ትዝብት🤔

26 May 2021 11:15

ሸግዬ ውሎ🥰
@tizbtt

ትዝብት🤔

19 May 2021 19:24

ቤተሰቦችዬ ደህና ናችሁ አ? እንደተለመደው መልሱን በልባችሁ😁

ቤት ከፍቶ መዞር ለምዶብኛል...ያው ጨዋ ናችሁ አይሰርቁም ብዬ ኖ😜

እስኪ ዛሬ ''አይ የኛ ካምፓስን ልፃፍላችሁ😁

ክፍል --- 6

እኔ ምለው ሙያ ምንድነው? የሚበላ ነው የሚጠጣ??😁 ብዙ ግዜ የምታዘበው ነገር ነው.... ''ሙያተኞች ነን'' የሚሉ ሰዎች በተለይ በተለይ የህክምና ሙያተኞች..ሙያ የሚሉት ምኑን ነው?? መርፌ መውጋቱን ነውን?? አላስፈላጊ የላባራቶሪ ምርመራ ማዘዙን ነውን?? ወይስ መድሃኒት ባልተገባ ዋጋ መሸጡን?

ከሁሉ ደግሞ በጣም የሚያስገርመኝ የኛ ካምፓስ ክሊኒክ ነገር🤣... እውነት ለመናገር ለእንስሳት መርፌ ለመውጋት ሁላ ብቁ አይደሉም ብል አይፈረድብኝም.... ነው የግቢው አስተዳደር እኛን ከእንስሳ በታች ናችሁ ብሎ በቅኔ እየሰደበን ይሆን😳😂😂

ምናቸውም የህክምና ባለሙያ አይመስልም እኮ...አንዳንዴ ታማችሁ ተዳክማችሁ ማውራት ሁላ አቅቷችሁ ማለት ነው..ልክ እነሱን ስታዩ በሽታው በድንጋጤ ወይም በንዴት በኖ የሚጠፋው ነገር አለ😂😂

የሆነ ቀን ጓደኛዬ ታማ ይዘናት ሄድን እና...በጣም ከመታመሟ የተነሳ ታለቅስ ነበር...ስልኩን እየነካካ ለዛ በሌለው አነጋገር ምን ቢል ጥሩ.. ''ምን ሆና ነው የምታለቅሰው...ይተዋት የል እንዴ''
😡👏 እንደ ቢምቢ ጣቶቼ መሃል ጯ አድርጌ ብገለው ምንኛ ደስ ባለኝ ነበር....😏 ነጩ መለያቸውን እንደለበሱ በሬ አራጅ ቢሆኑ ያዋጣቸው ነበር እኮ...

ብቻ ሙያ እና ንግድ ወይም ብር ልዪነቱ ምን እንደሆነ ተምታቶብናል መሰለኝ🤔

ፅኑ ህሙማን የሚተኙበት ክፍል ውስጥ ሆነውም ፊልም የሚያዩ ሙዚቃ የሚከፍቱ ሃኪሞች አሉ...ወዮ ወዮ 😥ማለት አሁን ነበር...

እባካችሁ ስትሰሩ ግዜ ለማሳለፍ ወይም ለብር ምናምን ብቻ ብላችሁ አትስሩ እ...ለእንጀራዬ እያላችሁ የምትሰሩ ከሆነ ለእርድ ከቀረበ የደለበ ሰንጋ በምንም አትለዩም.... በመልካም ስራችሁ እና ምግባራችሁ ውስጥ የምታሳርፉት ሰው እንዳለ እንዳትረሱ...በዛው ልክ ደግሞ ደስ በማይል ምግባር የምታሳምሟቸው ሰዎች እንዳሉም አትዘንጉ.....


እስኪ አሁን ጥሩ የስራ ስነምግባር ቢኖራችሁ ምን ይጎልባችኋል???


@tizbtt

ትዝብት🤔

30 Apr 2021 13:17

ስትወለድ ገንፎውን እየበሉ ይቀበሉሃል......ትንሽ አደግ ስትል ልደት ምናምን ይከበርልሃል.....ትንሽ ደግሞ አደግ ጎርመስ ስትል.. ያው ቁጣና አጉል ቁጥጥር ብሎም አንድ ሁለት ጥፊ ምናምን ይጀመርብሃል.... ከዛ አንተን ባመጡበት መንገድ አንተ ደሞ ሌላ መሳይህን እንድታመጣ ድግስ ደግሰው ይድሩሃል...ከዛማ ነቄ ብለህ ወደ ራስህ አለም እጥፍ ካላልክ አለም ራሷ ቀኝ ግራ ፊት ኋላ ዙር እያለች ታንገላታሃለች ማለት ኖ...እሺ ከዛስ....ከዛማ....በቃ እዛም እዚህ እያልክ ትኖር ትኖር እና ልክ ስትሞት ቀውጢ ድግስ ይደገስልሃል.....ሲቀበሉህ በድግስ ሲድሩህ በድግስ ስትሞት በድግስ....እሺ ስትኖርስ...እሱን ሆድ ይፍጀው😂😂😂


@tizbtt

ትዝብት🤔

25 Apr 2021 10:08

መልካም ቀን!
@tizbtt

ትዝብት🤔

21 Apr 2021 07:48

ከኢትዮጵያ ምርጡ ብሄር ማን ነው??

ለዚህ ጥያቄ መልስ የሆነ የብሄር ስም አእምሮህ/ሽ ውስጥ ከመጣልህ/ሽ (ያው ብሄርተኛ ከሆናችሁ) እመኑኝ በዚህ አለም እንደናንተ አይነት አሳዛኝ ፍጥረት የለም።

የፖለቲካ ጨዋታ የሚጫወቱ (ቁማርተኞች) ከሰው በታች የሆኑ መሪዎቻችን በፈጠሩት ስብከት አምናችሁ ሰውነታችሁን ከድታችሁ ''ዘረኝነት'' ለሚባል እልም ያለ የፖለቲካ እምነት ተጠምቃቹሃልና ንስሃ ግቡ!! እውነቴን ነው!! ብትችሉ ብቻችሁን ከፈጣሪ ጋር ሆናችሁ ነው ከዚህ የዘቀጠ ነገር መንፃት ያለባችሁ.....(የሃይማኖት አባቶችም ከላይኛው እውነት ይልቅ የታችኛውን እያስበለጡ ያሉበት ሁኔታ ውስጥ ነው ያለነው.....) ብቻ በዛም በዚህም ብላችሁ ከፖለቲካው ስብከት ራሳችሁን ነፃ አውጡ!!

ለምን ለሆዳቸው ላደሩ ፖለቲከኞች ከክብራችሁ ትወርዳላችሁ??
ኢትዮጵያ የብዙ ብሄር ብሄረሰቦች ሃገር መሆኗ ለባለ ስልጣናቱ ጥቅም መሆኑን ዘንግታችሁት ነው?? አንድነታችን መከፋፈሉ እርስ በርስ እንድንዋደድ ሳይሆን የኔ ከእገሌ ይበልጣል እያልን እርስ በእርስ እንድንናቆር መሆኑ ጠፍቷችሁ ነው??

ለሰው ልጅ ማዘን እና መሟገት አቁማችሁ (ደንዝዛችሁ) የኔ ብሄር እንዲህ ሆነ ለማለት ግን (ንቁ) የምትሆኑት እውነት የዚህ ከንቱ እሳቤ ውጤት መሆኑ አልገባ ብሏችሁ ነው?? ማስተዋል ተስኗችሁ ....(በስብከቱ ምክንያት ደነዝ ሆናችሁ ) እንጂ....

''ብሄርተኝነት በፈጣሪ ዘንድ እውቅና የሌለው የቅሽምና ውጤት ነው!!''

አዥቬል
በዚህ ፅሁፍ የተናደዳችሁ ሰዎች leave የሚለውን መጫን እንዳትረሱ አደራ!

@tizbtt

ትዝብት🤔

13 Apr 2021 07:57

የመናሃሪያው ስብከት

''ያላችሁ ያላችሁ'' አለ የመኪናው በር ላይ ቆሞ ተሰፋሪዎችን እየቃኘ።...ቀጠን ዘለግ ያለ ነው። አንሶላ በጋቢ መልክ ተከናንቧል: ፀጉሩን ሙሉ ለሙሉ የተላጨው ይመስላል:በአፄ ቴዎድሮስ ስታይል ሻሽ ሸብ አድርጎበታልም....''ያላችሁ _ ያላችሁ...መድሃኒት ልወስድ ምግብ መብላት ስላለብኝ ነው..ይኸው እጄን ታምሜ'' ብሎ ያወዛወዛት የግራ እጁ ምንም አይነት የበሽታ ምልክት አታንፀባርቅም....ምናልባት የታመመው የእጁ ውስጠት ይሆናል...''ያላችሁ ያላችሁ....ስለ ቅድስት ስለመድሃኒአለም...አምስት ብር አለኝ እዚህ ጨምሬ ልበላበት ነው...መቼስ ሰው ሽሮ በነፃ አይሰጥም!...ያላችሁ ያላችሁ..ስለ አርሴማ ስለ አቡነ...ያላችሁ ያላችሁ...'' የአወራሩ ፍጥነት አስገረመኝ: ፈርጠም ያለ ነው:: የምናውቀው የበሽተኛ መልክም ሆነ ቅላፄ አይታይበትም። ብቻ የአለማመን ስልቱ ለየት ያለ ነው። ለተሳፋሪዎች ዘንድ የተቀበለውን ይዞ አምስግኖ ተፈተለከ....

''ጫማ የሚገዛ አለ? አሪፍ ጫማ ነው አሪፍ አሪፍ'' አለ ደግሞ አንዱ መጥቶ...የድምፁ ቅላፄ አንጀትን በልቶ ሊለምን እንጂ ሊሸጥ አይመስልም። ጫማዎቹን በእጆቹ አንከርፍፎ ይዟቸዋል። እንደ ድምፀቱ ድክም ባለ አኳሃን እግሮቹን እየጎተተ ሄደ።

''ዳቦ..ኩኪስ...ውሃ'' ጆሮን በሚበሳ ድምፅ ተንበለበለች...ስትሟዘዝ ግዜ አላባከነችም የሚገዛ እንደሌለ በአይኗቿ ተረድታ ተፈተለከች

''የኳስ ፍቅር የኳስ ፍቅር ያለበት...ልጅ ጌጡ ልጅ አለሙ የሆነ..ወልዶ የተካ...የፋሲል ከነማ አፄዎቹ..ዋንጫውን ከበላን በኋላ አንሸጥም አባት...እ የሚፈልግ አለ?''
ተሳፋሪው በሞላ ሳቀ....ልጁ ምን ገዶት..ወደ ሌላ መኪና እብስ...

ሌላኛው ደግሞ መጣ ''ወጥመድ አለ ወጥመድ የሚፈልግ?'' አሃ ደሞ ማንን ልናጠምድበት ነው ሲሉ አሾፉበት....ይሄኛውም መስሚያው ጥጥ ነው...ወደ መሄጃው ፈትለክ አለ

''የሞባይል ካርድ.. ካርድ የሚፈልግ'' ከማለቱ
''ባለ 10'' ''ባለ 25'' ሲሉ ተንጫጩ ተሳፋሪዎቹ...ወይ ይሄ ካርድ.....🤔

''ስለ ገብርኤል ስለ ድንግል ማርያም ስለ ሚካኤል...እጄን ተቆምጦብኝ ነው አለሞቼ... እጄን ተቆምጦብኝ'' የመነኩሴ ልብስ የለበሱ አንዱ እጃቸው የተቆረ ሽማግሌ አባት....''አሁን እዚህ መጥቶ ከሚለምኑ አንድ ገዳም ሄደው አይቀመጡም አለ አንዱ አጠገቡ ላለው ሹክ ብሎ....ከጀርባው በመሆኔ ሹክሹክታው ለኔም ደርሶኛል😁

ትዝብት🤔

27 Mar 2021 14:09

ከትንሽነት አመለካከት ውጣ!

ከትንሽ አመለካከት መውጣት ማለት ስለማንነቴ ከሌሎች ምንጮች የምሰማውን ጤና ቢስ መልእክት ችላ በማለት ትክክለኛውንና ሚዛናዊውን ብቻ ወደ ማመን መሸጋገር ማለት ነው፡፡

ከትንሽነት አመለካከት የመውጣትን ሚዛናዊ ምልከታ ካላዳበርን እንኳን ጎድሎብን፣ አብዛኛው ነገር ሙሉ ሆኖልን ሳለ እንኳን፣ አንዲትን የጎደለች ነገር በመጠቆም ትንሽነትን የሚሰብከን ዓለም ውስጥ እንኖራለን፡፡

ዓለም በትልቁና በትንሹ፣ በአዋቂውና በማያውቀው፣ በሃብታሙና በድሃው … ከፋፍላና እኛንም አንዱ ጋር መድባ ማስቀመጥ ትችልበታለች፡፡ እኛም ብንሆን ሚዛናዊ አስተሳሰብ ካላዳበርን ዝም ብለን ይህንን ሁኔታ ልናስተናግድ እንችላለን፡፡

በአለማችን ላይ ምንም ነገር ላይገድባቸው ቆርጠው በመነሳት ከትንሽነት አመለካከት የወጡ ሰዎች በርካታ ናቸው፡፡ አንተም እንደነሱ ይህንን ለመለማመድ ከፈለክ ማስታወስ የሚኖርብህ እውነታዎች አሉ፡፡

1. ሰዎች አይገድቡህ
ሰዎች ስለአንተ ምንም ነገር የማሰብብ ሆነ አንተን መናቅም መብታቸው ነው፡፡ ሆኖም አንተ እስካልፈቀድክላቸው ድረስ አመለካከታቸው ማንነትህን ሊቀናንሰው አይችልም፡፡ የአንተን ትልቅነትና ትንሽነት የሚወስነው የራስህው አመለካከትና ማንነትህን የመቀበልህና ያለመቀበልህን ሁኔታ መሆኑን አትዘንጋ፡፡

2. ራስህን አትገድበው
አንዳንድ ሰዎች ሌሎች የሚሰጧቸውን የወረደ ስምና ምደባ ስፍራ ያለመቀበል ችግር የለባቸውም፡፡ ሆኖም ግን በራሳቸው ላይ ይህ ነው የማይባል የወረደ አመለካከት አላቸው፡፡ ትንሽ እንደሆኑ፣ በአካባቢያቸው ካለው ሰውና ሁኔታ ጋር የማይመጥን ማንነት እንዳላቸውና ገና ብዙ እንደሚቀራቸው ካለማቋረጥ ለራሳቸው ይሰብኩታል፡፡ አንተ ግን ራስህን እስካልገደበክ ድረስ ምንም ነገር ሊገድብህ እንደማይችል እወቅ፡፡

3. ራስህን በሁኔታህ መነጽር አትመልከተው
ሰዎች በግል ሕይወታቸው አንዳንድ ያልጠበቁት ሁኔታ ሲገጥማቸው ውስጣቸው ሙግት ውስጥ ይገባል፡፡ “ይህ ሁኔታ የደረሰብኝ ለምንድን ነው?” የሚለውና የመሳሰሉት ሃሳቦች የዚህ ሙግት ምልክቶች ናቸው፡፡ ሰዎችና ሚዲያውም ቢሆን ያልሆነልንንና የሆነብንን ልቅም እደረጉ ኮቴ ኮቴያችንን እየተከታተሉ ሃሳብ ያቀብሉናል፡፡ ራሳችንን በሁኔታችን መነጽር ማየት ስናቆም ግን ይህንንም ማለፈችን አይቀርም፡፡


✍ዶ/ር እዮብ ማሞ
/channel/Dreyob


መልካም ቀን!
@tizbtt

ትዝብት🤔

26 Mar 2021 12:11

🚍የጉዞ ማስታወሻ🚍
(ሁሉን መሞከር አለብሽ!)
አዥቬል


ጋቢና ውስጥ ነበርኩ: ከሾፌሩ ጋር ሶስት ነን። የሆነ ቦታ ላይ ስንደርስ ሾፌሩ የሆነ ሱቅ በራፍ ላይ መኪናዋን አቆማት... ከዛም <ስንት ይሁን?> አለ እኔን እና አጠገቤ የተቀመጠውን ሰው እየተመለከተ...
<የምትቅሙት እናንተ እኔ ምን አውቃለሁ> አልኩት ማውራቱም ስልችት እያለኝ...ሾፌሩ ለመግዛት ወረደ...ጫት!😁
አጠገቤ የተቀመጠው ሰው..
<ምነው ሰአትሽ ስላልደረሰ ነው የማትቅሚው?> አለኝ ፈርጠም ብሎ

<ማለት? እንደምቅም በምን እርግጠኛ ሆንክ?>

<እንዴ ቆይ ምንም ጫት ቅመሽ አታውቂም?>
<አዎ!?
<የግቢ ተማሪ ሆነሽ እንዴት አልጀመርሽም? በዛ ላይ ስታይልሽ የምትቅሚ ምናምን ነው ምትመስይው> አለኝ የተንጨፋረረውን ፀጉሬን እያየ

<ቆይ የግቢ ተማሪ ስለሆንኩ ግዴታ መቃም አለብኝ?

<ያው ከቴንሽኑ አንፃር ከሙዱ ምናምን ትጀምሪያለሽ...እኔ ግቢ ተማሪ እያለሁ ነው የጀመርኩት....በዛ ላይ በዚህ እድሜሽ ብዙ ነገሮችን ካልሞከርሽ መች ልትሞክሪ ነው?>

<ምነው ወጣት ማለት መሞከሪያ አይጥ ማለት ነው እንዴ?😁> አልኩት በግርምት እየሳኩ

<እንደዛ ማለቴ ሳይሆን...እድሜሽ እየጨመረ ስሄድ ብዙ ሃላፊነቶች ይኖሩሻል...ስራ ትዳር ምናምን..ስለዚ እዛ ላይ ከመድረስሽ በፊት ሁሉን መሞከ አለብሽ..ሱሴ ሁኝ እያልኩሽ አይደለም ግን በቃ ማካበድ የለብሽም..የካምፓስ ላይፍ ፈታ በለሽ ነው ማሳለፍ ያለብሽ>

<ከጅምሩ ወጣት ስለሆንኩ ወይም የዩንቨርስቲ ተማሪ ስለሆንኩ ብዬ የማደርገው ነገር የለም😕። የሚጠቅመኝን እንጂ የሚደረገውን ሁሉ አላደርግም። ሲቀጥል ስራ ትዳር ለሚባለው ሃላፊነት የሚጠብቀኝ ከሆነ ለዛ ሃላፊነት ራሴን ዝግጁ ማድረግ ያለብኝ ካሁኑ አይመስልህም? ለምሳሌ አንተ..ቅድም ስናወራ ወደ ማግባቱ እየተቃረብክ እንደሆነ ነግረኸኛል...ታዲያ ትዳርህን እንዴት ልትመራ ነው? ነው የምታገባው ሌሎች ስላገቡ ብቻ ነው?😳>

<ይኖራላ እንደሚኖረው መቼስ ለነገ ትዳሬ ብዬ ዛሬን ተጨማድጄ አልኖርም😂>

<ስለ ሃላፊነት ያወራኸው ራስህ....ለማንኝውም እኔ በወጣትነት ሁሉን መሞከር በሚለው አልስማማም! ሽምግልናዬ እንዲያምር የዛሬው አኗኗሬ ይወስነዋል። ስሸመግል ``አይ ይች አሮጊት ደሞ መጣች' መባልን አልሻም😕.. ሰዎች በናፍቆት የሚጠብቁኝ..ምክሬም ለመደመጥ የማይሰለች...መኖሬ ለሌሎች ጥቅም እንዲሆን ነው የምፈልገው😁>

<😁😁አይ በቃ ካንቺጋ መግባባት አይቻልም>

<ይሆናል😁>

ሁለታችንም በሃሳቦቻችን ተጓዝን እኔ ወደ ሽምግልናዬ😁 እሱ ወደ...አላውቅም🤷‍♀


@tizbtt

ትዝብት🤔

22 Mar 2021 15:24

እኛ ኢትዮጵያዊያን ለምን ነው ግን አንድ ሰው ስለራሱ ጥሩ የተስተካከለ እምነት በራሱ የተማመነ ሰው ስናገኝ ሰው ሚንቅ(የናቀ)ሚመስለን?!
ስለ ራስ መተማመን አመጣጥ,ጥቅሙ እና በማህበረሰባችን ዘንድ ላይ ያለው አሉታዊ አስተሳሰብ ባጭሩ እንመልከት።
[✔] ሰው በራሱ እንዲተማመን ከሚያረጉ ነገሮች ውስጥ ጥሩ ጎናችንን ማወቅ,ደካማ ጎናችንን መለየት,ያለንን በፀጋ መቀበለ የተሰጠን ከተነፈገን ይበልጣል ብሎ ማመን እና ለህይወታችን ከትላንት የተሻለ ነገን ለመፍጠር ማለም ለዛም በትጋት መስራት።
[✔] ጥሩ ጎናችንን ካወቅን የበለጠ ለመስራት እንበረታታለን,ለተሻለ ነገ እንታትራለን ከምንም በላይ ህይዎታችን በደስተኝነት የተሞላ ይሆናል ለዚም አንድ ጥናት እንደሚያመለክተው"““The most powerful way to increase long term happiness is understand your strength and talent”.”"(ለብዙ ጊዜያቶች ደስተኛ ሆኖ ለመቆየት ከሚረዱን የተሳካው መንገድ ጥንካሬ እና ተሰጥኦችንን መገንዘብ ነው)።
[✔ ] ደካማ ጎናችንን ማወቅ የተለየ ጥቅም አለው።አንድ ጥና ት እንደሚጠቁመው "““Knowing ur own darkness is the best method for dealing with the darkness of others”"(አንድ ሰው የራሱን ደካማ ጎን ለይቶ ከሱጋም deal ካረገ ከሌሎች ሰዎች ድክመት ጋ ለመግባበት ሁነኛ መንገድ ይሆኑለታል)። በተመሳሳይ"““people with low self-esteem are more likely to criticize others”"”(ራሳቸውን ዝቅ አርገው ሚመለከቱ ሰዎች ሌሎች ሰዎችን ሲወቅሱ እና ሲተቹ ይስተዋላሉ"

✘አንድ ሰው ስለራሱ ጥሩ አመለካከት ካለው ለሰዎችም እንደዛው ነው ሚያስበው ምክንያቱም አንድ ሰው የራሱን ልክ ካወቀ የሰውንም ቦታ ልክ ስለሚያውቅ ጥሩ ክብር ይኖረዋል እንጂ በተቃራኒው ሰው ሊንቅ አይችልም። እርግጥ ነው አንዳንድ ሰው ከልክ ያለፈ በራስ መተማመን ሲኖረው ሰው ሲንቅ ይስተዋላል ለዛም ነው ብዙ ነገሮች በልኩ ሊሆን ሚከጀለቱ።

✘ስቲ አንዴ ቆም ብለን እናስብ በአቅራቢያችን ያለውን ነገር እናጢን እናማትር ያለንን አመስግነን እንቀበል ስንቀበል ነው የተሻለ ሚመጣልን ያኔ ትክክለኛ ለውጥ ይጀምራል ።

✘“You can’t change how people feel about you, so don’t try. Just live your life and be happy.”

ተፃፈ በIbruzzz

ትዝብት🤔

16 Mar 2021 15:21

እስኪ የታዘብኩትን ነገር ልጠይቃችሁ...
1. የሰው አካላዊ ገጽታ እና ስብእናው የሚያገናኛቸው ነገር አለ ወይ?
2. አንድን ሰው ዘዬ/style/በማየት ባህሪውን መገመታችን ወይም እንዲህ አይነት ሰው ነው ብለን መፈረጃችን ልክ ነው ትላላችሁ?

ሃሳባችሁን በዚህ ላኩልኝ...
@Tizbtt_Bot

ትዝብት🤔

10 Mar 2021 18:35

ስለተስማማን ልክ ነን ማለት አይደለም _ _ _ _ _ _
<<ስለሌሎች መብት እና ፍላጎት ሳያስቡ ራስን ማስደሰት አራዳነት ነው፡፡ መጠጥ እየጠጡ፤ሃሺሽ፤ሺጃራ እያጨሱ፤ጫት እየቃሙ በስሜት መገዛት፤ከማገናዘብ በታች ከበድንነት በላይ መሆን ቀሽትነት ነው፡፡ ዘላን፤መረን የወጣ ኑሮ መኖር የእርፍና መገለጫ ነው። የፍቅር ግኑኝነት መጀመር፤መወሰብ፤የወሲብ ምስሎችን ማየት፤ራስን በራስ ማርካት መዘመን ነው፡፡>> አሃ ነው እንዴ? እኔኮ ግራ ግብትትት ብሎኝ ነበር በእጃቸው የሚራመዱ ሰዎች ማየት ከጀመርኩ መሰነባበቴ..ለካስ ነገር አለሙ ዞሮባቸው ነው። እኔ ደግሞ ለምንድነው በእግሬ እየተራመድ ያለሁት እያልኩ ስብከነከን....አጅሬዎቹ እጅ እግር ነው ብለው መስማማታቸውን መች አውቄ። እውነቱ ግን እጅ እጅ እንጂ እግር አይደለም። እነሱ ተስማምተው ሃሳባቸውን ያከረባብቱ ይሆናል እንጂ እውነት እውነት ነች። መልካም መልካም ነው፤ክፋት ደግሞ ክፋት።

ሰ አዥቬል
@tizbtt

ትዝብት🤔

04 Mar 2021 16:39

ለእሳቤያችን ልጓም ኣናበጅ
ሰ ኣዥቬል

ፈረስ ልጓም የሚበጅለት እይታው እንዳይሰፋ፡ትኩረቱ መንገዱ ላይ እንዲሆን ነው። ኣንዳንድ ሰዎች ኣሉ ለእሳቤያቸው ልጓም ያበጁ…እነሱ ከሚያዩት፡ ከተወሰነው እሳቤያቸው ውጭ ስታስብ ደንባራ፡ማየት የተሳነህ ኣድርገው የሚቆጥሩህ። ኣንተ ስታወራ ኣይሰሙህም፡የሚያወሩህን በማሰብ ውስጥ ይሰጥማሉ፡ ያንተ ሃሳብ ለነሱ ውሸት ኣልያም ትርጉም ኣልባ ኣድርገው ይቆጥሩታል። ለእነሱ ያንተ ምልከታ በእህል ሚዛን ላይ የተቀመጠን ትንሽዬ ጥጥ ማለት ነው ሊመዘን የማይችል ኢምንት። የእሳቤ ልጓማቸውን ኣንስተው ባንተ የሃሳብ ኣለም ውስጥ መዋኘትን ኣይሹም፡ከኔ ውጭ ያለ ውሸት ነው ብለው ኣምነዋልና። እነዚህ ሰዎች ካንተ በላይ እንደሆኑ ያስባሉ እንጂ ካንተ በታች ናቸው።

ሃሳብ ድንበር ወይም ወሰን የለውም። ውሃ ባገኘው መውረጃ መንገድ ሁሉ እንደሚወርደው ሃሳብም ልጓም የሌለው ሰፋ ያለ ኣእምሮ ሲያገኝ መፍሰሱን መስፋቱን ይቀጥላል። መደማመጥ እና መወያየትን ባህላችን እናድርገው። በኣንድ ነገር ብቻ ላይ ኣንወሰን። ሌሎች ያላቸውን ሃሳብ እናድምጥ ሃሳቡን በደንብ እናንሸራሽረው,,,,ሰዎች ሃሳባችንን ሲቃረኑ ኣንከፋ እንዴት ለምን እንበል እነሱ ባዩበት መንገድ ነገሩን ለማየት እንሞክር። የሌሎችንም ሃሳብ ስንሰማ ኣናጣጥለው ያ ሰው ነገሮችን የሚያይበት የራሱ መነጽር ኣለውና።

ጠባብነትን ኣንውደድ ከድንኳኑ ውጭ ሌላ ኣለም ኣለና!

መልካም ምሽት
@tizbtt

ትዝብት🤔

02 Mar 2021 19:06

የምንም ግዜ የመጽሃፍ ምርጫዎቼ ናቸው፡፡ ተጋበዙልኝማ😊



@tizbtt

ትዝብት🤔

01 Mar 2021 14:34

የዘመን ቋጠሮ

ወራቶች ሲባሉ ቀናቶች ተቆጥረው
ወደ ዘመን ሲያልፉ ኣመታት ተብለው

የዘመን ቋጠሮ
ላይፈታ ታስሮ
ተቆጥሮ፡ተቋጥሮ።

ሁሉም በራስ ህይወት በእኔነት ተጠምሮ
የራሱን ሊፈታ የሌላውን ኣስሮ
ሲሰርቅ-ሲሰረቅ
ሲዋሽ፡ሲ-ዋሽ ሊያስመልጥ ራሱን
ለካስ ኖሯል ዘመኑን ሲያጠብቅ ገመድ ሲጎነጉን

እውነትን ከሸጠ፡ውሸትን ካልራቀ
ሰውን እንደራሱ ሁሉን ካልወደደ
በገመደው ዘመን ራሱን ኣነቀ።

ሰ አዥቬል

@tizbtt

ትዝብት🤔

28 Feb 2021 08:31

ዛሬ ውሎኣችሁ የት ነው? ቀኑን እንዴት ለማሳለፍ ኣስባችኋል?

እየኖርን እንደሆነ እናውቃለን እንዴት ስለመኖራችን ግን ኣናውቅም፡ ኣናስተውለውምም። ያ ያላወቅነው ኣኗኗራችን ወይም ኣዋዋላችን ደግሞ እኛነታችንን ይቀርጽልናል። የተመረጠን የማእዘን ድንጋይ ወይም መሰረት ግንባታ ላይ የሚጣልን፡ ያገኘ ሁሉ የሚረግጠውን ኣይነት ድንጋይ እንሆናለን።

የኑሮ ዘይቤያችን የኣሁኑ ብሎም የነገው እኛነታችን መነሻ ማድረሻም ነው። እንዴት ስለመኖራችን እናስተውል ከራሳችን ጋርም እንምከር።


ብሩኩን ቀን ማጣጣም ይሁንላችሁ። መልካም የሆነውን ኣከናውኑበት!!
@tizbtt

ትዝብት🤔

21 May 2021 11:00

አፕሏ ባልተገመጠ ጎኗ ስናያት ሙሉ ብትመስልም ግን ሙሉ አይደለችም።

ምናልባት ህይወታችንን ከሌሎች ጋር አስተያይተን የነሱን ክፍተት አይተን እኛ ሙሉ መስለንበት ይሆናል። ዳሩ ግን ያ የተሻልን መሆናችን እንጂ ሙሉነታችንን አይገልፅም። ሙሉነት ሆኖ መገኘትን እንጂ ተሽሎ አልያም መስሎ መገኘትን አይደለምና።

በቁሳቁስ የዘነጠው አካላችሁን በመስታወት ስታዩት ውብ መሆናችሁን ብታስተውሉም ልቦናችሁ ውብ እስካልሆነ ድረስ በመስታወቱ የምታዩት ቁንጅናችሁ ''አፈር ነህና ወደአፈር ትመለሳለህ'' የሚል ምላሽ አለው...

አካላችን ልክ እንደአፕሉ የእኛነታችን ክፋይ እንጂ ሙሉ እኛነታችንን አይገልፅም። ሁሌም በአይነ ስጋችሁ መስታወት ስታዩ በአይነ ልቦናችሁ ደግሞ ስብዕናችሁን ማየታችሁን እንዳትዘነጉ!!

ፊታችሁ ላይ ያለችን ትንሽ ቆሻሻ ሳታፀዱ : የማይሆን ቦታ የተቀደደ ልብስ ለብሳችሁ እንደማትወጡት ሁሉ አጉል የሆነ እሳቤ ይዛችሁ አትኑሩ!!

መፀዳት ያለበት ብዙ ባህሪ: ሀሳብ: መጥፎ ሱስ...አላችሁና ስር ሰዶ አንድ ቀን መጥፊያችሁ ከመሆኑ በፊት ቅደሙት!! አፀዳዱት!!!

ብሩክ ቀን!!
@tizbtt

ትዝብት🤔

07 May 2021 13:56

@tizbtt

ትዝብት🤔

29 Apr 2021 19:22

ምርጫ ወይስ ልግጫ🤔

እኔ ምርጫን ሳቀው
አንድ አራት ተመራጭ ለ'ጩነት ሰንቀው
ወይም ከዛ በላይ.......
ብቻ ለመራጩ አስበው ተጨንቀው
ምረጥ ሲሉት ነበር ተመራጭ አፅድቀው
.
.
.
እድሜ ለጦቢያ ለውዲቷ አገሬ
ሰርቶ ለሚያድርባት በሬና ገበሬ
በልቶ ለሚያድርባት ሰው መሳይ ሰወ-አውሬ
እነ ጋሸ-አያፍሩ እነ አባ ነውሬ
አጂብ ምርጫ አሳዩኝ አወይ መፈጠሬ
,
,
ይመስገን መሪዋ
ሿሚና ሻሪዋ
አፍራሽ-ወ-ሰሪዋ
ተመራጭ ሳያቀርብ ምርጫ አጋፋሪዋ
,,,,,,,,,,,,,,,,,,,,,,,,,,,,,,,,,,,,,*,,,,,,,,,,,,,,,,,,,,,
እሄ እንዲህ ባለበት
ዘር ዘሩን ለመምረጥ ባኮበኮበበት

እኛ ዘር አልባዎች
የብሔር ድሀዎች

(ሀ) ላይ ካሉት ፓርቲ የድሮ ጠል አለን
(ለ) ላይ ካሉት ደግሞ ብዙም እምነት የለን
የሀመሩሀውጋ ወዳጅም አይደለን
ይልቅ...........
እኛ የምኖነው እሱም የሚሆነን
ባማረኛው 'የለም' በፈረንጅቹ 'none'
'(መ) መልስ የለም' ባይ ነን😜

✍️no-Marcy


@tizbtt

ትዝብት🤔

24 Apr 2021 20:00

# በድምፅ መስጫ ቀን ከመፀፀት በመራጭነት ዛሬውኑ ይመዝገቡ #

''የኢትዮጵያ ብሄራዊ ምርጫ ቦርድ''


ሰሞኑን 👆👆 ምርጫ ቦርድ በሚልከው መልእክት ምክንያት ስልኬ ጭንቅቅ አላት....ምነው ስልክ ሆኜ ባልፈጠር ኖሮ ብላ ተፀፅታለች🤣🤣


እኔ ምለው ግን እስካሁን የመረጡ ሰዎች ሲሉ የሰማሁት
''ያኔ በመምረጤ እፀፀታለሁ''
'' ልማታዊ መሪ መረጥኩ ብዬ....''
'' ምርጫ ለተሰኘው ድራማ ተዋናይ በመሆኔ እፀፀታለሁ'' ምናምን ሲሉ ነው የምሰማው.....ያው የሰማሁትን ነው😁 እና አሁን ምርጫ ቦርዳችን ''አልመረጥኩም'ኮ'' ብሎ የሚፀፀት ሰው አለ ነው የሚሉን🤔 ወይስ typing error ገጥሟቸው ይሆን ብዬም አሰብኩ....
''በመምረጦ ከሚፀፀቱ...'' ለማለት እንዳይሆን🤔
እግዜሩም ሰውን በመፍጠሩ ተፀፅቷል አሉ🚶‍♀🚶‍♀🚶‍♀🚶‍♀🚶‍♀


መልካም ምሽት
@tizbtt

ትዝብት🤔

20 Apr 2021 11:42

@tizbtt

ትዝብት🤔

29 Mar 2021 11:35

''እውነታው ሰዎች ሊያወድሱህ ከፈለጉ ከፈጣሪ በታች ያደርጉሃል። ሊዘልፉህ ከፈለጉ ደግሞ ሳጥናኤል የሚቀናበት ክፉ ያደርጉሃል። ከሰማሃቸው ደግሞ ራስህን የመሆን እድል አይሰጡህም። ሁሉም በፈለጉት መንገድ ሊቀርፁህ መጥረቢያ ይስላሉ። ልብህን ከከፈትክላቸው የየድርሻቸውን ጠርበውህ ቅርፅ አልባ ያደርጉሃል። ''

ከጠበኛ እውነቶች መፅሃፍ (ሜሪ ፈለቀ)


ሸግዬ ውሎ
@tizbtt

ትዝብት🤔

26 Mar 2021 19:43

የአቦል ቲቪን ማስታዎቂያ ሰምታቹ ኮነ በኢትዮጵያ የመጀመሪያው የክፍያ ጣቢያ ነው አሉ ታዲያ ኢሄ ህዝብ ምን ያርጋቹ በክፍያ ስሎነ አይሞቀው አይበርደው ኢሄን እንደ ኩራት ስታወሩት አታፍሩም ህዝቡ በረሀብ እና በኑሮ ውድነት ተማሯል ወገን እንተሳሰብ ለሱ በክፍያ ሚታይ ጣቢያ የቅንጦት ነው ከቅንጦትም በላይ እና እባካቹ እንደ ጀብዱ አታውሩት።

ተፃፈ በIbruzzz
@tizbtt

ትዝብት🤔

22 Mar 2021 18:15

አይ የኛ ካምፓስ _ክፍል - 5


👩‍❤️‍💋‍👨በግ_ተራ👩‍❤️‍💋‍👨

ተማሪዎች ዩንቨርስቲ መግባታቸውን የሚወዱበት የሚጠሉበት ምክንያት አላቸው። የሚወዱበት ምክንያት የሚፈጠረው 12ኛ ክፍልን የጨረሱ ወቅት ነው። ግቢ ከገቡ በኋላ ስለሚያገኙት ነፃነት: ስለሚሄዱበት ሃገር:ስለሚማሩት ትምህርት (ትቂቶቹ😁).... በማሰብ ነው::

የሚጠሉበት ምክንያት የሚፈጠረው ደግሞ ከ6 ወር የካምፓስ ህይወት በኋላ ነው። ማጥናት በፍላጎት ሳይሆን በግዴታ ሲሆንባቸው:ቴንሽን ምን ማለት እንደሆነ በተግባር ሲማሩ: ምግብ ለመብላት ሲወጡ ሲገቡ: በቃ ሁሉም ነገር ስልችችችት ሲላቸው ''ሰው ዩንቨርስቲ መግባት የለበትም'' እያሉ ይንተከተካሉ😂😂

ወደ ገደለው ስገባ.....

ካምፓስ ሲባል ''በግ ተራ'' የሚለው ቃል መነሳቱ አይቀሬ ነው። እስኪ ስለበግ ተራ ታሪካዊ አመጣጥ ልቀባጥር😁
ጥንዶች - ጅንጀና ሀ የሚሉበት ወይም ጅንጀናን 'ፖ' ብለው የፍቅር ወግን 'ሀ' የሚሉበት መንደር ነው በግ ተራ ማለት😁 እና -በግ ተራ- የተባለበት ምክንያት...እንደሚታወቀው በጎች ሞኞች/የዋሆች😜/ ናቸው አሉ..እና የሰዎቹ በጎች ስሜታቸው ነው እንደፈለገ የሚያደርጋቸው ለዛ ነው በግ የተባሉት😬 እነሱ የሚሰማሩበት ደግሞ ''በግ ተራ'' 🤣🤣🤣

እኛ ግቢ የሴቶች ዶርም ብሎክ መግቢያው ጋር ነው በግ ተራ...ከዛ ቀደም ሌላ ቦታ ነበር አሉ። ግን ሴት በጎች ራቀብን የሚል አቤቱታ አቅርበው ነው ቦታውን ያስቀየሩት😜 እናላችሁ እንደ አጋጣሚ ሆኖ የተወሰኑ በጎችን የማየት እድል ገጥሞኛል😳😳🙊🙈😂ያልኩበት እና 😕🤨 ያልኩበት😂

ለተወሰነ ደቂቃ አፍ ለአፍ ገጥመው ያወራሉ ከዛ አፍ ለአፍ ከጥመው ይሳሳማሉ....ያኔ ምን እንደሚያደርጉ የት እንዳሉ ሁላ አያውቁም። በጎች ናቸዋ በስሜታቸው ነው የሚመሩት...ስሜት ደግሞ ቀልበ ቢስ ነው😁.....ለምን ተሳሳሙ አልልም ግን ለእያንዳንዱ ነገር ቦታ እና ልክ አለው እላለሁ። ስሜትን ተቀብሎ በአግባቡ ማስተናገድ እኮ ነው ከሰውነት ባህሪ አንዱ...ታዲያ ስሜታችንን መቆጣጣጠር ካልቻልን..በስሜታችን ከተመራን...ከእንስሳቱ በምን ተለየን.....በእርግጥ በግ ተራ መባሉም እኮ ቅኔ አልው አ😂😂


✍አዥቬል

ይቀጥላል....
@tizbtt

ትዝብት🤔

22 Mar 2021 12:46

ውሸትና እውነት

እንዲህ የሚል የጥንት አፈ-ታሪክ አለ፡፡ “ውሸት” እና “እውነት” አንድ ቀን ተገናኙ፡፡ ውሸት ለእውነት፣ “ዛሬ እጅግ ደስ የሚልና አስገራሚ ቀን ነው” አላት፡፡ እውነት ወደ ሰማይ አሻቅባ ካየች በኋላ እውነትም ግሩም ቀን ነበረና በአዎንታ ተነፈሰች፡፡

አብረው ረዘም ላለ ጊዜ ካሳለፉ በኋላ አንድ ኩሬ ጋር ደረሱ፡፡ ውሸት ለእውነት፣ “ውኃው ደስ የሚል ነው፡፡ ለምን አንድ ላይ ውኃ ውስጥ ግብተን አንታጠብም?” አላት፡፡ እውነት በጥርጣሬ ውኃውን ከሞካከረች በኋላ በእርግጥም ጥሩ መሆኑን አረጋገጠች፡፡ ብዙም ሳይቆዩ ልብሳቸውን አውልቀው መታጠብ ጀመሩ፡፡

ውሸት በድንገት ከውኃው በመውጣት የእሱን ልብስ እዛው ትቶና የእውነትን ልብስ ለብሶ ከአካባቢው ተሰወረ፡፡ በድርጊቱ በጣም የተበሳጨችው እውነት በፍጥነት ከውኃው በመውጣት ውሸትን አግኝ ለመያዝና ልብሷን ለማስመለስ ብትሞክርም ልታገኘው ስላልቻለች ወደ ውኃው ተመልሳ ለዘላለም ተደብቃ ቀረች፡፡

ምንም እንኳን ልብሷን ተሰርቃ ራቁቷን ብትሆን እውነት ትሻለናለች በማለት እውነትን የሚፈልጋት ሰው ስለጠፋ ውሸት የእውነትን ልብስ ለብሶ በአለም ዙሪያ እየዞረ የሕብረተሰቡን የውሸት ጥማት እያረካ ይኖራል፡፡

ከእውነት ይልቅ ውሸት የሚወደድበትና የሚፈለግበት ዘመን!

/channel/Dreyob

https://m.youtube.com/user/naeleyob623

https://www.facebook.com/Dr-Eyob-Mamo-1050816404958639/

ትዝብት🤔

14 Mar 2021 09:03

መኖር ሰለቸኝ ሞትን እጅጉን ናፈኩት ....ምንም ነገር ትርጉም አልሰጥሽ ብሎኛል...ለሌሎች የሚያስደስት ነገር ለኔ ያደክመኛል...ይሰለቸኛልም። ጠዋት ከእንቅልፌ ነቃሁ...ስልችት እያለኝ ፊቴን ታጠብኩ..ከዛም ልብሴን ቀይሬ ወደ ትምህርት አቀናሁ...በድባቴ ውስጥ ሆኜ አስተማሪው የሚያወራውን ለመስማት እታገላለሁ...''ለምን ይሆን የምንማረው'' ስል አስባለሁ..ሁሉም ነገር ትርጉም አልባ ይሆንብኛል... ትምህርቱ ሲያልቅ...ከመማሪያ ክፍል ወጥቼ ወደ ምግብ ቤት አቀናለሁ...። ያዘዝኩት ምግብ ሳይደርስ መብላቱ ያሰለቸኛል...''ምናል እግዜሩ ሆድን ባይፈጥር '' ...የሰው ልጅ ባይበላ ኖሮ አለም ምን ልትሆን እንደምትችል በማሰብ ውስጥ እሰጥማለሁ...የራበው ሆዴ ሲጮህ እና ሲቆርጠኝ ከሃሳቤ እባንናለሁ....የደከመው አካሌን በምግብ አድስና ወደ ምኝታ ክፍሌ አዘግማለሁ....ሲያወሩ እሰማለሁ...እኔም አወራለሁ....ለምሰማው እና ለማወራው ነገር ምንም አይነት ስሜት የለኝም....ቀኑ መሽቶልኝ እስክተኛ...የሰለቸችኝን አለም ለሰአታት መራቅ እስክችል እቸኩላለሁ....መሽቶ ነጋ...ሌላ ቀን...ድግግሞሽ........


ከላይ እንደጻፍኩት አሰልቼ ህይወት የምኖረው ስንቶቻችን ነን?
ለምን ተፈጠርኩ ብለን የምናስብ? አሁን ያለንበትን ህይወት አብዝተን የምንጠላ..አለም ስትቀርበን እኛ ደግሞ የምንርቃት...ሞትን የምናፍቅ ስንቶቻችን ነን? አዎ መኖራችሁን ትጠሉት ይሆናል...ተስፋ በማጣት ውስጥ እየባዘናችሁም ይሆናል..

ግን መኖራችንን በመጥላት ውስጥ የምናገኘው ጥቅም ምንድር ነው? ምንም።

በሚደጋገመው አሰልቺ ህይወት ውስጥ የራሳችንን አለም መፍጠር አንችልም? በደንብ እችላለን። ሌላው ቀርቶ ተፈጥሮን በማድመጥ ውስጥ ነፍችንን ማደስ እንችላለን። መኖር እንዲሰለቸን የሚያደርጉን ነገሮች የመኖራችን ትርጉም አይደሉም። ተቀጥጽላዎች እንጂ። ታዲያ በሰዎች እና የሰው ልጆች በፈጠሯቸው ነገሮች ምክንያት ከአይምሮ በላይ የሆነውን ድንቅ ህይወት መጥላት ምንም አይነት ሁኔታ ውስጥ ሁኑ መኖራችሁን ግን አትጥሉ። ሰላምና ደስታችሁን በሁኔታዎች ላይ አታድርጉ። ግዚያዊ ደስታን በመፈለግ ውስጥ የዘላለም ደስታ ማጣት አለና። አለም ላይ የሚከናወነው ነገር በህይወታችሁ ላይ አይንገስባችሁ...የእናንተ ህይወት ከምንም ይበልጣልና። ጠዋት ስትነሱ ''ኤጭ ደሞ ነጋ'' ስትሉ አታስቡ ድባቴ እንዲነግስባችሁ እየፈቀዳችሁለት ነው። ቀናችሁን ማንም መጥቶ አይባርክላችሁም...የቀናችሁ ጌታ እናንተው ናችሁ። ...መልካም የሆነውን በማሰብ ውስጥ ነው ሰላምም ደስታም ያለው... መኖራችንን በመጥላት ውስጥ ''በቁም ሙት" አልያም ''ልስን መቃብር'' ሆኖ መኖር አለና...እናስብበት...

ሰአዥቬል

መልካም ቀን
@tizbtt

ትዝብት🤔

06 Mar 2021 07:30

የትላንት ውሏችን ደስ የሚል ኣልያም የሚያስጠላ ሆኖ ኣልፈነዋል። ህይወት ግን ትላንት ላይ ኣላበቃችም። ተኝቶ በመነሳት ውስጥ ሌላ ቀን ላይ ህያዋን ሆነናል።

ትላንት ኣሰልቺ ህይወት ኖረን ይሆናል፡ድባቴ፡ተስፋ መቁረጥ፡እምነት ማጣት ውስጥ ኣልፈንም ይሆናል። ይህ ሁሉ ሲሆን ዛሬን በደስታ ለመኖር ውሎኣችንን ከትላንት ሳይሆን ከዛሬ እንጀምር።



ብሩክ ቀን!
@tizbtt

ትዝብት🤔

03 Mar 2021 18:49

በዚህ አለም ላይ ስትኖሩ ሚዛናዊና ጤናማ በሆነ መልኩ ራሳችሁን እንደመቀበልና እንደመውደድ ወሳኝ ነገር የለም፡፡ ራሳችሁን ሳትወዱ (እየጠላችሁ) ሌላን ሰውም ሆነ የምትኖሩትን ሕይወት መውደድ አትችሉም፡፡ በመጀመሪያ ራሳችሁን ሳትቀበሉ ሌላው ሰውም ሆነ የሕይወታችሁን ወቅታዊ እውነታ መቀበል አትችሉም፡፡ በራሳችሁ ላይ ያላችሁ አመለካከት በዙሪያችሁ ባሉ ሰዎችና ሁኔታዎች ላይ ያላችሁን አመለካከት ይነካል፡፡ ይህ አመለካከት ደግሞ የአኗኗር ዘይቤያችሁንና የምትገልጹትን ባህሪይ ይወስናል፡፡ ስለዚህ ምንም ነገር ከማድረጋች በፊት ራሳችሁን ከመውደድና ከመወቀበል ተነሱ እንጂ ለመወደድና ተቀባይነት ለማግኘት ካላችሁ የማይሞላ ጥማት አትነሱ፡፡

በዚህ ግንዛቤ ተኝታችሁ ነገ ስትነሱ በአዲስ አመለካከት የመሰማራት አስገራሚ እድል እንዳላችሁ አስባችሁ ተኙ!

መልካምና ጣፋጭ እንቅልፍ ይሁንላችሁ፡፡

/channel/Dreyob

https://m.youtube.com/user/naeleyob623

https://www.facebook.com/Dr-Eyob-Mamo-1050816404958639/

ትዝብት🤔

02 Mar 2021 09:12

"በዚህ ዘብራቃ ማህበረሰብ ውስጥ ሃጢኣትህን ሃጢኣት የሚያደርገው ድርጊቱ ሳይሆን ያደረግከው ድርጊት በግልጽ መሆኑ ነው። ተደብቀህ ካደረግከው ጽድቅህ ይተረካል። "

ከጠበኛ እውነቶች መጽሃፍ


@tizbtt

ትዝብት🤔

28 Feb 2021 16:03

ወይኔ ዛሬ ጨጓራዬ በድንጋጤ ራሱን ሳተኮ😁😁😁

እኔና ውድ ጓደኞቼ እሁዳችንን እናሳምር በሚለው የካፌ ስጋ መሳይ ነገር😂 ልንበላ ሰው ሳይቀድመን የካፌውን በር ኣንኳኩተን ገባና🤣🤣 ኣይኖቻችን በሚያዩት ነገር ተደናገጡ😳🙄 ክክ በማየታችን ክው ብለን ቀረን😧 ቢሆንም ቢሆንም ክኩ ለምን ቅር ይበለው ብለን ይሁን ወይም ክክ የሚመስል ስጋ ነው ብለን ኣስበን ይሁን ብቻ በክክ እና በሽሮ መሃከል ያለውን ክክ ወጡን ይዘን ተቀመጥን……ኣንድ ጉርሻ እንደጎረስን ኣስደንጋጭ ድምጽ ሰማን፡ ከወደ ጨጓራችን ነበር ኧረ ኡኡኡ ብሎ በድንጋጤ ራሱን ሳተኣ🤣

እኛም እንፈውሰው ብለን እጃችንን ጭነን ኣልጸለይንበትም😁 ወደ ላውንጅ ሄደን የሆነ ነገር ጣል ኣደረግንበት……ምን ቢል ጥሩ ``ዘውር ኣሉ ኣልሸሹም``😂


በሉ መልካም ምሽት…እኔም የደበረውን ጨጓራዬን ላዝናናው😁
@tizbtt

ትዝብት🤔

24 Feb 2021 12:29

ግራ ፡ በሚያጋባ ፡ ሁኔታ ፡ ውስጥም ፡ ሆነህ ፡ ተረጋጋና ፡ ውሳኔዎችን ፡ ለመወሰን
፡ ሞክር። በስሜታዊነት ፡ የምትወስናቸው ፡ ውሳኔዎች ፡ ዋጋ ፡ ያስከፍሉሀል።
በግልፍተኝነት ፡ ካፍህ ፡ የሚወጡት ፡ ቃላት ፡ የምትወዳቸውን ፡ ሰዎች ፡
ያሳጡሀል።
ሁኔታዎች ፡ ይመጣሉ ፡ ይሄዳሉ። ካንተ ፡ ጋር ፡ ተጣብቆ ፡ ለዘላለም ፡ የሚኖር ፡
ችግር ፡ የለምና ፡ የችግር ፡ ማጥ ፡ ውስጥ ፡ ስትገባ "ተረጋግተህ ፡ ስከን"
በፍጹም ፡ ከአንደበትህ ፡ ቃል ፡ አይውጣ።
በፍጹም ፡ ውሳኔ ፡ አትወስን።
ተረጋጋና ፡ ለማሰብ ፡ ሞክር።
ያኔ ፡ የተሻለ ፡ አማራጭ ፡ ይከሰታሀል።


ብሩክ ፡ የሺጥላ