🔴 КЫЯМАТТА УШУНДАЙ АДАМДАРГА СЫЙ КӨРСӨТҮЛӨТ
Имам Ибн Ражаб аль-Ханбали, рахимахуллах, айтты: «Алгачкы муундагы мусулмандардын биринин мындай дегени кабарланат: «Бизге мындай кабар жетти: кыямат күнү башка адамдарга сурак болуп жатканда сый дасторкон жайылып, анда көп орозо кармагандар тамактанып отурушат. Сурак берип жаткан адамдар айтат: «Оо, Раббибиз, биз сурак болуп жатканда, булар эмнеге тамактанып отурушат?». Ошондо аларга мындай жооп болот: «Алар ар дайым орозо кармашкан, а силер ошондо тамактанып жаткансыңар. Алар түнкү намаздарды окушкан, а силер уктап жаткансыңар».
📙 Латаиф аль-маъариф, 297
═══════════════
➤➤ /channel/tilmech
➤➤ /channel/tilmech
🎞 ӨЗҮҢӨ ЖАНА БАШКАГА ДЕМ САЛГАНДА ЭМНЕЛЕРДИ ОКУУ КЕРЕК
📍 Видеону сактаңыз, жаттаңыз жана башкалар менен бөлүшүңүз.
✔️ КӨЧҮРҮҢҮЗ:
Фатиха сүрөсү: /channel/dubazikir/26
Аят аль-Курси: /channel/dubazikir/43
Ихлас сүрөсү: /channel/dubazikir/28
Фалак сүрөсү: /channel/dubazikir/30
Нас сүрөсү: /channel/dubazikir/35
Бакара сүрөсүнүн акыркы эки аяты: /channel/dubazikir/112
▷ t.me/dubazikir
▷ t.me/dubazikir
▷ t.me/dubazikir
🔴 ҮЙГӨ ЖИН-ШАЙТАНДАРДЫ ЖОЛОТПОГОН ЭКИ АЯТ
Пайгамбарыбыз ﷺ айтты:
«Чындыгында Аллах асмандар менен жерди жаратардан эки миң жыл мурун Китеп жазды. Ал Китептен эки аятты түшүрүп, ал экөөсү менен бакара сүрөөсүн бүтүрдү. Кайсы гана үйдө болбосун, бул эки аят үч күн кечинде окулса, ал үйгө шайтан жолобойт». (Тирмизи, 2882)
▣ ХАДИСКЕ ТҮШҮНДҮРМӨ ▣
Пайгамбарыбыз ﷺ бул хадисте үйдү кантип жин-шайтандардан коргоонун бир жолун үйрөттү. Ал бакара сүрөөсүнүн акыркы эки аяты, тагыраак айтканда бакара сүрөөсүнүн 285-286-аяттары. Кайсы гана адам болбосун, бул эки аятты үч күн катар кечинде үйүндө окуй турган болсо, анда ал үйгө жин-шайтандар жолобойт. Ал эми кайсы үйгө жин-шайтандар жолобосо, ал үйдө береке, ынтымак, ырыскы жана бейпилдик болот. Ошондой эле жин-шайтандар үй-бүлөдөгү адамдарга зыян бербейт.
Андыктан ар бир мусулман бул эки аятты дайым окуп жүргөнү өзү үчүн да, үй-бүлөсү үчүн да пайдалуу. Үч күн эле окуп чектелбестен, күнүгө жатардан алдын окуп туруу зарыл. Бул эки аятты окуу ашып кетсе бир мүнөт убакытты алышы мүмкүн. Бирок анын таасири күнү-түнү сакталат.
🔵 АЯТТАР ЖАЗЫЛГАН СҮРӨТТҮ ТӨМӨНКҮ ШИЛТЕМЕДЕН КӨЧҮРҮҢҮЗ:
🌐 /channel/dubazikir/112
▬▬▬▬▬▬▬▬▬
Бисмиллахир Рохмаанир Рохийм
آمَنَ الرَّسُولُ بِمَا أُنْزِلَ إِلَيْهِ مِنْ رَبِّهِ وَالْمُؤْمِنُونَ كُلٌّ آمَنَ بِاللَّهِ وَمَلَائِكَتِهِ وَكُتُبِهِ وَرُسُلِهِ لَا نُفَرِّقُ بَيْنَ أَحَدٍ مِنْ رُسُلِهِ وَقَالُوا سَمِعْنَا وَأَطَعْنَا غُفْرَانَكَ رَبَّنَا وَإِلَيْكَ الْمَصِيرُ * لَا يُكَلِّفُ اللَّهُ نَفْسًا إِلَّا وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لَا تُؤَاخِذْنَا إِنْ نَسِينَا أَوْ أَخْطَأْنَا رَبَّنَا وَلَا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِنْ قَبْلِنَا رَبَّنَا وَلَا تُحَمِّلْنَا مَا لَا طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَا أَنْتَ مَوْلَانَا فَانْصُرْنَا عَلَى الْقَوْمِ الْكَافِرِينَ
«Ааманар-расуулу бимаа уңзила илайхи мир-Роббихи уаль-му'минуун. Куллун аамана биллаахи уа малаа’икатихи уа кутубихи уа русулихи. Лаа нуфаррику байна ахадим мир-русулих. Уа коолуу самиънаа уа атаънаа гуфроонака Роббана уа илайкаль-масиир. Лаа юкаллифуллаху нафсан илла вусъаха. Лахаа маа касабат уа аълайхаа мактасабат. Роббана лаа ту'ахизна ин-насийна ау ахтоънаа. Роббана уа лаа тахмиль аълайна исрон камаа хамальтаху аълаллазиина миң коблина. Роббана уа лаа тухаммильна маа лаа тооката ланаа бихи. Уаъфу аънна уагфир лана уархамна, аңта маулаана фаңсурна аълаль коумиль каафириин». (Бакара сүрөөсү, 285-286-аяттар)
▬▬▬▬▬▬▬▬▬
▷ t.me/dubazikir
▷ t.me/dubazikir
▷ t.me/dubazikir
🔴 КЕДЕЙЛЕРДИ БАЙЛАРДАН АШЫРГАН ЗИКИР СӨЗДӨРҮ
Абу Хурайра, радыяллаху анху, айтат: «Кедей жашаган сахабалар Аллахтын элчисине ﷺ келип:
– Арабыздагы бай сахабалар бийик даражага жана бейиштеги жакшылыктарга жетүүдө бизден ашып кетишти,– деп айтышты. Ошондо пайгамбарыбыз ﷺ:
– Эмне үчүн? – деп сурады.
– Анткени алар биз намаз окугандай намаз окушат. Биз орозо кармагандай орозо кармашат. Бирок алар садака беришет. Биз болсо садака бергенге шартыбыз жок. Ошондой эле алар кулдарды азат кылышат. Биз болсо кул да азат кыла албайбыз.
Ошондо пайгамбарыбыз ﷺ мындай деп айтты:
– Сооп иштерде силерден ашып кеткен мусулман туугандарыңарга жеткире турган жана силерден кийинки адамдардан да сообуңарды ашырган нерсени үйрөтөйүнбү?
– Оо, Аллахтын элчиси! Албетте үйрөтүңүз,– дешти. Ошондо пайгамбарыбыз ﷺ айтты:
– Ар бир парз намаздын артынан 33 жолу “субханаллах” деп айткыла, 33 жолу “алхамдулиллах” деп Аллахка мактоолорду айткыла жана “Аллаху акбар” деп Аллахты 33 жолу улуктагыла. Эгерде силер бул ибадатты аткарсаңар, анда эч кимдин даражасы силердикиндей жогору болбойт. Бир гана силер аткарган нерсени аткарган болсо, ошондо гана силердин даражаңарга жетүүсү мүмкүн».
📖 Сахих Муслим
═════════
➤➤ /channel/tilmech
➤➤ /channel/tilmech
🎞 АДАМДЫН ЖОЛУН АЧКАН 3 НЕРСЕ (ЖОЛУ АЧЫЛБАЙ, ИШИ ЖҮРҮШПӨЙ, ЫРЫСКЫСЫ ТАРТЫШ БОЛУП ЖАТКАН АДАМДАРГА МААНИЛҮҮ САБАК)
https://youtu.be/8trE1MzDxpc?si=ylqdtYP6t8Fb9AKx
🎞 ЖЕР ТИТИРӨӨЛӨРДҮН КӨП БОЛУШУ КЫЯМАТ КАЙЫМДЫН БЕЛГИЛЕРИНЕН
Читать полностью…
🔴 АШУРА КҮНҮНДӨГҮ ОРОЗО КАНДАЙ КҮНӨӨЛӨРДҮН КЕЧИРИЛИШИНЕ СЕБЕП БОЛОТ
Пайгамбарыбыз ﷺ хадистеринин биринде Ашура күнү тууралуу мындай деп айткан:
«Ашура күнүндөгү орозо өткөн жылдагы күнөөлөрдүн кечирилүүсүнө себеп болот деп үмүт кыламын». (Сахих Муслим, 1976)
⠀
Бул хадистеги «өткөн жылдагы күнөөлөрдүн кечирилүүсүнө себеп болот» дегендин мааниси – бул күндүн орозосу өткөн жылдагы кылынган кичине күнөөлөрдүн кечирилүүсүнө себеп болот деген маанини билдирет. Ал эми адам чоң күнөөлөрдү кылган болсо, алар үчүн тообо кылуусу шарт.
Бул туурасында Имам Навави мындай деп айткан:
«Ашура күнүнүн орозосу себептүү бир жылдык күнөөлөр кечирилет. Эгерде адамдын кичине күнөөлөрү болсо, анда ал себептүү ошол күнөөлөрү кечирилет. Эгерде анын эч кандай кичине жана чоң күнөөлөрү болбосо, анда ал себептүү ага жакшылыктар жазылат жана даражасы көтөрүлөт. Эгерде анын чоң күнөөлөрү гана болсо, анда ал себептүү алар жеңилдетилет деп үмүт кылабыз». («аль-Мажмуъ шарх аль-Мухаззаб», 6)
Ал эми башка аалымдардан: «Арафат жана Ашура күнүнүн орозосу кичине күнөөлөрдүн гана кечирилишине себеп болот» – деген да сөздөр айтылган.
ТИЛМЕЧ | Эрланбек Кушчубек уулу
═════════
➤➤ /channel/tilmech
➤➤ /channel/tilmech
💌 Маалыматты башкалар менен бөлүшүңүз
⠀
📌 Ашура күнүнө карата орозо календарын төмөнкү шилтемеден көчүрүңүз:
➤➤ /channel/tilmech/3918
➤ Пайгамбарыбыз ﷺ Ашура күнүнө өзгөчө көңүл бурган, ал күнү орозо тутууга шашылган. Абдуллах ибну Аббас айтат:⠀
«Пайгамбар ﷺ артыкчылыкка ээ болгон күндөрдүн арасынан мына ушул Ашура күнүнүн орозосуна айрыкча көңүл бурганын көрдүм». (Сахих Бухари, 1867)
⠀
📌 ЭСКЕРТҮҮ!!!Быйыл 2024-жылы Ашура күнү 16-июль күнү болот.
Ашура күнүнө карата орозо календарын төмөнкү шилтемеден көчүрүңүз:
➤➤ /channel/tilmech/3918
🎞 ПАЙГАМБАРЫБЫЗГА САЛАВАТ АЙТУУНУН ЭКИ АРТЫКЧЫЛЫГЫ
📍Салават дубасы видеонун эң акырында берилген. Сактаңыз, жаттаңыз жана башкалар менен бөлүшүңүз.
▷ t.me/dubazikir
▷ t.me/dubazikir
▷ t.me/dubazikir
🔴 АЛЛАХТЫН АЛДЫНДАГЫ ДАРАЖАҢДЫ БИЛГИҢ КЕЛСЕ, АНДА ЭМНЕ МЕНЕН АЛЕКТЕНГЕНИҢЕ КАРА
▷ Эгер Аллах сени Аны зикир кылуу менен алек кылса, анда билгин, Ал дагы сени периштелердин алдында эскерүүнү каалады.
▷ Эгер Аллах сени Куран окуу менен алек кылса , анда Ал сени менен сүйлөшүүнү каалады.
▷ Эгер Аллах сени Өзүнө ибадат кылуу менен алек кылса, анда Ал сени Өзүнө жакындатууну каалады.
▷ Эгер Аллах сени дүйнөгө берилүү менен алек кылса, анда Ал сени Өзүнөн алыстатууну каалады.
▷ Эгер Аллах сени адамдардын гана ыраазылыгын издеш менен алек кылса, анда Ал сени кор абалга түшүүңдү каалады.
▷ Эгер Аллах сени Өзүнө дуба кылуу менен алек кылса, анда Ал сенин сураганынды берүүнү каалады.
Андыктан өзүңдүн абалыңа көз чаптыр, эмне менен алек болуп жатканыңа кара. Мына ошондо Аллахтын алдындагы даражаңды билесиң.
⠀
═══════════════
➤ /channel/tilmech
═══════════════
⫸⫸⫸ ТИΛΜΞЧ ⫷⫷⫷
═══════════════
⚠️ Бул зикир өтө кыска зикир болсо дагы, ал эң бир күчтүү зикирлерден болуп эсептелет. Бул зикирди кайталоо ашып кетсе 2-3 мүнөт убакытты алат. Бирок ушунча аз убакытты алса дагы жана бизден анчалык чоң аракетти талап кылбаса дагы, биз ага күнөөсү жок адамдай мамиле кылганыбыз өтө өкүнүчтүү.
Жок дегенде ушул зикирди күнүгө 100 жолу айтканды өзүңүзгө адат кылыңыз. Сиз акыретке барганда бул зикирди айтып жүргөнүңүз үчүн сөзсүз сүйүнөсүз. Себеби Аллах талаа сиздин деңиздин көбүгүндөй болгон күнөөлөрүңүздү ушул зикирди айтып жүргөнүңүз үчүн кечирет.
═════════
➤➤ /channel/tilmech
💌 Маалыматты башкалар менен бөлүшүңүз
🔴 ЭНЕМДИН АКЫСЫНАН КУТУЛДУМБУ?
Бир адам Умар, радыяллаху анхуга, келип:
– Менин карып калган энем бар. Анын кандай иши чыкпасын, мен аны дайым жонума көтөрүп жүрөм, дааратын алдырам, ага тике да карабайм. Ошондо мен энемдин акысынан кутулган боломбу? – деп сурайт. Умар ага:
– Жок, кутулган жоксуң,– дейт.
– Мен аны жонума көтөрүп жүрөм го, ишимди таштап, убактымдын баарысын ага гана арнап жатам го? – дегенде, Умар ага:
– Апаң дагы убагында сага ошондой кылган, бирок ал балам аман болсо экен деп тилеген. Сен дагы ошондой кылып жатасың, бирок сен андан качан кутулам деп ойлоп жатасың,– деп жооп берди. 📕 "Бирруль валидайн", Ибну аль-Жаузи
ТИЛМЕЧ | Эрланбек Кушчубек уулу
═════════
➤➤ /channel/tilmech
➤➤ /channel/tilmech
Курман айт майрамы менен ар бириңиздерди чын жүрөктөн куттуктайм!
Айтыңыздар маарек болсун! Аллах таала үйүңүздөргө кут, береке, бакыт ыроолосун. Элибизде тынчтык, токчулук, молчулук болсун. Аллах таала баарыбыздын кылган ибадаттарыбызды, кылган жакшылыктарыбызды жана сойгон курмандыгыбызды кабыл кылсын. Акыретте Өзүнүн ырайымына алып, бейишке кирген сүйүктүү пенделеринин катарында кылсын! Баарыңыздарга бекем ден-соолук, үй-бүлөлүк бакыт, ишиңиздерге албан ийгиликтерди каалайм. Майрамдык маанай ар бир күнүңүздөрдү коштосун!
Аамиин!
🔴 ЭМНЕ ҮЧҮН КӨП АДАМДАР ШАЙТАНДАН САКТАНА АЛЫШПАЙТ?
«Аьуузу биллахи минаш-шайтоонир-рожийм» – мына ушул бир ооз сөз менен шайтанды кубалоого болот. Бирок көп адамдар бул сөздү айткан менен шайтандын азгырыгынан кутула албайт. Мунун себеби эмнеде?
Шайтандан сактануу сөзү – жоокердин колундагы кылыч сыяктуу. Эгерде кылыч кармаган кол күчтүү болсо, кылыч тийген жерин кыйып түшөт. Кылыч канча курч болбосун, кол алсыз болсо, анын шилтегени эч нерсеге жарабайт. Ошол сыяктуу эгерде шайтандан сактануу сөзү такыба адамдын оозунан чыкса, шайтанды качырат, ал эми такыбалыгы жок адам айтса, андан майнап чыкпайт. Адамдын оозунан чыккан сөзү анын ыйманына жана такыбалыгына жараша болот. Аалымдардын бири шакиртине кайрылып:
– Эгерде бир адам итин ээрчитип бара жатса, кокустан анын ити сага асылса, эмне кыласың? – деп сурайт.
– Мен аны колума келген нерсе менен уруп сактанамын.
– Ал кайра эле асыла берсечи?
– Мен аны андан да катуу урууга аргасыз болом.
– Эгер сен өзүң айткандай кылсаң, эч кандай майнап чыкпай калуусу да мүмкүн. Андан көрө, дароо эле иттин ээсине кайрылгын. Ал сени убара кылбастан сактап калат.
Бул окуядан түшүнүктүү болуп тургандай, биз бардык ааламдын Ээси болгон Аллах менен мамилени оңдосок, Ал бардык көйгөйлөрдү чечип берет. Бизди шайтандан сактоого Аллах Тааланын күчү жетет. Мариям энебизди өмүрү шайтан азгыра алган эмес. Аны энеси төрөп жаткан мезгилде, Аллахка кайрылып:
«Мен аны жана анын урпактарын ырайымыңдан куулган шайтандан коргооңду тилеп, сага жалбарамын» – деп айткан эле. (Аалу Имран сүрөсү, 36-аят)
Аллах анын дубасын кабыл кылды. Шайтандан жана анын желдеттеринен сактануунун негизги жолу – Аллахка кайрылуу. Аллах Таала пайгамбарыбызга ﷺ кайрылып: «Качан сени шайтандын азгырыгы жолдон чыгара баштаса, Аллахтан коргоо сура! Чынында Ал Угуучу, Билүүчү!» деп айткан. (Араф сүрөсү, 199-200-аяттар)
Дагы бир аятта:
«Айткын: «Оо, Раббим! Мен шайтандын азгырыгынан коргоо тилеп Өзүңө жалбарамын». (Муминун сүрөсү, 97-аят)
Демек, ким чын ыклас менен Аллахка кайрылып, шайтандын азгырыгынан сактоону суранса, Аллах аны шайтандын азгырыгынан сактайт.
═══════════════
➤➤ /channel/tilmech
➤➤ /channel/tilmech
🔴 Раби ибну Анас айтты:
«Аллахты көп зикир кылуу – Аны сүйгөндүктүн белгиси. Сен кайсы нерсени жакшы көрсөң, аны оозуңдан да, оюңдан да түшүрбөй дайым эстеп жүрөсүң». 📕 Мадариж ас-Саликин, 2/179
Демек, ким Аллахты сүйгөн болсо, Аны дайым зикир кылат. Ким басса-турса зикирлерди айтып жүрсө, Аллахка жакындайт. Ал эми ким Аллахка жакындаса, анда ал адамга бардык жакшылыктар жакындайт жана жамандыктар алыстайт.
Аллахка сүйүктүү болгуңуз келсе, анда Ал сүйгөн зикир сөздөрүн дайым айтып жүрүңүз. Аллахка эң сүйүктүү сөздөр кайсы экенин билесизби? Аллахка бул аалымда эң сүйүктүү төрт сөз бар. Алар:
▷ Субханаллах (Аллах айып-кемчиликтерден аруу)
▷ Алхамдулиллах (Аллахка мактоо-шүгүрлөр болсун)
▷ Лаа илааха иллаллах (Аллахтан башка кудай жок)
▷ Аллаху акбар (Аллах улук)
═══════════════
➤➤ /channel/tilmech
➤➤ /channel/tilmech
🔴 АКЫР ЗАМАНДА САБАТТУУЛАР КӨБӨЙҮП, ДИНДИ ТҮШҮНГӨНДӨР АЗАЯТ
Туура жолдон адашуунун бирден бир негизги себептери – үстүртөдөн илим алуу жана илимдин сырткы формасы менен гана алек болуу. Азыркы учурда бул диндеги бирден-бир көйгөйлүү маселелерден.
Аллахтын Элчиси ﷺ хадистеринин биринде айтат:
«Менин үммөтүмө ушундай заман келет, ошол учурда сабаттуулар көбөйөт, бирок (динди) түшүнгөндөр аз болот жана (адамдардан) илим кетет». («Аль-Мустадрак», 8412)
Пайгамбарыбыз ﷺ кыямат күн жакындаганда китептер жана жалпы сабаттуулук кеңири тарайт деп алдын ала айткан:
«Чындыгында акыр замандын белгилеринен – байлык көбөйүп, соода-сатык кеңири тарайт жана илим негизги болот (илим каражаттары кеңири тарайт)». (Сунан ан-Насаи 4468)
«Чындыгында акыр замандын белгилеринен – байлык көбөйүп, соода-сатык кеңири тарайт жана калем негизги болот». («Сунан ан-Насаи аль-Кубро», 6048)
Ибну аль-Жаузи, рахимахуллах, бир топ кылым мурун бул көрүнүш тууралуу жазып кеткен:
«Мен көпчүлүк аалымдардын илимдин акыйкатын жана маанисин түшүнбөстөн анын сырткы формасы менен гана алектенгенин көрдүм...
Көпчүлүк адамдар да ушундай абалда. Илимдин сырткы формасын үйрөнүү – алар үчүн кесип болуп калган. Бул аларды бой көтөрүүчүлүккө жана кем акылдуулукка алып келет.
Булар илимдин акыйкатын түшүнүшкөн эмес. Илим бул курулай сөздөр эмес, бул анын акыйкатын түшүнүү. Мына ушул нерсе гана такыбалыкка жана Аллахтан коркууга алып келет жана адам илим аркылуу гана Аллахтын ырайымдуулугун көрүп биле алат...». («Сайд аль-Хатир», 544-бет)
═══════════════
➤➤ /channel/tilmech
➤➤ /channel/tilmech
🔴 ЖУБАЙЛАРГА БАЙЛАНЫШТУУ ШАРИЯТ АДЕПТЕРИ
Ислам дини эркекке үй-бүлөсүнө байланыштуу кээ бир шарият адептерин аткарууну милдет кылган. Ал адептерден – күйөөсү менен аялы жыныстык мамиле кылуудан алдын шариятта келген дубаны айтуулары зарыл. Абдуллах ибну Аббас, радыяллаху анху, риваят кылган хадисте пайгамбар ﷺ айтты:
«Эгерде силердин бириңер аялы менен жыныстык мамиле кыларда: «Аллахтын ысымы менен баштаймын. Оо, Аллах, бизден жана бизге ырыскы кылган (перзенттен) шайтанды алыстат» – деп айтса жана ошондон кийин ал экөөсүнө балалуу болуу тагдыр кылынса, анда шайтан ал балага зыян бербейт». (Сахих аль-Бухари)
⚠️ ДУБАНЫН АРАБЧА АЙТЫЛЫШЫ:
بِسْمِ اللَّهِ، اللَّهُمَّ جَنِّبْنَا الشَّيْطَانَ ، وَجَنِّبْ الشَّيْطَانَ مَا رَزَقْتَنَا
«Бисмиллах, аллахумма жаннибнаш-шайтоона уа жаннибиш-шайтоона маа розактанаа».
Мааниси: Аллахтын ысымы менен баштаймын. Оо, Аллах! Бизден жана бизге ырыскы кылган (перзенттен) шайтанды алыстат.
Ошондой эле ал адептерден – эркекке сапардан үйүнө түндөсү келүүдөн тыйган. Жабир, радыяллаху анху, айтат: «Пайгамбар ﷺ эркекке түндөсү үй-бүлөсүнө күтүүсүз келүүдөн тыйган». (Сахих аль-Бухари)
Хадистин мааниси – эгерде эркек сапарга кетип, узак убакытка чейин жок болсо, кийин сапардан кайтканда жашаган жерине түндөсү келген болсо, анда ал түз эле үйүнө кирип барбастан, алдын ала бирөө жарым аркылуу сапардан келгенин кабарлоосу зарыл. Бул аралыкта аялы үйүн жыйнап, өзүн оңдоп түзүп, таранып сулууланып, аны күтүп алууга даярданат. Жабир, радыяллаху анху, риваят кылган хадисте Аллахтын элчиси ﷺ айтты: «Эгерде түндө келсең, анда аялыңдын үстүнө кирбей тур! Күйөөсү узакка жок болгон аял денесиндеги түктөрүн кырып, чачы-башын таранып алсын». (Сахих Бухари)
Эгерде эркек өзүнүн аялына караша шарият адептерин кармана турган болсо, анда аялы дагы ошол адептерди аткарууга шашылат.
ТИЛМЕЧ | Эрланбек Кушчубек уулу
═════════
➤➤ /channel/tilmech
➤➤ /channel/tilmech
🔴 ДИНДИ ШЫЛДЫҢ КЫЛГАНДАРГА ЭСКЕРТҮҮ!
Аллах таала ыйык Куранда мындай деп айтты:
«Аллахтын аят-белгилерин азил-тамаша тутпагыла!». (Бакара сүрөөсү, 231-аят)
«Тозоктогулар бейиштегилерге жалбарып: «Бизге суудан (куйгулачы) же Аллах силерге ырыскы кылган нерселерден бергилечи» – деп кайрылганда алар айтышат: «Чындыгында Аллах муну каапырлар үчүн тыйган. Алар өз динин оюн-тамаша тутуп, дүйнө жашоосуна азгырылып кеткендер». (Аараф сүрөөсү, 50-51-аяттар)
«Ант болсун! Эгер алардан сурасаң: «Биз жөн эле айтып, тамашалап койгонбуз» – деп гана айтышат. Айткын: «Силер Аллахты, Анын аят-белгилерин жана пайгамбарын шылдың кылдыңарбы?! Кечирим сурабай эле койгула! Силер ыйман келтиргенден кийин (ушул сөзүңөр үчүн) каапыр болдуңар». (Тауба сүрөөсү, 65-66-аяттар)
Абдуллах ибну Умар жана башкалар риваят кылган хадисте мындай деп айтылган:
«Табук газаватында мунафыктардан бир адам: “Мен биздин Куран карыларындай курсагын гана ойлогон, жалганды гана сүйлөгөн, душман менен беттешкенде алардан өткөн коркок эч кимди көргөн эмесмин» – деди. Ошол жерде турган Ауф ибну Малик, радыяллаху анху: “Сен жалган айттың, сен анык эки жүздүүсүң! Бул сөзүңдү Аллахтын элчисине ﷺ айтамын” – деп жөнөдү. Бирок ал келгенге чейин эле Аллах таала пайгамбарга ﷺ ал тууралуу аятты түшүргөн экен. Качан пайгамбар ﷺ төөсүн минип кеткени жатканда, жанагы адам (кечирим сураганга) келип: “Оо, Аллахтын элчиси! Биз өзүбүздү жол кыйынчылыгынан алаксытыш үчүн сүйлөшүп баратып тамашалап эле койгонбуз” – деди.
Абдуллах ибну Умар, радыяллаху анху, айтты:
“Ал адам азыр да көз алдымда турат, пайгамбардын ﷺ төөсүнүн басмайылына асылып, буттары ташка урунуп: “Биз жөн эле айтып, тамашалап койгонбуз” – деп жатты. Аллахтын элчиси ﷺ: «Силер Аллахты, Анын аят-белгилерин жана пайгамбарын шылдың кылдыңарбы?!» – деп ага жүз да бурбады, ашыкча сөз да айтпады». (Ибну Абу Хатим; Имам Табари)
Аллах тааланы, Анын элчисин ﷺ жана Куранды шылдыңдоо ыйман негиздерине каршы келет жана аны кылган адам динден чыгат. Анткени Аллах таалага, Анын Китептерине жана пайгамбарларына ыйман келтирүү – ыйман негиздеринен болуп, аларды ыйык тутуп урматтоо ар бир мусулман үчүн парз болуп саналат.
Мухаммад ибну Салих айтты:
«Бул хадисте илим ээлерин урматтоо туурасында айтылды жана аларды шылдыңдап же маскаралоону жокко чыгарды. Анткени бул мунафык адам: “Мен биздин Куран карыларындай адамдарды көргөн эмесмин...” – деп аалымдарды жамандоону максат кылып айткан. Ал эми аалымдар – пайгамбарлардын мураскорлору жана үммөттүн үлгүсү. Эгерде биз аалымдарды жаманатты кылсак, анда мунун аягы мусулман коомчулугунун ыдыроосуна алып келет жана аалымдардын кадырын кетирип, аларга карата шектенүүлөрдү пайда кылат». (“Аль-Мустафид”)
Ибну Каййим айтты:
«Аллах таалага карата айтылган шылдың же маскаралоо же башка ушул сыяктуу иштерге кескин тыюу салынган. Бул туурасында тамашалап айтуу чын айтканга барабар». (“Иъламуль муваккиъин”)
⚠️ Ошондой эле хижабга же сакалга же ушул сыяктуу шарият өкүмдөрүн шылдыңдоого жана кемсинтүүгө кескин тыюу салынган.
ТИЛМЕЧ | Эрланбек Кушчубек уулу
═════════
➤➤ /channel/tilmech
➤➤ /channel/tilmech
🔴 ФАТИХА СҮРӨӨСҮНҮН ДАРЫЛЫК КАСИЕТИ
Куран китеби баштан аяк шыпаа болуп эсептелет. Бирок фатиха сүрөөсү Курандагы эң улуу сүрөө болгону үчүн шыпаа берүүдө өзгөчө касиетке ээ. Ал дене ооруларына, жан дүйнө ооруларына, сыйкырга, жин-шайтандар зыян бергенде, көз тийгенге, көрө албастыктын зыяндарына каршы шыпаа болот.
Ибну Каййим (رحمہ الله تعالــﮯ) айтат:
«Эгерде пенде фатиха сүрөөсү менен дарыланганды жакшы билгенде, анда анын айыктыруу касиетине ээ болгон укмуштуудай таасирин көрмөк.
Бир кездерде катуу ооруп Меккеде бир топ убакыт туруп калдым, бирок ал жактан дарыгер да, дары да таба албадым. Ошондо өзүмдү фатиха сүрөөсү менен дем салып дарылап, анын укмуштуудай таасирин көрдүм.
Кийин ким мага оорусун айтып арызданып келсе, мен ага фатиха менен дарылан деп кеңеш берчим. Ошолордун көпчүлүгү ал себептүү тез арада сакайып кетишти». («Аль-Жаваб аль-Каафи», 5-бет)
● ЭМИ БУЛ СҮРӨӨ МЕНЕН КАНТИП ДЕМ САЛУУ КЕРЕК?
Адам бул сүрөө менен өзүнө же башкага дем салган кезде, бир жолу окуса болот же көп жолу окуса болот, кыскасы өзү каалаган санда окуйт, мисалы, 1 же 3 же 5 же 7 же андан көп жолу окуйт да, андан соң алаканына үйлөп, ошол ооруган жерге сүртөт же болбосо ооруган жерге колун коюп окуйт. Же сууга окуп туруп, аны ичсе болот же ооруган жерине сүртсө да болот. Же болбосо аны балга окуп жесе да болот ж.б. Ошондой эле фатиха сүрөөсү менен дем салган адам окуганда чын дилден окуп, шыпааны бир гана Аллах берет, ал эми бул сүрөө жөн гана шыпаага себепчи дегендей терең ишенимде болуусу зарыл.
ТИЛМЕЧ | Эрланбек Кушчубек уулу
═════════
➤➤ /channel/tilmech
➤➤ /channel/tilmech
💌 Маалыматты башкалар менен бөлүшүңүз
❏ СУРОО:
Таңга маал ооз жаппай уктап калыптырмын? Орозону улантып кармай берсем болобу? Анан ооз ачып жатканда эмне деп айтам?
❏ ЖООП:
Эгерде кечинде ооз жабам деп жатып, таңга маал ооз ачарга уктап калган болсоңуз, анда турганда эч нерсе жеп-ичпестен ичиңизден орозону ниет кылып уланта бересиз.
Ал эми ооз ачарда «Бисмиллах» деп суу же курма же башка тамак-аш менен ооз ачыңыз, андан кийин ушул дубаны айтыңыз:
«Захабаз-зома’у уабталлатиль уъруук, уа сабаталь аджру ин шаа Аллах».
Мааниси: Чаңкоо кетти, өзөккө суу да жетти жана Кудай буйруса сооп да анык болду.
ذَهَبَ الظَّمَأُ وَابْتَلَّتِ العُرُوقُ وَثَبَتَ الأَجْرُ إِنْ شَاءَ اللهُ
Аллах туткан орозоңуздарды кабыл кылсын!
═══════════════
➤ /channel/tilmech
➤ /channel/tilmech
🔴 БИР ЖЫЛДЫК КҮНӨӨЛӨРДҮН КЕЧИРИЛИШИНЕ СЕБЕП БОЛГОН АШУРА КҮН
🔹 АШУРА КҮНҮ ДЕГЕН КАНДАЙ КҮН?
Ашура күнү – Мухаррам айынын 10-күнүнө туш келген күн. Быйылкы 2024-жылы 16-июлга туура келет.
🔹 БУЛ КҮНҮ КАНДАЙ ИБАДАТТАРДЫ АТКАРУУ КЕРЕК?
Ашура күнү орозо тутуу сүннөт болуп саналат. Анткени Аллах таала ушул күнү Муса пайгамбарды Фараон жана анын аскеринен куткарган. Ошол себептен улам Аллахка шүгүр кылуу максатында бул күнү орозо тутуу сүннөт.
🔹 АШУРА КҮНҮНҮН ОРОЗОСУ ТУУРАЛУУ ШАРИЯТТА КАНДАЙ ДАЛИЛДЕР КЕЛГЕН?
Абу Катада, радыяллаху анху, риваят кылат: «Күндөрдүн биринде пайгамбарыбыздан ﷺ Ашура күнүндөгү орозо тууралуу сурашканда, ал: «Ашура күнүндөгү орозо – өткөн жылдагы күнөөлөрдүн кечирилишине себеп болот деп үмүттөнөм»,– деп жооп берди». (Сахих Муслим, 1976)
Бул хадистен Ашура күнүнүн орозосу бир жылдык күнөөлөрдүн кечирилишине себеп болорун билебиз.
🔹 БУЛ КҮНДӨГҮ ОРОЗО КАНТИП ТУТУЛАТ?
Ашура күнүндөгү орозо 3 түрдө тутулат:
1) Ашура күнү менен кошо анын алдыңкы жана кийинки күндөрү да орозо тутуу. Ошондо үч күн (15-16-17-июль күндөрү) катар орозо тутулат.
2) Ашура күнү менен анын алдыңкы күнү (15-16-июль күндөрү) орозо тутуу же Ашура күнү менен андан кийинки күнү (16-17-июль күндөрү) орозо тутуу.
3) Ашура күнү эле (16-июль күнү) орозо тутуу.
Мына ушул үч түрдүн бирөөсүнө туура келгендей орозо тутсаңыз, Ашура күнүндөгү орозону туура туткан болосуз.
🔹 БУЛ КҮНДҮН АРТЫКЧЫЛЫКТАРЫ КАНДАЙ?
– Пайгамбарыбыздын сүннөтүн аткарып, Ашуранын орозосун тутуу мустахаб болуп эсептелет.
– Бул күнү пайгамбарыбыз ﷺ да, сахабалар да жана Муса пайгамбар да Аллахка шүгүр келтирүү максатында орозо тутушкан.
– Бул күн байыркы замандан бери өзгөчөлөнүп келген улуу күн.
– Ашура күнү менен кошо анын алдыңкы же кийинки күнү орозо тутуу сүннөт. Анткени жөөттөр Ашура күнү гана орозо тутушкан. Пайгамбарыбыз ﷺ аларга каршы болуу максатыңда анын алдыңкы күнүн же кийинки күнүн кошуп туткула деп айткан.
– Бул хадистен жыл эсеби эзелтен айдын жаңырышына карата эсептелгенин билебиз. Анткени Аллахтын элчиси ﷺ айткан хадисте Мухаррамдын 10-күнү Фараонду аскери менен кошо жок кылган деп келген.
Мусулман бир тууган! Бул күн дагы Аллах тааланын бизге берген улуу күндөрүнөн. Кимде-ким Ашура орозосун тутса, анда өткөн жылдагы күнөөлөрүнүн кечирилишине себеп болот. Мына ошондуктан бул күндөгү орозону сөзсүз карма. Анткени Аллах таала айткандай:
«Чындыгында, жакшы иш-аракеттер күнөөлөрдү кетирет». Худ сүрөөсү (11:14)
Аллах таала Ашура күнүндөгү орозону тутууну баарыбызга насип этсин жана туткан орозобузду өткөн жылдагы күнөөлөрүбүздүн кечирилүүсүнө себеп кылсын. Аамин!
ТИЛМЕЧ | Эрланбек Кушчубек уулу
═════════
➤➤ /channel/tilmech
➤➤ /channel/tilmech
💌 Маалыматты башкалар менен бөлүшүңүз
📌 Абу Катада, радыяллаху анху, риваят кылат: «Күндөрдүн биринде пайгамбарыбыздан ﷺ Ашура күнүндөгү орозо тууралуу сурашканда, ал:
«Ашура күнүндөгү орозо өткөн жылдагы күнөөлөрдүн кечирилишине себеп болот деп үмүттөнөм»,– деп жооп берди». (Сахих Муслим, 1976)
➤➤ /channel/tilmech
🔴 ЫРЫСКЫ ЖАНА АНЫН ТҮРЛӨРҮ
Аллах Таала адам баласы энесинин курсагында түйүлдүк кезинде эле анын ырыскысын алдын ала жазып жана белгилеп койгон. Ошондуктан ким болбосун, өз ырыскысына толук жетмейинче бул жашоодон өтпөйт. Ырыскы тууралуу пайгамбарыбыздан ﷺ көп хадистер келген.
Пайгамбарыбыз ﷺ айтты:
«Ырыскым кечикти дебегиле! Анткени пенде акыркы ырыскысына жетмейинче өлбөйт. Аллахтан корккула! Ырыскыны туура жолдо издегиле, адалын алгыла, арамын таштагыла». | Сахих аль-Жаами,7323
«Чындыгында Аллах Таала жатынга бир периштени даярдап коёт. Ал айтат: «Оо, Раббим, бир тамчы бел суу болду. Оо, Раббим, уюган кан болду. Оо, Раббим, бир тиштем эт болду». Кийин Аллах аны толук жаратууну кааласа, ал айтат: «Оо, Раббим! Балабы же кызбы? Бактысызбы же бактылуубу? Анын ырыскысы жана ажалы кандай?». Ушулардын баарысы ал энесинин курсагында жатканда жазылат». | Сахих Бухари, 6595
«Чындыгында ырыскы пендени анын ажалынан да көбүрөөк издейт». | Сахих ат-Таргыиб, 1703
Абдуллах ибну Умар, радыяллаху анху, айтат: «Күндөрдүн биринде пайгамбар ﷺ жолдо жаткан курманы көрүп калат. Аны жерден алып: «Эгерде сен буга өзүң келбесең, ал өзү сага келет» – деп айтты». | Сахих ат-Таргыиб, 1705
Демек, ар бир адам өз ырыскысына сөзсүз түрдө жетет. Ырыскысын толук түгөтмөйүн бул дүйнөдөн өтпөйт. Анын ырыскысы Аллах жазгандан көбөйүп да, кемип да кетпейт жана аны андан башкалар тартып да албайт. Себеби ырыскы бул адамдын жеке өзүнө гана таандык энчиси.
Ырыскы десе кээ бирлер жеген тамак-ашты гана ойлойт. Ырыскы деген абдан кеңири түшүнүк. Адамдын ырыскысы жалпысынан алганда эки түрдө болот: убактылуу жана түбөлүктүү.
Убактылуу ырыскы деген – адамга бул дүйнө жашоосунда берилген ырыскынын түрлөрү. Мисалы, анын жеген тамак-ашы, кийген кийими, ден-соолугу, үй-бүлөсү, бала-чакасы, байлыгы, ийгиликтери, жоро-жолдоштору, жумушу жана башка дүйнө жашоосуна гана байланыштуу нерселер.
Ал эми түбөлүк ырыскы деген – адамдын акыретине байланыштуу ырыскынын түрлөрү. Адам бул ырыскынын пайдасын эки дүйнөдө көрөт. Мисалы, ыйман келтирүү, шарият илимин үйрөнүү, пайгамбарыбыздын ﷺ сүннөттөрүн аткаруу, беш убак намазды калтырбай окуу, намазды берилүү жана коркуу менен окуу, ата-эненин ыраазылыгын алуу, балдарды туура тарбиялоо, Куран жаттоо жана окуу, зикир кылуу, садака берүү, кулк-мүнөздүүлүк, туугандык мамилени бекемдөө, адамдарды кечирүү, күнөө иштерден алыс болуу ж.б.
Андыктан ырыскыдан кыйналдым деп арам жолдо ырыскы издебе, убактылуу ырыскыга алаксып, түбөлүк ырыскыңды унутуп калба! Убактылуу ырыскы – бул дүйнөгө гана чектелүү, анын ырахаты убактылуу. Түбөлүк ырыскынын убактысы болсо дүйнөгө гана чектелбестен, анын жакшылыктары түбөлүк.
ТИЛМЕЧ | Эрланбек Кушчубек уулу
═════════
➤➤ /channel/tilmech
➤➤ /channel/tilmech
💌 Маалыматты башкалар менен бөлүшүңүз
🔴 КЫЯМАТТА ЭҢ ЖАМАН АБАЛДА БОЛГОН АДАМ
⠀
Пайгамбарыбыз ﷺ айтты:
«Чындыгында кыямат күнү Аллахтын алдында эң жаман абалда боло турган адам – өз аялы менен жыныстык катнаш кылып, кийин аялынын сырын башкаларга айткан адам». (Сахих Муслим)
⠀
Имам Навави хадистин шархында мындай деп айткан:
«Бул хадисте күйөөсү менен аялынын ортосундагы болгон жыныстык мамиле жана аны кеңири айтуунун арам экендиги айтылды. Ошондой эле ошол учурда аялынын айтканы, кылганы же ушуга окшогон иштерди айтуусу да арам». (Шарх ан-Навави, 8/10)
⠀
Башка бир хадисте Асма бинт Язид, радыяллаху анха, айтты:
«Мен Аллахтын элчисинин ﷺ алдында элем жана ал жерде бир топ аял-эркектер да отурушкан. Ошондо Аллахтын Элчиси ﷺ айтты: «Балким (араңардан) бир эркек өзүнүн аялы менен эмне иш кылгандыгын (башкаларга) айтат чыгар? А балким (араңардан) бир аял да өзүнүн күйөөсү менен эмне иш кылгандыгын (башкаларга) айтат чыгар?». Адамдардан эч кимиси унчукпады. Ошондо мен айттым: «Оо, Аллахтын элчиси! Аллахка ант болсун, дал ошондой! Аялдар да (бири-бирине) айтышат, эркектер да (ушундай) кылышат». Пайгамбар ﷺ айтты:
«Андай кылбагыла! Чындыгында бул (кылганыңар) бир шайтан башка бир шайтанды жолдон кезиктирип, анан адамдар карап турса да жыныстык катнаш кылган сыяктуу». (“Муснад” Ахмад; Сахих аль-Жаамиъ)
⠀
Демек, күйөөсү менен аялынын ортосундагы жыныстык мамиле тууралуу башкаларга айтуу күнөө иштерден. Угуп жаткан адам кыйбас курдаш, кан дос болсо дагы бул тууралуу ага айтууга кескин тыюу салынган. Анткени үй-бүлөдөгү төшөк сырын жаюу же ал тууралуу башкаларга айтуу – бузукулуктун жайылышына, үй-бүлөнүн бузулушуна жана ортодогу жылуу мамиленин суздашына алып келет. Ошондуктан эркек да, аял да үй-бүлөдөгү ынтымакты, биримдикти сакташ үчүн ич ара сырларды бекем сактоого тийиш.
⠀
Мындай иш жубайлардын ортосунда гана калыш керек жана эч кимдин аны билүүгө, ага кийлигишүүгө кыпындай да акысы жок. Себеби Ислам дининде эркектин да, аялдын да абийири жогору турат жана алардын абийирин ачуу чоң күнөөлөрдөн.
⠀
ТИЛМЕЧ | Эрланбек Кушчубек уулу
═════════
➤➤ /channel/tilmech
➤➤ /channel/tilmech
🎞 ҮЙДҮ ЖИН-ШАЙТАНДАРДАН ТАЗАЛООНУН ЖОЛДОРУ
https://youtu.be/ofHsTsVX9Gs?si=xED1yLwadsXbqBtS
Өз үйүндө өзүн бактылуу сезген адам – чыныгы бактылуу адам.
➤➤ /channel/tilmech
🔴 ЖУМА КҮН – ИБАДАТ КҮН
Ибну Каййим ﴾ رحمہ الله تعالــﮯ ﴿ айтты:
«Жума күн – өзүн ибадатка толук арноо сүннөт болуп саналган күн. Бул күн башка күндөрдөн ар түрдүү парз жана сүннөт ибадаттар менен артыкчылыкка ээ. Аллах таала ар бир дин ээлери үчүн атайын бир күндү алар дүйнө тиричиликтеринен бошоп, ибадат гана кылуулары үчүн белгилеп койгон.
Жума күн – ибадат күн. Рамазан айы башка айлардын арасында кандай артыкчылыкка ээ болсо, ал дагы башка күндөрдүн арасында ошондой артыкчылыкка ээ. Жума күндөгү дуба кабыл болгон убакыт Рамазан айындагы Кадыр түн сыяктуу. Мына ошондуктан кимдин жума күнү туура өтсө, анда ал бир апта бою саламатта болот. Ал эми кимдин Рамазан айы туура өтсө, анда ал бир жыл бою саламатта болот. Кимдин ажылыгы туура өтсө, анда ал өмүр бою саламатта болот. Жума күн – аптанын таразасы. Рамазан – жылдын таразасы. Ажылык – өмүрдүн таразасы». 📖 «Заад аль-Маъад», 1/386
═════════
➤➤ /channel/tilmech
➤➤ /channel/tilmech
💌 Маалыматты башкалар менен бөлүшүңүз
✅ ХАДИСКЕ ТҮШҮНДҮРМӨ
Жамаат намазда алдыңкы саптарды толтуруу милдет. Алдыңкы сап толмоюн кийинки сапка туруу жакшы эмес. Алгач биринчи сап толтурулат, ал толгондон кийин экинчи сап, андан кийин үчүнчү сап, ошентип бир сап толгондо кийинки сапка тура берет. Адамдардын сапта бириндеп турганы же саптардын арасында боштуктун калганы туура эмес. Сапта адамдар бири-бирине кыналып, ийинге ийин тийип тыгыз туруулары керек. Саптарды толтуруу, түздөө жана ийиндери бири-бирине тийген абалда жакын туруу — мусулмандардын ыйманына, биримдигине эң күчтүү таасир берген себептерден. Сапты түздөгөндөрдүн жүрөгүн Аллах түздөйт, сапта тыгыз тургандардын биримдиги, ынтымагы күчөйт, сапта боштуктар калса, намаз окуган адамдардын арасын шайтан аралайт.
⚠️ Демек, сиз мечитке намаз окуганы келген кезде, адамдар алдыңкы сапты толтурбай, кийинки сапка туруп жаткан болсо, сиз ушул хадисти эстеп, алдыңкы сапка туруңуз, алдыңкы сапты толтуруңуз. Ошондо Аллах сизге бейиштен үй курат жана сизди бир даражага көтөрөт.
➤➤ @tilmech
