-
الشاعر ابو حيدر الصبيحاوي.
اللهم العن الجبتي والطاغوت
****
يــله يـــاشيعة علــي گولوها
بصوت عالي فاطمه سمعوها
هـــاي وادم كـــافــره لعنوها
بصوتكم رددو وبعالي الصوت
****
ملعون كلمن الــوئـــن گالاها
هاي فتنه وهوه مــن سواها
تعــنه للـحره واجـــه وئذاها
بيدهم حضرو للزچيه تابوت
****
ياالاهي الكون شوف اشبيها
ابـــابــها وكـسرو ظـلع تاليها
والظلمها بــلا رحــم يــوليها
المنيه بلباب وشوفوها الموت
****
الحرگ بــابــچ كافر يسمونه
وهوه مــن وادم تره ملعونه
الحقد بين من شرار اعيونه
الكسر ظلعچ راد للدار يفوت
****
ناس عاشت محتواها الريبه
معلمه عل الكفر وعله الغيبه
نكرو الهادي بجلالــه وطيبه
بينو الغايه من اجوها بسكوت
****
التمو الاشرار مــوت ويـاهــم
وجوه سوده مايصح ضواهم
للحـــشر ابــــقه ولا انـساهــم
ابالي رسمهم بلملامح منحوت
****
ابوحيدر
الصبيحاوي
يحيدر وين كبر امي دليني بكبرهه
**
اريد اسمع سوالفهه وحجيهه
ونوح بكد نعاويهه وبجيهه
احرك ترابهه وانشد عليهه
واگولن ريت كون امشي ابئثرهه
****
الحظنهه اشتاك ياخذني حنيني
ويــمرنــي الليل ماهود ونيني
فراغ يصيراحسن وصط عيني
وروحي يزيد بلفركه جمرهه
****
اباوع للمجان البي كعدنه
بغفله البين طششنه اوبعدن
البين بروحتج يمه فجعنه
وروحي مانفع بيهه صبرهه
****
يشيال النعش ماخذهه لاوين
وخليت الدمع مافارك العين
كلبي من جفت يحمل نياشين
بجت دنياي لمن طش خبرهه
****
احاجيمن بعد لو جلجل اليل
ومن يمسح دمع لودمعي يسيل
زمااني وياي مدري شماله يعيل
وفجعني الباب هوه والعصرهه
****
ادور كل زوايه البيت عنهه
اليالي السود من عدي خذنهه
امي المابطل ساعه جفنه
وروحي عليهه هل باين كدرهه
****
ابوحيدر
الصبيحاوي
اويلاه اويلاه ام حسن مظلومه
*****
اليــله كــلنه نشــيع الحره المشت
ام حسن وحسين يــانـاس ابتلت
الله يعينك علي مـــــــــــن غربت
وگلــبك بـــهل يـــوم زاد اهمومه
****
طلعت املاك السمه بنعش الحزن
وهـــاي كـــل النــاس بلصاير تون
بيــنه تــايـــه كـــل حچـينه بلسن
وكــل مشــينه بلمــشت مهظومه
****
خــل نشيع فاطمه ونجري الدمع
مــاتت المكسور من عدهه الظلع
التمت انصارچ يحره بــهل جـمع
والماحضر ويــانــه روحـه تلومه
****
مــن نطوف بنعشچ المدمع جره
اليله عــرش البــاري رايد كوثره
گضة كـــل العــمر وسفه امرمره
وصفت مــن اهل الكفر ملچومه
****
هـــذه نعش الحـره يبرالـــه علي
صب دمـعته اعليـها بلـوه مبـتلي
الله كــون بعــون مــولانــه الولي
الچانت وياه هم صفت مـرحومه
****
اليله حتـى المــوت ويــانــه بچه
ودمــع عيـني گمت احسنه حچه
چـم ملك يم نعش مـولاتي نتچه
وعلي گــالــو صـعب كلش يومه
****
ابوحيدر
الصبيحاوي
ام ابوها شگد عذبوها
لمن ولوها زهره الزچيه
*****
ظالـــم على الــزهــره يهد
كسرو ضلعها اهـــل الحقد
وبلــگلب ظــل يمــرد مـرد
محسن وگــع طــاح الورد
بهاي المصيبه امست غـريبه
تون الحبيبه وبهـل المسيه
*****
مــن بعــد عــزهــا فـاطمه
ظلــع نكسـر ويــصب دمه
بچت عليــهه اهـــل السمه
وصب الدمع حامي الحمه
بيوم الولوها شگد مرمروها
بلوه بلوها طاحت رميه
*****
مــن راح ابــوهــا تـمرمرت
ودمعتها وصط الخد جرت
بيــها شكثر نـــاس اوجرت
عـــله الــزهره كلهه توزرت
مدري شجاها الناس ولفاها
كثرت عداها يوم الرزيه
*****
حملت هظــم طفها البده
بــي دمــه ونــيران ونـده
عليهه اجــت كـل الـــعده
متحزمه كــل اهــل الرده
صبت دمعها محد سمعها
بهذه الفجهعا من الرعيه
*****
بكــل حسره يلچمها الهوه
مــن عـدهه مصدر الضوه
بيهه الحچي ضــامي وره
شمس وگمــر بيــهه سـوه
دمعتها تالي وسفه تلالي
بچت الوالي حلت اذيه
*****
ابوحيدر
الصبيحاوي
البابچ اجو مـــن وجــجو
دفعو بـاب الزهره وحچو
سر الله هاي الزهراء تالي اصبحت مظلومه
*****
ابــاب الزچيه رحمه مـن بارينه
وشايل اثــر مــن النبي اوالينه
مويحترگ كون ابوفه محنينه
ريحت نبي بـي اوعـلي
شايل صفه بخت الولي
حضره ويصير وينزار وللاسف صايـر حومه
*****
جابو حطب والدارچ يحرگونه
كلـمن يضدچ شـاهدات اعيونه
ظلعچ اجو يـافاطمه يكسرونه
شرهم لـفه الكل تعرفه
ندري الغدر بـيهم صفه
التمو عليهه الاشرار ومنهم صفت مهظومه
*****
التمو عليهه الدوني والمادونه
كلمن حقد امشكبنات اضنونه
واحدهــم امتاز ابكفر تدرونه
كلهم عــده اهــل الـرده
هسه الظلم حــان اوبده
اهل السقيفه الكفار عل زهره هــل ملمومه
*****
بحايط اوباب اتهيئت جـريمه
كسرو ظلعهه فاطمه العضيمه
ليلتهه صــارت يــاخلـگ اليمه
تنزف صفت شمعه وطفت
جـار الوكت عداها اشتفت
متحزمه ليهه الظلام والوكت جـاب اهمومه
*****
محمل عليهه اليدفع بكل قوته
يدريهه بلباب احـتمت مبخوته
كل مادفعها الظلع يسمع صوته
صوت الضلع ظل ينسمع
كسره يــزيد بيه تنفجع
يوجع يخلگ الله الصار ضلع ويصب ادمومه
*****
محسنها طايح والدمه يتجاره
والوكت بين للمصيبه اشراره
وگلب الزچيه مــاتهــود نـاره
شافت بــله مــن المــله
والشر اجه الحق انوله
وحايطهه والباب ونار والحرگ كلــنه انـلومه
*****
يزعل بعضهم من اسم عصابه
وهمه عمرهم مـاصفو صحابه
الصاحب غيور وما يكض عطابه
الصاحب يظل شعله وامل
بوكت الضيچ يصبح جبل
اليغدر صفه من العدوان طينته شگد مذمومه
*****
ابوحيدر
الصبيحاوي
تشيع الزهراء نعي
********
نعــش العــزيزه بعيني خليت
مظــلم عليها ومـحزن البـيت
وريـت بنعــش ويـاچ يـاريت
مــيــته ييــمه انـــي تمــنيت
شــالــت عـزيزت گلبي چنها
وروحــي عليـهه زاد ونـــــها
بــــس البـــچي والنـوح فنها
الفــارگـــت امـهه يـــاحـزنها
كــون بنعــش يـايمــه وياچ
شلــي بعــمر يگــضي بلياچ
لــيل ونــهار ابــدمعه انعاچ
تــاليها بــس بطيـف الگـاچ
يــاجناز ريض حـان الوداع
اليــله الغاليـه تتوسد الگاع
اطشر دلـيلي اربــاع ورباع
من گالو خبرها بسلف شاع
يلشايــل حملها ارجوك خله
حطيت بــدليلي الــــف عله
بچينه والحــزن لتضن امله
وبغمضت العين الدمع اهله
ويــاها بنعش ياناس خلوني
راحن بلبچي ياوادم اعيوني
اون العـمر كلــه ولا تلوموني
ويـه امي اريدنهم يشيعوني
*****
التــمن كــل مصــايبــهه وجنهه
وحسرات الگــلب بــيهه وجنهه
نــاگــع مـن دمعها ظــل وجنهه
وبچت مهظومه ياناس الزچيه
يحيــدر للـــزچيه دوم ضلعين
بلصطره خيال وصــار ضلعين
رچيچه ونكسر ياناس ضلعين
وهوت بلباب بت خير البريه
تچويني يدمعي شبيك يناز/نزيز
وهـود يادليلي استچن يناز
بل زهره رحت مهظوم يناز
وعليهه يلوب حماي الحميه
*****
ابوحيدر
الصبيحاوي
نعي الام
*******
احــــس البـــيت يــاكلني بدونچ
وعيني اشتاگت الشوفت عيونچ
ويـــن انتـــي واگلــلهم يجــونچ
الدنيه بلايه ام يخنگ هواهه
****
ادگ الباب بلكي انتي تطلعين
يرايت بيتـنه وهيبت دواوين
يمه تصيح الچ حتى الشراين
يل بس شوفتچ النه نفاهه
****
عزيزه وغاليه امــنه الحنينه
نحس من غربت زايد بچينه
بعد ياهو اليحن بعدچ علينه
عيوني فارگت امي وضواهه
****
بعـطرهه البيت يتنفس دريته
عليهه الدار ظل كاتب وصيته
وبس النوح من راحت جنيته
وانه الهم صفه حصتي بلاهه
****
ادگ الباب كـون وتفتح امي
يتيم ابــدونهه ياناس اسمي
مـن يــوم الجفتني زاد همي
وكلشي وياي حسيته نعاهه
****
صـفت عدوان ويــاي اليالي
وانه الفارگت ياهلناس غالي
من يوم المشت بظيم حالي
ومرد دلالي ياوادم جفاهه
**************
ســـهم فــركــاج بلدلال يومي
كلف وكتـي وحسن بــي يومي
اظوگ اذيال ثوبچ عسل يومي
حرز يمه احسچ انتي ليه
**********
ابوحيدر
الصبيحاوي
گلبي منصاب يبــويــه گلبي منصاب
****
بــويـــه هــــدو كــــل علــيه بــداري
وبلــگلب والـــــباب شبــــت نـــــاري
بحضني طاحت من عصرتي اسراري
ظلــعي انعــاب يبويه ظلــعي انعاب
****
الدنيه جارت وانــه كاتلنـي الخجل
بعصرتـــي حسيت مـــر بيـه الاجل
حشـميت المــوت وتمــــنه العــجل
ضني هلخـاب يبويه ضني هلخاب
****
گمت اتـوچــه ابروحي مــــن گمت
بــويـــه مهـظومــه واحـس اتئلمت
مــن صطرنــي بخدي چني تحلمت
والگـلب ذاب يــبويــه والگلب ذاب
****
خــــاف يگلبـها مـــن اگـولن حيدره
وللخلـيفه يـــــروح بيـــده يــــوذره
خفــت انـــه الــديـن يگـضي ابأخره
يگظي العتاب يبويـه يگظي العتاب
****
گمت مـــاگــوم اعــله حيلي انلـچم
وگلبي بلبسمار ظـــل هـــم ينحجم
بيتي بمصابي احــس ظـــل ينهجم
فـرنـي دولاب يبويه فــرني دولاب
****
نـــار بـــابـــي بگلــبي يتحـول جمر
وگمت احــس ايـــام ويخلص العمر
طـــاح محسن وانــي مــاظلي صبر
كشرو نـــاب يـــبويـــه كشرو نـــاب
****
ابوحيدر
الصبيحاوي
نعي للزهراء ع
**
الزهره تگله يمه حسين يبني
عليك انه انوح ومــو عليه
يمه البين عنكم هم بعدني
القدر لمن اجـه ماتت اديه
****
عشت ايام محسوبات حزني
وگبل الباب خطيت الوصيه
من عملت الباب اوغرگ جفني
الشمس بعيوني تتراوه المسيه
****
يابسمار دهري شبيك هدني
وي كسر الضلع شفت المنيه
يمه ادموع عيني هم چوني
وتهـد الحــيل يــايمـه البليه
****
النعو يحچون كلهم يمه عني
وحرگ الباب والعصره قضيه
نــاگــع بـلدمع مانشف جفني
يــوم الطايـح المحسن رميه
****
المصايب والنوايب هم لفني
وابات الــدمعه بعيوني نديه
واسكت بلونين ويـعلـه وني
وانه الزهراء بت سيد البريه
****
همومي ثگال مـن مرن ولني
وــشفت ابعيني اهات الرزيه
نــار اوبـاب والبسـمار هـدني
ضلعي صاح مظلومه الزچيه
****
ابوحيدر
الصبيحاوي
مــامـات النذر عمره الهله ودينه
نصر الله نغدر من غمضت عينه
****
يدري الموت اجاء محضر الموته
صاح الحيد بـــي وينسمع صوته
كـــل الديره الــــه مـولاي تـابوته
ضحه بروحه ومطشرهن اسنينه
****
يمرجف العـده كــل عمره ويامه
وكل شيعي اليحبك رافـع الهامه
شلون اليــل بعــدك عيـني تنامه
على فراگك نحس الدمـع والينه
****
راح الچان يرجف مرحب بشوفه
وكل اهل السبت حطلهم الخوفه
صار اعـله السن يــدرون سالوفه
بي ريحت علي واوصاف هادينه
****
مامحسوب ميت كل شهيد اوياه
كلمن طــاح اجــاه حسين يتلگاه
نعادت كربله والطف حضر بلواه
وطايح يــاخلگ اليــله حـــادينه
****
مثل قمت جبــل عــالي يعرفونه
عزيز وغالي عــد ربـعه ويهابونه
مثــل عـمه الگمر تجـادح اعيونه
ومـــن بخته تـــره معـليه بارينه
****
عليك الدنيه كلها تحـولت دمعه
والمخلص الك دگ ولطـم ظلعه
ابو الغيره اعرفك نخوتك فزعه
بچينه اعليك يـل رايح مخلينه
****
ابوحيدر
الصبيحاوي
حرگ بابي على احبابي احس بلوعة البسمار
انــه الحره انـه الزهره زماني واليضدني جار
*****
التمت كلها يم الباب الحاقد والظلمني اهناء
والشايل حطب عـل بيت جايب زمرته وياء
موقف بي دمع واهات يظل للدوم مـاننساء
بــده حزني كثـر وني وگلـبي بلمصاب احتار
انــه الحره انـه الزهره زماني واليضدني جار
******
احس كلشي عداوه صار دنيه والوكت ضدي
اموتن وحيه كــل ساعه ومائنسه تــره خدي
بحرگه من اجوني بيوم ودمعي كلــه متبدي
گضه دمعي الحزن طبعي خلالي چثيره اثار
انــه الحره انـه الزهره زماني واليضدني جار
******
علي اهــل الظلم جــارت ونسو انــي الزچيه
ضــل جرحي لهذه اليوم وگمت اصفگ بديه
هـــدت زمـــره كلها اشرار وكــل دارت علـيه
صحت ربــي نكسر گلبي وشعلو بـدليل النار
انــه الحره انـه الزهره زماني واليضدني جار
******
الــدفع بــابــي ولا انساه خلـه بلگـلب حسره
وطيح كــل دمــع عيني ومـاظلت ولا گطره
مــن نــاره الحرگ بــابـي بدلالي بقـت جمره
يظل همي وحرگ دمي طشت بلخلگ اخبار
انـه الحره انـه الزهره زماني واليضدني جار
******
وگــع ابــني اثــر عصره بويه ومارعو حرمه
شفت وليدي لمــن طــاح عزيز وسابح بدمه
احسن بلگـلب لچمات وزادت حسرتـه وهمه
بيـــه الاه كــثر بــلواه وعلـــيه دارت الكـفار
انـه الحره انـه الزهره زماني واليضدني جار
******
ابوحيدر
الصبيحاوي
جيت اعزي المنتظر اليله احزان اوكدر
اليله سامره بدمع نكسر للمذهب ظلع
اليله احزان اوكدر
************
جبت دمعي راح اطشه وزرع بدربك حزن
وحصد ادموع بمصابك منجل جروحي يون
حابس الامي اجيتك ويمك انفك السجن
گلبي مدري شبي يمك وحده ينوح ويحن
بصدري شايلك لطم جن يتيم ومنهضم
ويومه يگظيه ابقهر
*************
اواسي روحي لو امامي حيره وحتار الفكر
الدمع اسف صاح اسمعه يجوي خدي ويعتذر
مو دمع صبت عيوني گمت احسنه جمر
ريت سم احشاك بينه وكون دلالي يطر
عمري وسنيني فده وبجي بگد النده
يواسي بروحي الدهر
*************
هذه مجلس ذاك مجلس والدمع شد رايته
توكل ابالله دليلي اليوم ينعه خلته
ندور الغايب نريده ندري يبچي بسكتته
مختنك ودموعه تجري وتبچي حته چلمته
وحصرته صارت جرح بلنفس چن ينفتح
وسوت ابگلبه آثر
*************
جينه نحمل بينه لوعه وكسرت الخاطر سوه
ويمك تعاندني ريتي تگول بس يمه الهوه
گلبي شايل نار بعدك وصدري من عدهه نجوه
ظلمه دنيانه بدونك ونته مصدر للضوه
منعرف گول اوفعل اسم لا ما ينجهل
روحه للمذهب نذر
**************
ابو حيدر الصبيحاوي
نصيح يامهدي يامهدي
نصيح يامهدي يامهدي
*****
اجيـنه انصـب دمع بلحسره والونه
على امصاب الحسن ماتبرد الجمره
اليــوم الــكل اجــت مـولاي تتـعـنه
تنـشف ادمــوع وادم ماتظل گطره
نصيح يامهدي يامهدي
******
اليله الدين ينعه وگاطع الظنه
وكل الناس بيهم تخنگ العبره
وحل الموت يمك شفته وادنه
يـومـك صار بينه يالولي عثره
نصيح يامهدي يامهدي
******
اومـجلس هم الك سوينه ياجنه
وندري الغايب ابگلبه الف حسره
مـصابك ظـل جـرح يلغالي المنه
يمن طش اعله سامره اثر عطره
نصيح يامهدي يامهدي
******
على بابك اون اوصدري ادگنه
يل بيك العمر يندم على عمره
ومن الطم اريدن گلبي الچمنه
اوهـوه بـحالتي وابونتي ادره
نصيح يامهدي يامهدي
******
ولــو بيـدي يصـح دلالــي اوذرنـــه
ولاشـوفـن امـامـي الغـايب اوقهره
عــليه حـتى الـدمـع من الله امحنه
وعليه اينوح كلشي وتلطم الشجره
نصيح يامهدي يامهدي
******
ابوحيدر
الصبيحاوي
سامره احاچيچ اليوم اخذتي احبابي
سامره احاچيچ الــيله مــوحش بابي
سامره احاچيچ اعـليچ ابـدي اعتابي
ودع حياته الــچان لعيوني ضوه
ودع حياته ويخنگ اشماله الهوه
ودع حياته ومــالگه العـلتـه دوه
ماشي سكته وعـايـف الدمعه الي
ماشي سكته الــيله مـاظـل الـولي
ماشي سكته الريحته ريحت علي
عاف داره هــاذه ابـوي الهيبه
عاف داره الراح ياهو ايجيبه
عاف داره الـبينـه زارع طيبه
ياعسكرينه الدنيه ظلمه بدونك
ياعسكرينه فدوه رحت لعيونك
ياعسكرينه الوادم اجت ينعونك
غايبنه حاضر لابس اهدومه السود
غايبنه حاضر بچـادر ابـوه مـوجود
غايبنه حاضر وبـروحـه گام ايجود
************
ابوحيدر
الصبيحاوي
نعي /الامام العسكري ع
******
للعسكري دمعي وحسره والونه
وگلبي ابلوعته المولاي يتعنه
ادور الغايب ويـــاهـو انشدنه
عمت عيني مشه وداره خليه
*****
يون المنتضر والدمعه تنهال
يحس بحرگته تحرگ الدلال
موقف هاذ بيه تهتز الاجبال
الولي مهضوم ويودع وليه
*****
الناس اعليك متوزره بل ادموع
شعلنه بليلتك مولانه الاشموع
نحس الكون كـله ويانه ايلوع
وحتئ انهارنه صاير مسيه
*********
گلبي شال چــم لــوعه وياهم
عله الراحو خذو روحي وياهم
يوسفه الموت مـر غفله وياهم
بلايه اوداع راحو من اديه
****
ابوحيدر
الصبيحاوي
ام عباس يــاهــل نـاس عمري افدي وسنينه
لال البيت هــم وافيــت بشـرع الباري ودينه
******
بــدت رحلت حياتي اهناء يم حيدر واولاده
گلت كل عمري وياهم اعيش بخدمة الساده
گلبي مــن هــواهــم گــام منهم ياخذ امراده
اظـل ادعي يهـل دمعي وگلبي اسمع اونينه
****
عشت بين الهلا والطيب وبين احباب دلالي
عشت متوصطه ال البيت غـالي ابئثر غالي
احس گلبي يناس احتار ودمعي بين ايلالي
هاي اسنين يــم حسين عيني گــرت ابعينه
****
كرامه مــن الاهي هـاي وبيها الباري كرمني
قسمه يم علي الكرار اميـره بمخدعي چني
صرت باب انه للحاجات رب الكون فضلني
بخت وجاه عدي الگاه بيت النبي مكرمينه
****
جبت احزام مـن اولاد كلهه بخدمة حسيني
مـن عدهم گمر عباس صوت الحق يناديني
ربيت الوفه بكل زود والهم رخصت اسنيني
وفــه كــلي انــه وضلي ويشهد بـيها والينه
****
انه البيه الونين اشكال ويوم حسين هداني
وضل بيه الدمع ياناس وصـار بزود عنواني
كل اسنيني فدوه تروح فـدوه العين خلاني
انه الحره وضوه الگمره وخدم بيت هادينه
****
ابوحيدر
الصبيحاوي
القاسم ياعزيز الشان كون ابگلبي ادفننه
****
عمرك خلص ابغربه غريب اوعيشتك صعبه
يبن التعبو گلبه يمن تستاهل الونه
*
بعينه ضاگت الوسعه وحسره بصدره متگطعه
عليه اتلالي الدمعه وصيحن دمعتي منه
*
يلچنك گمر عالي غالي والابو غالي
بسمك نبض دلالي اوطرواك اني اتمنه
*
همك واليالي اثگال الله يساعد الدلال
حالك مايسر الحال وبهلك گاطع الضنه
*
امير ويخدم ابناسه وعالي مانزل راسه
اخذ اوصاف عباسه وحيدر بلكرم چنه
*
خلص عمره ويامه بروحه شايل الامه
شد الدنيته احزامه وبيرغ صار ومحنه
*
عاش ابغربه تاليته وذايع بلخلگ صيته
فدوه الطرف خاجيته حزين وبلحزن فنه
*
مات اوكشف اسراره وكل الناس محتاره
القاسم صاحب الشاره اجاه الموت وتعنه
****
ابو حيدر الصبيحاوي
مدري شجاني اونيت شالو نعشها وحنيت
حسيت ماشوفچ بعد امحزم وجاني الوعد
مدري شجاني مدري شجاني
****
شلون العمر اگضيه واحس امــي بعيــده
چــني غــريب بــدنيه اظل والهــم ازيده
كــل دمــعه بعـيوني جرت صبت عنيده
يــمه مـن اصيحن انلــچم وهمومي بيده
يلماخذه گلبي وياچ عمري اخلصنه انعاچ
ودموع عيني بديت
مدري شجاني مدري شجاني
*****
كــل ليـله اونــن ونتحب يمــه الحنينه
بيــه الــوكـت عـثره عثر وبگــد سنينه
گلبــي يتــلوه مـن البـعد الله يعـــــينه
صــرنــه يتامه ابلايه ام نفـــرگ بدينه
محتاج اشمچ يمه ودلالــي يبــرد همـه
ياموت بيه شسويت
مدري شجاني مدري شجاني
*****
شمـا يكـبر ابنــادم يـحن لمه وضواها
يـاريت لحضه من الزمن يشتم هواها
تـايه يــظل طــول العمر لومــا لگــاها
وحسره عليه كـل المضه الخلص نفاها
اليمه شكثر تعنيلي شما اكبر اتلوليلي
وياي هسه تمنيت
مدري شجاني مدري شجاني
*****
يگبور اهلــنه اليــله اجه نعـش العزيزه
وگلبي بمصابه يظل تره طــافح نـزيزه
خلت حـزن روحي يظل بـــيه ركـــيزه
الهم والدمع بيــه صــفه صايرلي ميزه
والبعد بيتي غربت روحي بروحتها خذت
ابروحي حاير ضليت
مدري شجاني مدري شجاني
*****
اليــله اخـــر الــيله الـي تمشي الحـبيبه
ايــام عمري چن گضت بلحضه عجيبه
صارت احس كل دنيتي بيــه غـــريـــبه
شيهود ادموعي التصب بهــاي المصيبه
بچاني وكتي اصياحه عمري گضه بنياحه
وياهــا ميت ياريت
مدري شجاني مدري شجاني
*****
ابوحيدر
الصبيحاوي
ماتت فاطمه ماتت فاطمه
******
دوريتــچ مـالگــيتچ ونتي لجروحي دوه
يافــرگتچ يــاجمرتچ
ياهظمتچ يــادمعتچ
بــيهه دلالي انچوه
بچن اعيون الضوه
تمادو اعليهه الشماته كلمن بجوره وصفاته
الوكت حضر نايباته ومات بعيوني الهوه
نگعانه بدمه ماتت فاطمه
****
يــاحياتي ومنـياتي احباب الـچ يردونچ
ياحسرتي ياعبرتي
يـاچـلمتي يادمعتي
شلون حـالي بدونچ
كـــل فــده لعـيونچ
اليل ونهاره بدمعنه نبچي ومحد سمعنه
مصابها اليله فجعنه الموت سد اجفونچ
نوح وخاتمه ماتت فاطمه
****
ياوعدنه والبعدنه فراگها ماضن سهل
يابختنه الفارگتنه
والمـتنه المائجتنه
وخلت الدمعه تـهل
وچــنه نتنطر عدل
صرنه بفراگچ يتامه ونت اعلينه الحمامه
النوح سوينه علامه ونگطع حبل الوصل
حزنانه السمه ماتت فاطمه
****
مانسينه الفارگينه صار دمعي اعتابي
ياهـوانه العذبانه
يامچانه دوهنانه
مشت اغله احبابي
وعنــه ينشد بــابي
حتى دلالي نشدني ياونيني وزاد حزني
وماابطل لحضه وني يهد حيلي مصابي
گلبي شلاچمه ماتت فاطمه
****
يافجعتي يادمعتي الصار ظــل ياذينه
هاجريتي ينــويتي
مائجيتي يلمشيتي
الهجر يجــرح بينه
وكلمن تصب عينه
يوجع مصاب الحبيبه روحي احسنها غريبه
هدت الحيل المصيبه وگلبي زاد اونينه
الكون نعمه ماتت فاطمه
****
ابوحيدر
الصبيحاوي
يجيني ونيــني
واحس ياذي البعد
ومــرد گلبي مــرد
ونيني ونيني
***
يمه عوفي المگبره فدوه ومسحي ادموعي
يمه مــن كـثر الاطم توجعني حتى ظلوعي
صدي شوفي حالتي مختلف لــوني ونوعي
رخصت ادموعي بغيبتچ محد يصبر روعي
يلعزيزه الدنيه من دونچ ظلام
يلعزيزه بموتــچ اينوح الحمام
صفه بيه جرح الوكت حطله ملح
ونيني ونيني
**
كلــف يــومـچ يلحنينه خـمش دلالي خمش
تحاربت عيني ودمعها وحيرن صبر الرمش
فــدوه يــاجـــناز تــاني خوه حيلي لا تمش
صــارت بعيــني غشاوه وگلبي بلاه ينهمش
يلحنينه كلشي بي ذكرچ دلال
يلحنينه البچي بفــراگچ حلال
جرح عيني نده الحزن تــوه بــده
ونيني ونيني
**
بيه مجروحه الاماني وصار واقعنه سراب
الماله ام يكسر الخاطر دنيه يگظيها عذاب
وذيچ دمعاته العزيزه طلعن وماظل حجاب
يامصاب البيه ياذي شكبره ياناس المصاب
ياجرحنه الكبر بينه اوماشفه
ياجرحنه عــاف دمه ينز وفه
بچت دنيه علي بقيت افرك بدي
ونيني ونيني
**
الشالو امــه گــبال عينه عميه يتمنه العيون
تسكن الاه بدليله وتبقه بس حسره وضنون
الغــربـــو عـافو مناحه راحو وماضن يجون
يعينه الله المشت امه شلون تغمضله جفون
يادمعنه ماسكت ساعه وهده
يادمعنه مـــطر ومـخلف نـده
هويت انه الدمع البچي صاير طبع
ونيني ونيني
**
راح اطوف اعله المگابر وشعل اهناكه بخور
وراح اصيحن يمه وينچ بلكي تصيح اوادور
مي ورد والعطر منـچ وحضرت كومت نذور
وللگبر اتمــنه بـــاب وريت يــم حضنچ ازور
ياجفاها حط اثــر نص الگلب
ياجفاها صحره وتاني العذب
بچت كل دنيتي الدمع ظل سلوتي
ونيني ونيني
**
ابوحيدر
الصبيحاوي
هنياله الـحد بنـص گلبه خلاچ
صاحب بخت يمه المات وياچ
كلشي مات بينه بس عايش بچينه
هنياله الحد هنياله الحد
*****
اليل مـــن يمــرنــي ياذي صفنه تاخذني وترد
تــزيــد كــل احـــزان بيه اليــله اودعنـه الورد
بطرف عيني ادموعي كلها كاضها جفني وتهد
شلون اعيش بدون شوفچ يمه يگضيني البعد
بعيوني اسد چن الدمع طاح
اسمع تـره بــس وني والنياح
اون اعله الحنينه بس عايش بچينه
هنياله الحد هنياله الحد
*****
مــاي عيني وشليته وخلص مــن عـدها الدمع
يمــه نـــار البــعد توجع وتحرگ ابروحي شمع
چم تعاي الصحت بيهه وصوتي ماضن ينسمع
حسره بگليبي شكبرهــه وصــارت بگلبي طبع
تعـلمت الحزن بيــه صفت اه
جرح بيه تره وبعمري منساه
المشه ماضن يجينه بس عايش بچينه
هنياله الحد هنياله الحد
*****
العــايش بـــلا ام خطيه يگضي غــربــه ايامه
چـــن زغــير وتــاه صدفه وضل يعض ببهامه
الماتت امه ايموت احسن سوده حتى احلامه
تظيگ بيـه الــدنيــه كــلها وبــي تــزيــد ألامه
ماتسوه بعد كــل دنيته هاي
لـو طاح برمــل شيلمه الماي
وبعد ماصح بدينه بس عايش بچينه
هنياله الحد هنياله الحد
*****
گمت اشوف الدنيه صفنه موتـه اشوف البيها
بداخلي كــل صوت اسمعه مـــن يمـر طاريها
امنيت كــل عمـري هــيه وهســه گمت انعيها
وهسه تحت اتراب امـي تــراب ظـل غاطيها
راحت ماتجي ظل داري خالي
وعيني بكل وكت ضلت تلالي
الگلب زايد ونينه بس عايش بچينه
هنياله الحد هنياله الحد
*****
گــمت احــب الموت لجلچ وگــمت اگلله تعال
روحي مــو مـالت بواچي معلمه تحـب الدلال
فــدوه ردي يلحنينه حتـى لـــو شـيله وخيال
مــن كثر بچي البـچيته صــرت لليبچي مثال
كــثر البـچي يحط بلگلب ظيم
مــاكو صحو والدنيه بس غيم
بحزن احنه نولينه بس عايش بچينه
هنياله الحد هنياله الحد
*****
ابوحيدر
الصبيحاوي
نعي/الزهراء ع
***
اليــله البيــت حيطانه حــزينه
وگلبي يـاخلگ عـــالـــي ونينه
ودري الـــراح مـــاضنه يجينه
نــون ظلــينه ونـفرك بــديــنه
ظلمه بيوتنه ومابيهن اضواچ
تمنــيت المــنيه كـــون ويـاچ
كلي ينوح يمـه وگــام ينـعاچ
موحش وكتي اشوفنه بلياچ
سيرنه اعله بيتچ يبچي كله
وگمنه النوح مـــانگــدر نمله
يمــه فــرگتــچ ســوتلي عله
دمع العين يچويني من اهله
من اگولن يمه تلچمني الشماته
والـــماعـــده ام شـــله بحـياته
البچي والنوح صــاير مشتهاته
ويحس الريج ناشف وي لهاته
مـــر الــماي بـــفراگــچ لگـيته
وعلـيه النــوح بعــدچ علميته
ظهري علـيچ يـايمــه حــنيته
وبس الحزن يــــاوادم جنيته
صـــار الحـزن ثــوبي وماامله
دهـــري يـــازمانـي وياي شله
مصيوب بــدليله العــاف خله
وبــس بلنــوح والــون يتسله
**
ابوحيدر
الصبيحاوي
نعي للزهراء ع
**
القريض
**
يــامن جعلة الباب ستراً لها
حتى مبغظها لم ولان يراها
لاذت ببابها زهـراء اونسيتً
وكــان لــها سـدن وغِـطاها
ولاكنهم عصـروهـا عصرتً
كـادت تـفني روحها بفناها
*
نعي شعبي
****
للزهــره البـچي والنوح ولاه
وياظلع الزچيه شلون ننساه
اونــن والگلب ايصيح احـاه
ريـت بظلعي كسرچ يلزچـيه
ونيني اعليچ ياگمره ابمسيه
اليـله تنــوحــلچ كـــل البريه
**
ســـهم فــركــاج بلدلال يومي
كلف وكتـي وحسن بــي يومي
اظوگ اذيال ثوبچ عسل يومي
حرز يمه احسچ انتي ليه
**
ابوحيدر
الصبيحاوي
لقد اشتقنا الى امنا فاطمه فا اتينا مسرعين
قالت سيداي امكما نائمه وتعبا فا دعاها
تستريح
قالا يااسماء
امنا لاتنام في هذه الساعه بل تقراء القرأن
وتسبح لرب العالمين وتصلي
دعينا ندخل عليها قالت سيداي دعاني اضع
لكم طعام تاكلانه قالا يااسماء منذ متى ناكل
من دون امنا فاطمه اجركما الله دخلا على
الزهراء الحسن عند راسها وجدوها نائمه على
الارض الحسين عند قدميها الحسن ينادي
اماه انا الحسن كلميني الحسين عند قدميها
اماه كلميني فما من جواب رفع الحسن الغطاء
عن وجه امه امعن النضر الحسن صاح اخي
ياحسين ان امنا الزهراء ميته اخرجا يركضان
يهرولان يبكيان ايصيحان متجهان الى
المسجد اوقفهما احد اصحاب رسول الله
قال مابالكم يا اولاد رسول الله لماذا انتم
بهذا الحال هل تذكرتم جدكم رسول الله
فتبكيان عليه قالا لا لا ولاكن ماتت امنا
فاطمه ارسلا صوتهم الى ابيهم داخل المسجد
ابا ياعلي ابا ياعلي ماتت امنا فاطمه اول
ما قام علي ابن ابي طالب ع اول ماقام
يسترجع ويقول انا لله وانا اليه راجعون
اول ما مشى علي وقع على واجه من شدت
المصيبه
**
نعي / گرناوي
***
من جاني الخبر ماظلت ادموع
واحس بلروح مفجوعه بخبرهه
گالــو مــن جفت دلالي مفجوع
وتمنيت انه كون امشي باثرهه
عليهه الگلب ظل بلوعته يلوع
ويــون يــانــاس ويانه قدرهه
ام البيت راحت شعلو اشموع
وروحي هسه هل بين كدرهه
*
الــدنيه بدونهه ماتسوه كلشي
وانه غطه الدمع ياناس رمشي
حيــلي راح مــابــياش امـشي
ونزلت دمعتي بموت الزچيه
ضلمه الدار من غرب ضواهه
واحس دنياي يخنگني هواهه
عــزيزه الغاليه وياذي جفاهه
وصار امصابهه نوح اواذيه
**
ابوحيدر
الصبيحاوي
نعي
السيد حسن نصرالله
****
النصر الله استعد ملك المنيه
وگال اليله عنده اخــر مسيه
يسمع صـوت وتنادي الزچيه
وتــالــي الحــيد بلغبره رميه
****
ياچيدوم غفله نباگت اسنينك
يلوحدك باقي وچنك حسينك
صاحت شيعتك سيدنـا وينك
يلحاميت طــول الـعمر دينك
****
ناسك صبحت بــعدك يتامه
يلصرت ابوجه وكتي علامه
دونـك عمــر يگظــي بندامه
خلصت السنين بـلاء سلامه
****
لاگيت المصير بصدر مفتوح
مثل حسين مـاتنعد الجروح
كل ناسك عليك تلوج وتنوح
يلميت غــدر مـامـاتت الروح
****
يجرحنه الخبر ونعزي غايب
علينه اهواي كثرانه النوايب
لتمت ياخلگ كلهه المصايب
ودلالي عليك بحرگــه ذايب
****
احس الدنيه بغيابــك حزينه
وگلبي اعليك مــابطل ونينه
نظل للموت مـايهــدء بچينه
مشتاگين خل طيفك يجينه
****
النار اوصاله ماتوصل دفنهه
النوايب جثت الغالي دفنهه
اليله الغايــب مــحزم دفنهه
ويمه تصيح فاطمة الزچيه
*
ابوحيدر
الصبيحاوي
نــون ياناس نندب عسكرينه
وگلب احبابــه مــابطل ونينه
اباهاته محتاره الدنيه
*****
بغمضت عينه خلانــه يتامه
خبرو احبابه اوخبرو عمامه
بسـم اعــداء لــيله مــاينامه
وكلنه انــوح للـغالي وبچينه
بمصابه عزينه المهدي
*****
تنوح اعليه سامــره ابكبرهه
الوادم شايطه يلهب جمرهه
اجتك نـاس تفديك ابعمرهه
تدگ اصدورها وتندب ولينه
بعيوني ماخلي الدمعه
*****
نبچي اليله نعمـيهه النواضر
المهدي بلعـزه ويـانـه حاضر
بيه ادموع كسرات الخواطر
وكلـنه للولــي نحــنه ونعينه
تچوينه دمعات افراگه
*****
اظــلم بيتـه ومفــارگ حنانه
وهسه ويــن يـاوادم مچـانه
الشـد ارحالـه مــاظنـه نسانه
وتلطم من مشه الهسه ادينه
التمينه انواسي العتره
*****
بويه يصيح مهدينه بحسرته
تهــد الحــيل مــولانـه عبرته
شــال الحــيد تتــعثر چلمته
يگول الراح مــايـرجع علينه
بحسباته اهات وفرگه
*****
الناس تـنوحلك هـاي المسيه
انه ظليت اون وصـفگ بديه
عليك تـنوح ويــانــه الزچيه
وكلـنه اليــله ويــاهــا اجينه
عينوني بلونه ودمعه
*****
ابوحيدر
الصبيحاوي
سامره بچت صوبين اليله تودع الغالي
********
على اليسوه البچي والنوح ونينه
اولطمنه اصدورنه بمصاب والينه
جبـنه ادمـوعنه ويم بابه طشينه
واحدنه الدمع واليه وظل بعينه ايلالي
********
اليـله المـوت جرح كل خواطرنه
طاح الشوف من هملت نواضرنه
اجينه انعزي غايبنه الي حاظرنه
وندريهه تصب العين يوم الرايح الوالي
********
نــون اعلـيك ونه بهظم جراحه
گلبنه ينوح ابد ماشايف الراحه
ثغيب اباب گلبي اسمع اصياحه
واحس بلاه تاذيني ريتك تنظر الحالي
*******
مواكب مـن اجت مولاي عنايه
وجتـك ناس كلهه شايله الرايه
يماي انته وزلالك ماخبط مايه
واسمع ونه ويه الون وتوجع حيل دلالي
*******
اليوم العين لجل الغالي نعميهه
ونوشل ادموعهه الاخر تواليهه
ونـون سـامره كل احنه نعزيهه
مكدره وحايره اعيوني وبس النوح يبرالي
*******
نـردد صـوت كون الغايب اهنانه
ومــن نـجبل لبـوه كونه ايتلگانه
نسـوي اقـرايه ريته يلطم اويانه
وكون ابنص لطمتي هـم يـجي اگـبالـي
*******
ابوحيدر
الصبيحاوي
ســامره اتنــوح اليـله كـلهه احزان سامره اتنوح
دلالي مجروح ويه النبض حسيت دلالي مجروح
بمـنازع الـروح يگضي النهار اوياه بمنازع الروح
والدمعه بينه انون ابمصابه انوح والدمعه بينه
اه يــاولينـه ومـجلـس الــك سـويت اه ياولينه
ماهدت عينه الغايب عليك اينوح ماهدت عينه
غايبنه حاضر بمصاب ابوه اليوم غايبنه حاضر
مكسور خاطر ظل الولي مهموم مكسور خاطر
دمـع النواضر وشل ابنوحه اعليه دمع النواضر
ايودع حبيبه الغايب اجه محتام يودع حبيبه
يـوم المصيبه واكلف عليه اليوم يوم المصيبه
ليــله رهـيبه تــوزرت بـيهه ادمـوع ليله رهيبه
انعه الاحبهم حسره بدليلي اونوح انعه الاحبهم
انــدل دربـهم مغـمض اجـي ياناس اندل دربهم
الــروح عـدهم بس الجسد ظليت الروح عدهم
شيعي موالي وبگلبي لوعه اعليك شيعي موالي
يــلعدي غــالي تسوه الدمع والنوح يلعدي غالي
ايــون خــيالي گــابلني اعله الصار ايون خيالي
*****
ابوحيدر
الصبيحاوي
نعي للامام الحسن ع
****
ضلمه ابيوتنه واليل چنه انهار
وبــديــنه الــدمــع للــغالي كله
اليله العسكري ويــانــه خـطار
ودمــع العيــن صاير النه كحله
بسامــره الــونـين ايگعد الجار
مصيبتنه چبيره وموش سهله
على المظلوم نبچي نلطم الصار
وقــائمــنه ينــوح بـصوت خله
ديــن الله يــون اعلــيه محتار
وسوت فرگته بكل نـاســه عله
بويه يصيح مهدينه الوكت جار
يصافي الماي هسه الماي دهله
طــاح اليله خــازن دين وسرار
ومفجوعه الخلگ ياناس وهله
*****
ارحلت مني بسواد اليل ياليت
وزمــاني شبيك بلدلال ياليت
اگولن كون بلكي يعود ياليت
واسولفله الزمان اشسوة بية
******
ابوحيدر
الصبيحاوي
نعي / للعسكري ع
******
مجرد
*****
بچينه عليك انــزيــد يلــغالي بچينه
اجينه نــون ابحسره وبلــوعه اجينه
ونينه گلبنه يــون على الـغالي ونينه
حچينه يظل يخنگنه بلعبره حچينه
دمــعنه نصبنالك عزيــه بــكل دمــعنه
فجعنه الزمان ابطيحتك ظالم فجعنه
وجعنه مـصابك حــيل تدرينه وجعنه
طبعــنه صــار الحزن سلوتنه طبعــنه
اليالي علــيك اليــله حــزنــانــه اليالي
يوالي يتامه النــاس مــن بعدك يوالي
يغــالــي عفت بينه جـرح ينزف يغالي
يــلالــي الدمع بعيـون ديرتنه يــلالــي
عاشوري
*******
بچينه ادموعنه وصبت عمرنه
وعــليك ايــنوح يلـغالي گلبنه
يــومــك نــار ونــحسه جمرنه
وتون اعليك مفجوعه البريه
البــريــه اعليك مـابطل حزنهه
ونديه اعيونهه وطافح جفنهه
تعــال اوســمع الــوادم اونـهه
على المسموم ونتهه شجيه
*******
ابوحيدر
الصبيحاوي