገታችሁ ማነው በሚን ለቀረበ ጥያቄ በአካባቢው የሚንቀሳቀሰው የሸኔ ታጣቂ መሆኑን ገልጸዋል።
" ሌሊቱን በጫካ ውስጥ ሲያዞሩን ነው ያደሩት የእግር ጉዞ አለው። እኔ ደግሞ ኦፕራሲዮን ነኝ። ያገተን ታጣቂ ‘ መናኸሪያ ላይ መታወቂያ የጠየቃችሁ ፓሊስ የለም ወይ ? ’ አለኝ። አዎ ጠይቆናል አልኩት። ‘ እርሱ ነው እንደመጣችሁ የነገረኝ አለኝ ’። ሌላ የማውቀው ነገር የለም " ሲሉ መልሰዋል።
እኚሁ ታግተው የነበሩ ግለሰብ፣ " እኛ ተሰቃዬንም፤ ገንዘብ ከፈልንም ተለቀናል። ለወደፊት ግን ማንኛውም ሰው መብቱ ተጠብቆ በማንነቱ የሚደርስበት ጉዳት ይቁምልን " ሲሉ ተማጽነዋል።
ታጋቾች ከእገታ እንዲለቀቁ ከወዳጅ ዘመድ እርዳታ ጠይቀው ለአጋቾቹ ገንዘብ እንደላኩ የገለጹልን አንድ ስማቸው እንዲነሳ ያልፈለጉ የታጋች ቤተሰብ ፥ " ወንድሞቻችን ከነቀምት ከህክምና እየተመለሱ ኪረሙ ወረዳ ለመድረስ 5 ኪሎ ሜትር ሲቀራቸው ታግተው ነበር " ብለዋል።
" ምንድን ነው ችግሩ ? ብለን ስንጠይቅ የተፈለገው 300 ሺሕ ብር ላኩ ተባልን፡፡ ብሩን ላክን " ነው ያሉት።
ለአጋቾቹ በምን መልኩ ነው ገንዘቡን የላካችሁት ? ተብሎ ለቀረበላቸው የቲክቫህ ጥያቄ ፥“በአካውንት እንላክላችሁ አልናቸው 'አይቻልም በእጃችን ነው፣ በአንዲት መኪና ሰዎች ይመጣሉ ለእነርሱ ስጡ ያኔ ሰዎቹን እንለቃለን' አሉ፡፡ ከወረዳው የተላከችው መኪና መጣች 300 ሺሕ ብር ላክን፡፡ ሰዎቹ ተለቀቁ። መኪናይቱ ከወረዳ የመጣች ናት " ብለዋል።
አጋቾቹ ፥ ከታጋቾቹ ጋር አብሮ የሄደውን ግለሰብ ' ለምን አብረህ ሄድክ? በሚል'እንገለዋለን' በሚል ዛቻ አንለቅም ብለው ሲያስፈራሩ እንዳይገድሉት ተማፅኖ ሲቀርብ '100 ሺሕ ብር ጨምሩ' በማለታቸው ብሩ ተጨምሮ እርሱም ከእገታ መለቀቁን ጠቁመዋል።
በአሙሩ፣ በሆሮ ጉድሩ ወለጋና በሌሎችም " ቦታዎች ሰዎች ታግተው ብር ተጠይቆባቸው ብሩ ከተላከ በኋም በአጋቾች ተገድለዋል። እኛ ግን እግዚአብሔር ይመስገን ብሩን ከፍለን ተለቀውልናል " ብለዋል።
በሌላ በኩል ፥ እገታው ከተፈጸመበት ቦታ በቅርብ ርቀት የመንግስት የጸጥታ ኃይሎች እንደነበሩ የታጋች ቤተሰብ አስረድተዋል።
ሌላኛው የታጋች ቤተሰብ ደግሞ ፥ " ከዘመድ ወዳጅ አሰባስበን 400 ሺሕ ብር ከፍለን ታጋቾቹ ተለቀዋል፡፡ ሴቶች፣ የሶስት ቀን ሕፃናት ሁሉ ተገድለዋሌ፡፡ ግን እስከ መቼ ድረስ ነው ፍትህ የማይሰጠን? " ሲሉ ጠይቀዋል፡፡
ቲክቫህ ኢትዮጵያ የአካባቢውንና የክልሉን የጸጥታ አካላት ምላሽ ለማካተት ጥረት ቢያደርግም ባለስልጣናቱ ምላሽ ለመስጠት ፈቃደኛ አልሆኑም፡፡
#TikvahEthiopiaFamilyAA
@tikvahethiopia
#Infinix_HOT50_Pro+
አዲሱ የኢንፊኒክስ HOT50 Pro + ጥንቅቅ ብሎ የተሰራው ዲዛይኑ ከአያያዝ ምቹነት አልፎም ለዕይታ ማራኪ ከመሆኑ ባሻገር በሶስት የቀለም አማራጮች ቀርቧል፡፡
@Infinix_Et|infinixet">@Infinixet
#Infinix #InfinixHOT50Pro+ #WOOOWNewHOT #InfinixHOT50Series
ሞኤንኮ ፥ በኢትዮጵያ የቢዋይዲ (BYD) ኤሌክትሪክ እና ሃይብሪድ ተሸከርካሪዎች ይፋዊ አከፋፋይ መሆኑን ገለጸ።
በኢንችኬፕ ኩባንያ ስር የሚተዳደረው ሞኤንኮ ለቲክቫህ ኢትዮጵያ በላከው መረጃ ፥ በኤሌክትሪክ ተሽከርካሪ ቴክኖሎጂ ዓለም አቀፍ መሪ ከሆነው ቢዋይዲ (BYD) ጋር በኢትዮጵያ የቢዋይዲ የኤሌክትሪክ እና ሃይብሪድ ተሸከርካሪዎች ዋና አከፋፋይ ለመሆን የሚያስችለውን ስምምነት መፈራረሙን ገልጿክ።
በስምምነቱ ሞኤንኮ በኢትዮጵያ በዋናነት የቢዋይዲ (BYD) ተሽከርካሪዎችን የሚያከፋፍል ይሆናል።
ሞኤንኮ ከታህሳስ 2017 ጀምሮ ለአካባቢ አየር ተሰማሚ እና በቴክኖሎጂ የተራቀቁ የቢዋይዲ ተሸከርካሪዎችን ከአስተማማኝ ጥገና ፣ መለዋወጫ እና ዋስትና ጋር እንደሚያቀርብም ለቲክቫህ ኢትዮጵያ አሳውቋል።
" ይህ ስምምነት ዘላቂና አዳዲስ ቴክኖሎጅዎችን የማስተዋወቅ እና ለማቅረብ ያለንን ቁርጠኝነት ያሳያል ' ብሏል።
የኢንችኬፕ አፍሪካ ማኔጂንግ ዳይሬክተር ፍራንሲስ አግቦንላሆር ፥ " ይህ አጋርነት ለኢትዮጵያ የተሸከርካሪ ኢንዱስትሪ ወሳኝ አስተዋጽዖ ያበረክታል ፤ ይህም የአዳዲስ ፈጠራ መስፋፋት እና ታዳሽ ሀይልን በመጠቀም ዘላቂ የሆነ የትራንስፖርት አገልግሎትን ያፋጥናል " ብለዋል።
@tikvahethiopia
ነጻ ትምህርት ☑️
#LG_KOICA_Hope
LG-KOICA Hope የቴክኒክና ሙያ ኮሌጅ በ2017 ዓ.ም የትምህርት ዘመን የቲቪቲ መግቢያ መስፈርቱን ለሚያሟሉ ተማሪዎች በICT እና Electronics የትምህርት መስኮች ተማሪዎችን #በነጻ ማስተማር ይፈልጋል።
ኮሌጁ በዚህ ዙር እስከ 150 ተማሪዎችን ተቀብሎ ለማስተማር የተዘጋጀ ሲሆን የሀገር ዉስጥና የዉጭ ሀገር የሥራ ዕድል አማራጮችም አካቷል።
ከዚህ በተጨማሪ ድጋፍ ለሚያስፈልጋቸውና መስፈርቱን ለሚያማሉ የተመረጡ ተማሪዎች የምግብ፣ የትራንስፖርት እና ሌሎች ወጪዎችን የሚሸፍን ይሆናል።
የማመልከቻ ጊዜና ቦታ : ከጥቅምት 11 - ህዳር 06 2017 ዓ.ም ባሉት ተከታታይ የስራ ቀናት ከጠዋቱ 2፡00 - 11፡00 ሰዓት ሰሚት ኮንዶሚኒየም 3ኛ በር
ለተጨማሪ መረጃ - 011-6-67-75-64 011-6-66-18-29
የኬንያው ፕሬዝዳንት ዛሬ ምሽት አዲስ አበባ ገብተዋል።
ፕሬዝዳንት ዊሊያም ሩቶ ቦሌ ኤርፖርት ሲደርሱ ጠ/ሚ ዐቢይ አሕመድ (ዶ/ር) ናቸው የተቀበሏቸዋል።
ሩቶ በአዲስ አበባ ቆይታቸው የሁለትዮሽ ውይይት ያደረጋሉ ተብሎ ይጠበቃል።
የፊታችን አርብ የሀገራቸው ልጅ እና በሀገራቸው ፕሬዜዳንታዊ ምርጫ ወቅት ብርቱ ተፎካካሪያቸው የነበሩት ራይላ ኦዲንጋ ለአፍሪካ ህብረት ኮሚሽን ሊቀመንበርነት ዕጩ ሆነው ይፋ በሚደረጉበት ስነስርዓት ላይ እንደሚገኙ የኬንያ መገናኛ ብዙሃን እየዘገቡ ናቸው።
ሩቶ አዲስ አበባ ከመምጣታቸው በፊት ደቡብ ሱዳን ጁባ ነበሩ። ጁባ ሄደው የነበረው በሀገሪቱ የሰላም ሂደት ላይ ከፕሬዜዳንት ሳልቫ ኪር ማያርዲት ጋር ለመነጋገር ነው።
ሩቶ ከጁባው ቆያታቸው በኃላ በይፋ የወጣ መረጃ ሳይኖር ምሽት ላይ አዲስ አበባ ገብተዋል።
@tikvahethiopia
#መቐለ
" ተጠርጣሪው ተይዞ ለክልሉ ፖሊስ ተላለልፎ ተሰጥቷል " - ፖሊስ
የ19 ዓመትዋን ወጣት በመግደል የተጠረጠረው ግለሰብ በፓሊስ ቁጥጥር ስር ውሏል።
የመቐለ ሓወልቲ ክፍለ ከተማ ፓሊስ ለቲክቫህ ኢትዮጵያ እንደገለጸው ፥ ጥቅምት 19 /2017 ዓ.ም ሓበን የማነ የተባለች ፍቅረኛውን በተከራዩት የሆቴል ክፍል በጬቤ በመግደል የተጠረጠረው ግለሰብ ከቀናት ፍለጋ በኃላ በቁጥጥር ስር ሊውል ችሏል።
በአሰቃቂ የግድያ ወንጀል የተጠረጠረው ዳዊት ዘርኡ ተወልደ የተባለው ግለሰብ አሰቃቂ ተግባሩን ፈፅሞ በመሰወሩ ሲፈለግ ቆይቷል።
የሟች ቤተሰብ ጨምሮ በርካታ የማህበራዊ የትስስር ገፅ ተጠቃሚዎች በከባድ ግድያ ወንጀል የተጠረጠረው ግለሰብ ከትግራይ ክልል ወጥቶ በአማራ ክልል በኩል ሊያመልጥ ሲል በደሴ ከተማ መያዙን ፅፈዋል።
የመረጃው ትክክለኝነት ለቲክቫህ ኢትዮጵያ ያረጋገጡት የሓወልቲ ክፍለ ከተማ ፓሲስ አዛዥ ሞገስ ወርቁ ፥ ተጠርጣሪው በዛሬው ቀን ጥቅምት 27/2017 ዓ.ም ለክልሉ ፓሊስ ተላለልፎ መሰጠቱን ገልፀዋል።
ግለሰቡ ደሴ ውስጥ እየተንቀሳቀሰ እንደሆነ ለፖሊስ ጥቆማ በመድረሱ ነው ሊያዝ የቻለው።
ከክልል ፖሊስ በተገኘው መረጃ ደግሞ ግለሰቡ በአላማጣ አድርጎ ነው ወደ ደሴ የተጓዘው። ወደዛ የሄደውም በረዳት ሹፌርነት ነው።
አንድ ለሊትም በደሴ ከተማ ካሳለፈ በኃላ ሰውነቱ ላይ ያለውን ንቅሳት የሚሸፍን ልብስ ገዝቶ ወደ ያዘው መኝታ ክፍል ሲገባ በደረሰ ጥቆማ ሊያዝ ችሏል። ከዛም መቐለ ፖሊስ አባላቱን በመላክ ተጠርጣሪው ወደ መቐለ እንዲመጣ አድርጓል።
የትግራይ ፖሊስ ኮሚሽን የአማራ ክልል ፖሊስ ኮሚሽን እንዲሁም የደሴ ህዝብ ላደረገው ትብብር ምስጋና አቅርቧል።
በከባድ የግድያ ተግባር የተጠረጠረው ግለሰብ አስመልክቶ በማህበራዊ የትስስር ገፆች የተሰራጨው አጭር ቪድዮ እንደሚያመለክተው ፥ ተጠርጣሪው ፍቅረኛውን በጬቤ ከገደላት በኋላ ተፀፅቶ ራሱ ለመግደል ሞኩሮ ሳይሳካለት መቅረቱ በአንደበቱ ይገልፃል።
የሟች ወጣት ሓበን የማነ አባት አቶ የማነ ንጉስ ልጃቸው በጭካኔ በመግደል የተጠረጠረው ግለሰብ በአጭር ጊዜ በህግ ቁጥጥር ስር እንዲውል ለተባበሩ ሁሉ ምስጋናቸውን አቅርበዋል።
#TikvahEthiopiaFamilyMekelle
የፎቶ ባለቤት ፦ የትግራይ ፖሊስ ኮሚሽን
@tikvahethiopia
#USA
ስደተኞች በትራምፕ የስልጣን ዘመን ምን ይገጥማቸው ይሆን ?
ከዚህ ቀደም በምርጫ ዘመቻ ወቅት ዶላንድ ትራምፕ የአሜሪካ ፕሬዜዳንታዊ ምርጫ ካሸነፉ በስደተኞች ጉዳይ ጠንካራ እርምጃዎችን እንደሚወስዱ ቃል ገብተው ነበር።
ትራምፕ " በአስቸኳይ የስደተኞችን ወረራ አስቆማለሁ፣ ማንኛውም አይነት የህገወጥ ስደተኞችን በረራ እንዲቆም እንዲሁም በማንኛውም መንገድ ወደ አሜሪካ ምድር እንዳይገቡ አደርጋለሁ " ነበር ያሉት።
ከዚህ ባለፈ በስልጣን ዘመናቸው በአሜሪካ ታሪክ ትልቅ የተባለ ዲፖርቴሽን (ከሀገር የማስወጣት) ስራ እንደሚሰሩ ተናግረዋል።
" ከአሜሪካ ምድር ጓዛቸውን አስይዘን ወደ መጡበት እንልካቸዋለን " ያሏቸው ዶክመንት አልባ ህገወጥ ስደተኞችን ነው።
በስድተኞች ጉዳይ ላይ ያላቸው አቋም ከዚህ ቀደምም የሚታወቀው ትራምፕ አሁንም ፕሬዜዳንት ሲሆኑ እንደሚያጠናክሩት ነው በዘመቻ ወቅት ለደጋፊዎቻቸው ቃል የገቡት።
ትራምፕ ቢያንስ ቢያንስ ከ15 እስከ 20 ሚሊዮን ህገወጥ ስደተኞችን ከአሜሪካ ለማስወጣት እቅድ አላቸው ነው የሚባለው።
ይሄን ሁሉ የሰው ቁጥር ግን እንዴት ከአሜሪካ ዲፖርት እንደሚያደርጉ በዝርዝር የሚታወቅ ነገር የለም።
ከዚህ በተጨማሪም በዘመቻቸው ወቅት ፥ ለ4 አመት በስልጣን ሲቆዩ ህገወጥ ስደትን ከማስቆም ባለፈ በህጋዊ ስደተኞች ላይ ደግሞ ጥብቅ ቁጥጥር እንደሚያደርጉ ቃል ገብተዋል።
ትራምፕ ፥ " ስደተኞች ከደቡብ አሜሪካ ፣ #ከአፍሪካ፣ ከእስያ እየመጡ ነው ፤ ከሁሉም የዓለም ክፍል ወደ ሀገራችን የፈሰሱ ነው " ሲሉ ነበር የተናገሩት።
ስደተኞችን " #የሀገራችንን_ደም_እየበከሉ_ነው " በማለት ተናግረውም ብዙዎችን አስቆጥተው ነበር።
በስደተኞች ላይ ጠንካራ አቋም ያላቸው ዶናልድ ትራምፕ አሁን ላይ 47ኛው የአሜሪካ ፕሬዜዳንት መሆናቸው እርግጥ ሆኗል።
#TikvahEthiopia
#USA #deport
@tikvahethiopia