1519094
ይህ የቲክቫህ (ተስፋ) ኢትዮጵያ ቤተሰብ አባላት መሰባሰቢያ እንዲሁም የመረጃ እና የመልዕክት መለዋወጫ መድረክ ነው። @tikvahuniversity @tikvahethAfaanOromoo @tikvahethmagazine @tikvahethsport @tikvahethiopiatigrigna #ኢትዮጵያ
#አቢሲንያ_ባንክ
ለአሜሪካ የቪዛ ክፍያ የአቢሲንያ ሞባይል ባንኪንግ ካሉበት ሆነው ይጠቀሙ።
ሊንኩን በመጠቀም መተግበሪያውን አሁኑኑ ያውርዱ!
ለአንድሮይድ ስልኮች https://play.google.com/store/apps/details?id=com.boa.boaMobileBanking&hl=en&gl=US
ለአፕል ስልኮች https://apps.apple.com/us/app/boamobile/id6463218765
ለሁዋዌ ስልኮች https://appgallery.huawei.com/app/C110106115
#Update
" የትግራይ ጡረተኞች ክፍያው እንዲፈፀምላቸው ተወስኗል " - ዶ/ር እዮብ ተካልኝ
በትግራይ ክልል በነበረው ጦርነት ምክንያት የጡረታ ገንዘብ ያልተከፈላቸው ጡረተኞች፤ በፖለቲካ ውሳኔ መሰረት ደሞዝ እንዲከፈላቸው መወሰኑን የገንዘብ ሚኒስትር ዴኤታና የጡረታ ፈንድ የቦርድ አባል ዶክተር እዮብ ተካልኝ ማሳወቃቸውን ብሔራዊ ቴሌቪዥን ጣቢያ ዘግቧል።
ዶ/ር እዮብ ፤ የጡረታ መዋጮ ባልተሰበሰበበት ሁኔታ ጡረታ እንዲከፈል የሚፈቅድ አሰራር አለመኖሩን ጠቅሰው፤ ውሳኔው ፖለቲካዊ ስለመሆኑ ተናግረዋል።
በዚህም ከፕሪቶሪያው ስምምነት በፊት ክፍያ ተቋረጦባቸው የነበሩ ጡረተኞች፤ በሚቀጥሉት ሳምንታት ክፍያ ይፈፀምላቸዋል ብለዋል። አሰራሩ በመንግስት ተቋማት እና በግል ድርጅቶች ይሰሩ የነበሩ ጡረተኞችን እንደሚመለከት ጠቁመዋል።
ከትግራይ ጡረተኞች ክፍያ ጋር በተያያዘ ተደጋጋሚ ጥያቄ ሲነሳ እንደነበር ጠረተኞችም ሰላማዊ ሰልፍ እስከመውጣት መድረሳቸው ይታወሳል።
ከቀናት በፊት ጠ/ሚ ዶክተር ዐቢይ አህመድ ከትግራይ ክልል ከመጡ የህዝብ ተወካዮች ጋር ባደረጉት ውይይት፤ የጡረተኞች የደሞዝ ክፍያ አልተፈጸመም የሚል ቅሬታ ቀርቦ ነበር።
ጠ/ሚኒስትሩ ፤ " ከሚመለከታቸው የመንግስት የስራ ኃላፊዎች ጋር ተነጋግሬ በአጭር ጊዜ ምላሽ ይሰጣል " የሚል ምላሽ ሰጥተው እንደነበር ይታወሳል።
በተደረሰው ፖለቲካዊ ውሳኔ በጦርነቱ ምክንያት ያለተከፈለ የጡረተኞች ደሞዝ ተሰልቶ ይከፈላቸዋል ተብሏል።
@tikvahethiopia
" ስለ ትውልዱ ግድ ይለናል የምትሉ ኃላፊዎች መፍትሄ ስጡን " - ተማሪዎቹ
የባህር ዳር ዩኒቨርሲቲ ተማሪዎች ፤ " መፍትሄ የሚሰጠን አጥተን ያለ ትምህርት ቤታችን ቁጭ ብለናል ፤ ጊዜያችንም እየተቃጠለ ነው " ሲሉ አማረዋል።
የባህር ዳር ዩንቨርሲቲ የ2016 ዓ/ም የ1ኛ ዓመት እና የሬሚድያል ተማሪዎች ወደ ግቢ እንዲገቡ ጥሪ ተደርጎላቸው በኃላም መራዘሙ ይታወሳል። ነገር ግን እስካሁን ምንም አይነት ጥሪ አልተደረገላቸውም ፤ ተማሪዎቹም የትምህርት ገበታቸው ላይ መገኘት አልቻሉም።
ቲክቫህ ኢትዮጵያ የነዚህን ተማሪዎች ጉዳይ እየተከታተለ ተደጋጋጋሚ የመረጃ ልውውጥ ማድረጉ ይታወሳል።
አሁንም ተማሪዎቹ በሰጡት ቃል ፤ ሌላ ቦታ ያሉ እኩዮቻቸው ትምህርታቸውን እየተከታተሉ፣ እነሱ ያለ ትምህርት እድሜያቸው እየሄደ ፣ የራሳቸው መፍትሄ እንዳይወስዱም ጊዜው እየገፋ መሄዱን በመግለፅ ቁርጥ ያለ መፍትሄ እንዲሰጣቸው በድጋሚ ጠይቀዋል።
" የሚጠሩን ከሆነ ይጥሩን ፤ የማይጠሩን ከሆነም ይንገሩን ፤ አልያም ትምህርት ሚኒስቴር ወደ ሌሎች ተቋማት ይመድበን እየደረሰብን ያለው የስነልቦና ጫና ከባድ ነው " ብለዋል።
ስለ ትውልዱ ግድ ይለናል የሚሉ ኃላፊዎች መፍትሄ እንዲሰጣቸው ጠይቀዋል።
ቲክቫህ ኢትዮጵያ ከዚህ ቀደም በተደጋጋሚ ያነጋገራቸው አንድ የዩኒቨርሲቲው አካል ተቋሙ ተማሪዎችን ያልጠራበት ምክንያት በአካባቢው ካለው ደህንነት ጋር በተያያዘ መሆኑን መግለፃቸው ይታወቃል።
ተቋሙ ተማሪ አልጠራም ማለት እንደማይችል ፤ ከዛ ይልቅ አንፃራዊ ሰላም ሲኖር አስገብቶ በ45 ቀን 1 ሴሚስተር አስተምሮ ሊያካክሰው እንደሚችል (ልክ ከአሁን በፊት በኮሮናና ጦርነት እንደተደረገው) ተናግረው ነበር።
ከዚህ ቀደም " በአካባቢው ተማሪዎችን ለመጥራት አስቻይ ሁኔታ ከሌለ ለምን የልጆቹ ጊዜ ይቃጠላል አመቱም እያለቀ ስለሆነ ወደ ሌላ ተቋም አይመደቡም ? " የሚል ጥያቄ ለማቅረብ በተደጋጋሚ ትምህርት ሚኒስቴርን ለማነጋገር ያደረግነው ጥረት አልተሳካም።
@tikvahethiopia
#MerttEka
እነዚህ 👆 የቤት ዕቃዎች በሱቃችን በቅናሽ ዋጋ እየተሸጡ ነው። የሁሉንም ዕቃዎች ዋጋ ይሄንን👉 t.me/MerttEka ተጭነው በቴሌግራም ማየት ይችላሉ።
አድራሻችን፦ አዲስ አበባ፤ መገናኛ ዘፍመሽ ግራንድ ሞል 3ተኛ ፎቅ ሱቅ 376
#ፑቲን
አሜሪካ ዛሬ በውጭ ጉዳይ ሚኒስቴር መ/ቤቷ በኩል በሰጠችው መግለጫ ፤ የሩስያ ምርጫን " ኢ-ዲሞክራሲያዊ ነው " ስትል አጣጥላለች።
በከፍተኛ ልዩነት አሸንፈዋል የተባሉትን ፕሬዝዳንት ቭላድሚር ፑቲንንም " እንኳን ደስ አልዎት " አንላቸውም ብላለች።
ሩስያን እስከ 2030 ለመምራት በበላይነት ፕሬዜዳንታዊ ምርጫውን ያሸነፉት ቭላድሚር ፑቲ ትላንት ድላቸውን አስመልክቶ በሰጡት መግለጫ የአሜሪካን ዴሞክራሲ ወርፈዋል።
ምን አሉ ?
ቭላድሚፕ ፑቲን ፦
" ያካሄድነው ምርጫ ከአሜሪካ በላይ ተዓማኒ እና ግልጽ የሆነ ዓላማ ያለው ነው።
በአሜሪካ በፖስታ አማካይነት ድምጽ እንደሚሰጡት አይደለም። እዛ (አሜሪካ) ድምጽ በ10 ዶላር መግዛት ይቻላል።
የምርጫ ስርዓታቸው ኢ-ዴሞክራሲያዊ ነው።
ዓለም ሁሉ እዚያ እየሆነ ባለው ነገር ይስቃል (በአሜሪካ ዴሞክራሲ) " ብለዋል።
ፕሬዚዳንት ፑቲን ፕሬዜዳንታዊ ምርጫውን በከፍተኛ ብልጫ ማሸነፋቸው ተከትሎ ፦
- ቻይና
- ህንድ
- ኢራን
- ሰሜን ኮሪያ
- ቬንዙዌላ #የደስታ መልዕክት ሲያስተላልፉ እነ አሜሪካ፣ የአውሮፓ ህብረት፣ ዩክሬን፣ ዩናይትድ ኪንግደም እና ሌሎች አጋሮቻቸው ምርጫውን ኢ-ዴሞክራሲያዊ ሲሉ እያጣጣሉት ይገኛሉ።
@tikvahethiopia
#ወጋገን_ባንክ
በአምስት የተለያዩ ቋንቋዎች የቀረበውን ደህንነቱ የተጠበቀ ፈጣን እና አስተማማኝ የወጋገን ሞባይል መተግበሪያ አሁኑኑ ከአፕስቶር ወይም ፕሌይስቶር በማውረድ ስልክዎ ላይ ይጫኑ፣ በቀልጣፋ አገልግሎታችን ህይወትዎን ያቅልሉ!
ስልክዎ ባንክዎ
ለተጨማሪ መረጃ በ866 ነፃ የስልክ መስመር ወደ ደንበኞች ግንኙነት ማዕከል ይደውሉ፣ ይስተናገዱ::
Download now:
Android:https://play.google.com/store/apps/details?id=com.act.wegagen&hl
IOS:https://apps.apple.com/in/app/wegagen-mobile/id6472656143
#WegagenBank #WegagenMobile #MobileBanking
Follow us and get more information...
https://linktr.ee/WegagenBank
" ገንዘቡን ተመላሽ ባደረጉ ተማሪዎች ላይ ባንኩ ምንም አይነት ክስ አይመሰርትም " - ንግድ ባንክ
የኢትዮጵያ ንግድ ባንክ ከቀናት በፊት ባንኩ ላይ አጋጥሞ ስለነበረው ችግር መግለጫ ሰጥቷል።
መግለጫውን የሰጡት የባንኩ ፕሬዜዳንት አቶ አቤ ሳኖ ናቸው።
ምን አሉ ?
የባንኩ ፕሬዜዳንት አርብ ለሊት ባንኩ አጋጥሞት በነበረው ችግር የደንበኞች የግል አካውንት ላይ የደረሰ ምንም አይነት ጉዳት እንደሌለ ገልጸዋል።
ባንኩ የውስጥ አሰራሩን ለማዘመን (የሲስተም ማሻሻያ) ሲያደርግ በነበረው እንቅስቃሴ ምክንያት በተፈጠረ ስህተት የአርብ መጋቢት 6 ለሊቱ ክስተት መፈጠሩን እና ጉዳዩ ከሳይበር ጥቃት ጋር የሚያያዝ እንዳልሆነ ተናግረዋል።
" በተፈጠረ ስህተት ምክንያት ጤናማ ያልሆነ የገንዘብ እንቅስቃሴ ነበር " ብለዋል።
አርብ ለሊት ብቻ ከ490 ሺህ በላይ የገንዘብ ልውውጥ እንደነበር ገልጸዋል። ይህ የገንዘብ ልውውጥ ጤናማ የሆነውንም እንደሚጨምር ጠቁመዋል፡፡
" ገንዘብ በተለያየ መንገድ ጤናማ ባልሆነ መልኩ ከባንኩ በማውጣት ላይ በዋናነት የተሳተፉት የዩኒቨርሲቲ ተማሪዎች ናቸው " ሲሉ ገልጸዋል።
የድርጊቱ ተሳታፊ የዩኒቨርሲቲ ተማሪዎች በባንኩ በተደረገላቸው ጥሪ መሰረት የወሰዱትን ገንዘብ እየመለሱ እነደሆነና ገንዘቡን ተመላሽ ባደረጉ ተማሪዎች ላይ ባንኩ ምንም አይነት ክስ እንደማይመሰርት አሳውቀዋል።
አሁንም ያልመለሱ ስም ዝርዝራቸው የወጣ ተማሪዎች የወሰዱትን ገንዘብ እንዲመልሱ አሳስበዋል።
ከዚህ ባለፈ ወደ ሌሎች ባንኮች የተደረጉ እና ጤናማ የማይመስሉ የገንዘብ ዝውውሮች ታግደው እንደሚገኙ አስረድተዋል።
ፕሬዜዳንቱ ፤ በባንኩ ላይ ጉዳት መድረሱን ያልደበቁ ሲሆን ባንኩ አጠቃላይ ሀብት አንፃር ሲታይ በጣም አነስተኛ መሆኑን ተናግረዋል።
የደንበኞች የግል አካውንት ላይ የደረሰ ምንም አይነት ጉዳት ባለመኖሩ የባንኩ ደንበኞች ምንም አይነት ስጋት እንዳይገባቸው ማለታቸውን የብሔራዊ ቴሌቪዥን ዘግቧል።
@tikvahethiopia
#CBE
የኢትዮጵያ ንግድ ባንክ ሰሞኑን " በሲስተም መበላሸት " ምክንያት አጋጥሞት ከነበረው ሁኔታ ጋር በተያያዘ ያሉ ጉዳዮች ላይ ከጥቂት ደቂቃዎች በኃላ በዋና መ/ቤቱ መግለጫ እንደሚሰጥ ገልጿል።
@tikvahethiopia
#ኢትዮጵያ🇪🇹
" የትጥቅ ትግል ላይ ያለውም ጫካ የገባውም በሰላም የሚታገለውም ለእኛ ሁሉም እኩል ልጆቻችን ናቸው " - ፕሮፌሰር መስፍን አርአያ
የሀገራዊ ምክክር ኮሚሽን ኮሚሽነር ፕሮፌሰር መስፍን አርአያ ፤ በሀገሪቱ የተለያዩ ስፍራዎች ያሉ ጦርነት / ግጭቶች ሀገራዊው የምክክር ሂደት እንዲጓተት ምክንያት እንደሆነ አሳውቀዋል።
ፕሮፌሰር መስፍን ምን አሉ ?
- በተለያዩ የሀገሪቱ ቦታዎች ያሉት የሰላም እጦቶች የሀገራዊ የምክክሩ ስራ እንዲጓተት ሆኗል።
- በሄድንበት ህዝቡ " ሰላም ናፍቆናል ቶሎ ቶሎ በሉ ይላል " የሰላም እጦት ደግሞ ያንን ለማድረግ አይፈቅድም።
- " ተጓቷል " የሚባለው እውነት ነው። ሁሉም ጋር በየወረዳው ስንሄድ ያለው የሰላም ጥማት ነው።
- ህብረተሰቡ መጓጓዝ ይፈልጋል፣ ሰርቶ ማደር ይፈልጋል፣ ሰላም ይፈልጋል የሰላም እጦት ደግሞ ሁሉንም ህብረተሰቡን ነው የሚጎዳው ሴቶችን ፣ ወጣቶችን ህፃናትን።
- የሚሞቱት የኛው ልጆች ናቸው የሚገድሉትም ልጆቻችን ናቸው የነዚህ ልጆቻችን ጥያቄ በአጀንዳ መልክ ተቀርጾ ወደ ምክክር መመንዘር አለበት። ያ ነው የሚሻለው።
- አንዳንዶች " እናተ ከመጣችሁ ከተቋቋማችሁ (ሀገራዊ ምክክር ኮሚሽን) በኃላ ግጭቱ የበዛው " ይላሉ ከእኛ ጋር እነዚህ ግጭቶች / ጦርነቶች ምንም ግኙነት የላቸውም። እኛ ስርዓት ተከትለን አከታችነትና አሳታፊነትን ስለሚል አዋጁ ያንን ተከትለን ነው እየሰራን ያለነው።
- ሰላም ያልጠማው ወገን የለም። ሁሉም ማለት ይቻላል። በትጥቅ ትግል ላይ ያሉትም ቢሆን ሰላም ይጠላሉ ብዬ በጭራሽ አላስብም።
- እኛ በሶስት ዓመት ውስጥ ስራችንን ሰርተን ጨርሰን መውጣት አለብን ብለን እናስባለን ግን ከአቅማችን ውጭ የሆኑ ጉዳዮች ከተፈጠሩ እኛ ከምንፈታው አይደለም።
- የትጥቅ ትግል ላይ ያለውም ጫካ የገባውም በሰላም የሚታገለውም ለእኛ ሁሉም እኩል ልጆቻችን ናቸው። በችግሮቻቸው ዙሪያ እንድንመክር ጥሪ እያቀረብን ነው።
- ታጣቂዎችን ወደ ምክክር ለማምጣት በተዘዋዋሪ እንሞክራለን ፣ ጥሪ እናደርጋለን፤ ታጣቂዎች እዚህ አዲስ አበባ አካባቢ ይኑሩ አይኑሩ አላውቅም ግን ጥሪ እናደርጋለን። ልጆቻችን ናቸው።
- ኦሮሚያ ይሁኑ ፣ ቤኒሻንጉል ይሁኑ ፣ አማራ ይሁኑ በየቦታው ያሉት ሁሉም ልጆቻችን ናቸው (ታጥቀውም የሚንቀሳቁትን)። ልጆቻችን ወደ ትምህርት ቤት ፣ ወደ ስራ ፣ ወደ ልማት እንጂ መሳሪያ ታጥቀው አካል ጉዳት፣ ህይወት መጥፋት ውስጥ እንዲገቡብን አንፈልግም።
- ከሁሉ በላይ የጦርነት ክፋቱ አእምሮን #ይሰብራል የተሰበረ አእምሮ ደግሞ ከትውልድ ወደ ትውልድ ይሸጋገራል፤ ስለዚህ መቆም አለበት። ወደ ትጥቅ ያስገቧችሁን ምክንያቶች ወደፊት አምጧቸውና ተወያዩባቸው። ትጥቁን አስቀምጡትና ወደ ምክክሩ ኑ ! በእርግጠኝነት ወደ ምክክር የመጡ የህብረተሰብ ክፍሎች መግባባታቸው አይቀርም።
- የአንድ ወገን ወገተኞች በጭራሽ አይደለንም። የምንደክመው ሀገራችን ሰላም እንድትሆን ብቻ ነው።
ቲክቫህ ኢትዮጵያ የፕሮፌሰር መስፍን አርአያን ቃል ያዳመጠው ለሸገር ኤፍ ኤም ሬድዮ ጣቢያ ከሰጡት ቃለምልልስ ነው።
@tikvahethiopia
#MerttEka
እነዚህ 👆 የቤት ዕቃዎች በሱቃችን በቅናሽ ዋጋ እየተሸጡ ነው። የሁሉንም ዕቃዎች ዋጋ ይሄንን👉 t.me/MerttEka ተጭነው በቴሌግራም ማየት ይችላሉ።
አድራሻችን፦ አዲስ አበባ፤ መገናኛ ዘፍመሽ ግራንድ ሞል 3ተኛ ፎቅ ሱቅ 376
#ፑቲን
ቭላድሚር ፑቲን ለቀጣይ 6 ዓመታት ሩስያን መምራት የሚያስችላቸውን የምርጫ ውጤት ማስመዝገባቸው ተነገረ።
ሩስያን በፕሬዜዳንትነት እየመሩ የሚገኙት የቀድሞው የKGB ሰላይ ቭላድሚር ፑቲን በሀገራቸው የተካሄደውን የፕሬዜዳንታዊ ምርጫ በከፍተኛ ብልጫ ማሸነፋቸውን ዓለም አቀፍ መገናኛ ብዙሃን ዘግበዋል።
ባለፉት 3 ቀናት በመላ ሩስያ ህዝቡ ድምፅ ሲሰጥ ቆይቷል።
የ71 ዓመቱ ፑቲን " ጠንካራ ተቀናቃኝ አልገጠማቸውም " በተባለው በዚህ ምርጫ ከ87% በላይ ድምፅ በማግኘት ሀገሪቱን በፕሬዜዳንትነት መምራት እንዲቀጥሉ የሚያስችላቸውን ውጤት እንዳገኙ ተገልጿል።
ፑቲን ለቀጣይ 6 ዓመታት ሩስያን ይመራሉ።
በጠቅላይ ሚኒስትርነት እንዲሁም በፕሬዜዳንትነት ረጅም ዓመታትን የሀገሪቱን ዋነኛ ስልጣን በመያዝ እየመሩ የሚገኙት ቭላድሚር ፑቲን ይኸኛው የ2024ቱ ምርጫ ለ5ኛ የስልጣን ዘመን ያሸነፉት ምርጫ ነው።
@tikvahethiopia
#Update #CBE #NBE
የኢትዮጵያ ንግድ ባንክ ትላንት ባጋጠመው ችግር የደንበኞች መጉላላትን ጨምሮ የደረሱ #ጉዳቶች ስለመኖራቸው ተነግሯል።
ጉዳቶቹ ምርመራ ተደርጎ ወደፊት ለህብረተሰቡ ይገለጻሉ ነው የተባለው።
የኢትዮጵያ ብሔራዊ ባንክ መጋቢት 7 በኢትዮጵያ ንግድ ባንክ የዲጂታል ባንክ ስርዓት ላይ ያጋጠመውን ችግርና የአገልግሎት መቋረጥ በተመለከተ ዛሬ መግለጫ አውጥቷል።
" ባንኮች በሥርዓቶቻቸዉ ላይ በየጊዜዉ የደህንነት ፍተሻ እንዲሁም የማሻሻያ ሥራዎችን ያከናዉናሉ " ያለው ብሔራዊ ባንክ ፤ " በሥርዓቶቹ ላይ በሚከናወን ለዉጦችና ፍተሻዎች የባንኮች አገልግሎት አልፎ አልፎ ሊቋረጥ ይችላል " ብሏል።
በኢትዮጵያ ንግድ ባንክ በትናንትና ዕለት የተከሰተዉ የአገልግሎት መቋረጥ ከዚሁ ጋር የተያያዘ መሆኑን #አረጋግጫለሁ ሲል ገልጿል።
ችግሩ ከተከሰተበት ሰዓት አንስቶ የኢትዮጵያ ብሔራዊ ባንክ ከሚመለከታቸው ባለድርሻ አካላት ጋር በመሆን የባንኩን እና የደንበኞቹን ደህንነት ለማረጋገጥ ከፍተኛ ክትትል ሲያደርግ እንደቆየና በተደረገው ርብርብ አገልግሎቶች እንዲመለሱ መደረጉን ጠቁሟል።
ብሔራዊ ባንክ በዚሁ መግለጫ የኢትዮጵያ ንግድ ባንክ ባጋጠመው ችግር #ጉዳቶች እንደደረሱ ጠቁሟል።
ስለ ጉዳቶቹ በዝርዝር ያለው ነገር ባይኖርም አስፈላጊው ምርመራ ተደርጎ ወደፊት ለህዝብ ይገለጻል ብሏል።
በተፈጠረው ችግር የደንበኞች መጉላላትም መከሰቱን አመላክቷል።
የኢትዮጵያ ብሔራዊ ባንክ በፋይናንስ ተቋማት ላይ በየጊዜዉ ክትትልና ቁጥጥር እንደሚያደርግ አመልክቶ በአሁኑ ጊዜ በሀገሪቱ ያሉ በሁሉም የፋይናንስ ተቋማት የሚገኙ የፋይናንስ ሥርዓቶች ደህንነቸዉ የተጠበቀ ነው ብሏል።
" ህብረተሰቡ ያለምንም ስጋት የፋይናንስ አገልግሎቶችን መጠቀም መቀጠል ይችላል " ሲል አሳውቋል።
የፋይናንስ ተቋማትም የሥርዓቶቻቸዉን ደህንነትና ቀልጣፋነት ይበልጥ ለማሳደግ የቴክኖሎጂ ተለዋዋጭ ባህርይ በማየት በቀጣይነት መሥራት እንደሚኖርባቸዉ #ጥብቅ_ማሳሰቢያ ሰጥቷል።
@tikvahethiopia
#Update
የኢትዮጵያ ወንጌል አማኞች አብያተ ክርስቲያናት ካውንስል በአዲስ አበባ መስቀል አደባባይ የንስሀ ፣ የምልጃ፣ የምስጋና በዓል መርሐ-ግብር ከፍተኛ የምዕመናን ቁጥር በተገኙበት መካሄዱን ገልጿል።
@tikvahethiopia
#Update
የኢትዮጵያ ወንጌል አማኞች አብያተ ክርስቲያናት ካውንስል ፕሬዜዳንት ዶ/ር ጣሰው ገብሬ በመስቀል አደባባይ እየተካሄደ ባለው መርሃግብር ላይ የመክፈቻ ንግግር አድርገዋል።
በንግግራቸው ፤ " የወንጌል አማኞች በዚህ ምድር አገልግሎት መስጠት ከጀመረ ከ125 ዓመታት በላይ ያስቆጠረ ቢሆንም ዛሬ ለመጀመሪያ ጊዜ በአደባባይ ጌታን በጋራ ለማምለክ ስለቻልን፤ የእግዚአብሔርን ፊት በንስሃ፣ በምልጃና በምስጋና እንድንፈልግ ስለረዳን ክብር ሁሉ ለእርሱ ይሁን " ብለዋል።
የካውንስሉ ፕሬዜዳንት ፤ " የወንጌል አማኞች አብያተ ክርስትያናት ፦
* ልዩነታችንን ፈተን፤
* አለመግባባታችንን አስተካክለን ፤
* ወደኃላ በማይመለስ መልኩ ሁሉን ነገር #በእርቅ ጨርሰን በአንድ ልብና መንፈስ በምድሪቱ ወንጌል እንዲሰራጭ ነፍሳት እንዲድኑ የእግዚአብሔር መንግሥት እንዲሰፋ የመራንና የደገፈንን እንዲሁም ዛሬ የወንጌል አማኞች ይህን ፕሮግራም በሙሉነት እንድናዘጋጅ የፈቀደ የአምላካችን የእግዚአብሔር ስም ከፍ ይበል " ሲሉ ተናግረዋል።
" ለዘመናት በገዛ ሀገራችን እውቅና ተነፍገን ፦
- ስንገደል
- ስንታሰር
- ሞተን እንዳንቀበር ተከልክለን የኖርነውንና እንደ ተራ ማህበር ስንቆጠር ከነበረበት አሰራር የላቀን የወንጌል አማኞችን በታሪካችን ለመጀመሪያ ጊዜ በአዋጅ እውቅና እንዲሰጥ ያደረገውን አምላካችንን እናመሰግናለን " ሲሉም ተደምጠዋል።
ካውንስሉ እንዲፀድቅ ለፈቀደው መንግሥትም በምእመኑ ስም ምስጋና አቅርበዋል።
የካውንስሉ ፕሬዜዳንት ፤ " የዛሬው ፕሮግራም ዋና ዓላማ ፦
1ኛ. እግዚአብሔርን ባለመታዘዛችን ቃሉንም ባለማክበራችንና ባለመተግበራችን የተነሳ ጉስቁልናችን ከልክ በላይ መሆኑና ሁሉንም ዓይነት ሃጢያቶች እየተለማመድን በረከት ስለማይጠበቅ " እግዚአብሔር መልሰን እኛም እንመለሳለን ፤ ዘመናችንን እንደቀድሞው አድስ " በማለት ከልባችን ንስሃ ለመግባት ነው።
2ኛ. ለሀገራችን #ኢትዮጵያ ሰላም እንዲሰፍንና እንዲዘልቅ የእግዚአብሔር መንግሥት ይበልጥ እንዲሰፋ ፣ ለሀገራችን ልማት የበኩላችንን አስተዋጽኦ እንድናደርግ ጌታ እንዲረዳን የምንማልድበት ነው።
3ኛ. ትንፋሻችንን እና መንገዳችንን የያዘውን አምላካችንን በሁሉም መልኩ ማመስገን ፤ ስለ ሀገራችን፣ ስለ ቤተክርስቲያናችን፣ ስለ እያንዳንዳችን ፣ ስለ ሁላችን እግዚአብሔርን ማመስገን ነው " ብለዋል።
የኢትዮጵያ ወንጌል አማኞች አብያተ ክርስቲያናት ካውንስል ዛሬ በመስቀል እየተካሄደ ባለው መርሐግብር ሁሉም ወገኖች ፦
° ለጸሎት
° ለምልጃ
° ለሰላም
° ለምክክር
° ለውይይት በቂ ጊዜና ቦታ እንዲሁም ቅድሚያ እንዲሰጡ በይፋ ጥሪ አቅርቧል።
ቲክቫህ ኢትዮጵያ
አዲስ አበባ
@tikvahethiopia
" ዳሽን ባንክ ላይ የሲስተም ችግር አጋጥሟል " የሚለው መረጃ ሐሰተኛ ነው ሲል ባንኩ ገለጸ።
ትላንት የኢትዮጵያ ንግድ ባንክ አጋጥሞኛል ባለው ሲስተም ችግር ምክንያት ተቋርጦ የነበረው አገልግሎቱ ዳግም መስተካከሉ ይታወሳል።
ይህን ተከትሎ በማኅበራዊ ሚዲያው ላይ ዳሽን ባንክም ተመሳሳይ አይነት የሲስተም ችግር ማለትም ሰዎች፦
- ያለገደብ ገንዘብ ከኤቲኤም የማውጣት
- በሞባይል ባንኪንግ ገደብ የሌለው ገንዘብ የማስተላለፍ ችግሮች ገጥሞታል በሚል እየተሳራጨ ይገኛል።
በማህበራዊ ሚዲያዎች ላይም ሰዎች ወደ ዳሽን ኤቲኤሞች በመሄድ ያለ ገደብ ገንዘብ ማውጣት እንደሚችሉ የሚገልጹ መልዕክቶች እየተዘዋወሩ ነው።
ባንኩ ግን " ይህ ፍፁም #ሐሰተኛ መረጃ ነው " ሲል ለቲክቫህ ኢትዮጵያ በላከው መግለጫ ገልጿል።
የባንኩ ኤትኤሞች እና የዲጂታል አውታሮች ሁሉ ደህንነታቸው በአስተማማኝ ሁኔታ የተጠበቀ እንደሆነ ገልጾ ደንበኞቹ ምንም አይነት ስጋት ላይ እንዳይወድቁ አስገንዝቧል።
@tikvahethiopia
" የዘረፋ ሙከራ እየተደረገ ነው ተጠንቀቁ " - ንግድ ባንክ
የኢትዮጵያ ንግድ ባንክ ደንበኞቹ ጥንቃቄ እንዲያደርጉ አሳሰበ።
ባንኩ ፤ " አጭበርባሪዎች ሰሞኑን ከሲስተም ጋር ተያይዞ የተፈጠረውን ችግር እንደ አጋጣሚ ለመጠቀም ሙከራ እያደረጉ ነው " ብሏል።
አጭበርባሪዎች በአብዛኛው ከባንክ የደወሉ በማስመሰል “ የተዘጋ ሂሳብችሁን እንክፈትላችሁ” ፤ “ሂሳባችሁ እንዳይዘጋ የምንልክላቹሁን ኮድ አስገቡ” የሚል የማጭበርበሪያ ዘዴ በመጠቀም የዘረፋ ሙከራ እያደረጉ ነው ሲል ገልጿል።
ባንኩ ስልክ ደውሎ ስለ ሂሳብ መረጃ የሚጠይቅበት፣ ሂሳብ የሚከፍትበትም ሆነ የሚዘጋበት አሰራር እንዲሁም ደንበኞች እንዲጠቀሙበት የሚልከው ምንም አይነት ኮድ እንደሌለ አስገንዘቧል።
ማንኛውም የባንኩ ደንበኛ መሰል ሁኔታ ሲገጥመው ምንም አይነት እርምጃ ከመውሰድ እንዲቆጠብ አሳስቧል።
በሌላ በኩል ፤ ከሰሞኑን በነበረው ሁኔታ ምንም ባላወቅንበት አካውንታችን ታግዷል በሚል በርካታ ሰዎች ቅሬታቸውን እያቀረቡ ይገኛሉ።
ለአብነት ቃላቸውን ለቲክቫህ ኢትዮጵያ የሰጡ ደንበኞች ፤ " በዕለቱ ምንም ዝውውር ባላደረግንበት፣ ገንዘብ ባላወጣንበት፣ ባላክንበት ሁኔታ አካውንታችን ታግዷል የሚል መልዕክት የሞባይል ባንኪንግ መተግበሪያችን ላይ እያየን ነው " ብለዋል።
ችግሩ ተጣርቶ በፍጥነት እንዲፈታም ጥሪ አቅርበዋል።
@tikvahethiopia
#Update
የሳሞአው ስምምነት ከምን ደረሰ ?
ኢትዮጵያ ከ79 ሀገራት ጋር የፈረመችው የሳሞዓ ስምምነት እስካሁን ለፓርላማ አለመቅረቡን “ ስለ ኢትዮጵያ ዝም አንልም ትውልዱን ከግብረሰዶም እንታደግ ” ማኀበር ለቲክቫህ ኢትዮጵያ ገለጸ።
ኢትዮጵያን ጨምሮ አጠቃላይ 79 የአፍሪካ እና የካረቢያንና ፓስፊክ ሀገራት (48 ከአፍሪካ፣ 16 ከካረቢያን፣ 15 ከፓስፊክ) ሳሞአ ላይ አንድ ስምምነት መፈራረማቸው ከወራት በፊት ተዘግቦ ነበር።
የተፈረመው ስምምነት " የአፍሪካ፣ የካረቢያን እና የፓስፊክ ሀገራት ከአውሮፓ ህብረት አባል ሀገራት ጋር የሚያደርጉት የንግድ እና ኢኮኖሚ ትብብር " መሆኑ፣ ምስምነቱ 22 ዓመታትን የዘለቀ " የኮቶኑ ስምምነት " ቀጣይ እንደሆነ በወቅቱ መብራራቱ አይዘነጋም።
ይህንኑ ስምምነት በበርካታ ሀገራት ጥያቄ አስነስቶ ነቀፌታ ሲያስተናግድ የተስተዋለ ሲሆን፣ በኢትዮጵያ የሚገኙ የዘርፉ ተቋማት በበኩሉቸው ስምምነቱን " ትውልድ ገዳይ " ሲሉ አውግዘውታል።
“ ስለ ኢትዮጵያ ዝም አንልም ትውልዱን ከግብረሰዶም እንታደግ ” የተሰኘው ማኀበር፣ ኢትዮጵያ ከ79 አገራት መካከል አንዷ ሆና የሳሞዓ ስምምነትን እንደፈረመች፣ ስምምነቱ ግብረሰዶማዊነትን ማስፋፊያ ሃሳብ መያዙን በአንክሮ በማስረዳት፣ ለሕዝብ ተወካዮች ምክር ቤት ቀርቦ ውድቅ እንዲደረግ (እንዳይጸድቅ) ጠይቆ ነበር።
ይህን ተከትሎም ጉዳዩ ከምን ደረሰ ? ፓርላማ ላይ ቀርቦ እንዳይጸድቅ ተደረገ ? ሲል ቲክቫህ ኢትዮጵያ ለማኀበሩ ፕሬዚዳንት ሊቀ ትጉሃን መምህር ደረጀ ነጋሽ (ዘወይንዬ) ጥያቄ ያቀረበ ሲሆን፣ “ አላቀረቡትም እነርሱም ቁጭ ብለዋል። ግን ብዙዎቹን አናግረናቸዋል፣ ብዙዎቹ አልወደዱትም። እነርሱም ፈርተው ነው እስካሁን ያላቀረቡት ” ብለዋል።
ያለውን ሂደት በተመለከተ ባስረዱበት አውድ ፥ “ በዚሁ ዙሪያ እኛም የግንዛቤ ማስጨበጫ እየሰጠን ነው ለተለያዩ መ/ቤቶች። ከሃይማኖት ተቋማት ጋር አወራን፣ ከሌሎቹም የሃይማኖት አባቶች አናገርን እነርሱም አላቀረቡትም ” ሲሉ አስረድተዋል።
መምህር ደረጀ ከዚህ በፊት ለቲክቫህ ኢትዮጵያ በሰጡት ማብራሪያ፣ የስምምነቱን ከባድ ምስጢራዊነትና እንድምታ በGender፣ በጾታ ስርዓተ ትምህርትና በሌሎች ነጥቦች እያጣቀሱ ስምምነቱ በሰብዓዊ መብት ሽፋን ግብረ ሰዶማዊነትን ማስፋፊያ መንገድ መሆኑን፣ “ ፍጹም የሆነ ትውልዱን ለ20 ዓመታት ታሳሪ የሚያደርግ የሞት ውል ነው ” ብለውታል።
ማኀበራቸው በወቅቱ በሰጠው መግለጫም
፣ “ ዘመናዊ ቅኝ ግዛትና ድምጽ አልባው ትውልድ ገዳይ የግብረሰ ዶማዊያን ድርጊትን እንቃወማለን ” ነበር ያለው።
ከዚህ ማህበር በተጨማሪ የኢትዮጵያ የሃይማኖት ተቋማት ጉባኤ ስምምነቱን በመቃወም በህ/ተ/ም/ቤትም ስምምነቱን ባለማፅደቅ ኃላፊነቱን እንዲወጣ ጥሪ አቅርቦ ነበር። ይህ መግለጫ ከወጣ በኃላ የውጭ ጉዳይ ሚኒስቴር ለዶቼ ቨለ በሰጠው ቃል ፤ የኢትዮጵያ መንግሥት የሚባለውን አይነት ስምምነት አፀድቃለሁ ብሎ እንዳልፈረመ ፤ የሃይማኖት ተቋማት የስራ ኃላፊዎችም ያላቸው መረጃ የተሳሳተ መሆኑን ምላሽ ሰጥቶ ነበር።
መረጀው የተዘጋጀው በአ/አ ቲክቫህ ኢትዮጵያ ቤተሰብ አባል ነው።
@tikvahethiopia
አዳዲስ ላፕቶፕች ከአንድ ዓመት ዋስትና ጋር!!
@samcomptech
በአገልግሎት አሰጣጣችን ላይ እና በዕቃዎቻችን ጥራት ላይ ደንበኞቻችን ምስክሮቻችን ናቸው። ዛሬም ብዛትንም ጥራትንም ሳንቀንስ እያስተናገድን እንገኛለን።
👉ለቢሮዎች፣ ለተማሪዎች፣ ለዲዛይን ባለሙያዎች ፣ ለጌመሮች ወ.ዘ.ተ
አቅምን ካገናዘቡ እስከ ቅንጡ ላፕቶፖች ይህ ቀረ ሳይሉ የሚያገኙበትን ሱቃችንን ይጎብኙ። የቴሌግራም ቻናሉን ይቀላቀሉ ባሉበት ሆነው ይዘዙን እናደርሳለን።
የዕቃዎች ዋጋ ፣ዓይነት እና አድራሻ ለማግኘት ይሄን 👉 @samcomptech
ተጭነው በቴሌግራምው ማየት ይችላሉ።
@sww2844 0928442662 / 0940141114
https://maps.app.goo.gl/H3PM1NrTcQ4SWkK17
#ሲቢኢ #ዩኒቨርሲቲዎች #ኦዲት
" ባንኩ ላይ የሳይበር ጥቃት ደርሷል፤ ዝውውሩም አይታወቅም ብለው አስበው ነው ያደረጉት " - አቶ አቤ ሳኖ
የኢትዮጵያ ንግድ ባንክ ፕሬዜዳንት አቶ አቤ ሳኖ በዩኒቨርሲቲዎች አካባቢ ስለነበረው የመጋቢት 6 ለሊት የገንዘብ ዝውውር እና አጠቃላይ ወጭ ስለተደረገው / አሁን ስለተመለሰው የገንዘብ መጠን ምን አሉ ?
አቶ አቤ ሳኖ ፦
" የተቋረጠውን አገልግሎት ካስጀመርን በኃላ ወደ ግብይቶች ምርመራ ነው የገባነው።
በዛ ያለ ግብይት ያደረጉትን ለይተናቸው የፍትሕ አካላት እንዲያውቁት አድርገናል። በብዛት በዛ ያለ ቁጥር ያለው እጅግ በጣም በሚያሳዝን ሁኔታ #በዩኒቨርሲቲዎች አካባቢ ነው።
ተማሪዎቹ (የዩኒቨርሲቲ ማህበረሰብ) ያሰቡት ባንኩ ላይ የሳይበር ጥቃት ደርሷል ብለው ነው። ስለዚህ የሚደረገው ግብይት (ወጭ / ዝውውር) አይታወቅም ብለው ነው ያደረጉት።
አሁን ላይ ግን ግብይቱ እንደሚታወቅ ሲያውቁ የወሰዱትን ገንዘብ እየመለሱ ነው ያሉት። አሁንም እንዲመልሱ ነው የምንፈልገው።
የወሰዱትን ገንዘብ ከመለሱ ወደ ክስ አንሄድም። የማይመልሱ ከሆነ ግን የህግ እርምጃ እንወስዳለን።
ዝርዝር ጉዳዩ (ከገንዘብ ዝውውር/ወጭ የተደረገ/የተመለሰ) ኦዲት ተደርጎ ሲያልቅ ይቀርባል።
የኦዲት ሂደቱ ስላላለቀ በዚህ መካከል ሌሎች ነገሮችን ማንሳት ከፋይናንሻል ኦዲት አካሄድ ጋር የሚሄድ ስላልሆነ አንዳንድ የህጋዊ እርምጃዎችም ሊከተሉ ስለሚችሉ ጥንቃቄ ስለሚፈልግ ነው። "
@tikvahethiopia
#ነእፓ
በሀገሪቱ ያሉ የእርስ በርስ ግጭቶችን ለማስቆም “ ኢትዮጵያ በልጆቿ ትታረቅ ! ” በሚል የነፃነት እና እኩልነት ፓርቲ የእርቅ እና የሰላም ሀሳብ ይዞ መቅረቡን አሳውቋል።
ፓርቲው በላከልን መግለጫ ፤ ሀገራችን በታሪኳ በርካታ በእርስ በእርስ ግጭቶችን ማስተናጓን ገልጿን።
ለ2 አመታት በትግራይ፣ በአማራ እና አፋር ክልሎች የተካሄደው ጦርነት በሚሊዮን የሚቆጠሩ ወገኖቻችንን ህይወት መቅጠፉን አመልክቷል።
አሁንም በኦሮሚያ እና በአማራ ክልሎች የቀጠለው የወንድማማቾች ጦርነት የወገኖቻችንን ህይወት እየቀጠፈ እንደሚገኝ ገልጿል።
በየአካባቢው በተለኮሱ ጦርነቶች ሳቢያ ፦
- በሚሊዮን የሚቆጠሩ ዜጎች ውድ ህይወታቸውን እንዳጡ፣ አካላቸው እንደጎደለ፤
- እድሜ ልካቸውን ያፈሩት ንብረት እና የሀገራችን ኢትዮጵያ አንጡራ ሀብትም እንደወደመና እየወደመም እንደሚገኝ ገልጿል።
በእርስ በርስ ጦርነት ምክንያት በመቶ ሺዎች የሚቆጠሩ ህጻናት ያለ አሳዳጊ፣ አረጋውያን ያለ ጧሪ ፣ አያሌ ኢትዮጵያውያን ለርሀብ፣ ለእንግልት፣ ለስደት እና ለሞት መዳረጋቸውን ገልጿል።
በየአካባቢው የተከሰቱ ግጭቶች ማህበራዊ ግንኙነታች እንዲበጣጠስ፣ በዜጎች መካከል ጥርጣሬ እንዲነግስ፣ ማህበራዊ ትስስራችን እንዲላላ፣ ጥላቻ፣ እልህ፣ በቀል እንዲስፋፋ፣ ስጋት እና ጭንቀት በዜጎች ልቦና እንዲሰፍን ማድረጋቸውንም አመልክቷል።
ነእፓ፤ ጦርነት መቼም ቢሆን የፖለቲካ ልዩነቶችን ለመፍታት የተሻለ አማራጭ አይሆንም ፤ የእርስ በእርስ ጦርነት አሸናፊና ተሸናፊ የሌለው የመጨረሻ ውጤቱ ሞት፣ ስደት፣ ስቃይ፣ ሀዘን ፣ የሀገር ድቀትና መፍረስ ነው ብሏል።
ላለፉት ዓመታት ሰላም እንዲሰፍን በተለያዩ መንገዶች ጥረት ሲያደርግ መቆየቱን የሚገልጸው ነእፓ ሀገራችንን ለክፉ ችግር፣ ህዝባችንን ማባሪያ ለሌለው ሰቆቃ የዳረጉ ጦርነቶች እንዲቆሙ “ #ኢትዮጵያ_በልጆቿ_ትታረቅ ” በሚል ስያሜ አዲስ የእርቅ እና የሰላም ሀሳብ መንደፉን ይፋ አድርጓል።
ዋናው ዓላማ በመንግስት እና ከመንግስት ጋር ነፍጥ አንግበው በሚፋለሙ ማናቸውም ኃይሎች መካከል በሀገር ሽማግሌዎች፣ በኃይማኖት አባቶች እና በሌሎች ታዋቂ ስብእናዎች አማካኝነት እርቅ ማውረድ እንደሆነ ገልጿል።
በቀጣይ ሂደቱን በተመለከተ ዝርዝር መረጃዎች ይሰጣሉ ብሏል።
@tikvahethiopia
#CBE
የኢትዮጵያ ንግድ ባንክ ፕሬዝዳንት አቶ አቤ ሳኖ ምን አሉ ?
- " ችግሩ የተከሰተው አንድ ሂሳብ ማስታረቅ ቅልጥፍና እንዲያመጣ ታስቦ የተሰራ የሲስተም ማሻሻያ ሲተገበር ስህተት በመፈጠሩ ነው። የተፈጠረው ስህተት ለሌቦች ቀዳዳ ከፍቶ ነበር። "
- " የሲስተም ማሻሻያው የተተገበረው አርብ መጋቢት 6/2016 ዓ.ም ከምሽቱ 3 ሰዓት አካባቢ ነበር። ከሌሊቱ 8 ሰዓት አካባቢ ችግር እንዳለ ሊለይ ችሏል። ይህን ተከትሎም አንዳንድ የተጠረጠሩ አገልግሎቶች እንዲቋረጡ ተደርጓል። ይህም ሆኖ ሙሉ በሙሉ ችግሩ ስላልቆመ ሁሉም የዲጂታል ባንክ ስርዓቶች እንዲቋረጡ ተደርጎ ነበር። "
- " ባንኩ ችግሩ በተከሰተበት ወቅት ከ490 ሺህ በላይ የገንዘብ ልውውጥ ተካሂዷን። ሌሊቱን ሙሉ ግብይት ሲፈጸምባቸው የነበረባቸው የባንክ ሂሳቦች በሙሉ እስኪጣራ ድረስ #እንዲታገድ ተደርጓል። "
- " በቀጣይ ከፍተኛ እና ያልተገባ ግብይት የፈጸሙ አካላትን እየለየን ለህግ የማቅረብ ስራ ይሰራል። "
- " የዩኒቨርሲቲ ተማሪዎች በወንጀሉ ዋነኛ ተዋናይ መሆናቸው አሳዝኖናል። በየአካባቢው ያሉ የዲስትሪክት ኃፊዎች በየአካባው ከሚገኝ ዩኒቨርሲቲ ጋር በመቀናጀት ተማሪዎች የወሰዱትን ገንዘብ #እንዲመልሱ እየተደረገ ነው። "
- " ከተፈጠረው ችግር ጋር ተያይዞ አጠቃላይ የደረሰው ጉዳት ላይ ምርመራ እየተደረገ ነው። የችግሩ መሰረታዊ መንስዔ እና ያስከተለውን ጉዳትም ምርመራው ሲጠናቀቅ ይፋ ይደረጋል። "
- " ባንኩ ላይ የደረሰው ጉዳት ባንኩ ካለው ሀበት እና አቅም አንጻር የጎላ ተጽእኖ የለውም፤ ከደንበኞች ሂሳብ ጋርም አይገናኝም። " #አልአይን
@tikvahethiopia
#NationalExam
" የ12ኛ ክፍል ፈተና ዝግጅት እየተገባደደ ነው ፤ ... በቀጣይ የፈተናው ሕትመት ይጀመራል " - የትምህርት ምዘናና ፈተናዎች አገልግሎት
ለ2016 የ12ኛ ክፍል ሀገር አቀፍ ፈተና የፀጥታ ችግር በሌላባቸው አካባቢዎች ብቻ ከ670 ሺህ በላይ ተማሪዎች መመዝገባቸውን የትምህርት ምዘናና ፈተናዎች አገልግሎት በዛሬው ዕለት አሳውቋል።
የፀጥታ ችግር ካለባቸው አካባቢዎች በስተቀር በአብዛኛው ሀገሪቱ አካባቢዎች ላይ የተማሪዎች ምዝገባ ተካሂዶ መጠናቀቁን የገለጸው መ/ቤቱ ከ670 ሺህ በላይ ተማሪዎች ለብሄራዊ ፈተናው ምዝገባ ማከናወናቸውን ጠቁሟል።
የፀጥታ ችግር ባለባቸው የሀገሪቱ አካባቢዎች ላይ የሚገኙ ተፈታኝ ተማሪዎች ምዝገባ በዚህ ሣምንት ይከናወናል ብሏል።
የፈተና ዝግጅት ሥራው የሀገሪቱን ሥርዓተ ትምህርት የተከተለ እና ተማሪዎቹን በአግባቡ መመዘን በሚያስችል መልኩ መዘጋጀቱን አገልግሎቱ ገልጿል።
የፈተናው ዝግጅት እየተገባደደ መሆኑን አመልክቶ በቀጣይ #የፈተናው_ሕትመት እንደሚጀመር አሳውቋል።
የዘንድሮ የ12ኛ ክፍል ሀገር አቀፍ መልቀቂያ ፈተና የመስጫው የጊዜ ሰሌዳ ወደፊት ይፋ እንደሚሆንም የሀገር አቀፍ ትምህርት ምዘናና ፈተናዎች አገልግሎት መግለፁ ኢዜአ ዘግቧል።
@tikvahethiopia
#EthiopianAirlines
" ተፈፅሟል የተባለውን ሙስና እና እንግልት የፈፀሙት የጉምሩክ ኮሚሽን ሰራተኞች ናቸው ፤ ሰራተኞቹም በቁጥጥር ስር ውለዋል " - አቶ መስፍን ጣሰው
የኢትዮጵያ አየር መንገድ ዋና ስራ አስፈፃሚ አቶ መስፍን ጣሰው በሰሞነኛና በአየር መንገዱ እንቅስቃሴ ዙሪያ መግለጫ ሰጥተዋል።
ዋና ስራ አስፈፃሚው ፤ " በቦሌ አውሮፕላን ማረፊያ ውስጥ ለሚፈፀሙ ወንጀሎች አየር መንገዱን ሙሉ በሙሉ ተጠያቂ ማድረግ ተቀባይነት የለውም " ብለዋል።
በአውሮፕላን ማረፊያ ውስጥ ከአየር መንገዱ በተጨማሪ፦
- ኢሚግሬሽን ፣
- የጉምሩክ ፣
- የብሄራዊ መረጃና ደህንነት እንዲሁም ፌደራል ፖሊስ የራሳቸው ድርሻ አላቸው ሲሉ ገልጸዋል።
በቅርቡ በቦሌ አውሮፕላን ማረፊያ በአንዲት መንገደኛ ላይ ተፈፅሟል የተባለውን ሙስናና እንግልት የፈፀሙት የጉምሩክ ኮሚሽን ሰራተኞች እንጅ የአየር መንገዱ ሰራተኞች አይደሉም ብለዋል።
" ወርቅና ብር ይዘው መውጣት አይችሉም " ሲሉ የነበሩት አካላት የጉምሩክ ክፍል ሰራተኞች እንደሆኑ ጠቁመዋል።
አቶ መስፍን ፤ ወርቅና ብር ይዘው መውጣት አይችሉም የተባሉት ደንበኛ ጉዳይ ዋነኛው ቅሬታ እንደነበር አስታውሰው " ድርጊቱን የፈፀሙ የከስተም ወይም የጉምሩክ ክፍል ሰራተኞች ናቸው " ሲሉ ተናግረዋል።
ግለሰቦቹን በካሜራ እገዛ በቁጥጥር ስር እንዲውሉ መደረጉን ተናግረዋል።
በቀጣይም አየር መንገዱ እንዲህ አይነት ድርጊቶችን የማይታገስ መሆኑንና ከባለድርሻ አካላት ጋር በመሆን እርምጃ እንደሚወስድ አሳስቧል፡፡
በቦሌ አውሮፕላን ማረፊያ ውስጥ ከ3 ሺህ በላይ የደህንነት ካሜራዎች እንዳሉም ተሰምቷል።
መረጃው የኢትዮ ኤፍ ኤም እና WMCC ነው።
@tikvahethiopia
#ዎላይታ
“ ሆስፒታል ባለመኖሩ ሕዝቡ እስከ ሞት ድረስ ከፍተኛ ዋጋ እየከፈለ ነው ” - አንድ የጤና ባለሙያ
“ ዞኑም፣ ከተማ አስተዳደሩም ሆስፒታል ቢኖር የሚል ሀሳብ አለው ” - የወላይታ ሶዶ ዞን ጤና መምሪያ።
በወላይታ ዞን የሚገኙ አንድ የጤና ባለሙያ ለቲክቫህ ኢትዮጵያ በሰጡት ቃል ፦ " የቦሎሶ ሶሬ ወረዳ እና አረካ ከተማ ሕዝብ የመንግሥት ሆስፒታል ባለመኖሩ ሕዝቡ እስከ ሞት ድረስ ከፍተኛ ዋጋ እየከፈለ ነው " ብለዋል።
" እንደ አገር የሚተገበረው የሕዝብ ጤና ተቋማ ጥምርታ ሌሎች አካባቢዎች ላይ በከፍተኛ ትኩረት እየተሰራ ያለ ቢሆንም ለቦሎሶ ሶሬ ወረዳ እና አረካ ከተማ ግን ተግባራዊ አልሆነም " ሲሉ ወቅሰዋል።
" የሕዝብ ብዛት ከ1 ሚሊዮን እስከ 1.5 ሚሊዮን ከሆነ አጠቃላይ ሆስፒታል ተሰርቶ አገልግሎት መሰጠት እንዳለበት ይገለጻል። የቦሎሳ ሶሬ ወረዳ እና አረካ ከተማ ሕዝብ ከ1 ሚልዮን እንደሚበልጥ ይገመታል። ህዝቡ ግን ይህንን ሰብአዊ መብት ለማግኘት አልታደለም " ብለዋል።
ለተነሳው ቅሬታ ምን ምላሽ እንዳላቸው ቲክቫህ ኢትዮጵያ የወላይታ ዞን ጤና መምሪያ ቢሮ ኃላፊ አቶ ፀጋዬ ኤካ አነጋግሯል።
ምን መለሱ ?
➡ አረካ እና ቦሎሶ ሶሬን አማክሎ አገልግሎት የሚሰጥ ዱቦ የመጀመሪያ ደረጃ የግል ሆስፒታል አለ። የሕዝቡ ቅሬታ ‘የመንግሥት ሆስፒታል ለምን አይኖርም’ የሚል ነው ቅሬታው አግባብነት ያለው ነው።
➡ ሌሎችም ምንም አይነት ሆስፒታል የሌለባቸው አካባቢዎች ላይ ቅድሚያ ተሰጥቶ የመንግሥት የመጀመሪያ ደረጃ ሆስፒታል እየገነባ ነው የቆየው ፤ ከቅርብ ጊዜ ወዲህ ደግሞ ይኼኛውም አካባቢ (ቦሎሳ ሶሬ ወረዳ እና አረካ ከተማ) በመንግሥት ሆስፒታል ተደራሽ ቢሆን ጥሩ ነው የሚለውን እንደ ዞን መግባባት ላይ እየደረስን ነው።
➡ እንደ ዞን፣ የከተማ አስተዳደርም ይሄ ጥያቄ የሕዝብ ጥያቄ እንደሆነ ተቀብሏል። ጥያቄው እንደ ጥያቄ እንዳለ እናውቃለን፤ ለግንባታው የሚያስፈልገው በጀት እንዲታቀድበት፣ በመደበኛ የመንግሥት በጀት እንዴት መስራት እንደሚቻል እየታሰበበት ነው።
በሌላ በኩል ቅሬታ አቅራቢ ጤና ባለሙያው በበኩላቸው፣ “ ለህዝብ ተሰርቶ አገልግሎት እንዲሰጡ የተሠሩ ጤና ጣቢያዎች ቢኖሩም ብዙዎቹ #ዝግ_ናቸው” ብለዋል።
አንድ የግል ሆስፒታል ቢኖርም ለመታከም የዋጋ መናር እንደሚስተዋልበት፣ የብቁ ቀዶ ጥገና ችግር እንዳለ፣ በዚህም አንዲት እናት ችግር እንደደረሰባቸው፣ የጤና ባለሙያዎች ከሰለጠኑበት ሙያ ውጪ ስለሚሰሩ ከዚህ በፊት ሁለት እናቶች እንደሞቱ አስረድተው፣ ጉዳዩ ትኩረት እንዲሰጠው ጠይቀዋል።
ይህንኑ ቅሬታ በተመለከተ የዞኑ ጤና መምሪያ ቢሮ ኃላፊ አቶ ፀጋዬ ምን ምላሽ ሰጡ ?
➡ ትክክል ነው። ያለው ሂደት አጠቃላይ ዝርዝሩን እኛም ይዘናል። ሕዝቡም ያነሳል፣ ትክክል ነው። የሕክምና ባለሙያዎች (የዱቦ ሆስፒታል) አሁን በቂ እውቀት ያላቸው ሆነው አገልግሎት እየሰጡ ነው። አጋጣሚ የተፈጠሩ ክፍተቶች ለምን ተፈጠሩ የሚለውን እናያለን።
➡ በእኛ ደረጃ ዝግ የሆነ ጤና ጣቢያ የለም። ጤና ባለሙያ ተመድቦ ሁሉም ጤና ባለሙያዎች አገልግሎት እየሰጡ ነው በሥራ ሰዓት። ግን አልፎ አልፎ ከትርፍ ሰዓት ክፍያ በጊዜ ባለመከፈሉ ምክንያት ‘አልተከፈለም’ በሚል ሥራ ቦታ ላይ የባለሙያ አለመገኘት ሁኔታዎች አሉ።
የጤና ባለሙያው በበኩላቸው ፦
- የትርፍ አበል አለመከፈል፣
- በደመወዝ መቆራረጥ ምክንያት ቅሬታ ስላለ፣ ሌጋማ፣ ዎይቦ፣ ጋራ ጎዶ፣ ባንጫ እና ሌሎች ጤና ጣቢያዎች በቀን አንድ ባለሙያ ገብቶ የሚመጡ ሕሙማንን ወደ ሆስፒታል እንዲሄዱ መረጃ ከመስጠት ውጭ የሚሰጠዉ አገልግሎት የለም " ብለዋል።
#TikvahFamilyAA
@tikvahethiopia
አዳዲስ ላፕቶፕች ከአንድ ዓመት ዋስትና ጋር!!
@samcomptech
በአገልግሎት አሰጣጣችን ላይ እና በዕቃዎቻችን ጥራት ላይ ደንበኞቻችን ምስክሮቻችን ናቸው። ዛሬም ብዛትንም ጥራትንም ሳንቀንስ እያስተናገድን እንገኛለን።
👉ለቢሮዎች፣ ለተማሪዎች፣ ለዲዛይን ባለሙያዎች ፣ ለጌመሮች ወ.ዘ.ተ
አቅምን ካገናዘቡ እስከ ቅንጡ ላፕቶፖች ይህ ቀረ ሳይሉ የሚያገኙበትን ሱቃችንን ይጎብኙ። የቴሌግራም ቻናሉን ይቀላቀሉ ባሉበት ሆነው ይዘዙን እናደርሳለን።
የዕቃዎች ዋጋ ፣ዓይነት እና አድራሻ ለማግኘት ይሄን 👉 @samcomptech
ተጭነው በቴሌግራምው ማየት ይችላሉ።
@sww2844 0928442662 / 0940141114
https://maps.app.goo.gl/H3PM1NrTcQ4SWkK17
#Somalia #Eritrea
የሶማሊያው ፕሬዝደንት ሐሰን ሼይክ ማሕሙድ ዳግም ወደ አስመራ ማቅናታቸው ተነግሯል።
ፕሬዝደንቱ ዛሬ አስመራ ሲደርሱ የኤርትራው ፕሬዝደንት ኢሳያስ አፈወርቂ ተቀብለዋቸዋል።
ሐሰን ሼይክ ማሕሙድ በፕሬዝደንት ኢሳያስ አፈወርቂ #ግብዣ ለሁለት ቀናት የሥራ ጉብኝት ወደ አስመራ እንደተጓዙ የኤርትራ ማስታወቂያ ሚኒስትር የማነ ገብረመስቀል ገልጸዋል።
የሶማሊያ ብሔራዊ የዜና ወኪል (SONNA) ሀሰን ሼይክ መሕሙድ ከፕሬዝደንት ኢሳያስ ጋር በሁለቱ ሀገሮች ትብብር ላይ እንደሚወያዩ አስታውቋል።
የሶማሊያው ፕሬዝደንት ባለፈው ጥር ኢትዮጵያ እና ሶማሌላንድ “የአጋርነት እና የትብብር የመግባቢያ ሥምምነት” በተፈራረሙ በቀናት ልዩነት ወደ አስመራ አቅንተው ከፕሬዝደንት ኢሳያስ አፈወርቂ ተገናኝተው ነበር።
መረጃውን የኤርትራ ማስታወቂያ ሚኒስቴር / SONNAን ዋቢ በማድረግ ያጋራው ዶቼቨለ ሬድዮ ጣቢያ ነው።
Photo Credit - Yemane G. Meskel
@tikvahethiopia
#EHRC
ወደ ታላቁ ሕዳሴ ግድብ ለሥራ ሲያመሩ በአማራ ክልል ጎጃም ውስጥ ስለታገቱ ዜጎች ሰምቶ እንደሆነና መረጃው ይኖረው እንደሆነ ቲክቫህ ኢትዮጵያ ፤ የኢትዮጵያ ሰብዓዊ መብቶች ኮሚሽን (ኢሰመኮ)ን ጠይቋል።
የተጀመረ ምርመራ ካለም ማብራሪያ ጠይቀናል።
አንድ የኮሚሽኑ አካል በሰጡት ምላሽ፣ “ መረጃው አለን። በሥራ ላይ ነን። ምናልባት እንግዲህ ፋይንዲንጎች ሲኖሩ እናሳውቃለን ” ሲሉ አረጋግጠዋል።
እኚሁ የኮሚሽኑ ባልደረባ ፤ “ መረጃው ደርሶናል ” ያሉ ሲሆን፣ ምርመራ ጀምራችኋል ? ተብሎ ለቀረበላቸው ጥያቄ፣ “ አዎ መረጃ የመሰብሰብና የማጣራት እንቅስቃሴ አለ ” የሚል ምላሽ ሰጥተዋል።
ኒኮቲካ ኮንስትራክሽን የተሰኘው ቀጣሪ ድርጅት ሰራተኞቹን በህጋዊ መንገድ እንደወሰዳቸው የገለጸ ሲሆን ከደቡብ ኢትዮጵያ ክልል ሠራተኛና ማኅበራዊ ጉዳይ ጋርም የተለዋወጠው ደብዳቤ ስለመኖሩ ተነግሯል።
ታዲያ የነዚህን ሰራተኞች ጉዳይ በተመለከተ የደቡብ ኢትዮጵያ ክልል ሠራተኛና ማኅበራዊ ጉዳይ ቢሮ ኃላፊ ዶክተር ዋኖ ምን አስተያየት እንዳላቸው ለማወቅ ስልክ ደውለን ነበር።
ኃላፊው ፤ ጥያቄውን በጽሞና ከሰሙ በኋላ ማብራሪያ ለመስጠት ቀጠሮ ቢሰጡም ፣ በሰጡት የቀጠሮ ሰዓት በተደጋጋሚ ስልክ ሲደወል ለማንሳትም ሆነ ስለጉዳዩ የፅሑፍ ምላሽ እንዲሰጡ ለተላከላቸው የፅሑፍ ጥያቄ ምላሽ ለመስጠት ፈቃደኛ አልሆኑም።
ወደ ታላቁ ሕዳሴ ግድብ እየተጓዙ ነው የተባሉና ጎጃም ውስጥ በፋኖ ታጣቂዎች ታግተዋል የተባሉ ሠራተኞች በቁጥር 272 እንደሆኑ ቀጣሪ ድርጅቱ ገልጿል።
ሠራተኞቹን ለማስለቀቅም ሽምግልናን ጨምሮ ሌሎች ጥረቶችን በስፍራው ተገኝቶ እያደረገ እንደሚገኝ አመላክቷል።
ቃላቸውን ለቪኦኤ ሬድዮ ጣቢያ የሰጡት ' የአማራ ፋኖ የጎጃም ቃል አቀባይ ነኝ ' ያሉት ፋኖ ማርሸት ፀሀዩ ፤ " ልጆቹ አውቀውም ይሁን ተጭበርብረው ጎጃም ውስጥ ወደሚገኘው የብርሸለቆ ወታደራዊ ማሰልጠኛ ሲወሰዱ እንዳገኟቸው " ገልጸዋል።
ሲመሯቸው የነበሩትም ወታደሮች እንደነበሩ ከተገኘው መታወቂያቸው ማረጋገጣቸውን ነገር ግን በቀጣይ ከ72 እስከ 100 ሰዓታት ውስጥ ለቀይ መስቀል ለማስረከብ እየተዘጋጁ እንደሆነ አሳውቀዋል።
መረጃው በአዲስ አበባ የቲክቫህ ኢትዮጵያ ቤተሰብ አባል ተዘጋጅቶ የቀረበ ነው።
@tikvahethiopia
Addis Ababa University- Cisco Networking Academy,
@CiscoExams www.netacad.com www.cisco.com
Online Live class - Cisco CCNA Professional Networking Course Training & Certification Preparation.
Registration Date: Feb.12 to March 22, 2024
Class start date: March 23, 2024.
Course Recognitions: CCNA trainees will receive 3 Certificate of Completion, 3 Letter of Merit, 3 Digital Badge that recognized and accepted in USA, Canada, and Europe, and you will award 58% CCNA certification exam discount voucher.
Mobile #: 0945-039478/ 0902-340070/ 0935-602563
Office : 011-1-260194
Follow our telegram channel: @CiscoExams
#Update
ዛሬ የኢትዮጵያ ወንጌል አማኞች አብያተ ክርስቲያናት ካውንስል በመስቀል አደባባይ ያዘጋጀው ፦
- የንስሀ ፤
- የምልጃ
- የምስጋና በዓል መርሐ-ግብር መካሄድ ጀምሯል።
ለዚሁ መንፈሳዊ መርሐ-ግብር እጅግ ከፍተኛ ምዕመን በመስቀል አደባባይ መሰባሰቡን ቲክቫህ ኢትዮጵያ ከስፍራው ያገኘው መረጃ ያሳያል።
መርሐ-ግብሩ በኢትዮጵያ ቴሌቪዥን (etv) ፣ በአዲስ ቴሌቪዥን ፣ በፋና ቴሌቪዥን ፣ በኤልሻዳይ ቴሌቪዥን ፣ በEvangelical Media የማህበራዊ ሚዲያ ገጾች በቀጥታ እየተላለፈ ይገኛል።
Video Credit - Generation Eng.
Photo Credit - Evangelical TV
@tikvahethiopia
#Amhara
“ ' 4 ሺህ ሴቶች ተደፍረዋል ' በሚል ያልተረጋገጠ ሀሳብ አንስተዋል ” - ወ/ሮ ሁሉአየሽ አወቀ
የኢትዮጵያ ሴቶች ማኀበር ፤ ሴቶች ላይ እየደረሱ ናቸው የተባሉ ፈርጀ ብዙ ችግሮችን በተመለከተ በየክልሉ በዘርፉ የተሰማሩ ተቋማትን በመጋበዝ ባለፈው የካቲት 20 ቀን 2016 ዓ/ም በአዲስ አበባ የውይይት መድረክ አዘጋጅቶ እንደነበርና ቲክቫህ ኢትዮጵያም መረጃ ማጋራቱ ይታወሳል።
በወቅቱ የአማራ ሴቶች ማኀበርን የወከሉት ወ/ሮ በላይነሽ ሽባባው ስለሴቶች በአማራ ክልል ያለውን ሁኔታ ለተሳታፊዎችና ኃላፊዎች ገለጻ ሲያደርጉ፣ “ አማራ ክልል ራሱ የበፊቱን እንኳን ትተነው አሁን በሚስተዋለው ግጭት ብቻ ከ4,000 በላይ ሴቶች #ተደፍረዋል ” ሲሉ ገልጻ አድርገው ነበር።
ይህንንም ቲክቫህ ኢትዮጵያ ዘግቦት እንደነበር ይታወሳል።
ሆኖም የአማራ ክልል ሴቶች ማኀበር ምክትል ዳይሬክተር ወ/ሮ ሁሉአየሽ አወቀ፣ ዘገባው ከተሰራ በኋላ ለቲክቫህ ኢትዮጵያ በሰጡት ቃል፣ የወ/ሮ በላይነሽን ገለጻ መሠረት በማድረግ የተዘገበውን ዜና ጠቅሰው፣ “ የእናንተ ስህተት አይደለም በእርግጥ የልጆቷ ስህተት ነው ” ብለው ዘገባው #ማስተካከያ እንዲደረግበት ጠይቀዋል።
ወ/ሮ በላይነሽ በስብሰባው ላይ ያደረጉት ገለጻ የድምጽ ቅጅ እንደገና ሲረጋገጥ፣ “ 4 ሺህ ሴቶች ተደፍረዋል ” የሚል ሆኖ እያለ፣ መረጃውን የት እንዳገኙት እንዲገልጹ የአማራ ሴቶች ማኀበር ሲጠይቃቸው፣ “ ‘4 ሺህ የተባለው እንደ ኢትዮጵያ የቀረበ እንጂ እኔ አላልኩም፣ 400 ነው ያልኩት " ሲሉ ለመካድ እንደሞከሩ ያስረዱት ም/ዳይሬክተሯ፣ “ 400 ከየት አመጣሽ ? ሲባል ‘ከሴቶች ሕጻናት ጉዳይ ቢሮ ሲባል ሰምቼ ነው’ የሚል ሀሳብ ነው ያመጣች ግን 400ም የእኛ መረጃ አይደለም ” ብለዋል።
አክለው “ የ6 ወራት ሪፓርታችንም ‘ፆታዊ ጥቃት ደረሰብን’ ብለው ተቋማችን ድረስ የመጡ 4 ሴቶች ናቸው። እነዚያን ሴቶችም ሁለቱን ሰጥተናል። ሁለቱን ከፓሊስ ጋ ሁነን ገና በሂደት ላይ ያለ ጉዳይ ነው” ሲሉ ተናግረዋል።
ቲክቫህ ኢትዮጵያ በበኩሉ አንድ ሰው ከአንድ ተቋም ሲላክ ታምኖበት፣ ዘርፉን ያውቀዋል ተብሎ ነውና የሚላከው ባለሙያዋ የተናገረችው ስህተት መሆኑን እንዴት ነው የምታረጋግጡልኝ ? የሚል ጥያቄ ለም/ዳይሬክተሯ ወ/ሮ ሁሉአየሽ አቅርቧል።
“ እውነት የምነግርህ እኔ ምክትል ዳይሬክተር ነኝ ፤ ልጅቷ ፕላንድ የሚባል ፕሮጀክት አለ የእርሱ አስተባባሪ ነች ” ያሉት ም/ ዳይሬክተሯ፣ “ ዙሮ ዙሮ ግን እርግጠኛ ሆኘ የምነግርህ ክልሉ ያለበት ሁኔታ ይታወቃል። ቁጥሩ ከዚህ በላይ ሊሆንም ይችላል፣ ሊያንስም ይችላል፣ ስትሰበስበው ነው የምታገኘው ” ሲሉ አስረድተዋል።
ተቋማቸው መልዕክቱን በሰነድ መልኩ እንዲልክ ከቲክቫህ ኢትዮጵያ ተጠይቀው ምክትል ዳይሬኮተሯ ፈርመው የላኩት ደብዳቤ ፦
- " ወ/ሮ በላይነሽ ሽባባው ' በክልሉ በተፈጠረው ግጭት ምክንያት 4,000 ሴቶች ተደፍረዋል ' የሚል ያልተረጋገጠ ሀሳብ አንስተዋል " ይላል።
- ክልሉ በዚህ ወቅት በግጭት ላይ በመሆኑ በሴቶች ላይ የተለያዩ ጥቃቶች እንደሚፈጸሙ ቢገመትም ተቋሙ ግን ታች ድረስ ወርዶ መረጃ ለመሰብሰብ ባለው ግጭት ምክንያት ምቹ ሁኔታ ስለሌለና ኢንተርኔት በመዘጋቱ ምክንያት መረጃዎችን ሰብስቦ ማረጋገጥ እንዳልተቻለ ይገልጻል።
* የተባለው መረጃው በተቋሙ ውስጥ እንደሌለ፤ ምቹ ሁኔታን ሲገኝ ታች ወርዶ ያረጋገጥነውን መረጃ ለቲክቫህ ኢትዮጵያ እንደሚያሳውቅ ያመለክታል።
ቲክቫህ ኢትዮጵያ ያደረጉት ገለጻ ስህተት እንደሆነ የተነገረላቸው ወ/ሮ በላይነሽን በድጋሚ ማብራሪያ እንዲሰጡ ያደረገው ሙከራ ስልክ ለማንሳት ፈቃደኛ አልሆኑም።
#AATikvahFamily
@tikvahethiopia