-
الشاعر ابو حيدر الصبيحاوي.
بــاچـر عــيد وتنــوح اليتامه
سوده اهدومهم ظلت علامه
نعايدمن وبونه عيدنه اوراح
لاتگـبل علينه اتــظل مــلامه
****
تعيـد نــاسنه واحنه بدمعنه
ونون وبنوحنه محد سمعنه
علـينه التمـت اهموم اليالي
واجانه البين بلغالي فجعنه
****
الرايحله عزيز ايبچي الايام
ويخلص العمر يتوجـه بالام
يـصير الـنوح يـاوادم سلوته
يگظيهه بندم ويعض بلابهام
****
الناس ابعيدهه اتاني احـباب
مـوحش بيتنه ومادگو الباب
مشتاگين حــيل والله شـاهد
شيردهــم عـلـي الهسه غياب
****
بسك يــادمــع مايرجع الراح
نيتـــنه الـعمر انخلصه انياح
نتمنــه البچي ايردهم اردود
چا حتى الگلب اتوزر وصاح
****
مــاعيد عدل ايتانوني اهواي
اجيبلهم بـخـور ورشـت الماي
ادگ اگبورهم ودموعي اطيح
ويطيح الـدمــع ماظنه بهداي
****
كـــل الــناس تــلتم ابمســرات
واحنه انوح ونبچي الحمامات
اضـلم بيتنـه ومـفـارگ اضـوا
حزين وبعد مابيه ابتسامات
****
ابوحيدر
الصبيحاوي
يـادمعي احسن مــن تبديت بليتم
. ماي العيون اتبده ويطيح مو حلم
الهيبه فارگنه اورحل
والجيته ماظل امل
ابروحي كثرانه العلل وانه شبديه
******
بروحت عزيز الروح اظل كل دمعه حسره
ومـــاخلي بعيوني دمــع ولا تظـل گـــطره
بصدري احسن ياناس كـــل لحضـه عبــره
بدلالي مــن يــوم المشه چــن عاف جمره
اجـــل رحيــلك لا اون
يكتلني اعرفنه الحزن
يوجعني الغروب اواحن بجيت المسيه
*****
متحزمه بلهـم والقهر وجروح دلالي اهواي
عطشانه تدري الشوفتك انته لهفتي والماي
معلمني اشوفك امنت خلصت عـمرك وياي
بسكوت مر بيك الوعد ينگل اجدامه بهداي
ياموت عـوفه اترجاك
لو تاخذه خذني وياك
مـــا احمل انـه ابلياك والبـــيه بــيه
*****
ابكلشي اشوفنك گمت وهسه تدور عيني
حتى ابخيالي اتصورك ياضوه كل اسنيني
بذكراك يتبده الـدمـع ويزيد حتى اونيني
بطاريك يتوضه الحچي تلطم حزن چفيني
غيرك اعيوني ماتصد
يلچمني بغيابه البعـد
تمنيت لحظات ويرد يـرجع عليـــه
*****
غيمت عيني وماصحت شد الولي ترحاله
چن السمه كلهه هــوت والدنيه هـم مياله
بمحرابه نــور الله وگع وبظيم صاير حاله
طاح اوتگنطر هيبتي الـرجـف شكو خياله
بـفراگه مــاخلي دمــع
بــدلالــي ونــه تنسمع
الحسره تكسرلي ظلع واصفگ بديه
*****
حسرات بـيه امكومه يوم الفاني امصابه
العيون ابــد مـابطلت التمت تنوح احبابه
محراب ون وماسكت ينسمع ظـل اعتابه
يوجعنه حـيدر طيحته اتانيه عتبت بابه
ايتام صرنه ابروحته
الماتسوه بعده دنيته
ونــت اوناحت خلته شافت اذيه
****
ابوحيدر
الصبيحاوي
هوسات /جنوبيه
*********
لبــو اتــراب السوالف كـلهـه راح تصير حچايه
واذا طـاريـــه يمــرنه اليـوم احنه انعلگ الرايه
الــحد الموت كلنه ويـــاك شيعه اونظل ودايه
ياتاج الامامه / اوراعي الايتام
بيك اهـل الارض هليله تنضام
عليك اتنوح ظلت حتى الايام
يل محير الزمان وبيك محتام
يسمونه / راعي الكلفات
**************
وي طرت الهامه انصاب هــام السمه اوياذينه
الــدنيه والـخلگ والنــاس كلـهه تصيح والينه
ابو الحملات داحي الباب وسفه سلهمت عينه
ياديوان الشهامه / اوعالي الشان
يــمــن ظلـيت للحبوك عنوان
يجنه وبلارض وبهيأت انسان
يــرايـت ديــنه وخياله ديوان
يعرفونه / حيدر مولاي
**************
اليله اندب واصب ادموع واكثر النوح والونه
على الماتم صلاته اوطاح وراسه بلدمه محنه
شريد احچي الكلام ينـوح وي طرواء اعرفنه
يلمسكت اليتامه / طول الاسنين
عليك الـيله صبـت مـايهه العين
تون ظلت عليك الـناس صوبين
اليتامه تنوح كون اتگول ميتين
ينادونه / والعين اتلالي
***************
ابوحيدر
الصبيحاوي
بدمعتي نعيتك بـويـه فارگيتك
شــلي ابحياتي البيهه مالگيتك
***
بويه تدري ابتـك اتــحن الابوهه
هسه بــلهم والـحزن كلهم ولوهه
گالت اعزاز الگلب راحـو جفوهه
كل امانيهه خـذو وهــل يتموهه
يارحيل الغالي عــذبت دلالي
دمعتي صفاتي بونتي بچيتك
*
كلشي يجرحني بغيابك حتى دمعي
ساعه انوحن يلعفتني وساعه انعي
حالتي بلظيم بــويــه وصار وضعي
ياسيوف الهـجر بــيه حيــل گطعي
بلهجر اذيتي حظرت وصيتي
دورت مماتي يــاعلي دعيتك
*
بيك اسويهه السوالف كــلهه ذكره
گلبي من يوم الرحت ياهو يصبره
گلت ابـوي اليله اطــه هــوه عمره
وعيني ماظلت يبويه بـيهه قطره
الفرگه والملامه خلفت يتامه
موتي ابنجاتي بشوغه ودعيتك
*
كون اغمض عيني وافتحها واشوفك
كون احط اچفوفي يـابـويه بچفوفك
گمــت اتمنـــه تــجي وانــطر طيوفك
لــو تطول الغيبه عنـي افهم ضروفك
كتلني حنيني ورتك تجيني
شمتت عداتي تردلي نخيتك
*
بـويــه ادري الموت مـا خلاك اليه
وادري دلالــك يـحن هــسه علـيه
گمت كل ماگول بويه افرگ بديه
وهسه احشم بلكي اتردلي المنيه
هاجرت زماني البلجفه لواني
وبيك نايباتي لتضن نسيتك
*
ابوحيدر
الصبيحاوي
مايتم صيامه راعي اليتامه
حضرو منيته بچو الحمامه
***
اتحضرو اهل الرذيله اعله المصيبه
وگــالــو املــاگاه تـظل اكبر عجيبه
علي مــو يـاهو اليجي يگابل لهيبه
لازم ابــوكت الصلاه واحـد يصيبه
الگابله توهم مااضنه يسلم
يحضر ابوصيته ماتظل سلامه
*
ظل حقدهم والسقيفه الكل سويه
ولو بديهم هــمه چـا جــابــو منيه
كل عمرهم خــاف حــمـاي الحميه
وهــسه بـنـيـاب الغــدر بانت اذيه
حيدر ابصلاته التمت الشماته
واضح ابهويته للشرع عـلامه
*
اليله كل ايتامه مشتاگه الحنينه
ودع الـدنيـه ومـشه حيدر ولينه
غمضت كل المجره بغمض عينه
وكل موالي اليوم نسمعله ونينه
نايحه بسمانه وختلف هوانه
يخنگ اودريته طاحت الشهامه
*
يصيح اه المسجد وصبت دموعه
لو اديـن العنده چـا يلطم ضلوعه
الفجر مـدري شبيه متغير ابنوعه
صار بلمحراب حسره وبـيه لوعه
جمرته لهابه ابدليل احبابه
گلبي حيريته والجره ندامه
*
الهسه محرابك يون وبگلبه حسره
طبرت الراس اوهظمنه بينه جمره
. علي هـز الگاع مــن طايـح اشكبره
طفت كـل انجومنه ومـابگت گمره
ياعلي هضيمه شيعتك يتيمه
والحزن جنيته وعايش بهيامه
*
ابوحيدر
الصبيحاوي
بده حزني نسمع وني
بويه يبويه
***
چنت اباوعلك وشوفك تچوت اسنيني
من تحاچيني
وچنت اتباهه ابـوجـودك ياكحل عيني
وهم تباريني
بويـه يجرحني البـعـد ردتــك تداويني
لا تجافيــني
الوكت ذبني نسمع وني
بويه يبويه
****
عيوني تنشدني عليك ودمعي ايلالي
مــالگـه الغـالي
طاحت مـن ايدي وتبدت كلهه امالي
بروحت الوالي
بويه من يوم المشيت الحزن يبرالي
اوغير احوالي
الدمع فني نسمع وني
بويه يبويه
****
گمــت ادورلــك اثـر يوجعني اغيابك
يوجع امصابك
انـــه كـــل ليلـــه اتــانــي مللـت بابك
انشـد احـبابك
فدوه رجعلي لهفتي ومسح اخضابك
ناطره اعتابك
بگلب محني نسمع وني
بويه يبويه
***
كــون اخليك ابدليلي وتبقه شريانه
تگظي احزانه
بويه من رحت وعفتنه الروح ولهانه
بيــك حيـرانه
بـويـه شحچيلك تراهو البعد اذانه
يــهــد فرگانه
حزن هدني نسمع وني
بويه يبويه
****
ساعـــه بيهه المااشوفك تشتعل ناري
حيره بفكاري
دمعي واحزاني يصيرن هنه انصاري
تاهت اعذاري
اطيح كل ادموعي من اتذكرك ثاري
واذكر الطاري
غرگ جفني نسمع وني
بويه يبويه
****
عمري اخلصنه بدونك كله حسره
وبيــــه عـبره
نار بعدك مــن عفتنه الهسه جمره
ودمعه حمره
الـــراح بهدومه ادور گمـت عطره
ولـــــو گطره
خاب ظني نسمع وني
بويه يبويه
****
ابوحيدر
الصبيحاوي
طر اگلوب الايتام لـــمن طــرو الهام
كسر كل الخواطر فزز حتى الاحلام
**
مصيبه وعليتامــه الـيله صارت بيهه لوعه
اليوم الفــگد حيدر بس يـون يلطم ظلوعه
كــل مخـلوق هــاي اليله ظل تهـمل دموعه
الوكت مدري شجا يادنيه شو مختلف نوعه
الناس ابلا وليهه الحزن باين عليهه
خافت يجي باجر وتخلص العمر الام
*
اليله الكون كــل اختلف واضح مـن نهاره
حتى الشمس ظمت روحهه وكلشي تداره
من هول المصيبه الخلگ ظلت هم حياره
بس المــوت مــن بيــن اخــذ بيــنه قراره
ماضل صبر بلناس طاح اليرفع الراس
بيــه الوكت عـاثـر دليل الوادم انظام
*
العاشو كل عمر حرمان هسه شلون بيهم
اذا چــل ليلهم ياهــو اليجي ويمر عليهم
تعال انته ردت تسمعهم اوتعرف حچيهم
مــن يـوم الرحـت صـبو دمع تفرك اديهم
كل حيدر يصيحون يتامه وتجري العيون
الكسرهم ياهو جابر شيرد ذيــــــــچ الايام
*
بويه الكوفه كلهه تصيح والدمعه جريه
وحتئ السمه بذاك اليوم حزنانه اونديه
بخت الدنيه بـيه كله نحس طايح رميه
الزمن زعـلان وي وكـته لان غدرو وليه
توجع جيت البين يتيم افراگك الدين
وياهو بعده صابر وغمض جفنه اونام
*
ابوحيدر
الصبيحاوي
ننــصب الـعـزيه ونندب الرزيه
بمجلسه سمعنه لطمه حيدريه
*
الحسن ديوانه حـزن والـهم اجاله
واگـف اعيونه جرت هوه اوخياله
اليله اهـات اوبـچي وكـتي شجاله
يندب ابدمعه الحسن موت العداله
بدمعته مناحه تلچم ابجراحه
مـأتمه جـمعنه نــاحت الـبريـه
*
واگف حسين ودمع عينه يسيله
يصيح بويـه علي والونه ابدليله
هايـه ليله صارت اعليهم طويله
حسره بيهم توجع الفارگ خليله
بلگلب لچمته مانسو چـلمته
يتمو شرعنه حارت المسيه
*
اهنانه زينب بويه گـالت ياهظيمه
اليله دمعي يصيح اسمعنه ظليمه
صـرت مـــن عگبك يهيبتنه يتيمه
راح حيدرنه علــي راعــي الشيمه
تلگته منيته رايح مالگيته
بغيبته فجعنه حماي الحميه
*
اليله شادود الاطــم عباس اجانه
عل ابو دمعه يصب طافح حنانه
يگــول والـينه مـشه والهم ولانه
يصيح يلناعي احــچ سمع بچانه
الهيبه فارگيته بدمعي شيعيته
والحزن طبعنه وعيني الـنديــه
*
اليوم ايتامه اجــت تلـطم حزينه
تگول شـو مــابيــن اعلـينه علينه
جبنه طاسات الابــن بثنين ادينه
بلكي منـهه ويــرد مـولانـه ولينه
غيبتك مصيبه بگلبي اولهيبه
غيرك اشنفعنه سيــد القظيه
*
ابوحيدر
الصبيحاوي
يجرحني الحچي بيك احس وناتي تنعيك
اتيه بحيرتي اوياك احب ايمرني طاريك
*
تظل وياي مــن يوم الصرت والحد مماتي
بدونك بعــد ماتسوه احس ظلتي وحياتي
الك وحدك يصب دمـعي ويسولف نايباتي
سوله الحزن صار وسلوتي وصاير صفاتي
تمر ذكرا واهيمن واعزي الروح بيمن
اغمض عيني والگاك بيـهـن انـــي الـگيك
*
اذا بويه گلت دمعي يصب يكتلني الافراگ
چنت لــو تسد باب الغرفه بويه الك اشتاگ
هسه من رحت كل الوكت بعيوني هم ظاگ
يـخيمه وچــنه كلنه ابسدك وماظلت ارواگ
كلشي اتبده مني راح الـيلــه عنـــي
شلون الغالي انساك وانه اتمنه احاچيك
*
تدري انته العزيزه ابلا ولي مهظومه تالي
شلون اتغمض العين التظل من دون والي
انه ابابي انتضر بلكت يجي وبلظيم حالي
اخذ كل شي بجفاء لمن رحل يادنيه غالي
طوه ياناس الايام تبدت كل الاحلام
اصيحن يوجع اجفاك يشهد علي باريك
*
على باب الگبر صـحت بهظم ردتك تجينه
بويه الهم لفه يوم الرحت بروحي الحنينه
صحت يمته تجي من هاجرت وترد علينه
الگلب مــن غيبتك بعده يون نسمع ونينه
نحشم بلكي ايعود وبينه الدمع هادود
الهندس رادت اضواك وانه بشوگ اتانيك
*
ابوحيدر
الصبيحاوي
نعي /الامام علي ع
******
لمــن دنـاله عــلهامـه صــاب الحيد لمن دناله
بظيم حاله طـــاح وتلــگه الگــاع بظيم حاله
گبله خياله تمــدد علــى المحراب گبله خياله
****
تبچي اليتامه علطايح ابمحرـاب تبچي اليتامه
مثل الحمامه ظلت تــون وتـنوح مثل الحمامه
وسفه وندامه حامينه ابهل حال وسفه وندامه
****
الناعي جبريل يوم الوگع مولاي الناعي جبريل
ادموعه ترتيل جود ونينه وصاح ادموعه ترتيل
ون المهاويل ونـــت النـاس اعليه ون المهاويل
****
ماتم صلاته وسفه الولي ياناس ماتم صلاته
ودع حياته الگاظيهه بس اهموم ودع حياته
جور الشماته فطرو بيه رمضان جور الشماته
****
زينـب تنادي بويه وتصب ادموع زيـنب تنادي
گالت حدادي راح البس انه الـيل گالت حدادي
يلچم فؤادي لــو مر علي طاريك يلچم فؤادي
****
صبن يلعيون ماخلي بيه ادموع صبن يلعيون
ماتطبگ اجفون انشد عليه اليل ماتطبگ اجفون
خلهم يلومون المادرو بيه اشصار خلهم يلومون
****
يلرايــح ابعـيد شـيرده بعد الراح يلرايح ابعيد
لادمعي ايفيد غيمت لو مطريت لادمعي ايفيد
دلالـي ايــريد بس شوفتك وارتاح دلالي ايريد
****
ابوحيدر
الصبيحاوي
حبيبي اوداعتك صدگني اهواك
يـــااجــمـل قصيده تــمر خـيالي
ادور اعليك وصــط الگلب الگاك
واسئل خاطري يگلي اعلــه بالي
الهوه انتــه وامــوتن انـــه لولاك
الـــكل شــرجي واحسنك شمالي
اذوبن مـــن يـــمر يلغالي طرواك
اصـــبر الـــروح بس ادريك غالي
غشيمه اهل العشگ تتقارن اوياك
بحروف اسمك احس عيني تلالي
بهــل الشوگ سهـله كلمت انساك
بـــس انتــه فـــرق حبــك مــثالي
اباوع بيــك وارمش يكتل اجفاك
واحس عــمري بدونك چنه خالي
اتيهن مـــن ابــاوع وصط عيناك
وبـــس اللهُ دره بـياحــال حــالي
حبــيبي الــباري رب العزه سواك
وانـــه الحبيت يــاهل ناس والي
وتدري انـته الگلب مولاي والاك
والـــحـبك يــظل لــلـدوم عــالي
*****
يــمنتي تظـيع مـاميز شمالي
واشـمن بـيك يعذيبي شمالي
تهيم الروح وي ذكرك شمالي
واذوبن من يمر اسمك عليه
**
ابوحيدر
الصبيحاوي
اسنين صار انتاني يل عايش ابوجداني
يلمنتظر كلك فخر
يل عايش ابوجداني
***
انتة ياشمعت هلك مانجهلك يلغالي
الامامة اتلوك الك من الملك يلوالي
بعيونة ملگة اوهله وشواك نحمل قافله
والجيتك كل خلتك
ملهوفة الك وتعاني
*
تانينة يلغالي اسنين منتظرين تلكانة
بشوفك نكحلها العين مشتاگين لحظانة
ساكن دليلي وروحي بملگاك تبره اجروحي
يامنيتي وبدنيتي
والبعد حيل اذاني
*
نحسبلك اسنين اهواي يامنواي للملگة
الروح بفراگك ناي وبدنياي بلفرگة
بگد النجوم اشتاگيت بگليبي مدري شسويت
يافرحتي ياغايتي
يل صرت كل عنواني
*
بحساسي احسك موجود ياعنگود دلالي
يل ماتحدك الحدود يابوالزود لتبالي
احرك گلب شماتك اتنفس ردت نسماتك
يلحنيت وتمنيت
بسمك نتك شرياني
*
انريدك ضوه ونتانيك يلندريك تضوينة
يلربي حجة امخليك ومباريك مهدينة
متوصط ابعين الناس ياملك وبلا حراس
يلبلوصف ماتنوصف
تسولف عليك احزاني
*
امحير ابعيني الدمع ماينگطع حسيتة
يلفرگتك كسرت ظلع اوينسمع تاليتة
ابالي ارسمك وحتار شايل معاني الجمار
يادمعتي ياحسرتي
راح اوبعد ماجاني
*
ابو حيدر الصبيحاوي
حبك سباني حبك سباني
اسهر واعاني اسهر واعاني
گلبي النبض بهواه يخلص العمر وياه
اني وزماني اني وزماني
***
حبك ملك دنياي غالي وغلاتك هاي
وصط الگلب مولاي
احله الاماني احله الاماني
***
بين الخلك محبوب حبك يطهر اذنوب
منك ابد ماتوب
الحب جنناني الحب جنناني
***
عاشك وريد اوياك طير الگلب بسماك
موبيدي انه اهواك
انته بكياني انته بكياني
***
بشرياني رايح جاي اعطش وظوگك ماي
بروحي وتظل وياي
منبع حناني منبع حناني
***
جنت عدن وتفوح وياك العشك مسموح
غالي بغلات الروح
ما غيرة ثاني ماغايرة ثاني
***
حب اوفرح وامال الغايب سكن دلال
يل تنشد عله الحال
عاشك تراني عاشك تراني
***
بيك المحبه تزيد بروحي واحسك عيد
يمي وگول ابعيد
ماظن نساني ماظن نساني
***
ابو حيدر الصبيحاوي
هوسات /للمنتضر ع
***********
ياصاحب زمان الكون كله يصيح
يترجه الضهور وينسه كل تجريح
يل اسمك دعاء اوصار هم تسبيح
متانينه كل يوم وساعه
*
لبو صالح اسلوف يعجز الساني
ومــن امـت محمد صار عنواني
ظل حبك نزيز ابوصط شرياتي
ويسگينه من حوض الكوثر
*
نتضرت اهواي گلبي الشوفتك محتار
يــــل منـهـجك منــهــج حيــدر الكرار
يـــل خليت كـــل اعـــداك تــبقه انذار
واليمشي بدربك هيعونه
****
ذوله اهل الكرامه والشرف والدين
ذولــه البـاري مـيزهم على الكونين
ذولـــه ال النبي اولاد ابو الحسنين
ونتباهه بولاد الزهره
*
ابوحيدر
الصبيحاوي
وين الگاك يل روحي تظل وياك
وين الگاك مر حمظل يظل اجفاك
روحي اتبيد من ايمرني طرواك
اتيه ابظلمت افكاري وريد اظواك
بگلبي تعيش ساكن والگلب يهواك
بعيوني ادورك ونته بيهه اهناك
يا نسمت هوه هنياله من شماك
شلي بل عمر وشنهي الحيا لولاك
تانيت شكثر وشگد بعد اتناك
مرني فدوه يل غالي تعال ارجاك
يغايب كحل اعيوني بنظر عيناك
وحط فوك الجفوف بداعتي يمناك
نسيت الدنيه كلهه ونته ما انساك
*******
ابو حيدر الصبيحاوي
مـــن اگـولن عــلي اتوضه واگوم
وانــكت اغـــبار الزمــن واهمومه
لـــو اصيحن اسمه يحتار الحنين
وچــن احسن هامي شو ملچومه
علي كـــل احروفه مـيزان اوشعر
وهاي حـتى احروفه هم مظلومه
عــلي شــگد اللهُ يحبه شگد هواء
ومــن ضـواء الباري سوه انجومه
علي لــو يمشي الحق يمشي وراه
حـقــه غيــر يـحبـه ليــش انـلومه
عــلي سيـف الـباري ومثبت الدين
مــاتظل شجـعان لــو طــب حومه
چان ابو الحملات ويه اهل الرقيم
وحـضـر عيـسئ بـلمهد مــن يومه
شــرد اســولف عـنه يحتار الكلام
والسوالف دونــه احـس مذمومه
الــكل نبـي حيدر حضرله ابشدته
حـتى يــم يــونس يعوفه ابنومه
چــان بلــطوفان وي نــوح الـنبي
الــماي يهــده مــن يصد ارسومه
الله حـــط ســره بـعلي اوفـضلاء
وسخرالـــه الشمس ويـه اغيومه
المايــحب حيــدر اظنــه بلا عقل
وروحه بس هـم اوحقد مختومه
اخـــذ زلمـــه حـــير التــاريخ بيه
الهسه كلهه اتسولف اعله اعلومه
غير ابو الحسنين حماي الدخيل
لـــو يمــر طرواه اصـيح انعومه
*
وعت كل الجمل بسمه وعلا
والاهــي بنـور بــارينه وعلا
بينـه الطــبره حسينـه وعلا
من طر الفجر شفنه المنيه
*
ابوحيدر
الصبيحاوي
علي مع زينب
****
علي بويه يزينب لا تونين
اخافن ونتچ تجرح شعورچ
اموت ولااشوف الدمعه بلعين
قلعت شرف انتي وعالي سورچ
***
ماذه قالت زينب
*****
زينب انه يبويه ودمعي سجاب
وذا مني رحت يا هو يظلي
گبلك بويه امي فارگت دنياي
وبعدك ياعلي بيه شيخلي
مو انته كفيلي لو رحت احتار
جنت وياي بويه مثل ظلي
لتخليني وحدي بهاي دنياي
شني ظلتي يبويه اوبيهه شلي
******
يدنيه جروح گلبي وياچ شلي
ابوي وغيرة ياهو الي شلي
الغدر حيدر يدنيه ارجوچ شلي
حرمني امن الابو وشسوه بيه
******
علي مع العباس وزينب
**********
عفت عباس يمچ رفعت الراس
يشيل الكون لو بس تندبينه
الچ بويه كفيل ويبقه نوماس
اريدن شوفته العباس وينه
******
العباس مع علي
*****
اجيتك يا علي باصط يميني
انه العباس ويدي فوك عيني
بويه يا علي زايد ونيني
صبري منين اجيبه وهم يجيني
عيني اتصب دمع وتصب حنيني
من تروح بويه وتجافيني
*******
ولاني البين بحبابي وليتام
قصر حزن الخلك كلهه وليتام
ابابك ناحت العترة وليتام
ابجيهم فززو كل جرح بيه
******
ابو حيدر الصبيحاوي
يابويه انهدم حيلي
*********
طاحت دمعت اعيوني ومن وني يلوموني
اموتن بعده يدروني ونهاري ينگلب ليلي
**
يتيمه والوكت ضدي باتت دمعتي بخدي
ماي اعيوني متبدي اصيح بحرگتي ويلي
**
توجع لچمت الايام مايحمل دليلي الام
لاعين الغفت وتنام وبس النوح تاويلي
**
ظاگت والدمع سچاب بدلالي ونين اعتاب
شيرد المشو غياب نــوح اوهم يلوليلي
**
يجرحني البعد ظليت ادور شوفتك ياريت
بيه بويه اشسويت ظلمه وچنت تضويلي
**
بگلبي الاه والحسره بعيني مابقت گطره
بهندس عوزت گمره يدنيه شمالچ اتميلي
**
شيعوض الابو ياناس بجاله ماتهبط الراس
الابوأه ياخلگ احساس بـنص دلالي توميلي
**
اليتيمه والدمع صحبان چنهم بلمحنه اخوان
دم ويجري فد شريان يدمعه بحرگه هليتي
**
ابوحيدر
الصبيحاوي
بدمعي اسمع اهات تـــون كـل العبارات
ابوي الهاجر اليوم راح اوخــله دمعات
**
تعال بنـص دليلي الاه تلچمني مــن اناديك
چنت من انهظم تدري احن اني المحاچيك
بعد لوردتك اني شلون اجي وتگرب اعليك
بويه بدمعتي ظليت اون يــم بـابي اتانيك
جرح مايبره ويطيب يگظي العمر تعذيب
وعيني تحارب النوم تلچم گلبي حسرات
*
اباوع والدمع منــي جـره وحزني علي بان
سكت كلشي تــره لـمن مشه ظلتلي احزان
من يوم الرحت نص الگلب حسيته نيشان
مثلك ويــن اكــو نلگه بعـد حاير الوجدان
احس يوجعني اجفاك اخذني صحت وياك
دليلي اعليك مهموم طفت بعيوني شمعات
*
ادورلـك اثــر ردتـك تـجي وصوتك اسمعه
بــدت مـايهه اعيوني واحس مابقت دمعه
الميتله عــزيز ايهـم يظل وبس نوح طبعه
يظل يحرگ ابروحه من يهم ايصير شمعه
الجفه يشيب المرتاح ويگظي العمر بنياح
يخلص اسنينه مظلوم وتهد الحيل عبرات
*
اتاني ابابي بلكي يعود اگولن حتى احاچيه
ردت بـيه يــمر بطول البــعد ياذيني طاريه
على يادرب خل ايگلي حتى امشي واتانيه
وي روحـي ونيني ازماط وبلحسرات انعيه
صفينه كلنه ايتام وسفه والف ننظام
علينه الحزن مقسوم حزنه بگد مجرات
*
مايبره الجــرح ودمــعي احس اتبده اوطاح
اسمع هم ثغيب بنص دليلي وكومت اصياح
طير انــه صـرت وبلايه عش ومكسر اجناح
هوه الجاب عمره بــس تــعب يـايوم يرتاح
يون عمره وزمانه الفارگ هـــم امانه
يظل للتالي ملچوم يون ون اليتيمات
*
ابوحيدر
الصبيحاوي
اليـله العـالم احــتار طاحت كل الاسرار
انطبرت هامت الدين الوكت متحزم اوجار
**
وگع قرءان بــاري الكون وتوسد المحراب
كل صاحت تره حيدر علي بلفجر منصاب
هــذه الـقـلع خيبر هسه گام اتوجه علباب
نعرف كــله فــخر ظــل هيــبه ابــو اتراب
الفجر جاب المنيه وگع حيـدر رميه
طاحت كل الاسنين وسفه الوكـت مندار
*
الگـاع اهتزت بطيحت علي والتمت اغيوم
العزه صار ابسمانه وشفنه متنگبات النجوم
طاح الچان هيـبه النـه تـره مـولانـه مظلوم
الفجر بيده الحزن لمـن اجـه وموزر اهموم
مذهوله صفت ناس كلهه امدنگه الراس
وظلت تهمل العين التمت كـلهه انصار
*
يوم انصاب چــن ثلمو سمه وختل نضامي
امير الكون طاح وكمت احس غرب امامي
ادور ياضوه مـاظن اكـو بــوحشت ظلامي
بلساني احــس انــته صـرت احله الاسامي
جرحك بينه ماطاب وسفه الجبل ينصاب
يلمغرب رحت وين تعـال ومـرنه خطار
*
چم ركن ابركن اتهاوه وي صوت المساجد
نحس الموت ظل يفتر عليه مولانه ساجد
حتى الچان نــايـم فــززه مـــن طـاح عابد
مـگـبل مـــااجــو نــدري تره والباري شاهد
انثلم ركن الديانه الوكت ماصح امانه
لن طايح ابوحسين وشمتت بينه اشرار
*
كلشي طاح بس دمعي احس راكد بلعيون
عيوني چن هون مـو مـايهن لتگلي اشلون
الدنيه اتوزرت هــم اوحــزن وتــغير الــون
اليله املاك بارينه ابــدمــع وبيـنه يـلومون
فقدنه اغله غالي هجرنه وراح والي
ونون اعليه صوبين وگلب الفارگه حار
**
ابوحيدر
الصبيحاوي
جرحك الاچمنه يــاعلـي هظمنه
طاحت المناره بطيحتك املنه
**
حزن شهر الـباري اوعـاتـب صيامه
يگول كون ابهامي ماطبروله هامه
اليله ايــات اوصـور صـارن يـتامه
الفجر ظــل املثـم وبـاقي ابظلامه
فطرت البواچي تاهت المحاچي
راعــي الامــاره بلدمه تــحنه
**
هذه رمضان ودمعته تظل جريه
اليله كــل الــكون مـحتار ابـوليه
نعاد يـوم المصطفى خير الـبريه
اليوم تحضر بلعزه حتى الزچيه
الدمع تسيله هيه والعقيله
شيعته حياره عاتـبو زمــنه
*
فطرت الناس ابــواچي كلها ناحت
اركان دين الباري اتهاوت وطاحت
علي كـفــال اليتيم ايــامــه راحت
روحه شافت ظلم مايوم استراحت
متحمل هموم والايم يلوم
طيحته خساره والحزن شملنه
*
نــزل حــتى الـوحي بلاهات كبر
گال اخــر لحظه اومايظل حيدر
اليله خطـار المنـيه وراسه منطر
بهامته حيدر عـلـي وســفه تعفر
التهابه الالوف ماخله الصفوف
سيد الاماره رايتنه وعلمنه
*
ناحت انجوم الثريه اعــله الولي
اليله كلـهه اتصيح احــضر ياعلي
اليـوم ديـــن البــاري كـلــه يبتلي
الموت غبـش والفجر بــيه ننـولي
والدمع چوانه مختنگ هوانه
حزني اوقراره والدمعه هملنه
*
ابوحيدر
الصبيحاوي
نعي الامام علي ع
******
يـل مبچينه ومـبچي اليتامه
نــون اعليك ونــات الحمامه
الحزن والنوح سوينه علامه
وننشف اعيونه بهاي المسيه
*
ويـــه طيحته طاحت مدامع
وكثــرت بلولي كــل المواجع
بچه محرابه ومگابل الجامع
وظل اينوح ياحامي الحميه
*
عليك امحيره دمعات الاحباب
وزينب تــانتك يــاعــلي بلباب
يتيمه اتمايلت والدمع سچاب
وشافت نوح وفراگ اواذيه
*
كـون ابهامنه مـــو هامت الحيد
تره الحسنين اسود عدهم العيد
شفت بجفاك هايه الدنيه متفيد
وعــين الفارگك ظــلت نديه
*
بويه تصيح زينب والدمع سال
عگبك كلنه بــويـه مكدر الحال
حسينه الــزمان ابطيحتك مال
طاح المرتضئ وناحت بريه
*
يبـاب الله الوسيع اليله مسدود
ويمك كـــل هلك متناثره اورود
عفت ابروحتك چم گلب ممرود
وتون اعليك خليت الثنيه
*
اگلـب الــيل مــايخلص بهاماك /الهم
يمــن يسوه السلف كـله بهاماك /ابهام
عمت عيني الجرح يدي بهاماك /الهامه
وعليك اتنوح شفناهه المنيه
****
ابوحيدر
الصبيحاوي
طفه كل الضوه اختنگ حتى الهوه
يلمغرب صحت نمـوت احـنه سوه
****
اليله روحـي ارماده اطشنهه بثوابه
وهذه گلبي الچان ماحاسب حسابه
اليوم كـل عمـري اخلصنه اعله بابه
الراح من عدنه مشه موحش غيابه
نحس كلشي افل بعــد مــاظـل امل
تعال اوصيحت انــــه امفرگ جبل
**
الوكت محتار ابزمانه اعله الجفاني
وانـــه اگول الـراح مـــاظنـه نساني
مــن مشــه ويــاه اخــذ كل الاماني
دهري بااغله الناس صوبني ورماني
الدمع طاح اوجره وكــل شامــت دره
الامــي شــفــت طحت ماصح ذره
**
مـــاي احسنه اوتبـده ابگاع رملــه
والمشه بدلالي مـدري شنهو خلــه
ابگــلبي الام اشكثر سـوالـي علــه
وكتي بهمومه لفانـي ودهري كلــه
علي خيــم حـزن صفيت ابنوح اون
محبوبي ردت الــه روحـــي تحن
**
فكرت افراگك چوتني چنهه جمره
چنت اشوف الهندس بطلتك گمره
كــون تنــدار السنين انــدار عــمره
اواشلت عيني ابجفاه مابگت گطره
مطر عيني تصب سكت نبض الگلب
عليهـــم دورت صرت نــار اوتشب
**
رد عليــه يلعفتني بصــحره دونك
شلون اخلصنه العـمـر ابـلا عيونك
فدوه لا تغمض يبعد اهلي جفونك
جيت انشدك يلرحت گلي اشلونك
البعد سوه اثر الدمع بلخد حفر
وبعده اتعثرت وهد حيلي القدر
**
صرت جرحي المابره ملچوم تالي
يعيــنه الله الفــارگ ابــدلاله غالي
يگظي اسنينه دمــع عيــنه يــلالي
العايش ابلايه عزيزه عـمـره خالي
يون ونت وفه شمع روحه انطفه
تالي اتگنطرت ومشه كــــل الدفه
**
ابوحيدر
الصبيحاوي
طاح الولي حيدر علي
دمـه جـره ظل مبتلي
هذه الشلع بيده الباب هامه ابغدر طبروها
***
ابمحرابه طاح وچن ثغب محرابه
حيدر صريع وحيل يـاذي اصوابه
حزنت الدنيه مــــن لفانه امصابه
بلهم نظل عشنه ابعلل
كلنه اهموم ماظل امـل
لمن وگع بان الموت وروحه تـره غدروها
**
وكت الفرض دنگ السيف الهامه
نــاحت الدنيه اعليه ويـه ايتامه
مكسور خاطر صبح هم اسلامه
ناحت اله كــل المله
والهم كثر نوح العله
صبت دمع كل الناس بطيحت علي هظموها
*
بحيدر اتباهه الكون ويـه انجومه
طش بلخلگ صيت الامام اعلومه
اركــان الهدايـه اليله هـم مثلومه
طاح الوفه الكل تعرفه
لمــن هـوه كلشي طفه
من بعد عينك ياعلي كـــل الخـلگ اذوهــا
*
صوت الدمع ظل ينسمع بمصابك
مفجوعه ظلت كلهه هـاي احبابك
اليله اليتامه نـاحت ابسـد بــابـك
صار البچي ماظل حچي
طاح الجبل ظل منتچي
رغم الجره ظل مهيوب وبيه شيعته يتموها
*
طاح النـده وي طيحتك مولانه
ثــاري بچت حتـى السمه ويانه
وناحت عليك اويانه هم دنيانه
صبت دمع لطمت ظلع
صاحت علي بيـه ننفجع
تبچي عليه كلهه اليوم كل الخلگ فجعوها
*
يــوم الــرحل كـــل السمه مبهوته
خرسه الخلگ لمن علي بح صوته
بــعيونـــه ودع خلــته وي مـوتـه
غمض جفن والكل تون
بـــان اوداع صار الحزن
كلهه صفت بعده ايتام من هامته حنوها
**
ابوحيدر
الصبيحاوي
ياموت لاتدنه يمهم احباب گلبي الي احبهم
انموت احنه ابطاري الفـراگ
اگبالنه وكــــل ساعه نشتاگ
احباب گلبي الي احبهم
*
المفارگ ايهده اليــل والحسره تلچم خاطره
واعيونه علباب اتـحوم بلكــت يــرد الناطره
ساعات الغروب اتصير بس الهموم الحاظره
الفارگ ابوه ياهل ناس لو عمر يبچي عاذره
موحش البيت اوخالي دونك
تســوه شكثر شوفت عيونك
گلبي ابونينه ايگول اودهم
****
متعوده روحي ابخلتي شلون الجفه يصير
عشت انـه لحظات الهظم چــن يوسف ابير
الرايح عزيزه ممتحن يــاصوب الـــه ايدير
ويگظي حياته ابونته وبيــه البـچي ايـحير
كلمن امفارگ دمعه ينعاه
متروس بلهـم والقهر واه
الراحو بعد ياهو اليردهم
****
بحساسي اهـــات اهواي وبگلبي ونات اونوح
العايفنه واحنه انتانيه رايح اوعايفلي اجروح
شعندچ اوياي اتظلين المفروض ماتبقه الروح
بساعت وفـــات احبابي روحــي تغـيم وتروح
شلي بحياتي بعد الاحباب
مليت عـــود اتنــطر الغاب
بس الجسد والروح عدهم
****
ماتت الدنيه بناظري من مشه وصارت هيمه
هندس سمانه صبحت صــارت سوادت غيمه
دلالــي مــن يــوم المشو زايـد عــليه ابظيمه
ماشفت راحه ابدنيتي من رحل راعي الشيمه
ماصخ وكتنه ودهر ظالم
بجيت احبابي اظل حالم
يتراب بالك تمس خدهم
****
كــون اليموت ايـرد يجي يومين بين احبابه
ايشوف عملات الوكت وشسوه بينه امصابه
مشتاگله كلشي اوعــلي ويحن عليه هم بابه
توجعنه شهگات الهـــوه امــأثر علينه اغيابه
بگلبي ترك حسراتي والام
وظليت اعــد العمري ايام
اذونـي يــانــاس ابوعدهم
****
بصفناتي چن يدبي علي شيب وصعد للهامه
ودلالــي شيصبره بعــد وزادت عليه اوهـامه
المفارگ الــهيبه شتــضن نــگدر نــعــد بالامـه
الحزن شـــن حــربه علي وعالي يدگ دمامه
طــاح الصبـر مـنـي وتبده
والراح اخــذ دلالــي عنده
يادنيه شحچي اني عنهم
****
ابوحيدر
الصبيحاوي
بمولدك مولانة شيعتك فرحانة
عيد ومعيدينة ونفرح الوالينة
شيعتك فرحانة
**
فرحت اليوم السمة واهل الارض
والگلب بي اختلف حته النبض
صار حبك بينة يلغالي فرض
خل نحط الزينة ونفرح بغالينة
والسرور اويانة
****
اليوم گلبي شبي ذاكر خلتة
ومن فرحتة الساني تيه چلمتة
اليوم كل شيعي اوموالي ابسمتة
وبس فرح طارينة من الحزن ملينة
وتبتسم دنيانة
****
هاي املاك السمة تبارك علي
وشافت النور اليشع ظل يعتلي
للولي گالو امبارك عل ولي
وبي تبشر دينة سر گلب هادينة
المنتظر عنوانة
،*****
مولدك خير ويعم بينة السرور
بيك نور العرش ويلالي النور
تعجز بوصفك تره كل الصطور
الهادي گرت عينة بي اوشكر بارينة
اوبارك الخلانة
*****
ابو حيدر الصبيحاوي
بلفرح هايه المسيه نهني بيهه المرجعيه
افراحنه اليله نضويله ندعيله
يضهر للمله
اشموع للغالي وللوالي وامالي
تفرح كربله
****
اليله جبنه الياس جبنه الفرحه كلنه
ابمولد ابن الزهره فرحو حتئ اهلنه
وخير كل الخير ربي يعم وطنه
جبنه شمعات اونضوي وهم شعلنه
اليله ليلت عيد بيهه شگد فرحنه
هاذه يومك ردنه تظهر بي املنه
الفرح بلديره انتشر وبلسمه شع الگمر
ضوه فرحتنه ولمتنه بخلتنه
فرحان اويشع
انجوم ملتمه ومهتمه بلهمه
هوسات استمع
اصواتنه تعله شجيه نهني بيهه المرجعيه
**
نطش على ادروب الفرح صورت محبه
وكلمن بهل يوم هاذه فرح گلبه
گمنه نتمنه الظهور اي وحگ ربه
ونشم نسمه من مقامه ونحس عذبه
المهدي بيه عشگ عمري وبيه يربه
غير هوه ابن الزچيه اوحيل احبه
عمري اتانيله ابصبر وفدوه اله كل العمر
محبوب دلالي الغالي الوالي
لعيوني حرز
صوت تانيته وحبيته وناديته
باحلامي وافز
اليله فرحانه الرعيه نهني ببهه المرجعيه
***
راح نمسح كل دمعنه نطش مسره
والفرح ندريه يجي بكل سنه مره
هاي ناس الفرحت النه كلهه حره
تبقه بس شوفت امامي بينه حسره
صح فرحنه صح صبرنه اوهوه ادره
صرنه مثل الزرع گام ايريد مطره
وحيل گاتلنه الظمه عيونه اتصد للسمه
اشتاگ يرويني يهديني يخليني
اشوفن طلته
يدرينه تانينه حنينه الوالينه
واحنا خلته
ويفرح اليله نبيه نهني بيهه المرجعيه
***
ابو حيدر الصبيحاوي
قد غابت الانوار حين مغيبكا
وكل الكون اصبح في انتظاري
طال انتظاري ياغايت الامالي
وزاد الشوق فينا من الاصراري
ياحبيبون قد غاب عن حبيبه
واحترقتو من الفراق بناري
اين انته يا مؤنس القلوب
ياغائبن او حاظرن انته اختياري
****
انتظرنه هواي حتئ انشوف املنه
يماي اعيونه شگد بيه حلمنه
شوكت ساعت ظهورك ياعلمنه
مل حتى الصبر صاير الامنه
يمكن بعد ما هم تلحگ النه
شوكت ننطر تجي وتلم شملنه
ويوميه عليك اسئل اهلنه
فدوه اضهر گبل ليمر اجلنه
****
من وني صفت روحي دولهه
ودليلي اعليك يلغايب دولهه
لئن بس انتة وصفولي دولهه
وغيرك مايفيد اعلاج بية
*****
ابو حيدر الصبيحاوي
ناطرك يابعد گلبي وخاطري
ومطشر سنيني وتاني شوفتك
تعبان احسن بنتظارك ناظري
گلي شوكت مولاي تزهي بطلتك
*
خاف اموت وحصره تبقه بمهجتي
عايش بدنيه ارد اشوفك غايتي
بدونك الدنيه غزتنه بلظلام
ليش تجفينه انته وحنه خلتك
************
يا گمر تانيتك بهندس تجي
اليل اخلصنه بونين او انتظار
حضريت الشوفتك كل الحجي
عطشت عيوني الك تروه ابحار
*
كون اشوفك حته احطك بلگلب
صحره روحي وانته احسنك عذب
شوكت نروه بشوفتك حاچينه
گلوب عشاگك الك مشتعله نار
***********
حالي عاشك ينتظر جيت حبيب
ولهفت الملگه عرفت معناهه
بگد غيابك حبك بگلبي عجيب
وروحي الروحك صفت تهواهه
*
بيش احلفك لاتظل غايب تعال
انته عيدي وعيني اتناطر هلال
وينك احتاجك فرح مر بينه
وگمنه حته الضحكه هم ننساهه
***********
ابو حيدر الصبيحاوي
حسين محبوب الزچيه
انــه احبه ومــو بــديه
****
انـــه گـمت اتنفسه بــكل صباح اوكل مسه
ضوه بــــس اتلمسه وهــوه مــن الله هديه
****
حسين شوگه حيراني عـاشگ وعنـدي اماني
من يمر اسمه بثواني مدري شنهو يصير بيه
****
بمولده ارسم مــهد وبــيه اجددله العهد
الباري بگليبي شهد مايل ويعشگ وليه
****
شيبت وانه احبه ماعفت فد يوم دربه
اليهوه اللهُ يعين گلبه الفارگه والله خطيه
****
خلصت عمري بهواء نــور ايـامي ابضواء
اگضي اسنيني وراء ورايده يرضـه عليه
****
بذكره نبضاتي تزيد يرجف اشماله الوريد
بگلبي مـاچنه بعيد وگلبي دگـاتـه شجيه
****
حسين اليعوفه يظيع وداعت اعيون الرضيع
خضر ابجيته الربيع وصـارت الــدنيه نديه
****
ابكلشي گمت اتخيله ولــجله احــبن كـربله
خلي تشهدلي المله وتشهد انجوم الثريه
****
ابوحيدر
الصبيحاوي