-
الشاعر ابو حيدر الصبيحاوي.
ودعيتچ خويه بس لحظات وتمرني المنيه
ودعيتچ فدوه اروح العينچ الظلت نديه
گمر ويودع شمس والوداع اصبح همس
صار الوداع يزينب
******
خويه خليني اعله ابالچ لو يمر بيچ المسه
ياهوه عذيبي وشمه وغيره ماكو اتنفسه
البين ظل يم الشريعه وانتي عينچ عل نسه
وانتي يل كلچ مواقف صرتي اعظم مدرسه
ودعيني بروحتي اظلم اليل اوماكو گمره
ودعيني راح اروح اوفرگتچ بلگلب حسره
مايرد بينه امس والوداع اصبح همس
صار الوداع يزينب
******
ماشي بس بعيوني رسمچ يعصر ابروحي الالم
ادري بفراگچ يزينب عرش دلالي انهدم
انتي اغله من حياتي اخت وام انتي قسم
راح ابيد الجيش لجلچ وانصب ابطفهم علم
يافرگتچ مثل عطشان وتشح اعليه گطره
يافرگتچ فرگت اعمه يدور اباحلامه نظره
الدمع بلهم ينغمس والوداع اصبح همس
صار الوداع يزينب
******
خويه امسحي دمع عينچ لا اهز بيدي السمه
وبيش احلفچ يل عزيزه بظلع امچ فاطمه
حسره بوداعچ چوتني وحرگت اعروگ الدمه
معلمه روحي اعله شوفچ وانتي ادري امعلمه
يلعزيزه مرت اسنيني اعله بالي چن ثواني
يلعزيزه ماتهزني اسيوف بس هجرچ چواني
بفرگتچ ظليت احس والوداع اصبح همس
صار الوداع يزينب
******
لو الف موته اموت ارضه وانتي سالمه
ماتشوفچ عيني لحظه بسبي وعيني قاسمه
خل تطيح اچفوفي مني ولا اشوفچ هايمه
ياكحل بعيون اهلنه وبيرغ اوهم عالمه
يلعقيله هاذه اخر يوم اگحل بيچ عيني
يلعقيله وداع يوجع گمت احس بينچ اوبيني
الذكره ماظن تنلمس والوداع اصبح همس
صار الوداع يزينب
******
وداعت الله الموت اذن خويه خليني اروح
راح اشوف اني الزچيه هناك تنشدني وتنوح
وادري وي شدت رحالي كثرن اعليه الجروح
الهم ثگيل بگد زماني ومني امطلع الروح
بسلامه بعيني صديت السهم ماتسوه دونچ
بسلامه خويه سلميلي عليچ اوكل ظنونچ
صرنه بلفرگه درس والوداع اصبح همس
صار الوداع يزينب
*******
ابو حيدر
الصبيحاوي
يوجعني يمه مصاب الحسين
الــيله صبــت دمــعت الــدين
*********
يــوجـع تـره اوداع النــريده
والــراح منــه اشلون اعيده
شوفته تــظل عنــدي بعيده
يگضي الـعمر دونــه بلونين
اهموم عمري گاضي اهموم
يــوم الــرحـت دلالي مالوم
ظليت اعــد بفراگك انجوم
بلكت يمرني ويسئل البين
خلوني بيــن الحسره والاه
والراح مــني شلــون انساه
وعمري گضيته بويل ويلاه
والغالي اجيبه تــالي امنين
ابيوم واحـــد راحـو اعزاز
ودمـــع بيهم مــاشي جناز
الــدهــر ليش اوياي ينحاز
وخله دمعتي ساكنه العين
راح اگضي ايــامي بونيني
بلهــم اخلص كــــل سنيني
الرايح بعــد مـاظن يجيني
عايفني وحدي وين ماوين
بعيوني ادور منــك اخيال
تانيتك انــي جــيت اهلال
ادموعي صبت چنها شلال
احباب مــن عندي بعيدين
******
ابوحيدر
الصبيحاوي
لاتتـحده قــرأنــي يزبوگ
واضح انه عنواني يزبوگ
******
ذنوبك صارن اهواي فگرك وادري ابهاي
وانتــه منگس الماي. وانـه بخير ديواني
يزبوگ
*****
مثليه انتو ندريكم ماشفنه زلــم بيكم
بجهنم والله تاليكم حكمكم هذه رباني
يزبوگ
*****
تــيار احـنا تدرينه راضي اعلينه بارينه
غشيم الي يعادينه احسن الـــه ينساني
يزبوگ
*****
نحرگهه سفارتهم مثليه احترگ جدهم
ميميه تــره كلهم وانــي باشط الساني
يزبوگ
*****
كون يگول سيدنه نــار يصير واحـدنه
انته تصير مطلبنه ميمي وتبقه علماني
يزبوگ
*****
ومن هاي الجهامه نمحي كــــل علامه
يظل عمره بندامه ومــن عــدي يعاني
يزبوگ
*****
هذوله احنا السرايه شلنه بچفنه رايـــه
ضــد ذولـــه النثايه وبيــنه شگد اماني
يزبوگ
*****
ابوحيدر
الصبيحاوي
ها يحسين ها يحسين
گمت اسمع حوافر والزغار تصيح
وتاهت بــين شفتي بلخجل كلمه
چن روحي مشت ومحيره للطف
وشافت كــربله واجساد متزحمه
ها يحسين ها يحسين
وبــاوع للنــهر احــمر المــاي البي
وشفت چف الگمر وياه چم ثلمه
شفته بلجرف والنـهر يثغب حيل
مو عباس چنــه ولا احس رسمه
ها يحسين ها يحسين
ابراگ النهر حطيت حسره اهناك
وگتله اعله الجره مـامبري الذمه
خليني ادور بلــكي الــگه حسين
لگيت اســهام بــي وكـلهه ملتمه
ها يحسين ها يحسين
لگيته يجـر نفس والنفس بهداي
كل اظلوعه بانـن صفن متگسمه
ناگع بــدمــه وعيونه لهله تحوم
كله اسهام صار ويــاثـگل جسمه
ها يحسين ها يحسين
صــار من الطعن اشلاء منثورات
الله يساعــد السجاد مـــــــن لمه
بچـف الئيد خنصر مالگيته اهناك
عليه الشمس صارت بلحزن ظلمه
ها يحسين ها يحسين
لتمن كــل بـناته ينوحن امعزيات
بهيده وخافن مـن المدمع يلچمه
بويه حسين سوهـا الخيم دخان
وركضت كـل بناتك صيحن عمه
ها يحسين ها يحسين
سمعت الريح يحمل بلهوه اهات
وچم ازغير طاح بلا حضن امـه
چـن لمت ورد وتسحگت بلخيل
الــورد ماينسحگ قانونه انشمه
ها يحسين ها يحسين
بچت عين السمه للصاير ادموم
وتمنت تشبگ الــمذبوح وتضمه
شمالك ياوكت ماتتصف الزينين
ولا چنك عرفت حسين ابواليمه
ها يحسين ها يحسين
******
ابوحيدر
الصبيحاوي
من حسين اخذ عبره لــو درسه ردت تقره
*******
ثوره حسين والينه وعبره الكل محبينه
الكلمن دمعت عينه صاير منهج اوفكره
*****
منه تعلموها ادروس بيهن عاليات الروس
غيرة منهجه ناموس بگلب اليفتهم جمره
*****
اخذ الفكره وتعلم بنهج حسين تتكلم
عمرك ساعه ماتندم ولايمك تمــر عثره
*****
ماياذي امامك جار تــعلم تـربيت الاخيار
كونك تشبه الانصار وتمشي بمنهج العتره
*****
عيش حسين بفعاله وحــرگ گلب عذاله
كلهه تصيح هنياله عيش الدنيه بلگمره
*****
لجلك ضحه بحبابه انته الغايه واسبابه
خلص عمرك ابابه وخلي دمعتك حمره
*****
گال احرار عيشوهه الدنيه بطيب خلصوهه
الا ابزود طبقوهه وصيرو للخلگ شجره
*****
حگك تبچي للمذبوح وتكــثر عــليه النــوح
بطاريه تروح الروح يخلص عمرك بحسره
*****
ابوحيدر
الصبيحاوي
رايتنه علينه باسمك يوالينه
****
دمــنه فــده للــدين وكل احنه اموالين
فدوه العمر لحسين خالقنه بارينه
*****
انصار الــك للدوم وخلي اليلوم ايلوم
بلــدم كتبنه اليوم لجلك تحنينه
*****
دونك نريد الموت گلنه ابعلات الصوت
طفنه يظل تابوت ويخط اسامينه
*****
لبن الزچيه اعوان عل ظالم وشيطان
يشهد تره الميدان چم لوعه حطينه
*****
الموت احنه ميزنه لجـله اوتــوزرنه
شد حيله واحدنه خالد يطارينه
*****
كل هايه انصاره عــاشو تره احراره
كلمن بده اصراره مولانه حادينه
*****
واحدنه بي غيره خله العده بحيره
ظل بينه تائثيره واحنه تعلينه
*****
ابوحيدر
الصبيحاوي
بچفه شايل الرايه مسلم بانت اعلومه
*******
اجـه الهيبه وصل رســـــم درب الامـــل
وگف وگفت جبل غالي وشافو ارسومه
مسلم بانت اعلومه
*****
تحزم مـــن اجــه رفــــع صــوتـه وحچه
على الناگه انتچه صدو واضحه اهمومه
مسلم بانت اعلومه
*****
صــد مـاكــو وفه مــــــن يمــــهم لـــــفه
صبح بـس سالفه وظـــل الايــم ايــلومه
مسلم بانت اعلومه
*****
ظل وحـده يدور يمشي وكله نـــــــــور
مثل عـود البخور بيـــن اگــبور مهدومه
مسلم بانت اعلومه
*****
غريب اصبح تره رغـــم هـــــــذه الجره
الظالم بــــي دره وصارت كوفته حومه
مسلم بانت اعلومه
*****
ظــل بنص عــده وعليه اهــــــــل الرده
وچـن مــوته بده وصار اليــوم يــومــه
مسلم بانت اعلومه
*****
ابوحيدر
الصبيحاوي
حسين ياولينه حسين ياولينه
*****
ليــله چبــيره بــدنيه زغيره
روحي اسيره ظلــت حزينه
*****
جتــنه المنيه بگـوم الرديه
طحنه سويه كلــنه نـولينه
*****
نـوح اليتامه بچه الحمامه
صرنه ملامه حبال ابئدينه
*****
شفنه المصيبه وجثــه سليبه
وزينب غريبه وكلنه نسبينه
*****
طاحت مناره وكــل الغياره
والـدم تجاره هــوه وحنينه
*****
جــابو حبلنه ظـالــم چتفنه
احـنا واهـلنه دارو علـــــينه
*****
صارت مناحه ماشفنه راحه
كلمن جـراحه وكلمن ونـينه
*****
بدرب السبايه شفنه البلايه
قصتنه ايـــــه بيـهه ابتلينه
*****
مـوت الاجانه شگد روعانه
صــايــر بلانه بــيه انتهينه
*****
ابوحيدر
الصبيحاوي
چــان حسين والعبـاس يمي
وبجال اخوتي ماشوف همي
نشفيه الدمــع ياعين واعمي
وخلي النوح كل صبح ومسيه
ردت عبــاس واتمنه يجـيني
يصد الحالتي ويسمع ونيني
مــو طبــعه يفارگ مايجيني
اخوي بروحته شفت الاذيه
اگضي اليل بلاهـات والنوح
ودلالي عليهم صفه مجروح
تمنيت المنيه ومـاتظل روح
واگل للموت بس سير عليه
**
ابوحيدر
الصبيحاوي
القريض نعي / للعباس ع
********
على شط الفـرات قمروٌ يتلائلئو
مــن نــورهي كل العيون تسدلو
هــذه الــذي اسسا للوفاء منهجاً
ساقــي عطاشا كــربلاء مدججاً
اعتلا ضهر الفرات لــكي يــقول
ترك الفرات ضامئن لهو احوجو
نعي شعبي
********
طباهه الگمر وهتزت الميدان
گال اليوم مــاخليهم العدوان
بلخيمه عفـتها تنتظر رضعان
اجيب الــماي لسكينه ورقيه
وفدوه اعيوني اطيها واديه
كلــهه تهــون لـــولاد الزچيه
اودع حسين واستورح ثناياء
وتمنيت العـــمر خلـصان وياء
موللموت اهم كل همي اجفاء
******
ابوحيدر
الصبيحاوي
مشن وديارهن ظلمه الحنينات
وعليهن ابــد مــاخليت دمعات
خلــن بلـگلب بلفرگــه حسرات
مشن ياحيف ماردن عليه
صعبه افراگهن كلفه الحبايب
مشــن وعلــيهن الدلال ذايب
تهــد الحيل تــاذيــنه النوايب
رچيچه اگلوبنه بهاي الرزيه
اطــب البيت مــاهون بعدهه
وهاذه الصار ياروحي مردهه
الچانــت بلگلب انــي اعـدهه
راحت هسه ياوسفه من اديه
******
ابوحيدر الصبيحاوي
نعي/ عبدالله
*********
سمعني يمه ابچاك يبني احاچيك
حسره وصفت وياي اتمنه اناغيك
كل مااصد اگماط ياذيني طاريك
*******
حــن گلبي وشتاگيت يبني وهوانه
يــوم الافــاك البيـن چلچل ضوانه
وليدي اجـاه الموت ظــالم زمــانه
*******
كل ليلي يمه ادموع عبدالله وينك
بسهم المنيه اليـوم غمـضت عينك
يــاگلـبي راح ابعيد بطــل ونينــك
*******
شتسوي تالــي اليـــل الـــدر لبنهــه
اليوجعهه گام الشوگ اتــريـد ابنهه
اتامــن تغمض العين كون بحضنهه
*******
كثرن بيه اهموم حسباتي اهواي
مـن اذكر العطشان ياذيني الماي
شلون اصبر ابلياك ناديته يرباي
*******
مخليني بس للنوح مبعـــد عليـــه
كــل مااشوف اسهام افـــرك بـديه
حالي صـفه بياحال والبيـــه بيـــه
********
ابوحيدر
الصبيحاوي
يخويه عليك كلهه تنــوح خلتنه
من يوم الرحت تچوينه دمعتنه
ملــفوفــه. ويتيمه حتى رايتنه
وصار النوح للوادم طبعهه
يگمگمنه الچبير الناس محتاره
وحاير مـن اجـه ليهسه خطاره
البيت اعليك ظل متيه اعذاره
ويومك للخلگ كلهه وجعهه
فارغ ضـل مچانك مايترسونه
عليك الـناس يلـغالي ينشدونه
تعال اليله محد نشفت اعيونه
وديرتنه تره امصابك فجعهه
يبو چلمت هلا يتارس الگعده
يلمعزب وهـسه بلــحد واحده
وحشه المگبره وفــراگ تتبده
وعليك العين مابطل دمعهه
هلك والناس تنعه واليالي اگصار
ابــو البيت وصرت ويــانه خطار
عليــك اگــلوبنــه مــتوگــده بنار
وحتى اهاتنه الاخرس سمعهه
******
گلبي شال چــم لــوعــه وياهم
عله الراحو خذو روحي وياهم
يوسفه الموت مر غفله وياهم
بلايه اوداع راحو من اديه
*********
ابوحيدر
الصبيحاوي
نعي
*****
ادورك والدمع محتار بچفاك
وتمنيت العـمر خلصته وياك
ليليه اون يــل غــالي ونعاك
انشف بلدمع والدمع ينخاك
حشمت الحـلم بلحـلم الگاك
هندس واليالي ادور اضواك
ادگـن بـابك وتتبده الدموع
احسن بلگلب بفـراگك يلوع
يلعايف سلف لليوم مفجوع
لطمنه وبلطم اذينه الضلوع
صوت اونينه ليهسه مسموع
للغالي اجت حزنانه الاجموع
خــلينه الـــدمــع بعيونــه ايبات
خــرســه بلشفايــف بينه چلمات
صفگنه اچفوفنه صحنه حسافات
عجيد الگوم خــله بيـنه حسرات
ننــعه بــيا حــچي وبــيا عـبارات
طبعن عل وجه من يومه دمعات
******
ابوحيدر الصبيحاوي
الاغله مــن روحي راح اوبــقه نــوحــي
العايفني بدموعي
مالگيته مالگيته
****
مالگيته الهاجر وعايفني وحدي
بلدموع التچوي يـاوادم ابخدي
والمنيتي عــاتبتهه وكــلت ردي
تنطريته مااجاني وضاع وعدي
ماضن اجه الغالي ظل دمعي يبرالي
مالگيته مالگيته
****
ليليه اناطرلـه واحسنه جفاني
ابغيابه بحيرتي وليهسه اعاني
ضيعيته وراح يـاوادم شجاني
مانسيته لحضه لا هـوه نساني
الراح من عدنه سوه الحزن ظدنه
مالگيته مالگيته
****
اسمع ابــاسمه وادورنه بحنيني
وبقــراري ادري راح ومـايجيني
عـــايــف اغيابــه اهاتي اونيني
دوريته وتعباهــا الشـوف عيني
بگلبي صحت وينه مشتاگ اصد عينه
مالگيته مالگيته
****
الهوه ياذيني بنسيمه وهم وفجعني
لواصيح ابعالي صوتي ماسمعني
فــراگه والاهات وگليبي وجعني
هــوه دنيه بحالها يــانـاس يعني
كونه يرد ساعه شگد روحي ملتاعه
مالگيته مالگيته
****
مــاتنام اعيوني مــوتني سهرهه
گلبي متروس بحــزنهه وبقهرهه
سالــن الــدمعات من بين كدرهه
صرت سالوفه الوكتهه والدهرهه
بعيني دمع راده صار البچي امراده
مالگيته مالگيته
******
ابوحيدر
الصبيحاوي
وينك برير اوحبيب انصار الحسين
انهض يعابس حشم اصحابه الميامين
*******
وين الينادون بعزم نصرت امامي
مو گلتو بلحومه نظل الكم نحامي
حسين ظل بغربته والنحر دامي
مارد خبركم للولي يل رحتو ظامين
*******
ياوهب گوم وشاهد الحاله الرهيبه
انصار ماظلت بعد يوم المصيبة
بلدنيه كل واحد اخذ منكم نصيبه
والحومه ظلت موحشه من طبهه البين
*******
ياحر تعال اوشوف لچمت فؤاده
الموت اجاهم مارحم گلبه اوداده
ياحر شسولفلك بعد جيش اوعناده
الدين مارادو يظل لاكن بقه الدين
*******
موگلت زينب امني كلنه فداكم
انهض يبن ظاهر ترة جارة عداكم
الموت منهم ياشهم وسفه خذاكم
ادريكم انتم عل عهد دوم انتو باقين
*******
جون ابــدما السايله يروي العقيده
ورخص حياته بلوفه ورخص وريده
الروح مــنه ودعت راحت شهيده
صارو على جناح السمه كل ربعه عالين
*******
يازهير اســمع كلامي اومــر عليهم
امسو يتامه من بعد طيحت وليهم
ويــنك زهـير تعود ترجع اليهم
عترت الهادي تنسبي دم تجري العين
*******
ابو حيدر الصبيحاوي
هذه اليل خايب لاتنامه
**
صرت مطلوب النه بكل صفاتك
تمــس قـــرأن تستعجل مماتــك
گضت من يومهه خايب حياتك
وبعد ويــــاك مــــاتنفع ندامه
****
متــــفيدك دول مثليه كلــــهه
وكلام الباري صــارلهــه عللهه
كلمة رجــل واحــد خل نگلهه
بــربعكم هــاي حطينه علامه
****
گــرب مــوتك يمگرود بثنيتك
كونــك زلمه هسه تعوف بيتك
تتربــص الـــــــك ظلت منيتك
شوكت نرتاح من هاي الجهامه
****
كلمن ورطك خل يرگع افتوگ
يل بختك رجيج وحيل ملزوگ
جبنالك گــبر كسرات طـــابوگ
نطمك بـي حــد يــوم القيامه
****
على القرأن كــل احنا فزعنه
ونسن اليوم قانون الوضعنه
اليشگ قرأنه يموت بشرعنه
بعد ياناس ميشوف السلامه
****
عــالــو بينه ندري الزود النه
للقرأن فدوه احنا ويـه اهلنه
كل مسلم غيور اصبح مثلنه
وگايل لليضده هـــــم كلامه
*
ابوحيدر
الصبيحاوي
رباطات/العليله ع
***********
اهلي عافوني اهلي عافوني
عليله ومالي والي اهلي عافوني
صبت اعيوني صبت اعيوني
من گالولي ظلي صبت اعيوني
چلبت بيهم چلبت بيهم
احسن طاح گلبي چلبت بيهم
گلت احاچيهم گلت احاچيهم
بلكت گالو امشي گلت احاچيهم
بويه وياكم بويه وياكم
اريد امشي المنيتي بويه وياكم
يوجع اجفاكم يوجع اجفاكم
هلي چني غريبه يوجع اجفاكم
عمه تانيني عمه تانيني
احلفچ بل زچيه عمه تانيني
من يحاچيني من يحاچيني
اسولف ظيم گلبي من يحاچيني
رابت ادموعي رابت ادموعي
من كثر البواچي رابت ادموعي
الطم اظلوعي الطم اظلوعي
اظل صبح ومسيه الطم اظلوعي
وينك اليله وينك اليله
يضعن اعزاز گلبي وينك اليله
بيدو حيله بيدو حيله
گلبي من جفاهم بيدو حيله
صرت محتاره صرت محتاره
يبويه رد عليه صرت محتاره
گلبي ابناره گلبي ابناره
طلع دخان منه گلبي ابناره
*******
ابوحيدر
الصبيحاوي
انصــارك اليـــله كلمــن يشد حيله
كلمــن يشد حيله
******
تحزمنه كلنه اوياك عشنه ابخت طرواك
دمنــه فــده لدماك ومانرضه بلعيله
****
عيالـه وكت الزود للوحــه كلـنه اجنود
مانخلف احنا اوعود واحنه نفيله
****
نسابگ ويه الريح بلغبره لمــه انطيح
مولانه كلنه نصيح نجمه ونضويله
****
شدو حزمهم حيل منهم يخــــاف اليل
مرعوبه زلم وخيل والمدمع تسيله
****
انصاره كل تدرون بينه العده يلومون
خلهم بعد يحچون ماببنه كل ميله
****
نحامي نهج ودين كلنه فــده لحسين
ماهمنه حتى البين لويسرج بخيله
****
بلحومه من انصول بــيهم نــظل نجول
ساعتها كلشي نگول والگابل انزيله
****
جيش الظلم ينهار ماتبقه كـــل اعذار
حتى الشمر يحتار ويردد ابويله
****
ابوحيدر
الصبيحاوي
يلرحت هــاك عـمري كله
الفرگه ياناس بگلبي عله
شلون اعيش ابدونك ومااشوف اعيونك
بگلبي عله بگلبي عله
********
ماچنت حاسب اوداعك رغم كلشي
يــاكحل لعيوني انــته وبـين رمشي
انتــه وي نبضات گلبي احس تمشي
وبمغيبك گمت احسن گـــرب نعشي
صرت محتار بگلبي لچمه
دمعي ايطيح ردت اعـــمه
گمـت احــن الونــك ومااشوف اعيونك
بگلبي عله بگلبي عله
******
چــانــت الايــام حلـوه البـيهه عشنه
عشـنه لحـظـات المـوده بكــل وكتنه
وهسه ظيــم وحـزن بـفراگك عرفنه
ابالي ظلت كـــل سوالــف بيهه احنه
بگلبي اصياح گمت اسمعه
وعيني ياناس تصب دمـعه
اقرب من اجفونك ومااشوف اعيونك
بگلبي عله بگلبي عله
*****
بذكرياتك عشت عمري بدمع خدي
وماچنت ادريك ناوي تريد بوعدي
ياليالي المني راحـــت فـــدوه ردي
كبرت اهمومـي وشفتهه كلهه گدي
حلم عشتك ونــته تدري
بلا وجودك ياذي عمري
صرت بين اضنونك ومااشوف اعيونك
بگلبي عله بگلبي عله
*****
لملمت ذكراك بـــيه وكلشي عفته
ورجـعت كـــل الكلام الانـته گلته
گلبي سولفلي برحيلك وانـه لمته
راسم الهجرك ملامح كــل فرگته
بگلبي جمره تچوي بيه
عيني ظلت هــم نديه
البيه كـــل يهونك ومااشوف اعيونك
بگلبي عله بگلبي عله
*****
يلعرفت بگلبي يحـزن مــن غيابك
عيوني اخليهه رهينه صـوب بابك
بيش اصبر روحي ماتحمل عذابك
يلعفت حسراتي كلهه مـــن عتابك
ونــه بيه بـــگد دلالي
راح مني. ومشه الغالي
ردت اگول اشلونك ومااشوف اعيونك
بگلبي عله بگلبي عله
*****
ابوحيدر
الصبيحاوي
يـــاام الگمر يــــاام البنين
دمعچ كتب اسم الحسين
******
ليلة حـــزن يــاناس من تبچي ام عباس
تخنگهه تالي انفاس مــــــــن تذكر البين
******
تلچمها دمعه اطيح وتسمع ونين يصيح
بل ريـه لچمت ريح وتصب دمعها العين
******
اسستي معنه النوح بيچ شعظمها اجروح
زيــن وبقتلچ روح يــل عمرچ اتنوحين
******
صارت جرح ملچوم بيــهه چثيره اهموم
كل المئاسي اغيوم تگضي عمرها اونين
******
يوجعها هذه الصار ضلمه معــاني الـدار
شـــب بلدليل النار يــــوم الجفانه الزين
******
ياذيني طول اليل والسكته هدت حيل
وكتي وزماني يعيل مـــــاخـذ اعز غالين
******
عمرچ خلص اهات بين البچي وحسرات
سكتت تره الچلمات بــــــــس الله اليعين
******
ابوحيدر
الصبيحاوي
اطب صوب الشريعه لـجل عيــن الوديعه
لجل عين الوديعه
*****
اهــد لجــل الورد بـيهم اصول
كلف ما ينوصف طبعه يجول
اعــد بيهم احــد سيفي يگول
اسوي الطف نگيعه لجــل عــين الوديعه
****
احط بلرايه اخط ساگي صرت
اصد اهــل المجد وحـدي درت
جـمر بيــه شـكثر شفت وفرت
احط بيهم فجيعه لجــل عــين الوديعه
****
جـــرح بيــه وملح نضرت حياره
عطش بيهم خمش صــاير شراره
نهــض حيله ومض مـاخـذ قراره
گمر وازهــر ربيعه لجــل عــين الـوديعه
****
بخت طفله انتخت دخن جبينه
گـمر كض النهر جابه ابيمينه
بچه لـمن حچه دمعانه عينه
شكثر يمه صريعه لجــل عــين الـوديعه
****
نكت صوت السكت طبعه الحميه
هتف احمي سلف ولـد الزچيه
شهم بيهم يــــلم بل غاضريه
ابـو روح المطيعه لــجل عيــن الـوديعه
****
نـذر دمــه يـدر لجـل العقيده
فده عمره البده ودمه اوريده
عـله بنص كربله گــرب وعيده
العمر للحق يبيعه لــجل عــين الـوديعه
****
ابوحيدر
الصبيحاوي
ذول انصار ابــو اليمه اجــو لاگــو مــنيه
گالو فدوه كلنه انروح لبن حامي الحميه
******
كل واحـد نعده ابجيش من يتحزم ابغيره
ولو طب يرجف الميدان بان اعليه تائثيره
مــن نــاده يصيح الطف خــلو بلعده حيره
همه الحمو وجــه الـدين يوم الطف سويه
******
ذوله اصحاب ابوالسجاد كل انصاره عياله
صعدو عــل منيه بزود رجال وكلهه خياله
واحدهم جــبل لــو گام يمه جيوش مياله
يغرف لــو يطب بسيف يجول اعله الثنيه
******
ابن ظاهر حبيب الصاح وين انصار مولانه
التمو يمــي كلهــه اشبول گـالو كلنه عوانه
كلمن مــن دمــاء يگول اليله يخط عنوانه
كلــنه نموت بــس يحيون كل ولد الزچيه
******
مــن گامو وياهم گام الموت وشدد اركابه
گوم ويه الظلم ياناس عدهم ندري اطلابه
ذوله احباب ابوالسجاد ذوله كلهم اصحابه
مــاهمهم منيه ومــوت ذولـه العاشو ابفيه
******
كتبو مــن دمـه تــاريخ جيل الجيل منقوله
زرعو غيره بــين الناس كلمن غيرته بطوله
بيهم من صفات حسين الله اختارهم ذوله
بخــت يــم المنيه اهناك رسمو حتى حريه
******
چـم قصه ودرس حطو صارو عبره للوادم
حتى جون لمن صال سوه ادروس للخادم
كلمن نيــه الــه ياناس وبيهه ربي هم عالم
همــه المايهمهم مــوت انصار وعقدو النيه
******
ابوحيدر
الصبيحاوي
القريض نعي / للحسين ع
*******
ياضامئاً بين الجحافل والاسنتي
ينعاك مــوتٌ مــن ابــن الدعيتي
ياطف الحسين ماذا وماذا دهاكا
تميل فـيك العداء وتجـور بخلتي
هـذا امـامـي قــد امســاء وحيداً
قال خذوني ياقوم وتركو عترتي
نعي الشعبي
*********
عليه اتلمــلمت اهـل الرذيله
وهــاي اليله يـاوادم طـويله
انــه البحبابه صــابوله دليله
اگبالي اطيح نجمات الثريه
وشلت احبابي ياوادم بديه
وهسه بـس نسه تنعه عليه
طحت والگوم غايتها منيتي
ولتني اسهام ورماح بثنيتي
احس طعناتهم زرفــت ريتي
*******
ابوحيدر
الصبيحاوي
عندما اراد الرحيل قمر العشيره مع الامام
الحسين ع الئ كربلاء هناء ام البنين اوصت
ابا الفضل العباس ع على بذل الروح مع
اخوته دون الحسين وذريت الزهراء ع وان
يكون عنوان الوفاء والتجلي
القريض
*******
يــاحــامـلً بين الاكفِ رايتاً
انت الوفاء والوفاء بك أيتاً
كن صاحب الجودِ في الحماء
وكن باذل النفس لولد فاطماء
اوصيك في الحسين ومن مع
ان الحسين للحــق غــايــتاً
گرناوي
******
لاتعوف ابن الزچيه بنص عده
يمــه اوصيك واعرفك غيره
من تصير اسهامهم مثـل النده
بالك ايجرحــون منهم طيره
الموت لـو بعيونهم شفـته بده
يمه خلي الموت يبقه بحيره
مجرد
*****
لاتخلي ازغارهــم يــمه يونون
النهر بلجود جيبه ولايعطشون
ولتخلي دمــعهم نــص العيون
معدل مو تره قصدي اوصيك
اعرفك راعي الكلفه واحاچيك
يتــيه الگــمر يوليدي بمعانيك
*******
ابوحيدر
الصبيحاوي
يوميه عزيز ابگلبي مدفون
ويوميه الدمـع يتـبده مني
لجله بعــد مابطلت العيون
حتى الموت مل وجزع وني
صرت كانون بي الجمر يجنون
وكل جمراته احسنهن جوني
الراحو بلگلب حسره يخلون
ومصايب كل زماني هم ولني
يلرايح تره اصحابك ينشدون
وصارت شوفتك طيف اوتمني
الله اوياك گالوهه وينوحون
وانه الدمعات بغيابك عمني
*****
احبابي الفارگو اغلط بعدهم
اعزاز البين من يمي بعدهم
احسهم بالگلب ظلو بعدهم
مثل ما احنن يحنون اليه
******
ابوحيدر
الصبيحاوي
دليلي اعليك ظل ينوح يبني
الحزن بجفاك يامدلول مسني
موحش مــن بعد فرگاك حضني
زماني بناس ماچن ناس ذبني
**
يهز ابروحه خالي يون مهدك
وسهم الصابك ابنحرك ابگدك
الدنيه كلهه سوده تصير بعدك
بگماطـك وحيد وكلهه ضدك
**
من جابك ابوك اتگول نايم
من ماي العذب عبدالله صايم
الصابك بلنحر عبدالله لايم
على موتك توازه يبني ظالم
*******
زغير وبان بيه العطش شفته
وجاه الموت وكته صار شفته
عض من الوجع ياناس شفته
بحضني وباگته مني المنيه
*******
ابوحيدر
الصبيحاوي
نعي/وداع الاخوان
*******
حسين گــام ايودع اخيه
لمن نــوه اعله الغاضريه
بعينه النهار اصبح مسيه
لو راح اخــوه ينهد دليله
وروح الـولـي تبقـه عليله
يدري الدمه يترس شليله
عباس يدري بگلبه لچمه
ساعه ويفارگ ابـو اليمه
وادم اجت مابيهه رحمه
سهـم المنيه صـاب عينه
وطاحن ابو فاضل ادينه
وي طيحته حاضر ولينه
زينب تصد والدمعه بيهه
راح الكــفل مــارد عليهه
بلسكته صاير كل بچيهه
صدت اعيون حسين لالت
والــدنيـه بيهه اليوم مالت
دمعتها ويه ادموعه سالت
*****
ابوحيدر
الصبيحاوي
نعي/ مسلم ع
***********
طوعه تنوح والدمعه جــريـه
مسلم يــاخلــگ شــاف الاذيه
وتــاليهــه صــفه جـــثه رميه
دمعاتي اطيح وافــرك بــديه
شلي بدنيتي صاحت حميده
ابــوي تگــول يــاوادم اريــده
شــتاگيت الـــه يشبگني بيده
وگلبي بـــونــته مــحد يفيده
يــاناس الدمــع يتعاند اوياي
يبچي حــيل مـايقــنع ابهداي
نشفت العيون ومــابقه مــاي
ظلمه بفرگتك يــابويه دنياي
******
ابوحيدر
الصبيحاوي
كل مااغمض عيني يتراوه اشوف حسيني
بنص غاضريه واصفگ بديه
******
حسين گـدامي نـذبح حزو وريده
والگمر شفته بشريعه وشفت ايده
مــاي وتبده احس واشلون اعيده
بس نسه واطفال وتوصطنه بيده
ذبحو احبابي وهلي ودورت مــاكـو علي
وعيني نديه واصفگ بديه
*****
اگبالي اشوفنه الولي انداس بلخيل
اطفالــه طشت بلفله خاينهم الحيل
اتحزمــت دنـيه علي حسيتهه تعيل
بينت لحظات الهجر والمدمع يسيل
ماشوفه بعيوني بعد دلالي بغــيابــه انمــرد
طايح رميه واصفگ بديه
*****
ندري هــاي اعدانه متحزمه علينه
وگلبي مــاهـود تـره وعـالي ونينه
واحنا حتى احبال حطوهـن بدينه
والشمر يــاذينه گــام ابنـضر عينه
وهذه حالي وجره اعزاز نــامـو بلثره
بهاي المسيه واصفگ بديه
****
خويه ياذيني الجره بدلالي حسره
والزمـن عثراتــه بينه شلون عثره
بگلبي بغيابــك احسن بــيه جمره
گام يتراوالي عمري بصدري عبره
موت ادوره مايصح وكتي بيه مانصح
شفت الاذيه واصفگ بديه
****
مــااعيش ابــلا حبيبي عمري كله
خلــص اسنينه اگــبالي ومــا امله
هــسه خلـيت المــلامــه بيــه عله
فدوه ناديني واجيلك عـدي سهله
بغيبتك گلبي نچوه كون روحتنه سوه
ردت المنيه واصفگ بديه
*****
ابوحيدر
الصبيحاوي