🎥 БУЛ КҮНӨӨЛӨР ТООБОСУЗ КЕЧИРИЛБЕЙТ
Максат ажы Токтомушев
➤➤ /channel/tilmech
💌 Видеону башкалар менен бөлүшүңүз
🎥 АЛЛАХТЫ СҮЙӨМ ДЕГЕНДЕР УККУЛА
Садыбакас ажы Доолов
➤➤ /channel/tilmech
💌 Видеону башкалар менен бөлүшүңүз
❐ САЛАВАТ АЙТУУНУН АРТЫКЧЫЛЫГЫ
Аус ибну Аус, радыяллаху анхудан, риваят. Пайгамбарыбыз ﷺ айтты:
«Чындыгында, силердин күндөрүңөрдүн эң жакшысы бул – жума күн. Ал күнү мага көп салават айткыла. Чындыгында силердин айткан салаватыңар (мен өлгөндөн кийин да) мага жетип турат. (Ошол кезде) адамдар сурашты: «Оо, Аллахтын элчиси! Биздин айткан салаваттарыбыз сизге кантип жетип турат, ал учурда (денеңиз) чириндиге айланып кетет го?!» – деп айтышканда аларга пайгамбар ﷺ мындай деп жооп берди: «Чындыгында Аллах пайгамбарлардын денелерин жер жебей (чирибей) турган кылып койгон». | Абу Дауд, 1399
⚠️ Пайгамбарыбызга салаватты «саллаллаху алейхи уа саллам» деп айтасыз.
➤➤ /channel/tilmech
➤ Бул зикир мусулман үчүн эң зарыл болгон зикирлердин бири. Күнүгө эң кеминде 100 жолу айтуу керек. Эң жакшысы багымдаттан кийин айтылганы. Эгерде ал убакта айтууга мүмкүнчүлүгү болбосо, анда күндүзү каалаган убакта айта берет.
Ким бул зикирди күнүгө айтып жүргөн болсо, анда ага күн бою жин-шайтандар зыян бере албайт жана жин кирбейт. Ал эми башка сооптору тууралуу сүрөттөгү (/channel/tilmech/1207) хадисте айтылды.
Катталыңыз ➤➤ /channel/tilmech
🔴 ЖУМА НАМАЗГА ЭРТЕ БАРУУНУН СООБУ
Аллахтын элчиси ﷺ айтты:
«Жума күнү ар бир мечиттин эшигинде эки периште туруп алдынкы келген адамга төөнү курмандык кылгандын сообун, андан кийин келген адамга уйду курмандык кылгандын сообун, андан кийин келген адамга койду курмандык кылгандын сообун, андан кийинки келген адамга тоокту курмандык кылгандын сообун жана андан кийин келген адамга жумуртканы садака кылгандын сообун алардын келгенине жараша жазып турат. Имам минбарга чыгып олтурганда алар жазып жаткан китептер жабылат». (Ибну Хузайма)
Катталыңыз ➤➤ /channel/tilmech
🎥 ХИЖАБ АРАБДАРДЫКЫ ДЕГЕНДЕРГЕ СОНУН ЖООП
Мыктыбек Арстанбек
➤➤ /channel/tilmech
💌 Видеону башкалар менен бөлүшүңүз
🔴 ЭНЕНИН КЫЗЫНА АЙТКАН ОН ОСУЯТЫ
Асма бинт Харижи кызын турмушка узатып жатканда ага мындай деп осуят кылган:
– Кызым, сен туулуп өскөн уяңды таштап, сен билбеген үйгө, сен көнбөгөн бейтааныш адамга өмүрлүк жар болуп баратасың. Ушул нерселер дайым эсиңде болсун!
▷ Сен ага жер болсоң, ал сага асман болот.
▷ Сен ага үй болсоң, ал сага түркүк болот.
▷ Сен ага күң болсоң, ал сенин туткунуң болот.
▷ Аны жадатсаң, ал сени жаман көрүп калат.
▷ Андан алыстасаң, ал сени унутуп калат.
▷ Эгерде ал сага жакындаса, сен да ага жакындагын.
▷ Эгерде ал жалгыз болууну каалап турса, анда аны тынч койгун.
▷ Анын сезимдерине көңүл бур! Ал сенден дайым жыпар жытыңды сезип, жакшы сөздөрүңдү угуп жана сулуулугуңду гана көрүп турсун.
📖 "Табаиъ ан-Ниса", 45
ТИЛМЕЧ | Эрланбек Кушчубек уулу
═════════
➤➤ /channel/tilmech
➤➤ /channel/tilmech
🔴 АЧУУҢ КЕЛГЕНДЕ УШУЛ ҮЧ НЕРСЕНИ АТКАР
Сахабалардын бири Сулайман ибну Сурад, радыяллаху анху, айтат:
«Күндөрдүн биринде биз пайгамбар ﷺ менен чогу отурган элек. Ошондо эки адам бири-бири менен сөгүшө кетти. Бирөөсү экинчисин сөккөндө, ал ачууланып жүзү кызарып чыкты. Ошондо пайгамбар ﷺ айтты:
«Чындыгында, мен ушундай бир сөздү билем, эгер аны ачууланган адам айтса, анын ачуусу тарайт, ал «аъуузу биллаахи минаш шайтоонир рожийм»¹ деп айтсын». 📕Сахих Бухари, 6115; Сахих Муслим, 2610
“
— ¹ Аъуузу биллаахи минаш шайтоонир рожийм” сөзүнүн мааниси “Аллахтан каргышка калган шайтандан коргоосун сураймын” дегенди билдирет.
⠀
Жогорудагы хадисте ачуулануу шайтандын азгырыгы экендиги туурасында айтылды. Эгерде ким ачууланса, анда эң биринчи кезекте Аллахтан коргоо сурасын. Мына ошондо Аллах аны шайтандын жамандыгынан коргойт, ачуусу себептүү башкаларга зыян берүүдөн сактайт.
⠀
Ошондой эле пайгамбарыбыз ﷺ ачуулануунун зыянынан кутулуу үчүн адамга сөз түрүндө да, иш жүзүндө да аткаруусу зарыл болгон иштерди буйруган.
⠀
• Сөз түрүндө аткаруусу зарыл болгон иштер туурасында пайгамбар ﷺ мындай деп айтты:
«Араңардан ким ачууланса, анда ал унчукпасын» деп үч жолу айтты». 📕“Муснад”, 1/239
⠀
Эгерде ачууланган адам сүйлөй турган болсо, анын сөзү адамдарга катуу тийиши мүмкүн же акылга сыйбаган сөздөр айтылып, урушууга себеп болушу мүмкүн. Мындай туруксуз абалда ачууланган адам өзүнө келгенге чейин унчукпай турганы жакшы. Ал эми ачуусу тараса, орундуу сүйлөйт, эч кимге зыян бербейт, адамдардын көңүлүн оорутпайт, ортодо душмандык да болбойт.
⠀
• Ал эми иш жүзүндө аткаруусу зарыл болгон иштер туурасында пайгамбар ﷺ айтты:
«Араңардан ким ачууланса жана ошол учурда туруп турган болсо, анда олтурсун. Эгер олтурса да ачуусу таркабаса, анда жатсын». 📕“Муснад”, 5/152; Сунан Абу Дауд, 4782
⠀
Себеби адам ачуусу келип турганда тике турган болсо, ачуусун келтирген адамды уруп жибериши мүмкүн же аны менен бетме-бет турса өзүн карманалбай ага зыян бериши да ыктымал. Эгерде ушундай абалда олтура калса, анда ал ачуусун келтирген адамдан алыстайт, а эгер жатса, андан дагы алыстайт.
⠀
⚠️ ДЕМЕК, АЧУУЛАНСАҢ УШУЛ ҮЧ НЕРСЕНИ АТКАР:
1) Аллахтан коргоо сура.
2) Унчукпа, сүйлөбө, эч нерсе деп жооп бербе.
3) Турган болсоң олтур, олтурсаң да ачууң таркабаса, анда жат.
ТИЛМЕЧ | Эрланбек Кушчубек уулу
═════════
➤➤ /channel/tilmech
➤➤ /channel/tilmech
💌 Маалыматты башкалар менен бөлүшүңүз
🔴 ПЕРИШТЕЛЕРДИ ҮЙҮҢДӨН КАЧЫРБА!
Пайгамбарыбыз ﷺ айтты:
«Ит жана сүрөттөр бар үйгө периштелер кирбейт». [Сахих Бухари]
✔️ ХАДИСКЕ ТҮШҮНДҮРМӨ:
Бул хадис ар бир мусулман үчүн эң зарыл хадистердин бири болуп эсептелет. Эгерде кайсы бир үйдө жандуу заттардын (адамдардын, жаныбарлардын, канаттуулардын) сүрөттөрү бар болсо, мисалы, дубалда илинген фото сүрөт болобу же колго тартылган сүрөт болобу же гезиттердеги сүрөттөр болобу же китеп-дептерлердин тышындагы сүрөттөр болобу, мына ошондой сүрөттөр бар үйгө периштелер жолобойт. Андай сүрөттөрдү үй ичинен жок кылуу керек же көрүнбөй турган жерге катуу керек. Болбосо ал үйгө периштелер кирбейт. Ал эми периште кирбеген үйгө жин-шайтандар толот, ал үйдөн береке кетет. Анткени хадисте айтылган периштелер — жер кезип, үйлөрдү кыдырып жүргөн периштелер. Алар ошол жашаган үйдөгү адамдарга кечирим, ырайым, береке тилеген периштелер.
Ошондой эле ит бар үйгө да периште кирбейт. Эгерде адам шариятта уруксат берилген (аңчылык, короо жайды кайтартуу, мал жаюу) сыяктуу абалдардан тышкары ит бакса, мисалы, каапырларды туурап үй ичинде ит кармаса же мактаныш үчүн бакса же башка дагы уруксат берилбеген себептерден улам бакса, анда андай үйгө да периште кирбейт. Андыктан итти себепсиз багуудан сак болуу зарыл.
ТИЛМЕЧ | Эрланбек Кушчубек уулу
═════════
➤➤ /channel/tilmech
➤➤ /channel/tilmech
💌 Маалыматты башкалар менен бөлүшүңүз
🎥 ЭРКЕКТИН ТАПКАНЫ БЕРЕКЕЛҮҮ БОЛОТ
Чубак ажы Жалилов
➤➤ /channel/tilmech
💌 Видеону башкалар менен бөлүшүңүз
🔴 АТА-ЭНЕСИН КОРДОГОН АДАМ БУЛ ДҮЙНӨДӨН КОРДОЛМОЮН ӨТПӨЙТСабит аль-Банани айтат:
«Бир жерде бир бала атасын уруп жатыптыр. Ошондо адамдар ага: «Бул эмне кылганың?»,— деп чуулдап калышты. Ошондо баланын атасы адамдарга мындай деп айтты:
— Муну жөн койгула! Мен дагы бир убакта атамды дал ушул жерден сабаган элем. Мына эми өз башыма түштү, өзүмдөн чыккан балам мени дал ошол жерде сабап жатат.📕 “Аль-Калим ат-Тайиб”
═══════════════
➤ /channel/tilmech
➤ /channel/tilmech
═══════════════
⫸⫸⫸ ТИΛΜΞЧ ⫷⫷⫷
═══════════════
🔴 КАРГЫШКА КАЛГАН ЭРКЕКТЕР ЖАНА АЯЛДАР
● Абу Хурайра, радыяллаху анху, айтты:
«Аллахтын элчиси ﷺ аялдын кийимин кийген эркекке жана эркектин кийимин кийген аялга каргыш айткан». (Абу Дауд, 4098)
● Күндөрдүн биринде сахабалардын бири Амр ибну аль-Аас, радыяллаху анху, жаа тагынган жана эркектей болуп баскан бир аялды көрүп калат. Ошондо жанындагы бир адамдан: «Бул ким?» – деп сурайт. Ал адам: «Бул Абу Жахлдын кызы Умму Саид» – деп жооп берет. Ошондо Амр ибну аль-Аас, радыяллаху анху, айтты: «Мен Аллахтын элчисинин ﷺ: «Өзүн эркектерге окшоткон аялдар жана өзүн аялдарга окшоткон эркектер бизден эмес» – деп айтканын уккам». (Муснад Ахмад, 6875)
● Абдуллах ибну Аббас, радыяллаху анху, айтты:
«Пайгамбар ﷺ кыз чалыш эркектерге жана эркек чалыш аялдарга каргыш айтып: «Аларды үйүңөрдөн кууп чыккыла» – деп айтты. Кийин пайгамбар ﷺ баланчаны кууп чыкты, Умар баланча кууп чыкты». (Сахих Бухари, 5886)
● Абу Хурайра, радыяллаху анху, айтат:
«Күндөрдүн биринде пайгамбардын ﷺ алдына кыз чалыш бир эркекти алып келди. Ал колу менен бутун хна менен боёп алыптыр. Ошондо пайгамбар ﷺ: «Буга эмне болгон?» – деп сурады. Ага: «Оо, Аллахтын элчиси! Аялдарга окшошуп алыптыр» – дешти. Ошондо пайгамбар ﷺ ал тууралуу буйрук чыгарып, аны (Медина шаарынын сыртындагы) аль-Накии деген жерге куугунтуктады». (Абу Дауд, 4928)
Эркектин аялдарга жана аялдын эркектерге окшошуусу динде чоң күнөөлөрдөн болуп эсептелет. Тагыраак айтканда, жүрүм-турумунда, кийиминде, сөзүндө, басыгында, сулууланууда, кооздуктарды тагынууда, кылык жоругунда ж.б.у.с. нерселерде эркектин аялга же аялдын эркекке окшошуусу арам иштерден. Анткени Аллах аялды да, эркекти өзүнө жараша табиятта жараткан. Ким Аллахтын жараткан табиятын өзгөртсө, анда ал каргышка калат, Аллахтын ырайымынан алыстап, акыретте азапка туш болот.
ТИЛМЕЧ | Эрланбек Кушчубек уулу
═════════
➤➤ /channel/tilmech
➤➤ /channel/tilmech
💌 Маалыматты башкалар менен бөлүшүңүз
🎥 АЯЛЫ КҮЙӨӨСҮ БИРИ-БИРИН ЭРКЕЛЕТИШ КЕРЕК
Чубак ажы Жалилов
➤➤ /channel/tilmech
💌 Видеону башкалар менен бөлүшүңүз
🔴 МЕН АЛЛАХТАН СУРАЙМ, АЛ СЕНИ МАГА ӨЗҮ АЛЫП КЕЛЕТ
⠀
Күндөрдүн биринде Басралык Исхак ибну Ибад уктап жаткан кезде түш көрөт. Түшүндө ага бир адам келип:
– Кыйналган адамга жардам бербейсиңби,– деп айтканда ал уйкусунан ойгонуп кетет. Жанындагы аялынан:
– Кошуналардан кыйналгандары барбы? – деп сурайт.
– Билбейм,– дейт.
⠀
Ал кайра уйкуга кетет. Бирок жанагыл адам экинчи, үчүнчү ирет кайра-кайра түшүнө кирип:
– Уктап жата бербей турбайсыңбы, кыйналганга жардам бербейсиңби? – деп айтат.
⠀
Ошентип ал түн жарымда төшөгүнөн туруп, 300 дирхамды колуна алып, качырын минип мечитти көздөй жөнөйт. Мечитке кирсе бир адам намаз окуп жаткан экен. Ал адам анын келгенин сезип калып, кетейин деп жатканда, анын жанына келип:
– Оо, Аллахтын пендеси! Түн жарымда бул жерде эмне кылып жатасың? Сенин бул жакка келүүңө эмне себеп болду? – деп сураганда ал адам:
– Менин соодада жүгүрткөн 100 дирхамым бар эле. Кийин мен аны жоготуп алдым. Ошентип 200 дирхам карыз болуп калдым,– дейт. Ошондо ал алып келген дирхамдарды чыгарды да:
– Мына бул жерде 300 дирхам бар, алып керегиңе пайдалан,– деп ага берди. Кийин кетейин деп жатканда:
– Мени тааныйсыңбы? – деп сурады.
– Жок, тааныбайм,– деди.
– Мен Исхак ибну Ибад деген адаммын. Эгерде дагы кыйналган болсоң, мага кел, мен баланча жерде жашайм,– дегенде ал ага мындай деп айтты:
– Аллах сизге ырайым кылсын! Эгерде башыма кыйынчылык түшсө, мына ушундай маалда сизди алып келген Аллахка кайрылабыз. Ошондо Ал сизди бизге Өзү алып келет.
📗"Расаиль", Ибну Ражаб 3/128
⠀
Аллахка болгон ишеним канчалык күчтүү болсо, адамдын муктаждыгы да ошончолук тез орундалат. Дубанын күчтүүлүгү – Аллахка болгон ишенимдин күчтүүгүлүнө тыгыз байланыштуу. Аллах адамдын ишениме жараша мамиле кылат, анын Ага болгон ишеними канчалык тереңдеген сайын Аллахтын ага бергени да күч алат. Себеби бүткүл нерсе Аллахтын гана колунда. Адам Аллахтан кандай гана нерсени сурабасын, анын сураганы Аллахтын мүлкүнөн эч нерсени кемитпейт. Аллахтын мүлкү чексиз, казынасы чексиз, кудурети чексиз. Анын алдында мүмкүн эмес деген эч нерсе жок. Эгерде Ал каалаган болсо, Анын каалоосу ошол замат ишке ашат. Андыктан адам сурап жаткан кезде кимден сурап жатканын, кимдин алдында кол сунуп жатканын элестетип дуба кылуусу зарыл.
⠀
ТИЛМЕЧ | Эрланбек Кушчубек уулу
═════════
➤➤ /channel/tilmech
➤➤ /channel/tilmech
🎥 АЯЛДЫ БАГУУ ЭРКЕКТИН МИЛДЕТИ
Максат ажы Токтомушев
➤➤ /channel/tilmech
💌 Видеону башкалар менен бөлүшүңүз
🔴 БАЛАҢДЫН КЕЛЕЧЕГИНЕ БАЛТА ЧАППА
Имам Газали (رحمہ الله تعالــﮯ) айтат:
«Бир адам Абдуллах ибну Мубаракка келип, балдарынын арасынан кээ бирлери начар экенин айтып арызданат. Ошондо ал адамдан:
– Ал балаңа каршы дуба кылган жок белең? Каргыш сөздөрдү айткан жок белең? – деп сурайт.
– Ооба, айткам, – деп жооп берет. Ошондо ага:
– Анда аны өзүң бузган турбайсыңбы, – деп айтты». («Аль-Ихья», 2/230)
Ата-эненин баласына кылган жакшы тилеги да, каргыш сөздөрү да кабыл кылынат. Эгерде баланы жаштайында ар кандай сөздөр менен каргай берсе, анда анын айткан сөздөрү ал чоңойгондо сөзсүз таасирин берет. Кээ бир ата-энелер басса-турса балдарын каргап шилей берет, мисалы, өлүп кет, кара жерге кир, какпаш, көк мээ, адам сыягың жок, шалсың, колуңдан эч нерсе келбейт, итсиң, эшексиң деген сыяктуу каргыш сөздөрдү айтышат. Бул айтылган сөздөр ошол жерде эле калат деп ойлойт. Бирок ал сөздөр баланын тагдырына, келечегине терс таасирин тийгизерин билбейт. Ата-энеси баласына кичинесинде кандай сөздөрдү айткан болсо, анын мөмөсүн баласы чоңойгондо көрөт. Ошондуктан балага жакшы тилектерди, жакшы сөздөрдү гана айтуу зарыл.
ТИЛМЕЧ | Эрланбек Кушчубек уулу
═════════
➤➤ /channel/tilmech
➤➤ /channel/tilmech
🎥 КИМ УШУЛ ДУБАНЫ КӨП АЙТСА, АГА ЭҢ МЫКТЫ ИНСАНДЫ ТУШ КЫЛАТ
Садыбакас ажы Доолов
🌐 ДУБАНЫ УШУЛ ШИЛТЕМЕДЕН КӨЧҮРҮҢҮЗ ➤➤ /channel/tilmech/2583
💌 Видеону башкалар менен бөлүшүңүз
