-
الشاعر ابو حيدر الصبيحاوي.
هاذ اخر اوداع اوياه
اليوم انودع المسموم
*********
عله الجواد تجري العين
ويتيم اخلافه صار الدين
بلسم حظروله البين
وظلت شيعتة تنعاه
******
اليلة الغالي منه يشيل
وعليه الدمع ظل يسيل
گابلنه وينوح اليل
عله اليسوه الونين اواه
******
عله تاسع گمر بلكون
اليوم ابجي وطيح اعيون
وعلي شماتي خل يحجون
تصب اعيوني ابطرواه
******
نسوي نايحه بكل دار
وتبچي ازغار تبچي اكبار
اونحط من الاطم اثار
عل ماينحمل فرگاه
*******
باب الله وتعرفه الناس
والجواد رفعت راس
اليوم انفارك النوماس
ويبقه ويانه ما ننساه
********
مصابه حسره بلدلال
وبينه ماتت الامال
يمنه يعوف كون اخيال
مانرهم تره ابلياه
*******
راح اوخله ناسه تنوح
وزادت بلدليل اجروح
راح اليسوه حته الروح
راح اومابعد الگاه
*******
ابو حيدر الصبيحاوي
نعي/للسيد الصدر
********
خليت البــواچي الـنه تعويد
گلب الفارگك مـايرضه ايهيد
عشت بگلوبنه ونحسك بعيد
الحنانــه يتيمه وغـالي تريد
عيوني محيره ماترضه اتنام
دنيه بروحتك بعيوني اوهام
مــن كـثر الدمع ضليت انلام
يل كاسر دليلي كسرت الجام
يــومك موسهل فاجعنه كلنه
ننوح اعليــك ضلينه اويهلنه
حــزيــن اليله للغــالي وطنه
راح الكـــله للـــوادم محـــنه
تــدري بغيــبتك كــلنه يـتامه
نون اعليك ونـــــات الحمامه
نحن الطولك وذيــچ الجهامه
كلك غيــره ومسـوي الكرامه
يماي اعيونه ياذينه الافراگ
توجع غيبتك تدرينه نشتاگ
يهد الحيل بعدك بينه حراگ
بفــراگك دمعنه بلوجــه لاگ
طــاحـو علصدر ولده يراحين
وصاير مو جرح عده يراحين
شافــه الوكت ياوادم يراحين
ولده وياه بحضان المنيه
*****
ابوحيدر
الصبيحاوي
اليله السيد ننعاه
اليله السيد ننعاه
*****
بچينه الدنيه بجاله يسمونه كلنه ارجاله
واحدنه مكدر حاله معيشنه بس طرواه
*****
وينك يابخت وشاره مظلومه كل انصاره
بيك الـوادم محتاره للموت احــنه ويــاه
*****
مــن اتذكر خطباته تــوجع گلبي چلماته
هز الكوفه بخطواته يــاهو اليگدر ينساه
*****
سيدنه شوف البينه تدري الوكت مچوينه
چم مظلوم مئذينه وماتت بحروفه الاه
*****
يتيمه بفرگتك جمعه ونتوضه تره بدمعه
شعلنه بروحنه شمعه ابــونــه وكلنه ارباه
*****
يتيمه انصارك اليله وكلمن يلطم بحيله
ريـت بگلبي الچيله حتى بروحي افداه
*****
يمصفن المنيه عليه يرعب لو يمر طاريه
گامت دنيته تنعيه ماينحمل والله اجفاه
*****
بدينه الدمع وعيون وكل عدوانه يلومون
هاي احبابك ينوحون اليله محزمه بويلاه
*****
ابوحيدر
الصبيحاوي
جرحك علي اذانـه يابويه ظل نيشانه
وبطيحتك مـولانه حلت اذيه
*****
يومــك رزيـه محضره واهــل الحقد سنوهــه
سيف المــرادي وزمرته نــاس التضد خلوهــه
اگلوب نــاسك ياعلي وكــت الفجر فجعوهــه
وهامك يبويــه بلدمه ويــه الفــرض حنوهــه
دلالي بمصابك هـــوه بعيوني ماظل الضوه
يخنگني شماله الهوه حلت اذيه
****
تــانيتك ودمعي يصب زينب عزيزت روحك
بياعين اشوفك منتچي دلالي سكت نــوحك
بويه من اون بحسرتي خافن اكثر اجروحك
غدروك ياحيد اوكـلف البس بصلات يلوحك
خلاني بدموعي الم تمنيت الصاير حلم
بلبويه ظليت انلچم حلت اذيه
****
بيت اليظل ابــلاء ابــو يصــبح يتيم اتــرابه
وتتغير اوجوه الخلگ ومحد يــدگ هـم بابه
ويحس فراغ ابدنيته ويـوجع دليـله امصابه
ومحد يحس ابلوتــه الــفارگ عجـيد احبابه
شفت اليالي تحضرن جابلي اهات واجن
حسرات بگليبي نولن حلت اذيه
****
شيردهه ايــام المضت اشتاگ اشوف الغالي
تمنيت ساعه بــدنيتي يـرجع وشوفه اگبالي
ويگلي بويه بــرهــدنه ويمسح دمـع اليلالي
حتــى اســولفله الــجره بعينه يصد احوالي
حتى النفس ياذيني ماغمضت هم عيني
يابويه ياذي اونيني حلت اذيه
****
لو مرني الغروب انهظم ظليت اعـيش بذكره
ساعات لو يبدي البچي بعيـوني متظل گطره
افرش افراشك من عصر مخنوگه اظل بعبره
خالي اشوفـنه يظل وتچويني بـويه الحسره
امنين اجيبنه الصبر ابگلبي كانون وجمر
حسرات اگضيه العمر حلت اذيه
****
ابوحيدر
الصبيحاوي
حيدر علي حيدر علي
******
بينت ساعات الفجر بيــهه الــوداع ومايرد
الــيله ليــلة حيدره ويموت بفــراگــه الورد
يعرفهه دنياه خلصت وتحضر الطول البعد
تلگه المنـيه ومــارجــف گللهه يــله اتوكلي
*****
ساعات ويمر الفجر وتصير نايحت السمه
مــايتم مولانه الفرض محرابه يتنگع دمه
ويــدريه يبراله القدر واليله عنده الخاتمه
الخاطر الدين احتمل ماهمه حيدر ينولي
*****
اليله قــالـع خيبره يتچوله واصوابه كلف
تاذيه طبرت هامته مابطل ويجري النزف
الباشط بــكل الحرب ينعاه مالوم الوصف
ياوسفه غدروه اوگع اتگنطر ابفرضه الولي
*****
يدرون مــحد گابله بلسجده غدرو حيدره
يوجعني گلبي بلحچي لوذكره ايمر وطره
اگلوب كــل شيعة علي اليـله كلهه مكسره
والكون بلصار وجره يــانــاس بلوه مبتلي
*****
يــادمعتي البيه تصب للغالي سوت نايحه
دلالي لجلك يــاعلي ماهاد لحضه صايحه
بمصابــك اليله تــظل اگلوب بينه مجرحه
انصب عزائك سيدي وتنوح احبابي وهلي
*****
السمه تنـعه والارض كـــل تبچي المولانه
وملاك نــاحـت والصده بان شكثر حزنانه
الدنيه بصواب الـولي لطـمت لطم حيرانه
تگول شلي بطلتي ومن غيره ياوادم شلي
*****
ابوحيدر
الصبيحاوي
نطــر الســمه طــاح الدمه
بنص محراب الدين انرمه
مغدور ظل ابو تراب وكل دنيته بچاها
*****
صارت رزيه ابطيحتك مولانه
ونـــاس التودك بلخبر حـزنانه
مشدوهه كل احبابك وحيرانه
شاع الخبر والكل عــثر
بهذه الصار بچه الحجر
والدنيه كلهه تنعاه يوم المشه وماجاها
*****
حتــى شمـسنه بلــجره محتاره
غنتب ضــواهــا وبيـنت اسراره
تهدم الــديــن وبــل ركــن اثاره
يحني الظلع يجري الدمع
بجيته البين كــــل تنفجع
ناحت عليه الايتام فــراگه كـلف اذاها
*****
ليلة وداعك كلـفه مــامــريــوده
ياسر الاهي ومــاتحـده احدوده
اگلوب ناسك كل صفت ممروده
حان الوعد غالي بتعد
تهد فرگاه بينه خـلد
بهاي المجالس وياي روحك تجي بذكراها
*****
شحال زينب مـن تصد اهدومه
تبچي الابوهه وبلگلب ملچومه
ظلت تــون الــفرگته ومهظومه
زينب تون بيهه حــزن
ام النــوح تغرگ الجفن
ضدها الزمان اوبلواه وشـد الوكت وياها
*****
شافت يـتامــه وتنطر ابعتبتهه
وخنگتهه زينب ياخلگ عبرتهه
مالومه بويه صاحت بحسرتهه
حيل نهدم ياذي الالــم
يهد الحيل راعي الشيم
عايفهه تلچمهه الاه بحزن ودمع خلاها
*****
زينب عزيزه بلاء ابوهه اليله
والدمع بيهه طايح بكل حيله
نگع دمعهه من بچاهه الشيله
بيهه جرح ناگع ملــح
تبچي اليل حد الصبح
اتگله يومك ياحيد دموعي شكثر بداها
*****
ابوحيدر
الصبيحاوي
هــاي اخـر ليله بويه ويانه
بينه بس النوح كل حزنانه
شلون نگضيه العمر والگلب صاير جمر
بويه بويه
****
بويه احس الحيل بـايد حيله
غارت انجوم الوكت مـن ليله
ودمـع نــاسك مــايبطل سيله
كلشي ظل اويانه هم يبچيله
بلل اهدومي الدمع سكته طاح وينسمع
هايه روحي من مشه حيرانه
****
راح خيمتنه وبقينه بلايه في
صار بيتي اظلم ومــابي ضي
طاح كل الدمع مــاخليت مي
خــل اگعده بلكت اولگاه حي
الفرگه مااحمل تره وبيه نـــار اموجره
انـه احس طاري البعد چوانه
****
الماي مر ابروحتك عـدنه صفه
والحزن متعـني لينه وهــم لفه
راح ابونــه والدمع ظــل سالفه
غمض اعيونه اضن يمكن غـفه
بحيره ظلت روحي وكثر همي ونوحي
هــذ يــومــك بــويه حيل اذانه
****
بوصط گلبي چادرك ظل دومه
ودنيه كلهه مــن رحت مهمومه
الموت حل بينه اولتــنه اعلومه
بويه عفت احباب الك ملچومه
صار ناعينه الحزن باسمك انصيح ونون
والدمع حط عــل واجه نيشانه
****
مرنه ساعه حيل محتاجين الك
تعنه روح وشوف مهظومه هلك
على احوالك كلنه بــويـه نسئلك
بينــه بــعدك دار دوراتــه الفـلك
تيتمينه من رحت بحرگه يابويه صحت
وگلبي نوح وحزن ظـل عنوانه
****
ابوحيدر
الصبيحاوي
اني زينب والمصايب كلهه جتني
غيمت روحي واحسن زاد حزني
اليله ينطر ديني ودمعتي تواسيني
*****
اليله مــني يــروح حماي الحميه
والدموع اطيح من غصـبن عليه
گمت انشف ادموع متلـحگ اديه
علي من عدنه رحل وشسوه بيه
كون اموت ويــاه ماريدن حياتي
من رحــت بــويه لفت كل نايباتي
وماتبطل عيني ودمعتي تواسيني
*****
بويه ظليت بحسرتي مــن عفتنه
سكته يوم الهاجرت بـةي ودعتنه
خــيم اعلينه الحزن والهم شفتنه
فدوه كلنه انروحلك وانته بختنه
بينه نيران شكثر بس فــرگـه بيهه
روحي مدري بيا كتر عافت وليهه
واصفگ بچفيني ودمعتي تواسيني
*****
عفــت دارك ظـلمه وحـشه بدونك
فــدوه كلنـه الــك فـــك اعـــيونك
ابابك التمت يتامه بـويه اينادونك
شعطله حيدر علينه غالي يسمونك
كلمن ادموعه اعله خده تچوي تالي
بصدري حسره محيره وتنوح غالي
يلخذيت اسنيني ودمعتي تواسيني
*****
اليله راح ابعيد ابـو روح الحنينه
اسكت واسمع دليلي يــون ونينه
الغالي من عدنه مشه مارد علينه
واحنه بمصابك علي بلوه ابتلينه
گمت احس الدنيه دونه بحزن كلهه
المنهه ابوهه راح چــن راحـو اهلهه
تگول بس حاچيني ودمعتي تواسيني
*****
چــم مسيت العــافــيه گلـنه بوداعه
اليله شــد احــزام هــل بيــن نـزاعه
غمض اعيونه ورحل راعي الشفاعه
الشلع خـيبر هســه امســبل ذراعــه
وخله كلشي بيــنه يبچي مــن جفانه
بروحته ظــلمه الشمس مــيت هوانه
فراگه بينه وبيني ودمعتي تواسيني
******
ابوحيدر
الصبيحاوي
هوسات/افراح
***********
مثل هيچ ايــام مولود الضوه
والعــطش بمحبـتك تــوه روه
ياعزيز اواغله حتى من الهوه
بميلاده فرحانه الكل
اليله كل ناسك صفت فرحانه
والگـمر ضــوه اواجــه ويــانه
البسمه مرسومه ابوجه خلانه
احبابه ملتمه اليله
الف مبروك گلنه بيوم ميلاده
ونهـني الخلگ ونهـني الساده
هــاي ايــام بيــهه تنولد قاده
بهلاله شعبان امبين
هــذه اليوم بــي انولد والينه
حضرنه الشمع للغالي يدرينه
وبهذه الفـرح مسرور هادينه
فرحانه عترتنه بجيته
اليله النجم ضوه بجيت الغالي
ومدري ليش ينبض حيل دلالي
من الفرحه احسن مختلف حالي
بهوساتي گضيت اليل
******
ابوحيدر
الصبيحاوي
الظل عمــره مهموم وبــي العده تلوم
بنص سجن مسموم من حكم الاشرار
*****
ياما شفت ظيم وقهر وعشت الجره بحزانه
باب الله ندري وحاجته طــاح بظلم سجانه
يدرون بي شگد صبر وصــار الـصبر عنوانه
ناسك على مصابك تره مــن الهـظم حيرانه
تصب دمــع العيون شگد الك يبچون
شگد ظـل ينوحون بــيه الــدهــر دار
*****
من تنفسك عاش السجن ليهسه عايش بينه
ذكراك ظــل طول الزمن العاداك مدري وينه
اليله ظــل راعي الامــر بمصابــه تدمع عينه
مظلوم ابــن جعفر صفه ودع ابموته اسنينه
تحزم واجه البين يــم گــرت الــعين
چن يوم الحسين وبــي الـدعي جار
*****
يل حيرت باب السجن وظل الحديد بحيره
ايضوگك السم وستحه يمبچي كـــل الديره
يــاماي لــو لاح الارض واضح يــظل تئثيره
اتخضر الگاع ابــورد وحتى الزرع بـي غيره
خــير انتــه للناس تظل رفعت الراس
يــل كلك احساس شگد تحمل اسرار
*****
شايل على ضهره جبل هــم وقـهر گاضيهه
كاظم الغيض شگد حمل بلسم گضه تاليهه
دنيه وعليه صبت دمع وندبت حزن واليهه
هارون خط بيده كتب روحـه بغدر يفنيهه
سـم حضرو موت بــي ينگطع صوت
يظل نعشه تابوت بــــــي تبـــقه اثار
*****
بهندس حياته هــل گضت توقعو يطفه نوره
مادرو مــن رب العــرش املاك اجت وتزوره
اسرار عــده شگد صفن اول اسـراره طيوره
حامن على صحنه وبچن بلجنح حنن سوره
ولــو رادت امــراد مــن ابن الاجواد
خــل يـجي النشاد يــمر يــمه خطار
*****
ابوحيدر
الصبيحاوي
حملنه واجينه اليوم كلنه اباب المراد
******
جبــنه النــوح ويانه گـوم اگــعد تلگانه
اجوك انصار حزنانه بـيهم رايــح اوراد
****
بصوت نصيح والينه الك مولاي حنينه
ودمــع العين بدينه يــم دكتور بغداد
****
نحن وجينه عـنايه بدينه ترفرف الرايه
يمك نـوصل الغايه ونـــــار البينه تزداد
****
نلطم ماتهمنه اضلوع نشعلك يغالي اشموع
واحدنه يظل ايلوع وبلحگ عاندينه اعناد
****
متعنيه الخلگ بنوح بمصابه چثيره اجروح
هامت ياامامي الروح يــومــك بيـــنه ينعاد
****
ننصبلك عزه مولاي ياخيمه وعلينه افياي
حزنانــه تظل دنياي جينه ولاتگــول ابعاد
****
مجلس والعزاء اهناك يوجع لو يمر طرواك
تمنينه المنيه اوياك وگلبي اعلــيك نشاد
****
ابوحيدر
الصبيحاوي
مولاه مولاه مولاه مولاه
******
ليليه دمــعاتـــي تصب للخلص ايامه بسجن
دلالي اسمعله صده الباب الحوائج ظل يون
عايش غـريب ابدنيته ومخيم اعليه الحزن
سجانــه لــو بيده الهوه بلهــو سجانــه يمن
مولاه مولاه مولاه مولاه
******
حسرات بگيوده صفن صابر ابن سيد البشر
بزنزانه گظاه العمر والگلب مــن عنده نكسر
ثگــل الحديــد ايئلمه ومحنب مخلي الظهر
اهــاتــه كاتبهه الوكت وبصفحت راسم قدر
مولاه مولاه مولاه مولاه
******
شاف الهموم اتوزرت وتحزم ابصبره الولي
بچفوفه عله رايته مهيوب ابــن حيدر علي
بظلم الخليفه يــاخلگ مــولاي بلــوه مبتلي
متحاوط بكومة عده طايح امامي ومنولي
مولاه مولاه مولاه مولاه
******
مسموم گالو بلسجن وانصاره كلهه محيره
صارت لياليهم دمع مكسور امامي خاطره
الموت للغالي دنـه وتعنه سجنه وحــاضره
ماظله حيل يسانده لو وگف يلزم خاصره
مولاه مولاه مولاه مولاه
******
خلص حياتــه ابلوعته وتاليها چثه امدده
مارحمو ابحال الولي ونـدارو اعليه العده
امصابــه بچه دنيته والموت ياوادم حده
عادو امامي ياخلگ ظلام ذوله اهل الرده
مولاه مولاه مولاه مولاه
******
ابوحيدر
الصبيحاوي
علي باسمه الجنان امسجل الباري
وبس بيه السوالف تحله والطاري
علي نص الگلب منقوش محبوبي
علي حتى بمماتي جــاره اوجاري
ماعوفن علي مــاخذ عـهد بلروح
ولـــو وصط الگبر وتغطه بلذاري
الماعنده علي طول العمر مسكين
عايش بـس هظم ماظاگ جماري
من الله خلقنه نحب علي ونهواء
حبه بدمنه احسن ينبض وجاري
على حـبه ربينه واحنه متعلمين
علي يعرف عشگنه وبلهوه داري
مضيفه العمر كـله وساكن ادلال
احس بروح عايش مثل خطاري
*****
ابوحيدر
الصبيحاوي
عليهه العين دم تبچي هاي امي الحنينه
*****
هــايــه ام البخت حـلوه المعاني
اريــدن مــن وكتـهه بــس ثواني
اون يــانــاس ومـضــيع حــناني
وگلبي علــيهه مــابطــــل ونيـنه
*****
ام البيــت ينشــد بيتــي عنهــه
عــزيــزه وغاليه بس كلف ونهه
شگد حسرات بيهه وهم چونهه
وراحت يــاخلگ مـاضن تجينه
*****
ظلمه الدنيه من رحتي ومشيتي
احسن روحي وي روحچ خذيتي
يروحي بدنيتي گــولـي شجنيتي
وگضيتيه العـــمر كــله حـــزينــه
*****
دمــوعــي اعزاز بس لمي تبدت
الراحت يــاخلگ مــاضنهه ردت
بــاب اغيابهه مــن مشت سدت
واحــنه مــن البــعد الهـه بچينه
*****
بيــت ابلايـه ام مـاينحسب دار
وگلــب الفــارگـاهــه مشتعل نار
العــاف امــه دليــله يشــبه اثـار
خــاوي وكــل ركـن مهدوم بينه
*****
خـــاوي البيــت والــدلال خـاوي
واضـلم صــار ذاك الچــن ضاوي
كلــشي الــبي گــاضيــهه نـعاوي
وعليــهه اهــواي يــاوادم نعـينه
*****
عمر وبــدونهـه تهــد حيله الايام
ونــظل انــتاني جيتهه بــلاحلام
يــوم المــاتجـي يــمر كلــه بالام
ودنــيه بــس حــزن تلتـم علينه
******
ابوحيدر
الصبيحاوي
يـل نـايمين اعله الترايب
دلالـي مــن الفـرگه ذايب
مگرود حظـي بلا حبايب
ومنين اجيب الراح مني
شابع اهموم وظيم گلبي
مــن الحزن تيـهت دربي
ياعين عــل غالين صبي
چادر صرت ياناس چني
اليــله اريــد الــعاف داره
وخلــه الـدليل تـزيد ناره
ثاري الدمع ماسوه چاره
وكثــر علي اهــات ونـي
ايزيد ظيمي عل جفونه
من عدنه راحو مااجونه
الفارگ بعــد شله بعيونه
بالك تفتح خــاب جفني
الراحو جفونه اعزاز كلهم
مهجوره كلها ابيوت اهلم
البين اجه وماظل شملهم
الموت جاب اويـاه حزني
مغربين بـس عافو مناحه
گلبي بليل مابطل صياحه
بدمع الجره سويت واحه
واليــله راح اعمي هـذني
*****
ابوحيدر
الصبيحاوي
ريت تعمه العين صدر بغيبتك
كلنه ظلينه يـتامــه بــروحتك
**
ريت تعمه العين بعدك تنطفي
اليل ناح اعليك صارالك وفي
الونين اعليك عالي ومو خفي
يــازعيم الناس انــته ابهيبتك
****
راح راعي الهيبه ينعاه الحزن
والعـراق اعلــيه بلحسره يون
جيل ماشافك گبل هسه يحن
نرسمة بگلب اليحبك صورتك
****
كون هسه ويانه ونشوفك ترد
حتى نشكيلك يمـولانــه البعُد
حيل ياذي اگلوبنه ويمرد مرد
وردتك تشوف المناحه بخلتك
****
الراح ابوه العين متكف الدمع
وحتى دگات الگلب بي تنسمع
لــو سمع بــويــه دليله ينوجع
ومــحد ينشفها بيـده دمعتك
****
انته جــرح الياذي كل اسنينه
وبــعد مــابطــل يغالي اونينه
وكـون عميه الـمابچتلك عينه
وانته كــل الناس شالة رايتك
****
يلعفتنه بئاه وبحسره وهـظم
وگام دلالي بمصابك بس يهم
يشلتنه عالي واعله من النجم
صده بينه لهسه ظلت چلمتك
****
ابوحيدر
الصبيحاوي
اليوم نــرفع رايه للصدر عدنه اقرايه
******
يستاهــل المهيوب نــذكر يومه
مــرجع وصل للجان كل اعلومه
اليبچيله طــول العمر لا منلومه
بعوچيته دگ الثايه للصدر عدنه اقرايه
*****
لــو نصبغ الحيطان مــا نوفيله
اسود هــدمنه بلون هــاي اليله
مــن طاح مهدينه اجه يتچيله
ناحت عليه وفايه للصدر عدنه اقرايه
*****
يمبچي دنيانــه ابدمع بمصابه
اليوم حــزنـانه ويتيمه احبابه
الدهر مــدري شبـي فر دولابه
اليله كــل عـنايه للصدر عدنه اقرايه
*****
بمصابه بس ادموع هل تبرالي
اسمه طبعته بنبض نص دلالي
ياناس اريدن الطم اعله الغالي
النضر ينشف مايه للصدر عدنه اقرايه
*****
الــيله اعــزي مقــتدى بـــوالينه
التــيار ينــحب دم بچـتله عينه
عجل نصيح انتاتي هم مهدينه
لاتعمه هاي وهايه للصدر عدنه اقرايه
*****
سيــد محمد يــابخــت والشاره
اليهسه نــاسه مــاتعرف اسراره
كلمن يحبك دمعه ظـل يتجاره
بحبك نظل ودايـه للصدر عدنه اقرايه
*****
ياسر الاهي الكون يــاعــرفــانـي
يلعايش بروحي وصفه بوجداني
السيد دمعتي صار كــــل احزاني
وصار هــوه الغايه للصدر عدنه اقرايه
*****
ابوحيدر
الصبيحاوي
تدري بغيبتك ناحت خلتك
صاح الضوه دفنوني للصدر تبچي اعيوني
تدري بغيبتك
*****
يــامـوت ليش استعجلت ماخذ عزيز وغالي
مــالـوم يچيويني الدمع يوجعني ظل دلالي
كثــرت علينه اهـل الرده يوم الجفانه الوالي
واحــدنــه مكسور الگلب والــدمع بي ايلالي
عايفنه ورحل خلانه بعلل
عل راح لا تلوموني للصدر تبچي اعيوني
تدري بغيبتك
****
عايفنه واحــنه بعازتك مــحد يسد امچانك
يلباقي بگــلوب الخلگ ثابــت يـظل عنوانك
المذهب بــدمــك روه يـــوم النزف شريانك
عــاشور يــومك للحزن عشنه بمرار احزانك
بينه الدمع صايــر طبع
بيه شكثر لچموني للصدر تبچي اعيوني
تدري بغيبتك
****
خليت بفراگك جــرح ليهسه تجري ادمومه
ناسك يتامه بروحتك مثلك صفت مظلومه
تكسر الخاطر كوفتك من شوفتك محرومه
ياصدر ملانه الدمع عـيون التحب مفطومه
ردتك تمر لحضه بعمر
الهم والدمع واسوني للصدر تبچي اعيوني
تدري بغيبتك
****
تارك فــراغ ابـدنيتي وعـايفلي بس الحسره
اتگــلب الــيل اواون وبگلبي عــايــف جمره
يــاحلم وبسرعه گضه جيب اليعرف يفسره
ويــاك بلهيبه احــس يــابخت عــالي بگدره
لوكتك نحن كلنه نــون
انــعه بقهر خلوني للصدر تبچي اعيوني
تدري بغيبتك
****
ابغيبتك مــات الــورد والحـوزه تكسر خاطر
يــرحت يلچمنه الهــوه وتــاذينه جيت باچر
يــاذيــنه بهمومه الــوكــت ويانه صبح عاثر
تــانينه غــايبنه يجــي ونشكيله كلنــه اناطر
ردنا يجي عدنه حچي
يفيض الدمع بجفوني للصدر تبچي اعيوني
تدري بغيبتك
****
ابوحيدر
الصبيحاوي
نعي/قريض
امير المؤمنين ع
*************
ياهامتن قد رفعت دين العلي
بين صفوف كول اهل النفاقي
اصبح راسك الشريف مخضبُ
وبان في الكون لعلي الفراقي
يامن فجعت امتن باسرها
ماذا تقول لربك عند التلاقي
****
حسن وحسين ونتهم شجيه
صــار امصــابهــم حلت رزيه
اجـت بسكوت للفرگه المنيه
يومك هذ چــن يوم الزچيه
ابـــاب الـــدار زينــبنه تتانيك
تگول مناطره ورادت تلاگيك
بويه ادموعهه تتناشد شبيك
جرحك بيهه وتحسه يئذيك
ماضل الدمــع عميانه العيون
ربعك والاهل والديره يبچون
اليتامه ابابك وظـلو ينوحون
بچو علچان اب الهم يگولون
*****
اصيحن بويه ياحيدر وصحتاه
شفته تــردت احـوالة وصحتاه
بگلبي الونة تـوجعني وصحتاه
وهيس الموت وي كل اه بية
اجــرينه دموع للغالي بدينه
حــزنــه ونوحنه لجله بدينه
صفكنه بغيبتك حيدر بدينه
ويندب كونه طايح واليه
******
ابوحيدر
الصبيحاوي
عراضه تصير لليسوه العراضه
وغيره بدنيتي مــاكـو فراضه
بتابوته خلينه اگلوب
****
جبنه رايتك يـــابخت السنين
يميزان العدل ياابو الصبطين
اليله تنوحلك كـــــل الموالين
وبچانه يمصاب الغالي
****
يديوان البخت يـمعدل الناس
يماي اعيونه يل كلك احساس
ضوانه والضوه لاتضن ينجاس
محتاره ناسك والدنيه
****
الـك هــوساتنه وكــل المحاچي
عليك الناس هل شبعت بواچي
الدين بطيحتك مــولاي تــاچي
يعزونه بدموع اونه
****
يهيبت نــاســنه ورايـت بختنه
الــك نحــتاج يلــغالي وعفـتنه
النوايب مــن رحـت كلهه لفتنه
ياهيبه نتباهه بذكرك
****
تــرف رايـاتنه وتجري المدامع
ولبو الحسنين كثرانه المواجع
تـره مصابه الولي دنياي فاجع
وللغالي اعميها اعيوني
****
عراضـه اعليك سـويت اليالي
ودمـع العين لجلك ظـل يلالي
يـــون عــلراح گـابـلني خيالي
وعيوني متوزره اليومه
****
ابوحيدر
الصبيحاوي
شــال الحــيد تنــعاه اليتامه
****
عليهه تنوح نــوحـات الحمامه
ندگ صيوان بس نوح وملامه
وسويت الــحزن النــه عــلامه
شال وخـله كــل نــاسه بندامه
بچت علصـار يــاحـيد النشامه
الكـون بــلا عـلي بــين ظـلامه
هــذه اليرعب الدنيه بحـسامه
البلاغه اويـــاه دسـتور بكلامه
راعي الجــاه مـعروف الجهامه
يگضي اليل سجده ومــاينامه
وللــباري شــغل حــبه وهيامه
الرضئ مـــولاه مـولانه مرامه
عــاش ابــدنـيه مابيهه سلامه
وچــان الگابلــه يحضر ختامه
البين اعلـيه صــوبهــن سهامه
صــابــوه بحــقد وتـحنه هامه
وفـــوگ الغــيم مـتعلي مقامه
الشهاده نــالــها ونــال الامامه
*******
ابوحيدر
الصبيحاوي
طاح ابو اتراب يزينب طاح ابو اتراب
****
طاح ركن الدين يـــاوادم هوه
اليله بلمحراب صابــوه الضوه
صوت جبريل بسمانه هل دوه
بهـامــه منصاب يزينب بهامه منصاب
****
طاح والمحراب فايـض بلدمه
القلع خيبر هسه كلشي ايئلمه
گام ويتچون اله حامي الحمه
براسه الخضاب يزينب براسه الخضاب
****
نــاحت الــناس ويئذيهه الجره
والحسن وحسين ياهو يصبره
اليــله متــمدد وغمـض حيدره
والگــلب ذاب يــزينــب والگــلب ذاب
****
الــدنيــه كلهه تنوح حزنانه اله
الــديره نصبت مئتمه ويه هله
بلصلاه مــولاي يــاوسفه انوله
بلــدمه اعتاب يــزينـب بلــدمه اعتاب
****
بسجدته طايح امير المؤمنين
وزينب اتانــيه بلحسره اونين
الكون كله للولي صـبح حزين
جرحه ماطاب يــزينب جرحه ماطاب
****
ذبل لونه وبان بعيونه الرحيل
زينب وبعيونها المدمع يسيل
رجف بين اظلوعها مال الدليل
مــوت الاحباب يزينب مــوت الاحباب
****
ابوحيدر
الصبيحاوي
كلشي بيه يحن الك بويه ردت انه اسئلك
وانتضر منك يبويه ترد علينه
ترد علينه
****
ليش عايفنه ورحت صرنه يتامه
فرگتك وحشه مثل يـوم القيامه
چان ابوي ارتاح من اسمع كلامه
هسه راح اوعـافنه بنوح وندامه
بچه النده لمن رحل محرابه مات من الخجل
طاحت اغيوم ودمع يوم البچينه
*****
اخذ روحي ويـاه خلاني بمتاهه
عيني ماكفت على الغالي بچاهه
دنيه وبلايــه علي يخنگ هواهه
ظلمه دنـيانـه تــره لمــن جفاهه
طاح الدمع كله جره گلب اليحب شي صبره
ظلينه انون ياخلگ نفرك بدينه
*****
گمت اسولـف لــوعـتي ولاه بيه
خيط شمعه صرت ماگالو خطيه
اهموم كــل دنيانـه اندارت عليه
يمــه گومي ابعازتچ يمه الزچيه
ابچي واهم لمن راح دلالي من عندي طاح
ارض اوسمه بانـت عليه حزينه
*****
كلشي مــات بعيني وتهاوه زماني
وحتى ابوي الهاجر ومـارد وجاني
ظاگ خلگي بروحته وزايد حناني
بــعد مارده الوكت خــافن نساني
الوكت خله اچــم اه الهاجر اخذ عمري وياه
دنيه ظلمه بروحتك وحشه ولينه
*****
عيوني رادت شوفته والهم تعنه
وناحت اعيون اليتامه وي اهلنه
غــرب بهــذه المسه وابـعد املنه
والهموم اثگال مـن هاجر حملنه
طفه نور الدنيه احس ظلمه اشو فنهه الشمس
وبلدمع لمن مشه احنه انولينه
*****
ابوحيدر
الصبيحاوي
رباطات/افراح
**********
بهذه اليوم كل فرحانه
اطش چكليت تظل دنيانه
مر شعبان جاب اعياده
شع النور وي ميلاده
اليله املاك طافت دارك
طب جبريل يـــمك زارك
هاي الناس كل مسروره
حسين اليوم ضوه بنوره
بعيد الساده الفرحه ادوم
هاي الفرحه تزيح اهموم
حطو اشموع جيبو الـحنه
اليله اعياد نــص الجنه
وي ميلاده شــع الكون
املاك ابمهده ويلـــولــون
******
ابوحيدر
الصبيحاوي
موسى مولاي موسى مولاي
******
بهذه الضعن ناحل صرت ومگــيد وهظمي كبر
اتبده حيلي بــهل جــره طايح مثل هدمت نهر
يوميه من سجن السجن وگيودهــم سوت اثر
يانوگ هــد حيلي التعب والعظم حسيته انخر
موسى مولاي موسى مولاي
******
مــابيــه اشيل اجدام الي دلالي بــلصار انفطر
مظلوم كــل هــذه الوكت الگلب حسيته انكسر
عايش غــريب ابلا هلي ومصايبي تفت الحجر
من همي وهموم الخلگ گلولي شحچي يابشر
موسى مولاي موسى مولاي
******
ماامشي من دون الحرس والظالم ابظلمي امر
تعبان مـن هـول الجره الحيل من عندي ندمر
فروني كل هـاي المدن مــارحمو الطاح اوعثر
عودي نحل مــابي بعد ونحــنه حسيت الظهر
موسى مولاي موسى مولاي
******
بس الله يــدري بحالتي وقيــود خـــلو بلنــحر
بيدي احس يـاكل صفه ويشــلع القيــد ابــوذر
يدفعني كل ساع بحقد الماعــرف دينـي وكفر
اخـر محطه هـــم الــي بزنزانت السندي الاشر
موسى مولاي موسى مولاي
******
بهندس اظل حكمو علي والعمــر گضـيته سهر
سدو علي بـــاب السجن لانور اشـوف ولا گمر
حضرو ســـم بـــلا رحم ودلالـــي بلصـاير صبر
حسيت كل لحضه التمر الموت يــدنــه وحضر
موسى مولاي موسى مولاي
******
من سبلت ايدي وطحت بــيناتهــم ذاع الخــبر
طايــح اسير بنــص عده وبموتتــه هــوه نجبر
كلشي نـصب مئــتم الــه بمصابه حزنان الشجر
الغيم ظــل يجري الدمع والدمع من عينه همر
موسى مولاي موسى مولاي
******
ابوحيدر
الصبيحاوي
بلكاظميه ننصب عزيه
الراهب زمانه اليوم وبكل مسيه
****
كل احنه جينه وننــعه الولينه
وتلطم ادينه تــنوح البــريه
****
صب كل دمعنه كلشي سـمعنه
اليله انجمعنه نندب ســويـه
****
يم بابه صحنه طبينه صحنه
بيهه انفجعنه ويـه الهاشميه
****
بهايه المواكب جيــنه نعاتب
ويانه غايب ابــــن الزچيه
****
ترف بينه رايه ودگيـنه ثـايه
مـن البدايه الكـل الـرعيه
****
متعنيه ناسك يل عالي راسك
ثابت اساسك كـــلك حـــميه
****
مجلس نصبنه بلـــدم كـتبنه
موسئ نصرنه منـــهج نــبيه
****
يم باب المراد تلطمله بغداد
وكل الاجه وراد بــهاي الـرزيه
****
نبچي المنارات المتروسه شارات
ماتبقه دمعات بـــيوم البـليه
****
احنه وي اهلنه يــنوخ رحلنه
ويرثيه وطنه يحمل قـضيه
****
ابوحيدر
الصبيحاوي
هوسات ميلاد الامير ع
***********
هــلا بميــلاده حيـــدر ضـــوه كــل دنياه
وگــام الكــون كلــه وصــاح الــــه حــياه
الــدنــيه بكــل خلگــهه بفــرح هـــم وياه
فرحانه الدنيه بحيدر
للمهيوبه ام حيدر الكعبه تحزمت وتصيح
مالحگت تفك الباب فكت حايط الميطيح
وثـالـث يــوم طلعت بيهــه تســند ريــــح
وياهه جابت مولانه
اليــله بلجنان اهــناك كلــمن حضر الزينه
وكلهه تصيح مسرورين وي ميلاد والينه
فرحان الفرح ندريه وكلمن فرحته بعينه
فرحانه دنيانه بحيدر
طشينه الورد والياس هاي الحنه جبناهه
اليله حيــدر الكــرار دنــيه بنوره ضواهه
باسمه الدين والاسلام رايه وهوه علاهه
علاهه راياته بجيته
*****
ابوذيه
*****
افــرحــو الوكت گالنه فتنه
نــولــد هليله يــاوادم فتنه
علــي بــنوار بــاريــنه فتنه
سبانه بشوگ حماي الحميه
فـرحنه والفرح لجله بدينه
وجبنه شموع للغالي بدينه
ومـاي الورد طشينه بدينه
وبي فرحانه مولاي البريه
******
ابوحيدر
الصبيحاوي
نعي/ام البنين ع
****
ام اربـعه وهــسه وحيده
وابــعد عليهه الـي تريده
تريــد الگمر يـدفنها بيده
شالت اهموم بگد زماني
الــيله تخنـگ بيـهه عبره
بلگلب تچوي حيل جمره
وبعيونهه مــابگت گطره
ظلت حزينه وهم تعاني
چنهه غريبه ابلا ضـناهه
والمــوت سـير وعتـناهه
هايه البچت دنيه وراهه
وتگول وسفه الهم لفاني
تانت ولدهه وبيهه دمعه
والنار بيهه وچنهه شمعه
ابدمعه بات الحزنه طبعه
ويگول اجه البين ولواني
لــم الــوفــه دگيــت ثايه
وللغيره صــارت هيـه ايه
بيــد الگــمر ثبتــت رايـه
گالتله اخذ عمري وحناني
الموت دگ بــاب الحبيبه
الهسه صفت چنها غريبه
يومچ علينه اكبر مصيبه
والحزن لم روحه واجاني
*
ابوحيدر
الصبيحاوي
مغيم يگلبي وماصحه يوم
حمله ثجيل وشايل اهموم
عده جرح كل ساع ملچوم
ويعـــينه الله البــي مثــلي
عمــري حــزن خلـصته كله
ومــاظل دمع بعيوني اهله
دهـري وزمــاني وياي شله
حضي شجاه ماساوه حلي
مجروح كل عمري الگضيته
ابچي بكثر حچي الحچيته
عــل راح مـني وعاف بيته
يدموع عيني بحرگــه هلي
المالوم يگضي عمره حسره
يـوشل اعيونه گطره گطره
بــدلالــه تســعر دوم جـمره
صـوت المناحه اعلـيه يدلي
الثــوب دمــعته الله يعينه
لو نشف دمـعه يظل ونينه
صــار الحــزن عــده سنينه
ويگول گمت ابچي ويظلي
مــانـام ساعه وتهده عيني
ميت تــره وعــايف ونيني
الراح مــاضن هــم يجيني
وبلــدنيه بــعده انـي شلي
*****
ابوحيدر
الصبيحاوي
ياليل الوداع راحت تـراهه
ياليل الوداع موتي بجفاهه
ياليل الوداع
*
شلون اعوفچ وانتي روحي شلون اعوفچ
گمت اطوفچ وي جــروحي گمـت اطوفچ
بهندس اليل مايضل حيل
اليله كــل ادموعنه يطيحن سويه
لحضة افراگ كومة اشواگ
تندب ادموعي على افراگ الزچيه
يلرحتي بچيتي النده ميته وصد امورده
اگلوب اهلنه امرده بهاي المسيه
والحزن شاع طــفو ضــواهه
ياليل الوداع مــوتي ابجفاهه
*
عمري حسره بلا وجـودچ عمري حسره
بگلبي جـمره من صدودچ بگلبي جـمره
الفارگ احباب بگلبه ينصاب
وانــي ابليلي افــارگ اعــز نـاسي
القدر خوان لــم الاحزان
لمــلم ابجـيته علي كــل المئاسي
بدموعي نگعت الترب مابطلت عيني تصب
ذبلان حسيت الگلب راح اليواسي
ماحرك اذراع روحي وهواهه
ياليل الوداع موتي ابجفاهه
*
ليلي غــربــه وضاع عمري ليـلي غــربه
بدنيه صعبه ونـاح صبري بدنيه صعبه
الهم لفاني وگمت اعاني
اوشلت دمعات عيني من ونيني
لوعه بينه من بچينه
وبعد ماتغمض تراهه بيوم عيني
صعبه الحيات بغيره واضح علي تئثيره
خله الزمان بحيره ومصابه ايئذيني
متهشم اظلاع بدنيه وبلاهه
ياليل الوداع موتي بجفاهه
*
الموت احسه اخذ روحي الموت احسه
گطـــع نفسه البعد حيلي گطـــع نفسه
بعيني ظلمه واچني عمه
چن غريب ابدنيه مابيهه گرايب
تراب اهيله ودمع اسيله
علي وكتي دار ويلات ومصايب
خليني يمچ ساعه روحي صفت ملتاعه
الهم صفالي اطباعه ودلالي ذايب
احزاني اطباع ادموعي حيراهه
ياليل الــوداع مــوتي بجفاهه
*
راح كلشــي. من مشيتي راح كــلشي
گــرب نعشي وي منيـتچ گــرب نعشي
وسع لحدهه يوجع بعدهه
هيه عزيزة حيدره ماذيهه بسمار
بلباب لاذت اهموم شالت
تــاليهه حتى بابهه ماعافته النار
ميت دليلي بحضرتچ اليله تنعه خلتچ
اسمع صداها چلمتچ وتبچي الحجار
والامل ضــاع بروحي وراهه
ياليل الاوداع موتي بجفاهه
*
ابوحيدر
الصبيحاوي