-
الشاعر ابو حيدر الصبيحاوي.
بمولدك مولانة شيعتك فرحانة
عيد ومعيدينة ونفرح الوالينة
شيعتك فرحانة
**
فرحت اليوم السمة واهل الارض
والگلب بي اختلف حته النبض
صار حبك بينة يلغالي فرض
خل نحط الزينة ونفرح بغالينة
والسرور اويانة
****
اليوم گلبي شبي ذاكر خلتة
ومن فرحتة الساني تيه چلمتة
اليوم كل شيعي اوموالي ابسمتة
وبس فرح طارينة من الحزن ملينة
وتبتسم دنيانة
****
هاي املاك السمة تبارك علي
وشافت النور اليشع ظل يعتلي
للولي گالو امبارك عل ولي
وبي تبشر دينة سر گلب هادينة
المنتظر عنوانة
،*
مولدك خير ويعم بينة السرور
بيك نور العرش ويلالي النور
تعجز بوصفك تره كل الصطور
الهادي گرت عينة بي اوشكر بارينة
اوبارك الخلانة
*****
ابو حيدر الصبيحاوي
الشمس جابت گمر
والگمر ضوه الدار
عباس بچفوفه اثر
لن حيدر الهن زار
مرسوم بيدينه نهر
يظل للكبر تذكار
لحسين صار النضر
زغير وگلبه حار
من شاف زينب كبر
عباس كله اسرار
بتموز جاب المطر
خير بقدومه صار
لحسين عمره انذر
وبمهده دگ انذار
**
شمعنه اليوم من نورك وجنه
انتظرنه هواي ميلادك وجنه
السمه والگاع فرحانه وجنه
الك تبدي السرور بهل مسيه
**
ابو حيدر الصبيحاوي
هوسات للاكبر
**
شبيه المصطفئ الهادي شع نوره واجه اليله
گام الولي مـن شافه ويحس حسين يوميله
گــال النور غطه الناس والاكبر ظل يناغيله
اوبعيونه كلم مولاه
****
الاكبر من علي اسمه وخذ من الني اوصافه
يصك كلمن يصد نوره يحير الباوع اوشافه
علي الاكبر جمال الكون دنــگ يمـه اوطافه
ابخطواته يتباهه الكون
****
حضرنه الشمع والياس نطش الفرح واوراده
مــن گــالــو الاكبر هــاذ اجــانه بخير ميلاده
فصــلنه الفــرح للــناس وكلمن يــاخذ امراده
ابميلاده فرحان الكل
****
ابوحيدر
الصبيحاوي
للكاظم اخلي النوح ودمعي ابحرگه اصبنه
وعلى جسر المنيه اهـناك اجــر الاه والونه
**
عــايش بلظلم مــولاي خـلص عمره وسنينه
بمحجر والظلام يسود واهــل الـحقد والينه
ظــل امحاوط ابسجان وليله مــاغفت عينه
يونس صار وصط الحوت مولانه صفه چنه
****
من سجن السجن ودوه ظاگة دنيته بروحه
ومــن اگيـود عـدوانه تنزف بلدمه اجروحه
دهرنــه مايبطل نوح وساعه ماسكت نوحه
شاف الوعه وي اعداء وكل الضيم اله اتعنه
****
تعناله الحزن بهمـوم جــاب الحسره والوعه
ومــن سـدو عليه الباب الظلمه غيرت نوعه
الدنيه محيره وتنعاه صفت بلصار مفجوعه
ويصير الحچي شوغات لو سولفت هم عنه
****
اسولف عنـه وتحـسر وبيـه الحسره تاذيني
اگظيه العمر دمعات واگضيها بچي اسنيني
للمسموم اظل يـاناس تهمل دمعتي ابعيني
كـون اگضي العمر خدمه يــم شباچه اتمنه
****
انــه اتمنه اظــل وياه الحد الموت ماعوفه
غريب وظلمته الظلام قصه وبينه معروفه
ظل باب الحوائج دوم بيـن احبابه سالوفه
بــي ريحت علي الكرار بعتبت بـابه اشمنه
****
وسفه علجسر خلوه ونصكت شجاها الناس
ادنو للجسد بهداي من عرفوه هاج احساس
ناحت كل اهل بغداد والوادم تدگ عل راس
ميت عل جسر مظلوم الموت الحضرته ادنه
****
شافاه الطبيب وگال وين اهله وعمامه وين
مسموم انتهئ يــانــاس وگـوه گربوله البين
خــل اهــله تــدور ثار مغدور وتهمته الدين
وسفه ضــاعــت اسنينه ومنه نگطع الضنه
****
ابوحيدر
الصبيحاوي
هــا هــارون گبرك ويـن خلوه
اضــن بلحامـيه الملعون ودوه
****
تعال وشوف موسئ اومقامه
الهذه اليوم ظــل رافع الهامه
منهــج صــار للــوادم كــلامه
وبنار اوجمر هــارون حطوه
****
يظل ملعون بـل تاريخ دومه
ذچــره راح مـامعروف يومه
بفــعله الـگاع حزنانه وتلومه
وبلــحد الـگبر امــلاك ذلـــوه
****
شوف انصاره متعنيه المقامه
وتــون اعلـيه ونـات الحمامه
اجته الناس كـل چنهم يتامه
والمتيه طـريقــه اعليه دلوه
****
مــاضلك گـبر هـارون ينشاف
وشوف الكاظم ابزوار ينطاف
يلسميته من عده تـره اتخاف
وصيت الحرس وتگول سموه
****
تـعال وشوف زواره شكثرهم
تغلط مــااضن تعرف عددهم
اجــو انصـار حقدك مايردهم
وللعباسي كلهه الـناس لعنوه
****
اليله اعله الجسر ننصب عزيه
واجيــنه نشــيع الــكله حمـيه
الكاظــم هــذ ابــو روح الابيه
وللحجه الخلگ متعنيه واسوه
****
نحــج ابــابــه ونطوف ابمزاره
اذان الــــديــنه صــار اومنــاره
يــهارون اگــعد وشوف الزياره
وشــوف احبــابــه اليله تعنوه
****
ابوحيدر
الصبيحاوي
يباب امــراد يــاراعي الكرامه
ابو الحاجات يل كلك شهامه
يسمونه گاضي الحاجات
*
عاش احزان باحكام الخليفه
وبــانــت بيــه اثــار السقيفه
الهـم والظيم حسيته حليفه
وصايرله الضلم اكبـر علامه
بسجداته خلصهه الدنيه
*
گضـه الايـام مظلوم ويكابر
كاظـم غيض بلشدات صابر
والطاغوت اله مارعه خاطر
بيده العصمه وبچفه الامامه
وبنواره متحدي الضلمه
*
وبيـــه تنــدار اهــات اليالي
علـيه اتلوب حزنانه الغوالي
اشيعه اعليك بعيون التلالي
اونـت ليــك والـونه ابندامه
المولانه وتنوح بحرگه
*
امامي شاف لوعات اومصايب
وزادن عـــل ولي جور النوايب
دليله مــن الحزن مولاي ذايب
ولا غمضت عينه وليله نــامـه
ابانفاسه ايات وصبره
*
عليك اتنوح دنيه وكل اهلهه
يمــن معــروف للـوادم املهه
المصيبه الدهر ماضنه حملهه
نعـاك النـوح يمبچي الحمامه
ابزنزانه ويشع النور
*
الموت يــريـد بس اهل المهابه
يجي عناي هم حاسب حسابه
يفــك يــانــاس لليهواء بــابــه
اويـــه الغــالي ايسوي ختامه
ولمصابه حزنانه الدنيه
*
ابوحيدر
الصبيحاوي
مضيعه وجيت ادورنك
بــويه تصيح معصومه
******
يتيمه والدمع همال وماتت بلگلب امال
طولي وي زماني مال گلبي زادت اهمومه
****
ادورك يلصرت حسره ونار الگلب متوجره
احسن بلدمع جمره يچوي صار من يومه
****
اجيتك ياجبل عالي ابــوي وبلگـاب غـالي
تعال وشوفني شحالي صرت بجفاك مالومه
****
براضه يادليلي اهناء تمنيته خذاني اوياه
شنهي ظلتي بجفاه اخلص العمر ملچومه
****
بويه لوصحت احتار بگلبي النايبات اسرار
يبچيلي الدليله احجار بدمعه يغرگ اهدومه
****
انشدمن صفيت انــه اوكتي بانت احزانه
بقيت اعليك حيرانه اصيحن حيل مضلومه
****
اخلص اليل بلدمعه اونــن لــلولي وانــعه
المني راح شيرجعه راح وراحت اعلومه
****
ابوحيدر
الصبيحاوي
چــا ويــن الهواشم مايحضرون
وعلى مصيبت الكاظم خل يلطمون
****
هذه البجسر موسئ ابن جعفر
اليله المــوت يــمه بحرگه كـبر
الــدين اصبح يتيم وهــم توزر
وعليه اليله راح اعميهه العيون
****
اجو حراس شالو نعش مهضوم
ابــو طـلبه يوسفه اليله مسموم
وظـــل ياناس بـينه الايم ايلوم
ويـن اهله يجون وهم ينوحون
****
وحيد ابدار غربه وماله امعين
هــذه الزين المحير الصلاطين
عليه ملتمه كل ناسه اوموالين
وندور مــن هلـه مـاكو اليعزون
****
وحشه اجنازته وثاره تــره ضاع
سوه النوح الــنه والبچي اطـباع
عمامه اهواي وادري ترسو الگاع
اهــل كــلفــات لـــو رادو يهدون
****
ظــل بـدار غـربه بنـص عــداته
بظلم مولاي خـلص هــم حياته
وبانــت ساعته ولحضت مماته
وكــل النــاس بلصاير يحيرون
****
غريب اوطاح محد فزع جاله
وهو المهيوب لو يمشي خياله
عمامه اليوم شو گطعو وصاله
ولا نشــاد منــهم لا ينشــدون
****
ابوحيدر
الصبيحاوي
/channel/tttyggg
الحـــــــــــــدي
**********
ظل بلسجن عمره البقه وقيوده مافكهه الزمن
مظلوم من جور الوكت ومفارگ اهله والوطن
مقفول بابه وبي حرس حيطانه بصار استحن
حتى هوانه البي يـهب مـن الظلم چنه سكن
التمت عليه كلـها تــره واهمـومــه الـيله بدن
راهب بني هاشم يظل بـزنزانه وايامه محن
واعيون كـل ناسه الـه يــاخلگ ظل يناطرن
كل شيعته اليله بحزن بفراگه العيون انعمن
شايل مهابه چــن نبي والحـبه للـجنه ضمن
مسموم تالي عل جسر وجروحه واهاته نولن
بيـن عليـه مـوته بغدر بچفوفه ياوادم هذن
ظل الحديد الموته ظل لجروحه ماحطو چفن
كل ناسه التمت واجت صوبين نــــوح اتگابلن
تلطم تره الراس الخلگ افـواج افــواج الاجن
*********
ابوحيدر
الصبيحاوي
حسبات دلالي اهواي ملهوف جيتك عناي
موسئ ابن جعفر
******
كل الاجو ليك اعتنو
يم بابك بحسره بچو
مثل اليتامه
چن عاصفه من الوفه
صارت تره اكبر سالفه
تبچي الحمامه
نمشي هذه الزحف طول العمر
نمشي عنوانه صار مــن الصبر
نمشي لــو دربــك اتحول جمر
يلساكن ابنص احشاي ملهوف جيتك عناي
موسئ ابن جعفر
******
فاض الدمع مثل النبع
صوت الگلب ظل ينسمع
نبضه مجالس
يومك حزن كلنه نون
بطاريك كـل ناسك تحن
اسمك مدارس
حزين گلبي عله امصابك يظل
حزين ياموسئ كل دمعي نزل
حزين ميت واعرف بيـك امل
للغالي رايح مشاي ملهوف جيتك عناي
موسئ ابن جعفر
*****
گلبي انهجم كلشي انلچم
طاح النه ياوادم علم
للحق مجاهد
رايات اجت بلهــم بدت
كل ناسك اليله بچت
والدمع شاهد
انصيح باب الله وانته الغايه
انصيح ظل بينه شامخ رايه
انصيح كل ناسه اله عنايه
ويــاك اظلن وفاي ملهوف جيتك عناي
موسئ ابن جعفر
*****
جايب هلي نـزور الولي
جيـت انــه للظـل مبتلي
صوته اسمعه
بين البشر موسئ اثـر
بچه السجن بچه الحجر
لظلمه شمعه
بلعبره نعلن حـداد بكــل وكت
بلعبره يــم گبـته انظل نلتفت
بلعبره شگد عنك اني سولفت
ياصوت يدري بسماي ملهوف جيتك عناي
موسئ ابن جعفر
*****
ابو حيدر الصبيحاوي
قريض /للسيده زينب ع
******
ُ المـوت قــادمً وحــان الرحيلُ
ولــم تـراء من القادمين خليلُ
امسا الزمان ضدها فل نوائبي
وقد سُميت هيا بآم المصائبي
كــانت فـي انتضار اخوتً لها
لتشيعها وكــان اليوم طـويلُ
المجرد
******
غــريبه يـوسفه تصير تاليهه غــريبه
مصيبه عليهه التـفت ودارت مصيبه
عجيبه مصاب المرها ياوادم عجيبه
نحيبه گلبها الناس هـل تسمع نحيبه
لفوهه بــعد مـامرو اخــوتهه لفوهه
نعوهه النــاس الغـربه بلغربه نعوهه
نسوهه تگـول الناس خوتها نسوهه
اجوهه اهلهه اليله متحزمه اجوهه
عاشوري
*******
ماتت والدمع ماظل مكانه
وعليهه الـناح بچانه حنانه
يريت حسين هليله اجانه
وينوح ودمعته تبقه جريه
يــريــت الگمر حاديها دفنهه
هــاي الخـلصت بسكته ونهه
شحچي لوردت ياناس عنهه
واجه زاتوتهه سيد البريه
گرناوي
******
كــل الــون الـــچ والــدمــع كله
وعــليچ الــعين مــاكفت دمعهه
نــون وصياحنه كـل صوت عله
على الشافت مصايب كل اهلهه
بچيــنه اعلــيهه مـــاضنن نـمله
وبــينه خــزنــت زينــب عــللهه
******
ابوحيدر
الصبيحاوي
رباطات للسيده زينب ع
******
بغربه تاليهه بغربه تاليهه
ماتت من قهرهه بغربه تاليهه
ماكو واليهه ماكو واليهه
زينب هل غريبه ماكو واليهه
بغرب خلوهه بغرب خلوهه
وحيده ابلايه والي بغرب خلوهه
بدمع شيعوهه بدمع شيعوهه
الماتت بين غربه بدمع شيعوهه
تالي محتاره تالي محتاره
هايه الحره زينب تالي محتاره
ماطفت ناره ماطفت ناره
گلبهه ارماد صاير ماطفت ناره
وين عافوهه وين عافوهه
تدور وين اهلهه وين عافوهه
ريت شافوهه ريت شافوهه
بهايه الحاله صارت ريت شافوهه
ماتت اليله ماتت اليله
زينب بت ولينه ماتت اليله
حزنت الشيله حزنت الشيله
على افراگ العقيله حزنت الشيله
يوجع امصابچ يوجع امصابج
خله بگلبي لوعه يوجع امصابج
اوگف ابابچ اوگف ابابچ
واصب الدمع كله اوگف ابابچ
تالي ماتالي تالي ماتالي
ماتت هم وحيده تالي ماتالي
هيبت الوالي هيبت الوالي
زينب چنهه حيدر هيبت الوالي
******
ابوحيدر
الصبيحاوي
اجيت اليوم للحره الابيه
اسولف ضيم گلبي المر عليه
******
عليچ انه اعتمادي وهــاي هيه
اجيــت وعينــي ابــابـچ نــديه
شسولف والمصايب كلــهه بيه
عليچ ابــداعــت الماشرب ميه
واحلفــچ بلـعزيــزه هــم رقـيه
تغيـم روحــي ويــه الـمغربــية
شلــت اهـمـوم واهــات واذيـه
علــى الحسراة احـچي للسـبيه
وريد اقسم انه بحامي الحميه
اريــد امــرادهـه واخــذ هـديه
عليهه ابــداعت الزهره الزچيه
روحـي تنــوح والـونــه شجيه
يعــت بيــه الزمان ومــو بديه
ويــم الحــره اريد ارفع قضيه
نشــفي دمعــتي الضلت جريه
عليــچ بـداعــت البلطف رميه
وبــيچ انــدب يحره وهاشميه
وبعتــابــچ اريــد كتبت وصيه
وعــليه شهـــود نجمات الثريه
اريــدن عيــنچ اديــريــن لــيه
يلمرجفه العــده بنص غاضريه
مسيت العــافيه بهــاي المسيه
*******
ابوحيدر
الصبيحاوي
اليلة طش عدنه الخبر بيش اواسي انه الگمر
ماتت اليلة تراهه ام البنين
*******
اليل خلصنا دمع وبس مناحه وتنسمع
الگلب بيهه منفجع والضوه ظل ما يشع
وتجري بلدمعات ما بطلت عين
********
شافت اهموم اشكثر الحزن رافگهه عمر
بچت اوياهه الصبر بيهه تسهيل الامر
هاية ام الحيد والرافع جبين
********
الگمر بين هندسه وصار كل وكته مسه
عيونة بانت ناعسه وحزنه بگليبه رسه
وبيهه گام يعزي مولانه الحسين
*********
گبر حظرله الوفه والدمع كله لفه
من دره النور انطفه بدت قصه اوسالفه
وهسه حل وعله باهاته الونين
*********
اليوم متحزمه السمه وريت لعيوني العمه
انفاس بيهه ملچمه وبلموت فرگة وخاتمه
الموت لحظه وتنطوي كل السنين
*********
العباس ومه دمعتي اندب وانوح بعبرتي
اليله اگولن چلمتي وتشهد عليه دنيتي
من ابچي يبقن بلوجه نياشين
*********
ماتت العاشت حزن والعمر خلص تون
ماسكت ساعة الجفن عل مشو هية تحن
المنهه غفلة سير اعليهم البين
**********
ابوحيدر الصبيحاوي
تون للموت احس روحي بعدهه
الـــي چـــم اه مــاتحصه بعدهه
احبابي الــوكت طششهه بعدهه
وضل بس الحزن والنوح اليه
*
تراها ام البنين الـــهم ولاها
وهي للدين والعـــتره ولاها
بعــــد مابيهه تتحرك ولا ها
ولفت لحضاتها وكت المنيه
*
على المذبوح مـايبرد يمرهه
تگول بدنيتي حنضل يمرهه
تنت عباس يحضرهه يمرهه
يوسدهه بلحدهه وهاي هيه
*
هايه الضحت وانطت بناهه
الغيره والــوفه چفهه بناهه
يـــرد حسين ماضنن بناهه
وتدري ابكربله تنوح الزچيه
****
ابوحيدر
الصبيحاوي
فرحانين ابفرحتنه يارب بارك لمتنه
فرحتنه تزيد من الله انريد
يارب بارك لمتنه
**
نفرح كل يوم اوليله نشعل شمعه نضويله
مسروره الناس صاحت بحساس
اليوم انجمعت خلتنه
****
بطــهار الال انـــادي نشارك فرحتنه الهادي
نفرح وياه كلنه نهواه
بصوت انردد كلمتنه
****
الصادق وثق هل حاله گلوب التعشگ مياله
بحزن اوافراح اليهوانه صاح
نعرف منكم شيعتنه
****
حبكم ساكن دلالي الــيله ميــلاد الغالي
بيكم ولهان حبكم عنوان
انتم درب الجنتنه
****
عيد ويحمل اسراره الكون يشع ابانواره
بحب الاطهار دلالي احتار
بيكم تفرح ملتنه
****
ابوحيدر
الصبيحاوي
انه الفرحان واليله زهيه
شسولف والسوالف كلهه بيه
بفرح دلالي هزني نسيت اليوم حزني
****
شمعنه اليوم من نورك وجنه
انتظرنه هواي ميلادك وجنه
السمه والگاع فرحانه وجنه
الك تبدي السرور بهل مسيه
***
الفرح خطار هليله ويانه
اوجاب الظحكه للغالي ويانه
بسرور وخير ومكيف ويانه
ويربي افراح كل هاي الدنيه
****
اجانه العيد لمن جيت مرمر
وگبلك جنت احس العيد مرمر
فرشت الگاع الك مولاي مرمر
وشبگك من تجي بثنين اديه
****
امام الانس بيك تلوذ جنه
وگلبي من غرامك زاد جنه
باب الله وعرفك زين جنه
يبن حيدر علي حامي الحميه
***
ابوحيدر الصبيحاوي
تانينة ميلادة شكثر للغالي كلنة ننتظر
ويا نتمنة العمر
اليلة فرحانة الشيعة وكل محب
*****
اليله ميلاد الشمس والفرح شايل راية
الضوه لا ما ينلمس والنور بيه الغاية
بعيونة لهفه اوفة
نحمل حنين اوعاطفة
يل صرت اجمل سالفة
بعيون انصارك طش نوره الفرح
***
اشموع جبنالة وضوه وحظرنه حته الزينة
فرحان ويانة الهوه بلغالي گرت عينة
الريح احسن يختلف
اليله اشمنه ولف
الفرح بي ماينوصف
بلغالي يتباهه كلمن ليه يحن
***
بميلادة ناسه كيفت والامل رد اعليهه
متحظره كلهه صفت فرحت لجل واليهه
اليل غطوه بصبح
وتلايم اليله الجرح
اوالفرح بابه ينفتح
فرحانه اليله كل ناسي وهلي
***
اليوم عيد الشيعتة والشيعة بي مسرورة
وراسم يتيم بدمعتة للغالي اجمل صورة
وماي الورد طشينة
ورايات الك حنينة
عايش نحسك بينة
تتنفسك ريتي ونتة الهه الهوه
***
ابو حيدر الصبيحاوي
بهل مسيه بــويـه بدموعي نعيتك
بهل مسيه اني معصومه اعتنيتك
جيتك وحسره بدليلي والدمع تارس شليلي
بهل مسيه بهل مسيه
*****
الك كل دمعي الاصبه وانته باب الحاجه الي
انتـه كــل دنـياي احسك وانته شمامت هلي
ابابك اليله ارد انـوحن حــرمه وبـعازت ولي
دمعي كــله يطيح منـي بحزن ياناس ابتلي
البيه بيه وصارت الاهات جمره
البيه بيه ودنيتي ابلـياك حسره
وبمصابك باد حيلي والدمع تارس شليلي
بهل مسيه بهل مسيه
*****
بويه لو صحت وانادي كاظم الغيض ارتجي
بيك اسولف بعد عيني بويه يلتسوه الحچي
راح اخلص عمري بعدك نوح واحزان اوبچي
انــه جيتك كلــي لهفه وگلت لحضانك اجي
حن عليه ردت اشوفنك واجيت
حن عليه اعليك تـدري اتعوديت
مااغمض ساعه ليلي والدمع تارس شليلي
بهل مسيه بهل مسيه
*****
بويه جيت اني وامامي الضامن اتعنه بدمع
كلمن يــصد اعله حاله يشوفـه لاكن ينفجع
تچوي كل دمعه اليصبها گابله ينوح الشرع
وصفت هــم ونــات گلبـه بين ناسه تنسمع
افرك بديه الــغالي للغــالي اعتنه
افرك بديه الشرع علديــن انحنه
الحسر والاه ويولي والدمع تارس شليلي
بهل مسيه بهل مسيه
*****
حضر يمك ويه موتك يومك ايعادل سنين
شاف من بعدك احواله وخلص ايامه ونين
بويه من يگول تجرح شايل ابگلبه الحنين
كلشي بعيونه قريته وصارت انفاسه انين
هاي هيه ليلت افــراگ اوعتب
هاي هيه البعد بلمــوت انكتب
للمشه ياعيني سيلي والدمع تارس شليلي
بهل مسيه بهل مسيه
*****
وانــه اظــل ليلي بدمع گمت ابـچي حسره
وراح اوشل دمع عيني ومااخلي بي گطره
اليله ابونه ابعد علينه رايح ومنطينه عمره
احنا بس اهات بيـنه تسعر وتچوينه جمره
ونه خفيه بلدليل وتچوي بينه
ونه خفيه محد الغمضت عينه
دنيتي بهمومي عيلي والدمع تارس شليلي
بهل مسيه بهل مسيه
*****
ابوحيدر
الصبيحاوي
على باب السجن راح اشعل اشموع
واگولن ريت ابوي ايعود اليه
الــــك صبـيت مـــاخلــيت الـدموع
احـــن واشتاگ لــلكله حـميه
احـــس گـلبي عليك بحسرته يلوع
وتــظل اعيوني للغالي نـديه
صرت بعدك يتيمه وگلبي مفجوع
ردت بس شوفتك اوهاي هيه
احس حتى الونين ابگلبي مسموع
صحت يابويه ودموعي جريه
ادگ ابحرگه انــه اعلــيك الاضلوع
ونهاري ابعيني احسنه المسيه
على بــابــك الــناس التمت اجموع
وتلوب احبابك ابهاي الرزيه
يحيف اعله النعش يابويه مرفوع
وتوني ايست مابيك جيه
****
مـــن عدنة خذا الموت وحشا
وگظة ايامة غريب بدار وحشا
ســـم گلبة اكـــل ياناس وحشا
ودع دنيته والهم سوية
**
ابوحيدر
الصبيحاوي
اجت معصومه ياهل ناس
ابوي اتصيح اريدنه
****
اجت والدمعه تجريها الونين بكل محاچيها
تريد اليوم غاليها وتشتم ريحت الجنه
****
بيهه اهموم محتاره ودليل الوجرت ناره
تنشد ماكو اخباره وبيهه الحسره والونه
****
لبوها تخنگ العبره وظلت بلگلب حسره
الفاگد ياهو يصبره شوف احباب يتمنه
****
الغالي وبغلات الروح خلف بلدليل اجروح
حاديها حزن والنوح لبوهه اليله تتعنه
****
اجت وال اه حراگه بونين الحره مشتاگه
تريد اوياه تتلاگه وماگطعت تره الظنه
****
تمنيت المنيه اوياه بدمعي والهظم الگاه
بروحي العزيز انعاه راح اوجيت ادورنه
****
ادور الراح خلوني بچيت وعمين اعيوني
الماي الصبته اجفوني گلي اشلون المنه
****
امرن بلجسر وانعه ابوي احشاه متگطعه
وماخلي بعد دمعه وكل دمعي اصبنه
*
ابو حيدر الصبيحاوي
بهل مسيه بــويـه بدموعي نعيتك
بهل مسيه اني معصومه اعتنيتك
جيتك وحسره بدليلي والدمع تارس شليلي
بهل مسيه بهل مسيه
*****
الك كل دمعي الاصبه وانته باب الحاجه الي
انتـه كــل دنـياي احسك وانته شمامت هلي
ابابك اليله ارد انـوحن حــرمه وبـعازت ولي
دمعي كــله يطيح منـي بحزن ياناس ابتلي
البيه بيه وصارت الاهات جمره
البيه بيه ودنيتي ابلـياك حسره
وبمصابك باد حيلي والدمع تارس شليلي
بهل مسيه بهل مسيه
*****
بويه لو صحت وانادي كاظم الغيض ارتجي
بيك اسولف بعد عيني بويه يلتسوه الحچي
راح اخلص عمري بعدك نوح واحزان اوبچي
انــه جيتك كلــي لهفه وگلت لحضانك اجي
حن عليه ردت اشوفنك واجيت
حن عليه اعليك تـدري اتعوديت
مااغمض ساعه ليلي والدمع تارس شليلي
بهل مسيه بهل مسيه
*****
بويه جيت اني وامامي الضامن اتعنه بدمع
كلمن يــصد اعله حاله يشوفـه لاكن ينفجع
تچوي كل دمعه اليصبها گابله ينوح الشرع
وصفت هــم ونــات گلبـه بين ناسه تنسمع
افرك بديه الــغالي للغــالي اعتنه
افرك بديه الشرع علديــن انحنه
الحسر والاه ويولي والدمع تارس شليلي
بهل مسيه بهل مسيه
*****
حضر يمك ويه موتك يومك ايعادل سنين
شاف من بعدك احواله وخلص ايامه ونين
بويه من يگول تجرح شايل ابگلبه الحنين
كلشي بعيونه قريته وصارت انفاسه انين
هاي هيه ليلت افــراگ اوعتب
هاي هيه البعد بلمــوت انكتب
للمشه ياعيني سيلي والدمع تارس شليلي
بهل مسيه بهل مسيه
*****
وانــه اظــل ليلي بدمع گمت ابـچي حسره
وراح اوشل دمع عيني ومااخلي بي گطره
اليله ابونه ابعد علينه رايح ومنطينه عمره
احنا بس اهات بيـنه تسعر وتچوينه جمره
ونه خفيه بلدليل وتچوي بينه
ونه خفيه محد الغمضت عينه
دنيتي بهمومي عيلي والدمع تارس شليلي
بهل مسيه بهل مسيه
*****
ابوحيدر
الصبيحاوي
رباطات / للامام الكاظم ع
*********
بسجن مولانه بسجن مولانه
خلص كل حياته بسجن مولانه
عليه حزنانه علــيه حزنانه
هاي انصاره كلهه علــيه حزنانه
للجسر جينه للجسر جينه
نشيع اجنازه ضلت للجسر جينه
كل تعنينه كــل تعنينه
جبنه اويانه اهلنه كــل تعنينه
تصيح مولاها تصيح مولاها
الناس اليله تبچي تصيح مولاها
بين قضبانه بين قضبانه
الكاظم عمره خلص بين قضبانه
شبيك سجانه شبيك سجانه
دفك باب السجن شبيك سجانه
توجع اقيوده توجع اقيوده
امامي تلچمه ثار توجع اقيوده
دنيته سوده دنيته سوده
صارت وسفه كلهه دنيته سوده
تبچي معصومه تبچي معصومه
بويه تگول وينك تبچي معصومه
كثرت اهمومه كثرت اهمومه
ابوي بهذه سجنه كثرت اهمومه
تندب الشيعه تندب الشيعه
تون ون اليتامه تندب الشيعه
نهجك انطيعه نهجك انطيعه
يبن خير البريه نهجك انطيعه
نايحه اليله نايحه اليله
اريد ابچي واسوي نايحه اليله
كلها تبچيله كلها تبچيله
على المسموم ناحت كلها تبچيله
صاحب الرايه صاحب الرايه
اليله ويانه حاضر صاحب الرايه
كلها عنايه كلها عنايه
اليله احباب گلبك كلها عنايه
ناسه وفايه ناسه وفايه
اجت تبچي المصابه ناسه وفايه
زادت اجروحه زادت اجروحه
من شد السناسل زادت اجروحه
فرفحت روحه فرفحت روحه
من السم امامي فرفحت روحه
********
ابوحيدر
الصبيحاوي
ياصاحب الزنزانه
دفك الباب ياصاحب الزنزانه
******
عليــه الـيله كلــهه تـنوح خلانه
ناسه اتنوح ظلت تبچي حيرانه
هــذه الـكاظــم المهيوب عنوانه
خليت الدليل ايــلوب وجــدانـه
على باب السجن خلـيت سجانه
ليــله وي نــهاره اظــلم امـچانه
خليفتكم عليه مــاكــضه اعنانه
بــي ظـل الحديد وطبع نيشانه
ومتحزمه علـيه ياناس عدوانه
كلهه اويــاه تجفي حتى دنيانه
علــيه امـلاك تـبچي اليله ويانه
ناس مــن الجره والصار حزنانه
الحزن خيم علينه وناح جيرانه
عيــنه الــماغفت للباري سهرانه
من شدت حديده نـزف شريانه
سجـنك لاتـسده ودفــك بيبانه
اليله احــنا بمصـابه كلـنه عوانه
علينه اشعطله مــولاي مـاجانه
مـــاننساه ابـــد لا هـوه ينسانه
اجيــنه بـدمــع گلـولــه يتلگانه
وصيتك بين كــل الناس علانه
دمعنـه مــابطل للغـالي جريانه
مــثل الروج اجينه كلنه سفانه
تهنه بدنيه ظلمه وهوه ضوانه
******
ابوحيدر
الصبيحاوي
اخـر ايـام ابــحياتچ بينت ليلة مماتچ
اه يزينب اه يزينب
******
وحدچ ابلايه اهل والدمع وحده نزل
ماكو اخوتچ
ماي العيون الجره طاحن اوترسن ذره
كثرت بلوتچ
عاشت بظيم العمر حيرت حتى الصبر
وادنه موتچ
مجروحه كل تالي العمر مجروحه
وبنوحه ظل يدوي الگلب وبنوحه
زينب اوهاذي صفاتچ بينت ليلة مماتچ
اه يزينب اه يزينب
*****
اثگل اعليچ المصاب احبابچ ابعينچ سراب
محد اجالچ
دمعه بعيونچ سبيل ليلچ اهموم اوطويل
هاذه حالچ
الوكت شد احرابته واخــذ مــنچ غــايته
هاضم خيالچ
مهمومه وانتي بهل جره مهمومه
مظلومه زينب بت علي مظلومه
كعبه واطوفچ عباتچ بينت ليلة مماتچ
اه يزينب اه يزينب
*****
سير الموت اوبده طاح طيحات النده
سكت دليلچ
الوحده والغربه سوه سكتن حــتى الهوه
اخذن خليلچ
املچمه طول الزمن بلبچي اعيونچ عمن
ياذيچ ليلچ
مالومه كــل عــمر المضه مالومه
ملچومه من يوم المشو ملچومه
حزنچ بروحچ سماتچ بينت ليلة مماتچ
اه يزينب اه يزينب
*****
وحشه الجنازه تظل لا اخــو يـمهه وصل
صارت غريبه
بيهه محبوسه التعال دورت منــهم خـيال
وكت المصيبه
تانت حسين وگمر تعـبت اومــل السهر
من الحبيبه
مااجوهه كل ناس الجفو مااجوهه
خـلوهه مــل منــهه الصــبر خلوهه
انطوت كل نايباتچ بينت ليلة مماتچ
اه يازينب اه يازينب
******
ابوحيدر
الصبيحاوي
شافت اهات ومصيبه مــاتت الظلت غريبه
مــرت اعليهه المــنيه زينب اعيون الزچيه
اه يزينب اه يزينب
*****
تــانت الموت وتــره تحسب يجيهه
الگضت عمرهه بلحزن تندب وليهه
دنياهه جـارت يـاخلگ كلـهه عليهه
ضلت ابسـكته تــون تخـفي بچيهه
شافت احزان السبي ابــالــهه نــار اوعبي
تحملت جور اواذيه زينب اعيون الزچيه
اه يزينب اه يزينب
*****
ليــلهه بــس اه ودمــوع بنــجومه
وگامت مــن المغرب الحره تلومه
تنوح عل مذبوح ومسلب هدومه
وعلى الــضلو بلفله اجساد نــومه
شافت اهموم اشكثر وبلگلب مــوگــد جمر
بيــهه اثــار الــرزيــه زينب اعيون الزچيه
اه يزينب اه يزينب
*****
تحضرت للموت بس هيه وحيده
ويــن كــافلهه المشه هسه تريـده
عــن اهــلهه عـاشت بغـربه بعيده
شافت بـذاك المسه الحزو وريده
وهسه ياوادم تتاني تندفـن بيـهه الاماني
ومااجو اهل الحميه زينب اعيون الزچيه
اه يزينب اه يزينب
*****
تباوع ادور اهــل محــد اجــاهه
والعــجيبه مــحد المــر اولگاهـه
الغريبه تظل غـريبه ابــلا حماهه
لا اخو المر واعتنه وهم شيعاهه
هايه حالتهه العقيله ليله مــرتهــه ثچيله
تـنعه انجوم المسيه زينب اعيون الزچيه
اه يزينب اه يزينب
*****
كــل الاهموم العليهه اليله راحت
هيه بس هليله ياناس استراحت
ورده عايفها غصنها هسه طاحت
دنيه لعيون العقيله بحرگه ناحت
صار الوداع اوبچي سكتت اهات الحچي
عليهه ونتنه شجيه زينب اعيون الزچيه
اه يزينب اه يزينب
*****
ابوحيدر
الصبيحاوي
چن غريبه بهل مصيبه هايه زينب
واليتامـــه بــــل ملامه هايه زينب
حتى الهوه ياذيهه ماتت قهر تاليهه
هايه زينب هايه زينب
**
دمعـتهه طـاحت
هاي العزيزه بس تون دمعتهه طاحت
ساعه استراحت
مـامر عليهه بهل زمن ساعه استراحت
تنوح اليل چـانـت والـدمع سكته
تگول حسين گدامي نذبح شفته
كـــل دمـعهه والفـجعهه فگد اخوهه
مـــن ظلوعه بيهه لوعه فگد اخوهه
عيني صفت تبچيهه مــاتت قــهر تاليهه
هايه زينب هايه زينب
*
دمعتهه حمره
حتى الدمع بيهه اختلف دمعتهه حمره
ماتطفه جمره
بنــص الـگلب تسعر دوم ماتطفه جمره
تعبهه الوكـت ويــاه كلهه اجروح
گظت ايامهه لوعه وحزن وبنوح
ون اوهــجر تــاه العمر بنوح العزيزه
هـــم وقــهر خلف اثــر بنوح العزيزه
ظلمه عگب غاليهه مــاتــت قهر تاليهه
هايه زينب هايه زينب
*
عمرچ مــناحه
خلص يبت داحي الباب عمرچ مناحه
ماكو استراحه
گاضي العمر هم اونوح ماكو استراحه
حزنهه اتربه بلشوغات وكت الهم
وزينب عاشت الايــام نـوح اودم
بنص الخيم چان الالم بلغاضريه
كـــل الجره والمجزره بلغاضريه
بدمعه ونعي نعزيهه مــاتــت قهر تاليهه
هايه زينب هايه زينب
*
سكته ونـينچ
بيچ الصبر ظــل يلوذ سكته ونينچ
ماغفت عينچ
لا ساعه هيه الهودت ماغفت عينچ
يلچمهه الدهر ساعاته نوح وظيم
ويلــم بهـمومـهه لـمت شته للغيم
محد اجاهه ولاوسداهه وكت المنيه
العاف غالي وحشه اليالي وكت المنيه
ناح بحزن ناعيهه مـاتــت قــهر تاليهه
هايه زينب هايه زينب
*
هندس لفانه
يــوم المشت دار الــوكت هندس لفانه
دهري وزمانه
ظل ينحب اعليهه وبچه دهري وزمانه
نـوخ ضعنچ بسكته غريبه اهناء
نحس بلدنيه متئلمه بدمع ويلاء
تون كلهه مشه خلهه ولا يرجع
تره محنه طبگ جفنه ولا يرجع
سابع سمه يعزيهه ماتت قهر تاليهه
هايه زينب هايه زينب
*
ابوحيدر
الصبيحاوي
هله ابنور الولاية هله بلبضعه هاية
**
هله ابفرحة نبينة ينور اوبي ضوينة
تشع نور العلينة وترفرف بينه راية
**
ترف راية ابسمانة على الصارت ضوانة
غرام النة وهوانة وعشگنة امن البداية
**
السمة طشت خبرهه فرح تبدي عمرهه
چبيرة اويا زغرهه وتظل رمز الهداية
**
فرح عرش الجلاله ويشوف النور لاله
هله بهاي الاصاله ينبع اوجرة ماية
**
يماي الجنة صافي نبع وادريك دافي
ترة ابحبك نوافي سليله امن النباية
**
الفرح محتار اجانة ونسه كلمن نسانة
صفه نور اوهدانة رغم كل الوشاية
*
ابوحيدر الصبيحاوي
بمجلسهه اطلب حاجات من گلبي جيت انخاها
******
هــــاي ام البنين ارد اسـولف ليهه
من گلبي تسمع والحچايه اطريهه
للعوزه ام عباس انــــــــه امخليهه
من اذكرهه تنفك ابواب تگضي الاريده اوياها
*******
تدريني ناذر كل حيات اسنيني
وكل الخلگ خادم تره تسميني
حاجه ابدليلي وهيه التواسيني
البگلبه حط بس حسين يگضي العمر بحماها
********
غير انتي بـــاب الباري يسمونچ
بروح الگمر خليني بين اعيونچ
مايـن عليچ اواهلي ايحشمونچ
راح اقسم اعليچ اليوم عله اواريد اشفاها
*******
بحسين احــلفچ يابخت واليـنه
بچف الگمر وصيتچ وهـم عينه
ضاگت نخيتچ واصطه البارينه
تگضي الطلب ام عباس يم اللهُ عالي الواها
********
جاهچ چبير اليــله الـــوذن يمه
ونخاچ ياريحت علــي بو اليمه
المحتاج ينخاه الگــمر وي امـه
وبعازه الهه انه اليوم ونبض الگلب ينعاها
********
دگيت بابچ يمي عندچ حسبه
المالوم حگه لـــو يسولف گلبه
مـديت اديـه وردت منچ طلبه
حلفتچ انه من ردت وروحي كثر رجواها
********
باب الله ندريهه تــراها ام عـباس
وبلــكرم لا مــاتنوصــف ماتنقاس
تسهل امــــر معروفه الهاي الناس
منهه ردت وكت الضيچ تحطني وصط عيناها
********
ابوحيدر
الصبيحاوي
لو يمهه عباس يحضر بلمنيه
يمـه يحاچيچ ودمـوعه نديه
موتچ والفراگ يگول اشسوه بيه
****
حاچيني وكافي افراگ بعيوني وكلشي ظاگ
الگدام اعيونه تــموت امــه يتمنه الموت
صديلي وخل ارتاح مايحمل گلبي انياح
اسمع بگليبي اونين ايهدم حيلي اصوت
عليچ الروح ذبلانه مثل ورده بجرف
ادور خاطري بلهفه وارد رمشي يرف
ادورچ بين دلالي وشفت حزني عرف
نمطرلچ ادموع ماتسكت تظل
الــيله يــانــاس شيعــنه الامل
گــال الگـمر ريـت مــوتتنه سويه
*****
بلفتاتچ يمــه انـدار بــدلالي شبــت نــار
كون الروح يبدلون روحي انطيچ وتبقين
بدمعاتي ارسم بيت ام ابنــصـه خليـــت
وماحاسب مني تروح لاكــن مراها البين
يهد الحيل بفراگچ جرح رشوه ملح
بــي اهات دلالي دواء مـاضنه يصح
بدليلي يعيش الگاه جرح لازم جرح
بلا امه يحتار الفارگاهه وجفه
وينوح تــاليــه علــى ام الوفه
واليله يــانــاس موت وهــم رزيه
*****
يگضي دنياه لوعات الماتت امه ومامات
حضن امه مايتعوض بدمعاته تحير الناس
اظلم بيتچ باهات ينشدني عن چلمات
يمه صاحن دمعاتي جيـتچ انـــه العـباس
اجيتچ گلبي ياذيني اجـر الاه والونه
احس بصوت دلالي يون وانه اسمعنه
الچ ياجنت احلام اجي تدريني اتعنه
اتمنه اباريچ يــل مبچيه النده
بروحتچ ظليت والهم هل بده
غمضتي العـيون ولا گلتي وصيه
*****
بحزانه امثوب ادموع الفاگد امه مفجوع
تچويه حتى الحسرات اثــار تظل وياه
يمه لــو گال يهيم يلتم بي كل الظيم
شماطال العمر ينوح طاريها يظل ينعاه
الفارگ امـه مانساهه دمعه بي محيره
يظم دمعاته وتلالي والدمع لازم سره
اينوح كــل اليالي دمعه بـيه امحسره
يتمايــل ابنـوح المفارگ ضواهه
يبچيهه العيون عزيزه الفارگاهه
وبــدمعته اصياح تظل ونــه شجيه
*****
اخر دمعات الكون ابچي واعميهه اعيون
ماخلي دمعه بعيني تستاهل امي ادريهه
اشعل شمعات بكثره وبگلبي تـلهب جـمره
يمه لو صيح ابصوت بليمه انــي انعيهه
تجرح الاه اشكبرهـا گلبي بيهه ماسلم
گلت ياربي دخيلك حزن ونـوح اوالام
ماتت وذبلانه ورده بيتي بلصار انهجم
امودعه الايام راحـت ماتجي
هاي ام الابنين تستاهل بچي
نبچيهه ياناس كـل صبح ومسيه
*****
ابوحيدر
الصبيحاوي