-
الشاعر ابو حيدر الصبيحاوي.
نــزل عبــاس خيــال المنيه
دم سواهــا كــل الغــاضريه
عــاف ارجــالهم ظلت رميه
صاحت غوث منه كل اميه
هــذه الغيره كلـهه والحميه
نــزل حمـاي لــولاد الـزچيه
اليله انهارهـم يصبح مسيه
عيون الـگابــله ظـلت نـديه
نــار البي مــاتطـفه وسـريه
كلف عباس بچفوفـه قضيه
گمر يــانــاس لفتـاته ضويه
الطف وكربله هـزهن سويه
جــاب الموت للعالــو هديه
وكلمن گابـلـه يكتب وصيه
ابيد الجيش لـو يگبل عليه
امـد ايدي بعلو نجم الثريه
تلـوح السمه لــو رادن اديه
عليه اشهود كل هاي البريه
امـوت ولاتظل زينب سبيه
واگبع اعـداي بلهـم والرزيه
افور من الغضب والبيه بيه
اخلي اعيونهم تصبح جريه
احامي الدين وي عترة نبيه
واجيب الـماي لعيونچ رقيه
*****
ابوحيدر
الصبيحاوي
عبدالله اتــانيــك اتمنه اناغيك
واسمع محاچيك رد يمـه الـيه
*****
ياذيني بعدك يلولد مااحمل افراگك بعد
يحاچيني احسنه المهد ودلالي ايلوب انمرد
مــااحمل افراگ كل ثانيه اشتاگ
تاذيني الاشواگ وافــرك بــديــه
*****
ابالي حسبات شكثر الحسبه تنعد ابعمر
ماينفع اوياي الصبر شيفيده البچفه جمر
النسمه تچويه والذكره تاذيه
تــذبـل معانيه بجيت المسيه
*****
گالولي مايبطي تره ياام الولد يمحيره
تاليها كسرو خاطره اعداء حزو منحره
تــالي متالي ذبحو الغالي
ابحضن والي شـاف المنيه
*****
ردو الــي ابسكتته للباري رافــع جبهته
صديت تبچي خلته يتم اعيوني الشافته
يايمه احاچيه حلوه محاچيه
مـاحرك ايديه ولا رد عليه
*****
بلموت يمه استعجلت ابروحتك شنهو گلت
غربت ياوسفه شلت وبلفرگه انه اتعلعلت
والهــم لفاني دمعي چواني
ظليت اعاني بهاي الرزيه
*****
للذكرئ عايفلي دمع يلضاوي يانور وشمع
ماحسبت بيك انفجع وگليبي لو ون ينسمع
توجعني الروح يمكثر اجروح
مــابطلت نــوح يوم البليه
*****
ابوحيدر
الصبيحاوي
بيا وجه اتانيك يــــابــو صــالح
بذنوبي اراويك تخجل الملامح
استحي منك تره وادري بيك المغفره
اذنوبي اهواي اذنوبي اهواي
*****
كــل ساعــه اناديك العجل بـس كلـي اذنوب
مــن هامتي الرجلي تره متروس انه اعيوب
مستحي مــن عــدك اظل يــا اغــله محبوب
تانيت انــه بظلمت وكــت بكل هاي الادروب
باهاتي احاچيك وبعيني دمعه
تمنــيت الاگــيك بدروبي شمعه
عيني ظلت ناطره وادري بيك المغفره
اذنوبي اهواي اذنوبي اهواي
*****
كــل يوم تنضر حالتي وتنعرض كل اعمالي
وبيدك تغطي چم ذنب وتستر امامي حالي
چـم مــره كاسرلك گلب وترحم احس دلالي
انـي سبب كل ظلمتك وانته تضوي اخيالي
اعذرني مولاي اخرتك اني
يلعايش ويـاي ومني تعاني
للدين انته گنطره وادري بيك المغفره
اذنوبي اهواي اذنوبي اهواي
*****
تدري انته اذاني الوكت وانته امل لحضاتي
مــن طيبتك تعفي تره مــن تسمع ابچلماتي
تــانيت الــك كــل الــعمر ضيم وقهر باهاتي
ماادري اني هم سبب معطلك انـه بحسباتي
سامحني انخاك يابعد روحي
اقــبلني ويــاك تبره جروحي
روحي اني موجره وادري بيك المغفره
اذنوبي اهواي اذنوبي اهواي
*****
حــاضر على طـول الــزمــن كــل العمر ويانه
وبحالي تــدري انته شكو تــايب واجيتك انه
اعذرني لــو مــرات الك يصـير العتب عنوانه
تدري انته بحوالي احس روحي الـك حزنانه
گاضيهه اهـات بدلالي لچمه
تخنگ العبرات تــاليهه اعمه
ومنك اطلب معذره وادري بيك المغفره
اذنوبي اهواي اذنوبي اهواي
*****
دليني بابك ويـن اجي افتح شليلي الجودك
ادري انته بگلوب الخلگ يلغالي كل احدودك
رغم الجره مني تظل مـاتخلف انته اوعودك
عجل علي فــدوه الفرج اقسم انـه بمعبودك
متمادي غلطان ابحالي تدري
اترجه الاحسان تقبل ابعذري
الينخاك تجبر خاطره وادري بيك المغفره
اذنوبي اهواي اذنوبي اهواي
*****
ابوحيدر
الصبيحاوي
ياهوانه العذبانه
من اصيح حـسين والونه خفيه
*******
مخلوق لجلك انه خادم صرت لحزانه
يسموني خادم
ثوبت كل ادموعي الطم گمت بظلوعي
بمولاي هايم
خادم اظل شمعه اوامل واصبح مثل
بلخدمه
كل العمر شايل جـمر احمـل صبر
بلعتمه
وبحياتي والمماتي
اتمنه كونك سيدي ترضه عليه
******
عايش احس ابالي وساكن نبض دلالي
وبگلبي نايم
بگلبي صفه سباحه روحي بهواء مرتاحه
محبوبي عالم
دمعي اله هوه وهله بگد كربله
اهــاتــي
صوتي عله بهل مسئله گلبي ابتله
ودمعاتي
مانسيته ولاجفيته
ابالي عاشت من زمان الغاضريه
*****
ايامي تگضي بجاله وگالو علي هنياله
وتباهه بيهه
للموت اظل يدروني رخصت ماي اعيوني
ناذر بچيهه
حبه ورع بيها انتفع بخته انرفع
باسماهم
الالهم بقه عالي ارتقه بجنه التقه
ويــاهــم
والعرفهم ومانكرهم
بلحشر تحـضر الــه اهنـاك الزچيه
*****
سموني من انصاره وعيني عليه تجاره
ويهل بچاها
وياه گاضي اسنيني شايب رمشها عيني
دهري نعاها
بيه التمس نور الشمس بگلبي احس
غالينه
وبلمجزره ربي دره الطاح بثره
والينه
بتضحياته وبنايباته
وانه اظل خادم الـه الحـد المنيه
*****
كل الخدم تتباهه حسين الكرامه اطاهه
صـارو مـناره
تسجلو عد الزهره كلمن بچالــه قــطره
وراح المزاره
الهم ينجلي يحضره علي وجاه الولي
وسجداته
العايش الم بيهم حلم رافــع علــم
چلـماتــه
والموالي مايبالي
وقعاله حسين من دمه هويه
*****
ابوحيدر
الصبيحاوي
شافت اهات ومصيبه مــاتت الظلت غريبه
مــرت اعليهه المــنيه زينب اعيون الزچيه
اه يزينب اه يزينب
*****
تــانت الموت وتــره تحسب يجيهه
الگضت عمرهه بلحزن تندب وليهه
دنياهه جـارت يـاخلگ كلـهه عليهه
ضلت ابسـكته تــون تخـفي بچيهه
شافت احزان السبي ابــالــهه نــار اوعبي
تحملت جور اواذيه زينب اعيون الزچيه
اه يزينب اه يزينب
*****
ليــلهه بــس اه ودمــوع بنــجومه
وگامت مــن المغرب الحره تلومه
تنوح عل مذبوح ومسلب هدومه
وعلى الــضلو بلفله اجساد نــومه
شافت اهموم اشكثر وبلگلب مــوگــد جمر
بيــهه اثــار الــرزيــه زينب اعيون الزچيه
اه يزينب اه يزينب
*****
تحضرت للموت بس هيه وحيده
ويــن كــافلهه المشه هسه تريـده
عــن اهــلهه عـاشت بغـربه بعيده
شافت بـذاك المسه الحزو وريده
وهسه ياوادم تتاني تندفـن بيـهه الاماني
ومااجو اهل الحميه زينب اعيون الزچيه
اه يزينب اه يزينب
*****
تباوع ادور اهــل محــد اجــاهه
والعــجيبه مــحد المــر اولگاهـه
الغريبه تظل غـريبه ابــلا حماهه
لا اخو المر واعتنه وهم شيعاهه
هايه حالتهه العقيله ليله مــرتهــه ثچيله
تـنعه انجوم المسيه زينب اعيون الزچيه
اه يزينب اه يزينب
*****
كــل الاهموم العليهه اليله راحت
هيه بس هليله ياناس استراحت
ورده عايفها غصنها هسه طاحت
دنيه لعيون العقيله بحرگه ناحت
صار الوداع اوبچي سكتت اهات الحچي
عليهه ونتنه شجيه زينب اعيون الزچيه
اه يزينب اه يزينب
*****
ابوحيدر
الصبيحاوي
چن غريبه بهل مصيبه هايه زينب
واليتامـــه بــــل ملامه هايه زينب
حتى الهوه ياذيهه ماتت قهر تاليهه
هايه زينب هايه زينب
******
دمعـتهه طـاحت
هاي العزيزه بس تون دمعتهه طاحت
ساعه استراحت
مـامر عليهه بهل زمن ساعه استراحت
تنوح اليل چـانـت والـدمع سكته
تگول حسين گدامي نذبح شفته
كـــل دمـعهه والفـجعهه فگد اخوهه
مـــن ظلوعه بيهه لوعه فگد اخوهه
عيني صفت تبچيهه مــاتت قــهر تاليهه
هايه زينب هايه زينب
*****
دمعتهه حمره
حتى الدمع بيهه اختلف دمعتهه حمره
ماتطفه جمره
بنــص الـگلب تسعر دوم ماتطفه جمره
تعبهه الوكـت ويــاه كلهه اجروح
گظت ايامهه لوعه وحزن وبنوح
ون اوهــجر تــاه العمر بنوح العزيزه
هـــم وقــهر خلف اثــر بنوح العزيزه
ظلمه عگب غاليهه مــاتــت قهر تاليهه
هايه زينب هايه زينب
*****
عمرچ مــناحه
خلص يبت داحي الباب عمرچ مناحه
ماكو استراحه
گاضي العمر هم اونوح ماكو استراحه
حزنهه اتربه بلشوغات وكت الهم
وزينب عاشت الايــام نـوح اودم
بنص الخيم چان الالم بلغاضريه
كـــل الجره والمجزره بلغاضريه
بدمعه ونعي نعزيهه مــاتــت قهر تاليهه
هايه زينب هايه زينب
*****
سكته ونـينچ
بيچ الصبر ظــل يلوذ سكته ونينچ
ماغفت عينچ
لا ساعه هيه الهودت ماغفت عينچ
يلچمهه الدهر ساعاته نوح وظيم
ويلــم بهـمومـهه لـمت شته للغيم
محد اجاهه ولاوسداهه وكت المنيه
العاف غالي وحشه اليالي وكت المنيه
ناح بحزن ناعيهه مـاتــت قــهر تاليهه
هايه زينب هايه زينب
*****
هندس لفانه
يــوم المشت دار الــوكت هندس لفانه
دهري وزمانه
ظل ينحب اعليهه وبچه دهري وزمانه
نـوخ ضعنچ بسكته غريبه اهناء
نحس بلدنيه متئلمه بدمع ويلاء
تون كلهه مشه خلهه ولا يرجع
تره محنه طبگ جفنه ولا يرجع
سابع سمه يعزيهه ماتت قهر تاليهه
هايه زينب هايه زينب
*****
ابوحيدر
الصبيحاوي
اليله البچي بس للعقيله دمع عيني كله اسيله
عاشت اباه وغرب نار المخيم بلگلب
بل عقيله بل عقيله
******
بيهه عاشت بس مناحر الهسه تستورح دمه
ويــن مــاصدت مكدره تشوف دخـان بسمه
الـنار تــاكــل خيمه خيمه العده هدت ظالمه
كل طفل مكسور خاطر وكلهه وسفه ميتمه
جارت الدنيه بظلم جروح كثرانه وتظم
بل عقيله بل عقيله
*****
هــذه حــال الحره هــذه الدمع يلچمهه تره
الــدمعه مــن اطيح منهه نــار بيهه موجره
حگها عــافت كــل اهـلهه مـوته وبلايه ذره
انه من احچي وسلوف مـنهه اطلب مغفره
حارت بمنضر بشع والگلب ظل منفجع
بل عقيله بل عقيله
*****
مرهه اصعب يوم بيهه موت وحبال وسبي
نار تحرگ كلشي ظلت ودخنت حتى العبي
زغـار مــن كثر المئاسي بلمشي تحبي حبي
بــعد مــاظــل مــن اهلهه وذبحو ولد النبي
خلصت لوعه العمر بيهه اهات شكثر
بل عقيله بل عقيله
*****
من زغرهه الحد كبرهه شـافت انوع الحزن
من لفاها امصاب جدهه وامهـه خلاهه تون
نــوب طـبرت علـي بيـهه خـلت الحره تحن
شافت السم ابچـبدته الحسن ماغمض جفن
عاشت الواقع خيال همومها مثل الجبال
بل عقيله بل عقيله
*****
شافت الطف اعله حيله ياخذ الچنهم ضوه
ونــار كـل الخيم شبت وحترگ كلشي سوه
چان حتى الماي ضدها وصاير اوياه الهوه
وبعد ماظل يمها منهم بقه بس جود اولوه
جارت الدنيه بظلم ونار بيهه وتنهظم
بل عقيله بل عقيله
*****
استحه الطف ودنگ الهه شوفه ماشاله بعد
گال هاي الخدر كله مـن مشت مشيت اسد
الجيش لــمن سمع بـيهه بــقادته كـله ارتعد
خاف زينب لو تحشم يگرب بحسهه الوعد
لمــت ايتام وحرم وبيهه مستوطن ألم
بل عقيله بل عقيله
******
ابوحيدر
الصبيحاوي
حـال ام اوابنهه شسولف عن حزنهه
ومـابطلت ونهه تــون صبح اومسيه
********
تنوح اعله المشه وراح مثل ون الحمامه
تگضي اليل بـس اه ابـچي يـفوق اليتامه
دمعهه اعله الجفن بات بيها اصبح علامه
كــل ام تبـچي الفراگ ودمع صبت قيامه
يــاذيهه تــره اليل بيهه مايضل حيل
يبقه المدمع يسيل وعليهه تحل اذيه
****
ام عبــدالله بـس نــوح گضت كـل اليالي
مثل خيط اسمه راح نذبح بلحومه غالي
ييمه ايحن تره اعليك نوحي وهم دلالي
صفه عبدالله چـن ماي طاح وظل يلالي
زغير واجـه الموت لمن اجه بسكوت
گاطع نحره وصوت شبگ بيده المنيه
****
وام الاكبــر تــون دوم عـلى هيبت وكتهه
بيهه الــهم عــمر صـار لان فگدت ولدهه
بحلاته بس نبي صار تگول امه الوردهه
الك يمه انــه اشتاگ وروحك من يردهه
تعــال ورجع الراح سكت بينه الانياح
دمع ادهده اوطاح علي صعبه الرزيه
****
شحال ام الولــد هاي رمله وبيها حسره
لوشافت تره اشموع يظل يتراوه نحره
مثل ليل الشته اعـداء هوه وحده گمره
الورد مــن عـده ايغار تميز حتى عطره
بعينه الحلم اهات يردد بقه الهيهات
عزيز بگلبي المات تـوسد هم وطيه
****
زهره تون على حسين ام تنعئ مصيبه
تحس لمن جفه وراح چن ظلت غريبه
وهاي ام الگمر هـاي الگلب زايد نحيبه
دمع صبت روه الگاع تون ونـه عجيبه
التفگد غالي تحتار گلبها يشتعل نار
دمعها يخلي اثار تگول شصار بيه
*****
ابوحيدر
الصبيحاوي
خويه وين زينب وبلگلب حسره
خويه وين مــابقت بلعين گطره
حسين ادور والگمر مـــاكــو للغــالي اثر
خويه وين خويه وين
******
انه چنت ابضعن اخوتي رايه للبخت اوضوه
وهسه يــاوسفه سبيه وگــام يجرحني الهوه
گمـت ادور ويــن راحو الموت مـر بيهم سوه
مــن مشو عافولي ذكـره دمع وچفوف اولوه
وياحسين گمت اصيح بحسرتي
وياحسين اطـيح سـكته دمعتي
هسه حسيت بخطر مـــاكــو للغــالي اثر
خويه وين خويه وين
******
الدنيه من ايدي وتبدت وخذت كـل احلامي
بسكته احس اهمومي مرت كلهه وي اللامي
ظلــت اعيونــي خلــيه وگــلب ينـحب دامي
راحو الچنت انه اودهم ومشه حتى الضامي
مرنه بين وهلــي راحــو مااجو
مرنه بين كــل اخــوتـي سافرو
الموت بحبابي عثر مـــاكــو للغــالي اثر
خويه وين خويه وين
******
خويه ياحسين وعضـيدي ليلي بغيابك عذاب
اصفن وكل دمعه اصبهه شايله اهموم وعتاب
چنت كل لحظاتي يـمك هسه اشوفنك سراب
الدنيه كلشي بعيني سدت بعد ماتفتحلي باب
بس ونين صارت ايامي ودمع
بس ونين وكلشي بيـه ينفجع
خويه ياذينه السفر مـــاكــو للغــالي اثر
خويه وين خويه وين
******
گمت ادور الگمر مــاكـو ضلمه صارت دنيتي
وتلچم ابــروحي احسهه مــن اطـلع حسرتي
الچان وكت الشده درعي هسه صاير دمعتي
مني شالــو كــل جفوني وكلهه راحت خلتي
صبي ياعين الراحو اغله احبابي
صبي ياعين كلش چبير امصابي
ينحب اوياي الحجر مـــاكــو للغــالي اثر
خويه وين خويه وين
******
كــل اخـوتي مني راحو صرت يادنيه غريبه
وگلبي مــايبرد ثــوانـي ويچوي دلالي لهيبه
فــاجعه المــرت علينه يـاعظم هاي المصيبه
گلبي ليليه اعله اخوتي اسمع اهات ونحيبه
كل حنين يبچي لفراگ اخوته
كل حنين حزن صارت چلمته
ضيعت چف ونحر مـــاكــو للغــالي اثر
خويه وين خويه وين
******
ابوحيدر
الصبيحاوي
مرعليه حتى لـو بلطيف مره
مرعليه يلعفتني بطرگ ذكره
امسح اعيوني تعال گمت اتمنه الخيال
مرعليه مرعليه
*****
بويه لتدگ بابي بيدك بويه دگ باب الگلب
راح مــو بـس اني اتاني اني اتاني والدرب
فــرگتك صـعبه عليه وتدري بغيابك صعب
من عفتني الهسه عيني ماتبطل بس تصب
بكل مسيه تغيم الــروح وتحن
بكل مسيه يسير اعلينه الحزن
انگطع حبل الوصال گـمت اتمنه الخيال
مر عليه مرعليه
****
كلشي بيه يحن اعرفه انزف اجروح ودمه
وسـوده بعيونــي شفتها ظلمه بنهار السمه
الراح ابــوهـا كثر همهه جرح ياهو ايلملمه
تـبقه بــس للنوح هيه تظل عمرهه محزمه
چن سبيه راح غـالــيهه ورحل
چن سبيه وانطفت شمـعة امل
بچت اعيوني الجبال گمت اتمنه الخيال
مرعليه مرعليه
****
الموت من گرب وجانه اختار اعز احبابي
مد اديه ابوصط گلبي چن غميچ اصوابي
المن احچي يخلگ الله وبعد اگول اعتابي
حلــم يرجعلي واشوفه حلـم لــو دگ بابي
افرك بديه احبابي ياوادم مشو
افرك بديه اليله عنــي گــوطرو
راحت ايام الدلال گمت اتمنه الخيال
مرعليه مرعليه
****
ادري الميت ابوهه من الله تتحول يتيمه
كسرت الوالـد البته تعيش تاليهه بهظيمه
تدري بي يطوف ظلها عده ابنيته عظيمه
دمعه التهل ابغيابه تچوي ماضنهه رحيمه
تظل نديه تنزف وصبت دمع
تظل نديه بيها كلشي ينفجع
ماصفه بروحته البال گمت اتمنه الخيال
مرعليه مرعليه
****
المالهه بلدنيه غـيره كـون ميته وتستراح
لاتشوف اجنازه يمهه بـعد ماتسمع صياح
يوجع التفگد وليهه البچي والفرگه ونياح
وليل مايگظي شطوله اليل اگلب بلجراح
بلا وصيه ميته شلي بظلتي
بلا وصيه هايه اخـر چلمتي
لاگمر ظل اوهلال گمت اتمنه الخيال
مرعليه مرعليه
****
ابوحيدر
الصبيحاوي
ردت الحره العقيله الدار اهلهه
وام گمرنــه بلحزن دمعه تهلهه
من عللهه
******
اجت زينب والهموم الكلفه بيهه
كـل مصايبهه لفت جارت عليهه
تگول انه المنذبح شـافت وليهه
هاي ام الگمــر محتاره بحچيهه
الحزن باهاته شملها من عللهه
*****
جابت اوياهه دمع كــل اليتامه
خلو ابــوجه الوكت اكبر علامه
المنذبح ياناس حرگوها خيامه
والزمان اتعده واطلقهن سهامه
دنيه وشكبره حملهه من عللهه
*****
صاحت ام عباس والدمعه تلالي
شلون حالچ ونذبح بلغبره غالي
انه بس النوح من رحتو صفالي
يمه شحچيلچ شگلچ هذه حالي
روحي متحيره شگلهه من عللهه
*****
فدوه زينب هودي نوح وحسرته
تلچم ابدلالي احسن چــن جمرته
الله اليعينچ علــى الهــم وعـبرته
گمت اصـد ابگلبچ اهاته وكسرته
تغير بزينب شكلهه من عللهه
*****
حطي همچ يبت حيدر ويه همي
يمي اگعدي سولفيلي گولي يمي
دمـچ السال اوجـره يلحره دمي
وانه هم ام العزاء سميته اسمي
همومچ ادريها شثگلهه من عللهه
*****
ابوحيدر
الصبيحاوي
اه يارقيه الزهره وام عباس اجت
دنگن ليهه والعـيون تصـب بچـت
فــاطـمه وام الگمــر اجنـهه
گامن يصبرنها يسكتن ونهه
اه يارقيه اه يارقيه
*****
الزهره بدموع المئاسي تبچي الها
يـمه يحبــيبت دلــيلي چــن تگلها
صدت وشافت رقيــه وكــل عللها
طفله متحيره بــزمــان بكل اهلها
شافت حزنها ولدهر يوليهه
امدلله وهــذه الجره تاليهه
اه يارقيه اه يارقيه
******
نكتت تـراب الي بـيـهه ام الامامــه
ناحت اعليهه وبچت مثل الحمامه
وسمعت اصياح اونين امن اليتامه
هاي بــت الغالي مـتوصطه الملامه
ملچومه بلاه وتظل بحسره
والوكت وياهه تحول عثره
اه يارقيه اه يارقيه
******
حنبت يمهه وبچت بچي الحزينه
ويمــه گــالـت الخـلف بالله علينه
بــام الگمر ناح الگلب عالي ونينه
گليلي شنهو البيچ ياريحت علينه
شنهو الجرالچ يــادمع وتبده
زغيرونه ندريها عمرها تعده
اه يارقيه اه يارقيه
******
شلون حال الوالي لـو شافچ يتيمه
يمه گومي اوياي ياچلمت هضيمه
كون اصيرلچ غطه لـو صير خيمه
عشتي ايام المئاسي ابطرگ هيمه
الموت شفتيه مايعوف الراده
وكلمـن يبتي بليلته اوميعاده
اه يارقيه اه يارقيه
******
ناحن عليهه وبچن اعيون السمه
هــاي العزيزه وسفه حيل امئلمه
طاحت اسيره بـين ناس الظالمه
ذبحو ابــوهه وتالي هيه اميتمه
فاطمه تناديها تصيح احبابي
وتگول شيهود عليه امصابي
اه يارقيه اه يارقيه
*******
ابوحيدر
الصبيحاوي
للجواد كـــل ادمـوعي اتسيل
واون بكــثر مـا بگليبي دگات
حزين ولابــس اباحزاني اليل
عله المسموم مابطلت دمعات
دنيــه بــروحتك بعيونه تميل
عليك اتنوح مولاي الحچايات
جـــواد الأئــمــه اليلــه ايشيل
تصب ابروحته دمع السماوات
مسموم وصـفه مابيه كل حيل
وبغداد بــدمـع تبچيله حسرات
اليلــه الـكاظمـيه تــندب الـويل
بچه كــل الحچي ويه العبارات
زماني وياك مدري شماله ايعيل
يمن خليت بينه اهـواي عبرات
****
الحزن شفته اجه ليه وميته
ومرد گلبي الگرب يومه وميته
الفرج يا صاحب الرايه وميته
نمله گلبي حزن بلصار بيه
******
ابوحيدر
الصبيحاوي
مجــلس اليلـله نصـبنه بــكل مكـان
الــيله نبچــي انعزي صاحب ازمان
*****
يلله يـــاشيعـة عــلي علنـو الحداد
وخــلو فــوگ الغيم يتـعاله السواد
اليلله سوده وننعه مــولانه الجواد
وگــام ينـعه امصـابنه حتى الاذان
****
للجواد ادمــوع عيـني الكل تسيل
عمة عيني مصابه يفجعلي الدليل
الكون مــدري شـبي حسيته يميل
بطيحت الـغالي بعــد مـاظل امان
****
عمـره بلعشرين بـس اتعده نوح
چـان بلذر عايش ومخلوق روح
شگد حمل اهات بلدنيه وجروح
چان مخلوق ابوفه ومن الحنان
****
حـضــرو ســم المنيه مـن اجوه
جبــل مــن الصـبر مـولانه لگوه
سلهم اعيونه ابئلم مــن مـوتوه
وسكت كلشي بي ماحرك لسان
****
هــاي ليـلله مـحيره وكلـهه ونين
وكــل مـوالي بليلته صبح حزين
ساعه وحده طشرت كل السنين
جــابــو الموت والــه طلقو عنان
****
الورد عمره ندري يـاوادم گـصير
عطر يطي اولون والمعـنى چبير
العنه سولف ادري بوصافه يحير
ياهو يگدر يوصف اشكال الجنان
****
ابوحيدر
الصبيحاوي
نعي
*****
ادورك والدمع محتار بچفاك
وتمنيت العـمر خلصته وياك
ليليه اون يــل غــالي ونعاك
انشف بلدمع والدمع ينخاك
حشمت الحـلم بلحـلم الگاك
هندس واليالي ادور اضواك
ادگـن بـابك وتتبده الدموع
احسن بلگلب بفـراگك يلوع
يلعايف سلف لليوم مفجوع
لطمنه وبلطم اذينه الضلوع
صوت اونينه ليهسه مسموع
للغالي اجت حزنانه مجموع
خــلينه الـــدمــع بعيونــه ايبات
خــرســه بلشفايــف بينه چلمات
صفگنه اچفوفنه صحنه حسافات
عجيد الگوم خــله بيـنه حسرات
ننــعه بــيا حــچي وبــيا عـبارات
طبعن عل وجه من يومه دمعات
******
ابوحيدر الصبيحاوي
نكتهه اچفوفه ابوفاضل وبيده زلزل الحومه
هـذه ابــن الفحل مهيوب خله اعداء مالومه
********
لــو طب الگــمر عــباس يحـرك الغيم بلرايه
ايــه مــن الجليل انصاغ تــرعب طبت الايه
دگ نــص العده يــانــاس بيده مثبت الثايه
صارت ركضه بلميدان وبانت كلهه مندومه
********
چــن حيـدر علـي الكـرار وشايل بيده فقاره
خــله المشرعه والجيش بــي لليوم محتاره
مثل حاصوده گام يجول باشط حيل بتاره
كــل الگــابلــو يــدرون خــله اعداء مثلومه
********
دگ نــص الشريعه انذار ورجفت منه خياله
گلبهه اليسره فــوگ ايمين چنها الگاع مياله
گـام ايعبي نهــر بجــود صايود واجه ابفاله
گبل لا يوصل العباس وصلت الهــم اعلومه
********
گــال الماي اجيبه الماي والـم الغيم بسمانه
مــن فگره التماده اهـناء اسود يبقه عنوانه
بلطف حـط اثــر عباس ظــل للدوم نيشانه
يحامي دينه ونصاره وجــاب الماي لنجومه
********
طب مثل النسر لعداء فرزن ذيچه من هايه
شيخ وظل يخوط الگوم وكل اعداء ودايه
ديوانه الحرب ياناس سيفه ودرعه الصايه
الغيره والشهامه وياه بي اطباع مـن يومه
********
ضمو روسهم من طب حتى الخيل مبهوته
الصد لعيون ابو فاضل گـام يحسب ابموته
هز كل كربله العباس مـن صاح بعلو صوته
گــال الماي اجيبنه واروي اطفال محرومه
********
نزل چــن غضبت الجبار وكلهه تبيد گدامه
كلهم دنگوهه الروس بـس هــوه رفع هامه
شد اعله الصفوف بزود شد الحيل بحزامه
يلدافع كرب لحسين وعينه ماخذت نومه
********
ابوحيدر
الصبيحاوي
يــاسباح گلبي ودمعة اعيوني
اون اعليك عبدالله ويلوموني
ها يبني ها يبني
*****
اون انــــه علــيه ون اليتامه
اخلي ادموعي بفراگه علامه
وحرام اليل عيني لـــو تنامه
اون امحـيره انــي وضنوني
*****
يمـه الموت مـــايرحــم دليلي
ادور اعليك يـاروحي وخليلي
من يوم الرحت ماظلي حيلي
ونگعن بلچي وغـرگن جفوني
*****
عليك العين مــابطـل دمعهه
مصابك يمه يوليدي فجعهه
البين ابجيته روحي وجعهه
وتغير من رحت يايمه لوني
*****
انــوح وصـــار بــــدلال اهــات
يلتسوه البچي وكل الحچايات
عليك اليله ابــد ماخلي دمعات
اون اعله المشو مني وجفوني
*****
احشم بيـك كــون تــرد تجيني
عليك ايلوب ظل يوجع حنيني
هــذه افــراگ بيـنك هــم لبيني
انه الدمعات من بعدك چووني
*****
مدري منين اجاك ومــرك البين
يــاثــمرت دليلي وگــرت العين
يبعد الروح يمه ونشغت اسنين
اون اعلـه المشو چنـهم نسوني
*****
تلولــح بلــحزن گــلبي دريـته
الله اوياك يــلرحت اوخذيته
الــونين بفرگتك يــمه جنيته
وصار النوح يوليدي شجوني
*****
ابوحيدر
الصبيحاوي
ابد مارحمن سبيه اليل وعيون المسيه
*****
عل هزل ركبت اميره مسنسله
شــايلــه الــوعات گـدچ كـربله
الظالــم وتـاريخـه بلحره ابتله
صار يوم الطف عليهم معضله
وناحن ابهاي الرزيه اليل وعيون المسيه
*****
اليل اظـلم والمـدامــع حـايره
العاشت ابعزه ونفاهــه مكدره
الگلب من ينكسر ياهو يجبره
والتموت اعزازه بيش انصبره
ينوح والونه خفيه اليل وعيون المسيه
*****
سكته يمشن والبچت يـولونهه
والتون لــو تــوگـع ايضربـونهه
وچـم سبيه گــامـو ايشبگونهه
اصياط فوگ امتون ويسبونهه
بلمصاب الكل سويه اليل وعيون المسيه
*****
نــار بيـهن والاگلــوب مصدعه
كلهن يصدن الصوب المـشرعه
اهناكه عافوها چفوف مگطعه
وضلت ايتام وحــريم املوعه
ونسبت بت الزچيه اليل وعيون المسيه
*****
بلعبي دخان مــن يمشن سوه
بهيــده تتـحرك عبيــهن بلهوه
لـو مشن بلــيل يتحولن ضوه
من دمعهن گاع وترابه انچوه
وعينهن ظلت نديه اليل وعيون المسيه
*****
طــرن الهيمه بعساكــر ظالمه
چــانت بدمعاتهن تشهد سمه
بلهزل والخوف اهات وضمه
قافله مــن الاه ماضن سالمه
المات ماكاتب وصيه اليل وعيون المسيه
*****
طبــن الشـام السـبيات ويتامه
ناحن بهيده مثل نوح الحمامه
علگوهه الروس خلـوهه علامه
صارن ابين الخلگ كلهن ملامه
ناحت بحرگه رقيه اليل وعيون المسيه
*****
ابوحيدر
الصبيحاوي
ام وتسولـف الصورة ابنها
من كثر الحنين ايدر لبنها
عفتني اتگله يمه ودمعي شلون اضمه
من كثر الحنين ايدر لبنها
******
تصد لعيونه وتصب كل دمعهه
بچت بس الاسف محد سمعهه
مصاب الـغالي يــاوادم فجعهه
صار النوح والهــم مــن طبعهه
تگله ابداعت ارباي گوم اومشي وياي
تمسح بلدمع ويصب چفنها
******
تگله البيت ضلمه ومــاكو نورك
عليه اتعطلت جيت انــه ازورك
على المرن علي يوليدي اشورك
بعــده ويــاي عالي يمــه سورك
عدل واتنفسك موت ضوه ومكاسر ابصوت
روحي امعلعله زايد حزنها
******
تعال اوياي عيش ابحلم اتانيك
احس مشتاگه ملهوفه المعانيك
اخلص اليل كــله بـس احاچيك
وعلى حالي بغيابك يمه ابچيك
اونن والدمع طاح ودليلي بحرگته صاح
صرت مثل الغريبه بلاوطنها
******
شگلك عل هجر چـم لوعه سوه
وظل خـدي بدمع عيني يتچوه
احس تــابـوت گلبي وانته جوه
اضن تسمعني بس مــاتـرد بلوه
احاچيك انه بهداي بعـيني مــابقه مــاي
هايه حالتي وشحچيله عنها
******
عفتني بـدنيه بيها الموت راحه
تعبت مـن الهجر ردت استراحه
يــمه الــعمر راح اگضـيه نياحه
گمت حتى دليلي اسمع صياحه
احشم طيفي انخاه ابني واگعـد اويـاه
اگله الروح الك مابطل ونها
******
ابوحيدر
الصبيحاوي
للعريس اخلي النوح وابچي بحسره والونه
اصبن كـــل دمع عيني اليله بحرگه اوشلنه
******
مثل عمر الورد عمره شاب وطاحت اسنينه
يـــاوسفه بــدمــه حنــو وتالي غمضو عينه
اتگنطر مــن مهرته وطاح تعنه اعليه والينه
لاكن مـــن وصــل يــمه لــگاه ابدمه امحنه
*****
تحزم مــن نخـاه الموت وشال ابئيده بتاره
فـك صدره السهام اعداء بيهم بانت اخباره
كل الطف عليه اندار بگاعه ومايه واشراره
وچــان الموت ويـاهم من عمره گطع ضنه
*****
عــريس المنيه يجول كــل الطف يعرفونه
مثل عمه الگمر عباس تجدح ظلت اعيونه
كل الجيش ظل محتار خافو من يچهبونه
وكــل فــرسانهم تحتار فنــه الي گرب فنه
*****
اخذلك زلمه رغم اصباه بي اعداء مالومه
عچيد وفات بلميدان الهيبه ماليه رسومه
مثل سجيل عــل كفار خله الگوم مثلومه
مــايكفي الوصف ياناس لـو اني اوصفنه
*****
اوصفك بيش دلـوني يلشايل معاني هواي
الك كل الخلگ يردون يانسمة هوانه وماي
عمرك ماجزه الشبان وسنينك يغالي شواي
يل تسوه الدمع والاه دمعي اعليك اصبنه
*****
يزرع ورايد امبارا وكل اهل المناجل گوم
عمرك لو نعد عاشور والطف مايكمل يوم
چن شدت ورد ياناس والعدوان بي اتلوم
من طب واسرج المهره كلهه اطافرت منه
*****
طب شبل الحسن خيال ليث وشايل الرايه
سـوه ادروس بلميدان وچـان المعتقد غايه
فــربــيده العساكــر فــر دگ بلطف اله ثايه
مــاجت خيلهم ورجال من طب الهم اتعنه
*****
ابوحيدر
الصبيحاوي
اجه ضعن النشامه اليوم وكلمــن بيده بتاره
اليوم الطف يخلگ الله ذايع صيته واسراره
******
بلطف رفــت الرايات مـن طـب الضعن بيهه
بهيـهات الصـده يسمـعون لمــن گـال واليهه
التمت كـل طغات الكون تعصي اليله باريهه
وكلمن سجله التاريخ وظل ايسولف اخباره
******
حسين وكــل هله وياه وانصاره اجت كلهه
وزينب والحرم وطـفال تمشي بزود كافلهه
طبـت رايت المظلوم وچـف عباس حاملهه
ندري اعله الشريعه اهناك راح ايخلي اثاره
******
اجو والموت هــم اگبل وصار اخيال للملگه
وكلمن منــذبــح يــانـاس مـاخذ بلدمه حگه
شجره بنص خريف اهناء بيهم ماتظل ورگه
والمعروف بين الناس خريف شلون طشاره
******
المنيه اتحزمت بحزام تمشي بسكته وياهم
كل واحد يتاني الموت نجوم الباري سواهم
شــدو للمنــيه اعــنان نشامــه ابزود ملگاهم
همــه بــهل وكــت يدرون كلهم همه خطاره
******
كل اهل السمه يصدون هذه حسين واولاده
خــضر رايـات وي ضعنه وبيهه اتميز الساده
اليله كــل ملــك حــزنــان وكلهه تنوح نشاده
تصد لحسين مهظومه ودمع بعيون محتاره
******
ضعن الحادي بي عباس يضوي مايظل ظلمه
المـاشايف ظـواه تدرون بين الناس هم اعمه
يشع ابنــور ال البيت ضعن العتره هذه اسمه
نــوره للسمه صــاعــد يـضوي ابجــال اقماره
******
طب ارض الطفوف اهناك نــوخ بيهه يدرونه
وگام الــكل يصد للگاع عليهه شابحه اعيونه
صفنت كربله عله حسين تراب وكل يريدونه
ورادت كـربلــه ابطـاريــه مــن البــاري تداره
******
ابوحيدر
الصبيحاوي
ماضل دمع بلعين كل مااگول حسين
اتمنه جيت البين ويمر عليه
******
انه رقيه وحسرتي تجرحني احـس تاذيني
مــابطلت مــن البـچي صبـت دمـعهه عيني
ياموت مــر بيــه واخذ الباقي مـن اسنيني
وحــدي بــديــار الغرب چــا المن امخليني
راحو هلي وظليت يعودون الي ياريت
حتى الحجر بچيت بهاي الرزيه
******
زغيرونه وبگد النـده ولو گلت بويه يصبن
اعيوني ماتحمل بــعد دمـعاتي كلهه يحنن
عــل راح خلاني ابغـرب اهــات بيـه ايونن
بنيات لــو راح الابو مــن البـچي هم يعمن
مــن الـبعد احتار وبگلبي تسعر نار
وكتي يوادم جار بهاي المسيه
******
حبيبت ابــوهــه يـاخلگ مدلله عـد غاليهه
ماشايفه حــزن اوقهر وهـسه بحزن تاليهه
هــاي العزيزه امحيره يــوم المـشه واليهه
ترفه وتولاهه الزمن وفوگ الجـره سابيهه
مرعوبه عمه تگول هدت علينه اخيول
نـار اودمه وتجول وترجف اديه
******
بعازت ابــونه المارجع اگعــد اتمنه ابسده
الحضنه اشتاگ اواون بلكت الــه هم رده
مـو يدري بعتابي كــلف گلوله گلبي عنده
گلوله عطشانه الك يــاعـذب اروي الورده
رد ياجرح ماطاب بدلالي كومه اعتاب
عيني تدور احباب ظلت نديه
******
الغروب صارت مــاتـرد ظاگ الخلگ ظاگ
زغيرونه مــااحمل هظم ومو مالت افراگ
تدريني كل ساعه احن وكل لحظه اشتاگ
يــاذيني يــابــويــه البعد ظــل بيه حراگ
الدمع بلل ثوبي العده زحفت صوبي
ابعد علي محبوبي وهل الحميه
*******
ابوحيدر
الصبيحاوي
البيه بيه ام الگــمر حيرانه
البيه بيه گلــبي مشو خلانه
الفراگ بينه حسره ودلالي يــاهو يصبره
البيه بيه البيه بيه
*****
انــه ام البنين ابــدمــع گظيت باقـي اسنيني
من شدو ارحال الضعن ماهدت دمعت عيني
ماترمش اعيوني تره صدت الصوب حسيني
بيناتنه شهگت عــمر وحسرات بــيهه اونيني
انه شبديه گدامي راح الغالي
انه شبديه بس الحزن يبرالي
غربت كــل العتره ودلالي ياهو يصبره
البيه بيه البيه بيه
******
لحسين ابــاوع لو اصــد زينب تگصر خطوه
انموت بس يحيه الشرع ونــروح كلنه فدوه
گــالتـهه والهـودج شفت بعيونه كلهه النخوه
الــوكــت وي دهــري شفت خلاني بس اتلوه
بعدو عليه الموت شـد ارحاله
بعدو عليه عيني صفت هماله
دمعاتي صبت حمره ودلالي ياهو يصبره
البيه بيه البيه بيه
******
گالت مشه كل الضعن الحادي شفت اعيونه
ابني الگمر شايل علم والعلم بـي خـي عونه
وصيته گتله بلــوفــه وهوه الوفـه يعرفونه
ادري بگمر هاشم شهم كـل خافو ايچهبونه
وكت المنيه كـرار شــد للصوله
وكت المنيه ماهمه ذوله وذوله
طاهر نسل والشجره ودلالي ياهو يصبره
البيه بيه البيه بيه
******
مــن شافت الهــودج مـشه گالت وداع اليله
ام البنين تــون صفت والحيل مــاضل حيله
الضعن شد اعله الرحل واسرچ امامي خيله
اظلم نهــار المــر علي امبرگـع ولابس شيله
ابن الزچيه بفراگه يلچمني البعد
ابن الزچيه ودلالي احسن يرتعد
بگليبي احسن جمره ودلالي ياهو يصبره
البيه بيه البيه بيه
******
زينب والحسين وگمــر شــدو ضعن للغربه
ويام مــرت بــس هجر ياناس كلش صعبه
الفارگ عزيز اعليه تــره مجروح وينز گلبه
وينوح ظل كــل العمر يوجع كلامه وعتبه
يحمل اذيه الــعافــوه اغــله احـبابه
يحمل اذيه الماحسب حتى احسابه
فارگ ضواه وگمره ودلالي ياهو يصبره
البيه بيه البيه بيه
******
ابوحيدر
الصبيحاوي
بلضعن رايح لاوين يابويه گلي اليله
*****
ماخذ خواتي وهل رحت
وتدريني بــويه اتجرحت
يلماخذتني شگــد صحت
بعيوني يتراوه البين والگلب هدو حيله
******
گــدام عيني مـن مشو
اليله كل ناسي ارحــلو
روحي احسنهم خــذو
وتبعثرت هاي اسنين والوكت بــين ميله
******
يـل عفت روحي امرمره
وگلبي نكسر وي خاطره
راح اگضي عمري مناطره
وماتسكت تظل العين والدمع ينهد سيله
******
يجرحني احس بي البعد
بــلا مــاي ميعيش الورد
فكرت اغيابك بيش اسد
ودلالي يسئلني وين وانه بحزن اشكيله
******
بدموعي اسولف لـو اون
وكل عمري يتحول حزن
لا اهــده لا يطبــگ جفن
مــن اذكر حسيــن واليوم يشبه شيله
******
كــل يــوم اخلــصنه ابنوح
بگلبي احس كومه اجروح
روحي بجـفاه چنهه تروح
والغالي اجيبنه امنين والگلب صايح ويله
******
مــن دونـكم ميته بجفه
والـحزن مــن رحتـو لفه
صـرت انـــه بلهم سالفه
اهلي يناس مغربين والضعن اسرج خيله
******
ابوحيدر
الصبيحاوي
بـعد مــاينفكلي باب والابــو يــادنيه غاب
صبت اعيوني جريه بويه صاحت بلمسيه
*****
بعينهه الدنيه الوسيعه صارت بگد النده
والحزن جاب المئاسي وهسه وياها بده
العافها وهــاجر ابوهه ظيمها كــله سـده
وظلت ابنـص اليالي تحـن الــه وتناشده
اخلاف ابوهه محيره تمنــت يلــمهه الثره
وعينهه ظلت نديه بويه صاحت بلمسيه
*****
خيمة ابنياته ابوهن شگد حنين ومايمل
شايل الدنيه الرضاهن مستعد لكثر حمل
يوصــي بــولاده البناته بالكم دمعه تهمل
امنت عدكم امــانـه وباچر اعليهه انسئل
شمعه خلوهن ضوه ذني اغله من الهوه
التدري بهاي الوصيه بويه صاحت بلمسيه
*****
بويه لوگالن ينوحن كسرت الخاطر تمر
وكــل الايام ابغيابك بعــد مــاتنعد عمر
خلف افراگك بواچي عافلي موگد جمر
هسه اتاني ماتجيني وگمت انذرلك نذر
بويه ملاني الحنين خلصت عمري ونين
حشم اطيوفك عليه بويه صاحت بلمسيه
*****
شلي بعيوني وضواهن غرب ومارد الي
الراح ظل بذكرياتي وبــالي بلهم مبتلي
بلحزن دلالي احسه حــاير وظل منولي
گمت اتمنه المنيه وريتهه تمـرني وعلي
بعدك الدنيه بظلام يــاامان وهــم سلام
بغيبتك افرك بديه بويه صاحت بلمسيه
*****
منـك معلمه انـي اسمع امهامس حچيك
گبـل لاتناديني بـويه وحدي اتعنه اجيك
رايح ومــابيك جيه هسه انشدمن عليك
بويه مهظومه بدونك ميته الزمني بديك
الهوه يلچمني صفه النــور بغيابك طفه
گالت بصوت الرزيه بويه صاحت بلمسيه
*****
ابوحيدر
الصبيحاوي
هايـه رقيــه ابــدمـعة العين
بويه تصيح ومااجه حسين
*****
هايه العزيزه وتجري ادموع
ويــاهــه كــل العــالـم ايلوع
حتى الــزمـان اليله مفجوع
يفــتر علــيهه الوكت والبين
******
مرعوبه مــن الدمه والخيل
حتى النهار اظلم مــثل ليل
بهاي المصيبه فاگده الحيل
وماتدري هيـه تروح لاوين
******
يجرحها ندريـه الهوه الهاب
هايـه العـزيزه والگـلب ذاب
مشدوها ظلت من المصاب
والــعده اليله ابموت ناوين
******
ركضت يتيمه بيــن عدوان
بس الزغار وعبي اونسوان
اليلــه بيــهه مكوره احزان
والدمع صــار الهه عناوين
******
تنشد ابزينب والدمع سال
ويــن العــزيــز الكله امال
عالو علينه ابهودج اجمال
صرنه سبايه ابين طاغين
******
من تگول بويه تاخذ الروح
وبيـهه الدليل امكدر اينوح
اتموت لــو صـدت المذبوح
وتروح منـهه كــل الاسنين
******
حايره ظلت وكـت الغروب
مرعوبه مـن الصـار وتلوب
حالتها تـحرگ بينه الگلوب
وعليهه صب دمع الموالين
******
ابوحيدر
الصبيحاوي
رباطات/ للامام الجواد ع
*
شاعت اخباره شاعت اخباره
ابن سيد البريه شاعت اخباره
اليله انصاره اليله انصاره
تون ون المثكله اليله انصاره
عيني تجاره عيني تجاره
على المسموم ظلت عيني تجاره
حاضر ويانه حاضر ويانه
اليله المهدي احسه حاضر ويانه
تريد عوانه تريد عوانه
كل ناسك حزينه تريد عوانه
اليله حزنانه اليله حزنانه
على الجواد ناسه اليله حزنانه
انصب اليله انصب اليله
چادر وصط روحي انصب اليله
ويل واويله ويل واويله
على الجواد صيحو ويل واويله
الغايب اشكيله الغايب اشكيله
عل صار وجراله الغايب اشكيله
يوجع امصابه يوجع امصابه
يهد الحيل يومه يوجع امصابه
نايحه ابابه نايحه ابابه
اليله احبابه سوت نايحه ابابه
دمعه سچابه دمعه سچابه
تظل للدوم تجري دمعه سچابه
نشف اعيوني نشف اعيوني
عزيز وراح مني نشف اعيوني
لا تلوموني لاتلوموني
اذا ونيت لجله لاتلوموني
مات والينه مات والينه
الطمو عل مصيبه مات والينه
نعزي هادينه نعزي هادينه
كل احنه اجينه نعزي هادينه
*
ابوحيدر
الصبيحاوي
سيدي ها يلجواد سيدي ها يلجواد
*
اليــل انصــارك تــون امحيره
كل محب اليله كسرو خاطره
اوسوت الـرايــات للوادم ذره
نوصل الشباچ وانول المراد
****
جبنه ماي اعيونه انطشه الك
طيب الانساب محــد يجهلك
سـاده معروفين ذولاكـه هلك
شيعتك مولاي نصبولك حداد
****
جينه للمسموم ننصب مجلسه
الماعرف تاريخه احنه اندرسه
صار بــين الـناس اكبر مدرسه
والدليل الشوفته مولانه راد
****
جينه الـك بهموم يبن الطاهره
كل موالي اليوم كسرو خاطره
گلوب هاي الشيعه كلها عامره
ياسديد الراي يل كلك رشاد
****
اليــل ينــعاك ويصيحك يـانفل
مــن ونيني اعليك گلبي مايمل
عل طريق ادموع عيني تنشتل
وعلمصاب اليله مفجوع الفؤاد
****
رايـــت المشايه رفــت بلسمه
كل لطمهم صار عدهم اوسمه
هــاي انصارك اجــت امحزمه
كل موالي بليلتك لابس سواد
****
ابوحيدر
الصبيحاوي
هاذ اخر اوداع اوياه
اليوم انودع المسموم
*********
عليه يصب سواد العين
ويتيم اخلافه صار الدين
بلسم حظروله البين
وظلت شيعتة تنعاه
******
اليلة الغالي منه يشيل
وعليه الدمع ظل يسيل
گابلنه وينوح اليل
عله اليسوه الونين اواه
******
عله تاسع گمر بلكون
اليوم ابجي وطيح اعيون
وعلي شماتي خل يحجون
تصب اعيوني ابطرواه
******
نسوي نايحه بكل دار
وتبچي ازغار تبچي اكبار
اونحط من الاطم اثار
عل ماينحمل فرگاه
*******
باب الله وتعرفه الناس
امام وبيه يعله الراس
اليوم انفارك النوماس
ويبقه ويانه ما ننساه
********
مصابه حسره بلدلال
وبينه ماتت الامال
يمنه يعوف كون اخيال
مانرهم تره ابلياه
*******
راح اوخله ناسه تنوح
وزادت بلدليل اجروح
راح اليسوه حته الروح
راح اومابعد الگاه
*******
ابو حيدر الصبيحاوي
چــــم عراقي جاع وتحفه وعطش
وانتــه بــس چــفك تـره الـــــروانه
صــار بينــه الفــكر يشــبهه النعش
وصورك انـته مـــن النعش صحانه
مــوته ونحس الگبـــر گــوه انبـش
من طلعنه شفنه السيد فتح ذرعانه
شــالنـه بــيده الكـــريـــمه وانتعش
وزحــــــزح الظلمه واجــه وضوانه
يــرهــب ومــــايوم من ظالم رمش
هـــذه ســيدنـــه الصـدر عـــنوانـــه
شال خوف الناس من عدهم خمش
وگـــــــمنه مـــــــن قوته نمد اقوانه
صــار بيــنه الـــعزم والــظالم رعش
وصرنــه نـــرعــب بعد مــو سندانه
انتــه بــحر الديـن مــابي كل دغش
واحــــــنه كلــنه بهــل بحــر سـفانه
يـــاامـــام العصر يل من علمه طش
افــكاره ابـــــــــــكل وكــت اوعــانه
هــزهـــز الطاغوت مــــاخلاله عرش
وهـــــــــــوه متحصن تــــــره بنيانه
******
ابوحيدر
الصبيحاوي