-
الشاعر ابو حيدر الصبيحاوي.
مرجع شهيد اومعروف وصط الگلب عنوانه
رايــت علي بــيده تلــوگ وتحـرك ابوجدانه
*******
بينه ازرعت حــب الـدين وبينه ازرعت عقيده
بيــاشــعر وصفك مـــولاي وبيا كلمه وقصيده
بيادمعه ابچيلك ونخاك يـــابو الروح السعيده
فــراكك فـجع كـــل الناس واعلنت كل حزنانه
*******
ماشفنه مثلك مولاي بفكره وعلمه وشخصيته
مــن تمشي اتــهز الــگاع معروف وذايع صيته
صــايــر محــطه للنــاس تــرتــاح النـاس ابيته
يتعنون ابلهفه وشـوگ يــرون ابطيب احسانه
********
علمت الناس اعلــه الدين بكل افنونه وصفاته
لجل الناس اتعيش بخـير قــدم روحه وحياته
واولاده بــدمــهم ويـــاه بـــــيهم ينضر صباته
بلهفه يصيحون اعله الموت فدوه لا لا تنسانه
********
بيك انباهي كـل الناس يل بلجمعه امــوحدنه
ونفتخر بيك وننخاك ونصيح انتــه مــرجعنه
يــاليث الابيض ننـخـاك ارجــع ليــنه وجمعنه
محتاجينك يــامــولاي مــثل الناس العطشانه
*********
بفضل الله وفضلك مولاي رد الدين الامجاده
وعــافــو شـباب الاذات وكلمن عشگ سجاده
تــأثيــر الك بيــن النـاس والناس تحبك عاده
اسلوب الك مــــــــاشفناء والعلم زاهي الوانه
********
ابوحيدر
الصبيحاوي
رباطات/للسيد الصدر
***********
يلچم اجروحي يلچم اجروحي
يصدر الدين يومك يلچم اجروحي
مابطل نوحي مابطل نوحي
على السيد يوادم مابطل نوحي
ناحت احبابه ناحت احبابه
الدنيه وكل اهلهه ناحت احبابه
يوجع امصابه يوجع امصابه
كلف ندريه يومه يوجع امصابه
سيد الديره سيد الديره
بويه اعليك صاحت سيد الديره
صاحب الغيره صاحب الغيره
عليه العين صبت صاحب الغيره
ناحت ايتامه ناحت ايتامه
حداد الدنيه كلهه ناحت ايتامه
گلبي والامه گلبي والامه
على السيد لچمني گلبي والامه
بويه حاچيني بويه حاچيني
انه المصلح وانادي بويه حاچيني
من يواسيني من يواسيني
على افراگك يبويه من يواسيني
مقتدى بنوحه مقتدى بنوحه
نشف مولاي دمعه مقتدى بيومك
كلك املوحه كلك املوحه
بخيت وتدري ناسك كلك املوحه
سيد انصارك سيد انصارك
تون ون الحمامه سيد انصارك
مسعد الزارك مسعد الزارك
يبن خير البريه مسعد الزارك
راح والينه راح والينه
صفينه احنه يتامه راح والينه
فراگه ياذينه فراگه ياذينه
صدرنه غاب عنه فراگه ياذينه
بگلبي عطابه بگلبي عطابه
من يوم الجفانه بگلبي عطابه
طاهر انسابه طاهر انسابه
من الهادي اصله طاهر انسابه
تندب الكوفه تندب الكوفه
يتيمه اخلاف ابوها تندب الكوفه
الوادم اطوفه الوادم اطوفه
بخيت وعالي گدره الوادم اطوفه
******
ابوحيدر
الصبيحاوي
انحلفك ابنحر الرضيع
گوم اخذ ثار البقيع
يامهدي يامهدي
********
گوم اذن بلمله وسوي گبه امعدله
جيب تربت كربله ولملم ازهار الربيع
يامهدي يامهدي
****
علي بنيان الضريح وعلنواصب حيل صيح
بعد ماگبه تطيح ولا گلب بينه فجيع
يامهدي يامهدي
****
حضره سويهه بنجم وماتجي بخاطر حلم
هندس اوسوي الرسم وانته تخطيطك بديع
يامهدي يامهدي
****
ودگ اساس ابأيدك اناس كلهه تريدك
بحرگت نبض وريدك وياك للوحه انطيع
يامهدي يامهدي
****
حط بلضريح امرايه وكتب عليهه ايه
وسوي مولانه اقرايه عل منحر الگطيع
يامهدي يامهدي
****
واكتب صور قرءانك وفتحهه كل بيبانك
كلنه يغالي اعوانك وارواح ترخص ونبيع
يامهدي يامهدي
****
وارفع گباب الساده والراح عيد امجاده
كلك عزم واراده متانيك ظل التشريع
يامهدي يامهدي
****
رايه اوعلگ خليهه نمتاز كلنه بيهه
فدوه تعال ابنيهه بجاه العلي السميع
يامهدي يامهدي
****
ابوحيدر الصبيحاوي
حيدر يكرار ...... حيدر يكرار
****
صبو المدامع حيدرنـــــه واگع
يحمل مواجع من گوم الاشرار
*****
زايد ونيني دمعانه عيني
راح مايجيني ضل اظلم الدار
*****
نوح اليالي عذباي حالي
اندب يوالي ودلالي ضل نار
*****
تنوح اليتامه نوح الحمام
رد بل سلامه وكتي علي جار
*****
حامي العقيده غالي واريده
گـــرب وعيده وبي گلبي محتار
*****
الهامه بدماها تنزف شجاها
الشامت وراها جاب بيده الاخطار
*****
طايح وصينه حيدر ولينه
غمضهه عينه وصار الذي صار
*****
طبع الموالي ماينسه غالي
دمــعه يلالي وبي الحزن دار
*****
ابوحيدر
الصبيحاوي
واويلاه يابويه واويلاه يابويه
*****
رايح مــاتــرد ادري خلافك شلي بعمري
تعال بگلبي اگولنها شيصبر بعد صبري
*****
عيني ظـلت اتاني وكثرت بيه احزاني
اون ابكثر دمعاتي مـالومه صرت اني
*****
جرحك حيل ياذينه غيــر كــل معانينه
تعال وسكت اونيني عليك تون بواچينه
*****
افز مرعوبه بحلامي اشوفن راسك الدامي
الك احتاج واتمنه وكونك هسه گدامي
*****
عافيتي ونضر عيني سبب اهاتي واونيني
راح ابچيلك اعيوني لان ماضن يفيدوني
*****
رايح منــي الغالي حــال الظيم ياحالي
بويه الدمعه حراگه مــاتــت كلهه امالي
*****
ماي اعيوني بديته نـوح ابگلبي خليته
اون ويوجع اونيني اشوفه گلت ياريته
*****
يهد الحيل بمصابه سوت نايحه احبابه
حزنانه الخلگ كلها وكتــه انـدار دولابه
*****
ابوحيدر
الصبيحاوي
مصابك صوب الدلال واحسن حيل ياذيني
شهر الطاعه چن عاشور واحسن بيه يعزيني
*****
سبيل الدمعه اسويهه وطش ابحظرتك نوحي
يلچمني الونين اعليك انــوح اوتكثر اجروحي
اميري ويه النفس مولاي وغله حته من روحي
يمــر طــاريــك بــلدلال وتلــطم حــته جفـيني
****
جفيني تـــدك صــدري ونـــار ابگـلبي لـهـابــه
عليــك اليــوم يــامولاي انوح ابدمعه سجابه
گلولـــه اجـــوه ابنــوح خـــل يتــــلگه احبابه
حملنه اوجينه اهموم وبــــس دمعه تواسيني
****
تواسينه الدموع اعليك وروحي ابحزن تاليهه
مئتم روحـــي الــك نصبت جفاك وراح غاليهه
يتــامــه النــاس مـن بعدك تون وتنوح واليهه
طـــاح الــركــن يــاشيـعه يتيم بلا علي ديني
****
دينــي يــون عـله الكرار ون الـما بطل ونه
وسفه بــغدرة بلمحراب حيدر راسه امحنه
بسيفه زلـــزل الكــفار وفــنه اليــوصله فنه
حيــدر رايــه للمظلوم شمــا تيـــهن يدليني
****
يـــدليني وظــل ويـــاه ومشــي بنهـج ابو اليمه
من حيدر اخذت الحيل وخذت من الولي عزمه
دمـــه بـــكل وريـــد اويــاي ينبض ياعلي اسمه
بكثـــر مـــاانـــي انـــادي علـيه احسنه يناديني
****
ابو حيدر
الصبيحاوي
كلشي بيه يحن الك بويه ردت انه اسئلك
وانتضر منك يبويه ترد علينه
ترد علينه
****
ليش عايفنه ورحت صرنه يتامه
فرگتك وحشه مثل يـوم القيامه
چان ابوي ارتاح من اسمع كلامه
هسه راح اوعـافنه بنوح وندامه
بچه النده لمن رحل محرابه مات من الخجل
طاحت اغيوم ودمع يوم البچينه
*****
اخذ روحي ويـاه خلاني بمتاهه
عيني ماكفت على الغالي بچاهه
دنيه وبلايــه علي يخنگ هواهه
ظلمه دنـيانـه تــره لمــن جفاهه
طاح الدمع كله جره گلب اليحب شي صبره
ظلينه انون ياخلگ نفرك بدينه
*****
گمت اسولـف لــوعـتي ولاه بيه
خيط شمعه صرت ماگالو خطيه
اهموم كــل دنيانـه اندارت عليه
يمــه گومي ابعازتچ يمه الزچيه
ابچي واهم لمن راح دلالي من عندي طاح
ارض اوسمه بانـت عليه حزينه
*****
كلشي مــات بعيني وتهاوه زماني
وحتى ابوي الهاجر ومـارد وجاني
ظاگ خلگي بروحته وزايد حناني
بــعد مارده الوكت خــافن نساني
الوكت خله اچــم اه الهاجر اخذ عمري وياه
دنيه ظلمه بروحتك وحشه ولينه
*****
عيوني رادت شوفته والهم تعنه
وناحت اعيون اليتامه وي اهلنه
غــرب بهــذه المسه وابـعد املنه
والهموم اثگال مـن هاجر حملنه
طفه نور الدنيه احس ظلمه اشو فنهه الشمس
وبلدمع لمن مشه احنه انولينه
*****
ابوحيدر
الصبيحاوي
اگلــب الــيل كــله بحسره والاه
وصيح ابعلو حسي بويه اويلاه
افــك الــباب كــون وعدنه الگاه
ونـظل ويــاه هم نگعد سويه
****
بويه البيت موحش واظلم البيت
واسمعه يصيح بويه والك حنيت
اشـوفك كــون بين الغرف ياريت
واگــلك بلــبعد اشــسوه بيه
****
كــاغد گلبي احس امبربع ابماي
ويلــچمني البــعد ويـمرد اچلاي
ماضل حيل بيه وصحت بهداي
وانــوح اعلــيك والونه شجيه
****
اجـو ربعك يبويه الكل ينشدون
علـى طيب المعشر هم يسئلون
كــل اهـلك صفو يمهم ينوحون
وعلــيك اعـيونهم ظلت نديه
****
مــكانك ذاك خــالي ودمــعتي بيه
والم احروف طاحت من محاچيه
ابــوي وچنــت انه ابروحي اباريه
مــثل اليــل ويــباري الثــريــه
****
الله ويــاك كــونك ناوي الفراگ
يــمن تدري هلك للغالي تشتاگ
بويه البعد حسره ويظل حراگ
ويــعم افــراگكم بــويه عـليه
****
ابوحيدر
الصبيحاوي
نعي /الامام علي ع
**********
لمــن دنـاله عــلهامـه صــاب الحيد لمن دناله
بظيم حاله طـــاح وتلــگه الگــاع بظيم حاله
گبله خياله تمــدد علــى المحراب گبله خياله
****
تبچي اليتامه علطايح ابمحرـاب تبچي اليتامه
مثل الحمامه ظلت تــون وتـنوح مثل الحمامه
وسفه وندامه حامينه ابهل حال وسفه وندامه
****
الناعي جبريل يوم الوگع مولاي الناعي جبريل
ادموعه ترتيل جود ونينه وصاح ادموعه ترتيل
ون المهاويل ونـــت النـاس اعليه ون المهاويل
****
ماتم صلاته وسفه الولي ياناس ماتم صلاته
ودع حياته الگاظيهه بس اهموم ودع حياته
جور الشماته فطرو بيه رمضان جور الشماته
****
زينـب تنادي بويه وتصب ادموع زيـنب تنادي
گالت حدادي راح البس انه الـيل گالت حدادي
يلچم فؤادي لــو مر علي طاريك يلچم فؤادي
****
صبن يلعيون ماخلي بيه ادموع صبن يلعيون
ماتطبگ اجفون انشد عليه اليل ماتطبگ اجفون
خلهم يلومون المادرو بيه اشصار خلهم يلومون
****
يلرايــح ابعـيد شـيرده بعد الراح يلرايح ابعيد
لادمعي ايفيد غيمت لو مطريت لادمعي ايفيد
دلالـي ايــريد بس شوفتك وارتاح دلالي ايريد
****
ابوحيدر
الصبيحاوي
بــاچـر عــيد وتنــوح اليتامه
سوده اهدومهم ظلت علامه
نعايدمن وبونه عيدنه اوراح
لاتگـبل علينه اتــظل مــلامه
****
تعيـد نــاسنه واحنه بدمعنه
ونون وبنوحنه محد سمعنه
علـينه التمـت اهموم اليالي
واجانه البين بلغالي فجعنه
****
الرايحله عزيز ايبچي الايام
يخلص العمر يتوجـه بالالام
يـصير الـنوح يـاوادم سلوته
يگظيهه بندم ويعض بلابهام
****
الناس ابعيدهه اتاني احـباب
مـوحش بيتنه ومادگو الباب
مشتاگين حــيل والله شـاهد
شيردهــم عـلـي الهسه غياب
****
بسك يــادمــع مايرجع الراح
نيتـــنه الـعمر انخلصه انياح
نتمنــه البچي ايردهم اردود
چا حتى الگلب اتوزر وصاح
****
مــاعيد عدل ايتانوني اهواي
اجيبلهم بـخـور ورشـت الماي
ادگ اگبورهم ودموعي اطيح
ويطيح الـدمــع ماظنه بهداي
****
كـــل الــناس تــلتم ابمســرات
واحنه انوح ونبچي الحمامات
اضـلم بيتنـه ومـفـارگ اضـوا
حزين وبعد مابيه ابتسامات
****
ابوحيدر
الصبيحاوي
نعي مجرد
********
يتامــه عــگبك يلواي صرنـه يتامه
ملامه گضينه العمر بمصابك ملامه
الحمامه نون اعليك ونات الحمامه
علامـه الحزن ونوح سويته علامه
نعي العلواني
**********
الحزن بسكوت من جانه فطرنه
الطــر راسك يحيدرنه فطرنه
شـهر رمضان بمصابك فطرنه
لان شفنه الشرع طايح رميه
*********
ابوحيدر
الصبيحاوي
نعي /المجرد
**********
اثـرهه دمع العين ظل يچوي اثــرهه
عمرهه الناس محزمه وتندب عمرهه
جمرهه تچوي الدمعه ياذينه جمرهه
صبرهه عليك اگلوبنه مـاظل صبرهه
بچاهه الكوفه اليله شو زايد بچاهه
حماهه طــاح الچان هيبتهه حماهه
بلاهه الدنيه اعلينه هـل ذبت بلاهه
اجاهه الحزن ونـوح لحبابي اجاهه
نعي /عاشوري
***********
اون اعــليك يلـتسوه ونيني
وانشف بلبچي اعليك عيني
انــه ابلياك مــاتسوه سنيني
وتمنيت المنيه هـــم تجيني
***********
ابوحيدر
الصبيحاوي
نعي/مجرد
*********
ينوحون علـيك احبابك اليله ينوحون
يگولون بعــد ياهـو البقه النه يگولون
العيون تعميهه البــچي نــدري العيون
يعزون الكوفه وشيعتك كلـها يعزون
لچمات بگلبي اعليك وي الاه لچمات
جمــرات يچون بلدليل احـاه جمرات
اهات اليالي شهود بـينه گضت اهات
دمعات للمظلوم تبچي الخلگ دمعات
ابوذيه
******
صفگت الراح بغيابك علي راح
وكـثرت بلگلب لجلك علي راح
صــرخ جبريل هليلة علي راح
وطاح الركن بلمسجد رمية
************
ابوحيدر
الصبيحاوي
نعي امير المؤمنين ع
**************
تعالو يــاحسن وحسين
تعالو وبــچو ماي العين
الفجر غبش عليكم بين
زينب انه والدمعه نديه
****
دمع حسين مابطل دريته
وگال النوح للغالي هويته
ابوي الچان ويـانه جفيته
ظليت بحزن وافـرك اديه
****
يمحمل نعش بهداي خله
سويت بدليلي الــف عله
ياذينه الحزن ويــاك گله
تهد الحيل يابويه الرزيه
****
دمع الحره وشلها النواضر
والفارگ ابو يكسر الخاطر
يشوف بعينه دنيانه مگابر
وتلچم بيه جيت المغربيه
****
الابــو خيمه ويفيي الدار
وعلى اعيالــه دلــيله حار
الابو ياناس كومــه اسرار
واگول الراح شيرده الـيه
****
نبچي عيونه وكل المدامع
اليله النوح بلــدلال فـاجع
بينه اتزيد ياناس المواجع
اليله يروح حماي الحميه
****
ابوحيدر
الصبيحاوي
نعي الئ امير المؤمنين ع
عاشوري
*******
اون ومــانفع يــانــاس وني
وعلـيه بينت اهــات حــزني
الراعي اليتامه الضهر محني
وعيني للوصي ظلت نديه
لبواتراب الدمع ماكف كفيته
وبس النـوح بمصابــه جنيته
ابــو الفـقره دليـلي صـوبيته
تهد الحيل يــاهـاي الرزيه
******
ابوحيدر
الصبيحاوي
للصدر تبچي اعيون دمعت وفه يكتون
احبابك ولينه تندب حزينه
****
يــوم الحزن مولاي نعزي مصابك
المــذهــب يتيم ينوح واگف ابابك
لاتعتــب اتــرجــاك يـــاذي عـتابك
جــارت علينه ايــام ساعت غيابك
نندب نظل للدوم زاد الحزن وهموم
والصدر وينه تندب حزينه
****
سـيد تـعال وشــوف حــال الافانه
لبنــك صــفو شــمات كـلـهم عدانه
الجمعه حزينه تنوح تبچي البچانه
مرجعنه وينه تصيح مـاضن نسانه
صوتك صده بلروح هيج چثيره اجروح
نذكر حنينه تندب حزينه
****
لا الگـــلتهه سنـــين ظلـــت يغـالي
غيــرك بعــد مــنريــد يـااغله والي
ربـــك هـــواك وراد تصــعد الـعالي
فراگك صعب مولاي نگضي اليالي
نجدد عهدنه وياك مولانه مـــا ننساك
باسمك وعينه تندب حزينه
****
دومــك تظـل علبال يهتف فوئادي
هــايــم دليلي اعليك ساكن ودادي
حزني عليك يطول واعلن حدادي
يـــاصــدر مـــن دنياي انته مرادي
بيك الدليل يذوب وصط الگلب مكتوب
انته السفينه تندب حزينه
****
بيمن اصبر الروح ودمــعي جريته
دورت صــــدر الــدين مـاكو لگيته
اتمــنه عمــري يصير لجله وفديته
دربــــك نـهج واعين دربك مشيته
غصبن على الضدوك انصار الك يردوك
شخصك هوينه تندب حزينه
****
ابوحيدر
الصبيحاوي
بلبــقيع انـــادي كلـــنه الـــيله
كلمن اويــانــه يشد هم حيله
*****
اليـوم عــدنــه بلبقيع اطلابه
نـجي رغــم الناصبي وارهابه
على الغرقد تبچي كل احبابه
بينه عـال الناصبي فــد عيله
*****
شيعه من يوم الجره حزنانه
وچــم مــزار الفلشو بنـيانــه
يبــو صــالح فدوه رد اويانه
والــوكـت بحبابي بين ميله
*****
غــايــه عدنه نوصل الغايتنه
تــوصل الاهـل الظلم چلمتنه
نســمع المــاراد هــم يسمعنه
الچانــو اجـداده تلوذ ابشيله
*****
هــذه مطــلبنه البقــبع اريده
تحزمينه وكـلنه احــنا نعيده
هاي. من الشيعه هل تغريده
المارضــه بيــهه نگــله ويــله
*****
نحط مواكبنه ونجي مشايه
وبلسمه ترفرف نخلي الرايه
كــون گبتــهم تصــير مـرايه
مطلب وللباري كــل تشكيله
*****
انـادي غايبنه الصـبر يـاذينه
يله يــم اگـبورهــم سـر بينه
اليــوم للــكلـفه ردت والـينه
هاي كـــــل اگلوبنــه تدعيله
*****
تحضرينه ارجال كــل الديره
كلمن ابروحـه تــحرك الغيره
گــول واعدانه تــظل بحـيره
نطوي حتى ابرهــا وي فيله
*****
ابوحيدر
الصبيحاوي
بــاچـر عــيد وتنــوح اليتامه
سوده اهدومهم ظلت علامه
نعايدمن وبونه عيدنه اوراح
لاتگـبل علينه اتــظل مــلامه
****
تعيـد نــاسنه واحنه بدمعنه
ونون وبنوحنه محد سمعنه
علـينه التمـت اهموم اليالي
واجانه البين بلغالي فجعنه
****
الرايحله عزيز ايبچي الايام
يخلص العمر يتوجـه بالالام
يـصير الـنوح يـاوادم سلوته
يگظيهه بندم ويعض بلابهام
****
الناس ابعيدهه اتاني احـباب
مـوحش بيتنه ومادگو الباب
مشتاگين حــيل والله شـاهد
شيردهــم عـلـي الهسه غياب
****
بسك يــادمــع مايرجع الراح
نيتـــنه الـعمر انخلصه انياح
نتمنــه البچي ايردهم اردود
چا حتى الگلب اتوزر وصاح
****
مــاعيد عدل ايتانوني اهواي
اجيبلهم بـخـور ورشـت الماي
ادگ اگبورهم ودموعي اطيح
ويطيح الـدمــع ماظنه بهداي
****
كـــل الــناس تــلتم ابمســرات
واحنه انوح ونبچي الحمامات
اضـلم بيتنـه ومـفـارگ اضـوا
حزين وبعد مابيه ابتسامات
****
ابوحيدر
الصبيحاوي
اليلة اوداع حماي الحمية
**
اليلة الحيد يتوسد. ترابات
يوسفة طاح اليگضي الكلافات
يتيم الدين صبت عينة دمعات
وتنوح الناس من عظم البلية
*
نصب ادموعنة اونلطم صدرنة
ونحس حسراتنة تشعل جمرنة
بچينة اتگابلينة احنة اوصبرنة
اوكلفة اليلة يلوالي الرزية
*
تعالو گابلوني اعله الجرالي
ادك والطم اوگابلني خيالي
گلبي انصاب بفراك الغوالي
اوحيل اوحيل دگن يا ادية
*
اليل يصير هندس علجفونة
عله الماشين بس ما ودعونة
العزيز اليلة امغمض عيونة
اوخلة اعيونة اتلالي اوندية
*
يادفان بالك تلچم الهام
تزيد ابروحنة اهات والام
ندك اصدورنة ونكسر اعظام
ويريت انموت موتتنة سوية
*
الماي اتبدة ماينلم دريتة
وگلبي ينوح ظل اوعوديتة
يموت اشبيك غالينة خذيتة
وكسرت اگلوبنة اوگلب الرعية
*
الدين ايلوج من بين نزاعة
اليلة انجوم طاحت ابوداعة
نون وانودع ابحرگة الشفاعة
اجينة انعزي بي سيد البرية
*
ابو حيدر الصبيحاوي
رباطات / امير المؤمنين ع
******
يومه ياذينه يومه ياذينه
مثل يوم الزچيه يومه ياذينه
سلهمت عينه سلهمت عينه
امير الدنيه غرب سلهمت عينه
صبن ادموعي صبن ادموعي
على الطايح رميه صبن ادموعي
الطم اضلوعي الطم اضلوعي
على الراح اوجفانه الطم اضلوعي
يبچي محرابه يبچي محرابه
الكلف مغدور تالي يبچي محرابه
يوجع امصابه يوجع امصابه
عزيز وراح غفله يوجع امصابه
نار لهابه نار لهابه
بگلب كلمن يحبه نار لهابه
تبدت اياته تبدت اياته
ومـــو دم التبده تبدت اياته
مسجد بحيره مسجد بحيره
يوم انصاب امامه مسجد بحيره
ناحت الديره ناحت الديره
بچت كل اليتامه ناحت الديره
غبش امصابه غبش امصابه
جاب الونه لينه غبش امصابه
صاحت ايتامه صاحت ايتامه
اليله الهم لفانه صاحت ايتامه
بطرت الهامه بطرت الهامه
انطر گلب اليحبه بطرت الهامه
الحسن والينه الحسن والينه
البويه بحلگه كلفه الحسن والينه
شال غالينه شال غالينه
بعد ماضنه يرجع شال غالينه
ناره لهابه ناره لهابه
حسين بگلبه حسره ناره لهابه
دار دولابه دار دولابه
زماني وعمل بينه دار دولابه
زينب اتنادي زينب تنادي
راح اليله ابونه زينب تنادي
تندب الهادي تندب الهادي
اجاك احزام ظهرك تندب الهادي
يمسح ادموعه يمسح ادموعه
يتيم الگمر هسه يمسح ادموعه
بحسرته لوعه بحسرته لوعه
بچه بدر العشيره بحسرته لوعه
*******
ابوحيدر
الصبيحاوي
الكعبه متغطيه بسواد علنت الحيدر حداد
امه هيه وجابته وغيره ماعدهه فته
علنت الحيدر حداد
************
حگهه لو ناحت الكعبه وتنتحب
تمنت عيون الهه والدمعه تصب
حيدر الكرار روح الهه وگلب
غيره ما تهوه امامي وما تحب
وگع من عدهه ركن وبين عليهه الحزن
والالم وياهه زاد
************
زاد المهه من وگع حيدر علي
هتزت ويصرخ حجرهه عله الولي
تگول دين الله بلوه مبتلي
شلون سيف الظلم راسه يعتلي
طاح والعرش انلجم دين بارينه انثلم
ونفجع بينه الفواد
*************
جم فواد بطيحتك يگطر دمه
وصوت ناعي ينعه متوصط السمه
ينعه جبريل الوحي حامي الحمه
يوم حيدر طاح اكبر ملحمه
كعبت الله بلدمع بيك حيدر تنفجع
علي يل كلك رشاد
*************
الكعبه تبجي والدمع منهه نزل
وحسره بيهه محيره وتحمل علل
دگول كون تراب اصيرن بلحصل
نهدت اركاني وهوت يوم الاجل
وياك اروحن غايتي علي شلي بدنيتي
الموت بمحبتك جهاد
*************
ابو حيدر الصبيحاوي
ويلي علهامه الطبروهه
ويـلي ايتــامك بچوهه
******
بطيحتك طاحت دمعتنه
اليلــه مفـجوعه شـيعتنه
بلــحزن صــــارت لمتــنه
وهامتك بلدم حنوهه
*****
الكوفه مفجوعه بمصابــه
والــوكــت مفتــر دولابــه
وانــت اونــاحـت احــبابه
بطيحته الشيعه ظلموهه
*****
مجلس بيومك سوينه
ودمعه مــولانه صبينه
نــدبـت الناس ابوالينه
ونزلت املاك اوعزوهه
*****
فدوه ياشيعي واسيني
وبچي لمصابه وبچيني
دمــعي اتبده واسنـيني
اليلــه ايــتامــك اذوهه
*****
نبچي والمهدي ويـــانــه
ينعــه واحبابك حـزنانه
ياوسف الطايح مـولانه
يحبابي الــونــه علوهه
*****
ايـتامــك مــاجـلو ساعه
واگـــلوب الوادم ملتاعه
الموت امحضرله امتاعه
وسنين الغالي بــدوهــه
*****
ابوحيدر
الصبيحاوي
حتاجيتك سند بويه الزماني
تعال اشتاگلك گلبي اوحناني
گلــبي بحسرته ابعدك چواني
يمن تسوه العتب هل عاتبيتك
*****
خــلافك دمـعتي بعيني تلالي
يل من روحي عدي علي غالي
بــويـه مـر عليه وشوف حالي
اظــلم من رحت يابويه بيتك
*****
بويه ايحن دليلي الذيچ الايام
كل لحضه ابغيابك لوعه والام
وتدري ابلا ابوه الواحد انظام
ويگله اشگد بچيت اوحشميتك
*****
اعــاتب بيك وانه الدمعه تدي
يمن بجفاك دمعاتي اعله خدي
وصــحت يالمـت الغـالين ردي
تعــال انــه صـحت وتوسليتك
*****
عــتاب احــباب يابويه عتبنه
ومــن فــرگاك مــلينه وتعـبنه
بعــد مــايــحمل الـفرگه گلبنه
ويدمع العين هم كلك بچيتك
*****
الگبرك باب اسوي حتى اشوفك
واگلب اخدودك والمس چفوفك
اعاتب بـيك شو وحشه طيوفك
گـــوم اويـــاي رد انــي اجــيتك
*****
ابوحيدر
الصبيحاوي
نعي الامام علي ع
**********
يـل مبچينه ومـبچي اليتامه
نــون اعليك ونــات الحمامه
الحزن والنوح سوينه علامه
وننشف اعيونه بهاي المسيه
*****
ويـــه طيحته طاحت مدامع
وكثــرت بلولي كــل المواجع
بچه محرابه ومگابل الجامع
وظل اينوح ياحامي الحميه
*****
عليك امحيره دمعات الاحباب
وزينب تــانتك يــاعــلي بلباب
يتيمه اتمايلت والدمع سچاب
وشافت نوح وفراگ اواذيه
*****
كـون ابهامنه مـــو هامت الحيد
تره الحسنين اسود عدهم العيد
شفت بجفاك هايه الدنيه متفيد
وعــين الفارگك ظــلت نديه
*****
بويه تصيح زينب والدمع سال
عگبك كلنه بــويـه مكدر الحال
حسينه الــزمان ابطيحتك مال
طاح المرتضئ وناحت بريه
*****
يبـاب الله الوسيع اليله مسدود
ويمك كـــل هلك متناثره اورود
عفت ابروحتك چم گلب ممرود
وتون اعليك خليت الثنيه
*****
اگلـب الــيل مــايخلص بهاماك /الهم
يمــن يسوه السلف كـله بهاماك /ابهام
عمت عيني الجرح يدي بهاماك /الهامه
وعليك اتنوح شفناهه المنيه
********
ابوحيدر
الصبيحاوي
اجانه العيد واحنا اسود هدمنه
وعلى الراحو اون صبح ومسيه
وشفنه الموت فرگ كل اهلنه
وانه الظليت اون وافرك بديه
مشو ياحيف كل اهل المحنه
وبعد ماضن عزيز يرد عليه
اتاني اچــم عـزيـز ايمر حلمنه
اوبديه اينشف اعيوني النديه
مدري شبيه شــو ظالم وكتنه
جــاب الدمعه والـــونـه سويه
گبل چانت الوادم تنطر العيد
وهسه تخـلص العيد ابمناحه
عراح اوتركنه وهــاجر ابعيد
تـــاه الـيل بيـنه وي صباحـه
تمنينه امس بينه يجي نريد
وگلبي يبطل الونه اوصياحه
نظل بهدومنه ماردنه تجديد
وخلصنه العمر ماشفنه راحه
لو ندري البچي علرايح يفيد
نسوي من الدمع تدرون واحه
****
يمـــوت اعــزاز گلبــي ماتخلهه
وگبل چم يوم روحي مـاتخلهه
خــلل بــلروح يــصبح ماتخلهه
رجيجه اوبعد ماتحمل اذية
*******
ابوحيدر
الصبيحاوي
نعي گرناوي /الامام علي ع
**************
علي لمــن مشه مــاظلت ادموع
وخله ادموعنه بينه نياشين
ظــل الكـون كلــه اعليه مفجوع
محتاره تره ومغورگه العين
عليــه البيت ظـل بحسرته يلوع
حياطينه بچت امحمله اونين
گلبي تفــرفـح وماكضته اضلوع
بچت وياي ايتام اومساكين
احس بيه طفت ماظلت اشموع
من يوم الافه للغالي البين
*******
صفـگت الــراح بغيابك على راح
وزادت بلگـلب بــويــه عــلى راح
سمعة الناس من صاحة علي راح
گمت اوگف وطيح بلا وعيه
********
ابوحيدر
الصبيحاوي
نعي/المجرد
*********
فجرنه بطرته الحزن متحضر فجرنه
حــزنــه وعلينه اتماده ياوادم حـزنه
املـنه سوده الدنيه مــن غدرو املنه
حملنه بــس هــم وقـهر بعده حملنه
مانام اليحبك يــاعلي مــاهاد مانام
ظلام السعولك بلغدر مــولاي ظلام
ليام اخلافك كلهه سوده تصير ليام
اعــلام رفعنه للمصاب اليوم اعــلام
************
نعي/زريجي
**********
علي ابفرض الفجر ناحت صلاته
ونعــه جبريـل مــن گــرب مماته
طــاح الچان منــه تهاب الاجبال
ومـــرد ويـــاه لـمــن طــاح دلال
**********
ابوحيدر
الصبيحاوي
نعي /الامام علي ع
**************
هــذه الشهر شهر الحزن والدمعات
شيخلصه وي زينب شهرنه بعبرات
الميت ابوهه تگضي عمر ابحسرات
تنــوح العــزيـزه ادري وي دمــعتهه
ويابويه تبــقه اعــله الحلگ چلمتهه
من تگول بويه اتطيح وي حسرتهه
يــوم الرحـت خليتني بلباب اتانيك
ارسم ابالي صورتك واجمل معانيك
مدري اعزي ارويحتي مدري اعزيك
احـس بلبيت دونــك خــاوي شفته
وشفت حيـطان بيتي تصب دمعته
اخــاف ايطــيح لــو طلعت حسرته
الكوفه بلحزن گوطر بختهه وراح
جــرح هامك البينه خلفاله اجراح
اليله شيعتك تگضيهه بــس انياح
عليك الكون محزن طــش سواده
وهتف جبريل والحرگه ابفــوئاده
عــلي ابيــت الله وتلـگه الشــهاده
***********
الــك الحساس بيــنه وده عتنه
وزينب بويه صاحت وده عتنه
عــدمــن مــن عفتنه وده عتنه
ظلينه بحزن صبح اومسيه
***********
ابوحيدر
الصبيحاوي
نعي الئ امير المؤمنين ع
بطور / الجنوبي
************
ونيني اعليك ونات الحمامه
يتامه من عگب عينك يتامه
صــار الــدمع بلوجنه علامه
ومــاطر الفجر ظل ابظلامه
والراح ودع بلسلامه
نـون ونــوح لمصابك علينه
نعينه مــابطل ساعـه نعينه
طايح والفرض لچماته بينه
تره المصيوب بلهامه ولينه
واعليه مايبطل بچينه
*******
ابوحيدر
الصبيحاوي
نعي الئ امير المؤمنين ع
طور / الزريجي
**********
اجانه اهلال رمضان بدمع واهات
اجــانـه بنوح بينه تخير الچلمات
بــي حيدر عـلي مـطبور بلـهامــه
على المحراب طاح وتنعه ايتامه
كــف مـنه بــعد يهلال خـل ننخاك
يــل مــاخـذ عزيز الروح هم وياك
عفت زينب يتيمه امفرفحه الروح
على الوالي تخـلص اليل بس نوح
لتمر بيـنه خــلي الــدمــع مــرتاح
وي طبرت علي كلمن يحب صاح
الهسه الناس بيـنه اتثـوب ادموع
ومثل ذوب الشمع صدگنه انموع
******
ابوحيدر
الصبيحاوي