-
الشاعر ابو حيدر الصبيحاوي.
ابوذيات
*******
ذهيل الشايف ابهل حـال صدره/صد رئا
نعجن من روكهن ياناس صدره
ويهل سامع كلامي هـاك صدره
صح انذبح بس بچه المنيه
دليلي بروحته حسيت بهداي
ويعيني اعليه لاتبچين بهداي
من سار الضعن ياناس بهداي
يتامه وچلبت كلهه بديه
بـگد دنياي عــد زينب وجاها
القدر والوكت لم ربعه وجاها
الــردي لخيامهه اتعنه وجاها
وخله النار بخيمهه سريه
بشرع الــباري منهجنه بدينه
فده للدين مــن دمــنه بدينه
وروس اطينه مانبخل بدينه
بصمنه اهناك نص الغاضريه
گلبي النبض لچماته من الظيم
مدري شظاملي وخايف منظم
سهام حسين ياذنه من الظيم /الظم
وگمت اتمنه كون البيه بيه
يوكتي شضاملي من الم ضهره /بينه
ذبيح ومــاجـزه بعاشور ضهره
انه الصدره صفه ياناس ضهره
وعليه دارت خيول الاعوجيه
الاهي الكون بـارينه عظمهه
زغيره ويدري بلوادم عظمهه/كبرهه
رچيچ وابد مايحمل عظمهه
النده ياناس مايحمل اذيه
الظلمها كشف الباري وجوهه
كــل اعـداها متحلفه وجوهه
وخيمهه بنار ماترحم وجوهه
تركض والاهب يركض سويه
سهامه العـدو يــاوادم وراهه/شمرهه
الشمرت كلشي مـاخلت وراهه
اجت وتلگت اجروحي وراهه
احس بجروحي اه تصيح بيه
جروحي مابرت ياناس واطيب
هلي المعروف بيهم لاذ واطيب
العلتي مالگيت اعلاج واطيب/الطب
عليله والحزن خيم عليه
*******
ابوحيدر
الصبيحاوي
واويلاه يامولاي
***********
راح اغمض اعيونــي وتلمس خيال
حتى اعيش الطف واشوفنك ضوه
شفت جيــش بعــدد حــبات الرمال
وصــوت بيــهم للسـمه يـصعد دوه
*****
وبــاوعت لحسين كــل ربعـه جبال
وعيني صارت عل خيم شفت الوه
وصــار نــور العــرش لـلوادم مثال
وشفــت ابــوالسجاد لحبابــه هوه
*****
باوعت صـوب المخيم دمعي سال
وگلبي بـل حسرات حسيته انچوه
شفت طفله بيها چــن الـوكت مال
وياهــه كــومه زغار ويلوعن سوه
*****
كـــل امــانيهم صـفت مــاي الزلال
وهمــه واحــدهــم ولا قطره حوه
ذبلـت اشفاف الــورد والمي محال
بعيني ابــاوع مــاشفت واحد روه
*****
ركضو اعلــه حسين مبهوته العيال
شفت ملك الموت عل موقف خوه
يگول هــاي النــاس تـربات الدلال
مــال مــن الحرگــه حسيته التوه
*****
شفت عباس وطحت مــن الجمال
وگلبي بين اظلوعي يـاناس انزوه
شفته مگطوع اليمين ويه الشمال
گلت شــد ارحــالــه مــولانــه نوه
*******
ابوحيدر
الصبيحاوي
عاشور اجانه عاشور اجانه
رايــح حمانه رايــح حمانه
ماظل دمع بلعين راح الگمر وحسين
رايــح حمانه رايــح حمانه
******
هلي دمع يــاعين وذكري المصيبه
حسين وهلي يرحون وابقه غريبه
ولــيله التــمر يــانـاس ليله رهيبه
بدلالي اسمع صوت ونـــه ونحيبه
كل مايمر عاشور گلبي احس مفطور
شگد الامانه شگد الامانه
****
زينب واظــل للدوم انــعه الرزيه
واتمنه يمي اهنــاء امــي الزچيه
عــاشور الــك لچمات والبيه بيه
مــاخذ عــزيز الروح ونـوح اليه
صب يادمع بسكوت العاشر الي تابوت
يسمع بچانه يسمع بچانه
****
ليلي اخلصه بنوح لمــن تچينه
اسود يصير اليوم وليله حزينه
كلك دمــع وهموم وتــمر علينه
عاشور ابو الاهات نسمع ونينه
لچمات اله واهات نص الگلب حسرات
ظالم سبانه ظالم سبانه
****
بلگلب منــك نـــار وزايـد الامنه
كل مايجي بلبال حرگت خيمنه
گالو خوارج ذول ونكرو اسمنه
ذبحو ابو السجاد منه انحرمنه
بدم گضت الايام ذبــحو الي احلام
الطف نعانه الطف نعانه
****
ويــاك الي احساب يـوم القيامه
ضدي صرت ادريك ضد اليتامه
تاليهه بيــن الناس اصبح ملامه
خليت دمعي ويــاك اكبر علامه
راحت مشت احباب ودلالـي بيـهم ذاب
يخنگ هوانه يخنگ هوانه
******
ابوحيدر
الصبيحاوي
نصيح بصـوت مــاتحـضر ولينه
تــعال انگول كــون اتــرد علينه
*****
تــعال الــزهــره تتنطر قــدومك
واحنا وياهـه كلنه انتاني يومك
ندري اعليك كلفـه كـل هـمومك
تـحزمــنه ونگــول احــنه نعينه
****
مــاي العين الــك صـبت دمعهه
روحي من حچت محد سمعهه
الونين البـيه يــوجــع مـانفعهه
وگلبي دويه الـه واسمع ونينه
****
ثار حسين اريــده اليــوم منك
وادري مــابطــل يلغـالي ونــك
تصب اعيوني لو سولفت عنك
يبخت الدين يل روحك حنينه
****
تعال وشوف بينه شگد نوايب
بدونك كل عمرنه بس مصايب
گضيناهه نـــتاني وانته غايب
نتاني سنين بلكي هــم تجينه
****
مر عاشور بينه وردنـه شوفك
ولــو نلگاك صـدگ مــانعوفك
يبحر الــزود تانـينه ابجروفك
ومن الفرگه تدري شگد بچينه
****
الناس اهموم شالت من بعادك
ندري اعلينه چـم هم ابفوئادك
الكون ينوح ظــل وكــله رادك
ولان ردنــــاك مـــولاي ابتلينه
****
ابوحيدر
الصبيحاوي
بحسين العالم اسراره
بلـــوادم ظلـــن اثـاره
********
كــل الجيش اندار اهناء
جاب الموت وظل اوياء
گــال حسين اليـله الگاء
والموت يصبح خطاره
*****
شاف بعينه انجوم اطيح
طاحت مـا حركهه الريح
اطفال ويه الخدر تصيح
ايتام وظلت محتاره
*****
ظلــت بــس ايتـام تنوح
تفــتر دايـر عــل مذبوح
كل الطف اهناء مجروح
وماتنفع وياهم چاره
*****
ايتام الطشت نـص حومه
وكلمن بــانت ليـنه اعلومه
مسلب مولاي امن اهدومه
والدم من عده يتجاره
*****
زاد اعــله الوادم بحزانه
وكلمن دمــه ظل نيشانه
طاحو كــل اهله وخوانه
وگدامه طاحو انصاره
*****
ملچوم بجرحه كل حيله
مات ابنه بحضنه يلوليله
مهيوب وما يرضه بعيله
وبلحق مثبت اصراره
*****
ابوحيدر
الصبيحاوي
كل بيت اليحط رايه من حسين اخذ رايه
الطف قرءان وقرايه درب حسـين اعرفنه
****
هاي ايام حزن ونوح وبس ادمــوع نگضيهه
نــاخــذ عبره من الصار احــرار انصير تاليهه
هيچي گــال ابــو الثــوار ثبـــت نهج واليهه
خله الطف درس للناس هـذه حسين باديهه
خط بدم نهج للناس دگ بيده تراه الساس
ورادانه نعـلي الراس نعيـش احــرار يتـمنه
****
هاك اسمع كلامي هذ تصعد ترتقي النجمات
تعلم مـن ابو السجاد ومشي بمنهج الهيهات
عمرك بلكرامه اگضيه ونفاسك تظل ثورات
للحق فـزع انته وگوم واخذ العبر والغايات
اخذ الغايه من الصار امشي بنهج ابوالاحرار
لاتمشي بنهج اشرار وبــالــك تقــبل ابمنه
****
بلطف چــم درس خله مــن الاكبر اخذ عبره
شــاب ودنيته تــزهي بــس للحق فده عمره
صــايــر ثـوره للشبان وخله بكل گلب جمره
رسم للجايــن ادروب وكــل قطره دمه ثوره
تعلم منه رفع الهام وحارب لو شفت ظلام
لا تبقه العـمر تنلام وتگضي العمر بس ونه
****
مــثل حسين گــول الا ورددهــه بعلو حسك
ثــور اعلــه الظلم لــو صار وگله يلظلم بسك
لا تغمض جــفن وتنــام لــو منه شفت مسك
مــن الطف اخـذ رايك وعطر الغيره ابنفسك
لاترضه وتهادن جور ثور اعله اليضدك ثور
اكسر كل ظلام بنور لــو منــك تــــره ادنه
****
صــب دمعك لبو السجاد وعيش بعزه للتالي
واســيه بلمـجالس دوم ومشي بمنهج الغالي
تصور روحك بنص طف ويمك حاضر الوالي
يريدك تگضي كل عمرك راسك شامخ وعالي
لا تسكت على الضدوك لتهادن تره العادوك
اوگف سيف للظلموك وسيفك بيهم امحنه
****
ابوحيدر
الصبيحاوي
خادم گضيت اسنيني اتباهه باسم حسيني
****
بلخدمه الك اتباهه وعمري اخلصه وياهه
ايامه كـلهه انعاهه وتصـب دمعهه عيني
****
بيك افتخر سموني كـل ناسي ايعرفوني
ثوبت دمـع اعيوني وتلطم الـــك چفيني
****
ايــامي كلهن كـربله والدنيه احس مهدله
يتراوه اشوفنه البله وحزني صفه مغطيني
****
يابعد روحي ودنيتي حسين اعــرفه غايتي
عليت بسمك رايتي وبــس انتــه المعليني
****
شيبت وانه بخدمتك مهيوب اظــل بعزتك
لليوم اردد چلمتك الهيهات احس تحيني
****
ماعايف ادروبك تره واهــات بيـنه مفطره
يحسين يلضمك ثره اواسيك وتـــواسيني
****
النضر ماضل وعمه للرخص الـروح ودمه
حزنانه وياي السمه وذكرك تــــره يرويني
****
اسنيني ويامي الك للعتره خــادم اوهلك
ياشوگ الله امحللك چـن اسمع اتحاچيني
****
ابوحيدر
الصبيحاوي
شبيك يهلال المحرم من تهل
دمعت اعيوني بواچي ماتمل
*****
شبيك يهلال اليالي بـس حـزن
بيك واحدنه ترس دمعه الجفن
نگوم لــيل انهــار سـاعاتك نون
بجيتك يتراوه الــي طف ونبل
*****
من اشوف اهلاله تبدي حسرتي
ومدري ليش اطيح مني دمعتي
حيل تخنگ بيــه احسن عبرتي
وبيــه ونــــه راح تكــتلني كتل
*****
ويـــه جيـتك يعله بلناس البچي
غيــر سيرت كـربله ميظل حچي
چــن رمــح بلگلــب بينه ينتچي
بشوفتك يهلال كل جسمي تشل
*****
اليــله كــل الخــلگ تنطر والفلك
شــگد ســوالف عدنه ضمينه الك
بينه حسره علـى حسين ونسئلك
شلـون بلميدان مــن طــاح النفل
*****
بجيتك تجري العيون بكل وكت
ونــار بلدلال مـــن نــورك شـفت
على الــون والنــوح اني اتوزرت
رايه بيدي وعلى حسيني انسئل
*****
بـــــيك نذكر زينب وذاك السبي
ويـــــــــه جيتك ذبحو ال النبي
واليتامه اهواي بي تحبي حبي
وتالي ماتالي يطش ذاك الشمل
*****
وبيـك ظــل حسين مابين العده
والسهام تــراشـگت مــــثل النده
بطلتك المــوت استـعد بيهم بده
شلون عفته مطرز اجروح وعدل
*****
ابوحيدر
الصبيحاوي
يليله يليله راح الاكبر يليله
****
علي من طب علي مــثل طبـت الولي
وگال احمي هلي لمن وصل
اذل اعــدانه گال احميهه انه العيال
اطب سوح القتال اگوف جبل
بشليله بشليله شايل الدنيه بشليله
****
چفه الطف بلعده وبــده بيـــهم بـده
الموت اوياه حده فر حومته
صاح ابصوته صاح حـي اعلى الفلاح
بيـده ال ســمه لاح اخذ غايته
طويله طويله تصير ليلتنه طويله
****
الدم بعروگه شاط بيــهم علــه حــاط
جيش بذراعه خاط چنه الگمر
طب وبسيفه جال خيل طشت ورجال
مابقه بلطف خيال ماظل اثر
جبيله جبيله ابد ماصح جبيله
****
دار بلــحومه دار بعينه يطاير شرار
صارمه مشتعل نار سيفه گصه
صاح ياحيدر وگام شايل اوصاف الامام
صارو اگباله نـعام صوتهم نصه
ثجيله ثجيله هاي طگاته ثجيله
****
بيهم اتعنه يجول والزلم صارت خيول
دورو الهـم حلول يوم القه
كلمن يدور مكان مايصح عدهم امان
تيهو حتى العنان وبيهم رقه
دلـيله دليـله ينبض بحرگه دليله
****
طشهم لم اليطيح الموت بچفوفه يصيح
گام يخنگهم الريح كلشي عثر
حوم متعلي يدور هاي اطباع الصگور
يخطف وشافو نور حسو خطرأ
بـديله بـديله الموت ماعدهم بديله
****
ابوحيدر
الصبيحاوي
المنيه المنيه مايهاب المنيه
****
نزل جسام حومه رسم طف ابدمومه
خله اعـداء تلومه مثل حامي الحميه
****
شهم يـوم الملاگه مــن بيــهم تـــلاگه
اخـذ ثــار الرفاگه يحمل هـــم وصيه
****
مثل عباس طبهم بــرق چنه خطفهم
جـاب الموت الهم صوغه الـهم هديه
****
شن ابـزوده غاره خــله الكــل حياره
الكون افتر مداره حــــير كـــــل اميه
****
نذر روحه وحياته عمـره وكـل صباته
هد جيش الشماته تــرس بيهم وطيه
****
صعد هام المراجل بــــرز بلطف مقاتل
على عمه ابوفاضل نصر ولـــــد الزچيه
****
يفـر بيهم طفوفه حط بلجيش خوفه
العسكر ظل يطوفه مــــــن كض الثنيه
****
درس سوه بمصيره ابـو الهيبه الچبيره
فده الدين اواميره ابــــن خيــر البريه
****
ابوحيدر
الصبيحاوي
عــمه غطـيني بعباتچ عمه كـثرن نــايــباتچ
حطو بگلبي الجمر عمه اخاف من الشمر
عمه عمه
****
مــاتــت بعيني الــبرائه من شفت خيل ودمه
صــاحت الاهات بيه وكــل دمــوعـي موسمه
ويــن مــاصــدن جثثهم بنص طفوف امثلمه
حــرگــو اچــم اه بيـنه وچــم زغيره اوناعمه
اني اصــدنهم اجونه عــمه تهـنه ومالگونه
فوگ كـل هذه الهجر عمه اخاف من الشمر
عمه عمه
*****
دخــن الطــف ابخيــمنه ونــار بيتـام اولـهب
وكل عزيز وغالي عدنه بذاك عاشرنـه نسلب
الدنيه متحزمه عليـنه وكلشي احـسنه نحب
ياذي احسنه عــتابــي ورايـح اليسوه العتب
الخيل وسيوف اونيني اوشلن دمعات عيني
هــدت اعلينه الكـفر عمه اخاف من الشمر
عمه عمه
*****
حـايره وكـلهه تصيح الموت والخوف اعتنن
وخــيل اميه الروعتنه عــل خـيم كلهن اجن
بطــرف مــن ذيــچ العبايه كل خواتي چلبن
الطاحــن ابــين الحوافـر موت والام الحون
اركض واسمع بچيهن دارت الوادم عليهن
تيتم اويانــه الصبر عمه اخاف من الشمر
عمه عمه
*****
الگاع صبغوهــا بــدمانه واسمع النوح اعتله
وظلمه بعيونـي شفتهه ســوده صارت كربله
بــل رمــح عبدالله راسه زغيــر ابموته ابتله
تحرگ الحسرات بينه الـدمــعه تبچي مهدله
بويه ماصيحن اخاف ترجف وسكتت شفاف
شفنه اهـات اشكثر عمه اخاف من الشمر
عمه عمه
*****
اعثر ابممشاي اطيحن ومنـي بايد حيل الي
الدنيه بعيوني شفتهه سـوده من راحو هلي
اسمع الدمعات تحچي تـنعه صاحت يا علي
دورت بــين الخذونـه وگمـت ادور عل ولي
والسبي صارت بدايه رحلت اهات وسبايه
تبــدت اسنين العمر عمه اخاف من الشمر
عمه عمه
*****
ابوحيدر
الصبيحاوي
الــك حنيت يــاثمــرت دليلي
يـعبدالله فــرغ بعــدك شـلـيلي
****
ياسباح گلـبي وفتشت اعيوني
ظل اگماطك اومهدك يلوموني
ناس شبيهه عل غالي يبچوني
ومنـــي راح يــــاوادم خلــيلي
****
اهــزن بلمــهد والــدمع اسيله
واحس ابليلتي كــلش طويله
لـون الدنيه بعدك چــنه شيله
احاچي بدمعتي گتلهه سيلي
****
تعال اشتاگلك يــايمه اناغيك
اريدن كون يوليدي احاچيك
تمنيتك بحضني وانـه الوليك
كون تعود يمه تشوف حيلي
****
غريبه وتايهه واربــاي ضايع
والضيعته بي ريحت جوامع
عليه بلعين مــاضلت مدامع
وبس النوح ســويته جبيلي
****
ريت بـروحي خليته واضمه
گلبي طـاح يـوم السال دمه
يـناغيني وبـعد مــاگال يمه
وانه الظليت اونن اه ويلي
****
بعــده ازغير والموت ايتدنه
محتاره السوالف تحچي عنه
راح اوعــاف بلــدلال ونـــــه
يدنيه اويــاي بلچمات عيلي
****
اگضي اليوم بيــن الاه والونه
وگلبي من ونينه حيل امردنه
يبــن اصباي يــل رايــح املنه
من يوم الرحت مايگضي ليلي
****
ابوحيدر
الصبيحاوي
لحسين الدمــع كـله اصبنه
واخلصنه الــعمر بــلاه والونه
*****
يــنوح اعــليه دلالـي وزماني
مصاب حسين دوهني عماني
وبــي البـين صـوبني ورماني
وگلبي بغيبتك اشلون اصبرنه
*****
اون اعليك مــــايبــطل ونيني
تصب حسرات ماهودت عيني
اصيح الموت مارد علي بيني
گمت الموت ياوادم انه اتمنه
*****
نــار افــراگكم حــرگت دليلي
ولحسـين الدمع تارس شليلي
مــن هول الجره بايد يحيلي
من طاح الولي تمنيت اشبگنه
*****
عشت بهموم بفراگ الجفوني
راحــو يـاخلگ چنهم نسوني
ريــت احـباب دلالي خذوني
والرايح عزيز بحرگه اصيحنه
*****
اصـيح حسين والدمـعه نديه
انشف ادموعي ماتلحگ اديه
شفت اهـــات لـوعات اواذيه
عزيز الروح شفته بدمه امحنه
*****
عفتلي ايتام ملچومه بدمعهه
تبچي والبچي مــاظـن نفعهه
بگلــبهن اه خــالقنــه سـمعهه
منك يلولي هم گطعت الضنه
*****
سبيه اخلافك ابنص السبونه
حرگو كــــل خيمنه وسلبونه
على الهزل يبوالغيره خذونه
واجانه الضيم للغالين يتعنه
*****
ابوحيدر
الصبيحاوي
الله وياك ياخويه الله وياك ياخويه
*****
لمن رحت للحومه گلـبي چثيره اهمومه
مجروح دلالي احس روحي صفت مالومه
*****
تدريهه اخر ساعه وكـل حضرت لوداعه
بلخطوه راسم موتي ساكت الموت اطباعه
*****
بعيونه باچر شفته بـدمه رسم سالفته
هيهات بينه زارع لمـن نطقهه ابشفته
*****
تبچي بناته ابشهگه بيـنت هـسه الفرگه
رايح وعايف بينه گلوب وخيم محترگه
*****
صاحت رقيه بلهفه مــاريــد نورك يطفه
احضني خل اتنفس الموت وعده ملتفه
*****
خويه البعد ياذيني عميانه لجلك عيني
يابعد هاي اوهايه يابعد كــل اسنيني
*****
للتله اجيت اگبالك خويه هضمني حالك
شفت الالم بعيونك وسـهم الــثلم دلالك
*****
عنك شمر باعدني ارجع وطگني ابمتني
تشمت بنور اعيوني گدام اخــوي وعتني
*****
ظليت اصد بعيونه ليش العده يضربونه
هذه عزيز الزهره وسفه تـره يذبحونه
*****
ابوحيدر
الصبيحاوي
للشبان اونن خــل يسمعوني
واريد ابنوح كون الكل يعينوني
*****
مشو ياحيف واستعجل وكتهم
بعــد ويــن الـگه يـاوادم مثلهم
زغــار وظــالــم اويـاهم حلمهم
وردتهم كون ياوادم يشيعوني
*****
چم عريس بيهم مــن جفونـه
مثــل جسام كلــهم ودعــونـه
زغــار اكبـار راحو مــا اجونـه
اگضي العمر اونن لا تلوموني
*****
خذت مـنا المگابر وين العزاز
بيهه افصوص در وبيهه الماز
ويــوميـه الگلب بحبابه جناز
والدمعات من راحو يواسوني
*****
زرعنه اورود مابين اليموتون
بلكت بــاچر اوعگبه يعودون
عليهم وشلت دمعات العيون
مابطل البچي لمن يحاچوني
*****
يــادفــان وسـع لحـده فـدوه
اجــاك الكلشي بلدلال يسـوه
عفنه اهناك گلب امــه يـتلوه
تگول اوياه ياوادم ادفنوني
*****
شعلنه اشموع لعيون المرحلين
راحــو غــربـو يـاناس مجفين
وچــانت عامره بيـهم دواوين
وهسه بـدمعتي والاه خلوني
*****
عشت ايام كل عمري بذكرهم
ذوله احاب گلبي شلون املهم
اخاف اتراب هـم غير شكلهم
اعزاز وغــربــو مني وجفوني
*****
ابوحيدر
الصبيحاوي
زينب تون ليهم تحن
سكته تنوح ام الـحزن
راحو اهلهه ياناس زينبكم المظلومه
******
شافت مئاسي والجره ياذيهه
زينب اميره وبـل سبي تاليهه
حــزو وريــده ونـذبح واليهه
بهذه الجره كــل حايره
ادير العين عل مجزره
تچويهه حتى الحسرات من الجره مهظومه
******
مـاظل ضعنهم تيهينه اخباره
والطف لچمنه وبينت اسراره
الطايح شهم مــاتنسي اثـاره
الحره بتلت من انولت
دون الناس وتـعـلعـلت
لمـت يــتامــاك حسين لطشرت بلحومه
******
حرگو خيمهه وصبحت بلهيمه
ماظل ذراها ولابقت هم خيمه
ورم گلبهه وصار يـوجع ظيمه
تصد المهد ماظل ولد
بس اگماط ويه الوعد
عبدالله جارت دنياه وتلگه وعده ويومه
******
جــابو هزلهم واليتامه ابحيره
تلچمني گامت چلمت الاسيره
وانــه العليهم بـت علي اميره
دار الزمن عفنه الوطن
جانه البين هموم الافن
يلتنشد ابحالي شصار بين العده مالومه
******
لامــونـه كلنه والنياحه بهيده
واليـنه غــرب والمنيه تــريده
ماسلم من اعداه خنصر ايده
طاح الولي عينت هلي
دمه يسيل ابنك علي
والوكت بينه يندار لتمت علينه اهمومه
******
للشام اجيـنه والخلگ لامتنه
وعيون شماتي تصد شافتنه
الشام كلـهه جــارت وعادتنه
تصد ابحقد صوب الورد
هاي الناس علينه تهــــد
مادرو بگلوب ايتام من الجره ملچومه
******
ابوحيدر
الصبيحاوي
يعباس يــراعي الموزمه
يعباس گمر وبنص سمه
******
راعي الكلافه ادريه بزنوده غيره
شايل وفــه العباس بـدر العشيره
عــالـي يظل للدوم ويضوي ديره
هــذه الگـمر ياناس طــايـع اميره
يعباس ابن حامي الحمه
*****
لــمن نــزل ميــدان حيدر صفاته
خلاها كومه الروس حـارو عداته
جــاب النــهر بلجود رغم الشماته
غطه الشمس ويـاه ستر الخواته
يعباس سكت ظالمه
*****
محـد يجي الملگاه وفـنه التـدنه
ترجف زلم والخيل مـرعوبه منه
طب طشر العدوان وبسيفه فـنه
محيرنه راعي الزود لواحچي عنه
يعباس سواهه دمه
*****
ملهوفه حومه اعليه تنشد گمــرنه
تــدري المثل عباس شوفه بعمرنه
سرفن اديــه وگام شايل جمرنه
طب وقلقها الگوم گــالو كسرنه
يعباس كلهه ململمه
*****
بچدامه داس الماي ذل الشريعه
لسكينه گال يهون ولجل الوديعه
بيـهم اخـلي اليوم تصبح فجيعه
الطف يصير ادموم وگاعه نگيعه
يعباس وبيده صارمه
*****
ابوحيدر
الصبيحاوي
مــاتنحمل يــانــاس هاي المصيبه
زينب عجيدت گوم صارت غريبه
صارت غريبه صارت غريبه
*****
بلگلب حسرات شكثر بل عاشر اتبده العمر
لچمات بيهه
نيرانهه بگد المشو من عدهه راحو مااجو
بعدو عليهه
بعيونهه شافت دمه ومحمله اهموم السمه
فگدت وليهه
كل الدمع منهه يصب ضلت وحيده
تتمنه لــو يمـهه گرب موت التريده
مــــاتنسي الاهـــات لــيله رهــيبه
زينب عجيدت گوم صارت غريبه
*****
اهات بيهه محيره والگلب كسرو خاطره
ظلت ملامه
اطفال وياهه ونسه اوخيم اعليهه المسه
ولمت يتامه
ذبحو حسين وعترته ومسبيه كلهه عيلته
حرگو خيامه
طايح ابــن خير البشر لجماته زادت
وزينب تون من الجره للغـالي رادت
والصار بيهه يــاناس والله عجيبه
زينب عجيدت گوم صارت غريبه
*****
چانت اميره مدلله وهسه اسيره معلعله
بت الزچيه
بدموعهه عزت نفس ماتنچهب ندري الشمس
وتضل ضويه
بعيونهه خزرت علي مهيوبه تــربات الـــولي
هــاي الابيه
زينب مــثل جود ونهر عشرتها صارت
مظلومه بت حيدر علي والگوم جارت
والگلب بيهه مــاهده تسمع نحيبه
زينب عجيدت گوم صارت غريبه
*****
لاابن عدهه ولا اخو بلهزل ماخذهه العدو
گالت ولونه
ايتامهه بگد النده وبلضعن ظالمهم حده
صلفه عيونه
صارت كفيله للضعن ويتامهه تنــوح ونعن
صاحت جفونه
ومــا ردو الراحو امس غــابو اهلنه
ياريت نرجع عل مضه ويرد شملنه
ونطـفي نيـران الگلب البينه لهيبه
زينب عچيدت گوم صارت غريبه
*****
يلچمهه طاري المنذبح ابطولهه يصير الجرح
وتگول يــمه
متعلمه بعيونه تصد راحت اواله وياه ترد
متگبعه همه
تسكتمن وبيها الدمع والون جزاهه وينسمع
وتشوف دمه
نــاحـت مثــل ام الولد وضايع ابـنهه
زينب صفت كلها حزن وباين حزنهه
دمعتها تطلع تستحي هاي الحبيبه
زينب عچيدت گوم صارت غريبه
*****
ابوحيدر
الصبيحاوي
صوت اسمعه من اهلنه
راح مـــــنه البي محنه
حسين حسين الحگ النه
*****
بعيني اصدن للخيم گـربت عداهم
وانـــه مــابيــه بعـــد انهض وراهم
شــفت جيش اعداي بخيوله لفاهم
ونـــار عدواني طغت محد حماهم
هــذه حــالي بگلبي حسره
الخيم صارت بــــيه جمره
حسين حسين الحگ النه
*****
گمــت احسن بلمنيه وروحي راحت
شلون مــا انــدار بيه اجـروح ناحت
اسمع اطفال ونسه بلحومه صاحت
شفت اني اچم رقيه وسكنه طاحت
وارد اگومن بــاد حيلي
سهم ياذي بنص دليلي
حسين حسين الحگ النه
*****
جسمي مثــل اليــل والتمن نجومه
واحــد انـــه والعـده ظلــت تلــومه
بكربله انــدارت علــيه اهناك حومه
اجروح بيه تزاحمت يــاناس كومه
صفنه صارت مات كلشي
گوه احــرك گمت رمشي
حسين حسين الحگ النه
*****
بيـــة مــابيــه اشــوف الصـار بيهم
گمت اغمـض عيني وافتحها عليهم
بصوت ناصي ياخلگ اسمع حچيهم
كلشـي بعيـونــي شفت تشمر اديهم
احجار شالت علي ترمي
بطول جسمي صار دمي
حسين حسين الحگ النه
*****
نــار اشوفــن والخيم كلهه مسعره
واليتامه كلهــه طشت چنهه مطره
ترست الحومه بركضها وبيها عبره
واسمع مهامس سوالف خل ننحره
بعيني حمره الدنيه صارت
علــي كــلهه الــيله جــارت
حسين حسين الحگ النه
*****
ابوحيدر
الصبيحاوي
مـــر مـــحرم والــدمــــع مني جره
گمت احس ابروحي چنهه امحيره
صحت يحسين صحت يحسين
******
الناس كلهــه تحضرت والـــهم بده
والسواد انتشر چــــن طــاح النده
ثورة حسين وتظل هـــم خـــالـده
وبيهه نـــاس اتــنوح كلهه امرمره
****
علـــگ الـــرايات كـل واحد محب
وگـام بـاسم حسين دمعاته تصب
كلـــمن الـــوالاك شيــعي ينحسب
هـــاذ يـــومــك كل موالي ينطره
****
مــــر محرم والدمـع مدري شجاء
والـــوكــت ويـــانه ناح وهم نعاء
هــذه شــهر حسـين ويـــام الولاء
چـــم گلـــب عــاشور بينه كاسره
****
بيــك نــذكــر زينب وحـال السبي
نــذكــر الچويات مــن ظـهر العبي
وصــار حــادي النوگ بيهن اجنبي
وكـل يتامــه حسين بيك امئسره
****
لوحضر عاشور احس بلهم حضر
ودگت اطبول الحرب بان الخطر
اهناء بعد مايلحك ابدمعه النضر
ابالي صوره تصير موت ومجزره
****
مــن السنه يــاريت ذكرك مايظل
مــات بيــك الچــان للـوادم امـل
بينه كومه اجـروح سويت وعلل
وبيك ابــوالسجاد حـــزو منحره
****
شلون ظــل الكون سـاكن ماوگع
وراس ابـو اليمه يوادمنـه نگطع
بهل مصيبه العالم اباسـره نفجع
تالي لحگوه اعله گطعت خنصره
*****
ابوحيدر
الصبيحاوي
وصل مسلم وصل مسلم غربته
*****
حــامــل اهات شكثر محمل اهموم وصبر
بگلبه حسرات وجمر سيف بــاشط چلمته
*****
ينكت اغبــار الدرب هيـئته هيـئت حـرب
بــاوع الــهم يقترب وهــوه يعرف غايته
*****
لتمت الناس ابصفوف تزاحمت كــل الالوف
كلنه گالوله سيوف مــن دنــو يــم هيبته
*****
گالو ابـدربك نسير وابــد ماهزنه الامير
التمو الجمع الچبير وتــالـي كلهه عافته
*****
تبخرو عافوه وحيد والكفر مــوته تريد
تايه ابفكره وبعيد ودنــيه كلهه عادته
*****
بغربه اومحد الـــه وگــام يتــمنه هـــله
بــوادم احتار ابتله مره طوعه ونصرته
*****
گال لحسين السلام ابعـث ابجنح الحمام
ويسمع ورد الامـام بگــلبه تلــچم علــته
*****
تكاثرو اهـل الرده الموت گــالوله بــده
محضره كل العده مــــــات رافع هامته
*****
ابوحيدر
الصبيحاوي
ضعن الولي بتسياره وباچر دمه يتجاره
ضعن الولي ضعن الولي
******
للموت اجه حسين وهله واصحابه
وچان الدهر شاهد يشوف امصابه
يـــدري سبايه اتـروح كـــل احبابه
والــقدر يمــهم ســير اوفـك بــابه
سار الضعن عاف الوطن تدرونه
عدوان الـه بــنص كربله يتانونه
اطفال ونسه حياره وباچر دمه يتجاره
*****
يــوم الوصــل للطف علت اهاته
صــار العمر حسبت وكت حياته
دويــه بخيم لمــن بــدت صلاته
توجع دليل الطف تــره حسراته
للطف رحل لمن وصل باهاته
يوم الاجو تــالي لگو شماته
مــوتــه صــفه قراره وباچر دمه يتجاره
*****
كلمن عــرف يومه واجه التاليه
وكلهم درو دنيه بوكت مگضيه
خيم رحلهم مــــن حچه راعيه
وكلمن يــگول اهموم زادن بيه
بهذه الوضع كل الجمع متحضره
اطفال ونسه بهذه المسه متــكوره
عيون الضعن سهاره وباچر دمه يتجاره
*****
صفنو حتى الدنيه ويه اسمانه
وگالو الموت اليله جبنه اويانه
التاريخ احنا نكتبه بس بدمانه
وبلدم نطرزه لـــو يـرف الوانه
صوت البچي مابي حچي تعرفونه
هذه الدمع ظل منفجع بعيــونه
سوه الــدمـع شراره وباچر دمه يتجاره
*****
ضعن الاحـبه ابليل حط اذلوله
واليل بي يانـاس صار اشطوله
بادي محرم فــدوه هـم گولوله
بات الضعن بلهيمه نص الچوله
بديرت غرب ذاب الگلب وتچوه
عايش حزن ليله يــــون للــبلوه
ناحت الــه العذاره وباچر دمه يتجاره
*****
ابوحيدر
الصبيحاوي
شفت اهلال لابــس اسود ماضاوي
شفت اهلال عطشان وماضن راوي
مات ومابي حتى گمره
ظل بلعالي وحزو نحره
شفت اهلال شفت اهلال
*****
مــر اوايـامه بحسرات شايل چم لوعه ولوعه
شفـته مـايعدل ظهره يمكن مكسوره اظلوعه
حزنان ومـاظل نــوره وبعيونه الكل مفجوعه
شايل اهـات ابصدره وصوت الــونه مسموعه
اتاني الناس كلـمن يحـضر نوحه
اتاني الناس كل الخلگ مجروحه
بنوح اسنينه گاضي وعمره
ظــل بلعالــي وحــزو نحره
شفت اهلال شفت اهلال
*****
حـزنان ومتعلي ادريه واسمع وناته من ابعيد
خجلان وبعيونه ادموع والجيته ماظنه يريد
للنهر اعيونــه تنــدار خايف ينضر جـود اوئيد
مــرسوم الموت ابــالــه ابجياته مايبقه الحيد
ظل بحيره ويـاه اطيح الدمعه
ظل بحيره مغنتب ومابي لمعه
كــل ايــامه صارت عثره
ظل بلــعالي وحزو نحره
شفت اهلال شفت اهلال
*****
تــرفرف لــوبين رايـات وكــل الخلگ مالومه
والعاشر البــي مهـيوب وشگد طويل ابيومه
بــدنيانه يتعالــه اغبار وبعيون الوادم حومه
توجع جياتــه وتاذي تلچمني ابجيته اعلومه
يومك بينه اهاته حسرات اونه
يومك بينه العالم ابئسره محنه
بعين الوادم شحت گطراه
ظــل بلعالــي وحزو نحره
شفت اهلال شفت اهلال
*****
اهلال الــدنيــه امبچينه ساعاته تمر ابئاهات
ايعيد الطف اوايامه ونگضيهه بينه الجمرات
يتوارد گلبي بنيرانــه ويـدخن مثل الخيمات
ايعيد امصاب الياذينه وترد اويانه الحسرات
دمع يلالي ماظل وعاف اعيوني
دمع يلالي خلـه الناس يلوموني
خــلانــي بس اه وحـسره
ظــل بلعالي وحـزو نحره
شفت اهلال شفت اهلال
*****
ابوحيدر
الصبيحاوي
وحيده ام عون والعـــدوان اجوهه
*****
هــايـه ام الخــدر ظلت وحيده
اليــوم اچـــم عــزيز الهه تريده
الگطع بيهه گطع وصله وبريده
وراحو كل اهلهه وچــــن نـــــسوهه
*****
نسوهه وطاحت ابگوم الشماته
تگول حسين كون يصـد خواته
شفنه الموت مـــن بانت صفاته
مشت خوانهه وكلـــهم جــفوهـــه
*****
جفو يــاناس كــل اهل الموده
صـفو مــاي وعلى الغبره تبده
گلبهه الصار يوم الطف يمرده
سبيه بت علي تــــالـــــي خــذوهه
*****
خذوهه وسارت اوياهه اليتامه
وعليهه تنــادست اهــل الملامه
اخوي تگول هــل حرگو خيامه
ابغض عدوان يــــــاوادم سبوهه
*****
تـــدور اعـزاز راحت مــــاتجيهه
وصفت بسكوت دمعتهه ونعيهه
تهــز ديـوانهــم مغضب حچيهه
زينــب هـــاي وخــوتهــه فـدوهه
*****
سرت للشام بت حامي الحميه
على الهزل مشت شــافت اذيه
واهلهه اهناك ظلو بــــل وطيه
امــيه الـيوم ظــــلام اولـــــوهه
*****
وياهه الموت شد احرابه تالي
اخذ منهه العزيز وعدهه غالي
ودمــع العين ظـل بيهه يلالي
يــتامــه ازغار شــافــوهه ونعوهه
*****
گظو ياحيف كـل اهل المحنه
اليله الموت اخذ عينت اهلنه
صفينه اغراب مـاخلو شملنه
وروحي اليوم بحبابي بلــــــوهه
*****
ابوحيدر
الصبيحاوي
باچر ورانه اگبور خل نغتنم عاشور
نداوي ظلع مكسور ببن الزچيه
*****
خل نرسم حسين الدرب ونمشي بمساره
ونلحـگ احنـه اعله العمر مـــنظـل حياره
كلمن وعــي عنـده وعقل ويـــاخذ قراره
الخــادم تـره لـــو ينــقبل شيـــخ اباماره
امشي بطريق حسين وثوب دمعهه العين
ذوب ابهـوه الهادين اهل الحميه
*****
بــاچـر شفاعـه تــريـد الك وعندك اماني
انصر حسين ابــكل وعـي ومثله تــعاني
يحضر الــك يــوم الـردت ويگلك انــــي
الخاطر دمــع عـينك اجي شگد عذباني
تلگه الامام اهـناك بلوحشه هــم وياك
وللموت ما ينساك بلحدك تچيه
*****
خلي الدمــع مــثل النهر وانعه المصيبه
نــوح بكــثر كــل دنيتك لــوعت غريبه
بطاري الولي خلي العمر عيشه بنحيبه
وخــذ العــبر مــن كربله بليلـه رهــيبه
عيش ابخت طرواه ثوب دمــع ونعاه
بيوم الحشر تلگاه هوه ونبيه
*****
حط بالـك ابذاك الجره ارسم مسارك
فرزن حچي عمره دهر سولف قرارك
انصر حسين بكل وكت ولاتطفه نارك
ولو زرته انته ابحضرته بلــــگبر زارك
يحضر ابيوم اتريد يگرب الچان ابعيد
ايمدلك انـته الئيد بذيچ الثنيه
*****
سوي عزائه ابكل وكت احسب حسابه
وذكر شكو صار وسده وذكــــر عــذابه
مئتم الـه سوي وحزن ونــدب مـصابه
تخيل وگع من صهوته دامي ابخضابه
اسهامه ماالهن عدد الصدر بلخيل انمرد
متحير بجيته الوعد وكت المنيه
*****
ابوحيدر
الصبيحاوي
على دچت حزن باب اتاني وانطر احباب
بويه بحرگه اصيحن گمت اتاني
مثل حزن العليله بروحي اعاني
اتاني اتاني
*****
اتــانــي الــرايح يعود مــل حتى انتظاري
زغيره وحزني افراگ بــس تچويني نـاري
ظــاگـت دنيتي هــاي يخنــگ احس داري
مــاظــل دمــع بلعـين نشـــف ميهن اثاري
بگلبي اصياح اسمعه بويه وينك
تعال وشوف حـالي عگب عينك
روحي تعزي امصاب اتاني وانطر احباب
اتاني اتاني
****
البــت اخــلاف ابــوهــه ورده ابلا نـداهه
تگــله الــدنيه ظلـمه وبــس انته ضــواهه
رد كحــل اعيونــي بچــت كلـشي نعــاهه
احس روحــي غــريبه مـــن يوم الجفاهه
صرت مثل العليله بيه حسره
نزرعت انه اتاني چني شجره
تلچم گلبي اسباب اتاني وانطر احباب
اتاني اتاني
****
بنــظرتــها الحــزن ذاك يتيمه النظره بيهه
زغيــره شــالــت اهـموم شما حملن اديهه
صارت قصـــه للــناس كــــل تبچي عليهه
بلسكته الحچي احتار بس نعرف حچيهه
بكل صفنه الچ مكسور خاطر
تعد ساعات بلكي يعـود باچر
تعال واسمع اعتاب اتاني وانطر احباب
اتاني اتاني
****
تعــال اشتاگت الروح تنـشد عــن حنانك
امــان الــدنيه مــاريــد ردت مـنك امانك
عــاباني الــوكت بيك شگد قاسي زمانك
يوميه افرش افراش واگــعد يــم مـكانك
اگولن بلكي اصب دمعه تجيبه
يجي ينظر على بنيته الحبيبه
البعد ماچان بحساب اتاني وانطر احباب
اتاني اتاني
****
يوميه اعـله طاريك اون مثــل الحمامه
احس ابروحـي اهــات صفن بيه علامه
المثلي صـارو اهواي شگد عــدنه يتامه
گلبي ينشد اعلــيك مــــن كثرت هيامه
هجرك جرح ما يشفه ضماده
مثل رايــد امراد وشح مراده
عزاز وعنــي غياب اتاني وانطر احبابي
اتاني اتاني
****
ابوحيدر
الصبيحاوي
رقيـه مــدلله والموت اجاها
مـر بيهه يــوادم هـل خذاها
*****
تــراها مــدلله وكلش عزيزه
وگلبهه اليــوم مابطل نزيزه
صــارت للحزن اكبــر ركيزه
الحزن ياناس بين هم لفاها
*****
شافت خــيل وسيوف واذيه
وطاحت دمـعت الترفه رقيه
صاحت يمه الحگيلي الزچيه
تدور عل ابو ماكو الحماها
*****
داســت خيـلهم صـبيان بينه
وگــالو حضرو حبــل الادينه
نــدور الــراح مــابيــن ولينه
الدنيه شمالهه ومدري شجاها
*****
لاعــم البــقه ولاظــل ابونه
مــدري منين ياوادم اجونه
نســه وزغار وعـدانه ولونه
شفنه الغاضريه اسود سماها
*****
جــابـوهه الهزل وحبال لينه
سبايــه وكـلهه تتفرج علينه
صلف چتالنه وتصدنه عينه
مصايبنه الوكت صاح ونعاها
*****
سبيات وخذونه وين ماوين
وبروحي ادور ماكو الحسين
علينه اندارت الظلام صوبين
ونور اعيونه بــاگــو ضواها
*****
اخــر يــوم ظــل يوم الخرابه
جابو راس ابوي وصحت يابه
مــرنــي الموت ماطول عتابه
وروحي هل منيه تظل وراها
*****
ابوحيدر
الصبيحاوي
گمر گمر گمر گمر گمر گمر گمر گمر
******
راعي الشريعه من نهض گلاله مرخوص الولي
طــب يفتل بــذيچ الـزلم كرار ابن حيدر علي
مــن فــگره ذاك الگابلــه بــلوه يــاوادم يبتلي
بچفوفــه راســم ملـحمه وفوگ الثريه يعتلي
گمر گمر گمر گمر گمر گمر گمر گمر
******
يلشايل ابئيدك لــوه جـودك صبح بلطف نهر
اثار الك نــص كربله طبعت على وجـه الدهر
الدنيه ظلمه دلهمت صارت ضوه بطبت الگمر
للمشرعه طب وغرف بلماي حط حسره اواثر
گمر گمر گمر گمر گمر گمر گمر گمر
******
عباس ابو الغيره الكلف راعب الجيش بجيته
معروف سبع الگنطره واضـع خطوط الهيبته
وي صارمه حط الموت تحــتار كلــهه ابطبته
خذلك رجل حتى اعداء لمن گصه هم حمدته
گمر گمر گمر گمر گمر گمر گمر گمر
******
چن حيدر الكرار اجه عباس ابن حامي الحمه
لمـن غضب بيـهم حصد دخانه اله بهام السمه
اعداء زلزلهه الكـلف تارس الطف روس ودمه
الماي ريجه هــم نشف وبشوفته مات الضمه
گمر گمر گمر گمر گمر گمر گمر گمر
******
الميدان اله طول بعرض شايل مهابت حيدره
للجيش عباس الگـمر سيف وشچخ بلخاصره
مــايجره واحـد بلعده يگوال انه نده اواگدره
تحزم ابن حامي الحمه ولحسين جابر خاطره
گمر گمر گمر گمر گمر گمر گمر گمر
******
هــز رايته وطــاح النجم واطافرت كل العده
گــالــو المحشر ياخلگ يمكن على الوادم بده
ظــاگــت عليهم دنيتي وحارو تره اهل الرده
خيل وزلمهم عـل جرف من طگه كلهه امرده
گمر گمر گمر گمر گمر گمر گمر گمر
******
ابوحيدر
الصبيحاوي
الاكــبر هــذ خــيال المنـيه
يــهد الجيش لــو يگــبل عليه
****
يماي اعيوني يانـور وضواهه
كــل اوصـاف هـادينه حواهه
شــهم واعــداء نكلهه اولواهه
وشايــل حيل حماي الحميه
****
يبني ابــرايتـك لاذت جحافل
وبلميدان چــن انته ابوفاضل
يمــوت بشوفتك كلمن ينازل
شهم يل شايل بچفك قضيه
****
احشم بيك يـاعمري الجنيته
يـعود حسين يـاهيبت ثنيته
سـبع والجيـش كلــه گابليته
وبــيك ايفــور دم الهاشميه
****
اسولف بيـك ياشمام عمري
ذخــرتك انــي الايــام كبري
لومني رحت مايضل صبري
اظل طول العمر افرك بديه
****
يصنديد الحرب ماهمك البين
عليك ابليلهه مــاتغمض العين
يلماخذ عزم من چف الحسين
وبيــه الـزود مــن حيدر وليه
****
عفيه ابني التهابه ازغار وكبار
وفر الحومه بيده ودگ الانذار
رايح جاي سيفه وصار منشار
زلم والخيل يحصدهم سويه
****
طــب للجيش خلاهــم حـياره
وظــل السيف يجــادح شراره
بلـــطف صـــار اذان اومـــناره
وهــذه البــل شـبه يشبه نبيه
****
ابوحيدر
الصبيحاوي
حايره اعيوني بضواك ليش عايفني وراك
وياك لو دونك اموت وتالي مايبقالي صوت
انته تدري
*******
حضرت هــودج خـواتي وطاح دمع اعيوني
گلـت چنـي بغـربـه ابقــه وكـل هلي ينسوني
شلـون لــو چلچل اليل وگمت احس عافوني
نــوو اهلـي اعـله الــرحيل وتـالي هم خلوني
بويه اخذني بجنح طير ولا تخليني احير
مااعيش ابلا هواك ليش عايفني وراك
انته تدري
*******
تــدري بــايامي اعدهن وكل تسميني العليله
وهــاي روحـتكم يبويــه علگلب كلش ثجيله
شلون اليفارگ عــزيــزه ومنه لويرحل خليله
فراگكم مــوتــي اشوفـه ادري بلرحله طويله
اخذوني عيني علزغار مظلم اوموحش الدار
گلبي مايحمل جفاك ليش عايفني وراك
انته تدري
*******
گمت اصدنهن وشوفن كل خواتي امحزمه
وگــمت اشوفــن قافلتهن چنهه كلهه ميتمه
گــام يتراوالــي ذاكــه بنــحر عبــدالله دمه
ضعن ابوي وكل اهلنه توجهو صوب السمه
ويه الضعن املاك اصد قافلت حب اورد
الزمن من عدي خذاك ليش عايفني وراك
انته تدري
*******
عيوني احسنهن يتامــه بلايه شوفتكم اتيه
ابقه اعيش ابذكرياتي وخاطري بيكم وجيه
الــمايشوف احـباب گلبه سارح ويفرك بديه
اهموم كـل الدنيه ضده وكلهه تتحول عليه
لو مشه الغالي ورحل عمري اخلصنه علل
ودمعي لتضنه نساك ليش عايفني وراك
انته تدري
******
سلــمو كلــهم علــيه ودنـيتي صفنت احس
هندس بعيني اشوفن وظلمة حتى الشمس
جرح عـافولي بدليلي شكبره بس ماينلمس
راح اظل اني بغربتي وبيتي ماضن ينردس
الاه بيه تحيه دوم وراح اربيهه الهموم
يازمن گلي شجاك ليش عايفني وراك
انته تدري
*******
ابوحيدر
الصبيحاوي