-
الشاعر ابو حيدر الصبيحاوي.
مو من فاطمه گالوهه چلمات
تره هذه الگمر من الفاطميات
اسولفلك حچايه وابدي من البدايه
من الفاطميات
*****
ابن حيدر علي ويكفي الفخر بيه
يعـني امــه تـره بــت اســد تاليه
يلي تسمع كلامي عـــده وحصيه
هايه امــه واسولف هــذه طاريه
خل ينتبه كلمن بالاصل گال
ابن الحيد هذه والوكت مال
اسمع هل روايه وابدي من البدايه
من الفاطميات
*****
ام امــه تــره تعرفهه هــل الناس
فاطمه الثقفيه بيهه رفـعت راس
مــو بــس فــاطمه اربعـه للعباس
وخافن يوم بـي يتجرح احساس
ربك حاسب الكل شي ابمكانه
ويدري شظام وكته وي زمانه
گمر وبچفه رايه وابدي من البدايه
من الفاطميات
*****
هايه ام عباس بــت احزام اسمهه
اجت يــم الــولي وشــدت عزمهه
هيــه امــه اوكتــهه شگــد لچمهه
وتــظل ام الگمــر عــالـي نجــمهه
كل نص بي اهات الحقيقه
المايقتنع ظل تاه ابطريقه
اخذ نهجه الولايه وابدي من البدايه
من الفاطميات
*****
ندري ام اخوان الـه هاي الزچيه
البــاري بيهــه گــال وطــه نــبيه
الگمر وچفوفه عدهه اكبر قظيه
صفن كلهن الــــه ســور وهويه
تاريخ اله بي وتشع صطوره
هذه الگمر ظل عـالي ابنوره
بي يحمل مزايه وابدي من البدايه
من الفاطميات
*****
الگال مو من فاطمه يغير كلامه
هذه النـور بـــيه حـــلو الجهامه
عــله ابــعلو السمه عــم الامـامه
بنوره اليـل زحــزح كـــل ظلامه
التيه اصله خل ينشد واگله
حديث البي گمر ليضن امله
اسمع هل وشايه وابدي من البدايه
من الفاطميات
*****
ابوحيدر
الصبيحاوي
احتمت بلباب والباب كسر ظلع الزچيه
******
نست كسر الظلع مــن محسن هوه
الدنيه مدري شبيهه مخنوگ الهوه
ورادو الاشــرار يخــفون الــــضوه
الطاح بين البــاب يــانــاس انچوه
وصبت العين العين مــن هــاي البليه
*****
الدفع بـــاب الحـره رد طاع الامر
دگ اســاس ابئيده للطف والشمر
حــط سنينه للخـيم ظـــم الجــمر
هــذه فعله ظــل على طول العمر
صاحت الناس الناس صفت اكبر قضيه
*****
هـدت العــربــان مــن بــان وبـني
چنـهه تـطلب ثــار وكــت المنفني
وسفه ظهـر الزهـره صبح منحني
والهه مـوقـف ابــد مــاظـن ينثني
هدت الگوم الگوم على الحره الابيه
*****
جـــارت الدنيه عليهه ويه الزمان
ام ابــوهــه اليوم مــاشافت امان
نــايحـه اعليهه وعزيه بكل مكان
طاحت المنهه نخلق طيب وحنان
محسن الطاح الطاح وي امه سويه
*****
درو حيدر علي مــن وصاء رسول
وهمه بيه يدرون لـــو بيهم يصول
على الــزهــره تحــزم الظالم ينول
چـان واحدهم حرف يصعب يگول
موصه يدرون يدرون من سيد البريه
*****
هــذه حال الحره متوصطه عده
وهسه جـار الظلم وتمـاده اوبده
التمت اعوان السقيفه اهل الرده
ذولــه عبــاد الصنم هــل گاصده
ذوله عدوان عدوان كتبت هل وصيه
*****
ابوحيدر
الصبيحاوي
علة حضنج بجيت اودمع صبيت
وصيح بصوت يمة اوماحجيتي
علة جفوفج اثربشفاي خليت
ظلام الكون صبح من جفيتي
مناحة بنص دليلي الج سويت
الموت بموتتج شايل خطيتي
احس تايه ونة المتوصط البيت
ياروحي وحياتي اوانتي بيتي
**
الحزن والنوح بلدلال يماه
الج حسرات كلبي اه يم اه
اميلن من اصيح بصوت يماه
اذكرج والجروح تزيدبية
**
ام البيت منة اليوم راحات
وبكيت اصفك علةالطيبين راحات
اطحن بلهموم وصرت راحات
اون كل وكت عل راح من ادية
****
ابوحيدر
الصبيحاوي
هـــا يــاباب ليش اويه الحنينه
كســرت اگــلوب واولـهن ولينه
****
للـزهره الحنينه كــاسر اظلوع
محسن طاح ومشيعته بدموع
خلــيت الگــلب بمصابـه ايلوع
وظــل يــنوح مــابطــل علينه
****
بسمارك شجاه امعذرب اشبيه
ياهو اعله الزچيه ظل يوصيه
يلچم بينه كــل مــايمر طاريه
ونحس يـاناس بلدمعه نولينه
****
نــار البيـك مشـتعله شكبرهه
ومن گلب الزچيه كل جمرهه
تلهب ليش يــابــاب ابخدرهه
بيـومــك هـــذ اذيت الحزينه
****
شجاك اشحصلت ياباب بلصار
بعـد شتگول وانـته محمل اثار
بمــعانــيك كلــت ومخربه النار
وعله السويته كـل احنه بچينه
****
منــك لاجــت الــزهـره الزچيه
وعلــيهه جــارت الـدنيه اباذيه
يــباب شبيك مــاعــدك خطيه
مــاهــزك المــحسن لا ونــــينه
****
احاچيك بعتب ودموعي هدت
اوحــدهــه النواضر دمــع بدت
مصيبت نـــاس علطيبين ردت
بنــار الباب كــل احنه انچوينه
****
ابوحيدر
الصبيحاوي
اليـله ام حسين يلـفاهــه الاجل
وبلمصاب ينوح ظل خير العمل
*
التمت اشرار الوكت يــم بابهه
ولمــو الحطبات لجل امصابهه
اليله بسمار الحقد هــل صابهه
والــوكت ياناس بلحره اشعمل
****
شعمل بيــهه مـن مـشه غـاليهه
بــين بــاب اوحـــايط امخليهه
الكسر ظلــع ام الحسن ماذيهه
طاح محسنهه وعله الغبره نزل
****
نزل بـي المـوت طاح ابلا ذنب
گبل شوف النور ودعنه النحب
تگول طايح واخـذ وياه الگلب
شفت ملك الموت ياوادم خجل
****
خجل لمـن شاف حيل اصوابي
واجت غـربان الوكت يــم بابي
گــام بيتي يلـوج ويــه احبابي
وعشنه حتـى انفاسنه بيها علل
****
عــله بــيه وانــه بيــهه مــحيره
وانــه عــند الباري مايه وكوثره
هسه من هول المصيبه محسره
ومــات بلدلال يــانــاس الامــل
****
امل ماظل عدي اوبابي احترگ
گلبي لمن طـاح طيحات الورگ
لابخـت بيــهم ولا واحــد عرگ
چــان نايم محسن وهسه جفل
****
چــانــو مخلين ديــن الله ستر
وهسه گدام الخلگ ماظل عذر
كلمن بطينت هلـه وصله وجذر
والجديد شلون ينقاس ابسمل
*
ابوحيدر
الصبيحاوي
بويه اجيتك بلدمع بگلبي ونه تنسمع
بويه انه المنتظر بويه انه المنتظر
*****
فرگتك تلچـم دليلي وفـارغ امخلي المكان
ضدي اشوفنها حيـاتي بيهه ضيعت الامان
يـاترافه المني راحت رايـح اوياهه الحنان
ظلمه سامره بمغيبك هـندس الاخــر زمان
الطم بحرگه الظلع بگلبي ونه تنسمع
بويه انه المنتظر بويه انه المنتظر
*****
بويه الهموم اشثگلها وبيه حسرات شكثر
اليله بــفراگ الاحــبه گلبي شنطيله عــذر
ريت كون يصير حتى انطي للغـالي عــمر
بشهگتي نيران احسن وبلزفير ايظل جمر
نوحي ماظن ينگطع بگلبي ونه تنسمع
بويه انه المنتظر بويه انه المنتظر
*****
خيمه يــاوادم ابـونه يحمي من حر اوبرد
طـبع فلاح اعله گاعه يباري ويداري الورد
مبچي احبابــه رحيله ويــمرد ابگلـبي مرد
مــن نــوه الهجران اعرفه بعد راح ومايرد
وخــل دمعاتي نبع بگلبي ونه تنسمع
بويه انه المنتظر بويه انه المنتظر
*****
يلچم بگلبي مصابــك يــاترف مثــل النده
الحزن متحزم اجــانـي وهسه يابويه بده
كلمن الضدك تشفه وبــانــت اوجوه العده
يــوجـع الصار وجرالك يوجع المر اوسده
والحزن صاير طبع بگلبي ونه تنسمع
بويه انه المنتظر بويه انه المنتظر
*****
نايحه تالي بسمانه الديره غطاها المصاب
وسير الموت واجــانــه ونفـتح للهجر باب
زغير الدلال بــويــه شلـون يتحمل عذاب
قـصة المسموم بيــنه تطـوي اليله الكتاب
محزن اعليك الشرع بگلبي ونه تنسمع
بويه انه المنتظر بويه انه المنتظر
*****
ابوحيدر
الصبيحاوي
نعي/ للعسكري ع
***
سامره احاچيچ اليله ظــلمه الديره
سامره احاچيچ الناس كلهه بحيره
سامره احاچيچ مات الينگط غيره
العسكري راح والهجر فــگ ابوابه
العسكري راح خــله البچي لحبابه
العسكري راح والوكت فــر دولابه
اتصب الدموع لمــن تنشف عيوني
اتصب الدموع لــو كلـهم ايلوموني
اتصب الدموع اتفيض بيه اجفوني
الغايب ايلوب وبگلبه ظلت حرگه
الغايب ايلوب انفاسه كلهه تخنگه
الغايب ايلوب بـاهاته بانت شهگه
مايحمل افراگ المهدي شـبت ناره
مايحمل افراگ الحـزن حـط اثاره
مايحمل افراگ الله اليعين اسراره
مايبچي بهداي الـدافــن ابــوه اليله
مايبچي بهداي المهدود گلبه وحيله
مايبچي بهداي الــدمعه حـدر سيله
**
ابوحيدر
الصبيحاوي
زهره الزچيه لاهــاتهــه نـــاح القدر
زهره الزچيه بمصابهه يبچي المطر
حيل ماضل اوصبر بعينهه الدنيه گبر
زهره الزچيه زهره الزچيه
*****
بچــت اليــل وشجونــه بــلا ابــوهه تون تره
تعاتــب البين اعلــه فگده لــو تــظل محــيره
تــگله يــانشـغت دليــلي شلـون حــالك بلثره
تگول احس طعم ابلهاتي بويـه چني امرمره
اصفگ بديه امفارگه اترف بشر
اصفگ بديه متروس دلالي قهر
الدمع مابطل يدر بعينهه الدنيه گبر
زهره الزچيه زهره الزچيه
*****
بنبضي اسمع گال بويه وحيلي احسنه خوه
وهسه قانون الطبيعه اختلف يخنگني الهوه
بهندس اگضي تالي عمري لان فارگت الضوه
شلي بلدنــيه انــي بعــده وكون موتتنه سوه
سيد البريه اليله تاركنه ورحل
سيد البريه سـير اعلـيه الاجل
خلافه مايسوه العمر بعينهه الدنيه گبر
زهره الزچيه زهره الزچيه
*****
هيــه وي زينب تــلاگن وبدت عبرات اونين
يمه گالت بعدروحي شد ضعن غفله الحنين
عمره سبحه وطشروها وخلصت كل السنين
هذه ابوي البي ازامط وعالي ابجالـه الجبين
عيوني نديه من مشه وعافاني
عيوني نديه بهم وحزن خلاني
الحال ماظنه يسر بعينهه الدنيه گبر
زهره الزچيه زهره الزچيه
*****
زينب تصــد حالت امهه غيــم اعليهه الحزن
شافت افراگ الغوالي وفايض ابدمعه الجفن
يمه صـاحت بعدروحي وگامت ابحرگه تون
يوجع افراگ النحبهم الگلب مـاضن يستچن
يوم الرزيه يمرد ابروحي مرد
يوم الرزيه اسـود يصير الورد
الموت مايحمل عذر بعينهه الدنيه گبر
زهره الزچيه زهره الزچيه
*****
گامت توصي العقيله تگلهه ضمي من الدمع
بــاچــر اچم خيمه عدچ تحترگ مثل الشمع
يمه كلشي يهـون يمـچ كلشي عـدكم ينفجع
حضري روحچ للمصايب سوي احزانچ طبع
ذيچ المسيه وانتي متوصطه بله
ذيچ المسيه عليچ تبـچي كــربله
يوجع اگلوب الهجر بعينهه الدنيه گبر
زهره الزچيه زهره الزچيه
*****
ابوحيدر
الصبيحاوي
اجت كـــل السباية ها يعباس
عله احدود البداية ها يعباس
*****
العقيلة اهناء تنادي انة الحرگو فؤادي
ظلمهم بـــينه بادي واحنة اهل الهداية
****
اليوم الحك يريدك يمن گطعو وريدك
تعال وردهــه ايدك اودك يلغالي ثاية
****
عدنة اعتاب اجينة اخذنة يم ولينة
فدوه اسمع حچينة يبن خير الولاية
****
اجة هودج يتامة يون ون الحمامة
گضو من الملامة اوبعد ماكو حماية
****
گــــوم اتلگــة زينب اجت بگليب يلهب
الوكت وياهه ينحب تدور ماكو راية
****
اجت والدمعة حمره دربهه عثره عثره
خلافك ماكو گمره مشت درب الوشاية
****
الغيره تــريـد اهلهه عليك الدمعة اهلهه
تحن روحي النزلهه اوهوا اوحته ماية
****
ابو حيدر
الصبيحاوي
اه يلحسن واخباره عليه العين تجاره
*******
مظلوم عمره بطوله ياوسفه سم اينوله
شيعه بحزن گولوله وعين اليحب مطاره
*****
بگد سمك اتأذينه مابينه السكتت عينه
عل مشتبى ونينه وگلبي احترگ جماره
*****
اليله ابمصابه اليله والـوكـت بـين ميـله
بايد امامي حيله وناسه عليه محتاره
*****
بين رحيل الغالي فارك احبابه الوالي
خله الدمع يبرالي وظل بلگلب اثاره
*****
بسمه العزاء اونوحه وبچبده زاد اجروحه
اليله تفارك روحه وتظل غميچه اسراره
*****
حسين البچه عضيده ومدد امامي ايده
يگول الدليل ايريده والگلب تلهب ناره
*****
وزينب تنوح اگباله وملتمه كل اعياله
ظالم وكتنه اشماله واظلم اخلافه داره
*****
ابوحيدر
الصبيحاوي
رباطات/ للاربعين
**************
جابو الرايه جابو الرايه
اجو يوم اربعينه جابو الرايه
اليله عنايه اليله عنايـه
اجت لحسين كلهه اليله عنايــه
كلهه مشايه كلهه مشايه
سبيل الدمعه سوت كلهه مشايه
زينب اليله زينب اليله
جابت روس اهلهه زينب اليله
ويل واويلاه ويل واويلاه
دنيه عليها ناحت ويل واويلاه
العفه والشيله العفه والشيله
من زينب سترهه العفه والشيله
كل مواكبنه كل مواكبنه
بچت يوم اربعينك كل مواكبنه
تصب مدامعنه تصب مدامعنه
لويحسين صحنه تصب مدامعنه
انته منهجنه انته منهجنه
على ادروبك مشينه انته منهجنه
تبچي لمصابه تبچي لمصابه
اليله انصاره ظلت تبچي لمصابه
ندار دولابه اندار دولابه
شماله افتر وكتنه اندار دولابه
نار لهابه نار لهابه
بينه بگد خيمهم نار لهابه
طلعت الديره طلعت الديره
عافت كلشي الهه طلعت الديره
محزمه غيره محزمه غيره
هاي اليله ناسه محزمه غيره
عاشت ابخيره عاشت بخيره
كل الناس تالي عاشت بخيره
بينه مابينه بينه مابينه
اجينه ازحوف لجله ببنه مابينه
العلگمي وينه العلگمي وينه
اريد انحب بجرفه العلگمي وينه
ناحت اسكينه ناحت اسكينه
عمي الفرگه توجع ناحت اسكينه
الماي ذليته الماي ذليته
من بيدك خبطته الماي ذليته
تالي رديته تالي رديته
من بيدك غرفته تالي رديته
*****
ابوحيدر
الصبيحاوي
ويلي على المسموم ويلي على المسموم
*****
ياشيعه صيحو اليله مـولانه بــايــد حيله
يمه حسين يتچيله دلاله متروس اهموم
ويلي على المسموم
******
اليـله الـمنيه اگـباله والسـم اكــل دلالــه
متاذي حتى اخياله ميت امامي مظلوم
ويلي على المسموم
*****
بحشاه اه ولوعه بيهه الخلگ مفجوعه
تغير امامي نوعه دلالـــه صبح ملچوم
ويلي على المسموم
*****
مجلس اله سوينه نبچي ونــعه ناعينه
نعزي بحزن والينه ملتمه احبابه اليوم
ويلي على المسموم
*****
توجع دليلي حسره وبعيني متظل گطره
بگلب اليحبك جمره والچبد بلسم مهشوم
ويلي على المسموم
*****
نــار بگــلب ناسك يلعالي ظــــــل راسك
لچمو تره احساسك ولايمنه بينـــه ايلوم
ويلي على المسموم
*****
ابوحيدر
الصبيحاوي
صحت يمه الدمع يلچمني ياذيني
يمه ابروحتك ماخذ تــره اسنيني
ييمه ييمه
****
تعال وشوفني توجعني الحسره
من يوم الرحت دلالي بي جمره
نشفت الدمع گطره ابـاثـر گطره
صارت صحره بغيابك انه عيني
ييمه ييمه
****
اباوعلك وشوفك جرح ظل بيه
تدري اشتاگ الك يــايمه يوميه
وانــه مــرافگ سهر مانام ليليه
وطـول اليل اظلن اني بونيني
ييمه ييمه
****
كـــل عمري اضل بنوح والونه
انـــه سباح گلبي شوفته اتمنه
بعده ازغير مـو مال ابتعد منه
وبس الدمعه بـفراگــه تسليني
ييمه ييمه
****
اصيح ابصوت ياشمام روحي
كثرن مــن رحت بيه جروحي
مرني بطيف ردت يهيد نوحي
يمـه لــو صحت يوجع حنيني
ييمه ييمه
****
ادورك ويــن يــاهيبت زمــاني
عليــك البــين دولبني وعماني
من يوم الرحت مدري شجاني
وحال الموت بينك مــــالبيني
ييمه ييمه
****
يــمه الموت مــايــرحم دريته
ابــني الــراح اظــلم ظـال بيته
نــعاوي ونــوح ظلت ياوصيته
عليه ياناس بس اصفگ اديني
ييمه ييمه
****
ابوحيدر
الصبيحاوي
احنا باسم العباس رابطه صرنه
*****
اجت كلهه الشبان نبــض بيــهم شريان
يـدرونـه
رابطه گلنه نصير تجمعينه اعله الخير
شوفونه
كــلنه بيهه خدام وتشهد النــه الايــام
ممنونــه
بينه كـــل الاعمار اكــبار بــينه وزغــار
سمعونه
كون تسمعنه الناس نرخص عمرنه
احنا بـــاسم العباس رابطه صـرنـه
****
اتجمعت اهل الزود كلهه گـالت بـوعـــود
خدامه
زينب انواسي اليوم على حسين المظلوم
ويتامه
المهدي حاضر نلگاه يصيح جــدي وانعاه
بالامـه
شدو لطمه يحباب ونوحو حرگه بمصاب
اسلامه
نحس بلطف احساس زيد جمرنه
احنا بــــاسم العباس رابطه صرنه
****
كل مجالسنه ادموع وبيــهه نشعل اشموع
احزانه
باسمه نرفع رايات تبقـه بيهــه الچلمات
حيرانه
عمــر نبقاله انصار نصيح طلابت ثــــار
عوانــه
نــذر خلينه ارواح نحس بلطف وجراح
عنوانـه
بينه زود النبراس ونحس كبرنه
احنا باسم العباس رابطه صرنه
****
صرنه لمت خـوان هيبه كلــنه وعنوان
انصاره
كلـنه نلطم وانوح نــــدري دم المذبوح
يتجاره
الطف جرح ماننساه بيـــــنه زارعـــهه الاه
اثــــاره
للگمر صرنه اذراع ومنــه نحـمل اطباع
ايــثاره
بيـنه مــنه انفاس نعشگ گمرنه
احنا باسم العباس رابطه صرنه
****
رابطه وبيهه الخير وباسم عباس تصير
مبخوته
بيهه صوت الوجدان وكــل محب اولهان
ميفوتــه
بكل مجالسنه اهناء نوگف انغيض اعداء
الموتـــه
بينــه اتــگر العين كلنه نــوفي لحسين
والصوته
بكربله نعلي الراس منبع شرعنه
احنا بــاسم العباس رابطه صرنه
*****
ابوحيدر
الصبيحاوي
باچر وداع باچر وداع
******
باچر اوداع اويه الاهل ودموعي كتبت مستهل
عادونه اصحاب الجهل والحق يباع
****
باچر يغبش القدر وبگلبي يحطله آثر
بعيني وشوفنه النحر والامل ظاع
****
نتوادع انصب الدمع وگلوبنه تذوب الشمع
باجر يطش هذه الجمع و الخبر شاع
****
صرنه سفينه اومبحرة وبلدم مشيهه اوعابرة
ايه حزن ومصورة وطاح الشراع
****
من دونه نبقه بحيرة وتهد علينه الديرة
وفوك الظلم اسيرة بهذه النزع
****
باجر ادور كافل مالگه بس العاذل
راحو ترة البواسل وتحدي الرعاع
****
لو ينذبح والينه الدنيه بحزن تلفينه
ويصد الاهي اعلينه وآمرة مطاع
**************
ابو حيدر الصبيحاوي
اوبريت/للزهراء ع ثاني
************
عصروها بين الحائط والباب فصقطت على
وجهها
******
على بــاب الحنينه التمت اشرار
وحلـفو عــل زچيه اليله تنصاب
جــابـو كــل حطبهم شعـلو النار
من عرفوها گامت تحتمي اباب
گــالــو جيـنه حتى نحرگ الدار
ونبت بسمار نص الظـلع ونعاب
طاح المحسن وظــل منــه اثار
وظل النوح من الزهره وخضاب
اني المافزع ياناس ياره /جاره
اوكتي للنوايب دوم ياره/ يراء
واظن الموت للبسمار ياره/جره
وكسر ظلعين وعيوني نديه
******
فدخل عمر ومن مع الئ بيت الزهراء ع
/ نعي
*****
ناس ابلا بخـت طبت عليهه
وبعد مالحگت تشگف اديهه
گــوم اشرار ويصيبون بيهه
هايه الزاچيه الحره الابيه
حيرهه الوكت مابين الغراب
عليهه اتلملمو شمات والباب
بـت الهادي والدلال ينصاب
شافت من وكتهه بس اذيه
****
لابـوهــه الحضر يــمهه ولامهه
الحزن والــدمــع للحره ولامهه
الوكت طشرهه وتبدت ولامهه
وطاحت ونفتح باب المنيه
****
اخذو الامام
علي ابن ابي طالب ع الئ المسجد
نعي
****
بوصيتي تچتفت ديني حميته
ونبـي الكون مــاخالف وصيته
خيـــبر يــشهد بچــفي فنيــته
بسيفي ايمـوت كــلمن گابليته
البرزلي يــوقع ايحضر وصيته
دليلي اعلــيچ يــلزهره وصيته
وانه المعروف يدروني وصيته
وصل سابع سمه يعرفون بيه
****
ثم ترجع الزهراء ع ومعها الامام علي ع
نعي
****
اجت هيـه وعلي ام الامامه
ونين البيهه ايبچي الحمامه
توجع حيل يــاناس الملامه
اه ياموت وين احباب گلبي
شافت ظيم مامر اعله حره
گظة دمعاتها ومابقت گطره
بخدها بينت ياناس صطره
عليها تنوح سكان السماوات
رديـــت بعـــلي والــبيه بيــه
ونار البلگلب تچــوي وسريه
تحوم اويــاي هيست المنيه
مالوم احس گلبي اوچواني
****
دخول الحسن والحسين على امهما
وجدوها ميته
نعي
****
يمــه الــدنيه مــاتـسوه بدونچ
فدوه اعيوني الشوفت عيونچ
يــم البــيت حـاچيني اشلونچ
دنيه بلايه ام چا شلي بيهه
بغمضت عيــنهه زيــدت وني
انــه التايه احس ياناس چني
مصايب دهـــري بغيابچ ولني
وروحي مفرفحه ظلت عليهه
*****
ثم دخل المسجد الحسنان ع
ابا ياعلي ابا ياعلي ماتت امنا فاطمه
نعي
****
علي گــام اوگــع وتبريد اشبيه
گال اليله صب دمعي وبواچيه
اليله افــراگ يــاليلي اونعاويه
وهذه اوداع وعيوني نديه
راحت والدمع ظــل يـبره الهه
عليهه الديره ناحت وي اهلهه
روحي تنوح يـوم الراح خلهه
وعليهه اصفگهن بحرگه اديه
*****
عند وداع
الزهراء ع دخل الحسنان الئ حجرتهما
الحسن عند
راسها والحسين عند رجليها وقال كلميني
نعي
****
انــه الحــسن يمــه يلـــحبيبه
فـــراگـــچ للگلب اكبر مصيبه
هـــايـــه ليـــلتچ ليــله رهيبه
عمري شلون اخلصنه عجيبه
عــزيـزچ انه يمه حسين يمه
احچي ولا تزيدي الگلب همه
على ثوبچ اونــن كـون اشمه
حـاچيني قسمت اعليچ ذمه
انــوح العمر كله اعليچ يمه
وگلب الــدورچ يلــگاچ يمه
بچتلچ يلعزيزه اليــوم يمه/الائمه
وبچه جبريل والهادي سويه
****
استيقض الامام علي ع ورجع مسرعاً الئ الدار
فاستقبلته ابنته زينب ع
نعي
****
اجته بطيف بتك چن وحيده
بـــالــك لاتصب دمعه بغيابي
زيــنب فــزت وعــنك بعـيده
وطلعت خـايفه اوگفت ابابي
عينك يـاعلي علظلت اهناك
خافن من تفز تبچي اليتيمه
اخذ الروح مــن تروح وياك
ماريدن تظل بتـي ابهظيمه
الموت افراگ ياوادم وره امنه/شوفهه
ونــدگ بصدورنه اعليهه ورمنه
يريت انروح كل احنه وره امنه
وكون نموت وياهه سويه
*****
ابوحيدر
الصبيحاوي
گــوم يــاحيدر وشــد اعنانهه
هاي وادم مــاصحه وجدانهه
*
گوم خلي الخيل تردمهم ردم
وخــلي حكام السقيفه تنهجم
بيدك افرز طلع اصحاب الاثم
ناس هـاي واضحه بعدوانهه
*
ساعه اخذلك بيهم وساويهه
وسفه هــاي اعـداك وتخليهه
النيه لــلزهــره العــده تاذيهه
نكرو المعروف ويه احسانهه
*
الهجم علدار انـته شده برايه
وصول بيهم لجو هـم عـنايه
هاي گــوم مـن الـجهل ودايه
بس جهنم هيه صار امچانهه
*
شـيل فقارك وسوي المايصير
خلهم يعرفون بـس انته امير
زغــار گـدامـك ولا بيهم چبير
اگــبالـك تحيـر العده بچفانهه
*
طفي نــار الباب يـاصنديدهه
وهـاي وادم تستحق اتبيدهه
وعود خلي زلـم هـم اتعيدهه
حتى مــايلحگ يــظل دفانهه
*
گوم ياجيدوم وطوي الحومه
ولاتخلي الزهره هـم مهظومه
داوي بيهه اظلوعها الملچومه
ودنيـتك بلعـدل دگ مــيزانهه
*
جيــب اولهــم وجــيب الثاني
وخلي واحدهــم يظل ايعاني
عاقب الحاقد وشوف شجاني
گله هـاي الفزعه مــن خلانهه
*
ابوحيدر
الصبيحاوي
اخذ موتچ خطيتي تره بيوم المشيتي
خله حسرات كلهه اهات
تره بيوم المشيتي
******
گمت اصيح ابعالي صوتي وماتجينه
وگلبي كــل ليــله ونهاره اسمع ونينه
تجري ظلت عيني عــل ماتت حزينه
عمري دونـچ يــمه مــايسوه ابسنينه
شلي بسنين العمر وياي ماينفع صبر
تلچمني الاه واندب وويلاه
تره بيوم المشيتي
*****
وعگب عيـنچ يمه مــاينشف دمعنه
بينه نــوح اهـواي بس محد سمعنه
صار بينه الحزن واحـد مــن طبعنه
صنطه مر الموت بينه وهـم فجعنه
چادر احزاني بچي يخنگ اشماله الحچي
صبت العين يوجع البين
تره بيوم المشيتي
*****
الماتت امـه يريد مــوتــه ومايجيله
مصيبت افــراگــچ علي كلش ثگيله
روحي من يوم المشيتي چن عليله
شله بلـدنيــه المشــه ومــارد خليله
فرگتچ بينه دهر يكسر مصابچ ظهر
يدور الموت بدنيه تابوت
تره بيوم المشيتي
*****
عيني مـن فـرگاچ احس بيها نديه
شلت دنيه مــن الحـزن والبيه بيه
ومــن سمعت ابموتهه مــاتت اديه
خيــمه چــانــت امـي وتفيي عليه
هسه شمعتها طفت چنهه ياوادم غفت
تالي ماتت بگلبي عاشت
تره بيوم المشيتي
*****
يل مشيتي وعفتي كل ناسچ يتامه
وناحت ويه الناحو ابحرگه الحمامه
العــمر بـس بلظــيم خلص والملامه
كــلنه الله اويــاچ گلــنه اوبـسلامـه
حفرت ادموعي اثر جرحچ ابگلبي كبر
عفتي دارچ وبينه نارچ
تره بيوم الجفيتي
*****
ابوحيدر
الصبيحاوي
مظلومه هـاي الزهره تدرون
مظلومه وتصب ماي العيون
كاسر ظلعهه الباب والگلب ظل عطاب
مظلومه مظلومه
******
هــايه العزيزه ام الحسن يـــانـــاس
عاشة ابحيره ونجرح بيهه احساس
ظـاگــت عليــه دنيــتي وبــدمــع تنـقاس
وكتــي وزمــاني ياخلگ وندارت ارجاس
مهظومه تالي وظلــع مكسور
مهظومه شمس الباري والنور
يوجعهه هذه مصاب والگلب ظل عطاب
مظلومه مظلومه
******
شافــت عمرهه عــگب النـبي ابحيره
صــبت دمعـهه مطــره وعـله الديره
ظلت يتيمه مكـدره حــزنــانــت السيره
يوجع جنحهه المنكسر ماتحمل الطيره
مالومه يلچمهه الجره وصار
مالومه حـــــــزن البيهه اثـار
بيهه جرح ماطاب والگلب ظل عطلب
مظلومه مظلومه
******
طايح ابنهه وبخدهه ضاربها النذل
اباب المنيه طاحت وماضن تحتمل
طــايــح المحسن يــاخلگ مـــاظل شمل
وبــس الــدمــع بعــيونــهه يظــل ايهـمل
محرومه من المحسن الطاح
محرومه واعليهه السمه ناح
شوده الزمان وجاب والگلب ظل عطاب
مظلومه مظلومه
******
تخنــگها عبـره ناس الولتهه ماتعف
صاحت يفضه اني بحروفي ينحلف
تمنــيت مـــاوصــو علــي وگـــام الكــلف
ويـــراوي نـــاس بـحرمتي گــامت تخف
مهمومه يلچمهه الـدمع گام
مهمومه حتى وي الاحــلام
كثرت عليها اسباب والگلب ظل عطاب
مظلومه مظلومه
******
نكرو فضلهه المنهه الوحي خجلان
هجمو عليهه وهسه اتضــح عدوان
ابــابهــه عطــر النبــي ويحــمل العنوان
رادو يمسحون العطر الماعدهم احسان
ملمومه نــاس التعبد بخوف
ملمومه هسه شايله اسيوف
بيهه الدليل انصاب والگلب ظل عطاب
مظلومه مظلومه
******
ابوحيدر
الصبيحاوي
راحت الچانت اعــز مــن روحي
هسه ظل بس الحزن وي نوحي
چلمة اليمه شكبرها واحله ايامي عمرها
اه ييمه اه ييمه
**
يمــه مــن گلــبي احسهه مــن اگـولنهه احن
وخلصت عمري بمناحــه ويــه طـاريهه اون
اليل حسباته ولنــي وفـاض بدموعـه الجفن
سوده كل اهدومي بعدچ غيم بگلبي الحزن
حضني ظل فارغ ييمه ومادفه
وين ادورچ وانـي احتاج الوفه
الموت ياوادم حضرها احله ايامي عمرها
اه ييمه اه ييمه
**
اتمــنه ارد ازغير يمــه حتى اشــوف اعيونچ
وكـون كــل اهات گلبي مــن اجـي ينشدونچ
على افــراگـچ يلعزيزه وكــل تگــول اشلونچ
عشنه بــين الاه كلــنه الـديره وحشه بدونچ
راح اسولف ولسوالف كلهه بيه
بدونچ اگضيه العمر افرك بديه
عافت ابگلبي اثرها احله ايامي عمرها
اه ييمه اه ييمه
**
كــون اموتن گبل يومچ الدنيه بفراگچ سراب
چنت ماحاسب غيابچ بدونچ انشوف العذاب
راح اخلص عمري كــله عايش اسنيني مصاب
انطوت صفحت حيــاتي مثل طويات الكتاب
هاجرت كل الترافه ودمعي طاح
وراح اخلــص دنيــتي ون ونياح
يچوي دلالي جمرها احله ايامي عمرها
اه ييمه اه ييمه
**
گمــت اخلص اليل حسره والفجر گتله تعال
يمه عــوفي ذكــره يمي حتى لو منچ خيال
چنت مــااحس بغيابچ وچنت عايش بلدلال
وهسـه شحيـتي علـيه ونگطع حبل الوصال
امي تانيت ابطيوفي شگد تجي
الهه ضميت اني سالوفه وحچي
امي استورح عطرها احله ايامي عمرها
اه ييمه اه ييمه
**
مــغربيه الــدنيــه صارت بيهه كـل الهم يمر
عمري كله يصير لحضه وبعد مايسوه العمر
فــرگت امـي المتني وصرت موگد من جمر
دمعي صـب وتلمسيته وشفت دمعاتي حمر
صاحبت حزني وبچينه وهل دمع
ينوح گلبي بسكتته وظـل ينسمع
الموت امي ماعذرها احله ايامي عمرها
اه ييمه اه يبمه
**
ابوحيدر
الصبيحاوي
نــون ياناس نندب عسكرينه
وگلب احبابــه مــابطل ونينه
*****
بغمضت عينه خلانــه يتامه
خبرو احبابه اوخبرو عمامه
بسـم اعــداء لــيله مــاينامه
وكلنه انــوح للـغالي وبچينه
*****
تنوح اعليه سامــره ابكبرهه
الوادم شايطه يلهب جمرهه
اجتك نـاس تفديك ابعمرهه
تدگ اصدورها وتندب ولينه
*****
نبچي اليله نعمـيهه النواضر
المهدي بلعـزه ويـانـه حاضر
بيه ادموع كسرات الخواطر
وكلـنه للولــي نحــنه ونعينه
*****
اظــلم بيتـه ومفــارگ حنانه
وهسه ويــن يـاوادم مچـانه
الشـد ارحالـه مــاظنـه نسانه
وتلطم من مشه الهسه ادينه
*****
بويه يصيح مهدينه بحسرته
تهــد الحــيل مــولانـه عبرته
شــال الحــيد تتــعثر چلمته
يگول الراح مــايـرجع علينه
*****
الناس تـنوحلك هـاي المسيه
انه ظليت اون وصـفگ بديه
عليك تـنوح ويــانــه الزچيه
وكلـنه اليــله ويــاهــا اجينه
*****
ابوحيدر
الصبيحاوي
نعي
********
ابلــل بــلدمـع ظليــت الهدوم
گلبي بـروحتك ليهسه ملچوم
عليه اململمه يــابـويـه الهموم
سهرانـه واعـد بفراگك انجوم
عــايفني بحناني والك حنيت
بلدلال حسره ولــوعـه خليت
ابچي ومـاابطل النوح ظليت
القدر گابلني وبئـاهـات ونيت
شيگضي اليل دونك ماتجينه
طــالــت غيبـتك ســير علينه
دليلي اعليك مــابطــل ونينه
نظـل للموت مايسكت بچينه
فــارغ بيتنه ويهدمـه الفراگ
واحسن بـي للعايفنه مشتاگ
وكتـي والخلگ بغيبتك ظاگ
الحنانك عوزت والبعد حراگ
******
دليلي ابغيبتك مگطوع بته
واظلم صــار لمــن راح بته
وصـلولــه خــبر تنــعاه بته
وتظل ادموعهه حد المنيه
******
ابوحيدر
الصبيحاوي
زينب اجت دمعـه بچت
مــن الشام بعبره حچت
جابت اهلهه ياناس ردت تـره المظلومه
*
ام عون اجت والهم اجه وياهه
كفالــه صارت والضعن بحماهه
وخلــت وكتهه بـل جره ينعاهه
تعنت الــــــه بهـــذه البله
خويه تصيح بنص كربله
طبت عزيزت فاطمه بت حيدر المهظومه
*
جـــابــت يــتامه والدمع واليهه
زينب الچانت من يمس طاريهه
راس الگمر ويــاها ظل يحديهه
اطفال ونسه بهذه المسه
صــار النــوح بيــهم رسه
الطف اخذ منها اعزاز وكثر گلبهه اهمومه
*
تلچمهه زينب يـاخلگ حسرتهه
لحسين چانت بل اهل رجعتهه
مــاتبــرد الطـول العمر جمرتهه
ضعن السبي وهودج عبي
كلهه تــــون ال النـــــــبي
بتـرابــه تسمع اهــات فــز الولي من نومه
*
كلهه السبايه بـربعينك نــاحت
زينب الحره يــاواليـنه طاحت
يمك ياخويه ياعزيزي صاحت
گـــالت الـك اني وهلك
جينه اليوم اندار الفلك
ينشدني دلالي اعليك ويگلي شنهي اعلومه
*
يــا گمر هــاشـم جيتك اتلگاني
اختك واعــرفك يـاشهم تتناني
الحزن باسمي اتسمه اوعنواني
يم اخوتي ابث شكوتي
ارش اگبور مــن دمعتي
صرت انه والنوح اخوان بهم وحزن مفطومه
*
شفت المواكب والاجو مشايه
خلافت رايت كافلي چم رايه
بعــناد طفــنه النهر وزع مايه
شاب وكهل دمعه يهل
درب السبي صاير سهل
يحسين اجتك انصار بــگد السمه ونجومـه
*
ابوحيدر
الصبيحاوي
اه يلحسن نادينه ذكرك جرح ياذينه
****
چبدك احس ياذيني اوشلت دمعت عيني
ياحزن كل اسنيني عليك ابهضم ونينه
****
فاجعنه تدري مصابك ياوسفه فر دولابك
نصبت عزيه احبابك للحسن كل حنينه
****
للموت لا منعوفه ظلمك صبح سالوفه
قصه ونحس مئلوفه وعليه صفگنه ادينه
****
مظلوم حتى ابموته للحق امامي صوته
اهاته هم مبخوته بلسم گضه والينه
****
غدرو امام الشيعه بحسره ودمع توديعه
مفترض واحنا انطيعه ولجله ادموع هلينه
****
حي ميت ايظلمونه مايوم اله اينصفونه
ياشيعه لا تنسونه صبط النبي هادينه
****
جرحك غميچ ويدي عيون التحبه تندي
احزن عليك اواحدي طول العمر وسنينه
*******
ابوحيدر
الصبيحاوي
حلمت بابوهه الغالي صاحت اريده اگبالي
*****
ياعمه چان اهنانه يحچي وگعد ويانه
ياعمه هاذه امچانه ويانه امشي گلالي
******
ينكت اتراب اهدومي وگلي رقيه گومي
ونچ فززلي نومي والدمعه بعيني تلالي
******
ينشدني ياهو الامچ بويه اعتنيت احلامچ
كل لحضه انه گدامچ ياروحي وهم دلالي
******
فتحت عيني بهيده ماشفت حضنه اوايده
ياعمه صحت اريده وبلظيم صاير حالي
******
صار البچي والصايح وزاد الونين اونايح
من شفته ماكو رايح مدري شنو اتهيالي
******
گلبي رادو ياذونه راس الغالي يشوفونه
علظيم انه ازغيرونه راحو هلي شظلالي
******
رادو تشوف اعيوني بهاذه الفعل ينهوني
كل ظنهم يموتوني وروحي مشت للعالي
******
ابوحيدر
الصبيحاوي
ليله العــزه الوالينه مصاب الحسن ياذينه
طــر گلــبي ابجيته البين
مــاظل دمــع بيهه العين
مصاب الحسن ياذينه
*****
ليله حــزينه وفاجعه بهـذه الصار
خــله المدامع حايره يــوم الطاح
عيوني عليك امدمعه وصـبت نـار
خويه بدليلي نــايره واسمع صاح
الكون بمصابك نــــعه بيــك احــتار
احشاك تالي امطشره وبــيه انــياح
يل صوتك يسليني يرايح امخليني
بطشت المنيه شفناء چبدك امگطع ويلاء
مصاب الحسن ياذينه
****
تچــايت البيت وهله ياذي اجفاك
اظلم سلفنه بلاضوه يـــوم الغاب
الغـالي بــالسم ابـتله الله ويــــــاك
ابغيبته ظــاگ الهوه وگلـــبي ذاب
شفت السنين مهدله تظــــل تنعاك
ديــوان دلالك حـوه الاه ومصاب
ياحسرتي واهاتي ياعبرتي بچلماتي
خويه الدمع ملانه الغالي مشه وعافانه
مصاب الحسن ياذينه
****
خلـص حيـاتـه بلظلم بس احزان
مانصح وكته بلحضـه مــن ايامه
حتى بمماتــه منهظم والـهم بــان
صدره الاسهام ترضه كثر اسهامه
وتبــده ادموم اوعلم مــن شريان
وعداك حكم اتفرضه اتزيد اللامه
ادموعي اتچويني وفراگك اياذيني
جروحك صفن الامي سوده اصبحت ايامي
مصاب الحسن ياذينه
****
صبـط النبي يتهاوه والروح تروح
راح ومشه عظيدي والسم بحشاه
ظـل باالالم يتلاوه تاذيه اجروح
وعليه اصفگ بيدي واندب ويلاه
چبدت ودم اتساوه عــايفلي نوح
ياروح فدوه هيدي ومشي ويــاه
يلساكن ابدلالي ياهيبتي وياغالي
تمنيت گبلك يومي تگظي يخويه اهمومي
مصاب الحسن ياذينه
****
ابوحيدر
الصبيحاوي
لوصال ابو فاضل يعگر الحومه
*****
مــن شــافــه النهر الماي كلـه احتار
وبدوست يمينه انگلب واصبح حار
الگمر معروف لويغضب يچوي النار
من طب للشريعه صبحو موته
*****
گــال الماي اجيبه هــوه وي الطين
اصف راح اصيرن لويحشم حسين
اجيبه وياي بيدي لــو يــريـد البين
اهز ميدان وحدي بهزت الرايه
*****
انه ابن الصميده وحيلي من حيله
على العدوان اجولن من اجي ليله
ناس احنه وابــد مــانــرضه بلعيله
لـــو نگبل عليهه اعدانه مالومه
*****
گمــر بلطف اضـوي لــو يجن اليل
ولو رفت الرايه اطش زلم والخيل
بيهم لــو اگومـن گاعي كلهه اتميل
مــن اطب بيهم اجيبنهه المنيه
*****
جــر بيده المنيه مـن نهض عباس
خله اعداء كلهه تطگ راس ابراس
هذه الحيد تدري كلهه بــي الناس
هذه ابن الصميده بانت اعلومه
*****
من يومه كلف راعي الشريعه حيد
لو ميدان طـب يسوي كلشي يريد
اسرع مـن ضوانـه لــو يطـب البيد
الجيش يميل كله بجدحت اعيونه
*****
خــله الــراگ فــوگ الــراگ لمن غار
وكلمن بــرز يــمه گلــبه ليش احتار
مثل البرق طبهم جيش صاح انذار
من عباس طبهم تاه حاديهم
*****
علامه اچفوفه ظلن بيهه كل الزود
جـر بلسيف خط وگال هاي احدود
گال الراد يوصل خل يحط اشهود
لــو گرب خيمه اراويه المنيه
*****
ابوحيدر
الصبيحاوي
بهودج روس اهلهه بينت زينب
********
جابت روس اهلهه وبيهه رفعت راس
ومــن ذاك السلف شفناهه چن عباس
يــله انگوم الهـه كــلنه يــاهــل الناس
اجت والگاع مالت چن حضر حيدر
****
صاحت خويه گوم الرايه جبت اوياي
وبعــد لتروح خــويـه كلنه عفنه الماي
على هــونــك يكافــل لــو گمت بهداي
كلهه تصيح عمي وتبچي اله سكينه
****
عــطر حسين شمــت مــن اجت للطف
وهاي الروس جابت كلهه وگفت صف
خويه حــيل صــاحت بس تحرك چف
نكـت تربان گبره مــن ســمع بيــــهه
****
المــواكب كلهه وگفت مــن اجت زينب
وشافت هودج الهه ويــه السبي معذب
زغــار ويــاهه اجـت كلهه صفت تنحب
وگف طف كربله مــن شــاف مـولاته
****
اليتامه اليلــه اجـــت تنـــعه اعله واليهه
وشفنه احــنا الــزمــان وكلشي مــر بيهه
كل الشيعه گومو خــــل نبچي ونعزيهه
ضعن الحره بين بـــي شفت رايـــه
****
زينب مــن اجـت تطـوي البراري اهموم
لا مــوكب خــدمهه وبـس جرح ملچوم
وهسه احـنا وگفــنه كلــنه الهــه اليــوم
كل احنه انتلگاهه بينه غيرت العباس
****
اجــت صـوب المواكب بيهه شافت خير
وشافت نــاس تطعم باسمي حتى الطير
بــاسم حسين صــارت وبــعد هــم تصير
اجت امنه الزچيه تواسي كــــل ناسه
****
مـــن كــثر المواكب صــب دمعهه وسال
وچــان الحــال بيهه مــو مــثل هل حال
وي زينــب وكتــهه وكــل شـي بيهه مال
ومن شافت مواكب چــن گمـــر جاهه
****
ابوحيدر
الصبيحاوي
وحيد انه بثنيه واجت يمي المنيه
واجت يمي المنيه
*
دمــــه الحد السمه صــاعــد تـره
هــوت كلهه انتهت بــل مــجزره
الضمه بلاء مرحمه بيــنه افــتره
بچت حتى المسيه واجت يمي المنيه
*
الــنده بنص العده لتـمت علــيه
جــرح بــي الـملح مــاكو اديـــه
بــــده هذه السده موت اليجيه
بــدت بــينه البليه واجت يمي المنيه
*
خــيم بيهه الحرم بيهه الضمير
صعب وكتي حرب صاير خطير
اهـــم بيــهم الـــم حتـى الزغير
شفت جــور واذيه واجت يمي المنيه
*
جــفو كــل ارحلو وانـي وحيد
عـزيز بصف عزيز اصــبح بعيد
مـشو مـني ابعدو ودهــم اريـد
الوداع اصبح وصيه واجت يمي المنيه
*
اظــل مثــل الجبل نص حومتي
اشــد لمــن اهــــد مـــن هـيبتي
امـــل ابــقه واهـل وي خـطوتي
وانه راعي الحميه واجت يمي المنيه
*
اطـب واگلب گلب عرش الظلاله
انـــــه بيدي الـمنه طبعي البساله
العذب مــاينشرب عــدنه محاله
صبح وي ال اميه واجت يمي المنيه
*
الـــي هيبت علي بوكته وزمانه
كـلف ماينوصف زوده وحـنانه
الولي عينت هلي واضح مـكانـه
الــي تشــهد رعيه واجت يمي المنيه
*
ابوحيدر
الصبيحاوي
اليل بعيونه ملح ينتظر جيت الصبح
ولو يصح لو مايصح ادفن حبيبي
*******
اليل كون يصير عام حته اكحل ناظري
حته اشبع شوف منك وراحه احس بخاطري
كون ساعاته طويله وساعته بروحي اشتري
الفرگه مرهونه بنهاري وگلبي بيهه ينفري
لو رحت شنهو العذر وانه دلالي جمر
تبده من ايدي الصبر يسعر لهيبي
*******
ربي خلي اليل يطول وبلكت يطول دهر
ما امل من كثر وكته تحظرت لجل السهر
راح تبجي اعيوني ادري والدمع يصبح نهر
وتعمه العيون بغيابك والگلب بس للقهر
الفجر يذبح من يجي يعله وي جيته البجي
يسكت اشماله الحجي ويبدي نحيبي
********
كل دقيقه بليلي تجرح واني ماخذني الوكت
وگمت لرسومك اباوع وبلمعاني شگد شفت
انه اموتن لو عفتني عليك تدري تعودت
كون اموت وما اشوفك بخيل مسحوك ومتت
لحضه من تمر احس ينگطع عندي النفس
فرق بليوم اوامس والهم نصيبي
********
الصبر كلي منين اجيبه ودري ينعاك الصبر
الدنيه ماتسوه بغيابك وفوكهه بيهه الشمر
ويه رحيل اليل ترحل وشوفتك تبقه نذر
يجوي احسه النفس بيه وناتج افراگك جمر
هيه بس لحظات الك لحك اودع هلك
حرت شحجي واسألك يابعد شيبي
********
ودري ليلي يصير بعدك كل محطاته عذاب
يلچنت تجايه احسك وتالي اشوفنك سراب
كل عمايل وكتي بيه مو مثل هذه المصاب
كلشي باجر يبقه ينزف وينرف اويا الخضاب
دمعي يخلص من يهل عليك اون اوما امل
والحزن بينه يحل يابسمه غيبي
********
گمت اعد انجوم ليلي والصبح ميضل نجم
هذه كابوس ولفاني شوكت افز من الحلم
باجر تمر المنيه ومن تجي متگول احم
والصبح لو گبل فجره كلشي بينه ينثلم
نهر يصبح من دمع ولو جره يضل ينسمع
نحترك مثل الشمع لجل الغريبي
*******
ابو حيدر الصبيحاوي