-
الشاعر ابو حيدر الصبيحاوي.
اليله انصاب گلبي بعسكرينه
******
اليـوم اجـروح گـلبي كلهه تدي
اومـجلس منصب سويته عدي
احاچي ادموع عيني الي تبدي
انادي بصوت وينك ياولينه
*****
تره الحسرات تچويني ابلهبهه
اوروحي اعليك ياذيهه عتبهه
الگاع اتروط من يومك گربهه
اوصفگنه الراح ياوسفه بدينه
*****
اليـوم انـهارنه شفـته ابسواده
الـوكت بلزين ياوسف ايتماده
گلبي ايلوب والحسره ابفؤاده
اويفت الصخر لو يسمع ونينه
*****
نحط نيشان دمعتنه الجريه
ونـدگ اصدورنه دگه شجيه
الــيوم الـطاح سباح الزچيه
اوعليه انوح كلنه اوحنبينه
*****
عــلى الزينين لطمتكم ثجيله
تظل حسرات واحدنه ابدليله
اولو طاح الدمع يترس شليله
واحنه اصواب بيك اتصوبينه
*****
علو اصواتكم خاف السلف نام
هاي الناس كلهه صارت ايتام
گلب مكسور چنه يشبه الجام
نون وانوح واحنه اتمرمرينه
*****
ابوحيدر
الصبيحاوي
العسكري بدمعات عيني ابچيلة
اليوم انوح اعلية وبكل ليلة
ابچي والمدمع جرة نكسر گلبي وخاطرة
اليوم نوح اعليك وبكل ليلية
********
صبت عيوني البواچي ونشفت عيني الدمع
وحسرة بلدلال ظلت تواسي گلبي المنفجع
جمرة بمصابك جوتني گمت كل لحظة انلسع
ياشمس ظلمة بدونك يل چنت النة تشع
الشيعة لجلك تنتحب تبچي والمدمع يصب
وتندب الغايب صفت تشكيلة
********
چنت مظلوم بزمانك وعشت كل يوم بظلم
وشايل الدين علة چتفك بچفك الطاهر يشم
ميزاك الباري بينة عسكري صار الاسم
چبدك من الكون اغلة شلون چبدك ينثلم
حجت الله وغايتة دوم تبقة رايتة
رغم ذاك الجرة وذيجة العيلة
**********
مبتلي بجور الاعادي وحامل هموم شكثر
والصبر مخنوك احسة تيه اوياك العذر
يل عشت ايام عمرك جنهه بجفوفك جمر
ماتبالي بل جرالك رخصت حتة العمر
العمر وسنينة گضت شمعت ايامك طفت
يل نذرت العمر كلة وحيلة
**********
بل ظلم گاظي حياتك وراضي بحكام القظة
وعل اعادي الدين وحدك يا امامي فارضة
ذلليت الجور بيدك الجور كلة رافضة
لا خذو منك نصيحة ونتة سيد الموعظة
حظرو سم الحقد حسبو حساب اوبعد
وكل موالي اليوم دمعة يسيلة
*********
ابوحيدر الصبيحاوي
سيد الناس اليله للباري رحل
سيد الناس سير اعليه الاجل
ويمه گعـدو خلته ينـعه وكتـه ودنيـته
سيد الناس سيد الناس
*****
بس علي يمه يصد وينضر بحالــه اشجره
اليله مصحفنه حزين وحيل كسرو خاطره
حيدر ابرمشت عيونه ادموعه كلهه معثره
هذه حالــه وي نبينه القاصي والداني دره
هايه لحضات الوداع تحضرت للموت گاع
بكل الاحساس الدمع لو حن وهمل
سيد الناس سيد الناس
******
يــدري لحضات المنيه گــربــت والهم كثر
ليلة اوداع اشكبرهه كل گلب حس بخطر
عايف افراگك سوالف وخله بينه اچم اثر
بغيبتك دنيانه وحشه والگلب بيك انكسر
ليل المفارگ طويل العايف احبابه عليل
بيـن الانفاس التمت اعليه العلل
سيد الناس سيد الناس
******
اليوم احــبابك يتامه تبچي ياسيد المله
ديــن بارينه ابمصابك بيك مفجوع انوله
يــل صـرت بلدنيه كلهه انـته اكبر مسئله
ناسك اتگطع گلبهه وصفت نـوح امحمله
صاحب الغيره جفه والحزن بــان اولفــه
رفعت الراس بين بجسمه نحل
سيد الناس سيد الناس
******
فاطمه اتبده صبرهه تگله بــويه امروتك
شلون بغيابك شسوي لــو احن الشبگتك
فاهيه الدنيه احسها وردت اسمع چلمتك
عايف اونين وبواچي بويه توجع فرگتك
يانبي اسنينك گضت شمعت ايامك طفت
بجنه تنقاس وانته للتايه امل
سيد الناس سيد الناس
******
اليله بغــيابــه المـدينه تون تراهه ميتمه
ناحت اعليه البراري صبت اعيون السمه
بــويـه صاحتله العزيزه اني بتك فاطمه
مدلله چنت ابوجودك وهسه نوح معلمه
يلعفت بينه الحزن خلافك انوح اونون
كل الاجناس بسمك انته تنعدل
سيد الناس سيد الناس
******
ابوحيدر
الصبيحاوي
كل الناس حزنانه للهادي تبچي اويانه
**
اليله افراگ هادينه نرفع عزه المهدينه
مصاب النبي ياذينه وبلگلب ظل نيشانه
*
علنو حداد ابموتك عايش اوياهم صوتك
بكبر الدنيه تابوتك وبـسمك يـرف الـوانه
*
طش السواد الديره والناس كلهه بحيره
مصابك صعب تفسيره وشوف اشعظم بلوانه
*
لجله الدمع بديته وبـعـيني مـا خلـيته
وكتي ابعتب حاچيته گــتله الـخـبر اذانـه
*
الله يعين الزهره بلگلب سوت گبره
ودمعه صبت حمره علرايح اوما جانه
*
كل الخلگ مجروحه والگلب زايد نوحه
سلم للباري روحه وبارد صفه شريانه
*
دنيه تون واتنادي الــيله راح الـهـادي
غرب جفانه الحادي راح اومشه وخلانه
*
ابوحيدر
الصبيحاوي
الــگال يهـجر خل يدور ساسه
ايشوف ابو امنين يسئل ناسه
گلوله يعرف روحه الماصخ يدور املوحه
ايشوف ابو امنين يسئل ناسه
****
يــم النـبي لـمن تــطب اعرف حجم مقدارك
لو ردت تحچي بحضرته احذر تبدي اسرارك
مــن تـگـرب انـتـه الــجنته بـالـك تطلع نارك
وخـفضـله صـوتك لــو عله وترك نهج كفارك
وبالك تمس الهادي يلعايش انته ابوادي
شايل بغض مليان حقد احساسه
****
لابــس شرع وجهك حقد حيرت بيك الوادم
افــكار بيــك من الجهل معروف دومك ظالم
نــاعم مــثل حيــت تـبن غايتك تصبح حاكم
بيك السقيفه اشگد حچت وشرع بيدك هادم
اثار الك بحقادك داعش هذوله احفادك
ومن العقل معروف فارغ راسه
****
كــل عــمره مــاراد الـنبي الهسه صبح خليفه
وجـهين اله كلهن غدر وطاعن الدين ابسيفه
من خوفه اسلم بلچذب صارت فتاوي بكيفه
شــرع نــهج خــرب فكر بس راد ياخذ حيفه
خلص حياته ابخوفه الگاطع نبي بسالوفه
يوصي بعلي يدريه وكض انفاسه
****
صـارت ولايـه اوهم ملك وصادرو حق الزهره
المــاعــدهم مــن الــدين ابد لا معرفه ولا ذره
الفــرق واضــح مـن بعد الهندس وبين الگمره
العاش كل عمره عطش ميفيده غيم ابصحره
اليجاسر اعله الغالي ميصير عـمره والــي
العاشو دغش معروفه هم نداسه
****
لمــن حــچه خـافـو تره گالو وصيته الحيدر
خــافـنه لــو راح الــنبي ابفــقاره نصبح اوذر
گــالو نسـكـته لــو حـچه والبـاقي الـله يستر
مــادرو حــيدر ظـل يـون علهادي ون الكوثر
عرفو منيته حانت نيـت غـدرهم بـانت
وكلمن تشاطر ويه هم وسواسه
****
ابوحيدر
الصبيحاوي
اليله اوداع عز الهاشميه
راح اومـــايــرد سـيد البريــــه
وحزنانه والزهره تون
****
تنـوح اليوم زهرتنه الحنينه
تگــول الراح ماضنن يجينه
ابــوي الحيد وصامن علينه
اون اعليه والونه خفيه
مالومه ياذيني افراگه
****
راح وخـله حسراتي يتيـمه
عشت بجفاه بلاه وهضيمه
ابوي الحيد مـتوزر ابشيمه
اصيح بصوت مايرجع عليه
وبفراگه مااريد الدنيه
****
شلي بدنياي يلرحت وعفتني
كونك من رحت بيدك خذتني
يسيد الـناس نــاسك عذبتني
اصب ادموع بنهار ومسيه
واگضيهه دمعات اعيوني
****
يمن تستاهل الدمعه اونيني
عليك اينـوح مابطل حنيني
كــون يصير ابدلنه ابسنيني
ابداله الموت واتمنه رميه
وتانيني ياملچ الموت
****
عراضه الناس طلعت بلبواچي
على سيد البشر حلو المحاچي
شطـب ريــحان والدلال زاچي
مشه ياناس وانه اصفگ بديه
وبجاله خلصت اسنيني
****
شيخلص اليوم ياثگله بغيابك
امــر عـلـدار واتلـمس ابــابــك
يــهــد الحيـل يــابويه مصابك
تعال وشوف فاطمة الزچيه
يابويه گالتهه بحسره
**
ابوحيدر
الصبيحاوي
بروحي هوه الاربعين عمري خلصته ونين
گلبي يدگ ياحسين چنــه يــوم القيـامه
*******
هاي السنه اوكل سنه
ماعوف انه ازيارتك
متاني ضعن روس الاجن
وبدمعه ارشن تربتك
غربلنه حبك واعرفت الناعم ايطيح ابساع
والماله خبره بلبحر لايجيب طاري اشراع
اوگف ابدرب اضعون وين الله ويمرون
وكل ناسي ايتانون زينب تجي ويتامه
چنــه يــوم القيـامه
*******
للشام اصد طال البعد
متاني ترد الروس
حتى الحزن شفته يون
للخلگ صار ادروس
هسه اعرفت واتاكدت بهاي السنه اشسويت
حســين فـرزن خـلـته مـو بس حچي ياريت
كون اليحب محبوب بطاريه كون ايذوب
وعلفرگه يبقه يلوب ويون مثل حمامه
چنــه يــوم القيـامه
********
يتيه الحچي ويه البچي
من انضر المشاي
كل بدمع تلطم ضلع
لحسين اجه الوفاي
بلخطوه محسوب الاجر الغايب يصد ويشوف
والـزهـره تتلـگه اليجي يم حيدر احنا اضيوف
العالم يشوف الصار ثورت مشي اواحرار
زايد عدد الانصار وللحق صفو علامه
چنــه يــوم القيـامه
********
من الزغر هاذه العمر
يرخص لبو السجاد
سنيني اله هوه وهله
والعمر صار امراد
مالك كياني والگلب ومن روحي اغله اهواي
روحي سبيل امحبته واتـمـنه اصـيـرن مــاي
بكل اربعين اوياك روحي انته ما انساك
يلعفت كل دنياك ودمك كتب سلامه
چنــه يــوم القيـامه
*******
بعين العلي بداعت علي
كل المشو غوالي
راحو تره وللصابره
كلمن دمعته اتلالي
خـفـو الـجـدم يـلمـاشـين زينب وحيده اتاني
ادور على الـحب حسـين تــگـول الهـوه رباني
نصبو المئاتم ياناس حسين جبت اوعباس
تخنگني بلعبره انفاس عمري گرب ختامه
چنــه يــوم القيـامه
*******
ابوحيدر
الصبيحاوي
زينـب متعنيه اتلگاهــه
جابتهن الروس اوياهه
****
عباس گوم الحره اجت تعبانه
تــدري المفارگ ينلچم بحزانه
اتــگول اجيــنه ويــنك اتلگانه
هــاي الـعزيزه تنعاهه
جابتهن الروس اوياهه
*****
تطوي البراري والحزن غاطيهه
جــار الـزمــان وزيـنب امئذيهه
عباس راسك من اجت حاديهه
الدموع اطيح بطرواهه
جـابتهن الروس اوياهه
*****
گـوم لختك دنيه الهه محزمه
شافت الوعات ومصاب ودمه
وجارت اعليهه اليالي الظالمه
والــوكـت للحره اذاهه
جابتهن الروس اوياهه
*****
اليله متعنيه السبوهه بلــدمع
وذابت بحسراتهه مثل الشمع
سيرت للغالي جــابتله الجمع
مهظومه ماكو الواساهه
جــابتهن الروس اوياهه
*****
اجــت والدمعات بيهه مهدله
اليلــه متعنيه وتنـوح ابكربله
سكته بس ادموع كل القافله
ادمع ايلالي اوحاچاهه
جابتهن الروس اوياهه
*****
هــاي اختك يابــو فاضل حدرت
الدنيه ضدهه واليالي اتخوصرت
چــم يتيمه وطفله عدهه تعثرت
وخلافك محــد بـاراهه
جابتهن الروس اوياهه
*****
ابوحيدر
الصبيحاوي
تـــره المسموم خـــيال الثـنيه
كريم البيت ابن حامي الحميه
**
اليله احزان عــل صار ابولينه
وچبده مـن السموم مگطعينه
عليه ياناس كـل احـنه بچينه
وليهسه السـمه لجــله نــديــه
*
انه اخته واسولف عل جراله
وحال الظيم يل مـادرو حاله
السم مــاخــله يـاوادم خياله
گوه من حچه وگـال الوصيه
*
يــون وهــروش دلالـه اتگطع
چبده من الحلگ مولاي يطلع
هــذه ابــن الزچيه بسم تلوع
وشاف اهموم واهات اواذيه
*
گظاهه بظيم ايــامه وحياته
گلـب متعوب يـاوادم صفاته
ترافه اتصير كـلها اسويلفاته
بغض ياناس عدوانه اواميه
*
علــيه حسين مـابطــل ونينه
وباد الحيل مــن غمضة عينه
يگول الــراح مــاضنن يجينه
وظلمه تصير بعيوني المسيه
*
هله ياناس بچوهه الحمامه
كــبار ازغــار بغيابــه يـتامه
صـارت مــوتته اكبر علامه
وبچو احباب گلبه والرعيه
*
ابوحيدر
الصبيحاوي
يادفان سلمنة اعلة العزاز
****
عله الراحو اگظي اليل دمعات
وحس ابصدري چن خرسه العبارات
صفت بيه السوالف جنهه اهات
وحسرة اعله المشو خلفت حسرات
اگلب اليل وانة الشوفتة اعتاز
***
زغار اعله المنيه وجاكم الموت
يدوي ومن اجه ايسكت الصوت
صفيتو ارماد بيكم قدر منحوت
يحلوين المعاني بحظن تابوت
وحسده الموت بيكم من حظه اوفاز
***
يوميه مصيبه النه ودمع سال
وشفنه اهموم مرن بينه اشكال
وصار الموت عدنة چنة شلال
الحقد شفنا اجانه يذبح اخيال
عله رگبت ولدنة بسيفة هل حاز
***
وطنة لو گبر لو صار سرداب
اخذ منه شكثر ياناس احباب
ماتو غفله لاكن ماكو اسباب
دولبنه الوكت فر بينه دولاب
مثل هز النخل بينة الوكت هاز
****
ندور بل بقايه وماكو ارواح
وتنزف بينه ظلت دمعه وجراح
شعب مايوم هود ساعه ورتاح
گظه عمره بونين اولوعه ونياح
ومشة كل الوطن بولادة جناز
*****
ابو حيدر الصبيحاوي
بسمك امامي اتسميت
بسمك امامي اتسميت
****
جعفري سويت الاسم والعمر خليته رسم
يلعالي ابعلو النجم بلا گبه انته اتعليت
****
يلكاتب اصطورك ضوه جــمار يلمابيه نــوه
يمحلي نسمات الهوه بلشرع كلشي خليت
****
كل المذاهب علمت للخدمه انته اتيقنت
مولاي تنفعهم ردت للضلمه نور اوضويت
****
جازوك بحقاد العده يلطبعك ابطبع النده
ترابات گبرك شاهده يلمنهم انته اتبريت
****
اليله اصبلك دمع الطملك ابحرگه الظلع
دلالي احسن ينفجع وبلحسره نار اتچويت
****
عادوك ياريحت نبي والوكت مومالت سبي
ابالك الطف والعبي ودموع عينك بديت
****
يبچي البقيع الحطتك اليله تنـــدب خـــلتك
صار الحداد ابشيعتك نبني ضريحك ياريت
****
للصادق ادموعي نذر بطاريه خلصت العمر
بدلالي بمصابه كسر حزنان عمري ظليت
****
ياربي اقبل هل عمل ابخالص النيه اكتمل
واجعل ثوابه للاهل مقبول انـــه اتمنيت
****
ابوحيدر
الصبيحاوي
انحلفك ابنحر الرضيع
گوم اخذ ثار البقيع
يامهدي يامهدي
****
گوم اذن بلمله وسوي گبه امعدله
جيب تربت كربله ولملم ازهار الربيع
يامهدي يامهدي
****
علي بنيان الضريح وعلنواصب حيل صيح
بعد ماگبه تطيح ولا گلب بينه فجيع
يامهدي يامهدي
****
حضره سويهه بنجم وماتجي بخاطر حلم
هندس اوسوي الرسم وانته تخطيطك بديع
يامهدي يامهدي
****
ودگ اساس ابأيدك اناس كلهه تريدك
بحرگت نبض وريدك وياك للوحه انطيع
يامهدي يامهدي
****
حط بلضريح امرايه وكتب عليهه ايه
وسوي مولانه اقرايه عل منحر الگطيع
يامهدي يامهدي
****
واكتب صور قرءانك وفتهه كل بيبانك
كلنه يغالي اعوانك وارواح ترخص ونبيع
يامهدي يامهدي
****
وارفع گباب الساده والراح عيد امجاده
كلك عزم واراده متانيك ظل التشريع
يامهدي يامهدي
****
رايه اوعلگ خليهه نمتاز كلنه بيهه
فدوه تعال ابنيهه بجاه العلي السميع
يامهدي يامهدي
****
ابوحيدر الصبيحاوي
اجانه العيد واحنا اسود هدمنه
وعلى الراحو اون صبح ومسيه
وشفنه الموت فرگ كل اهلنه
وانه الظليت اون وافرك بديه
مشو ياحيف كل اهل المحنه
وبعد ماضن عزيز يرد عليه
اتاني اچــم عـزيـز ايمر حلمنه
اوبديه اينشف اعيوني النديه
مدري شبيه شــو ظالم وكتنه
جــاب الدمعه والـــونـه سويه
گبل چانت الوادم تنطر العيد
وهسه تخـلص العيد ابمناحه
عراح اوتركنه وهــاجر ابعيد
تـــاه الـيل بيـنه وي صباحـه
تمنينه امس بينه يجي نريد
وگلبي يبطل الونه اوصياحه
نظل بهدومنه ماردنه تجديد
وخلصنه العمر ماشفنه راحه
لو ندري البچي علرايح يفيد
نسوي من الدمع تدرون واحه
****
يمـــوت اعــزاز گلبــي ماتخلهه
وگبل چم يوم روحي مـاتخلهه
خــلل بــلروح يــصبح ماتخلهه
رجيجه اوبعد ماتحمل اذية
***
ابوحيدر
الصبيحاوي
طـول ابطول بـويه اتمدد اوياك
يلمدللــني گـــلي شــلون انــساك
يهد حيلي البعد يجويني فرگاك
بچفن ياريت موتتنه سويه
****
ماچان اعله بالي اتعوفني اهناء
وانه الظنيت روحي تروح وياء
ومـــن مـرك البين اوخذك مناء
نهاري صار بعيوني مسيه
****
البت بــلا ابوهــه يروح حگهه
وفوگ الراح منهه البين طگهه
چــان الهيبه الهه وهــم علگهه
ومن جور الزمن چان التچيه
****
بويه الموت يبعد بين الاحباب
وبيك اليوم انه ابگلبي انصاب
اصد للبيت واهل البيت غياب
واعاين بيه وعيوني نديه
****
تره الميت ابوهه تموت حسره
كل دمعه التصب اتطيح جمره
تظل كـــل العمـر تخنگهه عبره
وبيهه النوح يتعده البريه
****
بويه ارحم دليلي وردلي لحظات
نشف ماي العيون وبقن حسرات
فهن بمصابك ابحلگي الحچايات
واونن والونين اشسوه بيه
****
ابوحيدر
الصبيحاوي
بويه حيدر اكسر الخاطر صرت
بويه حيدر زينب انـــه اتحيرت
بويه بويه
****
بـويـه ظلـيت ابمـتاهه وروحـي راحت ياعلي
انـه احس اهروش گــلبي بيــه تلــچــم ياهلي
علوجــه دنيـاي طاحت مــن وگــع غفله الولي
بسكتت الامـــي اصيحن سكت كلشي وننولي
اعثر ابچلمه اودمع النوح سويته طـــبع
بويه حيدر عل ونين اتعودت
بويه بويه
****
گمت اصيحن بويه انسه ومحد يردلي جواب
انتضر بعيوني دمعه وعيني ظلت صوب باب
الچان خيمتنه جفانــه وهسه يـاوسفه سراب
بويه دمعاتي تسولف مـــن كبر هول المصاب
ابابي تانيتك ترد بطيحتك طاح الورد
بويه حيدر من عفتني اتمرمرت
بويه بويه
****
يــوجــع الــيل ابغيابك الهوه بــيه يجرح تره
يلچنت لجروحي بلسم وبخت بينه اشمكبره
چنت اشوفنك تجيني وهسه حسره ابمگبره
اشمن افراشك وانوحن عمري شـلـي اباخره
كون اموت ابموتتك ابالي اسمع چلمتك
بويه حيدر شوفتك انه ردت
بويه بويه
****
گلبي مــااحـس ابمكانه سكت مــن دگاته كف
گمت اشوف الدنيه كلهه بعيني احسنهه نجف
الكون وي روحت حبيبي شفته ويـاي اختلف
الـراح اطـگه بــراح اظـلن والگلب بلــهم نزف
صحتك بطيفي تجي ضامه كومت حچي
بويه حيدر وعلي بيك اتعلعلت
بويه بويه
****
العافه ابوه يروب دمعه يبات علخد چل نده
ويشتعل نــــار ابدليله وبــعــد يــاهــو يبرده
الموت اخــذ كلشي نحــبه وگلبي بيده مرده
البين مــر بينــه ولفانه واخـذ غالينه اوحده
بويه يوجعني البعد فدوه اصيحلك درد
بويه حيدر بروحتك روحي خذت
بويه بويه
****
ابوحيدر
الصبيحاوي
ناري سريه والبيه بيه
*********
بمصاب ابوك المنتظر نعلن حزنه والكدر
بگلوبنه عليكم آثر هاي المسيه
*******
جمره المدامع بلجفن والحزن ينعاك بحزن
دلالي للغالي يون وعلن رزيه
*******
مظلوم جارت دنيته بكيد العواذل سمته
بدموع ضلت خلته تشكي النبيه
*******
عاش ابآلم ايامه اطه العمر لسلامه
رافعهه دوم الهامه يحمل وصيه
*******
مثل حسين يعرفونك بوكت الشده يهابونك
عسكري الكل يدرونك كلك حميه
*******
روحك ترخص يدروهه واقع حال يشوفوهه
شمسك فلا طفوهه تبقه ضويه
*******
تقدم للدين الغالي يدرونه حجه اوالي
عالي امامي عالي فوك الثريه
*******
خافو صلطانك خافو نظرات ترهب شافو
بعيونه همه تاهو عيونه نديه
*******
عدل الباري بيمينك مولانه ما ناسينك
وسفه طويت اسنينك طايح رميه
*******
ابو حيدر الصبيحاوي
جره دمعي عليك يبن الهادي
ياامام العسكري احنه انادي
خلصت عمرك ظلم بين عشاك الحكم
ياامام العسكري احنه انادي
**********
صحنه صوت ورددينالك صده
والك تهتف هل حناجر وافئده
الظلم بيكم سيدي طاغي وبده
والفرح شح والحزن بيكم سده
معلمين الحزن دوم تكبر وياكم هموم
ياامام العسكري احنه انادي
*******
تحزمت انصار ظلمك علظلم معتاده
مادرو للكون انتم مثبتين اوتاده
الحاربك خسران متوهم غلط بعناده
الباري ميزكم بخلقه ونخلقتو قاده
بيكم يثبت الدين. منهج الحق واليقين
ياامام العسكري احنه انادي
*******
يبو القائم بيك نرفع تعزيه
وعل يظدك الباري حظر هاويه
خل نشوف اعداك شنهو التظحيه
الشيعه بسمك دوم تبقه ناعيه
نبچي بمصابك دمه بيك روحي هايمه
ياامام العسكري احنه انادي
*******
شگال گلبه الجاب سم النايبه
شلون مارجفت اديه من جايبه
سگه دلاله بغدر سم صايبه
وصفت كل احشا ظلت ذايبه
نزف چبده مگطعه. طاح وعلن مصرعه
ياامام العسكري احنه نادي
*******
نعلن ايام الحزن نبجي الدموع
ونشعل بدمعت وفه بليل الشموع
نلطم عليك وحزن بين الظلوع
اليوم عاشگلك علن گلبه مفجوع
الدنيه ناحت والزمن بلبچي عيونه عمن
ياامام العسكري احنه انادي
*******
ابو حيدر الصبيحاوي
عــم النبي وسفه الخلگ ياذونه
شيخ السلف كل ناسه ايعرفونه
يعرفونه يعرفونه
*****
سيف اصبح ابوكت العده حدين بيه تبراله
ولــو گال كافي للحچي تسكت شكو خياله
عــم النبي اوالد علي تفوح ابمضيفه ادلاله
وبس الخوارج ما حچت وعتمو عن افعاله
ديــن الــنبي ســاكن تره بعيونه
شيخ السلف كل ناسه ايعرفونه
*******
صار ابوكت لجله درع حامي النبي وفكاره
لمن وگف هيبه وفخر وخله العده محتاره
دستور حچيه لـو حچه وبيهم يدگ انذاره
مهيوب ابوحيدر علي كض الوكت وشراره
تچايه ظـل لجل النبي ايهابونه
شيخ السلف كل ناسه ايعرفونه
*******
بزوده النبي اهل الكفر خـلاهــه كــل اتهابه
رغم الوكت بي مارحم ويفتر عكس دولابه
حامي النبي وي الشرع وتـلوذ بـي اصحابه
خله اليضده بهم يظل حامي الشرع وكتابه
سيد العرب بذاك الوكت يدعونه
شيخ السلف كل ناسه ايعرفونه
*******
تاريخ الــه يشهد تــره ابوطالب اعله اقرانه
واضح مثل عين الشمس بينه صفه عنوانه
لبنه علي حـامي الحمه عايش نحس ويانه
عنــه حـچو اهــل الحقد رادو طعن مولانه
كل ضنهم ابهذه الحچي يلومونه
شيخ السلف كــل ناسه ايعرفونه
*******
ظل عالي ابعلو السمه وعنه الحچو شماته
لان ابـنه حيدر ثـرثرو بس تاهـو ابحسباته
مــن الله تائيده اجــه وعــله ابفـخر راياته
قدس الله سره الخفي طبرت علي چلماته
ابــو الولي وعــم النبي يسمونه
شيخ السلف كل ناسه ايعرفونه
*******
ابوحيدر
الصبيحاوي
الكون محتار ابونينه يانبي الامه نبينه
يانبينه يانبينه
**********
انـتـه زحـزحـت الــظلم وافكاره
وشلت رحمه من العلي واسراره
بــيك كــل اهــل الـكـفر محتاره
ظلـمه عاشو وانته تزهي انواره
النور يصطع من جبينه يانبي الامه نبينه
يانبينه يانبينه
**********
بيـك تعـلى الـعرب وتلوح السمه
وصــار فكرك نهج بينه اواوسمه
انــته ديـن البـاري انـته اوخاتمه
ضد طغات الارض ضد اهل الدمه
وبلالم خلص سنينه يانبي الامه نبينه
يانبينه يانبينه
***********
عمرك گظيته ابونتك والونه تاذي
اعداك كلهه اتحزمت مولاي هاذي
كــلنه گمـنه انونح نهتف ياملاذي
والـدلـيل ابونته من النوح گاضي
المحب وشلهه عينه يانبي الامه نبينه
يانبينه يانبينه
***********
اليوم باري الكون مشتاگ الحبيبه
اوخــله بيـن الناس اياته العجيبه
دلــيلـي مــن مـصابه اعــلن لهيبه
عــشـت لــيلت حــزن ليـله رهيبه
احنا عشاگ اوفينه يانبي الامه نبينه
يانبينه يانبينه
**********
نواسي اليوم بيت اهل الرساله
وعــلى المــنه رحل رمز العداله
رسم شرع اوعقيده وهم حلاله
وتــمنينه يــظل لــو بس خياله
وعليه اشگد بچينه يانبي الامه نبينه
يانبينه بانبينه
***********
ابوحيدر
الصبيحاوي
كلميني لـــيش دمعاتج اشوفنهه نديه
كلميني لحضت اوداعي يبويه موبديه
كلميني كلميني
****
بويه مـــوبدي الـــوداع وفركتج نار
بويه منج بـــــاعدواني كوم الاشرار
الج وحجيلج وســـولف هاي الاعذار
هذه مــــن رب العرش يابويه اسرار
بجرحي اكابر وبقه صابر
ولااشوف ادمــوع مــــن عينج جريه
****
عيني تبقه عليج مـــــايغمض جفنهه
وروحي بلحسره تضل هـيه اوجفنهه
يزيد ظيم الكلب مــــن يسمع ابـونهه
زينب الحــــره صــفت تنطر حـزنهه
تكول اناطر يجي بــاجر
تنتظر وتكول شــــو مــــارد عــــليه
****
بويه ملك المــــوت بلغـني بحضوره
وكلي ســاعـــات الفجر حيدر ازوره
الديــن طــايـح ونهدم الاسلام سوره
دهري مغضب والزمـان ايزيد جوره
بغدر كافر كسر خاطر
وخــــله زينب تنظر الحيدر رمــــيه
****
طــبرت الــهامـــه تهون ولا دمعتج
طحت جـــابوني يبويه بعيني شفتج
بعتبت الباب نتظرتي انتي اوعبرتج
يــوم يـــومين اواودع بـــويه خلتج
بيج حاير يوم اسافر
كلبج يضـــل بحــزن والـهم سـويه
****
بويه شــدي حــــزام للهم للمصايب
وحضري دلالج عله كـــــل النوايب
بعدي بــويـه عينج تشوف العجايب
ملت اشـــرار الـفـــــو والكلب ذايب
ماكو ناصر ضل يناصر
ولارعــــو ديـــن الالــــــه او لانبيه
****
ابوحيدر الصبيحاوي
ايلومونه الضدونه كلنه مشايه
******
اليله كل ناسك تجيلك الخطوه تنعد بسنه
شگد نتاني يبـو اليمه زينـب تــرد محزنه
حتى شايبنه يجيلك يمشي بس ابرهدنه
صفنت كـل الخليقه ودنيه ظلت صافنه
يهابونه الضدونه كلنه مشايه
******
كلمن الكض بيده رايه حسين صاحت دمعته
ومر على كل المواكب عــاف يـمهـم بصمــته
دربك الجنه نحسه بيــك شفنـه امعزته
زاير اتعنه واجالك عــاف ناسه اوخلته
يعرفونه الضدونه كلنه مشايه
*******
حسين اذكر كل مسيره وجاب بيده القافله
انطه كــل نــاسه وبنينه صدور ذيچه مهدله
تلـگــه طعنـات المنيــه الموت يمه رتله
والحضه مشي اربعينك ملك دنـگ قبله
يسمونه الضدونه كلنه مشايه
*******
جينه ننطر كلنه زينب احــنه كلنـه انصاره
بينه ظـل الـدمع يهمل عــاف حتــى اثــاره
زينب اوهودج يتامه زغار كــل محتاره
مشونه نتلگه العقيله بدمع ظل يتجاره
يعادونه الضدونه كلنه مشايه
*******
ابوحيدر
الصبيحاوي
خويه جينالك حبي هودج احزان اوعبي
هودج احزان اوعبي
*****
اجينه بعين هماله مضيف وگلبو ادلاله
الوكت مايرحم اشماله يخوتي
جبنه الروس ويانه حسين اگعد تلگانه
شوف اشلون ممشانه يخوتي
جبت ليك كــل اليتامه
الدهر جار حتى بكلامه
جينه من بعد السبي هودج احزان اوعبي
******
جبت ماي اوارويكم اصيحن خويه اناديكم
اجيت اسمع محاچيكم وجيتك
گلبي بلوعته حرگه هدت حيلي الفرگه
روحي اهنانه متعلگه وجيتك
الكفل راح مـاضن يجينه
الوكت دار وغمضها عينه
بيك اشدن معصبي هودج احزان اوعبي
******
ازغار وياي محتاره وكلمن مستعر ناره
يوجع طفنه واسراره يغالي
كلمن دمعته بخده وماي اعيونهم نده
العين محيره ورمده يغالي
اجه وياي دمعي وجروحي
احس موت حاوطها روحي
اليله يبچينه النبي هودج احزان اوعبي
******
اجينه لهل المروه تعتنه ريحت الخوه
تفارگنه تره گوه واجينه
اطش الدمعه لعيونك اجو كل اليحبونك
ابدمعهم چن يحاچونك اجينه
بدمع سال ودعنه غالي
نظل دوم ابدمعه تلالي
ناح لجلك مذهبي هودج احزان اوعبي
******
ابوحيدر
الصبيحاوي
اه يلحسن واخباره عليه العين تجاره
***
مظلوم عمره بطوله ياوسفه سم اينوله
شيعه بحزن گولوله وعين اليحب مطاره
*
بگد سمك اتأذينه مابينه السكتت عينه
عل مشتبى ونينه وگلبي احترگ جماره
*
اليله ابمصابه اليله والـوكـت بـين ميـله
بايد امامي حيله وناسه عليه محتاره
*
بين رحيل الغالي فارك احبابه الوالي
خله الدمع يبرالي وظل بلگلب اثاره
*
بسمه العزاء اونوحه وبچبده زاد اجروحه
اليله تفارك روحه وتظل غميچه اسراره
*
حسين البچه عضيده ومدد امامي ايده
يگول الدليل ايريده والگلب تلهب ناره
*
وزينب تنوح اگباله وملتمه كل اعياله
ظالم وكتنه اشماله واظلم اخلافه داره
*
ابوحيدر
الصبيحاوي
ابالي ناس شگد احبهم ندفنو اوماودعتهم
سارح اوياهم خيالي ماتو اوعاشو ابالي
ندفنو اوماودعتهم
**
عدنه ناس چانو اغلة من الهوة
عدنه ناس الشوفه من عدهم دوة
عدنه ناس النظر منهم ما روة
عدنه ناس بيهم انشوف الظوة
راحو اوعافو جروح وريت وياهم اروح
غصب عني فارگتهم
****
راحو اعزاز الدمعة بس الهم تصب
راحو اعزاز والهم يحن الگلب
راحو اعزاز والبعد كلش صعب
راحو اعزاز ودعينة اچم محب
وشلت دمعي بجفاهم الموت عاشگهم خذاهم
عمت عيني ماشفتهم
***
مشو منه سكته حته بلا وداع
مشو منه البيهم تلوذ السباع
مشو منه وهسه سكنو جوه گاع
مشو منه وحنه ظلينه بظياع
نتاني طيف اومايجي بلكت يسكت البچي
ودمعتي كلشي تگلهم
**
شگد بچينه وملت العين الدمع
شگد بچينه والحزن صاير طبع
شگد بچينه الاهل راحو والربع
شگد بچينه ومحد النه يستمع
الموت حشمنا يجينة بلكت يروح علينه
والتقي بناس الاودهم
****
ويانه احسهم ذكره تصتوطن خيال
ويانه احسهم لاكن انمسهم محال
ويانه احسهم وجانو ابثگل الجبال
ويانه احسهم ظلو بحلگي مثال
واليالي اگظيهه وحدي وناگع بدمعاته خدي
والبچي ماظن يردهم
****
ابوحيدر الصبيحاوي
انته تاج المرجعيه
****
ياصدر كلك حميه
صرت للعالم قضيه
بيك تتباهه الزجيه
موحشه هاي المسيه
عيون انصارك نديه
ناحت اعليك البريه
وسفه يلطايح رميه
چانت ايامك زهيه
انته نبراس اوهويه
اليله تلطملك اديـــه
مصيبت افراگك بليه
صرت ونتنه الشجيه
ناحت انصارك سويه
كل حروفك جوهريه
****
ابوحيدر
الصبيحاوي
عزائي للقائم عزائي ولائي للصادق ولائي
يظل دوم ابدليلي عليه يادمعه سيلي
ولائي للصادق ولائي
**
تضل دمعت عيوني اعليه تنادي
سكن روحي اوسكن مهجت فؤادي
احسه اوياي عايش وي ودادي
وعليه اعلن انه اوروحي حدادي
بظلم خلص حياته سكن روعة مماته
وصبح نوحي اوبلائي
***
اسولف حاله من حالت صموده
عليه هاذه الظلم حشد جنوده
وحط بيده الصبر رايه بزنوده
بحر من العلم طافح ابزوده
رايه الكل موالي غالي ويبقه غالي
يظل يجري ابدمائي
****
اليوم الشيعه الك تندب حزنهه
والك تجري الدمع ويزيد ونهه
اعله ذكرك شيعتك ناگع جفنهه
شسولفلك بعد شحچي انه عنهه
الحزن خيم علينه دمع نجري الولينه
الك هاذه وفائي
***
يبو الكاظم الك حسره بگلبنه
والك بيرغ حزن احنا نصبنه
على امصابك ننوح اشگد لطمنه
يمن تسوه الحيات اوكلشي عدنه
صبح اسمك هويتي رمز كل جعفريتي
ترف تبقه بسمائي
****
حرت يادمعه اصب يادمعه اخلي
واگل العيني عيني اشبيچ هلي
يواسيني عله حزني وحده ظلي
يروحي من الحزن بالچ تملي
نهج صرت ابحياتي رمز تبقه الصفاتي
تظل هيبت بهائي
***
ابوحيدر الصبيحاوي
يابو صالح احضر بهاي المسية
بابو صالح اليلة دمعتنة جرية
يابو صالح والبقيع اشسوه بية
يابو صالح الحسن بحضان المنية
يابو صالح بچت عين الجعفرية
يابو صالح ناحت اعليه البرية
يا امامي الك ثوبنه دمعنة
يا امامي اليله بمصابك جمعنة
يا امامي العالم ابأسره سمعنة
يا امامي بلحزن صاير وضعنة
يا امامي النوح سوينة طبعنة
يا امامي بمجلسك احنه اوربعنة
كلمن ساعتة تحظرة ويومة
وعلية الموت متوجه ويومة
شماطال العمر يخلص ويومة
تعيش سنين تاليهه المنية
دليلي النوح ماهده ظلامه
وعلى الصادق بچه كثرو ظلامه
بعزاء الكون ظل لابس ظلامه
وجرت دمعات من عينه جريه
اسولف اسمع العدي ولاتي
ال البيت وي روحي ولاتي
بحبهم باقي متمسك ولاتي
وفوز بجنت الباري الزهية
***
ابو حيدر الصبيحاوي
سكته صارت مــن مشه خير العمل
سكته صارت الكون بيه صاير خلل
والله حيره والله حيره
*
يوجع اصوابك امامي چنهه مفطوره السمه
شفــنه كابــوس اولفانه مــن نصـد كـله دمه
اليـــوم بلمحراب طــايــح علي حماي الحمه
القــلع خيبر مـــن اساسه الهـوه هسه يلچمه
ركن دين الله هوه طاح وي حيدر سوه
سكته صارت وگمـر بــارينه افــل
والله حيره والله حيره
**
طاحت انجوم ابمصابك الشمس مارجعت بعد
چنت بــس انتــه تـردهه وهسه وافاك الوعد
بـــردت الـــنار ابغيابـك الجـمر حسيته جـمد
المات بيــه ثگــل المجره الله بيـه شگد حمد
جبل حيدر من ركع طاح كلشي من وگع
سكته صارت ونگطع حبل الامل
والله حيره والله حيره
**
وگــــع حــلال المشاكل وجـره دم من هامه
مـــن وگـــع حيـدر علينه وگـــع كل اسلامه
فدوه الـــه دنيـاي كلـهه تروح بــس لابهامه
السمه كلهه تنوح لجـله وكلشي حس بالامه
نفطر چن هام البدر وخلص اسنين العمر
سكته صارت والحزن توه اكتمل
والله حيره والله حيره
**
نــزلــت امـلاك السـمه تبچي حيدر والجره
وصبــت اعــيون اليتامه اليله كلهه محيره
بيــنه لحظاتك رهيبه يــــل چنت للكل ذره
تلهب اگلوب الـتودك وهســه نـــار امجمره
اليله شد ضعن الولي كلهه صاحت ياعلي
سكته صارت والدمع عنك سئل
والله حيره والله حيره
**
شـــد رحالـه للسفر وصــارت السـفره وكت
طيحته مولانه صعبه وگــال بلطيحه فزت
الطبره والالام فدوه يگول كلشي اتصورت
اليله اخر ليله عدكم وانـــه الهــه اتحضرت
طفه النور اوياه طفه سلهم اعيونه اوغفه
سكته صارت غمض اعيونه الفحل
والله حيره والله حيره
***
ابوحيدر
الصبيحاوي
يـــاعلي بلياك مـايسوه العمر
ريت راسي گبل راسك ينطبر
ياعلي ياعلي
*
فدوه هامي الهامتك يابو الحمه
كون وجهي يغرگ ابفيض الدمه
وريت بيــه الموت روحك سالمه
ومـــن اموت الگاك تحضر بلگبر
ياعلي ياعلي
*
تمـــر عليه ايــام جرحك وانلچم
وچــن دليلي منــي احسن ينثلم
مصابه يوجع گلبي حتى لو حلم
وطشر ابجيته تــره حتى الصبر
ياعلي ياعلي
*
كــل سنـه يــمر ذكــرك اوياذينه
وكـل موالي تصب دمعهه عيـنه
الدين بيــك انته صفه ميتمـينه
وگلب كل الناس بمصابك جمر
ياعلي ياعلي
*
اليله بسمك كـل مجالسنه تصير
وتهتف الناس بحزن لجل الامير
لبـس اسـود كــون بارينه الچبير
والسمه دمعات ظلـت هـــم تدر
ياعلي ياعلي
*
فطرت الناس ابمصابك بس دمع
لطمت ابحرگه على الغالي الظلع
الدين حسيته بعلي ظـل منفجع
وشاف شماته صفو اهـــل الكفر
ياعلي ياعلي
*
ليلت القـدري يتيمـه ابــلا علي
كـــل دقيقه بيـهه حسره تنملي
نــوحــو اعـله الصار ونو ياهلي
للبچي والنوح مــاظل كل عذر
ياعلي ياعلي
*
ابوحيدر
الصبيحاوي
الحزن بسكوت من جانه فطرنه
الطر راسك يحيدرنه فطرنه
شهر رمضان بمصابك فطرنه
لان شفنه الشرع طايح رميه
*
صفگت الراح بغيابك على راح
وزادت بلگلب بويه على راح
سمعت الناس من صاحت علي راح
گمت اوگف وطيح بلا وعيه
*
الحزن كل يوم دك بابي ولامال
وخذ مني العمر كله ولا مال
القدر من جاك يا حيدر ولامال
اجاك وجاب ويا المنيه
*
يدنيه الگلب بس بلهم ونسبي
على الراح واحس گربه ونسبي
بت حيدر اصل انه ونسبي
من ال النبي سيد البريه
*
جرينه دموع للغالي بدينه
حزنه ونوحنه لجله بدينه
صفكنه بغيبتك حيدر بدينه
ويندب كونه طايح واليه
*
الك الحساس بينه وده عتنه
وزينب بويه صاحت وده عتنه
عدمن من عفتنه وده عتنه
ظلينه بحزن صبح اومسيه
*
نعه ناعي الخبر والگلب وجا
يگول الموت يمه ينوح وجا
علي شايل موده وطيب وجا
وهيبه عله البشر حامي الحميه
*
المصايب صارت الزينب وبيهه
يوم الطاح حاميهه وبيهه
تگول الشوفتك بويه وبيهه
ودمعتي تسيل يل رحت من اديه
*
الزمن افراح ماخله وكتله
وفجعني بطبرت الهامه وكتله
عيوني راح اصب فدوه وكتله
عله الراح او بعد مارد الية
*****
اصيحن بويه ياحيدر وصحتاه
شفته تردت احوالة وصحتاه
بگلبي الونة توجعني وصحتاه
وهيس الموت وي كل اه بية
*
صفگت الراح بغيابك علي راح
وكثرت بلگلب لجلك علي راح
صرخ جبريل هليلة علي راح
وطاح الركن بلمسجد رمية
*
ابو حيدر الصبيحاوي