-
الشاعر ابو حيدر الصبيحاوي.
وااماما واحسينا
******
حسين بس هليله ظــل الـفرگه هدت حالي
شلون اخلص عمري بعدك وانه دمعي يلالي
الموت اهــون گمــت احسه اخذ مني الغالي
بــاچــر احــنه الكــل سبايه حرم ماكو والي
وااماما واحسينا
******
بس يتامــه اويــاي ظلت كل تون مذعوره
حسين ظلمه وليل يخلس كلها رادت نوره
اطفال من ظيم الفاها گلوب چن مكسوره
ومو خيمها البيها تحرگ هيه بيهه احروره
وااماما واحسينا
******
غبش الموت اعله اهلي ريچه فـك بحبابي
كمت احس كلفه اليالي حيل ياذي مصابي
الـدنيه دارت كــل عليه وعكس فر دولابي
مشرعه يــابيبان اهلنه الموت فــك ابوابي
وااماما واحسينا
******
صار حتى الهوه يلچم العـبره تخنگ ريتي
چان بيتي بعلو نجــمه هسه مــاظل بيتي
روحي مدري شبيچ احسچ علمشو حنيتي
گمت اتمــنه انــي ميته والله هــم يـاريتي
اوااماما واحسينا
******
ميته اتمشه اعله طولي هذه حالي بدونهم
كــون تعمه اعيوني هسه ولا تسد اعيونهم
النامــو بحضن المنيه ردت اشوف شلونهم
تــالي بــس الروس ظلت ومــاتغــير لونهم
وااماما واحسينا
******
زغار طشت نص براري الخوف كاتلهه كتل
والمنــيه اشكال بيــهه الموت بصايــر يمل
هــذه حال الدنيه بيهم طشو وماظل شمل
بيــن بــر ونــار تــاهــو والــدمـع منهم يهل
وااماما واحسينا
******
ابوحيدر
الصبيحاوي
شفت بلطف سوالفهم نـــار وتــــاكل بخيمه
چــــم ازغير مـارحمو يــــوم الطشو ابهيمه
*
الشمس مالت احسنهه وطاحت بلفله اقماره
اليوم الـگاع دمــوهــه بـــدم حسين محتاره
الطف وكــربلــه ذاعت بيــن الـــوادم اسراره
وجـرح العاشر بعاشور اليهسه نحــس ظيمه
*
ظيــم الغاظريــه اوياي كل لچمه ابئثر لچمه
سحــگت خيلهم ايــتام وكلمن حــايـر ابدمه
على حسين الاجو عدوان صارت علولي لمه
وبـــانــو مـــن معـــانيـــهم لاغيره ولا شيمه
*
اهل الشيم بين ارمال ونترست تـره الحومه
نزفت حتى هاي الگاع تصب ادموم ملچومه
مالت كربله بلجيش مــن نحره جره ادمومه
والتمو عليه يـــانــاس صـــارو چنهم الغيمه
*
صارو غيمه يــم حسين كلمن يجرح ابكيفه
هــذه البلرمح صــاباه وذاك اليطعن ابسيفه
ملك الموت يمه يحوم سير عـل ولي ضيفه
شافــه مستعد مــولاي وزاد ابعينه تعضيمه
*
شــاف ايتام بيهه النار تـركض مالگت معبر
خيل اتزاحمة ياناس بصدره اظلوع تتكسر
الكون بهيئت المذبــوح طايح كلــه وتگنطر
جـبل حسين يــدرونــه وللقيمه يحط قيمه
*
راسه اعله الرمح خلو وعينه للخيم صدت
شــاف النـار بخيمهم والعدوان مـــن هدت
بيــه الــروح مــالـومه يمه تحوم چن ردت
بعــيالـــه ودمـــه المنحر رادو دين تهديمه
*
شاف الحرم نص النــار ويتامه انولت تالي
ملك الموت بيهم طــاف يتخير شكو غالي
جيش اعله الزغار يحوم غربه وتيهو والي
ورب الــكون للوادم گـــال الموت تحريمه
*
ابوحيدر
الصبيحاوي
لو بين اهلالك علي دمعي يتجاره
بعاشور دلالي احس ماتطفه نـاره
لو بين اهلال لو بين اهلال
*****
چني احسن بليتم مــن يــمر يـومه
يتراوه اشوفنه يجي سوده هدومه
ابجيته شايـل حــزن وشــگد الومه
يمرمــر ارياگ الخلگ صــاير مراره
*****
يمخلي بوجوه الخلگ حزنك تماده
يلعايف بگلبي جــرح ثــابـت عناده
الــدمـع بيامــك احس يعلن جهاده
وبگلبي نــيران وجمر يلهب شراره
*****
حطينه رايات البخت يــوم الاجانه
نذكر انحور اودمــه وذبحو ضوانه
ماننسه عاشور الدمع ولاهـو نسانه
شمامرت اسنينه يظل بينه حضاره
*****
امدلهمه الدنيه صفت وتون عجيبه
واحدنه بيامك مثل ضــايــع حبيبه
ودلالي مايهده تره ويسكت نحيبه
وبعاشرك كــل العمر يصبح خساره
*****
انعيش كلنه بلوعــه مثل الغاضريه
اشفاف تنشف عدنه ونحس ابئذيه
ونــذكــر احـنه الصار بولاد الزچيه
ويتــام ضــلت بلفله وكلهم حياره
*****
ايام ذيچه المـرت وفجعت يتامه
صارت ابــذاك الـوكت اكبر علامه
والوكت مــن الجره يحمل ملامه
والمسه يلـعن صفــه حتى بنهاره
*****
ابوحيدر
الصبيحاوي
ذب اچفوفك صوب الماي
****
يلمشيل السلف كله ويه اهاليه
امــك وارد اگلك چلــمه حربيه
گوم اعله الدهــر يبني وبلاويه
عليك ادلل حگ ارباي
****
اوصيك اعله زينب وانته رايتها
حره ومن تسولف هيبه چلمتها
عــزيــزه وغاليه وبجال خوتها
كونك يمها تصير اضواي
****
حط الرايه بيدك واگلب الحومه
وخلي اعداك يبني اليله مالومه
فزز خوفهم من صحوته ونومه
شمس البيهم خلها افياي
****
جول ابروسهم هل روس ودايه
كلــف عبـاس بيدك لاگت الرايه
طب حمل النهر بجروفه اومايه
وخلي الضدك مابيه راي
****
طب يــم الشريعه وعدل الميله
گمر وادريك يبني ضــاوي اليله
وخلي اعداك كلها تــردد ابويله
وبالك يبقه من اعداي
****
مثل حيدر اريدك ساعـة الملگه
خريف تصير بيهم ماتظل ورگه
كـون الطف عليهم يبني تحرگه
وكلها تنادي طب رواي
****
ابوحيدر
الصبيحاوي
مــافـارگيت الروس يوم الرزيه
محمله كومه اهموم والبيه بيه
مافارگتهم ولا عفتهم والبيه بيه
*******
بلروس روحي تعلگت من طش ضعنه
لا گــاعهم النــه صفت ولا صــح وطنه
اعــزاز منــه هــاجــرو الچــانــو امـلنه
اوهسه بــرمـاح العده شـــالـــو اهــلنه
صبينه ماي العين واحنه سبايه
ونگعنه بلــدمعات حتى العبايه
ماودعتهم ولا عفتهم والبيه بيه
*****
يجوينـي احسنه الدمع كـل مـا اصدله
لــو بيدي عمـره يصير اركــض وعـدله
راس وجــسد خلـــو والطــف شهــدله
خـويه امشي ويه الراس وانوب اردله
بعيونك احچايات اسمع همسهن
دمعاتي امحجبات وياهو يردهن
وعاتبتهم ولا عفتهم والبيه بيه
*****
ويــاه ابــره بعــبرتي ليلي حزن صار
خويه يحاچيني الرمح واتلمسه حار
امــدلله عشت بــوكــت والزمن دوار
ابگلبي دخــان اولهب ومخزنه اسرار
ماعوفك وتدري حتى بمماتك
ماغيراك الموت انته وصفاتك
وكلمتهم ولا عفتهم والبيه بيه
*****
كلمني بعيونـه همس بس ماجرحني
يدريني مالومـه شكثر وشكثر حزني
غــرگان بدموعه يظل مانشف جفني
الخويه شاهولت حچي بدلالي تعني
يلمنحرك وياي يبره الخواته
گلبي نبض اهات من نايباته
يلحيرتهم ولا عفتهم والبيه بيه
*****
يصدن اعيونــه الـي نضراتهن بلملـگه
چلماتــه بگليبي تهـد باهاته المحترگه
كــل مــااشوفنه اهـم اتمنه منه شبگه
اغصاني يبسها الزمن ماخله بيا ورگه
ماعوفن الروس اله ارد بيهن
دمعاتي يــاناس صبن عليهن
مانشفتهم ولا عفتهم والبيه بيه
*****
ابوحيدر
الصبيحاوي
علي الاكبر بختنه مثــل عمه گمرنه
مثل عمه گمرنه
*****
اصل وهل الفصل طبعه الجلاده
شهم كـــله عــزم نـــــار ابفؤاده
كلف دومه يعف صـاحب اراده
حمل دنيه وحملنه مــثل عمه گمرنه
*****
بخت بي انتخت ناس اواهلهه
امل لهـل العلل طـيبه شملهه
ورع اصبح زرع روحه شتلهه
نطش ويرد شملنه مــثل عمه گمرنه
*****
نـهر يروي البشر وجـهه تـلاله
روه اليـمه نـــوه يحمل جلاله
يحل بيده ويـفل كـــله بســاله
فراضه بحق جمعنه مثل عمه گمرنه
*****
يـلم شمل الزلم ديوانه رايــه
سهل بس مايمل للكلفه ثــايــه
عله هوه وهله بآسم الولايه
صبح هوه املنه مثل عمه گمرنه
*****
نذر لجل الخطر روحه وحياته
قسم زوده هــمم يبــقه المـماته
جرح فوگه ملح فاقت صفاته
ندبنه وهم حضرنه مثل عمه گمرنه
*****
اجينه هم حچينه وبـي نـدبنـه
نهظمنه من ظلمنه نطــر گلــبنه
نريده يخلي ايده يفض عتبنه
نحشمه وما يردنه مثل عمه گمرنه
*****
ابوحيدر
الصبيحاوي
عمر مايسوه دونه رحت فدوه العيونه
حبيبي مااعوفه يدگ گلبي حروفه
حبيبي حبيبي
*****
هــذه عمـري العشته لـجله وي حياتي
وكــل شي انطاني حبيبي مـن صباتي
صرت احس اني حسيني بكـل صفاتي
چلبت بـــي انــــي واعرف بــي نجاتي
حسيني عمري كله احبه اشلون امله
واتمنه اطوفه يدگ گلبي حروفه
حبيبي حبيبي
*****
بگلبي احس چنه سكن توصط دليلي
هــوه مــن دون الخلگ صــاير خليلي
اگضي بس صفنه وحزن ساعات ليلي
بيــه كـــل حسبه تــون وتصيح ويلي
احط عمري ابابه وشمن هــم تــرابه
بحلامي اشوفه يدگ گلبي حروفه
حبيبي حبيبي
*****
مــن اسولـف بــي احسن كلـي دمعه
هوه غير حسين روحي عندي شمعه
دمعي وي اسمه يلالي يطيح اسمعه
راح اثوب دمـع عيني ولجله اجمعه
اگول الغالي اريده رحت فدوه الوريده
اتنفس طفوفه يدگ گلبي حروفه
حبيبي حبيبي
*****
حسين محبوب الزچيه شگد يحبني
ضحه مــن اجلــي دريته ونشد عني
رســم منــهج الــي شفته وصار فني
بجالــه انــي عشت عمــري مــا اثني
منــه اتعلم انــي لفخر باسمه اجاني
عايش بجروفه يدگ گلبي حروفه
حبيبي حبيبي
*****
انــه للموت ابقــه احبه وكـل سنينه
حسين كلمن راده بــاسمه تگـر عينه
الذاب بين احروفه ظل نسمع ونينه
مـــن كـــثر حبــنه الــه ناسه حزينه
هوه تتنفسه ريتي عالي بزوده صيتي
اتلمس چفوفه يدگ گلبي حروفه
حبيبي حبيبي
*****
ابوحيدر
الصبيحاوي
عترت نبيه كلهه رميه
******
حسين ظل ابكربله حسين محد غسله
حسين بلصار ابتله بهاي المنيه
****
الموت ماغير اسم ميت وظل مبتسم
ياحقيقه ومو حلم ابن الزچيه
****
بدمه راسم لوحته ضحه روحه وخلته
فرض بيهم هيبته ولد الدعيه
****
صاب دلاله السهم والالم حس بــلالم
طاح ويصد للخيم بلغاضريه
****
شاف اطفال ونسه بحومه لافيها المسه
اشفاف بيها يابسه بهل مسيه
****
نار بلحومه ودمه ونگلب لــون السمه
ناس هدت مجرمه انصار اميه
****
زغار تركض حايره نرعبت بهول الجره
درر هايه مطشره يوم الرزيه
****
زينب ابلايـه ولي بيوم عــاشر تبتلي
حره لاچــن تنولي راحت سبيه
****
ابوحيدر
الصبيحاوي
عليــچ العيــن يـــازينب حزينه
وگلــبي الــيله مــاهــود ونيـنه
****
اون ظلـــيت ونـــات الســبايـه
وابــچي ام الخـدر وام العـبايه
واعلگ بيــن كــل الـنـاس رايـه
واســوي النــوح للـوادم سنينه
****
يــرايــة حيـدر وهيبت دواوين
كتبتي احروف وگفاتچ عناوين
بلطف كومـه الچ ظلت نياشين
لطمنه اعليچ يل حــره الحنينه
****
بعباهــه تــلوذ نسوان اويتامه
وبس ويــاهــه يلگون السلامه
عــاشت عــاليـه ابعلو الحمامه
صبرها اشراعها وهيه السفينه
****
بخيته ام عــون يــاوادم تـراها
شــافــت ضيمهه وشافت بلاها
نــار الطف تــره چــويت عباها
وكتهه اغتاض وحترگت ادينه
****
هاي اخت الگمر راعي الكلافه
عليهه الموت متوجـه حسافه
يمهه البين مــارجفــت شفافه
وحضرهه بلدفـن حيدر ولينه
****
نـــار البيـنه مـــاتخـمد علـيهه
الدنيه الدولبت وشصـار بـيهه
هــاي التشبه الغالي بحـچيهه
اليله انــوح مـــايبطـل نعـينه
****
ابوحيدر
الصبيحاوي
احسنك جرح كل عمري وسنيني
واعرفنك ضوه مستوطن ابعيني
بعد عمري خلص صبري صحت تاني
*****
اشتاگ واشواگ بــيه تگطــع اگليــبي بغـيابك
ياحيف بلطيف اتاني چني منتضره اعله بابك
اتانيك احاچيك واريــد يـطول يلغالي عتابك
بهــداي ويــاي تـدري انته يهد حيلي مصابك
هجرك هـذ مايرحم بعد بيه
هجرك صار وي الروح تاليه
الدمع ينشد علي مبعد صفه احزاني
******
اهــواك وجفاك بغيابــك كــسر مــاظـني اجبره
بدمعات واهات رحت وبليل هجرك ماكو گمره
الامــال متنگال وصفن ويــاي عثره بئثر عثره
بگــلبي عتــبي يــوجــع بلــدليل وصار حسره
جرح عفته ابــدليلي يدور الملگه
جرح مايشفه اضنه معوز الشبگه
حزن خيم بقــه يلتم تــره اذاني
******
ظليت بياريت اتــانــي وبلكت اتــرد وتجيني
حسين البــين خذاء مني وبقت حزنانه عيني
ابصوت مبهوت صحت اعليك باهاتي اونيني
ونيــت حنيت وعليك اهواي ينشدني حنيني
تعال الدنيه من دونك مظلمه
تعال اشتاگ اسمع ولو چلمه
ترد روحي ويكف نوحي ورد اني
******
مـرني اخذني اموت وياك ماظل لحظه دونك
علتي بظلتي عيوني تريد بس شوفت عيونك
تهاجر المشاعر كلهـه بشوگ مشتاگــه يجونك
ابــالي الــغالي ضنونــي اليله متفارگ ضنونك
بچيت وكل دمع عيني تبده
بچيت وذبلت من الاه ورده
ردت گطره ولو مطره ويرد ثاني
*******
ابوحيدر
الصبيحاوي
على التله اصيح وشفتك اهناك
وگمت اتمنه مـوتي كــون وياك
شيخلصه العمر تــاليــهه بجفاك
ياخويه ياخويه
****
دمعي اصبن من غيابك وگمت احسن ودعتني
بگلبي لوعه وبيه حسره وتــالي ايـامي عفتني
گبال عينك عيني تجري وانتــه احبك عودتني
مطرز اسهام اني شفتك دمـك ايسيل والمتني
اونــن والــدمـع يتـبده كله
مثل خل وجفاء ابليل خله
ومــاظلي دمــع حتى اهله
گلنه العمر نگظيه من اوله التاليه
نبقه سويه
تالي الزمن خوان خلانه نص عدوان
ناري سريه
ياخويه ياخويه
*****
خويه اصيحن انته ماكو ليلي خلص ماتجيني
بيه حسره بگد زماني صده بروحي من ونيني
بجفني دمعي بات ليله يـــا هظمتي وياحنيني
گمت اشوفك بين رمشي انته ساكن جوه عيني
عمري شلون اخلصه وراح عمري
وي غمـضت عيونــك تـاه صبري
صرت موگد واحس بدفو جمري
ليليه اسولف بيك عايش تره بطاريك
طيفك اريده
غالي يماي العين يمبچي حتى البين
يبن الصميده
ياخويه ياخويه
*****
فــراگك انته مــرد گـلبي وتالي اظلن ابغربتي
ليل بعــدك يچوي بــيه خــويه اگولن ابعبرتي
الموت هين الفرگه توجع بيها طفولي شمعتي
بيه كلشي يصيح خويه ترجف شبيها چلمتي
يبــعد اخــتك تعــال ورد عليه
شوف شصار خويه وسده بيه
مــن يـوم الرحت شفت الاذيه
محتاره اظلن دوم وبروحي ياكل لوم
يوم الرزيه
اگظي العمر بفراگ للغالي حيل اشتاگ
مــابيه جيه
ياخويه ياخويه
*****
مــن اشمك تــرد روحـي وليلي اخلصنه اماني
عكس مفتر گمت احسن ضدي كلها وي زماني
الموت مني اخــذ ناسي وتــالـي بيـهم دولباني
جــرح خلــو بينــه يــدي طــول عـمري الماني
ابــدي اسنيني كلها فـدوه الهم
احس شيبي غزاني من حزنهم
روحي اتيــه تــالـي من بعدهم
اگضي العمر حسرات بــيه شكثر اهــات
يوم الجفوني
صح غربو لبعيد وروحي تهم وتريد
خافن نسوني
ياخويه ياخويه
*****
ابوحيدر
الصبيحاوي
اشعلو اشموع لبني وي منيته
زغير وشاع بين الناس صيته
*****
اباوع للوجه يضوي اشحلاته
چنه المجتبئ بـنوره وصفاته
اعــز النــاس عــدي وياغلاته
بغفله من الوكت ابني جفيته
*****
تـرف جسام وطباعه الكلافه
طــب وعـداه تتــنهد حسافه
خله الموت يصفن لــما شافه
هذه ابــن الحسن ابني فديته
*****
يــاسـباح گلبي ولبت احشاي
تمنــيت العــمر تگـضيه وياي
يمه ابروحتك ماتسوه دنياي
حزني اعليك من هسه بديته
*****
عليك الــروح مــاكفت زعلهه
وعيني اكبــار دمعات التهلهه
خلافك چن غريبه ابلا اهلهه
والمني راح تــاه اومــالگيته
*****
شلي بــدنيــتي بــعدك يغالي
دمــعي اعليــك خليته يلالي
حـال الظيم ياهل ناس حالي
وبس هــم وحزن اني جنيته
*****
شعلنه اشموعك وخلينه حنه
وگلنه يصـير يــامحــله املنه
عليك اتــنوح جيران اواهلنه
واني النوح من بعدك هويته
*****
ابوحيدر
الصبيحاوي
للجواد كـــل ادمـوعي اتسيل
واون بكــثر مـا بگليبي دگات
حزين ولابــس اباحزاني اليل
عله المسموم مابطلت دمعات
دنيــه بــروحتك بعيونه تميل
عليك اتنوح مولاي الحچايات
جـــواد الأئــمــه اليلــه ايشيل
تصب ابروحته دمع السماوات
مسموم وصـفه مابيه كل حيل
وبغداد بــدمـع تبچيله حسرات
اليلــه الـكاظمـيه تــندب الـويل
بچه كــل الحچي ويه العبارات
زماني وياك مدري شماله ايعيل
يمن خليت بينه اهـواي عبرات
****
الحزن شفته اجه ليه وميته
ومرد گلبي الگرب يومه وميته
الفرج يا صاحب الرايه وميته
نمله گلبي حزن بلصار بيه
******
ابوحيدر
الصبيحاوي
على الجواد مجلسنه وعزانه
ظــالــم ليش مـايرحم زمانه
****
اليله اعيـونــه صــبت دمعهه
مصاب الغالي يـاوادم فجعهه
الروحي النوح سويته طبعهه
وعليه اسنين مـايبطل بچانه
****
گظاهه اسنين عمره بلظليمه
وبي حسرات لوعات اليتيمه
عاش بجور مـولاي وهظيمه
وبـي البين صــوبــنه ورمانه
****
تحوم اعليه يــانــاس المنيه
ومــن اصباه تبــرالــه الاذيه
شال اوصاف حمـاي الحميه
وبيده يلوگ ويرفرف لـوانه
****
الدنيه اعليه حزنانه ومكدره
الهــذه اليــوم بلــدلال جمره
اليله ابعـينه مــاتبقــه گطره
وفارغ من مشه خله مچانه
****
عداك تحضرت علنت حربهه
وناسك حيل يوجعهه گلبهه
عليمن لو رحت تبدي عتبهه
يشمعت بيتنه اونته ضوانه
****
المجالس بيــك يتبده دمعهه
اونين اگلوبنه الغايب سمعهه
مصابك يلولي ناسك فجعهه
وكلهه تصيح غالينه جــفانه
****
ابوحيدر
الصبيحاوي
مجــلس اليلـله نصـبنه بــكل مكـان
الــيله نبچــي انعزي صاحب ازمان
*****
يلله يـــاشيعـة عــلي علنـو الحداد
وخــلو فــوگ الغيم يتـعاله السواد
اليلله سوده وننعه مــولانه الجواد
وگــام ينـعه امصـابنه حتى الاذان
****
للجواد ادمــوع عيـني الكل تسيل
عمة عيني مصابه يفجعلي الدليل
الكون مــدري شـبي حسيته يميل
بطيحت الـغالي بعــد مـاظل امان
****
عمـره بلعشرين بـس اتعده نوح
چـان بلذر عايش ومخلوق روح
شگد حمل اهات بلدنيه وجروح
چان مخلوق ابوفه ومن الحنان
****
حـضــرو ســم المنيه مـن اجوه
جبــل مــن الصـبر مـولانه لگوه
سلهم اعيونه ابئلم مــن مـوتوه
وسكت كلشي بي ماحرك لسان
****
هــاي ليـلله مـحيره وكلـهه ونين
وكــل مـوالي بليلته صبح حزين
ساعه وحده طشرت كل السنين
جــابــو الموت والــه طلقو عنان
****
الورد عمره ندري يـاوادم گـصير
عطر يطي اولون والمعـنى چبير
العنه سولف ادري بوصافه يحير
ياهو يگدر يوصف اشكال الجنان
****
ابوحيدر
الصبيحاوي
مسلم من طواها الگاع جاب اخبار مولانه
مــثل عــمه الولي ياناس لاذو بين ذرعانه
**
لتمت كل اهـل كوفان الناس تباوع الهيبه
مسلم مــن خطب بـيهم بين للخلگ طيبه
شاف الناس ملهوفه وكلـمن بخته ايجيبه
گــامــو رحــبو بلــحيد گــالـو كـلنه خلانه
*
مبعوث الولي للناس جايب ريحت اخباره
المسلم كلــمن اتــعنه وراده اليــله خطاره
گــام الحـيد وتــوزر وبيهه مرحبه انصاره
چــان بـدنيته محير وشاف الناس عوانه
*
بي اتخالفت احداث وشاف تبرت اصحابه
وعــافــو مسلم بحــيره وكلمن قفل ابوابه
غــريــب ومالگه ناصر وظل ابگلبه اعتابه
ومحد نــاصره ياناس بس هاني تره عانه
*
غريب وحــايــر بـدنياه وتـبره السلف منه
ومــن چلچل عليه اليل منهم گاطع الضنه
عــاش بحيرتــه ياناس ولاواحد سئل عنه
دور مــالــگالــه احباب وبعدو عنــه خلانه
*
غريب اوحده ياناس وصارت دنيته ضده
طوعـه رحبت بلحيد مــن محــد قبل وده
وتعنوله جيش اعـداء كثره والشهم وحده
ويــاوسفه وگـع مظلوم طاح ابين عدوانه
*
مسلم للمنيه انــقاد وســوه الــموت تچـايه
عمري يرخص المولاي وعيني هايه اوهايه
ســلام الله اوديــله وروحــي اويــاه عنايه
ظل مسلم الهاذه اليوم عالي بـزود نيشانه
*
ابوحيدر
الصبيحاوي
اليله ضعن ابــو السجاد بــانــت بينه اخباره
جــايــب كــل هله وياه ورفت رايت انصاره
****
اجت كــل النشامه اهــناء وي حسين حربيه
رساله وبيهه هــم مامور وگال بلهفه مگضيه
ضــعن النــور بلبــيده مــشه وبــزود راعــيه
حداي الضعن مبخوت بظلمه تشعشع انواره
*
اجه يطوي الارض مولاي چان الموت يبراله
جايب كــل هله وناسه ويسوه العالم اخياله
تعنه الــكربلــه المظلوم وخــله اعيون هماله
هــذه البــي كــل تحتار بــوجـه الكون اثاره
*
تعنــو كــربلــه مــاشـين اجــو للمـوت عنايه
همــه وي اللــهي الكــون كلـــهم زود وفـايه
گــالــو يــاهــلا بلمـوت وبلحـق رفعو الرايه
يــدرون المنــيه تحوم وكلمن خازن اسراره
*
سير ضعن ابو السجاد طر الهيمه والحومه
وسوو بلمنيه ازماط وهاي اعـداها مندومه
سمانه والارض شاهــد تصد بعيون مالومه
وخلــه الــدنيــه والبيهه كلهه اليله محتاره
*
حــرم واطفال وياهم وگمر كافلهم ابزوده
يم زينب ابو فاضل قسم واطاهم اوعوده
انـــه الكفال يلحره اعداچ بسيفي مردوده
مــثل حيدر اصير الهـم وبيده يلوح فقاره
*
ترفرف رايـة العباس حـادي اضعون والينه
كفيل وحـادي يـاوادم نبض عرجه بشراينه
يگول بهل ضعن ماشين وفن كلمن يلاگينه
ابيد اعــداي بلصوله واخلي الموت خطاره
*
ابوحيدر
الصبيحاوي
اليله حسين ودعــهن بــناته
وعليه ياناس كــثرن نايباته
******
هــاي اسكينه وخولـه ورقيه
شافن ضــيم مــن الـغاضريه
بـنات مــدلــله وهســه سبيه
لفاهن مــوت بين كل صفاته
****
اجاهن موت مايرحم زغيره
مصيبه المرت اعليهن چبيره
البين بيوم اخذ كل العشيره
وهسه تمرجلت كـل الشماته
****
الشماته بي مــاتــرحم تراهه
وروحه الموت ياوادم نعاهه
چم حـره وعزيزه الـودعاهه
ويــدري اليله ايـودع حياته
****
حياته اطاها مــاهـم بسنينه
زينب على التل تسمع ونينه
كلــه اجــروح والباري يعينه
وصــار المـوت للغالي نجاته
****
نجاته الموت ومـحزم تفاني
وعيـنه للحرم وشگـد يعاني
من عمره بقت جزء الثواني
وعليه الدنيه ملتمه وعداته
****
عداته هـواي ويصد الخيامه
يسمع من حچيم بس ملامه
شاف البر تـرس عينه يتامه
وطفــه بطيحته مـيت نباته
****
ابوحيدر
الصبيحاوي
الطف صبح موت ودمه ومحومره حتى السمه
بلغاضريه
*****
اليعثر ادوسه الخيل والموت لاميعوفه
بلهيمه تركض ايتام يم الحسين اطوفه
اتناثرو مـــثل الورد ماتو ولد حــل البـعد
يــدرونه
اشلاه صـــارو بلفله كل انوله بنص كربله
يذبحونه
الطاح مــاينهض تــره يــاذونه
الصبح متحول مسه ويسبونه
ياريت كل ناضر عمه ومحومره حتى السمه
بلغاضريه
*****
بنيرانهن هنه انــولــن كلهن صفن يتامه
وبلايه عش امــدوهنه شيصبر الحمامه
ركضن بنات محيره بهذه الجره طاحت مره
ولــوهــه
ترفات داسن بجمر تاه العمر ماضل صبر
هضموهه
صوط الــعده المدلله صاباهه
وحــدتهن البيـن اوكـت اذاهه
من شافت حسين نرمه ومحومره حتى السمه
بلغاضريه
******
الگاع كلهه دخنت كل الخيم حرگوهه
ايتام عثرت بلفله بخيولهم سحگوهه
اتشاطر البين وعده كلشي بده وهل الرده
ملمومه
اتحضرو للموت اجو لمن نوو بيهم بدو
بلحومه
الحره ركضت ياخلگ مظلومه
والبين اجاهه بنايبات اعلومه
الطف تحول بس ضمه ومحومره حتى السمه
بلغاضريه
******
اغبار صارت كربله وطــف تخير ناسه
الكون بين منذبح اضامي گطعو راسه
روس وئدين مگطعه بهل فاجعه ناعي نعه
ندريهه
ماضل يتيم بخيمته كل لامته من شامته
التاليهه
ادور يتامه ومالگت حاديهه
جور الوكت ياوادم امئذيهه
وعليهه كلهه ململمه ومحومره حتى السمه
بلغاضريه
******
بس اليتامه والحرم ظــل العليل اوياهه
اجساد ترست كربله دمهه الارض حناهه
احتمو ياناس بنحر صارو اثر چنهم شجر
ميـالـه
دورو ماصح الولي كل تبتلي صاحو علي
العيالـه
رادو وليهم مايصح اخياله
وگبالهم الراس حزه وشاله
ماضل بعد الهم حمه ومحومره حتى السمه
بلغاضريه
******
ابوحيدر
الصبيحاوي
اليوم يوم العباس حامي الضعينه
****
حير بطبته الشريعه گال اگر عين الوديعه
بطبتي
الطف ادگن بي ثايه وانــزل بتئويل وايه
بجيتي
الفرات بجودي اجيبه لاتضن عدي عجيبه
الخلتي
رفت ومخلوسه كلها رايه مايحصل مثلها
رايتي
ســوه بلموت اشكال والـهم سنينه
اليوم يوم العباس حامي الضعينه
****
جيش مرعوب بمكانه مــالگه بلطف امانه
وماهده
جال بلميدان وحده والطفوف تميل جنده
بــلعده
حير اعداء بصلابه كلها مرعوبه وتهابه
مبريده
بچفه مرسومه قيامه هــوه كــفال اليتامه
تشاهده
علي يـاداحي الباب صاحت يمينه
اليوم يوم العباس حامي الضعينه
****
تحزمينه اليله كلنه ناحت بحرگه اهلنه
بهل مصاب
رفت الرايه اولوانه ونــاح للغالي هوانه
كلشي ذاب
العين تهمل ياگمرنه ليلتك بيهه نفجعنه
الراس شاب
السمه لمت مطرهه دنيه مايسوه عمرهه
ولاعتاب
گلــبي ينــعه الــرواي زايــد ونينه
اليوم يوم العباس حامي الضعينه
*****
بينـت بيــه المنيه صبت اعيون الرزيه
بل سده
بشريعه موت ينطر والدليل شلون يصبر
لــو بده
يومك يهز الطوايف والدليل اعليك خايف
من عده
يابخت متروس غيره اليله مهظومه الاسيره
الفاگده
وريــت طــاحت ويــاك كلهه ادينه
اليوم يوم العباس حامي الضعينه
*****
ابوحيدر
الصبيحاوي
بحسباتــي اخليك واگعد واراويك
بدموعي احاچيك واشبع اذيه
*******
عايفني يلچمني الهوه يــل اكبر وگـلبي احتار
يــل مــنك يــغار الگطن وانــته ابياضك جمار
يتوضه كلمن بــي حچه بضـــوه عــايــف اثار
يااجمل اخيوط السمه يـاحضره عندي وتنزار
ياكشخت اسنين ياروح الحسين
يمــــحير البـــين بروحه الابيه
******
خـطار عـاش ابــدنيته ريحـت مسچ بهدومه
شلون احمل اجفاك واظل بيه حزن مهظومه
اتباهه كــل عمري اظل ابــني وتــسر اعلومه
ومن فرگته بيه وجع والهسه احس ملچومه
عابانـي دهري مافاد صبري
خلصت عمري افــرك بـديه
******
يلشايل اوصـاف النبي مصحف تراتيل البيه
سبحانه مـن بيك اعتنه نور اعله نور مخليه
من صورك مـثل الشهد بعطر الجنان مسويه
يلعالي فوگ مـن النجم ربــي بسمائه امعليه
ياوحي الانفاس يلكلك احساس
يــالمعة الــماس بوجه المسيه
******
ياماي ويلالي احس شايل تــرافه من الغيم
كلمن يصد لبني علي يسرح وبعيونــه يهيم
كل المعاني البي ضوه والشعر لــيل وتعتيم
الباري لمــن صوره بــي كلشي خــلاه ايديم
هيبه ورزانه شــوگ وهوانه
عفه وحنانه وشمسه ضويه
*******
مــن تمشي بـاثارك ورد يشتم عبير الخطوه
كــل الجمـال الحضرتك يوليدي رايح فدوه
غالي انته بگليبي احس كلشي يغالي تسوه
موچنت انته سلوتي بس هسه دمعي سلوه
حلــو المعاني راح ونساني
هـجره عماني وشسوه بيه
*******
ابوحيدر
الصبيحاوي
مــاشايـف بشر احله من الگمر
مــرسوم النـهر بعيونه
****
يلمخلي الظلام ينور تجدح لمعت اجبينه
لـوحه اتميزت بلوان وبيـهه اعـتنه بارينه
حسـنه والجمال البــيه
حلو مثل الشكر طاريه
حنانه كل شي امدفيه
دورت وجــهه تسبينه دورت وجهه تسبينه
شــايــل حسن يخجل الجفن
مخرس الاسن يدرونه
****
متوزر محبه وطيب صلب ومحير الحومه
جامع للترافه وحيل بلطگ مــاكـو اليلومه
مــنه النــور يـاخذ نور
شمس وعليه كل ادور
الشافه اتبريـد ومبهور
كوكب معتلي انجومه كوكب معتلي انجومه
لــيلك ضــوه ونسمت هوه
راعــي الــوه يسمونه
****
بوجهه يستدل التاه شايـل ضــوه رباني
مرايه لو تصد اعليه تشوف العالم الثاني
سبحانــه الخلق عباس
ومتاز اعله كــل الناس
هيبه ودوم رافـع راس
عــاش ابيــن وجداني عاش ابين وجداني
بعيونه سحر ملگه وهجر
شوگ وجمـر ياذونه
****
محتار اشئسولف بـي لازم حيدر ايوصفه
وبس المنعصم ندريه هــوه وربــه ايعرفه
ســر مــن حيــدر الكرار
گمر ومعبه كومه اسرار
بي اهـل الوصف تحتار
عباس الــوفــه ابچفه عباس الــوفــه بچفه
ايــة شــرف طبعه نعرف
الاخر طرف يهونه
****
يدرون ابجماله الناس حــير كـلمن الشافه
مـلاك ابهيئت الانسان محد يدنه اوصافه
جبل ومــرصع بياقوت
بــي احتار ملك الموت
كــل الدنيه الــه تابوت
البخت متربي بضفافه البخت متربي بضفافه
الغيره اوفــه عنــده صــفه
بمايــه الشفه يوصفونه
****
ابوحيدر
الصبيحاوي
يهل دمعي يهل دمعي
بغرب اني يهل دمعي
****
احس چني سبيه اهناء ونــعاد الاســر بــينه
ولاشفت الگمر يــاناس ولا صدت علي عينه
انــدار الـزمــان اويــاي ضدي صارت اسنينه
وكتي ابلا رحــم ادريه بموت وفــرگه بالينه
بيه عله بيه عله
من جفوني بيه عله
*****
اصــد للبــاب وتحـسر بلكت طارش ايمرني
تحملت الهموم اشكال محــد شــارك بحزني
من دون الخلگ ياناس اون ومنــسمع ونــي
مـن كربله الهذه اليوم ميته بــلا نفس چني
مرني مره مرني مره
راح اموتن مرني مره
*****
اتاني وكل ثواني تمر محسوبه علي اسنين
لا عـباس اجــه يمــي لامرني اخوي حسين
انــاطرــ بلكي احبابي وتــالهـه يمرني البين
وحيده بلغرب ضليت والبابي تــديــر العين
هذه حالي هذه حالي
من بعدهم هذه حالي
*****
غربه الشام كلـه صار الغريب تخنگه العبره
واليذكـر هلــه يحـتار بعينه مــاتظل گطره
بگلبه تلـچم الحسبات يگضيه العمر حسره
عـايش والهموم اوياه مــثل الـئيده بلجمره
نار بيها نار بيها
من الخيام نار بيها
*****
اسمع صوت من ابعيد اجتني الـناس دفانه
درو بلـغربه مــاتــرحم كــالــو جـينه عـوانه
صارت زحمه علتابوت وگلبي يـريـد خوانه
گضية من القهر ياناس عمر خلصته حزنانه
احن الهم احن الهم
كل عمري احن الهم
*****
ابوحيدر
الصبيحاوي
مــو وكت الـوداع فدوه اعله هونك
اشــتاگ احــاچيك وانشــد اشـلونـك
ماصدگت والله الخبر يلجرحك بگلبي كبر
مو وكت الوداع مو وكت الوداع
*****
حاچيني مااحمل هجر ظليت احس بغربه
صارت علينه سـفرتــك يلغالي كلش صعبه
من هاجرت ظاگ الخلگ واحدنه غيم گلبه
خليت دلالي بقهــر وظلت ابــالــي الحسبه
يــل رايــح ابعـــــيد ردتك تجينه
تشوف الجره وصار وشصار بينه
صبيتلك دمعي مطر يلجرحك بگلبي كبر
مو وكت الوداع مو وكت الوداع
*****
عايفني الوب بحسرتي والفرگه هم تاذيني
يل مــاخــذ اسنين العمر شلي بعد بسنيني
حچاياتك بگلبي تدگ كثرن صوت اونيني
بذكراك اعيشن والـدمع مـابات يوم بعيني
وي صفنتي يسيل دمعي يتجاره
بطاريك اظل دوم عمري بخساره
بجفاك دلالي نكسر يلجرحك بكلبي كبر
مو وكت الوداع مو وكت الوداع
*****
ابابك اتاني ومــاتجـي تخنگني حـيل العبره
لـو رددت اسمك احس تحرگ دليـلي حسره
بعيونــك اتمنه اصــد ابــالي رسمتك حضره
بلياك چــن لــيل الشته هندس وفارگ گمره
موحش تره اهواي بيتك يغالي
گمت اذكــر ايـــام عزي ودلالي
خليت بغيابك اثر يلجرحك بگلبي كبر
مو وكت الوداع مو وكت الوداع
*****
ماينسي جــرحك يظل تشتاق الك گعدتنه
بــوجوه كل ناسك اصـد ضايــع گلب لمتنه
ظلت نعاوي ابروحتك والعبره هم خنگتنه
ادموع ماظلت بــعد ومحـد مسح دمعتنه
اگضي العمر نـوح واشبع ملامه
چن عاشر اوموت واني اليتامه
بجفاك بچيت الحجر يلجرحك بگلبي كبر
مو وكت الوداع مو وكت الوداع
*****
مر بينه ساعه لوردت احسبنه بويه ضيوفك
تــدرينــه للعشره نحــن تمنينه كلنه انشوفك
لــو بيدنــه يمــك نظل صـعبه علـينه انعوفك
يوميه باسمك نندعي وانسبح احنه احروفك
بكل دمعه نرثيك ننصب عــزيه
نبچي اعله فرگاك حتـى المسيه
الموت بحبابي عثر بلجرحك بگلبي كبر
مو وكت الوداع مو وكت الوداع
*****
ابوحيدر
الصبيحاوي
رايــح ويــن كــفال اليتامــه
ظلمه بلا گمر عشنه بملامــه
*****
خويه اخلافك ابدمعه نولينه
ينوماس النه يـاريحت علينه
تــدري ابـروحتك كلنه بچينه
وعليك تنوح ويــانه الحمامه
****
تعال وشوف لوعــات اليالي
مـن يوم الرحت بظيم حالي
الدمعه بعيني مجبوره تلالي
مــانشفت تره وظلت علامه
****
انــي بعــازتــك كونك تجيني
اريــدن شــوفتك يابعد عيني
بيــك يهــيد ويبــطل ونــيني
يكاشف ظيمنه وظيم الامامه
****
هــذه افــراگ يـابدر العشيره
عليك تنـوح كل حره وئسيره
تــراهه مصيبتي كلش چبيره
وعلينه الــكون هلبين ظلامه
****
يحادي اضعونه وحشه بدونك
عــزيـز وغمضت وسفه عيونك
تجيهم انــته لــو هــمه يجونك
امان انته ونحس بيك السلامه
****
خــويــه المــوت منــك بعداني
ودهــري من رحت بعدك ولاني
علــيه تگــابلــو هــمي وزمـانـي
يوم الطاح اخوي وظل حسامه
****
ابوحيدر
الصبيحاوي
يــاحسراتها الجار الزمن بيهه
سكنه بلسبي والشمر حاديهه
*****
شافت بلطفوف اهات مالومه
وكل احبابها متوسده الحومه
گلبهه خزن ومتروس بهمومه
عبرتهه تـره خنگت محاچيهه
*****
عاشة لحضة الاهات والدمعه
كل عدوانهه متوزره مجتمعه
ابوها شافته من داسو بظلعه
بت حسين متحزمه ابواچيهه
*****
ماظلت خـيم والحره محتاره
والـظالــم عليـهم لملم اشراره
ذاع المــوت بلــغالــين اخباره
وبــس النوح للحره يواسيهه
*****
كفال الضعن مــاضنه ينساهه
عاش الموت يـاهلناس وياهه
متوزر وكتــهه وگـــام ينعاهه
ياراعي الشريعه شوف تاليهه
*****
بچتهه اليالي والهمـوم اهواي
عطشانه لبوهه وماتريد الماي
گالت مالگيته ضيعيت اضواي
وهــاي الــدارت الدنـيه عليهه
*****
مشت والمــوت تتمناء يمرهه
بعــد شيـفيد ظلتـهه ابعمرهه
بچت ياناس ومبچيه صبرهه
هسه احبال شـدوهــن بـديهه
*****
ابوحيدر
الصبيحاوي
عــايش بــلالام خلص حياته
عــايش بــلالام وي نــايـباته
عايش بلالام عايش بلالام
*****
گاضي اليالي مخلصها احزان گاضي اليالي
الجــواد تالي ظلمو عــدوان الــجواد تالي
امجرح احشاه ويعاند الاه
وبگلبه لوعات شكثر كلهن خفيه
امحير اعداء يهابون ملگاء
فاجعنه بمصابه تره بهاي الرزيه
مايرحم اوياه الدهر ايامه احزان اوقهر
امعلم اعيونـه السهر وبكل مسيه
ياوسفه ينظام من الشماته
عـــايش بلالام وي نـايباته
*****
بعيونه دمعات الناسه يهلهه بعيونه دمعات
ابگلبه حسرات محـد حملهه ابگلبه حسرات
تاريخه شاهد بكل المشاهد
متحمل الوعه وهظم لعيون دينه
للشيعه قائد اعظم مجاهد
اناس صاحت بي تدرون اهتدينه
يشبه نبينه وحيدره الجواد نبع المفخره
الناسه مـولانــه ذره ريحت علينه
معروف مقدام هذي صفاته
عــايـش بلالام وي نــايباته
*****
ابزغره مهموم بشرع وامامه ابزغره مهموم
متحمل الــوم بفعله وكلامه متحمل الـــوم
ابگلبه جمره اوكته حسره
تچوي بدليله ياخلگ محد دراها
بعيونه نضره تشبه الگمره
الشيعته هــوه ذره صاير غطاها
ناذر اسنينه ودنيته ومضحي عمره الخلته
عنوان صار الشيعته وهسه جفاها
عادو ظلام ورادو مماته
عايش بلالام وي نايباته
*****
تــالي مــتالي ابسمه غدروه تــالـي متالي
غمض الوالي عدوانه ظلموه غمض الوالي
وبانت منيته الذاع صيته
سابــع سمه اسود لبس صاير مصابه
مهجور بيته موحش لگيته
مخيم اعليه الحزن مسدود بابه
حضرنه ناعي والدمع وشعلنه لمصابه شمع
الــيله كلــشي ينفجع تنحب احبابه
امبچي الاسلام ليلة وفاته
عــايــش بلالام وي نايباته
*****
ابوحيدر
الصبيحاوي
ناح ناح حتــى الحجر نـاح
راح راح امــام الخـلگ راح
مات الجواد مات الجواد
****
مــاعاش دنياته بهنه مظلوم عــايش عمره
گاظيها لوعات وحــزن وصبره يصبر صبره
ايفيي للناس ابــوكت مـافيت الهــم شجره
عدوانه متحزمه صفت مولاي تعرف گدره
بــاه بـــاه گـاضي العمر باه
بلواه بلواه مـن حمل بلواه
مات الجواد مات الجواد
****
امحارب انــواع الظلم مــن الزغر مولانه
عيش الــعادوه بقــلق كلهه صفت حيرانه
شايــل مهابت حيدره بيــت النبي عنوانه
عادوه انصار الدغش وروحه بقهر حزنانه
عليك عليك نون نظل عليك
إديك إديك محد سبل إديك
مات الجواد مات الجواد
****
تــاسع امــام ومـاسلم گاضي بسموم ايامه
يحمي الدين ومذهبه چانت يناس احلامه
امضحي للدين بعمر شـايــل وفــه لسلامه
ايــوازي بعلــوه النجم رافــع بــزود الهامه
هواي هواي شايل اهموم هواي
بهداي بهداي مــوته گرب بهداي
مات الجواد مات الجواد
****
عــايش غــريب بـدنيته حضرو سم الموته
رادو يخنگون الضوه بلكت ويسكت صوته
يونس واصبح علجرف متاني يوادم حوته
تاليها ابنعشه بقــه ومـــاصح الـــه تــابـوته
ليـــل ليــل وكــته لبس ليل
بويل بويل كــل تندب بويل
مات الجواد مات الجواد
****
متعوب مــن زغـره تــره كل هايه الاسنين
بموتــه غـريب ابوحدته چن جده الحسين
مــاسبلو ايــده الــولــي ولامن غمض عين
يــادهــري ليش بـلا رحم محزم اجه البين
شال شال الغالي تـــره شال
مــال مال بـــي الوكت مال
مات الجواد مات الجواد
****
ابوحيدر
الصبيحاوي
رباطات/ للامام الجواد ع
*****
شاعت اخباره شاعت اخباره
ابن سيد البريه شاعت اخباره
اليله انصاره اليله انصاره
تون ون المثكله اليله انصاره
عيني تجاره عيني تجاره
على المسموم ظلت عيني تجاره
حاضر ويانه حاضر ويانه
اليله المهدي احسه حاضر ويانه
تريد عوانه تريد عوانه
كل ناسك حزينه تريد عوانه
اليله حزنانه اليله حزنانه
على الجواد ناسه اليله حزنانه
انصب اليله انصب اليله
چادر وصط روحي انصب اليله
ويل واويله ويل واويله
على الجواد صيحو ويل واويله
الغايب اشكيله الغايب اشكيله
عل صار وجراله الغايب اشكيله
يوجع امصابه يوجع امصابه
يهد الحيل يومه يوجع امصابه
نايحه ابابه نايحه ابابه
اليله احبابه سوت نايحه ابابه
دمعه سچابه دمعه سچابه
تظل للدوم تجري دمعه سچابه
نشف اعيوني نشف اعيوني
عزيز وراح مني نشف اعيوني
لا تلوموني لاتلوموني
اذا ونيت لجله لاتلوموني
مات والينه مات والينه
الطمو عل مصيبه مات والينه
نعزي هادينه نعزي هادينه
كل احنه اجينه نعزي هادينه
*****
ابوحيدر
الصبيحاوي
سيدي ها يلجواد سيدي ها يلجواد
*****
اليــل انصــارك تــون امحيره
كل محب اليله كسرو خاطره
اوسوت الـرايــات للوادم ذره
نوصل الشباچ وانول المراد
****
جبنه ماي اعيونه انطشه الك
طيب الانساب محــد يجهلك
سـاده معروفين ذولاكـه هلك
شيعتك مولاي نصبولك حداد
****
جينه للمسموم ننصب مجلسه
الماعرف تاريخه احنه اندرسه
صار بــين الـناس اكبر مدرسه
والدليل الشوفته مولانه راد
****
جينه الـك بهموم يبن الطاهره
كل موالي اليوم كسرو خاطره
گلوب هاي الشيعه كلها عامره
ياسديد الراي يل كلك رشاد
****
اليــل ينــعاك ويصيحك يـانفل
مــن ونيني اعليك گلبي مايمل
عل طريق ادموع عيني تنشتل
وعلمصاب اليله مفجوع الفؤاد
****
رايـــت المشايه رفــت بلسمه
كل لطمهم صار عدهم اوسمه
هــاي انصارك اجــت امحزمه
كل موالي بليلتك لابس سواد
****
ابوحيدر
الصبيحاوي