-
الشاعر ابو حيدر الصبيحاوي.
على ام عباس ونـتنه شجيه
تــهد الحيل يــا هــاي الرزيه
*
هــاي ام الگــمر تـاذيهه ذكره
هاي المانست لحسين عشره
بگلبهه ياخلگ متوگده جمره
وتصب ادموعها نهار ومسيه
*
اليله اعليهه ونــتنه وبچـينه
هـيه الــربت ابطـال الـولـينه
هــاي ام البنين اشگد حنينه
صارت بــاب بــاريـنه الوفيه
*
عليهه العين مـابسـت دمعهه
ونين البيهه كل واحد سمعهه
اليله البين مـر بيهه وفجعهه
وخله تنوح كـل اهل الحميه
*
عليچ الناس مـابطل بچاهه
دنيه اخلافهه اسود ضواهه
وعــافت دارهه ينعه وراهه
الگظت ايامهه افراگ واذيه
*
وحيده اجنازتـچ يلهيبه تالي
عليچ ادموع كل ناسچ تلالي
يل مبچيه الصبر ويــه اليالي
مخليه اعيونــه كــلهه نـديه
*
يباب الباري والحاجات كلهه
كرامه مـن العلي الهه شملهه
بسمهه الناس تشافــه عللهه
لان وفــايــه لــولاد الزچيه
*
ابوحيدر
الصبيحاوي
اسمچ ويه الفاتحه صارن سوه
وبالمعزه صرتي اغله امن الهوه
****
اليوم لجلچ دمعتي تعزي العيون
وفاضت عيوني بدمع غطه الجفون
الدنيه سوده اصبحت ومغيره الون
مغنتب عليهه وحزن حته الضوه
****
شرد اگولن والگلب شايل حزن
تعلم عله النوح والهم ظل يون
من يمر طاريهه دلالي يحن
وصارت عله اشفافنه مثل الدوه
****
نعزي بيهه ارواحنه ونجري الدمع
ونون والون بينه يدوي وينسمع
اليوم كل الشيعه لجلج تنجمع
والگمر ويانه حاضر والوه
****
نلطم اليله ابحزن ننعه الوفه
وهايه بينه اگلوب تنزف عاطفه
الما عرفهه احنه بيهه انعرفه
هيه لب اوابد مابيهه نوه
****
بيهه تسهيل الامر بيهه الدعه
والگلب الهه يحن ساعه ونعه
گظت كل العمر هيه اموجعه
وظل گلبهه اباه واحزان الحوه
****
هايه ام اليث سبع الگنطره
جيش هيه تعادل وهيه مره
وگضت كل العمر بلهم صابره
من حسرته گلب مولاتي انچوه
**
ابو حيدر الصبيحاوي
السلامُ على ام البنين
*****
السلامُ على ام عباس شيال الوه
السلامُ عليهه بعــدد ذرات الهوه
السلامُ على ام الگمر وام الضوه
السلامُ على الصبت دمعهه للحسين
*****
السلامُ على الكضت عــمرهــه بلدمع
السلامُ على الذابت مثل ذوب الشمع
السلامُ علــى الــدلال ذاكــه المنفجع
السلامُ عليهه شــماتضل تبجي العين
*****
السلامُ عـلى الــربــت الغيرة بلمهد
السلامُ على الــمابخلت وخلت ولد
السلامُ على الصارت الحيدرنه سند
السلامُ عليهه بعـدد دورات السنين
*****
السلامُ علــى ام البنيــن الصــابــره
السلامُ على دمعتهه ذيجه الطاهره
السلامُ على الضلت لامــامي ناطره
السلامُ على الكضت عمرهه بلونين
*****
السلامُ على الضلت حــزينــه ملوعه
السلامُ على المانشف خدهه بمدمعه
السلامُ على الگــضت حيات موجعه
السلامُ عليهه الناصرت مولاتي دين
*****
السلامُ على الوي زينب تحن اوتون
السلامُ على الگضت عمرهه بلحزن
السلامُ على الطاريهه ايغرك الجفن
السلامُ على الضحت بعباس اوأدين
*******
ابو حيدر الصبيحاوي
المــاتت امــه بدمعته اصياح
يگضي العمر راح اليطگ راح
ساعاته كلهن صارن اغروب
مثل اليتيم ودمــع مطلوب
الماتت امه الماتت امه
*
شــالــت عــزيــزت گلـبي لبعيد
شــالــت التسوه شــگد اجاويد
گمت انــه احس دمعي هواديد
وروحي اعله امي تومي وتريد
ظــلمه صفت دنيانــه كلهه
وروحي غريبه ادور اهلهه
سنين البقــن گاضـيهه بنـياح
الماتت امه الماتت امه
*
وحـشه اليــالي تگضي حسرات
كـل حسبه تــنعد بـيهه حسبات
والماتت امــه كلشي بــي مـات
حتى الحچي البي صار دمعات
اينوح ليله الماهده ونام
بدلاله اهات وحزن ظام
والفرگه بــي امخزنــه اجراح
الماتت امه الماتت امه
*
ملــچوم عــمره وباقي السنين
الــماخــذ عزيزه بسكتته البين
تمطر دمعهه اعله المشه العين
وتظل سلوته بـس تــره اونين
مـايرد تالي الموته وازاه
لاهوه يقبل نمشي وياه
الموت الـه چن خافض اجناح
الماتت امه الماتت امه
*
يتمـنه گبـرچ كــون الــه بــاب
يــمه يصــيح وچلمته اعـتاب
بلــكت يحــرك رمشـچ الـهاب
ردي تــره مــانحــمل امـصاب
ينوح بيتي وكــل معانيه
الفاگد عزيز ايهزه طاريه
الشايــل همومه اشلون يرتاح
الماتت امه الماتت امه
*
الــماتت امـه بحـرگته يصيح
شما كبر عمره دمـعته اتطيح
ايميل كــل مــا هــبت الريـح
وشايل حــزن حـزن الفلاليح
اليمه عنده بدنيه تنقاس
ايظل اثرها بلهفه ينباس
الــچان بــدمعهه يــروه قداح
الماتت امه الماتت امه
*
ابوحيدر
الصبيحاوي
يمه عفتيني بدمعتي ليلي يغفـه وتبـقه عيني
يمه مدري شبيهه روحي زايده اهاتي اونيني
من مشيتي الون كثر غيبتچ كسرت ضهر
يمه يمه يمه يمه
*****
عايشه وميته احسن روحـي بس النفس بيهه
چنت استرطب سوالف ترفه احسنهه حچيهه
بخــت متــوزر محنه هـايه امـي الحچي ليهه
تبچـي كــل دنيانــه ادري امي لـو تبدي نعيهه
امي جنتنه الچبــيره وامــي كــل معـنى الوفه
امي مــن الله خلقهه طــينه مــن حــب اودفه
يازلال اومي نهر غيبتچ كسرت ضهر
يمه يمه يمه يمه
*****
بغمضت اعيونچ بچينه وروحي بيچ محيره
الشالــو اعزازه يتاني وعينه دوم امنــاطــره
هسه مشراگه وكتنه وبعــد مــاظل بــي ذره
يمــه محتـاجه الحـنانچ گلبي كسرو خاطره
دمعه بعـيوني رهيـنه تچوي احس لمن تصب
دمعه صبت بــاثــر دمعه وليل المفارگ صعب
وعيني ظلت للسهر غيبتچ كسرت ضهر
يمه يمه يمه يمه
*****
فاهيه الدنيه ابرحيلچ طعم ماظل بيهه دوم
ريتهه تــردلي وتجيني حتى لــو ياناس يوم
بگلبي حسبات وسوالف ودمع ماخلالي نوم
ظاگت ابعيني الوسيعه والحزن ويــاي گوم
بعيني دمعات وخيالچ وصورتچ بجمل رسم
بعيني يتراوالي اسمچ فــدوه اروحن للاسم
فــراگچ مخلي اثر غيبتچ كسرت ضهر
يمه يمه يمه يمه
*****
يمه من اسمعهه انصگ يوگف اشماله الدمه
نبضي ايموت ابثواني وتظلم ابعيني السمه
وچني بــل دنيه وحيده وعلى النوح معلمه
البيت كلـه يصيح يمــه الــچ حسينه ابظمه
بعازتچ يــابــعد بيــتي البيـت كــله يحن الچ
بعازتچ بــس ردي سـاعــه بــعد ماتصبر هلچ
بچت اهاتي الحجر غيبتچ كسرت ضهر
يمه يمه يمه يمه
*****
يمــه ادور البيت كــله واشـم بـدروبچ عطر
اصفن الايامي ذيچه بصـفنتي يگضي العمر
منين اجيب امي الحنينه واني ماظلي صبر
ومــن اگولــن يمه احسن موگد ابگلبي جمر
يمه مشتاگه واريدچ وعيني عميه من البچي
يمه ياسلوت اسنيني مشتاگه اسمعلچ حچي
خلصت ايامي قهر غيبتچ كسرت ضهر
يمه يمه يمه يمه
*****
ابوحيدر
الصبيحاوي
هاي الزچيه مــحد رحمــهه يــاخــلگ
هاي الزچيه طاحت مثل طيح الورگ
ورده اصبحت مگطوعه منهم صفت مفجوعه
هاي الزچيه هاي الزچيه
*****
مثــل النــده كلش ترف طايح دمعهه بخدهه
وچــان الــدفع بــابچ تره گلوب شكثر مردهه
وي عصرت الباب انحنت تمنت يجي وعدهه
كــل جيــل يلعنهم صفــه الظلمو تــره بختهه
وادم رديه اتحزمو جابو حطب
وادم رديه بلثار واحدنه انطلب
عليهه العده مجموعه منهم صفت مفجوعه
هاي الزچيه هاي الزچيه
*****
زينب تصـد لمـهه وبچت شافت اثر للصطره
بلخد علامه هم صفت وجنتها صارت حمره
باب احترگ ظلع انهشم والگلب يسعر جمره
چن كربله الدار انولت كل هدت اعله الزهره
مو خارجيه هايه العزيزه فاطمه
مو خارجيه وادم لفتــهه ظـالمه
شافت مـرار اولوعه منهم صفت مفجوعه
هاي الزچيه هاي الزچيه
*****
شحال التطيح امه ويصد ويصير كلشي اگباله
يتــمنه طــاري الموت الــه لان ينخمش دلاله
بس الله بي يدري تره وبس هوه يعرف حاله
بعيونــه چــن يطفه الضوه وتموت كـل اماله
ويظل خطيه طــول العمر ويامه
ويظل خطيه واعليه تزيد اللامه
ورده اصبحت مگطوعه منهم صفت مفجوعه
هاي الزچيه هاي الزچيه
*****
خــير النســه تبچي بهظم ملچوم خاطر بيهه
مــن تحچي ايطيح الدمـع شاهد يظل باريهه
مكسوره خاطر من تون فيض الدمه محنيهه
نــاس الاجتها بــلا رحــم غايتهه بس تاذيهه
شافت اذيه متحزم اعليهه الهظم
شافت اذيه الظلع لــوخدهه تظم
والوجه ذابــل نوعه منهم صفت مفجوعه
هاي الزچيه هاي الزچيه
*****
چــم حسره بيهه محيره ظالمهه حيل اتماده
عذروني لوهم سولفت عذروني فدوه الساده
كــل شامت ومبغض اجــه وبين عليه اعناده
طاحت مـثل لمت خرز اطشرت چنهه اگلاده
بهاي الرزيه فجعت گـلب جماره
بهاي الرزيه المخفي بان اسراره
وبان الظلم مشروعه منهم صفت مفجوعه
هاي الزچيه هاي الزچيه
*****
ابوحيدر
الصبيحاوي
رباطات للزهراء ع
***********
يوجع اظلوعي يوجع اظلوعي
ياظلع العزيزه يوجع اظلوعي
بمجلس اليله بمجلس اليله
نون للزهره كلنه بمجلس اليله
فدوه تانيني فدوه تانيني
زينب يمه صاحت فدوه تانيني
هندس اعلينه هندس اعلينه
اخلافچ بيتي يمه هندس اعلينه
بنار حرگوهه بــنار حرگوهه
تره باب الزچيه بــنار حرگوهه
حيل عصروهه حيل عصروهه
اجو اهل الظلاله حيل عصروهه
وين واليهه ويــن واليهه
عليهه الهم تلملم ويــن واليهه
الدار حزنانه الدار حزنانه
بچت وتريد اهلهه الدار حزنانه
النوح ويانه النوح ويانه
شد احزامه النه النوح ويانه
صبت اعيوني صبت اعيوني
اليله انظل يتامه صبت اعيوني
يهلي عينوني يهلي عينوني
وحيده اخلاف امنه يهلي عينوني
عليهه ينشدني عليهه ينشدني
البيت وكل غراضه عليهه ينشدني
يمه لوصيحن يمه لوصيحن
اوشل دمـع عيني يمه لوصيحن
******
ابوحيدر
الصبيحاوي
نعي / للزهراء ع
*****
المجرد
*
الحنينه اجـت ظلام للحره الحنينه
ونينه ابگلبهه صوت اسمعنه ونينه
حزينه صفت كل العمر هيه حزينه
ظلعهه كسرو بلحــقد همــه ظلعهه
فجعهه بين الباب والحايط فجعهه
دمعهه يتيمه وسال ياوادم دمعهه
ولوهه هاي البظعه مـظلومه ولوهه
حنوهه كسر الظلع يـاذيــهه حنوهه
هجوهه سباح النبي الهادي هجوهه
عاشوري
**
چنـهم ثــار طلـبوهــه اليتيمه
تــون امحيره وســفه هظيمه
عليــهه الاجــت ياوادم لئيمه
تون اوطاح محسنهه الزجيه
تعــاتبمن بعــد والــهم لفاهه
وهذه البين هل يفتر وراهه
المــوت ادنـــه للحره نعاهه
وصفت علگاع مولاتي رميه
****
ابوحيدر
الصبيحاوي
مات املنة ومات كلشي بي ضوه
مات املنة ومات احس حته الهوه
مات املنة وبعد ما نلتم سوه
*
ماتت امنة والظوه اتحول ظلام
ماتت امنة وختنك بينة الكلام
ماتت امنة بلا وداع اولا سلام
*
كلشي مات بساعت الغمض جفنهه
كلشي مات وغيمت دنية ابحزنهه
كلشي مات وروحي مابطلت ونهه
*
يمة اصيحن ودمعتي شبيهه تهل
يمة اصيحن الحزن كاتلني كتل
يمة اصيحن ومن اصيحن ماامل
*
يمة وينچ راح ادورچ بلحلم
يمة وينچ اشتاك واشتم بلهدم
يمة وينچ اليل بفراگچ اهم
*
يمة يمة كلمة متروسة ونين
يمة يمة يمة ياشوغت سنين
يمة يمة رحتي وادري ماتجين
*
ابوحيدر الصبيحاوي
گضــت عمـرهــه يــاخلگ مهظومه
ابصوت صحنه ام الحسن مظلومه
چادر نصبنالچ حزن واحدنه مفجوع ويون
ابصوت صحنه ام الحسن مظلومه
******
دورت سنه لم الحسن تدري الخلگ سوينه
مــن نوحنه حتى الوكت ظل حاير ابچينه
ندري الصبر ناح ويون والصبر صبت عينه
نصبنه العزه سال الدمع واعله الظلع ونينه
ماننسه بسمار الظلع ولا محسن الظل منفجع
العاصرهه كونه ينحرگ مهجومه
*****
قصه احس بيها صفت يرددها جيل الجيله
هايه روايه مــن گبل بــيها الكفر شـد حيله
التــمو على بــت النبي ودم العزيزه اتسيله
موصي تره بيها ورحل يعرف احداث اليله
رد الجهل والمعصيه بانت اوجوه الخاويه
واهــل الحقد يــاوادم الملمومه
*****
مجلس عزانه بس دمع نذكر الصاير بـيهه
اعرفنه كل واحد طغه وكلمن تره مـاذيهه
اسود وجه هاي العده سالوفه هـم نحيهه
انظل على طول الدهر بينه يظل طاريهه
ماتت يوسفه امرمره مكسوره ظلع وصابره
والحرگ بابچ كــل درت بعلومه
*****
جابــو حطبهم من اجو رسمو الطف ابابچ
حلفو على ذاك الوكت يذبحون كل احبابچ
تمنيت طــه لو يصد ويشوف دم اخضابچ
جرحچ مثل طــر بجبل لاكنه بـان اصوابچ
تچايه صارت للكسر يتــبده وتلــمه الــصبر
كل هذه والحره صفت مالومه
*****
اتماده كلشي ياخلگ حايط وبسمار وباب
وتمادو الچانــو وكت للنبي گالـو اصحاب
الصاحب الكله وفه اليسوه ياناس اعتاب
مله نكشف بيها الوكت اندار بينه الدولاب
والذمم كلهه تكشفت وعليهه عدوان الفت
وظلت عزيزت طه هم مهمومه
*****
ابوحيدر
الصبيحاوي
البابچ اجو مـــن وجــجو
دفعو بـاب الزهره وحچو
سر الله هاي الزهراء تالي اصبحت مظلومه
*****
ابــاب الزچيه رحمه مـن بارينه
وشايل اثــر مــن النبي اوالينه
مويحترگ كون ابوفه محنينه
ريحت نبي بـي اوعـلي
شايل صفه بخت الولي
حضره ويصير وينزار وللاسف صايـر حومه
*****
جابو حطب والدارچ يحرگونه
كلـمن يضدچ شـاهدات اعيونه
ظلعچ اجو يـافاطمه يكسرونه
شرهم لـفه الكل تعرفه
ندري الغدر بـيهم صفه
التمو عليهه الاشرار ومنهم صفت مهظومه
*****
التمو عليهه الدوني والمادونه
كلمن حقد امشكبنات اضنونه
واحدهــم امتاز ابكفر تدرونه
كلهم عــده اهــل الـرده
هسه الظلم حــان اوبده
اهل السقيفه الكفار عل زهره هــل ملمومه
*****
بحايط اوباب اتهيئت جـريمه
كسرو ظلعهه فاطمه العضيمه
ليلتهه صــارت يــاخلـگ اليمه
تنزف صفت شمعه وطفت
جـار الوكت عداها اشتفت
متحزمه ليهه الظلام والوكت جـاب اهمومه
*****
محمل عليهه اليدفع بكل قوته
يدريهه بلباب احـتمت مبخوته
كل مادفعها الظلع يسمع صوته
صوت الضلع ظل ينسمع
كسره يــزيد بيه تنفجع
يوجع يخلگ الله الصار ضلع ويصب ادمومه
*****
محسنها طايح والدمه يتجاره
والوكت بين للمصيبه اشراره
وگلب الزچيه مــاتهــود نـاره
شافت بــله مــن المــله
والشر اجه الحق انوله
وحايطهه والباب ونار والحرگ كلــنه انـلومه
*****
يزعل بعضهم من اسم عصابه
وهمه عمرهم مـاصفو صحابه
الصاحب غيور وما يكض عطابه
الصاحب يظل شعله وامل
بوكت الضيچ يصبح جبل
اليغدر صفه من العدوان طينته شگد مذمومه
*****
ابوحيدر
الصبيحاوي
نعي للصحابي / سعيد ابن جبير
********
ياسعيد اعليك دمعي ظل يصب
وگمت احس وناتي تچوي بلگلب
يــل چنـت تـچايــه للحق وعذب
اواگف ابوجه الظلم سلايه
*****
يل حچيت ابوجه ظلام الوكت
وجور مـن عدهم يغالينه شفت
تهمتك شيعي وضميرك ما بعت
يــاجبل ونــريد كلنه افيايه
*****
صرت شعلت نـور بوجوه الائام
وشمس للواعين بدروب الظلام
الباگ دين المصطفى گتله حرام
وبقن چلماتك يــدگـن ثايه
*****
كـل كلام الله حفضته بخاطرك
وچــان ظــالمهم امــام اتصورك
السعه بكــتلك بلــربــوبيـه شرك
يدري للحق انته صاير رايه
*****
حــزو النــحر الشريف وظـل تره
وراسه بـلايــات جــود هــم قـره
اعداه بــي اتلوم كلـهه مخوصره
وصار من الباري اعظم ايه
*****
لعنت الله اعــله الولات الظالمه
زمره هايه وعلخلگ هم حاكمه
تــرســو الگــاع ابموالين اودمه
چم سعيد المات كل وفايه
*****
ابوحيدر
الصبيحاوي
نعي / للعسكري ع
******
مجرد
*****
بچينه عليك انــزيــد يلــغالي بچينه
اجينه نــون ابحسره وبلــوعه اجينه
ونينه گلبنه يــون على الـغالي ونينه
حچينه يظل يخنگنه بلعبره حچينه
دمــعنه نصبنالك عزيــه بــكل دمــعنه
فجعنه الزمان ابطيحتك ظالم فجعنه
وجعنه مـصابك حــيل تدرينه وجعنه
طبعــنه صــار الحزن سلوتنه طبعــنه
اليالي علــيك اليــله حــزنــانــه اليالي
يوالي يتامه النــاس مــن بعدك يوالي
يغــالــي عفت بينه جـرح ينزف يغالي
يــلالــي الدمع بعيـون ديرتنه يــلالــي
عاشوري
*******
بچينه ادموعنه وصبت عمرنه
وعــليك ايــنوح يلـغالي گلبنه
يــومــك نــار ونــحسه جمرنه
وتون اعليك مفجوعه البريه
البــريــه اعليك مـابطل حزنهه
ونديه اعيونهه وطافح جفنهه
تعــال اوســمع الــوادم اونـهه
على المسموم ونتهه شجيه
*******
ابوحيدر
الصبيحاوي
رباطات للعسكري ع
****
من تشيعونه من تشيعونه
صيحو مات حسره من تشيعونه
وينعه واحدنه وينعه واحدنه
على گبرك بچينه وينعه واحدنه
ياضوه وهيبه ياضوه وهيبه
ظلمه الديره صارت ياضوه وهيبه
وحاضر اويانه وحاضر اويانه
المهدي اليله يبچي وحاضر اويانه
وكل اهاليهه وكل اهاليهه
بچت سامره كلهه وكل اهاليهه
تعزي مولانه تعزي مولانه
اجت ناسك حزينه تعزي مولانه
واعمي اعيوني واعمي اعيوني
بعد ماتبقه دمعه واعمي اعيوني
ياضوه اسنيني ياضوه اسنيني
بگلبي اعليك لچمه ياضوه اسنيني
دمعــت عيـةنه دمعت عينه
المهدي ويانه حاضر دمعت عينه
ونگسم الونه ونگسم الونه
كــون البيــك بيــنه ونگسم الونه
ورفت الرايه ورفت الرايه
على بــابــك بچنه ورفت الرايه
مثل غايبنه مثل غايبنه
يتامه احنه صفينه مثل غايبنه
**
ابوحيدر
الصبيحاوي
نعي للامام الحسن ع
****
ضلمه ابيوتنه واليل چنه انهار
وبــديــنه الــدمــع للــغالي كله
اليله العسكري ويــانــه خـطار
ودمــع العيــن صاير النه كحله
بسامــره الــونـين ايگعد الجار
مصيبتنه چبيره وموش سهله
على المظلوم نبچي نلطم الصار
وقــائمــنه ينــوح بـصوت خله
ديــن الله يــون اعلــيه محتار
وسوت فرگته بكل نـاســه عله
بويه يصيح مهدينه الوكت جار
يصافي الماي هسه الماي دهله
طــاح اليله خــازن دين وسرار
ومفجوعه الخلگ ياناس وهله
*****
ارحلت مني بسواد اليل ياليت
وزمــاني شبيك بلدلال ياليت
اگولن كون بلكي يعود ياليت
واسولفله الزمان اشسوة بية
******
ابوحيدر
الصبيحاوي
رباطات / الى ام البنين
******
اليله نوفيلچ اليله نوفيلچ
ها يم البنين اليله نوفيلچ
كلنه ننعيلچ كلنه ننعيلچ
بچينه وي اهلنه كلنه ننعيلچ
گمطت غيره گمطت غيره
هايه الحره هايه گمطت غيره
تنحب الديره تنحب الديره
اليله اعليها ونت تنحب الديره
ربي سواهه ربي سواهه
باب الحاجه صارت ربي سواهه
بيده اطاهه بيده اطاهه
الباري من تنشده بيده اطاهه
هيبتچ هيبه هيبتچ هيبه
ام عباس ندري هيبتچ هيبه
ياهي اتجيبه ياهي اتجيبه
مثل عباس عدچ ياهي اتجيبه
يكسر الخاطر يكسر الخاطر
اليله الگمر يمهه يكسر الخاطر
ولا تلومونه لا تلومونه
اليون العــمر لـمه لا تلومونه
يعمن اعيونه يعمن اعيونه
كون من البواچي يعمن اعيونه
كونه جنازي كونه جنازي
وليدي يشيل نعشي كونه جنازي
***
ابوحيدر
الصبيحاوي
عندما اراد الرحيل قمر العشيره مع الامام
الحسين ع الئ كربلاء هناء ام البنين اوصت
ابا الفضل العباس ع على بذل الروح مع
اخوته دون الحسين وذريت الزهراء ع وان
يكون عنوان الوفاء والتجلي
القريض
***
يــاحــامـلً بين الاكفِ رايتاً
انت الوفاء والوفاء بك أيتاً
كن صاحب الجودِ في الحماء
وكن باذل النفس لولد فاطماء
اوصيك في الحسين ومن مع
ان الحسين للحــق غــايــتاً
گرناوي
**
لاتعوف ابن الزچيه بنص عده
يمــه اوصيك واعرفك غيره
من تصير اسهامهم مثـل النده
بالك ايجرحــون منهم طيره
الموت لـو بعيونهم شفـته بده
يمه خلي الموت يبقه بحيره
مجرد
*
لاتخلي ازغارهــم يــمه يونون
النهر بلجود جيبه ولايعطشون
ولتخلي دمــعهم نــص العيون
معدل مو تره قصدي اوصيك
اعرفك راعي الكلفه واحاچيك
يتــيه الگــمر يوليدي بمعانيك
***
ابوحيدر
الصبيحاوي
لقد اشتقنا الى امنا فاطمه فا اتينا مسرعين
قالت سيداي امكما نائمه وتعبا فا دعاها
تستريح
قالا يااسماء
امنا لاتنام في هذه الساعه بل تقراء القرأن
وتسبح لرب العالمين وتصلي
دعينا ندخل عليها قالت سيداي دعاني اضع
لكم طعام تاكلانه قالا يااسماء منذ متى ناكل
من دون امنا فاطمه اجركما الله دخلا على
الزهراء الحسن عند راسها وجدوها نائمه على
الارض الحسين عند قدميها الحسن ينادي
اماه انا الحسن كلميني الحسين عند قدميها
اماه كلميني فما من جواب رفع الحسن الغطاء
عن وجه امه امعن النضر الحسن صاح اخي
ياحسين ان امنا الزهراء ميته اخرجا يركضان
يهرولان يبكيان ايصيحان متجهان الى
المسجد اوقفهما احد اصحاب رسول الله
قال مابالكم يا اولاد رسول الله لماذا انتم
بهذا الحال هل تذكرتم جدكم رسول الله
فتبكيان عليه قالا لا لا ولاكن ماتت امنا
فاطمه ارسلا صوتهم الى ابيهم داخل المسجد
ابا ياعلي ابا ياعلي ماتت امنا فاطمه اول
ما قام علي ابن ابي طالب ع اول ماقام
يسترجع ويقول انا لله وانا اليه راجعون
اول ما مشى علي وقع على واجه من شدت
المصيبه
**
نعي / گرناوي
***
من جاني الخبر ماظلت ادموع
واحس بلروح مفجوعه بخبرهه
گالــو مــن جفت دلالي مفجوع
وتمنيت انه كون امشي باثرهه
عليهه الگلب ظل بلوعته يلوع
ويــون يــانــاس ويانه قدرهه
ام البيت راحت شعلو اشموع
وروحي هسه هل بين كدرهه
*
الــدنيه بدونهه ماتسوه كلشي
وانه غطه الدمع ياناس رمشي
حيــلي راح مــابــياش امـشي
ونزلت دمعتي بموت الزچيه
ضلمه الدار من غرب ضواهه
واحس دنياي يخنگني هواهه
عــزيزه الغاليه وياذي جفاهه
وصار امصابهه نوح اواذيه
**
ابوحيدر
الصبيحاوي
اليوم احشم بـيك سبع الگنطره
وراح احلفك بل عزيزه الطاهره
*****
عندي حاجه وانته تدري بحاجتي
بيضه مثــلك كــون اعلــگ رايتي
فـــدوه يــل مهيوب اسمع چلمتي
وادري بــل مهضوم تـجبر خاطره
*****
اليوم اجيتك اشتكي راعي العلم
گلبــي احســنه ابمــجانــه وانثلم
گــوم شكيني عـرش گلبي نهجم
وطحت انــه بنـاس كلـهه معثره
*****
جيت ادگــن بــاب كــفال الضــعن
ارد احشمه اهمومي احسنهن رعن
نــار بيـــه چـــن خيـــم وتــحرگـن
وانـــي طــف والنــار بـيه موجره
*****
راح اشــد بحضرتك رايه وعلگ
وانــته تدري بلگلب وج وحترگ
الماحسبلي حساب لا مني عرگ
كــون بـيدك يبو فاضل تصطره
*****
بداعت حسين ارد احلف الغالي
الگمر يــدري بـــل حچيته ابالي
گلت اجيـلك وانته تدري بحالي
وبس مقامك گلبي هوه يصبره
*****
بكل سبيه اعليك تجبرني جبر
لان بيــه بعــد ماضل هم صبر
صــار بلدلال چــن عـله وكسر
وردت منــك كون انته تجبره
*****
گــبل لا طبلك اريــد امراد الي
راح احلفك كون تگضيهه بعلي
هــاي شــدة برايتك هم تنجلي
والجسر ويــاي ردلـه امجاسره
*****
بخدر زينب حاجـتي تگضيهه
وكــون من عندك واردن بيهه
ابو النخوه وادري هم ينطيهه
ومايخلي الروح تبقه محسره
*******
ابوحيدر
الصبيحاوي
نعي للزهراء ع
**********
القريض
******
يــامن جعلة الباب ستراً لها
حتى مبغظها لم ولان يراها
لاذت ببابها زهـراء اونسيتً
وكــان لــها سـدن وغِـطاها
ولاكنهم عصـروهـا عصرتً
كـادت تـفني روحها بفناها
*****
نعي شعبي
********
للزهــره البـچي والنوح ولاه
وياظلع الزچيه شلون ننساه
اونــن والگلب ايصيح احـاه
ريـت بظلعي كسرچ يلزچـيه
ونيني اعليچ ياگمره ابمسيه
اليـله تنــوحــلچ كـــل البريه
******
ســـهم فــركــاج بلدلال يومي
كلف وكتـي وحسن بــي يومي
اظوگ اذيال ثوبچ عسل يومي
حرز يمه احسچ انتي ليه
**********
ابوحيدر
الصبيحاوي
على ديــن النبي الحره خافت مــايظل اسمه
ولوگالت علي دخيلك يظل الدين بس رسمه
********
هــاي ام الحسن هــايـه شافت جور مظلومه
لاذت من شرار الگوم تالي اصبحت مهظومه
والظالم عصرهه ابــاب وعليهه ايكثر ابلومه
طاحت ام ابوهه الــيوم ومــن الظلع متئلمه
*****
سكته تنوح مجبوره وتلچم بيــهه حتى الاه
لاكــن بلدليل اصـياح ومحــد يسمع الويلاه
ياجرح الزچيه اسنين وطول العمر ماننساه
محسن من وگع مظلوم طاح وسابح ابدمه
*****
اجت عدوان بيهه تلوم وهيه ضنوت الهادي
وچان ابليس ويــه الناس هـوه للعده حادي
جابو نارهم عـل بــاب وخـلف الباب التنادي
كشفو كــل واجه مظموم ذوله المارعو ذمه
*****
اجو اهل الظلاله اليوم البت الهادي فجعوهه
التــمو لمــت الغــربــان الزچيه اليله ظلموهه
عــاباهه الوكت وتصيح شيـوخ الفتنه اذوهه
واحدهم على الشينات روحه اهواي متعلمه
*****
رغــم كــل الالم بيهه خافت عل شرع والدين
خاف اتگول ياحيدار ويهز الكون ابوالحسنين
حملت كــل مصـاب الصار وتتحمل بعد للبين
حلفت عـل ظلع ياناس كسرهه ولازم اتضمه
*****
تدري موصه حامي الجار اخذ چلمات هادينه
ولــو رايــد يطب ميـدان كــل تعرف عناوينه
لان نحمــي الشرع والناس هايه كـل بلاوينه
خلصنه العــمر اهــات لچـمه امرادفه ابلچمه
*****
ابوحيدر
الصبيحاوي
ياباب احاچيك ماظل رحم بيك
كاسر ظلع من فاطمه ومخلي محسن بس دمه
ماظل رحم بيك
*****
چنت انه اضننك سند تحميني اوتحمي الولد
اوخاب ضني
حسبالي تحمينه ولذت عصرونه وانته تحسرت
وسمعت ونـي
بسمارك بظلعي سهم والظلع حسيته انگسم
همومــي لفني
ظاگت علي هم دنيتي الهم والقهر ظل سلوتي
يوجعني طاريك ماظل رحم بيك
******
عشرتنه چن ورد ونده وغيوم اجتنه املبده
والهم اجانه
اثـار بيك مــن النبي المفروض تتفصل عبي
يشهد زمانه
يامردس الوحي وهله خشبات هــسه مهدله
بدهر الولانه
بنار الحقد هسه نچوه الچان الي ذكره وضوه
خربن معانيك ماظل رحم بيك
******
ياباب الك عشرت عمر تالي صرت موگد جمر
نارك لهيبه
لاتفتح الناس الاجو زمــرت حــقد كلهم لفو
ليله رهيبه
بيك احتمي منهم گلت شو چنك اوياهم صرت
واني غريبه
روحي احس تطلع ترد وبلباب گمت انه انمرد
شكوتي الباريك ماظل رحم بيك
******
خليت كل عمري دمع والنوح الي صاير طبع
ابدمي يسري
لچماتك ابگلبي تــون ومكثر ابروحي الحـزن
اباقي عمري
بعيونك وشفت الجره وادم اجتــنه مــعــثره
ماهمها نحري
ايست منك بل وفه ولا هــزتــك كـل عـاطفه
المن امخليك ماظل رحم بيك
******
وياهم علي چنك درت تطلبني ثار اتخوصرت
ابــاب خيبر
وظميت بسمارك الي تجــرحنـي واتئذي علي
الله و اكــبر
بچفوفي احنيك ابئدي وشغــيرك هــسه علي
دولاب وفتر
حرگوك تدري اهل الغدر ومــاخــلو ابــالـك عذر
انگلبو اعليك ماظل رحم بيك
******
ابوحيدر
الصبيحاوي
شوغات اخلصنه العمر وبگلبي حسبات وجمر
كل ما اصد للباب تجري عيوني
يفيض الدمع ياناس لا تلوموني
*****
چانت ويــانه وهسه بيتي خالي
هسه من اگولن يمه دمعي يلالي
مــن يوم راحت خذت كل امالي
عنهه شكثر ينشدني ظــل دلالي
بگلبي ونيني احس كسرت خاطر
لــو خلــص اليوم شيخلص بـاچر
ياذيني يــايمه الهجر وبگلبي حسبات وجمر
*****
حتى ادمع ينشدني ويـن احبابي
فــاگـد عـزيزه لچم گلبي اصوابي
بلفرگه احچي خاف ياذي اعتابي
نــاطـرت ليلي بـلكي ينــدگ بابي
يــايمــه چلمه ادريهه هدت حيلي
صفــناتــه تكـتل لــو يمــرنـي ليلي
دلالــي شنطيه العذر وبگلبي حسبات وجمر
*****
عاشت ابروحي جرح ماضن يبره
والــهم چبير وبــيه صــار اشكبره
صارت حـياتــي مــن جفتنه مـره
ماي الدمع بــس انــه دمعه حمره
بعيوني ظلمه طـفت كــل انــواري
الظيم اجاني وطش بديه اسراري
بعيوني الدنيه گــبر وبگلبي حسبات وجمر
*****
ينشدني بيتچ يمــه خـالي امچانچ
بيـا لـحد هسه وصــار الـچ عنوانچ
غمضتي عينچ والي عفتي احزانچ
بوجداني انـتي واني نص وجدانچ
كل ساعه اشوفچ لو اغمض عيني
واسمـع صداچ وچــنچ اتحاچيني
مكسوره ماينفع جبر وبگلبي حسبات وجمر
*****
كــون الــوكــت تنعاد كلــهه ايامه
كلمن يشوف الچان بــس بحلامه
الفــارگ حبيبه تهــده حـيل الامه
الصابه الدهر توجع تراها اسهامه
اليمــه امــه الجــنه كلــهه ابيــته
هــذه الـوصف ياناس هم حبيته
هسه اني اطيها العذر وبگلبي حسبات وجمر
*****
ابوحيدر
الصبيحاوي
مانشفيناهه العين يا يمه يا مظلومه
محتاره دمعات حسين والخبر طش اعلومه
****
ظلمه السمه چنهه صفت ومحيره عيوني
زينب ونوح امن الزغر احبابي جافوني
بلا امي شلي بل عمر وياهه ادفنوني
خاف العمر اگضيه بچي وخافن يلوموني مشتاگه خلاني البين لمي اواون محرومه
****
محرومه من امي صرت والاه تاذيني
ضليت اون يوم المشت ماهودت عيني
بدنياي احسن جن تهت ياهو اليدليني
ما فارك الجفن الدمع وينه اليواسيني
متيتم اويانه الدين وزادت عليه اهمومه
***
شيخلصه ليل البي حزن وشيهود اجروحي
يمه امن اگولن انلچم تطلع احس روحي
بجفاچ عمري بس اون ما بطلت نوحي
والحزن خيم هم علي يوميلي اويوحي
والوني تبچي صوبين كلهه علي مهظومه
****
جني وحيده بنص غرب محتاجه همساتچ
ليهسه ادورلچ صده من باقي چلماتچ
بسوالفچ ريحت مسچ وهدومچ اياتچ
حطينه بذيال الهدم نحب آثر خطواتچ
عفتينه يا يمه وين گلوب التون ملچومه
**
عل باب اباوع ما اجت وعيوني ملهوفه
خطار اريد تمر علي بفكاري وطيوفه
طيفچ اذا مرني بحلم يا يمه ما اعوفه
الهجر كسر خاطري وجرحني بسيوفه
وصبري اجيبنه امنين وشح الصبر من يومه
***
ابو حيدر
الصبيحاوي
للزچيه ادمــوع عيني محيره
وگلبي بلشوغات ياهو يصبره
زينب اتصيح زينب اتصيح
****
الفارگــت امهه الحزن يـاذيهه
وبـس مـرار اونــوح يـا تاليهه
العيـن تـهمل لـو مـشـه غاليهه
ودمعه بلخد دوم تبقـه معثره
****
الوكت گــام يبيع بيه ويشتري
اليل والاهــات كسرن خاطري
فارغ من احباب گلبي ناضري
وگلبي دخن نـار بيه امجمره
****
چلمت اليمه تهد عرش الگلب
ويـن اتانيچ وتجين ابيا درب
يمه هذه افراگنه كلش صعب
والدموع بعيني كـلهه موزره
****
يمه لـو تدرين عاشرت الدمع
صار نوحي والحزن ليه طبع
بگلبي الـدگات اهيس تنسمع
والهموم اهواي بـيه امبعثره
****
مغربه يـم البيت يـالمت هلي
گلبي مـن يـومچ ييمه مبتلي
بدنيتي غيـرچ بعـد اني شلي
واني الچ تدرين ابقه مناطره
****
عليچ يمــه صيحت حاچيني
تبده مـن عيني الدمع تدريني
بعـد شينشف دمـعتي وعيني
وگلبي مكسور وتلولح خاطره
****
هندس اخلافــچ احسن دنيتي
تلالي ظلت مــا انـشف دمـعتي
صار نــوحي والبواچي سـلوتي
عشت لاكن من جفيتي امرمره
****
ابوحيدر
الصبيحاوي
صب يادمع بلكت يجون احبابي
اتمنــه امــي اليله تجهب بــابــي
مشتاگ ودموعي اهواي ودلالي ينبض بهداي
صب يادمع صب يادمع
**
الفارگ حنان امـه يحس بات الدمع بعيونه
ولـو يبچي اسنين العمر كل ناسه ايعذرونه
يكسر الخاطر من يون غرگانه دمع اجفونه
مـاتسكت ادموعه وتظل والحزن غير لونه
مجروح المفارگ ضوه وتخنگه نسمات الهوه
وعـل راحـو ابگلبي يزيد اعتابي
صب يادمع صب يادمع
***
جنــه امي وتفوح ابعطر وربي خلق قداحه
مثل الشمس لمن تجي يطر الفجر مصباحه
لـو دنيتي وياهه اظل عمري اخلصه براحه
وهسه اني لمن غربت وكتي گضيته انياحه
تاخذني صفنات الحزن وصفناتي گاضيها اون
بلعكس يمشي اوياي احس دولابي
صب يادمع صب يادمع
****
كــل دمعي صبيته وبعد ابچيها لاخر قطره
من يومها بعيني صفت دنياي تشبه حسره
الماتت امه بي جرح بس الله يدري شكبره
ويظل على طـول العمر بدلاله تسعر جمره
الچــلمة ييمـه يشتاگ لمبين ابــوجهــا افراگ
تصفن الـدنيه مـن تــصد اسـبابي
صب يادمع صب يادمع
*****
كائن عجيب الام تــره بيهه انوضع قدسيه
مخلوقه من حب ودمع رحمه شكثر ممليه
خيمه وتلمنه بكل وكت وعلينه هم محنيه
العايش بدون امه يحس ظيم وحزن تاليه
بفــراگــها ينعه الصبر واتــبده مــايسوه العمر
مـن روحي اغله يگول هم غيابي
صب يادمع صب يادمع
*****
اتمنه افك باب الگبر واگعدلي ساعه وياهه
ابــالي افكر لــو اطــب خاف امي ماالگاهه
عايش تره بس النفس عايش انه ابطرواهه
للموت اظل طول العـمر امــي فــلا انساهه
العافتني لهموم الوكت ياريتني اوياهه رحت
ويطوي زماني بيده حتى اكتابي
صب يادمع صب يادمع
*****
ابوحيدر
الصبيحاوي
هوسات /للرسول (ص)
******
نــور الكون شعشع مـن طلع نوره
وسور الدين طه وهل علـه سوره
اليله الفرح بسمه وكلهه مسروره
بميلاده فرحانه الدنيه
اليوم امت محمد فرحت بهل يوم
ويــاربي الفــرح خليه يضل للدوم
اليــوم بجيته محبوبي زاح اهموم
بهادينه نتبارك والله
اليوم اهل الارض واهل الجنان اهناك
كــل بصوت صاحت احنه هــم نهواك
ديــن الله الفرح واحنه الفرحنه اوياك
امسمينه سيد علناس
كــل هــاي الخـلگ علـگت ورد وياس
وبميلاد سيد البشر فرحانه كل الناس
الفرح عدنه يوادم نحس بيه احساس
اوفرحانه الناس بجينه
هاي امت محمد عدهه صار افراح
وشفنه الكون كله اويانه هم مرتاح
وي مــيلاد طــه انطــش ورد قداح
بكل ليله نتبارك بسمه
*****
ابوحيدر
الصبيحاوي
نعي /الامام العسكري ع
******
للعسكري دمعي وحسره والونه
وگلبي ابلوعته المولاي يتعنه
ادور الغايب ويـــاهـو انشدنه
عمت عيني مشه وداره خليه
*****
يون المنتضر والدمعه تنهال
يحس بحرگته تحرگ الدلال
موقف هاذ بيه تهتز الاجبال
الولي مهضوم ويودع وليه
*****
الناس اعليك متوزره بل ادموع
شعلنه بليلتك مولانه الاشموع
نحس الكون كـله ويانه ايلوع
وحتئ انهارنه صاير مسيه
*********
گلبي شال چــم لــوعه وياهم
عله الراحو خذو روحي وياهم
يوسفه الموت مـر غفله وياهم
بلايه اوداع راحو من اديه
****
ابوحيدر
الصبيحاوي
نــون اعليـك ويون هم ولينه
واجينه اعليك ننعـه عسكرينه
******
على المسموم وناتي ودمعتي
بدليلي ياخلگ وني وحسرتي
انــوح اعليه مــابطــل عبرتي
عليه سامره مهظومه وحزينه
****
اعزي المنتضر والدمع اسيله
وعلينه اليله يــاوادم طويله
اعرفه اليـوم ملچوم ابدليله
ويهد الحيل مــولانـه ونينه
****
اليوم تنوح للغالي السماوات
ويون الكون بنواع العبارات
رحل يــانـاس وبدلاله اهات
وعـاف النوح والاهات بينه
****
دنيـه مغنتبه مجروحـه تالي
مات مـن القهر مسموم والي
اليله انــوح بمـصابك يــغالي
وبلـهم والحـزن احنا انولينه
****
الـدمـع بعيونه حشم بواچي
نعينه اعليه وبكـل المحاچي
امامي حيد والمعروف زاچي
صفگنه بروحته وسفه ادينه
****
مصابك هــذ هــد الحيل گوه
گام اعليك كلـشي يـحن تلوه
اويانه الغايب ابدمعه يتچوه
وعلى امصابه توزرنه وبچينه
****
اليوم احـباب گلبك والموالين
اجــوك ابنوح وبدمعه معزين
حزينه الناس للغالي الصوبين
وحــزنــه ياخلگ لايگ علينه
****
ابوحيدر
الصبيحاوي
سامره احاچيچ اليوم اخذتي احبابي
سامره احاچيچ الــيله مــوحش بابي
سامره احاچيچ اعـليچ ابـدي اعتابي
ودع حياته الــچان لعيوني ضوه
ودع حياته ويخنگ اشماله الهوه
ودع حياته ومــالگه العـلتـه دوه
ماشي سكته وعـايـف الدمعه الي
ماشي سكته الــيله مـاظـل الـولي
ماشي سكته الريحته ريحت علي
عاف داره هــاذه ابـوي الهيبه
عاف داره الراح ياهو ايجيبه
عاف داره الـبينـه زارع طيبه
ياعسكرينه الدنيه ظلمه بدونك
ياعسكرينه فدوه رحت لعيونك
ياعسكرينه الوادم اجت ينعونك
غايبنه حاضر لابس اهدومه السود
غايبنه حاضر بچـادر ابـوه مـوجود
غايبنه حاضر وبـروحـه گام ايجود
************
ابوحيدر
الصبيحاوي