1519094
ይህ የቲክቫህ (ተስፋ) ኢትዮጵያ ቤተሰብ አባላት መሰባሰቢያ እንዲሁም የመረጃ እና የመልዕክት መለዋወጫ መድረክ ነው። @tikvahuniversity @tikvahethAfaanOromoo @tikvahethmagazine @tikvahethsport @tikvahethiopiatigrigna #ኢትዮጵያ
ዩጋንዳ በሀከሮች 17 ሚሊዮን ዶላር ተዘረፈች።
ዩጋንዳ በማዕከላዊ ባንኳ ላይ በተፈጸመ የሳይበር ጥቃት 62 ቢሊዮን ሽልንግ ወይም 17 ሚሊዮን ዶላር ተዘርፋለች፡፡
ቢው ቪዥን ጋዜጣ እንደዘገበው ምዝበራው የተፈጸመው ሀከሮች (ጠላፊዎች) የባንኩን አይቲ ክፍል ከተቆጣጠሩ በኋላ ነው፡፡
ምዝበራው ባሳለፍነው ማክሰኞ ነው እንደተፈጸመ የተነገረው።
ምዝበራው በደቡብ እስያ የሚገኙ ጠላፊዎች የተፈጸመ እንደሆነ ገንዘቡ በመጨረሻ ወደ ጃፓን እንደተላከ ባንኩ አስታውቋል፡፡
ባንኩ ከተመዘበረው ገንዘብ ውስጥ ግማሹን አስመልሻለሁ ብሏል፡፡
የሀገሪቱ ፕሬዝዳንት ዮሪ ሙሴቪኒ መንግስታቸው በሚስተዳድረው ባንክ ላይ የተፈጸመው ምዝበራ እንዲመረመር አዘዋል።
ዴይሊ ሞኒተር ባወጣው ዘገባ ይህ ምዝበራ የተፈጸመው በባንኩ የውስጥ ሰራተኞች እርዳታ አማካኝነት ሳይሆን አይቀርም።
የፕሬዝዳንቱን ጥዕዛዝ ተከትሎ ፖሊስ ሁኔታውን እየመረመረ ነው ተብሏል። በቅርቡ ውጤቱን ለህዝብ ይፋ እንደሚያደርግ ተገልጿል።
ዩጋንዳ በተደጋጋሚ መሰል የበይነ መረብ / ሳይበር ጥቆቶችን ስታስተናግድ የአሁኑ የመጀሪያዋ አይደለም።
በተለይም በቴሌኮም ኩባንያዎች እና የገንዘብ አተላላፊ ተቋማቶቿ ላይ በተደጋጋሚ ዝርፊያ ተፈጽሟል፡፡
በባንኮች ላይም መሰል ምዝበራዎች የሚፈጸሙ ቢሆንም ባንኮች ከደንበኞቻቸው ሊደርስ የሚችልን ጉዳት በመፍራት ምን ያህል ገንዘብ እንደተሰረቁ ከመናገር ይቆጠባሉ፡፡
ይህን መረጃ አል አይን ኒውስ ቢው ቪዥን ጋዜጣና ዴይሊ ሞኒተርን ዋቢ በማድረግ ነው ያጋራው።
@tikvahethiopia
#ሹመት : የኢትዮጵያ መገናኛ ብዙሃን ባለስልጣን ዋና ዳይሬክተር ሆነው ሲያገለግሉ የቆዩት አቶ መሐመድ እድሪስ የሰላም ሚኒስቴር ሚኒስትር ሆነው ተሾሙ።
ጠቅላይ ሚኒስትር ዐቢይ አሕመድ (ዶ/ር) ከሕዳር 18 ቀን 2017 ዓ.ም ጀምሮ አቶ መሐመድ እድሪስን የሰላም ሚኒስቴር ሚኒስትር አድርገው ሾመዋቸዋል።
@tikvahethiopia
ጠብታ አምቡላንስ በድንገተኛ አደጋ ያሉ ጉዳቶችን ለመቀነስ እንዲሁም በዘርፉ የነበረውን የሰለጠነ ባለሙያ እጥረት ለመቅረፍ በነፃ የትምህርት ዕድል በኢመርጀንሲ ሜዲካል ሰርቪስ ደረጃ 4 እያሰለጠነ ይገኛል።
በዚህም ሁለት ባቾችን ያስመረቀ ሲሆን የ3ኛ ዙር ሰልጣኞችን በቅርብ ቀናት ውስጥ ለማስመረቅ በዝግጅት ላይ ይገኛል፡፡
አሁንም ጠብታ ፓራሜዲክ ኮሌጅ በድንገተኛ በኢመርጀንሲ ሜዲካል ሰርቪስ ደረጃ 4 ሰልጣኞችን በመቀበል ለ20 ወራት ያለምንም ክፍያ ለማሰልጠን ይፈልጋል፡፡
🕒 የመመዝገቢያ ጊዜ እስከ ታህሳስ 5/2017 ይቆያል።
የምዝገባ ቦታ ፡ ጠብታ ፓራሜዲክ ኮሌጅ
አድራሻ ፡ የካ ክፍል ከተማ ወረዳ 08 የቤት ቁጥር 207 (22 አካባቢ ጆቫኒ ሆቴል ጀርባ ገባ ብሎ
ያለው ውስን ቦታ በመሆኑ ቅድሚያ መመዝገብ የዕድሉ ተጠቃሚ ይሁኑ
ለበለጠ መረጃ 0943302400/ 0923514151 /0912419354/ 0910855115 ላይ ይደውሉ!
http://www.tebitaambulance.com
ሕይወት ለማዳን 8035 ይደውሉ
" ምን ያልተጎዳ አለ፣ አገሩ በሙሉ ነው የተጎዳው " - ሰብላቸው የተጎዳባቸው አርሶ አደር
ሰሞኑን በአማራ ክልል ፣ ሰሜን ጎንደር ዞን ደባርቅ ከተማ አቅራቢያ የጣለው ከባድ ዝናብ በደረሰ ሰብል ላይ ጉዳት ማድረሱን አርሶ አደሮች ለዶቼ ቨለ ሬድዮ በሰጡት ቃል ተናግረዋል።
በረዶ ቀላቅሎ በጣለው ከባድ ዝናብ 700 የሚጠጉ አርሶ አደሮች ሰብላቸው ወድሟል።
ዝናቡ በደረሱ የስንዴ ፣ የቦቆሎ ፣ የገብስና ሌሎች አዝርዕቶች ላይ ከፍተኛ ጉዳት አድርሷል።
ለእንሳቱ የሚሆን ቀለብ እንኳ በረዶ ቀላቅሎ በጣለው ከባድ ዝናብ ወድሟል።
እንስሳቱም ለርሀብ መጋለጣቸውን አርሶ አደሮቹ ተናግረዋል።
ከ600 በላይ አባዎራዎችም ለችግር ተዳርገዋል።
ቃላቸውን የሰጡ አርሶ አደሮች ሕዳር 14 ቀን 8 ሰዓት ጀምሮ ከ30 ደቂቃ በረዶ ቀላቅሎ በዘነበው ከባድ ዝናብ " በገብስ፣ ባቄላና ጤፍ ሰብል ላይ ከፍተኛ ጉዳት ደርሷል " ብለዋል።
ከዛሬ ነገ የደረሰውን ሰብል በደቦ ለመሰብሰብ እየተዘጋጁ በነበረበት ወቅት ነው ድንገት የዘነበው ዝናብ ውድመት ያደረሰው።
በዝናቡ ሰብላቸው ከተጎዳባቸው አርሶአደሮች መካከል አቶ ቢራራ ሁነኛው "... የደረሰ ባቄላና ገብስ ነበረኝ፣ በጣም ጉዳት ደርሶበታል፣ ምን ያልተጎዳ አለ፣ አገሩ በሙሉ ነው የተጎዳው " ብለዋል።
በጉዳቱ 10 ኩንታል ምርት የወደመባቸው ሌላው አርሶአደር ዝናቡ ባልተጠበቀ መንገድ ጉዳት አድርሷል ሲሉ ለሬድዮ ጣቢያው ተናግረዋል።
ፎቶ ፦ ኤኤምሲ
@tikvahethiopia
#Tigray
በቅርቡ የግድያ ሙከራ እንደተደረገባቸው የተናገሩት የትግራይ ማእከላዊ ዞን ዋና አስተዳዳሪ ሰለሞን መዓሾ በአዲስ አስተዳዳሪ ተተኩ።
ዋና አስተዳዳሪ ሰለሞን መዓሾ ፤ ጉዕሽ ግደይ ሓድጉ በተባሉ አዲስ አስተዳዳሪ ነው የተተኩት።
አዲሱ የትግራይ ማእከላዊ ዞን ዋና አስተዳዳሪ
ጉዕሽ ግደይ ሓድጉ ፕሬዜዳንት ጌታቸው ረዳ ህዳር 18 / 2017 ዓ.ም በፃፉት ደብዳቤ መተካታቸው ለማወቅ ተችላል።
በአቶ ሰለሞን መዓሾ ላይ የተደረገውን የግድያ ሙከራ የትግራይ ክልል ፓሊስ እያጣራሁት ነው ማለቱን መረጃ መለዋወጣችን ይታወሳል።
#TikvahEthiopiaFamilyMekelle
@tikvahethiopia
#Update
የጁባላንድ መንግሥት ከሶማሊያ ፌዴራሉ መንግሥት ጋር ያለውን ግንኙነት ማቋረጡን ይፋ አደረገ።
የጁባላንድ ካቢኔ ስብሰባ ካደረገ በኃላ ይፋ እንዳደረገው " ሙሉ በሙሉና በይፋ ከሶማሊያ የፌዴራል መንግሥት ጋር ያለውን የስራም ሆነ ማንኛውንም ግንኙነት " አቋርጧል።
የጁባላድ መንግሥት ፕሬዜዳንት ሀሰን ሼክ ሙሀሙድን ፦
- ኃይላቸውን ያለ አግባብ በመጠቀም
- የእርስ በእርስ ጦርነት በማነሳሳት
- ሰራዊትን በማውደም
- በሙስና ... ከሷል።
ሕገመንግስቱን በማጣስ ወንጅሎም " በፌዴራል መንግሥት የተደረጉ የሕገመንግስት ማሻሻያዎችን አንቀበልም " ሲል አሳውቋል።
ቀደም ሲል የፕሬዜዳንት ሀሰን ሼክ ሙሀሙድ መንግሥት በጁባላንድ ፕሬዝዳንት አሕመድ ማዴቦ ላይ የእስር ማዘዣ አውጥቷል።
የጁባላንድ መንግሥት በተመሳሳይ ፕሬዚዳንት ሀሰን ሼክ ሙሀሙድ እንዲታሰሩ የእስር ትዕዛዝ በማውጣት አፀፋውን መልሷል።
በፌዴራል መንግሥቱ እና በጁባላንድ መንግሥት መካከል ውጥረቱ መባባሱ ተሰምቷል።
NB. ባለፈው አመት የፑንትላንድ መንግሥት ከማዕከላዊው የሶማሊያ መንግሥት ጋር ያለውን ግንኙነት ሙሉ በሙሉ ማቋረጡን ይፋ ማድረጉ ይታወሳል።
@tikvahethiopia
በሶማሊያ ያለው ከፍተኛ ውጥረት ወዴት ያመራ ይሆን ?
⚫ የፕሬዜዳንት ሀሰን ሼክ ሙሀሙድ መንግሥት አሕመድ ማዴቦ ላይ የእስር ማዘዣ አውጥቷል። የጁባላንድ መንግሥት ደግሞ ፕሬዚዳንት ሀሰን ሼክ ሙሀሙድ እንዲታሰሩ ትዕዛዝ አውጥቷል።
በሶማሊያ ፌደራል መንግሥት እና በጁባላንድ ራስገዝ አስተዳደር መሪዎች መካከል አለመግባባት ከተፈጠረ ሰንበትበት ብሏል።
ምክንያት ?
በአገሪቱ ተግባራዊ ሲደረግ የቆየውን ክልላዊ የውክልና ምርጫ በማስቀረት አገራዊ ምርጫ እንኪካሄድ የፌደራል መንግሥቱ መወሰኑን ተከትሎ ነው።
የጁባላንድ መሪዎች ይህ ውሳኔ የአገሪቱን ሕገ መንግሥት የሚጥስ ነው በማለት በቅርቡ በተናጠል ክልላዊ ምርጫ አድርገዋል።
በዚህ ምርጫ አሕመድ ሞሐመድ ኢስላም (አሕመድ ማዶቤ) በመሪነት ተመርጠዋል። ለ3ኛው ጊዜም ነው ያሸነፉት።
ከዛስ ምን ተፈጠረ ?
በፌዴራሉ መንግሥት እና በጁባላንድ መንግሥት መካከል ውጥረቱ እያየለ መጥቷል።
የፌዴራሉ መንግሥት ወታደሮቹን " ራስ ካምቦኒ " ወደተባለችው ኬንያ ድንበር ላይ በምትዋስን ከተማ ላይ አስፍሯል።
ፌደራል መንግሥት ጦሩን ማደራጀቱን የተመለከቱት የጁባላንድ ወታደሮችም ለሚፈጸም የፌደራል መንግሥቱን ጥቃት ምላሽ ለመስጠት በተጠንቀቅ ቆመዋል።
አሁን ደግሞ ሀሰን ሼክ ሞሀሙድ የሚመሩት ማዕከላዊ መንግሥት የጁባላንድ መሪው አሕመድ ማዶቤ ላይ የእስር ማዘዣ አውጥቷል።
በምላሹ የጁባላንድ መንግሥት የሶማሊያው ፕሬዝዳንት ሀሰን ሼክ ሙሀሙድ እንዲታሰሩ የእስር ማዘዣ አጥቷል።
ኦብነግ ምን እያለ ነው ?
እዚህ ኢትዮጵያ ሶማሌ ክልል የሚንቀሳቀሰው የኦጋዴን ብሔራዊ ነጻነት ግንባር (ኦብነግ) በጁባላንድ ያለው ውጥረት " አሳሰበኝ " ብሏል።
" እየተቀሰቀሰ ያለው ቀውስ የጁባላንድን እና አጠቃላዩን የሶማሊያ ቀጣናን መረጋጋት ከፍተኛ ስጋት ላይ እንደሚጥል ነው " ብሏል።
" እየተባባሰ የመጣው መቃቃር የንጹሃንን ሕይወት አደጋ ላይ መጣል ብቻ ሳይሆን አፍራሽ ኃይሎች ሁኔታውን እንደ ምቹ አጋጣሚ በመውሰድ በቀጣናው ደኅንነት እና ልማት ላይ ተጽዕኖ ሊያደርሱ ይችላሉ " ሲልም ገልጿል።
በሶማሊያ ወገኖች መካከል ያለው ልዩነት በሰላማዊ መንገድ ይፈታል የሚል እምነት እንዳለውም ገልጿል።
የመረጃ ምንጭ ቢቢሲ ነው።
@tikvahethiopia
#ሴጅ_ማሰልጠኛ
የጋዜጠኝነት ስልጠና በቅዳሜ እና እሑድ መርሐግብር ምዝገባ ላይ ነን።
በስልጠናው፦
👉 መሠረታዊ የጋዜጠኝነት መርሖች
👉 የመዝናኛ ፕሮግራም ጋዜጠኝነት፣ የፕሮግራም ዝግጅት እና ዶክመንተሪ ዝግጅት
👉 የሞባይል ጋዜጠኝነት እና YouTube journalism አካቷል፡፡
👉 በተጨማሪም የስራ ላይ ስልጠና (Internship) አካቷል፡፡ ስልጠናው ለ6 ወር የሚቆይ ሲሆን በቅዳሜና እሑድ መርሐግብር ይሰጣል።
ስልክ ፦ 0906777799 / 0906777755
አድራሻ፦ ቁ.1: ፒያሣ ቸርችል ጎዳና ኤልያና ሆቴል 2ኛ ፎቅ እና ቁ.2 መገናኛ ታሜጋስ ህንፃ 2ኛ ፎቅ
#TPLF
ለመሆኑ አቶ ጌታቸው ረዳ ' የቀድሞው ' ከተባሉ ክልሉን (ትግራይን) ማነው እያስተዳደረ ያለው ? ይህ በደብረጽዮን ገ/ሚካኤል (ዶ/ር) ለሚመራው ህወሓት ምክትል ሊቀመንበር አቶ አማኑኤል አሰፋ የቀረበ ጥያቄ ነው።
አቶ አማኑኤል አሰፋ ይህን ጥያቄ የተጠየቁት አቶ ጌታቸው ረዳን " የቀድሞው ፕዜዳንት " ብለው በመጥራታቸው ነው።
" የፕሬዜዳንት ውክልና ሲነሳ ፕሬዜዳንቱ በሌለበት ማን እንደሚሰራ ይታወቃል " ያሉት አቶ አማኑኤል " ኃላፊ በሌለበት ጊዜ እሱን ተክቶ የሚሰራ እንዳለ ይታወቃል ምንም የስልጣን ክፍተት አይፈጠርም ህወሓት የወከላቸውን የተወሰኑ ሰዎች ውክልና አንስቷል ውክልናውን ስላነሳን ነው የቀድሞ ፕሬዜዳንት የሚለውን ቃል የተጠቀምኩት " ሲሉ ለተነሳው ጥያቄ መልስ ሰጥተዋል።
በግልጽ አሁን ላይ በእሳቸው አመለካከት ክልሉን ማን እየመራ እንዳለ አልጠቀሱም።
" ፕሬዝዳንቱን የሚተካ ሰውን በሚመለከት ህወሓት ከፌዴራል መንግሥት ጋር እየተነጋገር ነው " ያሉት አቶ አማኑኤል " ውጤቱ ይፋ ይደረጋል " ብለዋል።
እዚህ ላይም ከየትኛው የፌዴራል አካል ጋር ንግግር እያደረጉ እንደሆነ በግልጽ አልተናገሩም። የፌዴራል መንግሥትም በህወሓት ክፍፍል ጉዳይ ምንም ቃል ሰጥቶ አያውቅም።
በሌላ በኩል ፤ ከቀናት በፊት የጊዜያዊ አስተዳደሩ ፕሬዝዳንት አቶ ጌታቸው ረዳ በሰጡት መግለጫ የህወሓት አመራሮች በውስጣቸው ያለውን ክፍፍልና ልዩነት ካልፈቱ የክልሉን አስተዳደር ፌዴራሉ መንግሥት ሊይዘው እንደሚችል ማሰስቡን ገልጸው ነበር።
አቶ አማኑኤል ግን " ይህ ከሀቅ የራቀ ነው " ሲሉ አጣጥለዋል።
" ' እዚህ ተስማምተን ካልተንቀሳቀስን 'የጊዜያዊ አስታዳደሩን ስልጣን ብልፅግና ይረከበዋል ተብሏል ' ተብሎ የተነገረው ፍጹም የተሳሳተ ነው ወደዚህ ደረጃም አልደረስንም እንዲህ አይነት መልስም አልተሰጠም። ከፌዴራል መንግሥት ጋር የተጀመረው ውይይት ይቀጥላል " ሲሉ ተናግረዋል።
በተጨማሪ አቶ አማኑኤል አሰፋ ፦
° ከባለፈው ጉባኤ በኃላ ፓርቲያቸው በወረዳና ከተሞች የአመራር ማስተካከያ ማድረጉን ፤
° የወረዳና ከተማች ምክር ቤት በህወሓት አብላጫ ወንበር የተያዘ በመሆኑ የተሻለ አመራር መመደቡን፤
° በጊዜያዊ አስተዳደሩ የሚገኙ ፕሬዜዳንቱን ጨምሮ 13 አመራሮች ውክልና ቀድሞ መነሳቱን ገልጸዋል።
" ህወሓትንም ሆነ የመንግሥት ስልጣንን በተመለከተ ድርድር አይደረግም " ያሉ ሲሆን " በመቶ ሺህ የሚቆጠር አባል ያለው ፓርቲ ነው ያለን ከፓርቲው የወጡ ሰዎች መመለስ ከፈለጉ በአሰራሩ መሰረት የይቅርታ ደብዳቤ በማስገባት ነው መመለስ የሚችሉት " ብለዋል።
የጊዜያዊ አስተዳደሩ ፕሬዜዳንት አቶ ጌታቸው ረዳ ፤ የደብረጽዮን (ዶ/ር) ቡድን አስተዳደሩ ስራ እንዳይሰራ እንቅፋት ከመሆን ባለፈ የወረዳ ምክር ቤቶችን በመጠቀም አስተዳዳሪዎችን ከቦታቸው እንዲነሱ እያደረገ ነው ይህ " መፈንቅለ መንግሥት ነው " ብለው ነበር።
#VOATigrigna
#TPLF #Tigray
@tikvahethiopia
#ቲክቶክ #ስናፕቻት
በአልባኒያ አንድ የ14 ዓመታ ታዳጊ ልጅ ትምህርት ቤት ውስጥ በአሰቃቂ ሁኔታ በስለት ከተገደለ በኃላ የሀገሪቱ መንግሥት ቲክቶክ እና ስናፕቻትን እስከወዲያኛው ለማገድ ሊያቅድ እንደሚችል ተነገረ።
ባለፈው ሳምንት ሰኞ ዕለት በዋና ከተማዋ ቲራና በሚገኝ ፋንኖሊ በተባለ የአንደኛ ደረጃ ትምህርት ቤት ውስጥ አንድ የ14 ዓመት ታዳጊ በሌላ ተማሪ በስለት በአሰቃቂ ሁኔታ ተገድሏል።
ተማሪዎቹ ክርክራቸው እና አለመግባባታቸው የጀመረው በማህበራዊ ሚዲያ እንደሆነ ተጠቁሟል።
የሀገሪቱ ጠ/ሚ ኢዲ ራማ ባለፈው ሳምንት ከሀገሪቱ የካቢኔ ስብሰባ በኃላ በሰጡት ቃል ፤ " አሰቃቂው የታዳጊው ሞት ከመንግሥት እንዲሁም ከህብረተሰቡ ጠንካራና ውጤታማ ምላሽ የጠየቀ አሳዛኝ ክስተት ነው " ብለዋል።
ይህን ተከትሎ ቲክቶክ እና ስናፕቻት የተባሉ የማህበራዊ ሚዲያዎችን " እስከመጨረሻው ድረስ ሀገሪቱ ላይ ለማገድ እናስብበት ይሆናል " ሲሉ ገልጸዋል።
አንዳንድ ሀገራት ከ16 አመት በታች ለሆኑ ልጆች የማህበራዊ ሚዲያ ተደራሽነትን እንደሚገድቡ የጠቆሙት ጠቅላይ ሚኒስትሩ እስካሁን ሀገሪቱ የማጣሪያ መንገዶች (ለልጆች የማይሆኑትን ማጣሪያ ሲስተም) ውጤታማ ከሆኑ በሚል ሲታዩ ቢቆዩም ውጤት አልባ እንደሆኑ ገልጸዋል።
" ይልቅም የኦንላይን ጥቃት ፣ ሰዎችን ማዋረድና ማጥቃት እየጨመረ መጥቷል " ብለዋል።
ራማ ቲክቶክ እና ስናፕቻትን እስከመጨረሻ የማገድ ሃሳቡ ከወላጆች እና ትምህርት ቤቶች ጋር ውይይት እንደሚደረግበት ጠቁመዋል።
ይህም የውሳኔ አሰጣጡ ሂደት በተቻለ መጠን ዲሞክራሲያዊ መሆኑን ለማረጋገጥ እንደሆነ ገልጸዋል።
#TikTok #Snapchat #Albania
@tikvahethiopia
" ዜጎች ምን ያህል እንደሚንገላቱ የአይን ምስክር ነኝ !! " - የሺእመቤት ደምሴ (ዶ/ር)
ዛሬ የኢሚግሬሽን እና ዜግነት አገልግሎት #የፓስፖርት_አገልግሎት አሰጣጥን በተመለከተ በተካሄደው የ2015/2016 የክዋኔ እና ኦዲት ሪፖርት ስብሰባ ላይ በመንግሥት ወጪ አስተዳደር እና ቁጥጥር ጉዳዮች ቋሚ ኮሚቴ በኩል ስለ ሰራተኞች ስነምግባር ፤ ስለ ዜጎች እንግልት ተነስቷል።
የቋሚ ኮሚቴው ሰብሳቢ የሺእመቤት ደምሴ (ዶ/ር) መ/ቤቱን " ሁላችንም የምንረግጠው በር ነው ያላችሁ " ሲሉ ገልጸዋል።
" ነገር ግን ሁላችንም ተጠቂ / Victim የሆንበት ጉዳይ ነው እውነቱን ለመናገር " ሲሉ ተናግረዋል። ይህንን ያሉት ስለ ሰራተኞች ስነምግባር እና ስለ ተገልጋይ እንግልት ባነሱት ሃሳብ ነው።
በጉዳዩ ላይ የኢሚግሬሽን እና ዜግነት አገልግሎት ኃላፊዎች ለምክር ቤቱ " አጃቢዎቻቸው ፣ በቋንቋ ፣ ቦታ ባለማወቅ ... በተለያዩ ምክንያቶች አጅበዋቸው የሚመጡት እንጂ አገልግሎት ፈላጊዎቻችን አይደለም የሚንገላቱት " ብለዋል።
የምክር ቤት አባልና የቋሚ ኮሚቴ ሰብሳቢዋ ግን " እኔ ምስክር ነኝ እኔ ተንገላትቻለሁ " ሲሉ ተናግረዋል።
" እኔ ተንገላትቻለሁ ፤ እኔ ተገፍቼ ወጥቻለሁ ያውም የህዝብ ተወካዮች ምክር ቤት መታወቂያ እያሳየሁ ፤ ተጎትቼ ወጥቻለሁ ይህንን ከማንም አይን እማኝ አይደለም እኔ ላይ የደረሰ ነው። እኔ ይሄንን የምለው እኔ ተበድያለሁና እኔ ለምን ተበደልኩ ብዬ አይደለም " ብለዋል።
" እኔ ይህን ሃሳብ እያቀረብኩ ያለሁት ከኃላዬ ያለው ዜጋ ምን ያህል እንደሚንገላታ የአይን ምስክር ነኝ ለማለት ነው " ሲሉ አስረድተዋል።
" ይህንን ፈትሹት ፤ ሩቅ አይደለም የሩቅ ጊዜ ትዝታ አይደለም እየናገርኳችሁ ያለሁት ዛሬ ላይ እየተፈጸመ ያለ ነው " ብለዋል።
" አገልግሎት ፈላጊው ወረቀት ይዞ ፣ የሞላውን ፕሪንት አድርጎ ይዞ በጣም እየተንገላታ ፤ እየተገፋ ያለበት ሰዓት ነው ያ መሆን የለበትም " ሲሉም አሳስበዋል።
አክለው " ለዜጎቻችን መስጠት የምንችለውን አቅማችን የፈቀደውን አገልግሎት በአግባቡና በስርዓት ልንሰጥ ይገባል እንጂ ከዛም አልፎ መንገላታትን ልንጨምርበት አይገባም " ብለዋል።
መ/ቤቱ ያሉትን ቅርንጫፎች አቅም እንዲያጠናክር እና ዜጎችን ከሚያንገላታ አሰራር እንዲታረም በጥብቅ አሳስበዋል።
#TikvahEthiopia
#Passport
@tikvahethiopia
🔈#የነዋሪዎችድምጽ
🔴 “ ጩኸታችን ሰሚ በማጣቱ በውሃ እጦት እየተሰቃዬን ነው። አሁንም ችግሩ መፍትሄ አላገኘም ” - የቤንሻንጉል ጉሙዝ ነዋሪዎች
🔵 “ በአማራና በኦሮሚያ ክልሎች በኩል መንገዶች ዝግ ናቸው። በእጅባ ካልሆነ በስተቀር ማተሪያል መጥቶ እንደማይገባ ግልጽ ነው” - የክልሉ ውሃና ኢነርጂ ቢሮ
በቤንሻንጉል ጉሙዝ ክልል የተለያዩ አካባቢዎች የሚገኙ ነዋሪዎች ከዚህ ቀደም ገጥሞናል ያሉት የውሃ ችግር ባለመቀረፉ መቸገራቸውን በቲክቫህ ኢትዮጵያ በኩል እሮሮ አሰሙ።
በወምበራ፣ ቡለን፣ አሶሳ፣ ዳንጉርና በሌሎች አካባቢዎች ከፍተኛ የውሃ እጥረት ከተጋረጠባቸው ሰንበትበት እንዳለ አስረድተው፣ “ ጩኸታችን ሰሚ በማጣቱ በውሃ ችግር እየተሰቃዬን ነው። አሁንም ችግሩ መፍትሄ አላገኘም ” ነው ያሉት።
ከ6 ወራት እስከ ዓመታት የውሃ ችግር ያለባቸው አካባቢዎች እንዳሉ ገልጸው፣ የሚመለከታቸው አካላት ግን መቼ ነው ጩኸታችንን ሰምተው መፍትሄ የሚሰጡን ? ሲሉ በአንክሮ ጠይቀዋል።
° ለምን ችግሩ እንደተፈጠረ ፣
° ችግሩ ካጋጠመ በኃላ ደግሞ ለምን በወቅቱ እንዳልተቀረፈ፣
° ችግሩን ለመቅረፍ ምን እየተሰራ እንደሆነ ማብራሪያ እንዲሰጡ ቲክቫህ ኢትዮጵያ ጥያቄ ያቀረበላቸው የቤንሻንጉል ክልል ውሃና ኢነርጂ ቢሮ ኃላፊ ወ/ሮ ሐጂራ ኢብራሂም፣ ችግሩ እንዳለ አምነው ምላሽ ሰጥተዋል።
ኃላፊዋ ምን አሉ ?
“ አዎ ችግሮች አሉ። ስታንዳርዱ በሚፈቅደው መልኩ አይደለም ህብረተሰቡ ውሃ እያገኘ ያለው። ሄይንን ስንል ግን እንደ መንግስት ብዙ ጥረቶች እየተደረጉ ነው።
ነገር ግን በአማራና በኦሮሚያ ክልሎች በኩል መንገዶች ዝግ ናቸው። በእጅባ ካልሆነ በስተቀር ማተሪያል መጥቶ እንደማይገባ ግልጽ ነው።
ከዚህ ጋር በተያያዘ ከዚህ በፊት በተለያዩ አጋር ድርጅቶች ድጋፍ ተገኝቶ የውሃ ቁፋሮ ለማድረግ የማሽን ጨረታ ይወጣል ተወዳድሮ ወደ ቤንሻንጉል የመጣ አካል የለም ።
እንደ ክልል እጅግ ትልቅ የውሃ ችግር ያለባቸው የለየናቸው ቦታዎች አሉ። ከሌሎች የበለጠ ብለን የምናስቀምጠው አንዱ ዳንጉር ነው። ዳንጉርና ጉባ ከፍተኛ የሆነ የውሃ ችግር አለባቸው። ይሄ የሆነው ደግሞ ሳይት ተመርጦ ነበር ከችግሩ በፊት፣ ውሃ ቁፋሮ ግን ውሃዎቹ አልተገኙም።
ስለዚህ የከርሰ ምድር ውሃ ነው እየጀመርን ያለው። ሁሉም ቦታ ላይ ጥናት አድርገን አስቀምጠን አጋር ድርጅቶች ሲመጡ ቀጥታ ችግሩ የት ጋ ነው ያለው? ለሚለው ጥናቱን ለማስረከብ ነው የክልሉ መንግስት የሰጠን አቅጣጫ።
ይሄ ይዘን ቀጣይ ብዙ ሥራዎችን ለመስራት አቅደናል።
ቡለን አካባቢ ችግሮች ነበሩ ውሃ ለማዳረስ ጥረት እየተደረገ ነው። የመልሶ ማቋቋም ፕሮጀክት ብዙ ስራ እየሰራ ያለበት ያለ ወረዳ ነው። ግን አሁንም ቢሆን በቂ ነው ብለን አንጠብቅም። ተደራሽነቱ ላይ ክፍተቶች አሉ።
የክልሉ መንግስት በትኩረት እየሰራ ነው። የፌዳራሉ መንግስትም ድጋፍ እንዲያደርግልን ማሽን ሁሉ ጠይቀን ማሽኑ አማራ ክልል ወደ ጎንደር አካባቢ ነው ያለው ለቁፋሮ ሂዶ፤ ከዛ አውጥቶ እንኳ ወደኛ ክልል ለማስገባት ትንሽ የተቸገሩበት ሁኔታዎች ስለነበረ አሁን ከእነርሱ ጋርም እየተነጋገርን ነው ያለነው ” ብለዋል።
ኃላፊዋ ፤ የማሽን ችግር እንደነበር እና ማሽን ሲገባ እንዳልነበር በፌደራል ደረጃ ጨረታ ወጥቶ ጨረታ ወጥቶ ተወዳዳሪ ይገኝ እንዳልነበር ፤ በአሁኑ ወቅት ግን አንጻራዊ ሰላም መንገዶች ላይ ስላለ ችግሩን ለመቅረፍ እየተሰራ መሆኑን ገልጸዋል።
(ጉዳዩን እስከመጨረሻው የምንከታተል ይሆናል)
#TikvahEthiopiaFamilyAA
@tikvahethiopia
" ዋና ኃላፊዋ በሀገር ውስጥ የሉም። ነገር ግን ደብዳቤያችን ከደረሳቸው በኃላ ነው የወጡት " - የመንግሥት ወጪ አስተዳደርና ቁጥጥር ጉዳዮች ቋሚ ኮሚቴ
በዛሬው ዕለት በህዝብ ተወካዮች ምክር ቤት የመንግሥት ወጪ አስተዳደር እና ቁጥጥር ጉዳዮች ቋሚ ኮሚቴ የኢሚግሬሽንና ዜግነት አገልግሎት የ2015 /2016 በጀት አመት የፓስፖርት አገልግሎት አሰጣጥና ውጤታማነትን በተመለከተ የተከናወነ የክዋኔ ኦዲት ሪፖርት እንዲሁም የ2015 የሂሳብ ኦዲት ሪፖርት ላይ ለመወያየት ስብሰባ ጠርቶ ነበር።
ነገር ግን የኢሚግሬሽን እና ዜግነት አገልግሎት ዋና ዳይሬክተር ሰላማዊት ዳዊት ስብሰባው ላይ ሳይገኙ መቅረታቸው ቁጣን ፈጥሯል።
የቋሚ ኮሚቴው ሰብሳቢ የሺእመቤት ደምሴ (ዶ/ር) ምን አሉ ?
" በመሰረቱ ምክር ቤቱ ተመርምረው የቀረቡለትን የዋና ኦዲት ሪፖርቶችን ይፋዊ ውይይት የሚያደርግባቸው የመስሪያ ቤቱ የበላይ ኃላፊ ነው።
እኔ የመጣችሁትን የተመርማሪ መ/ቤት ኃላፊዎች ኃላፊነታችሁን አከብራለሁ ነገር ግን ዋና ኃላፊ በኦዲት ሪፖርት ምርመራ ላይ መገኘት ግዴታ ነው።
ዋና ኃላፊዋ በሀገር ውስጥ የሉም። ነገር ግን ደብዳቤያችን ከደረሳቸው በኃላ ነው የወጡት። ይህ ድርጊት ተገቢ አይደለም።
እኛ ከ10 ቀን በፊት ነው የምናሳውቀው ከ10 ቀን በፊት የምናሳውቅበት የራሱ ምክንያት አለው። መገኘት የማይችሉ ከሆነ reschedule መደረግ ካለበት reschedule መደረግ አለበት አለበለዚህ ግን ችግር የለውም ባላቹ ሰዎች መካሄድ ይችላል ተብሎ ወደ ጎን የሚተው ተግባር አይደለም።
ይሄ እኮ የመ/ቤቱ ቁልፍ ተግባር ነው።
ምክር ቤቱ ሃብት ነው የሚሰጠው፣ ይህ ሃብት በአግባቡ፣ በህግ እና በስርዓት መዋሉን ማረጋገጥ መቆጣጠር ይፈልጋል በዛ በሚቆጣጠርበት ሰዓት ኃላፊነት የሰጣቸው አካል አለመገኘት ተገቢ አይደለም።
በርካታ ስራዎች ሊኖሩ ይችላሉ ግን ከበርካታ ስራዎች የቅድሚያ ቅድሚያ የሚሰጠው ተግባር ነው (በኦዲት ምርመራ ሪፖርቱ ላይ መገኘት)።
ይህ የሚያመላክተው ለኦዲቱ የሰጣችሁትን ትኩረት ነው። ትኩረት መስጠታችሁ አንዱ ማሳያ ተገኝቶ ይሄን ተምሪያለሁ፣ ፈጽሚያለሁ፣ ይሄን አልፈጸኩም ብሎ ፊት ለፊት ያልፈጸመበትን ምክንያት ማስረዳት ከአንድ ኃላፊ የሚጠበቅ ነው።
ለወደፊቱ እንዳይደገም አሳስባለሁ " ብለዋል።
ምንም እንኳን ዋና ኃላፊዋ ባይገኙም ስብሰባው ምክትል ዋና ዳይሬክተሮቹ ቢቂላ መዝገቡ እና ጎሳ ደምሴን ጨምሮ ሌሎችም አመራሮች በተገኙበት ተካሂዷል።
ምክትል ዋና ዳይሬክተሮቹ በተፈጠረው ነገር ይቅርታ ጠይቀው " ድጋሚ አይደገምም " ሲሉ ቃል ገብተዋል።
ዋና ኃላፊዋ መገኘት የማይችሉ ከሆነው ቀድመው መናገር ነበረባቸው ተብሏል።
በዚህ አይነት መንገድ (ዋና ኃላፊዋ በሌሉበት) ሰብሰባውን ማድረግ የማይገባ ቢሆንም ከዋና ኦዲተር ጀምሮ፣ ከጠ/ሚ ፅ/ቤት ፣ ከተለያዩ ተቋማትም ጉዳዩ የሚመለከታቸው ባለድርሻ አካላት ጊዜያቸውን መስዕዋት አድርገው " ዋና ተግባራችን ነው " ብለው ስለተገኙ ብቻ ስብሰባው መደረጉ ተገልጿል።
በዛሬው ስብሰባ የኢሚግሬሽንና ዜግነት አገልግሎት በ2015/2016 በጀት ዓመት የክዋኔ እና ሂሳብ ኦዲት ሲመረመር በርካታ ገድለቶች መገኘታቸው ተገልጿል።
ከሪፖርቱ በመነሳት ቋሚ ኮሚቴው በርካታ ጥያቄዎችን አቅርቧል። በጥያቄዎቹ ላይም የአገልግሎቱ ኃላፊዎች ምላሽ ያሉትን ሰጥተዋል።
#TikvahEthiopia
@tikvahethiopia
#ነቀምቴ
ሳፋሪኮም ኢትዮጵያ በኦሮሚያ ክልል ነቀምቴ ከተማ የ4G አገልግሎት አስጀመረ።
ሳፋሪኮም ኢትዮጵያ አገልግሎቱት ማስጀመሩን ከመግለጹ ጋር አያይዞ ለሃይስኩል ተማሪዎች የላፕቶፕና የራውተር ስጦታ ማበርከቱን ገልጿል።
በዚሁ መርሃ ግብር የተገኙት የከተማዋ አካላት፣ የኔቶርክ አገልግሎቱ መዘርጋት ለማህበረሰቡ ከፍተኛ ጥቅም እንዳለው በመግለጽ፣ ድርጅቱን አመስግነዋል።
በፕሮግራሙ የተገኘው ቲክቫህ ኢትዮጵያም፣ ከከተማዎች በተጨማሪ አገልሎቱን በገጠር አካባቢዎች ለማድረስ ምን ታቅዷል ? ሲል ለድርጅቱ ጥያቄ አቀርቧል።
ለዚሁ ጥያቄ ምላሽ የሰጡት የድርጅቱ ዋና ሥራ አስፈጻሚ ዊም ቫንሄልፑት፣ " በነቀምቴ ከተማ አገልግሎቱን አስጀምረናል ፤ ቀጣይ በአሶሳ ከተማ እናስጀምራለን በዚህም 50 በመቶ የሚሆነውን ህዝብ ተጠቃሚ እናደርጋለን " ብለዋል።
ኔትዎርኩን በሁሉም አካባቢዎች ለማዳረስ ከመንግስት የአምስት ዓመት ጊዜ እንደተሰጣቸው፣ አሁን ሁለት ዓመት እንዳስቆጠሩ፣ በቀሪው ሦስት ዓመት 80 በመቶ ለሚሆነው ህዝብ አገልግሎቱን ለማዳረስ እንዳቀዱ ገልጸዋል።
በተለያዩ አካባቢዎች የጸጥታ ችግሮች ይስተዋላሉ፣ ይህ አገልግሎቱን ተደራሽ ከማድረግ አንጻር በድርጅትዎ ላይ የደቀነው ፈተና አለ ? ስንል ላቀረበላቸው ጥያቄ በሰጡት ማብራሪያ የጸጥታ ችግር አገልግሎቱን ተደራሽ ለማድረግ ተፅዕኖ እንዳለው አስረድተዋል።
የጸጥታ ችግር ከሚስተዋልባቸው አካባቢዎች መካከል ነቀምቴ ከተማን ጠቅሰው፣ በጸጥታው ችግር ድርጅቱ የአገልግሎት ተጠቃሚ ለማድረግ ሳያስችለው እንደቆዬ፣ “ አሁን አንጻራዊ ሰላም ስላለ ” አገልግሎቱን እንዳስጀመሩ አስረድተዋል።
አገልግሎቱን ለማዳረስ በመቐለ ከተማ ተመሳሳይ ችግር ገጥሟቸው እንደነበር፣ በኋላም እንዳስጀመሩ፣ ከሁለት ሳምንታት በፊት በሶማሌ ክልል በጎዴ የኔቶርክ አገልግሎት እንዳስጀመሩ አስታውሰው፣ አንጻራዊ ሰላም ባለባቸው አካባቢዎች የኔትዎርክ ዝርጋታውን እንደሚቀጥሉ ጠቁመዋል።
የኔትዎርክ አገልግሎቱን ተደራሽ ለማድረግ ፈልጋችሁ ግን ያን እንዳታደርጉ የጸጥታው ችግር የገደባችሁ አካባቢዎች አሉ ? ሲል ቲክቫህ ኢትዮጵያ ላቀረቀው ጥያቄም፣ ዊም አማራ ክልልን ጠቅሰው ምላሽ ሰጥተዋል።
በአማራ ክልል ለኔቶርክ መሠረተ ልማት የሚሆኑ 800 ታውሮች እንዳሏቸው ጠቅሰው፣ የተለያዩ አካባቢዎች ባለው የአስቸጋሪ ጸጥታ ችግር በመቶዎች የሚቆጠሩት ታወሮች ኦፕሬሽናል እንዳልሆኑ፣ በቀጣዩቹ ዓመታት ችግሩ ሲቀረፍ አገልግሎቱን ተደራሽ እንደሚያደርጉ ጠቁመዋል።
#TikvahEthiopiaFamilyAA
@tikvahethiopia
ዶዳይ ማኑፋክቸሪንግ !
ታላቅ ቅናሽ እስከ ህዳር 22 ብቻ የሚቆይ
በአንድ ጊዜ ቻርጅ እስከ 150ኪሜ መጓዝ የሚችሉ
• ለሙሉ ቻርጅ 10ብር ብቻ ሚጠይቁ
• 150ኪሎ ተሸክመው በሰአት እስከ 60ኪሜ የሚሄዱ
• ለእለት ተለት ጉዞ ቢሉ ፣ አልያም ለዲሊቨሪ ስራ የሚሆኑ
ዋጋውስ ለምትሉ
• V3 Lite: በ165ሺ
• V3: በ200ሺ
ይፍጠኑ ይሂዱ > ይጎብኙ > ይግዙ!
ለበለጠ መረጃ :📍ሾው ሩም: ጎፋ ገብርኤል
📲 ስልክ: 0938022222
🌐 ethiopia.dodai.co
• TikTok Page: dodai_et?is_from_webapp=1&sender_device=pc" rel="nofollow">https://www.tiktok.com/@dodai_et?is_from_webapp=1&sender_device=pc
• Telegram Page: /channel/+z09SxQgb6vsyNzU8
#Myanmar (Burma) #ማይናማር
" በህይወት እወጣለሁ ብዬ አላሰብኩም ነበር " - ሽኩር (የአይን ምስክር)
" ስሜ ሽኩር ይባላል።
የኮቪድ-19 ወረርሽኝ ዓለምን ባመሰቃቃላ ግዜ እኔ ሥራ ካጡ ሰዎች አንዱ ነበርኩ።
በአገራችን ያለው የኢኮኖሚ ሁኔታ ጉዳዩን የበለጠ አባብሶት የነበረ ቢሆንም ለመኖር ሲባል ለ 7ወር የህል በመምህርነት አገልግያለሁ። ነገር ግን ገቢዬ ፍላጎቴን ለማሟላት በቂ አልነበረም።
አንድ ቀን በታይላንድ ውስጥ የውሂብ ማስገቢያ ኦፕሬተር ለመሆን በማህበራዊ ሚዲያ ላይ የስራ ማስታወቂያ አየሁ።
በጣም ማራኪ መስሎ ታየኝ። በወር 1,000 ዶላር ቃል ገቡልኝ።
ማረፊያ ቦታ እና በቀን 8 ግዜ የምግብ ሰዓት እንደለው ተነገረኝ።
ቤተሰቤን እና ራሴን ከድህነት ለማላቀቅ እና የተሻለ ህይወት ለመኖር ወደ ታይላንድ መሄድ እንዳለብኝ አሰብኩ።
በማስታወቂያው ላይ ያለውን ቁጥር አግኝቼ የመፃፍ ችሎታዬን እና የእንግሊዝኛ ችሎታዬን በቪዲዮ ገመገሙ።
ከዛም ታይላድ ከሄድኩ በኃላ ተወዳደርኩ እና ፈተናውን አልፌ በመቀጠሬ ኩራት ተሰማኝ።
🛬 ስራው ለህልሜ መልስ ይሆናል ብዬ ነበር 🛬
በታይላንድ ውስጥ ያለው ስራ ለህልሜ መልስ ይሆናል ብዬ አስቤ ነበር ፤ ለቤተሰቤ እና ለጓደኞቼ የተሻለ ህይወት ይሰጥልኝ ይሆን ብዬም ነበር።
ነገር ግን ያሰብኩት ነገር ቅዠት ሆኖ ተገኘ።
ባንኮክ አየር ማረፊያ ስደርስ አንድ ሰው ወደ መድረሻው በር ወሰደኝና ሹፌሩን እንድጠብቅ ነገረኝ።
ሹፌሩ እኔንና ሌላ ሠራተኛ ጨምሮ እዞን ሄደ።
እዞን የሄደው ማይ-ሶት ወደምትባል የታይላንድ ትንሽ ከተማ (ማይናማር ጋር ትዋሰናለች) ወደዛ ነው።
ያኔ ጨለማ ስለነበር ምን እየሆነ እንዳለ ሙሉ በሙሉ አላውቅም ነበር።
ጥቂት ሰዎች ወደ እኛ መጡ፣ እና በጀልባ እንድንገባ አስገደዱን። ሳንፈልግ ወደ ማይናማር ወሰዱን። ማይናማር ወዳለው ግቢ ስንደርስ ደነገጥኩ፣ ፈራሁ ፤ አቅመ ቢስ ሆንኩኝ።
🏦 አሰሪዎቻችን ህይወታችንን ተቆጣጠሩት 🏦
ግቢው ሰፊና በህንጻዎች የተሞላ ነበር።
እያንዳንዱ ሕንፃ አራት ፎቆች ያሉት ሲሆን እያንዳንዱ ወለል 16 ክፍሎች አሉት። እያንዳንዱ ክፍል አራት ተደራቢ አልጋዎች አሉት።
በግቢው ውስጥ አሠሪዎቻችን ሕይወታችንን ሙሉ በሙሉ ተቆጣጠሩት።
በሳምንት ሰባት ቀን እስከ 16 ሰአት እንድንሰራ አድርገውናል።
በሥራ ላይ እያለ እንቅልፍ ከተሰማን ወይም እግሮቻችንን ትይዩ ካላደረግን እንቀጣለን።
በግቢዎቹ ውስጥ በሺዎች የሚቆጠሩ ሰዎች ነበሩ።
በጣም ብዙ ኢትዮጵያዊያን ፣ ህንዶች፣ ፊሊፒኖዎች፣ ፓኪስታናውያን፣ ቻይናውያን፣ ኢንዶኔዥያውያን፣ ሩሲያውያን፣ ዩክሬናውያን፣ ታይላንድ፣ ጃፓናውያን፣ አፍሪካውያን ከኡጋንዳ እና ኬንያ እና የአካባቢው ማይናማር ሰዎች ጭምር ይገኙበታል።
👨💻 ስራው ማጭበርበር ነበር 👨💻
በግቢው ውስጥ የነበረው ስራ አሰቃቂ ነበር።
ዋናው ሥራው በCrypto-currency ማጭበርበሮች በዓለም ዙሪያ ካሉ ሰዎች ገንዘብ መስረቅ ነበር።
አሰሪዎቻችን በማህበራዊ ሚዲያ ላይ የውሸት መገለጫዎችን (ፌክ ፕሮፋይል የሴት / የወንድ) እንድንፈጥር አስገድደውናል።
የተዘጋጀውን ስክሪፕት ተከትዬ፣ ከአሜሪካ ፣ ከጃፓን እንዲሁም ከታይዋን የውጭ ዜጎች እንዲወዱኝ አድርጌአለሁ።
አመኔታቸዉን ካገኘሁ በኋላ ብዙ ገንዘብ ማግኘት እንዲችሉ የCrypto-currency መድረክን አስተዋውቄያለሁ።
ግን ሁሉም ውሸት ነበር።
እስከ ዛሬ ድረስ የተገደድኩበትን ሥራ ከቤተሰብ ወይም ከጓደኞቼ ጋር ለመካፈል አፍራለሁ።
ሰዎችን በማጭበርበር ተጸየፍኩኝ ነገር ግን ምንም ምርጫ አልነበረኝም ፤ ለህይወቴ እፈራ ስለነበር ነው።
🪖 ቦታው በታጠቁ ሰዎች ነው የሚጠበቀው 🪖
ከዚያ ቦታ ለማምለጥ ምንም መንገድ አልነበረም። 10 ጫማ ከፍታ ያላቸው ግድግዳዎች በላዩ ላይ ሽቦዎች ነበሯቸው።
ቦታው በታጠቁ ሰዎች ከፍተኛ ጥበቃ ይደረግለት ነበር።
ከግቢው ለማምለጥ የሚደረግ ማንኛውም ሙከራ የሞት ምኞት ነው።
ሰዎችን ማጭበርበር አለመቻል ማለት አካላዊ ጉዳት ወይም ሞትንም ያስከትላል።
አንድ ጓደኛችን ለቅጣት ወደ ‘ ውሃ እስር ቤት ’ ተላከ። ተደብድቦ ወደ ቢሮው ተመለሰ ከዛ በኃላ ማውራትም ሆነ መሄድ አልቻለም።
ሞባይል ስልኮቻችንን፣ ፓስፖርቶቻችንን እና ሁሉንም የግል ማህደሮች የባንክ ካርዶችን ጨምሮ ነው የተወሰደው።
የሚሉንን ያህል ብንሰራም ቃል የገቡትን ገንዘብ በፍጹም አይከፍሉም።
💰 3000 ዶላር ከፈልን 💰
ወደ ቤት ሀገሬ ለመምጣት በጣም ፈለኩኝ።
ነገር ግን አጋቾቼ ለመልቀቅ 5,000 ዶላር መክፈል እንዳለብኝ ነገሩኝ።
የሌለኝ እና ማድረግ የማልችለው ገንዘብ ስለሆነ ከሌሎች ሰዎች ጋር በመሆን ከአለቃው ጋር በድጋሚ ለመደራደር ሞከርን።
3000 ዶላር ከፈልኩኝ፣ በመጨረሻም ለቀቁኝ።
ማይናማር ወደ ባንኮክ መሻገር በጣም አስፈሪ ነበር ነገር ግን የአለህ ፊቃድ ሁኖ ከዛ እስር ቤት ወጣሁ።
ከዚያ መከራ በመትረፌ እፎይታ ተሰማኝ።
በህይወት እወጣለሁ ብዬ አላሰብኩም ነበር። ለዚህ እድል እና እንዲወጣ ለረዱኝ ሰዎች የዘላለም አመስጋኝ እሆናለሁ።
ወደፊት እየሄድኩ፣ አዲስ ጅምር እፈልጋለሁ። አሁን ቤተሰቤን ለማስተዳደር ጥሩ ሥራ እየፈለግኩ ነው።
💻 በማህበራዊ ሚዲያዎች ላይ የውሸት ማስታወቂያ አያለሁ 💻
አሁንም በማህበራዊ ሚዲያ ላይ የውሸት የስራ ማስታወቂያዎችን እያየሁ ነው። ይህን ሳይ በግቢው ውስጥ የታሰሩትን ሰራተኞች አስባለሁ።
የሀገራት መንግስታት እንዲሁም ሌሎች ኤጀንሲዎች ሰዎችን ከህገወጥ ዝውውር እና ከግዳጅ የጉልበት ስራ ለመጠበቅ ስለዚህ ጉዳይ የበለጠ ግንዛቤ እንደሚገነቡ ተስፋ አደርጋለሁ።
ይህ መቆም አለበት !
ህብረተሰባችን ከህገወጥ የሰዎች አዘዋዋሪዎችና ህገ ወጥ ጉዞ ራሱንና ልጆቹን መጠበቅ አለበት። "
(ሽኩር ለቲክቫህ ኢትዮጵያ)
@tikvahethiopia
የሕብረት ባንክ ቤተሰብ ይሁኑ!
ሕብረት ባንክ የሚሰጣቸውን አገልግሎቶች እና ወቅታዊ መረጃዎች በቀላሉ ለማግኘት የማህበራዊ ገፆቻችንን በመቀላቀል ቤተሰብ ይሁኑ!
ቴሌግራም: /channel/HibretBanket
ፌስቡክ: https://www.facebook.com/HibretBank
ሊንክዲን: https://www.linkedin.com/company/hibretbank/
ኢንስታግራም፡ https://www.instagram.com/hibretbank/
ዩቲዩብ: hibretbanket" rel="nofollow">https://www.youtube.com/@hibretbanket
ሕብረት ባንክ
በሕብረት እንደግ!
📞 ለበለጠ መረጃ ወደ 995 ነፃ የጥሪ ማዕከል ይደውሉ፡፡
🤳 በቀላሉ አዳዲስ መረጃዎች እንዲደርስዎ የቴሌግራም ገፃችንን አሁኑኑ ይቀላቀሉ፡፡ /channel/HibretBanket
🌐 ሌሎች የማህበራዊ ገፆቻችንን እና ድህረ ገፃችንን linktr.ee/Hibret.Bank ይጎብኙ፡፡
#Hibretbank #getconnected #digitalcommunity #subscribe
ዓዲግራት ከተማ ሁለት ከንቲባ ተሾመባት።
አንደኛውን ከንቲባ የአቶ ጌታቸው ረዳ ጊዜያዊ አስተዳደር ሲሾም አንዱን በደብረጽዮን ገ/ሚካኤል የሚመራው የህወሓት ቡድን ነው የሾመው።
ከትላንት በስቲያ የጊዜያዊ አስተዳደሩ ምስራቃዊ ዞን ፅ/ቤት በፃፈው የሹመት ደብዳቤ የዓዲግራት ዩኒቨርሲቲ መምህሩን ዓለም አረጋዊን የከተማይቱ ከንቲባ አድርጎ ሾሟል።
አቶ ዓለም የሹመት ደብዳቤ እንደደረሳቸው አረጋግጠዋል።
" ጊዜያዊ አስታዳደሩ በተቋቋመበት ህግ እና አሰራር መሰረት ወደ ስራ ገብቻለሁ አሁን ላይ በፅ/ቤት ስራ ርክክብ እያደረኩ ነው " ብለዋል።
ዛሬ ደግሞ በደብረጽዮን (ዶ/ር) የሚመራው የህወሓት ቡድን ዓዲግራት ከተማ በተካሄደ የም/ቤት ጉባኤ የክልሉ ትምህርት ቢሮ ምክትል ኃላፊ የነበሩትን ረዳኢ ገ/እግዚአብሔርን የከተማው ከንቲባ አድርጎ ሾሟል።
አቶ ረዳኢ ሹመቱን አረጋግጠዋል።
" TPLF ተወዳድሮ በተመረጠበት ትግራይ እስካሁን ያለው የTPLF ም/ቤት አባላት ናቸው ፤ እኔም እንደ TPLF አንድ አካል ተወካይ ሆኜ ነው የቀረብኩት " ሲሉ ሹመቱ በም/ቤት እንደፀደቀላቸው ተናግረዋል።
አቶ ዓለም ስለ ረዳኢ ሹመት የማውቀው የለም ብለዋል።
" በምክር ቤት ስለተደረገው ሹመት በማህበራዊ መገናኛ ነው ያየሁት በይፋ በመንግሥት መዋቅር አልሰማሁም " ሲሉ ተናግረዋል።
አቶ ረዳዒ ደግሞ በጊዜያዊ አስተዳደሩ የተሰጠው ሹመት ምንም ተቀባይነት የሌለው ነው ብለዋል።
" ሹመት እንደተሰጠው ሰምቻለሁ ያው ትግራይም ኢትዮጵያም ውስጥ ካለው ነባራዊ ሁኔታ አካሄዳችን የአንድ ከተማ አስተዳደር የወረዳ አስተዳደር የራሱ ምክር ቤት አለው ምክር ቤቱ ነው ከንቲባም ፣ የወረዳ አስታዳዳሪም ፣ ካቢኔም የሚያፀድቀው በዚህ ም/ቤት ያላለፈው ከንቲባ ወይም አስተዳዳሪ የመሆን እድል የለውም " ብለዋል።
" እንደ ድርጅት ከምክር ቤት ውጭ ከመጣ ተቀባይነት አለው ብዬ አላምንም እንደ ህወሓት አቋማችን ይሄው ነው " ያሉት ረዳኢ ከምክር ቤት ውጭ ማንም ሰው ደብዳቤ እየፃፈ የሚሾመው ተቀባይነት የለም ሲሉ ጊዜያዊ አስተዳደሩ የሰጠውን ሹመት አጣጥለዋል።
ትላንት በደብረጽዮን (ዶ/ር) የሚመራው ህወሓት ምክትል ሊቀመንበር አቶ አማኑኤል አሰፋ የወረዳና የከተማ ም/ ቤቶች አብላጫው መቀመጫ በህወሓት በመያዙ ከባለፈው ጉባኤ በኃላ የአመራር ማስተካከያ እያደረግን ነው ብለው ነበር።
የጊዛያዊ አስተዳደሩ ፕሬዜዳንት አቶ ጌታቸው ረዳ በቅርቡ በሰጡት መግለጫ በደብረጽዮን (ዶ/ር) የሚመመራው ቡድን ጊዜያዊ አስታዳደሩን ስራ አላሰራ እንዳለና የወረዳና የከተሞች ም/ቤቶችን በመጠቀም በመንግሥት የተመደቡ አስተዳዳሪዎች እንዲነሱ እያደረገ መሆኑን ይህም መፈንቅለ መንግሥት እንደሆነ መናገራቸው ይታወሳል።
የዚህ መረጃ ባለቤት ቪኦኤ ሬድዮ ነው።
@tikvahethiopia
#ጥቆማ
እስከ 1 ሚሊዮን ፓውንድ ሽልማት የሚያስገኘውን የ " The Earthshot Prize 2025 " ኢትዮጵያውያን እንዲወዳደሩ ጥሪ ቀረበ።
በእንግሊዝ ልዑል ዊሊያምና ሮያል ፋውንዴሽን በፈረንጆቹ 2020 የተቋቋመውና በዓለም አቀፍ ደረጃ ከአካባቢና አየር ብክለት የፀዳ፣ ለአረንጓዴ ኢኮኖሚ አስተዋፅኦ የሚያበረክትና ለተፈጥሮ ተስማሚ የሆነ ስራ እየሰሩ ያሉ ተቋማትን ፣ የቢዝነስ ፈጠራ ባለሙያዎችን (ኢንተርፕረነሮችን) ወይም ግለሰቦችን የሚሸልመው " The Earthshot Prize 2025 " የዘንድሮ እጩ ተወዳዳሪዎችን መቀበል ጀምሯል።
በአፍሪካ የውድድሩ ዋና አጋር መልቲቾይስ አፍሪካ ኢትዮጵያውያን ስራ ፈጣሪዎች እንዲወዳደሩ ጥሪ አቅርቧል።
በ5 የተለያዩ ምድቦች የሚካሄደው ይህ ዓመታዊ ሽልማት ላይ በተለይ ለአካባቢ ተስማሚ የሆኑና ተፈጥሮን የማይበክሉ ቢዝነሶችን የሚያንቀሳቅሱ ኢትዮጵያውያን መሳተፍ ይችላኩ።
ውድድሩ እስከ 1 ሚሊዮን ፓውንድ ሽልማት የሚያስገኝ ነው ተብሏል።
ፕሮጀክቶቻቸውን ለማስፋፋትና እየተባባሰ ለመጣው የአየር ንብረት ለውጥ መፍትሄ እንዲያበረክቱም ያግዛል።
መልቲቾይስ አፍሪካ ፤ በደቡብ አፍሪካ በተከናወነው የ2024 ውድድር ከጋና " ግሪን አፍሪካ ዩዝ ኦርጋናዜሽን " እንዲሁም ከኬንያ " ኪፕ ኢት ኩል" የተሰኙ የአረንጓዴ ጉዳይ አቀንቃኞችና የሥራ ፈጣሪዎች አሸናፊ እንደሆኑ አስታውሷል።
ለዚህ ዓመቱ ሽልማት ማመልከት የሚቻለው እስከ ፈረንጆቹ ዲሴምበር 04 / 2024 ሲሆን ኢትዮጵያውያን ስራ ፈጣሪዎች እና ተቋማት በ https://www.multichoice.com/earthshot-nomination.php#prId=324466 እንዲያመለክቱ ጥሪ አቅርቧል።
#TikvahEthiopia
Via @TikvahethMagazine
#DStvEthiopia
ዲኤስቲቪ ሁሉንም የእግር ኳስ ውድድሮችን ባንድ ላይ ማግኘት የሚያስችል አዲስ የሜዳ ስፖርት ፓኬጅ አቀረበ
ኢትዮጵያን ጨምሮ በበርካታ የአፍሪካ ሀገራት የእግር ኳስ ጨዋታዎችን ለተመልካቾች በማቅረብ የሚታወቀው ዲኤስቲቭ አዲስ የስፖርት ፓኬጅ አቅርቧል።
አዲሱ የዲኤስቲቪ ሜዳ ስፖርት ፓኬጅ በሜዳ እና በሜዳ ፕላስ ፓኬጆች መካከል አንዱ ተጨማሪ ፓኬጅ በመሆን ይፋ ሆኗል።
የእግር-ኳስ አፍቃሪያን የሻምፒየንስ ሊግ ጨዋታዎችን የእንግሊዝ ፕሪሚየር ሊግ፣ የጣሊያን ሴሪ ኤ እና ላ ሊጋን ጨምሮ ሌሎች የእግርኳስ ይዘቶችን እንዲሁም አለም አቅፍ ተከታታይ ፊልሞችን እና ሃገርኛ ድራማዎችን እና መዝናኛዎችን በአቦል ቲቪ እና በማዲ አቦል ቻናሎች- ሁሉንም በአንድ ላይ በሜዳ ስፖርት ፓኬጅ መቅረቡ ተገልጿል።
ሁሉንም የእግር ኳስ ውድድሮችን ባንድ ላይ እንዲያገኙ ተደርጎ የተዘጋጀው ይህ የሜዳ ፓኬጅ በወር በ1 ሺህ 699 ብር ያስከፍላል ተብሏል።
አዲሱ የዲኤስቲቪ ፓኬጅ - ሜዳ ስፖርት ከሕዳር 16 ቀን 2017 ዓ.ም ጀምሮ ለደንበኞች ቀርቧል።
#ጽዮንማርያም
የ2017 ዓ/ም የአክሱም ህዳር ፅዮን ሃይማኖታዊ በዓል ከነገ በስቲያ ህዳር 21 ይከበራል።
የትግራይ ባህልና ቱሪዝምና ቢሮ ፤ " በቅድስት የአክሱም ከተማ እና በሌሎችም የክልሉ አከባቢዎች የህዳር ፅዮን በዓል የሚያከበሩ ገዳማት ቱሪዝምን በማነቃቃት የበኩላቸው አስተዋፅኦ አላቸው " ብሏል።
ቢሮው ፤ ህዳር 21 የአክሱም ፅዮን በዓልን ለሚያከብሩ ሁሉ መልካም ምኞቱን ገልጿል።
ህዝቡ በዓሉ ለአገር ውስጥና ለውጭ ቱሪስቶች ያለው አስተዋፅኦ በመገንዘብ በየአከባቢው የሚገኙ ቅርሶች በመንከባከብና ትውፊታዊ መልኩ በጠበቀ መልኩ በዓሉ እንዲያከብር ጥሪ አስተለልፏል።
በርካታ ምእመናን ቅዳሜ ለሚከበረው በዓል ወደ አክሱም እየተጓዙ ይገኛሉ።
ለበዓሉ ሁሉም አይነት ዝግጅቶች መደረጋቸውን ለማወቅ ተችሏል።
የቲክቫህ ኢትዮጵያ ቤተሰብ አባል ወደ ስፍራው እየተጓዘ ሲሆን በከተማው ከደረሰ በኃላ ያለውን የበዓል መረጃዎችን ያካፍላል።
@tikvahethiopia
" ህፃናት አደጋ ደርሶባቸው በቀርቀሃ ተጠፍረው ታስረው ፤ እየጮኹ እግር እና እጅ ያጡ አሉ ፤ ...ህዝቡን አደራ የምለው የአጥንት ህክምና አለ፤ ሂዱና ታከሙ " - ፕሮፌሰር ብሩክ ላምቢሶ
የኢትዮጵያ አጥንት እና መገጣጠሚያ ሃኪሞች ማህበር (ESOT) ያደራጀው " BOne Setting Associated Disability (BOSAD) " አገር አቀፍ የጥናት እና ምርምር ቡድን ከሰሞኑን አመታዊ የምርምር ግምገማ መድረክ አካሂዶ ነበር።
በዚህ መድረክ በአዲስ አበባ ዩኒቨርሲቲ ጥቁር አንበሳ ሆስፒታል የአጥንት ሕክምና ስፔሻሊስት የሆኑት እና የህዝብ ተወካዮች ምክር ቤት አባል የሆኑት ፕሮፌሰር ብሩክ ላምቢሶ ተገኝተው ነበር።
ፕሮፌሰር ለቲክቫህ ኢትዮጵያ በሰጡት ቃል ፤ በሃገራችን ከአጥንትና መገጣጠሚያ ጉዳቶች ጋር በተያያዘ በማህበረሰቡ እንደ አንድ የህክምና አማራጭ የሚወሰደው የባህል ህክምና (ወጌሻዎች የሚሰጡት) ዘርፈ ብዙ የጤና ችግሮችን እያመጣ መሆኑን ተናግረዋል።
ጉዳት የደረሰባቸው ሰዎች ወደ ጤና ተቋም ከመሄድ ይልቅ ወደ ወጌሻዎች እንደሚሄዱ የገለጹት ፕሮፌሰር " በዚህም አካል መቆረጥን ጨምሮ የተለያዩ ጉዳቶችን ያስተናግዳሉ። ህፃናት ደግሞ ተጋላጭ ናቸው " ብለዋል።
" ባለፉት 10 አመታት በየጊዜው እጅ እና እግር በየቦታው የሚቆረጡትን (በተለይ ህፃናት) መደበኛ ዳታ ቤዝ ላይ እንሰበስባለን። ቁጥራቸው አራት ሺ፤ አምስት ሺ አልፏል። ይሄ ከባድ ነው " ሲሉ አስገንዝበዋል።
" አንዳንዶቹ ምንም ያልተሰበሩ ምንም ያልሆኑ ናቸው ። ህፃናት በቀርቀሃ ተጠፍረው ታስረው፤ እየጮኹ 'ዝም በሉ' እየተባሉ በዚህ ምክንያት ብዙዎች እግር እና እጅ አጥተው ቤት ቁጭ ብለዋል " ሲሉ ተናግረዋል።
የኢትዮጵያ የአጥንት ህክምና ከጊዜ ወደ ጊዜ ከፍ ያለ ደረጃ ላይ እንዳለ ፕ/ር ብሩክ የተናገሩ ሲሆን " ህዝቡን አደራ የምለው አጠገባችሁ የአጥንት ህክምና አለ። ሂዱና ታከሙ " ነው ያሉት።
በአገሪቱ ከባድ ስብራት የሚታከምበት 55 ሆስፒታል እንዳለም ፕ/ር ጠቅሰዋል።
በኢትዮጵያ የአጥንትና መገጣጠሚያ ጉዳት ደርሶባቸው ' በባህል ህክምና ታክመዋል ' ከተባሉት ታማሚዎች ዉስጥ 77 በመቶዎቹ የጎንዮሽ ጉዳት እንደሚገጥማቸው የቦሳድ ጥናት ማሳየቱን የጠቀሱት ፕሬፌሰር " ይህንን ወደ ተወካዮች ምክር ቤት ወስደን፣ አጀንዳ እናስይዛለን " ብለዋል።
በጤና ሚኒስቴር የህክምና አገልግሎት መሪ ስራ አስፈፃሚ ዶ/ር ኢሉባቦር ቡኖ ለቲክቫህ ኢትዮጵያ በሰጡት ቃል በጉዳዩ ላይ የተሰሩት ጥናቶች ለፓርላማ ይቀርባሉ ብለዋል።
" ደምብም መውጣት ካለበት መመሪያም እስከማውጣት እንሄዳለን ብዬ አስባለሁ" ሲሉ ገልጸዋን።
" ደምብ እና መመሪያ መውጣቱ ብቻ ችግሩን አይቀርፍም ፤ ማህበረሰቡ የአጥንት ህክምናን ለማግኘት ወደ ጤና ተቋም እንዲሄድ ትልቅ ግንዛቤ መፈጠር አለበት " ብለዋል።
የባህል ህክምና የሚሰጡትን (ወጌሻዎችን) ማሰልጠን፣ ጉዳት የሚያደርሱትንም እንዲያቆሙ ማድረግ አስፈላጊ መሆኑን ገልጸው በጉዳዩ ላይ ውይይት ይደረጋል ሲሉ ተናግረዋል።
#TikvahEthiopiaFamilyAA
@tikvahethiopia
#SafaricomEthiopia
ይጋብዙ ፣ ይሸለሙ ! የመጀመሪያ ተሸላሚዎቻችን ሽልማታቸውን ተረክበዋል 🎁 👉🏽@sosi0076, @habt0713, @Seifegebriell
ከእናንተ የሚጠበቀው የሳፋሪኮም መስመራችሁን በመጠቀም ከላይ የተጠቀሱትን ቅደም ተከተሎች መተግበር ነው🫰🏽 ያስተውሉ 👉🏽 በእርስዎ ጋባዥነት የሚቀላቀለው ሰው ቁጥር ሲጨምር የሽልማቱም መጠን እየጨመረ ይሄዳል 😱 እንዲሁም ተጋባዦቻችሁ ገፁን ከተቀላቀሉ በኃላ “back” የሚለውን ተጭነው “check subscription” እንዲያደርጉ ያሳስቡ 💥
የቴሌግራም ቻናላችን 👉🏽 /channel/Safaricom_Ethiopia_PLC
የቴሌግራም ቦታችን👉🏽 /channel/official_safaricomet_bot
መልካም እድል 🎁
#MPESASafaricom #1Wedefit
#Furtheraheadtogether
" አቶ ጌታቸው ረዳ የቀድሞ ፕሬዝዳንት ናቸው " - አቶ አማኑኤል አሰፋ
በደብረጽዮን ገብረሚካኤል (ዶ/ር) በሚመራው ህወሓት ጉባኤ ምክትል ሊቀመንበር ሆነው የተመረጡት አቶ አማኑኤል አሰፋ ዛሬ መግለጫ ሰጥተው ነበር።
በዚህ መግለጫቸው ላይ የትግራይ ጊዜያዊ አስተዳደር ፕሬዝዳንት አቶ ጌታቸው ረዳ በባለፈው ጉባኤ ከሥልጣን የተነሱ በመሆናቸው " ፕሬዝደንትነታቸውን አንቀበልም " ብለዋል።
አቶ ጌታቸውን " የቀድሞው ፕሬዝዳንት " ሲሉም ጠርተዋቸዋል።
አቶ አማኑኤል " የጊዚያዊ አስተዳደሩ አመራሮች ህወሓትን በአመፅ ለመበተን ወጣቶች እያሰለጠኑ ናቸው ሲሉ " ወንጅለዋል።
ከዚህ በተጨማሪ ፦
- የትግራይ ጊዚያዊ አስተዳደር ለሁለት ዓመት ያለ እቅድ እየተመራ ይገኛል።
- ጊዚያዊ አስተዳደሩ ተቆጠረው የተሰጡት ተልእኮዎች ከመፈፀም ይልቅ በተቃራነው ነው እየሰራ ያለው።
- ህወሓት በጊዝያዊ አስተዳደሩ ያለውን የስልጣን ውክልና ካነሳ ወራት ተቆጥሯል።
- በጊዚያዊ አስተዳደሩ የስልጣን ክፍፍል ላይ ህወሓትን የሚተካ አመራር ከፌደራል መንግስት በመወያየት ይተገበራል። ይህንን ለመተግበር የሚያስችል ተከታታይ ውይይት ከፌደራል መንግስት እየተካሄድ ነው። ስምምነት ከተደረሰበት በኋላ መግለጫ ይሰጥበታል።
- በዲሞብላይዜሽን (DDR) አሰራር ታጣቂዎች ወደ ህብረተሰቡ መቀላቀል ከፌደራሉ የሀገር መከላከያ ሰራዊት ውጪ በትግራይ ግዛት ያሉ የውስጥ እና የውጪ ታጣቂዎች ተሟልተው ወጥተው ተፈናቃዮች ወደ ቄያቸው ከመመለስ ጎን ለጎን መፈፀም እንዳለበት የፕሪቶሪያ ውል አስቀምጠዋል አሁን ግን የታጣቃዎች ዲሞብላይዜሽን (DDR) እየተመራበት ያለው አሰራር ትክክል አይደለም።
- በዲሞብላይዜሽን ትግበራ (DDR) ለሚሰናበት ታጣቂ የሚሰጠው ማቋቋምያ አነስተኛ እና በቂ አይደለም። በዳታ አሰባሰብ (ባዮሜትሪክስ) ያለው አካሄድም ግልፅነት የጎደለው ነው።
- እየተካሄደ ያለው የDDR ትግበራ ከፕሪቶሪያ የሰላም ስምምነት አግባብ ውጪ ነው።
- ጊዚያዊ አስተዳሩ የተሰጡት ሃላፊነቶች ወደ ጎን በመተው ህወሓት በማፍረስና እና ሌላ ህወሓት በማዋለድ ይውላል።
- ሰራዊት ተቆጣጥሮ ወታደራዊ ስርዓት ለመትከል ይንቀሳቀሳል፤ በሪፎርም ስም የወረዳና የቀበሌ ምክር ቤቶች ያፈርሳል ፤ የህዝብ እና የሰራዊት አንድነት ለመበተን ይንቀሳቀሳል።
- የጊዚያዊ አስተዳደሩ ልኡክ በምርጫ ስልጣን የሚይዝ መንግስት እንዲቋቋም ምቹ ሁኔታ መፍጠር ነው። ይሁን እንጂ ተከታታይ ውይይቶች በማካሄድ ራሱ ወደ መደበኛ መንግስት ለመቀየር እየሰራ ነው።
... ብለዋል።
ከቀናት በፊት የጊዜያዊ አስተዳደሩ ፕሬዜዳንት አቶ ጌታቸው ረዳ መግለጫ በሰጡበት ወቅት በደብረጽዮን ገብረ ሚካኤል (ዶ/ር) የሚመራው ህወሓት ቡድን አስተዳደሩ ስራ እንዳይሰራ እያደናቀፈ ስለመሆኑ የወረዳ ምክር ቤቶችን በመጠቀምም አስተዳዳሪዎች እንዲነሱ እያደረገ መሆኑን ይህም " መፈንቅለ መንግስት " እንደሆነ መግለጻቸው ይታወሳል።
ከዚህ ባለፈ ለሁለት የተሰነጠቁት የህወሓት አመራሮች ተስማምተው ክልሉን መምራት ካልቻሉ ብልፅግና የትግራይ አስተዳደርን ሙሉ በሙሉ ለመረከብ እንደሚገደድ ከፌደራል መንግስት ጋር በተካሄደ ወይይት መነሳቱን ተናግረው ነበር።
NB. ዛሬ መግለጫ የሰጡት አቶ አማኑኤል አሰፋ ፤ አቶ ጌታቸው ረዳን የቀድሞ ፕሬዝዳንት ካሉና ህወሓት በአስተዳደሩ ያለውን ውክልና ካነሳ ወራት መቆጠሩን ከገለጹ በኃላ " በጊዚያዊ አስተዳደሩ የስልጣን ክፍፍል ህወሓትን የሚተካ አመራር ከፌደራል መንግስት በመወያየት ይተገበራል። ይህንን ለመተግበር የሚያስችል ተከታታይ ውይይት ከፌደራል መንግስት እየተካሄደ ነው " ሲሉ ቢገልጹም ከየትኛው የፌዴራል መንግስት አካል ጋር ንግግር እየተደረገ እንዳለ በግልጽ አውጥተው አልተናገሩም። የፌዴራል መንግስት እስካሁን በህወሓት አመራሮች ክፍልል ጉዳይ ምንም አይነት ይፋዊ ቃል ሰጥቶ አያውቅም።
#TikvahEthiopiaMekelle #VOATigrigna
@tikvahethiopia
#Australia
የአውስትራሊያ የተወካዮች ም/ቤት ከ16 ዓመት በታች ያሉ አዳጊዎች ማኅበራዊ ሚዲያ እንዳይጠቀሙ የሚያግድ ሕግ አጸደቀ።
ሕጉ በሃገሪቱ የእንደራሴዎች ም/ቤት (ሴኔት) ከጸደቀ በዓለም የመጀመሪያው ይሆናል።
የተወካዮች ም/ቤቱ በ102 ድጋፍ እና 13 ተቃውሞ ድምጽ አጽድቆታል።
በሃገሪቱ የሚገኙ ዋና ፓርቲዎች የደገፉት ሕግ ፦
➡️ ቲክቶክ፣
➡️ ፌስቡክ፣
➡️ ስናፕቻት፣
➡️ ሬዲት፣
➡️ X እና ኢንስታግራም የመሰሉ መድረኮች አዳጊዎች ተጠቃሚ እንዳይሆኑ የማይከላከሉ ከሆነ እስከ 33 ሚሊዮን ዶላር ቅጣት ይጠብቃቸዋል።
ሕጉ በዚህ ሳምንት በሴኔቱም የሚጸድቅ ከሆነ፣ የማኅበራዊ ሚዲያ ኩባንያዎቹ የዕድሜ ገደቡን ተፈጻሚ የሚያደርጉበትን መላ ለመዘየድ አንድ ዓመት ይሰጣቸዋል።
ከአንድ ዓመት ጊዜ በኋላ ግን ቅጣቱ ተፈጻሚ ይሆናል።
የሃገሪቱ ዋና ዋና ፓርቲዎች ሕጉን በመደገፋቸው፣ በእንደራሴዎች ምክር ቤት ሊጸድቅ እንደሚችል ይጠበቃል ሲል ቪኦኤ ዘግቧል።
@tikvahethiopia
🔈#የነዋሪዎችድምጽ
🔴 " ' ቦታው ሕገ ወጥ ነው ' በሚል ከቤት ካስወጡን በኋላ ሌላ ሰው እንዲገባ ተደርጎበታል " - ነዋሪዎች
🔵 " ሰዎቹ ሁሉም ተከራይ ናቸው። ... በሕጉ መሰረት የቀበሌ ቤትን መከራየት አይቻልም፡፡ ይሁን እንጂ ባለቤት የነበሩት ሲያርፉ የተከራዩት እንዲወጡ ተደርጓል " - ወረዳ 06 አስተዳደር ጽ/ቤት ኃላፊ
በአዲስ አበባ ከተማ ፤ የካ ክፍለ ከተማ ወረዳ 6 አካባቢ ከ15 እስከ 40 ዓመት የኖሩበትን ቤት " ሕገ-ወጥ ነው " በሚል ከቤት እንዲወጡ ከተደረጉ በኃላ ሌላ ሰው እንደገባበት ቅሬታ አቅራቢ ነዋሪዎች ገለጹ።
ቅሬታ አቅራቢዎቹ ቃላቸውን የሰጡት ለአሐዱ ነው።
በቀድሞ ሥሙ ቀበሌ 19 በአሁኑ ወረዳ 6 አካባቢ የሚገኙት ነዋሪዎቹ ፤ በአንድ ቦታ ውስጥ 13 አባወራዎች የሚኖሩ ሲሆን አጠቃላይ ብዛታቸው 40 እንደሚሆኑ ገልጸዋል።
እንዲኖሩ የፈቀዱላቸዉ ግለሰብ ከዚህ ዓለም በሞት ሲለዩ " የሰራችሁት ቤት ሕገ ወጥ ነው ትወጣላችሁ " በሚል በ2 ቀን ማስጠንቀቂያ ከቤት እንዲወጡ መደረጋቸውን ተናግረዋል።
" የተሰራው ቤት ሕገ-ወጥ ከሆነ ለምን አይፈርስም ? ለምን ለሌላ ነዋሪ አሳልፋችሁ ሰጣችሁ ? " በማለት በተደጋገሚ ወረዳና ክፍለ ከተማ በአካል ቅሬታችውን ቢያቀርቡም ምላሽ እንዳላገኙ ገልጸዋል፡፡
በአሁኑ ሰዓት ሸራ ወጥረው በረንዳ ላይ እንደሚገኙና ከወጡ ከ16 ቀን በላይ እንደሆናቸው አመልክተዋል።
ልጆቻቸው ትምህርት ለመማር እንደተቸገሩና ተጽዕኖ እንደደረሰባቸው ገልጸዋል።
የካ ክፍለ ከተማ ወረዳ 06 አስተዳደር ጽ/ቤት ኃላፊ አቶ ምስጋናው ሒጂሉን ለተነሳው ቅሬታ ምን መለሱ ?
ኃላፊው ቦታው የቀበሌ ቤት መሆኑን ገልጸዋል።
" ሰዎቹ ሁሉም ተከራይ ናቸው " ብለዋል።
" በሕጉ መሰረት የቀበሌ ቤትን መከራየት አይቻልም፡፡ ይሁን እንጂ ባለቤት የነበሩት ሲያርፉ የተከራዩትን እንዲወጡ ተደርጓል " ሲሉ አስረድተዋል።
በመመሪያው መሰረት ቤቶች አስተዳደር ቤቱን ለሌላ ሰው አሳልፎ መስጠቱን ተናግረዋል።
" ማንኛውም ሰው ከመመሪያውና ከሕጉ ውጭ አይሰራም " ያሉት ኃላፊው " ስራው የተሰራው የቤቶች አስተዳደር ባወጣው መመሪያ መሰረት ነው " ብለዋል።
ይህ መረጃ ባለቤትነቱ የአሐዱ ነው።
@tikvahethiopia
#SafaricomEthiopja
📞 ከሳፋሪኮም ወደ የቴሌ የሚያስደውሉ የድምፅ ጥቅሎችን እየተጠቀምን ከ07 ➡️ 09 መስመር እንደዋወል! ከሳፋሪኮም ጋር በአብሮነት አንድ ወደፊት
🔗የM-PESA ሳፋሪኮም መተግበሪያ በዚህ ሊንክ እናዉርድ:
https://play.google.com/store/apps/details?id=et.safaricom.mpesa.lifestyle
የቴሌግራም ቦታችንን /channel/official_safaricomet_bot በመጠቀም የአየር ሰዓት ወይንም ልዩ ልዩ ጥቅሎችን እንግዛ!
ስለ አገልግሎታችን ማንኛውንም ጥያቄ ወይም መረጃ በቴሌግራም ቻናላችን /channel/Safaricom_Ethiopia_PLC 24/7 ማግኘት ይቻላል!
#SafaricomEthiopia #1Wedefit #Furtheraheadtogether
#ኢትዮጵያ
ከሰሞኑን የመብቶች እና የዲሞክራሲ እድገት ማዕከል (CARD) ፣ ስብስብ ለሰብዓዊ መብቶች በኢትዮጵያ እና የሕግ ባለሙያዎች ለሰብዓዊ መብቶች የተሰኙ የሲቪል ማኅበረሰብ ድርጅቶች ታግደዋል።
ድርጅቶቹ " ከፖለቲካ ገለልተኛ አልሆኑም " በሚል እንደታገዱ ነው የተነገረው።
ድርጅቶቹ " ከፖለቲካ ገለልተኛ መሆን ሲገባቸው፣ ከዓላማቸው ውጪ በመንቀሳቀስ የአገርን ጥቅም የሚጎዱ ተግባራት ላይ ተሰማርተዋል " የሚል የእግድ ደብዳቤ ደርሷቸዋል።
ከዚሁ ጋር በተያያዘ ፥ የኢትዮጵያ ሰብዓዊ መብቶች ተሟጋቾች ማዕከል ባወጣው መግለጫ በሲቪል ማኅበረሰብ ድርጅቶች እና መሪዎች ላይ ጫናዎችና እገዳዎች እየደረሱ ነው ብሏል።
ይህም " ምኅዳሩን የሚያጠብ፣ ፍራቻ የሚፈጥር እና ተሳትፎን የሚያኮስስ ነው " ሲል ኮንኗል።
እገዳው ሕገ መንግሥቱ የሰጣቸውን የመደራጀት፣ የመሰብሰብ እና ሀሳብን በነጻነት የመግለጽ መብቶችንም የሚጎዳ እንደሆነ ጠቁሟል።
የሲቪል ማኅበረሰብ ድርጅቶች አዋጅ ከእገዳ በፊት ማስጠንቀቂያ መሰጠት እንዳለበት የሚደነግግ መሆኑንም አንስቷል።
እርምጃው " ሕግን ያልተከተለ እና ግልጽነት የጎደለው " እንደሆነ አመልክቷል።
የሲቪል ማኅበረሰብ ድርጅት መሪዎች በፀጥታ ኃይሎች " ተደጋጋሚ ማስፈራሪያ እና ወከባ እየደረሰባቸው " ነው ያለው ማዕከሉ በአካል እና በስልክ የሚደርሰውን ማስፈራሪያና ወከባ በመስጋት 4 የሲቪል ማኅበረሰብ ድርጅት መሪዎች አገር ጥለው መሰደዳቸውን አመልክቷል።
➡ የመብቶች እና የዲሞክራሲ እድገት ማዕከል (ካርድ) መሥራች እና የፕሮግራም ዳይሬክተር አቶ አጥናፍ ብርሃኔ፣
➡ ስብስብ ለሰብዓዊ መብቶች በኢትዮጵያ ዋና ዳይሬክተር ወ/ሮ ኤደን ፍስሐ እና እሳቸውን የተኩት ወ/ት መሠረት አሊ
➡ ከ30 ዓመት በላይ ያስቆጠረው የኢትዮጵያ ሰብዓዊ መብቶች ጉባኤ (ኢሰመጉ) ዳይሬክተር አቶ ዳን ይርጋ በደረሰባቸው " ከፍተኛ ጫና፣ ወከባ እና ማስፈራሪያ " ተሰደዋል ብሏል።
(የማዕከሉ ሙሉ መግለጫ ከላይ ተያይዟል)
@tikvahethiopia
#ሴጅ_ማሰልጠኛ
ለህንፃ የኤሌክትሪክ መስመር ዝርጋታ ስልጠና ፈላጊዎች ምዝገባ ላይ ነን። ይመዝገቡ !
👉 ተግባርን ከንድፈ ሀሳብ ያስተሳሰረ ስልጠና
👉 የሳተላይት ዲሽ መስመር ዝርጋታ በተጨማሪነት የሚሰጥበት
👉 ከትምህርት ቢሮ የCOC ምዘና የተዘጋጀለት
ስልክ ፦ 0906777799 / 0906777755
አድራሻ፦ ቁ.1: ፒያሣ ቸርችል ጎዳና ኤልያና ሆቴል 2ኛ ፎቅ እና ቁ.2 መገናኛ ታሜጋስ ህንፃ 2ኛ ፎቅ
Telegram: /channel/sagetraininginstitute
Tiktok: sage_training_institute" rel="nofollow">https://www.tiktok.com/@sage_training_institute
Linkedin: https://www.linkedin.com/company/sage-training-institute
" ... ግብፆች መርዳት ከፈለጉ ለምን ፍልስጤሞችንና ሌሎች ዓረብ አገሮችን አይረዱም ? " - አምባሳደር አብዱላሂ መሐመድ ዱአሌ
አምባሳደር አብዱላሂ መሐመድ ዱአሌ ፤ የሶማሌላንድ የአፍሪካ ኅብረትና የኢጋድ ልዩ መልዕክተኛ ግብፅ በቀጣናው ስለምታደርገው እንቅስቃሴ ምን አሉ ?
(ለሪፖርተር ጋዜጣ ከተናገሩት የተወሰደ)
" የግብፅ እንቅስቃሴ በግልጽ ጣልቃ ገብነት ነው፡፡ ግብፅ ወደ ሶማሊያ መሣሪያ እያሠራጨች ነው፡፡
በመሣሪያ እየታመሰ ባለ ቀጣና ውስጥ ሌላ መሣሪያ እንዲመጣ አንፈልግም፣ በሶማሊያ እያንዳንዱ ግዛት መሣሪያ ተበትኗል፡፡ ነገር ግን ሶማሊያውያን መሣሪያ የተራቡ አይደሉም፡፡
ሶማሊያን ለመጠበቅ በርካታ አገሮች ማለትም ኢትዮጵያ፣ ብሩንዲ፣ ኡጋንዳና ሌሎች ልጆቻቸውን ገብረዋል፣ ውድ ቤተሰቦቻቸውን፣ ገብረዋል፡፡ አሁን በድንገት ግብፅ መጥታ አለሁላችሁ ብትል አይሠራም፡፡
ሶማሊያ የምትባል አገር መጀመሪያ የራሷን የቤት ሥራ ትሥራ፣ ቤቷን ትጠብቅ፡፡
ሶማሌላንዶች ከሕዝብ ገንዘብ ሰብስበን በጀት መድበን አገር እያስተዳደርን ያለን ሰላማዊ አገር ነን፡፡ ከማንም ለምነን አይደለም አገር የምንመራው፡፡
ሶማሊያን ተመልከት ማን እንደሚደግፋቸው፡፡ ዓለም አቀፉ ማኅበረሰብ፣ የተባበሩት መንግሥታት ድርጅትና ዕርዳታ ሰጪ ድርጅቶች ናቸው፡፡
የሶማሊያ ፕሬዚዳንት ሐሰን ሼክ ኢትዮጵያንም ሶማሌላንድንም ከማን ጋር ስምምነት መፈጸም እንዳለባቸው ሊነግሯቸው አይገባም፡፡
ግብፆች መርዳት ከፈለጉ ለምን ፍልስጤሞችንና ሌሎች ዓረብ አገሮችን አይረዱም ? አሁን ግብፅ መሣሪያና ወታደር በአውሮፕላን እየጫኑ እያመጡ ነው፡፡
ይህ የግብጽ ጣልቃ ገብነት ትልቅ ሥጋት ነው፡፡ ለሶማሌላንድ ጭምር አደጋ ነው፡፡ ይህን ሥጋት ለአፍሪካ ኅብረትና ለዓለም አቀፍ ማኅበረሰቡ፣ እንዲሁም ለኢጋድ አሳውቀናል፡፡ "
#Somaliland #Egypt
@tikvahethiopia