106517
Канал пресслужбы штабов Тихановской, Бабарико, Цепкало.
«Рэжым Лукашэнкі сістэматычна злоўжывае міжнароднымі механізмамі прававога супрацоўніцтва»
Падчас Варшаўскай канферэнцыі АБСЕ па чалавечым вымярэнні быў прадстаўлены даклад па тэме «Транснацыянальныя рэпрэсіі ў Беларусі: жорсткі інструмент пераследу іншадумства рэжымам Лукашэнкі». Падчас прэзентацыі даклада выступіў дарадца Святланы Ціханоўскай па прававых пытаннях Леанід Марозаў.
У дакладзе паказана, як рэжым Лукашэнкі працягвае пераследаваць беларусаў нават па-за межамі краіны, выкарыстоўваючы шырокі набор інструментаў уплыву і запалохвання. Акрамя таго, падкрэслена, што такія дзеянні ўяўляюць сабой пагрозу не толькі для грамадзянаў Беларусі, але і бяспецы і суверэнітэту еўрапейскіх дзяржаваў.
У дакладзе прапануюцца рэкамендацыі для міжнародных арганізацыяў (у тым ліку АБСЕ) і нацыянальных урадаў па выпрацоўцы агульнай стратэгіі абароны правоў чалавека і суверэнітэту дзяржаваў перад тварам транснацыянальнага гвалту.
Леанід Марозаў:
«Практыка паказвае, што рэжым Лукашэнкі сістэматычна злоўжывае міжнароднымі механізмамі прававога супрацоўніцтва, уключаючы сістэму Інтэрпола, каб пераследваць беларусаў, вымушаных шукаць прытулак за мяжой.
Міжнародная супольнасць павінна выпрацаваць узгоднены адказ у рамках міжурадавых структураў і праваабарончых інстытутаў для фільтрацыі і блакавання палітычна матываваных запытаў. Гэта дапаможа ўзмацніць механізмы абароны ахвяраў транснацыянальных рэпрэсіяў. Толькі сістэмныя меры могуць спыніць ператварэнне Інтэрпола і іншых міжнародных інструментаў у зброю аўтарытарных рэжымаў».
Святлана Ціханоўская — да Дня супраць смяротнага пакарання
«Беларусь застаецца адзінай краінай у Еўропе, дзе ўсё яшчэ выконваюць смяротныя прысуды. Міжнародныя праваабарончыя арганізацыі даўно прызналі, што смерць — гэта радыкальны і бесчалавечны метад пакарання, які не мае нічога агульнага з правасуддзем. Але ў нашай краіне да гэтага часу працягваюць забіваць людзей: за 30 гадоў рэжыму Лукашэнкі каля 350 чалавек атрымалі смяротныя прысуды. Тры з паловай сотні жыццяў, знішчаных рукамі тых, хто жыве побач з намі, ходзіць з намі па адных вуліцах, ездзіць з намі ў метро.
Два гады таму ўлады яшчэ пашырылі пералік артыкулаў, за якія могуць прысудзіць смерць: цяпер да забойства можа прывесці «дзяржаўная здрада» або «замах на тэрарызм». У краіне, дзе за любое іншадумства чалавека называюць «тэрарыстам», смяротнае пакаранне можа пагражаць любому чалавеку.
Чалавечае жыццё — найвышэйшая каштоўнасць. Калі ў чалавека забіраюць жыццё, у яго забіраюць шанец зразумець свае памылкі, змяніцца, прынесці карысць. Смяротнае пакаранне — гэта жорсткая, варварская помста, якой няма месца ў прававой і дэмакратычнай дзяржаве. Пакуль у Беларусі працягваюць расстрэльваць людзей, улада адмаўляе чалавеку ў самым галоўным праве — праве на жыццё».
Да каго звярнуцца і дзе шукаць дапамогу беларусам за мяжой? ЧАСТКА 2
Офісы, Місіі дэмакратычных сілаў і Народныя амбасады — хто гэта, чым дапамагаюць і як звязацца?
*а таксама шляхі, як зрабіць свой унёсак і далучыцца да працы!
Частка 1 — па спасылцы.
Анатоль Лябедзька — пра вынікі сустрэчы Альянсу «За дэмакратычную Беларусь» у Францыі
Цягам двух дзён у французскай сталіцы праходзіла трэцяя сустрэча Альянсу «За дэмакратычную Беларусь», арганізаваная Нацыянальнай асамблеяй Францыі і Офісам Святланы Ціханоўскай. Удзел у мерапрыемстве прынялі 14 нацыянальных парламентаў і міжнародных парламенцкіх арганізацыяў.
Дарадца Святланы Ціханоўскай па парламенцкім супрацоўніцтве і канстытуцыйнай рэформе Анатоль Лябедзька ў сваім відэа падсумоўвае вынікі сустрэчы і распавядае пра Парыжскі мемарандум.
«Галоўны выніковы дакумент — гэта Парыжскі мемарандум. А самае цікавае ў ім — планы дзеянняў.
Першае: рэкамендацыя ўсім чальцам Альянсу падпісаць мемарандум пагаднення аб супрацоўніцтве з дэмакратычнымі сіламі Беларусі.
Другое: імплементацыя Люксембургскіх рашэнняў — тое, што датычыцца інтэграцыі беларусаў замежжа, а таксама тых, хто мае намер выехаць з краіны.
Трэцяе: палітвязні. Тут — «Кангрэс Хросных», які плануецца на пачатак наступнага года».
Святлана Ціханоўская сустрэлася з міністрам Еўропы і замежных справаў Францыі
Сёння ў Парыжы Святлана Ціханоўская правяла сустрэчу з міністрам Еўропы і замежных справаў Францыі Жанам-Наэлем Баротам. У сустрэчы таксама ўдзельнічаў Сяргей Ціханоўскі.
Падчас размовы бакі абмеркавалі:
— палітыку Францыі ў дачыненні да Беларусі і ваенна-палітычную сітуацыю ў рэгіёне;
— крокі па вызваленні беларускіх палітвязняў;
— падтрымку для незалежных медыя;
— магчымасць пашырэння выдачы візаў беларусам.
Ціханоўская падкрэсліла:
«Я ўдзячная Францыі за паслядоўную падтрымку беларускага народа, за працу спецыяльнай прадстаўніцы па Беларусі і ўвагу да лёсу нашай краіны. Асобна хачу падзякаваць за візавую падтрымку — заставацца мабільнымі вельмі важна для тых, хто жыве ў Беларусі. Я заклікала міністра пашырыць выдачу візаў, бо гэта дае беларусам магчымасць мець сувязь з Еўропай і адчуваць сябе часткай свабоднага свету».
«Пытанне не ў тым, ці прыйдуць змены ў Беларусь. Пытанне — калі і як»
Сёння Святлана Ціханоўская распачала працоўны візіт у Францыю для ўдзелу ў трэцяй сустрэчы Альянсу парламенцкіх групаў «За дэмакратычную Беларусь» у Парыжы разам з Сяргеем Ціханоўскім. Беларуская лідарка выступіла з вітальнай прамовай, у якой сфакусавалася на палітычнай сітуацыі ў Беларусі і еўрапейскай перспектыве краіны.
Пра сітуацыю ўнутры краіны:
«Сітуацыя ў Беларусі складаная, але яна не безнадзейная. З аднаго боку — Лукашэнка, які прадае незалежнасць, уцягвае краіну ў вайну і працягвае рэпрэсіі. З другога — беларускі народ, які хоча міру і еўрапейскай будучыні. Людзі не могуць адкрыта супраціўляцца, але яны не здаліся. Яны проста чакаюць свайго моманту».
«Сітуацыя ў Беларусі можа змяніцца вельмі хутка. Дыктатуры звычайна падаюць тады, калі гэтага ніхто не чакае. Пытанне не ў тым, ці прыйдуць змены, а калі і як. Нашая місія — быць гатовымі да гэтага моманту. Паказаць беларусам альтэрнатыву: не дыктатуру, не «рускі мір», а Еўропу».
«Чым шырэй Еўропа адкрываецца для беларусаў цяпер — тым мацнейшым будзе праеўрапейскі выбар унутры краіны. А гэта значыць — большая бяспека для самой Еўропы, для Украіны і ўсяго рэгіёну».
Да каго звярнуцца і дзе шукаць дапамогу беларусам за мяжой? ЧАСТКА 1
Офісы, Місіі дэмакратычных сілаў і Народныя амбасады — хто гэта, чым дапамагаюць і як звязацца?
*а таксама шляхі, як зрабіць свой унёсак і далучыцца да працы!
Дарадца Святланы Ціханоўскай па навуцы і адукацыі Павел Церашковіч — да дня настаўніка
«Сёння ва ўсіх беларускіх школах настаўнікі і настаўніцы прымаюць віншаванні напярэдадні Дня настаўніка, які адзначаецца ў нядзелю.Читать полностью…
Дзень настаўніка — гэта не толькі прафесійнае свята, букеты кветак, бацькоўскія і дзіцячыя віншаванні. Гэта нагода для роздуму — кім ёсць сёння настаўнік і настаўніца ў Беларусі? Гэтая прафесія адыгрывае вызначальную ролю ў эканамічным поспеху, дабрабыту і бяспецы грамадства. Школа закладвае падмурак для гэтага толькі тады, калі яна выхоўвае асобу, здольную самастойна прымаць рашэнні, крытычна і крэатыўна мысліць. Але цяпер ці магчыма гэта ў Беларусі?
Ідэолагі рэжыму абвясцілі, што «настаўнік — гэта чалавек прэзідэнта». Дзяржава метадычна знішчае адукацыю на беларускай мове, дапусціла стварэнне праграмаў вайсковай падрыхтоўкі, мілітарысцкія летнікі і вайскова-патрыятычныя класы.
Я разумею, што сёння вельмі цяжка быць настаўнікам ці настаўніцай у Беларусі. Вас нагружаюць бясконцай справаздачнасцю, празмернай нагрузкай і кантролем з боку ўлады. Больш за 6 тысячаў настаўнікаў і настаўніц пазбавіліся працы праз рэпрэсіі, звыш 50 чалавек прайшлі праз пекла катаванняў у калоніях і на «хіміі», некаторыя і цяпер знаходзяцца за кратамі.
І сёння я хачу сказаць шчыры дзякуй тым, хто ў гэтых умовах захаваў прафесійную годнасць. У будучай вольнай Беларусі мы прыкладзём усе намаганні, каб адукацыя і навука стала асновай развіцця краіны, а настаўнікі — незалежнымі асобамі, прафесія якіх будзе сярод самых паважаных і прэстыжных у грамадстве».
Святлана Ціханоўская сустрэлася з прэзідэнтам Францыі Эманюэлем Макронам.
«Падзякавала прэзідэнту Макрону за паслядоўную падтрымку дэмакратычнай Беларусі і салідарнасць з беларускім народам. Для нас вельмі каштоўна, што Францыя працягвае стаяць побач у змаганні за свабоду і правы чалавека».
Святлана Ціханоўская сустрэлася з Уладзімірам Зеленскім падчас Саміту Еўрапейскай палітычнай супольнасці:
«Радая пабачыць прэзідэнта Зяленскага. Мы падтрымліваем Украіну і яе барацьбу за свабоду і незалежнасць. Бо ад Украіны залежыць і лёс Беларусі. Дзякуй прэзідэнту Зяленскаму за мужнасць і дамову працягваць камунікацыю».Читать полностью…
Святлана Ціханоўская на Саміце Еўрапейскай палітычнай супольнасці з прэзідэнтам Літвы Гітанасам Наўседам і канцлерам Германіі Фрыдрыхам Мерцам
«Радая сустрэцца з Гітанасам Наўседам і Фрыдрыхам Мерцам. Дзякуй Германіі і Літве за падтрымку беларусаў і салідарнасць».Читать полностью…
«Бізнес у Беларусі не адчувае сябе ў бяспецы»
Святлана Ціханоўская правяла размову з «New to The Street TV», дзе распавяла, што адбываецца з беларускім бізнесам і якія рэформы яму неабходныя:
«Нам будзе патрэбна аднаўляць эканоміку. Беларусь — адзіная краіна былога Савецкага Саюза, дзе не адбылося працэсу прыватызацыі. Усе прадпрыемствы належаць дзяржаве, Лукашэнку, яго кішэням. Мы павінны прайсці праз працэс прыватызацыі і стварыць умовы, прыдатныя для новых інвестыцыяў.
Цяпер у Беларусі, калі ў цябе ёсць даволі вялікі бізнес — рэжым будзе ў ім зацікаўлены. Рэжым можа пасадзіць генеральнага дырэктара ці кіраўніка ў турму па «эканамічных абвінавачваннях» і проста адціснуць кампанію. Таму бізнес не адчувае сябе ў бяспецы ў Беларусі. І пасля пераменаў трэба будзе прыняць новыя законы, каб гэта змяніць.
Ужо цяпер мы размаўляем з многімі глабальнымі кампаніямі, каб заахвоціць інвеставаць у Беларусь пасля пераменаў і аднавіць тое, што Лукашэнка руйнаваў усе гэтыя гады, і зрабіць краіну прывабнай для новых інвестараў».
З кім сустрэлася Святлана Ціханоўская падчас Варшаўскага форуму па бяспецы?
Беларуская лідарка ўзяла ўдзел у Варшаўскім форуме па бяспецы, які штогод збірае больш за 2500 удзельнікаў з 80 краінаў свету: кіраўнікоў урадаў, прэзідэнтаў, міністраў і экспертаў.
Акрамя выступаў на дыскусіі і галоўнай сцэне форуму Ціханоўская правяла шэраг двухбаковых сустрэчаў:
➖з міністрам замежных справаў Польшчы Радаславам Сікорскім;
➖дарадцам прэзідэнта Літвы Кястуцісам Будрысам;
➖мэрам Варшавы Рафалам Тшаскоўскім;
➖спецыяльным пасланнікам прэзідэнта Трампа Кітам Келагам;
➖прэзідэнткай Грузіі Саламэ Зурабішвілі;
➖спецыяльнай прадстаўніцай ЕС па правах чалавека Кайсай Олонгрэн;
➖ценявой міністаркай замежных спраў Вялікабрытаніі Прыці Патэл;
➖Білам Браўдэрам, адным з ініцыятараў «Акту Магніцкага»;
➖Міраславам Лайчакам, дарадцам па нацыянальнай бяспецы прэм’ер-міністра Славакіі;
➖Сяргеем Лагадзінскім, сустаршынём «Еўранэсту».
Падчас размоваў абмяркоўваліся:
➖вынікі вучэнняў «Запад»;
➖магчымыя наступствы для Беларусі;
➖наступныя крокі па вызваленні палітвязняў з удзелам амерыканскай адміністрацыі;
➖падтрымка рэпрэсаваных;
➖пагрозы бяспецы;
➖магчымыя сцэнары развіцця падзеяў у Беларусі.
Ціханоўская таксама выступіла на нефармальнай сустрэчы для лідараў і ўзяла ўдзел у працоўным ланчы для спікераў форуму.
Падрабязней пра візіт — па спасылцы.
«Ваенная сіла часам бессэнсоўная, калі няма людзей, гатовых абараняць сваю зямлю і свае каштоўнасці»
У другі дзень Варшаўскай канферэнцыі па бяспецы Святлана Ціханоўская прыняла ўдзел у дыскусіі «Незламаныя: барацьба за дэмакратычны суверэнітэт у варожым асяроддзі». Сумесна з беларускай лідаркай у панэлі ўдзельнічалі мэр Варшавы Рафал Тшаскоўскі, пятая прэзідэнтка Грузіі Саломэ Зурабішвілі, віцэ-старшыня Open Society Foundations Даніэль Сакс, лаўрэатка Нобелеўскай прэміі міру Александра Матвійчук.
Святлана Ціханоўская распавяла, як і чаму трэба супрацьстаяць расійскай прапагандзе
1️⃣Барацьба супраць рэжыму — пытанне бяспекі ўсяго рэгіёну
«Для забеспячэння бяспекі ў рэгіёне ў нашых партнёраў ёсць толькі адзін выбар — падтрымліваць дэмакратычны рух. Бо альбо гэта будзе Лукашэнка, які служыць інтарэсам Пуціна і будзе пастаяннай пагрозай бяспецы нашых суседзяў і ўсяго заходняга свету, альбо гэта дэмакратычныя сілы, што падзяляюць еўрапейскія каштоўнасці, хочуць зноў стаць часткай еўрапейскай сям’і краінаў і быць крыніцай стабільнасці, надзейным партнёрам для нашых суседзяў».
«Нам трэба абараняць сваю нацыянальную ідэнтычнасць, таму што Расія робіць у Беларусі тое ж самае, што яны робяць на акупаваных тэрыторыях Украіны. Яны хочуць сцерці ўсё нацыянальнае з краіны. Ідзе працэс русіфікацыі ў Беларусі. Яны хочуць зруйнаваць і перапісаць нашую гісторыю, сцерці ўсё, што злучае нас з Еўропай, і толькі падкрэсліць тое, што злучае нас з Расіяй».
«Ваенная сіла часам бессэнсоўная, калі няма людзей, гатовых абараняць сваю зямлю і свае каштоўнасці. Трэба інвеставаць у беларусаў, таму што мы з’яўляемся часткай рэгіянальнай бяспекі. Не ігнаруйце Беларусь, не абмінайце Беларусь у мірных перамовах, таму што нам не патрэбны прарасійскі «балкон Лукашэнкі» над Еўропай. Пуцін хоча паставіць сваіх уласных «Лукашэнак» або «Януковічаў» у кожнай краіне проста каб кіраваць. Таму трэба інвеставаць у людзей. Гэта сапраўды важна, бо людзі — гэта нашая сіла».Читать полностью…
«Нам патрэбная моцная і прынцыповая пазіцыя Еўропы, каб прывесці Беларусь да свабодных і справядлівых выбараў»
Святлана Ціханоўская распачала візіт у Варшаву, каб прыняць удзел у Варшаўскім форуме па бяспецы — штогадовай міжнароднай пляцоўцы, якая аб’ядноўвае палітыкаў, дыпламатаў, экспертаў і прадстаўнікоў грамадзянскай супольнасці з усяго свету. У гэтым годзе на форуме сярод іншых прысутнічаюць прэм'ер-міністр Польшчы Дональд Туск, спецыяльны пасланнік ЗША па пытаннях Украіны і Расіі Кіт Келаг, міністр абароны Нідэрландаў Рубен Брэкелманс і міністр абароны Германіі Борыс Пісторыус.
У першы дзень беларуская лідарка паўдзельнічала ў размове «Надзея пад ціскам: дэмакратычная барацьба Беларусі» і распавяла:
⭕️Пра неабходную барацьбу з прапагандай
«Беларусам трэба паказаць, што рух у бок еўрапейскіх краінаў адкрывае шлях да інвестыцыяў, свабоды і павагі да правоў чалавека. Важна не дапусціць, каб прапаганда атручвала свядомасць. Таму наш голас павінен гучаць моцна і ўпэўнена. Беларусы павінны ведаць: у крытычны момант яны не застануцца сам-насам і не будуць пакінутыя адзін на адзін з Расіяй».
«Важна ўсведамляць стратэгічнае значэнне Беларусі ў пытаннях бяспекі. Пакуль Лукашэнка захоўвае рэжым у краіне, працягнуцца правакацыі, ваенныя вучэнні і запалохванне ядзернай зброяй. Таму неабходна дапамагчы беларусам здабыць незалежнасць і свабоду ад рэжыму».
«Прэзідэнт Трамп можа адыграць сапраўды важную ролю і вызваліць вялікую колькасць людзей. Але нам патрэбная моцная і прынцыповая пазіцыя Еўропы, каб прымусіць рэжым змяніць сваё паводзіны і прывесці Беларусь да свабодных і справядлівых выбараў. Гэта нашая мэта».
Святлана Ціханоўская павіншавала Марыю Карыну Мачада з Нобелеўскай прэміяй міру:
«Шчыра віншую Марыю Карыну Мачада з заслужанай узнагародай — Нобелеўскай прэміяй міру.
Сваёй мужнасцю, непахіснай вернасцю каштоўнасцям свабоды і адданасцю барацьбе за дэмакратыю ты натхняеш мільёны людзей па ўсім свеце. Гэтая ўзнагарода — прызнанне нязломнасці і веры ў сілу народа Венесуэлы.
Я захапляюся і цаню нашае сяброўства. Разам мы ўсё адолеем!»
«Дарагія мае беларусы! Я працягваю працаваць з вамі дзеля нашай супольнай мэты. Мы з камандай будзем і далей змагацца за вызваленне палітзняволеных, адстойваць інтарэсы беларусаў і прыцягваць міжнародную ўвагу да праблемаў у Беларусі. Якія б цяжкасці ні ўзнікалі, мы працягваем працу. Нягледзячы на любыя выклікі, ніякія перашкоды нас не спыняць.
Мы тут і працягваем дзейнічаць»,
«Беларусь яшчэ ніколі не займала такога высокага месца ў еўрапейскім парадку дня»
У межах візіту Святланы Ціханоўскай у Брусель прайшла сустрэча з прадстаўнікамі еўрапейскіх інстытуцый і беларускіх дэмакратычных сілаў, арганізаваная Еўрапейскай камісіяй (DG ENEST) і Еўрапейскай службай знешніх дзеянняў (EEAS).
Галоўная мэта: абмеркаванне прыярытэтаў падтрымкі Беларусі.
Асноўныя тэмы сустрэчы:
– правы чалавека;
– развіццё грамадзянскай супольнасці;
– падтрымка незалежных медыя;
– агляд існуючай дапамогі Беларусі і абмеркаванне далейшых шляхоў павышэння эфектыўнасці падтрымкі.
Святлана Ціханоўская:
«Месяц таму я ўдзельнічала ў сустрэчы Gymnich у Капенгагене, і адзін з міністраў, што сядзеў побач, сказаў: «Мы падтрымліваем вас і будзем падтрымліваць не толькі з салідарнасці. Мы рэалісты. Мы робім гэта і дзеля сябе. Падтрымліваючы вас — мы ўкладваем у ўласную бяспеку і ўласныя каштоўнасці».
І ён меў рацыю. Узмацняючы беларускае грамадства, яго дэмакратычныя сілы, медыя, культуру і НДА — мы ўмацоўваем усходнюю мяжу Еўропы перад расійскай агрэсіяй. Чым больш беларусаў праеўрапейскіх і прадэмакратычных, тым мацнейшай і больш бяспечнай становіцца Еўропа».
Святлана Ціханоўская з візітам у Бруселі
У межах візіту Ціханоўская возьме ўдзел у сустрэчы з высокапастаўленымі асобамі па Беларусі, арганізаванай Еўракамісіяй.
Падчас сустрэчаў асноўны фокус будзе накіраваны на падтрымку беларусаў і беларусак, а таксама на каардынацыю канкрэтных крокаў для рэалізацыі дэмакратычных пераменаў у краіне.
«Мы павінны працягваць барацьбу — пакуль кожны палітвязень не будзе свабодны, а рэпрэсіі не спыняцца»
Сёння ў Парыжы стартавала 3-я сустрэча Альянсу парламенцкіх групаў «За дэмакратычную Беларусь», арганізаваная Нацыянальнай асамблеяй Францыі і Офісам Святланы Ціханоўскай. На адкрыцці прагучалі прамовы Святланы Ціханоўскай, прэзідэнткі Палаты дэпутатаў Францыі Яэль Браўн-Півэ, кіраўніка групы «За дэмакратычную Беларусь» у Францыі Фрэдэрыка Пэці і спікера Каардынацыйнай Рады Арцёма Брухана.
Падчас сустрэчы адбудуцца наступныя дыскусіі:
⭕️«Пяць гадоў пасля рэвалюцыі ў Беларусі: які дэмакратычны шлях наперадзе?».
⭕️«Сведчанні палітвязняў».
⭕️«Круглы стол: ці эфектыўныя меры Еўропы ў адказ рэжыму Аляксандра Лукашэнкі? Ці варта працягваць?».
Святлана Ціханоўская:
«Для нас вялікі гонар праводзіць трэцюю сустрэчу Альянсу тут, у Парыжы — у Нацыянальнай асамблеі Францыі, адным з сапраўдных храмаў еўрапейскай дэмакратыі.Читать полностью…
Голас Францыі ў Еўропе гучыць моцна і выразна. Вы абараняеце Еўрапейскі саюз ад ціску дыктатараў і цынізму «рэальнай палітыкі».
Ніколі раней Беларусь не займала такога высокага месца ў знешняй палітыцы Францыі, і ніколі супрацоўніцтва паміж беларускімі дэмакратычнымі сіламі і Францыяй не было такім шчыльным, як цяпер.
Яшчэ на мінулым тыдні я сустрэлася з прэзідэнтам Макронам на саміце Еўрапейскай палітычнай супольнасці ў Капенгагене. Ён яшчэ раз пацвердзіў: незалежная, дэмакратычная і еўрапейская Беларусь застаецца прыярытэтам Францыі — не толькі як пытанне правоў чалавека, але і як пытанне еўрапейскай бяспекі».
«Мы приезжаем, чтобы решать проблемы беларусов»
Советница Светланы Тихановской по молодежной политике и студенчеству Маргарита Ворихова в разговоре с Malanka Media объяснила, зачем необходимо участие беларусской делегации в сессиях Совета Европы, можно ли назвать международные поездки политическим туризмом и как они помогают беларусам уже сейчас:
«Поездки на международные ивенты нельзя назвать политическим туризмом. Мы приезжаем, например, на сессию ПАСЕ, чтобы решать проблемы беларусов. На этой сессии мы встречались с делегациями разных стран, которые напрямую участвуют в формировании законодательства, которое влияет на беларусов.Читать полностью…
Например, встретились с делегациями Польши и Германии, которые, если помните, ввели ограничения на выдачу гуманитарных виз. И мы эту тему поднимали с ними. Мы обговорили, почему так делать нельзя, почему нужно ввести определенные механизмы, чтобы беларусам начали заново выдавать гуманитарные визы.
В том числе с Польшей мы обсудили закрытие границ, будущую политику Польши относительно беларусов и режима. Мы рассказывали о ситуации, в которой находятся наши политзаключённые. Кроме того, мы обсудили введение дополнительных мер, которые бы защищали беларусских политзаключённых — например, давали возможность переезжать из одной страны в другую без применения Дублинского регламента».
Святлана Ціханоўская сустрэлася з новай спецыяльнай прадстаўніцай Эстоніі
Сёння ў Вільні адбылася сустрэча з Кармен Лаўс — новай спецыяльнай прадстаўніцай Эстоніі па супрацоўніцтве з дэмакратычнымі сіламі Беларусі.
Важныя тэмы, якія абмеркавалі падчас сустрэчы:
⭕️Бягучую сітуацыю з палітвязнямі ў Беларусі і магчымыя шляхі іх вызвалення;
⭕️Падтрымку беларусаў у Эстоніі, а менавіта пытанні легалізацыі, магчымасці стажыровак і адукацыі;
⭕️Бяспеку ў рэгіёне, вучэнні «Запад-2025», правакацыі расійскімі дронамі;
⭕️Працяг супрацоўніцтва ўладаў Эстоніі з дэмакратычнымі сіламі Беларусі.
Святлана Ціханоўская:
«Для нас вельмі каштоўна, што Эстонія паслядоўна стаіць побач з беларусамі. У гэтым годзе ў Эстоніі з’явіўся Офіс дэмакратычных сілаў як сімвал нашай блізкасці і гатоўнасці развіваць сумесную працу. Эстонія падзяляе нашую пазіцыю, што вольная Беларусь — гэта гарантыя бяспекі для ўсёй Еўропы».Читать полностью…
Сустрэча Святланы Ціханоўскай з прэзідэнткай Малдовы Маяй Санду:
«Яшчэ раз віншую з перамогай PAS на парламенцкіх выбарах!Читать полностью…
Малдова — прыклад для ўсіх нас. Захапляюся вашым лідарствам, мужнасцю і адданасцю дэмакратычным каштоўнасцям.
Хачу выказаць словы падтрымкі малдаўскаму народу, які паказвае, што нават у складаных умовах можна ўпэўнена крочыць шляхам свабоды і еўрапейскай будучыні.
Мы натхняемся вашымі поспехамі і зычым Малдове быць моцнай, свабоднай і еўрапейскай дзяржавай. Будзем працягваць супрацоўніцтва і сяброўства паміж нашымі народамі».
Сустрэча Святланы Ціханоўскай з прэм’ер-міністрам Польшчы Дональдам Тускам
Беларуская лідарка падзякавала прэм’ер-міністру за падтрымку дэмакратычнай Беларусі:
«Дзякую Польшчы за салідарнасць і пастаянную падтрымку беларускага народа ў нашым змаганні за свабоду і дэмакратыю.Читать полностью…
Вельмі важна адчуваць, што побач надзейны партнёр, які разумее нашыя выклікі і дапамагае будаваць будучыню свабоднай Беларусі».
Святлана Ціханоўская з еўрапейскімі лідарамі на Саміце Еўрапейскай палітычнай супольнасці
«Саміт — гэта важная пляцоўка, дзе краіны абмяркоўваюць бяспеку і будучыню Еўропы. Тут мы нагадваем партнёрам, што наш народ змагаецца за свабоду і заслугоўвае месца ў еўрапейскай сям’і».Читать полностью…
Святлана Ціханоўская на Саміце Еўрапейскай палітычнай супольнасці
Сёння беларуская лідарка бярэ ўдзел у Саміце Еўрапейскай палітычнай супольнасці (EPC), які адбываецца з удзелам больш чым 50 лідараў і лідарак еўрапейскіх краінаў.
Сярод удзельнікаў — прэзідэнт Францыі Эманюэль Макрон, канцлер Германіі Фрыдрых Мерц, прэзідэнт Украіны Уладзімір Зяленскі, прэзідэнт Літвы Гітанас Наўседа, прэзідэнтка Малдовы Мая Санду, прэм’ер-міністр Вялікабрытаніі Кір Стармер, прэм'ер-міністарка Італіі Джорджа Мелоні, прэм’ер-міністр Польшчы Дональд Туск, кіраўніца знешняй палітыкі ЕС Кая Калас, прэзідэнтка Еўракамісіі Урсула фон дэр Ляйен, прэзідэнтка Еўрапарламента Раберта Мецола.
Што такое Еўрапейская палітычная супольнасць? EPC — гэта пляцоўка для стратэгічнага дыялогу і супрацоўніцтва паміж дзяржавамі Еўропы. Яна аб’ядноўвае краіны Еўрасаюза і яго суседзяў, каб разам абмяркоўваць бяспеку, эканоміку, дэмакратыю і будучыню кантынента.
На парадку дня:
➖падтрымка Украіны;
➖бяспека Еўропы;
➖умацаванне еўрапейскай супольнасці ва ўмовах цяперашняй геапалітычнай рэальнасці.
Удзел Ціханоўскай стане магчымасцю данесці да міжнароднай супольнасці, што дэмакратычная Беларусь — больш надзейны партнёр для Еўропы, чым рэжым Лукашэнкі, а таксама прыцягнуць увагу да неабходнасці працягваць падтрымку палітвязняў і ўсіх, хто змагаецца за свабоду.
Святлана Ціханоўская — да Міжнароднага дня пажылых людзей
«Нас з дзяцінства вучаць паважаць старэйшых: саступаць месца ў грамадскім транспарце, пераводзіць праз дарогу, дапамагаць з цяжкімі сумкамі. Мы шануем іх жыццёвы досвед і беражліва ставімся да іх. Таму асабліва балюча бачыць, з якімі цяжкасцямі сутыкаюцца пажылыя людзі ў Беларусі.
Кожны пяты пенсіянер вымушаны працягваць працаваць — і гэтая колькасць працягвае расці. Дзяржаўных выплатаў ужо не стае нават на самае неабходнае. Сёлета ўлетку пенсіянерка з Бярозы паспрабавала сустрэцца з Лукашэнкам, каб папрасіць павялічыць пенсію, але яе затрымалі і асудзілі на дзесяць сутак. Пакуль моладзь уцякае з краіны ад ціску рэжыму, у Беларусі закрываюць дамы-інтэрнаты для пажылых — і людзям сталага ўзросту застаецца спадзявацца толькі на сябе. У гэты ж час улады кідаюць за краты сямідзесяцігадовых пенсіянераў на два гады за каментары ў інтэрнэце. Не менш за 48 палітвязняў — гэта пенсіянеры.
Але нават у такіх умовах мы не павінны заставацца абыякавымі. Пажылыя людзі — гэта нашы бацькі і дзядулі, тыя, хто ўсё жыццё працаваў, каб у нас была будучыня. Яны годныя спакою і падтрымкі. Таму наш абавязак — не толькі дапамагаць ім у штодзённых дробязях, але і разам патрабаваць годных умоваў жыцця для ўсіх старэйшых: справядлівых пенсіяў, даступнай медыцыны і сацыяльных паслугаў. Бо грамадства становіцца мацнейшым, калі ніхто не застаецца без увагі і падтрымкі».
Беларускія пляцоўкі ў Варшаве і сумесныя ініцыятывы: што Ціханоўская абмеркавала з Тшаскоўскім?
Падчас візіту ў Польшчу для ўдзелу ў Варшаўскім форуме па бяспецы Святлана Ціханоўская сустрэлася з Рафалам Тшаскоўскім, мэрам Варшавы.
На сустрэчы бакі абмеркавалі:
➖будучыню беларускіх пляцовак у польскай сталіцы;
➖магчымасці правядзення польска-беларускіх спартовых і культурніцкіх ініцыятываў;
➖ініцыятывы ў межах Пакта Свабодных гарадоў, які аб’ядноўвае Варшаву, Будапешт, Браціславу і Прагу.
Ціханоўская падзякавала мэру за падтрымку беларускіх арганізацыяў і ініцыятываў, у тым ліку за працу шэлтараў для рэпрэсаваных і былых палітвязняў. Да таго ж, беларуская лідарка адзначыла, што ў бліжэйшы час можа паўстаць неабходнасць прыняць яшчэ больш людзей, і заклікала аказаць усебаковую падтрымку.
«Мы вымушаныя працаваць у выгнанні, але большасць усё ж застаецца ў Беларусі і яны працягваюць змагацца падпольна», — Святлана Ціханоўская падчас Варшаўскага форуму па бяспецы.
Читать полностью…
Другі дзень II Кангрэса па палітзняволеных у Беларусі
28 верасня ў Познані прайшоў другі дзень II Кангрэса па палітзняволеных у Беларусі. Ён быў прысвечаны размове з палітзняволенымі і іх сем’ямі. На адной пляцоўцы сабраліся аб’яднанні палітвязняў і ініцыятывы, што дапамагаюць ім.
⭕️Якія тэмы ўздымаліся падчас другога дня Кангрэса?
⭕️Якія арганізацыі і аб’яднанні прынялі ўдзел у дыскусіях і кірмашы праектаў?
⭕️Чаму тэма палітзняволеных выходзіць за межы Беларусі?
Адказы глядзіце па спасылцы.