على اوصَافك ، توالَمْ "عيد" ودخول .. وعلى حبّك يطول الشوگ عمره
يطعمك فُص قند، والروح قندول .. يطعم الحابسي ونِبْهار بَصرة
موبس الحديدة يلوحها الزنجار
العين الماتشوف اعزازها تصدي
إذا خلانا الله وصرنا شياب
على ظهور العواچي نخط أساميكم
لأُقاتِلَنَّ عن الّتي أحبُها
حتىٰ أراها فِي رِحابي تنعمُ
يمخالط رفيفك وي رفيف هواك
تسري بنبض روحي براحتك وتطوف
عريان السيد خلف
لَوْ أَنَّهَا كَلَّمَتْ مَيْتًا بِحُفْرَتِهِ
لَقَامَ مِنْهُ بِذَاكَ الْمَنْطِقِ الْعَذْبِ
كَأَنَّمَا طَرْفُهَا الْفَتَّانُ إِنْ نَظَرَتْ
سَيْفٌ بِكَفِّ أَمِيرِ الْعَجْمِ وَالْعَرَبِ
جعفر النقدي
رحتلها وشفتها وروح حضنت روح
الحقيقة ويا الحلم واثنينهن طبگن
العيون استراحن هودن بالشوف
والگلوب التقن وبشوگنا احترگن
بس اشجار يمنا وخفنا بيها عيون
خاف تشوفنا ولحظاتنا يغرگن
وَما سُمتُها هوناً فَتَأبى قَبولَهُ
وَلَكِنَّما طالَ الصَفاءُ فَمَلَّتِ
ما بخسيت حگها لچن... مَلَّت
وميل الهودج الضلعان... مالت
مو مالت بچي، لا هسة.. مالت
ثغيب ومعط زيج اعله الثنيّة
-حسين علي
ليحبك من صدگ لو سهم يتلگاك
شيلمه الگاع تصغر لمن تودعه
علي رشم
وألوچگ طعم حنظل تگطع الزردوم
واتمطگ جذب بعناد نمامي
واحسك بالمفاصل مثل حمى الخيل
صيخ من الألم واسلال بعظامي
عطا السعيدي
كون النبي يوسف بهل وكت ينجاب
زليخة يعوفها وانت ليرجعك شاب
أشيم الروح .تصبر تجفل من الصوت
يوجعهه الوكت.حدما بدت تتلف
أذكره بمصابك تخفض الجنحان
هيبه الوكفتك ما بين صف وصف
يالشايل عذاب أجيال تتله أجيال
أليثگل علينه . أعليك هان وخف
عريان السيد خلف
رحت بس آنه ماراضيلك تروح
ضعف موقف وگفتك ردت احسمه
حَـرت من وادعتني اتشاهد اشتاگ
بحروف الموادع چانت أزمه
ايهاب المالكي
من كلت حبيت غيرك جذبت بس ردت اجربك
ليش شو كبرت ضحكتك؟
ليش شو ما رجف كلبك؟
فاجئتني
هنا تمنيتك تكلي الله يموتك
ولا تكلي بكل برود الله يوفقك
مو بس للحرب اطلع جنت وياك
اني وياك طالع حتّى من ديني
كلتلك روحي وردة وبالنشاف تموت
غير بماي وصلك كون ترويني
"بحيث ابمحبس اتوزّر"
أشار الشاعر هنا إلى شدّة نحوله وهَزْله
بفعل قوارع وغوائل الدهر، يذكّرني قوله بقول المتنبّي حينَ قال:
كَفى بِجِسمِي نحولًا أنّني رَجُلٌ
لولا مخاطَبَتِي إياكَ لم تَرَني
"لو طگني الهوا أتفطّر"
ويذكّرني قوله هذا بقول بشّار
في حُلّتي جسمُ فَتىً ناحِلٍ
لو هَبَّتْ الرِّيحُ بِهِ طَاحَا
وقوله أيضًا
إِنَّ في بُردَيَّ جِسماً ناحِلًا
لَو تَوَكَّأتِ عَلَيهِ لَاِنهَدَم
واجيت وعركه صارت بين العيون
عليك عيوني هاي تصد كبل هاي
عبد الحسين الحلفي
تواعدنه واعله المَوعد اجينهЧитать полностью…
گعدنه ابروضة الحُب او تنينة
مرَّت عالوعود ساعات
والموعد زمانة فات
ما ظنينة يا اسمر ما تجينية …
درت عيني اعله نيتي
وشفت ظلك فات
وع طينة خيالك غمست عيني
سمير صبيح
أشكثر هجرك عاشر ليالي الهوى وما لمته
أنت سحنت الليل بگليبي وگلت موش انت
مظفر النواب
ولو حزني ثجيل وماتبرده دموع
وكلبي عراق التنبض انهاره حزن وشموع
ودمنه هناك
يتلكه الصبح شمسين
شمس تضوي الفرح للناس
وشمس تخبز عليها الطين
عزيز السماوي
مُو ذلّة نَفِس حِزني وسفاهة راي
وَلا كِلمن يِموت اعليه اتهضّم
ولا دِنيه اطلبتها وما اجت ويّاي
وصرت بكِل وكت عالدنيه اتهجّم
حزني بهَالدهر چيه عالدهر مِغتاض
بِيه الفاجر اعله الهاشمي اتقدّمْ
وحسرة گلبي عالتخذموا بالسيف
ما خَلّاني دهرِي وياهم اتخذّم
-عَلي الحِرزي
تدري أهل الگنص الاسهام
صنعوها يصاحب بيش
صنعوها بحبل معگود
ومفتولة بحبل من ريش
الصگر من طاح فوگ الگاع
هم تدري بهضمته عليش ؟!
لان سهم جناحه من جناحه
ونفانيفك حمام من أمد إيدي يطير
ولك شيصير؟
لو مزنة ضوة وتكحّل جفوني
وأبوسك حيل بعيوني
ويجيني من الگصايب هيل
ليل يسيّر إعله الليل
ومن بوسة تصير الصرّة نجم سهيل
وألِم بيدي ضواها
وروحي ترجف حيل
دفّيها ترة من الگيض بردانة
وآنه المستحي والرّوح غرگانة
وألف سبّاحة طولك
لكن شبيدي
من أمد إيدي تگلي إغرگ يالمعيدي
تزور المگبرة وتعلگلي عود بخور
وتقرأ الفاتحة ولروحي تهديها
ماأبريك ذمة لاوحك حسين
تظل مشكولة ذمتك ماني باريها
عبدالله الشاوي
راح اطم جرحي بملح واسحگ عليه
خاف يعدل من يشم انفاسكم
عبدالله الشاوي
اهم علامات جمال المرأة ، شطارتها في اختيار اسوء رجل على الكوكب حتى تحبه
Читать полностью…
