-
الشاعر ابو حيدر الصبيحاوي.
هاذه الشعار يصير حيئ على التطبير
ياگلبي لا لتحير ياگلبي لا لتحير
حيدار حيدار حيدار
*****
الدم وحدة ايناديه لجلة احنة انبديه
يصب دمنة ويحاچيه نوفيله والحيدر
حيدار حيدار حيدار
*****
تحاچي السيوف الهام اطبر اظل كل عام
بس اسمع الدمام والبوقي اله تاثير
حيدار حيدار حيدار
*****
اليلة اسمع اعداي تسولف تظل ادماي
سوالف نحر والماي والدم عليه ايشير
حيدار حيدار حيدار
*****
البيده قامة يگول خل نثبت المعقول
كل واحد المسئول عن دينة حقة يغير
حيدار حيدار حيدار
*****
دمنة يواسي ادماك كل حيله اتعناك
هاي الدمه وياك مهمه الزمان ايدير
حيدار حيدار حيدار
*****
صاير نشيد الروح بطبراتي اواسي اجروح
ذاكه البقه مطروح ويمة الحمام ايطير
حيدار حيدار حيدار
*****
جيل اليسلم جيل ومايغفة بينة اليل
دگو وطبرو حيل وخلو الزمان يسير
حيدار حيدار حيدار
*****
ابو حيدر الصبيحاوي
انه بعازت ابو وانته ابونه
ادور احباب گلبي المـا اجونه
****
تعــال اعيونــه صبت نضرهه
حزينه وبلبچي گضت عمرهه
روحي تلـوب يلسامع خبرهه
بدليلي الاه والحرگه بشجونه
****
يتيمه ودهـري مايرحم دليلي
جرت دمعاتي وترست شليلي
اصيحن بويه وانه يبيد حيلي
واون ونات عل راحو جفونه
****
مــطر حسيتهن صبن عيوني
بگــد دنياي يــاناس الجفوني
ردت اخيال مــن الــفارگوني
تره الحسبات وليه هم ولونه
****
اليالي شلون نگضيهه بدونك
وحشه اعيونه وماكو عيونك
يلموسـد تــرب گلـي اشلونك
اوجهك بـعده لــو غيرو لونه
****
انـوح اعليك والمـدمع اصبه
وعـگبك بيتنه مــاريـد اطبه
مجلس بلگلب للغالـي انصبه
الحزن والنوح ياوادم لفونه
****
اگولن بــويــه واتچه بخيالي
وتــمر صعبات يــاناس اليالي
مــن يوم العفتنه بظيم حالي
تهنه مـن الحزن هـسه لگونه
****
يخيمتنه الچبيره وكل ضوانه
يبخــت اسـنينه وهيبت لوانه
يــريــت الخذك يابويه خذانه
ســوه يــاريت ويـاكم خذونه
*****
ابوحيدر
الصبيحاوي
بهذه الفجر گاضي العمر
طاح الحيد مـاظل صبر
حيدر علي بلمحراب صلت عليه ادمومه
*****
جانه الفجر وهدومه بانت سوده
جــاب المنيه ومــاخلفهه اوعوده
تعنه الولي والموت صار احدوده
بفرضه هوه كل الضوه
يخنگ ليش صار الهوه
كثرانه الايتام اليوم كل الخلگ مالومه
*****
تبچي اليتامه والــدمـع يچويهه
عگبك بعد يــاهــو علي ايباريهه
خلافــك تتــيه اولهـه وي تاليهه
يبدي الحزن والكل تون
الكون احتار تنعه الاسن
بمصابه ملتمه الناس تعنت واجت مندومه
*****
ناح الاذان ويه الفرض لمصابه
اليله كلهــه تنــوح لجله احبابه
ينشد علــيه الــدار ينشد بــابه
راح الامل خـير العمل
بلايه اوداع حزن اكتمل
دنيانه محسوبه احساب وكلمن تحضر يومه
*****
كــل ماتمـر بينه ليالي رمضان
ويــانـه متوزر حـزين القرءان
بترتيله امبين يتيم اوحــزنان
بي ننفجع وهم ننوجع
بيومك هاذ يبچي الدمع
بمئتمك انصار اليوم كل ياعلي ملمومه
*****
محتاره ناسك والمدامع صبت
ونار الگلب بحبابـه كلهه شبت
دنيه الرزيه چــم مصيبه ذبت
موت الولي حيدر علي
كون انفجع ظل مبتلي
روحه مشت يم باريه تالي مشت مظلومه
*****
شيعتك كلــهه بينت حــزنانه
يومك فجعنه وبلدمع عنوانه
شيعه بمصابك يلولي حيرانه
تنحب الك هيه وهلك
الكون احتار دار الفـلك
بلسمه صوت الينعاه وبچه عليه انجومه
*****
هاي المجالس بسمك انسميهه
والونه تعله وتــوصــل الباريهه
ماتبقه دمعه بينه مــا نبچيهه
الناعي اجه والكل بــچه
يعله النوح دمعي حچه
صاير حزنه للدوم الحيدر يظل كل دومه
*****
ابوحيدر
الصبيحاوي
اليله يبچي الدين حماي الحمه
والفجر محرابــه نــاگــع بلدمه
*****
تحضر الموت اوفتح چفينه
والسمه السابــع بچتله عينه
كل موالي نسمع احنا اونينه
وهاي ناسك والتحبك هايمه
*****
هايمه كلها على الصار وجره
وراس والينه المرادي طابره
بدنيه مدري اشمالهه ومعثره
وبچت اويانه تره اهل السمه
*****
طاح ابــوالكلفات تـاليته هوه
ونچفه من عده وتبده الضوه
نــاحت الاملاك والوادم سوه
ونــزل جبريل اوينوح يكلمه
*****
طاح ركن الدين محرابه بچه
من نضر مولاي غالينه انتچه
اليله كــل الدين للباري شچه
هاي هسه اركانه كلها مهدمه
*****
تهدمت اركـان ديني وطاحت
فزعت الناس بونين وصاحت
صوب حماي الحمه من راحت
شافت الهامه بطـبرهه معلمه
*****
طاح حماي الدخيل بسجدته
سال دمــه غـطه حتى تربته
نــاحت اعليه اليتامه وخلته
والــدهر بفراگ والينه انعمه
*****
نعمت كـل اعيونه الفگده تره
الفجر خله الناس كلها محيره
بلمصاب الدين كسرو خاطره
ودنيت الكرار بــانــت خاتمه
******
ابوحيدر
الصبيحاوي
ابو طالب رفع چف النبي
فظله معروف ابو حيدر علي
البخس حقه مافهم وبعد ميفيده الندم
فظله معروف ابو حيدر علي
*
چان ابو حيدر علي درع الرسول
وچان كلهه اتهابه لو يحچي ويگول
بچفه ظل حامي شرع راعي الاصول
وهسه كلمن ضد علي منه ينول
صاحب الشان العظيم علنبي گلبه رحيم
بلوه وي ناس الجهل هم مبتلي
****
ابوكته دين النبي بس هوه الحماه
وگال هاذه الدين كله اني وراه
عالي ظل فوگ النجم ويرف لواه
چان شمس الهادي وعيونه وضواه
ابو طالب والنعم بنور مكتوب الاسم
ويكفي هوه ابنه للعالم ولي
****
سكت اهل الكفر من صارت صدگ
وگام كل ذرت هوه بي تنشهگ
هوه مو بس عم نبي هوه العشگ
الهوه من دونه يظل چن مختنگ
هوه والتوحيد اهل وچان للهادي امل
اليله لجله ادموع كل عيني اتهلي
***
اليوم اذكره ومن اگول اسمه اون
وبي اخلي اگلوب تصدح وي لسن
اليوم اغرگ اعيوني لوفاض الجفن
وگلبي احس من لوعته مايستچن
اليوم اذكره بمجلسي فظله ابد ماينسي
فضله الباري وعلى الكل يعتلي
***
خيمه لجل الدين صار وكل درت
وناره ضد اهل الكفر وتوجرت
لن ابو حيدر علي الكل ثرثرت
رادو اعله الوصي زله ومابقت
الظهره شايل حيدره جاهه هاذه شمكبره
بذكره راح اني احصن كل هلي
***
ابوحيدر الصبيحاوي
يعم المصطفى اوالد وصيه
لبو طالب نعـت كــل البريه
يسمونه ديوان الحق
*
يــوم امـصابه تنعاه الاحبه
ودمع اعيوني للغالي اصبه
يوكتي اويـاك بلدلال عتبه
وعلى الغالين ونتنه شجيه
سمعونه ونات وحسره
****
يتچايت رسول الله ونبينه
عليك ينـوح متحـزم علينه
يعم المصطفئ اوالد ولينه
وتظل تنعاك نجمات الثريه
نوحوله يستاهل ونه
****
ابوطالب حمه دينه ابساله
وخله اسلامنه بيه ايتعاله
درع وسيف صاير للرساله
شال اهموم اهات وقضيه
يعرفونه ماهاب الضده
****
ابو حيدر ينبراس الشهامه
يل مربي العقيده والامامه
اليله تـنوح للغالي الحمامه
وعلى الزينين اتعبهن اديه
بوناتي ماتبره جروحي
****
اون اعليك والونه شكبرهه
يحيد وشايل الرايه واهلهه
ثگـيل وبـين خـلانك جبلهه
وبيك تـلوذ ندريهه الحميه
ويدرونه شداد الرايه
اليله ادمــوعنـه تبلل دربنه
يــون اعليك يلرايح وكتنه
عزيز الراح نوماس الولدنه
وعليه اتنوح كـل الهاشميه
وعينوني بمصابه اليله
*
ابوحيدر
الصبيحاوي
عــجل بــل ظهور الخلگ شبعت ظيم
فــك بــابــك تعــالــي النـاس منتضره
تعــال وشــوفنــه مــتردي بينه الحال
اخــبرك بــل عــراق شگد رفـع خصره
علـينه اتئــامــرو كــل الاجــو عــدوان
واحدنــه صبح چــن چـفه بــي جمره
صح ميلاد عدنه وجبنه حتى اشموع
ومــن گــد الفــساد انــباگــت الگـمره
گــمنه انــدور ابــاخــر عــلامـه تصير
وبــينه اذنــوب كومه واحنا الاناخره
نــدگ بــاب السمه للباري كلنه نصيح
حتــى المــطر شــح ومــابگت گطره
قــانــون الطبيعه احــتار مدري شبي
گــامت تنصه عــدنه وماعلت شجره
مــل مــنه الــوكـت ومحملين اشكال
حملنه اهات بينه وهــم الــف حسره
تعال نصيح كلنه وبينه ظــاگ الكون
وبينه اهمــوم فــوگ اهموم متكوره
صبخه الگاع صارت گمنه نحوي ارماد
تعال وخلي گــاعـي ابمقدمك خضره
النــاس تصيح بــاسمك كلهه يامولاي
وكــل النــاس الــك يلغالي متحضره
بعــد شنعيش وانــته بعيد ماموجود
اواحــدنـه انتضر لحد ماخلص عمره
احلفك بيش احلفك مرنه محتاجين
شرارت بخــت منـــك تصــنع الثوره
يــاصاحب زمان والك الـف احساب
يــل امئـيده البــاري اوقــرر النصره
ابطل مااسولف خاف اجرحك حيل
واعرف بيك انتــه بحالي هــم ادره
ضل انته ابمكانك كــون انته ابخير
وخل عينك علينه انريد فــد نضره
**********
ابو حيدر
الصبيحاي
وين الگاك يل روحي تظل وياك
وين الگاك مر حمظل يظل اجفاك
روحي اتبيد من ايمرني طرواك
اتيه ابظلمت افكاري وريد اظواك
بگلبي تعيش ساكن والگلب يهواك
بعيوني ادورك ونته بيهه اهناك
يا نسمت هوه هنياله من شماك
شلي بل عمر وشنهي الحيا لولاك
تانيت شكثر وشگد بعد اتناك
مرني فدوه يل غالي تعال ارجاك
يغايب كحل اعيوني بنظر عيناك
وحط فوك الجفوف بداعتي يمناك
نسيت الدنيه كلهه ونته ما انساك
***
ابو حيدر الصبيحاوي
دوريتك مالگيتك
لاتعذبني يلهويتك
******
وينك انته متاني گظيت العمر
شگد نطرته مرني تانيتك تمر
يانسمت هوه المحبوب
ياعشگي وقدر مكتوب
تبده من ايدي الصبر واعاني يامهدي
حتئ لو رمشت عيون شوفتك اتمنه كون
يلعايش ابروحي يافرحتي ونوحي
يامهدي وين ملت العين يامهدي
****
دومك ابالي بشهگتك يطلع ورد
ابنص دلالي ويحرگ بگلبي البعد
ياغرامي وهوه العذري
شگد احبك انته تدري
گلي چم دوب الصبر وتاني ياعمري
والنتظار شگد صعب وعيوني ظلت علدرب
يافرحت ايامي يلساكن احلامي
ياعمري اريد شوفتك عيد ياعمري
****
ياضاوه صاطع يانور بعيون البشر
سكت المدامع اوكحل اوياك النظر
ياعشگ بغروب شمسي
ياسبب نفحات همسي
بيه مل حتى الصبر نساني ياروحي
شوگ المفارگ عذاب الفرگه چن يوم الحساب
يلغالي حبيتك گبالي تمنيتك
ياروحي وين فاض الحنين ياروحي
****
ابو حيدر الصبيحاوي
علي علي هوه وجداني
علي علي نــور اكــواني
علي علي الاكبر علي علي علي الاكبر علي
******
فتحنه اعيونــه شـفنه هــوانه
عطاشت شوگ بس هوه روانه
علي بكل ذره بينه والـــه كلنه هوينه
علي علي المولده انتاني
****
نخلگ الاكبر يوادم بس محنه
طش علناس نوره وضوه النه
نذوب احنا بهواك ولا واحــد سواك
علي علي نبض شرياني
****
شعلنه اشموع وتضويهه انـته
اليله التمت اوفــرحانــه خلته
جبت الفرح للناس ورد حطينه والياس
علي علي تحله التهاني
****
بنص الگلب مــتوصط دريته
مــو بيدي يخلگ الله هــويه
يــرف گلبي الــه احب نــاسه وهله
علي علي حبه عنواني
****
مقامه من العزيز يصير غالي
والحبه يــوادم يبــقه عــالي
بغلات الروح صار الگلب ماخذ قرار
علي علي مــاالــه ثاني
****
ابوحيدر
الصبيحاوي
يــا قاضي الغرام بياتهمه تحكمني
وعلي كــمـت تحقق صدريت حكام
تتعــمد دريــــتــك ودري تـظـلمني
عله عـنادك احبه لــوتكلي اعــدام
تاهمني وضن مـــن حقي تسمعني
لترامي حجر يـل بيتك مــــن الجام
احس كـومـت مشاعـر الـه تدفعني
مـاعـايـش حلم لتكلي هــاي اوهام
تحاسبني عله كيفك ليش تجرحني
مــوذنبي الهويته الشيعه الـه خدام
اذا محبوب عــدك مــاكــو مو ذنبي
تـضـــل عــمرك وراي وانـه كـــدام
ســـــوي شماتسوي ادري حاسدني
يــــل شايل كلب مــن معدن الاصنام
عشكت حسين اخبرك وهو عاشكني
لان حسين معدن طـــاهــر الارحـــــام
*****
ابو حيدرالصبيحاوي
طير السعد يبرالك عيد ونشوف اهلالك
نور اوضوه وانته الهوه
يحسين بان اهلالك
****
وياك هليله الفرح يدوم بمسره والمرح
اليوم دلالي انشرح واحرگ گلب عذالك
*****
نهنيك كلنه ونبتشر يلشوفتك النه تسر
ياربي افراح العمر وتحقق الــي ابالك
*****
نشعلك اشموع الهنه وانته بسعاده كل سنه
الفرح لجلك عالنه نهنيك اجينه اگبالك
*****
يافرحه بينه دومي اليوم هـــاذه يومي
بي فارگيت اهمومي عتني الهوه بوصالك
*****
وفايه اجينه انريدك وعيادنه من عيدك
نحط الادين ابأيدك ماكو بـــــعد مثالك
*****
جينه المحبه بيـةنه يعتنه الوفه اوافينه
اكلــنه تــره هوينه گلبي بهوه اعتنالك
*****
ابوحيدر
الصبيحاوي
حسين محبوب الزچيه
انــه احبه ومــو بــديه
****
انـــه گـمت اتنفسه بــكل صباح اوكل مسه
ضوه بــــس اتلمسه وهــوه مــن الله هديه
****
حسين شوگه حيراني عـاشگ وعنـدي اماني
من يمر اسمه بثواني مدري شنهو يصير بيه
****
بمولده ارسم مــهد وبــيه اجددله العهد
الباري بگليبي شهد مايل ويعشگ وليه
****
شيبت وانه احبه ماعفت فد يوم دربه
اليهوه اللهُ يعين گلبه الفارگه والله خطيه
****
خلصت عمري بهواء نــور ايـامي ابضواء
اگضي اسنيني وراء ورايده يرضـه عليه
****
بذكره نبضاتي تزيد يرجف اشماله الوريد
بگلبي مـاچنه بعيد وگلبي دگـاتـه شجيه
****
حسين اليعوفه يظيع وداعت اعيون الرضيع
خضر ابجيته الربيع وصـارت الــدنيه نديه
****
ابكلشي گمت اتخيله ولــجله احــبن كـربله
خلي تشهدلي المله وتشهد انجوم الثريه
****
ابوحيدر
الصبيحاوي
حبيبي اوداعتك صدگني اهواك
يـــااجــمـل قصيده تــمر خـيالي
ادور اعليك وصــط الگلب الگاك
واسئل خاطري يگلي اعلــه بالي
الهوه انتــه وامــوتن انـــه لولاك
الـــكل شــرجي واحسنك شمالي
اذوبن مـــن يـــمر يلغالي طرواك
اصـــبر الـــروح بس ادريك غالي
غشيمه اهل العشگ تتقارن اوياك
بحروف اسمك احس عيني تلالي
بهــل الشوگ سهـله كلمت انساك
بـــس انتــه فـــرق حبــك مــثالي
اباوع بيــك وارمش يكتل اجفاك
واحس عــمري بدونك چنه خالي
اتيهن مـــن ابــاوع وصط عيناك
وبـــس اللهُ دره بـياحــال حــالي
حبــيبي الــباري رب العزه سواك
وانـــه الحبيت يــاهل ناس والي
وتدري انـته الگلب مولاي والاك
والـــحـبك يــظل لــلـدوم عــالي
*********
يــمنتي تظـيع مـاميز شمالي
واشـمن بـيك يعذيبي شمالي
تهيم الروح وي ذكرك شمالي
واذوبن من يمر اسمك عليه
******
ابوحيدر
الصبيحاوي
حيدار حيدار حيدار
******
شيل ايدك حيل دك الهامة
واسي حيدار واشعر ابالامة
الفجر موحش بالك انتة اتنامة
وخلي هامك بلدمة تتعفر
حيدار حيدار
*****
سيل دمك خل يواسي الهادي
علي صيح اوبسم امامك نادي
الجبل طاح وخل ينوح الوادي
اوبلمصاب السمة السابع كبر
حيدار حيدار
*****
حني راسك اليلة كلنة ايتامة
يله اسرع جيب سيف اوقامة
البوق اسمعه دك صده دمامة
طبرتك كل شيعي بيها مطبر
حيدار حيدار
*****
ارد اشوف ابعيني هاذه المعتقد
وليش دم الشيعي لحضة مابرد
هاذه من الله اعرفنة وعد
بلوفة نصبغ الكون اباحمر
حيدار حيدار
*****
من نگول اسمة ترفرف راية
تجري عيني هاي تسبك هاية
اليلة راسي يصير كله ادماية
اومثلك الهامة اريدن تنطر
حيدار حيدار
*****
تيتمت ناسك علي حيدر ترة
اوغدرتك گوم الخوارج كافرة
اليلة نوح الوكت كسرو خاطرة
وراس ابو الحملات وسفة اتأثر
حيدار حيدار
*****
ابو حيدر الصبيحاوي
ابوذيات / امير المؤمنين ع
******
يوجعني الفجر لـو اجه ونطر
واني اشگد اتانيه الراح ونطر
علي من طاح بلمحراب ونطر
بچه جبريل من شافه رميه
طلع والموت شوفله علي مات (علامات)
طاح وبين المسجد عليه مات
يون وصاح محرابه علي مات
بچتله الكوفه ويتامه سويه
بمحاسن وجها ياوادم وجاها
الروحه الموت متعني وجاها
نـار ابگلبي الك وكتي وجاها
وناحت شيعتك هاي المسيه
المنيه اگبال عينك علي مرات
ليالي اجفاك يابوحسين مرات
بطبرتك متنه يــامولاي مرات
وعليك اويانه حزنانه المنيه
*******
ابوحيدر
الصبيحاوي
تمنيت احاچيك يوجعني طاريك
بويه الدمع مني جره كل عمري اظل امحيره
يوجعني طاريك يوجعني طاريك
*****
تدري انته التفارك ابو تفارگ حنانه والدفو
تصبح يتيمه
ايامهه تگضي ابدمع لوبويه صاحت تنفجع
اتبچي غيمه
اتحس غريبه بلا سند ولا واحد العنهه نشد
ساكنه هيمه
بنص الگلب ناعي يون كلشي اله ظل بحزن
مجبوره اجافيك يوجعني طاريك
*****
بلا والي ظلينه بهظم تتبده الادموع ونلــم
يادنيه حيره
يلرايح وعايف هلك عايفنه كلنه نحن الك
تنعاك ديره
يابلسم اجروحي التنز اغفه واذكرنك وفــز
مثل الاسيره
يااحله حتى من الضوه احتاج الك مثل الهوه
رايح الباريك يوجعني طاريك
*****
بويه من اگولن انلچم كـل العمر ابــقه اهم
حالتي حاله
چا شلي بسنين العمر ياذيني بجفاك الصبر
گلبي شجاله
انصب عزائك بلگلب يــانبع يلمايك عذب
ماكو مثاله
اعيوني چلت من وكت اعمه ولا بعدك شفت
يوميه انعيك يوجعني طاريك
*****
تچايه الي كل الدهر هسه اني ماعدي ظهر
خاين زماني
تحتاج ابوها مدلله وصــياحها هسه عله
گالت نساني
الماعدها ابو متحيره بيهه سـوالــف مگبره
مابيها اماني
من لبت اگليبي انجرح الراح ماضن هم يصح
تمنيت اتانيك يوجعني طاريك
*****
تحتاج ابوها الفگدته تشتاگ تسـمع چـلمته
تحن الحنينه
خيمتها لو جار الزمن غالي مثل گاع الوطن
غمضت عينه
بويه تصيح وتنتحب ونيرانــهه بيهه تشب
وتظل حزينه
الدنيه من دونه الم حتى الهوه بفگده انلچم
بطيوفي الاگيك يوجعني طاريك
*****
ابوحيدر
الصبيحاوي
عليك العين دم صبت حماي الحميه
*******
اون اعليك يـل ماخذ دليلي
دمعي ادهده وتارس شليلي
وبيوم الرحت ماضلي حيلي
ويومك هذه چن يوم الزچيه
****
تعال وشوفــني بياحال حالي
يتيمه وضيعت يــاناس والي
اظل طـول العمر عيني تلالي
عـزيز الروحي راح ابعد عليه
****
بويـه اعليك كــل دمعي اهله
ويــابــويــه بـعــد يــاهو اگله
گلبي اغتاض لمــن عافه خله
ومــن الضيم بس افرك بديه
****
فرشت افراشك وردتك تجينه
بلكت ساعه كــون تــمر علينه
ابوي اشتاگن الروحه الحنينه
واريدن شوفته بهاي المسيه
****
بـويه الدار ظلمه مــن عفتهه
احسن روحي ابموتك خذتهه
عليله يلــولــي بعـدك شفتهه
وبعـد بجفاك مــاتحمل اذيه
****
بچينه اعليك نشفنه النواضر
والله يساعــد الــدلال بــاچر
شلون اگظيه ماالگاك حـاضر
وبيه تعيش يــابــويه الرزيه
****
رزيــه المرت اعلينه شعظمهه
تهــد الحيل يــوجعني الامهه
فجعني الصار من بين علمهه
الهذه اليوم عيني تـظل نديه
****
ابوحيدر
الصبيحاوي
بــان الاهـلال والدمع سال ابشهرنــه
ندري رمضان بيه الاحزان اوكسرنه
بينت ساعاته يلچم ابعبراته
ابشهرنه
******
مر علي رمضان ودموعه اتجاره
يدري بايامه التوالي الكل حياره
بلصلاه والصوم وي ربنه التجاره
تالــي رمضان ابدليله تچوي ناره
يحزن الدين لبو الحسنين بـل فجيعه
جرح عدنه بگد عمرنه عل وسيعه
فطرت احچاياتي نايحه بهمساتي
ابشهرنه
******
ها يهلال الدمع مكسور خاطر
ونكسر بيك الضوه لاكـن تكابر
بيك حيدرنه وگع مغدور صابر
واظلم بلايه ملامح ندري باچر
رايه طاحت كلهه صاحت مودعينه
ناحت الناس تلطم الراس يـــاولينه
لاتجي تاذيني تدري اتبچيني
ابشهرنه
******
تــدري ابجيتك نظــل كلنـه يتامه
وساعة انشوفك نون ون الحمامه
اليــله كــل الكــون يتــبده ظلامه
طبرت المهيوب چـن يوم القيامه
ركـن ديني وـكل يقيني بـل حميه
ونعـد ايام تبـدي لالام كل مسيه
گمرتك حزنانه صايمك عافانه
ابشهرنه
******
دنيه مهمومه يخلگ الله شجاهه
ليلة القدري حـزينــه وي ضواهه
هــايــه ســاعات القدر لمن لفاهه
الــدنيـه علغالي اجت ذبت بلاهه
اليله مائتم كلــهه تلـتم بهم حزنهه
تنوح نجمه بيوم ظلمه وي جفنهه
دمعاتك اهواي لاتبچي بهداي
ابشهرنه
******
ابوحيدر
الصبيحاوي
اســدضــرغام يعلي الهام
ابو حيدر علي ابو حيدر علي
*****
وگف وحده وهتف غضب لاكن حلف
عم سيد الخلگ
حمـه الــدين وهله وعليهم هــم عله
يرف مثل العلگ
نصر طه النبي وگال كلامــه بكـل بساله
دفع عنــه الظلم گال هذوله اهل العداله
البخت بحما ويظل اويا
مثل ظلت الولي ابو حيدر علي
****
درع صار اوفه وصبح رمز الصفه
ابو طالب شهم
كتب تاريخه صبر صابر مخلص العمر
بشرع ربه يهم
شيخ الديـره بــي زود ولجم حلگ الشماته
الوفه بي صاير اوعود اواحد مـــن صفاته
يعرفون كرم بذراعه سلم
الكفر بـي تبتلي ابوحيدر علي
****
بعلو هــام السمه صيـته مــن حــمه
رسول الله بفخر
ملــه كــل الفضئ الظلم هـم رافضئ
عاف اجمل اثر
مثل ماي العذب صار والــه تحــتاج نـاسه
نور اويضوي لــو دار عجيد اوعالي راسه
حماي الشرع كلامه ينسمع
اله تشهد هلي ابوحيدر علي
****
النكر فضله وجزاء وظل يحچي وراء
هذه من النواصب
الطعن ضهره بكلام صبح خصمه الامام
وطه يظل يحاسب
البخت وياه يظل دوم حــمل هــم العقيده
فجعنه بــي تـره اليوم گـرب يومه اوعيده
ودعنه اورحل ماظل الامل
گال شضل الي ابــوحيدر علي
****
نكتب اسمه بذهب رمـــز ديــن انحسب
رغم كــل العده
مواقف كثره هاي عذب ونعرفه ماي
يطش بينه نده
رسم دربه درب نوح وحمــه كـل الخليقه
بيه شگد تره جروح بــس واضح طريقه
ومتاني الاجل واهــات العلل
الهم بيه ينجلي ابوحيدر علي
****
ابوحيدر
الصبيحاوي
عــم النبي وسفه الخلگ ياذونه
شيخ السلف كل ناسه ايعرفونه
يعرفونه يعرفونه
*
سيف اصبح ابوكت العده حدين بيه تبراله
ولــو گال كافي للحچي تسكت شكو خياله
عــم النبي اوالد علي تفوح ابمضيفه ادلاله
وبس الخوارج ما حچت وعتمو عن افعاله
ديــن الــنبي ســاكن تره بعيونه
شيخ السلف كل ناسه ايعرفونه
***
صار ابوكت لجله درع حامي النبي وفكاره
لمن وگف هيبه وفخر وخله العده محتاره
دستور حچيه لـو حچه وبيهم يدگ انذاره
مهيوب ابوحيدر علي كض الوكت وشراره
تچايه ظـل لجل النبي ايهابونه
شيخ السلف كل ناسه ايعرفونه
***
بزوده النبي اهل الكفر خـلاهــه كــل اتهابه
رغم الوكت بي مارحم ويفتر عكس دولابه
حامي النبي وي الشرع وتـلوذ بـي اصحابه
خله اليضده بهم يظل حامي الشرع وكتابه
سيد العرب بذاك الوكت يدعونه
شيخ السلف كل ناسه ايعرفونه
***
تاريخ الــه يشهد تــره ابوطالب اعله اقرانه
واضح مثل عين الشمس بينه صفه عنوانه
لبنه علي حـامي الحمه عايش نحس ويانه
عنــه حـچو اهــل الحقد رادو طعن مولانه
كل ضنهم ابهذه الحچي يلومونه
شيخ السلف كــل ناسه ايعرفونه
***
ظل عالي ابعلو السمه وعنه الحچو شماته
لان ابـنه حيدر ثـرثرو بس تاهـو ابحسباته
مــن الله تائيده اجــه وعــله ابفـخر راياته
قدس الله سره الخفي طبرت علي چلماته
ابــو الولي وعــم النبي يسمونه
شيخ السلف كل ناسه ايعرفونه
***
ابوحيدر
الصبيحاوي
مهدينه مهدينه ردنه تجي لينه
يالهفت الولهان بينه انته تدرينه
متاني حبيبي الگاه عمري اخلصه اوياه
متاني خليلي
بلهفت محب ويلوب يدور على المحبوب
ملاني ليلي
عاشگ اخذني الشوگ دلالي احس محروگ
عمري تنيته بس مالگيته
يمكن اموتن لو گابليته
*******
حاچيني حاچيني فدوه يمي عيني
فدوه الك يرحون كل عمري وسنيني
والفرگه تشده بال كثرو علي عذال
شافو اريده
حنيت اله البيبان ودلالي دگ اعلان
وبيوم عيده
ابالي اورسمتك نور عذرني اليحب معذور
يابعد عمري ملاني صبري
بطيوفي اتاني اطفي جمري
*******
تانيته تانيته الغالي اني حبيته
بنص الگلب ياناس محبوبي خليته
حبيته دون الناس موبيدي هاذه احساس
گولو الحبيبي
عايش ابروح الروح فرگاه بيه اجروح
هاذه نصيبي
بحبك ملكت اهواي ياصافي مثل الماي
ردنه التفاته بحسنه وصفاته
ونگله مشتاگين سكت الشماته
*******
ابو حيدر الصبيحاوي
هليله هايـه ياخلگ ليلة تهاني
ميلاد الاكبر جيته كل الاماني
فرحه ومسره هليله ذكره
ليلة تهاني ليلة تهاني
*****
عيد اولفانه نورك ضوانه فــرح گلبنه
فرحانه ديره وكل العشيره وي اليحبنه
حضرنه زينه بفرحت ولينه نوده يودنه
نــورك صـطع بيــنه لمــع بيــن الخليقه
صوت الشرع من ينرفــع يصبح حقيقه
فرحانه عتره هليله ذكره
ليلة تهاني ليلة تهاني
*******
مبارك علينه جيت علينه نتبارك احنا
يزهي بقدومه محله رسومه فــرح اهلنا
نور الولايه بدروبي ايه نورك جمعنا
عطرك نحس ماينلمس يبن الاطايب
كلنه نحب صاح الگلب مولاي ذايب
ياضوه الگمره هليلة ذكره
ليلة تهاني ليلة تهانيأ
*******
نلتم سوه مثل الضوه بليله زهــيه
نعلن فرح يبدي المرح بكـل الـرعيه
نلتم الـــه احــنا وهله بهاي المسيه
اهل الوفه بهل عاطفه ملتمه كــلهه
ناس الاجت وتواجدت نورك شملهه
والمهد حضره هليلة ذكره
ليلة تهاني ليلة تهاني
*******
ابوحيدر
الصبيحاوي
هوسات /للمنتضر ع
***************
ياصاحب زمان الكون كله يصيح
يترجه الضهور وينسه كل تجريح
يل اسمك دعاء اوصار هم تسبيح
متانينه كل يوم وساعه
*****
لبو صالح اسلوف يعجز الساني
ومــن امـت محمد صار عنواني
ظل حبك نزيز ابوصط شرياتي
ويسگينه من حوض الكوثر
*****
نتضرت اهواي گلبي الشوفتك محتار
يــــل منـهـجك منــهــج حيــدر الكرار
يـــل خليت كـــل اعـــداك تــبقه انذار
واليمشي بدربك هيعونه
****
ذوله اهل الكرامه والشرف والدين
ذولــه البـاري مـيزهم على الكونين
ذولـــه ال النبي اولاد ابو الحسنين
ونتباهه بولاد الزهره
*****
ابوحيدر
الصبيحاوي
بيك مجنون وانــته كـــل امالي
نــور العيون وحدك انته الغالي
بعالم الذر اوهويتك يامولاي
بگـلبي متربع لگيتك يامولاي
وحدك انته الغالي وحدك انته الغالي
*******
انته نور اعيوني لو مرني الظلام
وانـته مــن تحچي يحــتار الكلام
عــلى الكــون منصبه الباري امام
تحمل اطباع المرتضئ وصولاته
تلاوي الـگاع معجزت حــمـلاتــه
بعالم الذر اوهويتك يامولاي
بگلبي متربع لگيتك يامولاي
وحدك انته الغالي وحدك انته الغالي
******
بحر بلحب والوفه وكــلك حنان
وياك روحي تعودت تبقه أبأمان
ابن سيد الكون سيد عــل جنان
حسين وياي عايش ابوجداني
هـــوه دنياي بـــلفخر عــنواني
بعالم الذر اوهويتك يامولاي
بگلبي متربع لگيتك يامولاي
وحدك انته الغالي وحدك انته الغالي
******
حسين روحي ويبقه لاخرتي ضوه
ومثل حــب حسين مــاشفـنه هوه
وكل محب ويــاه مــن حــبه ارتوه
عاشگ حســين والعشگ رباني
بعيوني الاثنين الاول ابخلاني
بعالم الذر اوهويتك يامولاي
بگـلبي متربع لگيتك يامولاي
وحدك انته الغالي وحدك انته الغالي
*******
ابوحيدر
الصبيحاوي
معروف بين البشر الايسربيسراء
وبو اليمنه صـعب لليسره يستخدم
عـــباس اخـتلف ابيسرتــه ويمناء
مـــن الله نـخـلـق بثنينهن يـهـجــم
نـــعـرف بـلــــــمـاي الـــذ اعــــداء
وشـايـل غيض كلب الماي ومدلغم
ثــــــار الـكـنـطـره لـيـهـسـه ويــاء
وظـهر الـــمـاي بــلطبرات متوسم
مـــويــاهـــو اليجي نتفاجه بطرواء
ولاكـلـمـن يـشـيل الســيـف متحزم
بــس عـــباس منهو اليكدر الملكاء
مــن يضرب جــرح مايقبل اويختم
يرجف عسكر الطاغوث صاح اشاء
مــن الخوف مــومــــن البرد نقسم
مـايشرب الماي ومــاتضوكه شفاء
شلون حسين ظامي وانــه متنعم
مــــانرظـه بمذلـــه ويحلف بمولاء
وخلي الخيل ويه ارجالهه تحمحم
صح اطه الجفوف وبلشريعه الواء
يظهرالعلكمي حطاهه ضـل يحجم
مـــن الباري كــرامـــه للكمر اطاء
جـــم معصوم ليده يـــدنـك ويكرم
مــو جفين ذنـي الحمدو والاسـراء
عباس الشفاعه الكل محب مسلم
******
منيتي اعبرهه متحدي بلادين
وعلينه الهدو اوجونه بلادين
تلوموني طحت يمهم بلادين
اريد الماي لولاد الزجيه
*****
بعينه الجيش خلاهم وعباس
اوعه بجفوف ضرباته وعباس
النهر بسمه هتف ناده وعباس
دخيلك لاتشمت الگاع بيه
******
ابو حيدر
الصبيحاوي
هوسات /للمنتضر ع
***************
ياصاحب زمان الكون كله يصيح
يترجه الضهور وينسه كل تجريح
يل اسمك دعاء اوصار هم تسبيح
متانينه كل يوم وساعه
*****
لبو صالح اسلوف يعجز الساني
ومــن امـت محمد صار عنواني
ظل حبك نزيز ابوصط شرياتي
ويسگينه من حوض الكوثر
*****
نتضرت اهواي گلبي الشوفتك محتار
يــــل منـهـجك منــهــج حيــدر الكرار
يـــل خليت كـــل اعـــداك تــبقه انذار
واليمشي بدربك هيعونه
****
ذوله اهل الكرامه والشرف والدين
ذولــه البـاري مـيزهم على الكونين
ذولـــه ال النبي اولاد ابو الحسنين
ونتباهه بولاد الزهره
*****
ابوحيدر
الصبيحاوي
ابوذيات وهوسات افراح ومواليد
************
علينه بخير مـــن هليت شعبان
واحد هل شعب مـاصار شعبان
نورك ضوه كــل الكون شعبان
وصفه نورك عله كــــل البريه
*****
ابحبك منفطم مـن يــوم مـــهدي
ودليلي علــيك يامـولاي مـــهدي
لساني بيـك دوم يصيح مـــهدي
وحروف اسمك صفن تسبيح اليه
*****
اتانيك واظل مــــولاي منطر
بشعبان الـــفجر ميلاد منطر
گلبي بلهفته جـل طير منطار
تفرفح مــن يمر اسمك عليه
*****
عــله الناس اصبحت سيد وجنه
وضلام الكون بــس نورك وجنه
الــبشر يحسين تهتفلك وجـــــنه
ومـلا يكت السمه ويـــانه سويه
********
بطـل عـباس يــــل يرعب وجوده
نــحس بسمك اكـــو نكهه وجوده
سخي وبل كـــــرم طافح وجوده
وبيه تمتاز عــــــــــباس الحميه
*******
الماجــــاك وتـعنه شـبيه مازار
الك مـولاي وسـط الكلب مازار
وحـبك للجسد مـــــولاي مازار
يخلص الناس مـن نار السريه
*******
دليلي بشوك لـــحبابــي وحلهم
وعليهم ينشد الحـــــاله وحلهم
غيم كلبي بــل فرگــــــه وحلهم
ونشدني هواي عن ابن الزجيه
******
حملت الجــــــود ولـعزه وغيره
ودليلي المــــارظه يبدله وغيره
الشامت لو اجـــه يباوع وغيره
يموت من الحسد لــو يصد ليه
******
يمنتي تظيع مــــــــاميز شمالي
وشمن بــــــيك يعذيبي شمالي
تهـيم الــروح وي ذكرك شمالي
وذا الـگاك شــنهو يصير بيه
*****
اسولف اسمع العدي ولاتي
ال البيت وي روحي ولاتي
ابحبهم باقي متمسك ولاتي
وافوز بجنت الباري الزهيه
****
ابو حيدر الصبيحاي