-
الشاعر ابو حيدر الصبيحاوي.
رباطات / للامام الكاظم ع
*********
بسجن مولانه بسجن مولانه
خلص كل حياته بسجن مولانه
عليه حزنانه علــيه حزنانه
هاي انصاره كلهه علــيه حزنانه
للجسر جينه للجسر جينه
نشيع اجنازه ضلت للجسر جينه
كل تعنينه كــل تعنينه
جبنه اويانه اهلنه كــل تعنينه
تصيح مولاها تصيح مولاها
الناس اليله تبچي تصيح مولاها
بين قضبانه بين قضبانه
الكاظم عمره خلص بين قضبانه
شبيك سجانه شبيك سجانه
دفك باب السجن شبيك سجانه
توجع اقيوده توجع اقيوده
امامي تلچمه ثاري توجع اقيوده
دنيته سوده دنيته سوده
صارت وسفه كلهه دنيته سوده
تبچي معصومه تبچي معصومه
بويه تگول وينك تبچي معصومه
كثرت اهمومه كثرت اهمومه
ابوي بهذه سجنه كثرت اهمومه
تندب الشيعه تندب الشيعه
تون ون اليتامه تندب الشيعه
نهجك انطيعه نهجك انطيعه
يبن خير البريه نهجك انطيعه
نايحه اليله نايحه اليله
اريد ابچي واسوي نايحه اليله
كلها تبچيله كلها تبچيله
على المسموم ناحت كلها تبچيله
صاحب الرايه صاحب الرايه
اليله ويانه حاضر صاحب الرايه
كلها عنايه كلها عنايه
اليله احباب گلبك كلها عنايه
ناسه وفايه ناسه وفايه
اجت تبچي المصابه ناسه وفايه
زادت اجروحه زادت اجروحه
من شد السناسل زادت اجروحه
فرفحت روحه فرفحت روحه
من السم امامي فرفحت روحه
********
ابوحيدر
الصبيحاوي
حيـــاطين السـجن تنعه حيرهه
والــك اهــات بلــغربــــه حيرهه
غريب اهل الظلم صبرك حيرهه
وبيك تحير كل اهل البريه
كل حراسه محتاره تظل
بين انفاسه اهــات وظل
وراد خلانه وراد خلانه تشيل اهموم منه
****
الدمع وشل فــلا خليت ظل ما
علــه المظــلوم اون اوزاد ظلما
بسجن اظلم يناس ودوم ظلما
يتاني الفرج من رب البرية
فك ذرعانه ياموت احضر
كل حزنانه والــهم خــضر
الموت ماجانه الموت ماجانه عمة عين المنيه
****
مــن عــدنـة خذا الموت وحشا
وگظة ايامة غريب بدار وحشا
السم گلبة اكــل يـاناس وحشا
اودع دنيته والهم سوية
صاير يــومه چن يوم الطف
هاي اعلومه يـــا رب الطف
وينه سجانه وينه سجانه اليه عتاب يمه
****
دليله الـسم اكــل مــنه تــراني
وشفت الظيم من زغري تراني
الناس عــله الجسر كلهه تراني
غريب ولا اهل فزعو اليه
گالو موته ايحير الكل
وبتابوته الصد يجفل
صار عنوانه صار عنوانه باب الحاجه النه
****
ابوحيدر
الصبيحاوي
چــا ويــن الهواشم مايحضرون
على مصيبة الكاظم خل يلطمون
اهل النيبه تربات الحگ
****
هذه البجسر موسئ ابن جعفر
اليله المــوت يــمه بحرگه كـبر
الــدين اصبح يتيم وهــم توزر
وعليه اليله راح اعميهه العيون
صاير يومه بلكون اظلم
****
اجو حراس شالو نعش مهضوم
ابــو طـلبه يوسفه اليله مسموم
وظـــل ياناس بـينه الايم ايلوم
ويـن اهله يجون وهم ينوحون
حطو چادر بنص گلبي
****
وحيد ابدار غربه وماله امعين
هــذه الزين المحير الصلاطين
عليه ملتمه كل ناسه اوموالين
وندور مــن هلـه مـاكو اليعزون
وين اعمامه اتشيل الهم
****
وحشه اجنازته وثاره تــره ضاع
سوه النوح الــنه والبچي اطـباع
عمامه اهواي وادري ترسو الگاع
اهــل كــلفــات لـــو رادو يهدون
الموت الهم صار اگلاده
****
ظــل بـدار غـربه بنـص عــداته
بظلم مولاي خـلص هــم حياته
وبانــت ساعته ولحضت مماته
وكــل النــاس بلصاير يحيرون
اظلم يومه ياموت اشهد
****
غريب اوطاح محد فزع جاله
وهو المهيوب لو يمشي خياله
عمامه اليوم شو گطعو وصاله
ولا نشــاد منــهم لا ينشــدون
اهل الغيره اصحاب الدم
****
ابوحيدر
الصبيحاوي
كــل عـام النجيلك ها يامسموم
مثل حسرة دليلك ها يامسموم
ولاتلومونه عليه ادموع نبچي
*****
نــون ون الــيتامــه ها يامسموم
وحزنه يظل علامه ها يامسموم
بچت حتى الحمامه ها يامسموم
عليك يون خليلك ها يامسموم
بينه مابينه على جسرك صعدنه
****
جبنه الكـل وجينه ها يامسموم
على دربــك بچينه ها يامسموم
الكل تسمع حچينه ها يامسموم
بنهاري ويه ليلك ها يامسموم
كلنه وفايه لبن جعفر امامي
****
نـــار البيــنه تسعر ها يامسموم
صحنه الله واكــبر ها يامسموم
اجـينه يبــن جعفر ها يامسموم
من هم نشتكيلك ها يامسموم
جينه عنايه الاسد بغداد كلنه
****
اجت كل الطوايف ها يامسموم
بعد مابينه خايف ها يامسموم
كونك هسه شايف ها يامسموم
ويرد كونه حيلك ها يامسموم
اجو خطارك گوم اتلگه ناسك
****
كلنه بصوت صحنه ها يامسموم
يومك هل فجعنه ها يامسموم
ليك يصب دمعنه ها يامسموم
ولا شفــنه مثيلك ها يامسموم
موسئ مولانه صبرك صار رايه
****
السجن ناح بجلاله ها يامسموم
عليك ودمعه لالـه ها يامسموم
دهر مدري شجاله ها يامسموم
الموت اصبح جبيلك هايامسموم
الك حنينه يباب الحاجه كلنه
****
ابوحيدر
الصبيحاوي
علي گـبل الخلـيقه صــار
علي مـن الله كــله اسرار
بي الـباري حــط اشروط
المايعشگ علي تاليته يدخل نار
علي بيده الصراط يصير
علي الحــق وراه يــديــر
بــاب الله الجميع النـاس
والماوالــه حيدر بلقيامــه يحير
علي بلــذر عـشگ للناس
علي ويانه صار احساس
ويــه النفس ويــه الروح
حـــب حـــيدر فـــلاء ينـــــقاس
علي بي الحچي مملوح
علي بأسمه تـــرد الروح
عليه كل احنه متعودين
مثــــل شـــدت ورد وتفـــــــوح
علي مثــل الهـوه والماي
علي عـايش يظل اوياي
مــن دون الخلگ اهـواء
نـــور ويـــشع وصط اســـــماي
علي روحي واعز محبوب
علي مـــن حبه ابد ماتوب
احسه بگلبي مـــن ازمـان
وعلى حبــــه الـــدلــيل ايلــوب
علي من زغري الهج بيه
علي يانسني هم طاريه
اموت بغير ابو الحسنين
وبــس حــبه بحــياتــي اشـريه
****
ابوحيدر
الصبيحاوي
جيت اعزي المنتظر اليله احزان اوكدر
اليله سامره بدمع نكسر للمذهب ظلع
اليله احزان اوكدر
************
جبت دمعي راح اطشه وزرع بدربك حزن
وحصد ادموع بمصابك منجل جروحي يون
حابس الامي اجيتك ويمك انفك السجن
گلبي مدري شبي يمك وحده ينوح ويحن
بصدري شايلك لطم جن يتيم ومنهضم
ويومه يگظيه ابقهر
*************
اواسي روحي لو امامي حيره وحتار الفكر
الدمع اسف صاح اسمعه يجوي خدي ويعتذر
مو دمع صبت عيوني گمت احسنه جمر
ريت سم احشاك بينه وكون دلالي يطر
عمري وسنيني فده وبجي بگد النده
يواسي بروحي الدهر
*************
هذه مجلس ذاك مجلس والدمع شد رايته
توكل ابالله دليلي اليوم ينعه خلته
ندور الغايب نريده ندري يبچي بسكتته
مختنك ودموعه تجري وتبچي حته چلمته
وحصرته صارت جرح بلنفس چن ينفتح
وسوت ابگلبه آثر
*************
جينه نحمل بينه لوعه وكسرت الخاطر سوه
ويمك تعاندني ريتي تگول بس يمه الهوه
گلبي شايل نار بعدك وصدري من عدهه نجوه
ظلمه دنيانه بدونك ونته مصدر للضوه
منعرف گول اوفعل اسم لا ما ينجهل
روحه للمذهب نذر
**************
ابو حيدر الصبيحاوي
بسامره انعيله بكل دمعي ابچيله
****
بلسم امامي اليوم ودع حـــياتــه
عايفنه بين اهموم اولوم الشماته
غايبنه ظل مظلوم بنــص نــايباته
ليله اوالف ليله كل دمعي ابچيله
*****
عاش الحزن والاه صــابــر دريتـه
وصار الجره ويـاه والهـــــم بديته
كــــل الــعمر ننعاه ننـــدب بــليته
ظل گلبي يشكيله كل دمعي ابچيله
*****
ظلينه بس حسرات والــهم لفانه
نشفت تره الدمعات يومك عمانه
وتوجعني الحسبات يخنگ هوانه
گلبي خلص حيله كل دمعي ابچيله
*****
سامـره كلهه اتنوح يـوم العفتهه
ضلـت بگايه الروح مــن ودعتهه
بينه عفتهه اجروح تلچم شفتهه
بان الوكت ميله كل دمعي ابچيله
*****
صوت الحزن بينه صـاير طبعنه
وي ذكـــرى ياذينه نـلطم ضلعنه
نــون نبچي والينه العالم سمعنه
ودمعي جره سيله كل دمعي ابچيله
*****
صاير حزن بلناس وكت المصيبه
ضاگت تره الانفاس حـالـه عحيبه
هم وقهر وحساس دمعـت غريبه
صاح گلبي واويله كل دمعي ابچيله
*****
ابوحيدر
الصبيحاوي
نعي /الامام علي الهادي ع
******
للهادي الدمع والحسره والونه
وگلبي ابلوعته المولاي يتعنه
ادور الغايب ويـــاهـو انشدنه
عمت عيني مشه وداره خليه
*****
يون العسكري والدمعه تنهال
يحس بحرگته تحرگ الدلال
موقف هاذ بيه تهتز الاجبال
الولي مهضوم ويودع وليه
*****
الناس اعليك متوزره بل ادموع
شعلنه بليلتك مولانه الاشموع
نحس الكون كـله ويانه ايلوع
وحتئ انهارنه صاير مسيه
*********
سامره غطاهه الحزن
واليـله للغــالي تـــون
الهادي امغمض الجفن
سامره شنهي اعذارچ
****
ياكل السم ابمهجته
الكــون ودع حجته
الــيله تبــچي خلته
موحش يدنيه دارچ
****
مفجوعه ناسك بلجره
وتــوسد الغــالي الثره
الحـبك بــعد شيصبره
يادنيه ضمي اسرارچ
****
گلبي شال چــم لــوعه وياهم
عله الراحو خذو روحي وياهم
يوسفه الموت مـر غفله وياهم
بلايه اوداع راحو من اديه
****
ابوحيدر
الصبيحاوي
على ام عباس ونـتنه شجيه
تــهد الحيل يــا هــاي الرزيه
واسوهه بدموع ولطمه
*****
هــاي ام الگــمر تـاذيهه ذكره
هاي المانست لحسين عشره
بگلبهه ياخلگ متوگده جمره
وتصب ادموعها نهار ومسيه
مالومه محتاره ابونهه
*****
اليله اعليهه ونــتنه وبچـينه
هـيه الــربت ابطـال الـولـينه
هــاي ام البنين اشگد حنينه
صارت بــاب بــاريـنه الوفيه
يسموهه عطايه امراد
*****
عليهه العين مـابسـت دمعهه
ونين البيهه كل واحد سمعهه
اليله البين مـر بيهه وفجعهه
وخله تنوح كـل اهل الحميه
بمصابچ تنوح الدنيه
*****
عليچ الناس مـابطل بچاهه
دنيه اخلافهه اسود ضواهه
وعــافت دارهه ينعه وراهه
الگظت ايامهه افراگ واذيه
تاذيهه چلمة يايمه
*****
وحيده اجنازتـچ يلهيبه تالي
عليچ ادموع كل ناسچ تلالي
يل مبچيه الصبر ويــه اليالي
مخليه اعيونــه كــلهه نـديه
يـــاذونـه دلالي اباسمچ
*****
يباب الباري والحاجات كلهه
كرامه مـن العلي الهه شملهه
بسمهه الناس تشافــه عللهه
لان وفــايــه لــولاد الـزچيه
المهيوبه تاذيهه الونه
*****
ابوحيدر
الصبيحاوي
هايه الضحت وانطت بناهه
الغيره والــوفه چفهه بناهه
يـــرد حسين ماضنن بناهه
وتدري ابكربله تنوح الزچيه
****
انــه ام البنين وگــلبي حيران
ادور ابني واريده اليوم دفان
انـه الماضل الي بلدنيه خلان
اولا واحد بعد ينشد عليه
****
تمنيت العمر يرجع واشوف الراح
وتــرد لمتــنه ذيـچه وگلبي يرتاح
عـــمر خلصته كـــله هـموم ونياح
واگول الراح شيرده اليه
****
الفاهه الموت كـون احباب يمهه
الوحيده يصير بس هاذه حلمهه
انــه ام الگمر هــــل طش علمهه
الماعدهه ولد شلهه ابوصيه
****
تمنيت الگـــمر هـــل ليــله وياي
وبيــده كــون هــم ينــگط الماي
ويــريته ابحفرتي ينزلني بهداي
ويمسح عيني الضلت نديه
****
وينه الردته الي ايهيل الاتراب
الــي وياه چلمه محمله اعتاب
اگله شگد نطرتك ياهوه الهاب
وعليه اشهود خليت المسيه
****
هاي اخر ثواني من الاسنين
ولا عباس بين لا اجه حسين
ودورت شكثر بين المشيعين
وباد الحيل ماحرك اديه
*************
عـــله نوحي بعلاتك صـار ياذان
على ام عباس بــيه هموم ياذان
اشهدي كل ونيني اصياح ياذان
على التسوه الدمع ونتي شجية
****
ابوحيدر
الصبيحاوي
اليلة طش عدنه الخبر بيش اواسي انه الگمر
ماتت اليلة تراهه ام البنين
*******
اليل خلصنا دمع وبس مناحه وتنسمع
الگلب بيهه منفجع والضوه ظل ما يشع
وتجري بلدمعات ما بطلت عين
********
شافت اهموم اشكثر الحزن رافگهه عمر
بچت اوياهه الصبر بيهه تسهيل الامر
هاية ام الحيد والرافع جبين
********
الگمر بين هندسه وصار كل وكته مسه
عيونة بانت ناعسه وحزنه بگليبه رسه
وبيهه گام يعزي مولانه الحسين
*********
گبر حظرله الوفه والدمع كله لفه
من دره النور انطفه بدت قصه اوسالفه
وهسه حل وعله باهاته الونين
*********
اليوم متحزمه السمه وريت لعيوني العمه
انفاس بيهه ملچمه وبلموت فرگة وخاتمه
الموت لحظه وتنطوي كل السنين
*********
العباس ومه دمعتي اندب وانوح بعبرتي
اليله اگولن چلمتي وتشهد عليه دنيتي
من ابچي يبقن بلوجه نياشين
*********
ماتت العاشت حزن والعمر خلص تون
ماسكت ساعة الجفن عل مشو هية تحن
المنهه غفلة سير اعليهم البين
**********
ابوحيدر الصبيحاوي
بمجلسهه اطلب حاجات من گلبي جيت انخاها
******
هــــاي ام البنين ارد اسـولف ليهه
من گلبي تسمع والحچايه اطريهه
للعوزه ام عباس انــــــــه امخليهه
من اذكرهه تنفك ابواب تگضي الاريده اوياها
*******
تدريني ناذر كل حيات اسنيني
وكل الخلگ خادم تره تسميني
حاجه ابدليلي وهيه التواسيني
البگلبه حط بس حسين يگضي العمر بحماها
********
غير انتي بـــاب الباري يسمونچ
بروح الگمر خليني بين اعيونچ
مايـن عليچ اواهلي ايحشمونچ
راح اقسم اعليچ اليوم عله اواريد اشفاها
*******
بحسين احــلفچ يابخت واليـنه
بچف الگمر وصيتچ وهـم عينه
ضاگت نخيتچ واصطه البارينه
تگضي الطلب ام عباس يم اللهُ عالي الواها
********
جاهچ چبير اليــله الـــوذن يمه
ونخاچ ياريحت علــي بو اليمه
المحتاج ينخاه الگــمر وي امـه
وبعازه الهه انه اليوم ونبض الگلب ينعاها
********
دگيت بابچ يمي عندچ حسبه
المالوم حگه لـــو يسولف گلبه
مـديت اديـه وردت منچ طلبه
حلفتچ انه من ردت وروحي كثر رجواها
********
باب الله ندريهه تــراها ام عـباس
وبلــكرم لا مــاتنوصــف ماتنقاس
تسهل امــــر معروفه الهاي الناس
منهه ردت وكت الضيچ تحطني وصط عيناها
********
ابوحيدر
الصبيحاوي
البيه بيه ام الگــمر حيرانه
البيه بيه گلــبي مشو خلانه
الفراگ بينه حسره ودلالي يــاهو يصبره
البيه بيه البيه بيه
*****
انــه ام البنين ابــدمــع گظيت باقـي اسنيني
من شدو ارحال الضعن ماهدت دمعت عيني
ماترمش اعيوني تره صدت الصوب حسيني
بيناتنه شهگت عــمر وحسرات بــيهه اونيني
انه شبديه گدامي راح الغالي
انه شبديه بس الحزن يبرالي
غربت كــل العتره ودلالي ياهو يصبره
البيه بيه البيه بيه
******
لحسين ابــاوع لو اصــد زينب تگصر خطوه
انموت بس يحيه الشرع ونــروح كلنه فدوه
گــالتـهه والهـودج شفت بعيونه كلهه النخوه
الــوكــت وي دهــري شفت خلاني بس اتلوه
بعدو عليه الموت شـد ارحاله
بعدو عليه عيني صفت هماله
دمعاتي صبت حمره ودلالي ياهو يصبره
البيه بيه البيه بيه
******
گالت مشه كل الضعن الحادي شفت اعيونه
ابني الگمر شايل علم والعلم بـي خـي عونه
وصيته گتله بلــوفــه وهوه الوفـه يعرفونه
ادري بگمر هاشم شهم كـل خافو ايچهبونه
وكت المنيه كـرار شــد للصوله
وكت المنيه ماهمه ذوله وذوله
طاهر نسل والشجره ودلالي ياهو يصبره
البيه بيه البيه بيه
******
مــن شافت الهــودج مـشه گالت وداع اليله
ام البنين تــون صفت والحيل مــاضل حيله
الضعن شد اعله الرحل واسرچ امامي خيله
اظلم نهــار المــر علي امبرگـع ولابس شيله
ابن الزچيه بفراگه يلچمني البعد
ابن الزچيه ودلالي احسن يرتعد
بگليبي احسن جمره ودلالي ياهو يصبره
البيه بيه البيه بيه
******
زينب والحسين وگمــر شــدو ضعن للغربه
ويام مــرت بــس هجر ياناس كلش صعبه
الفارگ عزيز اعليه تــره مجروح وينز گلبه
وينوح ظل كــل العمر يوجع كلامه وعتبه
يحمل اذيه الــعافــوه اغــله احـبابه
يحمل اذيه الماحسب حتى احسابه
فارگ ضواه وگمره ودلالي ياهو يصبره
البيه بيه البيه بيه
******
ابوحيدر
الصبيحاوي
اللهم العن الجبتي والطاغوت
****
يــله يـــاشيعة علــي گولوها
بصوت عالي فاطمه سمعوها
هـــاي وادم كـــافــره لعنوها
بصوتكم رددو وبعالي الصوت
****
ملعون كلمن الــوئـــن گالاها
هاي فتنه وهوه مــن سواها
تعــنه للـحره واجـــه وئذاها
بيدهم حضرو للزچيه تابوت
****
ياالاهي الكون شوف اشبيها
ابـــابــها وكـسرو ظـلع تاليها
والظلمها بــلا رحــم يــوليها
المنيه بلباب وشوفوها الموت
****
الحرگ بــابــچ كافر يسمونه
وهوه مــن وادم تره ملعونه
الحقد بين من شرار اعيونه
الكسر ظلعچ راد للدار يفوت
****
ناس عاشت محتواها الريبه
معلمه عل الكفر وعله الغيبه
نكرو الهادي بجلالــه وطيبه
بينو الغايه من اجوها بسكوت
****
التمو الاشرار مــوت ويـاهــم
وجوه سوده مايصح ضواهم
للحـــشر ابــــقه ولا انـساهــم
ابالي رسمهم بلملامح منحوت
****
ابوحيدر
الصبيحاوي
يحيدر وين كبر امي دليني بكبرهه
**
اريد اسمع سوالفهه وحجيهه
ونوح بكد نعاويهه وبجيهه
احرك ترابهه وانشد عليهه
واگولن ريت كون امشي ابئثرهه
****
الحظنهه اشتاك ياخذني حنيني
ويــمرنــي الليل ماهود ونيني
فراغ يصيراحسن وصط عيني
وروحي يزيد بلفركه جمرهه
****
اباوع للمجان البي كعدنه
بغفله البين طششنه اوبعدن
البين بروحتج يمه فجعنه
وروحي مانفع بيهه صبرهه
****
يشيال النعش ماخذهه لاوين
وخليت الدمع مافارك العين
كلبي من جفت يحمل نياشين
بجت دنياي لمن طش خبرهه
****
احاجيمن بعد لو جلجل اليل
ومن يمسح دمع لودمعي يسيل
زمااني وياي مدري شماله يعيل
وفجعني الباب هوه والعصرهه
****
ادور كل زوايه البيت عنهه
اليالي السود من عدي خذنهه
امي المابطل ساعه جفنه
وروحي عليهه هل باين كدرهه
****
ابوحيدر
الصبيحاوي
ميت لــو عــدل ساكـــن الزنزانه
غريب ابلاء اهــل مولاي عنوانه
اليله احباب گلبه اعلــيه حيرانه
يــومــه طــر دليلي وحيل اذانه
عليه الدمع يبچي بحرگه چوانه
عليه حتى الدمع مابطل جريانه
طاح الحــيد بــي تلــوم عـدوانه
سناسل والسجن صاروله نيشانه
الــدنيه تــحزمـت لملمت بــلوانه
وگلبي عليـه ينبض ادري شريانه
الــيوم تنــوح كلــها اعليه خلانه
لاحضرت هــله ولا اجـت خوانه
لتـمت علجسر كــل ربعــه عوانه
غمضهن عــيونــه وسـبل ذرعانه
لطمة عـل جسر لوداعه صحبانه
هــذه الحيــر الـحارس وسجانه
سجنه اعليه يبچي ويه حيطانه
غريب ويــومــه ياوادمنه بچانه
اجت نـاسك يحيد انهض تلگانه
اظــلم بيــتك ومسدوده بيـبانه
الموت احنه نتمنه وهوه ماجانه
عـل طيب بچت يانـاس جيرانه
اليــله ديــار اهــلنه كـلها حزنانه
طــاح وحيـد محــد يــمه العانه
وسفه عل جسر مطروح مولانه
ومــاننسه العزيـز شلون ينسانه
****
ابوحيدر
الصبيحاوي
البابك جينه متعنين يلكاظم تلگانه
مولاي اشهد جبنه الرايه
****
اجينه ويصب دمـع العين
عليك العمر يگضي اونين
تعنت نـــاس الك صوبين
وكلهه تصيح مولانه يلكاظم تلگانه
وفايه انظل بيك انادي
********
احسن گلبي الــك ينعه
عليك اليله اصب دمعه
كلمن حزنه ظـل طبعه
وجبنه النوح ويانه يلكاظم تلگانه
بچينه الهم يوم مصابه
********
اجينه وبينه كومه اهموم
الك يــــل بلسجن مسموم
ولـــــو كــلهه علـينه تلوم
تــزيد اعناد خلانه يلكاظم تلگانه
الدم ينبض راد الغالي
********
نشهد العدل ويــه المات
المواكب اجت والهيئات
يلمحير حـچي الچلمات
صار السجن عنوانه يلكاظم تلگانه
الشر وهله ماناسينه
********
خـل تشهد علينه الناس
نجيك بحـزن مـاينقاس
يهيبه النه يرفعت راس
انصارك كلهه حزنانه يلكاظم تلگانه
كل ناحت اهل الغيره
*********
ابــابــك يعــله بيـنه النوح
گضيت العمر بيه مجروح
بيــنه تعيش مــثل الروح
عفتنه ارواح حيرانه يلكاظم تلگانه
الون بينه حار بيومه
*********
ضريحك ارد اشم عطراه
مصابك بينه چـــن جمره
عليـك الوكت ذب حسره
يهل مسموم شريانه يلكاظم تلگانه
شاغت روحه الموت وياه
*********
ابوحيدر
الصبيحاوي
مشونه نشيع المسموم باب الحاجه مولانه
****
سوينه الدمع تسبيح وخلينا كلـــــه يطيح
واحدنه عليه يصيح وكــل الديره حزنانه
****
مصابه حيـل ياذينه عليه اتنــوح اهالينه
بعـد متكف بواچينه ويومــه اليله هدانه
****
يالله نشيع المظلوم گضاه العــمر مهموم
والايــم عليه ايلـوم وظالم چـان سجانه
****
صرنالك يغالي نوح مواكبنه تنز جروح
ويانـه نحسك روح ننعــه وانتـه تنعانه
****
كلـنه اليله متعنين الك مولانه اموالين
اجينه برايه متحزمين واعله النوح عوانه
****
بيه الناس محتاره محد يعرف اسراره
وبينه عـايف اثاره اجـينه انهض تلگانه
****
اليله سيـرو ربــعه ومـاخلو عليه دمعه
هاي احباب مجتمعه مصابك حيــل اذانه
****
نعزي المهدي بمصابه يهد الحيل يصوابه
وسفه نـدار دولابه وصار الموت عنوانه
****
ابوحيدر
الصبيحاوي
للكاظم اخلي النوح ودمعي ابحرگه اصبنه
وعلى جسر المنيه اهـناك اجــر الاه والونه
******
عــايش بلظلم مــولاي خـلص عمره وسنينه
بمحجر والظلام يسود واهــل الـحقد والينه
ظــل امحاوط ابسجان وليله مــاغفت عينه
يونس صار وصط الحوت مولانه صفه چنه
****
من سجن السجن ودوه ظاگة دنيته بروحه
ومــن اگيـود عـدوانه تنزف بلدمه اجروحه
دهرنــه مايبطل نوح وساعه ماسكت نوحه
شاف الوعه وي اعداء وكل الضيم اله اتعنه
****
تعناله الحزن بهمـوم جــاب الحسره والوعه
ومــن سـدو عليه الباب الظلمه غيرت نوعه
الدنيه محيره وتنعاه صفت بلصار مفجوعه
ويصير الحچي شوغات لو سولفت هم عنه
****
اسولف عنـه وتحـسر وبيـه الحسره تاذيني
اگظيه العمر دمعات واگضيها بچي اسنيني
للمسموم اظل يـاناس تهمل دمعتي ابعيني
كـون اگضي العمر خدمه يــم شباچه اتمنه
****
انــه اتمنه اظــل وياه الحد الموت ماعوفه
غريب وظلمته الظلام قصه وبينه معروفه
ظل باب الحوائج دوم بيـن احبابه سالوفه
بــي ريحت علي الكرار بعتبت بـابه اشمنه
****
وسفه علجسر خلوه ونصكت شجاها الناس
ادنو للجسد بهداي من عرفوه هاج احساس
ناحت كل اهل بغداد والوادم تدگ عل راس
ميت عل جسر مظلوم الموت الحضرته ادنه
****
شافاه الطبيب وگال وين اهله وعمامه وين
مسموم انتهئ يــانــاس وگـوه گربوله البين
خــل اهــله تــدور ثار مغدور وتهمته الدين
وسفه ضــاعــت اسنينه ومنه نگطع الضنه
********
ابوحيدر
الصبيحاوي
رباطات/علي الهادي ع
**
ياعلي الهادي ياعلي الهادي
ونيني اعليك يكلف ياعلي الهادي
شيعته تنادي شيعته تنادي
صعب يومك علينه شيعته تنادي
مصابه ياذينه مصابه ياذينه
فجع كل الاحبه مصابه ياذينه
گلبي بونينه گلبي بونينه
عليك ينوح احسه گلبي بونينه
ودع الديره ودع الديره
چبير الناس غرب ودع الديره
ظلو بحيره ظلو بحيره
كل صارو يتامه ظلو بحيره
عاتبت موته عاتبت موته
عزيز الراح منه عاتبت موته
يبچي تابوته يبچي تابوته
خشب حن الامامه يبچي تابوته
غمضة عينه غمضة عينه
بچت حتى المنيه غمضة عينه
ننعه والينه ننعه والينه
اليوم انوح لجله ننعه والينه
ناس تبچيله ناس تبچيله
تصب دمعه بوداعه ناس تبچيله
غرب اليله غرب اليله
شد رحل النودهم غرب اليله
بسمه تاليته بسمه تاليته
تنوح اعليه الامامه بسمه تاليته
النه خليته النه خليته
البچي ونوح سلوه النه خليته
*
ابوحيدر
الصبيحاوي
ناري سريه والبيه بيه
*********
بمصاب اذانه القدر نعلن حزنه والكدر
بگلوبنه عليكم آثر هاي المسيه
*******
جمره المدامع بلجفن والحزن ينعاك بحزن
دلالي للغالي يون وعلن رزيه
*******
مظلوم جارت دنيته بكيد العواذل سمته
بدموع ضلت خلته تشكي النبيه
*******
عاش ابآلم ايامه اطه العمر لسلامه
رافعهه دوم الهامه يحمل وصيه
*******
مثل حسين يعرفونك بوكت الشده يهابونك
بسامره هم يدرونك كلك حميه
*******
روحك ترخص يدروهه واقع حال يشوفوهه
شمسك فلا طفوهه تبقه ضويه
*******
تقدم للدين الغالي يدرونه حجه اوالي
عالي امامي عالي فوك الثريه
*******
خافو صلطانك خافو نظرات ترهب شافو
بعيونه همه تاهو عيونه نديه
*******
عدل الباري بيمينك مولانه ما ناسينك
وسفه طويت اسنينك طايح رميه
*******
ابو حيدر الصبيحاوي
نعي الامام علي الهادي ع
مجرد
*****
الشيعه اليـوم لمصابك يونون
كلهه تصيح يلهادي وينوحون
وخلي المـادرو بيــنه يلومون
الـيله اعميهه للـغالــي العيون
اليله اعليك سـامره حزينه
وگلب الناس مابطل ونينه
للهادي نــون غصبن علينه
راح اودع ايــامه وسنينه
گرناوي
******
راح اصب الدمع لمصابك ثواب
وابچي واعميهه اريدن عيني
گلبي علسموك مغتاض ابعتاب
وانته تــدري مـاابطل اونيني
جرح بينه صرت لايبره اوطاب
بكبر سامره الـجرح يـاذيني
*******
ابوحيدر
الصبيحاوي
حسره بدليلي خليت انه الوحيده ظليت
اليل خلصته ابچي المر علي ماينحچي
حسره بدليلي
****
نشفت عيني من الدمع والــــهم ولاني
لملم علي ظـيمه الوكت جايب احزاني
نار ابدليلي وهــم جـمر دهري جواني
عاتبت موتي شــو بطه يمـكن نساني
مليت يسنين العمر عاداني حسيته الصبر
ياعمري اني مليت
حسره بدليلي حسره بدليلي
****
يلچمني ظل حتى الهوه يـاذيني كلشي
يطيح الدمــع منــي تره لوغمض رمشي
ظل يمي يتخطف احس الــموت يمشي
اتمنه كل لحضه بوكــت مشيول نعشي
وتلاگه بلراحو گلت ياوكتي اشمالك ملت
للراحو اني حنيت
حسره بدليلي حسره بدليلي
****
اني العشت كــل دنيتي تاذيني الايـام
من زغري لوعاتي شفت حتى بلاحلام
عودني دهري عل حزن وخلاني انلام
تاليها اعيش بنص غرب امگابله الشام
والغربه تاكلني اكل شمعه اضوي وشتعل
خلصت عمري بياريت
حسره بدليلي حسره بدليلي
****
لوارض مطبوگه وسمه مامرني الصار
بطف تره كلشي نهجم والمدمع احتار
الدمه طش فوگ الثره ماظلت انصار
وكــل شبر دخان انمله متحاوط بـنار
ماأنسه عملت كربله والراس بلرمح اعتله
ودموع بلطف هليت
حسره بدليلي حسره بدليلي
****
هسه وحيده بلاء اهل وداري خليه
اليل كله اگضيه بـچي والبيه بــــيه
محد اجاني مــن هلي ســير علــيه
صاير نهاري يـــا خلگ چـنه المسيه
بـدمــع اسبح للفجر غياب ويبچي العذر
واني عليهم ونيت
حسره بدليلي حسره بدليلي
****
ابوحيدر
الصبيحاوي
تون للموت احس روحي بعدهه
الـــي چـــم اه مــاتحصه بعدهه
احبابي الــوكت طششهه بعدهه
وضل بس الحزن والنوح اليه
*****
تراها ام البنين الـــهم ولاها
وهي للدين والعـــتره ولاها
بعــــد مابيهه تتحرك ولا ها
ولفت لحضاتها وكت المنيه
*****
على المذبوح مـايبرد يمرهه
تگول بدنيتي حنضل يمرهه
تنت عباس يحضرهه يمرهه
يوسدهه بلحدهه وهاي هيه
*****
هايه الضحت وانطت بناهه
الغيره والــوفه چفهه بناهه
يـــرد حسين ماضنن بناهه
وتدري ابكربله تنوح الزچيه
****
ابوحيدر
الصبيحاوي
رباطات / الى ام البنين
******************
اليله نوفيلچ اليله نوفيلچ
ها يم البنين اليله نوفيلچ
كلنه ننعيلچ كلنه ننعيلچ
بچينه وي اهلنه كلنه ننعيلچ
گمطت غيره گمطت غيره
هايه الحره هايه گمطت غيره
تنحب الديره تنحب الديره
اليله اعليها ونت تنحب الديره
ربي سواهه ربي سواهه
باب الحاجه صارت ربي سواهه
بيده اطاهه بيده اطاهه
الباري من تنشده بيده اطاهه
هيبتچ هيبه هيبتچ هيبه
ام عباس ندري هيبتچ هيبه
ياهي اتجيبه ياهي اتجيبه
مثل عباس عدچ ياهي اتجيبه
يكسر الخاطر يكسر الخاطر
اليله الگمر يمهه يكسر الخاطر
ولا تلومونه لا تلومونه
اليون العــمر لـمه لا تلومونه
يعمن اعيونه يعمن اعيونه
كون من البواچي يعمن اعيونه
كونه جنازي كونه جنازي
وليدي يشيل نعشي كونه جنازي
*******
ابوحيدر
الصبيحاوي
خويه ياعباس خويه شوصتك ام البنين
*******
ليش دمعاتك جريه شگالت امك بلوصيه
خويه احلفك بلزچيه تبچي اوصديت اليه
وحيل تفركهه الادين
****
شگالت الطيبه الحنينه خازنه احچايت ولينه
تدري بمصاب اليجينه وگلبك ايعلي ابونينه
وغرگت ابدمعات عين
****
عينك اتصد للزغار شلون لو بلخيم نار
وزينب اتظل ابمرار واظلم اعليهه النهار
شلون حال الحايرين
****
يم رقيه حنبت شبيك خويه طولت
تشمها وتحبها صرت ويم تراچيها صحت
والله لوماكضني بين
****
ويم سكينه والرباب عاتبت حتى السراب
سكنه مو مالت عذاب وينگطع عنها الشراب
شلون حال امدللين
****
خويه للاكبر تصد ونظرتك تحمل بعد
تفتح ابعينك تسد خبر گالو ما يرد
ويطش بلطف السنين
****
القاسم ازغير اورحل ونطفت شمعت امل
گلبي چم لوعه حمل والرضيع الدم نزل
ومايضل حتى الجنين
****
ليش بظلوعي تكض الخيل تطحنهن ترض
ياگمر هذه فرض جنه نحويهه الارض
وكربله تصير العرين
*****
ابوحيدر الصبيحاوي
اطــت ولــدهــه لحسين ام البنين الهيبه
صارت شريكت احزان يوم الفت مصيبه
******
گــالتله يبــني عباس ردتــك كفيل العيله
ياگمرة ايامــي المضة لحسين ضوي ليله
عيال وكــت الموزمه ومـنك اريــد العيله
وردتك تجول بكربله والنهر يــمه اتجيبه
*****
وصته ينصر مولاه وخوانه تفني الحومه
گالتله اعرفك مهيوب عباس هاي اعلومه
ليگابله يظل محتار مبهوت ظل بـرسومه
من الماي اصفه ادريه ابيض بلون الشيبه
*****
متحزم بحـيل حسين وبيده تلوگ الرايه
ابنـي اليسهل الصعبات بلعلگمي دگ ثايه
ريس عشيرتنه حسين وبرواح اله ودايه
والگمر لو طب ميدان بيهم يسوي النيبه
*****
وصت ولدها بچلمات انطو العمر وسنينه
افدوها عترة مولاي والهادي گــــرو عينه
هنياله اليموت اويـاه فدوه يظل لحسينه
والسهم يمـــه اتلــگاه بالـك يلوحه ابريبه
*****
ضعن العزيزه بحماك حط الضعن بعيونك
عباس لــو نــاده حسين ردتك تگله عونك
ماانشد انه اشسويت اعرف ييمه اشلونك
الگــمر لمــن يغتاض الجيش كــله يصيبه
*****
عــاشور سويـه للناس ذكـرى تظل لجياله
اچفي نهرهـم والمـاي وحصد شكو خياله
شـد الرسن فـوگ الغيم واعدلهه لـو مياله
وجيب المطر للعطشان الكل نوت تعذيبه
*****
ابوحيدر
الصبيحاوي
نعي/ام البنين ع
***
سلام الله عليها ودمع سال
ضربت بلوفـه للوادم امثال
للحاجات تطي تعزب اشكال
ويــاهــا زماني محزم وعال
هــاي ام الگمر وراس عالي
مـنها ونـعم جــابـت غوالي
سلاماً علــى دمعتها التلالي
خلت بيتها مــن الزلم خالي
ربت حيد ويـعادل عشيره
عـد الباري مبخوته الاميره
فزعـت بلولد فـزعه چبيره
هـاي ام الوفه لمربيه غيره
لحسين العمر اطت والبنين
بفراگه بچت ماهودت عين
عمرها خلصت اباه يحسين
راح وعــايفلها بــس الونين
عافلها الدمـع وهموم الايام
وتصبر الصبر مجبوره بالام
والرايح تـظل تنطره بحلام
وتحشم الجفن تتمـنه اينام
ويــه الفــاتحه حطو اسمها
ابيض دون خلگ الله علمها
ام عبــاس معـروفــه بهممها
بحسين نعرف يوجع قسمها
تمنت عدها كـون اولاد ميه
چا كلهم فـــــده لبن الزچيه
اوگالت للگمر عـندي وصيه
بــالــك للــولي تــدنه المنيه
اطي چفوفك وعينك يهيبه
وشلال نگلب لجـل الحبيبه
اريدك حيـدر بيوم المصيبه
ويبني الحگ اريدنك تجيبه
گـال الــغايـب ويثني عليها
الرايد طلبته خــل يمر بيها
وضع سره الاهي بين اديها
عزيزه وغاليــه ودر حچيها
هـاي ام البنين يصب دمعها
ولو ناحت تره مـحد سمعها
حزينه بلـحزن دهري جمعها
نحنه ياناس من الهم ظلعها
****
ابوحيدر
الصبيحاوي
ام عباس يــاهــل نـاس عمري افدي وسنينه
لال البيت هــم وافيــت بشـرع الباري ودينه
******
بــدت رحلت حياتي اهناء يم حيدر واولاده
گلت كل عمري وياهم اعيش بخدمة الساده
گلبي مــن هــواهــم گــام منهم ياخذ امراده
اظـل ادعي يهـل دمعي وگلبي اسمع اونينه
****
عشت بين الهلا والطيب وبين احباب دلالي
عشت متوصطه ال البيت غـالي ابئثر غالي
احس گلبي يناس احتار ودمعي بين ايلالي
هاي اسنين يــم حسين عيني گــرت ابعينه
****
كرامه مــن الاهي هـاي وبيها الباري كرمني
قسمه يم علي الكرار اميـره بمخدعي چني
صرت باب انه للحاجات رب الكون فضلني
بخت وجاه عدي الگاه بيت النبي مكرمينه
****
جبت احزام مـن اولاد كلهه بخدمة حسيني
مـن عدهم گمر عباس صوت الحق يناديني
ربيت الوفه بكل زود والهم رخصت اسنيني
وفــه كــلي انــه وضلي ويشهد بـيها والينه
****
انه البيه الونين اشكال ويوم حسين هداني
وضل بيه الدمع ياناس وصـار بزود عنواني
كل اسنيني فدوه تروح فـدوه العين خلاني
انه الحره وضوه الگمره وخدم بيت هادينه
****
ابوحيدر
الصبيحاوي
القاسم ياعزيز الشان كون ابگلبي ادفننه
****
عمرك خلص ابغربه غريب اوعيشتك صعبه
يبن التعبو گلبه يمن تستاهل الونه
*
بعينه ضاگت الوسعه وحسره بصدره متگطعه
عليه اتلالي الدمعه وصيحن دمعتي منه
*
يلچنك گمر عالي غالي والابو غالي
بسمك نبض دلالي اوطرواك اني اتمنه
*
همك واليالي اثگال الله يساعد الدلال
حالك مايسر الحال وبهلك گاطع الضنه
*
امير ويخدم ابناسه وعالي مانزل راسه
اخذ اوصاف عباسه وحيدر بلكرم چنه
*
خلص عمره ويامه بروحه شايل الامه
شد الدنيته احزامه وبيرغ صار ومحنه
*
عاش ابغربه تاليته وذايع بلخلگ صيته
فدوه الطرف خاجيته حزين وبلحزن فنه
*
مات اوكشف اسراره وكل الناس محتاره
القاسم صاحب الشاره اجاه الموت وتعنه
****
ابو حيدر الصبيحاوي