6850
کاناڵی جیاواز بۆ ناساندنی شاعیرانی گەورەی کوردەواری شێعر و پەخشان ڕخنە و پێشنیارەکانتان لەسەر دیدە دادەنین {ئاڵوگۆڕمان نییە} @tiropk
لە نەقدی ئەو برۆیەم لێ یەقین بوو نەقزی پەیمانت
بە غەمزە کەوتە غەممازی ئیشارەی چاوی فەتتانت
بە سوغرایی دەم و کوبرایی چاوت مەتڵەبێکم بوو
بە سەد دەور و تەسەلسول هاتەپێش زوڵفی پەرێشانت
لە وەسڵ و فەسڵی ئەم ئیجاز و ئیتنابت مورەتتەبکرد
نەف و نەشرت موشەووەش بێ ئەدی کوا مەیلی جارانت؟
لە دەوری قوتبی دەم، خەتتی عیزارت دائیرەی کێشا
ئوفوق بۆتە موعەددەل، پێم غەریبە هەیەتی جوانت
لە شەرحی ڕەوزەیی ڕووت دیومە بۆ توحفەی مەلا چاکە
لەسەر ئەنواری ڕوخسارت کومەسرایی زەخەندانت
شەهیدی عەشقم و جائیز نییە نوێژم لەسەر بکرێ
لە میحرابی بڕۆت دا بۆچ بە سەف وێستاوە موژگانت؟!
🔸مەلاعیسامەددینی شەفیعی
"کامی"
@trupkirezgari
دەردی وەتەن
کورد ئەبەد ناگاتە مەقسەد نۆکەری بێگانەیە
دوو دڵن، پیسن لەگەڵ یەک، بۆیە وا بێ لانەیە
میللەتێکن بۆ نەمانی یەکتری هەر هەوڵ ئەدەن
داخەکەم ورد و درشتی شێت و شەیدای ئانەیە
سەنعەت و عیلم و مەعاریف زەڕڕەیەک باوی نییە
پیاوەتی لایان بە تەنها چەفیە و جامانەیە
بۆ قسەی زل بێ قسوورن، باسی کوردییەت ئەکەن
کوردییەت خورمایە بۆچی، یا قسەی شێتانەیە
میللەتی بێ عیلم و ئەخلاق چۆن بە ئیستقلال ئەگا
واسیتەی بەرزی و تەرەققی هیممەتی مەردانەیە
🔹فایەق بێکەس
@trupkirezgari
"تابە کەی نۆشو"
یاڕب جامی خەم ، تا بە کەی نۆشو
تاکەی بە خەمین لۆنگی خەم پۆشو
تاکەی چوون کوورەی ئایر بجۆشۆ
تاکەی هەناسەم چوون سیاتەم بۆ
تاکەی کزەی دڵ بە ستێزە بۆ
تاکەی بەندی جەرگ ، ڕێزە ڕێزە بۆ
تاکەی چەنی بەخت ، بە دان بسازوو
تاکەی وە مەرگم ئاوات بوازوو
تاکەی بسۆ چوون ، نەبوون بە زوخاڵ.
تاکەی بێدیان بکەروون بەماڵ
ئینسافەن وەسەن ، نیازمەندی دڵ
مازە وە حەسرەت ، سەر بەروون وەگڵ
#بیسارانی
/channel/trupkirezgari
بۆرێ مەلێ
ئاراس ئاژەند
@trupkirezgari
وەختێ دەسوو وایەو گەڵا ئاما سەما بۆرێ مەلێ
بێ‌شەک بیەی تۆ مەڵهەما پەی ئی خەما بۆرێ مەلێ
داخێنێ تەقنا ڕوومەتوو سوورووهەناری نیمەشەو
پاییز چەنی بێ‌تاقەتی پەی من سەما بۆرێ مەلێ
بەشکەم بە سێحروو ئا دەسا گەرمی وزی شاروو جەسەی
تا کەی بە تاسە و دیدٚەنی هەڵسەو چەما بۆرێ مەلێ
چن مێوە دەیمەو سەرکەلی داخێ وەرۆ تا بۆ شەراب
چانەی زیاتەر پەی دیەی من تاسەما بۆرێ مەلێ
زانی کە مووسیقی خەمی وەختا بدٚۆ ڕیشەو دڵی
سازوو خەزانی دوور جە تۆ هەر ماتەما بۆرێ مەلێ
ماچانێ پاییز عاشقا ئانەن پەڕا بێ تاقەتی
بڕیان جە یاری پەوکەتێ خاتر جەما بۆرێ مەلێ
پاییز هەن و تا یانەکەت زەردٚەگەڵا باست کەرۆ
من بە خشە و دەنگۆ گەڵای چن ورکەما بۆرێ مەلێ
🔸خەمیار هەورامی
@trupkirezgari
بەیانە و دادەگیرسێ تیشکی تاوت
بەتاڵی کە تەلیسمی خەو لە چاوت
لە خێڵی تێکشکاوی شەو مەترسە
کە جیلوەی داوە ئاخێزانی ناوت
🔸شەیدا مەحموودی شنۆ
سەبا بۆنی هێناوە لە گێسووت
وەکو پیراهەنی یووسف بۆ یەعقووب
لە هیجرانا ئەکەی تۆ ئیمتیحانم
لە سەبرا کەی دڵی من بۆتە ئەیووب؟
🔸خادیم
@trupkirezgari
ڕۆحەکەم ڕووی خۆت بنوێنە تا بە کەی کوشتەی نازت بم
دەمەکەت بە تەکەللوم بێنە تا نەمردووم هەمڕازت بم
جارێک بە کەرەم بمدوێنە بە فیدای دەنگ و ئاوازت بم
مەیلی ئەبرۆی تۆ قەت نانێم غەمزەدەی چاوەکەی بازت بم
من کە هاتووم قیبلەم گۆڕی یا خوا کافر بێ جەلابم
🔸وەفایی
@trupkirezgari
شوکر تۆ لە فکرم ناچی، ئەگەرچی من لە فکرت چووم
لە من غایب نەبی تۆ، بەسمە، با من بم لە تۆ غایب
🔸مەحوی
@trupkirezgari
حوزنی من یا حوسنی تۆ ئیشکالە تا ئاخیر نەفەس
چۆن زەکاتی حوسنی تۆ یا حوزنی من ناگا بە کەس
زاهیرەن فەرمووتە وەختی مردنی حازر دەبم
وا لە خۆشیی مردنم دەمرم دەسا ئینسافە بەس
🔸حەریق
@trupkirezgari
قەبووڵ ناکەی خەیاڵیشت لەناو دڵدا موقیمی بێ
نەوا پەژموردە بێ گوڵدەستەیی حوسنت لە مەجمەردا
لە دەستم بەرمەدە دامەن مەبادا بمکوژێ ھیجرت
مەبادا خوێنی ناحەق دامەنت بگرێ لە مەحشەردا
🔸سالم
@trupkirezgari
چاوەکەم لەو باغی حوسنە مەنعی چاوی من مەکە
لازمە بۆ پاسەوانی باغەکەت جووتێ عەسەس
تازە فەرمووتە لەلای کەس ڕازی عیشقی من مەڵێ
نەتدەزانی دڵ کە کون بوو دەنگی لێ دێ وەک جەرەس؟
🔸حەریق
@trupkirezgari
ئامێر:دیوان
دیوانژەن:پێشەوا ساڵحی
دەنگ:ئایسان
T.me/aysan_poem1
شەوە و نوقمی خەیاڵی تۆم، لە کووچەی سەوزی ئیلهاما
لە سۆت دڵ پڕ لە ژان و سۆم، لە کووچەی سەوزی ئیلهاما
لە ژیر میچی شەوا وێڵە بەدووی یەک چەپکە پڕشنگا
پەپوولەی ڕۆحی تامەزرۆم، لە کووچەی سەوزی ئیلهاما
لە کانیاوی زوڵاڵی خوشەویستیت هەڵدەکێشم، گەر
خەیاڵت بێتە جێژوان بۆم، لە کووچەی سەوزی ئیلهاما
ئەوین میوانی گۆوەندی خەیاڵی ئەمشەوە بۆیە،
ئەمن هەر چاوەنۆڕی دۆم، لە کووچەی سەوزی ئیلهاما
کەلەپچەن پەنجەم و توند بوون لە زەندی ناسکی پێنووس
شەوە و خۆم بوومە بەندی خۆم لە کووچەی سەوزی ئیلهاما
دەمی ئاویلکەدانیشم لە سەر سینەی خەیاڵی تۆ
کە مردم، هەڵکەنن گڵکۆم، لە کووچەی سەوزی ئیلهاما
لە سەر کۆشی خەمی تەنیایی ئەمشەو هێندە گریاوم
تنۆکێ شەونەمی شەوبۆم، لە کووچەی سەوزی ئیلهاما
لە نێو گێژی شەپۆلی ئەشکی یادتدا دڵم دیلە
شەوە و نوقمی خەیاڵی تۆم، لە کووچەی سەوزی ئیلهاما
🔸ئەمین گەردیگلانی
@trupkirezgari
گەردشی چاوت قەراری عاشقی مسکین دەبا
ساحیری چاوبەستە، ئارێ، دڵ دەکێشێ دین دەبا
قیبلەکەم بەو زاری هەر وەک غونچە بۆیە پێ کەنی
تا بڵێن خەندێ لە گوڵ بێ ئابڕووی پەروین دەبا
من کوتم گرتی حەبەش کەعبەی جەماڵت ئەو دەڵێ
کاروانی میشکە بۆ شاری گوڵ و نەسرین دەبا
گەر ببینێ تاقی پەیوەستی برۆت فەرهادی چین
ڕۆحی شیرینی بەقوربانی، بە سەد ناڵین دەبا
پێچ و تابی زولفی خاو و ڕەمز و غەمزەی سیحری چاو
ئەو لەلایێ ڕۆح دەکێشێ ئەم لەلایێ دین دەبا
نەشتەری چاوی حەبیبم دێ بە سینەمدا دەچێ
مەرهەمی نازی تەبیبم بۆ دڵی خوێنین دەبا
من وەها مەستی گوڵەندامم کە نازانم ئەبەد
هۆشی من دوگمەی تەڵا، یا ساعیدی سیمین دەبا
تا «وەفایی» لەو دەرە بێت و بچێ مەنعی مەکە
سورمەیی خاکی دەرت بۆ چاوی پڕئەسرین دەبا
#وەفایی
/channel/trupkirezgari
گەردەنکەچی تۆم بێکەشش و ڕست و قەلادە
وا زەن مەبە ناعارف و ھەرزەمەرەسێکم
🔸نالی
@trupkirezgari
بولبول ئەر مەیلی سەفاتە، بێرە لای من لەحزەیەک
نابێ بۆ ناڵین و سووتان قەت وەکوو من بەندەیەک
خالید ئاغای حسامی
🔸هێدی
@trupkirezgari
ئەلفی قەدەکەم ڕاست وەکوو تیری خەدەنگ بوو
وا خەم بووە ئێستاکە، ئەڵێی، حەلقەیی نوونم...
مەرهەم کە شەفابەخشی برینە بە حەقیقەت
وەک داخی لە سەر داخە، لە بۆ داخی دەروونم....
🔸تاهیر بەگی جاف
@trupkirezgari
بۆ پاراستنی فەرهەنگ و فێربوونی زانست پێویستمان بە پاڵپشتی ئێوەی ئازیزە.
Читать полностью…
دڵ ئاو دەخواتەوە لەو دەفری لێوەت
خەیاڵ دەمباتەوە بۆ باخی شێوەت
لە ڕێسمە دەردەچێ ڕێسای ژیانم
دەمێ سەرهەڵبدەن؛ ئەو جووتە سێوەت
🔸م.ئاران
@trupkirezgari
خاڵی نییە ڕەشماری دوو زوڵفت لە بەڵایێ
حەڵقەی شەڕییان بەستووە هەر یێکە لە لایێ
عاشق دڵی نایێ لە دڵارامی جودا بێ
ئەڵبەت کە دڵارامی لەوێ بێ، دڵی نایێ
بنواڕە خۆشیی ڕەقسی لەگەڵ خەرقەیی ئەزرەق
مومکین نییە بەم پاکییە، لەم ئەرزە، سەمایێ
مومکین نییە جەلبی دڵی خووبان بە من و تۆ
نەمبیستووە تەسخیری مەلایک بە مەلایێ
نەقدی دڵ و جان بۆ قەدەمت نیمە بەهایە
غەیری ئەمە، قوربان، بەخودا نیمە بەهایێ
ئەی شەمع! بترسە لە هەناسەم کە بگاتە
ئەو دووکەڵی زوڵفە کە پەرێشانە بە بایێ
تا چاکی نەکەی پڕ لە هەوا سینەیی نالی
وەک زەنگڵە ئاوازەیی ناڵەی دڵی نایێ
🔸نالی
@trupkirezgari
بێستونی عەشقی شیرینێک وا
هاتۆتە پێش
گەر لە حەق بێم یا نەیەم تەقلیدی
فەرهادێ ئەکەم
🔸مەحوی
@trupkirezgari
بۆ پاراستنی فەرهەنگ و فێربوونی زانست پێویستمان بە پاڵپشتی ئێوەی ئازیزە.
Читать полностью…
نە باخەوانم نە میوەسێنم
هاتمە بەرماڵتان باڵات بوینم
فولکلۆر
@trupkirezgari
سەد حەیفی لەبۆ کەعبەیی حوسنت کە بەسەریا
نەججاشیی خەت هاتووە نێزیکە خورووجی
هەرچەندە دەکەن قەتعی سەرت، دێیەوە ئەی خەت
وەک هیندووی سەححاری مەجووسی چ لەجووجی
#نالی
/channel/trupkirezgari
موعجيزەی حوسنت نەبێ ئەی ئافتابی بێ نيقاب
سوبحی سادق کەی تلووعی دا لە نوێژی شێوەدا
ڕەھزەنی فیکرم پەناگاھی يەخەی بگرێ بەزۆر
وەھمە کەس قابيل نيیە دز بێ لە باغی سێوەدا
#ناری
/channel/trupkirezgari
هەتا نەبڕاوە لەم گەردوونە دەستم
کلیلی ون‌کراوی دڵتی پێبە
وەرە بەندی چڕاوی بادەوەی دڵ
بە زنجیری ئەوینت تون گرێبە
🔸سنوور خدری. سەقز
بۆ پاراستنی فەرهەنگ و فێربوونی زانست پێویستمان بە پاڵپشتی ئێوەی ئازیزە.
Читать полностью…
#بۆ_دەڕۆی
تۆ لەنێو چاو و دڵی مندا ڕواوی، بۆ دەڕۆی؟!
ماڵی دڵ ئی خۆتە کەنگێ دەر کراوی، بۆ دەڕۆی؟!
کێ لە دەرد و ڕاز و ڕەمزی ئەو دڵەی تۆ تێ دەگا
من دەزانم توش وەکوو من دڵشکاوی، بۆ دەڕۆی؟!
کوا لەوێ دەکرێ بە ئاواتی دڵت ڕاگەی گوڵم
لێرە هەر تۆم خۆشەویستی بەند و باوی، بۆ دەڕۆی؟!
دەستەمۆ نابێ شەپۆلی ئەو خەیاڵەی ناخی من
گەرچی تامەزرۆی خەیاڵ و خەونی خاوی، بۆ دەڕۆی؟!
من لەسەر ڕێگای ئەوینت تۆمی ئەشقم چاندووە
بۆ لەسەر وادە و بەڵینی خۆت نەماوی، بۆ دەڕۆی؟!
هێندە ناسازە لەگەڵ شادی دڵم تا حەز بکەی
بۆ خەمی پرچت نەما جەرگ و هەناوی، بۆ دەڕۆی؟!
تاکوو ڕزگاری لەسەر داخوازی مافی ئەم گەلەم
تۆش وەکوو من ڕۆڵەکوردی بەشخوراوی، بۆ دەڕۆی؟
✍: ْ#ڕزگار
🎙: ْ#چەنگیز_سیگارچی
/channel/trupkirezgari
سیحری چاوت بۆ منی خستە تەسلیمی زوڵفت
بیری دەرچوون لە سەرم دەرچوو بە مان و بە نەمان
🔸عەونی
@trupkirezgari
وا زەن مەبە گیانسەخت و سەمەرگم کە نەمردم
ئوممێدی ویسالت وەکوو لوقمانی تەبیبە
🔸حەریق
@trupkirezgari