-
الشاعر ابو حيدر الصبيحاوي.
رباطات للعسكري ع
********
من تشيعونه من تشيعونه
صيحو مات حسره من تشيعونه
وينعه واحدنه وينعه واحدنه
على گبرك بچينه وينعه واحدنه
ياضوه وهيبه ياضوه وهيبه
ظلمه الديره صارت ياضوه وهيبه
وحاضر اويانه وحاضر اويانه
المهدي اليله يبچي وحاضر اويانه
وكل اهاليهه وكل اهاليهه
بچت سامره كلهه وكل اهاليهه
تعزي مولانه تعزي مولانه
اجت ناسك حزينه تعزي مولانه
واعمي اعيوني واعمي اعيوني
بعد ماتبقه دمعه واعمي اعيوني
ياضوه اسنيني ياضوه اسنيني
بگلبي اعليك لچمه ياضوه اسنيني
دمعــت عيـنه دمعت عينه
المهدي ويانه حاضر دمعت عينه
ونگسم الونه ونگسم الونه
كــون البيــك بيــنه ونگسم الونه
ورفت الرايه ورفت الرايه
على بــابــك بچنه ورفت الرايه
مثل غايبنه مثل غايبنه
يتامه احنه صفينه مثل غايبنه
******
ابوحيدر
الصبيحاوي
نــون اعليـك ويون هم ولينه
واجينه اعليك ننعـه عسكرينه
******
على المسموم وناتي ودمعتي
بدليلي ياخلگ وني وحسرتي
انــوح اعليه مــابطــل عبرتي
عليه سامره مهظومه وحزينه
****
اعزي المنتضر والدمع اسيله
وعلينه اليله يــاوادم طويله
اعرفه اليـوم ملچوم ابدليله
ويهد الحيل مــولانـه ونينه
****
اليوم تنوح للغالي السماوات
ويون الكون بنواع العبارات
رحل يــانـاس وبدلاله اهات
وعـاف النوح والاهات بينه
****
دنيـه مغنتبه مجروحـه تالي
مات مـن القهر مسموم والي
اليله انــوح بمـصابك يــغالي
وبلـهم والحـزن احنا انولينه
****
الـدمـع بعيونه حشم بواچي
نعينه اعليه وبكـل المحاچي
امامي حيد والمعروف زاچي
صفگنه بروحته وسفه ادينه
****
مصابك هــذ هــد الحيل گوه
گام اعليك كلـشي يـحن تلوه
اويانه الغايب ابدمعه يتچوه
وعلى امصابه توزرنه وبچينه
****
اليوم احـباب گلبك والموالين
اجــوك ابنوح وبدمعه معزين
حزينه الناس للغالي الصوبين
وحــزنــه ياخلگ لايگ علينه
****
ابوحيدر
الصبيحاوي
هوسات /للامام العسكري ع
*************
تون سامره صبت كل دمعهه
بيوم البين مر بيهه وفجعهه
بيهه اهات كل واحد سمعهه
نــون اعليـك ونــات العليله
الدين اليله مصيوب ابدليله
وهــايــه ليلتك بينـه ثچيله
اباهاتي يتلولح عمري
**********
ضلمه الديره صارت من جفانه
مـدري اشبي يخنگ ظل هوانه
فجعنه البين مــن سير واجانه
تون دنياي مــن صارت رزيه
احنه بفــرگتك شفـنه الاذيه
بچينه اعليك بنــهار ومسيه
بدمعاتي اعميهه اعيوني
***********
يهد الحيل كل هذه الجراله
هيبه الحيد بي عزه وجلاله
ندور وين كـون يصح مثاله
تــون اعليه حــزنــانه الامامه
اخبروهه العشيره وي عمامه
الناس بروحتك صارت يتامه
بحسباتي خليتك عايش
**********
يومك بينه ظـل لهيسه داوي
هذه افراگ بـي المــوت ناوي
السم ياناس كل اعظاء حاوي
روحه تبيد بلسم عسكرينه
وتلطم حــيل بفراگه ادينه
اليله اوداع يــاوادم ولـينه
بچلماتي حيرت الدنيه
**********
بـان الموت مــن سيـر دريته
عزه بلروح وي مـوتك بديته
بيوم اجفاء بس هم الجنيته
روحي تروح ماتحمل بعاده
اليله فــاجعــه لطمو يساده
تحــزم للمنيه وبـــل شهاده
بعبراتي دلالي ايون
**********
ابوحيدر
الصبيحاوي
جره دمعي عليك يبن الهادي
ياامام العسكري احنه انادي
خلصت عمرك ظلم بين عشاك الحكم
ياامام العسكري احنه انادي
**********
صحنه صوت ورددينالك صده
والك تهتف هل حناجر وافئده
الظلم بيكم سيدي طاغي وبده
والفرح شح والحزن بيكم سده
معلمين الحزن دوم تكبر وياكم هموم
ياامام العسكري احنه انادي
*******
تحزمت انصار ظلمك علظلم معتاده
مادرو للكون انتم مثبتين اوتاده
الحاربك خسران متوهم غلط بعناده
الباري ميزكم بخلقه ونخلقتو قاده
بيكم يثبت الدين. منهج الحق واليقين
ياامام العسكري احنه انادي
*******
يبو القائم بيك نرفع تعزيه
وعل يظدك الباري حظر هاويه
خل نشوف اعداك شنهو التظحيه
الشيعه بسمك دوم تبقه ناعيه
نبچي بمصابك دمه بيك روحي هايمه
ياامام العسكري احنه انادي
*******
شگال گلبه الجاب سم النايبه
شلون مارجفت اديه من جايبه
سگه دلاله بغدر سم صايبه
وصفت كل احشا ظلت ذايبه
نزف چبده مگطعه. طاح وعلن مصرعه
ياامام العسكري احنه نادي
*******
نعلن ايام الحزن نبجي الدموع
ونشعل بدمعت وفه بليل الشموع
نلطم عليك وحزن بين الظلوع
اليوم عاشگلك علن گلبه مفجوع
الدنيه ناحت والزمن بلبچي عيونه عمن
ياامام العسكري احنه انادي
*******
ابو حيدر الصبيحاوي
بويه اجيتك بلدمع بگلبي ونه تنسمع
بويه انه المنتظر بويه انه المنتظر
*
فرگتك تلچـم دليلي وفـارغ امخلي المكان
ضدي اشوفنها حيـاتي بيهه ضيعت الامان
يـاترافه المني راحت رايـح اوياهه الحنان
ظلمه سامره بمغيبك هـندس الاخــر زمان
الطم بحرگه الظلع بگلبي ونه تنسمع
بويه انه المنتظر بويه انه المنتظر
*
بويه الهموم اشثگلها وبيه حسرات شكثر
اليله بــفراگ الاحــبه گلبي شنطيله عــذر
ريت كون يصير حتى انطي للغـالي عــمر
بشهگتي نيران احسن وبلزفير ايظل جمر
نوحي ماظن ينگطع بگلبي ونه تنسمع
بويه انه المنتظر بويه انه المنتظر
*
خيمه يــاوادم ابـونه يحمي من حر اوبرد
طـبع فلاح اعله گاعه يباري ويداري الورد
مبچي احبابــه رحيله ويــمرد ابگلـبي مرد
مــن نــوه الهجران اعرفه بعد راح ومايرد
وخــل دمعاتي نبع بگلبي ونه تنسمع
بويه انه المنتظر بويه انه المنتظر
*
يلچم بگلبي مصابــك يــاترف مثــل النده
الحزن متحزم اجــانـي وهسه يابويه بده
كلمن الضدك تشفه وبــانــت اوجوه العده
يــوجـع الصار وجرالك يوجع المر اوسده
والحزن صاير طبع بگلبي ونه تنسمع
بويه انه المنتظر بويه انه المنتظر
*
نايحه تالي بسمانه الديره غطاها المصاب
وسير الموت واجــانــه ونفـتح للهجر باب
زغير الدلال بــويــه شلـون يتحمل عذاب
قـصة المسموم بيــنه تطـوي اليله الكتاب
محزن اعليك الشرع بگلبي ونه تنسمع
بويه انه المنتظر بويه انه المنتظر
*
ابوحيدر
الصبيحاوي
اليله ابـــو الزهـره يشد ارحاله
مصابـه بـــچه الدنيـه والعياله
*****
اليوم كلشي يموت وي ارحيله
والتجف لـــو طــاح دم نبچيله
ســوده ليلتنه صـفت هــل ليله
والشرع طــشت جمــيع امــاله
*****
امـــال كـــل دنياي بــي تاليهه
صار سيد الناس هـــــم واليهه
هــذه ابـوالقاسم يظل حاديهه
الـــدنيــه بــفراگه نحس مياله
*****
مــالت الدنيه تـره بيوم الرحل
بليله ســوده سير اعليه الاجل
ومات بين الناس يلغالي الامل
ودمــع كـــل الناس لجلك لاله
*****
لالــه بينه والـه رخصنه الدمع
بينه صوت الاه عـالـي ينسمع
حضرينه ياس وبخـور وشمع
ونچفت مـــن راح كــل ادلاله
*****
دلاله حزنانه علـيه نـاح الجمر
من مشه ياناس مايسوه العمر
ناحت احبابه عليه نـاح الصبر
والوكت غنتب شجاه وشماله
*****
شماله وكتي ويه الزچيه مايل
وخلــه دمـع العين منهه سايل
والحـزن ويــاهــه صـبح عايل
وچن گلبهه انصاب هسه بفاله
*****
ابوحيدر
الصبيحاوي
على سيد البشر صبيت الدموع
وگلبي وي مصابه اليله مفجوع
بعبراتي محتاره الاه
*****
انعزي الزهره لـــــو سيد البريه
على مصاب النبي تنوح الرعيه
البچي والنوح ظل بس للزچيه
نواسيها بدموع العين
*****
تصب ادموعها لــو چلچل اليل
ولبوهــا راح منهه بــايــد الحل
اليله الغالي منهه يـغرب يشيل
يودعونه احبابه اليله
*****
كسر دلالــهه مــــن راح واليهه
يتيمه خلاف ابوها هيه تاليهه
بس طاريه صارت يامحاچيهه
مالومه تريد الغالي
*****
الله يساعدچ لـــو مــر الغروب
وي گلبچ بـــعد يــرادله اگلوب
تمر ساعات بــي برهدنه يلوب
يلچمونه اهات البي
*****
البويه البيهه تنگط مــن حنانه
ومــن يوم المشه ماصح امانه
بــويــه الظيم مـن بعدك ولانه
حاچيني محتاجه البويه
*****
يلمعدل الشـرايـع والسـنن كلهه
چلمة بويه مــنك مـــن يعادلهه
روحي تريد مني مايصح خلهه
بعيوني ضمية ارسومه
*****
ابوحيدر
الصبيحاوي
بلخرابه بنص غرب ماكو ابوهن
هناك علويات گعدن من سبوهن
يونن بصوت الخفي الشمس ماضن تنطفي
بلخرابه بلخرابه
****
مـن گعدن بــذاك الوكت ابحرگه عمه صاحن
وزينب تـصد بيهن گلــب بنـيات يمها طاحن
تگول عمـه بهيده بــس بلشوغه كلـهن ناحن
الچان يمـنه هــل رحــل ورواح اهـلنه راحن
مجبور عايفنه الولي بظــلم بلــوه مبتلي
روس اهالينه على الهزل خذوهن
بلخرابه بلخرابه
****
صاير سگفهن من شمس والفي بعد ماشافن
لا ابـــو يمــهن لا اخــو بكربله احيود العافن
يــم نعش الحسين الولي بلدمــع هنه طافن
حگهن لون جـــار الوكت بنيات هــم يخافن
مسبيه وي مسبيه صــاحـن يعـمه شبيه
صرنه يتامه بنص غرب ضلموهن
بلخرابه بلخرابه
****
الشام لچمــه بكــل گلب بنيات شـافن لوعه
الوكت بـس ويانه ظل مختلف حتى بنوعه
دنيانه عل صار وجره كلهه صفت مفجوعه
والقدر صد النه ونعه وصبت علينه دموعه
حطو ملح بجروحي توجعني گامت روحي
مدلله رواح وهسه هم ئذوهن
بلخرابه بلخرابه
****
كل وحده متحزمه بصبر وبيها اليالي عالت
الدنيه مدري ليش احس ويـه العزيزه مالت
العده وي اهـل الوفه حطت الروس وشالت
ودموع بينه من الحزن يادنيه سكته سالت
عشنه بخرابه نلچم واحدنه بگليبه ثلـم
ولو يبچن بجور الظلم اجوهن
بلخرابه بلخرابه
****
من بعد عزهن ياخلگ شافن حزن والحسره
وماظل بعد بيهن بچي ولاعين تحمل گطره
ذيچه اثر صوط بمتن والاخره بلخد صطره
الدنيه ظلمه چـن صفت مايوم عدهن گمره
تاذيهن عيون الناس مخنوگه بيهن انفاس
كل ساع يزجرهن بغي يشتموهن
بلخرابه بلخرابه
****
ابوحيدر
الصبيحاوي
ويلي على المسموم ويلي على المسموم
*
ياشيعه صيحو اليله مـولانه بــايــد حيله
يمه حسين يتچيله دلاله متروس اهموم
ويلي على المسموم
**
اليـله الـمنيه اگـباله والسـم اكــل دلالــه
متاذي حتى اخياله ميت امامي مظلوم
ويلي على المسموم
*
بحشاه اه ولوعه بيهه الخلگ مفجوعه
تغير امامي نوعه دلالـــه صبح ملچوم
ويلي على المسموم
*
مجلس اله سوينه نبچي ونــعه ناعينه
نعزي بحزن والينه ملتمه احبابه اليوم
ويلي على المسموم
*
توجع دليلي حسره وبعيني متظل گطره
بگلب اليحبك جمره والچبد بلسم مهشوم
ويلي على المسموم
*
نــار بگــلب ناسك يلعالي ظــــــل راسك
لچمو تره احساسك ولايمنه بينـــه ايلوم
ويلي على المسموم
*
ابوحيدر
الصبيحاوي
نعي للامام الحسن ع
******
مسموم ظـل وهــذه حاله
عليه تـنوح يــاوادم عياله
مظلوم ودهر نــاح ونعاله
صبت عين احبابــه سويه
سم البين مــايرحم دريته
گام يلوج ويحضر وصيته
كــون الموت يتبدل يريته
يرحم حالنه وحال الزچيه
زينب شافته ويـدر دمعهه
خويه تگول ياذيها وجعهه
اليله الموت بلغالي فجعهه
وتهد الحيل جيات المنيه
تباوع للطشت اچبود مملي
تظل تـنوح ياشمامت اهلي
عزيز الروح يـادنياي امهلي
ويظل خطار ويانه المسيه
تـنوح اعليه دنياي ابكبرهه
گامت دنيتي تودع فجرهه
روحي ياخلگ بدت صبرهه
وبــاد الحيل مــاحرك اديه
ابوذيه
*****
ابابــه حسين والملچوم يومي
ويگـله گــرب ومــابطـه يومي
يخويه هذه دم بلطشت يومي
اشوف اچبود وتگطعت بيه
*****
ابوحيدر
الصبيحاوي
نعي / الامام الحسن ع
*****************
الحسن بيــن الحياه والموت
وســره ســمه وتهـاو الصوت
شـــاف الــدنــيه الــه تـابوت
ويـــمه حسين ويناديه غالي
****
يودع بيهم ابنضرات العيون
وهمه للولي ضـلو يــودعون
غيــر الاه مــاعدهم يگولون
وضل من الوجع اينود تالي
****
زينب شــافته مختلف لونه
وتصد ذبلانه ياوادم عيونه
تگول بگلبي كونن يدفنونه
ودمعها بعينها امسه يلالي
****
گال حسين والكسره بدليله
انه المظلوم والفارگ خليله
من غيرك تره روحي عليله
ضهري نكسر وتچه بخيالي
****
غمض عينه واحبابه بچوله
وكـل اگلوبهم حسره نعوله
ينعش شبيك مـاهود ذلوله
انه بلياك حال الظيم حالي
****
الحسن متبديه ياوادم سنينه
واحنــه الظيم مــتوزر علـينه
بـعد. ياناس شنسوي شبدينه
وعلــينه بيــنت ســود اليــالي
**********
اراح الجان خيمه النه يلمنه
وجــفا اهــواي ياذينه يلمنه
نـــون ولا بعــد لايــم يلـمنه
عله صبط النبي الونه شجيه
**********
ابوحيدر
الصبيحاوي
عندما اخذ السم ماخذا من الامام الحسن
وقرب الاجل وبداء الموت وشيك والامام
الحسن تجمعو حوله اهل بيته وطلبه من
الامام الحسين خروج زينب حتى لاتراء ماذا
يجري فطلب الامام طشت وقام يتقيا في
وراء الامام انهو قطع من كبده الشريف تخرج
قال سوف اودعكم فهلمو الي ولحظات وفارق
الامام الحسن الحيات
نعي الزريجي
****
حسين يصيح خويه الموت گرب
وبيك الگلب يبن امي تصوب
اكض چبدك وريدن بيدي اباريه
وطلع سمه من عنده واحاچيه
اهنا زينب تذكر موت الزهراء وتذكر موت
امير المؤمنين ويزيد الحزن بيهه وتشوف
اخوهه امدد
زينب اودمعي جره
وروحي بيه امكدره
شلون اباوع چبد اخوي امفطره
گلبي من ونه بعد شيصبره
ابوذيه
****
كلمن ساعتة تحظرة ويومة
وعلية الموت متوجه ويومة
شماطال العمر يخلص ويومة
تعيش سنين تاليهه المنية
التخميس
*****
اخذا السم في سريان الجسدي
وبات الوضع حتمين ابدي
قد قطع الاحشاء والكبدي
ومازال حزنه فينا سرمدي
*****
ابو حيدر الصبيحاوي
رباطات/رقيه ع
************
تبچي خلوهه تبچي خلوهه
رقيه تنوح ضلت تبچي خلوهه
حيل اذوهه حيل اذوهه
روح حسين هيه حيل اذوهه
بحومه تاليهه بحومه تاليهه
زغيره وبيها لوعه بحومه تاليهه
وين واليهه وين واليهه
وحيده بناس غربه وين واليهه
ضلت بحيره ضلت بحيره
تنشد وين اهلهه ضلت بحيره
شلي بديره شلي بديره
خلاف حسين ابونه شلي بديره
نار تچويهه نار تچويهه
من حرگو خيمهه نار تچويهه
كلشي ياذيهه كلشي ياذيهه
ترافه بكل طبعها كلشي ياذيهه
بويه دلالي بويه دلالي
صاحت من وجعها بويه دلالي
ضيعت غالي ضيعت غالي
حرگ گلبي يوادم ضيعت غالي
اليله اعزيهه اليله اعزيهه
روحي وي رقيه اليله اعزيهه
بدمعي انعيهه بدمعي انعيهه
بت حسين هايه بدمعي انعيهه
******
ابوحيدر
الصبيحاوي
گال ياحيدر وگام ابهيبته
السيف والميدان هوه شمرته
*****
الجود بيده وگال اجيبنه العذب
اليوم نهر من الدمه منهم يصب
راح ادوس اعله الثنيه بلحرب
اني ابو فاضل وهايه فزعته
*****
گام بيهم يحز روس ابرهدنه
للشريعه الجيش بچفوفه انفنه
النهر شاف الگمر اوظهر انحنه
الگاع گام اتميل ويه خطوته
*****
هوه حاصود وجه وكت الحصد
المايلوحه السيف بيده ينمرد
الـيوم ابو فاضل بيهم ينفرد
مثل حيدر علي صارت صولته
******
نزل سبع الگنطره ينضح وفه
خله سيفه بلعده وحده اكتفه
داس فوگ الماي هوه وشرفه
الهسه اسمعه الماي ردد چلمته
******
جاب كل الماي حطه ابجوده
هاذه ابو الشيمه الوفه بزنوده
الگمر يمشي والمنايه احدوده
خله فوگ الطف ترفرف رايته
*****
سوه بيهم درس تربات الفحل
همه من شافو ماظل كل امل
عرفو الموت اجه وحان الاجل
وراعي الجود اجه بكل همته
*****
گال اودي الماي تانوني ارد
عفت بلخيمه عطشان الورد
سيفي فوگ ارگابكم لازم احد
وانه ايد حسين وانه حوبته
*****
ابوحيدر
الصبيحاوي
رقيـه مــدلله والموت اجاها
مـر بيهه يــوادم هـل خذاها
ازغيرونه ماتحمل ونه
*****
تــراها مــدلله وكلش عزيزه
وگلبهه اليــوم مابطل نزيزه
صــارت للحزن اكبــر ركيزه
مرعوبه من يوم العاشر
*****
شافت خــيل وسيوف واذيه
وطاحت دمـعت الترفه رقيه
صاحت يمه الحگيلي الزچيه
فحطانه اركض ماادري
*****
داســت خيلهم صبيان بينه
وگــالو حضرو حبل الادينه
نــدور الــراح مــابين ولينه
محتاره بلگوم الهدت
*****
لاعــم البــقه ولاظــل ابونه
مــدري منين ياوادم اجونه
نســه وزغار وعـدانه ولونه
عميانه من جور الشفته
*****
جــابـوهه الهزل وحبال لينه
سبايــه وكـلهه تتفرج علينه
صلف چتالنه وتصدنه عينه
اهاتي تلچمها الونه
*****
سبيات وخذونه وين ماوين
وبروحي ادور ماكو الحسين
علينه اندارت الظلام صوبين
يسبونه كل ساعه ولحضه
*****
اخــر يــوم ظــل يوم الخرابه
جابو راس ابوي وصحت يابه
مــرنــي الموت ماطول عتابه
ابشبگاته ماظلت روحي
*****
ابوحيدر
الصبيحاوي
اليله انصاب گلبي بعسكرينه
******
اليـوم اجـروح گـلبي كلهه تدي
اومـجلس منصب سويته عدي
احاچي ادموع عيني الي تبدي
انادي بصوت وينك ياولينه
*****
تره الحسرات تچويني ابلهبهه
اوروحي اعليك ياذيهه عتبهه
الگاع اتروط من يومك گربهه
اوصفگنه الراح ياوسفه بدينه
*****
اليـوم انـهارنه شفـته ابسواده
الـوكت بلزين ياوسف ايتماده
گلبي ايلوب والحسره ابفؤاده
اويفت الصخر لو يسمع ونينه
*****
نحط نيشان دمعتنه الجريه
ونـدگ اصدورنه دگه شجيه
الــيوم الـطاح سباح الزچيه
اوعليه انوح كلنه اوحنبينه
*****
عــلى الزينين لطمتكم ثجيله
تظل حسرات واحدنه ابدليله
اولو طاح الدمع يترس شليله
واحنه اصواب بيك اتصوبينه
*****
علو اصواتكم خاف السلف نام
هاي الناس كلهه صارت ايتام
گلب مكسور چنه يشبه الجام
نون وانوح واحنه اتمرمرينه
*****
ابوحيدر
الصبيحاوي
نــون ياناس نندب عسكرينه
وگلب احبابــه مــابطل ونينه
*****
بغمضت عينه خلانــه يتامه
خبرو احبابه اوخبرو عمامه
بسـم اعــداء لــيله مــاينامه
وكلنه انــوح للـغالي وبچينه
*****
تنوح اعليه سامــره ابكبرهه
الوادم شايطه يلهب جمرهه
اجتك نـاس تفديك ابعمرهه
تدگ اصدورها وتندب ولينه
*****
نبچي اليله نعمـيهه النواضر
المهدي بلعـزه ويـانـه حاضر
بيه ادموع كسرات الخواطر
وكلـنه للولــي نحــنه ونعينه
*****
اظــلم بيتـه ومفــارگ حنانه
وهسه ويــن يـاوادم مچـانه
الشـد ارحالـه مــاظنـه نسانه
وتلطم من مشه الهسه ادينه
*****
بويه يصيح مهدينه بحسرته
تهــد الحــيل مــولانـه عبرته
شــال الحــيد تتــعثر چلمته
يگول الراح مــايـرجع علينه
*****
الناس تـنوحلك هـاي المسيه
انه ظليت اون وصـفگ بديه
عليك تـنوح ويــانــه الزچيه
وكلـنه اليــله ويــاهــا اجينه
*****
ابوحيدر
الصبيحاوي
العسكري بدمعات عيني ابچيلة
اليوم انوح اعلية وبكل ليلة
ابچي والمدمع جرة نكسر گلبي وخاطرة
اليوم نوح اعليك وبكل ليلية
********
صبت عيوني البواچي ونشفت عيني الدمع
وحسرة بلدلال ظلت تواسي گلبي المنفجع
جمرة بمصابك جوتني گمت كل لحظة انلسع
ياشمس ظلمة بدونك يل چنت النة تشع
الشيعة لجلك تنتحب تبچي والمدمع يصب
وتندب الغايب صفت تشكيلة
********
چنت مظلوم بزمانك وعشت كل يوم بظلم
وشايل الدين علة چتفك بچفك الطاهر يشم
ميزاك الباري بينة عسكري صار الاسم
چبدك من الكون اغلة شلون چبدك ينثلم
حجت الله وغايتة دوم تبقة رايتة
رغم ذاك الجرة وذيجة العيلة
**********
مبتلي بجور الاعادي وحامل هموم شكثر
والصبر مخنوك احسة تيه اوياك العذر
يل عشت ايام عمرك جنهه بجفوفك جمر
ماتبالي بل جرالك رخصت حتة العمر
العمر وسنينة گضت شمعت ايامك طفت
يل نذرت العمر كلة وحيلة
**********
بل ظلم گاظي حياتك وراضي بحكام القظة
وعل اعادي الدين وحدك يا امامي فارضة
ذلليت الجور بيدك الجور كلة رافضة
لا خذو منك نصيحة ونتة سيد الموعظة
حظرو سم الحقد حسبو حساب اوبعد
وكل موالي اليوم دمعة يسيلة
*********
ابوحيدر الصبيحاوي
احن وشتاگ تعتني اشواگ يبويه جيتك اليله
انــه المهدي وحــگ جدي دمعي مابطل سيله
*
عليك الديره كلها تنــوح سامره دمعها يسيل
وصاير مــن هظمها الناس ماتعرف نهار وليل
تصب احبابه دمعتها اليوم الغالي منها يشيل
تصب ادموع بگلب مفجوع وكتنه تبريد بحيله
نــه المــهدي وحــگ جــدي دمعي مابطل سيله
*
البويه لو گلتهه انعاك وتكسر خاطر اهمومي
وگبل يومك يبعد الروح اتمنــه يـجي يومي
ماغمضت عيني عليك وبعدك ماشفت نومي
تلوج الروح تظــل اتنـوح فراگك ياهو اشكيله
انــه المهدي وحــگ جدي دمعي مابطل سيله
*
صحت والنوح اخذ مني كل ايامي وسنيني
وتهل مــابطلت دمـعات ليهسه تصـب عيني
احس يل عسكري باهت ومابطل تره ونيني
ونيني اعليك اضن ياذيك گلبي بونه يحچيله
انــه المهدي وحــگ جدي دمعي مابطل سيله
*
يدگ گلبي بكثر حزني اليله العسكري حزنه
وتظل سامره بس للنوح وبيها تــربت الونه
ابوي اليله شــد ارحال وروحه گطعة الظنه
مشه لبعيد البچي شيفيد الحزن ظليت الوليله
انــه المهدي وحــگ جــدي دمعي مابطل سيله
*
راح اگضي العمر بفراگ تلچم بيــه حسباتي
تظل نگعانه عيني اعليه وتهل اعليه دمعاتي
واحسن كــل جــمر گلبــي تشعل بـي اهاتي
بدليلي الاه وابد منساه بخيالي اتظل تفاصيله
انــه المهدي وحــگ جــدي دمعي مابطل سيله
*
ابوحيدر
الصبيحاوي
سيد الناس اليله للباري رحل
سيد الناس سير اعليه الاجل
ويمه گعـدو خلته ينـعه وكتـه ودنيـته
سيد الناس سيد الناس
*****
بس علي يمه يصد وينضر بحالــه اشجره
اليله مصحفنه حزين وحيل كسرو خاطره
حيدر ابرمشت عيونه ادموعه كلهه معثره
هذه حالــه وي نبينه القاصي والداني دره
هايه لحضات الوداع تحضرت للموت گاع
بكل الاحساس الدمع لو حن وهمل
سيد الناس سيد الناس
******
يــدري لحضات المنيه گــربــت والهم كثر
ليلة اوداع اشكبرهه كل گلب حس بخطر
عايف افراگك سوالف وخله بينه اچم اثر
بغيبتك دنيانه وحشه والگلب بيك انكسر
ليل المفارگ طويل العايف احبابه عليل
بيـن الانفاس التمت اعليه العلل
سيد الناس سيد الناس
******
اليوم احــبابك يتامه تبچي ياسيد المله
ديــن بارينه ابمصابك بيك مفجوع انوله
يــل صـرت بلدنيه كلهه انـته اكبر مسئله
ناسك اتگطع گلبهه وصفت نـوح امحمله
صاحب الغيره جفه والحزن بــان اولفــه
رفعت الراس بين بجسمه نحل
سيد الناس سيد الناس
******
فاطمه اتبده صبرهه تگله بــويه امروتك
شلون بغيابك شسوي لــو احن الشبگتك
فاهيه الدنيه احسها وردت اسمع چلمتك
عايف اونين وبواچي بويه توجع فرگتك
يانبي اسنينك گضت شمعت ايامك طفت
بجنه تنقاس وانته للتايه امل
سيد الناس سيد الناس
******
اليله بغــيابــه المـدينه تون تراهه ميتمه
ناحت اعليه البراري صبت اعيون السمه
بــويـه صاحتله العزيزه اني بتك فاطمه
مدلله چنت ابوجودك وهسه نوح معلمه
يلعفت بينه الحزن خلافك انوح اونون
كل الاجناس بسمك انته تنعدل
سيد الناس سيد الناس
******
ابوحيدر
الصبيحاوي
واويلاه واويلاه واويلاه لبوالزهره العزاء
***
بينه دمعه بگد حـزنه والمصاب
بينه اه ولـوعــه ويــاهـه عذاب
بينه حسرات السوالف والعتاب
نـــار بينه والگلب صـــاير رماد
نـــار بينه علنت وصارت حداد
نـــار بينه والهـــب حسيته زاد
اوننـعاه اوننعـاه اوننـعاه وبهاذه البلاء
واويلاه واويلاه واويلاه لبوالزهره العزاء
****
بلمصاب الزهره بــويه صاحت
بلمصاب بــحرگــه هيـه ناحت
بلمصاب تگوم وسفه وطاحت
الدمــع منهه وشــل بحسراته
الدمــع حايــر مـاترك وجناته
الدمــع سولف بلبچي چلماته
ماننساه ماننساه ماننساه ونحمله الولاء
واويلاه واويلاه واويلاه لبوالزهره العزاء
****
ظلمه صارت من مشه واليهه
ظلمه دونه دنيه احس تاليهه
ظلمه من يـوم الرحل غاليهه
اليل حسيته يتيـــم ابغيبتك
اليل ينــعاك بمـــعزت هيبتك
اليل سكتاته تسولف طيبتك
وبجفاه وبجفاه وبجفاه يخنگنه الهواء
واويلاه واويلاه واويلاه لبوالزهره العزاء
****
سنينه راحت گضت كل ايامه
سنينه لوعه بيـها شاف الامه
سنينه هــايه عله بيـها الهامه
الزهره ناحت دنيتي محتاره
الزهره بيها البــعد شبت ناره
الزهره بيها الموت خله اثاره
ومتلگاه ومتلگاه ومتلگاه والچنه بحماء
واويلاه واويلاه واويلاه لبوالزهره العزاء
****
بويه يلعايفني يجرحني الهوه
بويه ظلمه بدونك وتاه الضوه
بويه نــوح بگلبي حسيته دوه
مشتاگه عيني ضيعة وتريدك
مشتاگه اتكضهن إديــه ايـدك
مشتاگه اتلمس يغالي وريدك
بطرواه بطرواه بطرواه وانعيش بذكراء
واويلاه واويلاه واويلاه لبوالزهره العزاء
****
ابوحيدر
الصبيحاوي
اليله للرضئ خــل تبچي العين
غريب ومات يشبه غربت حسين
اباهاته حسرات اونه
****
عــاش بــدار غــربه كــل حياته
ابــو محـــمد كلـف وي نــايباته
عجــيد الــگوم وتحــير صـفاته
يسمونه ضمان الجنه
****
گضــه دنيــاه يحــمل اه والونه
تحير اسوالفي لــو سولفت عنه
بـــــاب الله الوسيع المــنه ندنه
مولانه مانرهم دونه
****
الك مجلس نصبنه احنه يوالينه
ولطمنه عليك ياهيبت محاچينه
الرضئ معروف ياناس بعناوينه
يهابونه حتى الغدروه
****
غريب ومات مــاحـضرو عمامه
وعليه الناس صارت چـن يتامه
عــاش ايـــام عمره بـلاء سلامه
يودعونه اباه ولطمه
****
گضاها ايــام كــل عـمره بعداوه
وهاي اسنين وي خصـمه يتلاوه
بســم احـشاه مـــاضــنه يتداوه
بنفاسه اهات وحسره
****
ونـــو حـــيل خـــل نعزي غايب
وكون الگه الگلب بشوغه ذايب
وبسهامـــه الــقدر دلالي صايب
يامهدينه دمعتنه تصب
****
ابوحيدر
الصبيحاوي
اه يلحسن واخباره عليه العين تجاره
***
مظلوم عمره بطوله ياوسفه سم اينوله
شيعه بحزن گولوله وعين اليحب مطاره
*
بگد سمك اتأذينه مابينه السكتت عينه
عل مشتبى ونينه وگلبي احترگ جماره
*
اليله ابمصابه اليله والـوكـت بـين ميـله
بايد امامي حيله وناسه عليه محتاره
*
بين رحيل الغالي فارك احبابه الوالي
خله الدمع يبرالي وظل بلگلب اثاره
*
بسمه العزاء اونوحه وبچبده زاد اجروحه
اليله تفارك روحه وتظل غميچه اسراره
*
حسين البچه عضيده ومدد امامي ايده
يگول الدليل ايريده والگلب تلهب ناره
*
وزينب تنوح اگباله وملتمه كل اعياله
ظالم وكتنه اشماله واظلم اخلافه داره
*
ابوحيدر
الصبيحاوي
مسموم مولانه الحسن ابن الزچيه
الفارگــك فــارگ وطن ابن الزچيه
روحي بمصابك يتيمه يادليلي
باد كلشي بروحتك اه ياخليلي
الفارگــك فــارگ وطن ابن الزچيه
****
فوگ الهموم الموت مايرحم ابحاله
فوگ الهموم الوجع باهـاته اشتكاله
فوگ الهموم صابر بكل شي جـراله
ليله يكضيه ابـالم لوعت جراحه
الهوه اليمه يلوب گاضيها مناحه
يلطيحتك النــه مــحن ابن الزچيه
الفارگــك فــارگ وطن ابن الزچيه
*
تچوي ناره وتگطـع احـشاه ابفعلهه
تچوي ناره مصيبه ياناس شكـبرهه
تچوي ناره روحـه مـحتاره ابعلـلهه
يباوع وبعيونه نضره مــن عتابه
ونجرح كلشي بزمانه وي مصابه
الدمعه بفراگك شجن ابن الزچيه
الفارگك فـارگ وطـن ابن الزچيه
*
بغدر الاسموم طاحت الرايه الچبيره
بغدر الاسموم شيعـتك ظلـت بحيره
بغدر الاسموم صارت الـدنيه گصيره
حسـره ظـليت بگلب ناسك يهيبه
الراح عايفنه ومشه ماننسه طيبه
ادلال ديوانه انچفن ابن الزچيه
الفارگك فارگ وطـن ابن الزچيه
*
ناحت الناس وصبت الدمع بغزاره
ناحت الناس والوكت غيـر مساره
ناحت الناس بلگلب ســوو مــزاره
صــارو الــيل ونجـومـه الكــل يتامه
بطيحت الغالي انتهت حتى السلامه
الــدهـر بحزانه علن ابن الزچيه
الفارگك فارگ وطن ابن الزچيه
*
اليله تبچي كــل العيون الضواهه
اليله تبچي ناس ماتدري شجاهه
اليله تبچي عل مصاب الي لفاهه
هايه لحضات الحسن چنها النهايه
ودع احبــاب الگــلب يــوم الرزايه
الغــيم ســواله چفن ابن الزچيه
الفارگك فارگ وطن ابن الزچيه
*
ابوحيدر
الصبيحاوي
نعي للخوان
******
خــويـه يصيح ودموعه اتبده
حسين اعله الاخو زايد ونينه
اليله المجتبئ مــايظــل عنده
وتظــل تسيل بــلدمعات عينه
دنگ ليـه حط خده اعله خده
وروح حسين بفــراگـه حزينه
بلسم يــاحسافه صــار وعـده
وظل حسين بــس الله يعينه
*****
يوميه اباخو يفجعني البين
اودعهم صفيت اباه واونين
گبل راح الحسن اوغمض العين
وهسه الگمر چا شلي بحياتي
*****
يتجايت زماني بـكل الايام
يفگدك بيه گام يهيج الالام
عليك احزن ليالي وكل الاعوام
وانــه بــروحتك گرب مماتي
*****
يــافگد الاخـو ايهد الاجبال
وتضل بعازته ويتغير الحال
بدون اخوان چنك وصط عذال
وتهــد الحــيل كلهن نايباتي
*****
ابوحيدر
الصبيحاوي
سكت حتى الزمان وصبت اعيونه
مـــن شــاف الحسن بلسم يئذونه
التمت كـــل هلــه يمــه يـودعونه
وبانت بيه لحضات المنيه
******
اجــاه حسين يـمه ولازم اصفاحه
شاف بعينه اخوه ايجود بجراحه
تدنه الموت يمه وخفض اجناحه
وردت بيه فاجعت الزچيه
******
چبود اچبود ظـلت تنكت احشاه
هــذه المجتبئ هــد گلبي طرواه
ترس چبده الطشت وبدمه غطاه
وكتب باهات دلاله الوصيه
******
كال حسين خويه الطشت ظمه
اخاف مـــن العقيله تشوف دمه
ويضل بيهه جــرح وشلون المه
وانه المابيه احركهن اديه
******
تعالـو اليلــه اودع كلشي بيكم
هلي يعزاز گلبي اسمع حچيكم
تهــد الحيل كــل عبره ابچيكم
واونن والونين اشسوه بيه
******
هـــذه اخـر اوداع اوتهمل العين
ظل وحده غريب بدنيته حسين
عگب الحسن دم تبچي الدواوين
راح وخله دمعتنه نديه
******
گلبي شال چم لوعه وياهم
عله الراحو خذو روحي وياهم
يوسفه الموت مر غفله وياهم
بلايه اوداع راحو من اديه
******
ابوحيدر
الصبيحاوي
التراث
******
عــاش التراث اويانه بي نتباهه
وحـــمزه الـزغيــر ردد اوگالاهه
الميمون عاشت بينه كل والاهه
مــن الـــزغـــر ليهسه ماننساهه
نون ونطيح وحنه نصيح
گلي يلميمون وين والينه
راح ابو السجاد لو يرد لينه
****
خالد يظل بينه النويني دومـه
ناذر حياته المذهبه مــن يومه
بناس صيته ذايع ويه اعلومه
خلونه انعيد الماضي بمعلومه
نظل نجول كلنه نگول
جسام ياضنوتي رايح رايح من اعيوني
مارحمني الدهر وانته نور البصر
رايح رايح من عيوني
****
فكره وقصيده تراود بخاطرنه
ياسين گــال وتشهد اضمايرنه
ماينسه تاريخه ويظل واحدنه
وبحسين كلنه يـــــاخلـگ امنه
صارت نبع كل تستمع
يحسن بضمايرنه صحنه بيك امنه
لا صيحت عواطف هاي
لادعــــوه ومـــجرد راي
هذي من مبادئنه صحنه بيك امنه
*****
عبدالرضئ يقره بـدمـع وبلوعه
بي المجالس صبحت مفـجوعه
زينب غريبه لهسه هم مسموعه
اليقراها وحده يظل تهل دموعه
بيها حچي نوح وبچي
زينب ياغريبه الله شمصيبه
وجهچ يازينب وين مذبوح اخوچ حسين
والجثه سليبه الله شمصيبه
****
ابوحيدر
الصبيحاوي
هوسات/رقيه ع
************
زغيره مدلله وكــل البخت بيهه
نجري ادموعنه لو يــمر طاريهه
لابــوهــه البقه ولابقه حــاديهه
مهظومه تبچي العلويه
صـفه دخــان كــل الطف عليهه
وتــدور بلخلگ مــاصح واليـهه
رقيه بنص عده وتصفگ بديهه
تچويهه نيران خيمهه
شافت خيل هــدت ويـه خياله
ويــاهــه زغار كلمن رجف دلاله
اهلهه اسباع تدري وكلهه عياله
ياواليهه تون ضلت
مشت للـشام تـنشد عــن ابوهه
عــزيــزه وغاليـه وگوه خذوهه
تصد وتگول ناس منين اجوهه
يابوهه مسبيه الحره
مشت وعـيونــهه صـبت دمعهه
تون بسكوت ولا واحـد سمعهه
مدري منين اجه البين وفجعهه
زغيرونه ماتحمل ونه
بخرابه هناك بويه تصيح اريده
وجه مـن الظالم ومسرع بريده
جـابــو راس ابوهه تشم وريده
يابويه گالتها وماتت
*****
ابوحيدر
الصبيحاوي
للشبان اونن خــل يسمعوني
واريد ابنوح كون الكل يعينوني
*****
مشو ياحيف واستعجل وكتهم
بعــد ويــن الـگه يـاوادم مثلهم
زغــار وظــالــم اويـاهم حلمهم
عافونه بلاه والونه
*****
چم عريس بيهم مــن جفونـه
مثــل جسام كلــهم ودعــونـه
زغــار اكبـار راحو مــا اجونـه
خلونه ماكف ناعينه
*****
خذت مـنا المگابر وين العزاز
بيهه افصوص در وبيهه الماز
ويــوميـه الگلب بحبابه جناز
يجفونه احبابي اليله
*****
زرعنه اورود مابين اليموتون
بلكت بــاچر اوعگبه يعودون
عليهم وشلت دمعات العيون
ماجونه الراحو سكته
*****
يــادفــان وسـع لحـده فـدوه
اجــاك الكلشي بلدلال يسـوه
عفنه اهناك گلب امــه يـتلوه
ياذونه صيحات البيهه
*****
شعلنه اشموع لعيون المرحلين
راحــو غــربـو يـاناس مجفين
وچــانت عامره بيـهم دواوين
يحاچونه مانسمع حسهم
*****
ابوحيدر
الصبيحاوي
عجيد الگوم اختك اسروها
*
تعال اوشوفهه بياحال صارت
عليهه الخيل والعدوان دارت
المصايب والنوايب كلها جارت
الحره اليوم بعدك هل ولوها
*
بين اجناب بت حامي الحميه
عگب اخوانهه الضلو رميه
زينب هاي وانفاس الزچيه
اگبل اعيونهه ذبحو اخوها
*
اسيره مگيده وهيه الاميره
طاحت بين ناس بلايه غيره
لفاهه الظيم من راحت اسيره
واهلهه اعزاز كلهم ودعوها
*
وياهه اطفال مرعوبين كلهه
گبال العين ذبحوهم اهلهه
وتوسد نهر ذاك الكفلهه
وعنهه ابعيد راحو مااجوها
*
يبوالسجاد هاي اختك رهينه
وگلبهه اعليك مابطل ونينه
تعال اوشوف احوال الحنينه
ومن يوم الرحت هم عذبوها
*
وياهه ايتام مرعوبه اليتامه
ولوها ابصوط والسان الملامه
بسمه وكسروها جنحان الحمامه
بهاذه الصار زينب صوبوها
*
تصد اوجوه بل رحمه خليه
ويوم الطف عليها بس اذيه
تشوف اعيون متحسره ونديه
اليتامه اهواي لاكن طششوها
*
موت اوخوف واطفال ابراري
وانه بس الحزن صار اختياري
بعد ماتخمد ابدلالي ناري
الدنيه اوياي شدت غيروها
*
ابوحيدر
الصبيحاوي