ونفانيفك حمام من أمد إيدي يطير
ولك شيصير؟
لو مزنة ضوة وتكحّل جفوني
وأبوسك حيل بعيوني
ويجيني من الگصايب هيل
ليل يسيّر إعله الليل
ومن بوسة تصير الصرّة نجم سهيل
وألِم بيدي ضواها
وروحي ترجف حيل
دفّيها ترة من الگيض بردانة
وآنه المستحي والرّوح غرگانة
وألف سبّاحة طولك
لكن شبيدي
من أمد إيدي تگلي إغرگ يالمعيدي
أريد ابچي على صدك
راسي تعبان
واسولف عن عذابي وغربة الروح
الكاطع
لأقاتلنَّ عن التي احببتها
حتى أراها في رِحابي تنعمُ
لاحَسبالك بكل ديرة إلك شراي
تره تراب الوطن بس بــ الوطن غالي .
سجاد الغريب 2022
ممكن نختلف بس نفترگ صعبة
أنه وياك سيف مچلب برگبة
سجاد الغريب 2023
خلك لا تجي سديت كلشي وياك
والسيف إلجان بيدك فارگ الرگبة
عَاتبتك گبل ظني العَتاب يفيد
و أني ادري النهَر ما ينعَدل مجراه
سعد شميل
إذا متحب عراقك
لا تصلي وياي ....
مرفوضة صلاتك، باطل صيامك
واعدك فوضوي بل جاهل ومنبوذ
عد لجاهليتك واعبد اصنامك
بس هو الغصن فزاعة من يصير...!
العاشن فوگ متنه يگوم يطردهن
– سعد شميل
إذا إنت غشيم وعرفوا يغشوك
شنو ذنبي ثمن لاخطائك آني أدفع ..
ثنه رجله الحزن والراس طخ الگاع
وركعني وتگلي اتهون لا تركع ؟..
غير الروح تقنع من اگلهه تهون
العطش من السراب شيرتوي شيقنع ؟..
چنت ادري الزرعته يموت بارض البور
وگلت بلكن يعيش وگمت اطش وازرع
ولو گالوا يضيع يخاف من الليل
وآني اسمع واغلس چني ما اسمع
ميهمني النجم ما الوحه بالچفين
المهم بعيوني الوحه بليل من يطلع
لتبيض وجه فوگه الرطوبه عيوب
ترى بياضك يطيح وبالعجل يگفع
بيهه وجوه تضحك والحقد مدفون
الشبه نميزه شبه شما يلصف ويلمع
سمير صبيح
شلع ضرسي وطبكلي صخر وي جوز
زماني وغير اكله جوز ويجوز
يجوز بيوم موتي ارتاح ويجوز
وره ما موت نفس الوجع بيه
اسمعت شمات ال بحالي فطربيت
وكلت لازم اذكرنك فطر بيت
ومحمد عملتك بيه فطر بيت
الله ولارهم ترميم اليه
كل احنه بشبچ واحد
مثل موت الطيور
جناح فوك جناح
كاظم اسماعيل الكاطع
تِعَدِّلها وتِرَچِّدها وتِرد تِنْگِز
عَطْشانة وخطيّة العِطَش بيها اِيحِز
چن شِجرة وسَبِعْتَزلام بيها اِتْهِز
هَا بس تِنْحِني الحَطَّابة تِسْحَلها
- مِحسن الخيّاط
يمن گد ما حلو من الگاع مشيول .. تمرجح بالهوى على ارداف مُهْرة
تعطّ وريحتك لو عطّت تحول .. عذب، وتمطّگ المَيْتين، وامْره!
يطور مِحمداوي يناغي ماصول .. نزر ، ومدگدگ، وملگوط بابره
يهودج والتمرجح بيه مَنسول .. مثل غرنوگ حط بگاع خَضْرة
الـچنت نازله بس قال تعالى
رحت من يمه بس قال تعالى
الكضاهة وياي بس قال تعالى
طلع بايت بيت الكاولية
ما اقبل احبك وانت ما مرتاح
وما ارتاح احبك وانت ما تقبل
جبار رشيد
شلعت افادي كون نشلع. فاداك
وعفتني يل چنت بالروح. فاداك
بشرني الرحت وياه. فادك
لو اخذ حاجته ورداك اليه
تمَنيت الأصابِع كون الِف بالأيد
لأن بيَّ نَدم مو مَال اعَض خَمسة
- سمير صبيح
ما تِنسمع رحّاي .. بس إيديِ ٱدير
أطحَن بُگاية الرُّوح موش أطحَن شِعير!
من اشوفك
حسبت حضنك يصير گماط
وتدگ روحك صليب بضلعي بالشبگة
واشد من غيبتك
ماصخ طلع ملگاك
اجيت وجدمي ليل !
ودمعتي تسبگة
انة مالح !
واغزر من ادوس الگاع
شني ماغزرت وياك بالملگة؟
يا محراب وجه الله التعبده الناس
يالكلك مناير ، تيهت الصلى والباب
ولميت الذنوب عتاب
وتبت من حوبة القران
ورديت وصرت كافر
– ذياب گزار 💜
طيور الهاجرت لابد ترد يوم
اجه موسمها ردت وانت ماجيت
كاطع المياحي🍃
موالم والميتك وان تلافيت
وخربنا ولانا وافي ولا انت وفيت
تلاكينا وجزينا ونتلافيت
واحد گل للاخر هاي هي
اياد عبدالله الأسدي
حتى روحي
المشت وياهم نست ما ودعتني
كاظم اسماعيل الگاطع
والحلگ رابي بهروش التّين
زاوداه اِحلاته والگيمر سِوه
والليل هادل عالزّند، لا، ريش
اِمْعَگَد لو جاسه عيّلهم هِوى
على اوصَافك ، توالَمْ "عيد" ودخول .. وعلى حبّك يطول الشوگ عمره
يطعمك فُص قند، والروح قندول .. يطعم الحابسي ونِبْهار بَصرة
