-
الشاعر ابو حيدر الصبيحاوي.
عله مودك ربي خالقني
وحس انه بدونك كلشي ما اسوه
وكلشي انته الي تعني
حبيبي انته وغرامي وبس الك اهوه
احبك والعشك محبوبي جنني
عله الفطره هويتك ما خذت فتوه
اسولفلك وحسن بيك تسمعني
الك عطشان اظل بشوفتك اروه
يدك گلبي بحروفك جن يغازلني
وصده الدگات كلهه تصير الي سلوه
موبيدي هويتك ودري تحبني
حبيبي حسين اروح الشوفتك فدوه
***
ابو حيدر الصبيحاوي
الشمس جابت گمر
والگمر ضوه الدار
عباس بچفوفه اثر
لن حيدر الهن زار
مرسوم بيدينه نهر
يظل للكبر تذكار
لحسين صار النضر
زغير وگلبه حار
من شاف زينب كبر
عباس كله اسرار
بتموز جاب المطر
خير بقدومه صار
لحسين عمره انذر
وبمهده دگ انذار
**
شمعنه اليوم من نورك وجنه
انتظرنه هواي ميلادك وجنه
السمه والگاع فرحانه وجنه
الك تبدي السرور بهل مسيه
**
ابو حيدر الصبيحاوي
موسى الكاظم موسى الكاظم
***
امام الجعفريه بسرداب المنيه
لفت كلهه سويه وعليه القدر حاكم
**
حير ظالمينه ورخصهه سنينه
عالي يظل جبينه ودينه يبقه سالم
**
بچفوفه العقيده شايلهه وتريده
عليه اهل المكيده وصار الوكت ظالم
**
بلعز وفتخاره تاريخ اوحضاره
اخذ بيده قراره راهب بني هاشم
**
ماهمه اليعادي مولانه ينادي
هتف بسمه فؤادي دليلي بشوگه هايم
**
يربان السفينه لليهواك مينه
غرگنه احنه بحنينه وحبه بينه دايم
**
هارون وزمرته واعوانه وعترته
بهظم ظل وقهرته وانته بيه عالم
**
خسران اليضدك غالينه ونودك
علينه شهد جدك نجيك ازحوف لازم
**
ابوحيدر
الصبيحاوي
اجت اخت الرضئ اتشوف ابوهه
الدموع اشمالـهه كلـــهن ولــوهـه
****
اجـت لهموم بيهه وكسر خاطر
ودمـعه بعـين ظلت هــم تناطر
اجت رغم الهضم رغم المخاطر
يابويه معصومه تون
****
ادگ ياباب حـتى الگه الاريده
عليه الغالي شــو طـول بريده
خاف الموت اجه گرب وعيده
ابالامه دلالي ينوح
****
ادورك ويـن كون اندل ضوانه
واگول شبيه ظل يخنگ هوانه
ابــو الحاجات ردنه من حنانه
وبغيابه توليني الدمعه
****
اصيح اعليك بويه وهم لفاني
عليه اندار وكتي وكــل زماني
واحس بالام بيه وگمت اعاني
وبعيوني ماظلت دمعه
****
يلمعلم الصبر اطيني مـن صبرك
جيت وگلبي مايحمل تره اخبرك
يريت اطيك عمري فدوه العمرك
وسنيني يرحلك فدوه
****
گلـبي اعلـيك يحــمل اه والونه
عفت اديارنه وجيت انــه اتعنه
يبويه اوياك مااگطع تره الضنه
ياحيلي الباد ابذكرك
****
ابوحيدر
الصبيحاوي
يــوم الاحزان صــبح يــوم الرزيه
الكاظم الغيض اون واصفگ بديه
زماني وعمري كله
الدمع لجـله اهــله
**
بمجلسك حاضر جيت اندبنك
يلي تسمعني ونــي مــن ونك
قاضي الحاجات سولفت عنك
هيبتي الـروحي تـعلمت منــك
حبــست اسنـينك ادري اذنــك
وادري اقـيودك هـــم يلـچمنك
صابر ادريــك لجــل عيــن العقيده
كلشي ايهون گلت قيدي اوحديده
واحس بگليبي عله
الدمع لجلــه اهــله
****
ليلت احزاني الـفاتحه اقراهه
وبمصابك هـاذ بــونــه انعاهه
روحي ابطرواك حزن غطاهه
هــايــمه مـولاي بظيم بلواهه
الرايحه روحـه ويـــن يلگاهه
الدمعته تجري تــهد طرواهه
ليلت امصاب جرح كلمن موالي
وبيهه العيون تـظل دمعه تلالي
حزن مايوم امله
الدمع لجله اهـله
****
بصطوت السجان عايش اسنينه
صـــبن الدمـعات رثـــن واليـــنه
كــل مــحب اليـوم هـامله عينه
بغربتــه مــوسئ يشبه احسينه
ننـحب ابــاسمه بكـــل بـواچينه
هــــاذه اولــــنه وهـــاذه تــالينه
بسمه الاحزان كتبنه ابكل قصيده
اليــله طــاريه عــلى العـالم نعيده
ابدليلي نوح خله
الدمع لجله اهــله
****
تبچي انصاره ونذكر امصابه
اليله مجتمعه ناسه واحـبابه
حجت الباري ولـلخلگ بـابــه
گلبي بالامــه كـــثر اعتــابــه
نشعل الشمعه تلطم اصحابه
ياحزن بيــنه هــمك الــجابه
ومــاي العيون الــك بدينه كلنه
نلطم اعليك نون احـنه اواهلنه
الونين اعليك اگله
الدمع لجـله اهــله
****
ابوحيدر
الصبيحاوي
مضيعه وجيت ادورنك
بــويه تصيح معصومه
**
يتيمه والدمع همال وماتت بلگلب امال
طولي وي زماني مال گلبي زادت اهمومه
****
ادورك يلصرت حسره ونار الگلب متوجره
احسن بلدمع جمره يچوي صار من يومه
****
اجيتك ياجبل عالي ابــوي وبلگـاب غـالي
تعال وشوفني شحالي صرت بجفاك مالومه
****
براضه يادليلي اهناء تمنيته خذاني اوياه
شنهي ظلتي بجفاه اخلص العمر ملچومه
****
بويه لوصحت احتار بگلبي النايبات اسرار
يبچيلي الدليله احجار بدمعه يغرگ اهدومه
****
انشدمن صفيت انــه اوكتي بانت احزانه
بقيت اعليك حيرانه اصيحن حيل مضلومه
****
اخلص اليل بلدمعه اونــن لــلولي وانــعه
المني راح شيرجعه راح وراحت اعلومه
****
ابوحيدر
الصبيحاوي
اليوم مفجوعه تظل كل شيعتك
عـل جسر مولاي شفنه اجنازتك
ياامامي يبن جعفر
****
چثه فوگ الجسر ضل محيره
وكــل مـوالي بيك يلغالي دره
هـاي ناس اعليك ظلت ناطره
كلهه تندب على الصار ابغربتك
ياامامي يبن جعفر
**
خلصت عمرك غريب ابلا وطن
ومـاحويت بدنيتك بس الچفن
عليك ملــك الموت هليله حزن
اليله تجري ادموع ناحت خلتك
ياامامي يبن جعفر
****
صبت الدمعات كل هاي الخلگ
وصار جسر الموت للودم علگ
وچم موالي اليله دلاله احترگ
نار وصط اگلوب تلهب حسرتك
ياامامي يبن جعفر
****
حسره بلــدلال عــل ميــت غدر
كــاظم الغيض الامــام المنحجر
وسفه تبقه اجنازته فوگ الجسر
ولا عشيره اليمك اوهــم دفنتك
ياامامي يبن جعفر
****
مـا اجـه الدفان لاحضرت هلك
يـل متت مسموم سمك عاذلك
وانته راهب بني هاشم يجهلك
الهسه بين الناس ظلت چلمتك
ياامامي يبن جعفر
****
ضلت الچلمات بــس لـهل الفهم
يــاحقيقه وعشنه ويــاهه بحلم
عليك ناحت لطمت بحرگه الزلم
هسه تبچي ويانه ضلت حضرتك
ياامامي يبن جعفر
*****
الموت اخذ وياه كلشي من لفه
وصرت بيــن الناس اكبر سالفه
الدمع بــس ويــاك حدد موقفه
رغم كل ذيچ الطغات الضلمتك
ياامامي يبن جعفر
****
ابوحيدر
الصبيحاوي
بويه اجيتك جبت دمعي وما لكيتك
بويه اجيتك اظلـــم بلـــياك بيــــــتك
بويه اجيتك
*****
بــويه معصومه واجـيت اتعثر اني بمحنتي
بعيني شفت الكون اظلم والدموع ابوجنتي
انشد الريح علــه مــودك ويـــن راحو خلتي
بـــعد مــابــطل ونيـني ومـن ينشف دمعتي
تعوديتك اتصبر اكليبي يبويه اتعوديتك
***
تعوديت انه عله شوفك اشلون ماشوفك بعد
وشــلي بعيــوني يبــويه وريـت ويـاك الوعد
مــا اريــد الدنــيه بعــدك والـحزن بــيه انولد
ابجــي كــل اسنين عمــري وراح اظـلن للابد
دوريتك بين حسراتي يبويه دوريتك
***
چلمت البــويه عجيبه وبيهه المفارك يحس
اتعيش بالوجدان مره ومره تبقه ويه انفس
تاهت الكلمه عله شفتي مثل كلمات الخرس
علماني ادروس وكـتي وانته اصعبهن درس
مانسيتك روحي انساهه واصيحن مانسيتك
***
چنت اشوفك گمر ليلي وهسه ليلي بلا گمر
ظلـــت عــيوني تــناطر بــويه ذبـلهه السهر
وشل الغيم واجاني احتاج مــن عيني مطر
بروحتك كلبي لجمني بــويه حسيته انكسر
من جفيتك ظلمه صارت دنيتي من جفيتك
***
جبت حسراتي واجيتك هاي كل حسره بكتر
ومــن سمـعت بخــبر موتك كلت شلي بالعمر
منين اجيبك يــل عفتني وانـي ما ظلي صبر
نـــار بفــراگــك دلــــيلي وصـــار دلالــي جمر
اتامليتك عدل بحظانك تحطني تأمليتك
***
ابو حيدر
الصبيحاوي
اوبريت الامام الكاظم ع
**************
ياسجان اوكفله بخشوع استعد يا سجان
ولاتلجم جرح ما يحمل الشريان
قرءان وعجيبه ينسجن قرءان
يا سجان تنوح عليه الدنيه والارض والجان
ميزان العدل يلحابس الميزان
لتكثر علينه بقسوتك احزان
سلطان الشرع ومحاوط القظبان
باب الله اشتسد ومفتحه البيبان
******************************
كلام الامام
********
اتيت وقد جاءت الاقدارو تتبعني
وفي بعض الخطا صوتن يونادي
الله بلهادي البشير سوفه يجمعني
فيا ملك الموت دونك فؤادي
*************************
كلام علي بن سود
***********
خلصنه دمع كلي اشوكت نلكاك
يلكاظم نتاني فدوه ردلنه
الشيعه اتون صفت بوجودك وتنعاك
ملينه الصبر ومل الصبر منه
ما نحمل بعد مر اشجرعه اجفاك
يل منك ابد ما نكطع الظنه
اشوكت اتذب قيودك كلي اترجاك
وتشوفك شيعتك يل شوفتك جنه
هاك اكلوبنه حطهه بسجن وياك
قهر وهموم بعدك هذا جملنه
ننسه رواحنه وبس انته ما ننساك
اشوكت تطلع امامي ارجوك خبرنه
يكلبي لا تبطل النوح وياك**الوكت نيران ذب عليك وياك
يريت انه بسجن مولاي وياك**ابمكانك واشرب اسموم المنيه
***********************
دخول علي ابن سويد الى السجن
شكل للناس عنك من ينشدون
ومنك بس ردت جلمه ويفرحون
بوصيتهم اجيت وهمه يدرون
نتانيك اشوكت يا ضي العيون
*******************
كلام الامام الكاظم ع
************
صبراً أحبتي ان الفرج اتي
يامن دعوتني اليكَ مني كلماتي
على جسر بغداد تفنا همساتي
تراني أحبتي بعدَ فراق السنواتي
******************
نعي الامام
**********
كل الشيعتي ايتانوني** وباجر بالجسر يلكوني
هانت بشر ايشوفوني** أحبابي واعرف يحبوني
علفركه لا يلوموني** ما انسه لو ينسوني
يا شيعه انتو عيوني
دخول السجان على الامام
***************
اجه السجان جايب غدر السموم
وللكاظم تعنه وكاصد اليوم
علامه الموت شافه بعينه مرسوم
وتلكه المنيه ومات مظلوم
**********************
طعام الامام السم
***********
تكرب للمنيه القدر ناداه**اودع دنيته يعرف مماته
اكل سمه ويحس بحركَت احشاه**يلوع بحركته اكبال الشماته
طاح بطيحته غمظهه عيناه**سواد الكون اصبح وي وفاته
*************************
وقد دخلو الحراس لحمل جثمان الامام
**********
نعي
******
حراس الاجو نعشك يشيلون شالو جثته وفارك حياته
حطو عل جسر وتصدله العيونميت بالغدر بانت صفاته
التمت شيعته كلهم ينوحون**بجو عل مات متوسط عداته
كامت شيعته تلطم عله الراس من راح الولي ظلت يتمه
التمت هل جموع وصاحت الناس تنوح عله الولي صاحب الشيمه
راح الجان اغله من الانفاس وعلي الشيعه صاحت يا ظليمه
دليله السم اكل منه تراني
وشفت الظيم من زغري تراني
الناس عله الجسر كلهه تراني
غريب ولا اهل فزعو اليه
******************
ابو حيدر الصبيحاوي
كـــل مـــاتمر ذكــراك تمنـعنه وادم
الكاظم الغيض اليوم متعني خادم
**
لامنع بــيه يفيد لـو ردت ازوره
اتعلگ اعله الباب وشتم بخوره
ابگلبي احسن بيه يهديني نوره
اتعنه اله مشاي وارجع انه سالم
****
لتعنه اجــاه الــيوم يـــاخذ مراده
نترس درب خطوات يگرب بعاده
تحضرنه كـــل زوار نعــلن حـداده
وبلنيه راعــي الكــون بارينه عالم
****
لومو وباه انروح ونطب حضرته
ودلالي الك تچــويه ظلت جمرته
عمري الـــك مــولاي انـــي نذرته
بحبك يبو الحاجات دلالي هايم
****
انعاك اجيت ابصوت وانه بحسرتي
يمــك يبــاب الطيـب انشــد چلمتي
بصدري احس اتلوب ظلــت عبرتي
العبــاسي رد اردود متــعني ظــالم
****
نــجدد عـــهد وياك رغــم المسافه
ياشهم يل معروف تگضي الكلافه
بزنزانه تـالي اسنين عمره حسافه
والظلم صــبح بـــيه للتالي دايــم
****
فوگ الجسر ودموع صبتهه عيني
وزاد النحيب اعلـيك زايــد ونيني
امسح دموع العين واصفگ اديني
والزيارتك ظليت كل عمري حالم
****
ابوحيدر
الصبيحاوي
مات ابضلم سجان كاظم صفه عنوان
ظالم زمانه يحمل امانه
يحمل امانه
*
اهـــل الحقد جارت بضلم الهيبه
طش رحمته للناس ينضح طيبه
هتز الحكم عاش الخليفه ابريبه
ندري بدليله ابيض امــن الشيبه
حير طغات اوياه نور الباري خلاه
بحدت لسـانه يحمل امانه
يحــمل امانه
*
مسنسل صفه ياكل حديد ابئيده
بساگه طبــع والدم نضح بوريده
يحچي بهمس ظل الامام ابهيده
وكلمن موالي امتاني هــم بريده
طـــال البــعد مولاي بموسئ صفت بلواي
وانته هوانه يحمل امانه
يحمل امانه
**
ضلمه السجن ماغيرت مـن نوره
حضره يظل قضبانه هـيه تزوره
باب الحوائج بـــاب عـالي سوره
گلوب التحبه اعليه هم مكسوره
اتانيه كــل الناس رغم الالم نوماس
رادو مـكانه يحمل امانه
يحمل امانه
*
حضرو موته وهـــوه ادره بيهم
بزنزانه عمره مـن خلص واليهم
شيطان ظل اعله الكفر حاديهم
شنهو العذر لو نشد هــم باريهم
فوگ الجسر خلوه همه بحقد ظلموه
جابه سجانه يحمل امانه
يحمل امانه
*
ابوحيدر
الصبيحاوي
مظلوم مظلوم مظلوم
*
نمشيلك يلغالي تعنينه يلوالي
وفــــايه للتالي مظلوم
تلگــانه بعتابك زوارك ابابك
تدرينه احبابك مظلوم
تلچمني اهاتك اتخيل حسراتك
عبراتي عبراتك وانته تدري
متعني تدريني دمعاتي ابعيني
ياعمري وسنيني منك صبري
خطوه بخطوه امشيلك دمع اعيوني ابچيلك
بگلبي اه وتحچيلك يشهد ليلي ويليلك
مشاي وانته الغايه بچفوفي تلوگ الرايه
واني المتعني اعنايه اليله انصارك وفايه
مظلوم مظلوم مظلوم
*
جيناك اتلگانه يانور وضوانه
ياهيبه بدنيانه مظلوم
ياشمعه بدروبي يمطهرلي اذنوبي
مولاي اومحبوبي مظلوم
احسبني خطارك سجلني بزوارك
متـــعني الــدارك بهاي الخطوات
ماعوفك واتبره محتاجك ياگمره
بحر وانه الگطره وانذر دمعات
علگت الرايه وجيتك حرز ابگلبي خليتك
بكل لحضاتي اتمنيتك خادم تقبلني ريتك
ياباب الحاجه البينه بظلمك كلنه احتجينه
نعزيك انــته تعزينه يومك لا مــانـــاسينه
مظلوم مظلوم مظلوم
*
دمعتنه محتاره موسئ اواسراره
عايفهن اثاره مظلوم
نقسم ابهمساتك نرددهه چلماتك
علگنه راياتك مظلوم
يمحير حراسه مايهتز نوماسه
نتنفس انفاسه عاش ابروحي
يابيرغنه وعزتنه يامولانه وهيبتنه
ظلامك الظلمتنه وزادت نوحي
قاضي الحاجات اتعنه بگلبي اهات اونه
جيت اليوم ازورنه بابه بدمعاتي محنه
تشهد روحي واليته بنص دلالي خليته
العادا اني عاديته بكل انفاسي واليته
مظلوم مظلوم مظلوم
*
ابوحيدر
الصبيحاوي
مـوسى امامي بلسجن عمره
كاظم المعروف واشتهر صبره
*
باب الحوائج حجت الرحمان بسجن الشماته
والقيود اوياه سجدن اباذان اخــذن صـفاته
دارت الدنيه وانتهى الامان هـــدت عــداته
ضلمت السرداب تحولت گمره
راهب العتره
******
سـود الـيالي ولحضاته صعبه ضـالم زمــانه
رحمت الباري صــوبو كلـبه ويگطر حنانه
والهموم البيه كـلهن ابــگربه ترسن مـكانه
عايش بضيمه منحني ضهره
راهب العتره
******
شاف الاذيه بمحجر الضالم وشاهد اقيوده
تمرمر ابعمره بصلطت الحاكم شيكه المعبوده
جارت الضلام والله العالم عبرو احدوده
سم حضروله بگلبه الحسره
راهب العتره
******
شيعوه حراس بجسر المنيه التمت الديره
بين المسموم جثــه رمــيه وبــلا عشيره
تندب انصاره بـهاي البــليه حيرتهه حيره
والدموع اتسيل ماتضل گطره
راهب العتره
******
ابوحيدر
الصبيحاوي
نعي /السيده زينب ع
************
وين اخوتي زينب انـــه ابدمعتي
وين اخوتي العبره خنگت چلمتي
وين اخوتي نــار احس ابحسرتي
صحت صوتي منين اجيب المااجه
صحت صوتي الــونــه بگليبي رجه
صحت صوتي ودمعه بيه املجلجه
زادت بلوتي مـــن مــشو احبابي
زادت بلوتي محـــد تعــنه البابي
زادت بلوتي وكثر حــتى اعتابي
المن شكوتي ودورت ماكو الگمر
المن شكوتي والحزن بـــيه عــثر
المن شكوتي من عكس بيه القدر
راحو ضنوتي ذكرى ظــلو للحزن
راحو ضنوتي علــيهم اولهلي اون
راحو ضنوتي ماغمض بيه الجفن
بان موتي ودورت جــناز الــي
بان موتي ويـن احبابي اوهلي
بان موتي بويه اصيحن ياعلي
***
احبابي الفارگو اغلط بعدهم
اعزاز البين من يمي بعدهم
احسهم بالگلب ظلو بعدهم
مثل ما احنن يحنون اليه
**
ابوحيدر
الصبيحاوي
زينب لفاهه الضيم يـوم الولوهه
شافت شمر ياناس يذبح بخوهه
*
شافت ولـــو الگوم ابن الزچيه
لايــمه الانــصار لا يــمه اخــيه
تاليهه ابــوالسجاد يمــهم رميه
زينب والوهه اشرار تالي سبوهه
*
بــس اليتامه اتنـوح يـم العقيله
والسهم صاب حسين فتت دليله
عاشر محرم صـــار لـيله طويله
التمو عليهه اشرار كلهم اجوهه
*
يجرحها حتى الريح يشعل بالخيام
مصدعه وهيه تلوب مـن كثر الالام
الهــدو عليهه اليـوم ماضنهم اسلام
شــدو اديــهه احـبال يوم الخذوهه
*
دمعتهه دون الناس بلــخد رهينه
يوجعهه طاري الصار ثمرت ولينه
مخلوقه من ادموع هـاي الحنينه
ورده ولفاهه الضيم هل عذبوهه
*
زينب وفه العباس حسرتهه رايه
صارت ابيوم الطف چلمة هدايه
خلت الدم حسين ثــوره وبدايه
هدو عليهه الگوم حيــن الفوهه
*
ويـاهه بــس ايتــام وتــعاند الريح
متروسه هم وجروح مثل الفلاليح
ماغمضت من طاح مـاتقبل اتطيح
ريحت علي الكرار بـس ما رعوهه
*
ابوحيدر
الصبيحاوي
بيك مجنون وانــته كـــل امالي
نــور العيون وحدك انته الغالي
بعالم الذر اوهويتك يامولاي
بگـلبي متربع لگيتك يامولاي
وحدك انته الغالي وحدك انته الغالي
***
انته نور اعيوني لو مرني الظلام
وانـته مــن تحچي يحــتار الكلام
عــلى الكــون منصبه الباري امام
تحمل اطباع المرتضئ وصولاته
تلاوي الـگاع معجزت حــمـلاتــه
بعالم الذر اوهويتك يامولاي
بگلبي متربع لگيتك يامولاي
وحدك انته الغالي وحدك انته الغالي
**
بحر بلحب والوفه وكــلك حنان
وياك روحي تعودت تبقه أبأمان
ابن سيد الكون سيد عــل جنان
حسين وياي عايش ابوجداني
هـــوه دنياي بـــلفخر عــنواني
بعالم الذر اوهويتك يامولاي
بگلبي متربع لگيتك يامولاي
وحدك انته الغالي وحدك انته الغالي
**
حسين روحي ويبقه لاخرتي ضوه
ومثل حــب حسين مــاشفـنه هوه
وكل محب ويــاه مــن حــبه ارتوه
عاشگ حســين والعشگ رباني
بعيوني الاثنين الاول ابخلاني
بعالم الذر اوهويتك يامولاي
بگـلبي متربع لگيتك يامولاي
وحدك انته الغالي وحدك انته الغالي
***
ابوحيدر
الصبيحاوي
يــا قاضي الغرام بياتهمه تحكمني
وعلي كــمـت تحقق صدريت حكام
تتعــمد دريــــتــك ودري تـظـلمني
عله عـنادك احبه لــوتكلي اعــدام
تاهمني وضن مـــن حقي تسمعني
لترامي حجر يـل بيتك مــــن الجام
احس كـومـت مشاعـر الـه تدفعني
مـاعـايـش حلم لتكلي هــاي اوهام
تحاسبني عله كيفك ليش تجرحني
مــوذنبي الهويته الشيعه الـه خدام
اذا محبوب عــدك مــاكــو مو ذنبي
تـضـــل عــمرك وراي وانـه كـــدام
ســـــوي شماتسوي ادري حاسدني
يــــل شايل كلب مــن معدن الاصنام
عشكت حسين اخبرك وهو عاشكني
لان حسين معدن طـــاهــر الارحـــــام
*
ابو حيدرالصبيحاوي
الـــبابـــك اعتنيلـــك ها يمولاي
اجيب اهلي واجيلك ها يمولاي
****
ادوس انـــه المنيه واجي الراعي الحميه
غريب ابن الزچيه احـس حسره بدليلك
ها يمولاي
**
بدليلي النوح ازيده على الظل بحديده
گرب يومه اوعيده يــون لجلك خليلك
ها يمولاي
**
طويناهه المسافه على راعي الكلافه
نون كلنه بحسافه ويشهد بينه ليلك
ها يمولاي
**
اصبن دمعي كله ونين ابروحي خله
صارت بيــه عـله ودمعي اليـله اهيلك
ها يمولاي
**
الك تجري المدامع واون ون الـجـوامع
اظل كل عمري تابع لان مــاكــو مثيــلك
ها يمولاي
**
اهــد حيل اليالي اجي واندب يــوالي
ادگ والطم يغالي واگـل الدهري ويلك
ها يمولاي
**
يمن شفت الظليمه بـناس الــمو رحيمه
عليك اهل النميمه صــفو كـلهم جبيلك
ها يمولاي
**
ابوحيدر
الصبيحاوي
تعناله الرضئ هليله دفــان
نزلت دمعته مولانه حزنان
*
اجه موجر دليله وماخمد ناره
عليه الحزن صار اليله خطاره
تلگوه منه اجه كلكم ياانصاره
اوبعيونه اتلالي الدمعه
****
على باب الحوائج صبـت اعيونه
ابوي ايگول وسفه بهضم ياذونه
اليله املاك مــن السمه يشيعونه
ايواسونه صلطان الكون
****
بويه يصيح كض ضهره وتعناله
ودنگ عل ولي ظــل يدگ دلاله
عينــه مــن الحزن للغالي هماله
وبالامه يتوچه اليله
****
حضر يــمه اواجه مختنگ بلعبره
ويحس النار بيـه اوتلچم الحسره
حزينه اليله حتى انجوم والگمره
ومالومه التصب ادموعه
****
شافه اعــله النعش نـايم حبيبه
وحــديد ابچفه وبــرجله عجيبه
هــذه الــيوم صـار اكــبر مصيبه
اينوحوله كــل الانصار
****
على اچتافه حــمل هــم اليالي
والــي الـمات اجــه دفانه والي
تعــنه البـين دگ بـــاب الغوالي
ايبچينه بفراگه الغالي
****
ابوحيدر
الصبيحاوي
بويه معصومه ودمع عيني تبده
جيتك وبلگلب حسره تريـد رده
اسمع بگلبي تعال حسرتي تهد الجبال
**
بگلبي اتمــنه كـون يلگاني
يخفف الامي يبعد احزاني
تايها بدونه وهوه عنواني
چنت اتــصور يبــقه دفاني
ابعازت الغالي راح ماجاني
كلشي ينادي حتى شرياني
عشت بعدك يتيمه وهذه حالي
بدونك وحشه احس كل اليالي
زماني بغيبتك مـال
حسرتي تهد الجبال
****
حسبه تاخذني ودمعه بعيوني
بزحمت افكاري حارت اضنوني
شــرد اگــللهم الــعنـه نشـدوني
تيهتني الناس ودمعي عرفوني
مانشف خـدي فاضت اجفوني
ابـچي مـــن ظيمي لايلوموني
صرت بويه بزمن خلصته حـسره
وعـثر بــيه الــوكت اشلون عثره
ماتت حتى الامال
حسرتي تهد الجبال
****
بــويــه نــاديته وحالتي حاله
وحشت الديوان الماكو ادلاله
هيبت الــوالــد حــتى بخياله
نضرت اعيونه وفـــه الخياله
وكتي بـاعدنه بــويــه اشماله
ادري اهــاتــي بلـگلب فــالــه
يجرحني البعد حيل ارجع اشتاگ
وجـمر گلبـي احسن يچوي حراگ
يخلي ادموعي شلال
حسرتي تهـد الجبال
****
دورت عـــنك بلــهفـت اهاتي
حيرت روحي وصده چلماتي
چنت اشوفنك حتى حسباتي
بطيحتك بويه تصب دمعاتي
جيتك اوخوفي تبع خطواتي
الدمعه بعيوني هيه همساتي
الجفه عنهه الابـو اضـلم ضواهه
ويخنگ تالي اتحس بيـه هواهه
ويـاهـه الـوكـت عال
حسرتي تهد الجبال
****
ابوحيدر
الصبيحاوي
چــا ويــن الهواشم مايحضرون
****
هذه البجسر موسئ ابن جعفر
اليله المــوت يــمه بحرگه كـبر
الــدين اصبح يتيم وهــم توزر
وعليه اليله راح اعميهه العيون
****
اجو حراس شالو نعش مهضوم
ابــو طـلبه يوسفه اليله مسموم
وظـــل ياناس بـينه الايم ايلوم
ويـن اهله يجون وهم ينوحون
****
وحيد ابدار غربه وماله امعين
هــذه الزين المحير الصلاطين
عليه ملتمه كل ناسه اوموالين
وندور مــن هلـه مـاكو اليعزون
****
وحشه اجنازته وثاره تــره ضاع
سوه النوح الــنه والبچي اطـباع
عمامه اهواي وادري ترسو الگاع
اهــل كــلفــات لـــو رادو يهدون
****
ظــل بـدار غـربه بنـص عــداته
بظلم مولاي خـلص هــم حياته
وبانــت ساعته ولحضت مماته
وكــل النــاس بلصاير يحيرون
****
غريب اوطاح محد فزع جاله
وهو المهيوب لو يمشي خياله
عمامه اليوم شو گطعو وصاله
ولا نشــاد منــهم لا ينشــدون
****
ابوحيدر
الصبيحاوي
نعي للامام الكاظم ع
***********
بــالك يسجان لاتسد حــيل الباب بالك يسجان
بزنزانه قرءان رتل حروفه الضيم بزنزانه قرءان
ماهمه صلطان خله البخت ناطور ماهمه صلطان
معصومه تنعيه ومحيره ياناس معصومه تنعيه
يوجعها طاريه البويه تهد الحيل يوجعها طاريه
اه يامحاچه بگلبي واون كل ساع اه يامحاچه
بعــدك غريبه وظلمــت كــل دنياي بعدك غريبه
دنيــه عجيبه تاخــذ اعــزاز الروح دنيه عجيبه
هاي المصيبه هدتلي بويه الحيل هاي المصيبه
حالتي حاله عگبــك اون ظلــيت حـالتي حاله
بلكت خياله يرد وحشتي اتمنيت بلكت خياله
وكتي شجاله اندار الزماني اوياه وكتي شجاله
لمـن اجيتك مضيعه وادور اعزاز لمـن اجيتك
اظلـم يبيتك بدونك يبويه يــصر اظـم يبيتك
مـن مالگيتك محتاره هم ظليت مـن مالگيتك
اتبده اوطاح دمعي نشدني عليك اتبده اوطاح
ابگلبي اصياح اسمع ونين اهناء ابگلبي اصياح
شيسكت الناح لوبويه ايصيحون شيسكت الناح
شلي بلعيون مايسوه دونه الشوف شلي بلعيون
خلهم يلومون المامر عليهم ظيم خلهم يلومون
المايسكتون ريـــت الهــجر شافوه المايسكتون
*
ابوحيدر
الصبيحاوي
اليله اوداع ياموسئ ابن جعفر
اليله اوداع دمعي ابدم توزر
**
لبسنه اهدوم سوده وي مصابه
وذكرنه اليوم وناته اوعذابه
نون وانوح كلنه بدار بابه
اليله اوداع والون چنه حدر
*
لطمنه اصدورنه بيومك بچينه
وعفنه اديارنه اوكلنه اجينه
اجينه انواسي مهدينه ولينه
اليله اوداع ويومك بينه اثر
*
اثر خليت بينه وي رحيلك
يباب الله الوسيع اوششتكيلك
بشليلي ادموع اجيبن من اجيلك
اليله اوداع احس گلبي تفطر
*
تفطر هاذ گلبي ودمعي سايل
على راعي المروه المني شايل
اليوم البين ويه الغالي عايل
اليله اوداع عدنه صار محشر
*
محشر صار يومك هم ولانه
نعلي الصوت لو يبدي بچانه
العبره اعليك تخنگ كل هوانه
اليله اوداع صحنه الله واكبر
*
يتامه اليوم كل ربعك يتامه
تون اعليك ونات الحمامه
بچينه اسنين لمصابك ندامه
اليله اوداع كل دمعي تطشر
*
تطشر ماي عيني عل الاحبه
ابو الحاجات معروف ابو طلبه
اليله الدمع كله ابحرگه اصبه
اليله اوداع گلبي اعليه تمرمر
*
ابو حيدر الصبيحاوي
على باب السجن راح اشعل اشموع
واگولن ريت ابوي ايعود اليه
الــــك صبـيت مـــاخلــيت الـدموع
احـــن واشتاگ لــلكله حـميه
احـــس گـلبي عليك بحسرته يلوع
وتــظل اعيوني للغالي نـديه
صرت بعدك يتيمه وگلبي مفجوع
ردت بس شوفتك اوهاي هيه
احس حتى الونين ابگلبي مسموع
صحت يابويه ودموعي جريه
ادگ ابحرگه انــه اعلــيك الاضلوع
ونهاري ابعيني احسنه المسيه
على بــابــك الــناس التمت اجموع
وتلوب احبابك ابهاي الرزيه
يحيف اعله النعش يابويه مرفوع
وتوني ايست مابيك جيه
****
مـــن عدنة خذا الموت وحشا
وگظة ايامة غريب بدار وحشا
ســـم گلبة اكـــل ياناس وحشا
ودع دنيته والهم سوية
**
ابوحيدر
الصبيحاوي
بمتونه شال الكون موسئ ابن جعفر
ولمــــن لـــفاه المــوت مــولانه كبـــر
**
ارد انشــد الســجان والدمــعه اهلهه
الكاظم الغيض اتنوح روحي وعللهه
ويـــاك احــس مــولاي عقدت املهه
ويـــوم المــصاب اويـاي بگليبي اثر
**
ابظلمة وسجن وقيود وحشه اليالي
نـــام اعلــه ذاري الگاع مولانه غالي
ينـــعاه يـــظل لــلدوم كلمــن موالي
وكلــمن مـــحب يــاناس هليله ينغر
*
بــاب الحوائج باب نــور اوهـدايه
حتــى السجن سـواه عــطر النبايه
علگــنه بســمه اليــوم مولانه رايه
وصبينه دمــع العيــن للغالي احمر
*
كاظم الغيض اويـاي نهج اوعقيده
بوكته الشرع مـن طاح مداله ايده
وقيوده تــاكــل بيــه حــزن وريده
ظــالـم وكتــنه صـــار بلـــشر توزر
*
حتار الخليفه ويـــاه حـير عداته
راكع اوساجد دوم صارت صلاته
ماتهم كــــل دنياه ضــحه بحياته
لاگه الطغات بزود ماهمته اشرار
*
بزنزانه نص ظلام راعي الشريعه
والدنيه ويــه النـاس كلهه تطيعه
يومك عليـنه صــار اكبــر فجيعه
بمصابه دمع العين حن اوتگنطر
*
ابوحيدر
الصبيحاوي
جيتك مشي وعناي دورت كل اعضاي
بچفوفي رايه شفتك هدايه
شفتك هدايه
*
عناي الــك وبعيني شايل دمعه
بكل خطوه راسي يعتلي ارفعه
تضويلي اريدك انـه رتك شمعه
اليله التحبك كلهه الك منجمعه
البابك اجت احباب گلبي ابودادك ذاب
متعنيه هــايه شفتك هدايه
شفتك هدايه
*
ثوبت روحي من اجيتك زاير
كلمن مشه امن وماضل حاير
التمت الناس اعليك داير داير
بگلوب كل ناس التحبك صاير
الباب الله والحاجات امشي واصب دمعات
وانتـه الولايه شفتك هدايه
شفتك هدايه
**
ازغار ونسه وشيوخ اجت واليهه
كــــل دمــعه للغالي ابوفه تفديهه
وادم اجتك وانــته تــدري شبيهه
انته الوسيله الصـــرت وي باريهه
واحنه بــعهد وياك جيت اواريد الگاك
الــحد النهايه شفتك هدايه
شفتك هدايه
**
سوينه دربك بس مواكب خدمه
كـــل زايـــر اتعنــه واجاك ابهمه
مرخصلك الــروح ونذر هم دمه
يـــم بــابك ايسجل الزاير اسمه
ابابك علگ حطيت دمعه الك بديت
تــعرف الغايه شفتك هدايه
شفتك هدايه
**
ابوحيدر
الصبيحاوي
زوار لبو طلبه وگلوب ملتهبه
الاهات متغربه الك الك
*
من دمعي ارشنلك درب بسمك يمسجون
وعناي اجيت وكل هلي لجـــلك ينوحون
كل موكب اتعنه اواجه ناسـك يخدمون
صبينه كـل مـاي الدمع وشلنــــه العيون
احباب نتعنه نشتاگ للجنه
خطار واحدنه الك الك
**
كل خطوه ندريهه عمر تمشيهه الاقدام
اليمشي يذكر هم ظلم وشــاف الامــام
نعقد النيه ويه المشي نيتنه احــــــرام
نواسي جرح للمنتضر لچمـــته الظلام
مظلوم بحزانه خلوه بزنزانه
الدمعات ويانه الك الك
***
عمرك گضه بين السجن محجر وحراس
وخليت كـل ظالم الك يــختنگ بنفاس
رغــم الجره والماجره دگيت الاساس
بخطك مشت كل الخلگ تشهدلك الناس
لله خطواته ماهاب شماته
گلبي واهاته الك الك
***
مات السجن بيك انحيه اتنفسك شــوگ
يل كلشي سبح بلجسم وتسبـح اعروگ
يلخيطت بلدين احـس يامكثر اشگوگ
گلب اليحبك ظل جمر وبناره مـحروگ
جيناك يلغالي وياك يلوالي
خدام للتالي الك الك
****
. ابوحيدر
الصبيحاوي
گاضي العمر مسجون موسئ ابغربته
بيــن الحــديد اهنــاك هوه اوحسرته
*
بزنزانه عاش اسنين من باقي عمره
سالوفه بين الناس صاير هوه صبره
بــدلاله تلــهب نـار ظل يجوي جمره
بمحجر صفه مولاي تلچم عبرته
*
بگلبه الحزن والاه وي لچمت جروحه
وحــتى الـحمام اعليه ظل هم ينوحه
شــافت مــرار اوظيم بهل دنيه روحه
ومشتعله نار احشاء تلهب جمرته
*
شــايل اهـموم الناس كل همه بيهم
صنفه باري الكون ظل شامخ وليهم
بـاب الله للمحتاج هم يترس اديهم
يسد عازت الملهوف يمسح دمعته
*
اظـلم سـجن هارون بس بيه امامي
ومن الحديد البيه ظل مولانه دامي
عــاش العمر لوعات حير هم كلامي
تنعاء دموع الناس هوه اوعترته
*
بــل سـم اجـوه ابلـيل وياه هم منيته
رادو يمــوت ابــساع لا يكتب وصيته
توهمو من عادوه موسئ عالي صيته
باب الحوائج صار جنه تربته
*
تــاريخه كـله اشهود عالي يبقه شانه
بـدمـه كـتب مـولاي ظـالم هـم زمانه
بگـلوب كـل الــناس ظل ماخذ مكانه
اوليهسه بين الناس تصدح چلمته
*
ابوحيدر
الصبيحاوي
لمن اجاهه الموت گالتله اجيتك
تانيتك انه اهواي بس ما لگيتك
****
زينب واصيح بصوت وحشه اليالي
عگب اخوتي ياناس هاذه انه حالي
دمــعه صــرت بعيــون ظـلت تلالي
ياذيني گام الشوف گــد ماتنيتك
*
كـــل دگـــه بلدلال اهــــات احـسهه
صرت الوحيده اهـناء والهم ونسهه
ماصحت من الضيم عل دنيه بسهه
حشمت انـــه المـوت لمـــن جفيتك
*
خلصت عمري ابـــاه والحسره بيه
مختلف كلشي اوياي ذيچ المسيه
ويــنك عـلي ناديت ويـــن الزچيه
بويه الجرح ماطاب هل حشميتك
*
منتضره ملك الموت روحي شگواهه
لان الــزمـن خــوان يطفي ابضـواهه
دنــيه وصفت مگلوب يخنگ هواهه
عل صــبر وكتــي اليوم هم علميتك
*
كثـــرن عليه اجروح وكتي وزماني
من مشه راعي الزود عـني وجفاني
لا مـــــانسيته ابيوم لا هـــم نساني
بدمعه وحــزن وصياح انـه نخيتك
*
مـــحد لفاني اليوم مــــن اليشيعون
تمنيت اخوي اوياي ويغمض العيون
يوسدني لحدي ريت ويــه اليدفنون
ها خويه اگله بنــوح روحــي نعيتك
*
ابوحيدر
الصبيحاوي
العاشت عمرهه بدمعه والونه
الموت يــوميـه هيـــه تتــمنه
****
الفارگت خوان وماضل ضناهه تبات ابدمعهه
وزينب غريبه وضــالم سباهه وبيهم فجعهه
راح الكفـــلهه وراح الحــماهه وهاذه وضعهه
هاي العقيله بلدمع حنه
وصاحت اهلنه
******
كل المصايب التمت عليهه ونطـــر كلـبهه
ظلت وحيده تصفگ بديهه وتصــد دربـهه
عافوهه كلهم ومحد يجيهه ضمــت عتبهه
تتمنه ساعه ترد المحنه
وصاحت اهلنه
*******
ماي اوتبده اوياهو اليلمه مــاتكـضه الـگاع
عافو الذكره عشنه بلضلمه فــارگيـنه اسباع
بلنضر كلهم تبدت النعمه مايكضهه اذراع
ردو لعيوني وغمضو جفنه
وصاحت اهلنه
*******
الحره جفوهه الـمابقـو يمهه والضعن وينه
تنشـد الـدمعه محترك دمهه تــريد واليـنه
المــاي ياذيهه هوه الحرمهه تگول ياذينه
يهلي مشتاگه ويرد شملنه
وصاحت اهلنه
*******
ابوحيدر
الصبيحاوي